The Fourfold Form Revealed: Jagannatha, Balabhadra, Subhadra and Sudarshana

Verse 1 (skanda.2.59.1)

जैमिनिरुवाच । ततः स पृथिवीपालस्तथा कृत्वांऽतरिक्षगा । यदुवाच गिरां देवी तद्वत्परिचचार ह

jaiminiruvāca tataḥ sa pṛthivīpālastathā kṛtvāṁ'tarikṣagā yaduvāca girāṁ devī tadvatparicacāra ha

Jaimini said: Then that guardian of the earth did accordingly, and acted precisely as the sky-moving goddess of speech had instructed.

Verse 2 (skanda.2.59.2)

एवं दिनेदिने याते दिव्यगंधोऽनुभूयते । पारिजातप्रसूनानां वृष्टिर्मर्त्येषु दुर्लभा

evaṁ dinedine yāte divyagaṁdho'nubhūyate pārijātaprasūnānāṁ vṛṣṭirmartyeṣu durlabhā

Thus, as day followed day, a divine fragrance was felt; a rain of parijata blossoms fell, a thing rare among mortals.

Verse 3 (skanda.2.59.3)

दिव्यसंगीतनादश्च गीतानि रुचिराणि च । स्वर्गंगाजलवृष्टिश्च सूक्ष्मबिंदुसुशोभना

divyasaṁgītanādaśca gītāni rucirāṇi ca svargaṁgājalavṛṣṭiśca sūkṣmabiṁdusuśobhanā

Divine musical sounds and lovely songs were heard, and there fell a shower of the celestial Ganga's waters, beautiful in its fine droplets.

Verse 4 (skanda.2.59.4)

ऐरावतादिनागानां मदगंधो वनद्विपैः । दुःसहः सर्वभूतानां सुखकार्यनुभूयते

airāvatādināgānāṁ madagaṁdho vanadvipaiḥ duḥsahaḥ sarvabhūtānāṁ sukhakāryanubhūyate

The rut-scent of Airavata and other tuskers, and of forest elephants — unbearable to all beings elsewhere — was here experienced as a source of joy.

Verse 5 (skanda.2.59.5)

यज्ञार्थमागता देवास्ते सर्वे विगतज्वराः । आविर्भूतं हरिं दृष्ट्वा उपासांचक्रिरे द्विजाः

yajñārthamāgatā devāste sarve vigatajvarāḥ āvirbhūtaṁ hariṁ dṛṣṭvā upāsāṁcakrire dvijāḥ

The gods who had come for the sacrifice, all their afflictions gone, seeing Hari made manifest, took to worshipping him, O Brahmins.

Verse 6 (skanda.2.59.6)

यथा हि माधवं पूर्वं तथा तं विष्णुशाखिनम् । उपासनासु देवानां दिव्यचिह्नानि जज्ञिरे

yathā hi mādhavaṁ pūrvaṁ tathā taṁ viṣṇuśākhinam upāsanāsu devānāṁ divyacihnāni jajñire

Just as Madhava had been worshipped before, so now was that tree of Vishnu; in the gods' acts of worship, divine signs began to appear.

Verse 7 (skanda.2.59.7)

निर्ववाह स्वयं देवः क्रमात्पंचदशे दिने । चतुर्मूर्तिः स भगवान्यथा पूर्वं मयोदितः

nirvavāha svayaṁ devaḥ kramātpaṁcadaśe dine caturmūrtiḥ sa bhagavānyathā pūrvaṁ mayoditaḥ

The god himself brought the work to completion, in due course, on the fifteenth day — the Lord, four-formed, exactly as I had described before.

Verse 8 (skanda.2.59.8)

तादृगाविर्बभूवासौ युष्माकं वर्णितः पुरा । दिव्यसिंहासनगतो बलभद्रासुदर्शनैः

tādṛgāvirbabhūvāsau yuṣmākaṁ varṇitaḥ purā divyasiṁhāsanagato balabhadrāsudarśanaiḥ

He appeared exactly as described to you earlier, seated upon the divine throne together with Balabhadra and Sudarshana,

Verse 9 (skanda.2.59.9)

शंखचक्रगदापद्मलसद्बाहुर्जनार्दनः । गदामुसलचक्राब्जं धारयन्पन्नगाकृतिः

śaṁkhacakragadāpadmalasadbāhurjanārdanaḥ gadāmusalacakrābjaṁ dhārayanpannagākṛtiḥ

Janardana, his arms gleaming with conch, discus, mace and lotus; and, in serpent form, holding the mace, plough-club, discus and lotus,

Verse 10 (skanda.2.59.10)

छत्राकृतिफणासप्तमुकुटोज्ज्वलकुंडलः । सुभद्रा चारुवदना वराब्जाभयधारिणी

chatrākṛtiphaṇāsaptamukuṭojjvalakuṁḍalaḥ subhadrā cāruvadanā varābjābhayadhāriṇī

his seven hoods spread like a canopy, resplendent with crown and earrings; and Subhadra, of lovely face, holding the boon-gesture, the lotus, and the gesture of fearlessness,

Verse 11 (skanda.2.59.11)

लक्ष्मीः प्रादुर्बभूवेयं सर्वचैतन्यरूपिणी । इयं कृष्णावतारे हि रोहिणीगर्भसंभवा

lakṣmīḥ prādurbabhūveyaṁ sarvacaitanyarūpiṇī iyaṁ kṛṣṇāvatāre hi rohiṇīgarbhasaṁbhavā

this Lakshmi appeared, the very embodiment of universal consciousness; in the Krishna incarnation she had been born of Rohini's womb,

Verse 12 (skanda.2.59.12)

बलभद्राकृतिर्जाता बलरूपस्य चिंतनात् । क्षणं न सहते सा हि मोक्तुं लीलावतारिणम्

balabhadrākṛtirjātā balarūpasya ciṁtanāt kṣaṇaṁ na sahate sā hi moktuṁ līlāvatāriṇam

taking the form of Balabhadra through contemplation of the form of strength itself; for she cannot bear, even for an instant, to part from him who has descended in play.

Verse 13 (skanda.2.59.13)

न भेदोऽस्तीह को विप्राः कृष्णस्य च बलस्य च । एकगर्भप्रसूतत्वाद्व्यवहारोऽथ लौकिकः

na bhedo'stīha ko viprāḥ kṛṣṇasya ca balasya ca ekagarbhaprasūtatvādvyavahāro'tha laukikaḥ

There is, O Brahmins, truly no difference here between Krishna and Bala; being born of a single womb, the distinction is only a matter of worldly convention.

Verse 14 (skanda.2.59.14)

भगिनी बलदेवस्येत्येषा पौराणिकी कथा । पुंरूपे स्त्रीस्वरूपेण लक्ष्मीः सर्वत्र तिष्ठति

bhaginī baladevasyetyeṣā paurāṇikī kathā puṁrūpe strīsvarūpeṇa lakṣmīḥ sarvatra tiṣṭhati

"She is Baladeva's sister" — this is the tale given in the Puranas; but Lakshmi, whether in male form or female, abides everywhere the same.

Verse 15 (skanda.2.59.15)

पुंनाम्ना भगवान्विष्णुः स्त्रीनाम्ना कमलालया । देवतिर्यङ्मनुष्यादौ विद्यते न तयोः परम्

puṁnāmnā bhagavānviṣṇuḥ strīnāmnā kamalālayā devatiryaṅmanuṣyādau vidyate na tayoḥ param

Under the male name he is the Lord Vishnu; under the female name she who dwells in the lotus. Among gods, beasts, humans and the rest, there is nothing beyond these two.

Verse 16 (skanda.2.59.16)

को ह्यन्यः पुंडरीकाक्षाद्भुवनानि चतुर्दश । धारयेत्तु फणाग्रेण सोऽनंतो बलसंज्ञितः

ko hyanyaḥ puṁḍarīkākṣādbhuvanāni caturdaśa dhārayettu phaṇāgreṇa so'naṁto balasaṁjñitaḥ

For who but the lotus-eyed one could bear the fourteen worlds upon the tip of his hood? He is that Ananta, called by the name Bala.

Verse 17 (skanda.2.59.17)

तस्य शक्तिस्वरूपेयं भगिनी श्रीः प्रकीर्तिता । सुदर्शनं तु यच्चक्रं सदा विष्णोः करे स्थितम्

tasya śaktisvarūpeyaṁ bhaginī śrīḥ prakīrtitā sudarśanaṁ tu yaccakraṁ sadā viṣṇoḥ kare sthitam

This "sister," proclaimed as Shri, is the very form of his power; and that discus called Sudarshana, ever resting in Vishnu's hand —

Verse 18 (skanda.2.59.18)

शाखाग्रस्तंभमध्यस्थं तद्रूपं तत्तुरीयकम् । एवं तु मूर्त्तयस्तेन चतस्रो वै प्रकाशिताः

śākhāgrastaṁbhamadhyasthaṁ tadrūpaṁ tatturīyakam evaṁ tu mūrttayastena catasro vai prakāśitāḥ

— stands at the top of the branch, amid the pillar, as that fourth form. Thus, in this way, four forms were manifested by him.

Verse 19 (skanda.2.59.19)

निर्वृत्ते भगवद्रूपे चतुर्द्धा दिव्यरूपिणि । लोकानामुपकाराय पुनराहांतरिक्षगा

nirvṛtte bhagavadrūpe caturddhā divyarūpiṇi lokānāmupakārāya punarāhāṁtarikṣagā

When the Lord's fourfold divine form was completed, the sky-moving voice spoke again, for the good of the worlds:

Verse 20 (skanda.2.59.20)

पटैराच्छाद्य सुदृढं नृपते प्रतिमास्त्विमाः । स्वं स्वं वर्णं प्रापयाशु वर्णकैश्चित्रकर्मणा

paṭairācchādya sudṛḍhaṁ nṛpate pratimāstvimāḥ svaṁ svaṁ varṇaṁ prāpayāśu varṇakaiścitrakarmaṇā

"O king, having firmly covered these images with cloth, quickly give each its own color through the craft of painting."

Verse 21 (skanda.2.59.21)

नीलाभ्रश्यामलं विष्णुं शंखेंदुधवलं बलम् । रक्तं सुदर्शनं चक्रं सुभद्रां कुंकुमारुणाम्

nīlābhraśyāmalaṁ viṣṇuṁ śaṁkheṁdudhavalaṁ balam raktaṁ sudarśanaṁ cakraṁ subhadrāṁ kuṁkumāruṇām

"Vishnu dark as a blue cloud, Bala white as conch and moon, the Sudarshana discus red, Subhadra saffron-red —

Verse 22 (skanda.2.59.22)

नानालंकाररुचिरां नानाभंगिविभागशः । अमी दारुस्वरूपेण दृष्टाः पापाय हेतवे

nānālaṁkārarucirāṁ nānābhaṁgivibhāgaśaḥ amī dārusvarūpeṇa dṛṣṭāḥ pāpāya hetave

"— lovely with various ornaments, arranged in various postures. Seen in this raw wooden form, they become a cause of sin."

Verse 23 (skanda.2.59.23)

गोपनीया प्रयत्नेन पटनिर्यासवल्कलैः । तस्मात्प्रथममेवैतांस्तरोरेवास्य वल्कलैः

gopanīyā prayatnena paṭaniryāsavalkalaiḥ tasmātprathamamevaitāṁstarorevāsya valkalaiḥ

"They must be carefully concealed with cloth, resin and bark; therefore first of all, with the bark of this very tree,

Verse 24 (skanda.2.59.24)

शिल्पिभिः कर्मकुशलैर्दृढमाच्छादयाग्रतः । वर्षे वर्षे च संस्कार्याः पूर्वसंस्कार मोचनात्

śilpibhiḥ karmakuśalairdṛḍhamācchādayāgrataḥ varṣe varṣe ca saṁskāryāḥ pūrvasaṁskāra mocanāt

"— let them first be firmly covered by craftsmen skilled in their work, and, removing the earlier coating, let them be renewed year after year."

Verse 25 (skanda.2.59.25)

ऋते वल्कललेपं तु स तु दिव्यश्चिरंतनः । प्रमादाद्य इमं लेपमपनीयेत कश्चन

ṛte valkalalepaṁ tu sa tu divyaściraṁtanaḥ pramādādya imaṁ lepamapanīyeta kaścana

"Without the bark-coating that ancient divine form is exposed; whoever, through carelessness, should remove this coating,

Verse 26 (skanda.2.59.26)

दुर्भिक्षं मरकं राष्ट्रे संततिश्चास्य हीयते । नेक्षितव्यास्त्वया राजन्कदाचिदपवारणाः

durbhikṣaṁ marakaṁ rāṣṭre saṁtatiścāsya hīyate nekṣitavyāstvayā rājankadācidapavāraṇāḥ

"— brings famine and pestilence upon the kingdom, and his own line dwindles. You, O king, must never look upon them uncovered."

Verse 27 (skanda.2.59.27)

मनुष्यैश्चापि राजेंद्र दृष्टाः स्युर्भयहेतवः । तस्मात्सचित्रा द्रष्टव्या बहुलेपविलेपिताः

manuṣyaiścāpi rājeṁdra dṛṣṭāḥ syurbhayahetavaḥ tasmātsacitrā draṣṭavyā bahulepavilepitāḥ

"And if seen by ordinary men, O lord of kings, they become a cause of terror; therefore they should be seen only when painted and coated with many layers,

Verse 28 (skanda.2.59.28)

सुचित्रं पुण्डरीकाक्षं सविलासं सविभ्रमम् । दृष्ट्वा विमुच्यते पापैः कल्पकोटिसमुद्भवैः

sucitraṁ puṇḍarīkākṣaṁ savilāsaṁ savibhramam dṛṣṭvā vimucyate pāpaiḥ kalpakoṭisamudbhavaiḥ

"— for, seeing the lotus-eyed one beautifully painted, graceful and charming, one is freed from sins accumulated over tens of millions of aeons."

Verse 29 (skanda.2.59.29)

सुचित्रान्कुरु राजेंद्र चित्रान्कामानवाप्स्यति । आविर्बभूव भगवांस्तवानुग्रहकाम्यया

sucitrānkuru rājeṁdra citrānkāmānavāpsyati āvirbabhūva bhagavāṁstavānugrahakāmyayā

"Make them beautifully painted, O lord of kings; thereby desired wishes shall be obtained. The Lord has manifested out of his wish to show grace to you.

Verse 30 (skanda.2.59.30)

तव प्रसादाज्जंतूनां चतुर्वर्गं प्रदास्यति । नीलाद्रौ कल्पवृक्षस्य वायव्यां शतहस्ततः

tava prasādājjaṁtūnāṁ caturvargaṁ pradāsyati nīlādrau kalpavṛkṣasya vāyavyāṁ śatahastataḥ

"— through your grace he shall grant all beings the four ends of life. On the Blue Mountain, to the northwest of the wish-fulfilling tree, a hundred cubits away,

Verse 31 (skanda.2.59.31)

प्रदेशे सुमहत्स्थाने प्रासादं सुदृढायतम् । उत्तरे नरसिंहस्य सहस्रकरमुच्छ्रितम्

pradeśe sumahatsthāne prāsādaṁ sudṛḍhāyatam uttare narasiṁhasya sahasrakaramucchritam

"— in that very great place, build a firm and spacious temple, north of Narasimha's shrine, rising a thousand hands high,

Verse 32 (skanda.2.59.32)

कारयित्वा प्रतिष्ठाप्य तत्रैनं विनिवेशय । पुरा स्थितं पर्वतेऽस्मिन्योऽभ्यर्चयति माधवम्

kārayitvā pratiṣṭhāpya tatrainaṁ viniveśaya purā sthitaṁ parvate'sminyo'bhyarcayati mādhavam

"— and, having had it built and consecrated, install him there. He who dwelt on this mountain of old and worshipped Madhava,

Verse 33 (skanda.2.59.33)

नाम्ना विश्वावसुर्नाम शबरो वैष्णवोत्तमः । पुरोधसः सख्यमासीत्तेन सार्द्धं पुरा च ते

nāmnā viśvāvasurnāma śabaro vaiṣṇavottamaḥ purodhasaḥ sakhyamāsīttena sārddhaṁ purā ca te

"— named Vishvavasu, a Shabara hunter foremost among Vaishnavas — your priest had, in ancient times, a friendship with him.

Verse 34 (skanda.2.59.34)

तयोः संततिरेवास्य लेपसंस्कारकर्मणि । नियुज्यतां महाराज भविष्यत्सूत्सवेषु च

tayoḥ saṁtatirevāsya lepasaṁskārakarmaṇi niyujyatāṁ mahārāja bhaviṣyatsūtsaveṣu ca

"Let the descendants of those two, O great king, be appointed to this task of coating and renewal, and to the festivals yet to come."

Verse 35 (skanda.2.59.35)

विररामैतदाभाष्य सा तु दिव्या सरस्वती । तयोपदिष्टमाकर्ण्य प्रहृष्टेनांतरात्मना

virarāmaitadābhāṣya sā tu divyā sarasvatī tayopadiṣṭamākarṇya prahṛṣṭenāṁtarātmanā

Having said this, that divine Sarasvati fell silent; and, having heard her instruction, with an inwardly delighted heart,

Verse 36 (skanda.2.59.36)

वेष्टनं मोचयामास महावेद्या नृपोत्तमः । ददृशुस्ते तदा सर्वे रत्नसिंहासने स्थितम्

veṣṭanaṁ mocayāmāsa mahāvedyā nṛpottamaḥ dadṛśuste tadā sarve ratnasiṁhāsane sthitam

the best of kings removed the covering from the great altar; and then all beheld, seated upon the jeweled throne —

Verse 37 (skanda.2.59.37)

रामं कृष्णं सुभद्रां च वासुदेवं सुदर्शनम् । यथोपदिष्टलेप्यादिसंस्कारे रुचिराकृतिम्

rāmaṁ kṛṣṇaṁ subhadrāṁ ca vāsudevaṁ sudarśanam yathopadiṣṭalepyādisaṁskāre rucirākṛtim

Rama, Krishna, Subhadra, and Vasudeva's Sudarshana, of lovely form, adorned with the coating and coloring exactly as instructed,

Verse 38 (skanda.2.59.38)

कृपया स्मेरवदनमुन्नतायतवक्षसम् । दीनानामुद्धृतौ नाथं प्रलंबभुजपंजरम्

kṛpayā smeravadanamunnatāyatavakṣasam dīnānāmuddhṛtau nāthaṁ pralaṁbabhujapaṁjaram

his face smiling with compassion, his chest raised broad and high, the Lord able to lift up the wretched, his long arms like a protecting cage,

Verse 39 (skanda.2.59.39)

प्रबुद्धपुण्डरीकाक्षं हासशोणायताधरम् । पश्यतां दृष्टिमात्रेण हर्तारं पापसंचयम्

prabuddhapuṇḍarīkākṣaṁ hāsaśoṇāyatādharam paśyatāṁ dṛṣṭimātreṇa hartāraṁ pāpasaṁcayam

his lotus-eyes wide open, his lower lip long and reddened with his smile, one whose mere sight takes away the accumulated sins of those who behold him —

Verse 40 (skanda.2.59.40)

पद्मासनस्थितं कृष्णं दिव्यालंकारभूषितम्। स्वतेजसा परिवृतं दारुदेहेऽपि निर्मलम्

padmāsanasthitaṁ kṛṣṇaṁ divyālaṁkārabhūṣitam svatejasā parivṛtaṁ dārudehe'pi nirmalam

Krishna, seated upon a lotus-throne, adorned with divine ornaments, surrounded by his own radiance, spotless even in his wooden body,

Verse 41 (skanda.2.59.41)

नीलजीमूतसंकाशं सर्वसंतापनाशनम् । ददर्श बलदेवं च साट्टहासमुखांबुजम्

nīlajīmūtasaṁkāśaṁ sarvasaṁtāpanāśanam dadarśa baladevaṁ ca sāṭṭahāsamukhāṁbujam

dark as a blue cloud, the destroyer of every torment; and they saw Baladeva too, his lotus-face bright with loud laughter,

Verse 42 (skanda.2.59.42)

फणामण्डलविस्तीर्णं वारुणीघूर्णितेक्षणम् । प्रोत्थितं नागराजानं पीनोन्नतसुवक्षसम्

phaṇāmaṇḍalavistīrṇaṁ vāruṇīghūrṇitekṣaṇam protthitaṁ nāgarājānaṁ pīnonnatasuvakṣasam

his circle of hoods spread wide, his eyes as though rolling with wine, the king of serpents raised up, his chest full and broad,

Verse 43 (skanda.2.59.43)

किंचिन्नतं पृष्ठदेशे कुण्डलीकृतविग्रहम् । अग्रसंफुल्लककुभं कैलासशिखरं यथा

kiṁcinnataṁ pṛṣṭhadeśe kuṇḍalīkṛtavigraham agrasaṁphullakakubhaṁ kailāsaśikharaṁ yathā

his back slightly bent, his form coiled like a ring, his shoulders spread wide above, as though it were the very peak of Kailasa,

Verse 44 (skanda.2.59.44)

हलचक्राब्जमुसलधारिणं वनमालिनम् । हारकुण्डलकेयूरकिरीटमुकुटोज्ज्वलम्

halacakrābjamusaladhāriṇaṁ vanamālinam hārakuṇḍalakeyūrakirīṭamukuṭojjvalam

holding the plough, discus, lotus and club, garlanded with forest flowers, resplendent with necklace, earrings, armlets and crown.

Verse 45 (skanda.2.59.45)

तयोर्मध्ये स्थितां लक्ष्मीं सुभद्रां भद्ररूपिणीम्

tayormadhye sthitāṁ lakṣmīṁ subhadrāṁ bhadrarūpiṇīm

Lakshmi, standing between the two of them, in the form of Subhadra, the very embodiment of all that is auspicious,

Verse 46 (skanda.2.59.46)

सर्वदेवारणीं पापसागरोत्तारकारिणीम् । विकचांभोजवदनां वराब्जाभयधारिणीम्

sarvadevāraṇīṁ pāpasāgarottārakāriṇīm vikacāṁbhojavadanāṁ varābjābhayadhāriṇīm

the very source of all the gods, she who ferries one across the ocean of sin, her face like a blossoming lotus, holding the boon-lotus and the gesture of fearlessness,

Verse 47 (skanda.2.59.47)

रूपलावण्यवसतिं शोभमानां प्रसाधनैः । कुंकुमारुणदेहां तां साक्षाल्लक्ष्मीमिवापराम्

rūpalāvaṇyavasatiṁ śobhamānāṁ prasādhanaiḥ kuṁkumāruṇadehāṁ tāṁ sākṣāllakṣmīmivāparām

the very abode of beauty and grace, resplendent with adornments, her body reddened like saffron, as though another Lakshmi in person —

Verse 48 (skanda.2.59.48)

ददर्श विष्णोर्वामस्थां चक्रशाखाग्रनिर्मिताम् । बालार्कसदृशीं तीक्ष्णधारां तेजोमयीं द्विजाः

dadarśa viṣṇorvāmasthāṁ cakraśākhāgranirmitām bālārkasadṛśīṁ tīkṣṇadhārāṁ tejomayīṁ dvijāḥ

they saw her standing at Vishnu's left; and they saw the discus too, fashioned at the tip of the branch, resembling the newly risen sun, sharp-edged and full of splendor, O Brahmins.

Verse 49 (skanda.2.59.49)

तां दृष्ट्वानन्दपाथोधि निमग्नः पृथिवीपतिः । कर्तव्यमूढः स्वतनौ स्वयं न प्रबभूव ह

tāṁ dṛṣṭvānandapāthodhi nimagnaḥ pṛthivīpatiḥ kartavyamūḍhaḥ svatanau svayaṁ na prababhūva ha

Seeing this, the lord of the earth was plunged into an ocean of bliss; bewildered as to what he should do, he was no longer even master of his own body.

Verse 50 (skanda.2.59.50)

दरमीलितनेत्रः सन्सृजन्बाष्पांबु केवलम् । कृतांजलिपुटस्तस्थौ स्थूणाकारो नृपोत्तमः

daramīlitanetraḥ sansṛjanbāṣpāṁbu kevalam kṛtāṁjalipuṭastasthau sthūṇākāro nṛpottamaḥ

With eyes half-closed, shedding only a stream of tears, the best of kings stood with joined palms, motionless as a pillar.

Verse 51 (skanda.2.59.51)

उवाच तं मुनिवरः स्मितवक्त्रः क्षितीश्वरम् । यदर्थं श्रममापन्नस्तत्सांप्रतमभूत्तव

uvāca taṁ munivaraḥ smitavaktraḥ kṣitīśvaram yadarthaṁ śramamāpannastatsāṁpratamabhūttava

The best of sages, smiling, said to that lord of the earth: "That for the sake of which you undertook this toil has now become yours.

Verse 52 (skanda.2.59.52)

प्रत्यक्षं नृपशार्दूल एकस्त्वं भाग्यवान्भुवि । अमुं पश्य जगन्नाथं पुण्डरीकायतेक्षणम्

pratyakṣaṁ nṛpaśārdūla ekastvaṁ bhāgyavānbhuvi amuṁ paśya jagannāthaṁ puṇḍarīkāyatekṣaṇam

"O tiger among kings, you alone on this earth are fortunate enough to see him directly; behold this Lord of the universe, whose eyes are wide as lotus petals,

Verse 53 (skanda.2.59.53)

भक्तानुग्रहपाथोधिं सर्वज्ञाननिधिं हरिम् । यं द्रष्टुं योगिनो नित्यं यतंति यतमानसाः

bhaktānugrahapāthodhiṁ sarvajñānanidhiṁ harim yaṁ draṣṭuṁ yogino nityaṁ yataṁti yatamānasāḥ

"— Hari, an ocean of grace toward his devotees, a treasury of all knowledge, whom yogis with disciplined minds forever strive to see,

Verse 54 (skanda.2.59.54)

अवधानेन महता क्षणं पश्यन्ति मानवाः । सोऽयं दारुमयं देहं समास्थाय जनार्दनः

avadhānena mahatā kṣaṇaṁ paśyanti mānavāḥ so'yaṁ dārumayaṁ dehaṁ samāsthāya janārdanaḥ

"— whom men, with the utmost care, glimpse but for an instant. That very Janardana, having taken up this wooden body,

Verse 55 (skanda.2.59.55)

अनुग्रहीतुं त्वां भूप प्रत्यक्षत्वमुपागतः । भजैनं धरणीनाथं स्तुहि कारुण्यसागरम्

anugrahītuṁ tvāṁ bhūpa pratyakṣatvamupāgataḥ bhajainaṁ dharaṇīnāthaṁ stuhi kāruṇyasāgaram

"— has come, O king, directly within your sight, in order to show you grace. Worship this lord of the earth; praise this ocean of compassion —

Verse 56 (skanda.2.59.56)

ददाति संस्तुतः कामान्सर्वान्नृप मनोगतान्

dadāti saṁstutaḥ kāmānsarvānnṛpa manogatān

"— for, O king, once praised, he grants all the desires that dwell within the heart."