The Great Hymn to Shiva

Verse 1 (shiva.vayaviya.66.1)

उपमन्युरुवाच । स्तोत्रं वक्ष्यामि ते कृष्ण पञ्चावरणमार्गतः । योगेश्वरमिदं पुण्यं कर्म येन समाप्यते

upamanyuruvāca | stotraṃ vakṣyāmi te kṛṣṇa pañcāvaraṇamārgataḥ | yogeśvaramidaṃ puṇyaṃ karma yena samāpyate

Upamanyu said: O Kṛṣṇa, I shall now declare to you this hymn, following the path of the five enclosures; by this the meritorious Yogeśvara rite is brought to completion.

Verse 2 (shiva.vayaviya.66.2)

जय जय जगदेकनाथ शम्भो, प्रकृतिमनोहर नित्यचित्स्वभाव । अतिगतकलुषप्रपञ्चवाचामपि मनसां पदवीमतीततत्त्वम्

jaya jaya jagadekanātha śambho, prakṛtimanohara nityacitsvabhāva | atigatakaluṣaprapañcavācāmapi manasāṃ padavīmatītatattvam

Victory, victory to you, O Śambhu, sole lord of the universe, beautiful by your very nature, whose being is eternal consciousness — utterly beyond the tainted web of speech, and a truth transcending even the reach of the mind!

Verse 3 (shiva.vayaviya.66.3)

स्वभावनिर्मलाभोग जय सुन्दरचेष्टित । स्वात्मतुल्यमहाशक्ते जय शुद्धगुणार्णव

svabhāvanirmalābhoga jaya sundaraceṣṭita | svātmatulyamahāśakte jaya śuddhaguṇārṇava

O you whose enjoyment is by nature spotless! Victory to you, of beautiful conduct! Possessed of a great Śakti equal to your own Self! Victory, O ocean of pure qualities!

Verse 4 (shiva.vayaviya.66.4)

अनन्तकान्तिसम्पन्न जयासदृशविग्रह । अतर्क्यमहिमाधार जयानाकुलमङ्गल

anantakāntisampanna jayāsadṛśavigraha | atarkyamahimādhāra jayānākulamaṅgala

Endowed with infinite radiance! Victory to you, of incomparable form! Foundation of a glory beyond all reasoning! Victory, O untroubled embodiment of auspiciousness!

Verse 5 (shiva.vayaviya.66.5)

निरञ्जन निराधार जय निष्कारणोदय । निरन्तरपरानन्द जय निर्वृतिकारण

nirañjana nirādhāra jaya niṣkāraṇodaya | nirantaraparānanda jaya nirvṛtikāraṇa

Stainless! Without support! Victory to you, arising without any cause! Ever the form of supreme bliss! Victory, O cause of liberation!

Verse 6 (shiva.vayaviya.66.6)

जयातिपरमैश्वर्य जयातिकरुणास्पद । जय स्वतन्त्रसर्वस्व जयासदृशवैभव

jayātiparamaiśvarya jayātikaruṇāspada | jaya svatantrasarvasva jayāsadṛśavaibhava

Victory to you, of utterly supreme sovereignty! Victory, O abode of the deepest compassion! Victory, O independent one who is everything! Victory, of incomparable splendor!

Verse 7 (shiva.vayaviya.66.7)

जयावृतमहाविश्व जयानावृत केनचित् । जयोत्तर समस्तस्य जयात्यन्तनिरुत्तर

jayāvṛtamahāviśva jayānāvṛta kenacit | jayottara samastasya jayātyantaniruttara

Victory to you, who envelop the whole great universe! Victory, who are enveloped by none! Victory, beyond everything! Victory, utterly unsurpassed!

Verse 8 (shiva.vayaviya.66.8)

जयाद्भुत जयाक्षुद्र जयाक्षत जयाव्यय । जयामेय जयामाय जयाभाव जयामल

jayādbhuta jayākṣudra jayākṣata jayāvyaya | jayāmeya jayāmāya jayābhāva jayāmala

Victory, O wondrous one! Victory, O boundless one! Victory, O unbroken one! Victory, O imperishable one! Victory, O immeasurable one! Victory, O one beyond illusion! Victory, O ever-existent one! Victory, O stainless one!

Verse 9 (shiva.vayaviya.66.9)

महाभुज महासार महागुण महाकथ । महाबल महामाय महारस महारथ

mahābhuja mahāsāra mahāguṇa mahākatha | mahābala mahāmāya mahārasa mahāratha

Great-armed! Of great essence! Of great qualities! Of great renown! Of great strength! Of great illusive power! Of great essence and delight! Of a great chariot!

Verse 10 (shiva.vayaviya.66.10)

नमः परमदेवाय नमः परमहेतवे । नमः शिवाय शान्ताय नमः शिवतराय ते

namaḥ paramadevāya namaḥ paramahetave | namaḥ śivāya śāntāya namaḥ śivatarāya te

Salutation to the Supreme God! Salutation to the Supreme Cause! Salutation to Śiva, the tranquil one! Salutation to you, O Śiva, most benign of all!

Verse 11 (shiva.vayaviya.66.11)

त्वदधीनमिदं कृत्स्नं जगद्धि ससुरासुरम्

tvadadhīnamidaṃ kṛtsnaṃ jagaddhi sasurāsuram

This entire universe, together with gods and demons, is subject to you alone.

Verse 12 (shiva.vayaviya.66.12)

अतस्त्वद्विहितामाज्ञां क्षमते कोऽतिवर्तितुम्

atastvadvihitāmājñāṃ kṣamate ko'tivartitum

Therefore who indeed is capable of transgressing the command given by you?

Verse 13 (shiva.vayaviya.66.13)

अयं पुनर्जनो नित्यं भवदेकसमाश्रयः । भवानतोऽनुगृह्यास्मै प्रार्थितं सम्प्रयच्छतु

ayaṃ punarjano nityaṃ bhavadekasamāśrayaḥ | bhavānato'nugṛhyāsmai prārthitaṃ samprayacchatu

This creature too ever takes refuge in you alone; O Bhava, be gracious, and grant to him what he has prayed for.

Verse 14 (shiva.vayaviya.66.14)

जयाम्बिके जगन्मातर्जय सर्वजगन्मयि । जयानवधिकैश्वर्ये जयानुपमविग्रहे

jayāmbike jaganmātarjaya sarvajaganmayi | jayānavadhikaiśvarye jayānupamavigrahe

Victory to you, O Ambikā, mother of the universe! Victory, embodiment of the whole universe! Victory, of boundless sovereignty! Victory, of incomparable form!

Verse 15 (shiva.vayaviya.66.15)

जय वाङ्मनसातीते जयाचिद्ध्वान्तभञ्जिके । जय जन्मजराहीने जय कालोत्तरोत्तरे

jaya vāṅmanasātīte jayāciddhvāntabhañjike | jaya janmajarāhīne jaya kālottarottare

Victory, beyond speech and mind! Victory, O destroyer of the darkness of ignorance with your light of consciousness! Victory, free from birth and old age! Victory, transcending even time itself!

Verse 16 (shiva.vayaviya.66.16)

जयानेकविधानस्थे जय विश्वेश्वरप्रिये । जय विश्वसुराराध्ये जय विश्वविजृम्भिणि

jayānekavidhānasthe jaya viśveśvarapriye | jaya viśvasurārādhye jaya viśvavijṛmbhiṇi

Victory, present in manifold ordinances! Victory, beloved of the Lord of the universe! Victory, worshipped by the universe and by the gods! Victory, O expander of the universe!

Verse 17 (shiva.vayaviya.66.17)

जय मङ्गलदिव्याङ्गि जय मङ्गलदीपिके । जय मङ्गलचारित्रे जय मङ्गलदायिनि

jaya maṅgaladivyāṅgi jaya maṅgaladīpike | jaya maṅgalacāritre jaya maṅgaladāyini

Victory, of auspicious divine limbs! Victory, O lamp of auspiciousness! Victory, of auspicious conduct! Victory, O bestower of auspiciousness!

Verse 18 (shiva.vayaviya.66.18)

नमः परमकल्याणगुणसञ्चयमूर्तये । त्वत्तः खलु समुत्पन्नं जगत्त्वय्येव लीयते

namaḥ paramakalyāṇaguṇasañcayamūrtaye | tvattaḥ khalu samutpannaṃ jagattvayyeva līyate

Salutation to the very embodiment of the totality of the most auspicious qualities! From you alone has this universe arisen, and into you alone it dissolves.

Verse 19 (shiva.vayaviya.66.19)

त्वद्विनातः फलं दातुमीश्वरोऽपि न शक्नुयात् । जन्मप्रभृति देवेशि जनोऽयं त्वदुपाश्रितः

tvadvinātaḥ phalaṃ dātumīśvaro'pi na śaknuyāt | janmaprabhṛti deveśi jano'yaṃ tvadupāśritaḥ

Without you, even the Lord is unable to bestow the fruit; O Queen of the gods, from birth itself this person has taken refuge in you.

Verse 20 (shiva.vayaviya.66.20)

अतोऽस्य तव भक्तस्य निर्वर्तय मनोरथम् । पञ्चवक्त्रो दशभुजः शुद्धस्फटिकसन्निभः

ato'sya tava bhaktasya nirvartaya manoratham | pañcavaktro daśabhujaḥ śuddhasphaṭikasannibhaḥ

Therefore, fulfill the heart's desire of this your devotee — five-faced, ten-armed, resembling pure crystal —

Verse 21 (shiva.vayaviya.66.21)

वर्णब्रह्मकलादेहो देवः सकलनिष्कलः । शिवमूर्तिसमारूढः शान्त्यतीतः सदाशिवः । भक्त्या मयार्चितो मह्यं प्रार्थितं शं प्रयच्छतु

varṇabrahmakalādeho devaḥ sakalaniṣkalaḥ | śivamūrtisamārūḍhaḥ śāntyatītaḥ sadāśivaḥ | bhaktyā mayārcito mahyaṃ prārthitaṃ śaṃ prayacchatu

his body composed of the portions of the letter-Brahman, the god both manifest and unmanifest at once; seated upon the form of Śiva, Sadāśiva who is beyond Śānti — worshipped by me with devotion, may he grant me the well-being I have prayed for.

Verse 22 (shiva.vayaviya.66.22)

सदाशिवाङ्कमारूढा शक्तिरिच्छा शिवाह्वया । जननी सर्वलोकानां प्रयच्छतु मनोरथम्

sadāśivāṅkamārūḍhā śaktiricchā śivāhvayā | jananī sarvalokānāṃ prayacchatu manoratham

Mounted upon Sadāśiva's lap, the Śakti of will, called Śivā; the mother of all worlds, may she grant my heart's desire.

Verse 23 (shiva.vayaviya.66.23)

शिवयोर्दयितौ पुत्रौ देवौ हेरम्बषण्मुखौ । शिवानुभावौ सर्वज्ञौ शिवज्ञानामृताशिनौ

śivayordayitau putrau devau herambaṣaṇmukhau | śivānubhāvau sarvajñau śivajñānāmṛtāśinau

The two beloved sons of Śiva and Śivā, the gods Heramba and Ṣaṇmukha; embodying the power of Śiva, omniscient, drinking the nectar of the knowledge of Śiva —

Verse 24 (shiva.vayaviya.66.24)

तृप्तौ परस्परं स्निग्धौ शिवाभ्यां नित्यसत्कृतौ । सत्कृतौ च सदा देवौ ब्रह्माद्यैस्त्रिदशैरपि

tṛptau parasparaṃ snigdhau śivābhyāṃ nityasatkṛtau | satkṛtau ca sadā devau brahmādyaistridaśairapi

mutually content, affectionate to one another, ever honored by Śiva and Śivā; and ever honored too by Brahmā and the other thirty-three gods —

Verse 25 (shiva.vayaviya.66.25)

सर्वलोकपरित्राणं कर्तुमभ्युदितौ सदा । स्वेच्छावतारं कुर्वन्तौ स्वांशभेदैरनेकशः

sarvalokaparitrāṇaṃ kartumabhyuditau sadā | svecchāvatāraṃ kurvantau svāṃśabhedairanekaśaḥ

ever ready to protect all the worlds, taking incarnation many times, by their own will, through the divisions of their own portions —

Verse 26 (shiva.vayaviya.66.26)

ताविमौ शिवयोः पार्श्वे नित्यमित्थं मयार्चितौ । तयोराज्ञां पुरस्कृत्य प्रार्थितं मे प्रयच्छताम्

tāvimau śivayoḥ pārśve nityamitthaṃ mayārcitau | tayorājñāṃ puraskṛtya prārthitaṃ me prayacchatām

These two, standing beside Śiva, thus ever worshipped by me; placing their command foremost, may they grant me what I have prayed for.

Verse 27 (shiva.vayaviya.66.27)

शुद्धस्फटिकसङ्काशमीशानाख्यं सदाशिवम् । मूर्धाभिमानिनी मूर्तिः शिवस्य परमात्मनः

śuddhasphaṭikasaṅkāśamīśānākhyaṃ sadāśivam | mūrdhābhimāninī mūrtiḥ śivasya paramātmanaḥ

Resembling pure crystal, Sadāśiva called Īśāna; the form that presides over the crown of the Supreme Self, Śiva —

Verse 28 (shiva.vayaviya.66.28)

शिवार्चनरतं शान्तं शान्त्यतीतं खमास्थितम् । पञ्चाक्षरान्तिमं बीजं कलाभिः पञ्चभिर्युतम्

śivārcanarataṃ śāntaṃ śāntyatītaṃ khamāsthitam | pañcākṣarāntimaṃ bījaṃ kalābhiḥ pañcabhiryutam

devoted to the worship of Śiva, tranquil, beyond Śānti, established in the sky; the final seed-syllable of the five-syllabled mantra, joined with the five kalās —

Verse 29 (shiva.vayaviya.66.29)

प्रथमावरणे पूर्वं शक्त्या सह समर्चितम् । पवित्रं परमं ब्रह्म प्रार्थितं मे प्रयच्छतु

prathamāvaraṇe pūrvaṃ śaktyā saha samarcitam | pavitraṃ paramaṃ brahma prārthitaṃ me prayacchatu

worshipped in the first enclosure, in the east, together with his Śakti — may that pure and supreme Brahman grant me what I have prayed for.

Verse 30 (shiva.vayaviya.66.30)

बालसूर्यप्रतीकाशं पुरुषाख्यं पुरातनम् । पूर्ववक्त्राभिमानं च शिवस्य परमेष्ठिनः

bālasūryapratīkāśaṃ puruṣākhyaṃ purātanam | pūrvavaktrābhimānaṃ ca śivasya parameṣṭhinaḥ

resembling the newly-risen sun, the ancient god called Puruṣa; presiding over the eastern face of Śiva, the Supreme Lord —

Verse 31 (shiva.vayaviya.66.31)

शान्त्यात्मकं मरुत्संस्थं शम्भोः पादार्चने रतम् । प्रथमं शिवबीजेषु कलासु च चतुष्कलम्

śāntyātmakaṃ marutsaṃsthaṃ śambhoḥ pādārcane ratam | prathamaṃ śivabījeṣu kalāsu ca catuṣkalam

embodying tranquility, established in the wind, devoted to the worship of Śambhu's feet; the first among Śiva's seed-syllables, and possessing four kalās —

Verse 32 (shiva.vayaviya.66.32)

पूर्वभागे मया भक्त्या शक्त्या सह समर्चितम् । पवित्रं परमं ब्रह्म प्रार्थितं मे प्रयच्छतु

pūrvabhāge mayā bhaktyā śaktyā saha samarcitam | pavitraṃ paramaṃ brahma prārthitaṃ me prayacchatu

worshipped by me with devotion, together with his Śakti, in the eastern quarter — may that pure and supreme Brahman grant me what I have prayed for.

Verse 33 (shiva.vayaviya.66.33)

अञ्जनादिप्रतीकाशमघोरं घोरविग्रहम् । देवस्य दक्षिणं वक्त्रं देवदेवपदार्चकम्

añjanādipratīkāśamaghoraṃ ghoravigraham | devasya dakṣiṇaṃ vaktraṃ devadevapadārcakam

resembling collyrium in hue, called Aghora, of a terrifying form; the southern face of the god, worshipping the rank of the god of gods —

Verse 34 (shiva.vayaviya.66.34)

विद्यापादं समारूढं वह्निमण्डलमध्यगम् । द्वितीयं शिवबीजेषु कलास्वष्टकलान्वितम्

vidyāpādaṃ samārūḍhaṃ vahnimaṇḍalamadhyagam | dvitīyaṃ śivabījeṣu kalāsvaṣṭakalānvitam

seated upon the Vidyā-portion, established in the midst of the fire-diagram; the second among Śiva's seed-syllables, joined with eight kalās —

Verse 35 (shiva.vayaviya.66.35)

शम्भोर्दक्षिणदिग्भागे शक्त्या सह समर्चितम् । पवित्रं परमं ब्रह्म प्रार्थितं मे प्रयच्छतु

śambhordakṣiṇadigbhāge śaktyā saha samarcitam | pavitraṃ paramaṃ brahma prārthitaṃ me prayacchatu

worshipped, together with his Śakti, in Śambhu's southern quarter — may that pure and supreme Brahman grant me what I have prayed for.

Verse 36 (shiva.vayaviya.66.36)

कुङ्कुमक्षोदसङ्काशं वामाख्यं वरवेषधृक् । वक्त्रमुत्तरमीशस्य प्रतिष्ठायां प्रतिष्ठितम्

kuṅkumakṣodasaṅkāśaṃ vāmākhyaṃ varaveṣadhṛk | vaktramuttaramīśasya pratiṣṭhāyāṃ pratiṣṭhitam

resembling powdered saffron, called Vāma, wearing an excellent form; the northern face of Īśa, established in the Pratiṣṭhā portion —

Verse 37 (shiva.vayaviya.66.37)

वारिमण्डलमध्यस्थं महादेवार्चने रतम् । तुरीयं शिवबीजेषु त्रयोदशकलान्वितम्

vārimaṇḍalamadhyasthaṃ mahādevārcane ratam | turīyaṃ śivabījeṣu trayodaśakalānvitam

established in the midst of the water-diagram, devoted to the worship of Mahādeva; the fourth among Śiva's seed-syllables, joined with thirteen kalās —

Verse 38 (shiva.vayaviya.66.38)

देवस्योत्तरदिग्भागे शक्त्या सह समर्चितम् । पवित्रं परमं ब्रह्म प्रार्थितं मे प्रयच्छतु

devasyottaradigbhāge śaktyā saha samarcitam | pavitraṃ paramaṃ brahma prārthitaṃ me prayacchatu

worshipped, together with his Śakti, in the god's northern quarter — may that pure and supreme Brahman grant me what I have prayed for.

Verse 39 (shiva.vayaviya.66.39)

शङ्खकुन्देन्दुधवलं सद्याख्यं सौम्यलक्षणम् । शिवस्य पश्चिमं वक्त्रं शिवपादार्चने रतम्

śaṅkhakundendudhavalaṃ sadyākhyaṃ saumyalakṣaṇam | śivasya paścimaṃ vaktraṃ śivapādārcane ratam

white as a conch, a jasmine-blossom, or the moon, called Sadya, of gentle features; the western face of Śiva, devoted to the worship of Śiva's feet —

Verse 40 (shiva.vayaviya.66.40)

निवृत्तिपदनिष्ठं च पृथिव्यां समवस्थितम् । तृतीयं शिवबीजेषु कलाभिश्चाष्टभिर्युतम्

nivṛttipadaniṣṭhaṃ ca pṛthivyāṃ samavasthitam | tṛtīyaṃ śivabījeṣu kalābhiścāṣṭabhiryutam

established in the Nivṛtti-portion, established in the earth; the third among Śiva's seed-syllables, joined with eight kalās —

Verse 41 (shiva.vayaviya.66.41)

देवस्य पश्चिमे भागे शक्त्या सह समर्चितम् । पवित्रं परमं ब्रह्म प्रार्थितं मे प्रयच्छतु

devasya paścime bhāge śaktyā saha samarcitam | pavitraṃ paramaṃ brahma prārthitaṃ me prayacchatu

worshipped, together with his Śakti, in the god's western quarter — may that pure and supreme Brahman grant me what I have prayed for.

Verse 42 (shiva.vayaviya.66.42)

शिवस्य तु शिवायाश्च हृन्मूर्त्ती शिवभाविते । तयोराज्ञां पुरस्कृत्य ते मे कामं प्रयच्छताम्

śivasya tu śivāyāśca hṛnmūrttī śivabhāvite | tayorājñāṃ puraskṛtya te me kāmaṃ prayacchatām

The two Heart-forms of Śiva and Śivā, imbued with the nature of Śiva; placing their command foremost, may they grant me what I desire.

Verse 43 (shiva.vayaviya.66.43)

शिवस्य च शिवायाश्च शिवामूर्त्ती शिवाश्रिते । सत्कृत्य शिवयोराज्ञां ते मे कामं प्रयच्छताम्

śivasya ca śivāyāśca śivāmūrttī śivāśrite | satkṛtya śivayorājñāṃ te me kāmaṃ prayacchatām

The two Head-forms of Śiva and Śivā, taking refuge in Śiva; honoring the command of Śiva and Śivā, may they grant me what I desire.

Verse 44 (shiva.vayaviya.66.44)

शिवस्य च शिवायाश्च वर्मणी शिवभाविते । सत्कृत्य शिवयोराज्ञां ते मे कामं प्रयच्छताम्

śivasya ca śivāyāśca varmaṇī śivabhāvite | satkṛtya śivayorājñāṃ te me kāmaṃ prayacchatām

The two Armor-forms of Śiva and Śivā, imbued with the nature of Śiva; honoring the command of Śiva and Śivā, may they grant me what I desire.

Verse 45 (shiva.vayaviya.66.45)

शिवस्य च शिवायाश्च नेत्रमूर्त्ती शिवाश्रिते । सत्कृत्य शिवयोराज्ञां ते मे कामं प्रयच्छताम्

śivasya ca śivāyāśca netramūrttī śivāśrite | satkṛtya śivayorājñāṃ te me kāmaṃ prayacchatām

The two Eye-forms of Śiva and Śivā, taking refuge in Śiva; honoring the command of Śiva and Śivā, may they grant me what I desire.

Verse 46 (shiva.vayaviya.66.46)

अस्त्रमूर्ती च शिवयोर्नित्यमर्चनतत्परे । सत्कृत्य शिवयोराज्ञां ते मे कामं प्रयच्छताम्

astramūrtī ca śivayornityamarcanatatpare | satkṛtya śivayorājñāṃ te me kāmaṃ prayacchatām

The two Weapon-forms of Śiva and Śivā, ever devoted to being worshipped; honoring the command of Śiva and Śivā, may they grant me what I desire.

Verse 47 (shiva.vayaviya.66.47)

वामो ज्येष्ठस्तथा रुद्रः कालो विकरणस्तथा । बलो विकरणश्चैव बलप्रमथनः परः

vāmo jyeṣṭhastathā rudraḥ kālo vikaraṇastathā | balo vikaraṇaścaiva balapramathanaḥ paraḥ

Vāma, Jyeṣṭha, and Rudra, Kāla, Vikaraṇa, and Bala, Vikaraṇa, and the excellent Balapramathana —

Verse 48 (shiva.vayaviya.66.48)

सर्वभूतस्य दमनस्तादृशाश्चाष्टशक्तयः । प्रार्थितं मे प्रयच्छन्तु शिवयोरेव शासनात्

sarvabhūtasya damanastādṛśāścāṣṭaśaktayaḥ | prārthitaṃ me prayacchantu śivayoreva śāsanāt

and Sarvabhūtadamana — thus the eight Śaktis; by the command of Śiva and Śivā alone, may they grant me what I have prayed for.

Verse 49 (shiva.vayaviya.66.49)

अथानन्तश्च सूक्ष्मश्च शिवश्चाप्येकनेत्रकः । एकरुद्रस्त्रिमूर्तिश्च श्रीकण्ठश्च शिखण्डिकः

athānantaśca sūkṣmaśca śivaścāpyekanetrakaḥ | ekarudrastrimūrtiśca śrīkaṇṭhaśca śikhaṇḍikaḥ

Then Ananta, and Sūkṣma, Śiva, and also Ekanetraka; Ekarudra, Trimūrti, and Śrīkaṇṭha, and Śikhaṇḍika —

Verse 50 (shiva.vayaviya.66.50)

तथाष्टौ शक्तयस्तेषां द्वितीयावरणेऽर्चिताः । ते मे कामं प्रयच्छन्तु शिवयोरेव शासनात्

tathāṣṭau śaktayasteṣāṃ dvitīyāvaraṇe'rcitāḥ | te me kāmaṃ prayacchantu śivayoreva śāsanāt

and their eight Śaktis, worshipped in the second enclosure; by the command of Śiva and Śivā alone, may they grant me what I desire.

Verse 51 (shiva.vayaviya.66.51)

भवाद्या मूर्तयश्चाष्टौ तासामपि च शक्तयः । महादेवादयश्चान्ये तथैकादशमूर्तयः

bhavādyā mūrtayaścāṣṭau tāsāmapi ca śaktayaḥ | mahādevādayaścānye tathaikādaśamūrtayaḥ

The eight forms beginning with Bhava, and their Śaktis too; and the others beginning with Mahādeva, likewise the eleven forms —

Verse 52 (shiva.vayaviya.66.52)

शक्तिभिः सहिताः सर्वे तृतीयावरणे स्थिताः । सत्कृत्य शिवयोराज्ञां दिशन्तु फलमीप्सितम्

śaktibhiḥ sahitāḥ sarve tṛtīyāvaraṇe sthitāḥ | satkṛtya śivayorājñāṃ diśantu phalamīpsitam

together with their Śaktis, all established in the third enclosure; honoring the command of Śiva and Śivā, may they grant the desired fruit.

Verse 53 (shiva.vayaviya.66.53)

वृषराजो महातेजा महामेघसमस्वनः । मेरुमन्दरकैलासहिमाद्रिशिखरोपमः

vṛṣarājo mahātejā mahāmeghasamasvanaḥ | merumandarakailāsahimādriśikharopamaḥ

Vṛṣarāja, the bull-king, of great splendor, thundering like a great cloud; resembling the peaks of Meru, Mandara, Kailāsa, the Himālaya —

Verse 54 (shiva.vayaviya.66.54)

सिताभ्रशिखराकारः ककुदा परिशोभितः । महाभोगीन्द्रकल्पेन वालेन च विराजितः

sitābhraśikharākāraḥ kakudā pariśobhitaḥ | mahābhogīndrakalpena vālena ca virājitaḥ

shaped like the summit of a white cloud, beautified by his hump; adorned with a tail resembling a great serpent-lord —

Verse 55 (shiva.vayaviya.66.55)

रक्तास्यशृङ्गचरणो रक्तप्रायविलोचनः । पीवरोन्नतसर्वाङ्गः सुचारुगमनोज्ज्वलः

raktāsyaśṛṅgacaraṇo raktaprāyavilocanaḥ | pīvaronnatasarvāṅgaḥ sucārugamanojjvalaḥ

his face, horns and feet red, his eyes mostly red; every limb full and raised, radiant with a beautiful gait —

Verse 56 (shiva.vayaviya.66.56)

प्रशस्तलक्षणः श्रीमान् प्रज्वलन्मणिभूषणः । शिवप्रियः शिवासक्तः शिवयोर्ध्वजवाहनः

praśastalakṣaṇaḥ śrīmān prajvalanmaṇibhūṣaṇaḥ | śivapriyaḥ śivāsaktaḥ śivayordhvajavāhanaḥ

of excellent marks, glorious, adorned with blazing jeweled ornaments; beloved of Śiva, devoted to Śiva, bearing the banner of Śiva and Śivā —

Verse 57 (shiva.vayaviya.66.57)

तथा तच्चरणन्यासपावितापरविग्रहः । गोराजपुरुषः श्रीमान् श्रीमच्छूलवरायुधः । तयोराज्ञां पुरस्कृत्य स मे कामं प्रयच्छतु

tathā taccaraṇanyāsapāvitāparavigrahaḥ | gorājapuruṣaḥ śrīmān śrīmacchūlavarāyudhaḥ | tayorājñāṃ puraskṛtya sa me kāmaṃ prayacchatu

and his excellent form sanctified by the placing of their feet upon him; the bull-lord in human form, glorious, bearing the glorious trident weapon — placing their command foremost, may he grant me what I desire.

Verse 58 (shiva.vayaviya.66.58)

नन्दीश्वरो महातेजा नगेन्द्रतनयात्मजः । सनारायणकैर्देवैर्नित्यमभ्यर्च्य वन्दितः

nandīśvaro mahātejā nagendratanayātmajaḥ | sanārāyaṇakairdevairnityamabhyarcya vanditaḥ

Nandīśvara, of great splendor, son by adoption of the daughter of the mountain-king; ever worshipped and revered by the gods together with Nārāyaṇa —

Verse 59 (shiva.vayaviya.66.59)

शर्वस्यान्तःपुरद्वारि सार्धं परिजनैः स्थितः । सर्वेश्वरसमप्रख्यः सर्वासुरविमर्दनः

śarvasyāntaḥpuradvāri sārdhaṃ parijanaiḥ sthitaḥ | sarveśvarasamaprakhyaḥ sarvāsuravimardanaḥ

stationed at the door of Śarva's inner chamber, together with his attendants; of a power equal to the Lord of all, the destroyer of all asuras —

Verse 60 (shiva.vayaviya.66.60)

सर्वेषां शिवधर्माणामध्यक्षत्वेऽभिषेचितः । शिवप्रियः शिवासक्तः श्रीमच्छूलवरायुधः

sarveṣāṃ śivadharmāṇāmadhyakṣatve'bhiṣecitaḥ | śivapriyaḥ śivāsaktaḥ śrīmacchūlavarāyudhaḥ

consecrated to the office of overseer of all the observances of Śaiva dharma; beloved of Śiva, devoted to Śiva, bearing the glorious trident weapon —

Verse 61 (shiva.vayaviya.66.61)

शिवाश्रितेषु संसक्तस्त्वनुरक्तश्च तैरपि । सत्कृत्य शिवयोराज्ञां स मे कामं प्रयच्छतु

śivāśriteṣu saṃsaktastvanuraktaśca tairapi | satkṛtya śivayorājñāṃ sa me kāmaṃ prayacchatu

devoted to those who take refuge in Śiva, and beloved by them in turn; honoring the command of Śiva and Śivā, may he grant me what I desire.

Verse 62 (shiva.vayaviya.66.62)

महाकालो महाबाहुर्महादेव इवापरः । महादेवाश्रितानां तु नित्यमेवाभिरक्षतु

mahākālo mahābāhurmahādeva ivāparaḥ | mahādevāśritānāṃ tu nityamevābhirakṣatu

Mahākāla, mighty-armed, as though another Mahādeva himself; may he ever protect those who take refuge in Mahādeva.

Verse 63 (shiva.vayaviya.66.63)

शिवप्रियः शिवासक्तः शिवयोरर्चकः सदा । सत्कृत्य शिवयोराज्ञां स मे दिशतु काङ्क्षितम्

śivapriyaḥ śivāsaktaḥ śivayorarcakaḥ sadā | satkṛtya śivayorājñāṃ sa me diśatu kāṅkṣitam

Beloved of Śiva, devoted to Śiva, ever a worshipper of Śiva and Śivā; honoring the command of Śiva and Śivā, may he grant me what I desire.

Verse 64 (shiva.vayaviya.66.64)

सर्वशास्त्रार्थतत्त्वज्ञः शास्ता विष्णोः परा तनुः । महामोहात्मतनयो मधुमांसासवप्रियः । तयोराज्ञां पुरस्कृत्य स मे कामं प्रयच्छतु

sarvaśāstrārthatattvajñaḥ śāstā viṣṇoḥ parā tanuḥ | mahāmohātmatanayo madhumāṃsāsavapriyaḥ | tayorājñāṃ puraskṛtya sa me kāmaṃ prayacchatu

Śāstā, who knows the essence of the meaning of all the scriptures, the supreme body of Viṣṇu himself; the son of his own Mahāmohā, fond of honey, meat, and spirituous drink — placing their command foremost, may he grant me what I desire.

Verse 65 (shiva.vayaviya.66.65)

ब्रह्माणी चैव माहेशी कौमारी वैष्णवी तथा । वाराही चैव माहेन्द्री चामुण्डा चण्डविक्रमा

brahmāṇī caiva māheśī kaumārī vaiṣṇavī tathā | vārāhī caiva māhendrī cāmuṇḍā caṇḍavikramā

Brāhmī, and Māheśvarī, Kaumārī, and likewise Vaiṣṇavī; Vārāhī, and Māhendrī, Cāmuṇḍā, of terrible valor —

Verse 66 (shiva.vayaviya.66.66)

एता वै मातरः सप्त सर्वलोकस्य मातरः । प्रार्थितं मे प्रयच्छन्तु परमेश्वरशासनात्

etā vai mātaraḥ sapta sarvalokasya mātaraḥ | prārthitaṃ me prayacchantu parameśvaraśāsanāt

these seven Mother-goddesses, mothers of all the world; by the command of the Supreme Lord, may they grant me what I have prayed for.

Verse 67 (shiva.vayaviya.66.67)

मत्तमातङ्गवदनो गङ्गोमाशङ्करात्मजः । आकाशदेहो दिग्बाहुः सोमसूर्याग्निलोचनः

mattamātaṅgavadano gaṅgomāśaṅkarātmajaḥ | ākāśadeho digbāhuḥ somasūryāgnilocanaḥ

With the face of a rutting elephant, the son of Gaṅgā, Umā, and Śaṅkara; his body the very sky, the directions his arms, the moon, sun, and fire his eyes —

Verse 68 (shiva.vayaviya.66.68)

ऐरावतादिभिर्दिव्यैर्दिग्गजैर्नित्यमर्चितः । शिवज्ञानमदोद्भिन्नस्त्रिदशानामविघ्नकृत्

airāvatādibhirdivyairdiggajairnityamarcitaḥ | śivajñānamadodbhinnastridaśānāmavighnakṛt

ever worshipped by the divine elephants of the directions, Airāvata and the rest; intoxicated with the rapture of the knowledge of Śiva, remover of obstacles for the thirty-three gods —

Verse 69 (shiva.vayaviya.66.69)

विघ्नकृच्चासुरादीनां विघ्नेशः शिवभावितः । सत्कृत्य शिवयोराज्ञां स मे दिशतु काङ्क्षितम्

vighnakṛccāsurādīnāṃ vighneśaḥ śivabhāvitaḥ | satkṛtya śivayorājñāṃ sa me diśatu kāṅkṣitam

a maker of obstacles for the asuras and the like, Vighneśa, imbued with the nature of Śiva; honoring the command of Śiva and Śivā, may he grant me what I desire.

Verse 70 (shiva.vayaviya.66.70)

षण्मुखः शिवसम्भूतः शक्तिवज्रधरः प्रभुः । अग्नेश्च तनयो देवो ह्यपर्णातनयः पुनः

ṣaṇmukhaḥ śivasambhūtaḥ śaktivajradharaḥ prabhuḥ | agneśca tanayo devo hyaparṇātanayaḥ punaḥ

Ṣaṇmukha, born of Śiva, the lord bearing the spear and the thunderbolt; the son of Agni, and again, also the son of Aparṇā —

Verse 71 (shiva.vayaviya.66.71)

गङ्गायाश्च गणाम्बायाः कृत्तिकानां तथैव च । विशाखेन च शाखेन नैगमेयेन चावृतः

gaṅgāyāśca gaṇāmbāyāḥ kṛttikānāṃ tathaiva ca | viśākhena ca śākhena naigameyena cāvṛtaḥ

the son of Gaṅgā, of Gaṇāmbā, and of the Kṛttikās too; surrounded by Viśākha, Śākha, and Naigameya —

Verse 72 (shiva.vayaviya.66.72)

इन्द्रजिच्चन्द्रसेनानीस्तारकासुरजित्तथा । शैलानां मेरुमुख्यानां वेधकश्च स्वतेजसा

indrajiccandrasenānīstārakāsurajittathā | śailānāṃ merumukhyānāṃ vedhakaśca svatejasā

the vanquisher of Indra, the general of the moon-host, the conqueror of the demon Tāraka; who pierced even the chief mountains beginning with Meru, by his own splendor —

Verse 73 (shiva.vayaviya.66.73)

तप्तचामीकरप्रख्यः शतपत्रदलेक्षणः । कुमारः सुकुमाराणां रूपोदाहरणं महत्

taptacāmīkaraprakhyaḥ śatapatradalekṣaṇaḥ | kumāraḥ sukumārāṇāṃ rūpodāharaṇaṃ mahat

resembling refined gold, his eyes like the petal of a hundred-petaled lotus; Kumāra, the very embodiment of beauty among the graceful —

Verse 74 (shiva.vayaviya.66.74)

शिवप्रियः शिवासक्तः शिवपदार्चकः सदा । सत्कृत्य शिवयोराज्ञां स मे दिशतु काङ्क्षितम्

śivapriyaḥ śivāsaktaḥ śivapadārcakaḥ sadā | satkṛtya śivayorājñāṃ sa me diśatu kāṅkṣitam

beloved of Śiva, devoted to Śiva, ever a worshipper of Śiva's feet; honoring the command of Śiva and Śivā, may he grant me what I desire.

Verse 75 (shiva.vayaviya.66.75)

ज्येष्ठा वरिष्ठा वरदा शिवयोर्यजने रता । तयोराज्ञां पुरस्कृत्य सा मे दिशतु काङ्क्षितम्

jyeṣṭhā variṣṭhā varadā śivayoryajane ratā | tayorājñāṃ puraskṛtya sā me diśatu kāṅkṣitam

Jyeṣṭhā, most excellent, the giver of boons, devoted to the worship of Śiva and Śivā; placing their command foremost, may she grant me what I desire.

Verse 76 (shiva.vayaviya.66.76)

त्रैलोक्यवन्दिता साक्षादुल्काकारा गणाम्बिका । जगत्सृष्टिविवृद्ध्यर्थं ब्रह्मणाभ्यर्थिता शिवात्

trailokyavanditā sākṣādulkākārā gaṇāmbikā | jagatsṛṣṭivivṛddhyarthaṃ brahmaṇābhyarthitā śivāt

revered by the three worlds, Gaṇāmbikā, whose visible form is like a meteor; entreated from Śiva by Brahmā for the increase of the creation of the universe —

Verse 77 (shiva.vayaviya.66.77)

शिवायाः प्रविभक्ताया भ्रुवोरन्तरनिःसृताः । दाक्षायणी सती मेना तथा हैमवती ह्युमा

śivāyāḥ pravibhaktāyā bhruvorantaraniḥsṛtāḥ | dākṣāyaṇī satī menā tathā haimavatī hyumā

issuing, as a division of Śivā herself, from between her brows; Dākṣāyaṇī, Satī, Menā, and Haimavatī, Umā —

Verse 78 (shiva.vayaviya.66.78)

कौशिक्याश्चैव जननी भद्रकाल्यास्तथैव च । अपर्णायाश्च जननी पाटलायास्तथैव च

kauśikyāścaiva jananī bhadrakālyāstathaiva ca | aparṇāyāśca jananī pāṭalāyāstathaiva ca

the mother also of Kauśikī, and likewise of Bhadrakālī; the mother of Aparṇā, and likewise of Pāṭalā —

Verse 79 (shiva.vayaviya.66.79)

शिवार्चनरता नित्यं रुद्राणी रुद्रवल्लभा । सत्कृत्य शिवयोराज्ञां सा मे दिशतु काङ्क्षितम्

śivārcanaratā nityaṃ rudrāṇī rudravallabhā | satkṛtya śivayorājñāṃ sā me diśatu kāṅkṣitam

ever devoted to the worship of Śiva, Rudrāṇī, the beloved of Rudra; honoring the command of Śiva and Śivā, may she grant me what I desire.

Verse 80 (shiva.vayaviya.66.80)

चण्डः सर्वगणेशानः शम्भोर्वदनसम्भवः । सत्कृत्य शिवयोराज्ञां स मे दिशतु काङ्क्षितम्

caṇḍaḥ sarvagaṇeśānaḥ śambhorvadanasambhavaḥ | satkṛtya śivayorājñāṃ sa me diśatu kāṅkṣitam

Caṇḍa, lord of all the gaṇas, born from Śambhu's mouth; honoring the command of Śiva and Śivā, may he grant me what I desire.

Verse 81 (shiva.vayaviya.66.81)

पिङ्गलो गणपः श्रीमान् शिवासक्तः शिवप्रियः । आज्ञया शिवयोरेव स मे कामं प्रयच्छतु

piṅgalo gaṇapaḥ śrīmān śivāsaktaḥ śivapriyaḥ | ājñayā śivayoreva sa me kāmaṃ prayacchatu

Piṅgala, lord of the gaṇas, glorious, devoted to Śiva, beloved of Śiva; by the command of Śiva and Śivā alone, may he grant me what I desire.

Verse 82 (shiva.vayaviya.66.82)

भृङ्गीशो नाम गणपः शिवराधनतत्परः । प्रयच्छतु स मे कामं पत्युराज्ञापुरःसरम्

bhṛṅgīśo nāma gaṇapaḥ śivarādhanatatparaḥ | prayacchatu sa me kāmaṃ patyurājñāpuraḥsaram

Bhṛṅgīśa, the lord of the gaṇas, intent on the worship of Śiva; placing his master's command foremost, may he grant me what I desire.

Verse 83 (shiva.vayaviya.66.83)

वीरभद्रो महातेजा हिमकुन्देन्दुसन्निभः । भद्रकालीप्रियो नित्यं मातृणां चाभिरक्षिता

vīrabhadro mahātejā himakundendusannibhaḥ | bhadrakālīpriyo nityaṃ mātṛṇāṃ cābhirakṣitā

Vīrabhadra, of great splendor, white as snow, jasmine, and the moon; ever beloved of Bhadrakālī, the protector of the Mother-goddesses —

Verse 84 (shiva.vayaviya.66.84)

यज्ञस्य च शिरोहर्ता दक्षस्य च दुरात्मनः । उपेन्द्रेन्द्रयमादीनां देवानामङ्गतक्षकः

yajñasya ca śirohartā dakṣasya ca durātmanaḥ | upendrendrayamādīnāṃ devānāmaṅgatakṣakaḥ

the one who severed the head of Yajña, and of the wicked Dakṣa too; who maimed the limbs of Upendra, Indra, Yama and the other gods —

Verse 85 (shiva.vayaviya.66.85)

शिवस्यानुचरः श्रीमान् शिवशासनपालकः । शिवयोः शासनादेव स मे दिशतु काङ्क्षितम्

śivasyānucaraḥ śrīmān śivaśāsanapālakaḥ | śivayoḥ śāsanādeva sa me diśatu kāṅkṣitam

Śiva's attendant, glorious, the guardian of Śiva's command; by the command of Śiva and Śivā alone, may he grant me what I desire.

Verse 86 (shiva.vayaviya.66.86)

सरस्वती महेशस्य वाक्सरोजसमुद्भवा । शिवयोः पूजने सक्ता स मे दिशतु काङ्क्षितम्

sarasvatī maheśasya vāksarojasamudbhavā | śivayoḥ pūjane saktā sa me diśatu kāṅkṣitam

Sarasvatī, born from the lotus of Maheśa's speech; devoted to the worship of Śiva and Śivā, may she grant me what I desire.

Verse 87 (shiva.vayaviya.66.87)

विष्णोर्वक्षःस्थिता लक्ष्मीः शिवयोः पूजने रता । शिवयोः शासनादेव सा मे दिशतु काङ्क्षितम्

viṣṇorvakṣaḥsthitā lakṣmīḥ śivayoḥ pūjane ratā | śivayoḥ śāsanādeva sā me diśatu kāṅkṣitam

Lakṣmī, dwelling on Viṣṇu's breast, devoted to the worship of Śiva and Śivā; by the command of Śiva and Śivā alone, may she grant me what I desire.

Verse 88 (shiva.vayaviya.66.88)

महामोटी महादेव्याः पादपूजापरायणा । तस्या एव नियोगेन सा मे दिशतु काङ्क्षितम्

mahāmoṭī mahādevyāḥ pādapūjāparāyaṇā | tasyā eva niyogena sā me diśatu kāṅkṣitam

Mahāmoṭī, intent on the worship of the Great Goddess's feet; by her own command, may she grant me what I desire.

Verse 89 (shiva.vayaviya.66.89)

कौशिकी सिंहमारूढा पार्वत्याः परमा सुता । विष्णोर्निद्रा महामाया महामहिषमर्दिनी

kauśikī siṃhamārūḍhā pārvatyāḥ paramā sutā | viṣṇornidrā mahāmāyā mahāmahiṣamardinī

Kauśikī, mounted on a lion, the supreme daughter of Pārvatī; Viṣṇu's Nidrā, Mahāmāyā, the destroyer of the great buffalo-demon —

Verse 90 (shiva.vayaviya.66.90)

निशम्भशुम्भसंहर्त्री मधुमांसासवप्रिया । सत्कृत्य शासनं मातुः सा मे दिशतु काङ्क्षितम्

niśambhaśumbhasaṃhartrī madhumāṃsāsavapriyā | satkṛtya śāsanaṃ mātuḥ sā me diśatu kāṅkṣitam

the slayer of Niśumbha and Śumbha, fond of honey, meat, and spirituous drink; honoring the command of her mother, may she grant me what I desire.

Verse 91 (shiva.vayaviya.66.91)

रुद्रा रुद्रसमप्रख्याः प्रमथाः प्रथितौजसः । भूताख्याश्च महावीर्या महादेवसमप्रभाः

rudrā rudrasamaprakhyāḥ pramathāḥ prathitaujasaḥ | bhūtākhyāśca mahāvīryā mahādevasamaprabhāḥ

the Rudras of a splendor equal to Rudra, the Pramathas, of renowned vigor; the hosts called Bhūtas too, of great valor, of a radiance equal to Mahādeva —

Verse 92 (shiva.vayaviya.66.92)

नित्यमुक्ता निरुपमा निर्द्वन्द्वा निरुपप्लवाः । सशक्तयः सानुचराः सर्वलोकनमस्कृताः

nityamuktā nirupamā nirdvandvā nirupaplavāḥ | saśaktayaḥ sānucarāḥ sarvalokanamaskṛtāḥ

ever liberated, incomparable, free from the pairs of opposites, free from calamity; together with their Śaktis, together with their attendants, revered by all the world —

Verse 93 (shiva.vayaviya.66.93)

सर्वेषामेव लोकानां सृष्टिसंहरणक्षमाः । परस्परानुरक्ताश्च परस्परमनुव्रताः

sarveṣāmeva lokānāṃ sṛṣṭisaṃharaṇakṣamāḥ | parasparānuraktāśca parasparamanuvratāḥ

capable of creating and destroying all the worlds; devoted to one another, and each pledged to the other —

Verse 94 (shiva.vayaviya.66.94)

परस्परमतिस्निग्धाः परस्परनमस्कृताः । शिवप्रियतमा नित्यं शिवलक्षणलक्षिताः

parasparamatisnigdhāḥ parasparanamaskṛtāḥ | śivapriyatamā nityaṃ śivalakṣaṇalakṣitāḥ

exceedingly affectionate toward one another, bowing to one another; ever most beloved of Śiva, marked with Śiva's own characteristics —

Verse 95 (shiva.vayaviya.66.95)

सौम्या घोरास्तथा मिश्राश्चान्तरालद्वयात्मिकाः । विरूपाश्च सुरूपाश्च नानारूपधरास्तथा

saumyā ghorāstathā miśrāścāntarāladvayātmikāḥ | virūpāśca surūpāśca nānārūpadharāstathā

gentle, and terrible, and mixed, and also of a nature between the two; ill-formed too, well-formed too, and taking manifold forms as well —

Verse 96 (shiva.vayaviya.66.96)

सत्कृत्य शिवयोराज्ञां ते मे कामं दिशन्तु वै । देव्या प्रियसखीवर्गो देवीलक्षणलक्षितः

satkṛtya śivayorājñāṃ te me kāmaṃ diśantu vai | devyā priyasakhīvargo devīlakṣaṇalakṣitaḥ

honoring the command of Śiva and Śivā, may they grant me what I desire; the company of the Goddess's beloved companions, marked with the Goddess's own characteristics —

Verse 97 (shiva.vayaviya.66.97)

सहितो रुद्रकन्याभिः शक्तिभिश्चाप्यनेकशः । तृतीयावरणे शम्भोर्भक्त्या नित्यं समर्चितः

sahito rudrakanyābhiḥ śaktibhiścāpyanekaśaḥ | tṛtīyāvaraṇe śambhorbhaktyā nityaṃ samarcitaḥ

together with the daughters of Rudra, and together with many Śaktis too; ever worshipped with devotion by Śambhu in the third enclosure —

Verse 98 (shiva.vayaviya.66.98)

सत्कृत्य शिवयोराज्ञां स मे दिशतु मङ्गलम् । दिवाकरो महेशस्य मूर्तिर्दीप्तिसुमण्डलः

satkṛtya śivayorājñāṃ sa me diśatu maṅgalam | divākaro maheśasya mūrtirdīptisumaṇḍalaḥ

honoring the command of Śiva and Śivā, may that assembly grant me auspiciousness; Divākara, the sun, the well-ordered radiant form of Maheśa —

Verse 99 (shiva.vayaviya.66.99)

निर्गुणो गुणसङ्कीर्णस्तथैव गुणकेवलः । अविकारात्मकश्चाद्य एकः सामान्यविक्रियः

nirguṇo guṇasaṅkīrṇastathaiva guṇakevalaḥ | avikārātmakaścādya ekaḥ sāmānyavikriyaḥ

beyond qualities, and also possessed of qualities, and likewise consisting purely of qualities; of an unchanging nature, the first, one, and also subject to ordinary modification —

Verse 100 (shiva.vayaviya.66.100)

असाधारणकर्मा च सृष्टिस्थितिलयक्रमात् । एवं त्रिधा चतुर्धा च विभक्ताः पञ्चधा पुनः

asādhāraṇakarmā ca sṛṣṭisthitilayakramāt | evaṃ tridhā caturdhā ca vibhaktāḥ pañcadhā punaḥ

performing his own distinctive function, in the order of creation, preservation, and dissolution; thus divided in three ways, in four ways, and again in five ways —

Verse 101 (shiva.vayaviya.66.101)

चतुर्थावरणे शम्भोः पूजितश्चानुगैः सह । शिवप्रियः शिवासक्तः शिवपादार्चने रतः

caturthāvaraṇe śambhoḥ pūjitaścānugaiḥ saha | śivapriyaḥ śivāsaktaḥ śivapādārcane rataḥ

worshipped in Śambhu's fourth enclosure, together with his attendants; beloved of Śiva, devoted to Śiva, intent on the worship of Śiva's feet —

Verse 102 (shiva.vayaviya.66.102)

सत्कृत्य शिवयोराज्ञां स मे दिशतु मङ्गलम् । दिवाकरषडङ्गानि दीप्ताद्याश्चाष्टशक्तयः

satkṛtya śivayorājñāṃ sa me diśatu maṅgalam | divākaraṣaḍaṅgāni dīptādyāścāṣṭaśaktayaḥ

honoring the command of Śiva and Śivā, may he grant me auspiciousness; the six limbs of Divākara, and the eight Śaktis beginning with Dīptā —

Verse 103 (shiva.vayaviya.66.103)

आदित्यो भास्करो भानू रविश्चेत्यनुपूर्वशः । अर्को ब्रह्मा तथा रुद्रो विष्नुश्चादित्यमूर्तयः

ādityo bhāskaro bhānū raviścetyanupūrvaśaḥ | arko brahmā tathā rudro viṣnuścādityamūrtayaḥ

Āditya, Bhāskara, Bhānu, and Ravi — in this order; Arka, Brahmā, and Rudra, and Viṣṇu — these are the forms of Āditya.

Verse 104 (shiva.vayaviya.66.104)

विस्तरा सुतरा बोधिन्याप्यायिन्यपराः पुनः । उषा प्रभा तथा प्राज्ञा सन्ध्या चेत्यपि शक्तयः

vistarā sutarā bodhinyāpyāyinyaparāḥ punaḥ | uṣā prabhā tathā prājñā sandhyā cetyapi śaktayaḥ

Vistarā, Sutarā, Bodhinī, and Āpyāyinī, and others too; Uṣā, Prabhā, and Prājñā, and Sandhyā — these too are his Śaktis.

Verse 105 (shiva.vayaviya.66.105)

सोमादिकेतुपर्यन्ता ग्रहाश्च शिवभाविताः । शिवयोराज्ञया नुन्ना मङ्गलं प्रदिशन्तु मे

somādiketuparyantā grahāśca śivabhāvitāḥ | śivayorājñayā nunnā maṅgalaṃ pradiśantu me

the planets from Soma to Ketu, imbued with the nature of Śiva; impelled by the command of Śiva and Śivā, may they grant me auspiciousness.

Verse 106 (shiva.vayaviya.66.106)

अथवा द्वादशादित्यास्तथा द्वादश शक्तयः । ऋषयो देवगन्धर्वाः पन्नगाप्सरसां गणाः

athavā dvādaśādityāstathā dvādaśa śaktayaḥ | ṛṣayo devagandharvāḥ pannagāpsarasāṃ gaṇāḥ

Or the twelve Ādityas, and the twelve Śaktis; the sages, gods, gandharvas, serpents, hosts of apsarases —

Verse 107 (shiva.vayaviya.66.107)

ग्रामण्यश्च तथा यक्षा राक्षसाश्च सुरास्तथा । सप्त सप्तगणाश्चैते सप्तच्छन्दोमया हयाः

grāmaṇyaśca tathā yakṣā rākṣasāśca surāstathā | sapta saptagaṇāścaite saptacchandomayā hayāḥ

the village-chiefs, and yakṣas, rākṣasas, and the hosts of gods too; the seven groups of seven, and the horses embodying the seven meters —

Verse 108 (shiva.vayaviya.66.108)

वालखिल्यादयश्चैव सर्वे शिवपदार्चकाः । सत्कृत्य शिवयोराज्ञां मङ्गलं प्रदिशन्तु मे

vālakhilyādayaścaiva sarve śivapadārcakāḥ | satkṛtya śivayorājñāṃ maṅgalaṃ pradiśantu me

the Vālakhilyas and all the rest, worshippers of Śiva's feet; honoring the command of Śiva and Śivā, may they grant me auspiciousness.

Verse 109 (shiva.vayaviya.66.109)

ब्रह्माथ देवदेवस्य मूर्तिर्भूमण्डलाधिपः । चतुःषष्टिगुणैश्वर्यो बुद्धितत्त्वे प्रतिष्ठितः

brahmātha devadevasya mūrtirbhūmaṇḍalādhipaḥ | catuḥṣaṣṭiguṇaiśvaryo buddhitattve pratiṣṭhitaḥ

Brahmā, the form of the god of gods, the lord of the terrestrial sphere; possessed of the sovereignty of sixty-four qualities, established in the principle of intellect —

Verse 110 (shiva.vayaviya.66.110)

निर्गुणो गुणसङ्कीर्णस्तथैव गुणकेवलः । अविकारात्मको देवस्ततः साधारणः पुरः

nirguṇo guṇasaṅkīrṇastathaiva guṇakevalaḥ | avikārātmako devastataḥ sādhāraṇaḥ puraḥ

beyond qualities, and also possessed of qualities, and likewise consisting purely of qualities; the god of unchanging nature, and thereafter, in his ordinary aspect, the first —

Verse 111 (shiva.vayaviya.66.111)

असाधारणकर्मा च सृष्टिस्थितिलयक्रमात् । एवं त्रिधा चतुर्धा च विभक्तः पञ्चधा पुनः

asādhāraṇakarmā ca sṛṣṭisthitilayakramāt | evaṃ tridhā caturdhā ca vibhaktaḥ pañcadhā punaḥ

performing his own distinctive function, in the order of creation, preservation, and dissolution; thus divided in three ways, in four ways, and again in five ways —

Verse 112 (shiva.vayaviya.66.112)

चतुर्थावरणे शम्भोः पूजितश्च सहानुगैः । शिवप्रियः शिवासक्तः शिवपादार्चने रतः

caturthāvaraṇe śambhoḥ pūjitaśca sahānugaiḥ | śivapriyaḥ śivāsaktaḥ śivapādārcane rataḥ

worshipped in Śambhu's fourth enclosure, together with his attendants; beloved of Śiva, devoted to Śiva, intent on the worship of Śiva's feet —

Verse 113 (shiva.vayaviya.66.113)

सत्कृत्य शिवयोराज्ञां स मे दिशतु मङ्गलम् । हिरण्यगर्भो लोकेशो विराट् कालश्च पूरुषः

satkṛtya śivayorājñāṃ sa me diśatu maṅgalam | hiraṇyagarbho lokeśo virāṭ kālaśca pūruṣaḥ

honoring the command of Śiva and Śivā, may he grant me auspiciousness; Hiraṇyagarbha, lord of the world, Virāṭ, Kāla, and Puruṣa —

Verse 114 (shiva.vayaviya.66.114)

सनत्कुमारः सनकः सनन्दश्च सनातनः । प्रजानां पतयश्चैव दक्षाद्या ब्रह्मसूनवः

sanatkumāraḥ sanakaḥ sanandaśca sanātanaḥ | prajānāṃ patayaścaiva dakṣādyā brahmasūnavaḥ

Sanatkumāra, Sanaka, and Sananda, and Sanātana; and also the Prajāpatis, Dakṣa and the other mind-born sons of Brahmā —

Verse 115 (shiva.vayaviya.66.115)

एकादश सपत्नीका धर्मः सङ्कल्प एव च । शिवार्चनरताश्चैते शिवभक्तिपरायणाः

ekādaśa sapatnīkā dharmaḥ saṅkalpa eva ca | śivārcanaratāścaite śivabhaktiparāyaṇāḥ

eleven, together with their respective wives, and Dharma and Saṅkalpa too; all of these devoted to the worship of Śiva, intent on devotion to Śiva —

Verse 116 (shiva.vayaviya.66.116)

शिवाज्ञावशगाः सर्वे दिशन्तु मम मङ्गलम् । चत्वारश्च तथा वेदाः सेतिहासपुराणकाः

śivājñāvaśagāḥ sarve diśantu mama maṅgalam | catvāraśca tathā vedāḥ setihāsapurāṇakāḥ

all subject to the command of Śiva, may they grant me auspiciousness; and the four Vedas, together with the Itihāsas and Purāṇas —

Verse 117 (shiva.vayaviya.66.117)

धर्मशास्त्राणि विद्याभिर्वैदिकीभिः समन्विताः । परस्पराविरुद्धार्थाः शिवप्रकृतिपादकाः

dharmaśāstrāṇi vidyābhirvaidikībhiḥ samanvitāḥ | parasparāviruddhārthāḥ śivaprakṛtipādakāḥ

the Dharmaśāstras, joined with the Vedic branches of knowledge; their meanings unopposed to one another, resting on the very nature of Śiva —

Verse 118 (shiva.vayaviya.66.118)

सत्कृत्य शिवयोराज्ञां मङ्गलं प्रदिशन्तु मे । अथ रुद्रो महादेवः शम्भोर्मूर्तिर्गरीयसी

satkṛtya śivayorājñāṃ maṅgalaṃ pradiśantu me | atha rudro mahādevaḥ śambhormūrtirgarīyasī

honoring the command of Śiva and Śivā, may they grant me auspiciousness; and then Rudra, Mahādeva, the most majestic form of Śambhu —

Verse 119 (shiva.vayaviya.66.119)

वाह्नेयमण्डलाधीशः पौरुषैश्वर्यवान् प्रभुः । शिवाभिमानसम्पन्नो निर्गुणस्त्रिगुणात्मकः

vāhneyamaṇḍalādhīśaḥ pauruṣaiśvaryavān prabhuḥ | śivābhimānasampanno nirguṇastriguṇātmakaḥ

the lord of the fire-diagram, the lord endowed with manly sovereignty; possessed of Śiva's own majesty, beyond qualities, and also possessed of the three guṇas —

Verse 120 (shiva.vayaviya.66.120)

केवलं सात्त्विकश्चापि राजसश्चैव तामसः । अविकाररतः पूर्वं ततस्तु समविक्रियः

kevalaṃ sāttvikaścāpi rājasaścaiva tāmasaḥ | avikārarataḥ pūrvaṃ tatastu samavikriyaḥ

purely sattvic too, and rajasic too, and tamasic too; devoted first to his unchanging nature, and thereafter subject to ordinary modification —

Verse 121 (shiva.vayaviya.66.121)

असाधारणकर्मा च सृष्ट्यादिकरणात्पृथक् । ब्रह्मणोऽपि शिरश्छेत्ता जनकस्तस्य तत्सुतः

asādhāraṇakarmā ca sṛṣṭyādikaraṇātpṛthak | brahmaṇo'pi śiraśchettā janakastasya tatsutaḥ

performing his own distinctive function, distinct from Brahmā the agent of creation and the rest; the one who severed even Brahmā's head, yet also his begetter, and also his own son —

Verse 122 (shiva.vayaviya.66.122)

जनकस्तनयश्चापि विष्णोरपि नियामकः । बोधकश्च तयोर्नित्यमनुग्रहकरः प्रभुः

janakastanayaścāpi viṣṇorapi niyāmakaḥ | bodhakaśca tayornityamanugrahakaraḥ prabhuḥ

both begetter and son, and the regulator of Viṣṇu too; the ever-instructor of both, the lord who bestows grace —

Verse 123 (shiva.vayaviya.66.123)

अण्डस्यान्तर्बहिर्वर्ती रुद्रो लोकद्वयाधिपः । शिवप्रियः शिवासक्तः शिवपादार्चने रतः

aṇḍasyāntarbahirvartī rudro lokadvayādhipaḥ | śivapriyaḥ śivāsaktaḥ śivapādārcane rataḥ

present both within and beyond the cosmic Egg, Rudra, the lord of both worlds; beloved of Śiva, devoted to Śiva, intent on the worship of Śiva's feet —

Verse 124 (shiva.vayaviya.66.124)

शिवस्याज्ञां पुरस्कृत्य स मे दिशतु मङ्गलम् । तस्य ब्रह्म षडङ्गानि विद्येशानां तथाष्टकम्

śivasyājñāṃ puraskṛtya sa me diśatu maṅgalam | tasya brahma ṣaḍaṅgāni vidyeśānāṃ tathāṣṭakam

placing Śiva's command foremost, may he grant me auspiciousness; his Brahma-mantras and six limbs, and also the eight Vidyeśvaras —

Verse 125 (shiva.vayaviya.66.125)

चत्वारो मूर्तिभेदाश्च शिवपूर्वाः शिवार्चकाः । शिवो भवो हरश्चैव मृडश्चैव तथापरः । शिवस्याज्ञां पुरस्कृत्य मङ्गलं प्रदिशन्तु मे

catvāro mūrtibhedāśca śivapūrvāḥ śivārcakāḥ | śivo bhavo haraścaiva mṛḍaścaiva tathāparaḥ | śivasyājñāṃ puraskṛtya maṅgalaṃ pradiśantu me

and also his four distinct forms, beginning with Śiva, worshippers of Śiva; Śiva, Bhava, and Hara, and likewise the other, Mṛḍa — placing Śiva's command foremost, may they grant me auspiciousness.

Verse 126 (shiva.vayaviya.66.126)

अथ विष्णुर्महेशस्य शिवस्यैव परा तनुः । वारितत्त्वाधिपः साक्षादव्यक्तपदसंस्थितः

atha viṣṇurmaheśasya śivasyaiva parā tanuḥ | vāritattvādhipaḥ sākṣādavyaktapadasaṃsthitaḥ

and then Viṣṇu, the supreme body of Maheśa, of Śiva himself; the lord of the water-principle, established, in visible form, in the Unmanifest state —

Verse 127 (shiva.vayaviya.66.127)

निर्गुणः सत्त्वबहुलस्तथैव गुणकेवलः । अविकाराभिमानी च त्रिसाधारणविक्रियः

nirguṇaḥ sattvabahulastathaiva guṇakevalaḥ | avikārābhimānī ca trisādhāraṇavikriyaḥ

beyond qualities, predominantly sattvic, and likewise consisting purely of qualities; devoted to his unchanging nature, yet also subject to modification common to all three —

Verse 128 (shiva.vayaviya.66.128)

असाधारणकर्मा च सृष्ट्यादिकरणात्पृथक् । दक्षिणाङ्गभवेनापि स्पर्धमानः स्वयम्भुवा

asādhāraṇakarmā ca sṛṣṭyādikaraṇātpṛthak | dakṣiṇāṅgabhavenāpi spardhamānaḥ svayambhuvā

performing his own distinctive function, distinct from Brahmā the agent of creation and the rest; though born from Śiva's right limb, rivaling the self-born Brahmā —

Verse 129 (shiva.vayaviya.66.129)

आद्येन ब्रह्मणा साक्षात्सृष्टः स्रष्टा च तस्य तु । अण्डस्यान्तर्बहिर्वर्ती विष्णुर्लोकद्वयाधिपः

ādyena brahmaṇā sākṣātsṛṣṭaḥ sraṣṭā ca tasya tu | aṇḍasyāntarbahirvartī viṣṇurlokadvayādhipaḥ

created, in visible form, by the primal Brahmā, and himself also a creator in turn; Viṣṇu, present both within and beyond the cosmic Egg, the lord of both worlds —

Verse 130 (shiva.vayaviya.66.130)

असुरान्तकरश्चक्री शक्रस्यापि तथानुजः । प्रादुर्भूतश्च दशधा भृगुशापच्छलादिह

asurāntakaraścakrī śakrasyāpi tathānujaḥ | prādurbhūtaśca daśadhā bhṛguśāpacchalādiha

the destroyer of asuras, bearing the discus, the younger brother of Indra too; who manifested here in ten forms, under the pretext of Bhṛgu's curse —

Verse 131 (shiva.vayaviya.66.131)

भूभारनिग्रहार्थाय स्वेच्छयावातरत् क्षितौ । अप्रमेयबलो मायी मायया मोहयन् जगत्

bhūbhāranigrahārthāya svecchayāvātarat kṣitau | aprameyabalo māyī māyayā mohayan jagat

who, to remove the earth's burden, descended upon the ground of his own will; of immeasurable strength, possessed of illusive power, bewildering the universe with his māyā —

Verse 132 (shiva.vayaviya.66.132)

मूर्तिं कृत्वा महाविष्णुं सदाशिष्णुमथापि वा । वैष्णवैः पूजितो नित्यं मूर्तित्रयमयासने

mūrtiṃ kṛtvā mahāviṣṇuṃ sadāśiṣṇumathāpi vā | vaiṣṇavaiḥ pūjito nityaṃ mūrtitrayamayāsane

having taken the form of Mahāviṣṇu, or of Sadāviṣṇu; ever worshipped by the Vaiṣṇavas, upon a seat composed of three forms —

Verse 133 (shiva.vayaviya.66.133)

शिवप्रियः शिवासक्तः शिवपादार्चने रतः । शिवस्याज्ञां पुरस्कृत्य स मे दिशतु मङ्गलम्

śivapriyaḥ śivāsaktaḥ śivapādārcane rataḥ | śivasyājñāṃ puraskṛtya sa me diśatu maṅgalam

beloved of Śiva, devoted to Śiva, intent on the worship of Śiva's feet; placing Śiva's command foremost, may he grant me auspiciousness.

Verse 134 (shiva.vayaviya.66.134)

वासुदेवोऽनिरुद्धश्च प्रद्युम्नश्च ततः परः । सङ्कर्षणः समाख्याताश्चतस्रो मूर्तयो हरेः

vāsudevo'niruddhaśca pradyumnaśca tataḥ paraḥ | saṅkarṣaṇaḥ samākhyātāścatasro mūrtayo hareḥ

Vāsudeva, Aniruddha, and thereafter Pradyumna; and Saṅkarṣaṇa — thus are told the four forms of Hari.

Verse 135 (shiva.vayaviya.66.135)

मत्स्यः कूर्मो वराहश्च नारसिंहोऽथ वामनः । रामत्रयं तथा कृष्णो विष्णुस्तुरगवक्त्रकः

matsyaḥ kūrmo varāhaśca nārasiṃho'tha vāmanaḥ | rāmatrayaṃ tathā kṛṣṇo viṣṇusturagavaktrakaḥ

Matsya, Kūrma, Varāha, and Narasiṃha, then Vāmana; the three Rāmas, and Kṛṣṇa, and Viṣṇu's horse-faced form too —

Verse 136 (shiva.vayaviya.66.136)

चक्रं नारायणस्यास्त्रं पाञ्चजन्यं च शार्ङ्गकम् । सत्कृत्य शिवयोराज्ञां मङ्गलं प्रदिशन्तु मे

cakraṃ nārāyaṇasyāstraṃ pāñcajanyaṃ ca śārṅgakam | satkṛtya śivayorājñāṃ maṅgalaṃ pradiśantu me

the discus, Nārāyaṇa's weapon, the conch Pāñcajanya, and the bow Śārṅga; honoring the command of Śiva and Śivā, may they grant me auspiciousness.

Verse 137 (shiva.vayaviya.66.137)

प्रभा सरस्वती गौरी लक्ष्मीश्च शिवभाविता । शिवयोः शासनादेता मङ्गलं प्रदिशन्तु मे

prabhā sarasvatī gaurī lakṣmīśca śivabhāvitā | śivayoḥ śāsanādetā maṅgalaṃ pradiśantu me

Prabhā, Sarasvatī, Gaurī, and Lakṣmī, imbued with the nature of Śiva; by the command of Śiva and Śivā, may they grant me auspiciousness.

Verse 138 (shiva.vayaviya.66.138)

इन्द्रोऽग्निश्च यमश्चैव निरृतिर्वरुणस्तथा । वायुः सोमः कुबेरश्च तथेशानस्त्रिशूलधृक्

indro'gniśca yamaścaiva nirṛtirvaruṇastathā | vāyuḥ somaḥ kuberaśca tatheśānastriśūladhṛk

Indra, Agni, and Yama, Nirṛti, Varuṇa; Vāyu, Soma, Kubera, and Īśāna, bearer of the trident —

Verse 139 (shiva.vayaviya.66.139)

सर्वे शिवार्चनरताः शिवसद्भावभाविताः । सत्कृत्य शिवयोराज्ञां मङ्गलं प्रदिशन्तु मे

sarve śivārcanaratāḥ śivasadbhāvabhāvitāḥ | satkṛtya śivayorājñāṃ maṅgalaṃ pradiśantu me

all devoted to the worship of Śiva, imbued with true devotion to Śiva; honoring the command of Śiva and Śivā, may they grant me auspiciousness.

Verse 140 (shiva.vayaviya.66.140)

त्रिशूलमथ वज्रं च तथा परशुसायकौ । खड्गपाशाङ्कुशाश्चैव पिनाकश्चायुधोत्तमः

triśūlamatha vajraṃ ca tathā paraśusāyakau | khaḍgapāśāṅkuśāścaiva pinākaścāyudhottamaḥ

The trident, and then the thunderbolt, and the axe and the arrow; the sword, noose, goad, and the Pināka bow — the finest weapons —

Verse 141 (shiva.vayaviya.66.141)

दिव्यायुधानि देवस्य देव्याश्चैतानि नित्यशः । सत्कृत्य शिवयोराज्ञां रक्षां कुर्वन्तु मे सदा

divyāyudhāni devasya devyāścaitāni nityaśaḥ | satkṛtya śivayorājñāṃ rakṣāṃ kurvantu me sadā

these divine weapons, ever belonging to the god and the goddess; honoring the command of Śiva and Śivā, may they ever protect me.

Verse 142 (shiva.vayaviya.66.142)

वृषरूपधरो देवः सौरभेयो महाबलः । वडवाख्यानलस्पर्द्धी पञ्चगोमातृभिर्वृतः

vṛṣarūpadharo devaḥ saurabheyo mahābalaḥ | vaḍavākhyānalasparddhī pañcagomātṛbhirvṛtaḥ

the god who bears the form of a bull, son of Surabhi, of great strength; rivaling the fire called Vaḍavā, surrounded by the five cow-mothers —

Verse 143 (shiva.vayaviya.66.143)

वाहनत्वमनुप्राप्तस्तपसा परमेशयोः । तयोराज्ञां पुरस्कृत्य स मे कामं प्रयच्छतु

vāhanatvamanuprāptastapasā parameśayoḥ | tayorājñāṃ puraskṛtya sa me kāmaṃ prayacchatu

who, through austerity, attained the rank of the mount of the Supreme Lord and his consort; placing their command foremost, may he grant me what I desire.

Verse 144 (shiva.vayaviya.66.144)

नन्दा सुनन्दा सुरभिः सुशीला सुमनास्तथा । पञ्च गोमातरस्त्वेताः शिवलोके व्यवस्थिताः

nandā sunandā surabhiḥ suśīlā sumanāstathā | pañca gomātarastvetāḥ śivaloke vyavasthitāḥ

Nandā, Sunandā, Surabhi, Suśīlā, and Sumanā; these five cow-mothers dwell in the world of Śiva.

Verse 145 (shiva.vayaviya.66.145)

शिवभक्तिपरा नित्यं शिवार्चनपरायणाः । शिवयोः शासनादेव दिशन्तु मम वाञ्छितम्

śivabhaktiparā nityaṃ śivārcanaparāyaṇāḥ | śivayoḥ śāsanādeva diśantu mama vāñchitam

ever intent on devotion to Śiva, devoted to the worship of Śiva; by the command of Śiva and Śivā alone, may they grant me what I desire.

Verse 146 (shiva.vayaviya.66.146)

क्षेत्रपालो महातेजा नीलजीमूतसन्निभः । दंष्ट्राकरालवदनः स्फुरद्रक्ताधरोज्ज्वलः

kṣetrapālo mahātejā nīlajīmūtasannibhaḥ | daṃṣṭrākarālavadanaḥ sphuradraktādharojjvalaḥ

Kṣetrapāla, of great splendor, resembling a dark blue cloud; his face grim with fangs, radiant with quivering red lips —

Verse 147 (shiva.vayaviya.66.147)

रक्तोर्ध्वमूर्धजः श्रीमान् भृकुटीकुटिलेक्षणः । रक्तवृत्तत्रिनयनः शशिपन्नगभूषणः

raktordhvamūrdhajaḥ śrīmān bhṛkuṭīkuṭilekṣaṇaḥ | raktavṛttatrinayanaḥ śaśipannagabhūṣaṇaḥ

his hair red and standing on end, glorious, his brows and eyes knit; his three eyes round and red, adorned with the moon and a serpent —

Verse 148 (shiva.vayaviya.66.148)

नग्नस्त्रिशूलपाशासिकपालोद्यतपाणिकः । भैरवो भैरवैः सिद्धैर्योगिनीभिश्च संवृतः

nagnastriśūlapāśāsikapālodyatapāṇikaḥ | bhairavo bhairavaiḥ siddhairyoginībhiśca saṃvṛtaḥ

naked, holding aloft the trident, noose, sword, and skull-bowl; Bhairava, surrounded by Bhairavas, siddhas, and yoginīs —

Verse 149 (shiva.vayaviya.66.149)

क्षेत्रे क्षेत्रे समासीनः स्थितो यो रक्षकः सताम् । शिवप्रणामपरमः शिवसद्भावभावितः

kṣetre kṣetre samāsīnaḥ sthito yo rakṣakaḥ satām | śivapraṇāmaparamaḥ śivasadbhāvabhāvitaḥ

seated in every sacred precinct, the protector of the virtuous; foremost in bowing to Śiva, imbued with true devotion to Śiva —

Verse 150 (shiva.vayaviya.66.150)

शिवाश्रितान् विशेषेण रक्षन् पुत्रानिवौरसान् । सत्कृत्य शिवयोराज्ञां स मे दिशतु मङ्गलम्

śivāśritān viśeṣeṇa rakṣan putrānivaurasān | satkṛtya śivayorājñāṃ sa me diśatu maṅgalam

who protects those who take refuge in Śiva with special care, as though they were his own true-born sons; honoring the command of Śiva and Śivā, may he grant me auspiciousness.

Verse 151 (shiva.vayaviya.66.151)

तालजङ्घादयस्तस्य प्रथमावरणेऽर्चिताः । सत्कृत्य शिवयोराज्ञां चत्वारः समवन्तु माम्

tālajaṅghādayastasya prathamāvaraṇe'rcitāḥ | satkṛtya śivayorājñāṃ catvāraḥ samavantu mām

Tālajaṅgha and the others, worshipped in his first enclosure; honoring the command of Śiva and Śivā, may these four aid me.

Verse 152 (shiva.vayaviya.66.152)

भैरवाद्याश्च ये चान्ये समन्तात्तस्य वेष्टिताः । तेऽपि मामनुगृह्णन्तु शिवशासनगौरवात्

bhairavādyāśca ye cānye samantāttasya veṣṭitāḥ | te'pi māmanugṛhṇantu śivaśāsanagauravāt

Bhairava and whatever others surround him on every side; may they too, by the majesty of Śiva's command, show me grace.

Verse 153 (shiva.vayaviya.66.153)

नारदाद्याश्च मुनयो दिव्या देवैश्च पूजिताः । साध्या नागाश्च ये देवा जनलोकनिवासिनः

nāradādyāśca munayo divyā devaiśca pūjitāḥ | sādhyā nāgāśca ye devā janalokanivāsinaḥ

Nārada and the other sages, divine, worshipped by the gods; the Sādhyas, and the serpent-gods, dwellers in the world of Jana —

Verse 154 (shiva.vayaviya.66.154)

विनिवृत्ताधिकाराश्च महर्लोकनिवासिनः । सप्तर्षयस्तथान्ये वै वैमानिकगुणैः सह

vinivṛttādhikārāśca maharlokanivāsinaḥ | saptarṣayastathānye vai vaimānikaguṇaiḥ saha

released from their office, dwellers in the world of Mahar; the seven sages too, and other gods possessed of celestial chariots —

Verse 155 (shiva.vayaviya.66.155)

सर्वे शिवार्चनरताः शिवाज्ञावशवर्तिनः । शिवयोराज्ञया मह्यं दिशन्तु समकाङ्क्षितम्

sarve śivārcanaratāḥ śivājñāvaśavartinaḥ | śivayorājñayā mahyaṃ diśantu samakāṅkṣitam

all devoted to the worship of Śiva, subject to Śiva's command; by the command of Śiva and Śivā, may they equally grant me what I desire.

Verse 156 (shiva.vayaviya.66.156)

गन्धर्वाद्याः पिशाचान्ताश्चतस्रो देवयोनयः । सिद्धा विद्याधराद्याश्च येऽपि चान्ये नभश्चराः

gandharvādyāḥ piśācāntāścatasro devayonayaḥ | siddhā vidyādharādyāśca ye'pi cānye nabhaścarāḥ

the gandharvas and the rest, down to the piśācas, the four divine species; the siddhas, and the vidyādharas and the rest, and whatever other sky-wanderers there are —

Verse 157 (shiva.vayaviya.66.157)

असुरा राक्षसाश्चैव पातालतलवासिनः । अनन्ताद्याश्च नागेन्द्रा वैनतेयादयो द्विजाः

asurā rākṣasāścaiva pātālatalavāsinaḥ | anantādyāśca nāgendrā vainateyādayo dvijāḥ

the asuras, and the rākṣasas too, dwellers in the depths of the netherworld; Ananta and the other serpent-lords, Vainateya and the other birds —

Verse 158 (shiva.vayaviya.66.158)

कूष्माण्डाः प्रेतवेताला ग्रहा भूतगणाः परे । डाकिन्यश्चापि योगिन्यः शाकिन्यश्चापि तादृशाः

kūṣmāṇḍāḥ pretavetālā grahā bhūtagaṇāḥ pare | ḍākinyaścāpi yoginyaḥ śākinyaścāpi tādṛśāḥ

the kūṣmāṇḍas, pretas, vetālas, planetary spirits, and the other hosts of bhūtas; the ḍākinīs too, the yoginīs, and likewise the śākinīs too —

Verse 159 (shiva.vayaviya.66.159)

क्षेत्रारामगृहादीनि तीर्थान्यायतनानि च । द्वीपाः समुद्रा नद्यश्च नदाश्चान्ये सरांसि च

kṣetrārāmagṛhādīni tīrthānyāyatanāni ca | dvīpāḥ samudrā nadyaśca nadāścānye sarāṃsi ca

sacred fields, gardens, houses and the rest, holy places, and temples; islands, oceans, rivers, and other streams, and lakes too —

Verse 160 (shiva.vayaviya.66.160)

गिरयश्च सुमेर्वाद्याः काननानि समन्ततः । पशवः पक्षिणो वृक्षाः कृमिकीटादयो मृगाः

girayaśca sumervādyāḥ kānanāni samantataḥ | paśavaḥ pakṣiṇo vṛkṣāḥ kṛmikīṭādayo mṛgāḥ

the mountains beginning with Meru, and the forests on every side; beasts, birds, trees, insects and the rest, and deer —

Verse 161 (shiva.vayaviya.66.161)

भुवनान्यपि सर्वाणि भुवनानामधीश्वराः । अण्डान्यावरणैः सार्धमासाश्च दश दिग्गजाः

bhuvanānyapi sarvāṇi bhuvanānāmadhīśvarāḥ | aṇḍānyāvaraṇaiḥ sārdhamāsāśca daśa diggajāḥ

all the worlds too, and the lords of the worlds; the cosmic Eggs, together with their enclosures, and the ten elephants of the directions —

Verse 162 (shiva.vayaviya.66.162)

वर्णाः पदानि मन्त्राश्च तत्त्वान्यपि सहाधिपैः । ब्रह्माण्डधारका रुद्रा रुद्राश्चान्ये सशक्तिकाः

varṇāḥ padāni mantrāśca tattvānyapi sahādhipaiḥ | brahmāṇḍadhārakā rudrā rudrāścānye saśaktikāḥ

the letters, words, mantras, and principles too, together with their respective lords; the Rudras who uphold the cosmic Egg, and the other Rudras, together with their Śaktis —

Verse 163 (shiva.vayaviya.66.163)

यच्च किञ्चिज्जगत्यस्मिन्दृष्टं चानुमितं श्रुतम् । सर्वे कामं प्रयच्छन्तु शिवयोरेव शासनात्

yacca kiñcijjagatyasmindṛṣṭaṃ cānumitaṃ śrutam | sarve kāmaṃ prayacchantu śivayoreva śāsanāt

whatever in this universe is seen, inferred, or heard — may all of these, by the command of Śiva and Śivā alone, grant me what I desire.

Verse 164 (shiva.vayaviya.66.164)

अथ विद्या परा शैवी पशुपाशविमोचिनी । पञ्चार्थसंज्ञिता दिव्या पशुविद्याबहिष्कृता

atha vidyā parā śaivī paśupāśavimocinī | pañcārthasaṃjñitā divyā paśuvidyābahiṣkṛtā

and then the supreme Śaiva Vidyā, the liberator from the bonds of the bound soul; called Pañcārtha, divine, transcending the knowledge of the bound —

Verse 165 (shiva.vayaviya.66.165)

शास्त्रं च शिवधर्माख्यं धर्माख्यं च तदुत्तरम् । शैवाख्यं शिवधर्माख्यं पुराणं श्रुतिसम्मितम्

śāstraṃ ca śivadharmākhyaṃ dharmākhyaṃ ca taduttaram | śaivākhyaṃ śivadharmākhyaṃ purāṇaṃ śrutisammitam

the scripture called Śivadharma, and the further Dharmaśāstra too; the Purāṇa called Śaiva, called Śivadharma, equal to the Veda —

Verse 166 (shiva.vayaviya.66.166)

शैवागमाश्च ये चान्ये कामिकाद्याश्चतुर्विधाः । शिवाभ्यामविशेषेण सत्कृत्येह समर्चिताः

śaivāgamāśca ye cānye kāmikādyāścaturvidhāḥ | śivābhyāmaviśeṣeṇa satkṛtyeha samarcitāḥ

and whatever other Śaivāgamas there are, of four kinds beginning with the Kāmika; equally honored by Śiva and Śivā, well worshipped here —

Verse 167 (shiva.vayaviya.66.167)

ताभ्यामेव समाज्ञाता ममाभिप्रेतसिद्धये । कर्मेदमनुमन्यन्तां सफलं साध्वनुष्ठितम्

tābhyāmeva samājñātā mamābhipretasiddhaye | karmedamanumanyantāṃ saphalaṃ sādhvanuṣṭhitam

duly sanctioned by both of them, for the accomplishment of what I desire; may they approve this well-performed, fruitful rite.

Verse 168 (shiva.vayaviya.66.168)

श्वेताद्या नकुलीशान्ताः सशिष्याश्चापि देशिकाः । तत्सन्ततीया गुरवो विशेषाद् गुरवो मम

śvetādyā nakulīśāntāḥ saśiṣyāścāpi deśikāḥ | tatsantatīyā guravo viśeṣād guravo mama

Śveta and the others, down to Nakulīśa, the teachers together with their disciples; the gurus of their lineage, and especially my own guru —

Verse 169 (shiva.vayaviya.66.169)

शैवा माहेश्वराश्चैव ज्ञानकर्मपरायणाः । कर्मेदमनुमन्यन्तां सफलं साध्वनुष्ठितम्

śaivā māheśvarāścaiva jñānakarmaparāyaṇāḥ | karmedamanumanyantāṃ saphalaṃ sādhvanuṣṭhitam

the Śaivas and Māheśvaras, intent on knowledge and ritual action; may they approve this well-performed, fruitful rite.

Verse 170 (shiva.vayaviya.66.170)

लौकिका ब्राह्मणाः सर्वे क्षत्रियाश्च विशः क्रमात् । वेदवेदाङ्गतत्त्वज्ञाः सर्वशास्त्रविशारदाः

laukikā brāhmaṇāḥ sarve kṣatriyāśca viśaḥ kramāt | vedavedāṅgatattvajñāḥ sarvaśāstraviśāradāḥ

all the worldly brāhmaṇas, and the kṣatriyas and vaiśyas in due order; those who know the truth of the Vedas and Vedāṅgas, skilled in all the scriptures —

Verse 171 (shiva.vayaviya.66.171)

साङ्ख्या वैशेषिकाश्चैव यौगा नैयायिका नराः । सौरा ब्रह्मास्तथा रौद्रा वैष्णवाश्चापरे नराः

sāṅkhyā vaiśeṣikāścaiva yaugā naiyāyikā narāḥ | saurā brahmāstathā raudrā vaiṣṇavāścāpare narāḥ

followers of Sāṅkhya, and Vaiśeṣika, Yoga, and Nyāya; the Saura, Brāhma, and Raudra, the Vaiṣṇavas, and men of other traditions —

Verse 172 (shiva.vayaviya.66.172)

शिष्टाः सर्वे विशिष्टाश्च शिवशासनयन्त्रिताः । कर्मेदमनुमन्यन्तां ममाभिप्रेतसाधकम्

śiṣṭāḥ sarve viśiṣṭāśca śivaśāsanayantritāḥ | karmedamanumanyantāṃ mamābhipretasādhakam

all the disciplined and distinguished, governed by Śiva's command; may they approve this rite, which accomplishes what I desire.

Verse 173 (shiva.vayaviya.66.173)

शैवाः सिद्धान्तमार्गस्थाः शैवाः पाशुपतास्तथा । शैवा महाव्रतधराः शैवाः कापालिकाः परे

śaivāḥ siddhāntamārgasthāḥ śaivāḥ pāśupatāstathā | śaivā mahāvratadharāḥ śaivāḥ kāpālikāḥ pare

the Śaivas established in the path of the Siddhānta, and the Pāśupata Śaivas too; the Śaivas bearing the great vow, and the other Śaivas, the Kāpālikas —

Verse 174 (shiva.vayaviya.66.174)

शिवाज्ञापालकाः पूज्या ममापि शिवशासनात् । सर्वे ममानुगृह्णन्तु शंसन्तु सफलक्रियाम्

śivājñāpālakāḥ pūjyā mamāpi śivaśāsanāt | sarve mamānugṛhṇantu śaṃsantu saphalakriyām

guardians of Śiva's command, worthy of worship, approved for me too by Śiva's ordinance; may all of them show me grace, and approve this fruitful rite.

Verse 175 (shiva.vayaviya.66.175)

दक्षिणज्ञाननिष्ठाश्च दक्षिणोत्तरमार्गगाः । अविरोधेन वर्तन्तां मन्त्रं श्रेयोऽर्थिनो मम

dakṣiṇajñānaniṣṭhāśca dakṣiṇottaramārgagāḥ | avirodhena vartantāṃ mantraṃ śreyo'rthino mama

those established in the Dakṣiṇa-knowledge, and those following the Dakṣiṇa-Uttara path; may they stand without opposition to this rite of mine, who seeks only well-being.

Verse 176 (shiva.vayaviya.66.176)

नास्तिकाश्च शठाश्चैव कृतघ्नाश्चैव तामसाः । पाषण्डाश्चातिपापाश्च वर्तन्तां दूरतो मम

nāstikāśca śaṭhāścaiva kṛtaghnāścaiva tāmasāḥ | pāṣaṇḍāścātipāpāśca vartantāṃ dūrato mama

the nāstikas, and the deceitful too, the ungrateful too, and the tamasic; the hypocrites, and the utterly sinful — let them remain far from me.

Verse 177 (shiva.vayaviya.66.177)

बहुभिः किं स्तुतैरत्र येऽपि केऽपि चिदास्तिकाः । सर्वे मामनुगृह्णन्तु सन्तः शंसन्तु मङ्गलम्

bahubhiḥ kiṃ stutairatra ye'pi ke'pi cidāstikāḥ | sarve māmanugṛhṇantu santaḥ śaṃsantu maṅgalam

what use is there here in much praise? Whoever, whatever they may be, are believers; may all of them show me grace, and may the virtuous approve this auspicious rite.

Verse 178 (shiva.vayaviya.66.178)

नमः शिवाय साम्बाय ससुतायादिहेतवे । पञ्चावरणरूपेण प्रपञ्चेनावृताय ते

namaḥ śivāya sāmbāya sasutāyādihetave | pañcāvaraṇarūpeṇa prapañcenāvṛtāya te

Salutation to Śiva, together with Umā, together with his sons, the primal cause! To you, who are enveloped by the expanse of the five enclosures — salutation!

Verse 179 (shiva.vayaviya.66.179)

इत्युक्त्वा दण्डवद् भूमौ प्रणिपत्य शिवं शिवाम् । जपेत्पञ्चाक्षरीं विद्यामष्टोत्तरशतावराम्

ityuktvā daṇḍavad bhūmau praṇipatya śivaṃ śivām | japetpañcākṣarīṃ vidyāmaṣṭottaraśatāvarām

Having said this, prostrating on the ground like a rod, bowing to Śiva and Śivā, he should recite the five-syllabled Vidyā one hundred and eight times.

Verse 180 (shiva.vayaviya.66.180)

तथैव शक्तिविद्यां च जपित्वा तत्समर्पणम् । कृत्वा तं क्षमयित्वेशं पूजाशेषं समापयेत्

tathaiva śaktividyāṃ ca japitvā tatsamarpaṇam | kṛtvā taṃ kṣamayitveśaṃ pūjāśeṣaṃ samāpayet

Likewise, having recited the Śakti-vidyā too, and offered it up; having asked forgiveness of the Lord, he should complete the remaining part of the worship.

Verse 181 (shiva.vayaviya.66.181)

एतत्पुण्यतमं स्तोत्रं शिवयोर्हृदयङ्गमम् । सर्वाभीष्टप्रदं साक्षाद्भुक्तिमुक्त्यैकसाधनम्

etatpuṇyatamaṃ stotraṃ śivayorhṛdayaṅgamam | sarvābhīṣṭapradaṃ sākṣādbhuktimuktyaikasādhanam

This most meritorious hymn, dear to the hearts of Śiva and Śivā, fulfills every desire, and is, in visible reality, the sole means to both worldly enjoyment and liberation.

Verse 182 (shiva.vayaviya.66.182)

य इदं कीर्तयेन्नित्यं शृणुयाद्वा समाहितः । स विधूयाशु पापानि शिवसायुज्यमाप्नुयात्

ya idaṃ kīrtayennityaṃ śṛṇuyādvā samāhitaḥ | sa vidhūyāśu pāpāni śivasāyujyamāpnuyāt

Whoever ever recites this, or listens to it with focused mind, quickly washes away his sins and attains union with Śiva.

Verse 183 (shiva.vayaviya.66.183)

गोघ्नश्चैव कृतघ्नश्च वीरहा भ्रूणहापि वा । शरणागतघाती च मित्रविश्रम्भघातकः

goghnaścaiva kṛtaghnaśca vīrahā bhrūṇahāpi vā | śaraṇāgataghātī ca mitraviśrambhaghātakaḥ

A slayer of a cow, and the ungrateful, a slayer of a hero, or even a slayer of an embryo; one who kills a person who has sought refuge, or who betrays a friend's trust —

Verse 184 (shiva.vayaviya.66.184)

दुष्टपापसमाचारो मातृहा पितृहापि वा । स्तवेनानेन जप्तेन तत्तत्पापात् प्रमुच्यते

duṣṭapāpasamācāro mātṛhā pitṛhāpi vā | stavenānena japtena tattatpāpāt pramucyate

one of wicked, sinful conduct, or even a slayer of mother or father — through the recitation of this hymn, he is freed from each of those sins.

Verse 185 (shiva.vayaviya.66.185)

दुःस्वप्नादिमहानर्थसूचकेषु भयेषु च । यदि सङ्कीर्तयेदेतन्न ततोऽनर्थभाग्भवेत्

duḥsvapnādimahānarthasūcakeṣu bhayeṣu ca | yadi saṅkīrtayedetanna tato'narthabhāgbhavet

In fears portending great misfortune, such as bad dreams and the like, if one recites this, he does not become a partaker of that misfortune.

Verse 186 (shiva.vayaviya.66.186)

आयुरारोग्यमैश्वर्यं यच्चान्यदपि वाञ्छितम् । स्तोत्रस्यास्य जपे तिष्ठंस्तत्सर्वं लभते नरः

āyurārogyamaiśvaryaṃ yaccānyadapi vāñchitam | stotrasyāsya jape tiṣṭhaṃstatsarvaṃ labhate naraḥ

Longevity, health, sovereignty, and whatever else is desired — the man who remains constant in the recitation of this hymn obtains all of it.

Verse 187 (shiva.vayaviya.66.187)

असम्पूज्य शिवस्तोत्रं जपात्फलमुदाहृतम् । सम्पूज्य च जपे तस्य फलं वक्तुं न शक्यते

asampūjya śivastotraṃ japātphalamudāhṛtam | sampūjya ca jape tasya phalaṃ vaktuṃ na śakyate

The fruit declared for the mere recitation, without worship, has been told; but the fruit of its recitation together with worship cannot be told at all.

Verse 188 (shiva.vayaviya.66.188)

आस्तामियं फलावाप्तिरस्मिन् सङ्कीर्तिते सति । सार्धमम्बिकया देवः श्रुत्यैवं दिवि तिष्ठति

āstāmiyaṃ phalāvāptirasmin saṅkīrtite sati | sārdhamambikayā devaḥ śrutyaivaṃ divi tiṣṭhati

Let alone this attainment of fruit — when this is recited, the god, together with Ambikā, by this very utterance takes his stand in the heavens.

Verse 189 (shiva.vayaviya.66.189)

तस्मान्नभसि सम्पूज्य देवदेवं सहोमया । कृताञ्जलिपुटस्तिष्ठन् स्तोत्रमेतदुदीरयेत्

tasmānnabhasi sampūjya devadevaṃ sahomayā | kṛtāñjalipuṭastiṣṭhan stotrametadudīrayet

Therefore, having duly worshipped, in the sky, the god of gods together with Umā, standing with joined palms, one should recite this hymn.