The Greatness of Worshipping the Lord of Arunachala

Verse 1 (skanda.1.109.1)

गौतम उवाच । शृणु देवि पुरावृत्तं कैलासे मेरुधन्विना । आदिष्टस्तीर्थयात्रार्थमहं लिंगानि वीक्षितुम्

gautama uvāca śṛṇu devi purāvṛttaṁ kailāse merudhanvinā ādiṣṭastīrthayātrārthamahaṁ liṁgāni vīkṣitum

Gautama said: Hear, O goddess, of that past event — at Kailasa, the wielder of Meru's bow commanded me to go on pilgrimage to behold the lingas.

Verse 2 (skanda.1.109.2)

रुद्रक्षेत्रे च केदारे तथा बदरिकाश्रमे । काश्यां पुण्येषु देशेषु तथा श्रीपर्वते शिवे

rudrakṣetre ca kedāre tathā badarikāśrame kāśyāṁ puṇyeṣu deśeṣu tathā śrīparvate śive

In Rudrakshetra, in Kedara, in Badarikashrama, in Kashi, and in the sacred lands, and at Shiva's own Shriparvata too.

Verse 3 (skanda.1.109.3)

कांचीमुख्यासु पुण्यासु पुरीष्वप्यगमं तदा । ऋषिभिर्विबुधैः सार्थैर्गणैर्योगिभिरुत्तमैः

kāṁcīmukhyāsu puṇyāsu purīṣvapyagamaṁ tadā ṛṣibhirvibudhaiḥ sārthairgaṇairyogibhiruttamaiḥ

To the sacred cities headed by Kanchi too I then went, together with sages, gods, ganas, and the foremost yogis.

Verse 4 (skanda.1.109.4)

स्थापितानि च लिंगानि स्वयंभूनि च दृष्टवान् । तत्रतत्र महाभागे तीर्थानि शिवसन्निधौ

sthāpitāni ca liṁgāni svayaṁbhūni ca dṛṣṭavān tatratatra mahābhāge tīrthāni śivasannidhau

There and there, in the fords near Shiva's presence, I beheld the lingas both established by others and those self-manifest, O most blessed one.

Verse 5 (skanda.1.109.5)

सेवमानः सशिष्योऽहं पर्यटन्पृथिवीमिमाम् । एवं तीर्थानि सर्वाणि गाहमानो व्रतान्वितः

sevamānaḥ saśiṣyo'haṁ paryaṭanpṛthivīmimām evaṁ tīrthāni sarvāṇi gāhamāno vratānvitaḥ

Serving thus with my disciples, wandering across this earth, immersing myself in all the fords, bound to my vows,

Verse 6 (skanda.1.109.6)

तपांसि यज्ञकर्माणि कुर्वन्भूमिं समाचरन् । शिवस्मरणसंयुक्तः शिवलिंगानि सन्नमन्

tapāṁsi yajñakarmāṇi kurvanbhūmiṁ samācaran śivasmaraṇasaṁyuktaḥ śivaliṁgāni sannaman

performing austerities and sacrificial rites, traversing the land, joined to the remembrance of Shiva, bowing well before the Shiva-lingas,

Verse 7 (skanda.1.109.7)

सर्वाणि भुवि पुण्यानि देशमेतमुपाश्रयम् । अत्र देवं महादेवमविकेशं त्रियंबकम्

sarvāṇi bhuvi puṇyāni deśametamupāśrayam atra devaṁ mahādevamavikeśaṁ triyaṁbakam

after all the sacred places of the earth, I took refuge in this very land; here the God Mahadeva, unfading, three-eyed —

Verse 8 (skanda.1.109.8)

अरुणाद्रिरितिख्यातं पर्वतं लिंगमैक्षिषि । अत्र सिद्धा महात्मानो मुनयश्च दृढव्रताः

aruṇādriritikhyātaṁ parvataṁ liṁgamaikṣiṣi atra siddhā mahātmāno munayaśca dṛḍhavratāḥ

— the mountain renowned by the name Arunadri, itself in the form of a linga, I beheld; here siddhas, great souls, and sages of firm vow —

Verse 9 (skanda.1.109.9)

कंदमूलफलाहारा दृष्टाः शोणाद्रि सेवकाः । अस्तौषमादिमं लिंगमरुणाद्रिमयं महत्

kaṁdamūlaphalāhārā dṛṣṭāḥ śoṇādri sevakāḥ astauṣamādimaṁ liṁgamaruṇādrimayaṁ mahat

— living on roots, bulbs, and fruit, servants of Shonadri, appeared before me; I praised that great, primal linga in the form of Arunadri.

Verse 10 (skanda.1.109.10)

आद्येन ब्रह्मणा पूर्वमर्चितं दिव्यचक्षुषा । असौ यस्ताम्रो अरुण उत बभ्रुः सुमंगलः

ādyena brahmaṇā pūrvamarcitaṁ divyacakṣuṣā asau yastāmro aruṇa uta babhruḥ sumaṁgalaḥ

— this linga, worshipped of old by the primal Brahma with his very divine eyes — 'He who is copper-hued, ruddy, or tawny, of surpassing auspiciousness' —

Verse 11 (skanda.1.109.11)

इति वेदा स्तुवंति त्वामरुणाद्रीश संततम् । नमस्ताम्राय चारुणाय शिवाय परमात्मने

iti vedā stuvaṁti tvāmaruṇādrīśa saṁtatam namastāmrāya cāruṇāya śivāya paramātmane

— thus do the Vedas ceaselessly praise you, O Lord of the red mountain; salutation to the coppery, ruddy Shiva, the supreme Self.

Verse 12 (skanda.1.109.12)

सर्ववेदस्वरूपाय नित्यायामृतमूर्त्तये । कालाय करुणार्द्राय दृष्टिपेयामृताब्धये

sarvavedasvarūpāya nityāyāmṛtamūrttaye kālāya karuṇārdrāya dṛṣṭipeyāmṛtābdhaye

Salutation to you, the very form of all the Vedas, eternal, of immortal form, of the nature of time itself, moist with compassion, an ocean of nectar to be drunk by the mere sight.

Verse 13 (skanda.1.109.13)

भक्तवात्सल्यपूर्णाय पुण्याय पुरभेदिने । दर्शनं तव देवेश सर्वधर्मफलप्रदम्

bhaktavātsalyapūrṇāya puṇyāya purabhedine darśanaṁ tava deveśa sarvadharmaphalapradam

Salutation to you, full of tenderness for your devotees, holy, splitter of the triple city; O Lord of gods, your very sight bestows the fruit of every dharma.

Verse 14 (skanda.1.109.14)

भुवि लब्धवता भूयो नान्यत्कार्यं तपः क्वचित् । भवता कर्मभूरेषा वर्ततेद्य निरोधिता

bhuvi labdhavatā bhūyo nānyatkāryaṁ tapaḥ kvacit bhavatā karmabhūreṣā vartatedya nirodhitā

'Having attained you upon this earth, there remains for me nowhere else any other austerity to perform; through you alone has this very land of action now, as it were, been brought to its close.'

Verse 15 (skanda.1.109.15)

प्रार्थयते स्वयं वासान्देवाश्चात्र त्वदाश्रये । कालसंग्रहसंजातं फलं लब्धं मयाधुना

prārthayate svayaṁ vāsāndevāścātra tvadāśraye kālasaṁgrahasaṁjātaṁ phalaṁ labdhaṁ mayādhunā

'The gods themselves entreat to dwell here in your very refuge; the fruit born of the long accumulation of time I have now myself obtained.'

Verse 16 (skanda.1.109.16)

अन्यत्कृतं तपः सर्वं त्वद्दर्शनफलं मम । ईदृशं तव देवेश रूपमत्यद्भुतोदयम्

anyatkṛtaṁ tapaḥ sarvaṁ tvaddarśanaphalaṁ mama īdṛśaṁ tava deveśa rūpamatyadbhutodayam

'The fruit of every other austerity I have performed is your very sight alone; O Lord of gods, such is this form of yours, of most wondrous rising.'

Verse 17 (skanda.1.109.17)

एकमद्रिमयं लिंगं न क्वचिद्दृष्टवान्भुवि । सूर्येंद्वग्निसुसंयुक्त कोणत्रयमनोहरम्

ekamadrimayaṁ liṁgaṁ na kvaciddṛṣṭavānbhuvi sūryeṁdvagnisusaṁyukta koṇatrayamanoharam

'Nowhere on this earth have I beheld a single mountain-formed linga such as this, delightful with its three corners well joined to sun, moon, and fire.'

Verse 18 (skanda.1.109.18)

त्रिमूर्तिरूप देवेश दृश्यते ते वपुर्महत् । शक्तित्रयस्वरूपेण कालत्रयविधानकम्

trimūrtirūpa deveśa dṛśyate te vapurmahat śaktitrayasvarūpeṇa kālatrayavidhānakam

'O Lord of gods, this great body of yours is seen in threefold form, ordaining the three times through the very nature of the three Shaktis.'

Verse 19 (skanda.1.109.19)

त्रिवेदात्मं त्रिकोणांगं लिंगं ते दृष्टमद्भुतम् । त्रैलोक्यरक्षणार्थाय विततं रूपमास्थितः

trivedātmaṁ trikoṇāṁgaṁ liṁgaṁ te dṛṣṭamadbhutam trailokyarakṣaṇārthāya vitataṁ rūpamāsthitaḥ

'I have beheld this wondrous linga of yours, of the nature of the three Vedas, its limbs triangular, established in vast form for the protection of the triple world.'

Verse 20 (skanda.1.109.20)

दृश्यते वसुधाभागे शोणाद्रिरिति विश्रुतः । अजानतां च मर्त्यानां समालोकनमात्रतः

dṛśyate vasudhābhāge śoṇādririti viśrutaḥ ajānatāṁ ca martyānāṁ samālokanamātrataḥ

'It is seen on the surface of this earth, renowned by the name Shonadri; for mortals too, even unknowing, by the mere sight of it alone,'

Verse 21 (skanda.1.109.21)

वितरत्यखिलान्भोगान्व्याजकरुणानिधिः । अर्चया रहितं लिंगमन्यं शून्यमुदाहृतम्

vitaratyakhilānbhogānvyājakaruṇānidhiḥ arcayā rahitaṁ liṁgamanyaṁ śūnyamudāhṛtam

'— this ocean of veiled compassion bestows every enjoyment; whereas any other linga devoid of worship is spoken of as merely void.'

Verse 22 (skanda.1.109.22)

इदं तु पूजितं देवैः सदा सर्ववरप्रदम् । प्रसीद करुणापूर्ण शोणाचल महेश्वर

idaṁ tu pūjitaṁ devaiḥ sadā sarvavarapradam prasīda karuṇāpūrṇa śoṇācala maheśvara

'But this one, ever worshipped by the gods, grants every boon. Be gracious, O Shonachala Maheshvara, full of compassion!'

Verse 23 (skanda.1.109.23)

त्रायस्व भवभीतं मां प्रपन्नं भक्तवत्सल । द्रष्टव्यं द्रष्टमेतत्ते रूपमत्यद्भुतं महत्

trāyasva bhavabhītaṁ māṁ prapannaṁ bhaktavatsala draṣṭavyaṁ draṣṭametatte rūpamatyadbhutaṁ mahat

'O tender one to devotees, save me, fearful of worldly existence, who have taken refuge in you! This great and most wondrous form of yours, fit to be seen, I have now seen.'

Verse 24 (skanda.1.109.24)

कृतार्थय कृपासिंधो शरण्य शरणागतम् । इति संस्तूयमानो मे देवः शोणाचलेश्वरः

kṛtārthaya kṛpāsiṁdho śaraṇya śaraṇāgatam iti saṁstūyamāno me devaḥ śoṇācaleśvaraḥ

'O ocean of compassion, O giver of refuge, fulfill this one who has come to you for shelter!' — thus praised by me, that God, Lord of Shonachala,

Verse 25 (skanda.1.109.25)

अदर्शयत्परं रूपं दिव्यमेहीत्युवाच माम् । प्रीतोऽस्मि भवतः स्तोत्रैर्भक्त्या च परया भृशम्

adarśayatparaṁ rūpaṁ divyamehītyuvāca mām prīto'smi bhavataḥ stotrairbhaktyā ca parayā bhṛśam

showed to me his supreme, divine form, and said, 'Come — I am well pleased indeed by your hymns and by your surpassing devotion.'

Verse 26 (skanda.1.109.26)

अत्रैव भवतो वासो नित्यमस्तु ममांतिके । संपूजय च मां नित्यं भुवि भोगैः सनातनैः

atraiva bhavato vāso nityamastu mamāṁtike saṁpūjaya ca māṁ nityaṁ bhuvi bhogaiḥ sanātanaiḥ

'Let your dwelling be ever right here, close to me; worship me here always, upon this earth, with eternal offerings.'

Verse 27 (skanda.1.109.27)

तपसा तप सर्वेषां महत्त्वमिह दर्शय । पूर्वं कैलासशिखरे वसंतं त्वां तपोन्वितम्

tapasā tapa sarveṣāṁ mahattvamiha darśaya pūrvaṁ kailāsaśikhare vasaṁtaṁ tvāṁ taponvitam

'Through austerity, be austere, and display here for all to see this greatness. You, who once dwelt on the peak of Kailasa, given over to austerity —'

Verse 28 (skanda.1.109.28)

आदिशं पृथिवीभागं शोणाद्रौ पूजयेति माम् । सप्तर्षिपूजिता पूजा दिवि मे संप्रकाशते

ādiśaṁ pṛthivībhāgaṁ śoṇādrau pūjayeti mām saptarṣipūjitā pūjā divi me saṁprakāśate

'— I now command: worship me on this earthly portion, on Shonadri; the worship offered by the seven sages shines forth for me even in heaven.'

Verse 29 (skanda.1.109.29)

तथा नित्यार्चनायुक्त प्रकाशय धरातले । सर्वेषामेव जंतूनां हिताय त्वं तपोऽधिकः

tathā nityārcanāyukta prakāśaya dharātale sarveṣāmeva jaṁtūnāṁ hitāya tvaṁ tapo'dhikaḥ

'So too, joined to constant worship, make me manifest upon the surface of the earth, for the good of all creatures, O foremost in austerity!'

Verse 30 (skanda.1.109.30)

भुवि मां पूजयार्चाभिरागमोक्ताभिरादरात् । दिव्या मम महापूजा दृश्या हि दिवि दैवतैः

bhuvi māṁ pūjayārcābhirāgamoktābhirādarāt divyā mama mahāpūjā dṛśyā hi divi daivataiḥ

'Worship me on earth, with reverence, through the rites prescribed in the Agamas; my divine great worship is indeed to be seen by the gods in heaven.'

Verse 31 (skanda.1.109.31)

प्रकाशनीया भवता पार्थिवी वसुधातले । माहात्म्यं पूर्वमेवोक्तं यथाहमरुणाचलः

prakāśanīyā bhavatā pārthivī vasudhātale māhātmyaṁ pūrvamevoktaṁ yathāhamaruṇācalaḥ

'You must make manifest upon the surface of this earth this earthly form; the greatness has already been declared — that I am indeed Arunachala.'

Verse 32 (skanda.1.109.32)

स्थितो वसुंधराभागे मया प्रीतं तु ते भृशम् । ये वा संपूजयंति स्म पूर्वं मां सुकृताधिकाः

sthito vasuṁdharābhāge mayā prītaṁ tu te bhṛśam ye vā saṁpūjayaṁti sma pūrvaṁ māṁ sukṛtādhikāḥ

'Established in this portion of the earth, I am exceedingly pleased with you; those meritorious ones who worshipped me before —'

Verse 33 (skanda.1.109.33)

तेभ्यस्त्वमधिको भूमौ प्रकाशस्व शिवार्चनम् । इत्यादिष्टो हि देवेशं प्रणम्य भवभक्तिमान्

tebhyastvamadhiko bhūmau prakāśasva śivārcanam ityādiṣṭo hi deveśaṁ praṇamya bhavabhaktimān

'— even beyond them, make manifest here on earth the worship of Shiva.' Thus instructed, I, devoted to Shiva, bowing before the God of gods,

Verse 34 (skanda.1.109.34)

अन्वपृच्छं दयापूर्णमरुणाद्रीशमानमन् । अनासाद्यमिदं रूपमग्निरूपं महेश्वरम्

anvapṛcchaṁ dayāpūrṇamaruṇādrīśamānaman anāsādyamidaṁ rūpamagnirūpaṁ maheśvaram

asked once more, bowing, of the compassion-filled Lord of the red mountain: 'This form of fire, this unapproachable Maheshvara —'

Verse 35 (skanda.1.109.35)

कथमद्यार्चयाम्येनं मर्त्यलोकोचितार्चनैः । आदेशमिममन्वर्थं कथं वा कल्पयाम्यहम्

kathamadyārcayāmyenaṁ martyalokocitārcanaiḥ ādeśamimamanvarthaṁ kathaṁ vā kalpayāmyaham

'— how shall I today worship him with rites fitting for the mortal world? How indeed shall I fashion this command, true to its very meaning?'

Verse 36 (skanda.1.109.36)

उपायमादिश श्रीमन्नभिगम्यो यथा भवान् । इति विज्ञापितो देवः श्रीमाञ्छोणाचलेश्वरः

upāyamādiśa śrīmannabhigamyo yathā bhavān iti vijñāpito devaḥ śrīmāñchoṇācaleśvaraḥ

'Instruct me, O glorious one, in the means by which you might become approachable' — thus entreated, that glorious God, Lord of Shonachala,

Verse 37 (skanda.1.109.37)

अन्वग्रहीदशेषात्मा प्रणतं मां दयानिधिः । अहं तु सूक्ष्मलिंगानि प्रकाशिष्ये महीतले

anvagrahīdaśeṣātmā praṇataṁ māṁ dayānidhiḥ ahaṁ tu sūkṣmaliṁgāni prakāśiṣye mahītale

that ocean of compassion, soul of all, favoured me as I bowed before him: 'I myself shall become manifest upon this earth in subtle lingas.'

Verse 38 (skanda.1.109.38)

आगमोक्तक्रियाभेदैः पूजां मे प्रतिपादय । पंचावरणसंयुक्तं लिंगं मे सूक्ष्ममद्भुतम्

āgamoktakriyābhedaiḥ pūjāṁ me pratipādaya paṁcāvaraṇasaṁyuktaṁ liṁgaṁ me sūkṣmamadbhutam

'Establish my worship through the various rites prescribed in the Agamas; this wondrous subtle linga of mine, joined with the five enclosures —'

Verse 39 (skanda.1.109.39)

अरुणाद्रीश्वराभिख्यं संपूजय तपोबलैः । इत्यादिश्य महादेवः स्वयंभु विमलं महत्

aruṇādrīśvarābhikhyaṁ saṁpūjaya tapobalaiḥ ityādiśya mahādevaḥ svayaṁbhu vimalaṁ mahat

'— worship it, under the name Arunadrishvara, through the power of austerity.' Thus instructing me, the self-manifest, spotless, great Mahadeva, Shiva,

Verse 40 (skanda.1.109.40)

रूपं मे दर्शयामास सूक्ष्मलिंगात्मना शिवः । आलोक्य विमलं लिंगं सूक्ष्मं तत्स्वयमुच्छ्रितम्

rūpaṁ me darśayāmāsa sūkṣmaliṁgātmanā śivaḥ ālokya vimalaṁ liṁgaṁ sūkṣmaṁ tatsvayamucchritam

showed me his own form in the very nature of a subtle linga; and beholding that pure and subtle linga, itself self-risen,

Verse 41 (skanda.1.109.41)

अशेषाऽऽवरणोपेतं कृतार्थहृदयोऽभवम् । पुनर्व्यज्ञापयं देवं शम्भुमाश्रितवत्सलम्

aśeṣā''varaṇopetaṁ kṛtārthahṛdayo'bhavam punarvyajñāpayaṁ devaṁ śambhumāśritavatsalam

complete with every enclosure, my heart became fulfilled; again I petitioned Shambhu, that God tender to those who take refuge in him.

Verse 42 (skanda.1.109.42)

आगमोक्तप्रकाराणामनिरीक्ष्यत्वमागतम् । कथं तु तव रूपाणां नामभेदान्वियोजितान्

āgamoktaprakārāṇāmanirīkṣyatvamāgatam kathaṁ tu tava rūpāṇāṁ nāmabhedānviyojitān

'The rites prescribed in the Agamas have become impossible to observe directly — how then, for your forms, divided into their separate names,'

Verse 43 (skanda.1.109.43)

जानीयां करुणामूर्ते स्वयमीश्वर मत्प्रभो । पूजकास्तव के वा स्युर्मंदिरं वात्र कीदृशम्

jānīyāṁ karuṇāmūrte svayamīśvara matprabho pūjakāstava ke vā syurmaṁdiraṁ vātra kīdṛśam

'— how am I, O embodiment of compassion, O self-ruling Lord, my own master, to know this? Who shall be your worshippers here, and what manner of temple shall there be?'

Verse 44 (skanda.1.109.44)

कथं स्तोत्रं कथं पूजा के वात्र परिचारकाः । स्थानरक्षा कथं वा स्यात्के वात्मपरिरक्षकाः

kathaṁ stotraṁ kathaṁ pūjā ke vātra paricārakāḥ sthānarakṣā kathaṁ vā syātke vātmaparirakṣakāḥ

'How shall the hymn be, how the worship, and who shall be the attendants here? How shall the guardianship of this place be, and who shall be its protectors?'

Verse 45 (skanda.1.109.45)

कथं वा मानुषी पूजा नित्या संवर्धते तव । आगता बहवो देवाः श्रद्धेयं मनुजैः कथम्

kathaṁ vā mānuṣī pūjā nityā saṁvardhate tava āgatā bahavo devāḥ śraddheyaṁ manujaiḥ katham

'And how shall this human worship of you ever go on increasing? Many gods have come here — how shall this become an object of faith for men?'

Verse 46 (skanda.1.109.46)

प्रसीद परमेशान स्वयमाज्ञापयाखिलम् । एवं विज्ञापितो देवः शोणाद्रीशः स्वयं प्रभुः

prasīda parameśāna svayamājñāpayākhilam evaṁ vijñāpito devaḥ śoṇādrīśaḥ svayaṁ prabhuḥ

'O Supreme Lord, be gracious, and command all of this yourself.' Thus entreated, that God, Lord of Shonadri, the Lord himself,

Verse 47 (skanda.1.109.47)

आज्ञापयत्तदा देवो विश्वकर्माणमागतम् । सृज त्वं नगरं दिव्यमरुणाख्यं गुणाधिकम्

ājñāpayattadā devo viśvakarmāṇamāgatam sṛja tvaṁ nagaraṁ divyamaruṇākhyaṁ guṇādhikam

then commanded Vishvakarma, who had arrived there: 'Fashion a divine city, surpassing in virtues, called by the name Aruna.'

Verse 48 (skanda.1.109.48)

मंदिरं मम दिव्यं च महामणिगणोज्ज्वलम् । तौर्यत्रिकं सपर्यांगं तन्मे सर्वं प्रकल्पय

maṁdiraṁ mama divyaṁ ca mahāmaṇigaṇojjvalam tauryatrikaṁ saparyāṁgaṁ tanme sarvaṁ prakalpaya

'And my divine temple too, bright with great hosts of gems, together with the triad of musical instruments and all the limbs of worship — fashion all of this for me.'

Verse 49 (skanda.1.109.49)

आबभाषे शिवः श्रीमान्नामभेदार्चनक्रमम् । व्रतं च करुणामूर्त्तिररुणाद्रीश्वरः शिवः

ābabhāṣe śivaḥ śrīmānnāmabhedārcanakramam vrataṁ ca karuṇāmūrttiraruṇādrīśvaraḥ śivaḥ

The glorious Shiva, embodiment of compassion, Lord of Arunadri, then spoke of the order of worship according to the various names, and of the vow.

Verse 50 (skanda.1.109.50)

शृणु तन्मे च ये सृष्टा पूजार्थं परिचारकाः । शृणु गौतम सर्वं मे मानुषं पूजनक्रमम्

śṛṇu tanme ca ye sṛṣṭā pūjārthaṁ paricārakāḥ śṛṇu gautama sarvaṁ me mānuṣaṁ pūjanakramam

'Hear from me those who were created as attendants for my worship; hear from me, Gautama, my entire order of human worship.'

Verse 51 (skanda.1.109.51)

य एष सर्वलोकानां क्षेमाय प्रथते भुवि । इदं तेजोमयं लिंगमतुलं दृश्यते महत्

ya eṣa sarvalokānāṁ kṣemāya prathate bhuvi idaṁ tejomayaṁ liṁgamatulaṁ dṛśyate mahat

'This great, unmatched linga of light, which spreads for the welfare of all worlds, is seen here.'

Verse 52 (skanda.1.109.52)

अरुणाद्रीश्वराभिख्यं पूज्यतां सततं त्वया । शक्तिर्ममोत्तरे भागे पूज्या नित्योदया मुदा

aruṇādrīśvarābhikhyaṁ pūjyatāṁ satataṁ tvayā śaktirmamottare bhāge pūjyā nityodayā mudā

'Worship it continuously under the name Arunadrishvara. My Shakti, in the northern part, ever-rising, is to be worshipped with joy.'

Verse 53 (skanda.1.109.53)

दधती स्थानमाहात्म्यमपीतकुचनामिका । अरुणाचलराजोयमविभागः प्रियान्वितः

dadhatī sthānamāhātmyamapītakucanāmikā aruṇācalarājoyamavibhāgaḥ priyānvitaḥ

'She, bearing the greatness of this place, named Apitakucha — this king Arunachala is inseparable from her, ever accompanied by his beloved.'

Verse 54 (skanda.1.109.54)

उत्सवार्थो महादेवः पूज्यो भोगसुतावृतः । बोधदो भक्तलोकस्य दत्ताभयकरः शिवः

utsavārtho mahādevaḥ pūjyo bhogasutāvṛtaḥ bodhado bhaktalokasya dattābhayakaraḥ śivaḥ

'For festivals Mahadeva is to be worshipped, surrounded by enjoyment and by his son; Shiva, bestower of awakening on the multitude of devotees, granter of the gesture of fearlessness.'

Verse 55 (skanda.1.109.55)

सारंगं परशुं विभ्रत्प्रसन्नवदनः सदा । उमास्कन्देश्वरः शम्भुर्दिव्यरत्नविभूषणः

sāraṁgaṁ paraśuṁ vibhratprasannavadanaḥ sadā umāskandeśvaraḥ śambhurdivyaratnavibhūṣaṇaḥ

'Bearing the deer and the axe, ever of a pleased countenance, Shambhu, lord of Uma and Skanda, adorned with divine gems.'

Verse 56 (skanda.1.109.56)

आभया भासयँल्लोकानविकुण्ठश्रियान्वितः । शक्तेरुत्सवभद्रे च संपूज्या सुंदरेश्वरी

ābhayā bhāsaya~llokānavikuṇṭhaśriyānvitaḥ śakterutsavabhadre ca saṁpūjyā suṁdareśvarī

'Illumining the worlds with his very radiance, endowed with unfading glory — and, for the festival of the Shakti, the beautiful Sundareshvari is to be worshipped.'

Verse 57 (skanda.1.109.57)

सर्वभूषणसंयुक्ता शृङ्गाररसवर्द्धनी । बालो गणपतिः पूज्यः पुरस्ताद्भूतिनन्दनः

sarvabhūṣaṇasaṁyuktā śṛṅgārarasavarddhanī bālo gaṇapatiḥ pūjyaḥ purastādbhūtinandanaḥ

'Adorned with every ornament, increasing the flavour of romantic beauty; in front, the child Ganapati is to be worshipped, delighter in prosperity.'

Verse 58 (skanda.1.109.58)

मदंतिकमलंकुर्वन्भक्ष्यैर्भोज्यैर्बहूदयैः । मत्पार्श्वमविमुंचंती शोणरेखांचितेक्षणा

madaṁtikamalaṁkurvanbhakṣyairbhojyairbahūdayaiḥ matpārśvamavimuṁcaṁtī śoṇarekhāṁcitekṣaṇā

'Adorning my very presence with many kinds of food and delicacies, never leaving my side, her eyes marked with a streak of red —'

Verse 59 (skanda.1.109.59)

उत्सवार्था परा शक्तिरंतिकस्थैव पूज्यताम् । मुखरांघ्रिपतिः श्रीमान्नृत्यंस्तांडवपण्डितः

utsavārthā parā śaktiraṁtikasthaiva pūjyatām mukharāṁghripatiḥ śrīmānnṛtyaṁstāṁḍavapaṇḍitaḥ

'— for the festival, that supreme Shakti is to be worshipped right in my presence. And he of resounding feet, skilled in the tandava dance, the glorious one —'

Verse 60 (skanda.1.109.60)

उत्सवार्थं समभ्यर्च्यश्चक्षुरग्रेऽमृतेश्वरः । शक्तिश्चान्या महाभागा संपूज्या भूविनायका

utsavārthaṁ samabhyarcyaścakṣuragre'mṛteśvaraḥ śaktiścānyā mahābhāgā saṁpūjyā bhūvināyakā

'— for the festival, Amriteshvara is to be fully worshipped before the eyes; and another great and glorious Shakti too is to be worshipped, guardian-goddess of this earth.'

Verse 61 (skanda.1.109.61)

द्वारे नन्दी महाकालः पुरस्तात्सूर्यसंनिभः । भक्तानां मम सर्वेषां पूजनं चापि कल्प्यताम्

dvāre nandī mahākālaḥ purastātsūryasaṁnibhaḥ bhaktānāṁ mama sarveṣāṁ pūjanaṁ cāpi kalpyatām

'At the gate, Nandi; in front, Mahakala, resembling the sun — and the worship of all my devotees too is to be arranged.'

Verse 62 (skanda.1.109.62)

दक्षिणे मातरः पूज्या विघ्नशास्तृसमन्विताः । संपूज्यो नैर्ऋते कोणे विघ्ननाशो विनायकाः

dakṣiṇe mātaraḥ pūjyā vighnaśāstṛsamanvitāḥ saṁpūjyo nairṛte koṇe vighnanāśo vināyakāḥ

'In the south, the Mother-goddesses are to be worshipped, together with the controller of obstacles; in the southwest corner, Vinayaka, remover of obstacles, is to be worshipped.'

Verse 63 (skanda.1.109.63)

स्कन्दः शक्तिधरश्चैवैशानकोणे समर्च्यताम् । लिंगानि च मनोज्ञानि पूजनीयान्यनन्तरम्

skandaḥ śaktidharaścaivaiśānakoṇe samarcyatām liṁgāni ca manojñāni pūjanīyānyanantaram

'Skanda, bearer of the spear, is to be duly worshipped in the northeast corner; and delightful subsidiary lingas too are to be worshipped thereafter.'

Verse 64 (skanda.1.109.64)

मंदिरं मम संपूज्य दक्षिणामूर्ति दक्षिणम् । पश्चिमे विष्णुरूपांकमग्निरूपान्वितं तथा

maṁdiraṁ mama saṁpūjya dakṣiṇāmūrti dakṣiṇam paścime viṣṇurūpāṁkamagnirūpānvitaṁ tathā

'Having worshipped my temple, worship Dakshinamurti in the south, and in the west the image marked with Vishnu's form, together with the form of Agni too.'

Verse 65 (skanda.1.109.65)

उत्तरे ब्रह्मरूपांकं पूर्वे सारंगभूयुतम् । सर्वदेवगुणोपेतं सर्वशक्तिसमन्वितम्

uttare brahmarūpāṁkaṁ pūrve sāraṁgabhūyutam sarvadevaguṇopetaṁ sarvaśaktisamanvitam

'In the north the image marked with Brahma's form, in the east that joined with the deer — endowed with the qualities of every god, joined with every Shakti.'

Verse 66 (skanda.1.109.66)

अपीतकुचनाथायाः सर्वशक्तिसमन्वितम् । मंदिरं गुरु संपूज्य दिक्पालकवधूवृतम्

apītakucanāthāyāḥ sarvaśaktisamanvitam maṁdiraṁ guru saṁpūjya dikpālakavadhūvṛtam

'Having worshipped also the great temple of Apitakuchanatha, joined with every Shakti, surrounded by the wives of the guardians of the directions,'

Verse 67 (skanda.1.109.67)

मंदिरस्यावनार्थाय देवीर्वैभवनायकाः

maṁdirasyāvanārthāya devīrvaibhavanāyakāḥ

'— and, for the protection of the temple, let there be goddesses too, mistresses of that majesty.'

Verse 68 (skanda.1.109.68)

क्षेत्रपालं तु संपूज्य सर्वावरणसंयुतम् । पुत्रस्य त्राणमायाता पूज्यारुणगिरीश्वरी

kṣetrapālaṁ tu saṁpūjya sarvāvaraṇasaṁyutam putrasya trāṇamāyātā pūjyāruṇagirīśvarī

'Having fully worshipped Kshetrapala, together with all the surrounding attendant deities — Arunagirishvari, come for the protection of her son, is to be worshipped.'

Verse 69 (skanda.1.109.69)

काली बहुविधाश्चान्या देवता विधिपालकाः । उत्सवा विविधाः कल्प्याः प्रतिमासमहोदयाः

kālī bahuvidhāścānyā devatā vidhipālakāḥ utsavā vividhāḥ kalpyāḥ pratimāsamahodayāḥ

'Kali, and various other deities, upholders of the sacred order — let various festivals be established, each month, with great celebration.'

Verse 70 (skanda.1.109.70)

सृजस्व कन्यका दिव्याः शिवदेवार्हणे रताः । नृत्तगीतकलाभिज्ञा रूपसौभाग्यसंयुताः

sṛjasva kanyakā divyāḥ śivadevārhaṇe ratāḥ nṛttagītakalābhijñā rūpasaubhāgyasaṁyutāḥ

'Create divine maidens, devoted to the worship of Shiva and the God, skilled in the arts of dance and song, endowed with beauty and good fortune.'

Verse 71 (skanda.1.109.71)

चारुविभ्रमसंयुक्ताः कामदा नित्यपावनाः । शिष्यानादिश वेदज्ञान्सदाचारसमुज्ज्वलान्

cāruvibhramasaṁyuktāḥ kāmadā nityapāvanāḥ śiṣyānādiśa vedajñānsadācārasamujjvalān

'Possessed of charming grace, bestowers of desire, eternally pure — and appoint too disciples, knowers of the Vedas, resplendent with good conduct.'

Verse 72 (skanda.1.109.72)

दिव्योपचारसंसिद्ध्यै सुभगाञ्छुद्धचेतसः । दीक्षितान्विमलाञ्छुद्धाञ्छैवागमविशारदान्

divyopacārasaṁsiddhyai subhagāñchuddhacetasaḥ dīkṣitānvimalāñchuddhāñchaivāgamaviśāradān

'For the accomplishment of the divine service, appoint those handsome and pure of mind — initiated, spotless, pure, and learned in the Shaiva Agamas.'

Verse 73 (skanda.1.109.73)

शैवाचारप्रसिद्ध्यर्थमादिशाभ्यर्चने मम । मार्द्दलाञ्छांखिकान्वैणांस्तालिकान्वेणुवादकान्

śaivācāraprasiddhyarthamādiśābhyarcane mama mārddalāñchāṁkhikānvaiṇāṁstālikānveṇuvādakān

'For the establishment of Shaiva custom, appoint them to my worship — those who play the drum, the conch, the vina, the cymbals, and the flute.'

Verse 74 (skanda.1.109.74)

शौल्बिकान्सृज सद्विद्यांश्चतुर्विद्याविशारदान् । क्षत्रियान्विविधान्वैश्याञ्छूद्रांश्च शिवसंमतान्

śaulbikānsṛja sadvidyāṁścaturvidyāviśāradān kṣatriyānvividhānvaiśyāñchūdrāṁśca śivasaṁmatān

'Create craftsmen of good learning, skilled in the four branches of knowledge; and various kshatriyas, vaishyas, and shudras too, all approved by Shiva.'

Verse 75 (skanda.1.109.75)

चत्वारश्च मठाः कल्प्याश्चतुर्दिक्तीर्थवासिनाम् । मुनीनां शिवभक्तानां निराशानां निवासतः

catvāraśca maṭhāḥ kalpyāścaturdiktīrthavāsinām munīnāṁ śivabhaktānāṁ nirāśānāṁ nivāsataḥ

'And let four monasteries be established in the four directions, as dwelling-places for pilgrims from every quarter, for sages, and for Shiva's devotees free of worldly desire.'

Verse 76 (skanda.1.109.76)

तेषु स्थिता मुनींद्रा मे रक्षंतु शिवपूजनम् । भिक्षमाणाः पुनः शैवा भक्ताः पाशुपता अपि

teṣu sthitā munīṁdrā me rakṣaṁtu śivapūjanam bhikṣamāṇāḥ punaḥ śaivā bhaktāḥ pāśupatā api

'Let the foremost sages dwelling in them guard my worship; and mendicant Shaivas, devotees, Pashupatas too, going about begging,'

Verse 77 (skanda.1.109.77)

पालयंतु सदान्ये च युक्ताः कापालिका अपि । सर्वेषां जायमानानां जातानां संभविष्यताम्

pālayaṁtu sadānye ca yuktāḥ kāpālikā api sarveṣāṁ jāyamānānāṁ jātānāṁ saṁbhaviṣyatām

'— and Kapalikas too, joined in this observance, let them ever protect it. Of all those being born, already born, and yet to be born —'

Verse 78 (skanda.1.109.78)

अव्याहताज्ञमारक्ष्यमिदं स्थानं महीभृताम् । बकुलश्च महानत्र दृश्यते दिव्यभूरुहः

avyāhatājñamārakṣyamidaṁ sthānaṁ mahībhṛtām bakulaśca mahānatra dṛśyate divyabhūruhaḥ

'— for all these devotees of Shiva, let this be a place guarded, without transgression, by the kings of the earth; here too is seen a great Bakula, a divine tree.'

Verse 79 (skanda.1.109.79)

अत्र भक्ता वितन्वन्तु शिवकार्यविनिश्चयम् । अत्र मे दीयते द्रव्यमप्रेक्षितपराप्तये

atra bhaktā vitanvantu śivakāryaviniścayam atra me dīyate dravyamaprekṣitaparāptaye

'Here let devotees resolve upon the works of Shiva; whatever wealth is given to me here is for an unforeseen attainment.'

Verse 80 (skanda.1.109.80)

यत्तदक्षय्यफलदमारक्ष्यं शिवसेवकैः । भक्तैर्विज्ञापितं चार्थं श्रोष्यामि पुरतः स्थितैः

yattadakṣayyaphaladamārakṣyaṁ śivasevakaiḥ bhaktairvijñāpitaṁ cārthaṁ śroṣyāmi purataḥ sthitaiḥ

'Whatever bestows imperishable fruit is to be guarded by Shiva's servants; whatever matter is submitted by devotees standing before me, I shall hear it.'

Verse 81 (skanda.1.109.81)

सर्वं संपादयिष्यामि तेषां चित्तानुकूलकम् । अपराधसहस्राणि क्षंस्ये मां स्वर्चतामहम्

sarvaṁ saṁpādayiṣyāmi teṣāṁ cittānukūlakam aparādhasahasrāṇi kṣaṁsye māṁ svarcatāmaham

'I shall accomplish everything favourable to their hearts; I shall forgive the thousand transgressions of those who worship me.'

Verse 82 (skanda.1.109.82)

आगमोक्ता च पूजेयं मानुषी निर्मिता यतः । ग्रहीष्ये तामहं सर्वामर्चां सर्वागमोदिताम्

āgamoktā ca pūjeyaṁ mānuṣī nirmitā yataḥ grahīṣye tāmahaṁ sarvāmarcāṁ sarvāgamoditām

'Since this worship prescribed in the Agamas has been fashioned in human form, I shall fully accept this entire mode of worship declared in all the Agamas.'

Verse 83 (skanda.1.109.83)

संकल्पितं भवेत्कर्म प्रीतिकृन्मम सेवकैः । आगमार्थानशेषांस्त्वमालोक्य समयोचितान्

saṁkalpitaṁ bhavetkarma prītikṛnmama sevakaiḥ āgamārthānaśeṣāṁstvamālokya samayocitān

'Whatever action is resolved upon by my servants, let it be pleasing to me; having observed all the meanings of the Agamas as fitting to the occasion,'

Verse 84 (skanda.1.109.84)

विधायाभ्यर्चनाभेदाँल्लोकरक्षाकृते मुने । कर्तव्या महती पूजा पौर्णमास्यां तु सादरम्

vidhāyābhyarcanābhedā~llokarakṣākṛte mune kartavyā mahatī pūjā paurṇamāsyāṁ tu sādaram

'— arranging, O sage, the various forms of worship for the protection of the world, let a great worship be performed with reverence on the full-moon day.'

Verse 85 (skanda.1.109.85)

सत्राणि विविधान्यत्र कर्तव्यानि सहस्रशः । विविधानि च दानानि शक्त्या चैवास्य सन्निधौ

satrāṇi vividhānyatra kartavyāni sahasraśaḥ vividhāni ca dānāni śaktyā caivāsya sannidhau

'Let various sacrificial sessions be performed here in the thousands, and various gifts too, according to one's ability, in this very presence.'

Verse 86 (skanda.1.109.86)

अव्युच्छिन्नप्रदीपस्य दातारो मम सन्निधौ । तेजोमयमिदं रूपं मम यांति न संशयः

avyucchinnapradīpasya dātāro mama sannidhau tejomayamidaṁ rūpaṁ mama yāṁti na saṁśayaḥ

'Those who give for the unbroken lamp in my presence attain, without doubt, this very radiant form of mine.'

Verse 87 (skanda.1.109.87)

जलजं तरुजं पुष्पं कक्षजं च लतोद्भवम् । ददते ये च भक्त्या मे ते भविष्यंति भूभृतः

jalajaṁ tarujaṁ puṣpaṁ kakṣajaṁ ca latodbhavam dadate ye ca bhaktyā me te bhaviṣyaṁti bhūbhṛtaḥ

'Those who offer to me, with devotion, flowers born of water, of trees, of thicket, and of vine, shall become rulers of the earth.'

Verse 88 (skanda.1.109.88)

तेषां पुरोगतः साक्षादहं जेष्यामि विद्विषः । यस्य यस्य तु देशस्य यो यो राजा तपोधिकः

teṣāṁ purogataḥ sākṣādahaṁ jeṣyāmi vidviṣaḥ yasya yasya tu deśasya yo yo rājā tapodhikaḥ

'Present before them, I myself shall conquer their enemies. Whatever king of whatever land, exceeding in austerity,'

Verse 89 (skanda.1.109.89)

तत्तत्समर्द्धितं रम्यं संभवं ददतेऽत्र मे । मत्संनिधिमुपागत्य दुरात्मानोऽपि भूमिपाः

tattatsamarddhitaṁ ramyaṁ saṁbhavaṁ dadate'tra me matsaṁnidhimupāgatya durātmāno'pi bhūmipāḥ

'— offers to me here whatever prosperous, delightful thing arises in that land — even wicked-souled kings, coming into my presence,'

Verse 90 (skanda.1.109.90)

शिवभक्ता भृशं पूर्णा भविष्यंति न संशयः

śivabhaktā bhṛśaṁ pūrṇā bhaviṣyaṁti na saṁśayaḥ

'shall doubtlessly become exceedingly complete devotees of Shiva.'

Verse 91 (skanda.1.109.91)

इति शंभुमुखोत्थितं वचः समुपश्रुत्य विधूतकल्मषः । अहमानतवान्व्यजिज्ञपं कुतुकाच्छोणगिरीश्वरं शिवम्

iti śaṁbhumukhotthitaṁ vacaḥ samupaśrutya vidhūtakalmaṣaḥ ahamānatavānvyajijñapaṁ kutukācchoṇagirīśvaraṁ śivam

Hearing this word arisen from Shambhu's own mouth, my impurities shaken off, I bowed low and, out of curiosity, inquired further of Shiva, Lord of Shonagiri.