Satyabhama's Previous Birth and the Glory of Prayaga

Verse 1 (skanda.2.110.1)

सूत उवाच । श्रियः पतिमथामंत्र्य गते देवर्षिसत्तमे । हर्षोत्फुल्लाऽऽनना सत्या वासुदेवमथाऽब्रवीत्

sūta uvāca śriyaḥ patimathāmaṁtrya gate devarṣisattame harṣotphullā''nanā satyā vāsudevamathā'bravīt

Suta said: Then, when the best of divine sages, having taken leave of the Lord of Shri, had departed, Satya, her face blossoming with joy, spoke to Vasudeva:

Verse 2 (skanda.2.110.2)

सत्यभामोवाच । धन्यास्मि कृतकृत्याऽस्मि सफलं जीवितं मम । दानं व्रतं तपो वाऽपि किं नु पूर्वं कृतं मया

satyabhāmovāca dhanyāsmi kṛtakṛtyā'smi saphalaṁ jīvitaṁ mama dānaṁ vrataṁ tapo vā'pi kiṁ nu pūrvaṁ kṛtaṁ mayā

Satyabhama said: I am blessed, I am fulfilled, my life is fruitful. What gift, or vow, or austerity did I perform before —

Verse 3 (skanda.2.110.3)

येनाऽहं मर्त्यजा देव तवांगार्द्धहराऽभवम् । भवांतरे च किंशीला काचाऽहं कस्य कन्यका । तवाऽहं वल्लभा जाता तद्वदस्व ममाऽखिलम्

yenā'haṁ martyajā deva tavāṁgārddhaharā'bhavam bhavāṁtare ca kiṁśīlā kācā'haṁ kasya kanyakā tavā'haṁ vallabhā jātā tadvadasva mamā'khilam

— by which I, born a mortal, O Lord, became the possessor of half your body? And in a former existence, what was my character, who was I, whose daughter? Tell me all this, since I have become your beloved.

Verse 4 (skanda.2.110.4)

श्रीकृष्ण उवाच । शृणुष्वैकमना कांते यथा त्वं पूर्वजन्मनि

śrīkṛṣṇa uvāca śṛṇuṣvaikamanā kāṁte yathā tvaṁ pūrvajanmani

Sri Krishna said: Listen with a single mind, O beloved, how you, in a former birth,

Verse 5 (skanda.2.110.5)

पुण्यव्रतं कृतवती तत्सर्वं कथयामि ते । आसीत्कृतयुगस्यांते मायापुर्यां द्विजोत्तमः

puṇyavrataṁ kṛtavatī tatsarvaṁ kathayāmi te āsītkṛtayugasyāṁte māyāpuryāṁ dvijottamaḥ

performed a meritorious vow — I shall tell you all of it. At the end of the Krita age, in the city of Mayapuri, there was an excellent brahmin,

Verse 6 (skanda.2.110.6)

आत्रेयो देवशर्मेति वेदवेदांगपारगः । तस्यातिवयसश्चाऽऽसीन्नाम्ना गुणवती सुता

ātreyo devaśarmeti vedavedāṁgapāragaḥ tasyātivayasaścā''sīnnāmnā guṇavatī sutā

of the Atri lineage, named Devasharma, learned in the Vedas and Vedangas. He, of advanced age, had a daughter named Gunavati.

Verse 7 (skanda.2.110.7)

अपुत्रः स स्वशिष्याय चंद्रनाम्ने ददौ सुताम् । तमेव पुत्रवन्मेने स च तं पितृवद्वशी

aputraḥ sa svaśiṣyāya caṁdranāmne dadau sutām tameva putravanmene sa ca taṁ pitṛvadvaśī

Being without a son, he gave his daughter to his own disciple, named Chandra; he regarded him as a son, and that obedient disciple regarded him as a father.

Verse 8 (skanda.2.110.8)

तौ कदाचिद्वनं यातौ कुशेध्माहरणार्थिनौ । निहतौ रक्षसा तौ च कृतांतसमरूपिणा

tau kadācidvanaṁ yātau kuśedhmāharaṇārthinau nihatau rakṣasā tau ca kṛtāṁtasamarūpiṇā

Once the two of them went to the forest to gather kusha grass and fuel-wood; they were both killed by a rakshasa who had the very form of Death.

Verse 9 (skanda.2.110.9)

स्वस्वपुण्य प्रभावेन विष्णुलोकं गतावुभौ । ततो गुणवती श्रुत्वा रक्षसा निहतावुभौ

svasvapuṇya prabhāvena viṣṇulokaṁ gatāvubhau tato guṇavatī śrutvā rakṣasā nihatāvubhau

By the power of their respective merits, both of them went to the world of Vishnu. Then Gunavati, having heard that both had been slain by the rakshasa,

Verse 10 (skanda.2.110.10)

पितृभर्तृजदुःखार्ता कारुण्यं पर्यदेवयत् । सा गृहोपस्करा न्सर्वान्विक्रीयाशु च कर्मं तत्

pitṛbhartṛjaduḥkhārtā kāruṇyaṁ paryadevayat sā gṛhopaskarā nsarvānvikrīyāśu ca karmaṁ tat

tormented by grief for her father and husband, lamented most piteously. She quickly sold all the household goods,

Verse 11 (skanda.2.110.11)

तयोश्चक्रे यथाशक्ति पारलौकीं ततः क्रियाम् । तस्मिन्नेव पुरे चक्रे वासं सा मृतजीविनी

tayoścakre yathāśakti pāralaukīṁ tataḥ kriyām tasminneva pure cakre vāsaṁ sā mṛtajīvinī

and performed, according to her means, the rites for the other world; and she, though bereft, continued to dwell in that very city.

Verse 12 (skanda.2.110.12)

व्रतद्वयं तया सम्यगाजन्ममरणात्कृतम् । एकादशीव्रतं सम्यक्सेवनं कार्तिकस्य च

vratadvayaṁ tayā samyagājanmamaraṇātkṛtam ekādaśīvrataṁ samyaksevanaṁ kārtikasya ca

She duly performed two vows, from birth until death: the Ekadashi vow, and the proper observance of Kartika.

Verse 13 (skanda.2.110.13)

इत्थं गुणवती सम्यक्प्रत्यब्द व्रतिनी ह्यभूत् । कदाचित्सरुजा साऽथ कृशांगी ज्वरपीडिता

itthaṁ guṇavatī samyakpratyabda vratinī hyabhūt kadācitsarujā sā'tha kṛśāṁgī jvarapīḍitā

Thus Gunavati duly kept these vows every year. Once, afflicted, her body wasted, tormented by fever,

Verse 14 (skanda.2.110.14)

स्नातुं गंगां गता कांते कथंचिच्छनकैस्तदा । यावज्जलांतरगता कंपिता शीतपीडिता

snātuṁ gaṁgāṁ gatā kāṁte kathaṁcicchanakaistadā yāvajjalāṁtaragatā kaṁpitā śītapīḍitā

she went, O beloved, somehow slowly, to bathe in the Ganga; as she went into the water, trembling, afflicted by the cold,

Verse 15 (skanda.2.110.15)

तावत्सा विह्वलाऽपश्यद्विमानं यातमंबरात् । अथ सा तद्विमानस्था वैकुण्ठभुवनं ययौ

tāvatsā vihvalā'paśyadvimānaṁ yātamaṁbarāt atha sā tadvimānasthā vaikuṇṭhabhuvanaṁ yayau

then, overwhelmed, she saw a celestial chariot descending from the sky; then, seated in that chariot, she went to the realm of Vaikuntha.

Verse 16 (skanda.2.110.16)

कार्तिकव्रतपुण्येन मत्सान्निध्यं गताऽभवत् । अथ ब्रह्मादिदेवानां यदा प्रार्थनया भुवम्

kārtikavratapuṇyena matsānnidhyaṁ gatā'bhavat atha brahmādidevānāṁ yadā prārthanayā bhuvam

By the merit of the Kartika vow, she came into my very presence. Now, when, at the entreaty of Brahma and the other gods,

Verse 17 (skanda.2.110.17)

आगतोऽहं गणाः सर्वे यातास्तेऽपि मया सह । एते हि यादवाः सर्वे मद्गणा एव भामिनि

āgato'haṁ gaṇāḥ sarve yātāste'pi mayā saha ete hi yādavāḥ sarve madgaṇā eva bhāmini

I came to the earth, all her companions came with me too; for, O lady, all these Yadavas are indeed my own attendants.

Verse 18 (skanda.2.110.18)

पिता ते देवशर्माऽभूत्सत्राजिदभिधो ह्ययम् । यश्चंद्रनामाऽसोऽक्रूरस्त्वं सा गुणवती शुभा

pitā te devaśarmā'bhūtsatrājidabhidho hyayam yaścaṁdranāmā'so'krūrastvaṁ sā guṇavatī śubhā

Your father Devasharma became this one named Satrajit; and he who was named Chandra became this Akrura; and you were that auspicious Gunavati.

Verse 19 (skanda.2.110.19)

कार्तिकव्रतपुण्येन बहु मत्प्रीतिदायिनी । मद्द्वारि यत्त्वया पूर्वं तुलसीवाटिका कृता

kārtikavratapuṇyena bahu matprītidāyinī maddvāri yattvayā pūrvaṁ tulasīvāṭikā kṛtā

By the merit of the Kartika vow, you have given me much delight. Because you formerly made a tulasi-garden at my door,

Verse 20 (skanda.2.110.20)

तस्मादयं कल्पवृक्षस्तवांगणगतः शुभे । आजन्ममरणात्पूर्वं यत्कृतं कार्तिकव्रतम्

tasmādayaṁ kalpavṛkṣastavāṁgaṇagataḥ śubhe ājanmamaraṇātpūrvaṁ yatkṛtaṁ kārtikavratam

therefore, O auspicious one, this wish-fulfilling tree stands in your courtyard. Because of the Kartika vow you performed from birth until death,

Verse 21 (skanda.2.110.21)

कदाचिदपि तेन त्वं मद्वियोगं न यास्यसि । सत्योवाच । मासानां तु कथं नाम स मासः कार्तिको वरः

kadācidapi tena tvaṁ madviyogaṁ na yāsyasi satyovāca māsānāṁ tu kathaṁ nāma sa māsaḥ kārtiko varaḥ

by that, you shall never at any time be separated from me. Satya said: But how, indeed, is that month, Kartika, the best of months —

Verse 22 (skanda.2.110.22)

प्रियस्ते देवदेवेश कारणं तत्र कथ्यताम् । श्रीकृष्ण उवाच । साधु पृष्टं त्वया कांते शृणुष्वैकाग्रमानसा

priyaste devadeveśa kāraṇaṁ tatra kathyatām śrīkṛṣṇa uvāca sādhu pṛṣṭaṁ tvayā kāṁte śṛṇuṣvaikāgramānasā

— it is dear to you, O Lord of the gods of gods, tell me the reason for that. Sri Krishna said: Well have you asked, O beloved; listen with a focused mind.

Verse 23 (skanda.2.110.23)

पृथोर्वैन्यस्य संवादं महर्षेर्नारदस्य च । एवमेव पुरा पृष्टो नारदः पृथुनाब्रवीत्

pṛthorvainyasya saṁvādaṁ maharṣernāradasya ca evameva purā pṛṣṭo nāradaḥ pṛthunābravīt

Hear the dialogue between Prithu, son of Vena, and the great sage Narada. In just this way, long ago, Narada, being asked by Prithu, spoke:

Verse 24 (skanda.2.110.24)

नारद उवाच । शंखनामाऽभवत्पूर्वमसुरः सागरात्मजः । इन्द्रादिलोकपालानामधिकाराञ्जहार ह

nārada uvāca śaṁkhanāmā'bhavatpūrvamasuraḥ sāgarātmajaḥ indrādilokapālānāmadhikārāñjahāra ha

Narada said: Long ago there was a demon named Shankha, son of the ocean; he seized the authority of Indra and the other guardians of the world.

Verse 25 (skanda.2.110.25)

सुवर्णाद्रिगुहादुर्गसंस्थितास्त्रिदशादयः । तद्वीक्षयांबभूवुस्ते तदा दैत्यो व्यचारयत्

suvarṇādriguhādurgasaṁsthitāstridaśādayaḥ tadvīkṣayāṁbabhūvuste tadā daityo vyacārayat

The gods and the rest, dwelling in the impregnable caves of the golden mountain, began to watch for an opportunity; then the demon reflected:

Verse 26 (skanda.2.110.26)

हृताधिकारास्त्रिदशा मया यद्यपि निर्जिताः । लक्ष्यंते बलयुक्तास्ते करणीयं मयाऽत्र किम्

hṛtādhikārāstridaśā mayā yadyapi nirjitāḥ lakṣyaṁte balayuktāste karaṇīyaṁ mayā'tra kim

'Although the gods, deprived of their authority, have been conquered by me, they still appear to possess strength; what should I do about this?'

Verse 27 (skanda.2.110.27)

ज्ञातं तत्तु मया देवा वेदमन्त्रबलान्विताः । तान्हरिष्ये ततः सर्वे बलहीना भवंति वै

jñātaṁ tattu mayā devā vedamantrabalānvitāḥ tānhariṣye tataḥ sarve balahīnā bhavaṁti vai

'I have realized this: the gods possess the strength of the Vedic mantras; I shall steal them, and then they will all indeed become powerless.'

Verse 28 (skanda.2.110.28)

इति मत्वा ततो दैत्यो विष्णुमालक्ष्य निद्रितम् । सत्यलोकाज्जहाराशु वेदानादिस्वयंभुवः

iti matvā tato daityo viṣṇumālakṣya nidritam satyalokājjahārāśu vedānādisvayaṁbhuvaḥ

Having thought thus, the demon, observing Vishnu asleep, quickly stole the Vedas of the primordial Self-born from Satyaloka.

Verse 29 (skanda.2.110.29)

नीतास्तु तेन ते वेदास्तद्भयात्ते निराक्रमन् । तोयानि विविशुर्यज्ञमंत्रबीजसमन्विताः

nītāstu tena te vedāstadbhayātte nirākraman toyāni viviśuryajñamaṁtrabījasamanvitāḥ

Carried off by him, those Vedas, out of fear of him, fled away; possessed of the seed-mantras of sacrifice, they entered the waters.

Verse 30 (skanda.2.110.30)

तान्मार्गमाणः शंखोऽपि समुद्रांतर्गतो भ्रमन् । न ददर्श तदा दैत्यः क्वचिदेकत्र संस्थितान् । अथ देवैः स्तुतो विष्णुर्बोधितस्तानुवाच ह

tānmārgamāṇaḥ śaṁkho'pi samudrāṁtargato bhraman na dadarśa tadā daityaḥ kvacidekatra saṁsthitān atha devaiḥ stuto viṣṇurbodhitastānuvāca ha

Shankha, searching for them, wandered within the ocean, but the demon could not find them gathered anywhere in one place. Then Vishnu, praised by the gods, awakened, spoke to them:

Verse 31 (skanda.2.110.31)

विष्णुरुवाच । वरदोऽहं सुरगणा गीतवाद्यादिमंगलैः

viṣṇuruvāca varado'haṁ suragaṇā gītavādyādimaṁgalaiḥ

Vishnu said: O hosts of gods, I grant a boon, since by song, music, and other auspicious things,

Verse 32 (skanda.2.110.32)

ऊर्जस्य शुक्लैकादश्यां भवद्भिः प्रतिबोधितः । अतश्चैषा तिथिर्मान्या साऽतीव प्रीतिदा मम

ūrjasya śuklaikādaśyāṁ bhavadbhiḥ pratibodhitaḥ ataścaiṣā tithirmānyā sā'tīva prītidā mama

I have been awakened by you on the bright Ekadashi of Urja; therefore this tithi is to be honored — it is exceedingly pleasing to me.

Verse 33 (skanda.2.110.33)

वेदाः शंखहृताः सर्वे तिष्ठंत्युदकसंस्थिताः । तानानयाम्यहं देवा हत्वा सागरनंदनम्

vedāḥ śaṁkhahṛtāḥ sarve tiṣṭhaṁtyudakasaṁsthitāḥ tānānayāmyahaṁ devā hatvā sāgaranaṁdanam

All the Vedas stolen by Shankha remain within the waters; I shall bring them back, O gods, having slain the son of the ocean.

Verse 34 (skanda.2.110.34)

अद्यप्रभृति वेदास्तु मंत्रबीजसमन्विताः । प्रत्यब्दं कार्तिके मासि विश्रमंत्वप्सु सर्वदा

adyaprabhṛti vedāstu maṁtrabījasamanvitāḥ pratyabdaṁ kārtike māsi viśramaṁtvapsu sarvadā

From today onward, may the Vedas, possessed of the seed-mantras, always rest within the waters, every year, in the month of Kartika.

Verse 35 (skanda.2.110.35)

कालेऽस्मिन्ये प्रकुर्वंति प्रातःस्नानं नरोत्तमाः । ते सर्वे यज्ञाऽवभृथैः सुस्नाताः स्युर्न संशयः

kāle'sminye prakurvaṁti prātaḥsnānaṁ narottamāḥ te sarve yajñā'vabhṛthaiḥ susnātāḥ syurna saṁśayaḥ

Those excellent men who perform the morning bath at this time — all of them shall be as well-bathed as with the concluding bath of a sacrifice; there is no doubt.

Verse 36 (skanda.2.110.36)

अद्यप्रभृत्यहमपि भवामि जलमध्यगः । भवन्तोऽपि मया सार्द्धमायांतु समुनीश्वराः

adyaprabhṛtyahamapi bhavāmi jalamadhyagaḥ bhavanto'pi mayā sārddhamāyāṁtu samunīśvarāḥ

From today onward, I too shall dwell within the water; you too, O lords of sages, come together with me.

Verse 37 (skanda.2.110.37)

कातिकव्रतिनां चेंद्र रक्षा कार्या त्वया सदा । इत्युक्त्वा भगवान्विष्णुः शफरीतुल्यरूपधृक् । खात्पपात जले विंध्यवासिनः कस्य पश्यतः

kātikavratināṁ ceṁdra rakṣā kāryā tvayā sadā ityuktvā bhagavānviṣṇuḥ śapharītulyarūpadhṛk khātpapāta jale viṁdhyavāsinaḥ kasya paśyataḥ

'And, O Indra, the protection of the observers of the Kartika vow should always be undertaken by you.' Having said this, the Lord Vishnu, assuming a form like a small fish, fell from the sky into the water, before the very eyes of a dweller of the Vindhya.

Verse 38 (skanda.2.110.38)

हत्वा शंखासुरं विष्णुर्बदरीवनमागमत् । तत्राऽऽहूय ऋषीन्सर्वानिदमाज्ञापयत्प्रभुः

hatvā śaṁkhāsuraṁ viṣṇurbadarīvanamāgamat tatrā''hūya ṛṣīnsarvānidamājñāpayatprabhuḥ

Having slain the demon Shankha, Vishnu came to Badarikashrama; there, having summoned all the sages, the Lord commanded this:

Verse 39 (skanda.2.110.39)

विष्णुरुवाच । जलांतरविशीर्णांस्तान्यूयं वेदान्प्रमार्गथ । आनयध्वं च त्वरिताः सागरस्य जलांतरात् । तावत्प्रयागं तिष्ठामि देवतागणसंयुतः

viṣṇuruvāca jalāṁtaraviśīrṇāṁstānyūyaṁ vedānpramārgatha ānayadhvaṁ ca tvaritāḥ sāgarasya jalāṁtarāt tāvatprayāgaṁ tiṣṭhāmi devatāgaṇasaṁyutaḥ

Vishnu said: Search for those Vedas, scattered within the waters; and quickly bring them from within the ocean's waters. Meanwhile I shall remain at Prayaga, together with the host of gods.

Verse 40 (skanda.2.110.40)

नारद उवाच । ततस्तैस्सर्वमुनिभिस्तपोबलसमन्वितैः

nārada uvāca tatastaissarvamunibhistapobalasamanvitaiḥ

Narada said: Then by all those sages, possessed of the power of austerity,

Verse 41 (skanda.2.110.41)

उद्धृताश्च सबीजास्ते वेदा यज्ञसमन्विताः । तेषु यावन्मितं येन लब्धं तावद्धि तस्य तत्

uddhṛtāśca sabījāste vedā yajñasamanvitāḥ teṣu yāvanmitaṁ yena labdhaṁ tāvaddhi tasya tat

the Vedas, with their seed-mantras, joined with the sacrifice, were recovered; and whatever portion of them each sage recovered, that indeed became his own,

Verse 42 (skanda.2.110.42)

स स एव ऋषिर्जातस्तत्तत्प्रभृति पार्थिव । अथ सर्वेऽपि संगम्य प्रयागं मुनयो ययुः

sa sa eva ṛṣirjātastattatprabhṛti pārthiva atha sarve'pi saṁgamya prayāgaṁ munayo yayuḥ

and from that time onward, O king, each such sage became the seer of that portion. Then all the sages, having gathered together, went to Prayaga,

Verse 43 (skanda.2.110.43)

विष्णवे सविधात्रे ते लब्धान्वेदान्न्यवेदयन् । लब्ध्वा वेदान्समग्रांस्तु ब्रह्मा हर्षसमन्वितः

viṣṇave savidhātre te labdhānvedānnyavedayan labdhvā vedānsamagrāṁstu brahmā harṣasamanvitaḥ

and presented the recovered Vedas to Vishnu, together with Brahma. Having obtained the Vedas in their entirety, Brahma, filled with joy,

Verse 44 (skanda.2.110.44)

अयजद्वाजिमेधेन देवर्षिगणसंयुतः । यज्ञांऽते देवताः सर्वे विज्ञप्तिं चक्रुरंजसा

ayajadvājimedhena devarṣigaṇasaṁyutaḥ yajñāṁ'te devatāḥ sarve vijñaptiṁ cakruraṁjasā

performed a sacrifice with the Ashvamedha, joined by the hosts of gods and sages. At the end of the sacrifice, all the gods duly made a petition:

Verse 45 (skanda.2.110.45)

देवा ऊचुः । देवदेव जगन्नाथ विज्ञप्तिं शृणु नः प्रभो । हर्षकालोऽयमस्माकं तस्मात्त्वं वरदो भव

devā ūcuḥ devadeva jagannātha vijñaptiṁ śṛṇu naḥ prabho harṣakālo'yamasmākaṁ tasmāttvaṁ varado bhava

The gods said: O God of gods, Lord of the universe, hear our petition, O Lord; this is a time of joy for us; therefore grant us a boon.

Verse 46 (skanda.2.110.46)

स्थानेऽस्मिन्द्रुहिणो वेदान्नष्टान्प्राप पुनस्त्वयम् । यज्ञभागान्वयं प्राप्तास्त्वत्प्रसादाद्रमापते

sthāne'smindruhiṇo vedānnaṣṭānprāpa punastvayam yajñabhāgānvayaṁ prāptāstvatprasādādramāpate

In this place, Brahma recovered the lost Vedas again through you; we too have obtained our shares of the sacrifice by your grace, O Lord of Rama.

Verse 47 (skanda.2.110.47)

स्थानमेतद्धि नः श्रेष्ठं पृथिव्यां पुण्यवर्धनम् । भुक्तिमुक्तिप्रदं चाऽस्तु प्रसादाद्भवतः सदा

sthānametaddhi naḥ śreṣṭhaṁ pṛthivyāṁ puṇyavardhanam bhuktimuktipradaṁ cā'stu prasādādbhavataḥ sadā

This place is indeed the most excellent for us on earth, increasing merit; may it always, by your grace, bestow both enjoyment and liberation.

Verse 48 (skanda.2.110.48)

कालोऽप्ययं महापुण्यो ब्रह्मघ्नाऽऽदिविशुद्धिकृत् । दत्ताऽक्षयकरं चाऽस्तु वरमेवं ददस्व नः

kālo'pyayaṁ mahāpuṇyo brahmaghnā''diviśuddhikṛt dattā'kṣayakaraṁ cā'stu varamevaṁ dadasva naḥ

May this time too be greatly meritorious, purifying even the killer of a brahmin and the like; may whatever is given here become imperishable — grant us this very boon.

Verse 49 (skanda.2.110.49)

विष्णुरुवाच । ममाप्येतद्वृतं देवा यद्भवद्भिरुदाहृतम् । तथास्तु सुलभं त्वेतद्ब्रह्मक्षेत्रमितिप्रथम्

viṣṇuruvāca mamāpyetadvṛtaṁ devā yadbhavadbhirudāhṛtam tathāstu sulabhaṁ tvetadbrahmakṣetramitipratham

Vishnu said: O gods, this too is my own resolve, which you have declared; so be it. This shall be easily accessible, and shall first be renowned as the field of Brahma.

Verse 50 (skanda.2.110.50)

सूर्यवंशोद्भवो राजा गंगामत्रानयिष्यति । सा सूर्यकन्यया चात्र कालिंद्या योगमेष्यति

sūryavaṁśodbhavo rājā gaṁgāmatrānayiṣyati sā sūryakanyayā cātra kāliṁdyā yogameṣyati

A king born of the solar dynasty will bring the Ganga here; and she will unite here with the daughter of the Sun, the Kalindi.

Verse 51 (skanda.2.110.51)

यूयं च सर्वे ब्रह्माद्या निवसंतु मया सह । तीर्थराजेति विख्यातं तीर्थमेतद्भविष्यति

yūyaṁ ca sarve brahmādyā nivasaṁtu mayā saha tīrtharājeti vikhyātaṁ tīrthametadbhaviṣyati

And all of you, beginning with Brahma, shall dwell here together with me; this tirtha shall become renowned as the King of Tirthas.

Verse 52 (skanda.2.110.52)

सर्वपापानि नश्यंति तीर्थराजस्य दर्शनात् । सूर्ये मकरगे प्राप्ते स्नायिनां पापनाशनः

sarvapāpāni naśyaṁti tīrtharājasya darśanāt sūrye makarage prāpte snāyināṁ pāpanāśanaḥ

All sins are destroyed by the sight of the King of Tirthas; when the sun has entered Capricorn, it is a destroyer of sin for those who bathe.

Verse 53 (skanda.2.110.53)

कालोऽप्येष महापुण्यफलदोऽस्तु सदा नृणाम् । सालोक्यादिफलं स्नानैर्माघे मकरगे रवौ

kālo'pyeṣa mahāpuṇyaphalado'stu sadā nṛṇām sālokyādiphalaṁ snānairmāghe makarage ravau

May this time too always bestow the fruit of great merit upon men; through bathing in Magha, when the sun is in Capricorn, one obtains the fruit of dwelling in the same world as Vishnu and the like.

Verse 54 (skanda.2.110.54)

नारद उवाच । एवं देवान्देवदेवस्तदुक्त्वा तत्रैवांतर्धानमागात्सवेधाः । देवाः सर्वेप्यंशकैस्तेऽप्यतिष्ठंश्चांतर्धानं प्रापुरिंद्रादयस्ते

nārada uvāca evaṁ devāndevadevastaduktvā tatraivāṁtardhānamāgātsavedhāḥ devāḥ sarvepyaṁśakaiste'pyatiṣṭhaṁścāṁtardhānaṁ prāpuriṁdrādayaste

Narada said: Having thus spoken to the gods, the God of gods, together with the Creator, vanished from that very place; all the gods too, in their partial forms, remained there, while the fullness of Indra and the rest passed into invisibility.

Verse 55 (skanda.2.110.55)

कार्तिके तुलसीमूले योऽर्चयेद्धरिमीश्वरम् । भुक्त्वेह निखिलान्भोगानंते विष्णुपुरं व्रजेत्

kārtike tulasīmūle yo'rcayeddharimīśvaram bhuktveha nikhilānbhogānaṁte viṣṇupuraṁ vrajet

Whoever, in Kartika, worships the Lord Hari at the foot of tulasi, having enjoyed here all pleasures, goes at the end to the city of Vishnu.