Sati Relinquishes Her Body

Verse 1 (shiva.vayaviya.18.1)

ऋषय ऊचुः । देवी दक्षस्य तनया त्यक्त्वा दाक्षायणीं तनुम् । कथं हिमवतः पुत्री मेनायामभवत्पुरा

ṛṣaya ūcuḥ | devī dakṣasya tanayā tyaktvā dākṣāyaṇīṁ tanum | kathaṁ himavataḥ putrī menāyāmabhavatpurā

The sages said: How did the goddess, daughter of Daksha, having abandoned her body born of Daksha, come in ancient times to be born as the daughter of Himavan, through Mena, O Maruta?

Verse 2 (shiva.vayaviya.18.2)

कथं च निन्दितो रुद्रो दक्षेण च महात्मना । निमित्तमपि किं तत्र येन स्यान्निन्दितो भवः

kathaṁ ca nindito rudro dakṣeṇa ca mahātmanā | nimittamapi kiṁ tatra yena syānnindito bhavaḥ

And how was Rudra insulted by the great Daksha? What was the cause behind it, by which Shiva came to be insulted?

Verse 3 (shiva.vayaviya.18.3)

उत्पन्नश्च कथं दक्षो ह्यभिशापाद्भवस्य तु । चाक्षुषस्यान्तरे पूर्वं मनोः प्रब्रूहि मारुत

utpannaśca kathaṁ dakṣo hyabhiśāpādbhavasya tu | cākṣuṣasyāntare pūrvaṁ manoḥ prabrūhi māruta

And how, through Shiva's curse, was Daksha born, in ancient times, in the Chakshusha Manvantara? Tell us this, O Maruta.

Verse 4 (shiva.vayaviya.18.4)

वायुरुवाव शृण्वन्तु कथयिष्यामि दक्षस्य लघुचेतसः । वृत्तं पापात् प्रमादाच्च विश्वामरविदूषणम्

vāyuruvāva śṛṇvantu kathayiṣyāmi dakṣasya laghucetasaḥ | vṛttaṁ pāpāt pramādācca viśvāmaravidūṣaṇam

Vayu said: Listen, I shall relate the sinful and heedless conduct of the petty-minded Daksha, by which he offended all the immortals of the universe.

Verse 5 (shiva.vayaviya.18.5)

पुरा सुरासुराः सर्वे सिद्धाश्च परमर्षयः । कदाचिद् द्रष्टुमीशानं हिमवच्छिखरं ययुः

purā surāsurāḥ sarve siddhāśca paramarṣayaḥ | kadācid draṣṭumīśānaṁ himavacchikharaṁ yayuḥ

Formerly, once, all the gods, demons, siddhas, and great sages went to the peak of the Himalaya to behold Ishana.

Verse 6 (shiva.vayaviya.18.6)

तदा देवश्च देवी च दिव्यासनगतावुभौ । दर्शनं ददतुस्तेषां देवादीनां द्विजोत्तमाः

tadā devaśca devī ca divyāsanagatāvubhau | darśanaṁ dadatusteṣāṁ devādīnāṁ dvijottamāḥ

O foremost of the twice-born, then the God and the Goddess, both seated upon a divine throne, gave audience to those gods and others.

Verse 7 (shiva.vayaviya.18.7)

तदानीमेव दक्षोऽपि गतस्तत्र सहामरैः । जामातरं हरं द्रष्टुं देवीं चात्मसुतां सतीम्

tadānīmeva dakṣo'pi gatastatra sahāmaraiḥ | jāmātaraṁ haraṁ draṣṭuṁ devīṁ cātmasutāṁ satīm

At that very time Daksha too went there together with the gods, to see his son-in-law Hara and his own daughter, the goddess Sati.

Verse 8 (shiva.vayaviya.18.8)

तदात्मगौरवाद्देवो देव्या दक्षे समागते । देवादिभ्यो विशेषेण न कदाचिदभूत्स्मृतिः

tadātmagauravāddevo devyā dakṣe samāgate | devādibhyo viśeṣeṇa na kadācidabhūtsmṛtiḥ

Then, when Daksha arrived, the God, out of his own inherent majesty, never showed him any particular special regard beyond the other gods.

Verse 9 (shiva.vayaviya.18.9)

तस्य तस्याः परं भावमज्ञातुश्चापि केवलम् । पुत्रीत्येवं विमूढस्य तस्यां वैरमजायत

tasya tasyāḥ paraṁ bhāvamajñātuścāpi kevalam | putrītyevaṁ vimūḍhasya tasyāṁ vairamajāyata

Not knowing his supreme nature, and thinking of her only as "my daughter" — thus deluded, hostility toward them arose in his heart.

Verse 10 (shiva.vayaviya.18.10)

ततस्तेनैव वैरेण विधिना च प्रचोदितः । नाजुवाह भवं दक्षो दीक्षितस्तामपि द्विषन्

tatastenaiva vaireṇa vidhinā ca pracoditaḥ | nājuvāha bhavaṁ dakṣo dīkṣitastāmapi dviṣan

Then, driven by that very hostility and by destiny, Daksha did not honor Bhava; consecrated for his own rite, he came to hold enmity even toward that goddess.

Verse 11 (shiva.vayaviya.18.11)

अन्याञ्जामातरः सर्वानाहूय स यथाक्रमम् । शतशः पुष्कलामर्चाञ्चकार च पृथक् पृथक्

anyāñjāmātaraḥ sarvānāhūya sa yathākramam | śataśaḥ puṣkalāmarcāñcakāra ca pṛthak pṛthak

He invited all his other sons-in-law in due order and performed for each of them, separately, abundant honors a hundredfold.

Verse 12 (shiva.vayaviya.18.12)

तथा तान्सङ्गतान् श्रुत्वा नारदस्य मुखात्तदा । ययौ रुद्राय रुद्राणी विज्ञाप्य भवनं पितुः

tathā tānsaṅgatān śrutvā nāradasya mukhāttadā | yayau rudrāya rudrāṇī vijñāpya bhavanaṁ pituḥ

Then, hearing from the mouth of Narada that they had all gathered, Rudrani, Sati, informed Rudra and set out for her father's mansion.

Verse 13 (shiva.vayaviya.18.13)

अथ सन्निहितं दिव्यं विमानं विश्वतोमुखम् । लक्षणाढ्यं सुखारोहमतिमात्रं मनोहरम्

atha sannihitaṁ divyaṁ vimānaṁ viśvatomukham | lakṣaṇāḍhyaṁ sukhārohamatimātraṁ manoharam

Then there appeared, close at hand, a divine celestial chariot, facing every direction, richly endowed with auspicious features, easy to mount, and exceedingly enchanting.

Verse 14 (shiva.vayaviya.18.14)

तप्तजाम्बूनदप्रख्यं चित्ररत्नपरिष्कृतम् । मुक्तामयवितानाग्न्यं स्रग्दामसमलङ्कृतम्

taptajāmbūnadaprakhyaṁ citraratnapariṣkṛtam | muktāmayavitānāgnyaṁ sragdāmasamalaṅkṛtam

It shone like refined gold, was adorned with wondrous jewels, had a canopy and finial made of pearls, and was decked with garlands.

Verse 15 (shiva.vayaviya.18.15)

तप्तकञ्चननिर्व्यूहं रत्नस्तम्भशतावृतम् । वज्रकल्पितसोपानं विद्रुमस्तम्भतोरणम्

taptakañcananirvyūhaṁ ratnastambhaśatāvṛtam | vajrakalpitasopānaṁ vidrumastambhatoraṇam

Its framework was of refined gold, it was surrounded by a hundred jeweled pillars, its stairway was fashioned of diamond, and its archway was set with coral pillars.

Verse 16 (shiva.vayaviya.18.16)

पुष्पपट्टपरिस्तीर्णं चित्ररत्नमहासनम् । वज्रजालकिरच्छिद्रमच्छिद्रमणिकुट्टिमम्

puṣpapaṭṭaparistīrṇaṁ citraratnamahāsanam | vajrajālakiracchidramacchidramaṇikuṭṭimam

It was strewn with sheets of flowers, held a great throne of wondrous jewels, was pierced with lattices of diamond, and its floor was inlaid with flawless gems.

Verse 17 (shiva.vayaviya.18.17)

मणिदण्डमनोज्ञेन महावृषभलक्ष्मणा । अलङ्कृतपुरोभागमभ्रशुभ्रेण केतुना

maṇidaṇḍamanojñena mahāvṛṣabhalakṣmaṇā | alaṅkṛtapurobhāgamabhraśubhreṇa ketunā

Its front was adorned with a banner, white as the clouds, bearing the emblem of a great bull upon a lovely jeweled staff.

Verse 18 (shiva.vayaviya.18.18)

रत्नकञ्चुकगुप्ताङ्गैश्चित्रवेत्रैकपाणिभिः । अधिष्ठितमहाद्वारमप्रधृष्यैर्गणेश्वरैः

ratnakañcukaguptāṅgaiścitravetraikapāṇibhiḥ | adhiṣṭhitamahādvāramapradhṛṣyairgaṇeśvaraiḥ

Its great gateway was guarded by invincible lords of the ganas, their bodies shielded in jeweled armor, each holding a wondrous cane in one hand.

Verse 19 (shiva.vayaviya.18.19)

मृदङ्गतालगीतादिवेणुवीणाविशारदैः । विदग्धवेषभूषैश्च बहुभिः स्त्रीजनैर्वृतम्

mṛdaṅgatālagītādiveṇuvīṇāviśāradaiḥ | vidagdhaveṣabhūṣaiśca bahubhiḥ strījanairvṛtam

It was surrounded by many women, skilled in the mridanga, cymbals, song, flute, and vina, elegantly attired and adorned.

Verse 20 (shiva.vayaviya.18.20)

आरुरोह महादेवी सह प्रियसखीजनैः । चामारव्यजने तस्या वज्रदण्डमनोहरे

āruroha mahādevī saha priyasakhījanaiḥ | cāmāravyajane tasyā vajradaṇḍamanohare

The great Goddess mounted it, together with her beloved companions; her lovely fly-whisks, mounted on diamond handles —

Verse 21 (shiva.vayaviya.18.21)

गृहीत्वा रुद्रकन्ये द्वे विवीजतुरुभे शुभे । तदा चामरयोर्मध्ये देव्या वदनमाबभौ

gṛhītvā rudrakanye dve vivījaturubhe śubhe | tadā cāmarayormadhye devyā vadanamābabhau

— were taken up by two auspicious daughters of Rudra, who fanned her from both sides; and between the two fly-whisks the Goddess's face shone,

Verse 22 (shiva.vayaviya.18.22)

अन्योऽन्यं युध्यतोर्मध्ये हंसयोरिव पङ्कजम् । छत्रं शशिनिभं तस्याश्चूडोपरि सुमालिनी

anyo'nyaṁ yudhyatormadhye haṁsayoriva paṅkajam | chatraṁ śaśinibhaṁ tasyāścūḍopari sumālinī

like a lotus shining between two swans locked in mutual play. Above her head, an umbrella white as the moon —

Verse 23 (shiva.vayaviya.18.23)

धृतमुक्तापरिक्षिप्तं बभार प्रेमनिर्भरा । तच्छत्रमुज्ज्वलं देव्या रुरुचे वदनोपरि

dhṛtamuktāparikṣiptaṁ babhāra premanirbharā | tacchatramujjvalaṁ devyā ruruce vadanopari

strung about with pearls, held by a companion overflowing with love. That radiant umbrella shone above the Goddess's face,

Verse 24 (shiva.vayaviya.18.24)

उपर्यमृतभाण्डस्य मण्डलं शशिनो यथा । अथ चाग्रे समासीना सुस्मितास्या शुभावती

uparyamṛtabhāṇḍasya maṇḍalaṁ śaśino yathā | atha cāgre samāsīnā susmitāsyā śubhāvatī

as though the disc of the moon hovered above a vessel of nectar. Then, seated before her, a gently smiling, auspicious companion —

Verse 25 (shiva.vayaviya.18.25)

अक्षद्यूतविनोदेन रमयामास वै सतीम् । सुयशाः पादुके देव्याः शुभे रत्नपरिष्कृते

akṣadyūtavinodena ramayāmāsa vai satīm | suyaśāḥ pāduke devyāḥ śubhe ratnapariṣkṛte

entertained Sati with the game of dice. Suyasha took up the Goddess's auspicious jeweled sandals —

Verse 26 (shiva.vayaviya.18.26)

स्तनयोरन्तरे कृत्वा तदा देवीमसेवत । अन्या काञ्चनचार्वङ्गी दीप्तं जग्राह दर्पणम्

stanayorantare kṛtvā tadā devīmasevata | anyā kāñcanacārvaṅgī dīptaṁ jagrāha darpaṇam

pressing them to her own breast, thus attending upon the Goddess. Another companion, golden and lovely-limbed, took up a gleaming mirror.

Verse 27 (shiva.vayaviya.18.27)

अपरा तालवृन्तं च परा ताम्बूलपेटिकाम् । काचित्क्रीडाशुकं चारु करेऽकुरुत भामिनी

aparā tālavṛntaṁ ca parā tāmbūlapeṭikām | kācitkrīḍāśukaṁ cāru kare'kuruta bhāminī

Another held a fan, another a betel-box; one lovely woman took a pet parrot, charming for play, in her hand.

Verse 28 (shiva.vayaviya.18.28)

काचित्तु सुमनोज्ञानि पुष्पाणि सुरभीणि च । काचिदाभरणाधारं बभार कमलेक्षणा

kācittu sumanojñāni puṣpāṇi surabhīṇi ca | kācidābharaṇādhāraṁ babhāra kamalekṣaṇā

One held lovely, fragrant flowers; another, lotus-eyed, carried a case of ornaments.

Verse 29 (shiva.vayaviya.18.29)

काचिच्च पुनरालेपं सुप्रसूनं शुभाञ्जनम् । अन्याश्च सदृशास्तास्ता यथास्वमुचितक्रियाः

kācicca punarālepaṁ suprasūnaṁ śubhāñjanam | anyāśca sadṛśāstāstā yathāsvamucitakriyāḥ

Another held unguents, fine flowers, and auspicious collyrium; and many other companions besides, each engaged in her own fitting task.

Verse 30 (shiva.vayaviya.18.30)

आवृत्य तां महादेवीमसेवन्त समन्ततः । अतीव शुशुभे तासामन्तरे परमेश्वरी

āvṛtya tāṁ mahādevīmasevanta samantataḥ | atīva śuśubhe tāsāmantare parameśvarī

Encircling the great Goddess on every side, they attended upon her. In their midst, the supreme Goddess shone with exceeding splendor,

Verse 31 (shiva.vayaviya.18.31)

तारापरिषदो मध्ये चन्द्रलेखेव शारदी । ततः शङ्खसमुत्थस्य नादस्य समनन्तरम्

tārāpariṣado madhye candralekheva śāradī | tataḥ śaṅkhasamutthasya nādasya samanantaram

as the crescent moon of autumn shines amid a company of stars. Then, immediately upon the sounding of the conch —

Verse 32 (shiva.vayaviya.18.32)

प्रास्थानिको महानादः पटहः समताड्यत । ततो मधुरवाद्यानि सह तालोद्यतैः स्वनैः

prāsthāniko mahānādaḥ paṭahaḥ samatāḍyata | tato madhuravādyāni saha tālodyataiḥ svanaiḥ

the great departure-drum was struck. Then sweet instruments sounded together with rhythmic beats,

Verse 33 (shiva.vayaviya.18.33)

अनाहतानि सन्नेदुः काहलानां शतानि च । सायुधानां गणेशानां महेशसमतेजसाम्

anāhatāni sanneduḥ kāhalānāṁ śatāni ca | sāyudhānāṁ gaṇeśānāṁ maheśasamatejasām

and hundreds of untouched war-trumpets resounded, belonging to the weapon-bearing lords of the ganas, radiant as Mahesha himself.

Verse 34 (shiva.vayaviya.18.34)

सहस्राणि शतान्यष्टौ तदानीं पुरतो ययुः । तेषां मध्ये वृषारूढो गजारूढो यथा गुरुः

sahasrāṇi śatānyaṣṭau tadānīṁ purato yayuḥ | teṣāṁ madhye vṛṣārūḍho gajārūḍho yathā guruḥ

At that time eight hundred thousand ganas went ahead; in their midst, mounted on a bull, one shone as Guru mounted on his elephant.

Verse 35 (shiva.vayaviya.18.35)

जगाम गणपः श्रीमान् सोमनन्दीश्वरार्चितः । देवदुन्दुभयो नेदुर्दिवि दिव्यसुखा घनाः

jagāma gaṇapaḥ śrīmān somanandīśvarārcitaḥ | devadundubhayo nedurdivi divyasukhā ghanāḥ

The glorious lord of the ganas, honored by Soma, went forth. In heaven the drums of the gods resounded, and the clouds became a source of celestial delight.

Verse 36 (shiva.vayaviya.18.36)

ननृतुर्मुनयः सर्वे मुमुदुः सिद्धयोगिनः । ससृजुः पुष्पवृष्टिं च वितानोपरि वारिदाः

nanṛturmunayaḥ sarve mumuduḥ siddhayoginaḥ | sasṛjuḥ puṣpavṛṣṭiṁ ca vitānopari vāridāḥ

All the sages danced, the siddhas and yogis rejoiced, and the clouds rained down flowers upon the canopy.

Verse 37 (shiva.vayaviya.18.37)

तदा देवगणैश्चान्यैः पथि सर्वत्र सङ्गताः । क्षणादिव पितुर्गेहं प्रविवेश महेश्वरी

tadā devagaṇaiścānyaiḥ pathi sarvatra saṅgatāḥ | kṣaṇādiva piturgehaṁ praviveśa maheśvarī

Then, joined all along the way by other hosts of gods, Maheshvari entered her father's house in what seemed but an instant.

Verse 38 (shiva.vayaviya.18.38)

तां दृष्ट्वा कुपितो दक्षश्चात्मनः क्षयकारणात् । तस्या यवीयसीभ्योऽपि चक्रे पूजामसत्कृताम्

tāṁ dṛṣṭvā kupito dakṣaścātmanaḥ kṣayakāraṇāt | tasyā yavīyasībhyo'pi cakre pūjāmasatkṛtām

Seeing her, Daksha, driven by the very cause of his own ruin, grew enraged, and he accorded her a reception more disrespectful even than that given to her younger sisters.

Verse 39 (shiva.vayaviya.18.39)

तदा शशिमुखी देवी पितरं सदसि स्थितम् । अम्बिका युक्तमव्यग्रमुवाचाकृपणं वचः

tadā śaśimukhī devī pitaraṁ sadasi sthitam | ambikā yuktamavyagramuvācākṛpaṇaṁ vacaḥ

Then the moon-faced Goddess Ambika spoke to her father, seated in the assembly, words that were fitting, composed, and without timidity.

Verse 40 (shiva.vayaviya.18.40)

देव्युवाच । ब्रह्मादयः पिशाचान्ता यस्याज्ञावशवर्तिनः । स देवः साम्प्रतं तात विधिना नार्चितः किल

devyuvāca | brahmādayaḥ piśācāntā yasyājñāvaśavartinaḥ | sa devaḥ sāmprataṁ tāta vidhinā nārcitaḥ kila

The Goddess said: O father, that God whose command governs everyone from Brahma down to the pishachas — even he, it seems, has not now been duly honored by you.

Verse 41 (shiva.vayaviya.18.41)

तदास्तां मम ज्यायस्याः पुत्र्याः पूजां किमीदृशीम् । असत्कृतामवज्ञाय कृतवानसि गर्हितम्

tadāstāṁ mama jyāyasyāḥ putryāḥ pūjāṁ kimīdṛśīm | asatkṛtāmavajñāya kṛtavānasi garhitam

Then what use is such worship of me, his eldest wife? You have committed a reprehensible act, disrespecting and disregarding me.

Verse 42 (shiva.vayaviya.18.42)

एवमुक्तोऽब्रवीदेनां दक्षः क्रोधादमर्षितः । त्वत्तः श्रेष्ठा विशिष्टाश्च पूज्या बालाः सुता मम

evamukto'bravīdenāṁ dakṣaḥ krodhādamarṣitaḥ | tvattaḥ śreṣṭhā viśiṣṭāśca pūjyā bālāḥ sutā mama

Thus addressed, Daksha, overcome with fury, said to her: My younger daughters are superior and more distinguished than you; they alone deserve worship.

Verse 43 (shiva.vayaviya.18.43)

तासां तु ये च भर्त्तारस्ते मे बहुमता मुदा । गुणैश्चाप्यधिकाः सर्वे भर्तुस्ते त्र्यम्बकादपि

tāsāṁ tu ye ca bharttāraste me bahumatā mudā | guṇaiścāpyadhikāḥ sarve bhartuste tryambakādapi

Their husbands are held by me in high esteem and gladness, and all of them surpass your husband Tryambaka in virtue as well.

Verse 44 (shiva.vayaviya.18.44)

स्तब्धात्मा तामसः शर्वः त्वमिमं समुपाश्रिता । तेन त्वामवमन्येऽहं प्रतिकूलो हि मे भवः

stabdhātmā tāmasaḥ śarvaḥ tvamimaṁ samupāśritā | tena tvāmavamanye'haṁ pratikūlo hi me bhavaḥ

Sharva is arrogant and dark in nature, and you have taken refuge in him; therefore I hold you in disregard, for Bhava is hostile to me.

Verse 45 (shiva.vayaviya.18.45)

तथोक्ता पितरं दक्षं क्रुद्धा देवी तमब्रवीत् । शृण्वतामेव सर्वेषां ये यज्ञसदसि स्थिताः

tathoktā pitaraṁ dakṣaṁ kruddhā devī tamabravīt | śṛṇvatāmeva sarveṣāṁ ye yajñasadasi sthitāḥ

Thus addressed, the enraged Goddess spoke to her father Daksha, in the hearing of all those assembled in the sacrificial hall —

Verse 46 (shiva.vayaviya.18.46)

अकस्मान्मम भर्तारमजाताशेषदूषणम् । वाचा दूषयसे दक्ष साक्षाल्लोकमहेश्वरम्

akasmānmama bhartāramajātāśeṣadūṣaṇam | vācā dūṣayase dakṣa sākṣāllokamaheśvaram

O Daksha, without any cause you defame with your speech my husband, who is utterly free of any fault, the very Lord and Master of all the worlds.

Verse 47 (shiva.vayaviya.18.47)

विद्याचौरो गुरुद्रोही वेदेश्वरविदूषकः । त एते बहुपाप्मानः सर्वे दण्ड्या इति श्रुतिः

vidyācauro gurudrohī vedeśvaravidūṣakaḥ | ta ete bahupāpmānaḥ sarve daṇḍyā iti śrutiḥ

The thief of knowledge, the betrayer of one's teacher, the reviler of the Lord of the Vedas — all these are great sinners deserving punishment, so declares the Vedic revelation.

Verse 48 (shiva.vayaviya.18.48)

तस्मादत्युत्कटस्यास्य पापस्य सदृशो भृशम् । सहसा दारुणो दण्डस्तव दैवाद्भविष्यति

tasmādatyutkaṭasyāsya pāpasya sadṛśo bhṛśam | sahasā dāruṇo daṇḍastava daivādbhaviṣyati

Therefore, in keeping with this exceedingly heinous sin, a swift and dreadful punishment shall befall you suddenly, by fate.

Verse 49 (shiva.vayaviya.18.49)

त्वया न पूजितो यस्माद्देवदेवस्त्रियम्बकः । तस्मात्तव कुलं दुष्टं नष्टमित्यवधारय

tvayā na pūjito yasmāddevadevastriyambakaḥ | tasmāttava kulaṁ duṣṭaṁ naṣṭamityavadhāraya

Since you have not honored Tryambaka, the God of gods, know for certain that your lineage, corrupted, shall be destroyed.

Verse 50 (shiva.vayaviya.18.50)

इत्युक्त्वा पितरं रुष्टा सती सन्त्यक्तसाध्वसा । तदीयां च तनुं त्यक्त्वा हिमवन्तं ययौ गिरिम्

ityuktvā pitaraṁ ruṣṭā satī santyaktasādhvasā | tadīyāṁ ca tanuṁ tyaktvā himavantaṁ yayau girim

Having thus spoken to her father, Sati, enraged and having cast off all fear, abandoned that body of hers and departed toward the mountain Himavan.

Verse 51 (shiva.vayaviya.18.51)

स पर्वतपरः श्रीमाँल्लब्धपुण्यफलोदयः । तदर्थमेव कृतवान् सुचिरं दुश्चरं तपः

sa parvataparaḥ śrīmā~llabdhapuṇyaphalodayaḥ | tadarthameva kṛtavān suciraṁ duścaraṁ tapaḥ

That glorious foremost of mountains, Himavan, who had already obtained the fruit of merit, had for this very purpose long performed a most arduous austerity.

Verse 52 (shiva.vayaviya.18.52)

तस्मात्तमनुगृह्णाति भूधरेश्वरमीश्वरी । स्वेच्छया पितरं चक्रे स्वात्मनो योगमायया

tasmāttamanugṛhṇāti bhūdhareśvaramīśvarī | svecchayā pitaraṁ cakre svātmano yogamāyayā

Therefore the Goddess, by her own will and through her yogic power, favored that lord of mountains and made him, of her own accord, her father.

Verse 53 (shiva.vayaviya.18.53)

यदा गता सती दक्षं विनिन्द्य भयविह्वलम् । तदा तिरोहिता मन्त्रा विहतश्च ततोऽध्वरः

yadā gatā satī dakṣaṁ vinindya bhayavihvalam | tadā tirohitā mantrā vihataśca tato'dhvaraḥ

When Sati, having reproached Daksha and left him overwhelmed with fear, departed, then the sacred formulas of that rite vanished, and the sacrifice itself was thwarted.

Verse 54 (shiva.vayaviya.18.54)

तदुपश्रुत्य गमनं देव्यास्त्रिपुरुमर्दनः । दक्षाय च ऋषिभ्यश्च चुकोप च शशाप तान्

tadupaśrutya gamanaṁ devyāstripurumardanaḥ | dakṣāya ca ṛṣibhyaśca cukopa ca śaśāpa tān

Hearing of the Goddess's departure in this manner, the Slayer of Tripura grew furious at Daksha and at those sages, and cursed them.

Verse 55 (shiva.vayaviya.18.55)

यस्मादवमता दक्षमत्कृतेऽनागसा सती । पूजिताश्चेतराः सर्वाः स्वसुता भर्तृभिः सह

yasmādavamatā dakṣamatkṛte'nāgasā satī | pūjitāścetarāḥ sarvāḥ svasutā bhartṛbhiḥ saha

Shiva said: Since, O Daksha, you dishonored the blameless Sati on my account, while all your other daughters, together with their husbands, were duly honored,

Verse 56 (shiva.vayaviya.18.56)

वैवस्वतेऽन्तरे तस्मात्तव जामातरस्त्वमी । उत्पत्स्यन्ते समं सर्वे ब्रह्मयज्ञेष्वयोनिजाः

vaivasvate'ntare tasmāttava jāmātarastvamī | utpatsyante samaṁ sarve brahmayajñeṣvayonijāḥ

therefore, in the Vaivasvata Manvantara, all these sons-in-law of yours shall be born equally, without birth from a womb, at Brahma's sacrifices,

Verse 57 (shiva.vayaviya.18.57)

भविता मानुषो राजा चाक्षुषस्य त्वमन्वये । प्राचीनबर्हिषः पौत्रः पुत्रश्चापि प्रचेतसः

bhavitā mānuṣo rājā cākṣuṣasya tvamanvaye | prācīnabarhiṣaḥ pautraḥ putraścāpi pracetasaḥ

and you yourself shall become a human king in the line of Chakshusha — grandson of Prachinabarhi and son of Prachetas.

Verse 58 (shiva.vayaviya.18.58)

अहं तत्रापि ते विघ्नमाचरिष्यामि दुर्मते । धर्मार्थकामयुक्तेषु कर्मस्वपि पुनः पुनः

ahaṁ tatrāpi te vighnamācariṣyāmi durmate | dharmārthakāmayukteṣu karmasvapi punaḥ punaḥ

O evil-minded one, even then I shall again and again create obstacles in your undertakings joined with dharma, artha, and kama.

Verse 59 (shiva.vayaviya.18.59)

तेनैवं व्याहृतो दक्षो रुद्रेणामिततेजसा । स्वायम्भुवीं तनुं त्यक्त्वा पपात भुवि दुःखितः

tenaivaṁ vyāhṛto dakṣo rudreṇāmitatejasā | svāyambhuvīṁ tanuṁ tyaktvā papāta bhuvi duḥkhitaḥ

Thus addressed by Rudra of immeasurable splendor, Daksha, abandoning his Svayambhuva body, fell to the ground grief-stricken and died.

Verse 60 (shiva.vayaviya.18.60)

ततः प्राचेतसो दक्षो जज्ञे वै चाक्षुषेऽन्तरे । प्राचीनबर्हिषः पौत्रः पुत्रश्चैव प्रचेतसाम्

tataḥ prācetaso dakṣo jajñe vai cākṣuṣe'ntare | prācīnabarhiṣaḥ pautraḥ putraścaiva pracetasām

Thereafter, in the Chakshusha Manvantara, Daksha was born as the grandson of Prachinabarhi and the son of the Prachetasas.

Verse 61 (shiva.vayaviya.18.61)

भृग्वादयोऽपि जाता वै मनोर्वैवस्वतस्य तु । अन्तरे ब्रह्मणो यज्ञे वारुणीं बिभ्रतस्तनुम्

bhṛgvādayo'pi jātā vai manorvaivasvatasya tu | antare brahmaṇo yajñe vāruṇīṁ bibhratastanum

Bhrigu and the others too were born in the Manvantara of Vaivasvata Manu, at Brahma's sacrifice, assuming bodies born of Varuna.

Verse 62 (shiva.vayaviya.18.62)

तदा दक्षस्य धर्मार्थं प्रवृत्तस्य दुरात्मनः । महेशः कृतवान् विघ्नं मनौ वैवस्वते सति

tadā dakṣasya dharmārthaṁ pravṛttasya durātmanaḥ | maheśaḥ kṛtavān vighnaṁ manau vaivasvate sati

Then, even as the wicked-souled Daksha engaged in a rite of dharma, in the Vaivasvata Manvantara, Mahesha created an obstacle in it.