The Greatness of the Sadhaka's Sacrament and Mantra

Verse 1 (shiva.vayaviya.54.1)

उपमन्युरुवाच । अतः परं प्रवक्ष्यामि साधकं नाम नामतः । संस्कारमन्त्रमाहात्म्यं कथने सूचितं मया

upamanyuruvāca | ataḥ paraṃ pravakṣyāmi sādhakaṃ nāma nāmataḥ | saṃskāramantramāhātmyaṃ kathane sūcitaṃ mayā

Upamanyu said: Hereafter I shall declare, in due order, that which is named the sādhaka's rite; the greatness of the sacrament and mantra has already been indicated by me.

Verse 2 (shiva.vayaviya.54.2)

सम्पूज्य मण्डले देवं स्थाप्य कुम्भे च पूर्ववत् । हुत्वा शिष्यमनुष्णीषं प्रापयेद्भुवि मण्डले

sampūjya maṇḍale devaṃ sthāpya kumbhe ca pūrvavat | hutvā śiṣyamanuṣṇīṣaṃ prāpayedbhuvi maṇḍale

Having worshipped the god in the maṇḍala, and, as before, established him in the jar, and made oblation, he should bring the disciple, bare-headed, onto the maṇḍala on the ground.

Verse 3 (shiva.vayaviya.54.3)

पूर्णान्तं पूर्ववत्कृत्वा हुत्वाऽऽहुतिशतं तथा । सन्तर्प्य मूलमन्त्रेण कलशैर्देशिकोत्तमः

pūrṇāntaṃ pūrvavatkṛtvā hutvā''hutiśataṃ tathā | santarpya mūlamantreṇa kalaśairdeśikottamaḥ

Having, as before, performed everything up to the full oblation, and likewise offered a hundred oblations, the best of teachers should satisfy the deity, with the jars, by the root mantra.

Verse 4 (shiva.vayaviya.54.4)

सन्दीप्य च यथापूर्वं कृत्वा पूर्वोदितं क्रमात् । अभिषिच्य यथापूर्वं प्रदद्यान्मन्त्रमुत्तमम्

sandīpya ca yathāpūrvaṃ kṛtvā pūrvoditaṃ kramāt | abhiṣicya yathāpūrvaṃ pradadyānmantramuttamam

And having, as before, performed the kindling rite in the order stated earlier, and, as before, performed the anointing, he should bestow the supreme mantra.

Verse 5 (shiva.vayaviya.54.5)

तत्र विद्योपदेशान्तं कृत्वा विस्तरशः क्रमात् । पुष्पाम्बुना शिशोः पाणौ विद्यां शैवीं समर्पयेत्

tatra vidyopadeśāntaṃ kṛtvā vistaraśaḥ kramāt | puṣpāmbunā śiśoḥ pāṇau vidyāṃ śaivīṃ samarpayet

There, having, in due order, performed at length everything up to the teaching of the mantra, he should place the Shaiva mantra into the disciple's hand together with flowers and water —

Verse 6 (shiva.vayaviya.54.6)

तवैहिकामुष्मिकयोः सर्वसिद्धिफलप्रदः । भवत्येव महामन्त्रः प्रसादात्परमेष्ठिनः

tavaihikāmuṣmikayoḥ sarvasiddhiphalapradaḥ | bhavatyeva mahāmantraḥ prasādātparameṣṭhinaḥ

'This great mantra becomes, for you, the bestower of the fruit of every success, in this world and the next, by the grace of the Supreme Lord.'

Verse 7 (shiva.vayaviya.54.7)

इत्युत्वा देवमभ्यर्च्य लब्धानुज्ञः शिवाद्गुरुः । साधनं शिवयोगं च साधकाय समादिशेत्

ityutvā devamabhyarcya labdhānujñaḥ śivādguruḥ | sādhanaṃ śivayogaṃ ca sādhakāya samādiśet

Having thus spoken and worshipped the god, the guru, having obtained permission from Shiva, should instruct the sādhaka in the practice and the yoga of Shiva.

Verse 8 (shiva.vayaviya.54.8)

तच्छ्रुत्वा गुरुसन्देशं क्रमशो मन्त्रसाधकः । पुरतो विनियोगस्य मन्त्रसाधनमाचरेत्

tacchrutvā gurusandeśaṃ kramaśo mantrasādhakaḥ | purato viniyogasya mantrasādhanamācaret

Having heard that message of the guru, the practitioner of the mantra should, in due order, perform the practice of the mantra prior to its ritual employment.

Verse 9 (shiva.vayaviya.54.9)

साधनं मूलमन्त्रस्य पुरश्चरणमुच्यते । पुरतश्चरणीयत्वाद्विनियोगाख्यकर्मणः

sādhanaṃ mūlamantrasya puraścaraṇamucyate | purataścaraṇīyatvādviniyogākhyakarmaṇaḥ

The practice of the root mantra is called puraścaraṇa, because it is to be undertaken before the rite known as ritual employment.

Verse 10 (shiva.vayaviya.54.10)

नात्यन्तं करणीयं तु मुमुक्षोर्मन्त्रसाधनम् । कृतं तु तदिहान्यत्र तस्यापि शुभदं भवेत्

nātyantaṃ karaṇīyaṃ tu mumukṣormantrasādhanam | kṛtaṃ tu tadihānyatra tasyāpi śubhadaṃ bhavet

For one who seeks liberation, this practice of the mantra is not absolutely required; but if performed, whether here or elsewhere, it becomes auspicious for him as well.

Verse 11 (shiva.vayaviya.54.11)

शुभेऽहनि शुभे देशे काले वा दोषवर्जिते । शुक्लदन्तनखः स्नातः कृतपूर्वाह्निकक्रियः

śubhe'hani śubhe deśe kāle vā doṣavarjite | śukladantanakhaḥ snātaḥ kṛtapūrvāhnikakriyaḥ

On an auspicious day, in an auspicious place, or at a time free of fault, his teeth and nails cleaned, bathed, having performed his forenoon rites —

Verse 12 (shiva.vayaviya.54.12)

अलङ्कृत्य यथा लब्धैर्गन्धमाल्यविभूषणैः । सोष्णीषः सोत्तरासङ्गः सर्वशुक्लसमाहितः

alaṅkṛtya yathā labdhairgandhamālyavibhūṣaṇaiḥ | soṣṇīṣaḥ sottarāsaṅgaḥ sarvaśuklasamāhitaḥ

having adorned himself, as available, with fragrance, garlands and ornaments, wearing a turban and an upper garment, composed, clad wholly in white —

Verse 13 (shiva.vayaviya.54.13)

देवालये गृहेऽन्यस्मिन् देशे वा सुमनोहरे । सुखेनाभ्यस्तपूर्वेण त्वासनेन कृतासनः

devālaye gṛhe'nyasmin deśe vā sumanohare | sukhenābhyastapūrveṇa tvāsanena kṛtāsanaḥ

in a temple, or in some other house, or in a delightful place, having taken his seat comfortably upon a seat previously in habitual use —

Verse 14 (shiva.vayaviya.54.14)

तनुं कृत्वात्मनः शैवीं शिवशास्त्रोक्तवर्त्मना । सम्पूज्य देवदेवेशं नकुलीश्वरमीश्वरम्

tanuṃ kṛtvātmanaḥ śaivīṃ śivaśāstroktavartmanā | sampūjya devadeveśaṃ nakulīśvaramīśvaram

having made his own body Shaiva according to the way taught in the scripture of Shiva, and having worshipped the God of gods, the Lord Nakulīśvara —

Verse 15 (shiva.vayaviya.54.15)

निवेद्य पायसं तस्मै समाप्याराधनं क्रमात् । प्रणिपत्य च तं देवं प्राप्तानुज्ञाश्च तन्मुखात्

nivedya pāyasaṃ tasmai samāpyārādhanaṃ kramāt | praṇipatya ca taṃ devaṃ prāptānujñāśca tanmukhāt

having offered him rice-pudding, and duly completed the worship, and prostrated before that god, and, having obtained his permission from his very presence —

Verse 16 (shiva.vayaviya.54.16)

कोटिवारं तदर्द्धं वा तदर्द्धं वा जपेत् शिवम् । लक्षविंशतिकं वापि दशलक्षमथापि वा

koṭivāraṃ tadarddhaṃ vā tadarddhaṃ vā japet śivam | lakṣaviṃśatikaṃ vāpi daśalakṣamathāpi vā

he should recite the mantra of Shiva ten million times, or half of that, or half again, or twenty hundred-thousand times, or else ten hundred-thousand times.

Verse 17 (shiva.vayaviya.54.17)

ततश्च पायसाक्षारलवणैकमिताशनः । अहिंसकः क्षमी शान्तो दान्तश्चैव सदा भवेत्

tataśca pāyasākṣāralavaṇaikamitāśanaḥ | ahiṃsakaḥ kṣamī śānto dāntaścaiva sadā bhavet

And thereafter, eating only rice-pudding without alkali or salt, in a measured amount, he should ever remain non-violent, forbearing, tranquil, and self-controlled.

Verse 18 (shiva.vayaviya.54.18)

अलाभे पायसस्याश्नन्फलमूलादिकानि वा । विहितानि शिवेनैव विशिष्टान्युत्तरोत्तरम्

alābhe pāyasasyāśnanphalamūlādikāni vā | vihitāni śivenaiva viśiṣṭānyuttarottaram

In the absence of rice-pudding, he may eat fruits, roots and the like, foods prescribed by Shiva himself, each in due order more excellent than the last.

Verse 19 (shiva.vayaviya.54.19)

चरुं भक्ष्यमथो सक्तुकणान्यावकमेव च । शाकं पयो दधि घृतं मूलं फलमथोदकम्

caruṃ bhakṣyamatho saktukaṇānyāvakameva ca | śākaṃ payo dadhi ghṛtaṃ mūlaṃ phalamathodakam

Sacrificial rice, cooked food, parched-grain flour, grains of wild rice, vegetables, milk, curd, ghee, roots, fruit, and water —

Verse 20 (shiva.vayaviya.54.20)

अभिमन्त्र्य च मन्त्रेण भक्ष्यभोज्यादिकानि च । साधनेऽस्मिन् विशेषेण नित्यं भुञ्जीत वाग्यतः

abhimantrya ca mantreṇa bhakṣyabhojyādikāni ca | sādhane'smin viśeṣeṇa nityaṃ bhuñjīta vāgyataḥ

having consecrated with the mantra the food to be eaten and the rest, in this practice especially, he should always eat while restraining speech.

Verse 21 (shiva.vayaviya.54.21)

मन्त्राष्टशतपूतेन जलेन शुचिना व्रती । स्नायान्नदीनदोत्थेन प्रोक्षयेद्वाथ शक्तितः

mantrāṣṭaśatapūtena jalena śucinā vratī | snāyānnadīnadotthena prokṣayedvātha śaktitaḥ

The votary should bathe in pure water sanctified by a hundred and eight recitations of the mantra, arisen from a river or stream, or else sprinkle himself according to his ability.

Verse 22 (shiva.vayaviya.54.22)

तर्पयेच्च तथा नित्यं जुहुयाच्च शिवानले । सप्तभिः पञ्चभिर्द्रव्यैस्त्रिभिर्वाथ घृतेन वा

tarpayecca tathā nityaṃ juhuyācca śivānale | saptabhiḥ pañcabhirdravyaistribhirvātha ghṛtena vā

And he should likewise always offer libation, and make oblation in the fire of Shiva, with seven, or five, or three substances, or else with ghee.

Verse 23 (shiva.vayaviya.54.23)

इत्थं भक्त्या शिवं शैवो यः साधयति साधकः । तस्येहामुत्र दुष्प्रापं न किञ्चिदपि विद्यते

itthaṃ bhaktyā śivaṃ śaivo yaḥ sādhayati sādhakaḥ | tasyehāmutra duṣprāpaṃ na kiñcidapi vidyate

For the Shaiva practitioner who thus, with devotion, accomplishes the practice of Shiva, there exists nothing at all, here or hereafter, that is hard to attain.

Verse 24 (shiva.vayaviya.54.24)

अथवाहरहर्मन्त्रं जपेदेकाग्रमानसः । अनश्नन्नेव साहस्रं विना मन्त्रस्य साधनम्

athavāharaharmantraṃ japedekāgramānasaḥ | anaśnanneva sāhasraṃ vinā mantrasya sādhanam

Or else, with one-pointed mind, he may recite the mantra day after day, a thousand times, without eating at all, this alone sufficing without the fuller practice of the mantra.

Verse 25 (shiva.vayaviya.54.25)

न तस्य दुर्लभं किञ्चिन्न तस्यास्त्यशुभं क्वचित् । इह विद्यां श्रियं सौख्यं लब्ध्वा मुक्तिं च विन्दति

na tasya durlabhaṃ kiñcinna tasyāstyaśubhaṃ kvacit | iha vidyāṃ śriyaṃ saukhyaṃ labdhvā muktiṃ ca vindati

For him nothing whatsoever is hard to obtain, nor does any misfortune ever befall him; having attained knowledge, prosperity, and happiness here, he obtains liberation as well.

Verse 26 (shiva.vayaviya.54.26)

साधने विनियोगे च नित्ये नैमित्तिके तथा । जपेज्जलैर्भस्मना च स्नात्वा मन्त्रेण च क्रमात्

sādhane viniyoge ca nitye naimittike tathā | japejjalairbhasmanā ca snātvā mantreṇa ca kramāt

In practice, in ritual employment, and likewise in daily and occasional rites, having bathed with water and with ash, he should, in due order, recite the mantra —

Verse 27 (shiva.vayaviya.54.27)

शुचिर्बद्धशिखः सूत्री सपवित्रकरस्तथा । धृतत्रिपुण्ड्ररुद्राक्षो विद्यां पञ्चाक्षरीं जपेत्

śucirbaddhaśikhaḥ sūtrī sapavitrakarastathā | dhṛtatripuṇḍrarudrākṣo vidyāṃ pañcākṣarīṃ japet

Pure, his crown-lock tied, wearing the sacred thread, his hand furnished with the darbha ring, bearing the triple ash-stripe and rudrākṣa beads, he should recite the five-syllabled mantra.