The Rite of Initiation into Shiva

Verse 1 (shiva.vayaviya.53.1)

उपमन्युरुवाच । ततः स्नानादिकं सर्वं समाप्याचार्यचोदितः । गच्छेद्बद्धाञ्जलिर्ध्यायन् शिवमण्डलपार्श्वतः

upamanyuruvāca | tataḥ snānādikaṃ sarvaṃ samāpyācāryacoditaḥ | gacchedbaddhāñjalirdhyāyan śivamaṇḍalapārśvataḥ

Upamanyu said: Then, having completed the bath and everything else, directed by the teacher, the disciple should go, with joined palms and meditating on Shiva, to the side of the maṇḍala.

Verse 2 (shiva.vayaviya.53.2)

अथ पूजां विना सर्वं कृत्वा पूर्वदिने यथा । नेत्रबन्धनपर्यन्तं दर्शयेत् मण्डलं गुरुः

atha pūjāṃ vinā sarvaṃ kṛtvā pūrvadine yathā | netrabandhanaparyantaṃ darśayet maṇḍalaṃ guruḥ

Then, having done everything as on the previous day except the worship, the guru should show the maṇḍala to the disciple up to the point of binding his eyes.

Verse 3 (shiva.vayaviya.53.3)

बद्धनेत्रेण शिष्येण पुष्पावकिरणे कृते । यत्रापतन्ति पुष्पाणि तस्य नामाऽस्य सन्दिशेत्

baddhanetreṇa śiṣyeṇa puṣpāvakiraṇe kṛte | yatrāpatanti puṣpāṇi tasya nāmā'sya sandiśet

When the blindfolded disciple has cast the flowers, wherever they fall, he should announce to him the name of that tattva.

Verse 4 (shiva.vayaviya.53.4)

तं चोपनीय निर्माल्यमण्डलेऽस्मिन्यथा पुरा । पूजयेद्देवमीशानं जुहुयाच्च शिवानले

taṃ copanīya nirmālyamaṇḍale'sminyathā purā | pūjayeddevamīśānaṃ juhuyācca śivānale

Having led him, as before, to that spot on the maṇḍala marked by the fallen flowers, he should worship the god Īśāna and make oblation in the fire of Shiva.

Verse 5 (shiva.vayaviya.53.5)

शिष्येण यदि दुःस्वप्नो दृष्टस्तद्दोषशान्तये । शतमर्द्धं तदर्द्धं वा जुहुयान्मूलविद्यया

śiṣyeṇa yadi duḥsvapno dṛṣṭastaddoṣaśāntaye | śatamarddhaṃ tadarddhaṃ vā juhuyānmūlavidyayā

If the disciple has seen an ill-omened dream, to pacify that fault he should offer a hundred oblations with the root mantra, or half of that, or half again.

Verse 6 (shiva.vayaviya.53.6)

ततः सूत्रं शिखाबद्धं लम्बयित्वा यथा पुरा । आधारपूजाप्रभृति यन्निवृत्तिकलाश्रयम्

tataḥ sūtraṃ śikhābaddhaṃ lambayitvā yathā purā | ādhārapūjāprabhṛti yannivṛttikalāśrayam

Then, letting the thread bound to the crown-lock hang down as before, he should perform the worship of the supports and the rest, resting upon the Nivṛtti kalā.

Verse 7 (shiva.vayaviya.53.7)

वागीश्वरीपूजनान्तं कुर्याद्धोमपुरःसरम् । अथ प्रणम्य वागीशं निवृत्तेर्व्यापिकां सतीम्

vāgīśvarīpūjanāntaṃ kuryāddhomapuraḥsaram | atha praṇamya vāgīśaṃ nivṛttervyāpikāṃ satīm

This should be done, preceded by fire-oblation, up to the worship of Vāgīśvarī. Then, having bowed to Vāgīśa, the true pervader of Nivṛtti kalā —

Verse 8 (shiva.vayaviya.53.8)

मण्डले देवमभ्यर्च्य हुत्वा चैवाहुतित्रयम् । प्रापयेच्च शिशोः प्राप्तिं युगपत्सर्वयोनिषु

maṇḍale devamabhyarcya hutvā caivāhutitrayam | prāpayecca śiśoḥ prāptiṃ yugapatsarvayoniṣu

having worshipped the god in the maṇḍala and offered a triple oblation, he should cause the disciple to attain, all at once, entry into every womb.

Verse 9 (shiva.vayaviya.53.9)

सूत्रदेहेऽथ शिष्यस्य ताडनप्रोक्षणादिकम् । कृत्वात्मानं समादाय द्वादशान्ते निवेद्य च

sūtradehe'tha śiṣyasya tāḍanaprokṣaṇādikam | kṛtvātmānaṃ samādāya dvādaśānte nivedya ca

Then, having touched and sprinkled the thread and the disciple's body, and drawn out his self, and offered it at the Dvādaśānta —

Verse 10 (shiva.vayaviya.53.10)

ततोऽप्यादाय मूलेन मुद्रया शास्त्रदृष्टया । योजयेन्मनसाचार्यो युगपत्सर्वयोनिषु

tato'pyādāya mūlena mudrayā śāstradṛṣṭayā | yojayenmanasācāryo yugapatsarvayoniṣu

then, taking it up with the scripture-prescribed mudrā by the root mantra, the teacher should, in his mind, unite it all at once with every womb.

Verse 11 (shiva.vayaviya.53.11)

देवानां जातयश्चाष्टौ तिरश्चां पञ्च जातयः । जात्यैकया च मानुष्या योनयश्च चतुर्दश

devānāṃ jātayaścāṣṭau tiraścāṃ pañca jātayaḥ | jātyaikayā ca mānuṣyā yonayaśca caturdaśa

The eight classes of gods, the five classes of animals, and the human class, one alone — the wombs are fourteen in all.

Verse 12 (shiva.vayaviya.53.12)

तासु सर्वासु युगपत्प्रवेशाय शिशोर्द्धिया । वागीशान्यां यथान्यायं शिष्यात्मानं निवेशयेत्

tāsu sarvāsu yugapatpraveśāya śiśorddhiyā | vāgīśānyāṃ yathānyāyaṃ śiṣyātmānaṃ niveśayet

Contemplating the disciple's entry into all of these at once, he should, in due manner, place the disciple's self within Vāgīśānī.

Verse 13 (shiva.vayaviya.53.13)

गर्भनिष्पत्तये देवं सम्पूज्य प्रणिपत्य च । हुत्वा चैव यथान्यायं निष्पन्नं तदनुस्मरेत्

garbhaniṣpattaye devaṃ sampūjya praṇipatya ca | hutvā caiva yathānyāyaṃ niṣpannaṃ tadanusmaret

For the accomplishment of the embryo, having worshipped and bowed to the god and duly made oblation, he should call to mind that it is now accomplished.

Verse 14 (shiva.vayaviya.53.14)

निष्पन्नस्यैवमुत्पत्तिमनुवृत्तिं च कर्मणा । आर्जवं भोगनिष्पत्तिः कुर्यात् प्रीतिं परां तथा

niṣpannasyaivamutpattimanuvṛttiṃ ca karmaṇā | ārjavaṃ bhoganiṣpattiḥ kuryāt prītiṃ parāṃ tathā

Thus he should bring about, through ritual action, the birth of the one so accomplished, its continuance, uprightness, the accomplishment of experience, and supreme delight.

Verse 15 (shiva.vayaviya.53.15)

निष्कृत्यर्थं च जात्यायुर्भोगसंस्कारसिद्धये । हुत्वाहुतित्रयं देवं प्रार्थयेद्देशिकोत्तमः

niṣkṛtyarthaṃ ca jātyāyurbhogasaṃskārasiddhaye | hutvāhutitrayaṃ devaṃ prārthayeddeśikottamaḥ

For atonement, and for the accomplishment of birth, lifespan, experience and consecration, the best of teachers, having offered a triple oblation, should pray to the god.

Verse 16 (shiva.vayaviya.53.16)

भोक्तृत्वविषयासङ्गमलं तत्कायशोधनम् । कृत्वैवमेव शिष्यस्य छिन्द्यात्पाशत्रयं ततः

bhoktṛtvaviṣayāsaṅgamalaṃ tatkāyaśodhanam | kṛtvaivameva śiṣyasya chindyātpāśatrayaṃ tataḥ

Having thus purified the body of the impurity of attachment to enjoyer-hood and its objects, he should then cut the disciple's threefold bond.

Verse 17 (shiva.vayaviya.53.17)

निकृत्या परिबद्धस्य पाशस्यात्यन्तभेदतः । कृत्वा शिष्यस्य चैतन्यं स्वच्छं मन्येत केवलम्

nikṛtyā paribaddhasya pāśasyātyantabhedataḥ | kṛtvā śiṣyasya caitanyaṃ svacchaṃ manyeta kevalam

Having, by this severance, utterly cut away the bond that bound him, he should consider the disciple's consciousness to be pure and isolated.

Verse 18 (shiva.vayaviya.53.18)

हुत्वा पूर्णाहुतिं वह्नौ ब्रह्माणं पूजयेत्ततः । हुत्वाहुतित्रयं तस्मै शिवाज्ञामनुसन्दिशेत्

hutvā pūrṇāhutiṃ vahnau brahmāṇaṃ pūjayettataḥ | hutvāhutitrayaṃ tasmai śivājñāmanusandiśet

Having offered the full oblation in the fire, he should worship Brahmā, and, offering him a triple oblation, convey to him the command of Shiva —

Verse 19 (shiva.vayaviya.53.19)

पितामह त्वया नास्य यातुः शैवं परं पदम् । प्रतिबन्धो विधातव्यः शैवाज्ञैषा गरीयसी

pitāmaha tvayā nāsya yātuḥ śaivaṃ paraṃ padam | pratibandho vidhātavyaḥ śaivājñaiṣā garīyasī

'O Grandsire, no obstacle is to be placed by you in the way of this one going to the supreme station of Shiva — this is the weighty command of Shiva.'

Verse 20 (shiva.vayaviya.53.20)

इत्यादिश्य तमभ्यर्च्य विसृज च विधानतः । समभ्यर्च्य महादेवं जुहुयादाहुतित्रयम्

ityādiśya tamabhyarcya visṛja ca vidhānataḥ | samabhyarcya mahādevaṃ juhuyādāhutitrayam

Having thus instructed and worshipped him, he should dismiss him according to rule; then, having duly worshipped Mahādeva, he should offer a triple oblation.

Verse 21 (shiva.vayaviya.53.21)

निवृत्त्या शुद्धमुद्धृत्य शिष्यात्मानं यथा पुरा । निवेश्यात्मनि सूत्रे च वागीशं पूजयेत्ततः

nivṛttyā śuddhamuddhṛtya śiṣyātmānaṃ yathā purā | niveśyātmani sūtre ca vāgīśaṃ pūjayettataḥ

Having, as before, drawn up the disciple's self purified by Nivṛtti, and placed it in himself and in the thread, he should then worship Vāgīśa.

Verse 22 (shiva.vayaviya.53.22)

हुत्वाहुतित्रयं तस्मै प्रणम्य च विसृज्य ताम् । कुर्यान्निवृत्तः सन्धानं प्रतिष्ठां कलया सह

hutvāhutitrayaṃ tasmai praṇamya ca visṛjya tām | kuryānnivṛttaḥ sandhānaṃ pratiṣṭhāṃ kalayā saha

Having offered him a triple oblation, bowed, and dismissed her, now withdrawn from Nivṛtti, he should make the junction with the Pratiṣṭhā kalā.

Verse 23 (shiva.vayaviya.53.23)

सन्धाने युगपत्पूजां कृत्वा हुत्वाहुतित्रयम् । शिष्यात्मनः प्रतिष्ठायां प्रवेशं त्वथ भावयेत्

sandhāne yugapatpūjāṃ kṛtvā hutvāhutitrayam | śiṣyātmanaḥ pratiṣṭhāyāṃ praveśaṃ tvatha bhāvayet

At the junction, having performed the worship all at once and offered a triple oblation, he should then contemplate the disciple's self entering into Pratiṣṭhā.

Verse 24 (shiva.vayaviya.53.24)

ततः प्रतिष्ठामावाह्य कृत्वाशेषं पुरोदितम् । तद्व्याप्तिं व्यापिकां तस्य वागीशानीं च भावयेत्

tataḥ pratiṣṭhāmāvāhya kṛtvāśeṣaṃ puroditam | tadvyāptiṃ vyāpikāṃ tasya vāgīśānīṃ ca bhāvayet

Then, having invoked Pratiṣṭhā and done all as stated before, he should contemplate its pervasion and its pervader, Vāgīśānī.

Verse 25 (shiva.vayaviya.53.25)

पूर्णेन्दुमण्डलप्रख्यां कृत्वा शेषं च पूर्ववत् । विष्णवे संविशेदाज्ञां शिवस्य परमात्मनः

pūrṇendumaṇḍalaprakhyāṃ kṛtvā śeṣaṃ ca pūrvavat | viṣṇave saṃviśedājñāṃ śivasya paramātmanaḥ

Contemplating her as resembling the orb of the full moon, and doing the rest as before, he should convey to Viṣṇu the command of Shiva, the supreme Self.

Verse 26 (shiva.vayaviya.53.26)

विष्णोर्विसर्जनाद्यं च कृत्वा शेषं च विद्यया । प्रतिष्ठामनुसन्धाय तस्यां चापि यथा पुरा

viṣṇorvisarjanādyaṃ ca kṛtvā śeṣaṃ ca vidyayā | pratiṣṭhāmanusandhāya tasyāṃ cāpi yathā purā

Having performed the dismissal of Viṣṇu and the rest, and, by the mantra, made the junction with Pratiṣṭhā, and entered within her also, as before —

Verse 27 (shiva.vayaviya.53.27)

कृत्वानुचिन्त्य तद्व्याप्तिं वागीशां च यथाक्रमम् । दीप्ताग्नौ पूर्णहोमान्तं कृत्वा शेषं च पूर्ववत्

kṛtvānucintya tadvyāptiṃ vāgīśāṃ ca yathākramam | dīptāgnau pūrṇahomāntaṃ kṛtvā śeṣaṃ ca pūrvavat

having duly contemplated its pervasion and Vāgīśā, and, in the blazing fire, performed everything up to the full oblation, and the rest as before —

Verse 28 (shiva.vayaviya.53.28)

नीलरुद्रमुपस्थाप्य तस्मै पूजादिकं तथा । कृत्वा कर्म शिवाज्ञां च दद्यात्पूर्वोक्तवर्त्मना

nīlarudramupasthāpya tasmai pūjādikaṃ tathā | kṛtvā karma śivājñāṃ ca dadyātpūrvoktavartmanā

having invoked Nīlarudra and performed for him the worship and the dismissal-rite, he should give the command of Shiva in the manner stated before.

Verse 29 (shiva.vayaviya.53.29)

तपस्तमपि चोद्वास्य कृत्वा तस्याथ शान्तये । विद्याकलां समाधाय तद्व्याप्तिं चावलोकयेत्

tapastamapi codvāsya kṛtvā tasyātha śāntaye | vidyākalāṃ samādhāya tadvyāptiṃ cāvalokayet

Having likewise sent forth that deity of austerity, and, for his pacification, settled him in the Vidyā kalā, he should observe its pervasion.

Verse 30 (shiva.vayaviya.53.30)

स्वात्मनो व्यापिकां तद्वद्वागीशीं च यथा पुरा । बालार्कसदृशाकारां भासयन्तीं दिशो दश

svātmano vyāpikāṃ tadvadvāgīśīṃ ca yathā purā | bālārkasadṛśākārāṃ bhāsayantīṃ diśo daśa

He should likewise contemplate Vāgīśī, the pervader of his own self, as before — of a form like the rising sun, illumining the ten directions.

Verse 31 (shiva.vayaviya.53.31)

ततः शेषं यथापूर्वं कृत्वा देवं महेश्वरम् । आवाह्याराध्य हुत्वास्मै शिवाज्ञां मनसा दिशेत्

tataḥ śeṣaṃ yathāpūrvaṃ kṛtvā devaṃ maheśvaram | āvāhyārādhya hutvāsmai śivājñāṃ manasā diśet

Then, having done the rest as before, and invoked and worshipped the god Maheśvara and made oblation, he should mentally convey to him the command of Shiva.

Verse 32 (shiva.vayaviya.53.32)

महेश्वरं तथोत्सृज्य कृत्वान्यां च कलामिमाम् । शान्त्यतीतां कलां नीत्वा तद्व्याप्तिमवलोकयेत्

maheśvaraṃ tathotsṛjya kṛtvānyāṃ ca kalāmimām | śāntyatītāṃ kalāṃ nītvā tadvyāptimavalokayet

Having likewise dismissed Maheśvara, and performed the rite for this next kalā, leading the self on to the kalā Śāntyatītā, he should observe its pervasion.

Verse 33 (shiva.vayaviya.53.33)

स्वात्मनो व्यापिकां तद्वद्वागीशीं च विचिन्तयेत् । नभोमण्डलसङ्काशां पूर्णान्तं चापि पूर्ववत्

svātmano vyāpikāṃ tadvadvāgīśīṃ ca vicintayet | nabhomaṇḍalasaṅkāśāṃ pūrṇāntaṃ cāpi pūrvavat

He should likewise contemplate Vāgīśī, the pervader of his own self, as resembling the orb of the sky, and do the rest up to the full oblation, as before.

Verse 34 (shiva.vayaviya.53.34)

कृत्वा शेषविधानेन समभ्यर्च्य सदाशिवम् । तस्मै समादिशेदाज्ञां शम्भोरमितकर्मणः

kṛtvā śeṣavidhānena samabhyarcya sadāśivam | tasmai samādiśedājñāṃ śambhoramitakarmaṇaḥ

Having, by the remaining procedure, duly worshipped Sadāśiva, he should convey to him the command of Shambhu, whose acts are boundless.

Verse 35 (shiva.vayaviya.53.35)

तत्रापि च यथापूर्वं शिवं शिरसि पूर्ववत् । समभ्यर्च्य च वागीशं प्रणम्य च विसर्जयेत्

tatrāpi ca yathāpūrvaṃ śivaṃ śirasi pūrvavat | samabhyarcya ca vāgīśaṃ praṇamya ca visarjayet

There too, placing Shiva upon the head as before, having duly worshipped Vāgīśa and bowed, he should dismiss him.

Verse 36 (shiva.vayaviya.53.36)

ततः शिवेन सम्प्रोक्ष्य शिष्यं शिरसि पूर्ववत् । विलयं शान्त्यतीतायाः शक्तितत्त्वेऽथ चिन्तयेत्

tataḥ śivena samprokṣya śiṣyaṃ śirasi pūrvavat | vilayaṃ śāntyatītāyāḥ śaktitattve'tha cintayet

Then, having sprinkled the disciple's head with the mantra of Shiva as before, he should contemplate the dissolution of Śāntyatītā into the principle of Śakti.

Verse 37 (shiva.vayaviya.53.37)

षडध्वनः परे पारे सर्वाध्वव्यापिनीं पराम् । कोटिसूर्यप्रतीकाशां शैवीं शक्तिं च चिन्तयेत्

ṣaḍadhvanaḥ pare pāre sarvādhvavyāpinīṃ parām | koṭisūryapratīkāśāṃ śaivīṃ śaktiṃ ca cintayet

He should contemplate the supreme Śaivī Śakti, beyond the farther shore of the six paths, pervading all the paths, radiant as ten million suns.

Verse 38 (shiva.vayaviya.53.38)

तदग्रे शिष्यमानीय शुद्धस्फटिकनिर्मलम् । प्रक्षाल्य कर्त्तरीं पश्चात् शिवशास्त्रोक्तमार्गतः

tadagre śiṣyamānīya śuddhasphaṭikanirmalam | prakṣālya karttarīṃ paścāt śivaśāstroktamārgataḥ

Having brought the disciple before it, and washed a pair of scissors pure and clear as crystal, according to the manner taught in the scripture of Shiva —

Verse 39 (shiva.vayaviya.53.39)

कुर्यात्तस्य शिखाच्छेदं सह सूत्रेण देशिकः । ततस्तां गोमये न्यस्य शिवाग्नौ जुहुयाच्छिखाम्

kuryāttasya śikhācchedaṃ saha sūtreṇa deśikaḥ | tatastāṃ gomaye nyasya śivāgnau juhuyācchikhām

the teacher should cut off his crown-lock together with the sacred thread; then, having placed it upon cow-dung, he should offer the lock in oblation in the fire of Shiva.

Verse 40 (shiva.vayaviya.53.40)

वौषडन्तेन मूलेन पुनः प्रक्षाल्य कर्तरीम् । हस्ते शिष्यस्य चैतन्यं तद्देहे विनिवर्तयेत्

vauṣaḍantena mūlena punaḥ prakṣālya kartarīm | haste śiṣyasya caitanyaṃ taddehe vinivartayet

Having again washed the scissors with the root mantra ending in Vauṣaṭ, he should, by touching the disciple's hand, cause his consciousness to return into that body.

Verse 41 (shiva.vayaviya.53.41)

ततः स्नातं समाचान्तं कृतस्वस्त्ययनं शिशुम् । प्रवेश्य मण्डलाभ्यासं प्रणिपत्य च दण्डवत्

tataḥ snātaṃ samācāntaṃ kṛtasvastyayanaṃ śiśum | praveśya maṇḍalābhyāsaṃ praṇipatya ca daṇḍavat

Then, the disciple having bathed, sipped water, and had the benediction rite performed for him, he should be led into the vicinity of the maṇḍala; and, having made him prostrate flat upon the ground —

Verse 42 (shiva.vayaviya.53.42)

पूजां कृत्वा यथान्यायं क्रियावैकल्यशुद्धये । वाचकेनैव मन्त्रेण जुहुयादाहुतित्रयम्

pūjāṃ kṛtvā yathānyāyaṃ kriyāvaikalyaśuddhaye | vācakenaiva mantreṇa juhuyādāhutitrayam

having duly performed worship, for the purification of any defect in the ritual act, with the mantra recited aloud, he should offer a triple oblation.

Verse 43 (shiva.vayaviya.53.43)

उपांशूच्चारयोगेन जुहुयादाहुतित्रयम् । पुनः सम्पूज्य देवेशं मन्त्रवैकल्यशुद्धये

upāṃśūccārayogena juhuyādāhutitrayam | punaḥ sampūjya deveśaṃ mantravaikalyaśuddhaye

With the mantra recited in a murmur, he should offer a triple oblation; then, having again worshipped the Lord of gods, for the purification of any defect in the mantra —

Verse 44 (shiva.vayaviya.53.44)

मानसोच्चारयोगेन जुहुयादाहुतित्रयम् । तत्र शम्भुं समाराध्य मण्डलस्थं सहाम्बया । हुत्वाहुतित्रयं पश्चात्प्रार्थयेत्प्राञ्जलिर्गुरुः

mānasoccārayogena juhuyādāhutitrayam | tatra śambhuṃ samārādhya maṇḍalasthaṃ sahāmbayā | hutvāhutitrayaṃ paścātprārthayetprāñjalirguruḥ

with the mantra recited mentally, he should offer a triple oblation. Then, having worshipped Shambhu, present in the maṇḍala together with the Mother, and offered a triple oblation, the guru, with joined palms, should pray —

Verse 45 (shiva.vayaviya.53.45)

भगवंस्त्वत्प्रसादेन शुद्धिरस्य षडध्वनः । कृता तस्मात्परं धाम गमयैनं तवाव्ययम्

bhagavaṃstvatprasādena śuddhirasya ṣaḍadhvanaḥ | kṛtā tasmātparaṃ dhāma gamayainaṃ tavāvyayam

'O Lord, by your grace the purification of the six paths has been accomplished for this one; therefore lead him to your supreme, imperishable abode.'

Verse 46 (shiva.vayaviya.53.46)

पूर्णान्तं पूर्ववत्कृत्वा ततो भूतानि शोधयेत्

pūrṇāntaṃ pūrvavatkṛtvā tato bhūtāni śodhayet

Having, as before, performed everything up to the full oblation, he should then purify the five elements.

Verse 47 (shiva.vayaviya.53.47)

स्थिरास्थिरे ततः शुद्ध्यै शीतोष्णे च ततः पदे । ध्यायेद्व्याप्त्यैकताकारे भूतशोधनकर्मणि

sthirāsthire tataḥ śuddhyai śītoṣṇe ca tataḥ pade | dhyāyedvyāptyaikatākāre bhūtaśodhanakarmaṇi

Then, for the purification of the fixed and the moving, and of heat and cold, he should meditate, in the rite of purifying the elements, upon the single form of their pervasion.

Verse 48 (shiva.vayaviya.53.48)

भूतानां ग्रन्थिविच्छेदं कृत्वा त्यक्त्वा सहाधिपैः । भूतानि स्थितियोगेन यो जपेत्परमे शिवे

bhūtānāṃ granthivicchedaṃ kṛtvā tyaktvā sahādhipaiḥ | bhūtāni sthitiyogena yo japetparame śive

Having severed the knot of the elements and cast them away together with their presiding lords, he who, through steadfast concentration, recites the mantra fixed upon the supreme Shiva —

Verse 49 (shiva.vayaviya.53.49)

विशोध्यास्यं तनुं दग्ध्वा प्लावयित्वा सुधाकणैः । स्थाप्यात्मानं ततः कुर्याद्विशुद्धाध्वमयं वपुः

viśodhyāsyaṃ tanuṃ dagdhvā plāvayitvā sudhākaṇaiḥ | sthāpyātmānaṃ tataḥ kuryādviśuddhādhvamayaṃ vapuḥ

having thus purified, burned this body and flooded it with drops of nectar, and established the self, he should then fashion a body wholly made of the purified path.

Verse 50 (shiva.vayaviya.53.50)

तत्रादौ शान्त्यतीतां तु व्यापिकां स्वाध्वनः कलाम् । शुद्धामेव शिशोर्मूर्ध्नि न्यसेच्छान्तिमुखे तथा

tatrādau śāntyatītāṃ tu vyāpikāṃ svādhvanaḥ kalām | śuddhāmeva śiśormūrdhni nyasecchāntimukhe tathā

There, first, he should place the pure Śāntyatītā kalā, the pervader of his own path, upon the crown of the disciple's head, and likewise the Śāntā kalā at the face.

Verse 51 (shiva.vayaviya.53.51)

विद्यां गलादिनाभ्यन्तं प्रतिष्ठां तदधः क्रमात् । जान्वन्तं तदधो न्यस्येन्निवृत्तिं चानुचिन्तयेत्

vidyāṃ galādinābhyantaṃ pratiṣṭhāṃ tadadhaḥ kramāt | jānvantaṃ tadadho nyasyennivṛttiṃ cānucintayet

Vidyā he should place from the throat down to the navel; below that, in due order, Pratiṣṭhā down to the knee; below that Nivṛtti, and duly meditate upon it.

Verse 52 (shiva.vayaviya.53.52)

स्वबीजैः सूत्रमन्त्रं च न्यस्याङ्गैस्तं शिवात्मकम् । बुद्ध्वा तं हृदयाम्भोजे देवमावाह्य पूजयेत्

svabījaiḥ sūtramantraṃ ca nyasyāṅgaistaṃ śivātmakam | buddhvā taṃ hṛdayāmbhoje devamāvāhya pūjayet

Having placed the thread-mantra, of the nature of Shiva, together with its limbs, by their own seed-syllables, he should invoke the god in the lotus of the heart and worship him.

Verse 53 (shiva.vayaviya.53.53)

आशास्य नित्यसान्निध्यं शिवस्वात्म्यं शिशौ गुरुः । शिवतेजोमयस्यास्य शिशोरापादयेद्गुणान्

āśāsya nityasānnidhyaṃ śivasvātmyaṃ śiśau guruḥ | śivatejomayasyāsya śiśorāpādayedguṇān

Praying for his eternal presence and for the disciple's identity of self with Shiva, the guru should confer the divine qualities upon this disciple, now made of the very radiance of Shiva.

Verse 54 (shiva.vayaviya.53.54)

अणिमादीन्प्रसीदेति प्रदद्यादाहुतित्रयम् । तथैव तु गुणानेव पुनरस्योपपादयेत्

aṇimādīnprasīdeti pradadyādāhutitrayam | tathaiva tu guṇāneva punarasyopapādayet

Praying 'may the powers beginning with aṇimā be gracious to him,' he should offer a triple oblation, and in the same way again confer the remaining qualities upon him.

Verse 55 (shiva.vayaviya.53.55)

सर्वज्ञतां तथा तृप्तिं बोधं चाद्यन्तवर्जितम् । अलुप्तशक्तिं स्वातन्त्र्यमनन्तां शक्तिमेव च

sarvajñatāṃ tathā tṛptiṃ bodhaṃ cādyantavarjitam | aluptaśaktiṃ svātantryamanantāṃ śaktimeva ca

Namely: omniscience, contentment, awareness free of beginning and end, unimpaired power, sovereign independence, and boundless power itself.

Verse 56 (shiva.vayaviya.53.56)

ततो देवमनुज्ञाप्य सद्यादिकलशैस्तु तम् । अभिषिञ्चेत देवेशं ध्यायन्हृदि यथाक्रमम्

tato devamanujñāpya sadyādikalaśaistu tam | abhiṣiñceta deveśaṃ dhyāyanhṛdi yathākramam

Then, having taken leave of the god, he should, with the jars presided over by Sadyojāta and the rest, duly anoint that Lord of gods, meditating upon him in the heart.

Verse 57 (shiva.vayaviya.53.57)

अथोपवेश्य तं शिष्यं शिवमभ्यर्च्य पूर्ववत् । लब्धानुज्ञः शिवाच्छैवीं विद्यामस्मै समादिशेत्

athopaveśya taṃ śiṣyaṃ śivamabhyarcya pūrvavat | labdhānujñaḥ śivācchaivīṃ vidyāmasmai samādiśet

Then, having seated that disciple and worshipped Shiva as before, having obtained permission from Shiva, he should impart to him the Shaiva mantra.

Verse 58 (shiva.vayaviya.53.58)

ओङ्कारपूर्विकां तत्र सम्पुटां तु नमोऽन्तगाम् । शिवशक्तियुताञ्चैव शक्तिविद्यां च तादृशीम्

oṅkārapūrvikāṃ tatra sampuṭāṃ tu namo'ntagām | śivaśaktiyutāñcaiva śaktividyāṃ ca tādṛśīm

That mantra, preceded by the syllable Oṃ, enclosed within it, ending in 'namaḥ,' joined with the Śakti of Shiva — and likewise such a mantra of the Śakti —

Verse 59 (shiva.vayaviya.53.59)

ऋषिं छन्दश्च देवं च शिवतां शिवयोस्तथा । पूजां सावरणां शम्भोरासनानि च सन्दिशेत्

ṛṣiṃ chandaśca devaṃ ca śivatāṃ śivayostathā | pūjāṃ sāvaraṇāṃ śambhorāsanāni ca sandiśet

he should teach him the sage, the meter, the deity, and likewise the Shiva-nature of the two, the worship of Shambhu with his retinue, and the ritual seats.

Verse 60 (shiva.vayaviya.53.60)

पुनः सम्पूज्य देवेशं यन्मया समनुष्ठितम् । सुकृतं कुरु तत्सर्वमिति विज्ञापयेत् शिवम्

punaḥ sampūjya deveśaṃ yanmayā samanuṣṭhitam | sukṛtaṃ kuru tatsarvamiti vijñāpayet śivam

Having again worshipped the Lord of gods, he should submit this prayer to Shiva: 'Whatever has been performed by me, make all of it a good work.'

Verse 61 (shiva.vayaviya.53.61)

सहशिष्यो गुरुर्देवं दण्डवत्क्षितिमण्डले । प्रणम्योद्वासयेत्तस्मात् मण्डलात्पावकादपि

sahaśiṣyo gururdevaṃ daṇḍavatkṣitimaṇḍale | praṇamyodvāsayettasmāt maṇḍalātpāvakādapi

The guru, together with the disciple, having prostrated flat upon the ground before the god, should then take leave of him from that maṇḍala and from the fire as well.

Verse 62 (shiva.vayaviya.53.62)

ततः सदसिकाः सर्वे पूज्याः पूजार्हकाः क्रमात्

tataḥ sadasikāḥ sarve pūjyāḥ pūjārhakāḥ kramāt

Then all the members of the assembly, in due order, worthy of honor, should be honored.

Verse 63 (shiva.vayaviya.53.63)

सेव्या वित्तानुसारेण सदस्याश्च सहर्त्विजः । वित्तशाठ्यं न कुर्वीत यदीच्छेत् शिवमात्मनः

sevyā vittānusāreṇa sadasyāśca sahartvijaḥ | vittaśāṭhyaṃ na kurvīta yadīcchet śivamātmanaḥ

The members of the assembly, together with the officiating priests, should be attended to according to one's means; one should not practice miserliness with wealth, if one desires Shiva for oneself.