The Rite of the Special Consecration

Verse 1 (shiva.vayaviya.55.1)

उपमन्युरुवाच । अथैवं संस्कृतं शिष्यं कृतपाशुपतव्रतम् । आचार्यत्वेऽभिषिञ्चेत तद्योगत्वेन चान्यथा

upamanyuruvāca | athaivaṃ saṃskṛtaṃ śiṣyaṃ kṛtapāśupatavratam | ācāryatve'bhiṣiñceta tadyogatvena cānyathā

Upamanyu said: Now, the disciple thus consecrated, who has performed the Pāśupata vow, should be anointed into the office of teacher (ācāryatva); or otherwise into the yoga befitting him.

Verse 2 (shiva.vayaviya.55.2)

मण्डलं पूर्ववत्कृत्त्वा सम्पूज्य परमेश्वरम् । स्थापयत्पञ्चकलशान्दिक्षु मध्ये च पूर्ववत्

maṇḍalaṃ pūrvavatkṛttvā sampūjya parameśvaram | sthāpayatpañcakalaśāndikṣu madhye ca pūrvavat

Having, as before, made the maṇḍala and worshipped the Supreme Lord, he should set up five jars in the directions and in the center, as before.

Verse 3 (shiva.vayaviya.55.3)

निवृत्तिं पुरतो न्यस्य प्रतिष्ठां पश्चिमे घटे । विद्यां दक्षिणतः शान्तिमुत्तरे मध्यतः पराम्

nivṛttiṃ purato nyasya pratiṣṭhāṃ paścime ghaṭe | vidyāṃ dakṣiṇataḥ śāntimuttare madhyataḥ parām

Placing Nivṛtti in the jar in front, Pratiṣṭhā in the western jar, Vidyā to the south, Śāntā to the north, and the supreme Śāntyatītā in the center —

Verse 4 (shiva.vayaviya.55.4)

कृत्वा रक्षादिकं तत्र बद्ध्वा मुद्रां च धैनवीम् । अभिमन्त्र्य घटान्हुत्वा पूर्णान्तं च यथा पुरा

kṛtvā rakṣādikaṃ tatra baddhvā mudrāṃ ca dhainavīm | abhimantrya ghaṭānhutvā pūrṇāntaṃ ca yathā purā

having there performed the rite of protection and the rest, and formed the Dhenu mudrā, he should consecrate the jars with mantra, and make oblation up to the full oblation, as before.

Verse 5 (shiva.vayaviya.55.5)

प्रवेश्य मण्डले शिष्यमनुष्णीषं च देशिकः । तर्पणाद्यं तु मन्त्राणां कुर्यात्पूर्वावसानकम्

praveśya maṇḍale śiṣyamanuṣṇīṣaṃ ca deśikaḥ | tarpaṇādyaṃ tu mantrāṇāṃ kuryātpūrvāvasānakam

The teacher, having led the bare-headed disciple into the maṇḍala, should perform the libation and the rest of the mantras, up to their conclusion, as before.

Verse 6 (shiva.vayaviya.55.6)

ततः सम्पूज्य देवेशमनुज्ञाप्य च पूर्ववत् । अभिषेकाय तं शिष्यमासनं त्वधिरोहयेत्

tataḥ sampūjya deveśamanujñāpya ca pūrvavat | abhiṣekāya taṃ śiṣyamāsanaṃ tvadhirohayet

Then, having worshipped the Lord of gods, and, as before, taken leave of him, he should seat that disciple upon the seat for consecration.

Verse 7 (shiva.vayaviya.55.7)

सकलीकृत्य तं पश्चात्कलापञ्चकरूपिणम् । न्यस्तमन्त्रतनुं बद्ध्वा शिवं शिष्यं समर्पयेत्

sakalīkṛtya taṃ paścātkalāpañcakarūpiṇam | nyastamantratanuṃ baddhvā śivaṃ śiṣyaṃ samarpayet

Having then endowed him with the mantra-body, taking the form of the fivefold kalā, his body invested with the mantras, he should offer up the disciple as Shiva himself.

Verse 8 (shiva.vayaviya.55.8)

ततो निवृत्तिकुम्भादिघटानुद्धृत्य वै क्रमात् । मध्यमान्ताच्छिवेनैव शिष्यं तमभिषेचयत्

tato nivṛttikumbhādighaṭānuddhṛtya vai kramāt | madhyamāntācchivenaiva śiṣyaṃ tamabhiṣecayat

Then, taking up the jars in due order, beginning with the jar of Nivṛtti and ending with the central one, he should anoint that disciple with the water consecrated by the mantra of Shiva alone.

Verse 9 (shiva.vayaviya.55.9)

शिवहस्तं समर्प्याथ शिशोः शिरसि देशिकः । शिवभावसमापन्नः शिवाचार्यं तमादिशेत्

śivahastaṃ samarpyātha śiśoḥ śirasi deśikaḥ | śivabhāvasamāpannaḥ śivācāryaṃ tamādiśet

Then, placing the Shiva-empowered hand upon the disciple's head, the teacher, having himself attained the state of Shiva, should proclaim him a Shiva-teacher.

Verse 10 (shiva.vayaviya.55.10)

अथालङ्कृत्य तं देवमाराध्य शिवमण्डले । शतमष्टोत्तरं हुत्वा दद्यात्पूर्णाहुतिं ततः

athālaṅkṛtya taṃ devamārādhya śivamaṇḍale | śatamaṣṭottaraṃ hutvā dadyātpūrṇāhutiṃ tataḥ

Then, having adorned that god and worshipped him in the Shiva-maṇḍala, and offered a hundred and eight oblations, he should then give the full oblation.

Verse 11 (shiva.vayaviya.55.11)

पुनः सम्पूज्य देवेशं प्रणम्य भुवि दण्डवत् । शिरस्यञ्जलिमाधाय शिवं विज्ञापयेद्गुरुः

punaḥ sampūjya deveśaṃ praṇamya bhuvi daṇḍavat | śirasyañjalimādhāya śivaṃ vijñāpayedguruḥ

Having again worshipped the Lord of gods, and prostrated flat upon the ground, and placed joined palms upon his head, the guru should submit to Shiva —

Verse 12 (shiva.vayaviya.55.12)

भगवंस्त्वत्प्रसादेन देशिकोऽयं मया कृतः । अनुगृह्य त्वया देव दिव्याज्ञास्मै प्रदीयताम्

bhagavaṃstvatprasādena deśiko'yaṃ mayā kṛtaḥ | anugṛhya tvayā deva divyājñāsmai pradīyatām

'O Lord, by your grace this one has been made by me a teacher; graciously, O God, let your divine command be given to him.'

Verse 13 (shiva.vayaviya.55.13)

एवं विज्ञाप्य शिष्येण सह भूयः प्रणम्य च । शिवं शिवागमं दिव्यं पूजयेत् शिववद्गुरुः

evaṃ vijñāpya śiṣyeṇa saha bhūyaḥ praṇamya ca | śivaṃ śivāgamaṃ divyaṃ pūjayet śivavadguruḥ

Having thus submitted his prayer, and bowed again together with the disciple, the guru should worship Shiva and the divine Shiva-scripture as if it were Shiva himself.

Verse 14 (shiva.vayaviya.55.14)

पुनः शिवमनुज्ञाप्य शिवज्ञानस्य पुस्तकम् । उभाभ्यामथ पाणिभ्यां दद्याच्छिष्याय देशिकः

punaḥ śivamanujñāpya śivajñānasya pustakam | ubhābhyāmatha pāṇibhyāṃ dadyācchiṣyāya deśikaḥ

Having again taken leave of Shiva, the teacher should give the book of Shiva-knowledge into the disciple's hands, with both his own hands.

Verse 15 (shiva.vayaviya.55.15)

स तां मूर्ध्नि समाधाय विद्यां विद्यासनोपरि । अधिरोप्य यथान्यायमभिवन्द्य समर्चयेत्

sa tāṃ mūrdhni samādhāya vidyāṃ vidyāsanopari | adhiropya yathānyāyamabhivandya samarcayet

He, having placed it upon his head, should set that scripture upon a seat of scripture, and, duly bowing to it, worship it.

Verse 16 (shiva.vayaviya.55.16)

अथ तस्मै गुरुर्दद्याद्राजोपकरणान्यपि । आचार्यपदवीं प्राप्तो राज्यं चापि यतोऽर्हति

atha tasmai gururdadyādrājopakaraṇānyapi | ācāryapadavīṃ prāpto rājyaṃ cāpi yato'rhati

Then the guru should also give him the insignia of royalty; for, having attained the rank of ācārya, he is worthy even of sovereignty.

Verse 17 (shiva.vayaviya.55.17)

अथानुशासनं कुर्यात्पूर्वैराचरितं यथा । यथा च शिवशास्त्रोक्तं यथा लोकेषु पूज्यते

athānuśāsanaṃ kuryātpūrvairācaritaṃ yathā | yathā ca śivaśāstroktaṃ yathā lokeṣu pūjyate

Then he should give him instruction, as was practiced by the ancients, as is taught in the scripture of Shiva, and as is honored among people.

Verse 18 (shiva.vayaviya.55.18)

शिष्यान् परीक्ष्य यत्नेन शिवशास्त्रोक्तलक्षणैः । संस्कृत्य च शिवज्ञानं तेभ्यो दद्याच्च देशिकः

śiṣyān parīkṣya yatnena śivaśāstroktalakṣaṇaiḥ | saṃskṛtya ca śivajñānaṃ tebhyo dadyācca deśikaḥ

'Having carefully examined disciples by the marks taught in the scripture of Shiva, and having consecrated them, you should impart to them the knowledge of Shiva' — thus the teacher should instruct.

Verse 19 (shiva.vayaviya.55.19)

एवं सर्वमनायासं शौचं क्षान्तिं दयां तथा । अस्पृहामप्यसूयां च यत्नेन च विभावयेत्

evaṃ sarvamanāyāsaṃ śaucaṃ kṣāntiṃ dayāṃ tathā | aspṛhāmapyasūyāṃ ca yatnena ca vibhāvayet

Thus he should carefully cultivate simplicity, purity, forbearance, compassion, freedom from desire, and freedom from envy.

Verse 20 (shiva.vayaviya.55.20)

इत्थमादिश्य तं शिष्यं शिवमुद्वास्य मण्डलात् । शिवकुम्भानलादींश्च सदस्यानपि पूजयेत्

itthamādiśya taṃ śiṣyaṃ śivamudvāsya maṇḍalāt | śivakumbhānalādīṃśca sadasyānapi pūjayet

Having thus instructed that disciple, and taken leave of Shiva from the maṇḍala, he should also honor the jars of Shiva, the fire, and the rest, together with the members of the assembly.

Verse 21 (shiva.vayaviya.55.21)

युगपद्वाथ संस्कारान् कुर्वीत सगणो गुरुः । तत्र त्रयं द्वयं वापि प्रयोगस्योपदिश्यते

yugapadvātha saṃskārān kurvīta sagaṇo guruḥ | tatra trayaṃ dvayaṃ vāpi prayogasyopadiśyate

Or else, the guru, together with his attendants, may perform the sacraments all at once; in that case, either a threefold or a twofold procedure is taught.

Verse 22 (shiva.vayaviya.55.22)

तदादावेव कलशान्कल्पयेदध्वशुद्धिवत् । कृत्वा समयसंस्कारमभिषेकं विनाऽखिलम्

tadādāveva kalaśānkalpayedadhvaśuddhivat | kṛtvā samayasaṃskāramabhiṣekaṃ vinā'khilam

At the very outset he should arrange the jars as in the purification of the paths, and perform the whole of the samaya sacrament, excepting the consecration —

Verse 23 (shiva.vayaviya.55.23)

समभ्यर्च्य शिवं भूयः कृत्वा चाध्वविशोधनम् । तस्मिन् परिसमाप्ते तु पुनर्देवं प्रपूजयेत्

samabhyarcya śivaṃ bhūyaḥ kṛtvā cādhvaviśodhanam | tasmin parisamāpte tu punardevaṃ prapūjayet

and, having again duly worshipped Shiva, and performed the purification of the paths, when that is completed he should again worship the god.

Verse 24 (shiva.vayaviya.55.24)

हुत्वा मन्त्रं तु सन्तर्प्य सन्दीप्याशास्य चेश्वरम् । समर्प्य मन्त्रं शिष्यस्य पाणौ शेषं समापयेत्

hutvā mantraṃ tu santarpya sandīpyāśāsya ceśvaram | samarpya mantraṃ śiṣyasya pāṇau śeṣaṃ samāpayet

Having made oblation, satisfied the deity with the mantra, performed the kindling, and prayed to the Lord, he should place the mantra in the disciple's hand and complete the rest.

Verse 25 (shiva.vayaviya.55.25)

अथवा मन्त्रसंस्कारमनुचिन्त्याखिलं क्रमात् । अध्वशुद्धिं गुरुः कुर्यादभिषेकावसानिकम्

athavā mantrasaṃskāramanucintyākhilaṃ kramāt | adhvaśuddhiṃ guruḥ kuryādabhiṣekāvasānikam

Or else, having duly considered the whole sacrament of the mantra in order, the guru should perform the purification of the paths, ending with the consecration.

Verse 26 (shiva.vayaviya.55.26)

तत्र यः शान्त्यतीतादिकलासु विहितो विधिः । स सर्वोऽपि विधातव्यस्तत्त्वत्रयविशोधने

tatra yaḥ śāntyatītādikalāsu vihito vidhiḥ | sa sarvo'pi vidhātavyastattvatrayaviśodhane

There, whatever procedure is prescribed for the kalās beginning with Śāntyatītā — all of that is likewise to be performed in the purification of the three tattvas.

Verse 27 (shiva.vayaviya.55.27)

शिवविद्यात्मतत्त्वाख्यं तत्त्वत्रयमुदाहृतम् । शक्तौ शिवस्ततो विद्यात्तस्यास्त्वात्मा समुद्बभौ

śivavidyātmatattvākhyaṃ tattvatrayamudāhṛtam | śaktau śivastato vidyāttasyāstvātmā samudbabhau

The three tattvas are declared to be named Shiva, Vidyā, and Ātmā; from Śakti, Shiva arose; then from him, Vidyā; and from her, in turn, the Ātmā.

Verse 28 (shiva.vayaviya.55.28)

शिवेन शान्त्यतीताध्वा व्याप्तस्तदपरः परः । विद्यया परिशिष्टोऽध्वा ह्यात्मना निखिलः क्रमात्

śivena śāntyatītādhvā vyāptastadaparaḥ paraḥ | vidyayā pariśiṣṭo'dhvā hyātmanā nikhilaḥ kramāt

By Shiva, the path of Śāntyatītā is pervaded; the next, higher path, by Vidyā; and the remaining path, in due order, entirely by the Ātmā.

Verse 29 (shiva.vayaviya.55.29)

दुर्लभं शाम्भवं मत्वा मन्त्रमूलं मनीषिणः । शाक्तं शंसीत संस्कारं शिवशास्त्रार्थपारगाः

durlabhaṃ śāmbhavaṃ matvā mantramūlaṃ manīṣiṇaḥ | śāktaṃ śaṃsīta saṃskāraṃ śivaśāstrārthapāragāḥ

Knowing the Śāmbhava initiation to be hard to attain, the wise, versed in the meaning of the scripture of Shiva, should recommend the Śākta sacrament, whose root is the mantra.

Verse 30 (shiva.vayaviya.55.30)

चातुर्विध्यमिदं कृष्ण किं भूयः श्रोतुमिच्छसि

cāturvidhyamidaṃ kṛṣṇa kiṃ bhūyaḥ śrotumicchasi

This, O Kṛṣṇa, is the fourfold scheme of sacraments. What further do you wish to hear?