The Completion of Worship and the Primacy of Devotion

Verse 1 (shiva.vayaviya.60.1)

उपमन्युरुवाच । अनुक्तं चात्र पूजायाः क्रमलोपभयादिव । यत्तदन्यत्प्रवक्ष्यामि समासान्न तु विस्तरात्

upamanyuruvāca | anuktaṃ cātra pūjāyāḥ kramalopabhayādiva | yattadanyatpravakṣyāmi samāsānna tu vistarāt

Upamanyu said: What here, out of fear of breaking the sequence, was left unsaid regarding the worship — that I shall now declare, but briefly, not at length.

Verse 2 (shiva.vayaviya.60.2)

हविर्निवेदनात्पूर्वं दीपदानादनन्तरम् । कुर्यादावरणाभ्यर्चां प्राप्ते नीराजनेऽथवा

havirnivedanātpūrvaṃ dīpadānādanantaram | kuryādāvaraṇābhyarcāṃ prāpte nīrājane'thavā

Before offering the oblation, after the giving of the lamp, when the moment of nīrājana (the waving of lights) arrives, he should perform the worship of the surrounding deities.

Verse 3 (shiva.vayaviya.60.3)

तत्रेशानादिसद्यान्तं रुद्राद्यस्त्रान्तमेव च । शिवस्य वा शिवायाश्च प्रथमावरणे यजेत्

tatreśānādisadyāntaṃ rudrādyastrāntameva ca | śivasya vā śivāyāśca prathamāvaraṇe yajet

There, from Īśāna down to Sadyojāta, or from Rudra onward to the weapon-mantra, he should worship, in the first enclosure, either Śiva or Śivā, his Śakti.

Verse 4 (shiva.vayaviya.60.4)

ऐशान्यां पूर्वभागे च दक्षिणे चोत्तरे तथा । पश्चिमे च तथाग्नेय्यामैशान्यां नैरृते तथा

aiśānyāṃ pūrvabhāge ca dakṣiṇe cottare tathā | paścime ca tathāgneyyāmaiśānyāṃ nairṛte tathā

In the northeast, in the eastern portion, in the south, likewise in the north, in the west, and in the southeast, again in the northeast, and in the southwest —

Verse 5 (shiva.vayaviya.60.5)

वायव्यां पुनरैशान्यां चतुर्दिक्षु ततः परम् । गर्भावरणमाख्यातं मन्त्रसङ्घातमेव वा

vāyavyāṃ punaraiśānyāṃ caturdikṣu tataḥ param | garbhāvaraṇamākhyātaṃ mantrasaṅghātameva vā

in the northwest, again in the northeast, and thereafter in the four cardinal directions — this is called the womb-enclosure, or the combination of mantras.

Verse 6 (shiva.vayaviya.60.6)

हृदयाद्यस्त्रपर्यन्तमथवापि समर्चयेत् । तद्बहिः पूर्वतः शक्रं यमं दक्षिणतो यजेत्

hṛdayādyastraparyantamathavāpi samarcayet | tadbahiḥ pūrvataḥ śakraṃ yamaṃ dakṣiṇato yajet

He should worship from the Heart-mantra up to the Weapon-mantra, or all of them together; outside that, in the east he should worship Śakra, in the south Yama.

Verse 7 (shiva.vayaviya.60.7)

वरुणं वारुणे भागे धनदं चोत्तरे बुधः । ईशमैशेऽनलं स्वीये नैरृते निरृतिं यजेत्

varuṇaṃ vāruṇe bhāge dhanadaṃ cottare budhaḥ | īśamaiśe'nalaṃ svīye nairṛte nirṛtiṃ yajet

In the western quarter, Varuṇa; in the north, Dhanada, so the wise have said; in the northeast, Īśa; in his own quarter, Agni; in the southwest, Nirṛti — these he should worship.

Verse 8 (shiva.vayaviya.60.8)

मारुते मारुतं विष्णुं नैरृते विधिमैश्वरे । बहिःपद्मस्य वज्राद्यान्याब्जान्तान्यायुधान्यपि

mārute mārutaṃ viṣṇuṃ nairṛte vidhimaiśvare | bahiḥpadmasya vajrādyānyābjāntānyāyudhānyapi

In the northwest, Māruta; Viṣṇu in the southwest; Vidhi in the northeast — and also the weapons of the outer lotus-petals, from the thunderbolt onward to the lotus itself.

Verse 9 (shiva.vayaviya.60.9)

प्रसिद्धरूपाण्याशासु लोकेशानां क्रमाद्यजेत् । देवं देवीं च सम्प्रेक्ष्य सर्वावरणदेवताः

prasiddharūpāṇyāśāsu lokeśānāṃ kramādyajet | devaṃ devīṃ ca samprekṣya sarvāvaraṇadevatāḥ

He should worship, in due order, the world-guardians in their well-known forms in their directions; having looked upon the god and the goddess, and all the deities of the enclosures —

Verse 10 (shiva.vayaviya.60.10)

बद्धाञ्जलिपुटा ध्येयाः समासीना यथासुखम् । सर्वावरणदेवानां स्वाभिधानैर्नमोयुतैः

baddhāñjalipuṭā dhyeyāḥ samāsīnā yathāsukham | sarvāvaraṇadevānāṃ svābhidhānairnamoyutaiḥ

they are to be meditated upon with joined palms, seated at ease; all the deities of the enclosures are worshipped by their own names joined with the word namaḥ.

Verse 11 (shiva.vayaviya.60.11)

पुष्पैः सम्पूजनं कुर्यान्नत्वा सर्वान्यथाक्रमम् । गर्भावरणमेवापि यजेत्स्वावरणेन वा

puṣpaiḥ sampūjanaṃ kuryānnatvā sarvānyathākramam | garbhāvaraṇamevāpi yajetsvāvaraṇena vā

He should worship with flowers, bowing to all in due order; the womb-enclosure too he may worship, either in full or through its own enclosing mantra.

Verse 12 (shiva.vayaviya.60.12)

योगे ध्याने जपे होमे बाह्ये वाभ्यन्तरेऽपि वा । हविश्च षड्विधं देयं शुद्धं मुद्गान्नमेव च

yoge dhyāne jape home bāhye vābhyantare'pi vā | haviśca ṣaḍvidhaṃ deyaṃ śuddhaṃ mudgānnameva ca

In union, meditation, recitation, or fire-oblation, whether external or internal, the oblation is sixfold and pure, to be given, including rice cooked with mung beans.

Verse 13 (shiva.vayaviya.60.13)

पायसं दधिसम्मिश्रं गौडं च मधुनाप्लुतम् । एतेष्वेकमनेकं वा नानाव्यञ्जनसंयुतम्

pāyasaṃ dadhisammiśraṃ gauḍaṃ ca madhunāplutam | eteṣvekamanekaṃ vā nānāvyañjanasaṃyutam

Milk-porridge mixed with curd, and jaggery drenched in honey — one or many of these, joined with various seasonings.

Verse 14 (shiva.vayaviya.60.14)

गुडखण्डान्वितं दद्यान्मथितं दधि चोत्तमम् । भक्ष्याण्यपूपमुख्यानि स्वादुमन्ति फलानि च

guḍakhaṇḍānvitaṃ dadyānmathitaṃ dadhi cottamam | bhakṣyāṇyapūpamukhyāni svādumanti phalāni ca

He should offer rice mixed with jaggery-crystals, and the finest churned curd; foods headed by cakes, and sweet fruits.

Verse 15 (shiva.vayaviya.60.15)

रक्तचन्दनपुष्पाढ्यं पानीयं चातिशीतलम् । मृदु एलारसाक्तं च खण्डं पूगफलस्य च

raktacandanapuṣpāḍhyaṃ pānīyaṃ cātiśītalam | mṛdu elārasāktaṃ ca khaṇḍaṃ pūgaphalasya ca

Water rich with red sandal and flowers, and very cool; soft betel-nut pieces joined with cardamom essence.

Verse 16 (shiva.vayaviya.60.16)

दलानि नागवल्ल्याश्च युक्तानि खदिरादिभिः । गौराणि स्वर्णवर्णानि विहितानि शिवानि च । शैलमेव सितं चूर्णं नातिरूक्षं न दूषितम्

dalāni nāgavallyāśca yuktāni khadirādibhiḥ | gaurāṇi svarṇavarṇāni vihitāni śivāni ca | śailameva sitaṃ cūrṇaṃ nātirūkṣaṃ na dūṣitam

Betel-leaves joined with catechu and the like; substances pale and gold-hued, made auspicious; and rock-derived white powder, neither too coarse nor defiled.

Verse 17 (shiva.vayaviya.60.17)

कर्पूरं चाथ कङ्कोलं जात्यादि च नवं शुभम् । आलेपनं चन्दनं स्यान्मूलकाष्ठं रजोमयम्

karpūraṃ cātha kaṅkolaṃ jātyādi ca navaṃ śubham | ālepanaṃ candanaṃ syānmūlakāṣṭhaṃ rajomayam

Camphor, cubeb, fresh and auspicious nutmeg and the like; the unguent should be sandal, ground to powder from the root-wood.

Verse 18 (shiva.vayaviya.60.18)

कस्तूरिका कुङ्कुमं च रसो मृगमदात्मकः । पुष्पाणि सुरभीण्येव पवित्राणि शुभानि च

kastūrikā kuṅkumaṃ ca raso mṛgamadātmakaḥ | puṣpāṇi surabhīṇyeva pavitrāṇi śubhāni ca

Musk and saffron, the essence born of the musk-deer; flowers should be fragrant, pure, and auspicious.

Verse 19 (shiva.vayaviya.60.19)

निर्गन्धान्युग्रगन्धानि दूषितान्युषितानि च । स्वयमेव विशीर्णानि न देयानि शिवार्चने

nirgandhānyugragandhāni dūṣitānyuṣitāni ca | svayameva viśīrṇāni na deyāni śivārcane

Flowers without scent, of overpowering scent, defiled, stale, or of themselves withered — these are not to be offered in the worship of Śiva.

Verse 20 (shiva.vayaviya.60.20)

वासांसि च मृदून्येव तपनीयमयानि च । विद्युद्वलयकल्पानि भूषणानि विशेषतः

vāsāṃsi ca mṛdūnyeva tapanīyamayāni ca | vidyudvalayakalpāni bhūṣaṇāni viśeṣataḥ

Garments should be soft, and some woven with gold thread; ornaments especially resembling circlets of lightning.

Verse 21 (shiva.vayaviya.60.21)

सर्वाण्येतानि कर्पूरनिर्यासागुरुचन्दनैः । आधूपितानि पुष्पौघैर्वासितानि समन्ततः

sarvāṇyetāni karpūraniryāsāgurucandanaiḥ | ādhūpitāni puṣpaughairvāsitāni samantataḥ

All of these should be perfumed with camphor, resin, aloeswood and sandal, and scented all around with masses of flowers.

Verse 22 (shiva.vayaviya.60.22)

चन्दनागुरुकर्पूरकाष्ठगुग्गुलुचूर्णकैः । घृतेन मधुना चैव सिद्धो धूपः प्रशस्यते

candanāgurukarpūrakāṣṭhaguggulucūrṇakaiḥ | ghṛtena madhunā caiva siddho dhūpaḥ praśasyate

Incense prepared from powders of sandal, aloeswood, camphor, wood, and guggulu, together with ghee and honey, is praised as best.

Verse 23 (shiva.vayaviya.60.23)

कपिलासम्भवेनैव घृतेनातिसुगन्धिना । नित्यं प्रदीपिता दीपाः शस्ताः कर्पूरसंयुताः

kapilāsambhavenaiva ghṛtenātisugandhinā | nityaṃ pradīpitā dīpāḥ śastāḥ karpūrasaṃyutāḥ

Lamps kept ever burning with ghee born of a tawny cow, very fragrant, joined with camphor, are commended.

Verse 24 (shiva.vayaviya.60.24)

पञ्चगव्यं च मधुरं पयो दधि घृतं तथा । कपिलासम्भवं शम्भोरिष्टं स्नाने च पानके

pañcagavyaṃ ca madhuraṃ payo dadhi ghṛtaṃ tathā | kapilāsambhavaṃ śambhoriṣṭaṃ snāne ca pānake

The five products of the cow, and sweet milk, curd, and ghee — all born of the tawny cow — are dear to Śambhu, both for bathing and for the drink-offering.

Verse 25 (shiva.vayaviya.60.25)

आसनानि च भद्राणि गजदन्तमयानि च । सुवर्णरत्नयुक्तानि चित्राण्यास्तरणानि च

āsanāni ca bhadrāṇi gajadantamayāni ca | suvarṇaratnayuktāni citrāṇyāstaraṇāni ca

Seats should be auspicious, made of ivory, joined with gold and gems, and their coverings variegated.

Verse 26 (shiva.vayaviya.60.26)

मृदूपधानयुक्तानि सूक्ष्मतूलमयानि च । उच्चावचानि रम्याणि शयनानि सुखानि च

mṛdūpadhānayuktāni sūkṣmatūlamayāni ca | uccāvacāni ramyāṇi śayanāni sukhāni ca

Joined with soft pillows, made of fine cotton-down; couches of every kind, delightful and comfortable.

Verse 27 (shiva.vayaviya.60.27)

नद्यः समुद्रगामिन्या नदाद्वाम्भः समाहृतम् । शीतञ्च वस्त्रपूतं तद्विशिष्टं स्नानपानयोः

nadyaḥ samudragāminyā nadādvāmbhaḥ samāhṛtam | śītañca vastrapūtaṃ tadviśiṣṭaṃ snānapānayoḥ

Water gathered from a river flowing to the ocean, or from a great stream — cool and strained through cloth — is best for both bathing and drinking.

Verse 28 (shiva.vayaviya.60.28)

छत्रं शशिनिभं चारु मुक्तादामविराजितम् । नवरत्नचितं दिव्यं हेमदण्डमनोहरम्

chatraṃ śaśinibhaṃ cāru muktādāmavirājitam | navaratnacitaṃ divyaṃ hemadaṇḍamanoharam

An umbrella beautiful and moon-like, adorned with strings of pearls, inlaid with the nine gems, divine, with a lovely golden handle.

Verse 29 (shiva.vayaviya.60.29)

चामरे च सिते सूक्ष्मे चामीकरपरिष्कृते । राजहंसद्वयाकारे रत्नदण्डोपशोभिते

cāmare ca site sūkṣme cāmīkarapariṣkṛte | rājahaṃsadvayākāre ratnadaṇḍopaśobhite

Two fly-whisks, white and fine, adorned with gold, shaped like a pair of royal swans, beautified with jeweled handles.

Verse 30 (shiva.vayaviya.60.30)

दर्पणं चापि सुस्निग्धं दिव्यगन्धानुलेपनम् । समन्ताद्रत्नसञ्छन्नं स्रग्वरैश्चापि भूषितम्

darpaṇaṃ cāpi susnigdhaṃ divyagandhānulepanam | samantādratnasañchannaṃ sragvaraiścāpi bhūṣitam

A mirror too, very smooth, with a divine fragrant unguent, entirely covered with gems, and further adorned with fine garlands.

Verse 31 (shiva.vayaviya.60.31)

गम्भीरनिनदः शङ्खो हंसकुन्देन्दुसन्निभः । आस्यपृष्ठादिदेशेषु रत्नचामीकराचितः

gambhīraninadaḥ śaṅkho haṃsakundendusannibhaḥ | āsyapṛṣṭhādideśeṣu ratnacāmīkarācitaḥ

A conch of deep sound, resembling a swan, jasmine, or the moon, its mouth, back, and other parts inlaid with gems and gold.

Verse 32 (shiva.vayaviya.60.32)

काहलानि च रम्याणि नानानादकराणि च । सुवर्णनिर्मितान्येव मौक्तिकालङ्कृतानि च

kāhalāni ca ramyāṇi nānānādakarāṇi ca | suvarṇanirmitānyeva mauktikālaṅkṛtāni ca

Delightful horns too, producing varied sounds, made entirely of gold, and adorned with pearls.

Verse 33 (shiva.vayaviya.60.33)

भेरीमृदङ्गमुरजतिमिच्छपटहादयः । समुद्रकल्पसन्नादाः कल्पनीयाः प्रयत्नतः

bherīmṛdaṅgamurajatimicchapaṭahādayaḥ | samudrakalpasannādāḥ kalpanīyāḥ prayatnataḥ

Kettledrums, mṛdaṅgas, murajas, timilas, and paṭahas, sounding like the ocean, should be prepared with care.

Verse 34 (shiva.vayaviya.60.34)

भाण्डान्यपि च रम्याणि पात्राण्यपि च कृत्स्नशः । तदाधाराणि सर्वाणि सौवर्णान्येव साधयेत्

bhāṇḍānyapi ca ramyāṇi pātrāṇyapi ca kṛtsnaśaḥ | tadādhārāṇi sarvāṇi sauvarṇānyeva sādhayet

Vessels too should be delightful, and likewise all the ritual pots and their stands throughout — he should procure them all of gold.

Verse 35 (shiva.vayaviya.60.35)

आलयं च महेशस्य शिवस्य परमात्मनः । राजावसथवत्कल्प्यं शिल्पशास्त्रोक्तलक्षणम्

ālayaṃ ca maheśasya śivasya paramātmanaḥ | rājāvasathavatkalpyaṃ śilpaśāstroktalakṣaṇam

The abode of Maheśa, of Śiva the Supreme Self, should be built like a king's palace, bearing the features taught in the treatises on architecture.

Verse 36 (shiva.vayaviya.60.36)

उच्चप्राकारसम्भिन्नं भूधराकारगोपुरम् । अनेकरत्नसञ्च्छन्नं हेमद्वारकपाटकम्

uccaprākārasambhinnaṃ bhūdharākāragopuram | anekaratnasañcchannaṃ hemadvārakapāṭakam

With a lofty surrounding wall, a gate-tower shaped like a mountain, covered with many jewels, and doors and door-panels of gold.

Verse 37 (shiva.vayaviya.60.37)

तप्तजाम्बूनदमयं रत्नस्तम्भशतावृतम् । मुक्तादामवितानाढ्यं विद्रुमद्वारतोरणम्

taptajāmbūnadamayaṃ ratnastambhaśatāvṛtam | muktādāmavitānāḍhyaṃ vidrumadvāratoraṇam

Made of refined gold, surrounded by hundreds of jeweled pillars, rich with pearl-strung canopies, its gateway-arch of coral.

Verse 38 (shiva.vayaviya.60.38)

चामीकरमयैर्दिव्यैर्मुकुटैः कुम्भलक्षणैः । अलङ्कृतशिरोभागमस्त्रराजेन चिह्नितम्

cāmīkaramayairdivyairmukuṭaiḥ kumbhalakṣaṇaiḥ | alaṅkṛtaśirobhāgamastrarājena cihnitam

Its upper portion adorned with divine golden crowns shaped like pitchers, marked with the sign of the sovereign weapon.

Verse 39 (shiva.vayaviya.60.39)

राजन्यार्हनिवासैश्च राजवीथ्यादिशोभितैः । प्रोच्छ्रितप्रांशुशिखरैः प्रासादैश्च समन्ततः

rājanyārhanivāsaiśca rājavīthyādiśobhitaiḥ | procchritaprāṃśuśikharaiḥ prāsādaiśca samantataḥ

Surrounded on all sides by dwellings fit for princes, adorned with royal avenues and the like, and by towering, lofty-spired mansions.

Verse 40 (shiva.vayaviya.60.40)

आस्थानस्थानवर्यैश्च स्थितैर्दिक्षु विदिक्षु च । अत्यन्तालङ्कृतप्रान्तमन्तरावरणैरिव

āsthānasthānavaryaiśca sthitairdikṣu vidikṣu ca | atyantālaṅkṛtaprāntamantarāvaraṇairiva

With the finest assembly-halls standing in the cardinal and intermediate directions, its borders exceedingly adorned, as though by inner enclosures.

Verse 41 (shiva.vayaviya.60.41)

उत्तमस्त्रीसहस्रैश्च नृत्यगेयविशारदैः । वेणुवीणाविदग्धैश्च पुरुषैर्बहुभिर्युतम्

uttamastrīsahasraiśca nṛtyageyaviśāradaiḥ | veṇuvīṇāvidagdhaiśca puruṣairbahubhiryutam

Joined with thousands of excellent women skilled in dance and song, and with many men accomplished in the flute and the vīṇā.

Verse 42 (shiva.vayaviya.60.42)

रक्षितं रक्षिभिर्वीरैर्गजवाजिरथान्वितैः । अनेकपुष्पवाटीभिरनेकैश्च सरोवरैः

rakṣitaṃ rakṣibhirvīrairgajavājirathānvitaiḥ | anekapuṣpavāṭībhiranekaiśca sarovaraiḥ

Guarded by heroic guards, together with elephants, horses, and chariots; with many flower-gardens, and many lakes.

Verse 43 (shiva.vayaviya.60.43)

दीर्घिकाभिरनेकाभिर्दिग्विदिक्षु विराजितम् । वेदवेदान्ततत्त्वज्ञैः शिवशास्त्रपरायणैः

dīrghikābhiranekābhirdigvidikṣu virājitam | vedavedāntatattvajñaiḥ śivaśāstraparāyaṇaiḥ

Resplendent with many long pools in every direction; thronged with those who know the truth of the Vedas and Vedānta, devoted to the Śaiva scriptures.

Verse 44 (shiva.vayaviya.60.44)

शिवाश्रमरतैर्भक्तैः शिवशास्त्रोक्तलक्षणैः । शान्तैः स्मितमुखैः स्फीतैः सदाचारपरायणैः

śivāśramaratairbhaktaiḥ śivaśāstroktalakṣaṇaiḥ | śāntaiḥ smitamukhaiḥ sphītaiḥ sadācāraparāyaṇaiḥ

With devotees delighting in the Śaiva order of life, bearing the marks taught in the Śaiva scriptures; peaceful, smiling-faced, thriving, devoted to good conduct.

Verse 45 (shiva.vayaviya.60.45)

शैवैर्माहेश्वरैश्चैव श्रीमद्भिः सेवितं द्विजैः । एवमन्तर्बहिर्वाथ यथाशक्तिविनिर्मितैः

śaivairmāheśvaraiścaiva śrīmadbhiḥ sevitaṃ dvijaiḥ | evamantarbahirvātha yathāśaktivinirmitaiḥ

Attended by Śaivas and Māheśvaras, and by glorious brāhmaṇas — thus, whether within or without, it should be built according to one's means.

Verse 46 (shiva.vayaviya.60.46)

स्थाने शिलामये दान्ते दारवे चेष्टकामये । केवलं मृण्मये वापि पुण्यारण्येऽथवा गिरौ

sthāne śilāmaye dānte dārave ceṣṭakāmaye | kevalaṃ mṛṇmaye vāpi puṇyāraṇye'thavā girau

On a base of stone, of ivory, of wood, of brick, or simply of clay — in a sacred forest, or on a mountain —

Verse 47 (shiva.vayaviya.60.47)

नद्यां देवालयेऽन्यत्र देशे वाथ गृहे शुभे । आढ्यो वाथ दरिद्रो वा स्वकां शक्तिमवञ्चयन् । द्रव्यैर्न्यायार्जितैरेव भक्त्या देवं समर्च्चयेत्

nadyāṃ devālaye'nyatra deśe vātha gṛhe śubhe | āḍhyo vātha daridro vā svakāṃ śaktimavañcayan | dravyairnyāyārjitaireva bhaktyā devaṃ samarccayet

by a river, in a temple, in another region, or in an auspicious home — whether rich or poor, without holding back his own capacity, he should worship the god with devotion, using wealth honestly earned.

Verse 48 (shiva.vayaviya.60.48)

अथान्यायार्जितैश्चापि भक्त्या चेच्छिवमर्च्चयेत् । न तस्य प्रत्यवायोऽस्ति भाववश्यो यतः प्रभुः

athānyāyārjitaiścāpi bhaktyā cecchivamarccayet | na tasya pratyavāyo'sti bhāvavaśyo yataḥ prabhuḥ

But if one worships Śiva with devotion even using wealth dishonestly earned, there is no fault in it for him, for the Lord is subject to inner feeling.

Verse 49 (shiva.vayaviya.60.49)

न्यायार्जितैरपि द्रव्यैरभक्त्या पूजयेद्यदि । न तत्फलमवाप्नोति भक्तिरेवात्र कारणम्

nyāyārjitairapi dravyairabhaktyā pūjayedyadi | na tatphalamavāpnoti bhaktirevātra kāraṇam

But if one worships with honestly earned wealth, yet without devotion, he obtains no fruit from it — devotion alone is the cause here.

Verse 50 (shiva.vayaviya.60.50)

भक्त्या वित्तानुसारेण शिवमुद्दिश्य यत्कृतम् । अल्पे महति वा तुल्यं फलमाढ्यदरिद्रयोः

bhaktyā vittānusāreṇa śivamuddiśya yatkṛtam | alpe mahati vā tulyaṃ phalamāḍhyadaridrayoḥ

Whatever is done for Śiva out of devotion, in proportion to one's means, whether small or great, the fruit is equal for the rich and the poor.

Verse 51 (shiva.vayaviya.60.51)

भक्त्या प्रचोदितः कुर्यादल्पवित्तोऽपि मानवः । महाविभवसारोऽपि न कुर्याद् भक्तिवर्जितः

bhaktyā pracoditaḥ kuryādalpavitto'pi mānavaḥ | mahāvibhavasāro'pi na kuryād bhaktivarjitaḥ

A man of little wealth, moved by devotion, truly performs worship; even one of great and abundant wealth, if devoid of devotion, does not.

Verse 52 (shiva.vayaviya.60.52)

सर्वस्वमपि यो दद्याच्छिवे भक्तिविवर्जितः । न तेन फलभाक् स स्याद् भक्तिरेवात्र कारणम्

sarvasvamapi yo dadyācchive bhaktivivarjitaḥ | na tena phalabhāk sa syād bhaktirevātra kāraṇam

Even one who gives his entire possessions to Śiva, if devoid of devotion, does not thereby become a sharer of the fruit — devotion alone is the cause here.

Verse 53 (shiva.vayaviya.60.53)

न तत्तपोभिरत्युग्रैर्न च सर्वैर्महामखैः । गच्छेच्छिवपुरं दिव्यं मुक्त्वा भक्तिं शिवात्मिकाम्

na tattapobhiratyugrairna ca sarvairmahāmakhaiḥ | gacchecchivapuraṃ divyaṃ muktvā bhaktiṃ śivātmikām

Not by the most severe austerities, nor by all the great sacrifices, does one reach the divine city of Śiva, apart from devotion whose very nature is Śiva.

Verse 54 (shiva.vayaviya.60.54)

गुह्याद्गुह्यतरं कृष्ण सर्वत्र परमेश्वरे । शिवे भक्तिर्न सन्देहस्तया युक्तो विमुच्यते

guhyādguhyataraṃ kṛṣṇa sarvatra parameśvare | śive bhaktirna sandehastayā yukto vimucyate

More secret than the secret, O Kṛṣṇa, is this regarding the Supreme Lord everywhere: devotion to Śiva — there is no doubt that one joined with it is liberated.

Verse 55 (shiva.vayaviya.60.55)

शिवमन्त्रजपो ध्यानं होमो यज्ञस्तपःश्रुतम् । दानमध्ययनं सर्वे भावार्थं नात्र संशयः

śivamantrajapo dhyānaṃ homo yajñastapaḥśrutam | dānamadhyayanaṃ sarve bhāvārthaṃ nātra saṃśayaḥ

The recitation of Śiva's mantra, meditation, fire-oblation, sacrifice, austerity, sacred learning, charity, and study — all of these exist for the sake of inner feeling; there is no doubt of this.

Verse 56 (shiva.vayaviya.60.56)

भावहीनो नरः सर्वं कृत्वापि न विमुच्यते । भावयुक्तः पुनः सर्वमकृत्वापि विमुच्यते

bhāvahīno naraḥ sarvaṃ kṛtvāpi na vimucyate | bhāvayuktaḥ punaḥ sarvamakṛtvāpi vimucyate

A man devoid of that inner feeling, though he perform all of these, is not liberated; one joined with it, in turn, is liberated even without performing all of them.

Verse 57 (shiva.vayaviya.60.57)

चान्द्रायणसहस्रैश्च प्राजापत्यशतैस्तथा । मासोपवासैश्चान्यैश्च शिवभक्तस्य किं पुनः

cāndrāyaṇasahasraiśca prājāpatyaśataistathā | māsopavāsaiścānyaiśca śivabhaktasya kiṃ punaḥ

What need is there of a thousand cāndrāyaṇa fasts, a hundred prājāpatya observances, and other month-long fasts, for one who is devoted to Śiva?

Verse 58 (shiva.vayaviya.60.58)

अभक्ता मानवाश्चास्मिंल्लोके गिरिगुहासु च । तपन्ति चाल्पभोगार्थं भक्तो भावेन मुच्यते

abhaktā mānavāścāsmiṃlloke giriguhāsu ca | tapanti cālpabhogārthaṃ bhakto bhāvena mucyate

Men without devotion practice austerities in this world and in mountain caves merely for the sake of a small enjoyment; the devotee is liberated through inner feeling alone.

Verse 59 (shiva.vayaviya.60.59)

सात्त्विकं मुक्तिदं कर्म सत्त्वे वै योगिनः स्थिताः । राजसं सिद्धिदं कुर्युः कर्मिणो रजसावृताः

sāttvikaṃ muktidaṃ karma sattve vai yoginaḥ sthitāḥ | rājasaṃ siddhidaṃ kuryuḥ karmiṇo rajasāvṛtāḥ

Sattvic action bestows liberation — yogis indeed abide in sattva; rajasic action, performed by ritualists overcome by rajas, bestows worldly accomplishment.

Verse 60 (shiva.vayaviya.60.60)

असुरा राक्षसाश्चैव तमोगुणसमन्विताः । ऐहिकार्थं यजन्तीशं नराश्चान्येऽपि तादृशाः

asurā rākṣasāścaiva tamoguṇasamanvitāḥ | aihikārthaṃ yajantīśaṃ narāścānye'pi tādṛśāḥ

Asuras and rākṣasas, endowed with the quality of tamas, and other men of that same kind, worship the Lord only for the sake of this-worldly gain.

Verse 61 (shiva.vayaviya.60.61)

तामसं राजसं वापि सात्त्विकं भावमेव च । आश्रित्य भक्त्या पूजाद्यं कुर्वन् भद्रं समश्नुते

tāmasaṃ rājasaṃ vāpi sāttvikaṃ bhāvameva ca | āśritya bhaktyā pūjādyaṃ kurvan bhadraṃ samaśnute

Resorting to a tamasic, rajasic, or sattvic disposition, whoever performs worship and the rest with devotion, obtains good fortune.

Verse 62 (shiva.vayaviya.60.62)

यतः पापार्णवात् त्रातुं भक्तिर्नौरिव निर्मिता । तस्माद्भक्त्युपपन्नस्य रजसा तमसा च किम्

yataḥ pāpārṇavāt trātuṃ bhaktirnauriva nirmitā | tasmādbhaktyupapannasya rajasā tamasā ca kim

Since devotion has been fashioned like a boat, to save one from the ocean of sin, what then have rajas and tamas to do with one who is possessed of devotion?

Verse 63 (shiva.vayaviya.60.63)

अन्त्यजो वाधमो वापि मूर्खो वा पतितोऽपि वा । शिवं प्रपन्नश्चेत् कृष्ण पूज्यः सर्वसुरासुरैः

antyajo vādhamo vāpi mūrkho vā patito'pi vā | śivaṃ prapannaścet kṛṣṇa pūjyaḥ sarvasurāsuraiḥ

Be he an outcaste, or lowest of the low, or a fool, or even a fallen man — if he has taken refuge in Śiva, O Kṛṣṇa, he is to be worshipped by all gods and demons alike.

Verse 64 (shiva.vayaviya.60.64)

तस्मात् सर्वप्रयत्नेन भक्त्यैव शिवमर्चयेत् । अभुक्तानां क्वचिदपि फलं नास्ति यतस्ततः

tasmāt sarvaprayatnena bhaktyaiva śivamarcayet | abhuktānāṃ kvacidapi phalaṃ nāsti yatastataḥ

Therefore, with all effort, one should worship Śiva through devotion alone; for those without that devotion, there is nowhere any fruit at all.

Verse 65 (shiva.vayaviya.60.65)

वक्ष्याम्यतिरहस्यं ते शृणु कृष्ण वचो मम । वेदैः शास्त्रैर्वेदविद्भिर्विचार्य सुविनिश्चितम्

vakṣyāmyatirahasyaṃ te śṛṇu kṛṣṇa vaco mama | vedaiḥ śāstrairvedavidbhirvicārya suviniścitam

I shall now declare to you a most secret teaching — hear my words, O Kṛṣṇa — a truth well ascertained after deliberation by the Vedas, the scriptures, and the knowers of the Veda.