The Lineage of the Prajapatis

Verse 1 (shiva.vayaviya.17.1)

वायुरुवाच । एवं लब्ध्वा परां शक्तिमीश्वरादेव शाश्वतीम् । मैथुनप्रभवां सृष्टिं कर्तृकामः प्रजापतिः

vāyuruvāca | evaṁ labdhvā parāṁ śaktimīśvarādeva śāśvatīm | maithunaprabhavāṁ sṛṣṭiṁ kartṛkāmaḥ prajāpatiḥ

Vayu said: Having thus obtained from the Lord that supreme, eternal power, Prajapati (Brahma) became desirous of creating the world born of sexual union.

Verse 2 (shiva.vayaviya.17.2)

स्वयमप्यर्द्धतो नारी चार्द्धेन पुरुषोऽभवत् । यार्द्धेन नारी सा तस्माच्छतरूपा व्यजायत

svayamapyarddhato nārī cārddhena puruṣo'bhavat | yārddhena nārī sā tasmācchatarūpā vyajāyata

He himself became, in one half, a woman, and in the other half, a man; from the half that was woman, Shatarupa was born.

Verse 3 (shiva.vayaviya.17.3)

विराजमसृजद्ब्रह्मा सोऽर्द्धेन पुरुषोऽभवत् । स वै स्वायम्भुवः पूर्वं पुरुषो मनुरुच्यते

virājamasṛjadbrahmā so'rddhena puruṣo'bhavat | sa vai svāyambhuvaḥ pūrvaṁ puruṣo manurucyate

Brahma created Viraj; he himself, from that other half, became the man — and he, the first man, is called Svayambhuva Manu.

Verse 4 (shiva.vayaviya.17.4)

सा देवी शतरूपा तु तपः कृत्वा सुदुश्चरम् । भर्त्तारं दीप्तयशसं मनुमेवान्वपद्यत

sā devī śatarūpā tu tapaḥ kṛtvā suduścaram | bharttāraṁ dīptayaśasaṁ manumevānvapadyata

The goddess Shatarupa, having performed extremely arduous austerity, obtained as her husband that same radiant and glorious Manu.

Verse 5 (shiva.vayaviya.17.5)

तस्मात्तु शतरूपा सा पुत्रद्वयमसूयत । प्रियव्रतोत्तानपादौ पुत्रौ पुत्रवतां वरौ

tasmāttu śatarūpā sā putradvayamasūyata | priyavratottānapādau putrau putravatāṁ varau

From him Shatarupa bore two sons, Priyavrata and Uttanapada, the foremost among those blessed with sons.

Verse 6 (shiva.vayaviya.17.6)

कन्ये द्वे च महाभागे याभ्यां जातास्त्विमाः प्रजाः । आकूतिरेका विज्ञेया प्रसूतिरपरा स्मृता

kanye dve ca mahābhāge yābhyāṁ jātāstvimāḥ prajāḥ | ākūtirekā vijñeyā prasūtiraparā smṛtā

And two most fortunate daughters were born as well, from whom all these creatures descend — one known as Akuti, the other remembered as Prasuti.

Verse 7 (shiva.vayaviya.17.7)

स्वायम्भुवः प्रसूतिं च ददौ दक्षाय तां प्रभुः । रुचेः प्रजापतेश्चैव चाकूतिं समपादयत्

svāyambhuvaḥ prasūtiṁ ca dadau dakṣāya tāṁ prabhuḥ | ruceḥ prajāpateścaiva cākūtiṁ samapādayat

Svayambhuva gave Prasuti to lord Daksha, and he gave Akuti to the Prajapati Ruchi.

Verse 8 (shiva.vayaviya.17.8)

आकूत्यां मिथुनं जज्ञे मानसस्य रुचेः शुभम् । यज्ञश्च दक्षिणा चैव याभ्यां संवर्तितं जगत्

ākūtyāṁ mithunaṁ jajñe mānasasya ruceḥ śubham | yajñaśca dakṣiṇā caiva yābhyāṁ saṁvartitaṁ jagat

From the mind-born Ruchi, in Akuti was born an auspicious twin pair, Yajna and Dakshina, by whom this world is sustained.

Verse 9 (shiva.vayaviya.17.9)

स्वायम्भुवसुतायां तु प्रसूत्यां लोकमातरः । चतस्रो विंशतिः कन्या दक्षस्त्वजनयत्प्रभुः

svāyambhuvasutāyāṁ tu prasūtyāṁ lokamātaraḥ | catasro viṁśatiḥ kanyā dakṣastvajanayatprabhuḥ

In Prasuti, daughter of Svayambhuva, lord Daksha begot twenty-four daughters, the mothers of the worlds.

Verse 10 (shiva.vayaviya.17.10)

श्रद्धा लक्ष्मीर्धृतिः पुष्टिस्तुष्टिर्मेधा क्रिया तथा । बुद्धिर्लज्जा वपुः शान्तिस्सिद्धिः कीर्तिस्त्रयोदशी

śraddhā lakṣmīrdhṛtiḥ puṣṭistuṣṭirmedhā kriyā tathā | buddhirlajjā vapuḥ śāntissiddhiḥ kīrtistrayodaśī

Shraddha, Lakshmi, Dhriti, Pushti, Tushti, Medha, Kriya, Buddhi, Lajja, Vapu, Shanti, Siddhi — and thirteenth, Kirti.

Verse 11 (shiva.vayaviya.17.11)

पत्न्यर्थं प्रतिजग्राह धर्मो दाक्षायणीः प्रभुः । ताभ्यः शिष्टा यवीयस्य एकादश सुलोचनाः

patnyarthaṁ pratijagrāha dharmo dākṣāyaṇīḥ prabhuḥ | tābhyaḥ śiṣṭā yavīyasya ekādaśa sulocanāḥ

Lord Dharma took these thirteen daughters of Daksha as his wives; besides them there remained eleven fair-eyed younger sisters.

Verse 12 (shiva.vayaviya.17.12)

ख्यातिः सत्यथ सम्भूतिः स्मृतिः प्रीतिः क्षमा तथा । सन्नतिश्चानसूया च ऊर्जा स्वाहा स्वधा तथा

khyātiḥ satyatha sambhūtiḥ smṛtiḥ prītiḥ kṣamā tathā | sannatiścānasūyā ca ūrjā svāhā svadhā tathā

Khyati, Sati, then Sambhuti, Smriti, Priti, Kshama, Sannati, Anasuya, Urja, Svaha, and Svadha — these eleven.

Verse 13 (shiva.vayaviya.17.13)

भृगुः शर्वो मरीचिश्च अङ्गिराः पुलहः क्रतुः । पुलस्त्योऽत्रिर्वशिष्ठश्च पावकः पितरस्तथा

bhṛguḥ śarvo marīciśca aṅgirāḥ pulahaḥ kratuḥ | pulastyo'trirvaśiṣṭhaśca pāvakaḥ pitarastathā

Bhrigu, Sharva (Rudra), Marichi, Angiras, Pulaha, Kratu, Pulastya, Atri, Vashishtha, Pavaka (Agni), and the Pitrs — to these eleven, in order, those daughters were given in marriage.

Verse 14 (shiva.vayaviya.17.14)

ख्यात्याद्या जगृहुः कन्या मुनयो मुनिसत्तमाः । कामाद्यास्तु यशोऽन्ता ये ते त्रयोदश सूनवः

khyātyādyā jagṛhuḥ kanyā munayo munisattamāḥ | kāmādyāstu yaśo'ntā ye te trayodaśa sūnavaḥ

Those foremost among sages took Khyati and the other daughters as wives; and the thirteen sons of Dharma, beginning with Kama and ending with Yashas, are these.

Verse 15 (shiva.vayaviya.17.15)

धर्मस्य जज्ञिरे तास्तु श्रद्धाद्याः सुसुखोत्तराः । दुःखोत्तराश्च हिंसायामधर्मस्य च सन्ततौ

dharmasya jajñire tāstu śraddhādyāḥ susukhottarāḥ | duḥkhottarāśca hiṁsāyāmadharmasya ca santatau

The offspring born to Dharma from Shraddha and the other wives ended in great happiness, while those born through Himsa and in the line of Adharma ended in sorrow.

Verse 16 (shiva.vayaviya.17.16)

निकृत्यादय उत्पन्नाः पुत्राश्च धर्मलक्षणाः । नैषां भार्याश्च पुत्रा वा सर्वे त्वनियमाः स्मृताः

nikṛtyādaya utpannāḥ putrāśca dharmalakṣaṇāḥ | naiṣāṁ bhāryāśca putrā vā sarve tvaniyamāḥ smṛtāḥ

The sons born from Nikriti and the rest lacked the marks of righteousness; none of them had wives or sons — all of them are described as without restraint.

Verse 17 (shiva.vayaviya.17.17)

स एष तामसः सर्गो जज्ञे धर्मनियामकः । या सा दक्षस्य दुहिता रुद्रस्य दयिता सती

sa eṣa tāmasaḥ sargo jajñe dharmaniyāmakaḥ | yā sā dakṣasya duhitā rudrasya dayitā satī

Thus this dark, tamasic creation arose, checking the bounds of righteousness. And she who was the daughter of Daksha and the beloved of Rudra, Sati —

Verse 18 (shiva.vayaviya.17.18)

भर्तृनिन्दाप्रसङ्गेन त्यक्त्वा दाक्षायिणीं तनुम् । दक्षं च दक्षभार्य्यां च विनिन्द्य सह बन्धुभिः

bhartṛnindāprasaṅgena tyaktvā dākṣāyiṇīṁ tanum | dakṣaṁ ca dakṣabhāryyāṁ ca vinindya saha bandhubhiḥ

On the occasion of her husband's insult, having condemned Daksha and Daksha's wife together with their kinsmen, she abandoned that body of hers born as Daksha's daughter.

Verse 19 (shiva.vayaviya.17.19)

सा मेनायामाविरभूत्पुत्री हिमवतो गिरेः । रुद्रस्तु तां सतीं दृष्ट्वा रुद्रांस्त्वात्मसमप्रभान्

sā menāyāmāvirabhūtputrī himavato gireḥ | rudrastu tāṁ satīṁ dṛṣṭvā rudrāṁstvātmasamaprabhān

She then appeared again, born from Mena as the daughter of the mountain Himavan. And Rudra, seeing that Sati reborn, [brought forth] Rudras of splendor equal to his own —

Verse 20 (shiva.vayaviya.17.20)

यथाऽसृजदसङ्ख्यातांस्तथा कथितमेव च । भृगोः ख्यात्यां समुत्पन्ना लक्ष्मीर्नारायणप्रिया

yathā'sṛjadasaṅkhyātāṁstathā kathitameva ca | bhṛgoḥ khyātyāṁ samutpannā lakṣmīrnārāyaṇapriyā

— created countless in number, as has already been told. From Bhrigu, in Khyati, was born Lakshmi, the beloved of Narayana.

Verse 21 (shiva.vayaviya.17.21)

देवौ धातृविधातारौ मन्वन्तरविधारिणौ । तयोर्वै पुत्रपौत्राद्याः शतशोऽथ सहस्रशः

devau dhātṛvidhātārau manvantaravidhāriṇau | tayorvai putrapautrādyāḥ śataśo'tha sahasraśaḥ

From her were born the two gods Dhata and Vidhata, who sustain the Manvantara. Their sons and grandsons and so on numbered in the hundreds and thousands.

Verse 22 (shiva.vayaviya.17.22)

स्वायम्भुवेऽन्तरे नीताः सर्वे ते भार्गवा मताः । मरीचेरपि सम्भूतिः पौर्णमासमसूयत

svāyambhuve'ntare nītāḥ sarve te bhārgavā matāḥ | marīcerapi sambhūtiḥ paurṇamāsamasūyata

All of them, in the Svayambhuva Manvantara, are known as the Bhargavas. From Marichi, Sambhuti gave birth to Paurnamasa.

Verse 23 (shiva.vayaviya.17.23)

कन्याचतुष्टयं चैव महीयांसस्तदन्वयाः । येषां वंशे समुत्पन्नो बहुपुत्रस्य कश्यपः

kanyācatuṣṭayaṁ caiva mahīyāṁsastadanvayāḥ | yeṣāṁ vaṁśe samutpanno bahuputrasya kaśyapaḥ

And four daughters as well, whose lineage is exceedingly illustrious, and in whose line was born Kashyapa, the father of many sons.

Verse 24 (shiva.vayaviya.17.24)

स्मृतिश्चाङ्गिरसः पत्नी जनयामास वै सुतौ । आग्नीध्रं शरभञ्चैव तथा कन्याचतुष्टयम्

smṛtiścāṅgirasaḥ patnī janayāmāsa vai sutau | āgnīdhraṁ śarabhañcaiva tathā kanyācatuṣṭayam

Smriti, wife of Angiras, bore two sons, Agnidhra and Sharabha, and four daughters as well.

Verse 25 (shiva.vayaviya.17.25)

तदीयाः पुत्रपौत्राश्च येऽतीतास्ते सहस्रशः । प्रीत्यां पुलस्त्यभार्यायां दन्तोऽग्निरभवत्सुतः । पूर्वजन्मनि योऽगस्त्यः स्मृतः स्वायम्भुवेऽन्तरे

tadīyāḥ putrapautrāśca ye'tītāste sahasraśaḥ | prītyāṁ pulastyabhāryāyāṁ danto'gnirabhavatsutaḥ | pūrvajanmani yo'gastyaḥ smṛtaḥ svāyambhuve'ntare

Their sons and grandsons have numbered in the thousands. From Priti, wife of Pulastya, was born a son named Danta, of the nature of fire, who in a former birth was remembered as Agastya, in the Svayambhuva Manvantara.

Verse 26 (shiva.vayaviya.17.26)

तत्सन्ततीया बहवः पौलस्त्या इति विश्रुताः । क्षमा तु सुषुवे पुत्रान् पुलहस्य प्रजापतेः

tatsantatīyā bahavaḥ paulastyā iti viśrutāḥ | kṣamā tu suṣuve putrān pulahasya prajāpateḥ

Many in his line became famous as the Paulastyas. Kshama bore the sons of Pulaha the Prajapati.

Verse 27 (shiva.vayaviya.17.27)

कर्दमश्चासुरिश्चैव सहिष्णुश्चेति ते त्रयः । त्रेताग्निवर्चसः सर्वे येषां वंशः प्रतिष्ठितः

kardamaścāsuriścaiva sahiṣṇuśceti te trayaḥ | tretāgnivarcasaḥ sarve yeṣāṁ vaṁśaḥ pratiṣṭhitaḥ

Kardama, Asuri, and Sahishnu — these three sons, all radiant as the three sacred fires, whose lineage stands firmly established.

Verse 28 (shiva.vayaviya.17.28)

क्रतोः क्रतुसमान्भार्या सन्नतिः सुषुवे सुतान् । नैषां भार्याश्च पुत्राश्च सर्वे ते ह्यूर्ध्वरेतसः

kratoḥ kratusamānbhāryā sannatiḥ suṣuve sutān | naiṣāṁ bhāryāśca putrāśca sarve te hyūrdhvaretasaḥ

Sannati, wife of Kratu, bore sons equal to Kratu himself; none of them had wives or sons — all of them were celibate, of retained seed.

Verse 29 (shiva.vayaviya.17.29)

षष्टिस्तानि सहस्राणि वालखिल्या इति स्मृताः । अनूरोरग्रतो यान्ति परिवार्य्य दिवाकरम्

ṣaṣṭistāni sahasrāṇi vālakhilyā iti smṛtāḥ | anūroragrato yānti parivāryya divākaram

Those sixty thousand sons are known as the Valakhilyas, who move ahead of Anuru, the sun's charioteer, surrounding the sun-god as he travels.

Verse 30 (shiva.vayaviya.17.30)

अत्रेर्भार्यानसूया च पञ्चात्रेयानसूयत । कन्यकां च श्रुतिं नाम माता शङ्खपदस्य च

atrerbhāryānasūyā ca pañcātreyānasūyata | kanyakāṁ ca śrutiṁ nāma mātā śaṅkhapadasya ca

Anasuya, wife of Atri, gave birth to five Atreya sons, and also to a daughter named Shruti, mother of Shankhapada.

Verse 31 (shiva.vayaviya.17.31)

सत्यनेत्रश्च हव्यश्च आपोमूर्तिः शनैश्चरः । सोमश्च पञ्चमस्त्वेते पञ्चात्रेयाः प्रकीर्तिताः

satyanetraśca havyaśca āpomūrtiḥ śanaiścaraḥ | somaśca pañcamastvete pañcātreyāḥ prakīrtitāḥ

Satyanetra, Havya, Apomurti, Shanaishchara, and fifth, Soma — these are proclaimed as the five Atreyas.

Verse 32 (shiva.vayaviya.17.32)

तेषां पुत्राश्च पौत्राश्च ह्यात्रेयाणां महात्मनाम् । स्वायम्भुवेऽन्तरेऽतीताः शतशोऽथ सहस्रशः

teṣāṁ putrāśca pautrāśca hyātreyāṇāṁ mahātmanām | svāyambhuve'ntare'tītāḥ śataśo'tha sahasraśaḥ

The sons and grandsons of these great-souled Atreyas, in the Svayambhuva Manvantara, numbered in the hundreds and thousands.

Verse 33 (shiva.vayaviya.17.33)

ऊर्जायां तु वसिष्ठस्य पुत्रा वै सप्त जज्ञिरे । ज्यायसी च स्वसा तेषां पुण्डरीका सुमध्यमा

ūrjāyāṁ tu vasiṣṭhasya putrā vai sapta jajñire | jyāyasī ca svasā teṣāṁ puṇḍarīkā sumadhyamā

From Urja, seven sons were born to Vasishtha, and their elder sister, the exquisitely formed Pundarika, was born as well.

Verse 34 (shiva.vayaviya.17.34)

रजोगात्रोर्ध्वबाहू च सवनश्चानयश्च यः । सुतपाः शुक्र इत्येते सप्त सप्तर्षयः स्मृताः

rajogātrordhvabāhū ca savanaścānayaśca yaḥ | sutapāḥ śukra ityete sapta saptarṣayaḥ smṛtāḥ

Rajas, Gatra, Urdhvabahu, Savana, Anagha, Sutapas, and Shukra — these seven are remembered as the seven sages, sons of Vasishtha.

Verse 35 (shiva.vayaviya.17.35)

गोत्राणि नामभिस्तेषां वासिष्ठानां महात्मनाम् । स्वायम्भुवेऽन्तरेऽतीतान्यर्बुदानि शतानि च

gotrāṇi nāmabhisteṣāṁ vāsiṣṭhānāṁ mahātmanām | svāyambhuve'ntare'tītānyarbudāni śatāni ca

From the names of these great-souled Vasishthas came the gotras; in the Svayambhuva Manvantara their descendants have numbered in hundreds of ten-millions.

Verse 36 (shiva.vayaviya.17.36)

इत्येष ऋषिसर्गस्तु सानुबन्धः प्रकीर्तितः । समासाद्विस्तराद्वक्तुमशक्योऽयमिति द्विजाः

ityeṣa ṛṣisargastu sānubandhaḥ prakīrtitaḥ | samāsādvistarādvaktumaśakyo'yamiti dvijāḥ

Thus this creation of the sages, together with their descendants, has been told in brief. O twice-born ones, it is impossible to recount it in full detail.

Verse 37 (shiva.vayaviya.17.37)

योऽसौ रुद्रात्मको वह्निब्रह्मणो मानसः सुतः । स्वाहा तस्य प्रिया लेभे पुत्रांस्त्रीनमितौजसः

yo'sau rudrātmako vahnibrahmaṇo mānasaḥ sutaḥ | svāhā tasya priyā lebhe putrāṁstrīnamitaujasaḥ

He who is Vahni, Fire, the mind-born son of Brahma and of the nature of Rudra — his beloved Svaha bore three sons of immeasurable splendor.

Verse 38 (shiva.vayaviya.17.38)

पावकः पवमानश्च शुचिरित्येष ते त्रयः । निर्मन्थ्यः पवमानः स्याद्वैद्युतः पावकः स्मृतः

pāvakaḥ pavamānaśca śucirityeṣa te trayaḥ | nirmanthyaḥ pavamānaḥ syādvaidyutaḥ pāvakaḥ smṛtaḥ

Pavaka, Pavamana, and Shuchi — these three sons. Pavamana is the fire produced by friction, Pavaka is known as the lightning-fire.

Verse 39 (shiva.vayaviya.17.39)

सूर्ये तपति यश्चासौ शुचिः सौर उदाहृतः । हव्यवाहः कव्यवाहः सहरक्षा इति त्रयः

sūrye tapati yaścāsau śuciḥ saura udāhṛtaḥ | havyavāhaḥ kavyavāhaḥ saharakṣā iti trayaḥ

And that which blazes in the sun is called Shuchi, the solar fire. Havyavaha, Kavyavaha, and Saharaksha — these three belong to the next generation.

Verse 40 (shiva.vayaviya.17.40)

त्रयाणां क्रमशः पुत्रा देवपितृसुराश्च ते । एतेषां पुत्रपौत्राश्च चत्वारिंशन्नवैव ते

trayāṇāṁ kramaśaḥ putrā devapitṛsurāśca te | eteṣāṁ putrapautrāśca catvāriṁśannavaiva te

The sons of these three, in order, are the shares offered to the gods, the ancestors, and the demons. Their sons and grandsons number forty-nine.

Verse 41 (shiva.vayaviya.17.41)

काम्यनैमित्तिकाजस्रकर्मसु त्रिषु संस्थिताः । सर्वे तपस्विनो ज्ञेयाः सर्वे व्रतभृतस्तथा

kāmyanaimittikājasrakarmasu triṣu saṁsthitāḥ | sarve tapasvino jñeyāḥ sarve vratabhṛtastathā

All of them are established in the three kinds of rites — those performed for desire, those performed on special occasions, and the constant daily ones; know all of them as ascetics and as observers of vows.

Verse 42 (shiva.vayaviya.17.42)

सर्वे रुद्रात्मकाश्चैव सर्वे रुद्रपरायणाः । तस्मादग्निमुखे यत्तद् हुतं स्यादेव केनचित्

sarve rudrātmakāścaiva sarve rudraparāyaṇāḥ | tasmādagnimukhe yattad hutaṁ syādeva kenacit

All of them are of the nature of Rudra, and all are devoted to Rudra. Therefore whatever oblation is offered by anyone into the mouth of fire,

Verse 43 (shiva.vayaviya.17.43)

तत्सर्वं रुद्रमुद्दिश्य दत्तं स्यान्नात्र संशयः । इत्येवं निश्चयोऽग्नीनामनुक्रान्तो यथातथम्

tatsarvaṁ rudramuddiśya dattaṁ syānnātra saṁśayaḥ | ityevaṁ niścayo'gnīnāmanukrānto yathātatham

— all of it is regarded as offered to Rudra alone, of this there is no doubt. Thus this certain truth regarding the fires has been related exactly as it is.

Verse 44 (shiva.vayaviya.17.44)

नातिविस्तरतो विप्राः पितृन्वक्ष्याम्यतः परम् । यस्मात्षड् ऋतवस्तेषां स्थानं स्थानाभिमानिनाम्

nātivistarato viprāḥ pitṛnvakṣyāmyataḥ param | yasmātṣaḍ ṛtavasteṣāṁ sthānaṁ sthānābhimāninām

O brahmins, hereafter I shall speak briefly of the Pitrs, the ancestral manes, for the six seasons themselves are the abode of those Pitrs who preside over that abode.

Verse 45 (shiva.vayaviya.17.45)

ऋतवः पितरस्तस्मादित्येषा वैदिकी श्रुतिः । युष्माद् ऋतुषु सर्वे हि जायन्ते स्थास्नुजङ्गमाः

ṛtavaḥ pitarastasmādityeṣā vaidikī śrutiḥ | yuṣmād ṛtuṣu sarve hi jāyante sthāsnujaṅgamāḥ

Hence "the seasons are the Pitrs" — this is the Vedic revelation, for from you, O Pitrs, in the seasons, all creatures both stationary and moving are born.

Verse 46 (shiva.vayaviya.17.46)

तस्मादेते हि पितर आर्तवा इति च श्रुतम् । एवं पितॄणामेतेषामृतुकालाभिमानिनाम्

tasmādete hi pitara ārtavā iti ca śrutam | evaṁ pitṝṇāmeteṣāmṛtukālābhimāninām

Therefore these Pitrs are called "Artava", seasonal, so it has been heard. Thus of these Pitrs who preside over the seasonal times —

Verse 47 (shiva.vayaviya.17.47)

आत्मैश्वर्या महात्मानस्तिष्ठन्तीहाभ्रसङ्गमात् । आग्निष्वात्ता बर्हिषदः पितरो द्विविधाः स्मृताः

ātmaiśvaryā mahātmānastiṣṭhantīhābhrasaṅgamāt | āgniṣvāttā barhiṣadaḥ pitaro dvividhāḥ smṛtāḥ

These great souls, by their own majesty, dwell here through the gathering of clouds. The Pitrs are described as of two kinds — the Agnishvattas and the Barhishads.

Verse 48 (shiva.vayaviya.17.48)

अयज्वानश्च यज्वानः क्रमात्ते गृहमेधिनः । स्वधाऽसूत पितृभ्यश्च द्वे कन्ये लोकविश्रुते

ayajvānaśca yajvānaḥ kramātte gṛhamedhinaḥ | svadhā'sūta pitṛbhyaśca dve kanye lokaviśrute

They are, respectively, non-sacrificers and sacrificers among householders. Svadha bore to the Pitrs two daughters renowned throughout the worlds —

Verse 49 (shiva.vayaviya.17.49)

मेनां च धरणीं चैव याभ्यां विश्वमिदं धृतम् । अग्निष्वात्तसुता मेना धरणी बर्हिषत्सुता

menāṁ ca dharaṇīṁ caiva yābhyāṁ viśvamidaṁ dhṛtam | agniṣvāttasutā menā dharaṇī barhiṣatsutā

Mena and Dharani, by whom this entire universe is sustained. Mena is the daughter of the Agnishvattas, and Dharani the daughter of the Barhishads.

Verse 50 (shiva.vayaviya.17.50)

मेना हिमवतः पत्नी मैनाकं क्रौञ्चमेव च । गौरीं गङ्गां च सुषुवे भवाङ्गाश्लेषपावनीम्

menā himavataḥ patnī mainākaṁ krauñcameva ca | gaurīṁ gaṅgāṁ ca suṣuve bhavāṅgāśleṣapāvanīm

Mena, becoming the wife of Himavan, gave birth to Mainaka and Krauncha, and to Gauri and Ganga, she who purifies through the embrace of Shiva's body.

Verse 51 (shiva.vayaviya.17.51)

मेरोस्तु धरणी पत्नी दिव्यौषधिसमन्वितम् । मन्दरं सुषुवे पुत्रं चित्रिसुन्दरकन्धरम्

merostu dharaṇī patnī divyauṣadhisamanvitam | mandaraṁ suṣuve putraṁ citrisundarakandharam

Dharani, becoming the wife of Meru, gave birth to a son named Mandara, endowed with divine herbs and having a beautifully adorned slope.

Verse 52 (shiva.vayaviya.17.52)

स एव मन्दरः श्रीमान्मेरुपुत्रस्तपोबलात् । साक्षाच्छ्रीकण्ठनाथस्य शिवस्यावसथं गतः

sa eva mandaraḥ śrīmānmeruputrastapobalāt | sākṣācchrīkaṇṭhanāthasya śivasyāvasathaṁ gataḥ

That glorious Mandara, son of Meru, by the power of his austerity, attained the very dwelling place of Shiva, the Lord of the Beautiful Throat.

Verse 53 (shiva.vayaviya.17.53)

साऽसूता धरणी भूयस्तिस्रः कन्याश्च विश्रुताः । वेलां च नियतिं चैव तृतीयामपि चायतिम्

sā'sūtā dharaṇī bhūyastisraḥ kanyāśca viśrutāḥ | velāṁ ca niyatiṁ caiva tṛtīyāmapi cāyatim

That same Dharani further gave birth to three renowned daughters — Vela, Niyati, and the third, Ayati.

Verse 54 (shiva.vayaviya.17.54)

आयतिर्नियतिश्चैव पत्न्यौ द्वे भृगुपुत्रयोः । स्वायम्भुवेऽन्तरे पूर्वं कथितस्ते तदन्वयः

āyatirniyatiścaiva patnyau dve bhṛguputrayoḥ | svāyambhuve'ntare pūrvaṁ kathitaste tadanvayaḥ

Ayati and Niyati became the two wives of the two sons of Bhrigu; their lineage, in the Svayambhuva Manvantara, has already been told earlier.

Verse 55 (shiva.vayaviya.17.55)

सुषुवे सागराद्वेला कन्यामेकामनिन्दिताम् । सवर्णां नाम सामुद्रीं पत्नीं प्राचीनबर्हिषः

suṣuve sāgarādvelā kanyāmekāmaninditām | savarṇāṁ nāma sāmudrīṁ patnīṁ prācīnabarhiṣaḥ

Vela, by the ocean, gave birth to one flawless daughter, named Savarna, called Samudri, who became the wife of Prachinabarhi.

Verse 56 (shiva.vayaviya.17.56)

सामुद्री सुषुवे पुत्रान्दश प्राचीनबर्हिषः । सर्वे प्राचेतसा नाम धनुर्वेदस्य पारगाः

sāmudrī suṣuve putrāndaśa prācīnabarhiṣaḥ | sarve prācetasā nāma dhanurvedasya pāragāḥ

Samudri bore ten sons to Prachinabarhi, all known by the name Prachetasas, and all accomplished masters of the science of archery.

Verse 57 (shiva.vayaviya.17.57)

येषां स्वायम्भुवे दक्षः पुत्रत्वमगमत्पुरा । त्रियम्बकस्य शापेन चाक्षुषस्यान्तरे मनोः

yeṣāṁ svāyambhuve dakṣaḥ putratvamagamatpurā | triyambakasya śāpena cākṣuṣasyāntare manoḥ

Formerly, in the Svayambhuva Manvantara itself, through the curse of Tryambaka, Shiva, Daksha came to be their son in the Chakshusha Manvantara.

Verse 58 (shiva.vayaviya.17.58)

इत्येते ब्रह्मपुत्राणां धर्मादीनां महात्मनाम् । नातिसङ्क्षेपतो विप्रा नातिविस्तरतः क्रमात्

ityete brahmaputrāṇāṁ dharmādīnāṁ mahātmanām | nātisaṅkṣepato viprā nātivistarataḥ kramāt

O brahmins, thus the lineages of Brahma's sons, Dharma and the other great souls, neither too briefly nor too elaborately, in due order —

Verse 59 (shiva.vayaviya.17.59)

वर्णिता वै मया वंशा दिव्या देवगणान्विताः । क्रियावन्तः प्रजावन्तो महर्द्धिभिरलङ्कृताः

varṇitā vai mayā vaṁśā divyā devagaṇānvitāḥ | kriyāvantaḥ prajāvanto maharddhibhiralaṅkṛtāḥ

— have been described by me: these divine lineages, filled with hosts of gods, active in rites, rich in progeny, and adorned with great prosperity.

Verse 60 (shiva.vayaviya.17.60)

प्रजानां सन्निवेशोऽयं प्रजापतिसमुद्भवः । न हि शक्यः प्रसङ्ख्यातुं वर्षकोटिशतैरपि

prajānāṁ sanniveśo'yaṁ prajāpatisamudbhavaḥ | na hi śakyaḥ prasaṅkhyātuṁ varṣakoṭiśatairapi

This arrangement of creatures has arisen from the Prajapatis; it cannot be fully enumerated even in hundreds of millions of years.

Verse 61 (shiva.vayaviya.17.61)

राज्ञामपि च यो वंशो द्विधा सोऽपि प्रवर्तते । सूर्यवंशः सोमवंश इति पुण्यतमः क्षितौ

rājñāmapi ca yo vaṁśo dvidhā so'pi pravartate | sūryavaṁśaḥ somavaṁśa iti puṇyatamaḥ kṣitau

The lineage of kings, too, proceeds in two branches — the Solar dynasty and the Lunar dynasty — regarded as the most sacred upon the earth.

Verse 62 (shiva.vayaviya.17.62)

इक्ष्वाकुरम्बरीषश्च ययातिर्नाहुषादयः । पुण्यश्लोकाः श्रुता येऽत्र तेऽपि तद्वंशसम्भवाः

ikṣvākurambarīṣaśca yayātirnāhuṣādayaḥ | puṇyaślokāḥ śrutā ye'tra te'pi tadvaṁśasambhavāḥ

Ikshvaku, Ambarisha, Yayati, Nahusha, and others of sacred renown who have been spoken of here, they too were born in those same lineages.

Verse 63 (shiva.vayaviya.17.63)

अन्ये च राजऋषयो नानावीर्यसमन्विताः । किं तैः फलमनुत्क्रान्तैरुक्तपूर्वैः पुरातनैः

anye ca rājaṛṣayo nānāvīryasamanvitāḥ | kiṁ taiḥ phalamanutkrāntairuktapūrvaiḥ purātanaiḥ

And there were other royal sages too, endowed with manifold valor. What purpose is served by dwelling on those ancient ones, already mentioned before, now passed away?

Verse 64 (shiva.vayaviya.17.64)

किं चेश्वरकथावृत्तौ यत्र तत्रान्यकीर्तनम् । न सद्भिः सम्मतं मत्वा नोत्सहे बहुभाषितुम्

kiṁ ceśvarakathāvṛttau yatra tatrānyakīrtanam | na sadbhiḥ sammataṁ matvā notsahe bahubhāṣitum

And in the course of the Lord's own narrative, to praise other matters here and there is, I consider, not approved by the wise — thinking so, I do not venture to speak at greater length.

Verse 65 (shiva.vayaviya.17.65)

प्रसङ्गादीश्वरस्यैव प्रभावद्योतनादपि । सर्गादयोऽपि कथिता इत्यत्र तत्प्रविस्तरैः

prasaṅgādīśvarasyaiva prabhāvadyotanādapi | sargādayo'pi kathitā ityatra tatpravistaraiḥ

It is only for the sake of illuminating the glory of the Lord himself, in passing, that this account of creation and so forth has been related here in such detail.