Worship of Shiva as Taught in the Scriptures

Verse 1 (shiva.vayaviya.59.1)

उपमन्युरुवाच । प्रोक्षयेन्मूलमन्त्रेण पूजास्थानं विशुद्धये । गन्धचन्दनतोयेन पुष्पं तत्र विनिक्षिपेत्

upamanyuruvāca | prokṣayenmūlamantreṇa pūjāsthānaṃ viśuddhaye | gandhacandanatoyena puṣpaṃ tatra vinikṣipet

Upamanyu said: He should sprinkle the place of worship with the root mantra, for its purification, with water mixed with fragrance and sandal; and there he should scatter a flower.

Verse 2 (shiva.vayaviya.59.2)

अस्त्रेणोत्सार्य वै विघ्नानवगुण्ठ्य च वर्मणा । अस्त्रं दिक्षु प्रविन्यस्य कल्पयेदर्चनाभुवम्

astreṇotsārya vai vighnānavaguṇṭhya ca varmaṇā | astraṃ dikṣu pravinyasya kalpayedarcanābhuvam

Having driven away obstacles with the weapon-mantra, and enveloped the place with the armor-mantra, and placed the weapon-mantra in the directions, he should prepare the ground for worship.

Verse 3 (shiva.vayaviya.59.3)

तत्र दर्भान्परिस्तीर्य क्षालयेत्प्रोक्षणादिभिः । संशोध्य सर्वपात्राणि द्रव्यशुद्धिं समाचरेत्

tatra darbhānparistīrya kṣālayetprokṣaṇādibhiḥ | saṃśodhya sarvapātrāṇi dravyaśuddhiṃ samācaret

There, having spread darbha grass around, he should wash the place with sprinklings and the like; having purified all the vessels, he should perform the purification of the substances.

Verse 4 (shiva.vayaviya.59.4)

प्रोक्षणीमर्घ्यपात्रं च पाद्यपात्रमतः परम् । तथैवाचमनीयस्य पात्रं चेति चतुष्टयम्

prokṣaṇīmarghyapātraṃ ca pādyapātramataḥ param | tathaivācamanīyasya pātraṃ ceti catuṣṭayam

The sprinkling-vessel, the arghya-vessel, the pādya-vessel for washing the feet, and the vessel for the sipping-water — these four.

Verse 5 (shiva.vayaviya.59.5)

प्रक्षाल्य प्रोक्ष्य वीक्ष्याथ क्षिपेत्तेषु जलं शिवम् । पुण्यद्रव्याणि सर्वाणि यथालाभं विनिक्षिपेत्

prakṣālya prokṣya vīkṣyātha kṣipetteṣu jalaṃ śivam | puṇyadravyāṇi sarvāṇi yathālābhaṃ vinikṣipet

Having washed, sprinkled, and inspected them, he should pour pure water into them; and he should place into them all manner of auspicious substances, as available.

Verse 6 (shiva.vayaviya.59.6)

रत्नानि रजतं हेम गन्धपुष्पाक्षतादयः । फलपल्लवदर्भांश्च पुण्यद्रव्याण्यनेकधा

ratnāni rajataṃ hema gandhapuṣpākṣatādayaḥ | phalapallavadarbhāṃśca puṇyadravyāṇyanekadhā

Gems, silver, gold, fragrance, flowers, unbroken rice and the rest, fruits, young shoots, and darbha grass — these are the many kinds of auspicious substances.

Verse 7 (shiva.vayaviya.59.7)

स्नानोदके सुगन्धादि पानीये च विशेषतः । शीतलानि मनोज्ञानी कुसुमादीनि निक्षिपेत्

snānodake sugandhādi pānīye ca viśeṣataḥ | śītalāni manojñānī kusumādīni nikṣipet

In the bathing-water he should place fragrant substances and the like; and especially in the drinking-water, cool and pleasing flowers and such.

Verse 8 (shiva.vayaviya.59.8)

उशीरं चन्दनं चैव पाद्ये तु परिकल्पयेत् । जातिकङ्कोलकर्पूरबहुमूलतमालकान्

uśīraṃ candanaṃ caiva pādye tu parikalpayet | jātikaṅkolakarpūrabahumūlatamālakān

He should place fragrant root and sandal in the foot-water; and nutmeg, kaṅkola, camphor, bahumūla root, and tamāla-leaf —

Verse 9 (shiva.vayaviya.59.9)

क्षिपेदाचमनीये च चूर्णयित्वा विशेषतः । एलां पात्रेषु सर्वेषु कर्पूरं चन्दनं तथा

kṣipedācamanīye ca cūrṇayitvā viśeṣataḥ | elāṃ pātreṣu sarveṣu karpūraṃ candanaṃ tathā

having powdered them, he should place them especially in the sipping-water. Cardamom in all the vessels, and likewise camphor and sandal —

Verse 10 (shiva.vayaviya.59.10)

कुशाग्राण्यक्षतांश्चैव यवव्रीहितिलानपि । आज्यसिद्धार्थपुष्पाणि भसितं चार्घ्यपात्रके

kuśāgrāṇyakṣatāṃścaiva yavavrīhitilānapi | ājyasiddhārthapuṣpāṇi bhasitaṃ cārghyapātrake

the tips of kuśa grass, unbroken rice, barley, rice-grain, and sesame, ghee, white mustard, flowers, and ash — in the arghya-vessel.

Verse 11 (shiva.vayaviya.59.11)

कुशपुष्पयवव्रीहिबहुमूलतमालकान् । प्रक्षिपेत् प्रोक्षणीपात्रे भसितं च यथाक्रमम्

kuśapuṣpayavavrīhibahumūlatamālakān | prakṣipet prokṣaṇīpātre bhasitaṃ ca yathākramam

Kuśa grass, flowers, barley, rice-grain, bahumūla, and tamāla, and, in due order, ash — he should place in the sprinkling-vessel.

Verse 12 (shiva.vayaviya.59.12)

सर्वत्र मन्त्रं विन्यस्य वर्मणावेष्ट्य बाह्यतः । पश्चादस्त्रेण संरक्ष्य धेनुमुद्रां प्रदर्शयेत्

sarvatra mantraṃ vinyasya varmaṇāveṣṭya bāhyataḥ | paścādastreṇa saṃrakṣya dhenumudrāṃ pradarśayet

Having placed the mantra upon all of them, and enveloped them outwardly with the armor-mantra, and afterward protected them with the weapon-mantra, he should display the cow-mudrā.

Verse 13 (shiva.vayaviya.59.13)

पूजाद्रव्याणि सर्वाणि प्रोक्षणीपात्रवारिणा । सम्प्रोक्ष्य मूलमन्त्रेण शोधयेद्विधिवत्ततः

pūjādravyāṇi sarvāṇi prokṣaṇīpātravāriṇā | samprokṣya mūlamantreṇa śodhayedvidhivattataḥ

With the water of the sprinkling-vessel and the root mantra, he should sprinkle all the substances of worship, and thereby duly purify them.

Verse 14 (shiva.vayaviya.59.14)

पात्राणां प्रोक्षणीमेकामलाभे सर्वकर्मसु । साधयेदर्घ्यमद्भिस्तत्सामान्यं साधकोत्तमः

pātrāṇāṃ prokṣaṇīmekāmalābhe sarvakarmasu | sādhayedarghyamadbhistatsāmānyaṃ sādhakottamaḥ

When several vessels are unavailable, in all the rites, the best of practitioners should, with a single sprinkling-vessel and its water, accomplish the functions of the arghya-vessel and the rest, treating them as equivalent.

Verse 15 (shiva.vayaviya.59.15)

ततो विनायकं देवं भक्ष्यभोज्यादिभिः क्रमात् । पूजयित्वा विधानेन द्वारपार्श्वेऽथ दक्षिणे

tato vināyakaṃ devaṃ bhakṣyabhojyādibhiḥ kramāt | pūjayitvā vidhānena dvārapārśve'tha dakṣiṇe

Then, having duly worshipped the god Vināyaka, in due order, with food and other offerings, according to rule, at the right side of the doorway —

Verse 16 (shiva.vayaviya.59.16)

अन्तःपुराधिपं साक्षान्नन्दिनं सम्यगर्चयेत् । चामीकराचलप्रख्यं सर्वाभरणभूषितम्

antaḥpurādhipaṃ sākṣānnandinaṃ samyagarcayet | cāmīkarācalaprakhyaṃ sarvābharaṇabhūṣitam

he should duly worship Nandin, the very lord of the inner sanctum, resembling a mountain of gold, adorned with every ornament —

Verse 17 (shiva.vayaviya.59.17)

बालेन्दुमुकुटं सौम्यं त्रिनेत्रं च चतुर्भुजम् । दीप्तशूलमृगीटङ्कतिग्मवेत्रधरं प्रभुम्

bālendumukuṭaṃ saumyaṃ trinetraṃ ca caturbhujam | dīptaśūlamṛgīṭaṅkatigmavetradharaṃ prabhum

his crown set with the crescent moon, gentle, three-eyed, four-armed, the Lord bearing a blazing trident, a deer, an axe, and a sharp staff —

Verse 18 (shiva.vayaviya.59.18)

चन्द्रबिम्बाभवदनं हरिवक्त्रमथापि वा । उत्तरे द्वारपार्श्वस्य भार्यां च मरुतां सुताम्

candrabimbābhavadanaṃ harivaktramathāpi vā | uttare dvārapārśvasya bhāryāṃ ca marutāṃ sutām

his face like the orb of the moon, or else with a lion's countenance. And, at the north side of the doorway, his wife, the daughter of the Maruts —

Verse 19 (shiva.vayaviya.59.19)

सुयशां सुव्रतामम्बां पादमण्डनतत्पराम् । पूजयित्वा प्रविश्यान्तर्भवनं परमेष्ठिनः

suyaśāṃ suvratāmambāṃ pādamaṇḍanatatparām | pūjayitvā praviśyāntarbhavanaṃ parameṣṭhinaḥ

Suyaśā, of excellent vows, the Mother, devoted to the adornment of Nandin's feet — having worshipped her, he should enter within the sanctuary of the Supreme Lord.

Verse 20 (shiva.vayaviya.59.20)

सम्पूज्य लिङ्गं तैर्द्रव्यैर्निर्माल्यमपनोदयेत् । प्रक्षाल्य पुष्पं शिरसि न्यसेत्तस्य विशुद्धये

sampūjya liṅgaṃ tairdravyairnirmālyamapanodayet | prakṣālya puṣpaṃ śirasi nyasettasya viśuddhaye

Having worshipped the liṅga with those substances, he should remove the previous offerings; and, having washed it, for its purification, place a flower upon its head.

Verse 21 (shiva.vayaviya.59.21)

पुष्पहस्तो जपेत् शक्त्या मन्त्रं मन्त्रविशुद्धये । ऐशान्यां चण्दमाराध्य निर्माल्यं तस्य दापयेत्

puṣpahasto japet śaktyā mantraṃ mantraviśuddhaye | aiśānyāṃ caṇdamārādhya nirmālyaṃ tasya dāpayet

With a flower in hand, he should recite the mantra as he is able, for the purification of the mantra; and, having worshipped Caṇḍa in the north-east, he should give him the removed offerings.

Verse 22 (shiva.vayaviya.59.22)

कल्पयेदासनं पश्चादाधारादि यथाक्रमम् । आधारशक्तिं कल्याणीं श्यामां ध्यायेदथो भुवि

kalpayedāsanaṃ paścādādhārādi yathākramam | ādhāraśaktiṃ kalyāṇīṃ śyāmāṃ dhyāyedatho bhuvi

He should then arrange the seat, beginning with the Ādhāra-śakti and so forth, in due order. He should meditate upon the Ādhāra-śakti, auspicious and dark, resting upon the earth.

Verse 23 (shiva.vayaviya.59.23)

तस्याः पुरस्तादुत्कण्ठमनन्तं कुण्डलाकृतिम् । धवलं पञ्चफणिनं लेलिहानमिवाम्बरम्

tasyāḥ purastādutkaṇṭhamanantaṃ kuṇḍalākṛtim | dhavalaṃ pañcaphaṇinaṃ lelihānamivāmbaram

In front of her, he should meditate upon Ananta, his neck raised, in the form of a coil, white, five-hooded, as if licking the sky.

Verse 24 (shiva.vayaviya.59.24)

तस्योपर्यासनं भद्रं कण्ठीरवचतुष्पदम् । धर्मो ज्ञानं च वैराग्यमैश्वर्यं च पदानि वै

tasyoparyāsanaṃ bhadraṃ kaṇṭhīravacatuṣpadam | dharmo jñānaṃ ca vairāgyamaiśvaryaṃ ca padāni vai

Above him, the auspicious seat, four-footed with lions. Dharma, Jñāna, Vairāgya, and Aiśvarya are indeed its four feet —

Verse 25 (shiva.vayaviya.59.25)

आग्नेयादिश्वेतरक्तपीतश्यामानि वर्णतः । अधर्मादीनि पूर्वादीन्युत्तरान्तान्यनुक्रमात्

āgneyādiśvetaraktapītaśyāmāni varṇataḥ | adharmādīni pūrvādīnyuttarāntānyanukramāt

beginning in the south-east, of the colors white, red, yellow, and dark, in due order; and Adharma and the rest occupy the intervening directions, from east to north.

Verse 26 (shiva.vayaviya.59.26)

राजावर्तमणिप्रख्यान्न्यस्य गात्राणि भावयेत् । अस्योर्ध्वच्छादनं पद्ममासनं विमलं सितम्

rājāvartamaṇiprakhyānnyasya gātrāṇi bhāvayet | asyordhvacchādanaṃ padmamāsanaṃ vimalaṃ sitam

Having placed these limbs, resembling the color of the rājāvarta gem, he should contemplate its members. Above this, its covering, a stainless, white lotus, forms the seat.

Verse 27 (shiva.vayaviya.59.27)

अष्टपत्राणि तस्याहुरणिमादिगुणाष्टकम् । केसराणि च वामाद्या रुद्रा वामादिशक्तिभिः

aṣṭapatrāṇi tasyāhuraṇimādiguṇāṣṭakam | kesarāṇi ca vāmādyā rudrā vāmādiśaktibhiḥ

Its eight petals, they say, are the eightfold powers beginning with aṇimā; and its filaments are the Rudras beginning with Vāma, together with the Śaktis beginning with Vāmā —

Verse 28 (shiva.vayaviya.59.28)

बीजान्यपि च ता एव शक्तयोन्तर्मनोन्मनीः । कर्णिकापरवैराग्यं नालं ज्ञानं शिवात्मकम्

bījānyapi ca tā eva śaktayontarmanonmanīḥ | karṇikāparavairāgyaṃ nālaṃ jñānaṃ śivātmakam

and its seed-vessels are those very Śaktis, culminating in the inner power of Manonmanī. Its pericarp is supreme dispassion; its stalk is knowledge, of the very nature of Shiva —

Verse 29 (shiva.vayaviya.59.29)

कन्दश्च शिवधर्मात्मा कर्णिकान्ते त्रिमण्डले । त्रिमण्डलोपर्यात्मादितत्त्वत्रितयमासनम्

kandaśca śivadharmātmā karṇikānte trimaṇḍale | trimaṇḍaloparyātmāditattvatritayamāsanam

and its bulb is Dharma, of the nature of Shiva, at the base of the pericarp, in the triple maṇḍala. Above this triple maṇḍala, the triad of tattvas beginning with Ātmā forms the seat —

Verse 30 (shiva.vayaviya.59.30)

सर्वासनोपरि सुखं विचित्रास्तरणास्तृतम् । आसनं कल्पयेद्दिव्यं शुद्धविद्यासमुज्ज्वलम्

sarvāsanopari sukhaṃ vicitrāstaraṇāstṛtam | āsanaṃ kalpayeddivyaṃ śuddhavidyāsamujjvalam

and above all these seats, comfortable, spread with a many-colored covering, he should fashion the divine seat, resplendent with pure Vidyā.

Verse 31 (shiva.vayaviya.59.31)

आवाहनं स्थापनं च सन्निरोधं निरीक्षणम् । नमस्कारं च कुर्वीत बध्वा मुद्राः पृथक्पृथक्

āvāhanaṃ sthāpanaṃ ca sannirodhaṃ nirīkṣaṇam | namaskāraṃ ca kurvīta badhvā mudrāḥ pṛthakpṛthak

He should perform the invocation, the establishing, the restraining, the beholding, and the salutation, forming each of these mudrās separately.

Verse 32 (shiva.vayaviya.59.32)

पाद्यमाचमनं चार्घ्यं गन्धं पुष्पं ततः परम् । धूपं दीपं च ताम्बूलं दत्त्वाथ स्नापयेत् शिवौ

pādyamācamanaṃ cārghyaṃ gandhaṃ puṣpaṃ tataḥ param | dhūpaṃ dīpaṃ ca tāmbūlaṃ dattvātha snāpayet śivau

He should offer the water for the feet, the sipping-water, the water-offering, fragrance and flowers, incense, a lamp, and betel; then he should bathe the divine Pair.

Verse 33 (shiva.vayaviya.59.33)

अथवा परिकल्प्यैवमासनं मूर्तिमेव च । सकलीकृत्य मूलेन ब्रह्मभिश्चापरैस्तथा

athavā parikalpyaivamāsanaṃ mūrtimeva ca | sakalīkṛtya mūlena brahmabhiścāparaistathā

Or else, having thus arranged the seat and the image, and having invested it with the mantras — with the root mantra and the other Brahma-mantras —

Verse 34 (shiva.vayaviya.59.34)

आवाहयेत्ततो देव्या शिवं परमकारणम् । शुद्धस्फटिकसङ्काशं देवं निश्चलमक्षरम्

āvāhayettato devyā śivaṃ paramakāraṇam | śuddhasphaṭikasaṅkāśaṃ devaṃ niścalamakṣaram

he should then invoke, together with the Goddess, Shiva, the supreme Cause, the god resembling pure crystal, unmoving, imperishable —

Verse 35 (shiva.vayaviya.59.35)

कारणं सर्वलोकानां सर्वलोकमयं परम् । अन्तर्बहिःस्थितं व्याप्य ह्यणोरणु महत्तरम्

kāraṇaṃ sarvalokānāṃ sarvalokamayaṃ param | antarbahiḥsthitaṃ vyāpya hyaṇoraṇu mahattaram

the cause of all the worlds, supreme, consisting of all the worlds, existing within and without, subtler than the subtle and greater than the great —

Verse 36 (shiva.vayaviya.59.36)

भक्तानामप्रयत्नेन दृश्यमीश्वरमव्ययम् । ब्रह्मेन्द्रविष्णुरुद्राद्यैरपि देवैरगोचरम्

bhaktānāmaprayatnena dṛśyamīśvaramavyayam | brahmendraviṣṇurudrādyairapi devairagocaram

visible to his devotees without effort, the imperishable Lord, beyond the reach even of the gods, Brahmā, Indra, Viṣṇu, Rudra, and the rest —

Verse 37 (shiva.vayaviya.59.37)

देवसारं च विद्वद्भिरगोचरमिति श्रुतम् । आदिमध्यान्तरहितं भेषजं भवरोगिणाम्

devasāraṃ ca vidvadbhiragocaramiti śrutam | ādimadhyāntarahitaṃ bheṣajaṃ bhavarogiṇām

the very essence of the gods, and yet, as heard in scripture, beyond the reach even of the learned; without beginning, middle, or end; the medicine for those diseased with worldly existence —

Verse 38 (shiva.vayaviya.59.38)

शिवतत्त्वमिति ख्यातं शिवार्थं जगति स्थिरम् । पञ्चोपचारवद्भक्त्या पूजयेल्लिङ्गमुत्तमम्

śivatattvamiti khyātaṃ śivārthaṃ jagati sthiram | pañcopacāravadbhaktyā pūjayelliṅgamuttamam

known as the principle of Shiva, abiding in the world for the sake of auspiciousness — thus he should worship the supreme liṅga with devotion, with the fivefold offering.

Verse 39 (shiva.vayaviya.59.39)

लिङ्गमूर्त्तिर्महेशस्य शिवस्य परमात्मनः । स्नानकाले प्रकुर्वीत जयशब्दादिमङ्गलम्

liṅgamūrttirmaheśasya śivasya paramātmanaḥ | snānakāle prakurvīta jayaśabdādimaṅgalam

The liṅga is the very form of Maheśa, of Shiva, the Supreme Self. At the time of bathing, he should raise cries of victory and other auspicious sounds.

Verse 40 (shiva.vayaviya.59.40)

पञ्चगव्यघृतक्षीरदधिमध्वादिपूर्वकैः । मूलैः फलानां सारैश्च तिलसर्षपसक्तुभिः

pañcagavyaghṛtakṣīradadhimadhvādipūrvakaiḥ | mūlaiḥ phalānāṃ sāraiśca tilasarṣapasaktubhiḥ

With the five products of the cow, with ghee, milk, curd, and honey, and with roots, the essences of fruits, sesame, mustard, and parched-grain flour —

Verse 41 (shiva.vayaviya.59.41)

बीजैर्यवादिभिश्शस्तैश्चूर्णैर्माषादिसम्भवैः । संस्नाप्यालिप्य पिष्टाद्यैः स्नापयेदुष्णवारिभिः

bījairyavādibhiśśastaiścūrṇairmāṣādisambhavaiḥ | saṃsnāpyālipya piṣṭādyaiḥ snāpayeduṣṇavāribhiḥ

with seeds, barley and the excellent grains, and with powders of black gram and the rest — having thus bathed it and smeared it with pastes, he should then bathe it with warm water —

Verse 42 (shiva.vayaviya.59.42)

घर्षयेद्बिल्वपत्राद्यैर्लेपगन्धापनुत्तये । पुनः संस्नाप्य सलिलैश्चक्रवर्त्त्युपचारतः

gharṣayedbilvapatrādyairlepagandhāpanuttaye | punaḥ saṃsnāpya salilaiścakravarttyupacārataḥ

he should rub it with bilva leaves and the like, to remove the smell of the paste; and, having bathed it again with water, continue with the procedure fit for a universal sovereign —

Verse 43 (shiva.vayaviya.59.43)

सुगन्धामलकं दद्याद् हरिद्रां च यथाक्रमम् । ततः संशोध्य सलिलैर्लिङ्गं बेरमथापि वा

sugandhāmalakaṃ dadyād haridrāṃ ca yathākramam | tataḥ saṃśodhya salilairliṅgaṃ beramathāpi vā

he should give fragrant āmalaka and turmeric, in due order; then, having thoroughly cleansed the liṅga or the image with water —

Verse 44 (shiva.vayaviya.59.44)

स्नापयेद्गन्धतोयेन कुशपुष्पोदकेन च । हिरण्यरत्नतोयैश्च मन्त्रसिद्धैर्यथाक्रमम्

snāpayedgandhatoyena kuśapuṣpodakena ca | hiraṇyaratnatoyaiśca mantrasiddhairyathākramam

he should bathe it with scented water, water mixed with kuśa grass and flowers, and mantra-consecrated water mixed with gold and gems, in due order.

Verse 45 (shiva.vayaviya.59.45)

असम्भवे तु द्रव्याणां यथासम्भवसम्भृतैः । केवलैर्मन्त्रतोयैर्वा स्नापयेच्छ्रद्धया शिवम्

asambhave tu dravyāṇāṃ yathāsambhavasambhṛtaiḥ | kevalairmantratoyairvā snāpayecchraddhayā śivam

But when these substances are unavailable, with whatever is available, or simply with mantra-consecrated water alone, he should, with faith, bathe Shiva.

Verse 46 (shiva.vayaviya.59.46)

कलशेनाथ शङ्खेन वर्द्धन्या पाणिना तथा । सकुशेन सपुष्पेण स्नापयेन्मन्त्रपूर्वकम्

kalaśenātha śaṅkhena varddhanyā pāṇinā tathā | sakuśena sapuṣpeṇa snāpayenmantrapūrvakam

With a jar, a conch, a small vessel, or with the hand, together with kuśa grass and flowers, he should bathe it, preceded by the mantra.

Verse 47 (shiva.vayaviya.59.47)

पवमानेन रुद्रेण नीलेन त्वरितेन च । लिङ्गसूक्तादिसूक्तैश्च शिरसाथर्वणेन च

pavamānena rudreṇa nīlena tvaritena ca | liṅgasūktādisūktaiśca śirasātharvaṇena ca

With the Pavamāna hymn, the Rudra hymn, the Nīla and Tvarita hymns, the Liṅga-sūkta and other hymns, the Śiras hymn, and the Ātharvaṇa mantra —

Verse 48 (shiva.vayaviya.59.48)

ऋग्भिश्च सामभिः शैवैर्ब्रह्मभिश्चापि पञ्चभिः । स्नापयेद्देवदेवेशं शिवेन प्रणवेन च

ṛgbhiśca sāmabhiḥ śaivairbrahmabhiścāpi pañcabhiḥ | snāpayeddevadeveśaṃ śivena praṇavena ca

with the Ṛg and Sāma verses proper to the Shaiva tradition, and with the five Brahma-mantras, and with the mantra of Shiva and the syllable Oṃ, he should bathe the God of gods.

Verse 49 (shiva.vayaviya.59.49)

यथा देवस्य देव्याश्च कुर्यात्स्नानादिकं तथा । न तु कश्चिद्विशेषोऽस्ति तत्र तौ सदृशौ यतः

yathā devasya devyāśca kuryātsnānādikaṃ tathā | na tu kaścidviśeṣo'sti tatra tau sadṛśau yataḥ

As he performs the bathing and the rest for the God, so should he perform it for the Goddess as well; there is no distinction there, for the two are alike.

Verse 50 (shiva.vayaviya.59.50)

प्रथमं देवमुद्दिश्य कृत्वा स्नानादिकाः क्रियाः । देव्यै प्रश्चात्प्रकुर्वीत देवदेवस्य शासनात्

prathamaṃ devamuddiśya kṛtvā snānādikāḥ kriyāḥ | devyai praścātprakurvīta devadevasya śāsanāt

Having first performed the rites of bathing and the rest directed toward the God, he should perform them afterward for the Goddess, by the ordinance of the God of gods.

Verse 51 (shiva.vayaviya.59.51)

अर्द्धनारीश्वरे पूज्ये पौर्वापर्यं न विद्यते । तत्र तत्रोपचाराणां लिङ्गे वान्यत्र वा क्वचित्

arddhanārīśvare pūjye paurvāparyaṃ na vidyate | tatra tatropacārāṇāṃ liṅge vānyatra vā kvacit

In the worship of Ardhanārīśvara, no question of precedence exists; there, whether in the liṅga or elsewhere, the same holds for the respective offerings.

Verse 52 (shiva.vayaviya.59.52)

कृत्वाऽभिषेकं लिङ्गस्य शुचिना च सुगन्धिना । सम्मृज्य वाससा दद्यादम्बरं चोपवीतकम्

kṛtvā'bhiṣekaṃ liṅgasya śucinā ca sugandhinā | sammṛjya vāsasā dadyādambaraṃ copavītakam

Having performed the anointing of the liṅga with pure, fragrant water, and wiped it with a cloth, he should offer it a garment and a sacred thread.

Verse 53 (shiva.vayaviya.59.53)

पाद्यमाचमनं चार्घ्यं गन्धं पुष्पं च भूषणम् । धूपं दीपं च नैवेद्यं पानीयं मुखशोधनम्

pādyamācamanaṃ cārghyaṃ gandhaṃ puṣpaṃ ca bhūṣaṇam | dhūpaṃ dīpaṃ ca naivedyaṃ pānīyaṃ mukhaśodhanam

The water for the feet, the sipping-water, the water-offering, fragrance, flowers, and ornaments, incense and a lamp, the food-offering, drinking-water, and water for cleansing the mouth —

Verse 54 (shiva.vayaviya.59.54)

पुनश्चाचमनीयं च मुखवासं ततः परम् । मुकुटं च शुभं भद्रं सर्वरत्नैरलङ्कृतम्

punaścācamanīyaṃ ca mukhavāsaṃ tataḥ param | mukuṭaṃ ca śubhaṃ bhadraṃ sarvaratnairalaṅkṛtam

and again the sipping-water, and after that a mouth-fragrance, and an auspicious crown, adorned with every gem.

Verse 55 (shiva.vayaviya.59.55)

भूषणानि पवित्राणि माल्यानि विविधानि च । व्यजने चामरे छत्रं तालवृन्तं च दर्पणम्

bhūṣaṇāni pavitrāṇi mālyāni vividhāni ca | vyajane cāmare chatraṃ tālavṛntaṃ ca darpaṇam

Pure ornaments and garlands of various kinds; a fan, a yak-tail whisk, a parasol, a palm-leaf fan, and a mirror —

Verse 56 (shiva.vayaviya.59.56)

दत्त्वा नीराजनं कुर्यात्सर्वमङ्गलनिःस्वनैः । गीतनृत्यादिभिश्चैव जयशब्दसमन्वितः

dattvā nīrājanaṃ kuryātsarvamaṅgalaniḥsvanaiḥ | gītanṛtyādibhiścaiva jayaśabdasamanvitaḥ

having offered these, he should perform the waving of lamps, with the sound of all auspicious instruments, together with song and dance, accompanied by cries of victory.

Verse 57 (shiva.vayaviya.59.57)

हैमे च राजते ताम्रे पात्रे वा मृण्मये शुभे । पद्मकैः शोभितैः पुष्पैर्बीजैर्दध्यक्षतादिभिः

haime ca rājate tāmre pātre vā mṛṇmaye śubhe | padmakaiḥ śobhitaiḥ puṣpairbījairdadhyakṣatādibhiḥ

In a vessel of gold, silver, copper, or fine clay, beautified with lotus-designs, set with flowers, seeds, curd, unbroken rice, and the rest —

Verse 58 (shiva.vayaviya.59.58)

त्रिशूलशङ्खयुग्माब्जनन्द्यावर्तैः करीषजैः । श्रीवत्सस्वस्तिकादर्शवज्रैर्वह्न्यादिचिह्नितैः

triśūlaśaṅkhayugmābjanandyāvartaiḥ karīṣajaiḥ | śrīvatsasvastikādarśavajrairvahnyādicihnitaiḥ

marked with trident, a pair of conches, a lotus, and Nandyāvarta designs made of cow-dung ash, marked with śrīvatsa, svastika, mirror, thunderbolt, and fire and the rest —

Verse 59 (shiva.vayaviya.59.59)

अष्टौ प्रदीपान्परितो विधायैकं तु मध्यमे । तेषु वामादिकाश्चिन्त्याः पूज्याश्च नव शक्तयः

aṣṭau pradīpānparito vidhāyaikaṃ tu madhyame | teṣu vāmādikāścintyāḥ pūjyāśca nava śaktayaḥ

having arranged eight lamps around it and one in the center, in these the nine Śaktis beginning with Vāmā are to be contemplated and worshipped.

Verse 60 (shiva.vayaviya.59.60)

कवचेन समाच्छाद्य संरक्ष्यास्त्रेण सर्वतः । धेनुमुद्रां च सन्दर्श्य पाणिभ्यां पात्रमुद्धरेत्

kavacena samācchādya saṃrakṣyāstreṇa sarvataḥ | dhenumudrāṃ ca sandarśya pāṇibhyāṃ pātramuddharet

Having covered it with the armor-mantra, and protected it on all sides with the weapon-mantra, and displayed the cow-mudrā, he should lift up the vessel with both hands.

Verse 61 (shiva.vayaviya.59.61)

अथवारोपयेत्पात्रे पञ्चदीपान्यथाक्रमम् । विदिक्ष्वपि च मध्ये च दीपमेकमथापि वा

athavāropayetpātre pañcadīpānyathākramam | vidikṣvapi ca madhye ca dīpamekamathāpi vā

Or else he may set five lamps upon the vessel, in due order, in the intermediate directions, and one lamp in the center as well.

Verse 62 (shiva.vayaviya.59.62)

ततस्तत्पात्रमुद्धृत्य लिङ्गादेरुपरि क्रमात् । त्रिःप्रदक्षिणयोगेन भ्रामयेन्मूलविद्यया

tatastatpātramuddhṛtya liṅgāderupari kramāt | triḥpradakṣiṇayogena bhrāmayenmūlavidyayā

Then, having lifted up that vessel, he should wave it above the liṅga and the rest, in a circling motion, thrice around, with the root mantra.

Verse 63 (shiva.vayaviya.59.63)

दद्यादर्घ्यं ततो मूर्ध्नि भसितं च सुगन्धितम् । कृत्वा पुष्पाञ्जलिं पश्चादुपहारान्निवेदयेत्

dadyādarghyaṃ tato mūrdhni bhasitaṃ ca sugandhitam | kṛtvā puṣpāñjaliṃ paścādupahārānnivedayet

He should then offer the water-oblation upon its head, and fragrant ash; and, having offered a handful of flowers, he should afterward present the remaining offerings.

Verse 64 (shiva.vayaviya.59.64)

पानीयं च ततो दद्याद्दत्त्वा वाचमनं पुनः । पञ्च सौगन्धिकोपेतं ताम्बूलं च निवेदयेत्

pānīyaṃ ca tato dadyāddattvā vācamanaṃ punaḥ | pañca saugandhikopetaṃ tāmbūlaṃ ca nivedayet

He should then give drinking-water, and, having again offered sipping-water, he should present the betel-leaf, together with the fivefold fragrant preparation.

Verse 65 (shiva.vayaviya.59.65)

प्रोक्षयेत्प्रोक्षणीयानि गाननाट्यानि कारयेत् । लिङ्गादौ शिवयोश्चिन्तां कृत्वा शक्त्या जपेत् शिवम्

prokṣayetprokṣaṇīyāni gānanāṭyāni kārayet | liṅgādau śivayościntāṃ kṛtvā śaktyā japet śivam

He should sprinkle whatever is to be sprinkled, and have songs and dances performed; and, having contemplated the divine Pair in the liṅga and elsewhere, he should recite the mantra of Shiva as he is able.

Verse 66 (shiva.vayaviya.59.66)

प्रदक्षिणं प्रणामं च स्तवं चात्मसमर्पणम् । विज्ञापनं च कार्याणां कुर्याद्विनयपूर्वकम्

pradakṣiṇaṃ praṇāmaṃ ca stavaṃ cātmasamarpaṇam | vijñāpanaṃ ca kāryāṇāṃ kuryādvinayapūrvakam

He should, with humility, perform circumambulation, prostration, hymns of praise, the offering up of the self, and the presentation of his concerns.

Verse 67 (shiva.vayaviya.59.67)

अर्घ्यं पुष्पाञ्जलिं दत्त्वा बद्ध्वा मुद्रां यथाविधि । पश्चात्क्षमापयेद्देवमुद्वास्यात्मनि चिन्तयेत्

arghyaṃ puṣpāñjaliṃ dattvā baddhvā mudrāṃ yathāvidhi | paścātkṣamāpayeddevamudvāsyātmani cintayet

Having offered the water-oblation and a handful of flowers, and duly formed the mudrā, he should afterward beg the god's forgiveness, take leave of him, and contemplate him within the self.

Verse 68 (shiva.vayaviya.59.68)

पाद्यादिमुखवासान्तमर्घ्याद्यं चातिसङ्कटे । पुष्पविक्षेपमात्रं वा कुर्याद्भावपुरःसरम्

pādyādimukhavāsāntamarghyādyaṃ cātisaṅkaṭe | puṣpavikṣepamātraṃ vā kuryādbhāvapuraḥsaram

In a case of great constraint, he may perform merely the scattering of a flower, with devotion, in place of the full sequence from the foot-water to the mouth-fragrance and the water-oblation.

Verse 69 (shiva.vayaviya.59.69)

तावतैव परो धर्मो भावने सुकृतो भवेत् । असम्पूज्य न भुञ्जीत शिवमाप्राणसञ्चरात्

tāvataiva paro dharmo bhāvane sukṛto bhavet | asampūjya na bhuñjīta śivamāprāṇasañcarāt

By that alone, supreme merit is accomplished for one whose heart is truly devoted. He should not eat without having worshipped Shiva, so long as the breath moves within him.

Verse 70 (shiva.vayaviya.59.70)

यदि पापस्तु भुञ्जीत स्वैरं तस्य न निष्कृतिः । प्रमादेन तु भुङ्क्ते चेत्तदुद्गीर्य प्रयत्नतः

yadi pāpastu bhuñjīta svairaṃ tasya na niṣkṛtiḥ | pramādena tu bhuṅkte cettadudgīrya prayatnataḥ

If, sinfully, he should eat carelessly, there is no atonement for him; but if he eats through mere inadvertence, he should, with effort, vomit that up —

Verse 71 (shiva.vayaviya.59.71)

स्नात्वा द्विगुणमभ्यर्च्य देवं देवीमुपोष्य च । शिवस्यायुतमभ्यस्येद् ब्रह्मचर्यपुरःसरम्

snātvā dviguṇamabhyarcya devaṃ devīmupoṣya ca | śivasyāyutamabhyasyed brahmacaryapuraḥsaram

and, having bathed, worship the God and the Goddess doubly, and fast, and, preceded by a vow of celibacy, recite the mantra of Shiva ten thousand times.

Verse 72 (shiva.vayaviya.59.72)

परेद्युः शक्तितो दत्त्वा सुवर्णाद्यं शिवाय च । शिवभक्ताय वा कृत्वा महापूजां शुचिर्भवेत्

paredyuḥ śaktito dattvā suvarṇādyaṃ śivāya ca | śivabhaktāya vā kṛtvā mahāpūjāṃ śucirbhavet

On the next day, having given, according to his means, gold and the like to Shiva, or having performed a great worship for a devotee of Shiva, he becomes pure.