Indradyumna's Final Charge and the Fruit of Hearing this Glory

Verse 1 (skanda.2.88.1)

मुनय ऊचुः। प्रासादस्य प्रतिष्ठांत इन्द्रद्युम्नाय यद्वरान्। आज्ञापयामास हरिर्यात्रास्ता द्वादशापि च

munaya ūcuḥ prāsādasya pratiṣṭhāṁta indradyumnāya yadvarān ājñāpayāmāsa hariryātrāstā dvādaśāpi ca

The sages said: At the end of the temple's consecration, what boons did Hari command to Indradyumna, and what were the twelve pilgrimages he declared?

Verse 2 (skanda.2.88.2)

त्वत्सकाशाच्छुतं सर्वं ततः स पृथिवीपतिः। किं चकार महाबुद्धिर्विष्णुभक्तोऽप्यवस्थितः

tvatsakāśācchutaṁ sarvaṁ tataḥ sa pṛthivīpatiḥ kiṁ cakāra mahābuddhirviṣṇubhakto'pyavasthitaḥ

Having heard all this from you, what then did that lord of the earth, that man of great wisdom, established as a devotee of Vishnu, do?

Verse 3 (skanda.2.88.3)

जैमिनिरुवाच। वराँल्लब्ध्वा जगन्नाथात्साक्षाद्ब्रह्मस्वरूपिणः। कृतकृत्यं स मेने वा आत्मानं नरपुंगवः

jaiminiruvāca varāṁllabdhvā jagannāthātsākṣādbrahmasvarūpiṇaḥ kṛtakṛtyaṁ sa mene vā ātmānaṁ narapuṁgavaḥ

Jaimini said: Having obtained these boons from Jagannatha, himself the very form of Brahman, that foremost of men deemed himself fulfilled.

Verse 4 (skanda.2.88.4)

यथाज्ञं कारयित्वा वै यात्रास्ताः पुण्यमोक्षदाः। बहूपचारैर्बहुधा समभ्यर्च्य जगद्गुरुम्

yathājñaṁ kārayitvā vai yātrāstāḥ puṇyamokṣadāḥ bahūpacārairbahudhā samabhyarcya jagadgurum

Having caused those holy, liberation-bestowing pilgrimages to be performed just as commanded, and having worshipped the World-Teacher in many ways with abundant offerings,

Verse 5 (skanda.2.88.5)

गालराजं समादिश्य देवस्याज्ञां यथाविधि। इदं प्रोवाच मधुरं धर्मन्यायसमायुतम्

gālarājaṁ samādiśya devasyājñāṁ yathāvidhi idaṁ provāca madhuraṁ dharmanyāyasamāyutam

he summoned King Gala, and, conveying the deity's command according to rite, spoke to him these sweet words, filled with righteousness and justice.

Verse 6 (skanda.2.88.6)

इन्द्रद्युम्न उवाच। राजन्बहुश्रुतोऽसि त्वं धर्मनिष्ठामुपागतः। भगवत्यपि भक्तिस्ते कर्मणा मनसा गिरा

indradyumna uvāca rājanbahuśruto'si tvaṁ dharmaniṣṭhāmupāgataḥ bhagavatyapi bhaktiste karmaṇā manasā girā

Indradyumna said: 'O king, you are widely learned, and have attained steadfastness in dharma; your devotion to the Lord too is complete in deed, thought, and word.

Verse 7 (skanda.2.88.7)

न ह्येकस्योपदशाय भगवाननुशास्ति वै। चराचरगुरुर्ह्येष विश्वं तच्छिष्यतां गतम्

na hyekasyopadaśāya bhagavānanuśāsti vai carācaragururhyeṣa viśvaṁ tacchiṣyatāṁ gatam

For the Lord does not govern for the instruction of a single person alone; he is indeed the teacher of all that moves and moves not, and the universe has become his disciple.

Verse 8 (skanda.2.88.8)

ममानुग्रहलक्ष्येण अवतीर्णो जगत्पतिः। उद्धृत्यै दीनमनसामत्रापि स्थास्यते चिरात्

mamānugrahalakṣyeṇa avatīrṇo jagatpatiḥ uddhṛtyai dīnamanasāmatrāpi sthāsyate cirāt

For the sake of his grace upon me he has descended, to uplift the wretched in mind; here too he shall remain for a long time.

Verse 9 (skanda.2.88.9)

भक्त्या च श्रद्धया युक्त एतदाज्ञां प्रवर्त्तय। प्रतिमाव्यवहारेण नैनं जानीहि भूमिप

bhaktyā ca śraddhayā yukta etadājñāṁ pravarttaya pratimāvyavahāreṇa nainaṁ jānīhi bhūmipa

With devotion and faith, carry forward this command of his; do not think of him, O king, in terms of the mere handling of an image.

Verse 10 (skanda.2.88.10)

प्रत्यक्षं ते यथा जातं त्रैलोक्यं भूमिमागतम्। प्रासादांतः प्रवेशे हि यस्यास्य जगदीशितुः

pratyakṣaṁ te yathā jātaṁ trailokyaṁ bhūmimāgatam prāsādāṁtaḥ praveśe hi yasyāsya jagadīśituḥ

As it was manifest before your very eyes, how the three worlds came together upon this earth, when this Lord of the world entered the temple —

Verse 11 (skanda.2.88.11)

पितामहाद्यास्त्रिदशाः सर्वे युगपदागताः। विश्वमूर्त्या वयं सर्वे जाता वै नष्टचेतनाः

pitāmahādyāstridaśāḥ sarve yugapadāgatāḥ viśvamūrtyā vayaṁ sarve jātā vai naṣṭacetanāḥ

the Grandsire and all the thirty gods, all arriving together, all of us, absorbed into the form of the universe, became as though bereft of consciousness.

Verse 12 (skanda.2.88.12)

चराचरमयो ह्येष साक्षाद्दारुस्वरूपधृक्। कल्पवृक्षमिमं विद्धि भूगतं सर्वकामदम्

carācaramayo hyeṣa sākṣāddārusvarūpadhṛk kalpavṛkṣamimaṁ viddhi bhūgataṁ sarvakāmadam

For he, consisting of all that moves and moves not, bears visibly a body in the form of wood; know this to be that very wish-fulfilling tree, come down to earth, granter of every desire.

Verse 13 (skanda.2.88.13)

उपास्यैनं हि लभते यो यथा कामनाफलम्। यतंतो बहुधा यं हि यतयो न विदन्ति वै। तमःपारे प्रतिष्ठतं किंस्विज्ज्योतिः स्वरूपिणम्

upāsyainaṁ hi labhate yo yathā kāmanāphalam yataṁto bahudhā yaṁ hi yatayo na vidanti vai tamaḥpāre pratiṣṭhataṁ kiṁsvijjyotiḥ svarūpiṇam

By worshipping him, one obtains whatever fruit one desires, according to one's wish; him whom ascetics, striving in many ways, do not truly know — established beyond darkness, is he of the very nature of light?

Verse 14 (skanda.2.88.14)

यतीनां धर्मनिष्ठानां शुद्धानामूर्ध्वरेतसाम्। अनन्यभक्तियुक्तानामेकः पंथास्तु योगिनाम्

yatīnāṁ dharmaniṣṭhānāṁ śuddhānāmūrdhvaretasām ananyabhaktiyuktānāmekaḥ paṁthāstu yoginām

For ascetics steadfast in dharma, pure, of upward-flowing seed, devoted to him alone with unwavering devotion — for such yogis there is but one path.

Verse 15 (skanda.2.88.15)

ग्रीष्मे शीत गभीरे वै निमज्ज्य सलिलाशये। परां निर्वृतिमाप्नोति तथास्मिन्करुणांबुधौ

grīṣme śīta gabhīre vai nimajjya salilāśaye parāṁ nirvṛtimāpnoti tathāsminkaruṇāṁbudhau

As one who plunges into a deep, cool pool of water in summer obtains supreme relief, so too one who takes refuge in this ocean of compassion —

Verse 16 (skanda.2.88.16)

त्रितापदुःखं त्यजति संप्राप्ते पुरुषोत्तमे

tritāpaduḥkhaṁ tyajati saṁprāpte puruṣottame

casts off the threefold suffering, once Purushottama is attained.

Verse 17 (skanda.2.88.17)

न माता न पिता मित्रं न पत्नी न सुतस्तथा। शरणागतदीनानां यथायमुपकारकः

na mātā na pitā mitraṁ na patnī na sutastathā śaraṇāgatadīnānāṁ yathāyamupakārakaḥ

Neither mother, nor father, nor friend, nor wife, nor son, helps the helpless who take refuge as he does.

Verse 18 (skanda.2.88.18)

तदेनं परिसेवस्व भुक्तिमुक्तिफलप्रदम्। पौरैः प्रजाभिर्यात्रास्ताः समृद्धं परिवर्त्तय

tadenaṁ parisevasva bhuktimuktiphalapradam pauraiḥ prajābhiryātrāstāḥ samṛddhaṁ parivarttaya

Therefore serve him, who bestows the fruit of both enjoyment and liberation; keep the pilgrimages flourishing, together with the citizens and the people.

Verse 19 (skanda.2.88.19)

साधारणो धर्मपंथा नृपाणां नृपसत्तम। प्रवर्तितश्च पूर्वेण पाल्यतेऽनंतरेण सः

sādhāraṇo dharmapaṁthā nṛpāṇāṁ nṛpasattama pravartitaśca pūrveṇa pālyate'naṁtareṇa saḥ

O best of kings, the common path of dharma for kings is set in motion by the one who came before, and is preserved by the one who follows.

Verse 20 (skanda.2.88.20)

नृसिंहं भज राजेंद्र उपचारैर्महर्द्धिभिः। पूजयस्व त्रिसंध्यं तं परं निर्वाणमाप्नुहि

nṛsiṁhaṁ bhaja rājeṁdra upacārairmaharddhibhiḥ pūjayasva trisaṁdhyaṁ taṁ paraṁ nirvāṇamāpnuhi

O king of kings, worship Nrisimha with rich and abundant ritual honours; worship him at the three daily junctures, and attain the supreme liberation.

Verse 21 (skanda.2.88.21)

स्वकृतादुत्तमं प्राहुः परकृत्योपरक्षणम्। पालयेत्परदत्तं यः स्वदत्तादुत्तमं हि तत्

svakṛtāduttamaṁ prāhuḥ parakṛtyoparakṣaṇam pālayetparadattaṁ yaḥ svadattāduttamaṁ hi tat

They say that guarding another's work is superior to one's own; whoever preserves what was entrusted by another does something more excellent than what he himself has given.'

Verse 22 (skanda.2.88.22)

जैमिनिरुवाच। कृतांजलिपुटः सोऽथ श्वेतो नृपतिसत्तमः। मूर्ध्नि जग्राह तद्वाक्यं मालामिव गुणान्विताम्

jaiminiruvāca kṛtāṁjalipuṭaḥ so'tha śveto nṛpatisattamaḥ mūrdhni jagrāha tadvākyaṁ mālāmiva guṇānvitām

Jaimini said: Then Shveta, that foremost of kings, with hands folded, received those words upon his head, as though they were a garland strung with virtues.

Verse 23 (skanda.2.88.23)

इंद्रद्युम्नोऽपि राजर्षिः प्रसाद्य पुरुषोत्तमम्। सह श्रीमान्ब्रह्मलोकं जगाम ह

iṁdradyumno'pi rājarṣiḥ prasādya puruṣottamam saha śrīmānbrahmalokaṁ jagāma ha

The royal sage Indradyumna too, having propitiated Purushottama, together with his glorious queen, went to the world of Brahma.

Verse 24 (skanda.2.88.24)

एतद्वः कथितं पुण्यं क्षेत्रमाहात्म्यमुत्तमम्। तत्र नित्योषितस्यापि माहात्म्यं ब्रह्मदारुणः

etadvaḥ kathitaṁ puṇyaṁ kṣetramāhātmyamuttamam tatra nityoṣitasyāpi māhātmyaṁ brahmadāruṇaḥ

This holy and supreme glory of the sacred field has been declared to you; the greatness of the wooden Brahman extends even to one who merely dwells there always.

Verse 25 (skanda.2.88.25)

यश्चैतच्छृणुयाद्भक्त्या वाच्यमानं द्विजोत्तमाः। अश्वमेधसहस्रस्य फलं सोऽविकलं लभेत्

yaścaitacchṛṇuyādbhaktyā vācyamānaṁ dvijottamāḥ aśvamedhasahasrasya phalaṁ so'vikalaṁ labhet

Whoever hears this, recited with devotion, O best of brahmins, obtains the complete fruit of a thousand horse-sacrifices.

Verse 26 (skanda.2.88.26)

अर्द्धोदयस्तु यो योगः स्कंदेन परिकीर्तितः। तत्कोटिगुणितं पुण्यं विष्णोर्माहात्म्यकीर्तनात्

arddhodayastu yo yogaḥ skaṁdena parikīrtitaḥ tatkoṭiguṇitaṁ puṇyaṁ viṣṇormāhātmyakīrtanāt

The conjunction called Ardhodaya, proclaimed by Skanda — its merit, multiplied ten million times, is obtained by the recitation of Vishnu's glory.

Verse 27 (skanda.2.88.27)

प्रातः प्रातर्यः शृणुयात्कपिलाशतदो भवेत्। गांगैः पुष्करजैस्तोयैरभिषेकफलं लभेत्

prātaḥ prātaryaḥ śṛṇuyātkapilāśatado bhavet gāṁgaiḥ puṣkarajaistoyairabhiṣekaphalaṁ labhet

Whoever hears it every single morning becomes as one who has given a hundred Kapila cows; he obtains the fruit of bathing in the waters of the Ganga and of Pushkara.

Verse 28 (skanda.2.88.28)

धन्यं यशस्यमायुष्यं पुण्यं संतानवर्द्धनम्। स्वर्गप्रतिष्ठागतिदं सर्वपापापनोदनम्

dhanyaṁ yaśasyamāyuṣyaṁ puṇyaṁ saṁtānavarddhanam svargapratiṣṭhāgatidaṁ sarvapāpāpanodanam

It brings prosperity, fame, and long life, is holy, increases one's progeny, grants the attainment of the station of heaven, and removes every sin.

Verse 29 (skanda.2.88.29)

एतद्रहस्यमाख्यातं पुराणेषु सुगोपितम्। वैष्णवेभ्यो विनाऽन्येषु न तु वाच्यं कदाचन

etadrahasyamākhyātaṁ purāṇeṣu sugopitam vaiṣṇavebhyo vinā'nyeṣu na tu vācyaṁ kadācana

This mystery has been declared, closely guarded within the Puranas; it should never be told to any but Vaishnavas.

Verse 30 (skanda.2.88.30)

कुतर्कोपहता ये च दुरधीतश्रुतागमाः। नास्तिका दांभिका नित्यं परदोषोपदर्शिनः। अवैष्णवा मोघजीवास्तेभ्यो गोप्यं सदैव हि

kutarkopahatā ye ca duradhītaśrutāgamāḥ nāstikā dāṁbhikā nityaṁ paradoṣopadarśinaḥ avaiṣṇavā moghajīvāstebhyo gopyaṁ sadaiva hi

Those afflicted by false reasoning, ill-versed in the Shrutis and Agamas, nihilists, hypocrites, ever intent on pointing out others' faults, non-Vaishnavas of futile life — from these it should ever be kept concealed.