Upamanyu's Austerity

Verse 1 (shiva.vayaviya.34.1)

ऋषय ऊचुः । धौम्याग्रजेन शिशुना क्षीरार्थं हि तपः कृतम् । तस्मात् क्षीरार्णवो दत्तस्तस्मै देवेन शूलिना

ṛṣaya ūcuḥ | dhaumyāgrajena śiśunā kṣīrārthaṁ hi tapaḥ kṛtam | tasmāt kṣīrārṇavo dattastasmai devena śūlinā

The sages said: Dhaumya's elder brother, while yet a child, performed austerity for the sake of milk — and for this the trident-bearing God granted him an ocean of milk.

Verse 2 (shiva.vayaviya.34.2)

स कथं शिशुको लेभे शिवशास्त्रप्रवक्तृताम् । कथं वा शिवसद्भावं ज्ञात्वा तपसि निष्ठितः

sa kathaṁ śiśuko lebhe śivaśāstrapravaktṛtām | kathaṁ vā śivasadbhāvaṁ jñātvā tapasi niṣṭhitaḥ

How did that child come to attain the office of expounder of Shiva's scripture? And how, having come to know the true nature of Shiva, did he become established in austerity?

Verse 3 (shiva.vayaviya.34.3)

कथं च लब्धविज्ञानस्तपश्चरणपर्वणि । रुद्राग्नेर्यत्परं वीर्यं लभे भस्म स्वरक्षकम्

kathaṁ ca labdhavijñānastapaścaraṇaparvaṇi | rudrāgneryatparaṁ vīryaṁ labhe bhasma svarakṣakam

And how, in the course of his austerity, did he attain that knowledge whereby he obtained sacred ash — the supreme potency of Rudra's fire, itself his own protector?

Verse 4 (shiva.vayaviya.34.4)

वायुरुवाच । न ह्येष शिशुकः कश्चित्प्राकृतः कृतवांस्तपः । मुनिवर्यस्य तनयो व्याघ्रपादस्य धीमतः

vāyuruvāca | na hyeṣa śiśukaḥ kaścitprākṛtaḥ kṛtavāṁstapaḥ | munivaryasya tanayo vyāghrapādasya dhīmataḥ

Vayu said: This was no ordinary child who performed the austerity — he was the son of the wise and eminent sage Vyaghrapada.

Verse 5 (shiva.vayaviya.34.5)

जन्मान्तरेण संसिद्धः केनापि खलु हेतुना । स्वपदप्रच्युतो दिष्ट्या प्राप्तो मुनिकुमारताम्

janmāntareṇa saṁsiddhaḥ kenāpi khalu hetunā | svapadapracyuto diṣṭyā prāpto munikumāratām

In a former birth he had, for some reason, already attained perfection; by a stroke of fortune, having fallen from his prior station, he came to be born as a sage's child.

Verse 6 (shiva.vayaviya.34.6)

महादेवप्रसादस्य भाग्यापन्नस्य भाविनः । दुग्धाभिलाषप्रभवद्वारतामगमत्तपः

mahādevaprasādasya bhāgyāpannasya bhāvinaḥ | dugdhābhilāṣaprabhavadvāratāmagamattapaḥ

That fortunate and destined child, one favored to receive Mahadeva's grace, undertook his austerity — an austerity born, in its beginning, from a mere longing for milk.

Verse 7 (shiva.vayaviya.34.7)

अतः सर्वगणेशत्वं कुमारत्वं च शाश्वतम् । सह दुग्धाब्धिना तस्मै प्रददौ शङ्करः स्वयम्

ataḥ sarvagaṇeśatvaṁ kumāratvaṁ ca śāśvatam | saha dugdhābdhinā tasmai pradadau śaṅkaraḥ svayam

Therefore Shankara himself granted him, together with the ocean of milk, lordship over all the ganas and eternal youth as well.

Verse 8 (shiva.vayaviya.34.8)

तस्य ज्ञानागमोऽप्यस्य प्रसादादेव शाङ्करात् । कौमारं हि परं साक्षाज्ज्ञानं शक्तिमयं विदुः

tasya jñānāgamo'pyasya prasādādeva śāṅkarāt | kaumāraṁ hi paraṁ sākṣājjñānaṁ śaktimayaṁ viduḥ

His attainment of knowledge, too, came about solely through Shankara's grace; that knowledge of his boyhood is known to be, in itself, the supreme knowledge charged with divine power.

Verse 9 (shiva.vayaviya.34.9)

शिवशास्त्रप्रवक्तृत्वमपि तस्य हि तत्कृतम् । कुमारोमुखतो लब्धज्ञानाब्धेरिव नन्दिनः

śivaśāstrapravaktṛtvamapi tasya hi tatkṛtam | kumāromukhato labdhajñānābdheriva nandinaḥ

His becoming an expounder of Shiva's scripture, too, was brought about by that same Lord — just as Nandi received the ocean of knowledge from the very mouth of Kumara.

Verse 10 (shiva.vayaviya.34.10)

दृष्टं तु कारणं तस्य शिवज्ञानसमन्वये । स्वमातृवचनं साक्षाच्छोकजं क्षीरकारणात्

dṛṣṭaṁ tu kāraṇaṁ tasya śivajñānasamanvaye | svamātṛvacanaṁ sākṣācchokajaṁ kṣīrakāraṇāt

But the visible cause of his coming to that knowledge of Shiva was, in fact, his own mother's word — spoken directly out of the grief caused by the matter of the milk.

Verse 11 (shiva.vayaviya.34.11)

कदाचित्क्षीरमत्यल्पं पीतवान्मातुलाश्रमे । ईर्ष्यया मातुलसुतं सन्तृप्तक्षीरमुत्तमम्

kadācitkṣīramatyalpaṁ pītavānmātulāśrame | īrṣyayā mātulasutaṁ santṛptakṣīramuttamam

Once, at his maternal uncle's hermitage, he had drunk only very little milk; and, with envy, he saw his uncle's son fully satisfied with fine milk.

Verse 12 (shiva.vayaviya.34.12)

पीत्वा स्थितं यथाकामं दृष्ट्वा वै मातुलात्मजम् । उपमन्युर्व्याघ्रपादिः प्रीत्या प्रोवाच मातरम्

pītvā sthitaṁ yathākāmaṁ dṛṣṭvā vai mātulātmajam | upamanyurvyāghrapādiḥ prītyā provāca mātaram

Seeing his cousin, his uncle's son, sitting there having drunk his fill as he pleased, Upamanyu, son of Vyaghrapada, spoke lovingly to his mother.

Verse 13 (shiva.vayaviya.34.13)

उपमन्युरुवाच । मातर्मातर्महाभागे मम देहि तपस्विनि । गव्यं क्षीरमतिस्वादु नाल्पमुष्णं पिबाम्यहम्

upamanyuruvāca | mātarmātarmahābhāge mama dehi tapasvini | gavyaṁ kṣīramatisvādu nālpamuṣṇaṁ pibāmyaham

Upamanyu said: Mother, mother, O blessed and ascetic one, give me some cow's milk, very sweet — I will not drink just a little warm milk.

Verse 14 (shiva.vayaviya.34.14)

वायुरुवाच । तच्छ्रुत्वा पुत्रवचनं तन्माता च तपस्विनी । व्याघ्रपादस्य महिषी दुःखमापत्तदा च सा

vāyuruvāca | tacchrutvā putravacanaṁ tanmātā ca tapasvinī | vyāghrapādasya mahiṣī duḥkhamāpattadā ca sā

Vayu said: Hearing her son's words, that ascetic woman, the wife of Vyaghrapada and his mother, was overcome with grief at that moment.

Verse 15 (shiva.vayaviya.34.15)

उपलाल्याथ सुप्रीत्या पुत्रमालिङ्ग्य सादरम् । दुःखिता विललापाथ स्मृत्वा नैर्धन्यमात्मनः

upalālyātha suprītyā putramāliṅgya sādaram | duḥkhitā vilalāpātha smṛtvā nairdhanyamātmanaḥ

Then, tenderly caressing her son and embracing him with affection, remembering her own poverty, she fell to grieving and lamenting.

Verse 16 (shiva.vayaviya.34.16)

स्मृत्वा स्मृत्वा पुनः क्षीरमुपमन्युः स बालकः । देहि देहीति तामाह रुद्रन्भूयो महाद्युतिः

smṛtvā smṛtvā punaḥ kṣīramupamanyuḥ sa bālakaḥ | dehi dehīti tāmāha rudranbhūyo mahādyutiḥ

Recalling the milk again and again, that radiant child Upamanyu wept and repeated to her, again and again, "Give it to me, give it to me."

Verse 17 (shiva.vayaviya.34.17)

तद् हठं सा परिज्ञाय द्विजपत्नी तपस्विनी । शान्तये तद् हठस्याथ शुभोपायमरीरचत्

tad haṭhaṁ sā parijñāya dvijapatnī tapasvinī | śāntaye tad haṭhasyātha śubhopāyamarīracat

Recognizing his obstinacy, that ascetic brahmin's wife devised a benign expedient to soothe his insistence.

Verse 18 (shiva.vayaviya.34.18)

उञ्छवृत्त्यार्जितान्बीजान्स्वयं दृष्ट्वा च सा तदा । बीजपिष्टमथालोड्य तोयेन कलभाषिणी

uñchavṛttyārjitānbījānsvayaṁ dṛṣṭvā ca sā tadā | bījapiṣṭamathāloḍya toyena kalabhāṣiṇī

Looking herself at the grain gathered by gleaning, that sweet-voiced woman then mixed the ground flour of that grain with water —

Verse 19 (shiva.vayaviya.34.19)

एह्येहि मम पुत्रेति सामपूर्वं ततः सुतम् । आलिङ्ग्यादाय दुःखार्ता प्रददौ कृत्रिमं पयः

ehyehi mama putreti sāmapūrvaṁ tataḥ sutam | āliṅgyādāya duḥkhārtā pradadau kṛtrimaṁ payaḥ

and saying, "come, come, my son," soothing him gently, embracing her son, and stricken with grief, she gave him that imitation milk.

Verse 20 (shiva.vayaviya.34.20)

पीत्वा च कृत्रिमं क्षीरं मात्रां दत्तं स बालकः । नैतत्क्षीरमिति प्राह मातरं चातिविह्वलः

pītvā ca kṛtrimaṁ kṣīraṁ mātrāṁ dattaṁ sa bālakaḥ | naitatkṣīramiti prāha mātaraṁ cātivihvalaḥ

Having drunk that imitation milk given by his mother, the child, greatly distressed, said to his mother: "This is not milk."

Verse 21 (shiva.vayaviya.34.21)

दुःखिता सा तदा प्राह सम्प्रेक्ष्याघ्राय मूर्द्धनि । सम्मार्ज्य नेत्र पुत्रस्य कराभ्यां कमलायते

duḥkhitā sā tadā prāha samprekṣyāghrāya mūrddhani | sammārjya netra putrasya karābhyāṁ kamalāyate

Then, grieving, she looked at him, smelt the top of his head in affection, and wiping her son's eyes with her lotus-like hands, spoke.

Verse 22 (shiva.vayaviya.34.22)

जनन्युवाच । तटिनी रत्नपूर्णास्ताः स्वर्गपातालगोचराः । भाग्यहीना न पश्यन्ति भक्तिहीनाश्च ये शिवे

jananyuvāca | taṭinī ratnapūrṇāstāḥ svargapātālagocarāḥ | bhāgyahīnā na paśyanti bhaktihīnāśca ye śive

The mother said: There are rivers full of jewels, ranging through heaven and the netherworld; but those who are unfortunate, and lack devotion to Shiva, never behold them.

Verse 23 (shiva.vayaviya.34.23)

राज्यं स्वर्गं च मोक्षं च भोजनं क्षीरसम्भवम् । न लभन्ते प्रियाण्येषां न तुष्यति यदा शिवः

rājyaṁ svargaṁ ca mokṣaṁ ca bhojanaṁ kṣīrasambhavam | na labhante priyāṇyeṣāṁ na tuṣyati yadā śivaḥ

Kingdom, heaven, liberation, and food made of milk — none of these precious things come to those with whom Shiva is not yet pleased.

Verse 24 (shiva.vayaviya.34.24)

भवप्रसादजं सर्वं नान्यद्देवप्रसादजम् । अन्यदेवेषु निरता दुःखार्ता विभ्रमन्ति च

bhavaprasādajaṁ sarvaṁ nānyaddevaprasādajam | anyadeveṣu niratā duḥkhārtā vibhramanti ca

Everything is born of Shiva's grace, and of no other god's grace; those devoted to other gods wander about, afflicted with sorrow.

Verse 25 (shiva.vayaviya.34.25)

क्षीरं तत्र कुतोऽस्माकं वने निवसतां सदा । क्व दुग्धसाधनं वत्स क्व वयं वनवासिनः

kṣīraṁ tatra kuto'smākaṁ vane nivasatāṁ sadā | kva dugdhasādhanaṁ vatsa kva vayaṁ vanavāsinaḥ

For us, who dwell always in the forest, where indeed would milk come from? My child, where are the means to obtain milk, and where are we, mere forest-dwellers?

Verse 26 (shiva.vayaviya.34.26)

कृत्स्नाभावेन दारिद्र्यान्मया ते भाग्यहीनया । मिथ्यादुग्धमिदं दत्तं पिष्टमालोड्य वारिणा

kṛtsnābhāvena dāridryānmayā te bhāgyahīnayā | mithyādugdhamidaṁ dattaṁ piṣṭamāloḍya vāriṇā

For want of all means, and because of my poverty, I, unfortunate as I am, gave you this false milk, made only of flour mixed with water.

Verse 27 (shiva.vayaviya.34.27)

त्वं मातुलगृहे स्वल्पं पीत्वा स्वादु पयः श्रुतम् । ज्ञात्वा स्वादु त्वया पीतं तज्जातीयमनुस्मरन्

tvaṁ mātulagṛhe svalpaṁ pītvā svādu payaḥ śrutam | jñātvā svādu tvayā pītaṁ tajjātīyamanusmaran

You drank a little of that renowned sweet milk at your uncle's house, and having known its sweetness, remembering that same kind of milk —

Verse 28 (shiva.vayaviya.34.28)

दत्तं न पय इत्युक्त्वा रुदन् दुःखीकरोषि माम् । प्रसादेन विना शम्भोः पयस्तव न विद्यते

dattaṁ na paya ityuktvā rudan duḥkhīkaroṣi mām | prasādena vinā śambhoḥ payastava na vidyate

you weep and say "this is not milk," and so cause me grief; but without Shambhu's grace, no milk at all can be had by you.

Verse 29 (shiva.vayaviya.34.29)

पादपङ्कजयोस्तस्य साम्बस्य सगणस्य च । भक्त्या समर्पितं यत्तत्कारणं सर्वसम्पदाम्

pādapaṅkajayostasya sāmbasya sagaṇasya ca | bhaktyā samarpitaṁ yattatkāraṇaṁ sarvasampadām

Whatever is offered with devotion at the lotus feet of that Shiva, together with Amba and his hosts, is the true cause of all prosperity.

Verse 30 (shiva.vayaviya.34.30)

अधुना वसुदोऽस्माभिर्महादेवो न पूजितः । सकामानां यथाकामं यथोक्तफलदायकः

adhunā vasudo'smābhirmahādevo na pūjitaḥ | sakāmānāṁ yathākāmaṁ yathoktaphaladāyakaḥ

Up to now we have not worshipped that Mahadeva, the bestower of wealth, who grants to desirous devotees the very fruits he has promised, exactly as they wish.

Verse 31 (shiva.vayaviya.34.31)

धनान्युद्दिश्य नास्माभिरितः प्रागर्चितः शिवः । अतो दरिद्राः सञ्जाता वयं तस्मान्न ते पयः

dhanānyuddiśya nāsmābhiritaḥ prāgarcitaḥ śivaḥ | ato daridrāḥ sañjātā vayaṁ tasmānna te payaḥ

We have not, until now, worshipped Shiva with wealth as our object; that is why we have become poor, and that is why there is no milk for you.

Verse 32 (shiva.vayaviya.34.32)

पूर्वजन्मनि यद्दत्तं शिवमुद्दिश्य वै सुतः । तदेव लभ्यते नान्यद् विष्णुमुद्दिश्य वा प्रभुम्

pūrvajanmani yaddattaṁ śivamuddiśya vai sutaḥ | tadeva labhyate nānyad viṣṇumuddiśya vā prabhum

My son, only that which was given in a former birth with Shiva as its object is obtained again; not even what was given with Lord Vishnu as its object equals it.

Verse 33 (shiva.vayaviya.34.33)

वायुरुवाच । इति मातृवचः श्रुत्वा तथ्यं शोकादिसूचकम् । बालोऽप्यनुतपन्नन्तः प्रगल्भमिदमब्रवीत्

vāyuruvāca | iti mātṛvacaḥ śrutvā tathyaṁ śokādisūcakam | bālo'pyanutapannantaḥ pragalbhamidamabravīt

Vayu said: Hearing this truthful word of his mother, disclosing her grief, the boy too, inwardly repentant, spoke these bold words.

Verse 34 (shiva.vayaviya.34.34)

उपमन्युरुवाच । शोकेनालमितो मतः साम्बो यद्यस्ति शङ्करः । त्यज शोकं महाभागे सर्वं भद्रं भविष्यति

upamanyuruvāca | śokenālamito mataḥ sāmbo yadyasti śaṅkaraḥ | tyaja śokaṁ mahābhāge sarvaṁ bhadraṁ bhaviṣyati

Upamanyu said: Enough of grief now, mother — if Shankara, together with Amba, truly exists, then, O blessed one, cast off your sorrow; all will yet be well.

Verse 35 (shiva.vayaviya.34.35)

शृणु मातर्वचो मेऽद्य महादेवोऽस्ति चेत् क्वचित् । चिराद्वा ह्यचिराद्वापि क्षीरोदं साधयाम्यहम्

śṛṇu mātarvaco me'dya mahādevo'sti cet kvacit | cirādvā hyacirādvāpi kṣīrodaṁ sādhayāmyaham

Listen to my word today, mother: if Mahadeva exists anywhere at all, then whether it takes long or comes swiftly, I myself shall win an ocean of milk.

Verse 36 (shiva.vayaviya.34.36)

वायुरुवाच । इति श्रुत्वा वचस्तस्य बालकस्य महामतेः । प्रत्युवाच तदा माता सुप्रसन्ना मनस्विनी

vāyuruvāca | iti śrutvā vacastasya bālakasya mahāmateḥ | pratyuvāca tadā mātā suprasannā manasvinī

Vayu said: Having heard these words of that wise-minded boy, his thoughtful mother, greatly pleased, replied to him.

Verse 37 (shiva.vayaviya.34.37)

मातोवाच । शुभं विचारितं तात त्वया मत्प्रीतिवर्द्धनम् । विलम्बं मा कथास्त्वं हि भज साम्बं सदाशिवम्

mātovāca | śubhaṁ vicāritaṁ tāta tvayā matprītivarddhanam | vilambaṁ mā kathāstvaṁ hi bhaja sāmbaṁ sadāśivam

The mother said: My child, you have resolved on something good, and it increases my joy; delay no more — go now and worship Sadashiva, together with Amba.

Verse 38 (shiva.vayaviya.34.38)

सर्वस्मादधिकोऽस्त्येव शिवः परमकारणम् । तत्कृतं हि जगत्सर्वं ब्रह्माद्यास्तस्य किङ्कराः

sarvasmādadhiko'styeva śivaḥ paramakāraṇam | tatkṛtaṁ hi jagatsarvaṁ brahmādyāstasya kiṅkarāḥ

Shiva alone is greater than all, the supreme cause; this entire universe is his making, and Brahma and the other gods are his servants.

Verse 39 (shiva.vayaviya.34.39)

तत्प्रसादकृतैश्वर्या दासास्तस्य वयं प्रभोः । तं विनान्यं न जानीमः शङ्करं लोकशङ्करम्

tatprasādakṛtaiśvaryā dāsāstasya vayaṁ prabhoḥ | taṁ vinānyaṁ na jānīmaḥ śaṅkaraṁ lokaśaṅkaram

All lordship comes only through his grace; we are servants of that Lord alone. Apart from Shankara, the bringer of good fortune to the world, we know none other.

Verse 40 (shiva.vayaviya.34.40)

अन्यान् देवान्न् परित्यज्य कर्मणा मनसा गिरा । तमेव साम्बं सगणं भज भावपुरस्सरम्

anyān devānn parityajya karmaṇā manasā girā | tameva sāmbaṁ sagaṇaṁ bhaja bhāvapurassaram

Setting aside all other gods, in deed, in mind, and in word, worship that same Shiva alone, with Amba and his hosts, in a spirit of loving devotion.

Verse 41 (shiva.vayaviya.34.41)

तस्य देवाधिदेवस्य शिवस्य वरदायिनः । साक्षान्नमः शिवायेति मन्त्रोऽयं वाचकः स्मृतः

tasya devādhidevasya śivasya varadāyinaḥ | sākṣānnamaḥ śivāyeti mantro'yaṁ vācakaḥ smṛtaḥ

For that God of gods, Shiva, the bestower of boons — the mantra "namaḥ śivāya" itself, directly, is held to be his very name and word.

Verse 42 (shiva.vayaviya.34.42)

सप्तकोटिमहामन्त्राः सर्वे सप्रणवाः परे । तस्मिन्नेव विलीयन्ते पुनस्तस्माद्विनिर्गताः

saptakoṭimahāmantrāḥ sarve sapraṇavāḥ pare | tasminneva vilīyante punastasmādvinirgatāḥ

All the seventy million great mantras, together with the syllable Om, dissolve into that mantra alone, and again issue forth from it.

Verse 43 (shiva.vayaviya.34.43)

सप्रसादाश्च ते मन्त्राः स्वाधिकाराद्यपेक्षया । सर्वाधिकारस्त्वेकोऽयं मन्त्र एवेश्वराज्ञया

saprasādāśca te mantrāḥ svādhikārādyapekṣayā | sarvādhikārastveko'yaṁ mantra eveśvarājñayā

All those mantras bear grace only in relation to their own particular sphere of authority; but by the Lord's own command, this one mantra alone holds authority over all.

Verse 44 (shiva.vayaviya.34.44)

यथा निकृष्टानुत्कृष्टान्सर्वानप्यात्मनः शिवः । क्षमते रक्षितुं तद्वन्मन्त्रोऽयमपि सर्वदा

yathā nikṛṣṭānutkṛṣṭānsarvānapyātmanaḥ śivaḥ | kṣamate rakṣituṁ tadvanmantro'yamapi sarvadā

Just as Shiva himself is capable of protecting all beings, whether lowly or exalted, so too is this mantra always capable of protecting all.

Verse 45 (shiva.vayaviya.34.45)

प्रबलश्च तथा ह्येष मन्त्रो मन्त्रान्तरादपि । सर्वरक्षाक्षमोऽप्येष नापरः कश्चिदिष्यते

prabalaśca tathā hyeṣa mantro mantrāntarādapi | sarvarakṣākṣamo'pyeṣa nāparaḥ kaścidiṣyate

This mantra, moreover, is more powerful than any other mantra; it alone is capable of protecting all, and no other is held to be its equal.

Verse 46 (shiva.vayaviya.34.46)

तस्मान्मन्त्रान्तरांस्त्यक्त्वा पञ्चाक्षरपरो भव । तस्मिन् जिह्वान्तरगते न किञ्चिदिह दुर्लभम्

tasmānmantrāntarāṁstyaktvā pañcākṣaraparo bhava | tasmin jihvāntaragate na kiñcidiha durlabham

Therefore, abandoning other mantras, devote yourself wholly to the five-syllabled mantra; once it has come to rest upon the tongue, nothing at all remains unattainable in this world.

Verse 47 (shiva.vayaviya.34.47)

अघोरास्त्रं च शैवानां रक्षाहेतुरनुत्तमम् । तच्च तत्प्रभवं मत्वा तत्परो भव नान्यथा

aghorāstraṁ ca śaivānāṁ rakṣāheturanuttamam | tacca tatprabhavaṁ matvā tatparo bhava nānyathā

The Aghora-astra is the supreme means of protection for the Shaivas; know that it too arises from that same Shiva, and be devoted to it accordingly, and to nothing else.

Verse 48 (shiva.vayaviya.34.48)

भस्मेदं तु मया लब्धं पितुरेव तवोत्तमम् । विरजानलसंसिद्धं महाव्यापन्निवारणम्

bhasmedaṁ tu mayā labdhaṁ pitureva tavottamam | virajānalasaṁsiddhaṁ mahāvyāpannivāraṇam

This excellent sacred ash I myself received from your very father — perfected through the Viraja-fire, and able to ward off great calamity.

Verse 49 (shiva.vayaviya.34.49)

मन्त्रं च ते मया दत्तं गृहाण मदनुज्ञया । अनेनैवाशु जप्तेन रक्षा तव भविष्यति

mantraṁ ca te mayā dattaṁ gṛhāṇa madanujñayā | anenaivāśu japtena rakṣā tava bhaviṣyati

And take up, with my sanction, the mantra I have given you; by swiftly reciting this alone, your protection will be assured.

Verse 50 (shiva.vayaviya.34.50)

वायुरुवाच । एवं मात्रा समादिश्य शिवमस्त्वित्युदीर्य च । विसृष्टस्तद्वचो मूर्ध्नि कुर्वन्नेव तदा मुनिः

vāyuruvāca | evaṁ mātrā samādiśya śivamastvityudīrya ca | visṛṣṭastadvaco mūrdhni kurvanneva tadā muniḥ

Vayu said: Thus instructed by his mother, and saying "may it be auspicious," the sage-child, bearing her words upon his very head, took his leave.

Verse 51 (shiva.vayaviya.34.51)

तां प्रणम्यैवमुक्त्वा च तपः कर्तुं प्रचक्रमे । तमाह च तदा माता शुभं कुर्वन्तु ते सुराः

tāṁ praṇamyaivamuktvā ca tapaḥ kartuṁ pracakrame | tamāha ca tadā mātā śubhaṁ kurvantu te surāḥ

Having bowed to her and spoken thus, he set out to perform austerity; and his mother then said to him, "may the gods grant you well-being."

Verse 52 (shiva.vayaviya.34.52)

अनुज्ञातस्तया तत्र तपस्तेपे स दुश्चरम् । हिमवत्पर्वतं प्राप्य वायुभक्षः समाहितः

anujñātastayā tatra tapastepe sa duścaram | himavatparvataṁ prāpya vāyubhakṣaḥ samāhitaḥ

With her leave granted, he went to the Himalaya mountain, and there, subsisting on air alone and deeply concentrated, undertook a most difficult austerity.

Verse 53 (shiva.vayaviya.34.53)

अष्टेष्टकाभिः प्रासादं कृत्वा लिङ्गं च मृण्मयम् । तत्रावाह्य महादेवं साम्बं सगणमव्ययम्

aṣṭeṣṭakābhiḥ prāsādaṁ kṛtvā liṅgaṁ ca mṛṇmayam | tatrāvāhya mahādevaṁ sāmbaṁ sagaṇamavyayam

Building a small shrine of eight bricks and setting up a linga of clay, and invoking there the imperishable Mahadeva, together with Amba and his hosts —

Verse 54 (shiva.vayaviya.34.54)

भक्त्या पञ्चाक्षरेणैव पुत्रैः पुष्पैर्वनोद्भवैः । समभ्यर्च्य चिरं कालं चचार परमं तपः

bhaktyā pañcākṣareṇaiva putraiḥ puṣpairvanodbhavaiḥ | samabhyarcya ciraṁ kālaṁ cacāra paramaṁ tapaḥ

worshipping there devotedly with the five-syllabled mantra and with leaves and flowers gathered from the forest, he practised the most supreme austerity for a long time.

Verse 55 (shiva.vayaviya.34.55)

ततस्तपश्चरत्तं तं बालमेकाकिनं कृशम् । उपमन्युं द्विजवरं शिवसंसक्तमानसम्

tatastapaścarattaṁ taṁ bālamekākinaṁ kṛśam | upamanyuṁ dvijavaraṁ śivasaṁsaktamānasam

Then, seeing that solitary, emaciated child — Upamanyu, foremost of brahmins, his mind wholly absorbed in Shiva — performing his austerity —

Verse 56 (shiva.vayaviya.34.56)

पुरा मरीचिना शप्ताः केचिन्मुनिपिशाचकाः । सम्पीड्य राक्षसैर्भावैस्तपसो विघ्नमाचरन्

purā marīcinā śaptāḥ kecinmunipiśācakāḥ | sampīḍya rākṣasairbhāvaistapaso vighnamācaran

certain sage-turned-demons, once cursed long ago by Marichi, began to torment him in fiendish guises and to obstruct his austerity.

Verse 57 (shiva.vayaviya.34.57)

स च तैः पीड्यमानोऽपि तपः कुर्वन्कथञ्चन । सदा नमः शिवायेति क्रोशति स्मार्तनादवत्

sa ca taiḥ pīḍyamāno'pi tapaḥ kurvankathañcana | sadā namaḥ śivāyeti krośati smārtanādavat

Even while tormented by them, he somehow persisted in his austerity, crying out again and again, "namaḥ śivāya," even amid cries of pain, like one in anguish.

Verse 58 (shiva.vayaviya.34.58)

तन्नादश्रवणादेव तपसो विघ्नकारिणः । ते तं बालं समुत्सृज्य मुनयः समुपाचरन्

tannādaśravaṇādeva tapaso vighnakāriṇaḥ | te taṁ bālaṁ samutsṛjya munayaḥ samupācaran

On hearing that very cry alone, those sage-demons who had been obstructing his austerity let the child be, and thereafter approached him with reverence.

Verse 59 (shiva.vayaviya.34.59)

तपसा तस्य विप्रस्य चोपमन्योर्महात्मनः । चराचरं च मुनयः प्रदीपितमभूज्जगत्

tapasā tasya viprasya copamanyormahātmanaḥ | carācaraṁ ca munayaḥ pradīpitamabhūjjagat

O sages, by the austerity of that great-souled brahmin Upamanyu, the entire universe of moving and unmoving beings blazed forth with light.