The Origin of Jalandhara

Verse 1 (skanda.2.111.1)

पृथुरुवाच । यत्त्वया कथितं ब्रह्मन्व्रतमूर्जस्य विस्तरात् । तत्र या तुलसीमूले विष्णोः पूजा त्वयोदिता

pṛthuruvāca yattvayā kathitaṁ brahmanvratamūrjasya vistarāt tatra yā tulasīmūle viṣṇoḥ pūjā tvayoditā

Prithu said: O Brahman, regarding the vow of Urja that you have told in detail, in which you have declared the worship of Vishnu at the root of tulasi —

Verse 2 (skanda.2.111.2)

तेनाऽहं प्रष्टुमिच्छामि माहात्म्यं तुलसीभवम् । कथं साऽतिप्रिया तस्य देवदेवस्य शार्ङ्गिणः

tenā'haṁ praṣṭumicchāmi māhātmyaṁ tulasībhavam kathaṁ sā'tipriyā tasya devadevasya śārṅgiṇaḥ

— because of that, I wish to ask the greatness arising from tulasi: how is she so exceedingly dear to that god of gods, the wielder of the Sharnga bow?

Verse 3 (skanda.2.111.3)

कथमेषा समुत्पन्ना कस्मिन्स्थाने च नारद । एवं ब्रूहि समासेन सर्वज्ञोऽसि मतो मम

kathameṣā samutpannā kasminsthāne ca nārada evaṁ brūhi samāsena sarvajño'si mato mama

How did she come into being, and in what place, O Narada? Tell me this concisely; I consider you all-knowing.

Verse 4 (skanda.2.111.4)

नारद उवाच । शृणु राजन्नवहितो माहात्म्यं तुलसीभवम् । सेतिहासं पुरावृत्तं तत्सर्वं कथयामि ते

nārada uvāca śṛṇu rājannavahito māhātmyaṁ tulasībhavam setihāsaṁ purāvṛttaṁ tatsarvaṁ kathayāmi te

Narada said: Listen attentively, O king, to the greatness arising from tulasi; I shall tell you all of it, together with the ancient story that occurred long ago.

Verse 5 (skanda.2.111.5)

पुरा शक्रः शिवं द्रष्टुमगात्कैलासपर्वतम् । सर्वदेवैः परिवृतो ह्यप्सरोगणसेवितः

purā śakraḥ śivaṁ draṣṭumagātkailāsaparvatam sarvadevaiḥ parivṛto hyapsarogaṇasevitaḥ

Long ago Indra went to Mount Kailasa to see Shiva, surrounded by all the gods, attended by hosts of Apsarases.

Verse 6 (skanda.2.111.6)

यावद्गतः शिवगृहं तावत्तत्र स दृष्टवान् । पुरुषं भीमकर्माणं दंष्ट्राऽऽननविभीषणम्

yāvadgataḥ śivagṛhaṁ tāvattatra sa dṛṣṭavān puruṣaṁ bhīmakarmāṇaṁ daṁṣṭrā''nanavibhīṣaṇam

As soon as he arrived at Shiva's abode, he saw there a person of terrifying deeds, whose face, with fangs, was fearsome.

Verse 7 (skanda.2.111.7)

स पृष्टस्तेन कस्त्वं भोः क्व गतो जगदीश्वरः । एवं पुनः पुनः पृष्टः स तदा नोक्तवान्नृप

sa pṛṣṭastena kastvaṁ bhoḥ kva gato jagadīśvaraḥ evaṁ punaḥ punaḥ pṛṣṭaḥ sa tadā noktavānnṛpa

He was asked by him: 'Who are you? Where has the Lord of the universe gone?' Thus asked again and again, that man, O king, then gave no answer.

Verse 8 (skanda.2.111.8)

ततः कुद्धो वज्रपाणिस्तं निर्भर्त्स्य वचोऽब्रवीत् । रे मया पृच्छयमानोऽपि नोत्तरं दत्तवानसि

tataḥ kuddho vajrapāṇistaṁ nirbhartsya vaco'bravīt re mayā pṛcchayamāno'pi nottaraṁ dattavānasi

Then Indra, the wielder of the thunderbolt, enraged, having reviled him, spoke these words: 'Hey, though questioned by me, you have given no answer!'

Verse 9 (skanda.2.111.9)

अतस्त्वां हन्मि वज्रेण कस्ते त्राताऽस्ति दुर्मते । इत्युदीर्य ततो वज्री वज्रेणाऽभ्यहनद्दृढम्

atastvāṁ hanmi vajreṇa kaste trātā'sti durmate ityudīrya tato vajrī vajreṇā'bhyahanaddṛḍham

'Therefore I shall strike you with my thunderbolt, O evil-minded one — who is there to save you!' Having said this, the wielder of the thunderbolt then struck him firmly with the vajra.

Verse 10 (skanda.2.111.10)

तेनास्य कण्ठो नीलत्वमगाद्वज्रं च भस्मताम् । ततो रुद्रः प्रजज्वाल तेजसा प्रदहन्निव

tenāsya kaṇṭho nīlatvamagādvajraṁ ca bhasmatām tato rudraḥ prajajvāla tejasā pradahanniva

By this, his throat turned blue, and the thunderbolt was reduced to ashes; then Rudra blazed forth, as if burning everything with his fiery energy.

Verse 11 (skanda.2.111.11)

दृष्ट्वा बृहस्पतिस्तूर्णं कृतांजलिपुटोऽभवत् । इन्द्रं च दंडवद्भूमौ कृत्वा स्तोतुं प्रचक्रमे

dṛṣṭvā bṛhaspatistūrṇaṁ kṛtāṁjalipuṭo'bhavat indraṁ ca daṁḍavadbhūmau kṛtvā stotuṁ pracakrame

Seeing this, Brihaspati quickly joined his palms in reverence; and, having made Indra prostrate flat on the ground, he began to offer praise:

Verse 12 (skanda.2.111.12)

बृहस्पतिरुवाच । नमो देवाधिपतये त्र्यंबकाय कपर्दिने । त्रिपुरघ्नाय शर्वाय नमोऽधंकनिषूदिने

bṛhaspatiruvāca namo devādhipataye tryaṁbakāya kapardine tripuraghnāya śarvāya namo'dhaṁkaniṣūdine

Brihaspati said: Salutation to the Lord of the gods, to the three-eyed one, to the one with matted locks; to the destroyer of Tripura, to Sharva, salutation to the slayer of Andhaka,

Verse 13 (skanda.2.111.13)

विरूपायाऽतिरूपाय बहुरूपाय शंभवे । यज्ञविध्वंसकर्त्रे च यज्ञानां फलदायिने

virūpāyā'tirūpāya bahurūpāya śaṁbhave yajñavidhvaṁsakartre ca yajñānāṁ phaladāyine

to the one of no fixed form, to the one of surpassing form, to the one of many forms, to Shambhu; to the destroyer of sacrifice, and the bestower of the fruit of sacrifices,

Verse 14 (skanda.2.111.14)

कालांतकाय कालाय कालभोगिधराय च । नमो ब्रह्मशिरोहंत्रे ब्राह्मणाय नमो नमः

kālāṁtakāya kālāya kālabhogidharāya ca namo brahmaśirohaṁtre brāhmaṇāya namo namaḥ

to the ender of Time, to Time himself, to the wearer of the time-serpent; salutation to the one who severed Brahma's head, to the Brahmin — salutation, salutation.

Verse 15 (skanda.2.111.15)

नारद उवाच । एवं स्तुतस्तदा शंभुर्धिषणेन जगाद तम् । संहरन्नयनज्वालां त्रिलोकीदहन क्षमाम्

nārada uvāca evaṁ stutastadā śaṁbhurdhiṣaṇena jagāda tam saṁharannayanajvālāṁ trilokīdahana kṣamām

Narada said: Thus praised, Shambhu, withdrawing the flame of his eye, capable of burning the three worlds, then spoke to Brihaspati:

Verse 16 (skanda.2.111.16)

वरं वरय भो ब्रह्मन्प्रीतः स्तुत्याऽनया तव । इन्द्रस्य जीवदानेन जीवेति त्वं प्रथां वज्र

varaṁ varaya bho brahmanprītaḥ stutyā'nayā tava indrasya jīvadānena jīveti tvaṁ prathāṁ vajra

'Choose a boon, O Brahman; I am pleased by this praise of yours.' At the plea for Indra's life, he said: 'Live, O wielder of the vajra' — thus he granted him renewed life.

Verse 17 (skanda.2.111.17)

बृहस्पतिरुवाच । यदि तुष्टोऽसि देव त्वं पाहींद्रं शरणागतम् । अग्निरेष शमं यातु भालनेत्रसमुद्भवः

bṛhaspatiruvāca yadi tuṣṭo'si deva tvaṁ pāhīṁdraṁ śaraṇāgatam agnireṣa śamaṁ yātu bhālanetrasamudbhavaḥ

Brihaspati said: If you are pleased, O god, protect Indra, who has come for refuge; may this fire, arisen from your forehead-eye, be pacified.

Verse 18 (skanda.2.111.18)

ईश्वर उवाच । पुनः प्रवेशमायाति भालनेत्रे कथं शिखी । एनं त्यक्ष्याम्यहं दूरे यथेंद्रं नैव पीडयेत्

īśvara uvāca punaḥ praveśamāyāti bhālanetre kathaṁ śikhī enaṁ tyakṣyāmyahaṁ dūre yatheṁdraṁ naiva pīḍayet

Ishvara said: How can this fire re-enter my forehead-eye? I shall cast it far away, so that it does not afflict Indra.

Verse 19 (skanda.2.111.19)

नारद उवाच । इत्युक्त्वा तं करे धृत्वा प्राक्षिपल्लवणार्णवे । सोऽपतत्सिंधुगंगायाः सागरस्य च संगमे

nārada uvāca ityuktvā taṁ kare dhṛtvā prākṣipallavaṇārṇave so'patatsiṁdhugaṁgāyāḥ sāgarasya ca saṁgame

Narada said: Having said this, taking hold of it in his hand, he cast it into the salt ocean; it fell at the confluence of the river Sindhu-Ganga with the sea.

Verse 20 (skanda.2.111.20)

तावत्स बालरूपत्वमगात्तत्र रुरोद च । रुदतस्तस्य शब्देन प्राकंपद्धरणी मुहुः

tāvatsa bālarūpatvamagāttatra ruroda ca rudatastasya śabdena prākaṁpaddharaṇī muhuḥ

Then it assumed the form of an infant there, and wept; and by the sound of its weeping, the earth trembled again and again.

Verse 21 (skanda.2.111.21)

स्वर्गाद्याः सत्यलोकांतास्तत्स्वनाद्बधिरीकृताः । श्रुत्वा ब्रह्मा ययौ तत्र किमेतदिति विस्मितः

svargādyāḥ satyalokāṁtāstatsvanādbadhirīkṛtāḥ śrutvā brahmā yayau tatra kimetaditi vismitaḥ

The worlds from heaven up to Satyaloka were deafened by that sound; hearing it, Brahma, astonished, wondering 'what is this?', went there.

Verse 22 (skanda.2.111.22)

तावत्समुद्रस्योत्संगे तं बालं स ददर्श ह । दृष्ट्वा ब्रह्माणमायातं समुद्रोऽपि कृतांजलिः

tāvatsamudrasyotsaṁge taṁ bālaṁ sa dadarśa ha dṛṣṭvā brahmāṇamāyātaṁ samudro'pi kṛtāṁjaliḥ

Then he saw that infant on the ocean's lap; seeing Brahma approaching, the ocean too, with joined palms,

Verse 23 (skanda.2.111.23)

प्रणम्य शिरसा बालं तस्योत्संगे न्यवेशयत् । भो ब्रह्मन्सिंधुगंगायां जातोऽयं मम पुत्रकः । जातकर्माऽऽदिसंस्कारान्कुरुष्वाऽद्य जगद्गुरो

praṇamya śirasā bālaṁ tasyotsaṁge nyaveśayat bho brahmansiṁdhugaṁgāyāṁ jāto'yaṁ mama putrakaḥ jātakarmā''disaṁskārānkuruṣvā'dya jagadguro

having bowed his head, placed the infant in Brahma's lap: 'O Brahman, this child, born in the Sindhu-Ganga, is my own son; O guru of the world, perform for him today the birth-rites and other sacraments.'

Verse 24 (skanda.2.111.24)

नारद उवाच । इत्थं वदति पाथोधौ स बालः सागरात्मजः

nārada uvāca itthaṁ vadati pāthodhau sa bālaḥ sāgarātmajaḥ

Narada said: While the ocean spoke thus, that infant, the ocean's son,

Verse 25 (skanda.2.111.25)

ब्रह्माणमग्रहीत्कूर्चे विधुन्वंस्तं मुहुर्मुहुः । धुन्वतस्तस्य कूर्चे तु नेत्राभ्यामगमज्जलम् । कथंचिन्मुक्तकूर्चोऽथ ब्रह्मा प्रोवाच सागरम्

brahmāṇamagrahītkūrce vidhunvaṁstaṁ muhurmuhuḥ dhunvatastasya kūrce tu netrābhyāmagamajjalam kathaṁcinmuktakūrco'tha brahmā provāca sāgaram

seized Brahma by his beard, shaking it again and again; and as the child shook his beard, water came from Brahma's eyes. Somehow having freed his beard, Brahma then spoke to the ocean:

Verse 26 (skanda.2.111.26)

ब्रह्मोवाच । नेत्राभ्यां विधृतं यस्मादनेनैतज्जलं मम । तस्माज्जलंधर इति ख्यातो नाम्ना भविष्यति

brahmovāca netrābhyāṁ vidhṛtaṁ yasmādanenaitajjalaṁ mama tasmājjalaṁdhara iti khyāto nāmnā bhaviṣyati

Brahma said: Because this water of mine was drawn from my eyes by him, therefore he shall become known by the name Jalandhara.

Verse 27 (skanda.2.111.27)

अनेनैवैष तरुणः सर्वशस्त्रास्त्रपारगः । अवध्यः सर्वभूतानां विना रुद्रं भविष्यति

anenaivaiṣa taruṇaḥ sarvaśastrāstrapāragaḥ avadhyaḥ sarvabhūtānāṁ vinā rudraṁ bhaviṣyati

By this very birth, he, when grown, shall become master of all weapons and missiles, invincible to all beings, except Rudra.

Verse 28 (skanda.2.111.28)

यत एष समुद्भूतस्तत्रैवांतं गमिष्यति । नारद उवाच । इत्युक्त्वा शुक्रमाहूय राज्ये तं चाभ्यषेचयत् । आमंत्र्य सरितां नाथं ब्रह्मांतर्धानमागमत्

yata eṣa samudbhūtastatraivāṁtaṁ gamiṣyati nārada uvāca ityuktvā śukramāhūya rājye taṁ cābhyaṣecayat āmaṁtrya saritāṁ nāthaṁ brahmāṁtardhānamāgamat

From wherever he arose, there indeed he shall meet his end. Narada said: Having said this, having summoned Shukra, Brahma consecrated him in kingship; and, having taken leave of the lord of rivers, Brahma vanished.

Verse 29 (skanda.2.111.29)

अथ तद्दर्शनोत्फुल्लनयनः सागरस्तदा । कालनेमिसुतां वृंदां तद्भार्यार्थमयाचत

atha taddarśanotphullanayanaḥ sāgarastadā kālanemisutāṁ vṛṁdāṁ tadbhāryārthamayācata

Then the ocean, his eyes blossoming with joy at seeing this, requested Vrinda, the daughter of Kalanemi, to be his wife.

Verse 30 (skanda.2.111.30)

ते कालनेमिप्रमुखास्ततोऽसुरास्तस्मै सुतां तां प्रददुः प्रहर्षिताः । स चाऽपि तां प्राप्य सुहृद्वरां वशां शशास गां शुक्रसहायवान्बली

te kālanemipramukhāstato'surāstasmai sutāṁ tāṁ pradaduḥ praharṣitāḥ sa cā'pi tāṁ prāpya suhṛdvarāṁ vaśāṁ śaśāsa gāṁ śukrasahāyavānbalī

Then those demons, headed by Kalanemi, greatly delighted, gave that daughter to him; and he too, having obtained her, an excellent and devoted friend, ruled the earth, powerful, with Shukra as his ally.