Indradyumna's Grief and Narada's Promise of the Lord's Return

Verse 1 (skanda.2.54.1)

मुनय ऊचुः । रथमारुह्य तौ यातौ यदा नारदपार्थिवौ । क्व यातौ चक्रतुः किं वा तन्नो वद महामुने

munaya ūcuḥ rathamāruhya tau yātau yadā nāradapārthivau kva yātau cakratuḥ kiṁ vā tanno vada mahāmune

The sages said: When Narada and the king had gone forth mounted on the chariot, where did they go, and what did they do? Tell us this, O great sage.

Verse 2 (skanda.2.54.2)

जैमिनिरुवाच । सार्द्धं च विद्यापतिना पुरोहितकनीयसा । क्षेत्रांते नीलकण्ठस्य समीपमुपजग्मतुः

jaiminiruvāca sārddhaṁ ca vidyāpatinā purohitakanīyasā kṣetrāṁte nīlakaṇṭhasya samīpamupajagmatuḥ

Jaimini said: Together with Vidyapati, the young priest, they came to the vicinity of Nilakantha at the edge of the field.

Verse 3 (skanda.2.54.3)

दुर्निमित्तमभून्मार्गे व्रजतोऽस्य महीक्षितः । वामाक्षिभुजयोः स्पन्दः स्फुरणं च मुहुर्मुहुः

durnimittamabhūnmārge vrajato'sya mahīkṣitaḥ vāmākṣibhujayoḥ spandaḥ sphuraṇaṁ ca muhurmuhuḥ

An ill omen befell the king as he journeyed on the road: a throbbing and repeated twitching in his left eye and arm.

Verse 4 (skanda.2.54.4)

तद्दृष्ट्वा नृपशार्दूलो विषादमुपसेदिवान् । पप्रच्छ कारणं चास्य सर्वज्ञाननिधिं मुनिम्

taddṛṣṭvā nṛpaśārdūlo viṣādamupasedivān papraccha kāraṇaṁ cāsya sarvajñānanidhiṁ munim

Seeing this, that tiger among kings fell into despondency, and asked the sage, the treasury of all knowledge, its cause —

Verse 5 (skanda.2.54.5)

अव्याहतं मे साम्राज्यं प्राप्तं क्षेत्रोत्तमं त्विदम् । दर्शनार्थं माधवस्य यात्रेयं तु शुभावहा

avyāhataṁ me sāmrājyaṁ prāptaṁ kṣetrottamaṁ tvidam darśanārthaṁ mādhavasya yātreyaṁ tu śubhāvahā

'My sovereignty is unhindered; this excellent field has been reached; this journey for the sight of Madhava is surely auspicious —

Verse 6 (skanda.2.54.6)

अकार्यं मे भवेदद्य किं मुने ब्रूहि तत्त्वतः । स्पन्दते वामनेत्रं तु स्फुरते च भुजोऽसकृत्

akāryaṁ me bhavedadya kiṁ mune brūhi tattvataḥ spandate vāmanetraṁ tu sphurate ca bhujo'sakṛt

'— yet what misfortune could befall me today? Tell me truly, O sage: my left eye throbs, and my arm twitches again and again.'

Verse 7 (skanda.2.54.7)

तच्छ्रुत्वा नारदः प्राह भावि कार्यं च सूचयन् । श्रावयन्कुशलं वाक्यं यदुक्तं पद्मयोनिना

tacchrutvā nāradaḥ prāha bhāvi kāryaṁ ca sūcayan śrāvayankuśalaṁ vākyaṁ yaduktaṁ padmayoninā

Having heard this, Narada, indicating the event to come and repeating the auspicious word spoken by Brahma, said —

Verse 8 (skanda.2.54.8)

नारद उवाच । मा भूद्विषादस्ते भूप सविघ्नं प्रायशः शुभम् । विघ्नांते च शुभं पुंसां पुनर्भाग्यवतां नृप

nārada uvāca mā bhūdviṣādaste bhūpa savighnaṁ prāyaśaḥ śubham vighnāṁte ca śubhaṁ puṁsāṁ punarbhāgyavatāṁ nṛpa

Narada said: 'O King, let there be no despondency; auspicious things are mostly accompanied by obstacles, and at the end of the obstacle, good fortune again comes to fortunate men.'

Verse 9 (skanda.2.54.9)

सत्यं त्वं सार्वभौमोऽसि क्षेत्रं विष्णोर्वपुस्त्विदम् । यात्रा तेऽत्र यदर्थेयं सोऽन्तर्द्धानमुपागमत्

satyaṁ tvaṁ sārvabhaumo'si kṣetraṁ viṣṇorvapustvidam yātrā te'tra yadartheyaṁ so'ntarddhānamupāgamat

'True, you are a universal sovereign, and this field is the very body of Vishnu; but he, for whose sake this journey of yours was made, has himself gone into concealment.'

Verse 10 (skanda.2.54.10)

एष विद्यापतिर्विप्रो दिने यस्मिन्ददर्श तम् । सायंकाले ततोऽन्येद्युः स्वर्णवालुकया वृतः । ययौ पातालनिलयं मर्त्यलोके सुदुर्लभः

eṣa vidyāpatirvipro dine yasmindadarśa tam sāyaṁkāle tato'nyedyuḥ svarṇavālukayā vṛtaḥ yayau pātālanilayaṁ martyaloke sudurlabhaḥ

'This Brahmin Vidyapati, on the very day he beheld him, [saw him] the next evening, covered in golden sand, go down into a dwelling in Patala — now most rare to find in the mortal world.'

Verse 11 (skanda.2.54.11)

जैमिनिरुवाच । तच्छ्रुत्वा घोरवचनं वव्रपातसमं नृपः । पपात धरणीपृष्ठे निःसंज्ञः स द्विजोत्तमाः

jaiminiruvāca tacchrutvā ghoravacanaṁ vavrapātasamaṁ nṛpaḥ papāta dharaṇīpṛṣṭhe niḥsaṁjñaḥ sa dvijottamāḥ

Jaimini said: Having heard that terrible word, like the fall of a thunderbolt, the king fell senseless upon the ground, O best of Brahmins.

Verse 12 (skanda.2.54.12)

तं तथा पतितं दृष्ट्वा पुरोहितपुरोगमाः । स्निग्धाः सखायः सर्वे ते हाहाकारमुपाद्रवन्

taṁ tathā patitaṁ dṛṣṭvā purohitapurogamāḥ snigdhāḥ sakhāyaḥ sarve te hāhākāramupādravan

Seeing him fallen thus, the priests and all his affectionate friends rushed forward, crying out in dismay.

Verse 13 (skanda.2.54.13)

कर्पूरशीतलं वारि मुखे सिक्त्वा पुनःपुनः । चन्दनागुरुकर्पूरैः सर्वांगं लिलिपुश्च ते

karpūraśītalaṁ vāri mukhe siktvā punaḥpunaḥ candanāgurukarpūraiḥ sarvāṁgaṁ lilipuśca te

Sprinkling his face again and again with camphor-cooled water, they anointed his whole body with sandal, aguru and camphor.

Verse 14 (skanda.2.54.14)

चामरैस्तालवृंतैश्च वीजयामासुराशु तम् । नारदोऽपि च संभ्रांतो धारयन्योगधारणाम्

cāmaraistālavṛṁtaiśca vījayāmāsurāśu tam nārado'pi ca saṁbhrāṁto dhārayanyogadhāraṇām

They swiftly fanned him with chowries and palm-leaf fans; Narada too, agitated, holding himself steady through the practice of yoga,

Verse 15 (skanda.2.54.15)

प्राणानररक्षन्नरपतेर्जानंस्तत्र शुभायतिम् । सोऽपि राजा चिरात्संज्ञां लेभे यत्नैरनुत्तमैः

prāṇānararakṣannarapaterjānaṁstatra śubhāyatim so'pi rājā cirātsaṁjñāṁ lebhe yatnairanuttamaiḥ

protected the king's life-breaths, knowing the auspicious future to come; and that king too, after a long while, regained consciousness through their utmost efforts.

Verse 16 (skanda.2.54.16)

उत्थाय पादयोर्विप्रा नारदस्यापतत्पुनः । किमकार्षं मुने पापं कस्मिञ्जन्मांतरे दृढम्

utthāya pādayorviprā nāradasyāpatatpunaḥ kimakārṣaṁ mune pāpaṁ kasmiñjanmāṁtare dṛḍham

Rising, he fell again at Narada's feet: 'O sage, what sin have I committed in some former birth,

Verse 17 (skanda.2.54.17)

यस्य पाकदशायां वै दुःखमासीत्सुदारुणम् । कर्मणा मनसा वाचा नो द्विजानां गवामपि । अपराधः कृतः कश्चित्स्वप्नेऽपि मुनिपुंगव

yasya pākadaśāyāṁ vai duḥkhamāsītsudāruṇam karmaṇā manasā vācā no dvijānāṁ gavāmapi aparādhaḥ kṛtaḥ kaścitsvapne'pi munipuṁgava

'— whose ripening has brought this most terrible sorrow? By deed, mind, or word, I have never, O foremost of sages, committed any offense against Brahmins or cows, even in a dream.'

Verse 18 (skanda.2.54.18)

नित्यं नैमित्तिकं काम्यं कर्म यत्परिकीर्तितम् । राज्ञस्तन्मुनिशार्दूल न त्यक्तं वै मया क्वचित्

nityaṁ naimittikaṁ kāmyaṁ karma yatparikīrtitam rājñastanmuniśārdūla na tyaktaṁ vai mayā kvacit

'The daily, occasional, and desired duties enjoined for a king, O tiger among sages, have never once been neglected by me;

Verse 19 (skanda.2.54.19)

देवतातिथिभृत्यानां पितॄणां च महामुने । तथाश्रितानां बंधूनां नापमानः कृतो मया

devatātithibhṛtyānāṁ pitṝṇāṁ ca mahāmune tathāśritānāṁ baṁdhūnāṁ nāpamānaḥ kṛto mayā

'of gods, guests, servants and ancestors, O great sage, and likewise of dependents and kinsmen, I have never shown disrespect;

Verse 20 (skanda.2.54.20)

पंचाशदपराधा ये विष्णोर्वैष्णवपुंगव । त्यक्ताः प्रयत्नात्ते सर्वे क्रुद्धा इव महोरगाः

paṁcāśadaparādhā ye viṣṇorvaiṣṇavapuṁgava tyaktāḥ prayatnātte sarve kruddhā iva mahoragāḥ

'the fifty offenses against Vishnu that are declared, O foremost of Vaishnavas, all these I have carefully shunned, as one shuns enraged great serpents.'

Verse 21 (skanda.2.54.21)

किं भाग्यं चरितं तेन पुरोहितकनीयसा । यच्चर्मचक्षुषा दृष्टो भगवान्नीलमाधवः

kiṁ bhāgyaṁ caritaṁ tena purohitakanīyasā yaccarmacakṣuṣā dṛṣṭo bhagavānnīlamādhavaḥ

'What fortunate deed did that young priest perform, that he beheld the Lord Nilamadhava with fleshly eyes —

Verse 22 (skanda.2.54.22)

किमर्थं राज्यविभ्रंशो जानतैष न्वया कृतः । यात्रासमय एवैतत्कथं वा न प्रकीर्तितम्

kimarthaṁ rājyavibhraṁśo jānataiṣa nvayā kṛtaḥ yātrāsamaya evaitatkathaṁ vā na prakīrtitam

'— while, though knowing what would come, why have you allowed this ruin of my kingdom? Why was this not told to me at the very outset of the journey?

Verse 23 (skanda.2.54.23)

किमर्थं वा श्रोत्रियाणां स्थानभ्रंशो मया कृतः । कथमेतैः परित्यक्ताश्चिरात्संस्कृतभूमयः

kimarthaṁ vā śrotriyāṇāṁ sthānabhraṁśo mayā kṛtaḥ kathametaiḥ parityaktāścirātsaṁskṛtabhūmayaḥ

'Why have I caused the learned Brahmins to be uprooted from their places? How shall these long-cultivated lands now be forsaken by them?

Verse 24 (skanda.2.54.24)

आवंशभूतेर्वृत्तिर्या प्रजाभिः परिपालिता । मदर्थं सा परित्यक्ता जीविष्यंति कथं नु ताः

āvaṁśabhūtervṛttiryā prajābhiḥ paripālitā madarthaṁ sā parityaktā jīviṣyaṁti kathaṁ nu tāḥ

'That livelihood, sustained across generations by the people, has been abandoned on my account — how indeed shall they now live?

Verse 25 (skanda.2.54.25)

प्राणान्न धारयिष्यामि न द्रक्ष्यामि यदा हरिम् । एष मे निश्चयो ब्रह्मन्मयि नष्टे कुतः प्रजाः

prāṇānna dhārayiṣyāmi na drakṣyāmi yadā harim eṣa me niścayo brahmanmayi naṣṭe kutaḥ prajāḥ

'If I am not to behold Hari, I shall not sustain my breath — this is my resolve, O Brahmin; and once I am gone, what becomes of my people?

Verse 26 (skanda.2.54.26)

मुने सदा सकरुणस्त्वं मां शास्ति शुभाशुभम् । सांप्रतं मत्सुतं नीत्वा मालवेष्वभिषेचय

mune sadā sakaruṇastvaṁ māṁ śāsti śubhāśubham sāṁprataṁ matsutaṁ nītvā mālaveṣvabhiṣecaya

'O sage, ever compassionate, instruct me in what is right and wrong; for now, take my son and have him consecrated king in Malava,

Verse 27 (skanda.2.54.27)

स पालयतु न्यायेन न शोचंतु इमाः प्रजाः । राजानो ये समायातास्ते सर्वं मन्निदेशतः

sa pālayatu nyāyena na śocaṁtu imāḥ prajāḥ rājāno ye samāyātāste sarvaṁ mannideśataḥ

'let him rule with justice, so these subjects need not grieve. As for the kings who have come here, let them all, by my instruction,

Verse 28 (skanda.2.54.28)

मत्सूनोर्मालवेशस्य प्रयांतु वचने स्थिताः । प्रायोपवेशविधिना चिंतयन्नीलमाधवम्

matsūnormālaveśasya prayāṁtu vacane sthitāḥ prāyopaveśavidhinā ciṁtayannīlamādhavam

'go and remain established in obedience to my son, the king of Malava. As for myself, by the rite of fasting unto death, meditating on Nilamadhava,

Verse 29 (skanda.2.54.29)

आयुःशेषं करिष्यामि सफलं क्षेत्रसंस्थितः

āyuḥśeṣaṁ kariṣyāmi saphalaṁ kṣetrasaṁsthitaḥ

'I shall make the remainder of my life fruitful, remaining here in this field.'

Verse 30 (skanda.2.54.30)

जैमिनिरुवाच । विलपंतमिन्द्रुम्नं राजानं ब्रह्मणः सुतः । उत्थाप्य प्रश्रयगिरा सांत्वयन्निदमब्रवीत्

jaiminiruvāca vilapaṁtamindrumnaṁ rājānaṁ brahmaṇaḥ sutaḥ utthāpya praśrayagirā sāṁtvayannidamabravīt

Jaimini said: Raising up King Indradyumna as he wept, the son of Brahma, Narada, consoling him with humble words, spoke thus —

Verse 31 (skanda.2.54.31)

नारद उवाच । राजन्पंडितमूर्द्धन्यो वैष्णवो धैयसागरः । श्रेयः सविघ्नं सततं कथं वा नावधारयेः

nārada uvāca rājanpaṁḍitamūrddhanyo vaiṣṇavo dhaiyasāgaraḥ śreyaḥ savighnaṁ satataṁ kathaṁ vā nāvadhārayeḥ

Narada said: 'O King, foremost among the learned, a Vaishnava, an ocean of patience — why do you not grasp that good fortune is always accompanied by obstacle?'

Verse 32 (skanda.2.54.32)

इदं तु परमं श्रेयः पुंसो जन्मशतार्जितम् । शरीरधारिणं पश्येच्चर्मचक्षुर्गदाधरम्

idaṁ tu paramaṁ śreyaḥ puṁso janmaśatārjitam śarīradhāriṇaṁ paśyeccarmacakṣurgadādharam

'This indeed is the supreme good, earned by a man across hundreds of births — to see, with fleshly eyes, the mace-bearer in embodied form.'

Verse 33 (skanda.2.54.33)

निरंकुशा हरेर्लीला केन वाप्यवधार्यते । जीवन्मुक्तोऽप्यहं राजंस्तल्लीलां नातिवर्तये

niraṁkuśā harerlīlā kena vāpyavadhāryate jīvanmukto'pyahaṁ rājaṁstallīlāṁ nātivartaye

'Hari's play is unrestrained — who indeed can comprehend it? O king, even I, though liberated while living, do not overstep that play.'

Verse 34 (skanda.2.54.34)

कियता वंचितो नाहं दृढभक्तोऽन्तिकस्थितः । दुरत्यया तस्य माया बहुजन्मशतैरपि

kiyatā vaṁcito nāhaṁ dṛḍhabhakto'ntikasthitaḥ duratyayā tasya māyā bahujanmaśatairapi

'How greatly have I been deceived, even as a firm devotee standing near him! His maya is impossible to overcome even through hundreds of births.'

Verse 35 (skanda.2.54.35)

अनन्ता तस्य मायेयं दुर्ज्ञेया पद्मयोनिना । नाभिपद्मास्थितेनापि नित्यं च स्तुतिशालिना

anantā tasya māyeyaṁ durjñeyā padmayoninā nābhipadmāsthitenāpi nityaṁ ca stutiśālinā

'This maya of his is endless, hard to fathom even for the Lotus-born Brahma, who though seated on the navel-lotus is ever engaged in his praise.'

Verse 36 (skanda.2.54.36)

स्वभाव एवं कथितस्तस्य मायाविनो नृप । विशेषं कथयाम्येवं त्वं तु भाग्यवतां वरः

svabhāva evaṁ kathitastasya māyāvino nṛpa viśeṣaṁ kathayāmyevaṁ tvaṁ tu bhāgyavatāṁ varaḥ

'O king, such is the nature of that master of maya, as told. Now I shall tell you something particular, for you are the foremost of the fortunate.'

Verse 37 (skanda.2.54.37)

तिस्रोऽपि मूर्तयस्तस्य त्वदनुग्रहबुद्धयः । चराचराणां स्रष्टा यः साक्षाल्लोकपितामहः । मामुवाच व्रजाशु त्वमिंद्रद्युम्नस्य चांतिकम्

tisro'pi mūrtayastasya tvadanugrahabuddhayaḥ carācarāṇāṁ sraṣṭā yaḥ sākṣāllokapitāmahaḥ māmuvāca vrajāśu tvamiṁdradyumnasya cāṁtikam

'All three of his forms have their minds set on grace toward you. He who is the creator of all moving and unmoving things, the very Grandsire of the worlds, said to me: Go swiftly to the presence of Indradyumna —

Verse 38 (skanda.2.54.38)

नीलाचलं प्रयात्येष दिदृक्षुर्नीलमाधवम् । अन्तर्द्धानं गतो ह्येष यमेन प्रार्थितो विभुः

nīlācalaṁ prayātyeṣa didṛkṣurnīlamādhavam antarddhānaṁ gato hyeṣa yamena prārthito vibhuḥ

'— he is going to the Nila mountain wishing to see Nilamadhava; but the Lord has gone into concealment, entreated by Yama.

Verse 39 (skanda.2.54.39)

न तत्र शोकः कर्तव्यः शक्यते तत्र नान्यथा । वाच्यो मद्वचनाद्राजा पंचमी मम संततिः

na tatra śokaḥ kartavyaḥ śakyate tatra nānyathā vācyo madvacanādrājā paṁcamī mama saṁtatiḥ

'No grief should be felt over this — it cannot be otherwise. Tell the king, by my word, that he is, as it were, a fifth offspring of mine —

Verse 40 (skanda.2.54.40)

तत्कृते परमात्मानं प्रसाद्य पुरुषोत्तमम् । श्वेतद्वीपान्नयिष्यामि सहस्रांते महाक्रतोः

tatkṛte paramātmānaṁ prasādya puruṣottamam śvetadvīpānnayiṣyāmi sahasrāṁte mahākratoḥ

'— for his sake, having propitiated the Supreme Self Purushottama, at the end of a thousand great sacrifices I shall bring him from Shvetadvipa.

Verse 41 (skanda.2.54.41)

इन्द्रद्युम्नः स इदानीं क्षेत्रे श्रीपुरुषोत्तमे । अश्वमेधसहस्रैस्तु यजन्विष्णुं स तिष्ठतु

indradyumnaḥ sa idānīṁ kṣetre śrīpuruṣottame aśvamedhasahasraistu yajanviṣṇuṁ sa tiṣṭhatu

'Let that Indradyumna now remain in the field of Purushottama, sacrificing to Vishnu with a thousand horse-sacrifices.

Verse 42 (skanda.2.54.42)

तदंते दारवतनुं विष्णुं द्रक्ष्यति चक्षुषा । सोऽवतारो हरेः ख्यातिं तस्य द्वारा गमिष्यति

tadaṁte dāravatanuṁ viṣṇuṁ drakṣyati cakṣuṣā so'vatāro hareḥ khyātiṁ tasya dvārā gamiṣyati

'At the end of that he shall see Vishnu, in a wooden body, with his own eyes; that avatara of Hari shall attain fame through him.

Verse 43 (skanda.2.54.43)

तदा तु तनवो विष्णोः प्रतिष्ठप्या मया धुवम् । पुरा स्म मणिमूर्तिस्तु चतुर्द्धावस्थितो हरिः

tadā tu tanavo viṣṇoḥ pratiṣṭhapyā mayā dhuvam purā sma maṇimūrtistu caturddhāvasthito hariḥ

'Then indeed the images of Vishnu shall surely be consecrated by me. Formerly Hari stood in a fourfold jewel-form —

Verse 44 (skanda.2.54.44)

दृष्ट्वा पुरोधसा तस्य साक्षादग्रे निवेदितः । दिव्यदारुवपुर्भूयश्चतुर्द्धावतरिष्यति

dṛṣṭvā purodhasā tasya sākṣādagre niveditaḥ divyadāruvapurbhūyaścaturddhāvatariṣyati

'— seen and directly reported by his priest; now again, in a divine wooden body, he shall descend in fourfold form.'

Verse 45 (skanda.2.54.45)

तस्मान्मा व्यथ राजेंद्र वांछा ते सफला ध्रुवम् । भविष्यति न संदेहो निर्व्यलीको वसेह वै

tasmānmā vyatha rājeṁdra vāṁchā te saphalā dhruvam bhaviṣyati na saṁdeho nirvyalīko vaseha vai

'Therefore, O king of kings, do not grieve; your wish shall surely be fulfilled — of this there is no doubt. Dwell here without wavering.'

Verse 46 (skanda.2.54.46)

जैमिनिरुवाच । सांत्वयित्वा निनायेत्थं राजानं नारदस्तदा । विश्वासपदवीं विप्राः पुनर्वाक्यमुवाच ह

jaiminiruvāca sāṁtvayitvā nināyetthaṁ rājānaṁ nāradastadā viśvāsapadavīṁ viprāḥ punarvākyamuvāca ha

Jaimini said: O Brahmins, having thus consoled him, Narada led the king onto the path of trust, and then spoke this word again —

Verse 47 (skanda.2.54.47)

नारद उवाच । शंखाकृतेः क्षेत्रवरस्य चाग्रे यो नीलकण्ठः खलु दुर्गयाऽऽस्ते । यामो वयं तत्र च वाजिमेधक्रतूपयोग्या सुसमा स्थली सा

nārada uvāca śaṁkhākṛteḥ kṣetravarasya cāgre yo nīlakaṇṭhaḥ khalu durgayā''ste yāmo vayaṁ tatra ca vājimedhakratūpayogyā susamā sthalī sā

Narada said: 'At the forefront of that conch-shaped supreme field is he who is Nilakantha, dwelling there together with Durga. Let us go there — that level ground is fit for the horse-sacrifice.'

Verse 48 (skanda.2.54.48)

तस्यां विनिर्माय सहस्रवर्षस्थिरां सुशालां हयमेधनाय । नीलाद्रिवासस्य नृसिंहमूर्तिं दृष्ट्वा कृतार्थं विरचय्य जन्म

tasyāṁ vinirmāya sahasravarṣasthirāṁ suśālāṁ hayamedhanāya nīlādrivāsasya nṛsiṁhamūrtiṁ dṛṣṭvā kṛtārthaṁ viracayya janma

'There, having built a fine hall to endure a thousand years, for the horse-sacrifice, and beholding the Narasimha form of the dweller of the Nila mountain, making your birth fruitful,'

Verse 49 (skanda.2.54.49)

तस्यैव मूर्तिं प्रतियातनां ते नित्यार्चनीयां तव पूजनीयाम् । प्रत्यक्प्रतिष्ठाप्य समस्तविघ्नविनाशहेतोः फलबृंहणाय

tasyaiva mūrtiṁ pratiyātanāṁ te nityārcanīyāṁ tava pūjanīyām pratyakpratiṣṭhāpya samastavighnavināśahetoḥ phalabṛṁhaṇāya

'— and having installed, facing westward, a replica of that very form, ever to be worshipped and revered by you, for the destruction of every obstacle and the increase of the fruit [of the rite],'

Verse 50 (skanda.2.54.50)

आरप्स्यामः क्रतुवरं मुनिवर्यैर्यथोचितम् । विलम्बोऽत्र न हि श्रेयानिति पैतामहं वचः

ārapsyāmaḥ kratuvaraṁ munivaryairyathocitam vilambo'tra na hi śreyāniti paitāmahaṁ vacaḥ

'we shall begin the excellent sacrifice, together with the finest of sages, in due fashion; delay here brings no good' — such was the word of the Grandsire.