The Śaivas' Rites for Desired Ends

Verse 1 (shiva.vayaviya.65.1)

तत्रादौ शिवयोः पार्श्वे दक्षिणे वामतः क्रमात् । गन्धाद्यैरर्चयेत् पूर्वं देवौ हेरम्बषण्मुखौ

tatrādau śivayoḥ pārśve dakṣiṇe vāmataḥ kramāt | gandhādyairarcayet pūrvaṃ devau herambaṣaṇmukhau

There, first, on the right and left sides of Śiva and Śivā respectively, one should worship with fragrance and the rest — first the two gods Heramba and Ṣaṇmukha —

Verse 2 (shiva.vayaviya.65.2)

ततो ब्रह्माणि परित ईशानादि यथाक्रमम् । सशक्तिकानि सद्यान्तं प्रथमावरणे यजेत्

tato brahmāṇi parita īśānādi yathākramam | saśaktikāni sadyāntaṃ prathamāvaraṇe yajet

then, all around, he should worship the Brahma-mantras, from Īśāna down to Sadyojāta in due order, together with their Śaktis, in the first enclosure.

Verse 3 (shiva.vayaviya.65.3)

षडङ्गान्यपि तत्रैव हृदयादीन्यनुक्रमात् । शिवस्य च शिवायाश्च वाह्नेयादि समर्चयेत्

ṣaḍaṅgānyapi tatraiva hṛdayādīnyanukramāt | śivasya ca śivāyāśca vāhneyādi samarcayet

There too, he should worship the six limb-mantras, beginning with the Heart, in due order, of both Śiva and Śivā, placing them in the southeast and the other directions.

Verse 4 (shiva.vayaviya.65.4)

तत्र वामादिकान् रुद्रानष्टौ वामादिशक्तिभिः । अर्चयेद्वा न वा पश्चात्पूर्वादिपरितः क्रमात्

tatra vāmādikān rudrānaṣṭau vāmādiśaktibhiḥ | arcayedvā na vā paścātpūrvādiparitaḥ kramāt

There he may worship the eight Rudras beginning with Vāma, together with the eight Śaktis beginning with Vāmā, or he may omit this; thereafter, in the east and the other directions all around, in due order —

Verse 5 (shiva.vayaviya.65.5)

प्रथमावरणं प्रोक्तं मया ते यदुनन्दन । द्वितीयावरणं प्रीत्या प्रोच्यते श्रद्धया शृणु

prathamāvaraṇaṃ proktaṃ mayā te yadunandana | dvitīyāvaraṇaṃ prītyā procyate śraddhayā śṛṇu

O descendant of Yadu, I have told you the first enclosure; now the second enclosure is being told with affection — listen with faith.

Verse 6 (shiva.vayaviya.65.6)

अनन्तं पूर्वदिक्पत्रे तच्छक्तिं तस्य वामतः । सूक्ष्मं दक्षिणदिक्पत्रे सह शक्त्या समर्चयेत्

anantaṃ pūrvadikpatre tacchaktiṃ tasya vāmataḥ | sūkṣmaṃ dakṣiṇadikpatre saha śaktyā samarcayet

On the eastern petal, Ananta, and to his left his Śakti; on the southern petal, Sūkṣma, together with his Śakti, he should worship.

Verse 7 (shiva.vayaviya.65.7)

ततः पश्चिमदिक्पत्रे सह शक्त्या शिवोत्तमम् । तथैवोत्तरदिक्पत्रे चैकनेत्रं समर्चयेत्

tataḥ paścimadikpatre saha śaktyā śivottamam | tathaivottaradikpatre caikanetraṃ samarcayet

then, on the western petal, together with his Śakti, Śivottama; likewise, on the northern petal, Ekanetra, he should worship.

Verse 8 (shiva.vayaviya.65.8)

एकरुद्रं च तच्छक्तिं पश्चादीशदलेऽर्चयेत् । त्रिमूर्तिं तस्य शक्तिं च पूजयेदग्निदिग्दले

ekarudraṃ ca tacchaktiṃ paścādīśadale'rcayet | trimūrtiṃ tasya śaktiṃ ca pūjayedagnidigdale

Ekarudra and his Śakti he should worship afterward on the northeast petal; Trimūrti and his Śakti he should worship on the southeast petal.

Verse 9 (shiva.vayaviya.65.9)

श्रीकण्ठं नैरृते पत्रे तच्छक्तिं तस्य वामतः । तथैव मारुते पत्रे शिखण्डीशं समर्चयेत्

śrīkaṇṭhaṃ nairṛte patre tacchaktiṃ tasya vāmataḥ | tathaiva mārute patre śikhaṇḍīśaṃ samarcayet

Śrīkaṇṭha, on the southwest petal, and to his left his Śakti; likewise, on the northwest petal, Śikhaṇḍīśa, he should worship.

Verse 10 (shiva.vayaviya.65.10)

द्वितीयावरणे चेज्याः सर्वर्तश्चक्रवर्तिनः । तृतीयावरणे पूज्याः शक्तिभिश्चाष्टमूर्तयः

dvitīyāvaraṇe cejyāḥ sarvartaścakravartinaḥ | tṛtīyāvaraṇe pūjyāḥ śaktibhiścāṣṭamūrtayaḥ

In the second enclosure these universal lords, the sovereign ones, are to be worshipped; in the third enclosure, together with their Śaktis, the eight forms are to be worshipped.

Verse 11 (shiva.vayaviya.65.11)

अष्टसु क्रमशो दिक्षु पूर्वादिपरितः क्रमात् । भवः शर्वस्तथेशानो रुद्रः पशुपतिस्ततः

aṣṭasu kramaśo dikṣu pūrvādiparitaḥ kramāt | bhavaḥ śarvastatheśāno rudraḥ paśupatistataḥ

In the eight directions, in due order, from the east onward all around — Bhava, Śarva, likewise Īśāna, Rudra, then Paśupati —

Verse 12 (shiva.vayaviya.65.12)

उग्रो भीमो महादेव इत्यष्टौ मूर्तयः क्रमात् । अनन्तरं ततश्चैव महादेवादयः क्रमात् । शक्तिभिः सह सम्पूज्यास्तत्रैकादशमूर्तयः

ugro bhīmo mahādeva ityaṣṭau mūrtayaḥ kramāt | anantaraṃ tataścaiva mahādevādayaḥ kramāt | śaktibhiḥ saha sampūjyāstatraikādaśamūrtayaḥ

Ugra, Bhīma, Mahādeva — thus the eight forms in order; and then, in the order beginning with Mahādeva, there are also eleven forms, together with their Śaktis, to be worshipped there.

Verse 13 (shiva.vayaviya.65.13)

महादेवः शिवो रुद्रः शङ्करो नीललोहितः । ईशानो विजयो भीमो देवदेवो भवोद्भवः

mahādevaḥ śivo rudraḥ śaṅkaro nīlalohitaḥ | īśāno vijayo bhīmo devadevo bhavodbhavaḥ

Mahādeva, Śiva, Rudra, Śaṅkara, Nīlalohita, Īśāna, Vijaya, Bhīma, Devadeva, Bhavodbhava —

Verse 14 (shiva.vayaviya.65.14)

कपर्दीशश्च कथ्यन्ते तथैकादशशक्तयः । तत्राष्टौ प्रथमं पूज्याः वाह्नेयादि यथाक्रमम्

kapardīśaśca kathyante tathaikādaśaśaktayaḥ | tatrāṣṭau prathamaṃ pūjyāḥ vāhneyādi yathākramam

and Kapardīśa — thus the eleven, together with their Śaktis, are named; of these, the first eight are to be worshipped, in the southeast and the other directions, in due order —

Verse 15 (shiva.vayaviya.65.15)

देवदेवः पूर्वपत्रे ईशानं चाग्निगोचरे । भवोद्भवस्तयोर्मध्ये कपालीशस्ततः परम्

devadevaḥ pūrvapatre īśānaṃ cāgnigocare | bhavodbhavastayormadhye kapālīśastataḥ param

Devadeva on the eastern petal, Īśāna in the fire-direction, southeast; Bhavodbhava between the two, and Kapālīśa thereafter —

Verse 16 (shiva.vayaviya.65.16)

तस्मिन्नावरणे भूयो वृषेन्द्रं पुरतो यजेत् । नन्दिनं दक्षिणे तस्य महाकालं तथोत्तरे

tasminnāvaraṇe bhūyo vṛṣendraṃ purato yajet | nandinaṃ dakṣiṇe tasya mahākālaṃ tathottare

in that same enclosure, again, he should worship Vṛṣendra, the bull-lord, in front; Nandin to his right, and Mahākāla in the north —

Verse 17 (shiva.vayaviya.65.17)

शास्तारं वह्निदिक्पत्रे मातृर्दक्षिणदिग्दले । गजास्यं नैरृते पत्रे षण्मुखं वारुणे पुनः

śāstāraṃ vahnidikpatre mātṛrdakṣiṇadigdale | gajāsyaṃ nairṛte patre ṣaṇmukhaṃ vāruṇe punaḥ

Śāstā on the southeast petal, the group of Mother-goddesses on the southern petal; Gajāsya on the southwest petal, and Ṣaṇmukha again in the western, Varuṇa's, quarter —

Verse 18 (shiva.vayaviya.65.18)

ज्येष्ठां वायुदले गौरीमुत्तरे चण्डमैश्वरे । शास्तृनन्दीशयोर्मध्ये मुनीन्द्रं वृषभं यजेत्

jyeṣṭhāṃ vāyudale gaurīmuttare caṇḍamaiśvare | śāstṛnandīśayormadhye munīndraṃ vṛṣabhaṃ yajet

Jyeṣṭhā on the northwest petal, Gaurī in the north, Caṇḍa in the northeast; between Śāstā and Nandīśa he should worship Munīndra and Vṛṣabha.

Verse 19 (shiva.vayaviya.65.19)

महाकालस्योत्तरतः पिङ्गलं तु समर्चयेत् । शास्तृमातृसमूहस्य मध्ये भृङ्गीश्वरं ततः

mahākālasyottarataḥ piṅgalaṃ tu samarcayet | śāstṛmātṛsamūhasya madhye bhṛṅgīśvaraṃ tataḥ

North of Mahākāla he should worship Piṅgala; between Śāstā and the group of Mothers, Bhṛṅgīśvara —

Verse 20 (shiva.vayaviya.65.20)

मातृविघ्नेशमध्ये तु वीरभद्रं समर्चयेत् । स्कन्दविघ्नेशयोर्मध्ये यजेद्देवीं सरस्वतीम्

mātṛvighneśamadhye tu vīrabhadraṃ samarcayet | skandavighneśayormadhye yajeddevīṃ sarasvatīm

between the Mother-goddesses and Vighneśa he should worship Vīrabhadra; between Skanda and Vighneśa he should worship the goddess Sarasvatī.

Verse 21 (shiva.vayaviya.65.21)

ज्येष्ठाकुमारयोर्मध्ये श्रियं शिवपदार्चिताम् । ज्येष्ठागणाम्बयोर्मध्ये महामोटीं समर्चयेत्

jyeṣṭhākumārayormadhye śriyaṃ śivapadārcitām | jyeṣṭhāgaṇāmbayormadhye mahāmoṭīṃ samarcayet

between Jyeṣṭhā and Kumāra, he should worship Śrī, worshipped at the feet of Śiva; between Jyeṣṭhā and Gaṇāmbā he should worship Mahāmoṭī.

Verse 22 (shiva.vayaviya.65.22)

गणाम्बाचण्डयोर्मध्ये देवीं दुर्गां प्रपूजयेत् । अत्रैवावरणे भूयः शिवानुचरसंहतिम्

gaṇāmbācaṇḍayormadhye devīṃ durgāṃ prapūjayet | atraivāvaraṇe bhūyaḥ śivānucarasaṃhatim

between Gaṇāmbā and Caṇḍa he should worship the goddess Durgā; in this very enclosure, again, the assembly of Śiva's attendants —

Verse 23 (shiva.vayaviya.65.23)

रुद्रप्रथमभूताख्यां विविधां च सशक्तिकाम् । शिवायाश्च सखीवर्गं जपेद्ध्यात्वा समाहितः

rudraprathamabhūtākhyāṃ vividhāṃ ca saśaktikām | śivāyāśca sakhīvargaṃ japeddhyātvā samāhitaḥ

the various hosts of Rudra called the first-manifested beings, together with their Śaktis, and the company of Śivā's companions — meditating on them, with focused mind, he should recite their names.

Verse 24 (shiva.vayaviya.65.24)

एवं तृतीयावरणं वितते पूजिते सति । चतुर्थावरणं ध्यात्वा बहिस्तस्य समर्चयेत्

evaṃ tṛtīyāvaraṇaṃ vitate pūjite sati | caturthāvaraṇaṃ dhyātvā bahistasya samarcayet

Thus, when the third enclosure has been worshipped in full extent, having meditated on the fourth enclosure, he should worship outside it.

Verse 25 (shiva.vayaviya.65.25)

भानुः पूर्वदले पूज्यो दक्षिणे चतुराननः । रुद्रो वरुणदिक्पत्रे विष्णुरुत्तरदिग्दले

bhānuḥ pūrvadale pūjyo dakṣiṇe caturānanaḥ | rudro varuṇadikpatre viṣṇuruttaradigdale

Bhānu, the sun, is to be worshipped on the eastern petal, and in the south, Caturānana, Brahmā; Rudra on the western petal, Varuṇa's quarter, and Viṣṇu on the northern petal —

Verse 26 (shiva.vayaviya.65.26)

चतुर्णामपि देवानां पृथगावरणान्यथ । तस्याङ्गानि षडेवादौ दीप्ताद्याभिश्च शक्तिभिः

caturṇāmapi devānāṃ pṛthagāvaraṇānyatha | tasyāṅgāni ṣaḍevādau dīptādyābhiśca śaktibhiḥ

and each of these four gods has its own separate set of enclosures; of these, first their six limbs, together with the Śaktis beginning with Dīptā —

Verse 27 (shiva.vayaviya.65.27)

दीप्ता सूक्ष्मा जया भद्रा विभूतिर्विमला क्रमात् । अमोघा विद्युता चैव पूर्वादिपरितः स्थिताः

dīptā sūkṣmā jayā bhadrā vibhūtirvimalā kramāt | amoghā vidyutā caiva pūrvādiparitaḥ sthitāḥ

Dīptā, Sūkṣmā, Jayā, Bhadrā, Vibhūti, Vimalā in order, Amoghā and Vidyutā — these stand in the east and the other directions all around.

Verse 28 (shiva.vayaviya.65.28)

द्वितीयावरणे पूज्याश्चतस्रो मूर्तयः क्रमात् । पूर्वाद्युत्तरपर्यन्ताः शक्तयश्च ततः परम्

dvitīyāvaraṇe pūjyāścatasro mūrtayaḥ kramāt | pūrvādyuttaraparyantāḥ śaktayaśca tataḥ param

In the second enclosure, four forms are to be worshipped in due order, from east to north; and thereafter their Śaktis too —

Verse 29 (shiva.vayaviya.65.29)

आदित्यो भास्करो भानू रविश्चेत्यनुपूर्वशः । अर्को ब्रह्मा तथा रुद्रो विष्णुश्चैते विवस्वतः

ādityo bhāskaro bhānū raviścetyanupūrvaśaḥ | arko brahmā tathā rudro viṣṇuścaite vivasvataḥ

Āditya, Bhāskara, Bhānu, and Ravi — in this order; Arka, Brahmā, and Rudra, and Viṣṇu — these are all forms of Vivasvat, the sun.

Verse 30 (shiva.vayaviya.65.30)

विस्तारा पूर्वदिग्भागे सुतारा दक्षिणे स्थिता । बोधनी पश्चिमे भागे आप्यायिन्युत्तरे पुनः

vistārā pūrvadigbhāge sutārā dakṣiṇe sthitā | bodhanī paścime bhāge āpyāyinyuttare punaḥ

Vistārā stands in the eastern quarter, Sutārā in the south; Bodhanī in the western quarter, and Āpyāyinī again in the north —

Verse 31 (shiva.vayaviya.65.31)

उषां प्रभां तथा प्राज्ञां सन्ध्यामपि ततः परम् । ऐशानादिषु विन्यस्य द्वितीयावरणे यजेत्

uṣāṃ prabhāṃ tathā prājñāṃ sandhyāmapi tataḥ param | aiśānādiṣu vinyasya dvitīyāvaraṇe yajet

Uṣā, Prabhā, and Prājñā, and then Sandhyā too — having placed them in the northeast and the other intermediate directions, he should worship them in the second enclosure.

Verse 32 (shiva.vayaviya.65.32)

सोममङ्गारकं चैव बुधं बुद्धिमतां वरम् । बृहस्पतिं बृहद्बुद्धिं भार्गवं तेजसां निधिम्

somamaṅgārakaṃ caiva budhaṃ buddhimatāṃ varam | bṛhaspatiṃ bṛhadbuddhiṃ bhārgavaṃ tejasāṃ nidhim

Soma, Aṅgāraka, and Budha, the best among the wise; Bṛhaspati, of vast intellect, and Bhārgava, the treasury of splendor —

Verse 33 (shiva.vayaviya.65.33)

शनैश्चरं तथा राहुं केतुं धूम्रं भयङ्करम् । समन्ततो यजेदेतांस्तृतीयावरणे क्रमात्

śanaiścaraṃ tathā rāhuṃ ketuṃ dhūmraṃ bhayaṅkaram | samantato yajedetāṃstṛtīyāvaraṇe kramāt

Śanaiścara, and Rāhu, and Ketu — smoke-hued, terrifying — all these he should worship all around, in due order, in the third enclosure.

Verse 34 (shiva.vayaviya.65.34)

अथवा द्वादशादित्यान् द्वितीयावरणे यजेत् । तृतीयावरणे चैव राशीन्द्वादश पूजयेत्

athavā dvādaśādityān dvitīyāvaraṇe yajet | tṛtīyāvaraṇe caiva rāśīndvādaśa pūjayet

Or, he may worship the twelve Ādityas in the second enclosure; and in the third enclosure he should worship the twelve zodiacal signs.

Verse 35 (shiva.vayaviya.65.35)

सप्तसप्त गणांश्चैव बहिस्तस्य समन्ततः । ऋषीन्देवांश्च गन्धर्वान्पन्नगानप्सरोगणान्

saptasapta gaṇāṃścaiva bahistasya samantataḥ | ṛṣīndevāṃśca gandharvānpannagānapsarogaṇān

And outside it, all around, he should also worship the seven-fold groups — the sages, the gods, the gandharvas, the serpents, the hosts of apsarases,

Verse 36 (shiva.vayaviya.65.36)

ग्रामण्यश्च तथा यक्षान्यातुधानांस्तथा हयान् । सप्तच्छन्दोमयांश्चैव वालखिल्यांश्च पूजयेत्

grāmaṇyaśca tathā yakṣānyātudhānāṃstathā hayān | saptacchandomayāṃścaiva vālakhilyāṃśca pūjayet

the village-chiefs, and the yakṣas, the rākṣasas, and likewise the horses; those embodying the seven meters, and the Vālakhilyas too, he should worship.

Verse 37 (shiva.vayaviya.65.37)

एवं तृतीयावरणे समभ्यर्च्य दिवाकरम् । ब्रह्माणमर्चयेत्पश्चात् त्रिभिरावरणैः सहः

evaṃ tṛtīyāvaraṇe samabhyarcya divākaram | brahmāṇamarcayetpaścāt tribhirāvaraṇaiḥ sahaḥ

Having thus duly worshipped Divākara, the sun, in the third enclosure, he should thereafter worship Brahmā, together with his three enclosures.

Verse 38 (shiva.vayaviya.65.38)

हिरण्यगर्भं पूर्वस्यां विराजं दक्षिणे ततः । कालं पश्चिमदिग्भागे पुरुषं चोत्तरे यजेत्

hiraṇyagarbhaṃ pūrvasyāṃ virājaṃ dakṣiṇe tataḥ | kālaṃ paścimadigbhāge puruṣaṃ cottare yajet

In the east, Hiraṇyagarbha; in the south, Virāj; in the western quarter, Kāla; and in the north, Puruṣa — these he should worship.

Verse 39 (shiva.vayaviya.65.39)

हिरण्यगर्भः प्रथमो ब्रह्मा कमलसन्निभः । कालो जात्यञ्जनप्रख्यः पुरुषः स्फटिकोपमः

hiraṇyagarbhaḥ prathamo brahmā kamalasannibhaḥ | kālo jātyañjanaprakhyaḥ puruṣaḥ sphaṭikopamaḥ

Hiraṇyagarbha, the first, is Brahmā, resembling a lotus; Kāla resembles collyrium in hue; Puruṣa is like crystal.

Verse 40 (shiva.vayaviya.65.40)

त्रिगुणो राजसश्चैव तामसः सात्त्विकस्तथा । चत्वार एते क्रमशः प्रथमावरणे स्थिताः

triguṇo rājasaścaiva tāmasaḥ sāttvikastathā | catvāra ete kramaśaḥ prathamāvaraṇe sthitāḥ

Possessed of the three guṇas — the rajasic, the tamasic, and the sattvic — these four stand, in due order, in the first enclosure.

Verse 41 (shiva.vayaviya.65.41)

द्वितीयावरणे पूज्याः पूर्वादिपरितः क्रमात् । सनत्कुमारः सनकः सनन्दश्च सनातनः

dvitīyāvaraṇe pūjyāḥ pūrvādiparitaḥ kramāt | sanatkumāraḥ sanakaḥ sanandaśca sanātanaḥ

In the second enclosure, in the east and the other directions all around, in due order, are to be worshipped Sanatkumāra, Sanaka, and Sananda, and Sanātana —

Verse 42 (shiva.vayaviya.65.42)

तृतीयावरणे पश्चादर्चयेच्च प्रजापतीन् । अष्टौ पूर्वाश्च पूर्वादौ त्रीन् प्राक्पश्चादनुक्रमात्

tṛtīyāvaraṇe paścādarcayecca prajāpatīn | aṣṭau pūrvāśca pūrvādau trīn prākpaścādanukramāt

In the third enclosure, thereafter, he should worship the Prajāpatis; the eight first, beginning in the east, and three more, in due order, front to back —

Verse 43 (shiva.vayaviya.65.43)

दक्षो रुचिर्भृगुश्चैव मरीचिश्च तथाङ्गिराः । पुलस्त्यः पुलहश्चैव क्रतुरत्रिश्च कश्यपः

dakṣo rucirbhṛguścaiva marīciśca tathāṅgirāḥ | pulastyaḥ pulahaścaiva kraturatriśca kaśyapaḥ

Dakṣa, Ruci, and Bhṛgu, Marīci, and likewise Aṅgiras, Pulastya, and Pulaha, Kratu, Atri, and Kaśyapa —

Verse 44 (shiva.vayaviya.65.44)

वसिष्ठश्चेति विख्याताः प्रजानां पतयस्त्विमे । तेषां भार्य्याश्च तैः सार्द्धं पूजनीया यथाक्रमम्

vasiṣṭhaśceti vikhyātāḥ prajānāṃ patayastvime | teṣāṃ bhāryyāśca taiḥ sārddhaṃ pūjanīyā yathākramam

and Vasiṣṭha — thus these are renowned as the lords of creatures; together with them, their wives too are to be worshipped in due order.

Verse 45 (shiva.vayaviya.65.45)

प्रसूतिश्च तथाऽऽकूतिः ख्यातिः सम्भूतिरेव च । धृतिः स्मृतिः क्षमा चैव सन्नतिश्चानसूयका

prasūtiśca tathā''kūtiḥ khyātiḥ sambhūtireva ca | dhṛtiḥ smṛtiḥ kṣamā caiva sannatiścānasūyakā

Prasūti, and Ākūti, Khyāti, and Sambhūti; Dhṛti, Smṛti, and Kṣamā, Sannati, and Anasūyā —

Verse 46 (shiva.vayaviya.65.46)

देवमातारुन्धती च सर्वाः खलु पतिव्रताः । शिवार्चनरता नित्यं श्रीमत्यः प्रियदर्शनाः

devamātārundhatī ca sarvāḥ khalu pativratāḥ | śivārcanaratā nityaṃ śrīmatyaḥ priyadarśanāḥ

Devamātā, and Arundhatī — all of these are indeed devoted wives; ever intent on the worship of Śiva, glorious, pleasing to behold —

Verse 47 (shiva.vayaviya.65.47)

प्रथमावरणे वेदांश्चतुरो वा प्रपूजयेत् । इतिहासपुराणानि द्वितीयावरणे पुनः

prathamāvaraṇe vedāṃścaturo vā prapūjayet | itihāsapurāṇāni dvitīyāvaraṇe punaḥ

in the first enclosure he should also worship the four Vedas; the Itihāsas and Purāṇas again in the second enclosure —

Verse 48 (shiva.vayaviya.65.48)

तृतीयावरणे पश्चाद्धर्मशास्त्रपुरःसराः । वैदिक्यो निखिला विद्याः पूज्या एव समन्ततः

tṛtīyāvaraṇe paścāddharmaśāstrapuraḥsarāḥ | vaidikyo nikhilā vidyāḥ pūjyā eva samantataḥ

in the third enclosure, thereafter, placing the Dharmaśāstras foremost; all the Vedic branches of knowledge are indeed to be worshipped all around.

Verse 49 (shiva.vayaviya.65.49)

पूर्वादिपुरतो वेदास्तदन्ये तु यथारुचि । अष्टधा वा चतुर्धा वा कृत्वा पूजां समन्ततः

pūrvādipurato vedāstadanye tu yathāruci | aṣṭadhā vā caturdhā vā kṛtvā pūjāṃ samantataḥ

In the east and the other directions, the Vedas in front, and the other texts as one pleases; having divided them into eight parts, or into four, he should perform the worship all around.

Verse 50 (shiva.vayaviya.65.50)

एवं ब्रह्माणमभ्यर्च्य त्रिभिरावरणैर्युतम् । दक्षिणे पश्चिमे पश्चाद् रुद्रं सावरणं यजेत्

evaṃ brahmāṇamabhyarcya tribhirāvaraṇairyutam | dakṣiṇe paścime paścād rudraṃ sāvaraṇaṃ yajet

Having thus worshipped Brahmā together with his three enclosures, in the south, and then in the west, he should worship Rudra together with his enclosure.

Verse 51 (shiva.vayaviya.65.51)

तस्य ब्रह्मषडङ्गानि प्रथमावरणं स्मृतम् । द्वितीयावरणं चैव विद्येश्वरमयं तथा

tasya brahmaṣaḍaṅgāni prathamāvaraṇaṃ smṛtam | dvitīyāvaraṇaṃ caiva vidyeśvaramayaṃ tathā

His Brahma-mantras and six limb-mantras — this is deemed the first enclosure; the second enclosure too consists of the Vidyeśvaras, in the same way —

Verse 52 (shiva.vayaviya.65.52)

तृतीयावरणे भेदो विद्यते स तु कथ्यते । चतस्रो मूर्तयस्तस्य पूज्याः पूर्वादितः क्रमात्

tṛtīyāvaraṇe bhedo vidyate sa tu kathyate | catasro mūrtayastasya pūjyāḥ pūrvāditaḥ kramāt

in the third enclosure there is one distinction, which is also told; his four forms, beginning from the east, are to be worshipped in due order.

Verse 53 (shiva.vayaviya.65.53)

त्रिगुणाः सकलो देवः पुरस्ताच्छिवसंज्ञकः । राजसो दक्षिणे ब्रह्मा सृष्टिकृत्पूज्यते भवः

triguṇāḥ sakalo devaḥ purastācchivasaṃjñakaḥ | rājaso dakṣiṇe brahmā sṛṣṭikṛtpūjyate bhavaḥ

The manifest god possessed of the three guṇas — in the east, he is worshipped under the name Śiva; in the south, the rajasic Brahmā, Bhava the creator, is worshipped —

Verse 54 (shiva.vayaviya.65.54)

तामसः पश्चिमे चाग्निः पूज्यः संहारको हरः । सात्त्विकः सुखकृत्सौम्ये विष्णुर्विश्वपतिर्मृडः

tāmasaḥ paścime cāgniḥ pūjyaḥ saṃhārako haraḥ | sāttvikaḥ sukhakṛtsaumye viṣṇurviśvapatirmṛḍaḥ

in the west, the tamasic fire-form, Hara the destroyer, is worshipped; in the gentle north, the sattvic Viṣṇu, giver of happiness, the lord of the universe, Mṛḍa —

Verse 55 (shiva.vayaviya.65.55)

एवं पश्चिमदिग्भागे शम्भोः षड्विंशकं शिवम् । समभ्यर्च्योत्तरे पार्श्वे ततो वैकुण्ठमर्चयेत्

evaṃ paścimadigbhāge śambhoḥ ṣaḍviṃśakaṃ śivam | samabhyarcyottare pārśve tato vaikuṇṭhamarcayet

Having thus duly worshipped, in the western quarter, Śiva consisting of the twenty-six portions of Śambhu, on the northern side he should thereafter worship Vaikuṇṭha, Viṣṇu.

Verse 56 (shiva.vayaviya.65.56)

वासुदेवं पुरस्कृत्वा प्रथमावरणे यजेत् । अनिरुद्धं दक्षिणतः प्रद्युम्नं पश्चिमे ततः

vāsudevaṃ puraskṛtvā prathamāvaraṇe yajet | aniruddhaṃ dakṣiṇataḥ pradyumnaṃ paścime tataḥ

Placing Vāsudeva foremost, he should worship in the first enclosure; Aniruddha in the south, Pradyumna thereafter in the west —

Verse 57 (shiva.vayaviya.65.57)

सौम्ये सङ्कर्षणं पश्चाद् व्यत्यस्तौ वा यजेदिमौ । प्रथमावरणं प्रोक्तं द्वितीयावरणं शुभम्

saumye saṅkarṣaṇaṃ paścād vyatyastau vā yajedimau | prathamāvaraṇaṃ proktaṃ dvitīyāvaraṇaṃ śubham

and in the gentle north, Saṅkarṣaṇa thereafter; or he may worship these two in reversed order too; this is the first enclosure declared — now the auspicious second enclosure —

Verse 58 (shiva.vayaviya.65.58)

मत्स्यः कूर्मो वराहश्च नरसिंहोऽथ वामनः । रामश्चान्यतमः कृष्णो भवानश्वमुखोऽपि च

matsyaḥ kūrmo varāhaśca narasiṃho'tha vāmanaḥ | rāmaścānyatamaḥ kṛṣṇo bhavānaśvamukho'pi ca

Matsya, Kūrma, Varāha, and Narasiṃha, then Vāmana; Rāma, and another form, Kṛṣṇa, and the Lord with the horse-face too —

Verse 59 (shiva.vayaviya.65.59)

तृतीयावरणे चक्रं पूर्वभागे समर्चयेत् । नारायणाख्यां याम्येऽस्त्रं क्वचिदव्याहतं यजेत्

tṛtīyāvaraṇe cakraṃ pūrvabhāge samarcayet | nārāyaṇākhyāṃ yāmye'straṃ kvacidavyāhataṃ yajet

in the third enclosure he should worship the discus in the eastern quarter; the weapon called Nārāyaṇa in the south, and in some places the unobstructed weapon too, he should worship —

Verse 60 (shiva.vayaviya.65.60)

पश्चिमे पाञ्चजन्यं च शार्ङ्गं धनुरथोत्तरे । एवं त्र्यावरणैः साक्षाद्विश्वाख्यां परमं हरिम्

paścime pāñcajanyaṃ ca śārṅgaṃ dhanurathottare | evaṃ tryāvaraṇaiḥ sākṣādviśvākhyāṃ paramaṃ harim

the conch Pāñcajanya in the west, and the bow Śārṅga in the north; thus, together with these three enclosures, the Supreme Hari, called Viśva —

Verse 61 (shiva.vayaviya.65.61)

महाविष्णुं सदाविष्णुं मूर्त्तीकृत्य समर्चयेत् । इत्थं विष्णोश्चतुर्व्यूहक्रमान्मूर्तिचतुष्टयम् । पूजयित्वा च तच्छक्तीश्चतस्रः पुजयेत्क्रमात्

mahāviṣṇuṃ sadāviṣṇuṃ mūrttīkṛtya samarcayet | itthaṃ viṣṇoścaturvyūhakramānmūrticatuṣṭayam | pūjayitvā ca tacchaktīścatasraḥ pujayetkramāt

embodied as Mahāviṣṇu, Sadāviṣṇu, he should worship. Thus, having worshipped the four forms in the order of Viṣṇu's four-fold emanation, he should worship their four Śaktis too, in due order.

Verse 62 (shiva.vayaviya.65.62)

प्रभामाग्नेयदिग्भागे नैरृते तु सरस्वतीम् । गणाम्बिकां च वायव्ये लक्ष्मीं रौद्रे समर्चयेत्

prabhāmāgneyadigbhāge nairṛte tu sarasvatīm | gaṇāmbikāṃ ca vāyavye lakṣmīṃ raudre samarcayet

Prabhā in the southeast quarter, Sarasvatī in the southwest; Gaṇāmbikā in the northwest, and Lakṣmī in the northeast, he should worship.

Verse 63 (shiva.vayaviya.65.63)

एवं भान्वादिमूर्त्तीनां तच्छक्तीनामनन्तरम् । पूजां विधाय लोकेशांस्तत्रैवावरणे यजेत्

evaṃ bhānvādimūrttīnāṃ tacchaktīnāmanantaram | pūjāṃ vidhāya lokeśāṃstatraivāvaraṇe yajet

Having thus completed the worship of Bhānu and the other forms, and thereafter their Śaktis as well, he should worship the world-guardians in that same enclosure —

Verse 64 (shiva.vayaviya.65.64)

इन्द्रमग्निं यमं चैव निरृतिं वरुणं तथा । वायुं सोमं कुबेरं च पश्चादीशानमर्चयेत्

indramagniṃ yamaṃ caiva nirṛtiṃ varuṇaṃ tathā | vāyuṃ somaṃ kuberaṃ ca paścādīśānamarcayet

Indra, Agni, Yama, and Nirṛti, Varuṇa; Vāyu, Soma, Kubera, and thereafter Īśāna, he should worship.

Verse 65 (shiva.vayaviya.65.65)

एवं चतुर्थावरणं पूजयित्वा विधानतः । आयुधानि महेशस्य पश्चाद् ब्राह्ये समर्चयेत्

evaṃ caturthāvaraṇaṃ pūjayitvā vidhānataḥ | āyudhāni maheśasya paścād brāhye samarcayet

Having thus duly worshipped the fourth enclosure, he should thereafter worship, in the outer enclosure, the weapons of Maheśa.

Verse 66 (shiva.vayaviya.65.66)

श्रीमत् त्रिशूलमैशाने वज्रं माहेन्द्रदिङ्मुखे । परशुं वह्निदिग्भागे याम्ये सायकमर्चयेत्

śrīmat triśūlamaiśāne vajraṃ māhendradiṅmukhe | paraśuṃ vahnidigbhāge yāmye sāyakamarcayet

The glorious trident in the northeast, the thunderbolt in Indra's quarter, the east; the axe in the southeast quarter, and the arrow in the south, he should worship.

Verse 67 (shiva.vayaviya.65.67)

नैरृते तु यजेत्खड्गं पाशं वारुणगोचरे । अङ्कुशं मारुते भागे पिनाकं चोत्तरे यजेत्

nairṛte tu yajetkhaḍgaṃ pāśaṃ vāruṇagocare | aṅkuśaṃ mārute bhāge pinākaṃ cottare yajet

In the southwest he should worship the sword, in the western, Varuṇa's, quarter, the noose; in the northwest quarter, the goad, and in the north, the Pināka bow, he should worship.

Verse 68 (shiva.vayaviya.65.68)

पश्चिमाभिमुखं रौद्रं क्षेत्रपालं समर्चयेत् । पञ्चमावरणं चैव सम्पूज्यानन्तरं बहिः

paścimābhimukhaṃ raudraṃ kṣetrapālaṃ samarcayet | pañcamāvaraṇaṃ caiva sampūjyānantaraṃ bahiḥ

He should worship Kṣetrapāla, of Rudra's nature, facing westward; and thereafter the fifth enclosure too is to be duly worshipped, outside.

Verse 69 (shiva.vayaviya.65.69)

सर्वावरणदेवानां बहिर्वा पञ्चमेऽथवा । पञ्चमे मातृभिः सार्द्धं महोक्षं पुरतो यजेत्

sarvāvaraṇadevānāṃ bahirvā pañcame'thavā | pañcame mātṛbhiḥ sārddhaṃ mahokṣaṃ purato yajet

He may worship all the enclosure-deities either outside, or in the fifth enclosure itself; in the fifth enclosure, together with the Mātṛkās, he should worship Mahokṣa, the great bull, in front.

Verse 70 (shiva.vayaviya.65.70)

ततः समन्ततः पूज्याः सर्वा वै देवयोनयः । खेचरा ऋषयः सिद्धा दैत्या यक्षाश्च राक्षसाः

tataḥ samantataḥ pūjyāḥ sarvā vai devayonayaḥ | khecarā ṛṣayaḥ siddhā daityā yakṣāśca rākṣasāḥ

Thereafter, all around, all the divine species are to be worshipped — the sky-wanderers, sages, siddhas, daityas, yakṣas, and rākṣasas —

Verse 71 (shiva.vayaviya.65.71)

अनन्ताद्याश्च नागेन्द्रा नागैस्तत्तत्कुलोद्भवैः । डाकिनी भूतवेतालप्रेतभैरवनायकाः

anantādyāśca nāgendrā nāgaistattatkulodbhavaiḥ | ḍākinī bhūtavetālapretabhairavanāyakāḥ

Ananta and the other serpent-lords, together with the serpents born in their respective clans; the ḍākinīs, bhūtas, vetālas, pretas, and the leaders of the Bhairavas —

Verse 72 (shiva.vayaviya.65.72)

पातालवासिनश्चान्ये नानायोनिसमुद्भवाः । नद्यः समुद्रा गिरयः काननानि सरांसि च

pātālavāsinaścānye nānāyonisamudbhavāḥ | nadyaḥ samudrā girayaḥ kānanāni sarāṃsi ca

the other dwellers in the netherworld, born from manifold wombs; the rivers, oceans, mountains, forests, and lakes —

Verse 73 (shiva.vayaviya.65.73)

पशवः पक्षिणो वृक्षाः कीटाद्याः क्षुद्रयोनयः । नराश्च विविधाकारा मृगाश्च क्षुद्रयोनयः

paśavaḥ pakṣiṇo vṛkṣāḥ kīṭādyāḥ kṣudrayonayaḥ | narāśca vividhākārā mṛgāśca kṣudrayonayaḥ

the beasts, birds, trees, insects and the other lowly species; men of manifold forms, and deer, and the other lowly species —

Verse 74 (shiva.vayaviya.65.74)

भुवनान्यन्तरण्डस्य ततो ब्रह्माण्डकोटयः । बहिरण्डान्यसङ्ख्यानि भुवनानि सहाधिपैः

bhuvanānyantaraṇḍasya tato brahmāṇḍakoṭayaḥ | bahiraṇḍānyasaṅkhyāni bhuvanāni sahādhipaiḥ

the worlds within this cosmic Egg, and then the millions of other cosmic Eggs; the countless worlds outside these Eggs, together with their lords —

Verse 75 (shiva.vayaviya.65.75)

ब्रह्माण्डाधारका रुद्रा दशदिक्षु व्यवस्थिताः । यद्गौणं यच्च मामेयं यद्वा शाक्तं ततः परम्

brahmāṇḍādhārakā rudrā daśadikṣu vyavasthitāḥ | yadgauṇaṃ yacca māmeyaṃ yadvā śāktaṃ tataḥ param

the Rudras who uphold the cosmic Egg, stationed in the ten directions; whatever is secondary, whatever is measured as belonging to Me, or whatever pertains to Śakti, and whatever lies beyond that —

Verse 76 (shiva.vayaviya.65.76)

यत्किञ्चिदस्ति शब्दस्य वाच्यं चिदचिदात्मकम् । तत्सर्वं शिवयोः पार्श्वे बुद्ध्वा सामान्यतो यजेत्

yatkiñcidasti śabdasya vācyaṃ cidacidātmakam | tatsarvaṃ śivayoḥ pārśve buddhvā sāmānyato yajet

whatever object is nameable by any word at all, whether conscious or unconscious in nature — all of this he should worship, understanding it to stand beside Śiva and Śivā.

Verse 77 (shiva.vayaviya.65.77)

कृताञ्जलिपुटाः सर्वेऽचिन्त्याः स्मितमुखास्तथा । प्रीत्या सम्प्रेक्षमाणाश्च देवं देवीं च सर्वदा

kṛtāñjalipuṭāḥ sarve'cintyāḥ smitamukhāstathā | prītyā samprekṣamāṇāśca devaṃ devīṃ ca sarvadā

He should meditate on all of them with joined palms, inconceivable in nature, smiling-faced, ever gazing with affection upon the god and the goddess.

Verse 78 (shiva.vayaviya.65.78)

इत्थमावरणाभ्यर्चां कृत्वा विक्षेपशान्तये । पुनरभ्यर्च्य देवेशं पञ्चाक्षरमुदीरयेत्

itthamāvaraṇābhyarcāṃ kṛtvā vikṣepaśāntaye | punarabhyarcya deveśaṃ pañcākṣaramudīrayet

Having thus performed the worship of the enclosures, for the pacification of mental distraction, he should worship the Lord of gods once more and utter the five-syllabled mantra.

Verse 79 (shiva.vayaviya.65.79)

निवेदयेत्ततः पश्चाच्छिवयोरमृतोपमम् । सुव्यञ्जनसमायुक्तं शुद्धं चारु महाचरुम्

nivedayettataḥ paścācchivayoramṛtopamam | suvyañjanasamāyuktaṃ śuddhaṃ cāru mahācarum

Thereafter he should offer to Śiva and Śivā a great oblation of cooked rice, like ambrosia, joined with fine seasonings, pure and beautiful.

Verse 80 (shiva.vayaviya.65.80)

द्वात्रिंशदाढकैर्मुख्यमधमं त्वाढकावरम् । साधयित्वा यथासम्पच्छ्रद्धया विनिवेदयेत्

dvātriṃśadāḍhakairmukhyamadhamaṃ tvāḍhakāvaram | sādhayitvā yathāsampacchraddhayā vinivedayet

At its best, of thirty-two āḍhakas' measure; at its least, even of one āḍhaka; having prepared it according to his means, he should offer it with faith.

Verse 81 (shiva.vayaviya.65.81)

ततो निवेद्य पानीयं ताम्बूलं चोपदंशकैः । नीराजनादिकं कृत्वा पूजाशेषं समापयेत्

tato nivedya pānīyaṃ tāmbūlaṃ copadaṃśakaiḥ | nīrājanādikaṃ kṛtvā pūjāśeṣaṃ samāpayet

Then, having offered water, and betel with its accompaniments, and having performed the nīrājana and the rest, he should complete the remaining part of the worship.

Verse 82 (shiva.vayaviya.65.82)

भोगोपयोग्यद्रव्याणि विशिष्टान्येव साधयेत् । वित्तशाठ्यं न कुर्वीत भक्तिमान्विभवे सति

bhogopayogyadravyāṇi viśiṣṭānyeva sādhayet | vittaśāṭhyaṃ na kurvīta bhaktimānvibhave sati

He should prepare only the finest substances fit for enjoyment; when wealth is available, the devoted man should not be niggardly with his riches.

Verse 83 (shiva.vayaviya.65.83)

शठस्योपेक्षकस्यापि व्यङ्गं चैवानुतिष्ठतः । न फलन्त्येव कर्माणि काम्यानीति सतां कथा

śaṭhasyopekṣakasyāpi vyaṅgaṃ caivānutiṣṭhataḥ | na phalantyeva karmāṇi kāmyānīti satāṃ kathā

For the miserly, for the negligent, and even for one who performs the rite defectively — kāmya rites do not bear fruit; so is the teaching of the wise.

Verse 84 (shiva.vayaviya.65.84)

तस्मात्सम्यगुपेक्षां च त्यक्त्वा सर्वाङ्गयोगतः । कुर्यात्काम्यानि कर्माणि फलसिद्धिं यदीच्छति

tasmātsamyagupekṣāṃ ca tyaktvā sarvāṅgayogataḥ | kuryātkāmyāni karmāṇi phalasiddhiṃ yadīcchati

Therefore, having abandoned all negligence entirely, and performing it with every one of its parts complete, one should perform the kāmya rites, if he desires the accomplishment of the fruit.

Verse 85 (shiva.vayaviya.65.85)

इत्थं पूजां समाप्याथ देवं देवीं प्रणम्य च । भक्त्या मनः समाधाय पश्चात्स्तोत्रमुदीरयेत्

itthaṃ pūjāṃ samāpyātha devaṃ devīṃ praṇamya ca | bhaktyā manaḥ samādhāya paścātstotramudīrayet

Having thus completed the worship, and then having bowed to the god and the goddess, having settled his mind with devotion, he should thereafter recite the hymn of praise.

Verse 86 (shiva.vayaviya.65.86)

ततः स्तोत्रमुपास्यान्ते त्वष्टोत्तरशतावराम् । जपेत्पञ्चाक्षरीं विद्यां सहस्रोत्तरमुत्सुकः

tataḥ stotramupāsyānte tvaṣṭottaraśatāvarām | japetpañcākṣarīṃ vidyāṃ sahasrottaramutsukaḥ

Then, at the end of the recitation of the hymn, one hundred and eight times; and with eagerness, he should recite the five-syllabled Vidyā a thousand times.

Verse 87 (shiva.vayaviya.65.87)

विद्यापूजां गुरोः पूजां कृत्वा पश्चाद्यथाक्रमम् । यथोदयं यथाश्रद्धं सदस्यानपि पूजयेत्

vidyāpūjāṃ guroḥ pūjāṃ kṛtvā paścādyathākramam | yathodayaṃ yathāśraddhaṃ sadasyānapi pūjayet

Having performed the worship of the Vidyā and the worship of the guru, thereafter, in due order, he should also worship the assembled members, according to his means and according to his faith.

Verse 88 (shiva.vayaviya.65.88)

तत उद्वास्य देवेशं सर्वैरावरणैः सह । मण्डलं गुरवे दद्याद्यागोपकरणैः सह

tata udvāsya deveśaṃ sarvairāvaraṇaiḥ saha | maṇḍalaṃ gurave dadyādyāgopakaraṇaiḥ saha

Thereafter, having dismissed the Lord of gods together with all the enclosures, he should give the maṇḍala, together with the ritual implements, to the guru.

Verse 89 (shiva.vayaviya.65.89)

शिवाश्रितेभ्यो वा दद्यात्सर्वमेवानुपूर्वशः । अथवा तच्छिवायैव शिवक्षेत्रे समर्पयेत्

śivāśritebhyo vā dadyātsarvamevānupūrvaśaḥ | athavā tacchivāyaiva śivakṣetre samarpayet

Or he may give all of it, in due order, to those who take refuge in Śiva; or he may offer it to Śiva himself, in a Śaiva sacred place.

Verse 90 (shiva.vayaviya.65.90)

शिवाग्नौ वा यजेद्देवं होमद्रव्यैश्च सप्तभिः । समभ्यर्च्य यथान्यायं सर्वावरणदेवताः

śivāgnau vā yajeddevaṃ homadravyaiśca saptabhiḥ | samabhyarcya yathānyāyaṃ sarvāvaraṇadevatāḥ

Or he may worship the god in the fire of Śiva with seven fire-offering substances; having duly worshipped, according to rule, all the enclosure-deities —

Verse 91 (shiva.vayaviya.65.91)

एष योगेश्वरो नाम त्रिषु लोकेषु विश्रुतः । न तस्मादधिकः कश्चिद्यागोऽस्ति भुवने क्वचित्

eṣa yogeśvaro nāma triṣu lokeṣu viśrutaḥ | na tasmādadhikaḥ kaścidyāgo'sti bhuvane kvacit

this rite is renowned in the three worlds by the name Yogeśvara; there is no other rite anywhere in the universe greater than this.

Verse 92 (shiva.vayaviya.65.92)

न तदस्ति जगत्यस्मिन्नसाध्यं यदनेन तु । ऐहिकं वा फलं किञ्चिदामुष्मिकफलं तु वा

na tadasti jagatyasminnasādhyaṃ yadanena tu | aihikaṃ vā phalaṃ kiñcidāmuṣmikaphalaṃ tu vā

There is nothing whatsoever in this world that is unattainable through this rite — whether the fruit be of this world or of the next —

Verse 93 (shiva.vayaviya.65.93)

इदमस्य फलं नेदमिति नैव नियम्यते । श्रेयोरूपस्य कृत्स्नस्य तदिदं श्रेष्टसाधनम्

idamasya phalaṃ nedamiti naiva niyamyate | śreyorūpasya kṛtsnasya tadidaṃ śreṣṭasādhanam

'this is its fruit, this is not' — no such restriction applies; this is the very best means to the whole of what constitutes true good.

Verse 94 (shiva.vayaviya.65.94)

इदं न शक्यते वक्तुं पुरुषेण यदर्च्यते । चिन्तामणेरिवैतस्मात्तत्तेन प्राप्यते फलम्

idaṃ na śakyate vaktuṃ puruṣeṇa yadarcyate | cintāmaṇerivaitasmāttattena prāpyate phalam

That which is worshipped here cannot be described by a mere man; like a wish-fulfilling gem, through this rite that fruit is obtained.

Verse 95 (shiva.vayaviya.65.95)

तथापि क्षुद्रमुद्दिश्य फलं नैतत्प्रयोजयेत् । लघ्वर्थी महतो यस्मात्स्वयं लघुतरो भवेत्

tathāpi kṣudramuddiśya phalaṃ naitatprayojayet | laghvarthī mahato yasmātsvayaṃ laghutaro bhavet

Even so, one should not employ it for the sake of some trivial end; for one who desires a small thing, even with a great means, himself remains small.

Verse 96 (shiva.vayaviya.65.96)

महद्वा फलमल्पं वा कृतं चेत्कर्म सिध्यति । महादेवं समुद्दिश्य कृतं कर्म प्रयुज्यताम्

mahadvā phalamalpaṃ vā kṛtaṃ cetkarma sidhyati | mahādevaṃ samuddiśya kṛtaṃ karma prayujyatām

Whether the fruit be great or small, if the rite is in any case to bear fruit, then let the rite performed be one aimed at Mahādeva himself.

Verse 97 (shiva.vayaviya.65.97)

तस्मादनन्यलभ्येषु शत्रुमृत्युञ्जयादिषु । फलेषु दृष्टादृष्टेषु कुर्य्यादेतद्विचक्षणः

tasmādananyalabhyeṣu śatrumṛtyuñjayādiṣu | phaleṣu dṛṣṭādṛṣṭeṣu kuryyādetadvicakṣaṇaḥ

Therefore, for ends such as victory over an enemy or over death, which cannot be obtained by any other means — for fruits both seen and unseen — the wise man should employ this rite.

Verse 98 (shiva.vayaviya.65.98)

महत्स्वपि च पापेषु महारोगभयादिषु । दुर्भिक्षादिषु शान्त्यर्थं शान्तिं कुर्य्यादनेन तु

mahatsvapi ca pāpeṣu mahārogabhayādiṣu | durbhikṣādiṣu śāntyarthaṃ śāntiṃ kuryyādanena tu

In great sins too, in great disease and fear and the like, and in famine and the like as well, for the sake of peace, one should perform the rite of pacification through this very rite.

Verse 99 (shiva.vayaviya.65.99)

बहुना किं प्रलापेन महाव्यापन्निवारकम् । आत्मीयमस्त्रं शैवानामिदमाह महेश्वरः

bahunā kiṃ pralāpena mahāvyāpannivārakam | ātmīyamastraṃ śaivānāmidamāha maheśvaraḥ

What use is there in much talk? This is the Śaivas' own weapon, declared by Maheśvara himself, the averter of great calamities.

Verse 100 (shiva.vayaviya.65.100)

तस्मादितः परं नास्ति परित्राणमिहात्मनः । इति मत्वा प्रयुञ्जानः कर्मेदं शुभमश्नुते

tasmāditaḥ paraṃ nāsti paritrāṇamihātmanaḥ | iti matvā prayuñjānaḥ karmedaṃ śubhamaśnute

Therefore, there is no other protection for the soul in this world greater than this; understanding thus, one who applies this rite obtains what is auspicious.

Verse 101 (shiva.vayaviya.65.101)

स्तोत्रमात्रं शुचिर्भूत्वा यः पठेत्सुसमाहितः । सोऽप्यभीष्टतमादर्थादष्टांशफलमाप्नुयात्

stotramātraṃ śucirbhūtvā yaḥ paṭhetsusamāhitaḥ | so'pyabhīṣṭatamādarthādaṣṭāṃśaphalamāpnuyāt

Even he who recites only the hymn, having become pure and with focused mind, obtains an eighth part of the fruit of the most desired end.

Verse 102 (shiva.vayaviya.65.102)

अर्थं तस्यानुसन्धाय पर्वण्यनशनः पठेत् । अष्टाम्यां वा चतुर्दश्यां फलमर्द्धं समाप्नुयात्

arthaṃ tasyānusandhāya parvaṇyanaśanaḥ paṭhet | aṣṭāmyāṃ vā caturdaśyāṃ phalamarddhaṃ samāpnuyāt

Having fixed his purpose upon it, he should recite it fasting on a parva day; reciting it on the eighth or fourteenth day, he obtains half the fruit.

Verse 103 (shiva.vayaviya.65.103)

यस्त्वर्थमनुसन्धाय पर्वादिषु तथा व्रती । मासमेकं जपेत्स्तोत्रं स कृत्स्नं फलमाप्नुयात्

yastvarthamanusandhāya parvādiṣu tathā vratī | māsamekaṃ japetstotraṃ sa kṛtsnaṃ phalamāpnuyāt

But whoever, having fixed his purpose, and observing a vow on the parva and other days, recites the hymn continuously for one full month, obtains the entire fruit.