The Rite of Worship with All Limbs and Sub-Limbs

Verse 1 (shiva.vayaviya.61.1)

उपमन्युरुवाच । ब्रह्मघ्नो वा सुरापो वा स्तेयी वा गुरुतल्पगः । मातृहा पितृहा वापि वीरहा भ्रूणहापि वा

upamanyuruvāca | brahmaghno vā surāpo vā steyī vā gurutalpagaḥ | mātṛhā pitṛhā vāpi vīrahā bhrūṇahāpi vā

Upamanyu said: Whether he be a slayer of a brāhmaṇa, a drinker of liquor, a thief, or one who has approached his guru's wife, a slayer of mother or father, a slayer of a hero, or even a slayer of an embryo —

Verse 2 (shiva.vayaviya.61.2)

सम्पूज्यामन्त्रकं भक्त्या शिवं परमकारणम् । तैस्तैः पापैः प्रमुच्येत वर्षैर्द्वादशभिः क्रमात्

sampūjyāmantrakaṃ bhaktyā śivaṃ paramakāraṇam | taistaiḥ pāpaiḥ pramucyeta varṣairdvādaśabhiḥ kramāt

if he worships, even without knowledge of mantra, with devotion, Śiva the Supreme Cause, he is freed from each of those sins in due course, within twelve years.

Verse 3 (shiva.vayaviya.61.3)

तस्मात् सर्वप्रयत्नेन पतितोऽपि यजेत् शिवम् । भक्तश्चेन्नापरः कश्चिद्भिक्षाहारो जितेद्रियः

tasmāt sarvaprayatnena patito'pi yajet śivam | bhaktaścennāparaḥ kaścidbhikṣāhāro jitedriyaḥ

Therefore, with all effort, even a fallen man should worship Śiva; if he finds no other devotee to aid him, let him, living on alms and with senses conquered, do so himself.

Verse 4 (shiva.vayaviya.61.4)

कृत्वापि सुमहत्पापं भक्त्या पञ्चाक्षरेण तु । पूजयेद्यदि देवेशं तस्मात्पापात्प्रमुच्यते

kṛtvāpi sumahatpāpaṃ bhaktyā pañcākṣareṇa tu | pūjayedyadi deveśaṃ tasmātpāpātpramucyate

Even having committed a very great sin, if one worships the Lord of the gods with devotion through the five-syllabled mantra, he is freed from that sin.

Verse 5 (shiva.vayaviya.61.5)

अब्भक्षा वायुभक्षाश्च ये चान्ये व्रतकर्शिताः । तेषामेतैर्व्रतैर्नास्ति शिवलोकसमागमः

abbhakṣā vāyubhakṣāśca ye cānye vratakarśitāḥ | teṣāmetairvratairnāsti śivalokasamāgamaḥ

Those who live on water alone, or on air alone, and others emaciated by various vows — for them, through these vows, there is no attaining the world of Śiva.

Verse 6 (shiva.vayaviya.61.6)

भक्त्या पञ्चाक्षरेणैव यः शिवं सकृदर्चयेत् । सोऽपि गच्छेच्छिवस्थानं शिवमन्त्रस्य गौरवात्

bhaktyā pañcākṣareṇaiva yaḥ śivaṃ sakṛdarcayet | so'pi gacchecchivasthānaṃ śivamantrasya gauravāt

Whoever worships Śiva even once with devotion through the five-syllabled mantra — he too attains the abode of Śiva, through the greatness of the Śiva-mantra.

Verse 7 (shiva.vayaviya.61.7)

तस्मात्तपांसि यज्ञाश्च सर्वे सर्वस्वदक्षिणाः । शिवमूर्त्यर्चनस्यैते कोट्यंशेनापि नो समाः

tasmāttapāṃsi yajñāśca sarve sarvasvadakṣiṇāḥ | śivamūrtyarcanasyaite koṭyaṃśenāpi no samāḥ

Therefore austerities, sacrifices, and all sacrifices in which one's entire wealth is given as fee — none of these equal even a ten-millionth part of the worship of Śiva's image.

Verse 8 (shiva.vayaviya.61.8)

बद्धो वाप्यथ मुक्तो वा पाशात्पञ्चाक्षरेण चेत् । पूजयन्मुच्यते भक्तो नात्र कार्या विचारणा

baddho vāpyatha mukto vā pāśātpañcākṣareṇa cet | pūjayanmucyate bhakto nātra kāryā vicāraṇā

Whether bound in worldly fetters or already free, if a devotee worships through the five-syllabled mantra, he is released from the bond — no doubt need be entertained here.

Verse 9 (shiva.vayaviya.61.9)

अरुद्रो वा सरुद्रो वा सूक्तेन शिवमर्चयेत् । यः सकृत्पतितो वापि मूढो वा मुच्यते नरः

arudro vā sarudro vā sūktena śivamarcayet | yaḥ sakṛtpatito vāpi mūḍho vā mucyate naraḥ

Whether without the Rudra-mantra or with it, whoever worships Śiva with a Vedic hymn; even a man once fallen or foolish is thereby liberated.

Verse 10 (shiva.vayaviya.61.10)

षडक्षरेण वा देवं सूक्तमन्त्रेण पूजयेत् । शिवभक्तो जितक्रोधो ह्यलब्धो लब्ध एव च

ṣaḍakṣareṇa vā devaṃ sūktamantreṇa pūjayet | śivabhakto jitakrodho hyalabdho labdha eva ca

He should worship the god with the six-syllabled mantra, or with the Vedic hymn-mantra; the Śiva-devotee who has conquered anger — for him, the unattained becomes, as it were, attained.

Verse 11 (shiva.vayaviya.61.11)

अलब्धाल्लब्ध एवात्र विशिष्टो नात्र संशयः । सब्रह्माङ्गेन वा तेन सहंसेन विमुच्यते

alabdhāllabdha evātra viśiṣṭo nātra saṃśayaḥ | sabrahmāṅgena vā tena sahaṃsena vimucyate

Here the attained is distinguished from the unattained, there is no doubt of this; through that mantra together with its Brahma-limb, joined with the Haṃsa, he is liberated.

Verse 12 (shiva.vayaviya.61.12)

तस्मान्नित्यं शिवं भक्त्या सूक्तमन्त्रेण पूजयेत् । एककालं द्विकालं वा त्रिकालं नित्यमेव वा

tasmānnityaṃ śivaṃ bhaktyā sūktamantreṇa pūjayet | ekakālaṃ dvikālaṃ vā trikālaṃ nityameva vā

Therefore one should ever worship Śiva with devotion through the hymn-mantra — once a day, twice a day, or thrice a day, continually.

Verse 13 (shiva.vayaviya.61.13)

येऽर्चयन्ति महादेवं विज्ञेयास्ते महेश्वराः । ज्ञानेनात्मसहायेन नार्चितो भगवान् शिवः

ye'rcayanti mahādevaṃ vijñeyāste maheśvarāḥ | jñānenātmasahāyena nārcito bhagavān śivaḥ

Those who worship Mahādeva are to be known as Māheśvaras; yet without knowledge as one's own aid, the Lord Śiva is not truly worshipped.

Verse 14 (shiva.vayaviya.61.14)

स चिरं संसरत्यस्मिन् संसारे दुःखसागरे । दुर्लभं प्राप्य मानुष्यं मूढो नार्चयते शिवम्

sa ciraṃ saṃsaratyasmin saṃsāre duḥkhasāgare | durlabhaṃ prāpya mānuṣyaṃ mūḍho nārcayate śivam

He wanders long in this ocean of suffering that is saṃsāra; having obtained the rare gift of human birth, the fool does not worship Śiva.

Verse 15 (shiva.vayaviya.61.15)

निष्फलं तस्य तज्जन्म मोक्षाय न भवेद्यतः । दुर्लभं प्राप्य मानुष्यं येऽर्चयन्ति पिनाकिनम्

niṣphalaṃ tasya tajjanma mokṣāya na bhavedyataḥ | durlabhaṃ prāpya mānuṣyaṃ ye'rcayanti pinākinam

His birth is fruitless, since it does not lead to liberation; but those who, having obtained the rare gift of human birth, worship the Wielder of the Pināka —

Verse 16 (shiva.vayaviya.61.16)

तेषां हि सफलं जन्म कृतार्थास्ते नरोत्तमाः । भवभक्तिपरा ये च भवप्रणतचेतसः

teṣāṃ hi saphalaṃ janma kṛtārthāste narottamāḥ | bhavabhaktiparā ye ca bhavapraṇatacetasaḥ

their birth is fruitful; they are accomplished, the best among men; and those who are devoted to Bhava and whose minds bow at Bhava's feet —

Verse 17 (shiva.vayaviya.61.17)

भवसंस्मरणोद्युक्ता न ते दुःखस्य भागिनः । भवनानि मनोज्ञानि विभ्रमाभरणाः स्त्रियः

bhavasaṃsmaraṇodyuktā na te duḥkhasya bhāginaḥ | bhavanāni manojñāni vibhramābharaṇāḥ striyaḥ

those who are constantly engaged in the remembrance of Bhava are not partakers of suffering; delightful mansions, ornaments of every adornment, and women —

Verse 18 (shiva.vayaviya.61.18)

धनं चातृप्तिपर्यन्तं शिवपूजाविधेः फलम् । ये वाञ्छन्ति महाभोगान् राज्यं च त्रिदशालये

dhanaṃ cātṛptiparyantaṃ śivapūjāvidheḥ phalam | ye vāñchanti mahābhogān rājyaṃ ca tridaśālaye

wealth, to the very limit of satisfaction — this is the fruit of the rite of Śiva-worship; those who desire great enjoyments and sovereignty in the abode of the thirty gods —

Verse 19 (shiva.vayaviya.61.19)

ते वाञ्छन्ति सदाकालं हरस्य चरणाम्बुजम् । सौभाग्यं कान्तिमद्रूपं सत्त्वं त्यागार्द्रभावता

te vāñchanti sadākālaṃ harasya caraṇāmbujam | saubhāgyaṃ kāntimadrūpaṃ sattvaṃ tyāgārdrabhāvatā

they ever desire nothing but the lotus-feet of Hara; good fortune, a beautiful form, the quality of sattva, a nature moistened with renunciation —

Verse 20 (shiva.vayaviya.61.20)

शौर्यं वै जगति ख्यातिः शिवमर्चयतो भवेत् । तस्मात् सर्वं परित्यज्य शिवैकाहितमानसः

śauryaṃ vai jagati khyātiḥ śivamarcayato bhavet | tasmāt sarvaṃ parityajya śivaikāhitamānasaḥ

valor, and fame in the world — all this comes to one who worships Śiva; therefore, having abandoned everything, with the mind fixed on Śiva alone —

Verse 21 (shiva.vayaviya.61.21)

शिवपूजाविधिं कुर्याद्यदीच्छेत् शिवमात्मनः । त्वरितं जीवितं याति त्वरितं याति यौवनम्

śivapūjāvidhiṃ kuryādyadīcchet śivamātmanaḥ | tvaritaṃ jīvitaṃ yāti tvaritaṃ yāti yauvanam

one should perform the rite of Śiva-worship, if he desires Śiva for his own sake; life passes swiftly away, youth departs swiftly.

Verse 22 (shiva.vayaviya.61.22)

त्वरितं व्याधिरभ्येति तस्मात् पूज्यः पिनाकधृक् । यावन्नायाति मरणं यावन्नाक्रमते जरा

tvaritaṃ vyādhirabhyeti tasmāt pūjyaḥ pinākadhṛk | yāvannāyāti maraṇaṃ yāvannākramate jarā

Disease comes swiftly, therefore the Wielder of the Pināka should be worshipped; so long as death does not come, so long as old age does not seize hold,

Verse 23 (shiva.vayaviya.61.23)

यावन्नेन्द्रियवैकल्यं तावत्पूजय शङ्करम् । न शिवार्चनतुल्योऽस्ति धर्मोऽन्यो भुवनत्रये

yāvannendriyavaikalyaṃ tāvatpūjaya śaṅkaram | na śivārcanatulyo'sti dharmo'nyo bhuvanatraye

so long as the faculties do not decay — until then, worship Śaṅkara; in the three worlds there is no other dharma equal to the worship of Śiva.

Verse 24 (shiva.vayaviya.61.24)

इति विज्ञाय यत्नेन पूजनीयः सदाशिवः । द्वारयागं जवनिकां परिवारबलिक्रियाम्

iti vijñāya yatnena pūjanīyaḥ sadāśivaḥ | dvārayāgaṃ javanikāṃ parivārabalikriyām

Thus understanding this, one should worship Sadāśiva with effort — the door-worship, the setting of the curtain, and the offering-rite for the retinue deities —

Verse 25 (shiva.vayaviya.61.25)

नित्योत्सवं च कुर्वीत प्रासादे यदि पूजयेत् । हविर्निवेदनादूर्ध्वं स्वयं चानुचरोऽपि वा

nityotsavaṃ ca kurvīta prāsāde yadi pūjayet | havirnivedanādūrdhvaṃ svayaṃ cānucaro'pi vā

and should perform the daily festival too; if he worships in the temple, then after the offering of the oblation, he himself, or even an attendant —

Verse 26 (shiva.vayaviya.61.26)

प्रासादपरिवारेभ्यो बलिं दद्याद्यथाक्रमम् । निर्गम्य सह वादित्रैस्तदाशाभिमुखः स्थितः

prāsādaparivārebhyo baliṃ dadyādyathākramam | nirgamya saha vāditraistadāśābhimukhaḥ sthitaḥ

should give the offering, in due order, to the retinue-deities of the temple; going out with musical instruments, standing facing that direction —

Verse 27 (shiva.vayaviya.61.27)

पुष्पं धूपं च दीपं च दद्यादन्नं जलैः सह । ततो दद्यात् महापीठे तिष्ठन् बलिमुदङ्मुखः

puṣpaṃ dhūpaṃ ca dīpaṃ ca dadyādannaṃ jalaiḥ saha | tato dadyāt mahāpīṭhe tiṣṭhan balimudaṅmukhaḥ

he should offer flowers, incense, a lamp, and food together with water; thereafter, standing at the great pedestal facing north, he should offer the bali.

Verse 28 (shiva.vayaviya.61.28)

ततो निवेदितं देवे यत्तदन्नादिकं पुरा । तत्सर्वं सावशेषं वा चण्डाय विनिवेदयेत्

tato niveditaṃ deve yattadannādikaṃ purā | tatsarvaṃ sāvaśeṣaṃ vā caṇḍāya vinivedayet

Then whatever food and the rest had earlier been offered to the god, all of that, together with what remains, he should offer to Caṇḍa.

Verse 29 (shiva.vayaviya.61.29)

हुत्वा च विधिवत्पश्चात्पूजाशेषं समापयेत् । कृत्वा प्रयोगं विधिवद्यावन्मन्त्रं जपं ततः

hutvā ca vidhivatpaścātpūjāśeṣaṃ samāpayet | kṛtvā prayogaṃ vidhivadyāvanmantraṃ japaṃ tataḥ

Having performed the fire-oblation, he should thereafter, duly, complete the remaining part of the worship; having duly performed the ritual procedure, he should recite as much japa as the mantra requires.

Verse 30 (shiva.vayaviya.61.30)

नित्योत्सवं प्रकुर्वीत यथोक्तं शिवशासने । विपुले तैजसे पात्रे रक्तपद्मोपशोभिते

nityotsavaṃ prakurvīta yathoktaṃ śivaśāsane | vipule taijase pātre raktapadmopaśobhite

He should perform the daily festival as taught in the Śaiva scripture; in a large golden vessel, adorned with a red lotus —

Verse 31 (shiva.vayaviya.61.31)

अस्त्रं पाशुपतं दिव्यं तत्रावाह्य समर्चयेत् । शिरस्यारोप्य तत्पात्रं द्विजस्यालङ्कृतस्य च

astraṃ pāśupataṃ divyaṃ tatrāvāhya samarcayet | śirasyāropya tatpātraṃ dvijasyālaṅkṛtasya ca

he should invoke the divine Pāśupata weapon there and worship it; placing that vessel upon the head of an adorned brāhmaṇa —

Verse 32 (shiva.vayaviya.61.32)

न्यस्तास्त्रवपुषा तेन दीप्तयष्टिधरस्य च । प्रासादपरिवारेभ्यो बहिर्मङ्गलनिःस्वनैः

nyastāstravapuṣā tena dīptayaṣṭidharasya ca | prāsādaparivārebhyo bahirmaṅgalaniḥsvanaiḥ

the priest, embodying that weapon-form and bearing a blazing staff, is led outside to the temple's retinue-shrines, amid auspicious sounds —

Verse 33 (shiva.vayaviya.61.33)

नृत्यगेयादिभिश्चैव सह दीपध्वजादिभिः । प्रदक्षिणत्रयं कृत्वा न द्रुतं चाविलम्बितम्

nṛtyageyādibhiścaiva saha dīpadhvajādibhiḥ | pradakṣiṇatrayaṃ kṛtvā na drutaṃ cāvilambitam

together with dance and song, with lamps and banners, having made three circumambulations, neither too swiftly nor too slowly —

Verse 34 (shiva.vayaviya.61.34)

महापीठं समावृत्य त्रिःप्रदक्षिणयोगतः । पुनः प्रविष्टो द्वारस्थो यजमानः कृताञ्जलिः । आदायाभ्यन्तरं नीत्वा ह्यस्त्रमुद्वासयेत्ततः

mahāpīṭhaṃ samāvṛtya triḥpradakṣiṇayogataḥ | punaḥ praviṣṭo dvārastho yajamānaḥ kṛtāñjaliḥ | ādāyābhyantaraṃ nītvā hyastramudvāsayettataḥ

having encircled the great pedestal with three circumambulations, the sacrificer, entering again at the door with joined palms, brings the weapon-deity within, and then dismisses the weapon.

Verse 35 (shiva.vayaviya.61.35)

प्रदक्षिणादिकं कृत्वा यथापूर्वोदितं क्रमात् । आदाय चाष्टपुष्पाणि पूजामथ समापयेत्

pradakṣiṇādikaṃ kṛtvā yathāpūrvoditaṃ kramāt | ādāya cāṣṭapuṣpāṇi pūjāmatha samāpayet

Having performed the circumambulation and the rest in the order stated before, and taking eight flowers, he should then bring the worship to its conclusion.