Vyasa's Incarnation in the Knowledge of Shiva's Nature

Verse 1 (shiva.vayaviya.43.1)

कृष्ण उवाच । भगवन् श्रोतुमिच्छामि शिवेन परिभाषितम् । वेदसारं शिवज्ञानं स्वाश्रितानां विमुक्तये

kṛṣṇa uvāca | bhagavan śrotumicchāmi śivena paribhāṣitam | vedasāraṁ śivajñānaṁ svāśritānāṁ vimuktaye

Krishna said: O Lord, I wish to hear that Shiva-knowledge, the very essence of the Vedas, spoken by Shiva himself for the liberation of those who take refuge in him.

Verse 2 (shiva.vayaviya.43.2)

अभक्तानामबुद्धीनामयुक्तानामगोचरम् । अर्थैर्दशर्धैः संयुक्तं गूढमप्राज्ञनिन्दितम्

abhaktānāmabuddhīnāmayuktānāmagocaram | arthairdaśardhaiḥ saṁyuktaṁ gūḍhamaprājñaninditam

— that knowledge which lies beyond the reach of non-devotees, the unwise, and the unrestrained, joined with its ten meanings, profound, and censured by the ignorant —

Verse 3 (shiva.vayaviya.43.3)

वर्णाश्रमकृतैर्धर्मैर्विपरीतं क्वचित्समम् । वेदात् षडङ्गादुद्धृत्य साङ्ख्याद्योगाच्च कृत्स्नशः

varṇāśramakṛtairdharmairviparītaṁ kvacitsamam | vedāt ṣaḍaṅgāduddhṛtya sāṅkhyādyogācca kṛtsnaśaḥ

— that knowledge which, at points, runs counter to the duties of caste and life-stage, and at points aligns with them; drawn out in its entirety from the Veda with its six auxiliary sciences, and from Sankhya and Yoga as well —

Verse 4 (shiva.vayaviya.43.4)

शतकोटिप्रमाणेन विस्तीर्णं ग्रन्थसङ्ख्यया । कथितं परमेशेन तत्र पूजा कथं प्रभोः

śatakoṭipramāṇena vistīrṇaṁ granthasaṅkhyayā | kathitaṁ parameśena tatra pūjā kathaṁ prabhoḥ

— that knowledge which extends to a hundred crore verses in its full extent, and was spoken by the Supreme Lord — within it, how is the worship of the Lord performed?

Verse 5 (shiva.vayaviya.43.5)

कस्याधिकारः पूजादौ ज्ञानयोगादयः कथम् । तत्सर्वं विस्तरादेव वक्तुमर्हसि सुव्रत

kasyādhikāraḥ pūjādau jñānayogādayaḥ katham | tatsarvaṁ vistarādeva vaktumarhasi suvrata

Who has the qualification for worship and the rest? How do knowledge, yoga, and the other paths proceed? O one of excellent vows, you alone are fit to tell all of this in full.

Verse 6 (shiva.vayaviya.43.6)

उपमन्युरुवाच । शैवं सङ्क्षिप्य वेदोक्तं शिवेन परिभाषितम् । स्तुतिनिन्दादिरहितं सद्यः प्रत्ययकारकम्

upamanyuruvāca | śaivaṁ saṅkṣipya vedoktaṁ śivena paribhāṣitam | stutinindādirahitaṁ sadyaḥ pratyayakārakam

Upamanyu said: I shall tell, in brief summary, that Shaiva doctrine, taught in the Veda and expounded by Shiva himself — free of both praise and blame, and one that produces immediate conviction.

Verse 7 (shiva.vayaviya.43.7)

गुरुप्रसादजं दिव्यमनायासेन मुक्तिदम् । कथयिष्ये समासेन तस्य शक्यो न विस्तरः

guruprasādajaṁ divyamanāyāsena muktidam | kathayiṣye samāsena tasya śakyo na vistaraḥ

It arises from the teacher's grace, is divine, and grants liberation without effort; I shall tell it briefly, for its full extent is not possible to convey.

Verse 8 (shiva.vayaviya.43.8)

सिसृक्षया पुराव्यक्ताच्छिवः स्थाणुर्महेश्वरः । सत्कार्यकारणोपेतः स्वयमाविरभूत्प्रभुः

sisṛkṣayā purāvyaktācchivaḥ sthāṇurmaheśvaraḥ | satkāryakāraṇopetaḥ svayamāvirabhūtprabhuḥ

Long ago, out of the desire to create, from the Unmanifest, the motionless Great Lord Shiva, the Lord, endowed with true effect and cause, manifested himself directly.

Verse 9 (shiva.vayaviya.43.9)

जनयामास च तदा ऋषिर्विश्वाधिकः प्रभुः । देवानां प्रथमं देवं ब्रह्माणं ब्रह्मणस्पतिम्

janayāmāsa ca tadā ṛṣirviśvādhikaḥ prabhuḥ | devānāṁ prathamaṁ devaṁ brahmāṇaṁ brahmaṇaspatim

Then that seer, the Lord surpassing the universe itself, brought forth Brahma, the very first among the gods, the Lord of sacred speech.

Verse 10 (shiva.vayaviya.43.10)

ब्रह्मापि पितरं देवं जायमानं न्यवैक्षत । तं जायमानं जनको देवः प्रापश्यदाज्ञया

brahmāpi pitaraṁ devaṁ jāyamānaṁ nyavaikṣata | taṁ jāyamānaṁ janako devaḥ prāpaśyadājñayā

Brahma too, at the very moment of his own coming into being, beheld his divine father; and that God who begot him, Shiva, likewise beheld Brahma being born, through his own command.

Verse 11 (shiva.vayaviya.43.11)

दृष्टो रुद्रेण देवोऽसावसृजद्विश्वमीश्वरः । वर्णाश्रमव्यवस्थां च चकार स पृथक् पृथक्

dṛṣṭo rudreṇa devo'sāvasṛjadviśvamīśvaraḥ | varṇāśramavyavasthāṁ ca cakāra sa pṛthak pṛthak

Having been thus beheld by Rudra, that God, the Lord, created the universe, and he also established, each in its own proper order, the arrangement of caste and stage of life.

Verse 12 (shiva.vayaviya.43.12)

सोमं ससर्ज यज्ञार्थे सोमाद् घौः समजायत । धरा च वह्निः सूर्यश्च यज्ञो विष्णुः शचीपतिः

somaṁ sasarja yajñārthe somād ghauḥ samajāyata | dharā ca vahniḥ sūryaśca yajño viṣṇuḥ śacīpatiḥ

For the sake of the sacrifice he created Soma, and from Soma the cow was born; the earth, fire, the sun, the sacrifice, Vishnu, and the lord of Shachi were likewise brought forth.

Verse 13 (shiva.vayaviya.43.13)

ते चान्ये च सुरा रुद्रं रुद्राध्यायेन तुष्टुवुः । प्रसन्नवदनस्तस्थौ देवानामग्रतः प्रभुः

te cānye ca surā rudraṁ rudrādhyāyena tuṣṭuvuḥ | prasannavadanastasthau devānāmagrataḥ prabhuḥ

They, and the other gods besides, praised Rudra with the Rudra-hymn; and that Lord, his countenance gracious, stood before the gods.

Verse 14 (shiva.vayaviya.43.14)

अपहृत्य स्वलीलार्थं तेषां ज्ञानं महेश्वरः । तमपृच्छंस्ततो देवाः को भवानिति मोहिताः

apahṛtya svalīlārthaṁ teṣāṁ jñānaṁ maheśvaraḥ | tamapṛcchaṁstato devāḥ ko bhavāniti mohitāḥ

Then, for the sake of his own divine play, Maheshvara took away their power of recognition; and the gods, thus bewildered, asked him: "Who are you?"

Verse 15 (shiva.vayaviya.43.15)

सोऽब्रवीद्भगवान् रुद्रो ह्यहमेकः पुरातनः । आसं प्रथममेवाहं वर्तामि च सुरोत्तमाः

so'bravīdbhagavān rudro hyahamekaḥ purātanaḥ | āsaṁ prathamamevāhaṁ vartāmi ca surottamāḥ

Lord Rudra said: O foremost of gods, I alone am the one, the primeval one; I alone existed first of all, and I alone continue to exist now.

Verse 16 (shiva.vayaviya.43.16)

भविष्यामि च मत्तोऽन्यो व्यतिरिक्तो न कश्चन । अहमेव जगत् सर्वं तर्पयामि स्वतेजसा

bhaviṣyāmi ca matto'nyo vyatirikto na kaścana | ahameva jagat sarvaṁ tarpayāmi svatejasā

And I alone shall exist in the future as well; there is nothing at all distinct or separate from me; I alone, by my own splendor, nourish and satisfy this entire universe.

Verse 17 (shiva.vayaviya.43.17)

मत्तोऽधिकः समो नास्ति मां यो वेद स मुच्यते । इत्युक्त्वा भगवान् रुद्रस्तत्रैवान्तरधत्त सः

matto'dhikaḥ samo nāsti māṁ yo veda sa mucyate | ityuktvā bhagavān rudrastatraivāntaradhatta saḥ

There is none greater than I, and none my equal; whoever knows me is liberated — having said this, Lord Rudra vanished then and there.

Verse 18 (shiva.vayaviya.43.18)

अपश्यन्तस्तमीशानं स्तुवन्तश्चैव सामभिः । व्रतं पाशुपतं कृत्वा त्वथर्वशिरसि स्थितम्

apaśyantastamīśānaṁ stuvantaścaiva sāmabhiḥ | vrataṁ pāśupataṁ kṛtvā tvatharvaśirasi sthitam

No longer beholding that Ishana, yet praising him still with the Sama hymns, and undertaking the Pashupata vow enjoined in the Atharvashiras —

Verse 19 (shiva.vayaviya.43.19)

भस्मसञ्छन्नसर्वाङ्गा बभूवुरमरास्तदा । अथ तेषां प्रसादार्थं पशूनां पतिरीश्वरः

bhasmasañchannasarvāṅgā babhūvuramarāstadā | atha teṣāṁ prasādārthaṁ paśūnāṁ patirīśvaraḥ

— the immortals then covered their entire bodies with sacred ash; and then, for their sake, in order to bestow his grace, that Lord of creatures, the sovereign —

Verse 20 (shiva.vayaviya.43.20)

सगणश्चोमया सार्धं सान्निध्यमकरोत्प्रभुः । यं विनिद्रा जितश्वासा योगिनो दग्धकिल्बिषाः

sagaṇaścomayā sārdhaṁ sānnidhyamakarotprabhuḥ | yaṁ vinidrā jitaśvāsā yogino dagdhakilbiṣāḥ

— that Lord, together with his hosts and with Uma, granted them his presence — he whom sleepless yogis, having mastered the breath and burned away their sins —

Verse 21 (shiva.vayaviya.43.21)

हृदि पश्यन्ति तं देवं ददृशुर्देवपुङ्गवाः । यामाहुः परमां शक्तिमीश्वरेच्छानुवर्तिनीम्

hṛdi paśyanti taṁ devaṁ dadṛśurdevapuṅgavāḥ | yāmāhuḥ paramāṁ śaktimīśvarecchānuvartinīm

— behold within their hearts — that God, those foremost of gods now likewise beheld; and they beheld too that supreme Shakti, ever following the will of the Lord —

Verse 22 (shiva.vayaviya.43.22)

तामपश्यन् महेशस्य वामतो वामलोचनाम् । ये विनिर्धूतसंसाराः प्राप्ताः शैवं परं पदम्

tāmapaśyan maheśasya vāmato vāmalocanām | ye vinirdhūtasaṁsārāḥ prāptāḥ śaivaṁ paraṁ padam

— that lovely-eyed Goddess, seated at Mahesha's left, was beheld by them, they who, wholly cleansed of transmigratory existence, had attained the supreme Shaiva state.

Verse 23 (shiva.vayaviya.43.23)

नित्यसिद्धाश्च ये वान्ये ते च दृष्टा गणेश्वराः । अथ तं तुष्टुवुर्देवा देव्या सह महेश्वरम्

nityasiddhāśca ye vānye te ca dṛṣṭā gaṇeśvarāḥ | atha taṁ tuṣṭuvurdevā devyā saha maheśvaram

And the other eternally perfected lords of the ganas, too, were seen there; then the gods offered praise to Maheshvara, together with the Goddess.

Verse 24 (shiva.vayaviya.43.24)

स्तोत्रैर्माहेश्वरैर्दिव्यैः श्रोतैः पौराणिकैरपि । देवोऽपि देवानालोक्य घृणया वृषभध्वजः

stotrairmāheśvarairdivyaiḥ śrotaiḥ paurāṇikairapi | devo'pi devānālokya ghṛṇayā vṛṣabhadhvajaḥ

With divine Maheshvara hymns, and with Puranic recitations as well, they offered praise; and the bull-bannered God, too, looked upon the gods with compassion.

Verse 25 (shiva.vayaviya.43.25)

तुष्टोऽस्मीत्याह सुप्रीतः स्वभावमधुरां गिरम् । अथ सुप्रीतमनसं प्रणिपत्य वृषध्वजम् । अर्थमहत्तमं देवाः पप्रच्छुरिममादरात्

tuṣṭo'smītyāha suprītaḥ svabhāvamadhurāṁ giram | atha suprītamanasaṁ praṇipatya vṛṣadhvajam | arthamahattamaṁ devāḥ papracchurimamādarāt

Greatly pleased, he spoke in his own naturally sweet voice, saying, "I am well pleased." Then, bowing to that gladdened, bull-bannered God, the gods respectfully asked this most weighty question.

Verse 26 (shiva.vayaviya.43.26)

देवा ऊचुः । भगवन् केन मार्गेण पूजनीयोऽसि भूतले । कस्याधिकारः पूजायां वक्तुमर्हसि तत्त्वतः

devā ūcuḥ | bhagavan kena mārgeṇa pūjanīyo'si bhūtale | kasyādhikāraḥ pūjāyāṁ vaktumarhasi tattvataḥ

The gods said: O Lord, by what path are you to be worshipped here on earth? Who has the qualification for that worship? Be pleased to tell us this in its true nature.

Verse 27 (shiva.vayaviya.43.27)

ततः सस्मितमालोक्य देवीं देववरो हरः । स्वरूपं दर्शयामास घोरं सूर्यात्मकं परम्

tataḥ sasmitamālokya devīṁ devavaro haraḥ | svarūpaṁ darśayāmāsa ghoraṁ sūryātmakaṁ param

Then, smiling and glancing at the Goddess, Hara, foremost of gods, revealed his own terrible and supreme form, of the very nature of the sun.

Verse 28 (shiva.vayaviya.43.28)

सर्वैश्वर्यगुणोपेतं सर्वतेजोमयं परम् । शक्तिभिर्मूर्तिभिश्चाङ्गैर्ग्रहैर्देवैश्च संवृतम्

sarvaiśvaryaguṇopetaṁ sarvatejomayaṁ param | śaktibhirmūrtibhiścāṅgairgrahairdevaiśca saṁvṛtam

That supreme form was possessed of every attribute of sovereignty, wholly made of splendor, and surrounded by his Shaktis, his forms, his limbs, the planets, and the gods.

Verse 29 (shiva.vayaviya.43.29)

अष्टबाहुं चतुर्वक्त्रमर्द्धनारीकमद्भुतम् । दृष्ट्वैवमद्भुताकारं देवा विष्णुपुरोगमाः

aṣṭabāhuṁ caturvaktramarddhanārīkamadbhutam | dṛṣṭvaivamadbhutākāraṁ devā viṣṇupurogamāḥ

Eight-armed, four-faced, and of the astonishing form of Ardhanarishvara, half-man half-woman — beholding this wondrous shape, the gods, with Vishnu at their head —

Verse 30 (shiva.vayaviya.43.30)

बुद्ध्वा दिवाकरं देवं देवीं चैव निशाकरम् । पञ्चभूतानि शेषाणि तन्मयं च चराचरम्

buddhvā divākaraṁ devaṁ devīṁ caiva niśākaram | pañcabhūtāni śeṣāṇi tanmayaṁ ca carācaram

— recognizing that God as the sun, and the Goddess as the moon, and the remaining five elements, and the whole universe of moving and unmoving things, as likewise made of that same substance —

Verse 31 (shiva.vayaviya.43.31)

एवमुक्त्वा नमश्चक्रुस्तस्मै चार्घ्यं प्रदाय वै

evamuktvā namaścakrustasmai cārghyaṁ pradāya vai

— having spoken thus, they bowed to him, and offered him arghya as well.

Verse 32 (shiva.vayaviya.43.32)

सिन्दूरवर्णाय सुमण्डलाय सुवर्णवर्णाभरणाय तुभ्यम् । पद्माभनेत्राय सपङ्कजाय ब्रह्मेन्द्रनारायणकारणाय

sindūravarṇāya sumaṇḍalāya suvarṇavarṇābharaṇāya tubhyam | padmābhanetrāya sapaṅkajāya brahmendranārāyaṇakāraṇāya

"To you, vermilion-hued, of beautiful orb, adorned with golden ornaments, lotus-eyed, holding the lotus, the very cause of Brahma, Indra, and Narayana —

Verse 33 (shiva.vayaviya.43.33)

सुरत्नपूर्णं ससुवर्णतोयं सुकुङ्कुमाद्यं सकुशं सपुष्पम् । प्रदत्तमादाय सहेमपात्रं प्रशस्तमर्घ्यं भगवन् प्रसीद

suratnapūrṇaṁ sasuvarṇatoyaṁ sukuṅkumādyaṁ sakuśaṁ sapuṣpam | pradattamādāya sahemapātraṁ praśastamarghyaṁ bhagavan prasīda

taking this excellent arghya, filled with fine gems, with water mixed with gold, with kumkum and the like, together with kusha grass and flowers, offered in a golden vessel — O Lord, be gracious."

Verse 34 (shiva.vayaviya.43.34)

नमः शिवाय शान्ताय सगणायादिहेतवे । रुद्राय विष्णवे तुभ्यं ब्रह्मणे सूर्यमूर्तये

namaḥ śivāya śāntāya sagaṇāyādihetave | rudrāya viṣṇave tubhyaṁ brahmaṇe sūryamūrtaye

Homage to Shiva, the tranquil one, the primal cause together with his hosts, to Rudra, to Vishnu, to you as Brahma, in your very form as the sun.

Verse 35 (shiva.vayaviya.43.35)

यः शिवं मण्डले सौरे सम्पूज्यैव समाहितः । प्रातर्मध्याह्नसायाह्ने प्रदद्यादर्घ्यमुत्तमम्

yaḥ śivaṁ maṇḍale saure sampūjyaiva samāhitaḥ | prātarmadhyāhnasāyāhne pradadyādarghyamuttamam

Whoever, worshipping Shiva rightly within the orb of the sun, with a mind wholly composed, offers the excellent arghya at morning, midday, and evening —

Verse 36 (shiva.vayaviya.43.36)

प्रणमेद्वा पठेदेतान् शलोकान् श्रुतिमुखानिमान् । न तस्य दुर्ल्लभं किञ्चिद्भक्तश्चेन्मुच्यते दृढम्

praṇamedvā paṭhedetān śalokān śrutimukhānimān | na tasya durllabhaṁ kiñcidbhaktaścenmucyate dṛḍham

— or whoever bows and recites these verses, drawn from the very mouth of the Shruti — if he is a devotee of firm resolve, nothing remains beyond his reach, and he is surely liberated.

Verse 37 (shiva.vayaviya.43.37)

तस्मादभ्यर्चयेनित्यं शिवमादित्यरूपिणम् । धर्मकामार्थमुक्त्यर्थं मनसा कर्मणा गिरा

tasmādabhyarcayenityaṁ śivamādityarūpiṇam | dharmakāmārthamuktyarthaṁ manasā karmaṇā girā

Therefore, for the attainment of dharma, desire, wealth, and liberation, one should worship, daily, with mind, deed, and word, Shiva in his form as the sun.

Verse 38 (shiva.vayaviya.43.38)

अथ देवान् समालोक्य मण्डलस्थो महेश्वरः । सर्वागमोत्तरं दत्त्वा शास्त्रमन्तरधाद्धरः

atha devān samālokya maṇḍalastho maheśvaraḥ | sarvāgamottaraṁ dattvā śāstramantaradhāddharaḥ

Then, gazing upon the gods, Maheshvara Hara, seated within the solar orb, having bestowed that scripture, the supreme among all the Agamas, vanished from sight.

Verse 39 (shiva.vayaviya.43.39)

तत्र पूजाधिकारोऽयं ब्रह्मक्षत्रविशामिति । ज्ञात्वा प्रणम्य देवेशं देवा जग्मुर्यथागतम्

tatra pūjādhikāro'yaṁ brahmakṣatraviśāmiti | jñātvā praṇamya deveśaṁ devā jagmuryathāgatam

Understanding thus that "the qualification for this worship belongs to the brahmin, the kshatriya, and the vaishya," the gods bowed to the Lord of the gods and returned, just as they had come.

Verse 40 (shiva.vayaviya.43.40)

अथ कालेन महता तस्मिन् शास्त्रे तिरोहिते । भर्तारं परिपप्रच्छ तदङ्कस्था महेश्वरी

atha kālena mahatā tasmin śāstre tirohite | bhartāraṁ paripapraccha tadaṅkasthā maheśvarī

Then, after a great span of time had passed, when that scripture had become lost, Maheshvari, seated in her husband's lap, questioned him.

Verse 41 (shiva.vayaviya.43.41)

तया सञ्चोदितो देवो देव्या चन्द्रविभूषणः । अवदत्करमुद्धृत्य शास्त्रं सर्वागमोत्तरम्

tayā sañcodito devo devyā candravibhūṣaṇaḥ | avadatkaramuddhṛtya śāstraṁ sarvāgamottaram

Thus urged by the Goddess, the God adorned with the moon, raising his hand, once more declared that scripture, supreme among all the Agamas.

Verse 42 (shiva.vayaviya.43.42)

प्रवर्तितं च तल्लोके नियोगात्परमेष्ठिनः । मयागस्त्येन गुरुणा दधीचेन महर्षिणा

pravartitaṁ ca talloke niyogātparameṣṭhinaḥ | mayāgastyena guruṇā dadhīcena maharṣiṇā

It was propagated in that world, by the command of the Lord who stands supreme, by me, by the teacher Agastya, by the great sage Dadhichi —

Verse 43 (shiva.vayaviya.43.43)

स्वयमप्यवतीर्योर्व्यां युगावर्तेषु शूलधृक् । स्वाश्रितानां विमुक्त्यर्थं कुरुते ज्ञानसन्ततिम्

svayamapyavatīryorvyāṁ yugāvarteṣu śūladhṛk | svāśritānāṁ vimuktyarthaṁ kurute jñānasantatim

— and the wielder of the trident himself, too, in the recurring cycles of the ages, descends to the earth and maintains an unbroken succession of this knowledge, for the liberation of those who take refuge in him.

Verse 44 (shiva.vayaviya.43.44)

ऋभुः सत्यो भार्गवश्च ह्यङ्गिराः सविता द्विजाः । मृत्युः शतक्रतुर्धीमान् वसिष्ठो मुनिपुङ्गवः

ṛbhuḥ satyo bhārgavaśca hyaṅgirāḥ savitā dvijāḥ | mṛtyuḥ śatakraturdhīmān vasiṣṭho munipuṅgavaḥ

Ribhu, Satya, Bhargava, Angiras, Savita, Dvija, Mrityu, the wise Shatakratu, Vasishtha foremost among sages —

Verse 45 (shiva.vayaviya.43.45)

सारस्वतस्त्रिधामा च त्रिवृतो मुनिपुङ्गवः । शततेजाः स्वयं धर्मो नारायण इति श्रुतः

sārasvatastridhāmā ca trivṛto munipuṅgavaḥ | śatatejāḥ svayaṁ dharmo nārāyaṇa iti śrutaḥ

Sarasvata, Tridhama, Trivrita foremost among sages, Shatateja, Dharma himself, and he known by the name Narayana —

Verse 46 (shiva.vayaviya.43.46)

स्वरक्षश्चारुणिर्धीमांस्तथा चैव कृतञ्जयः । मामतेयो भरद्वाजो गौतमः कविरुत्तमः

svarakṣaścāruṇirdhīmāṁstathā caiva kṛtañjayaḥ | māmateyo bharadvājo gautamaḥ kaviruttamaḥ

Svaraksha, the wise Aruni, and likewise Kritanjaya, the son of Mamata, Bharadvaja, Gautama, the excellent poet —

Verse 47 (shiva.vayaviya.43.47)

वाचःस्रवा मुनिस्साक्षात्तथा सूक्ष्मायणिः शुचिः । तृणबिन्दुर्मुनिः कृष्णः शक्तिः शाक्तेय उत्तरः

vācaḥsravā munissākṣāttathā sūkṣmāyaṇiḥ śuciḥ | tṛṇabindurmuniḥ kṛṣṇaḥ śaktiḥ śākteya uttaraḥ

the sage Vachahshrava directly, and pure Sukshmayani, the sage Trinabindu, Krishna, Shakti, Shakteya, and Uttara —

Verse 48 (shiva.vayaviya.43.48)

जातूकर्ण्यो हरिः साक्षात् कृष्णद्वैपायनो मुनिः । व्यासावतारान् शृण्वन्तु कल्पयोगेश्वरान् क्रमात्

jātūkarṇyo hariḥ sākṣāt kṛṣṇadvaipāyano muniḥ | vyāsāvatārān śṛṇvantu kalpayogeśvarān kramāt

Jatukarnya, Hari himself, and the sage Krishna Dvaipayana — hear now, in order, these Vyasa-incarnations, lords of yoga across the successive kalpas.

Verse 49 (shiva.vayaviya.43.49)

लैङ्गे व्यासावतारा हि द्वापरान्तेषु सुव्रताः । योगाचार्यावताराश्च तथा शिष्येषु शूलिनः

laiṅge vyāsāvatārā hi dvāparānteṣu suvratāḥ | yogācāryāvatārāśca tathā śiṣyeṣu śūlinaḥ

These Vyasa-incarnations, spoken of in the Linga Purana, of excellent vows, appear at the end of each Dvapara age; and the incarnations of the wielder of the trident as a teacher of yoga likewise appear among their disciples.

Verse 50 (shiva.vayaviya.43.50)

तत्र तत्र विभोः शिष्याश्चत्वारः स्युर्महौजसः । शिष्यास्तेषां प्रशिष्याश्च शतशोऽथ सहस्रशः

tatra tatra vibhoḥ śiṣyāścatvāraḥ syurmahaujasaḥ | śiṣyāsteṣāṁ praśiṣyāśca śataśo'tha sahasraśaḥ

In each such instance, that mighty Lord has four disciples of great splendor; and their disciples, and their disciples' disciples, number in the hundreds and thousands.

Verse 51 (shiva.vayaviya.43.51)

तेषां सम्भावनाल्लोके शैवाज्ञाकरणादिभिः । भाग्यवन्तो विमुच्यन्ते भक्त्या चात्यन्तभाविताः

teṣāṁ sambhāvanālloke śaivājñākaraṇādibhiḥ | bhāgyavanto vimucyante bhaktyā cātyantabhāvitāḥ

Through honoring them, through obeying the Shaiva commandments and the like, and through being deeply steeped in devotion, fortunate people in this world attain liberation.