Indradyumna's Hymn of Surrender and the Vow to Build the Temple

Verse 1 (skanda.2.60.1)

जैमिनिरुवाच । इत्थं प्रबोधितस्तेन नारदेन क्षितीश्वरः । तुष्टाव जगतां नाथं वचोभिः करुणान्वितम्

jaiminiruvāca itthaṁ prabodhitastena nāradena kṣitīśvaraḥ tuṣṭāva jagatāṁ nāthaṁ vacobhiḥ karuṇānvitam

Jaimini said: Thus instructed by Narada, the lord of the earth praised the Lord of the worlds with words full of humility and feeling.

Verse 2 (skanda.2.60.2)

इन्द्रद्युम्न उवाच । त्वदंघ्रिपाथोजयुगं मुरारे नोपासितं जन्मसु पूर्वजेषु । तत्कर्मणां दारुणपाकभाजं दीनं परित्राहि कृपांबुधे माम्

indradyumna uvāca tvadaṁghripāthojayugaṁ murāre nopāsitaṁ janmasu pūrvajeṣu tatkarmaṇāṁ dāruṇapākabhājaṁ dīnaṁ paritrāhi kṛpāṁbudhe mām

Indradyumna said: "O Murari, in my former births I did not worship your lotus-feet; subject now to the harsh ripening of those very deeds, wretched, save me, O ocean of compassion."

Verse 3 (skanda.2.60.3)

क्व निर्मलं त्वच्चरणाब्जयुग्मं विरिंचिरुद्रेंद्रकिरीटमग्नम् । क्वाहं कुदीनः शकृदस्रमांसमूत्रास्थिसंघैः पिहितस्त्वचा वै

kva nirmalaṁ tvaccaraṇābjayugmaṁ viriṁcirudreṁdrakirīṭamagnam kvāhaṁ kudīnaḥ śakṛdasramāṁsamūtrāsthisaṁghaiḥ pihitastvacā vai

"Where is your spotless pair of lotus-feet, sunk in the crowns of Brahma, Rudra and Indra? And where am I, most wretched, covered by mere skin over a mass of filth, blood, flesh, urine and bone!"

Verse 4 (skanda.2.60.4)

असारसंसारपरिभ्रमेण श्रमातुरस्त्वां कथमीश जाने । जानंति ते त्वां खलु देवदेव येषां भवो दुःखभवप्रकाशः

asārasaṁsāraparibhrameṇa śramāturastvāṁ kathamīśa jāne jānaṁti te tvāṁ khalu devadeva yeṣāṁ bhavo duḥkhabhavaprakāśaḥ

"Wearied by wandering through this substanceless world, how, O Lord, should I know you? O God of gods, truly only those know you for whom worldly existence has revealed itself as sorrow."

Verse 5 (skanda.2.60.5)

प्रभो मया दुःखमनेकजन्मपापार्जितं भुक्तमनेकभावम् । शुभार्जितो यः सुखलेशभावो निदर्शनं यन्मधुपृक्ततिक्ते

prabho mayā duḥkhamanekajanmapāpārjitaṁ bhuktamanekabhāvam śubhārjito yaḥ sukhaleśabhāvo nidarśanaṁ yanmadhupṛktatikte

"O Lord, by me has been endured the suffering earned through the sins of many births, in many forms; whatever fragment of happiness merit has brought is but an instance of honey smeared on something bitter."

Verse 6 (skanda.2.60.6)

यदेव सौख्यानुभवाय देव कर्मार्जितो मे विषयोपभोगः । स एव दुःखं परिणामतो मे न मद्विधो दुःखिजनोऽस्ति चान्यः

yadeva saukhyānubhavāya deva karmārjito me viṣayopabhogaḥ sa eva duḥkhaṁ pariṇāmato me na madvidho duḥkhijano'sti cānyaḥ

"O God, that very enjoyment of the senses, earned by my deeds for the sake of pleasure, itself turns into sorrow for me in the end; there is no other sufferer like me."

Verse 7 (skanda.2.60.7)

विभो यदि त्वां मनसापि पूर्वमुपास्तमन्यद्विषमेक्षणोऽहम्। कथं तदालप्स्यमनेकजन्म पुनः पुनर्भोग्यमशेषदुःखम्

vibho yadi tvāṁ manasāpi pūrvamupāstamanyadviṣamekṣaṇo'ham kathaṁ tadālapsyamanekajanma punaḥ punarbhogyamaśeṣaduḥkham

"O Lord, had I even in mind worshipped you before, my eye turned to nothing else, how then would I have obtained this endless suffering, to be endured again and again through countless births?"

Verse 8 (skanda.2.60.8)

विभुत्वदासत्वपितृत्वपुत्रप्रियत्वमातृत्वधनित्वभावैः । वध्यत्वहिंस्रत्वपतित्वजायाभावैश्च तिर्यक्त्वसुरादिभावैः

vibhutvadāsatvapitṛtvaputrapriyatvamātṛtvadhanitvabhāvaiḥ vadhyatvahiṁsratvapatitvajāyābhāvaiśca tiryaktvasurādibhāvaiḥ

"Through the conditions of being lord, servant, father, son, beloved, mother, wealthy; through being slain, being a slayer, husband, wife; and through the states of beast, demon, and the rest —"

Verse 9 (skanda.2.60.9)

नीचोर्द्धभावं बहुशः सकृद्वा भवांगणेऽस्मिँन्लुठतानुभूतम् । न वा मुरारे तव पादपद्मदूरीभवस्येष्टफलं हि चैतत्

nīcorddhabhāvaṁ bahuśaḥ sakṛdvā bhavāṁgaṇe'smiṁnluṭhatānubhūtam na vā murāre tava pādapadmadūrībhavasyeṣṭaphalaṁ hi caitat

"— high and low states, many times or even once, I have known, rolling about in this arena of samsara; and this, O Murari, is indeed the desired fruit of remaining far from your lotus-feet."

Verse 10 (skanda.2.60.10)

कोशं बलं चैतदशेषपृथिवीधनैर्वृतं यौवनरूपरूप्यः। मनोऽनुकूलाः शतशः स्त्रियश्च निष्कंटकं मे नृपमंडलं च

kośaṁ balaṁ caitadaśeṣapṛthivīdhanairvṛtaṁ yauvanarūparūpyaḥ mano'nukūlāḥ śataśaḥ striyaśca niṣkaṁṭakaṁ me nṛpamaṁḍalaṁ ca

"This treasury and this army, encircled by the wealth of the whole earth; youth and beauty, hundreds of women pleasing to the mind, and my kingdom of vassal-kings free of every thorn —"

Verse 11 (skanda.2.60.11)

साम्राज्यता चापि भरो महान्मे त्वज्ज्ञानहीस्य पशोरिवायम्। भारावतारं कुरु मे कृपाब्धे सदैव तत्रोदित खेदयोगः

sāmrājyatā cāpi bharo mahānme tvajjñānahīsya paśorivāyam bhārāvatāraṁ kuru me kṛpābdhe sadaiva tatrodita khedayogaḥ

"— and this sovereignty too is, for me who lack knowledge of you, but a burden, like that of a beast of burden. Remove this weight from me, O ocean of compassion, for in it sorrow is ever rising."

Verse 12 (skanda.2.60.12)

दीनानुकंपिन्करिणो विमुक्तिः कृता विभो त्वत्स्मृतिमात्रकेण। भ्रांतं घटीयंत्रवदत्र नाथ मां त्रातुमर्हस्यनुकंपिभावात्

dīnānukaṁpinkariṇo vimuktiḥ kṛtā vibho tvatsmṛtimātrakeṇa bhrāṁtaṁ ghaṭīyaṁtravadatra nātha māṁ trātumarhasyanukaṁpibhāvāt

"O you who are compassionate to the wretched, you granted freedom to the elephant Gajendra by the mere remembrance of you; O Lord, it is fitting that you save me too, wandering here like a water-wheel, out of that same compassionate nature."

Verse 13 (skanda.2.60.13)

न मे त्वदन्यः खलु बन्धुरत्र प्रवाहविभ्रष्टतरुस्वभावे । पापीयसी बुद्धिरुपेतभावा स्नेहानुबन्धा विषयेऽभिभेद्या

na me tvadanyaḥ khalu bandhuratra pravāhavibhraṣṭatarusvabhāve pāpīyasī buddhirupetabhāvā snehānubandhā viṣaye'bhibhedyā

"I have, in truth, no kinsman here other than you, where my nature is like a tree swept away by the current; my sinful mind, bound by ties of affection, remains vulnerable to sense-objects."

Verse 14 (skanda.2.60.14)

अहर्निशं मे तव पादपद्मान्नापैतु मत्प्रार्थितमेतदेव । त्वां सच्चिदानंदसुपूर्णसिंधुं प्राप्तास्तु ये जन्मसहस्रभाग्यैः

aharniśaṁ me tava pādapadmānnāpaitu matprārthitametadeva tvāṁ saccidānaṁdasupūrṇasiṁdhuṁ prāptāstu ye janmasahasrabhāgyaiḥ

"Day and night let this mind of mine not depart from your lotus-feet — this alone is my prayer; you, the full ocean of being-consciousness-bliss, are attained only by those whose fortune spans a thousand births."

Verse 15 (skanda.2.60.15)

किं ते हि पश्यंति लवैकसौख्यमनेकदुःखं विषयेन्द्रजालम् । क्व बन्धनं कर्मभिरिष्टलेशदुःखाकरग्रंथिशतैरभेद्यम्

kiṁ te hi paśyaṁti lavaikasaukhyamanekaduḥkhaṁ viṣayendrajālam kva bandhanaṁ karmabhiriṣṭaleśaduḥkhākaragraṁthiśatairabhedyam

"Do they even truly see this net of sense-objects — a moment's pleasure amid manifold suffering? Where indeed is this bondage of deeds, unbreakable by its hundred knots that are but mines of sorrow with a trace of desired joy?"

Verse 16 (skanda.2.60.16)

अनंतमाद्यंतविहीनमेकमानंददं त्वत्पदपंकजं क्व । मायांबुधौ ते ममता भ्रमौ च कुकर्मनक्रायितगर्तमध्ये

anaṁtamādyaṁtavihīnamekamānaṁdadaṁ tvatpadapaṁkajaṁ kva māyāṁbudhau te mamatā bhramau ca kukarmanakrāyitagartamadhye

"Where is your lotus-foot — endless, without beginning or end, one, giver of bliss? And where is this ocean of your maya, amid delusion and possessiveness, in a pit made of crocodile-like evil deeds?"

Verse 17 (skanda.2.60.17)

निराश्रयं मे पतितं विलासकटाक्षपातेन नयाद्य तीरम् । स्वकार्यसंसाधनयाश्रितानां संपादनायेष्टविधेरजस्रम्

nirāśrayaṁ me patitaṁ vilāsakaṭākṣapātena nayādya tīram svakāryasaṁsādhanayāśritānāṁ saṁpādanāyeṣṭavidherajasram

"Refugeless and fallen, lead me today to the shore with a single glance of your playful sidelong look — as is your ceaseless way of accomplishing the ends of those who take refuge in you."

Verse 18 (skanda.2.60.18)

भ्राम्यंतमात्मीयहितं विसृज्य मां त्राहि मूढं सहजानुकंपिन् । क्षुद्राय कार्याय बहु भ्रमंतमप्राप्य मूलं परमेश्वरं त्वाम्

bhrāmyaṁtamātmīyahitaṁ visṛjya māṁ trāhi mūḍhaṁ sahajānukaṁpin kṣudrāya kāryāya bahu bhramaṁtamaprāpya mūlaṁ parameśvaraṁ tvām

"Save me, deluded, wandering, having forsaken my own true good, O you whose compassion is innate; wandering far and wide for petty ends, without having attained you, the root, the Supreme Lord."

Verse 19 (skanda.2.60.19)

ओं आयासपात्रं परमं सुदीनं मां त्राहि विष्णो जगदेकवंद्य । वेदांतवेद्याव्यय विश्वनाथ तत्वमीशिषे हंतुमघौघराशीन्

oṁ āyāsapātraṁ paramaṁ sudīnaṁ māṁ trāhi viṣṇo jagadekavaṁdya vedāṁtavedyāvyaya viśvanātha tatvamīśiṣe haṁtumaghaugharāśīn

"Om. Save me, a vessel of utmost weariness, most wretched, O Vishnu, sole object of the universe's homage; O imperishable one known through Vedanta, Lord of the universe, you alone have power to destroy this whole mass of accumulated sin."

Verse 20 (skanda.2.60.20)

तं त्वां परित्यज्य सुखैकहेतुं क्षुद्राशयं मां परिपाहि विष्णो। प्रसुप्त एषोऽखिलभूतसंघश्चतुर्विधो यत्कृतमोहरात्रौ

taṁ tvāṁ parityajya sukhaikahetuṁ kṣudrāśayaṁ māṁ paripāhi viṣṇo prasupta eṣo'khilabhūtasaṁghaścaturvidho yatkṛtamoharātrau

"Having forsaken you, the sole cause of happiness, protect me, of petty intent, O Vishnu; this whole fourfold host of beings lies asleep in this night of delusion, which you yourself have wrought."

Verse 21 (skanda.2.60.21)

त्वज्ञानभानूदयमेत्य चांते प्रबोध्यते त्वां शरणं प्रपद्ये। त्वमेक एवाखिललोककर्त्ता फणासहस्रैः परिवीतमूर्तिः

tvajñānabhānūdayametya cāṁte prabodhyate tvāṁ śaraṇaṁ prapadye tvameka evākhilalokakarttā phaṇāsahasraiḥ parivītamūrtiḥ

"— and in the end, awakened by the rising sun of knowledge of you, I take refuge in you. You alone are the creator of all the worlds, your form encircled by a thousand hoods."

Verse 22 (skanda.2.60.22)

पर्यायवृत्त्या बलिनां वरिष्ठ त्वामिशितारं शरणं प्रपद्ये। यया सृजस्यत्सि जगंति नाथ वक्षःसरोजासनया स्वशक्त्या

paryāyavṛttyā balināṁ variṣṭha tvāmiśitāraṁ śaraṇaṁ prapadye yayā sṛjasyatsi jagaṁti nātha vakṣaḥsarojāsanayā svaśaktyā

"I take refuge in you, ruler and best of the mighty, who by turns create, sustain, and destroy; by whose own power, seated as the lotus upon your chest, O Lord, you create the worlds,"

Verse 23 (skanda.2.60.23)

तां भद्ररूपां जगदाश्रयां ते देवारणिं पादयुगे नतोऽस्मि । यदंशुजालप्रतिसृष्टमेतद्ब्रह्मांडजालं करसंगि नाथ

tāṁ bhadrarūpāṁ jagadāśrayāṁ te devāraṇiṁ pādayuge nato'smi yadaṁśujālapratisṛṣṭametadbrahmāṁḍajālaṁ karasaṁgi nātha

"— to her, of auspicious form, refuge of the worlds, your kindling-source of the gods, I bow at your pair of feet; by whose network of rays this whole web of universes is projected, ever held within your hand, O Lord."

Verse 24 (skanda.2.60.24)

सुदर्शनं दैत्यबलस्य हंतृ चक्राभिधं त्वां प्रणतः सुदर्शनम्। स्तुत्वेत्थं नृपतिश्रेष्ठः साष्टांग प्रणनाम सः

sudarśanaṁ daityabalasya haṁtṛ cakrābhidhaṁ tvāṁ praṇataḥ sudarśanam stutvetthaṁ nṛpatiśreṣṭhaḥ sāṣṭāṁga praṇanāma saḥ

"To you, Sudarshana, destroyer of the demons' host, called the discus, of fair aspect, bowed, I offer homage." Having praised him thus, that best of kings prostrated with all eight limbs touching the ground.

Verse 25 (skanda.2.60.25)

परित्राहि जगन्नाथ मग्नं संसारसागरे। अनाथबन्धो कृपया दीनं मां तमसाकुलम्

paritrāhi jagannātha magnaṁ saṁsārasāgare anāthabandho kṛpayā dīnaṁ māṁ tamasākulam

"Save me, O Lord of the universe, sunk in the ocean of samsara. O friend of the friendless, out of compassion save me, wretched and overwhelmed by darkness."

Verse 26 (skanda.2.60.26)

नारद उवाच। जय जय नारायण अपारभवसागरोत्तारपरायण सनकसनंदनसनातनप्रभृति योगिवरविचिंत्यमानदिव्यतत्त्व स्वमायाविलसिताध्यासपरिणमिताशेषभूततत्त्व त्रितत्त्व त्रिदण्डधर त्रिणाचिकेतत्रिमधुत्रिसुपर्णोपगीयमानदिव्यज्ञानच्छन्दोमय स्वासनसुपर्णप्रिय भक्तप्रिय भक्तजनैकवत्सल स्वमायाजालव्यवहितस्वरूप विश्वरूप विश्वप्रकाश विश्वतोमुख विश्वतोक्षि विश्वतःश्रवण विश्वतःपादशिरोग्रीव विश्वहस्तनासारसनात्वक्केशलोमलिंग सर्वलोकात्मक सर्वलोकसुखावह सर्वलोकोपकारक सर्वलोकनमस्कृत लीलाविलसितकोटिपद्मोद्भव रुद्रेंद्रमरुदश्विसाध्यसिद्धगणप्रणताशेषसुरासुरत्रिभुवनगुरो न कस्यापि ज्ञानगोचर नमस्ते नमस्ते

nārada uvāca jaya jaya nārāyaṇa apārabhavasāgarottāraparāyaṇa sanakasanaṁdanasanātanaprabhṛti yogivaraviciṁtyamānadivyatattva svamāyāvilasitādhyāsapariṇamitāśeṣabhūtatattva tritattva tridaṇḍadhara triṇāciketatrimadhutrisuparṇopagīyamānadivyajñānacchandomaya svāsanasuparṇapriya bhaktapriya bhaktajanaikavatsala svamāyājālavyavahitasvarūpa viśvarūpa viśvaprakāśa viśvatomukha viśvatokṣi viśvataḥśravaṇa viśvataḥpādaśirogrīva viśvahastanāsārasanātvakkeśalomaliṁga sarvalokātmaka sarvalokasukhāvaha sarvalokopakāraka sarvalokanamaskṛta līlāvilasitakoṭipadmodbhava rudreṁdramarudaśvisādhyasiddhagaṇapraṇatāśeṣasurāsuratribhuvanaguro na kasyāpi jñānagocara namaste namaste

Narada said: "Glory, glory to you, O Narayana, wholly devoted to ferrying beings across the boundless ocean of existence; O divine reality contemplated by the foremost of yogis, Sanaka, Sanandana, Sanatana and the rest; you who, through the play of your own maya, transform the whole host of created beings; embodiment of the three principles, bearer of the triple staff, extolled through the three Nachiketa-fires, the three Madhu-rites, and the three chants of divine knowledge sung by the Suparnas, the very substance of the Vedic hymns; beloved of your own mount, beloved of your devotees, uniquely tender toward your devoted people; you whose true form is veiled within the web of your own maya; O universal form, universal light, facing every direction, eyed in every direction, hearing in every direction, whose feet, head, neck, hands, nose, tongue, skin, and every hair face every direction; the very self of all the worlds, bringer of happiness to all the worlds, benefactor of all the worlds, saluted by all the worlds; from whom, in the sport of your play, ten million lotuses have arisen; O guru of the three worlds, before whom Rudra, Indra, the Maruts, the Ashvins, the Sadhyas and the hosts of the Siddhas, and all gods and demons together, bow down; known to no one's understanding — salutations to you, salutations to you!"

Verse 27 (skanda.2.60.27)

जैमिनिरुवाच । अन्ये च ये नृपतयः श्रोत्रिया वेदपारगाः । मुनयो द्विजाः क्षत्रियाश्च विद्वांसो वैश्यजातयः

jaiminiruvāca anye ca ye nṛpatayaḥ śrotriyā vedapāragāḥ munayo dvijāḥ kṣatriyāśca vidvāṁso vaiśyajātayaḥ

Jaimini said: And the other kings, the learned in the Vedas who had mastered them fully, the sages, the Brahmins, the kshatriyas, and the learned ones born in vaishya families,

Verse 28 (skanda.2.60.28)

अस्तुवन्पुण्डरीकाक्षं बलिनं भद्रया सह । सूक्तैः स्तोत्रैः पुराणैश्च कविताभिर्यथा तथा

astuvanpuṇḍarīkākṣaṁ balinaṁ bhadrayā saha sūktaiḥ stotraiḥ purāṇaiśca kavitābhiryathā tathā

— praised the lotus-eyed Lord, together with Bala and Bhadra, each in his own way, with Vedic hymns, eulogies, Puranic verses, and poetic compositions.

Verse 29 (skanda.2.60.29)

अथेंद्रद्युम्नः प्रोवाच पुरोधसमकल्मषम् । पूजार्थं वासुदेवस्य उपचारोपसंस्कृतम्

atheṁdradyumnaḥ provāca purodhasamakalmaṣam pūjārthaṁ vāsudevasya upacāropasaṁskṛtam

Then Indradyumna spoke to his sinless priest, so that, for the worship of Vasudeva, all things might be readied, furnished with every offering.

Verse 30 (skanda.2.60.30)

स्वयं स नृपतिश्रेष्ठः पूजयामास तान्क्रमात् । नारदस्योपदेशेन विधिना मंत्रतस्तथा

svayaṁ sa nṛpatiśreṣṭhaḥ pūjayāmāsa tānkramāt nāradasyopadeśena vidhinā maṁtratastathā

That best of kings himself, by Narada's instruction, worshipped them one by one, in due order, with proper ritual and with the appropriate mantras.

Verse 31 (skanda.2.60.31)

द्वादशाक्षरमंत्रेण बलभद्रमपूजयत् । यमुपास्य ध्रुवः स्थानं प्राप्तवानुत्तमोत्तमम्

dvādaśākṣaramaṁtreṇa balabhadramapūjayat yamupāsya dhruvaḥ sthānaṁ prāptavānuttamottamam

With the twelve-syllabled mantra he worshipped Balabhadra, by worshipping whom Dhruva had attained that most exalted, unmoving station.

Verse 32 (skanda.2.60.32)

त्रयीप्रसिद्धं यत्सूक्तं पावनं पौरुषं महत् । तेन नारायणं भूपः पूजयामास शक्तितः

trayīprasiddhaṁ yatsūktaṁ pāvanaṁ pauruṣaṁ mahat tena nārāyaṇaṁ bhūpaḥ pūjayāmāsa śaktitaḥ

With that hymn famed throughout the three Vedas, pure and great — the Purusha-sukta — the king worshipped Narayana to the full extent of his power.

Verse 33 (skanda.2.60.33)

देव्याः सूक्तेन भद्रां तां सौदर्शन्या सुदर्शनम् । यथासमृद्धि भक्त्या तान्पूजयित्वा नृपोत्तमः

devyāḥ sūktena bhadrāṁ tāṁ saudarśanyā sudarśanam yathāsamṛddhi bhaktyā tānpūjayitvā nṛpottamaḥ

With the Devi-sukta he worshipped that Bhadra, and with the Saudarshani hymn, Sudarshana. Having thus worshipped them all, according to his ample means and with devotion, that best of kings —

Verse 34 (skanda.2.60.34)

तत्प्रीत्यै द्विजमुख्येभ्यो ददौ दानानि भक्तितः । तुलापुरुषदानानि महादानानि पार्थिवः

tatprītyai dvijamukhyebhyo dadau dānāni bhaktitaḥ tulāpuruṣadānāni mahādānāni pārthivaḥ

— for their pleasure, gave gifts to the foremost Brahmins with devotion; the king gave the Tulapurusha gift and other great gifts.

Verse 35 (skanda.2.60.35)

अश्वमेधांगभूताश्च कोटिशो गा ददौ तदा । अलंकृतास्तथान्याश्च ददौ गा बहुदक्षिणाः

aśvamedhāṁgabhūtāśca koṭiśo gā dadau tadā alaṁkṛtāstathānyāśca dadau gā bahudakṣiṇāḥ

As part of the horse-sacrifice's rites he then gave tens of millions of cows; and he gave, besides, other cows adorned with ornaments, together with ample fees.

Verse 36 (skanda.2.60.36)

तासां खुरोद्धृतेर्योगाद्गर्तोभूद्द्विजसत्तमाः । दानांबुना स पूर्णो वै तीर्थमासीन्महाफलम्

tāsāṁ khuroddhṛteryogādgartobhūddvijasattamāḥ dānāṁbunā sa pūrṇo vai tīrthamāsīnmahāphalam

From the hollow raised by their hoofs a pit was formed, O best of Brahmins; filled with the water of the gift-libations, it became a bathing-place of great merit.

Verse 37 (skanda.2.60.37)

तस्मिन्स्नात्वा पितॄन्देवान्संतर्प्य विधिवन्नरः । अश्वमेधसहस्रस्य फलमाप्नोत्यसंशयः

tasminsnātvā pitṝndevānsaṁtarpya vidhivannaraḥ aśvamedhasahasrasya phalamāpnotyasaṁśayaḥ

Bathing in it and duly offering libations to the ancestors and the gods, a man obtains, without doubt, the fruit of a thousand horse-sacrifices.

Verse 38 (skanda.2.60.38)

नाम्ना ख्यातं सरस्तस्य इन्द्रद्युम्नस्य भूपतेः । निर्वपत्यत्र पिंडांश्च पितॄनुद्दिश्य मानवः

nāmnā khyātaṁ sarastasya indradyumnasya bhūpateḥ nirvapatyatra piṁḍāṁśca pitṝnuddiśya mānavaḥ

That lake, known by the name of King Indradyumna — the man who there offers rice-balls in honor of his ancestors,

Verse 39 (skanda.2.60.39)

कुलैकविंशमुद्धत्य ब्रह्मलोके महीयते । नातः परतरं तीर्थं हयमेधांगसंभवात्

kulaikaviṁśamuddhatya brahmaloke mahīyate nātaḥ parataraṁ tīrthaṁ hayamedhāṁgasaṁbhavāt

— lifts up twenty-one generations of his lineage and is exalted in the world of Brahma; having arisen as a limb of the horse-sacrifice, there is no sacred ford greater than this.

Verse 40 (skanda.2.60.40)

इन्द्रद्युम्नस्य सरसः स्याद्वा त्रिपथगा समा । ततः प्रासादघटनामुपचक्राम भूपतिः

indradyumnasya sarasaḥ syādvā tripathagā samā tataḥ prāsādaghaṭanāmupacakrāma bhūpatiḥ

The lake of Indradyumna may well be equal to the Ganga, the river of the triple path. After this the king took up the building of the temple.

Verse 41 (skanda.2.60.41)

शुभे काले सुनक्षत्रे दैवज्ञविधिचोदिते । समुहूर्ते नारदादीन्ब्राह्मणाग्र्यान्प्रपूज्य च

śubhe kāle sunakṣatre daivajñavidhicodite samuhūrte nāradādīnbrāhmaṇāgryānprapūjya ca

At an auspicious time, under a good constellation, following the astrologers' prescribed rule, at the fitting moment, having worshipped Narada and the other foremost Brahmins,

Verse 42 (skanda.2.60.42)

स्वस्तिवाचं च कर्मर्द्धिं वाचयित्वा नृपोत्तमः । अर्घ्यं ददौ जगन्नाथं स्मरन्प्रासादवेश्मनि

svastivācaṁ ca karmarddhiṁ vācayitvā nṛpottamaḥ arghyaṁ dadau jagannāthaṁ smaranprāsādaveśmani

— and, having had the benediction and prosperity-rites recited, the best of kings, remembering Jagannatha, offered the arghya at the temple's founding.

Verse 43 (skanda.2.60.43)

वसुधां प्रार्थयित्वा तु स्थानमाचंद्रतारकम् । शिल्पिनः पूजयामास वास्तुयागपुरःसरम्

vasudhāṁ prārthayitvā tu sthānamācaṁdratārakam śilpinaḥ pūjayāmāsa vāstuyāgapuraḥsaram

Having entreated the earth for that ground to remain his as long as sun, moon and stars endure, he worshipped the craftsmen, the Vastu-sacrifice going before.

Verse 44 (skanda.2.60.44)

महोत्सवं तथा चक्रे गीतवाद्यैः प्रभूतकैः । दीनानाथविपन्नेभ्यो ददौ वस्तु यथेप्सितम्

mahotsavaṁ tathā cakre gītavādyaiḥ prabhūtakaiḥ dīnānāthavipannebhyo dadau vastu yathepsitam

He held a great festival too, filled with song and music; and he gave to the poor, the helpless, and the distressed whatever goods they desired.

Verse 45 (skanda.2.60.45)

राज्ञो विसर्जयामास बहुमानपुरःसरम् । कृतार्थानवतारं तं हरेर्दृष्ट्वा हतांहसः

rājño visarjayāmāsa bahumānapuraḥsaram kṛtārthānavatāraṁ taṁ harerdṛṣṭvā hatāṁhasaḥ

He sent the kings home with great honor, who, having seen this fulfilling incarnation of Hari, had become free of sin and felt themselves accomplished.

Verse 46 (skanda.2.60.46)

ततः स कोटिशो वित्तं ददौ पाषाणदारके । आहृतौ बहुदेशेभ्यो दृषदां पार्थिवोत्तमः

tataḥ sa koṭiśo vittaṁ dadau pāṣāṇadārake āhṛtau bahudeśebhyo dṛṣadāṁ pārthivottamaḥ

Then that best of kings gave crores of wealth to the stone-cutters, for the stones brought from many lands.

Verse 47 (skanda.2.60.47)

उवाचेदं मुदा युक्तः सभायां पृथिवीधरः । अष्टादशभ्यो द्वीपेभ्यो यन्मया पौरुषार्जितम्

uvācedaṁ mudā yuktaḥ sabhāyāṁ pṛthivīdharaḥ aṣṭādaśabhyo dvīpebhyo yanmayā pauruṣārjitam

The lord of the earth, filled with joy, said this in the assembly: "Whatever I have earned by my own valor from the eighteen continents,"

Verse 48 (skanda.2.60.48)

तत्सर्वं जगदीशस्य प्रासादायापवर्जितम् । जैत्रयात्राप्रसंगेन श्रमो लब्धस्तु यो मया

tatsarvaṁ jagadīśasya prāsādāyāpavarjitam jaitrayātrāprasaṁgena śramo labdhastu yo mayā

"— all of that is offered to the temple of the Lord of the universe. Whatever fatigue I gained through my campaigns of conquest,"

Verse 49 (skanda.2.60.49)

सफलोऽस्तु स मे विष्णोः प्रासादायार्थयोगतः । अतः परं मे किं भाग्यं चराचरगुरुं हरिम्

saphalo'stu sa me viṣṇoḥ prāsādāyārthayogataḥ ataḥ paraṁ me kiṁ bhāgyaṁ carācaraguruṁ harim

"— let it become fruitful through being applied to Vishnu's temple. What greater fortune could there be for me than this, that with the wealth earned by these two arms"

Verse 50 (skanda.2.60.50)

प्रसादयिष्ये संपत्त्या भुजद्वंद्वार्जितश्रिया । श्रीः सदा पुण्डरीकाक्षे श्रियोनुग्रहजा मम

prasādayiṣye saṁpattyā bhujadvaṁdvārjitaśriyā śrīḥ sadā puṇḍarīkākṣe śriyonugrahajā mama

"— I should propitiate Hari, guru of all moving and unmoving things. May Shri ever dwell in the lotus-eyed one; may my prosperity be born of her grace alone."

Verse 51 (skanda.2.60.51)

किं कर्तुमीशस्तस्यां वै देवदेवस्य चक्रिणः । कटाक्षपातो यस्य स्यात्तस्य श्रीः सर्वतोमुखी

kiṁ kartumīśastasyāṁ vai devadevasya cakriṇaḥ kaṭākṣapāto yasya syāttasya śrīḥ sarvatomukhī

"What need has that discus-bearing God of gods to do more for her? He on whom his sidelong glance falls — for him Shri turns her face in every direction."

Verse 52 (skanda.2.60.52)

अष्टादशात्मिका देवी जिह्वाग्रे चास्य नृत्यति । यमाराध्य जगन्नाथं ब्रह्मत्वं प्राप्तवान्विधिः

aṣṭādaśātmikā devī jihvāgre cāsya nṛtyati yamārādhya jagannāthaṁ brahmatvaṁ prāptavānvidhiḥ

"The eighteen-fold goddess of learning dances upon the tip of his tongue. By worshipping this very Jagannatha, Brahma attained his state of Brahma-hood,"

Verse 53 (skanda.2.60.53)

रुद्रो महेश्वरत्वं च शक्रस्त्रिदिवराजताम् । लेभे तमर्च्य जगतामर्चयिष्यामि शाश्वतम्

rudro maheśvaratvaṁ ca śakrastridivarājatām lebhe tamarcya jagatāmarcayiṣyāmi śāśvatam

"— Rudra obtained the state of Maheshvara, and Indra his sovereignty over the three worlds, by worshipping him. I too shall worship this Lord of the worlds forever."

Verse 54 (skanda.2.60.54)

जितं तेन त्रिधा राशीभूतमंहो महात्मना । सांगोपांगेन विधिना येन कृष्णः समर्चितः

jitaṁ tena tridhā rāśībhūtamaṁho mahātmanā sāṁgopāṁgena vidhinā yena kṛṣṇaḥ samarcitaḥ

"By that great soul who has worshipped Krishna with the complete ritual, every ancillary rite included, the threefold mass of accumulated sin stands conquered."

Verse 55 (skanda.2.60.55)

कलेवरमिदं क्षेत्रं यत्राहंकारवान्विभुः । आविर्भावतिरोभावौ स्थितिर्नित्या हि यत्प्रभुः

kalevaramidaṁ kṣetraṁ yatrāhaṁkāravānvibhuḥ āvirbhāvatirobhāvau sthitirnityā hi yatprabhuḥ

"This field is his very body, where the all-pervading Lord, possessed of his own selfhood, appears and disappears; his eternal abiding here is itself the ground of his lordship over it."

Verse 56 (skanda.2.60.56)

अत्र साक्षाद्वपुष्मन्तं संपूज्य जगतां गुरुम् । साक्षात्कृतार्थो भवति चतुर्वर्गस्य भाजनम्

atra sākṣādvapuṣmantaṁ saṁpūjya jagatāṁ gurum sākṣātkṛtārtho bhavati caturvargasya bhājanam

"Having here worshipped, in his visible embodied form, the Guru of the worlds, one becomes truly fulfilled, a vessel of the four aims of life."

Verse 57 (skanda.2.60.57)

बहुव्ययाऽऽयासतो या राज्यऋद्धिर्मयार्जिता । अस्यैवानुग्रहात्सा तु सफलास्तु पदांबुजे

bahuvyayā''yāsato yā rājyaṛddhirmayārjitā asyaivānugrahātsā tu saphalāstu padāṁbuje

"Whatever prosperity of the realm I have earned through great expenditure and toil — by his grace alone let it be made fruitful at his lotus-feet."

Verse 58 (skanda.2.60.58)

सर्वोपचारैः परिपूज्य देवं द्रव्यैर्हृतैः सागरमेखलायाः । यावत्समाप्नोति हि कर्मपाकः साम्राज्ययात्रा सफला हि मास्तु

sarvopacāraiḥ paripūjya devaṁ dravyairhṛtaiḥ sāgaramekhalāyāḥ yāvatsamāpnoti hi karmapākaḥ sāmrājyayātrā saphalā hi māstu

"Having worshipped the God with every offering, with wealth brought from this ocean-girdled earth — as long as the ripening of my deeds continues, let my imperial course indeed remain fruitful."

Verse 59 (skanda.2.60.59)

किं द्रव्यजातं खलु येन विष्णुं नोपाहरेत्सांगमपेतकल्मषः । किं पौरुषेयं यदि वासुदेवपरिच्छदो येन न साधितो मे

kiṁ dravyajātaṁ khalu yena viṣṇuṁ nopāharetsāṁgamapetakalmaṣaḥ kiṁ pauruṣeyaṁ yadi vāsudevaparicchado yena na sādhito me

"What sort of wealth is there, indeed, by which a man free of sin should not make complete offering to Vishnu? And what is my own manhood worth, if by it I have not accomplished the furnishing of Vasudeva's temple?"