The Glory of Mangala Tirtha and King Manojava

Verse 1 (skanda.3.12.1)

श्रीसूत उवाच । सीताकुण्डे महापुण्ये नरः स्नात्वा द्विजोत्तमाः । ततस्तु मंगलं तीर्थमभिगच्छेत्समाहितः

śrīsūta uvāca sītākuṇḍe mahāpuṇye naraḥ snātvā dvijottamāḥ tatastu maṁgalaṁ tīrthamabhigacchetsamāhitaḥ

Shri Suta said: O foremost of brahmins, a man, having bathed at the greatly meritorious Sitakunda, should then proceed, with concentrated mind, to the ford Mangala.

Verse 2 (skanda.3.12.2)

सन्निधत्ते सदा यत्र कमला विष्णुवल्लभा । अलक्ष्मीपरिहाराय यस्मिन्सरसि वै सुराः

sannidhatte sadā yatra kamalā viṣṇuvallabhā alakṣmīparihārāya yasminsarasi vai surāḥ

Where Kamala, beloved of Vishnu, is always present; and where, for the removal of misfortune, the gods —

Verse 3 (skanda.3.12.3)

शतक्रतुमुखाः सर्वे समागच्छंति नित्यशः । तदेतत्तीर्थमुद्दिश्य ऋषयो लोकपावनम्

śatakratumukhāḥ sarve samāgacchaṁti nityaśaḥ tadetattīrthamuddiśya ṛṣayo lokapāvanam

— headed by Indra, all continually assemble. Regarding that very ford, world-purifying, the sages —

Verse 4 (skanda.3.12.4)

इतिहासं प्रवक्ष्यामि पुण्यं पापविनाशनम् । पुरा मनोजवो नाम राजा सोमकुलोद्भवः

itihāsaṁ pravakṣyāmi puṇyaṁ pāpavināśanam purā manojavo nāma rājā somakulodbhavaḥ

— asked, and I shall relate that meritorious, sin-destroying legend. Long ago there was a king named Manojava, born of the lunar dynasty,

Verse 5 (skanda.3.12.5)

पालयामास धर्मेण धरां सागरमेखलाम् । अयष्ट स सुरान्यज्ञै र्ब्राह्मणानन्नसंचयैः

pālayāmāsa dharmeṇa dharāṁ sāgaramekhalām ayaṣṭa sa surānyajñai rbrāhmaṇānannasaṁcayaiḥ

— who ruled righteously the earth girdled by the ocean. He worshipped the gods with sacrifices, and honored brahmins with abundant food.

Verse 6 (skanda.3.12.6)

तर्पयामास कव्येन प्रत्यब्दं पितृदेवताः । त्रयीमध्यैष्ट सततमपाठीच्छास्त्रमर्थवत्

tarpayāmāsa kavyena pratyabdaṁ pitṛdevatāḥ trayīmadhyaiṣṭa satatamapāṭhīcchāstramarthavat

Every year, he satisfied the ancestral deities with kavya offerings. He constantly studied the three Vedas, and he read the shastras with understanding.

Verse 7 (skanda.3.12.7)

व्यजेष्ट शत्रून्वीर्येण प्राणं सीदीशकेशवौ । अरंस्त नीतिशास्त्रेषु तथापाठीन्महामनून्

vyajeṣṭa śatrūnvīryeṇa prāṇaṁ sīdīśakeśavau araṁsta nītiśāstreṣu tathāpāṭhīnmahāmanūn

He conquered his enemies through valor; he was devoted in his heart to Isha and Keshava; he delighted in the sciences of statecraft, and likewise studied the great law-codes.

Verse 8 (skanda.3.12.8)

एवं स धर्मतो राजा पालयामास मेदिनीम् । रक्षतस्तस्य राज्ञोऽभूद्राज्यं निहत कंटकम्

evaṁ sa dharmato rājā pālayāmāsa medinīm rakṣatastasya rājño'bhūdrājyaṁ nihata kaṁṭakam

Thus that king righteously ruled the earth. As that king protected it, his kingdom became free of thorns.

Verse 9 (skanda.3.12.9)

अहंकारोऽभवत्तस्य पुत्रसंपद्विनाशनः । अहंकारो भवेद्यत्र तत्र लोभो मदस्तथा

ahaṁkāro'bhavattasya putrasaṁpadvināśanaḥ ahaṁkāro bhavedyatra tatra lobho madastathā

But then arose in him egotism, the destroyer of sons and prosperity. Wherever egotism arises, there greed and pride too arise,

Verse 10 (skanda.3.12.10)

कामः क्रोधश्च हिंसा च तथाऽसूया विमोहिनी । भवंत्येतानि विप्रेंद्राः संपदां नाशहेतवः

kāmaḥ krodhaśca hiṁsā ca tathā'sūyā vimohinī bhavaṁtyetāni vipreṁdrāḥ saṁpadāṁ nāśahetavaḥ

— desire, anger, violence, and likewise bewildering envy. O foremost of brahmins, these become the causes of the destruction of prosperity.

Verse 11 (skanda.3.12.11)

एतानि यत्र विद्यंते पुरुषे स विनश्यति । क्षणेन पुत्रपौत्रैश्च सार्द्धं चाखिलसंपदा

etāni yatra vidyaṁte puruṣe sa vinaśyati kṣaṇena putrapautraiśca sārddhaṁ cākhilasaṁpadā

In whatever man these exist, he perishes in an instant, together with his sons, grandsons, and all his prosperity.

Verse 12 (skanda.3.12.12)

बभूव तस्यासूया च जनविद्वेषिणी सदा । असूयाकुलचित्तस्य वृथाहंकारिणस्तथा

babhūva tasyāsūyā ca janavidveṣiṇī sadā asūyākulacittasya vṛthāhaṁkāriṇastathā

In him arose envy, ever hostile toward people. In him, whose mind was disturbed by envy, and who was vainly egotistical,

Verse 13 (skanda.3.12.13)

लुब्धस्य कामदुष्टस्य मतिरेवं बभूव ह । विप्रग्रामे करादानं करिष्यामीति निश्चितः

lubdhasya kāmaduṣṭasya matirevaṁ babhūva ha vipragrāme karādānaṁ kariṣyāmīti niścitaḥ

— greedy, corrupted by desire, thus his mind became resolved: "I shall levy a tax upon the brahmin villages."

Verse 14 (skanda.3.12.14)

अकरोच्च तथा राजा निश्चित्य मनसा तदा । धनं धान्यं च विप्राणां जहार किल लोभतः

akarocca tathā rājā niścitya manasā tadā dhanaṁ dhānyaṁ ca viprāṇāṁ jahāra kila lobhataḥ

And, having resolved this in his mind, the king did so; he seized, indeed, out of greed, the wealth and grain of the brahmins.

Verse 15 (skanda.3.12.15)

शिवविष्ण्वादिदेवानां वित्तान्यादत्त रागतः । शिवविष्ण्वादिदेवानां विप्राणां च महात्मनाम्

śivaviṣṇvādidevānāṁ vittānyādatta rāgataḥ śivaviṣṇvādidevānāṁ viprāṇāṁ ca mahātmanām

Out of passion, he seized the wealth belonging to Shiva, Vishnu, and the other gods; and of Shiva, Vishnu, and the other gods, and of great-souled brahmins —

Verse 16 (skanda.3.12.16)

क्षेत्राण्यपजहारायमहंकार विमूढधीः । एवमन्याययुक्तस्य देवद्विजविरोधिनः

kṣetrāṇyapajahārāyamahaṁkāra vimūḍhadhīḥ evamanyāyayuktasya devadvijavirodhinaḥ

— this king, his mind deluded by egotism, seized their sacred fields as well. Thus, of one given to injustice, hostile to gods and brahmins,

Verse 17 (skanda.3.12.17)

दुष्कर्मपरिपाकेन क्रूरेण द्विजपुंगवाः । पुरं रुरोध बलवान्परदेशाधिपो रिपुः

duṣkarmaparipākena krūreṇa dvijapuṁgavāḥ puraṁ rurodha balavānparadeśādhipo ripuḥ

— O foremost of brahmins, through the ripening of that cruel evil deed, a mighty lord of a foreign land, an enemy, besieged his city.

Verse 18 (skanda.3.12.18)

गोलभोनाम विप्रेंद्राश्चतुरंगबलैर्युतः । षण्मासं युद्धमभवद्गोलभेन दुरात्मनः

golabhonāma vipreṁdrāścaturaṁgabalairyutaḥ ṣaṇmāsaṁ yuddhamabhavadgolabhena durātmanaḥ

O foremost of brahmins, named Golabha, endowed with a fourfold army; for six months a war was waged with that evil-souled Golabha —

Verse 19 (skanda.3.12.19)

मनोजवस्य नृपतेरहंकाररतात्मनः । ततः स गोलभेनाजौ जितो राज्यात्परिच्युतः

manojavasya nṛpaterahaṁkāraratātmanaḥ tataḥ sa golabhenājau jito rājyātparicyutaḥ

— of king Manojava, whose mind was devoted to egotism. Then he was defeated in that battle by Golabha, and cast down from his kingdom.

Verse 20 (skanda.3.12.20)

वनं सपुत्रदारः सन्प्रपेदे स मनोजवः । गोलभः पालयन्नास्ते मनोजवपुरे चिरम्

vanaṁ saputradāraḥ sanprapede sa manojavaḥ golabhaḥ pālayannāste manojavapure ciram

That Manojava, with his son and wife, then took refuge in the forest. Golabha remained ruling for a long time in Manojava's city.

Verse 21 (skanda.3.12.21)

चतुरंगबलोपेतस्तमुद्वास्य रणे बली । मनोजवोपि विप्रेंद्राः शोचन्स्त्रीपुत्रसंयुतः

caturaṁgabalopetastamudvāsya raṇe balī manojavopi vipreṁdrāḥ śocanstrīputrasaṁyutaḥ

O foremost of brahmins, that mighty one, endowed with a fourfold army, having driven him out in battle — Manojava too, grieving, with his wife and son,

Verse 22 (skanda.3.12.22)

क्षुत्क्षामः प्रस्खलञ्छश्वत्प्रविवेश महावनम् । झिल्लिकागणसंघुष्टं व्याघ्रश्वापद भीषणम्

kṣutkṣāmaḥ praskhalañchaśvatpraviveśa mahāvanam jhillikāgaṇasaṁghuṣṭaṁ vyāghraśvāpada bhīṣaṇam

— emaciated with hunger, constantly stumbling, entered a great forest, resounding with swarms of crickets, terrible with tigers and beasts of prey,

Verse 23 (skanda.3.12.23)

व्याप्तद्विरदचीत्कारं वराहमहिषाकुलम् । तस्मिन्वने महाघोरे क्षुधया परिपीडितः

vyāptadviradacītkāraṁ varāhamahiṣākulam tasminvane mahāghore kṣudhayā paripīḍitaḥ

— pervaded by the trumpeting of elephants, crowded with boars and buffaloes. In that most terrible forest, tormented by hunger,

Verse 24 (skanda.3.12.24)

अयाचतान्नं पितरं मनोजवसुतः शिशुः । अंब मेन्नं प्रयच्छ त्वं क्षुधा मां बाधते भृशम्

ayācatānnaṁ pitaraṁ manojavasutaḥ śiśuḥ aṁba mennaṁ prayaccha tvaṁ kṣudhā māṁ bādhate bhṛśam

Manojava's young son begged his father for food: "O mother, give me food; hunger torments me exceedingly."

Verse 25 (skanda.3.12.25)

एवं स्वजननीं चापि प्रार्थयामास बालकः । तन्मातापितरौ तत्र श्रुत्वा पुत्रस्य भाषितम्

evaṁ svajananīṁ cāpi prārthayāmāsa bālakaḥ tanmātāpitarau tatra śrutvā putrasya bhāṣitam

Thus the boy entreated his own mother too. There, his mother and father, hearing their son's words,

Verse 26 (skanda.3.12.26)

शोकाभिभूतौ सहसा मोहं समुपजग्मतुः । भार्यामथाब्रवीद्राजा सुमित्रानाम नामतः

śokābhibhūtau sahasā mohaṁ samupajagmatuḥ bhāryāmathābravīdrājā sumitrānāma nāmataḥ

— overcome by grief, suddenly fell into a swoon. Then the king said to his wife, named Sumitra:

Verse 27 (skanda.3.12.27)

मुह्यमानश्च स मुहुः शुष्ककंठौष्ठतालुकः । सुमित्रे किं करिष्यामि कुत्र यास्यामि का गतिः

muhyamānaśca sa muhuḥ śuṣkakaṁṭhauṣṭhatālukaḥ sumitre kiṁ kariṣyāmi kutra yāsyāmi kā gatiḥ

— again and again falling into confusion, his throat, lips, and palate parched: "O Sumitra, what shall I do? Where shall I go? What is my recourse?

Verse 28 (skanda.3.12.28)

मरिष्यत्यचिरादेष सुतो मे क्षुधयार्दितः । किमर्थं ससृजे वेधा दुर्भाग्यं मां वृथा प्रिये

mariṣyatyacirādeṣa suto me kṣudhayārditaḥ kimarthaṁ sasṛje vedhā durbhāgyaṁ māṁ vṛthā priye

This son of mine, tormented by hunger, shall soon die. Why, O beloved, did the Creator create this unfortunate me in vain?

Verse 29 (skanda.3.12.29)

को वा मोचयिता दुःखमेतद्दुष्कर्मजं मम । न पूजितो मया शंभुर्हरिर्वा पूर्वजन्मसु

ko vā mocayitā duḥkhametadduṣkarmajaṁ mama na pūjito mayā śaṁbhurharirvā pūrvajanmasu

Who indeed shall release me from this sorrow, born of my own evil deeds? In my previous births I did not worship Shambhu or Hari,

Verse 30 (skanda.3.12.30)

तथान्या देवताः सूर्यविभावसुमुखाः प्रिये । तेन पापेन चाद्याहमस्मिञ्जन्मनि शोभने

tathānyā devatāḥ sūryavibhāvasumukhāḥ priye tena pāpena cādyāhamasmiñjanmani śobhane

— nor, O beloved, the other deities, headed by Surya and Vibhavasu (Agni). Because of that sin, O gracious one, I, in this present birth —

Verse 31 (skanda.3.12.31)

अहंकाराभिभूतोऽस्मि विप्रक्षेत्राण्यपाहरम् । शिवविष्ण्वादिदेवानां वित्तं चापहृतं मया

ahaṁkārābhibhūto'smi viprakṣetrāṇyapāharam śivaviṣṇvādidevānāṁ vittaṁ cāpahṛtaṁ mayā

— became overcome by egotism, and I seized the sacred fields of brahmins. I also seized the wealth belonging to Shiva, Vishnu, and the other gods.

Verse 32 (skanda.3.12.32)

एवं दुष्कर्मबाहुल्याद्गोलभेन पराजितः । वनं यातोस्मि विजनं त्वया सह सुतेन च

evaṁ duṣkarmabāhulyādgolabhena parājitaḥ vanaṁ yātosmi vijanaṁ tvayā saha sutena ca

Thus, through the multitude of evil deeds, defeated by Golabha, I have come to this desolate forest, together with you and our son.

Verse 33 (skanda.3.12.33)

निरन्नो निर्धनो दुःखी क्षुधितो ऽहं पिपासितः । कथमन्नं प्रदास्यामि क्षुधिताय सुताय मे

niranno nirdhano duḥkhī kṣudhito 'haṁ pipāsitaḥ kathamannaṁ pradāsyāmi kṣudhitāya sutāya me

Without food, without wealth, sorrowful, hungry, and thirsty am I — how shall I give food to my hungry son?

Verse 34 (skanda.3.12.34)

न मयान्नानि दत्तानि ब्राह्मणेभ्यः शुचिस्मिते । न मया पूजितः शंभुर्विष्णुर्वा देवतांतरम्

na mayānnāni dattāni brāhmaṇebhyaḥ śucismite na mayā pūjitaḥ śaṁbhurviṣṇurvā devatāṁtaram

O sweetly-smiling one, I never gave food to brahmins; I never worshipped Shambhu, Vishnu, or any other deity.

Verse 35 (skanda.3.12.35)

तेन पापेन मे त्वद्य दुःखमेतत्समागतम् । न मयाग्नौ हुतं पूर्वं न तीर्थमपि सेवितम्

tena pāpena me tvadya duḥkhametatsamāgatam na mayāgnau hutaṁ pūrvaṁ na tīrthamapi sevitam

Because of that sin, this sorrow has come upon me today. I never before offered oblation into fire, nor did I ever visit a sacred ford.

Verse 36 (skanda.3.12.36)

मातृश्राद्धं पितृश्राद्धं मृताह दिवसे तयोः । नैकोद्दिष्टविधानेन पार्वणेनापि वै प्रिये

mātṛśrāddhaṁ pitṛśrāddhaṁ mṛtāha divase tayoḥ naikoddiṣṭavidhānena pārvaṇenāpi vai priye

O beloved, on the day of their death, I never performed the shraddha of my mother or father, either by the ekoddishta rite or by the parvana rite.

Verse 37 (skanda.3.12.37)

कृतं न हि मया भद्रे भूरिभोजनमेव वा । तेन पापेन मे त्वद्य दुःखमेतत्समागतम्

kṛtaṁ na hi mayā bhadre bhūribhojanameva vā tena pāpena me tvadya duḥkhametatsamāgatam

Nor, O gracious one, did I ever perform a great feast-giving. Because of that sin, this sorrow has come upon me today.

Verse 38 (skanda.3.12.38)

चैत्रमासे प्रिये चित्रानक्षत्रे पानकं मया । पनसानां फलं स्वादु कदलीफलमेव वा

caitramāse priye citrānakṣatre pānakaṁ mayā panasānāṁ phalaṁ svādu kadalīphalameva vā

O beloved, in the month of Chaitra, under the Chitra star, I never offered a cooling drink, nor the sweet fruit of the jackfruit, nor the plantain fruit,

Verse 39 (skanda.3.12.39)

तथा छत्रं सदंडं च रम्यं पादुकयोर्द्वयम् । तांबूलानि च पुष्पाणि चंदनं चानुलेपनम्

tathā chatraṁ sadaṁḍaṁ ca ramyaṁ pādukayordvayam tāṁbūlāni ca puṣpāṇi caṁdanaṁ cānulepanam

— nor an umbrella with its staff, nor a lovely pair of sandals, nor betel leaves, nor flowers, nor sandal-paste unguent —

Verse 40 (skanda.3.12.40)

न दत्तं वेदविद्भ्यस्तु चित्रगुप्तस्य तुष्टये । तेन पापेन मे त्वद्य दुःखमेतत्समागतम्

na dattaṁ vedavidbhyastu citraguptasya tuṣṭaye tena pāpena me tvadya duḥkhametatsamāgatam

— did I give to the knowers of the Veda, for the satisfaction of Chitragupta. Because of that sin, this sorrow has come upon me today.

Verse 41 (skanda.3.12.41)

नाश्वत्थश्चूतवृक्षो वा न्यग्रोधस्तिंतिणी तथा । पिचुमंदः कपित्थो वा तथैवामलकीतरुः

nāśvatthaścūtavṛkṣo vā nyagrodhastiṁtiṇī tathā picumaṁdaḥ kapittho vā tathaivāmalakītaruḥ

Neither a peepal tree, nor a mango tree, nor a banyan, nor a tamarind, nor a neem, nor a wood-apple, nor likewise an amla tree,

Verse 42 (skanda.3.12.42)

नारिकेलतरुर्वापि स्थापितोऽध्वगशांतये । तेन पापेन मे त्वद्य दुःखमेतत्समागतम्

nārikelatarurvāpi sthāpito'dhvagaśāṁtaye tena pāpena me tvadya duḥkhametatsamāgatam

— nor even a coconut tree, did I plant for the comfort of travelers. Because of that sin, this sorrow has come upon me today.

Verse 43 (skanda.3.12.43)

सम्मार्जनं च न कृतं शिवविष्ण्वालये मया । न खानितं तटाकं च न कूपोपि ह्रदोऽपिवा

sammārjanaṁ ca na kṛtaṁ śivaviṣṇvālaye mayā na khānitaṁ taṭākaṁ ca na kūpopi hrado'pivā

Nor did I sweep and clean the temples of Shiva or Vishnu; nor did I dig a tank, nor a well, nor even a pond.

Verse 44 (skanda.3.12.44)

न रोपितं पुष्पवनं तथैव तुलसीवनम् । शिवविष्ण्वालयौ वापि निर्मितो न मया प्रिये

na ropitaṁ puṣpavanaṁ tathaiva tulasīvanam śivaviṣṇvālayau vāpi nirmito na mayā priye

I never planted a flower garden, nor likewise a tulasi grove. O beloved, I never built a temple of Shiva or Vishnu.

Verse 45 (skanda.3.12.45)

तेन पापेन मे त्वद्य दुःखमेतत्समागतम् । न मया पैतृके मासि पितॄनुद्दिश्य शोभने । महालयं कृतं श्राद्धमष्टकाश्राद्धमेव वा

tena pāpena me tvadya duḥkhametatsamāgatam na mayā paitṛke māsi pitṝnuddiśya śobhane mahālayaṁ kṛtaṁ śrāddhamaṣṭakāśrāddhameva vā

Because of that sin, this sorrow has come upon me today. O gracious one, in the month sacred to the ancestors, I never performed, for the sake of my ancestors, the Mahalaya shraddha, nor the Ashtaka-shraddha,

Verse 46 (skanda.3.12.46)

नित्यश्राद्धं तथा काम्यं श्राद्धं नैमित्तिकं प्रिये । न कृताः क्रतवश्चापि विधिवद्भूरिदक्षिणाः

nityaśrāddhaṁ tathā kāmyaṁ śrāddhaṁ naimittikaṁ priye na kṛtāḥ kratavaścāpi vidhivadbhūridakṣiṇāḥ

— nor the nitya-shraddha, nor the kamya-shraddha, nor, O beloved, the naimittika-shraddha. Nor did I duly perform sacrifices with abundant dakshina.

Verse 47 (skanda.3.12.47)

मासोपवासो न कृतः एकादश्यामुपोषणम् । धनुर्मासेप्युषःकाले शंभुविष्ण्वादिदेवताः

māsopavāso na kṛtaḥ ekādaśyāmupoṣaṇam dhanurmāsepyuṣaḥkāle śaṁbhuviṣṇvādidevatāḥ

I never performed a month-long fast, nor fasting on Ekadashi. In the month of Dhanu, at dawn, I never —

Verse 48 (skanda.3.12.48)

संपूज्य विधिवद्भद्रे नैवेद्यं न कृतं मया । तेन पापेन मे त्वद्य दुःखमेतत्समा गतम्

saṁpūjya vidhivadbhadre naivedyaṁ na kṛtaṁ mayā tena pāpena me tvadya duḥkhametatsamā gatam

— duly worshipped, O gracious one, nor offered them naivedya. Because of that sin, this sorrow has come upon me today.

Verse 49 (skanda.3.12.49)

हरिशंकरयोर्नाम्नां कीर्तनं न मया कृतम् । उद्धूलनं त्रिपुण्ड्रं च जाबालोक्तैश्च सप्तभिः

hariśaṁkarayornāmnāṁ kīrtanaṁ na mayā kṛtam uddhūlanaṁ tripuṇḍraṁ ca jābāloktaiśca saptabhiḥ

I never performed kirtana of the names of Hari and Shankara; nor did I apply ash-smearing, the tripundra, with the seven materials declared in the Jabala scripture —

Verse 50 (skanda.3.12.50)

न धृतं भस्मना भद्रे रुद्राक्षं न धृतं मया । जपश्च रुद्रसूक्तानां पंचाक्षरजपस्तथा

na dhṛtaṁ bhasmanā bhadre rudrākṣaṁ na dhṛtaṁ mayā japaśca rudrasūktānāṁ paṁcākṣarajapastathā

— O gracious one, I never wore sacred ash, nor did I wear rudraksha. Nor did I recite the Rudra-suktas, nor the five-syllabled mantra,

Verse 51 (skanda.3.12.51)

तथा पुरुषसूक्तस्य जपोऽप्यष्टाक्षरस्य च । नैवकारि मया भद्रे नैवान्यो धर्मसंचयः

tathā puruṣasūktasya japo'pyaṣṭākṣarasya ca naivakāri mayā bhadre naivānyo dharmasaṁcayaḥ

— nor likewise the recitation of the Purusha-sukta, nor of the eight-syllabled mantra. None of this was performed by me, O gracious one, nor any other accumulation of merit.

Verse 52 (skanda.3.12.52)

तेन पापेन मे त्वद्य दुःखमेतत्समागतम् । एवं स विलपन्राजा भार्यामाभाष्य खिन्नधीः

tena pāpena me tvadya duḥkhametatsamāgatam evaṁ sa vilapanrājā bhāryāmābhāṣya khinnadhīḥ

Because of that sin, this sorrow has come upon me today." Thus lamenting, that king, having spoken to his wife, his mind distressed,

Verse 53 (skanda.3.12.53)

मूर्च्छामुपाययौ विप्राः पपात च धरातले । सुमित्रा पतितं दृष्ट्वा भार्या सा पतिमंगना

mūrcchāmupāyayau viprāḥ papāta ca dharātale sumitrā patitaṁ dṛṣṭvā bhāryā sā patimaṁganā

— O brahmins, fell into a swoon, and collapsed upon the ground. Sumitra, that woman, his wife, seeing her husband fallen,

Verse 54 (skanda.3.12.54)

आलिंग्य विललापाथ सपुत्रा भृशदुःखिता । मम नाथ महाराज सोमान्वयधुरंधर

āliṁgya vilalāpātha saputrā bhṛśaduḥkhitā mama nātha mahārāja somānvayadhuraṁdhara

— embracing him, then wailed, greatly grieved, together with her son: "O my lord, O great king, O bearer of the burden of the lunar dynasty,

Verse 55 (skanda.3.12.55)

मां विहाय क्व यातोऽसि सपुत्रां विजने वने । अनाथां त्वामनुगतां सिंहत्रस्तां मृगीमिव

māṁ vihāya kva yāto'si saputrāṁ vijane vane anāthāṁ tvāmanugatāṁ siṁhatrastāṁ mṛgīmiva

— abandoning me, where have you gone, leaving me with our son in this desolate forest — me, helpless, who followed you, like a doe terrified by a lion?

Verse 56 (skanda.3.12.56)

मृतोऽसि यदि राजेंद्र तर्हि त्वामहमप्यरम् । अनुव्रजामि विधवा न स्थास्ये क्षणमप्युत

mṛto'si yadi rājeṁdra tarhi tvāmahamapyaram anuvrajāmi vidhavā na sthāsye kṣaṇamapyuta

If you are dead, O lord of kings, then I too shall immediately follow you; I shall not remain, even for a moment, as a widow.

Verse 57 (skanda.3.12.57)

पितरं पश्य पतितं चन्द्रकांत सुत क्षितौ । इत्युक्तश्चंद्रकांतोऽपि सुतो राज्ञः क्षुधार्दितः

pitaraṁ paśya patitaṁ candrakāṁta suta kṣitau ityuktaścaṁdrakāṁto'pi suto rājñaḥ kṣudhārditaḥ

O Chandrakanta, my son, see your father fallen upon the ground." Thus addressed, Chandrakanta too, the king's son, tormented by hunger,

Verse 58 (skanda.3.12.58)

पितरं परिरभ्याथ निःशब्दं प्ररुरोद सः । एतस्मिन्नंतरे विप्रा जटावल्कलसंवृतः

pitaraṁ parirabhyātha niḥśabdaṁ praruroda saḥ etasminnaṁtare viprā jaṭāvalkalasaṁvṛtaḥ

— embracing his father, then wept silently. Meanwhile, O brahmins, a sage covered with matted locks and bark garments —

Verse 59 (skanda.3.12.59)

भस्मोद्धूलितसर्वांगस्त्रिपुण्ड्रांकितमस्तकः । रुद्राक्षमालाभरणः सितयज्ञोपवीतवान्

bhasmoddhūlitasarvāṁgastripuṇḍrāṁkitamastakaḥ rudrākṣamālābharaṇaḥ sitayajñopavītavān

— his whole body smeared with ash, his forehead marked with the tripundra, adorned with a rosary of rudraksha, wearing a white sacred thread —

Verse 60 (skanda.3.12.60)

पराशरोनाम मुनिराजगाम यदृच्छया । तं शब्दमभिलक्ष्यासौ साधुसज्जनसंमतः

parāśaronāma munirājagāma yadṛcchayā taṁ śabdamabhilakṣyāsau sādhusajjanasaṁmataḥ

— a sage named Parashara came there by chance. That one, honored by the good and virtuous, noticing that sound of wailing,

Verse 61 (skanda.3.12.61)

ततः सुमित्रा तं दृष्ट्वा पराशरमुपागतम् । ववंदे चरणौ तस्य सपुत्रा सा पतिव्रता

tataḥ sumitrā taṁ dṛṣṭvā parāśaramupāgatam vavaṁde caraṇau tasya saputrā sā pativratā

— approached. Then Sumitra, seeing that Parashara arrive, together with her son, that devoted wife, bowed at his feet.

Verse 62 (skanda.3.12.62)

ततः पराशरेणेयं सुमित्रा परिसांत्विता । आश्वासिता च मुनिना मा शोचस्वेति भामिनि । ततः सुमित्रां पप्रच्छ शक्तिपुत्रो महामुनिः

tataḥ parāśareṇeyaṁ sumitrā parisāṁtvitā āśvāsitā ca muninā mā śocasveti bhāmini tataḥ sumitrāṁ papraccha śaktiputro mahāmuniḥ

Then this Sumitra was comforted by Parashara, and consoled by the sage, saying, "Do not grieve, O lady." Then the great sage, son of Shakti, asked Sumitra:

Verse 63 (skanda.3.12.63)

पराशर उवाच । का त्वं सुश्रोणि कश्चासौ यश्चायं पतितोऽग्रतः

parāśara uvāca kā tvaṁ suśroṇi kaścāsau yaścāyaṁ patito'grataḥ

Parashara said: "Who are you, O fair one? And who is this one fallen before me?

Verse 64 (skanda.3.12.64)

अयं शिशुश्च कस्ते स्याद्वद तत्त्वेन मे शुभे । पृष्टैवं मुनिना साध्वी तमुवाच महामुनिम्

ayaṁ śiśuśca kaste syādvada tattvena me śubhe pṛṣṭaivaṁ muninā sādhvī tamuvāca mahāmunim

And who is this child to you? Tell me the truth, O gracious one." Thus asked by the sage, that virtuous woman said to that great sage:

Verse 65 (skanda.3.12.65)

सुमित्रोवाच । पतिर्ममायमस्याहं भार्या वै मुनिसत्तम । आवाभ्यां जनितश्चायं चंद्रकांताभिधः सुतः

sumitrovāca patirmamāyamasyāhaṁ bhāryā vai munisattama āvābhyāṁ janitaścāyaṁ caṁdrakāṁtābhidhaḥ sutaḥ

Sumitra said: "O best of sages, this is my husband, and I am indeed his wife. This is our son, born of us both, named Chandrakanta.

Verse 66 (skanda.3.12.66)

अयं मनोजवो नाम राजा सोमकुलोद्भवः । विक्रमाढ्यस्य तनयः शौर्ये विष्णुसमो बली

ayaṁ manojavo nāma rājā somakulodbhavaḥ vikramāḍhyasya tanayaḥ śaurye viṣṇusamo balī

This is King Manojava, born of the lunar dynasty, son of Vikramadhya, mighty, equal to Vishnu in valor.

Verse 67 (skanda.3.12.67)

सुमित्रा नाम तस्याहं भार्या पतिमनुव्रता । युद्धे विनिर्जितो राजा गोलभेन मनोजवः

sumitrā nāma tasyāhaṁ bhāryā patimanuvratā yuddhe vinirjito rājā golabhena manojavaḥ

I am his wife, named Sumitra, devoted to my husband. King Manojava was defeated in battle by Golabha,

Verse 68 (skanda.3.12.68)

राज्याद्भ्रष्टो निरालंबो मया पुत्रेण चान्वितः । वनं विवेश ब्रह्मर्षे क्रूरसत्त्वभयानकम्

rājyādbhraṣṭo nirālaṁbo mayā putreṇa cānvitaḥ vanaṁ viveśa brahmarṣe krūrasattvabhayānakam

— and, fallen from his kingdom, without support, entered this forest, terrible with cruel creatures, O brahmin-sage, together with me and our son.

Verse 69 (skanda.3.12.69)

क्षुधया पीडितः पुत्रो ह्यावामन्नमयाचत । निरन्नो विधुरो राजा दृष्ट्वा पुत्रं क्षुधार्दितम्

kṣudhayā pīḍitaḥ putro hyāvāmannamayācata niranno vidhuro rājā dṛṣṭvā putraṁ kṣudhārditam

Our son, tormented by hunger, begged us both for food. The king, without food, distressed, seeing his son tormented by hunger,

Verse 70 (skanda.3.12.70)

शोकाकुलमना ब्रह्मन्मूर्च्छितः पतितो भुवि । इति तद्वचनं श्रुत्वा शोकपर्याकुलाक्षरम्

śokākulamanā brahmanmūrcchitaḥ patito bhuvi iti tadvacanaṁ śrutvā śokaparyākulākṣaram

— O brahmin, his mind overcome with grief, fainted and fell to the ground." Hearing that word of hers, its syllables confused with grief,

Verse 71 (skanda.3.12.71)

शक्तिपुत्रो मुनिः प्राह सुमित्रां तां पतिव्रताम् । मनोजवस्य नृपतेर्भार्यामग्निशिखोपमाम्

śaktiputro muniḥ prāha sumitrāṁ tāṁ pativratām manojavasya nṛpaterbhāryāmagniśikhopamām

— the sage, son of Shakti, said to that devoted wife Sumitra, the wife of King Manojava, resembling a flame of fire:

Verse 72 (skanda.3.12.72)

पराशर उवाच । मनोजवस्य भार्ये ते मा भीर्भूयात्कथंचन । युष्माकमशुभं सत्यमचिरान्नाशमेष्यति

parāśara uvāca manojavasya bhārye te mā bhīrbhūyātkathaṁcana yuṣmākamaśubhaṁ satyamacirānnāśameṣyati

Parashara said: "O wife of Manojava, let there be no fear for you whatsoever. Truly, your misfortune shall soon come to an end.

Verse 73 (skanda.3.12.73)

मूर्च्छां विहाय ते भद्रे क्षणादुत्थास्यते पतिः । ततः पराशरो विप्रः पाणिना तं नराधिपम्

mūrcchāṁ vihāya te bhadre kṣaṇādutthāsyate patiḥ tataḥ parāśaro vipraḥ pāṇinā taṁ narādhipam

O gracious one, your husband shall arise from his swoon this very instant." Then the brahmin Parashara, with his hand, touched that lord of men —

Verse 74 (skanda.3.12.74)

पस्पर्श मंत्रं प्रजपन्ध्यात्वा देवं त्रियंबकम् । ततो मनोजवो राजा करस्पृष्टो महामुनेः

pasparśa maṁtraṁ prajapandhyātvā devaṁ triyaṁbakam tato manojavo rājā karaspṛṣṭo mahāmuneḥ

— reciting mantras, meditating on the three-eyed god (Shiva). Then King Manojava, touched by the great sage's hand,

Verse 75 (skanda.3.12.75)

उत्थितः सहसा तत्र त्यक्त्वा मूर्च्छां तमोमयीम् । ततः पराशरमुनिं प्रणम्य जगतीपतिः । उवाच परमप्रीतः प्रांजलिर्विप्रसत्तमम्

utthitaḥ sahasā tatra tyaktvā mūrcchāṁ tamomayīm tataḥ parāśaramuniṁ praṇamya jagatīpatiḥ uvāca paramaprītaḥ prāṁjalirviprasattamam

— suddenly rose there, casting off his darkness-filled swoon. Then that lord of the earth, bowing to the sage Parashara, spoke, greatly delighted, with joined palms, to that foremost of brahmins:

Verse 76 (skanda.3.12.76)

मनोजव उवाच । पराशरमुने त्वद्य त्वत्पादाब्जनिषेवणात्

manojava uvāca parāśaramune tvadya tvatpādābjaniṣevaṇāt

Manojava said: "O sage Parashara, today, through the service of your lotus feet,

Verse 77 (skanda.3.12.77)

मूर्च्छा मे विगता सद्यः पातकं चैव नाशितम् । त्वद्दर्शनमपुण्यानां नैव सिध्येत्कदाचन

mūrcchā me vigatā sadyaḥ pātakaṁ caiva nāśitam tvaddarśanamapuṇyānāṁ naiva sidhyetkadācana

— my swoon has instantly departed, and my sin too has been destroyed. Your sight is never attained by the unmeritorious.

Verse 78 (skanda.3.12.78)

रक्ष मां करुणादृष्ट्या च्यावितं शत्रुभिः पुरात् । इत्युक्तः स मुनिः प्राह राजानं तं मनोजवम्

rakṣa māṁ karuṇādṛṣṭyā cyāvitaṁ śatrubhiḥ purāt ityuktaḥ sa muniḥ prāha rājānaṁ taṁ manojavam

Protect me with your compassionate glance — me, driven from my city by my enemies." Thus addressed, that sage said to King Manojava:

Verse 79 (skanda.3.12.79)

पराशर उवाच । उपायं ते प्रवक्ष्यामि राजञ्च्छत्रुजयाय वै । रामसेतौ महापुण्ये गंधमादनपर्वते

parāśara uvāca upāyaṁ te pravakṣyāmi rājañcchatrujayāya vai rāmasetau mahāpuṇye gaṁdhamādanaparvate

Parashara said: "O king, I shall tell you the means indeed for the conquest of your enemy. On the greatly meritorious bridge of Rama, on Mount Gandhamadana,

Verse 80 (skanda.3.12.80)

विद्यते मंगलं तीर्थं सर्वैश्वर्यप्रदायकम् । सर्वलोकोपकाराय तस्मिन्सरसि राघवः

vidyate maṁgalaṁ tīrthaṁ sarvaiśvaryapradāyakam sarvalokopakārāya tasminsarasi rāghavaḥ

there is a ford called Mangala, the bestower of all prosperity. For the benefit of all the world, in that lake, Raghava —

Verse 81 (skanda.3.12.81)

सन्निधत्ते सदा लक्ष्म्या सीतया राजसत्तम । सपुत्रभार्यस्त्वं तत्र गत्वा स्नात्वा सभक्तिकम्

sannidhatte sadā lakṣmyā sītayā rājasattama saputrabhāryastvaṁ tatra gatvā snātvā sabhaktikam

— is always present, together with Lakshmi, that is, Sita, O best of kings. Going there with your wife and son, having bathed devotedly,

Verse 82 (skanda.3.12.82)

क्षेत्रश्राद्धादिकं चापि तत्तीरे कुरु भूपते । एवं कृते त्वया राजन्नलक्ष्मीः क्लेशकारिणी

kṣetraśrāddhādikaṁ cāpi tattīre kuru bhūpate evaṁ kṛte tvayā rājannalakṣmīḥ kleśakāriṇī

— O king, perform kshetra-shraddha and the like on that bank. When you have done this, O king, that misfortune-bringing Alakshmi —

Verse 83 (skanda.3.12.83)

वैभवात्तस्य तीर्थस्य नाशं यास्यत्यसंशयम् । मंगलानि च सर्वाणि प्राप्स्यसे न चिरान्नृप

vaibhavāttasya tīrthasya nāśaṁ yāsyatyasaṁśayam maṁgalāni ca sarvāṇi prāpsyase na cirānnṛpa

— through the power of that ford, shall without doubt go to destruction. And, O king, you shall soon obtain all good fortune.

Verse 84 (skanda.3.12.84)

विजित्य शत्रूंश्च रणे पुनर्भूमिं प्रपत्स्यसे । अतस्त्वं भार्यया सार्द्धं पुत्रेण च मनोजव

vijitya śatrūṁśca raṇe punarbhūmiṁ prapatsyase atastvaṁ bhāryayā sārddhaṁ putreṇa ca manojava

Having conquered your enemies in battle, you shall regain your kingdom. Therefore, O Manojava, together with your wife and son,

Verse 85 (skanda.3.12.85)

गच्छ मंगलतीर्थं तद्गन्धमादनपर्वते । अहमप्यागमिष्यामि तवानुग्रहकाम्यया

gaccha maṁgalatīrthaṁ tadgandhamādanaparvate ahamapyāgamiṣyāmi tavānugrahakāmyayā

— go to that ford Mangala, on Mount Gandhamadana. I too shall come, desiring your welfare."

Verse 86 (skanda.3.12.86)

पराशरस्त्वेवमुक्त्वा राजमुख्यैस्त्रिभिः सह । प्रायात्सेतुं समुद्दिश्य स्नातुं मंगलतीर्थके

parāśarastvevamuktvā rājamukhyaistribhiḥ saha prāyātsetuṁ samuddiśya snātuṁ maṁgalatīrthake

Having said this, Parashara, together with the king and the other three, set out, intending the bridge, to bathe at the ford of Mangala.

Verse 87 (skanda.3.12.87)

राजादिभिः सह मुनिर्विलंघ्य विविधं वनम् । वनप्रदेशदेशांश्च दस्युग्रामाननेकशः

rājādibhiḥ saha munirvilaṁghya vividhaṁ vanam vanapradeśadeśāṁśca dasyugrāmānanekaśaḥ

The sage, together with the king and the others, crossing various forests, forest regions, and countries, and many villages of bandits,

Verse 88 (skanda.3.12.88)

प्रययौ मंगलं तीर्थं गन्धमादनपर्वते । तत्र संकल्प्य विधिवत्सस्नौ स मुनिपुंगवः

prayayau maṁgalaṁ tīrthaṁ gandhamādanaparvate tatra saṁkalpya vidhivatsasnau sa munipuṁgavaḥ

— went to the ford Mangala, on Mount Gandhamadana. There, having made his resolve, that foremost of sages bathed according to rite.

Verse 89 (skanda.3.12.89)

तानपि स्नापयामास राजादीन्विधिपूर्वकम् । तत्र श्राद्धं च भूपालश्चकार पितृतृप्तये

tānapi snāpayāmāsa rājādīnvidhipūrvakam tatra śrāddhaṁ ca bhūpālaścakāra pitṛtṛptaye

He had the king and the others too bathe according to rite. There the king also performed shraddha, for the satisfaction of his ancestors.

Verse 90 (skanda.3.12.90)

तत्र मासत्रयं सस्नौ राजा पत्नीसुतस्तथा । ततः पराशरमुनिः सस्नौ नियमपूर्वकम्

tatra māsatrayaṁ sasnau rājā patnīsutastathā tataḥ parāśaramuniḥ sasnau niyamapūrvakam

There the king bathed for three months, together with his wife and son. Then the sage Parashara too bathed with due observance.

Verse 91 (skanda.3.12.91)

एवं मासत्रयं सस्नौ तैः साकं मुनिपुंगवः । मंगलाख्ये महापुण्ये सर्वामंगलनाशने

evaṁ māsatrayaṁ sasnau taiḥ sākaṁ munipuṁgavaḥ maṁgalākhye mahāpuṇye sarvāmaṁgalanāśane

Thus that foremost of sages bathed for three months together with them, at the greatly meritorious Mangala, the destroyer of all inauspiciousness.

Verse 92 (skanda.3.12.92)

ततः पराशरमुनिः सर्वानर्थविनाशनम् । रामस्यैकाक्षरं मंत्रं तदंते समुपादिशत्

tataḥ parāśaramuniḥ sarvānarthavināśanam rāmasyaikākṣaraṁ maṁtraṁ tadaṁte samupādiśat

Then, at the end of that, the sage Parashara taught him the single-syllabled mantra of Rama, the destroyer of all calamity.

Verse 93 (skanda.3.12.93)

चत्वारिंशद्दिनं तत्र मंत्रमेकाक्षरं नृपः । तत्र तीर्थे जजापासौ मुन्युक्तेनैव वर्त्मना

catvāriṁśaddinaṁ tatra maṁtramekākṣaraṁ nṛpaḥ tatra tīrthe jajāpāsau munyuktenaiva vartmanā

For forty days there, that king recited the single-syllabled mantra at that very ford, exactly by the method taught by the sage.

Verse 94 (skanda.3.12.94)

एवमभ्यसतस्तस्य मंत्रमेकाक्षरं द्विजाः । मुनिप्रसादात्पुरतो धनुः प्रादुरभूद्दृढम्

evamabhyasatastasya maṁtramekākṣaraṁ dvijāḥ muniprasādātpurato dhanuḥ prādurabhūddṛḍham

O brahmins, as he thus practiced the recitation of the single-syllabled mantra, by the sage's grace, a sturdy bow appeared before him.

Verse 95 (skanda.3.12.95)

अक्षयाविषुधी चापि खड्गौ च कनकत्सरू । एकं चर्म गदा चैका तथैको मुसलोत्तमः

akṣayāviṣudhī cāpi khaḍgau ca kanakatsarū ekaṁ carma gadā caikā tathaiko musalottamaḥ

And two inexhaustible quivers, and two swords with golden hilts; one shield, one mace, and likewise one excellent pestle-mace,

Verse 96 (skanda.3.12.96)

एकः शंखो महानादो वाजियुक्तो रथस्तथा । ससारथिः पताका च तीर्थादुत्तस्थुरग्रतः

ekaḥ śaṁkho mahānādo vājiyukto rathastathā sasārathiḥ patākā ca tīrthāduttasthuragrataḥ

— one great-sounding conch, and likewise a chariot yoked with horses, together with a charioteer, and a banner — all rose up from the ford before him.

Verse 97 (skanda.3.12.97)

कवचं कांचनमयं वैश्वानरसमप्रभम् । प्रादुर्बभूव तत्तीर्थात्प्रसादेन मुनेस्तथा

kavacaṁ kāṁcanamayaṁ vaiśvānarasamaprabham prādurbabhūva tattīrthātprasādena munestathā

A golden armor, radiant as fire, likewise appeared from that ford, by the grace of the sage.

Verse 98 (skanda.3.12.98)

हारकेयूरमुकुटकटकादिविभूषणम् । तीर्थानां प्रवरात्तस्मादुत्थितं नृपतेः पुरः

hārakeyūramukuṭakaṭakādivibhūṣaṇam tīrthānāṁ pravarāttasmādutthitaṁ nṛpateḥ puraḥ

Ornaments — necklace, armlets, crown, bracelets, and the like — rose up before the king from that foremost of fords.

Verse 99 (skanda.3.12.99)

दिव्यांबरसहस्रं च तीर्थात्प्रादुरभूत्तदा । माला च वैजयंत्याख्या स्वर्णपंकजशोभिता

divyāṁbarasahasraṁ ca tīrthātprādurabhūttadā mālā ca vaijayaṁtyākhyā svarṇapaṁkajaśobhitā

A thousand celestial garments also then appeared from the ford, and a garland named Vaijayanti, adorned with golden lotuses.

Verse 100 (skanda.3.12.100)

एतत्सर्वं समालोक्य मुनयेऽसौ न्यवेदयत् । ततः पराशरमुनिर्जलमादाय तीर्थतः

etatsarvaṁ samālokya munaye'sau nyavedayat tataḥ parāśaramunirjalamādāya tīrthataḥ

Beholding all of this, he related it to the sage. Then the sage Parashara, taking water from the ford,

Verse 101 (skanda.3.12.101)

अभ्यषिंचन्नरपतिं मंत्रपूतेनवारिणा । ततोऽभिषिक्तो नृपतिर्मुनिना परिशोभितः

abhyaṣiṁcannarapatiṁ maṁtrapūtenavāriṇā tato'bhiṣikto nṛpatirmuninā pariśobhitaḥ

— consecrated the king with that mantra-purified water. Then, consecrated by the sage, the king, resplendent,

Verse 102 (skanda.3.12.102)

सन्नद्धः कवची खड्गी चापबाणधरो युवा । हारकेयूरमुकुटकटकादिविभूषितः

sannaddhaḥ kavacī khaḍgī cāpabāṇadharo yuvā hārakeyūramukuṭakaṭakādivibhūṣitaḥ

— armored, sword-bearing, holding bow and arrows, youthful, adorned with necklace, armlets, crown, bracelets, and the like,

Verse 103 (skanda.3.12.103)

दिव्यांबरधरश्चापि वाजियुक्त रथस्थितः । शुशुभेऽतीव नृपतिर्मध्याह्न इव भास्करः

divyāṁbaradharaścāpi vājiyukta rathasthitaḥ śuśubhe'tīva nṛpatirmadhyāhna iva bhāskaraḥ

— clad also in celestial garments, seated upon the horse-yoked chariot, shone exceedingly, that king, like the sun at midday.

Verse 104 (skanda.3.12.104)

तस्मै नृपतये तत्र ब्रह्माद्यस्त्रं महामुनिः । सांगं च सरहस्यं च सोत्सर्गं सोप संहृति

tasmai nṛpataye tatra brahmādyastraṁ mahāmuniḥ sāṁgaṁ ca sarahasyaṁ ca sotsargaṁ sopa saṁhṛti

To that king there, the great sage taught the Brahma-astra and other weapons, together with their limbs, their secret lore, their invocation, and their withdrawal,

Verse 105 (skanda.3.12.105)

उपादिशच्छक्तिपुत्रः सुमित्राजानये तदा । मनोजवोऽथ मुनिना ह्याशीर्वादपुरःसरम्

upādiśacchaktiputraḥ sumitrājānaye tadā manojavo'tha muninā hyāśīrvādapuraḥsaram

— that son of Shakti taught them then to Sumitra's husband. Then Manojava, blessed by the sage with a benediction,

Verse 106 (skanda.3.12.106)

प्रेरितो रथमास्थाय प्रणम्य मुनिपुंगवम् । प्रदक्षिणीकृत्य तदाभ्यनुज्ञातो महर्षिणा

prerito rathamāsthāya praṇamya munipuṁgavam pradakṣiṇīkṛtya tadābhyanujñāto maharṣiṇā

— urged forward, mounted his chariot, and, bowing to that foremost of sages, circumambulating him, and given leave by that great sage,

Verse 107 (skanda.3.12.107)

सार्द्धं पत्न्या च पुत्रेण प्रययौ विजयाय सः । स गत्वा स्वपुरं राजा प्रदध्मौ जलजं तदा

sārddhaṁ patnyā ca putreṇa prayayau vijayāya saḥ sa gatvā svapuraṁ rājā pradadhmau jalajaṁ tadā

— set out for victory, together with his wife and son. That king, having reached his own city, then blew his conch-shell.

Verse 108 (skanda.3.12.108)

ततः शंखरवं श्रुत्वा गोलभस्तु ससैनिकः । युद्धाय निर्ययौ तूर्णं मनोजवनृपेण सः

tataḥ śaṁkharavaṁ śrutvā golabhastu sasainikaḥ yuddhāya niryayau tūrṇaṁ manojavanṛpeṇa saḥ

Then, hearing the sound of the conch, Golabha, together with his army, swiftly sallied forth to battle against King Manojava.

Verse 109 (skanda.3.12.109)

दिनत्रयं रणं जज्ञे गोलभेन नृपस्य वै । ततश्चतुर्थे दिवसे गोलभं तु ससैनिकम्

dinatrayaṁ raṇaṁ jajñe golabhena nṛpasya vai tataścaturthe divase golabhaṁ tu sasainikam

For three days a battle took place between the king and Golabha. Then, on the fourth day, Golabha, together with his army,

Verse 110 (skanda.3.12.110)

मनोजवो नृपो युद्धे ब्रह्मास्त्रेण व्यनाशयत् । ततः सपुत्र भार्योऽयं पुरं प्राप्य निजं नृपः

manojavo nṛpo yuddhe brahmāstreṇa vyanāśayat tataḥ saputra bhāryo'yaṁ puraṁ prāpya nijaṁ nṛpaḥ

— King Manojava destroyed in battle with the Brahmastra. Then this king, together with his wife and son, reaching his own city,

Verse 111 (skanda.3.12.111)

पालयन्पृथिवीं सर्वां बुभुजे भार्यया सह । तदाप्रभृति राजासौ नाहंकारं चकार वै

pālayanpṛthivīṁ sarvāṁ bubhuje bhāryayā saha tadāprabhṛti rājāsau nāhaṁkāraṁ cakāra vai

— ruled and enjoyed the whole earth, together with his wife. From that time onward, that king never again indulged in egotism.

Verse 112 (skanda.3.12.112)

असूयादींस्तथा दोषान्वर्जयामास भूपतिः । अहिंसानिरतो दांतः सदा धर्मपरोऽभवत्

asūyādīṁstathā doṣānvarjayāmāsa bhūpatiḥ ahiṁsānirato dāṁtaḥ sadā dharmaparo'bhavat

The king avoided envy and other faults as well; devoted to non-violence, self-controlled, he became ever devoted to dharma.

Verse 113 (skanda.3.12.113)

सहस्रं वत्सरानेवं ररक्ष स महीपतिः । ततो विरक्तो राजेन्द्रः पुत्रे राज्यं निधाय तु

sahasraṁ vatsarānevaṁ rarakṣa sa mahīpatiḥ tato virakto rājendraḥ putre rājyaṁ nidhāya tu

Thus that lord of the earth protected his kingdom for a thousand years. Then, having become dispassionate, that lord of kings, entrusting the kingdom to his son,

Verse 114 (skanda.3.12.114)

जगाम मंगलं तीर्थं गन्धमादनपर्वते । तपश्चचार तत्रासौ ध्यायन्हृदि सदाशिवम्

jagāma maṁgalaṁ tīrthaṁ gandhamādanaparvate tapaścacāra tatrāsau dhyāyanhṛdi sadāśivam

— went to the ford Mangala, on Mount Gandhamadana. There he performed austerity, meditating in his heart upon Sadashiva.

Verse 115 (skanda.3.12.115)

ततोऽचिरेण कालेन त्यक्त्वा देहं मनोजवः । शिवलोकं ययौ राजा तस्य तीर्थस्य वैभवात्

tato'cireṇa kālena tyaktvā dehaṁ manojavaḥ śivalokaṁ yayau rājā tasya tīrthasya vaibhavāt

Then, after a short time, Manojava, casting off his body, that king went to Shivaloka, through the power of that ford.

Verse 116 (skanda.3.12.116)

तस्य भार्या सुमित्रापि तस्यालिंग्य तनुं तदा । अन्वारूढा चितां विप्राः प्राप तल्लोकमेव सा

tasya bhāryā sumitrāpi tasyāliṁgya tanuṁ tadā anvārūḍhā citāṁ viprāḥ prāpa tallokameva sā

O brahmins, his wife Sumitra too, then embracing his body, mounted the funeral pyre after him, and she too attained that very world.

Verse 117 (skanda.3.12.117)

श्रीसूत उवाच । एवं प्रभावं तत्तीर्थं श्रीमन्मंगलनामकम् । मनोजवो नृपो यत्र स्नात्वा तीर्थे महत्तरे

śrīsūta uvāca evaṁ prabhāvaṁ tattīrthaṁ śrīmanmaṁgalanāmakam manojavo nṛpo yatra snātvā tīrthe mahattare

Shri Suta said: Such is the power of that glorious ford, named Mangala, where King Manojava, having bathed at that great ford —

Verse 118 (skanda.3.12.118)

शत्रून्विजित्य देहांते शिवलोकं ययौ स्त्रिया । तस्मात्सर्वप्रयत्नेन सेव्यं मंगलतीर्थकम्

śatrūnvijitya dehāṁte śivalokaṁ yayau striyā tasmātsarvaprayatnena sevyaṁ maṁgalatīrthakam

— conquered his enemies, and, at the end of his body, went to Shivaloka, together with his wife. Therefore, with every effort, one should serve this ford Mangala.

Verse 119 (skanda.3.12.119)

तीर्थमेतदतिशोभनं शिवं भुक्तिमुक्तिफलदं नृणां सदा । पापराशितृणतूलपावकं सेवत द्विजवरा विमुक्तये

tīrthametadatiśobhanaṁ śivaṁ bhuktimuktiphaladaṁ nṛṇāṁ sadā pāparāśitṛṇatūlapāvakaṁ sevata dvijavarā vimuktaye

This ford is exceedingly beautiful, auspicious, ever bestowing on men the fruit of both worldly enjoyment and liberation, a fire to the heap of straw and cotton that is sin. O best of brahmins, serve it for the sake of liberation.