The Names of Shiva and the Greatness of Circumambulating Arunachala

Verse 1 (skanda.1.110.1)

गौतम उवाच । भगवन्नरुणाद्रीश नामधेयानि ते भृशम् । विशेषाच्छ्रोतुमिच्छामि स्थानेऽस्मिन्सुरपूजिते

gautama uvāca bhagavannaruṇādrīśa nāmadheyāni te bhṛśam viśeṣācchrotumicchāmi sthāne'sminsurapūjite

Gautama said: O Lord, ruler of the red mountain! I wish especially to hear your names here in this place worshipped by the gods.

Verse 2 (skanda.1.110.2)

महेश्वर उवाच । नामानि शृणु मे ब्रह्मन्मुख्यानि द्विजसत्तम । दुर्लभान्यल्पपुण्यानां कामदानि सदा भुवि

maheśvara uvāca nāmāni śṛṇu me brahmanmukhyāni dvijasattama durlabhānyalpapuṇyānāṁ kāmadāni sadā bhuvi

Maheshvara said: O brahmin, O foremost of the twice-born! Hear from me my chief names, difficult for those of little merit to attain, ever granting desires upon this earth.

Verse 3 (skanda.1.110.3)

शोणाद्रीशोऽरुणाद्रीशो देवाधीशो जनप्रियः । प्रपन्नरक्षको धीरः शिवसेवकवर्धकः

śoṇādrīśo'ruṇādrīśo devādhīśo janapriyaḥ prapannarakṣako dhīraḥ śivasevakavardhakaḥ

Lord of Shonadri, Lord of Arunadri, Lord of the gods, beloved of the people, protector of the surrendered, steadfast, one who fosters the servants of Shiva.

Verse 4 (skanda.1.110.4)

अक्षिपेयामृतेशानः स्त्रीपुंभावप्रदायकः । भक्तविज्ञप्तिसंधाता दीनबंदिविमोचकः

akṣipeyāmṛteśānaḥ strīpuṁbhāvapradāyakaḥ bhaktavijñaptisaṁdhātā dīnabaṁdivimocakaḥ

Lord of the nectar drunk by mere sight, bestower of both womanhood and manhood, keeper of his devotees' petitions, releaser of the wretched and the bound.

Verse 5 (skanda.1.110.5)

मुखरांघ्रिपतिः श्रीमान्मृडो मृगमदेश्वरः । भक्तप्रेक्षणकृत्साक्षी भक्तदोषनिवर्त्तकः

mukharāṁghripatiḥ śrīmānmṛḍo mṛgamadeśvaraḥ bhaktaprekṣaṇakṛtsākṣī bhaktadoṣanivarttakaḥ

Glorious lord of resounding feet, Mrida the auspicious one, lord of musk, witness who beholds his devotees, remover of his devotees' faults.

Verse 6 (skanda.1.110.6)

ज्ञानसंबंधनाथश्च श्रीहलाहलसुंदकः । आहवैश्वर्यदाता च स्मर्तृसर्वाघनाशनः

jñānasaṁbaṁdhanāthaśca śrīhalāhalasuṁdakaḥ āhavaiśvaryadātā ca smartṛsarvāghanāśanaḥ

Lord of the bond of knowledge, glorious beautifier of the halahala poison, granter of majesty in battle, destroyer of every sin of those who remember him.

Verse 7 (skanda.1.110.7)

व्यत्यस्तनृत्यद्धृजधृक्सकांतिर्नटनेश्वरः । सामप्रियः कलिध्वंसी वेदमूर्तिर्निरंजनः

vyatyastanṛtyaddhṛjadhṛksakāṁtirnaṭaneśvaraḥ sāmapriyaḥ kalidhvaṁsī vedamūrtirniraṁjanaḥ

Bearer of matted locks dancing in reverse, resplendent, lord of dance, lover of the Sama Veda, destroyer of the Kali age, embodiment of the Vedas, spotless.

Verse 8 (skanda.1.110.8)

जगन्नाथो महादेवस्त्रिनेत्रस्त्रिपुरांतकः । भक्तापराधसोढा च योगीशो भोगनायकः

jagannātho mahādevastrinetrastripurāṁtakaḥ bhaktāparādhasoḍhā ca yogīśo bhoganāyakaḥ

Lord of the world, Mahadeva, three-eyed, destroyer of the triple city, forbearer of his devotees' transgressions, lord of yogis, leader of enjoyments.

Verse 9 (skanda.1.110.9)

बालमूर्त्तिः क्षमारूपी धर्मरक्षो वृषध्वजः । हरो गिरीश्वरो भर्गश्चंद्ररेखावतंसकः

bālamūrttiḥ kṣamārūpī dharmarakṣo vṛṣadhvajaḥ haro girīśvaro bhargaścaṁdrarekhāvataṁsakaḥ

Child-formed, embodiment of forbearance, guardian of dharma, bull-bannered, Hara, lord of the mountain, the radiant one, adorned with the crescent moon.

Verse 10 (skanda.1.110.10)

स्मरांतकोंऽधकरिपुः सिद्धराजो दिगंबरः । आगमप्रिय ईशानो भस्मरुद्राक्षलांछनः

smarāṁtakoṁ'dhakaripuḥ siddharājo digaṁbaraḥ āgamapriya īśāno bhasmarudrākṣalāṁchanaḥ

Ender of desire, foe of Andhaka, king of the siddhas, sky-clad, lover of the Agamas, Ishana, marked with ash and rudraksha.

Verse 11 (skanda.1.110.11)

श्रीपतिः शंकरः स्रष्टा सर्वविद्येश्वरोऽनघः । गंगाधरः क्रतुध्वंसो विमलो नागभूषणः

śrīpatiḥ śaṁkaraḥ sraṣṭā sarvavidyeśvaro'naghaḥ gaṁgādharaḥ kratudhvaṁso vimalo nāgabhūṣaṇaḥ

Lord of Shri, Shankara, creator, lord of all learning, sinless, bearer of the Ganga, destroyer of sacrifice, spotless, adorned with serpents.

Verse 12 (skanda.1.110.12)

अरुणो बहुरूपश्च विरूपाक्षोऽक्षराकृतिः । अनादिरंतरहितः शिवकामः स्वयंप्रभुः

aruṇo bahurūpaśca virūpākṣo'kṣarākṛtiḥ anādiraṁtarahitaḥ śivakāmaḥ svayaṁprabhuḥ

Ruddy, of many forms, of strange eyes, of imperishable form, beginningless, endless, beloved of Shiva, self-luminous.

Verse 13 (skanda.1.110.13)

सच्चिदानंदरूपश्च सर्वात्मा जीवधारकः । स्त्रीसंगवामसुभगो विधिर्विहितसुंदरः

saccidānaṁdarūpaśca sarvātmā jīvadhārakaḥ strīsaṁgavāmasubhago vidhirvihitasuṁdaraḥ

Of the form of being-consciousness-bliss, soul of all, sustainer of living beings, lovely in his left half joined to woman, the ordainer, of ordained beauty.

Verse 14 (skanda.1.110.14)

ज्ञानप्रदो मुक्तिदश्च भक्तवांछितदायकः । आश्चर्यवैभवः कामी निरवद्यो निधिप्रदः

jñānaprado muktidaśca bhaktavāṁchitadāyakaḥ āścaryavaibhavaḥ kāmī niravadyo nidhipradaḥ

Bestower of knowledge, giver of liberation, fulfiller of his devotees' wishes, of wondrous majesty, desiring, faultless, giver of treasure.

Verse 15 (skanda.1.110.15)

शूली पशुपतिः शंभुः स्वयंभुर्गिरिशो मृडः । एतानि मम मुख्यानि नामान्यत्र महामुने

śūlī paśupatiḥ śaṁbhuḥ svayaṁbhurgiriśo mṛḍaḥ etāni mama mukhyāni nāmānyatra mahāmune

Bearer of the trident, lord of creatures, Shambhu, self-manifest, lord of the mountain, Mrida — these, O great sage, are my chief names here.

Verse 16 (skanda.1.110.16)

अन्यानि दिव्यनामानि पुराणोक्तानि संस्मर । प्रदक्षिणेन मां नित्यं विशेषात्त्वं समर्चय

anyāni divyanāmāni purāṇoktāni saṁsmara pradakṣiṇena māṁ nityaṁ viśeṣāttvaṁ samarcaya

Remember also my other divine names spoken of in the Puranas; and worship me always, especially, through circumambulation.

Verse 17 (skanda.1.110.17)

प्रदक्षिणप्रियो यस्मादहं शोणाचलाकृतिः । इत्याज्ञप्तो महादेवमर्चयन्नरुणाचलम् । अविमुंचन्निहावासं कृतवानहमद्रिजे

pradakṣiṇapriyo yasmādahaṁ śoṇācalākṛtiḥ ityājñapto mahādevamarcayannaruṇācalam avimuṁcannihāvāsaṁ kṛtavānahamadrije

'For I, in the very form of Shonachala, hold circumambulation dear.' Thus commanded, worshipping Mahadeva Arunachala, O daughter of the mountain, I made my dwelling here and never left it.

Verse 18 (skanda.1.110.18)

गौर्युवाच । भगवन्सर्वधर्मज्ञ गौतमार्य्य मुनीश्वर । प्रदक्षिणस्य माहात्म्यं ब्रूहि मे शोणभूभृतः

gauryuvāca bhagavansarvadharmajña gautamāryya munīśvara pradakṣiṇasya māhātmyaṁ brūhi me śoṇabhūbhṛtaḥ

Gauri said: O Lord, knower of every dharma, noble Gautama, lord of sages! Tell me the greatness of circumambulating the mountain of the red hue.

Verse 19 (skanda.1.110.19)

कस्मिन्काले कथं कार्यं कैर्वा पूर्वं प्रदक्षिणम् । कृतं शोणाद्रिनाथस्य प्राप्तमिष्टं परं पदम्

kasminkāle kathaṁ kāryaṁ kairvā pūrvaṁ pradakṣiṇam kṛtaṁ śoṇādrināthasya prāptamiṣṭaṁ paraṁ padam

At what time, in what manner, and by whom of old was the circumambulation of the Lord of Shonadri performed, by which the desired supreme goal was attained?

Verse 20 (skanda.1.110.20)

ब्रह्मोवाच । इति पृष्टो मुनिः प्राह गौतमः शैलकन्यकाम् । श्रूयतां देवि माहात्म्यमादिशन्मे महेश्वरः

brahmovāca iti pṛṣṭo muniḥ prāha gautamaḥ śailakanyakām śrūyatāṁ devi māhātmyamādiśanme maheśvaraḥ

Brahma said: Thus asked, the sage Gautama said to the daughter of the mountain: 'Hear, O goddess, the greatness which Maheshvara himself declared to me.'

Verse 21 (skanda.1.110.21)

महादेव उवाच । अहं हि शोणशैलात्मा प्रकाशो वसुधातले

mahādeva uvāca ahaṁ hi śoṇaśailātmā prakāśo vasudhātale

Mahadeva said: 'I myself am revealed upon this earth in the very form of Shonashaila.'

Verse 22 (skanda.1.110.22)

परितो मां सुराः सर्वे वर्तंते मुनिभिः सह

parito māṁ surāḥ sarve vartaṁte munibhiḥ saha

'All around me the gods dwell together with the sages.'

Verse 23 (skanda.1.110.23)

यानि कानि च पापानि जन्मांतरकृतानि च । तानि तानि विनश्यंति प्रदक्षिणपदे पदे

yāni kāni ca pāpāni janmāṁtarakṛtāni ca tāni tāni vinaśyaṁti pradakṣiṇapade pade

'Whatever sins were committed in former births — each and all are destroyed with every step of my circumambulation.'

Verse 24 (skanda.1.110.24)

अश्वमेधसहस्राणि वाजपेयायुतानि च । सिद्ध्यंति सर्वतीर्थानि प्रदक्षिणपदे पदे

aśvamedhasahasrāṇi vājapeyāyutāni ca siddhyaṁti sarvatīrthāni pradakṣiṇapade pade

'A thousand horse-sacrifices, ten thousand vajapeya rites, and every sacred ford — all are fulfilled with every step of my circumambulation.'

Verse 25 (skanda.1.110.25)

अपि प्रहीणस्य समस्तलक्षणैः क्रियाविहीनस्य निकृष्टजन्मनः । प्रदक्षिणीकृत्य शशांकशेखरं प्रयास्यतः कस्य न सिद्धिरग्रतः

api prahīṇasya samastalakṣaṇaiḥ kriyāvihīnasya nikṛṣṭajanmanaḥ pradakṣiṇīkṛtya śaśāṁkaśekharaṁ prayāsyataḥ kasya na siddhiragrataḥ

'Even for one bereft of every auspicious mark, devoid of ritual acts, of low birth — whose accomplishment would not go before him, once he sets forth having circumambulated the bearer of the crescent moon?'

Verse 26 (skanda.1.110.26)

समस्त तीर्थाभिगमेषु पुण्यं समस्तयज्ञागमधर्मजातम् । अवाप्यते शोणमहीधरस्य प्रदक्षिणाप्रक्रमणेन सत्यम्

samasta tīrthābhigameṣu puṇyaṁ samastayajñāgamadharmajātam avāpyate śoṇamahīdharasya pradakṣiṇāprakramaṇena satyam

'Whatever merit is gained by the pilgrimage to every sacred ford, whatever merit is born of every sacrifice, every scripture, every rite of dharma — that, in truth, is obtained by the mere setting out of circumambulation of the mountain of the red hue.'

Verse 27 (skanda.1.110.27)

पदेनैकेन भूलोकं द्वितीयेनांतरिक्षकम् । तृतीयेन दिवं मर्त्यो जयत्यस्य प्रदक्षिणे

padenaikena bhūlokaṁ dvitīyenāṁtarikṣakam tṛtīyena divaṁ martyo jayatyasya pradakṣiṇe

'With one step he conquers the earthly realm, with the second the middle realm, and with the third the heavens — thus does a mortal conquer them in his circumambulation of this mountain.'

Verse 28 (skanda.1.110.28)

एकेन मानसं पापं द्वितीयेन तु वाचिकम् । कायिकं तु तृतीयेन पदेन क्षीयते नृणाम्

ekena mānasaṁ pāpaṁ dvitīyena tu vācikam kāyikaṁ tu tṛtīyena padena kṣīyate nṛṇām

'With one step, sin of the mind; with the second, sin of speech; and with the third step, the sin of the body of men is diminished.'

Verse 29 (skanda.1.110.29)

पातकानि च सर्वाणि पदेनैकेन मार्जयेत् । द्वितीयेन तपः सर्वं प्राप्नोत्यस्य प्रदक्षिणात्

pātakāni ca sarvāṇi padenaikena mārjayet dvitīyena tapaḥ sarvaṁ prāpnotyasya pradakṣiṇāt

'With one step he washes away every sin; with the second, through this circumambulation, he obtains the fruit of every austerity.'

Verse 30 (skanda.1.110.30)

पर्णशाला महर्षीणां सिद्धानां च सहस्रशः । सुराणां च तथाऽऽवासा विद्यंतेत्र सहस्रशः

parṇaśālā maharṣīṇāṁ siddhānāṁ ca sahasraśaḥ surāṇāṁ ca tathā''vāsā vidyaṁtetra sahasraśaḥ

'Here are the thousand leaf-huts of the great sages and the siddhas, and here too exist the thousand dwellings of the gods.'

Verse 31 (skanda.1.110.31)

अत्र सिद्धः पुनर्नित्यं वसाम्यग्रे सुरार्चितः । ममांतरे गुहा दिव्या ध्यातव्या भोगसंयुता

atra siddhaḥ punarnityaṁ vasāmyagre surārcitaḥ mamāṁtare guhā divyā dhyātavyā bhogasaṁyutā

'Here I ever dwell in the form of a siddha, worshipped by the gods, going before them; the divine cave within me, joined with every enjoyment, is to be meditated upon.'

Verse 32 (skanda.1.110.32)

अग्निस्तंभमयं रूपमरुणादिरिति श्रुतम् । ध्यायँल्लिंगं मम बृहत्मन्दं कुर्यात्प्रदक्षिणम्

agnistaṁbhamayaṁ rūpamaruṇādiriti śrutam dhyāya~lliṁgaṁ mama bṛhatmandaṁ kuryātpradakṣiṇam

'This form of a pillar of fire, known by the name Arunadri — meditating upon my vast linga, one should perform circumambulation slowly.'

Verse 33 (skanda.1.110.33)

अष्टमूर्तिमयं लिंगमिदं यैस्तैजसं भृशम् । ध्यात्वा प्रदक्षिणं कुर्वन्पातकानि विनिर्दहेत्

aṣṭamūrtimayaṁ liṁgamidaṁ yaistaijasaṁ bhṛśam dhyātvā pradakṣiṇaṁ kurvanpātakāni vinirdahet

'This linga is of eightfold form, exceedingly radiant; whoever, meditating upon it, performs circumambulation, utterly burns away his sins.'

Verse 34 (skanda.1.110.34)

न पुनः संभवस्तस्य यः करोति प्रदक्षिणाम् । शोणाचलाकृतेर्नित्यं नित्यत्वं ध्रुवमश्नुते

na punaḥ saṁbhavastasya yaḥ karoti pradakṣiṇām śoṇācalākṛternityaṁ nityatvaṁ dhruvamaśnute

'For one who performs this circumambulation, there is no rebirth; he surely attains the very eternity of the form of Shonachala.'

Verse 35 (skanda.1.110.35)

अस्य पादरजःस्पर्शात्पूयते सकला मही । पदमेकं तु धत्ते यः शोणाद्रीशप्रदक्षिणे

asya pādarajaḥsparśātpūyate sakalā mahī padamekaṁ tu dhatte yaḥ śoṇādrīśapradakṣiṇe

'By the touch of the dust of his feet, the whole earth becomes purified — he who sets down even a single step in circumambulation of the Lord of Shonadri —'

Verse 36 (skanda.1.110.36)

नमस्कुर्वन्प्रतिदिशं ध्यायन्स्तौति कृतांजलिः । असंसृष्टकरः कैश्चिन्मंदं कुर्यात्प्रदक्षिणम्

namaskurvanpratidiśaṁ dhyāyanstauti kṛtāṁjaliḥ asaṁsṛṣṭakaraḥ kaiścinmaṁdaṁ kuryātpradakṣiṇam

'— bowing in every direction, meditating, praising with joined palms, hands unclasped from one another, some perform the circumambulation slowly.'

Verse 37 (skanda.1.110.37)

आसन्नप्रसवा नारी यथा गच्छेदनाकुलम् । तथा प्रदक्षिणं कुर्यादशृण्वंश्च पदध्वनिम्

āsannaprasavā nārī yathā gacchedanākulam tathā pradakṣiṇaṁ kuryādaśṛṇvaṁśca padadhvanim

'As a woman near to childbirth walks without disturbance, so should one perform circumambulation, not even hearing the sound of one's own footsteps.'

Verse 38 (skanda.1.110.38)

स्नातो विशुद्धवेषः सन्भस्मरुद्राक्षभूषितः । शिवस्मरणसंसृष्टो मंदं दद्यात्पदं बुधः

snāto viśuddhaveṣaḥ sanbhasmarudrākṣabhūṣitaḥ śivasmaraṇasaṁsṛṣṭo maṁdaṁ dadyātpadaṁ budhaḥ

'Bathed, of pure attire, adorned with ash and rudraksha, joined to the remembrance of Shiva, the wise should place their steps slowly.'

Verse 39 (skanda.1.110.39)

मनूनां चरतामग्रे देवानां च सहस्रशः । अदृश्यानां च सिद्धानां नान्येषां वायुरूपिणाम्

manūnāṁ caratāmagre devānāṁ ca sahasraśaḥ adṛśyānāṁ ca siddhānāṁ nānyeṣāṁ vāyurūpiṇām

'Going before the Manus, before thousands of gods, and before the unseen siddhas — but before no others of the nature of wind —'

Verse 40 (skanda.1.110.40)

संघट्टमतिसंमर्दं मार्गरोधं विचिंतयन् । अनुकूलेन भक्तः सञ्छनैर्दद्यात्पदं बुधः

saṁghaṭṭamatisaṁmardaṁ mārgarodhaṁ viciṁtayan anukūlena bhaktaḥ sañchanairdadyātpadaṁ budhaḥ

'— considering crowding, excessive jostling, and blockage of the path, the wise devotee should place his steps slowly, according to what is fitting.'

Verse 41 (skanda.1.110.41)

अथवा शिवनामानि संकीर्त्य वरगीतिभिः । शिवनृत्यं च रचयन्भक्तैः सार्द्धं परिक्रमेत्

athavā śivanāmāni saṁkīrtya varagītibhiḥ śivanṛtyaṁ ca racayanbhaktaiḥ sārddhaṁ parikramet

'Or else, chanting the names of Shiva in excellent songs, and performing the dance of Shiva, one should go around together with fellow devotees.'

Verse 42 (skanda.1.110.42)

माहात्म्यं मम वा शृण्वन्ननन्यमतिरादरात् । शनैः प्रदक्षिणं कुर्यादानन्दरसनिर्भरः

māhātmyaṁ mama vā śṛṇvannananyamatirādarāt śanaiḥ pradakṣiṇaṁ kuryādānandarasanirbharaḥ

'Or else, with mind fixed on nothing else, hearing my greatness with reverence, filled with the very savour of bliss, one should perform the circumambulation slowly.'

Verse 43 (skanda.1.110.43)

दानैश्च विविधैः पुण्यैरुपकारैस्तथार्थिनाम् । यथामति दयापूर्ण आस्तिकः परितो व्रजेत्

dānaiśca vividhaiḥ puṇyairupakāraistathārthinām yathāmati dayāpūrṇa āstikaḥ parito vrajet

'Through various meritorious gifts and through kindness to the needy, according to one's means, let the faithful, full of compassion, go about it.'

Verse 44 (skanda.1.110.44)

कृते त्वग्निमयं लिंगं त्रेतायां मणिपर्वतम् । द्वापरे चिंतयेद्धैमं कलौ मरकताचलम्

kṛte tvagnimayaṁ liṁgaṁ tretāyāṁ maṇiparvatam dvāpare ciṁtayeddhaimaṁ kalau marakatācalam

'In the Krita age let one meditate upon it as a linga of fire, in the Treta as a mountain of gems, in the Dvapara as one of gold, and in the Kali age as a mountain of emerald.'

Verse 45 (skanda.1.110.45)

अथवा स्फाटिकं रूपमरुणं तु स्वयंप्रभम् । ध्यायन्विमुक्तः सकलैः पापैः शिवपुरं व्रजेत्

athavā sphāṭikaṁ rūpamaruṇaṁ tu svayaṁprabham dhyāyanvimuktaḥ sakalaiḥ pāpaiḥ śivapuraṁ vrajet

'Or else, meditating upon its crystalline, ruddy, self-luminous form, a man, freed of every sin, attains the city of Shiva.'

Verse 46 (skanda.1.110.46)

अवाङ्मनसगम्यत्वादप्रमेयतया स्वयम् । अग्नित्वाच्च परं लिंगमनासाद्याचलाभिधम्

avāṅmanasagamyatvādaprameyatayā svayam agnitvācca paraṁ liṁgamanāsādyācalābhidham

'Since it is beyond the reach of speech and mind, since it is itself immeasurable, and since it is of the nature of fire, this supreme linga, called by the name of the mountain, though unattained directly —'

Verse 47 (skanda.1.110.47)

ध्यात्वा प्रदक्षिणं कर्तुरभिगम्योऽहमंजसा । तस्य पादरजो नृणामजरामरकारणाम्

dhyātvā pradakṣiṇaṁ karturabhigamyo'hamaṁjasā tasya pādarajo nṛṇāmajarāmarakāraṇām

'— to one who meditates and performs circumambulation, I become at once easily approachable; the dust of his feet becomes for men the very cause of unaging immortality.'

Verse 48 (skanda.1.110.48)

रूपमेकं तु धत्ते यः शोणाद्रीशप्रदक्षिणे । वाहनानि सुरौघाणां प्रार्थयंते परस्परम्

rūpamekaṁ tu dhatte yaḥ śoṇādrīśapradakṣiṇe vāhanāni suraughāṇāṁ prārthayaṁte parasparam

'Whoever holds fast to but a single measured pace throughout the circumambulation of the Lord of Shonadri, the very mounts of the hosts of gods entreat one another for the honour of bearing him.'

Verse 49 (skanda.1.110.49)

कुर्वतां चरणं वोढुमरुणाद्रिप्रदक्षिणाम् । छायाप्रदानं कुर्वंति कल्पकाद्याः सुरद्रुमाः

kurvatāṁ caraṇaṁ voḍhumaruṇādripradakṣiṇām chāyāpradānaṁ kurvaṁti kalpakādyāḥ suradrumāḥ

'To carry the feet of those who perform circumambulation of Arunadri, the celestial trees headed by the wish-fulfilling tree render them their shade.'

Verse 50 (skanda.1.110.50)

कुर्वतां भुवि मर्त्त्यानामरुणाद्रिप्रदक्षिणाम् । देवगन्धर्वकाद्यानां सहस्रेण समावृताः

kurvatāṁ bhuvi marttyānāmaruṇādripradakṣiṇām devagandharvakādyānāṁ sahasreṇa samāvṛtāḥ

'While mortals upon this earth perform the circumambulation of Arunadri, surrounded by thousands of gods, gandharvas, and the like —'

Verse 51 (skanda.1.110.51)

सेवंते ते गणाकीर्णा विमानशतकोटयः । मम प्रदक्षिणं भूमौ कुर्वतां पादपांसुभिः

sevaṁte te gaṇākīrṇā vimānaśatakoṭayaḥ mama pradakṣiṇaṁ bhūmau kurvatāṁ pādapāṁsubhiḥ

'— millions of chariots, crowded with ganas, come to serve those who, on earth, circumambulate me with the dust of their feet.'

Verse 52 (skanda.1.110.52)

पाविता महती वीथी दृष्टा शिवपदप्रदा । अंगप्रदक्षिणं कुर्वन्क्षणात्स्वर्ग्यतनुर्भवेत्

pāvitā mahatī vīthī dṛṣṭā śivapadapradā aṁgapradakṣiṇaṁ kurvankṣaṇātsvargyatanurbhavet

'That great pathway, purified, granting even by the mere sight of it the abode of Shiva — whoever performs circumambulation with his whole body attains, in an instant, a body fit for heaven.'

Verse 53 (skanda.1.110.53)

प्राप्तो वज्रशरीरत्वं न धृष्येत महीतले । व्योमयानोत्सुका देवाः सिद्धाश्च परमर्षयः

prāpto vajraśarīratvaṁ na dhṛṣyeta mahītale vyomayānotsukā devāḥ siddhāśca paramarṣayaḥ

'Attaining a body as adamantine as thunder, he is never overcome upon this earth; the gods, siddhas, and great sages too, eager to travel through the sky,'

Verse 54 (skanda.1.110.54)

अदृश्याः संचरंत्यत्र पश्यंते मम संनिधिम् । विनयं मम भक्तिं च प्रदक्षिणपरिक्रमे

adṛśyāḥ saṁcaraṁtyatra paśyaṁte mama saṁnidhim vinayaṁ mama bhaktiṁ ca pradakṣiṇaparikrame

'— move about here unseen, and behold my very presence — beholding, in the circling of the circumambulation, the humility and devotion offered to me.'

Verse 55 (skanda.1.110.55)

दृष्ट्वा हर्षसमायुक्ता मर्त्त्येभ्यो ददते वरम् । अत्र देवास्त्रयस्त्रिंशत्पुरा कृत्वा प्रदक्षिणाम्

dṛṣṭvā harṣasamāyuktā marttyebhyo dadate varam atra devāstrayastriṁśatpurā kṛtvā pradakṣiṇām

'Beholding it, filled with joy, they grant boons to mortals; here of old the thirty-three gods, having performed circumambulation,'

Verse 56 (skanda.1.110.56)

प्रत्यहं मार्गमासीनाः प्रत्येकं कोटितां गताः । आदित्याद्या ग्रहाः सर्वे पुरा कृत्वा प्रदक्षिणाम्

pratyahaṁ mārgamāsīnāḥ pratyekaṁ koṭitāṁ gatāḥ ādityādyā grahāḥ sarve purā kṛtvā pradakṣiṇām

'— stationed daily upon the path, each attained a state numbering millions; the sun and all the other planets too, of old, having performed circumambulation,'

Verse 57 (skanda.1.110.57)

संपूर्णजगतीभागे सर्वे ग्रहपतां गताः । यः करोति नरो भूमौ सूर्यवारे प्रदक्षिणाम्

saṁpūrṇajagatībhāge sarve grahapatāṁ gatāḥ yaḥ karoti naro bhūmau sūryavāre pradakṣiṇām

'— attained their very stations as planets over the whole face of the earth. Whatever man performs circumambulation upon this earth on a Sunday —'

Verse 58 (skanda.1.110.58)

स सूर्यमडलं भित्त्वा मुक्तः शिवपुरं व्रजेत् । सोमवारे नरः कुर्वन्नरुणाद्रिप्रदक्षिणाम्

sa sūryamaḍalaṁ bhittvā muktaḥ śivapuraṁ vrajet somavāre naraḥ kurvannaruṇādripradakṣiṇām

'— he, piercing the very orb of the sun, freed, attains the city of Shiva. The man who performs circumambulation of Arunadri on a Monday —'

Verse 59 (skanda.1.110.59)

अजरामरतां प्राप्तो नासौम्यो भवति क्षितौ । भौमवारे नरः कुर्वन्नरुणाद्रिप्रदक्षिणाम्

ajarāmaratāṁ prāpto nāsaumyo bhavati kṣitau bhaumavāre naraḥ kurvannaruṇādripradakṣiṇām

'— attains freedom from age and death, and never becomes ill-favoured upon this earth. The man who performs circumambulation of Arunadri on a Tuesday —'

Verse 60 (skanda.1.110.60)

आनृण्यमखिलं प्राप्य सार्वभौमो भवेद्ध्रुवम् । बुधवारे नरः कुर्वञ्छोणाद्रीशप्रदक्षिणाम्

ānṛṇyamakhilaṁ prāpya sārvabhaumo bhaveddhruvam budhavāre naraḥ kurvañchoṇādrīśapradakṣiṇām

'— freed of every debt, surely becomes a universal sovereign. The man who performs circumambulation of the Lord of Shonadri on a Wednesday —'

Verse 61 (skanda.1.110.61)

सर्वज्ञतामनुप्राप्तः स वाचां पतितामियात् । गुरुवारे नरः कुर्वन्सर्वदेवनमस्कृतः

sarvajñatāmanuprāptaḥ sa vācāṁ patitāmiyāt guruvāre naraḥ kurvansarvadevanamaskṛtaḥ

'— attains omniscience, and reaches even the very lordship of speech. The man who performs circumambulation on a Thursday, bowed to by all the gods,'

Verse 62 (skanda.1.110.62)

प्रदक्षिणेन शोणाद्रेः स तु लोकगुरुर्भवेत् । भृगुवारे नरः कुर्वन्नरुणाद्रिप्रदक्षिणाम्

pradakṣiṇena śoṇādreḥ sa tu lokagururbhavet bhṛguvāre naraḥ kurvannaruṇādripradakṣiṇām

'— through this circumambulation of Shonadri becomes teacher of the world. The man who performs circumambulation of Arunadri on a Friday —'

Verse 63 (skanda.1.110.63)

संप्राप्य महतीं लक्ष्मीं लभते वैष्णवं पदम् । मन्दवारे नरः कृत्वा शोणाद्रीशप्रदक्षिणाम्

saṁprāpya mahatīṁ lakṣmīṁ labhate vaiṣṇavaṁ padam mandavāre naraḥ kṛtvā śoṇādrīśapradakṣiṇām

'— attains great fortune and obtains the very abode of Vishnu. The man who performs circumambulation of the Lord of Shonadri on a Saturday —'

Verse 64 (skanda.1.110.64)

विमुक्तो ग्रहपीडाभिः स विश्वविजयी भवेत् । नक्षत्राणि च सर्वाणि पुरा तद्दैवतैः सह

vimukto grahapīḍābhiḥ sa viśvavijayī bhavet nakṣatrāṇi ca sarvāṇi purā taddaivataiḥ saha

'— freed from the afflictions of the planets, becomes conqueror of the universe. Of old, all the lunar mansions too, together with their presiding deities,'

Verse 65 (skanda.1.110.65)

मम प्रदक्षिणां कर्तुः पुण्यानि सहसा व्रजेत् । तिथयः करणानीह योगाश्च मम संमताः

mama pradakṣiṇāṁ kartuḥ puṇyāni sahasā vrajet tithayaḥ karaṇānīha yogāśca mama saṁmatāḥ

'— performed my circumambulation, and its merits come at once to whoever performs mine. Tithis, karanas, and yogas too are here approved by me.'

Verse 66 (skanda.1.110.66)

अभीष्टफलदा जाताः कुर्वतां मत्प्रदक्षिणाम् । मुहूर्ता विविधा होराः सौम्याश्च सततोदयाः

abhīṣṭaphaladā jātāḥ kurvatāṁ matpradakṣiṇām muhūrtā vividhā horāḥ saumyāśca satatodayāḥ

'They all become bestowers of the desired fruit for those who perform my circumambulation; the various muhurtas and horas too, gentle and ever propitious,'

Verse 67 (skanda.1.110.67)

मत्प्रदक्षिणकर्तॄणां जायंते सततं शुभाः । प्रच्छिनत्ति प्रकारोऽघं दकारो वांछितप्रदः

matpradakṣiṇakartṝṇāṁ jāyaṁte satataṁ śubhāḥ pracchinatti prakāro'ghaṁ dakāro vāṁchitapradaḥ

'— become ever auspicious for those who perform my circumambulation. The syllable 'pra' cuts away sin, the syllable 'da' bestows what is desired.'

Verse 68 (skanda.1.110.68)

क्षिकारात्क्षीयते कर्म णकारो मुक्तिदायकः । दुर्बलाः कार्श्यसंयुक्ता आधिव्याधिविजृंभिताः

kṣikārātkṣīyate karma ṇakāro muktidāyakaḥ durbalāḥ kārśyasaṁyuktā ādhivyādhivijṛṁbhitāḥ

'From 'kṣi' one's karma wastes away, the syllable 'ṇa' bestows liberation; those weak, wasted, and afflicted by mental and bodily ills —'

Verse 69 (skanda.1.110.69)

मम प्रदक्षिणं कृत्वा मुच्यंते सर्वदुष्कृतैः । मम प्रदक्षिणं कर्तुर्भक्त्या पादेन संततम्

mama pradakṣiṇaṁ kṛtvā mucyaṁte sarvaduṣkṛtaiḥ mama pradakṣiṇaṁ karturbhaktyā pādena saṁtatam

'— performing my circumambulation, are freed from every evil deed. For one who performs my circumambulation with devotion, continuously, even with a single step —'

Verse 70 (skanda.1.110.70)

क्षणेन साध्वां पश्यामि त्रैलोक्यस्य प्रदक्षिणाम् । लोकेशाश्च दिगीशाश्च ये चान्ये कारणेश्वराः

kṣaṇena sādhvāṁ paśyāmi trailokyasya pradakṣiṇām lokeśāśca digīśāśca ye cānye kāraṇeśvarāḥ

'— I behold, in that very instant, the true circumambulation of all three worlds. The lords of the worlds, the lords of the directions, and other lords of the very causes of things,'

Verse 71 (skanda.1.110.71)

मम प्रदक्षिणां कृत्वा स्थिरा राज्ये पुराऽभवन् । अहं च गणसंयुक्तः सर्वदेवर्षिसंयुतः

mama pradakṣiṇāṁ kṛtvā sthirā rājye purā'bhavan ahaṁ ca gaṇasaṁyuktaḥ sarvadevarṣisaṁyutaḥ

'— of old, only by performing my circumambulation did they become established in their own realms. I too, joined with my ganas, joined with all the gods and sages,'

Verse 72 (skanda.1.110.72)

उत्तरायणसंयोगे करोमि स्वप्रदक्षिणाम् । मद्रूपं तैजसं लिंगमरुणाद्रिरिति श्रुतम्

uttarāyaṇasaṁyoge karomi svapradakṣiṇām madrūpaṁ taijasaṁ liṁgamaruṇādririti śrutam

'— perform my own circumambulation at the conjunction of the northern solstice. This very form of mine, the linga of light, is known by the name Arunadri.'

Verse 73 (skanda.1.110.73)

त्रैलोक्यस्य हितार्थाय करिष्यामि प्रदक्षिणाम् । आगता च परांते च गौरी तप इहाद्भुतम्

trailokyasya hitārthāya kariṣyāmi pradakṣiṇām āgatā ca parāṁte ca gaurī tapa ihādbhutam

'For the good of all three worlds I shall perform circumambulation; and, at the very close of it, Gauri, who has come here for wondrous austerity —'

Verse 74 (skanda.1.110.74)

कर्तुं प्रदक्षिणं कृत्वा मामेष्यत्यनघा पुनः । कार्तिके मासि नक्षत्रे कृत्तिकाख्ये महातपाः

kartuṁ pradakṣiṇaṁ kṛtvā māmeṣyatyanaghā punaḥ kārtike māsi nakṣatre kṛttikākhye mahātapāḥ

'— that sinless goddess, having performed circumambulation, shall come again to me. In the month of Kartika, on the lunar mansion named Krittika, that one great in austerity,'

Verse 75 (skanda.1.110.75)

मम प्रदक्षिणां गौरी प्रदोषे रचयिष्यति । नराणामल्पपुण्यानां दुर्लभं तत्प्रदक्षिणम्

mama pradakṣiṇāṁ gaurī pradoṣe racayiṣyati narāṇāmalpapuṇyānāṁ durlabhaṁ tatpradakṣiṇam

'— Gauri shall perform my circumambulation at the twilight hour. This circumambulation is difficult for men of little merit to attain.'

Verse 76 (skanda.1.110.76)

ज्योतिर्लिगस्य दृष्टस्य देवी प्रार्थनया तथा । मया समेता देवी सा प्राप्ताऽपीतकुचाभिधा

jyotirligasya dṛṣṭasya devī prārthanayā tathā mayā sametā devī sā prāptā'pītakucābhidhā

'After beholding the linga of light, at the goddess's own entreaty, that goddess, who has attained the name Apitakucha, shall be joined together with me.'

Verse 77 (skanda.1.110.77)

आश्वास्यति सुरान्सर्वानुत्तरायणसंगमे । देवगन्धर्वयक्षाणां सिद्धानामपि रक्षसाम्

āśvāsyati surānsarvānuttarāyaṇasaṁgame devagandharvayakṣāṇāṁ siddhānāmapi rakṣasām

'At the conjunction of the northern solstice she shall reassure all the gods. Of gods, gandharvas, yakshas, siddhas, and even rakshasas,'

Verse 78 (skanda.1.110.78)

सर्वेषां देवयोनीनां भविता तत्र संगमः । ये तदा मां समागत्य पूजयंति तपोधिकाः

sarveṣāṁ devayonīnāṁ bhavitā tatra saṁgamaḥ ye tadā māṁ samāgatya pūjayaṁti tapodhikāḥ

'— of every divine kind, there shall be a gathering there. Those who then come and, foremost in austerity, worship me —'

Verse 79 (skanda.1.110.79)

सर्वजन्मकृताघौघ प्रायश्चित्तं व्रजंति ते । दुर्ल्लभं तद्दिनं पुंसामुत्तरायणसंगमे

sarvajanmakṛtāghaugha prāyaścittaṁ vrajaṁti te durllabhaṁ taddinaṁ puṁsāmuttarāyaṇasaṁgame

'— obtain atonement for the whole mass of sins committed across all their births. That day, at the conjunction of the northern solstice, is difficult for men to attain.'

Verse 80 (skanda.1.110.80)

तदा मद्रूपमभ्यर्च्य कृतार्थाः सन्तु मानवाः । प्रदक्षिणं तु मे दिव्यं कुर्वंति च महीभुजः

tadā madrūpamabhyarcya kṛtārthāḥ santu mānavāḥ pradakṣiṇaṁ tu me divyaṁ kurvaṁti ca mahībhujaḥ

'Then, worshipping that form of mine, let men become fulfilled; and the kings of the earth too perform my divine circumambulation.'

Verse 81 (skanda.1.110.81)

तेषां पुरोगतः साक्षादहं जेष्यामि विद्विषः । राजा यस्य तु देशस्य यो यो राजा तपोधिकः

teṣāṁ purogataḥ sākṣādahaṁ jeṣyāmi vidviṣaḥ rājā yasya tu deśasya yo yo rājā tapodhikaḥ

'Present before them, I myself shall conquer their enemies. Whatever king of whatever land, exceeding in austerity —'

Verse 82 (skanda.1.110.82)

स कारयेद्विप्रमुख्यैः श्रोत्रियैर्मे प्रदक्षिणाम् । मंडलं मंडलार्द्धं वा संकल्पविधिपूर्वकम्

sa kārayedvipramukhyaiḥ śrotriyairme pradakṣiṇām maṁḍalaṁ maṁḍalārddhaṁ vā saṁkalpavidhipūrvakam

'— should have my circumambulation performed for him, by learned brahmins foremost in Vedic study, in the form of a full or half circuit, according to the due rite of resolve.'

Verse 83 (skanda.1.110.83)

तस्य तस्य स्थिरं राज्यं शत्रूणां च पराहतिम् । करिष्यामि मुने नित्यमहमेव पुरःस्थितः

tasya tasya sthiraṁ rājyaṁ śatrūṇāṁ ca parāhatim kariṣyāmi mune nityamahameva puraḥsthitaḥ

'I shall make that king's realm secure, and shall bring down his enemies, O sage, ever standing myself before him.'

Verse 84 (skanda.1.110.84)

न वाहनेन कुर्वीत मम जातु प्रदक्षिणाम् । धर्मलुब्धमना जानञ्छिवाचारपरिप्लुतिम्

na vāhanena kurvīta mama jātu pradakṣiṇām dharmalubdhamanā jānañchivācārapariplutim

'One should never perform my circumambulation while mounted upon a vehicle; the mind eager for dharma, knowing the depth of Shaiva custom —'

Verse 85 (skanda.1.110.85)

धर्मकेतुः पुरा राजा यमलोकादुपागतः । मम प्रदक्षिणां कर्त्तुं तुरगेणाभ्यरोचयत्

dharmaketuḥ purā rājā yamalokādupāgataḥ mama pradakṣiṇāṁ karttuṁ turageṇābhyarocayat

'— of old a king named Dharmaketu, come from Yama's realm, wished to perform my circumambulation while mounted on a horse.'

Verse 86 (skanda.1.110.86)

क्षणेन तुरगो जातो गणनाथः सुरार्चितः । प्रतिपेदे पदं शैवं विमुच्य धरणीपतिम्

kṣaṇena turago jāto gaṇanāthaḥ surārcitaḥ pratipede padaṁ śaivaṁ vimucya dharaṇīpatim

'In an instant that horse became a lord of ganas, worshipped by the gods, and, forsaking the king, attained the very rank of Shiva's own retinue.'

Verse 87 (skanda.1.110.87)

वीक्ष्य तं वाहनं भूयो गणनाथवपुर्द्धरम् । पादप्रदक्षिणां कृत्वा स्वयं च गणपोऽभवत्

vīkṣya taṁ vāhanaṁ bhūyo gaṇanāthavapurddharam pādapradakṣiṇāṁ kṛtvā svayaṁ ca gaṇapo'bhavat

'Beholding that mount now bearing the very body of a lord of ganas, that king too, performing circumambulation on foot, himself became a ganapati.'

Verse 88 (skanda.1.110.88)

तदाप्रभृति शक्राद्याः सुरा विष्णुसमन्विताः । पादाभ्यामेव कुर्वंति मम सर्वे प्रदक्षिणाम्

tadāprabhṛti śakrādyāḥ surā viṣṇusamanvitāḥ pādābhyāmeva kurvaṁti mama sarve pradakṣiṇām

'From that time onward, Indra and the other gods, together with Vishnu, all of them perform my circumambulation only with their own feet.'

Verse 89 (skanda.1.110.89)

स्वर्गान्निपातितः कोऽपि सिद्धः काले तपःक्षयात् । प्रदक्षिणां ततः कृत्वा पुनर्लब्धपदोऽभवत्

svargānnipātitaḥ ko'pi siddhaḥ kāle tapaḥkṣayāt pradakṣiṇāṁ tataḥ kṛtvā punarlabdhapado'bhavat

'A certain siddha, when his austerity waned with the passage of time, was cast down from heaven; performing circumambulation, he regained his rank once more.'

Verse 90 (skanda.1.110.90)

स्खलितं पादजं रक्तं मम कर्तुः प्रदक्षिणम् । मार्ज्यते तस्य देवेन्द्र मौलिमंदारकेसरैः

skhalitaṁ pādajaṁ raktaṁ mama kartuḥ pradakṣiṇam mārjyate tasya devendra maulimaṁdārakesaraiḥ

'Whatever blood is shed from the stumbled feet of one who performs my circumambulation, O lord of the gods, is wiped away with the very filaments of the divine mandara flower.'

Verse 91 (skanda.1.110.91)

प्रदक्षिणमहावीथी शिलाशकलघट्टितम् । पदं संधार्यते पुंसां श्रीपयोधरकुंकुमैः

pradakṣiṇamahāvīthī śilāśakalaghaṭṭitam padaṁ saṁdhāryate puṁsāṁ śrīpayodharakuṁkumaiḥ

'On the great pathway of circumambulation, rough with fragments of stone, the very steps of men are cushioned by the vermilion of Shri's own breasts.'

Verse 92 (skanda.1.110.92)

मणिपर्वतशृंगेषु कल्पद्रुमवनांतरे । संचरंति सदा मर्त्या मम कृत्वा प्रदक्षिणम्

maṇiparvataśṛṁgeṣu kalpadrumavanāṁtare saṁcaraṁti sadā martyā mama kṛtvā pradakṣiṇam

'On the peaks of the jewelled mountain, within the groves of the wish-fulfilling trees, mortals, having performed my circumambulation, wander there always.'

Verse 93 (skanda.1.110.93)

गौर्युवाच । उपचारप्रवृत्तानां फलं मे शंस सुव्रत । यैर्वै जनः कृतार्थः स्याद्यथाशक्ति कृतादरः

gauryuvāca upacārapravṛttānāṁ phalaṁ me śaṁsa suvrata yairvai janaḥ kṛtārthaḥ syādyathāśakti kṛtādaraḥ

Gauri said: O one of excellent vow, tell me the fruit of those who engage in ritual service, by which a man, offering reverence according to his means, becomes fulfilled.

Verse 94 (skanda.1.110.94)

मुनिरुवाच । उपचारफलं देवि शृणु वक्ष्याम्यहं तव । यन्मह्यं कृपया पूर्वमुक्तवान्परमेश्वरः

muniruvāca upacāraphalaṁ devi śṛṇu vakṣyāmyahaṁ tava yanmahyaṁ kṛpayā pūrvamuktavānparameśvaraḥ

The sage said: O goddess, hear the fruit of ritual service; I shall tell you what the Supreme Lord himself once told me, out of grace, long ago.

Verse 95 (skanda.1.110.95)

लूती तंतुकजालानि संसृज्य क्वचिदेव मे । जातिस्मरो महीध्रेऽस्मिन्सोंऽशुकैर्मां व्यवेष्टयत्

lūtī taṁtukajālāni saṁsṛjya kvacideva me jātismaro mahīdhre'sminsoṁ'śukairmāṁ vyaveṣṭayat

'A spider once wove upon me nothing more than a web of its own thread; that creature, remembering its former birth, thereby wrapped me, as it were, in cloth upon this mountain.'

Verse 96 (skanda.1.110.96)

गजः कश्चितृषाक्रांतो विमुच्य च मधु क्वचित् । वनपल्लवमुत्कीर्य मुक्तोऽभूद्गणनायकः

gajaḥ kaścitṛṣākrāṁto vimucya ca madhu kvacit vanapallavamutkīrya mukto'bhūdgaṇanāyakaḥ

'A certain thirst-tormented elephant, once giving up honey, and tearing loose a forest bough, thereby found liberation and became a leader of the ganas.'

Verse 97 (skanda.1.110.97)

कृमयो विलुठन्तो मे पार्श्वे दुरितवर्जिताः । सिद्धवेषाः पुनः सर्वे मम लोकं व्रजंति ते

kṛmayo viluṭhanto me pārśve duritavarjitāḥ siddhaveṣāḥ punaḥ sarve mama lokaṁ vrajaṁti te

'Whatever worms, freed of sin, roll about at my very side — all of them, taking the very form of siddhas, go on to my own world.'

Verse 98 (skanda.1.110.98)

अव्युच्छिन्नप्रदीपार्चिः क्षणमप्यादधाति यः । स्वयंप्रकाशः स भवन्मम सारूप्यमश्नुते

avyucchinnapradīpārciḥ kṣaṇamapyādadhāti yaḥ svayaṁprakāśaḥ sa bhavanmama sārūpyamaśnute

'Whoever sustains, even for a moment, the flame of an unbroken lamp becomes himself self-luminous and attains equality of form with me.'

Verse 99 (skanda.1.110.99)

हारीतः कोपि संप्राप्तः शाखानीडो ममांतिके । खद्योतो दीपवन्नक्तं तावन्मुक्तिं समागतः

hārītaḥ kopi saṁprāptaḥ śākhānīḍo mamāṁtike khadyoto dīpavannaktaṁ tāvanmuktiṁ samāgataḥ

'A certain green pigeon, its nest in a branch, once came to my presence; a firefly, becoming as it were a lamp by night, attained liberation in that very span of time.'

Verse 100 (skanda.1.110.100)

गावः प्रस्रवणैः सिक्ता वत्सस्मरणसंभवैः । मत्पार्श्वे मुक्तिमापुस्ता मम लोकं समाश्रयन्

gāvaḥ prasravaṇaiḥ siktā vatsasmaraṇasaṁbhavaiḥ matpārśve muktimāpustā mama lokaṁ samāśrayan

'Cows, drenched by the streams of milk that flowed from remembering their calves, obtained liberation at my very side and took refuge in my own world.'

Verse 101 (skanda.1.110.101)

काकः पक्षजवातेन बलिग्रहणलोलुपः । मार्जयन्मत्पुरोभागं मुक्तिं प्रापद्यत क्षणात्

kākaḥ pakṣajavātena baligrahaṇalolupaḥ mārjayanmatpurobhāgaṁ muktiṁ prāpadyata kṣaṇāt

'A crow, greedy to seize its share of the offering, sweeping the ground before me with the wind of its wings, attained liberation in an instant.'

Verse 102 (skanda.1.110.102)

मूषको मद्गुहाभागं मणिसंघविकर्षणैः । प्रकाशयन्वितिमिरं मम रूपमपद्यत

mūṣako madguhābhāgaṁ maṇisaṁghavikarṣaṇaiḥ prakāśayanvitimiraṁ mama rūpamapadyata

'A mouse, dragging together heaps of gems in the depths of my own cave, dispelling the darkness there and lighting it up, thereby attained my very own form.'

Verse 103 (skanda.1.110.103)

छायावृक्षत्वमास्थातुं मुनयस्त्रिदशा अपि । प्रार्थयंत्येव मत्पार्श्वे न पुनःसंभवेच्छया

chāyāvṛkṣatvamāsthātuṁ munayastridaśā api prārthayaṁtyeva matpārśve na punaḥsaṁbhavecchayā

'Even the sages and the thirty gods entreat to become a shade-giving tree, right here at my side — not out of any wish for rebirth again.'

Verse 104 (skanda.1.110.104)

गोपुरं शिखरं शालां मण्डपं वापिकामपि । कुर्वतां मत्पुरोभागे सिध्यंतीष्टार्थसंपदः

gopuraṁ śikharaṁ śālāṁ maṇḍapaṁ vāpikāmapi kurvatāṁ matpurobhāge sidhyaṁtīṣṭārthasaṁpadaḥ

'Those who build, in the region before me, a gateway-tower, a spire, a hall, a pavilion, or a step-well, obtain the prosperity they desire.'

Verse 105 (skanda.1.110.105)

सदा मर्त्त्यैरनासाद्यमग्निलिंगमिदं मम । अनासाद्याचलेशाख्यं पूज्यतां वसुधातले

sadā marttyairanāsādyamagniliṁgamidaṁ mama anāsādyācaleśākhyaṁ pūjyatāṁ vasudhātale

'This fire-linga of mine is ever inaccessible directly to mortals; even without directly attaining it, let it be worshipped upon this earth under the name Lord of the Mountain.'

Verse 106 (skanda.1.110.106)

वीक्षणस्पर्शनध्यानैः स्वभूतं निखिलं जगत् । पोषयंती परा शक्तिः पूज्याऽपीतकुचाभिधा

vīkṣaṇasparśanadhyānaiḥ svabhūtaṁ nikhilaṁ jagat poṣayaṁtī parā śaktiḥ pūjyā'pītakucābhidhā

'That supreme Shakti, nurturing the whole universe as her very own through sight, touch, and meditation, is worshipped under the name Apitakucha.'

Verse 107 (skanda.1.110.107)

सर्वलोकैकजननी संप्राप्ता नित्ययौवनम् । यौवनप्रार्थिभिः सेव्या सदाऽपीतकुचाभिधा

sarvalokaikajananī saṁprāptā nityayauvanam yauvanaprārthibhiḥ sevyā sadā'pītakucābhidhā

'The sole mother of all worlds, ever possessed of unfading youth, ever served by those who pray for youth, under the name Apitakucha.'

Verse 108 (skanda.1.110.108)

क्षणात्तस्य पुरोभागे वसतां प्राणिनामिह । परत्र वात्र दुष्प्राप्यमिष्टवस्तु न विद्यते

kṣaṇāttasya purobhāge vasatāṁ prāṇināmiha paratra vātra duṣprāpyamiṣṭavastu na vidyate

'For beings who dwell but an instant in the region before her, here or in the world beyond, no desired thing whatsoever remains hard to attain.'

Verse 109 (skanda.1.110.109)

अप्रमेयगुणाधारमपेक्षितवरप्रदम् । अशेषभोगनिलयं शोणाद्रीशं समर्चय

aprameyaguṇādhāramapekṣitavarapradam aśeṣabhoganilayaṁ śoṇādrīśaṁ samarcaya

'Worship well the Lord of Shonadri — the very foundation of immeasurable qualities, granter of the boon desired, the dwelling-place of every enjoyment.'

Verse 110 (skanda.1.110.110)

लब्धकामा पुनः शम्भुमाश्रयिष्यसि सुव्रते । तपश्चरणमप्येतत्तव लोकहितावहम्

labdhakāmā punaḥ śambhumāśrayiṣyasi suvrate tapaścaraṇamapyetattava lokahitāvaham

'Having attained your desire, O one of excellent vow, you shall once again take refuge in Shambhu; this austerity of yours too shall bring about the welfare of the world.'

Verse 111 (skanda.1.110.111)

न केवलं तव तपः स्ववांछितफलप्रदम् । तपस्यतामृषीणां च क्षेमायैव भविष्यति

na kevalaṁ tava tapaḥ svavāṁchitaphalapradam tapasyatāmṛṣīṇāṁ ca kṣemāyaiva bhaviṣyati

'Your austerity is not merely for the fruit you yourself desire; it shall be for the welfare of the sages performing austerity too.'

Verse 112 (skanda.1.110.112)

कारणांतरमाशंक्य तपः कुर्वंति देवताः । रहस्यं देवतानां तु फलेनैवानुमीयते

kāraṇāṁtaramāśaṁkya tapaḥ kurvaṁti devatāḥ rahasyaṁ devatānāṁ tu phalenaivānumīyate

'Suspecting some further cause, the gods too perform austerity; the secret of the gods is inferred only by its fruit.'

Verse 113 (skanda.1.110.113)

वयं च सहसंवासास्तव व्रतनिरीक्षणात् । कृतार्थाः स्याम देवेशि तपसा नः कृतार्थता

vayaṁ ca sahasaṁvāsāstava vratanirīkṣaṇāt kṛtārthāḥ syāma deveśi tapasā naḥ kṛtārthatā

'We too, beholding your vow, dwelling here together with you, shall become fulfilled, O Lady of the gods — through your austerity alone lies our own fulfilment.'

Verse 114 (skanda.1.110.114)

इति तस्य मुनेर्वाक्यमर्थगर्भं निशम्य सा । गौरी कौतुकसंयुक्ता प्रशशंस महामुनिम्

iti tasya munervākyamarthagarbhaṁ niśamya sā gaurī kautukasaṁyuktā praśaśaṁsa mahāmunim

Hearing this word of the sage, laden with meaning, Gauri, filled with wonder, praised that great sage.

Verse 115 (skanda.1.110.115)

तपः किमन्यत्कर्तव्यं लब्धं तव तु दर्शनम् । अरुणाद्रिरयं दृष्टः श्रुतं माहात्म्यमस्य च

tapaḥ kimanyatkartavyaṁ labdhaṁ tava tu darśanam aruṇādrirayaṁ dṛṣṭaḥ śrutaṁ māhātmyamasya ca

'What other austerity now remains to be done? Your very sight has already been gained; this Arunadri has been seen, and its greatness too has been heard.'

Verse 116 (skanda.1.110.116)

अहो भूमेस्तु वैचित्र्यं यतो दृष्टा दिवोऽधिका । यत्रैव तैजसं लिंगं देवतानां वरप्रदः

aho bhūmestu vaicitryaṁ yato dṛṣṭā divo'dhikā yatraiva taijasaṁ liṁgaṁ devatānāṁ varapradaḥ

'Ah, what a wonder is this earth, seen to surpass even heaven itself — for here alone is that linga of light, granter of boons to the gods.'

Verse 117 (skanda.1.110.117)

शिवः प्रसादसिद्धो मे दर्शितं स्थानमात्मनः । अत्रैव शिवमाराध्य वशीकुर्यां जगद्गुरुम्

śivaḥ prasādasiddho me darśitaṁ sthānamātmanaḥ atraiva śivamārādhya vaśīkuryāṁ jagadgurum

'Shiva has been won by his own grace toward me; he has shown me his own very abode. Worshipping Shiva right here, I shall bring the guru of the world under my sway.'

Verse 118 (skanda.1.110.118)

अविनाभूतमैक्यं मे देवेन भवतात्सदा । त्वया कृतेन साह्येन भवेयं शिवनायिका

avinābhūtamaikyaṁ me devena bhavatātsadā tvayā kṛtena sāhyena bhaveyaṁ śivanāyikā

'May my inseparable oneness with the God endure forever; through the help rendered by you I shall become the consort of Shiva.'

Verse 119 (skanda.1.110.119)

इति गौतमसंनिधौ तदानीं कृतसंवित्तप आदरेण कर्तुम् । अभजद्रुचिरां च पर्णशालां मुनिना चानुमता तथेति भक्त्या

iti gautamasaṁnidhau tadānīṁ kṛtasaṁvittapa ādareṇa kartum abhajadrucirāṁ ca parṇaśālāṁ muninā cānumatā tatheti bhaktyā

Thus, in Gautama's presence, resolving there and then to perform austerity with reverence, she, with devotion, took up a delightful leaf-hut, to which the sage gave his consent, saying, 'So be it.'

Verse 120 (skanda.1.110.120)

सुकुमारतनुः सरोरुहाक्षी घनतुंगस्तनकल्पितोत्तरीया । जटिला हरिनीलरत्नकांतिर्गिरिजा राजति देहवत्तपःश्रीः

sukumāratanuḥ saroruhākṣī ghanatuṁgastanakalpitottarīyā jaṭilā harinīlaratnakāṁtirgirijā rājati dehavattapaḥśrīḥ

Her body delicate, her eyes like lotuses, an upper garment fashioned across her full, high breasts, her hair matted, her radiance like that of a sapphire — Girija shone forth as though the very glory of austerity had taken on a body.

Verse 121 (skanda.1.110.121)

नियमैर्बहुभिस्तपोविशेषैः क्रतुषु प्राप्तविचित्रयोगबंधैः । निगमागमदृष्टधर्ममार्गं सकलं सा तु कृतार्थतामनैषीत्

niyamairbahubhistapoviśeṣaiḥ kratuṣu prāptavicitrayogabaṁdhaiḥ nigamāgamadṛṣṭadharmamārgaṁ sakalaṁ sā tu kṛtārthatāmanaiṣīt

Through many observances, through austerities of surpassing kind, through the wondrous disciplines of yoga attained in her rites, she brought to fulfilment the entire path of dharma seen in the Vedas and the Agamas alike.

Verse 122 (skanda.1.110.122)

तपसा विविधेनतप्यमाना न कदाचित्परिखेदमाप तन्वी । हरिरत्नमयी च कापि वल्ली नितरां दीप्तिमती बभूव बाला

tapasā vividhenatapyamānā na kadācitparikhedamāpa tanvī hariratnamayī ca kāpi vallī nitarāṁ dīptimatī babhūva bālā

Scorched by manifold austerities, that slender one never once knew weariness; that maiden became, as it were, a vine wrought of sapphire, exceedingly radiant.