The Birth of Virabhadra

Verse 1 (shiva.vayaviya.19.1)

ऋषय ऊचुः । कथं दक्षस्य धर्मार्थं प्रवृत्तस्य दुरात्मनः । महेशः कृतवान् विघ्नमेतदिच्छाम वेदितुम्

ṛṣaya ūcuḥ | kathaṁ dakṣasya dharmārthaṁ pravṛttasya durātmanaḥ | maheśaḥ kṛtavān vighnametadicchāma veditum

The sages said: We wish to know how Mahesha created an obstacle for the wicked-souled Daksha even as he engaged in an act of dharma.

Verse 2 (shiva.vayaviya.19.2)

वायुरुवाच । विश्वस्य जगतो मातुरपि देव्यास्तपोबलात् । पितृभावमुपागम्य मुदिते हिमवद्गिरौ

vāyuruvāca | viśvasya jagato māturapi devyāstapobalāt | pitṛbhāvamupāgamya mudite himavadgirau

Vayu said: Through the power of the austerity of the Goddess, the mother of the whole universe, the mountain Himavan, rejoicing, had come to hold toward her the disposition of a father.

Verse 3 (shiva.vayaviya.19.3)

देवेऽपि तत्कृतोद्वाहे हिमवच्छिखरालये । सङ्क्रीडति तया सार्द्धं काले बहुतरे गते

deve'pi tatkṛtodvāhe himavacchikharālaye | saṅkrīḍati tayā sārddhaṁ kāle bahutare gate

And the God too, having been married there upon the peak of the Himalaya, continued sporting together with her, even as a great span of time passed.

Verse 4 (shiva.vayaviya.19.4)

वैवस्वतेऽन्तरे प्राप्ते दक्षः प्राचेतसः स्वयम् । अश्वमेधेन यज्ञेन यक्ष्यमाणोऽन्वपद्यत

vaivasvate'ntare prāpte dakṣaḥ prācetasaḥ svayam | aśvamedhena yajñena yakṣyamāṇo'nvapadyata

When the Vaivasvata Manvantara arrived, Daksha, son of the Prachetasas, himself resolved to perform a sacrifice, the Ashvamedha.

Verse 5 (shiva.vayaviya.19.5)

ततो हिमवतः पृष्ठे दक्षो वै यज्ञमाहरत् । गङ्गाद्वारे शुभे देशे ऋषिसिद्धनिषेविते

tato himavataḥ pṛṣṭhe dakṣo vai yajñamāharat | gaṅgādvāre śubhe deśe ṛṣisiddhaniṣevite

Then Daksha performed that sacrifice on the flank of the Himalaya, at the auspicious place of Gangadvara, frequented by sages and siddhas.

Verse 6 (shiva.vayaviya.19.6)

तस्य तस्मिन्मखे देवाः सर्वे शक्रपुरोगमाः । गमनाय समागम्य बुद्धिमापेदिरे तदा

tasya tasminmakhe devāḥ sarve śakrapurogamāḥ | gamanāya samāgamya buddhimāpedire tadā

For that sacrifice of his, all the gods, headed by Indra, gathered together and resolved to go.

Verse 7 (shiva.vayaviya.19.7)

आदित्या वसवो रुद्राः साध्याः सह मरुद्गणैः । ऊष्मपाः सोमपाश्चैव आज्यपा धूमपास्तथा

ādityā vasavo rudrāḥ sādhyāḥ saha marudgaṇaiḥ | ūṣmapāḥ somapāścaiva ājyapā dhūmapāstathā

The Adityas, the Vasus, the Rudras, the Sadhyas together with the hosts of Maruts, the Ushmapas, Somapas, Ajyapas, and Dhumapas —

Verse 8 (shiva.vayaviya.19.8)

अश्विनौ पितरश्चैव तथा चान्ये महर्षयः । विष्णुना सहिताः सर्वे स्वागता यज्ञभागिनः

aśvinau pitaraścaiva tathā cānye maharṣayaḥ | viṣṇunā sahitāḥ sarve svāgatā yajñabhāginaḥ

the two Ashvins, the Pitrs, and other great sages — all of these, together with Vishnu, entitled to a share of the offering, were well received there.

Verse 9 (shiva.vayaviya.19.9)

दृष्ट्वा देवकुलं सर्वमीश्वरेण विना गतम् । दधीचो मन्युनाविष्टो दक्षमेवमभाषत

dṛṣṭvā devakulaṁ sarvamīśvareṇa vinā gatam | dadhīco manyunāviṣṭo dakṣamevamabhāṣata

Seeing the whole assembly of gods gone there without the Lord, Dadhichi, filled with wrath, spoke thus to Daksha —

Verse 10 (shiva.vayaviya.19.10)

दधीच उवाच । अप्यपूज्ये चैव पूजा पूज्यानां चाप्यपूजने । नरः पापमवाप्नोति महद्वै नात्र संशयः

dadhīca uvāca | apyapūjye caiva pūjā pūjyānāṁ cāpyapūjane | naraḥ pāpamavāpnoti mahadvai nātra saṁśayaḥ

Dadhichi said: By worshiping one unworthy of worship, and equally by failing to worship one worthy of worship, a man incurs great sin — of this there is no doubt.

Verse 11 (shiva.vayaviya.19.11)

असतां सम्मतिर्यत्र सतामवमतिस्तथा । दण्डो देवकृतस्तत्र सद्यः पतति दारुणः

asatāṁ sammatiryatra satāmavamatistathā | daṇḍo devakṛtastatra sadyaḥ patati dāruṇaḥ

Where the unworthy are honored and the worthy are dishonored, there a dreadful punishment ordained by the gods falls at once.

Verse 12 (shiva.vayaviya.19.12)

एवमुक्त्वा तु विप्रर्षिः पुनर्दक्षमभाषत । पूज्यं तु पशुभर्तारं कस्मान्नार्चयसे प्रभुम्

evamuktvā tu viprarṣiḥ punardakṣamabhāṣata | pūjyaṁ tu paśubhartāraṁ kasmānnārcayase prabhum

Having said this, that sage among brahmins spoke again to Daksha: Why do you not honor the Lord Pashupati, who is worthy of worship?

Verse 13 (shiva.vayaviya.19.13)

दक्ष उवाच । सन्ति मे बहवो रुद्राः शूलहस्ताः कपर्दिनः । एकादशावस्थिता ये नान्यं वेद्मि महेश्वरम्

dakṣa uvāca | santi me bahavo rudrāḥ śūlahastāḥ kapardinaḥ | ekādaśāvasthitā ye nānyaṁ vedmi maheśvaram

Daksha said: I have present here many Rudras, trident-bearing, matted-locked, established as eleven in number; besides these I know no other Maheshvara.

Verse 14 (shiva.vayaviya.19.14)

दधीच उवाच । किमेभिरमरैरन्यैः पूजितैरध्वरे फलम् । राजा चेदध्वरस्यास्य न रुद्रः पूज्यते त्वया

dadhīca uvāca | kimebhiramarairanyaiḥ pūjitairadhvare phalam | rājā cedadhvarasyāsya na rudraḥ pūjyate tvayā

Dadhichi said: If Rudra, the king of this sacrifice, is not worshiped by you, what fruit is there in worshiping these other gods at the rite?

Verse 15 (shiva.vayaviya.19.15)

ब्रह्मविष्णुमहेशानां स्रष्टा यः प्रभुरव्ययः । ब्रह्मादयः पिशाचान्ता यस्य कैङ्कर्यवादिनः

brahmaviṣṇumaheśānāṁ sraṣṭā yaḥ prabhuravyayaḥ | brahmādayaḥ piśācāntā yasya kaiṅkaryavādinaḥ

He who is the imperishable Lord, the creator even of Brahma, Vishnu, and Mahesha, he whom all from Brahma down to the pishachas serve as servants —

Verse 16 (shiva.vayaviya.19.16)

प्रकृतीनां परश्चैव पुरुषस्य च यः परः । चिन्त्यते योगविद्वद्भिरृषिभिस्तत्त्वदर्शिभिः

prakṛtīnāṁ paraścaiva puruṣasya ca yaḥ paraḥ | cintyate yogavidvadbhirṛṣibhistattvadarśibhiḥ

he who is beyond Prakriti and beyond Purusha as well, upon whom sages skilled in yoga and seers of truth meditate —

Verse 17 (shiva.vayaviya.19.17)

अक्षरं परमं ब्रह्म ह्यसच्च सदसच्च यत् । अनादिमध्यनिधनमप्रतर्क्यं सनातनम्

akṣaraṁ paramaṁ brahma hyasacca sadasacca yat | anādimadhyanidhanamapratarkyaṁ sanātanam

He is the imperishable supreme Brahman, who is being, non-being, and both together; without beginning, middle, or end; inconceivable and eternal.

Verse 18 (shiva.vayaviya.19.18)

यः स्रष्टा चैव संहर्ता भर्ता चैव महेश्वरः । तस्मादन्यं न पश्यामि शङ्करात्मानमध्वरे

yaḥ sraṣṭā caiva saṁhartā bhartā caiva maheśvaraḥ | tasmādanyaṁ na paśyāmi śaṅkarātmānamadhvare

He who is the creator, the destroyer, and the sustainer as well — he alone is Maheshvara; I see no other of the nature of Shankara at this sacrifice, apart from him.

Verse 19 (shiva.vayaviya.19.19)

दक्ष उवाच । एतन्मखेशस्य सुवर्णपात्रे हविः समस्तं विधिमन्त्रपूतम् । विष्णोर्नयाम्यप्रतिमस्य भागं प्रभोर्विभज्याहवनीयमद्य

dakṣa uvāca | etanmakheśasya suvarṇapātre haviḥ samastaṁ vidhimantrapūtam | viṣṇornayāmyapratimasya bhāgaṁ prabhorvibhajyāhavanīyamadya

Daksha said: This entire oblation, purified by the prescribed mantras, lies here in the golden vessel of the lord of the sacrifice; today I offer this oblation, allotting the portion of the peerless Lord Vishnu.

Verse 20 (shiva.vayaviya.19.20)

दधीच उवाच । यस्मान्नाराधितो रुद्रः सर्वदेवेश्वरेश्वरः । तस्माद्दक्ष तवाशेषो यज्ञोऽयं न भविष्यति

dadhīca uvāca | yasmānnārādhito rudraḥ sarvadeveśvareśvaraḥ | tasmāddakṣa tavāśeṣo yajño'yaṁ na bhaviṣyati

Dadhichi said: Since Rudra, the Lord of the lords of all the gods, has not been worshiped, therefore, O Daksha, this sacrifice of yours shall not reach completion.

Verse 21 (shiva.vayaviya.19.21)

इत्युक्त्वा वचनं क्रुद्धो दधीचो मुनिसत्तमः । निर्गम्य च ततो देशाज्जगाम स्वकमाश्रमम्

ityuktvā vacanaṁ kruddho dadhīco munisattamaḥ | nirgamya ca tato deśājjagāma svakamāśramam

Having spoken these words, the enraged Dadhichi, foremost among sages, departed from that place and went to his own hermitage.

Verse 22 (shiva.vayaviya.19.22)

निर्गतेऽपि मुनौ तस्मिन्देवा दक्षं न तत्यजुः । अवश्यमनुभावित्वादनर्थस्य तु भाविनः

nirgate'pi munau tasmindevā dakṣaṁ na tatyajuḥ | avaśyamanubhāvitvādanarthasya tu bhāvinaḥ

Even after that sage had departed, the gods did not abandon Daksha, since the coming calamity was bound inevitably to be experienced.

Verse 23 (shiva.vayaviya.19.23)

एतस्मिन्नेव काले तु ज्ञात्वैतत्सर्वमीश्वरात् । दग्धुं दक्षाध्वरं विप्रा देवी देवमचोदयत्

etasminneva kāle tu jñātvaitatsarvamīśvarāt | dagdhuṁ dakṣādhvaraṁ viprā devī devamacodayat

O brahmins, at this very time, having learned all this from the Lord, the Goddess urged the God to burn up Daksha's sacrifice.

Verse 24 (shiva.vayaviya.19.24)

देव्या सञ्चोदितो देवो दक्षाध्वरजिघांसया । ससर्ज सहसा वीरं वीरभद्रं गणेश्वरम्

devyā sañcodito devo dakṣādhvarajighāṁsayā | sasarja sahasā vīraṁ vīrabhadraṁ gaṇeśvaram

Urged by the Goddess, desiring to destroy Daksha's sacrifice, the God at once brought forth the hero Virabhadra, lord of the ganas.

Verse 25 (shiva.vayaviya.19.25)

सहस्रवदनं देवं सहस्रकमलेक्षणम् । सहस्रमुद्गरधरं सहस्रशरपाणिकम्

sahasravadanaṁ devaṁ sahasrakamalekṣaṇam | sahasramudgaradharaṁ sahasraśarapāṇikam

A god with a thousand faces, a thousand lotus eyes, bearing a thousand maces, holding a thousand arrows in hand.

Verse 26 (shiva.vayaviya.19.26)

शूलटङ्कगदाहस्तं दीप्तकार्मुकधारिणम् । चक्रवज्रधरं घोरं चन्द्रार्द्धकृतशेखरम्

śūlaṭaṅkagadāhastaṁ dīptakārmukadhāriṇam | cakravajradharaṁ ghoraṁ candrārddhakṛtaśekharam

Holding trident, chisel-axe, and mace, bearing a blazing bow, wielding discus and thunderbolt, terrifying, and crowned with a crescent moon.

Verse 27 (shiva.vayaviya.19.27)

कुलिशोद्योतितकरं तडिज्ज्वलितमूर्द्धजम् । दंष्ट्राकरालं बिभ्राणं महावक्त्रं महोदरम्

kuliśodyotitakaraṁ taḍijjvalitamūrddhajam | daṁṣṭrākarālaṁ bibhrāṇaṁ mahāvaktraṁ mahodaram

His hand gleamed with the thunderbolt, his hair blazed like lightning; he bore terrifying fangs, and had a vast face and vast belly.

Verse 28 (shiva.vayaviya.19.28)

विद्युज्जिह्वं प्रलम्बोष्ठं मेघसागरनिःस्वनम् । वसानं चर्म वैयाघ्रं महद्रुधिरनिस्रवम्

vidyujjihvaṁ pralamboṣṭhaṁ meghasāgaraniḥsvanam | vasānaṁ carma vaiyāghraṁ mahadrudhiranisravam

His tongue was like lightning, his lips hung heavy, his roar was like the ocean and the thundercloud; he wore a tiger's hide, from which thick blood dripped.

Verse 29 (shiva.vayaviya.19.29)

गण्डद्वितयसंसृष्टमण्डलीकृतकुण्डलम् । वरामरशिरोमालावलीकलितशेखरम्

gaṇḍadvitayasaṁsṛṣṭamaṇḍalīkṛtakuṇḍalam | varāmaraśiromālāvalīkalitaśekharam

Round earrings touched both his cheeks, and his crown was fashioned from a garland of the heads of excellent gods.

Verse 30 (shiva.vayaviya.19.30)

रणन्नूपुरकेयूरमहाकनकभूषितम् । रत्नसञ्चयसन्दीप्तं तारहारावृतोरसम्

raṇannūpurakeyūramahākanakabhūṣitam | ratnasañcayasandīptaṁ tārahārāvṛtorasam

He was adorned with jingling anklets and armlets and great golden ornaments, blazing with masses of jewels, his chest covered with gleaming necklaces.

Verse 31 (shiva.vayaviya.19.31)

महाशरभशार्दूलसिंहैः सदृशविक्रमम् । प्रशस्तमत्तमातङ्गसमानगमनालसम्

mahāśarabhaśārdūlasiṁhaiḥ sadṛśavikramam | praśastamattamātaṅgasamānagamanālasam

His valor was equal to the great Sharabha, the tiger, and the lion; his gait, majestic and languid, resembled that of a proud rutting elephant.

Verse 32 (shiva.vayaviya.19.32)

शङ्खचामरकुन्देन्दुमृणालसदृशप्रभम् । सतुषारमिवाद्रीन्द्रं साक्षाज्जङ्गमतां गतम्

śaṅkhacāmarakundendumṛṇālasadṛśaprabham | satuṣāramivādrīndraṁ sākṣājjaṅgamatāṁ gatam

His radiance was white as the conch, the fly-whisk, the jasmine, the moon, and the lotus-stalk — as though the snow-clad king of mountains had come alive and taken to motion.

Verse 33 (shiva.vayaviya.19.33)

ज्वालामालापरिक्षिप्तं दीप्तमौक्तिकभूषणम् । तेजसा चैव दीव्यन्तं युगान्त इव पावकम्

jvālāmālāparikṣiptaṁ dīptamauktikabhūṣaṇam | tejasā caiva dīvyantaṁ yugānta iva pāvakam

He was encircled by a garland of flames, decked with dazzling pearl ornaments, and blazed with splendor like the fire of the world's dissolution.

Verse 34 (shiva.vayaviya.19.34)

स जानुभ्यां महीं गत्वा प्रणतः प्राञ्जलिस्ततः । पार्श्वतो देवदेवस्य पर्यतिष्ठद् गणेश्वरः

sa jānubhyāṁ mahīṁ gatvā praṇataḥ prāñjalistataḥ | pārśvato devadevasya paryatiṣṭhad gaṇeśvaraḥ

That lord of the ganas, touching the earth with both knees, bowed down; then, with joined palms, he stood beside the God of gods.

Verse 35 (shiva.vayaviya.19.35)

मन्युना चासृजद्भद्रां भद्रकालीं महेश्वरीम् । आत्मनः कर्मसाक्षित्वे तेन गन्तुं सहैव तु

manyunā cāsṛjadbhadrāṁ bhadrakālīṁ maheśvarīm | ātmanaḥ karmasākṣitve tena gantuṁ sahaiva tu

And from her own wrath the Goddess brought forth the auspicious Bhadrakali, the great Maheshvari, so that, as witness to this deed, she might go together with him.

Verse 36 (shiva.vayaviya.19.36)

तं दृष्ट्वावस्थितं वीरभद्रं कालाग्निसन्निभम् । भद्रया सहितं प्राह भद्रमस्त्विति शङ्करः

taṁ dṛṣṭvāvasthitaṁ vīrabhadraṁ kālāgnisannibham | bhadrayā sahitaṁ prāha bhadramastviti śaṅkaraḥ

Seeing Virabhadra, resplendent as the fire of doomsday, standing there together with Bhadra, Shankara said: May good fortune be yours.

Verse 37 (shiva.vayaviya.19.37)

स च विज्ञापयामास सह देव्या महेश्वरम् । आज्ञापय महादेव किं कार्यं करवाण्यहम्

sa ca vijñāpayāmāsa saha devyā maheśvaram | ājñāpaya mahādeva kiṁ kāryaṁ karavāṇyaham

Together with the Goddess, he petitioned the Great Lord: O Mahadeva, command me — what task shall I perform?

Verse 38 (shiva.vayaviya.19.38)

ततस्त्रिपुरहा प्राह हैमवत्याः प्रियेच्छया । वीरभद्रं महाबाहुं वाचा विपुलनादया

tatastripurahā prāha haimavatyāḥ priyecchayā | vīrabhadraṁ mahābāhuṁ vācā vipulanādayā

Then the slayer of Tripura, out of desire to please Haimavati, spoke to the mighty-armed Virabhadra in a deep, resounding voice —

Verse 39 (shiva.vayaviya.19.39)

महादेव उवाच । प्राचेतसस्य दक्षस्य यज्ञं सद्यो विनाशय । भद्रकाल्या सहासि त्वमेतत्कृत्यं गणेश्वर

mahādeva uvāca | prācetasasya dakṣasya yajñaṁ sadyo vināśaya | bhadrakālyā sahāsi tvametatkṛtyaṁ gaṇeśvara

Mahadeva said: Destroy at once the sacrifice of Daksha, son of Prachetas. O lord of the ganas, accomplish this task together with Bhadrakali.

Verse 40 (shiva.vayaviya.19.40)

अहमप्यनया सार्द्धं रैभ्याश्रमसपीपतः । स्थित्वा वीक्षे गणेशान विक्रमं तव दुःसहम्

ahamapyanayā sārddhaṁ raibhyāśramasapīpataḥ | sthitvā vīkṣe gaṇeśāna vikramaṁ tava duḥsaham

O lord of the ganas, I too, together with her, shall remain near the hermitage of Raibhya and watch your unbearable might.

Verse 41 (shiva.vayaviya.19.41)

वृक्षाः कनखले ये तु गङ्गाद्वारसमीपगाः । सुवर्णशृङ्गस्य गिरेर्मेरुमन्दरसन्निभाः

vṛkṣāḥ kanakhale ye tu gaṅgādvārasamīpagāḥ | suvarṇaśṛṅgasya girermerumandarasannibhāḥ

The trees at Kanakhala, near Gangadvara, on the golden-peaked mountain, resembling Meru and Mandara —

Verse 42 (shiva.vayaviya.19.42)

तस्मिन्प्रदेशे दक्षस्य युज्ञः सम्प्रति वर्तते । सहसा तस्य यज्ञस्य विघातं कुरु मा चिरम्

tasminpradeśe dakṣasya yujñaḥ samprati vartate | sahasā tasya yajñasya vighātaṁ kuru mā ciram

— it is in that region that Daksha's sacrifice is now taking place; without delay, at once, wreak destruction upon that sacrifice.

Verse 43 (shiva.vayaviya.19.43)

इत्युक्ते सति देवेन देवी हिमगिरीन्द्रजा । भद्रं भद्रां च सम्प्रेक्ष्य वत्सं धेनुरिवौरसम्

ityukte sati devena devī himagirīndrajā | bhadraṁ bhadrāṁ ca samprekṣya vatsaṁ dhenurivaurasam

When the God had thus spoken, the Goddess, daughter of the lord of the Himalayan mountains, looked upon Bhadra and Bhadra, as a cow looks upon her own calf,

Verse 44 (shiva.vayaviya.19.44)

आलिङ्ग्य च समाघ्राय मूर्ध्नि षड्वदनं यथा । सस्मिता वचनं प्राह मधुरं मधुरं स्वयम्

āliṅgya ca samāghrāya mūrdhni ṣaḍvadanaṁ yathā | sasmitā vacanaṁ prāha madhuraṁ madhuraṁ svayam

and, embracing him and smelling the crown of his head, just as she does with the six-faced one, spoke herself, smiling, in the sweetest of words —

Verse 45 (shiva.vayaviya.19.45)

देव्युवाच । वत्स भद्र महाभाग महाबलपराक्रम । मत्प्रियार्थं त्वमुत्पन्नो मम मन्युं प्रमार्जय

devyuvāca | vatsa bhadra mahābhāga mahābalaparākrama | matpriyārthaṁ tvamutpanno mama manyuṁ pramārjaya

The Goddess said: O child Bhadra, most fortunate one, of great strength and valor, you were born for my beloved's sake; assuage my wrath.

Verse 46 (shiva.vayaviya.19.46)

यज्ञेश्वरमनाहूय यज्ञकर्मरतोऽभवत् । दक्षं वैरेण तं तस्माद्भिन्धि यज्ञं गणेश्वर

yajñeśvaramanāhūya yajñakarmarato'bhavat | dakṣaṁ vaireṇa taṁ tasmādbhindhi yajñaṁ gaṇeśvara

O lord of the ganas, that Daksha, hostile in spirit, engaged in the sacrificial rite without inviting the Lord of the sacrifice — shatter that sacrifice of his.

Verse 47 (shiva.vayaviya.19.47)

यज्ञलक्ष्मीमलक्ष्मीं त्वं भद्र कृत्वा ममाज्ञया । यजमानं च तं हत्वा वत्स हिंसय भद्रया

yajñalakṣmīmalakṣmīṁ tvaṁ bhadra kṛtvā mamājñayā | yajamānaṁ ca taṁ hatvā vatsa hiṁsaya bhadrayā

O Bhadra, by my command turn the glory of the sacrifice into ill fortune, and slaying that sacrificer, O child, wreak destruction together with Bhadra.

Verse 48 (shiva.vayaviya.19.48)

अशेषामिव तामाज्ञां शिवयोश्चित्रकृत्ययोः । मूर्ध्नि कृत्वा नमस्कृत्य भद्रो गन्तुं प्रचक्रमे

aśeṣāmiva tāmājñāṁ śivayościtrakṛtyayoḥ | mūrdhni kṛtvā namaskṛtya bhadro gantuṁ pracakrame

Bearing that command of Shiva and the Goddess, both engaged in this wondrous task, as though placed upon his own head, and offering homage, Bhadra set out to depart.

Verse 49 (shiva.vayaviya.19.49)

अथैष भगवान्क्रुद्धः प्रेतावासकृतालयः । वीरभद्रो महादेवो देव्या मन्युप्रमार्जकः

athaiṣa bhagavānkruddhaḥ pretāvāsakṛtālayaḥ | vīrabhadro mahādevo devyā manyupramārjakaḥ

Then this wrathful lord Virabhadra, who has made the abode of ghosts his own dwelling, a great god who assuages the Goddess's fury —

Verse 50 (shiva.vayaviya.19.50)

ससर्ज रोमकूपेभ्यो रोमजाख्यान् गणेश्वरान् । दक्षिणाद्भुजदेशात्तु शतकोटिगणेश्वरान्

sasarja romakūpebhyo romajākhyān gaṇeśvarān | dakṣiṇādbhujadeśāttu śatakoṭigaṇeśvarān

— brought forth from his hair-pores gana-lords called Romajas, and from the region of his right arm, hundreds of millions of gana-lords.

Verse 51 (shiva.vayaviya.19.51)

पादात्तथोरुदेशाच्च पृष्ठात्पार्श्वान्मुखाद्गलात् । गुह्याद् गुल्फाच्छिरोमध्यात्कण्ठादास्यात्तथोदरात्

pādāttathorudeśācca pṛṣṭhātpārśvānmukhādgalāt | guhyād gulphācchiromadhyātkaṇṭhādāsyāttathodarāt

Gana-lords were born from his foot, his thigh, his back, his side, his face, his throat, his secret parts, his ankle, the crown of his head, his neck, his mouth, and his belly as well.

Verse 52 (shiva.vayaviya.19.52)

तदा गणेश्वरैर्भद्रैर्भद्रतुल्यपराक्रमैः । सञ्छादितमभूत्सर्वं साकाशविवरं जगत्

tadā gaṇeśvarairbhadrairbhadratulyaparākramaiḥ | sañchāditamabhūtsarvaṁ sākāśavivaraṁ jagat

Then, with these auspicious gana-lords of valor equal to Bhadra himself, the entire world, along with the reaches of the sky, became completely covered.

Verse 53 (shiva.vayaviya.19.53)

सर्वे सहस्रहस्तास्ते सहस्रायुधपाणयः । रुद्रस्यानुचराः सर्वे सर्वे रुद्रसमप्रभाः

sarve sahasrahastāste sahasrāyudhapāṇayaḥ | rudrasyānucarāḥ sarve sarve rudrasamaprabhāḥ

All of them had a thousand arms, holding a thousand weapons in their hands; all were followers of Rudra, and all were of splendor equal to Rudra.

Verse 54 (shiva.vayaviya.19.54)

शूलशक्तिगदाहस्ताष्टङ्कोपलशिलाधराः । कालाग्निरुद्रसदृशास्त्रिनेत्राश्च जटाधराः

śūlaśaktigadāhastāṣṭaṅkopalaśilādharāḥ | kālāgnirudrasadṛśāstrinetrāśca jaṭādharāḥ

Bearing in their hands trident, spear, mace, chisel, and boulders of stone, resembling Kalagni Rudra, three-eyed, and matted-locked.

Verse 55 (shiva.vayaviya.19.55)

निपेतुर्भृशमाकाशे शतशः सिंहवाहनाः । विनेदुश्च महानादाञ्जलदा इव भद्रजाः

nipeturbhṛśamākāśe śataśaḥ siṁhavāhanāḥ | vineduśca mahānādāñjaladā iva bhadrajāḥ

Hundreds of them, mounted upon lions, poured suddenly into the sky, and those offspring of Bhadra roared with a great sound, like storm-clouds.

Verse 56 (shiva.vayaviya.19.56)

तैर्भद्रैर्भगवान् भद्रस्तथा परिवृतो बभौ । कालानलशतैर्युक्तो यथान्ते कालभैरवः

tairbhadrairbhagavān bhadrastathā parivṛto babhau | kālānalaśatairyukto yathānte kālabhairavaḥ

Surrounded by these auspicious hosts, the lord Bhadra shone forth like Kalabhairava at the world's end, accompanied by hundreds of fires of doom.

Verse 57 (shiva.vayaviya.19.57)

तेषां मध्ये समारुह्य वृषेन्द्रं वृषभध्वजः । जगाम भगवान् भद्रः शुभ्रमभ्रं यथा भवः

teṣāṁ madhye samāruhya vṛṣendraṁ vṛṣabhadhvajaḥ | jagāma bhagavān bhadraḥ śubhramabhraṁ yathā bhavaḥ

Mounting the foremost of bulls amidst them, the bull-bannered lord Bhadra proceeded forth, as though Bhava himself rode upon a white cloud.

Verse 58 (shiva.vayaviya.19.58)

तस्मिन्वृषभमारूढे भद्रे तु भसितप्रभः । बभार मौक्तिकं छत्रं गृहीतसितचामरः

tasminvṛṣabhamārūḍhe bhadre tu bhasitaprabhaḥ | babhāra mauktikaṁ chatraṁ gṛhītasitacāmaraḥ

Beside that Bhadra mounted upon the bull, one radiant as sacred ash held a pearl-studded umbrella, a white fly-whisk in hand.

Verse 59 (shiva.vayaviya.19.59)

स तदा शुशुभे पार्श्वे भद्रस्य भसितप्रभः । भगवानिव शैलेन्द्रः पार्श्वे विश्वजगद्गुरोः

sa tadā śuśubhe pārśve bhadrasya bhasitaprabhaḥ | bhagavāniva śailendraḥ pārśve viśvajagadguroḥ

That ash-radiant one shone then beside Bhadra, as the lord, king of mountains, shines beside the guru of the whole universe.

Verse 60 (shiva.vayaviya.19.60)

सोऽपि तेन बभौ भद्रः श्वेतचामरपाणिना । बालसोमेन सौम्येन यथा शूलवरायुधः

so'pi tena babhau bhadraḥ śvetacāmarapāṇinā | bālasomena saumyena yathā śūlavarāyudhaḥ

And by that one, white fly-whisk in hand, Bhadra himself shone as the wielder of the excellent trident shines, gentle as the crescent moon.

Verse 61 (shiva.vayaviya.19.61)

दध्मौ शङ्खं सितं भद्रं भद्रस्य पुरतः शुभम् । भानुकम्पो महातेजा हेमरत्नैरलङ्कृतः

dadhmau śaṅkhaṁ sitaṁ bhadraṁ bhadrasya purataḥ śubham | bhānukampo mahātejā hemaratnairalaṅkṛtaḥ

The greatly radiant one named Bhanukampa, adorned with gold and jewels, blew the auspicious white conch before Bhadra.

Verse 62 (shiva.vayaviya.19.62)

देवदुन्दुभयो नेदुर्दिव्यसङ्कुलनिःस्वनाः । ववृषुः शतशो मूर्ध्नि पुष्पवर्षं बलाहकाः

devadundubhayo nedurdivyasaṅkulaniḥsvanāḥ | vavṛṣuḥ śataśo mūrdhni puṣpavarṣaṁ balāhakāḥ

The divine drums of the gods resounded with tumultuous celestial sounds, and clouds rained flowers upon their heads a hundredfold.

Verse 63 (shiva.vayaviya.19.63)

फुल्लानां मधुगर्भाणां पुष्पाणां गन्धबन्धवः । मार्गानुकूलसंवाहा ववुश्च पथि मारुताः

phullānāṁ madhugarbhāṇāṁ puṣpāṇāṁ gandhabandhavaḥ | mārgānukūlasaṁvāhā vavuśca pathi mārutāḥ

Winds, bearing the fragrance of blossoming, honey-filled flowers, blew favorably along the path, carrying that scent all the way.

Verse 64 (shiva.vayaviya.19.64)

ततो गणेश्वराः सर्वे मत्ता युद्धबलोद्धताः । ननृतुर्मुमुदुर्नेदुर्जहसुर्जगदुर्जगुः

tato gaṇeśvarāḥ sarve mattā yuddhabaloddhatāḥ | nanṛturmumudurnedurjahasurjagadurjaguḥ

Then all the lords of the ganas, intoxicated and elated with the strength for battle, danced, rejoiced, roared, laughed, cried out, and sang.

Verse 65 (shiva.vayaviya.19.65)

तदा भद्रगणान्तःस्थो बभौ भद्रः सभद्रया । यथा रुद्रगणान्तः स्थस्त्र्यम्बकोऽम्बिकया सह

tadā bhadragaṇāntaḥstho babhau bhadraḥ sabhadrayā | yathā rudragaṇāntaḥ sthastryambako'mbikayā saha

Then Bhadra, standing amid the hosts of Bhadras, together with Bhadra, Bhadrakali, shone forth as Tryambaka shines amid the hosts of Rudras, together with Ambika.

Verse 66 (shiva.vayaviya.19.66)

तत्क्षणादेव दक्षस्य यज्ञवाटं हिरण्मयम् । प्रविवेश महाबाहुर्वीरभद्रो महानुगः

tatkṣaṇādeva dakṣasya yajñavāṭaṁ hiraṇmayam | praviveśa mahābāhurvīrabhadro mahānugaḥ

In that very instant, the mighty-armed Virabhadra, with his vast host of followers, entered Daksha's golden sacrificial enclosure.

Verse 67 (shiva.vayaviya.19.67)

ततस्तु दक्षप्रतिपादितस्य क्रतुप्रधानस्य गणप्रधानः । प्रयोगभूमिं प्रविवेश भद्रो रुद्रो यथान्ते भुवनं दिधक्षुः

tatastu dakṣapratipāditasya kratupradhānasya gaṇapradhānaḥ | prayogabhūmiṁ praviveśa bhadro rudro yathānte bhuvanaṁ didhakṣuḥ

Then Bhadra, chief of the ganas, entered the ritual ground of that great sacrifice conducted by Daksha, just as Rudra, at the end of time, enters the world desiring to consume it in flame.