The Glory of Amritavapika and Ekantaramanatha

Verse 1 (skanda.3.13.1)

श्रीसूत उवाच । मंगलाख्ये महातीर्थे नरः स्नात्वा विकल्मषः । एकांतरामनाथाख्यं क्षेत्रं गच्छेत्ततः परम्

śrīsūta uvāca maṁgalākhye mahātīrthe naraḥ snātvā vikalmaṣaḥ ekāṁtarāmanāthākhyaṁ kṣetraṁ gacchettataḥ param

Shri Suta said: A man, having bathed at the great ford named Mangala, freed from sin, should then go on to the sacred field named Ekantaramanatha.

Verse 2 (skanda.3.13.2)

तत्र रामो जगन्नाथो जानक्या लक्ष्मणेन च । हनुमत्प्रमुखैश्चापि वानरैः परिवारितः

tatra rāmo jagannātho jānakyā lakṣmaṇena ca hanumatpramukhaiścāpi vānaraiḥ parivāritaḥ

There, Rama, lord of the universe, together with Janaki and Lakshmana, and also surrounded by the vanaras headed by Hanuman,

Verse 3 (skanda.3.13.3)

सन्निधत्ते सदा विप्रा लोकानुग्रहकाम्यया । विद्यते पुण्यदा तत्र नाम्ना ह्यमृतवापिका

sannidhatte sadā viprā lokānugrahakāmyayā vidyate puṇyadā tatra nāmnā hyamṛtavāpikā

— is always present, O brahmins, desiring the welfare of the world. There, there is a merit-bestowing pool, named Amritavapika.

Verse 4 (skanda.3.13.4)

तस्यां निमज्जतां नृणां न जरांतकजं भयम् । अस्याममृतवाप्यां यः सश्रद्धं स्नाति मानवः

tasyāṁ nimajjatāṁ nṛṇāṁ na jarāṁtakajaṁ bhayam asyāmamṛtavāpyāṁ yaḥ saśraddhaṁ snāti mānavaḥ

For men who immerse themselves in it, there is no fear born of old age or death. Whatever man bathes with faith in this Amritavapi,

Verse 5 (skanda.3.13.5)

अमृतत्वं भजत्येष शंकरस्य प्रसादतः । महापातकनाशिन्यामस्यां वाप्यां निमज्जताम्

amṛtatvaṁ bhajatyeṣa śaṁkarasya prasādataḥ mahāpātakanāśinyāmasyāṁ vāpyāṁ nimajjatām

— he attains immortality, through the grace of Shankara. For those who immerse themselves in this pool, the destroyer of great sins,

Verse 6 (skanda.3.13.6)

अमृतत्वं हरो दातुं सन्निधत्ते सदा तटे । ऋषय ऊचुः । इयं ह्यमृतवापीति कुतो हेतोर्निगद्यते

amṛtatvaṁ haro dātuṁ sannidhatte sadā taṭe ṛṣaya ūcuḥ iyaṁ hyamṛtavāpīti kuto hetornigadyate

— Hara is always present on its bank, to grant immortality. The sages said: For what reason is this indeed called Amritavapi?

Verse 7 (skanda.3.13.7)

अस्माकमेतद्ब्रूहि त्वं कृपया व्यासशासित । तथैवामृतनामिन्या वापिकायाश्च वैभवम् । तृप्तिर्न जायतेऽस्माकं त्वद्वचोऽमृतपायिनाम्

asmākametadbrūhi tvaṁ kṛpayā vyāsaśāsita tathaivāmṛtanāminyā vāpikāyāśca vaibhavam tṛptirna jāyate'smākaṁ tvadvaco'mṛtapāyinām

Tell this to us, out of kindness, O you instructed by Vyasa; and likewise the glory of this pool of the name Amrita. We, drinking the nectar of your words, do not become satisfied.

Verse 8 (skanda.3.13.8)

श्रीसूत उवाच । अस्या अमृतनामत्वं वैभवं च मनोहरम्

śrīsūta uvāca asyā amṛtanāmatvaṁ vaibhavaṁ ca manoharam

Shri Suta said: The reason for its name Amrita, and its charming glory,

Verse 9 (skanda.3.13.9)

प्रवक्ष्यामि विशेषेण शृणुत द्विजसत्तमाः । पुरा हिमवतः पार्श्वे नानामुनिसमाकुले

pravakṣyāmi viśeṣeṇa śṛṇuta dvijasattamāḥ purā himavataḥ pārśve nānāmunisamākule

— I shall tell in detail; listen, O best of brahmins. Long ago, on the side of the Himalaya, crowded with various sages,

Verse 10 (skanda.3.13.10)

सिद्धचारणगंधर्वदेवकिन्नरसेविते । सिंहव्याघ्रवराहेभमहिषादिसमाकुले

siddhacāraṇagaṁdharvadevakinnarasevite siṁhavyāghravarāhebhamahiṣādisamākule

— served by siddhas, charanas, gandharvas, gods, and kinnaras, crowded with lions, tigers, boars, elephants, buffaloes and the like,

Verse 11 (skanda.3.13.11)

तमालतालहिंतालचंपकाशोकसंतते । हंसकोकिलदात्यूहचक्रवाकादिशोभिते

tamālatālahiṁtālacaṁpakāśokasaṁtate haṁsakokiladātyūhacakravākādiśobhite

— filled with tamala, tala, hintala, champaka, and ashoka trees, adorned with hamsas, koels, datyuhas, chakravakas, and the like,

Verse 12 (skanda.3.13.12)

पद्मेंदीवरकह्लारकुमुदाढ्यसरो वृते । सत्यवाञ्छीलवान्वाग्मी वशी कुंभजसोदरः

padmeṁdīvarakahlārakumudāḍhyasaro vṛte satyavāñchīlavānvāgmī vaśī kuṁbhajasodaraḥ

— surrounded by lakes rich with lotuses, blue lotuses, kahlaras, and kumudas — a truthful, virtuous, eloquent, self-controlled brother of Agastya (born of the jar)

Verse 13 (skanda.3.13.13)

आस्ते तपश्चरन्नित्यं मोक्षार्थी शंकरप्रियः । त्रिकालमर्चयञ्छंभु वन्यैर्मूलफलादिभिः

āste tapaścarannityaṁ mokṣārthī śaṁkarapriyaḥ trikālamarcayañchaṁbhu vanyairmūlaphalādibhiḥ

— dwelt, ever performing austerity, desiring liberation, beloved of Shankara, worshipping Shambhu three times a day with wild roots, fruits, and the like,

Verse 14 (skanda.3.13.14)

आगतान्स्वाश्रमाभ्याशमतिथीन्वन्यभोजनैः । पूजयन्नर्चयन्नग्निं संध्योपासनतत्परः

āgatānsvāśramābhyāśamatithīnvanyabhojanaiḥ pūjayannarcayannagniṁ saṁdhyopāsanatatparaḥ

— honoring with forest food whatever guests came near his hermitage, worshipping the fire, devoted to the observance of the twilight rites,

Verse 15 (skanda.3.13.15)

गायत्र्यादीन्महामंत्रान्कालेकाले जपन्मुदा । निद्रां परित्यजन्ब्राह्मे मुहूर्ते विष्णुचिंतकः

gāyatryādīnmahāmaṁtrānkālekāle japanmudā nidrāṁ parityajanbrāhme muhūrte viṣṇuciṁtakaḥ

— joyfully reciting the great mantras beginning with Gayatri at their proper times, giving up sleep in the Brahma-muhurta, contemplating Vishnu,

Verse 16 (skanda.3.13.16)

स्नानं कुर्वन्नुषःकाले नमन्संध्यां प्रसन्नधीः । गायत्रीं प्रजपन्विप्राः पूजयन्हरिशंकरौ

snānaṁ kurvannuṣaḥkāle namansaṁdhyāṁ prasannadhīḥ gāyatrīṁ prajapanviprāḥ pūjayanhariśaṁkarau

— bathing at dawn, bowing to the twilight rite, of serene mind, O brahmins, reciting the Gayatri, worshipping Hari and Shankara,

Verse 17 (skanda.3.13.17)

वेदाध्यायी शास्त्रपाठी मध्याह्नेऽतिथिपूजकः । श्रोतापुराणपाठानामग्निकार्येष्वतंद्रितः

vedādhyāyī śāstrapāṭhī madhyāhne'tithipūjakaḥ śrotāpurāṇapāṭhānāmagnikāryeṣvataṁdritaḥ

— a student of the Veda, a reader of the shastras, honoring guests at midday, tirelessly engaged in hearing and reciting the Puranas and in fire-rituals,

Verse 18 (skanda.3.13.18)

पंचयज्ञपरो नित्यं वैश्वदेवबलिप्रदः । प्रत्यब्दं श्राद्धकृत्पित्रोस्तथान्यश्राद्धकृद्द्विजाः

paṁcayajñaparo nityaṁ vaiśvadevabalipradaḥ pratyabdaṁ śrāddhakṛtpitrostathānyaśrāddhakṛddvijāḥ

— always devoted to the five great sacrifices, offering the Vaishvadeva bali, performing the annual shraddha for his parents, and, O brahmins, other shraddhas too,

Verse 19 (skanda.3.13.19)

एवं निनाय कालं स नित्यानुष्ठानतत्परः । तस्यैवं वर्तमानस्य तपश्चरत उत्तमम्

evaṁ nināya kālaṁ sa nityānuṣṭhānatatparaḥ tasyaivaṁ vartamānasya tapaścarata uttamam

— thus he passed his time, devoted to his daily observances. As he thus continued, performing supreme austerity,

Verse 20 (skanda.3.13.20)

सहस्रवर्षाण्यगमञ्च्छंकरासक्तचेतसः । तथापि शंकरो नास्याययौ प्रत्यक्षतां तदा

sahasravarṣāṇyagamañcchaṁkarāsaktacetasaḥ tathāpi śaṁkaro nāsyāyayau pratyakṣatāṁ tadā

— a thousand years passed, his mind devoted to Shankara. Yet even so, Shankara did not become manifest to him then.

Verse 21 (skanda.3.13.21)

ततस्त्वगस्त्यभ्रातासौ ग्रीष्मे पंचानिमध्यगः । भास्करं दत्तदृष्टिश्च मौनव्रतसमन्वितः

tatastvagastyabhrātāsau grīṣme paṁcānimadhyagaḥ bhāskaraṁ dattadṛṣṭiśca maunavratasamanvitaḥ

Then that brother of Agastya, in summer, standing amidst five fires, his gaze fixed upon the sun, observing a vow of silence,

Verse 22 (skanda.3.13.22)

तिष्ठन्कनिष्ठिकांगुल्यां वामपादस्य निश्चलः । ऊर्ध्वबाहुर्निरालंबस्तपस्तेपेऽतिदारुणम्

tiṣṭhankaniṣṭhikāṁgulyāṁ vāmapādasya niścalaḥ ūrdhvabāhurnirālaṁbastapastepe'tidāruṇam

— standing motionless upon the little toe of his left foot, his arms upraised, unsupported, performed the most terrible austerity.

Verse 23 (skanda.3.13.23)

अथ तस्य प्रसन्नात्मा महादेवो घृणानिधिः । प्रादुरासीत्स्वया दीप्त्या दिशो दश विभासयन्

atha tasya prasannātmā mahādevo ghṛṇānidhiḥ prādurāsītsvayā dīptyā diśo daśa vibhāsayan

Then, Mahadeva, the treasury of compassion, his mind pleased, became manifest to him, illuminating the ten directions with his own radiance.

Verse 24 (skanda.3.13.24)

ततोऽद्राक्षीन्मुनिः शंभुं सांबं वृषभसंस्थि तम् । दृष्ट्वा प्रणम्य तुष्टाव भवानीपतिमीश्वरम्

tato'drākṣīnmuniḥ śaṁbhuṁ sāṁbaṁ vṛṣabhasaṁsthi tam dṛṣṭvā praṇamya tuṣṭāva bhavānīpatimīśvaram

Then that sage beheld Shambhu, together with Amba (Parvati), seated upon his bull; seeing him, bowing, he praised Ishvara, the lord of Bhavani.

Verse 25 (skanda.3.13.25)

मुनिरुवाच । नमस्ते पार्वतीनाथ नीलकंठ महेश्वर । शिव रुद्र महादेव नम स्ते शंभवे विभो

muniruvāca namaste pārvatīnātha nīlakaṁṭha maheśvara śiva rudra mahādeva nama ste śaṁbhave vibho

The sage said: "Salutation to you, O lord of Parvati, O blue-throated Maheshvara! O Shiva, O Rudra, O Mahadeva, salutation to you, O Shambhu, O mighty one!

Verse 26 (skanda.3.13.26)

श्रीकंठोमापते शूलिन्भगनेत्रहराव्यय । गंगाधर विरूपाक्ष नमस्ते रुद्र मन्यवे

śrīkaṁṭhomāpate śūlinbhaganetraharāvyaya gaṁgādhara virūpākṣa namaste rudra manyave

O Shrikantha, O lord of Uma, O trident-bearer, O destroyer of Bhaga's eye, O imperishable one! O Gangadhara, O odd-eyed one, salutation to you, O wrathful Rudra!

Verse 27 (skanda.3.13.27)

अंतकारे कामशत्रो देवदेव जगत्पते । स्वामिन्पशुपते शर्व नमस्ते शतधन्वने । दक्षयक्षविनाशाय स्नायूनां पतये नमः । निचेरवे नमस्तुभ्यं पुष्टानां पतये नमः

aṁtakāre kāmaśatro devadeva jagatpate svāminpaśupate śarva namaste śatadhanvane dakṣayakṣavināśāya snāyūnāṁ pataye namaḥ nicerave namastubhyaṁ puṣṭānāṁ pataye namaḥ

O destroyer of Antaka (Yama), O enemy of Kama, O god of gods, O lord of the universe, O master, O Pashupati, O Sharva, salutation to you, of a hundred bows! Salutation to the destroyer of Daksha's sacrifice, the lord of sinews! Salutation to you, Nichera, lord of nourishment!

Verse 28 (skanda.3.13.28)

भूयोभूयो नमस्तुभ्यं महादेव कृपालय । दुस्तराद्भवसिंधोर्मां तारयस्व त्रिलोचन

bhūyobhūyo namastubhyaṁ mahādeva kṛpālaya dustarādbhavasiṁdhormāṁ tārayasva trilocana

Again and again, salutation to you, O Mahadeva, abode of compassion! O three-eyed one, carry me across the hard-to-cross ocean of worldly existence."

Verse 29 (skanda.3.13.29)

अगस्त्यसोदरेणैवं स्तुतः शंभुरभाषत । प्रीणयन्वचसा स्वेन कुंभजस्यानुजं मुनिम्

agastyasodareṇaivaṁ stutaḥ śaṁbhurabhāṣata prīṇayanvacasā svena kuṁbhajasyānujaṁ munim

Thus praised by Agastya's brother, Shambhu spoke, pleasing with his own words that sage, the younger brother of Agastya (born of the jar):

Verse 30 (skanda.3.13.30)

ईश्वर उवाच । कुंभजानुज वक्ष्यामि मुक्त्युपायं तवानघ । सेतुमध्ये महातीर्थं गंधमादनपर्वते

īśvara uvāca kuṁbhajānuja vakṣyāmi muktyupāyaṁ tavānagha setumadhye mahātīrthaṁ gaṁdhamādanaparvate

Ishvara said: "O sinless younger brother of the jar-born one, I shall tell you the means of liberation. In the midst of the bridge, on Mount Gandhamadana, there is a great ford,

Verse 31 (skanda.3.13.31)

मंगलाख्यस्य तीर्थस्य नातिदूरेण वर्तते । तत्र गत्वा कुरु स्नानं ततो मुक्तिमवाप्स्यसि

maṁgalākhyasya tīrthasya nātidūreṇa vartate tatra gatvā kuru snānaṁ tato muktimavāpsyasi

— not far from the ford named Mangala. Going there, bathe; then you shall attain liberation.

Verse 32 (skanda.3.13.32)

तत्तीर्थसेवनान्नान्योमोक्षो पायो लघुस्तव । न हि तत्तीर्थवैशिष्ट्यं वक्तुं शक्यं मयापि च

tattīrthasevanānnānyomokṣo pāyo laghustava na hi tattīrthavaiśiṣṭyaṁ vaktuṁ śakyaṁ mayāpi ca

There is no other, easier means of liberation for you than the service of that ford. Indeed, even I am not able to describe the special glory of that ford.

Verse 33 (skanda.3.13.33)

संदेहो नात्र कर्तव्यस्त्वयाद्य मुनिसत्तम । तस्मात्तत्रैव गच्छ त्वं यदीच्छसि भवक्षयम्

saṁdeho nātra kartavyastvayādya munisattama tasmāttatraiva gaccha tvaṁ yadīcchasi bhavakṣayam

O best of sages, no doubt should be entertained by you about this. Therefore, if you desire the destruction of worldly existence, go there itself."

Verse 34 (skanda.3.13.34)

इत्युक्त्वा भगवानीशस्तत्रैवांतरधीयत । ततो देवस्य वचनादगस्त्यस्य सहोदरः

ityuktvā bhagavānīśastatraivāṁtaradhīyata tato devasya vacanādagastyasya sahodaraḥ

Having said this, the venerable Ishvara vanished there itself. Then, by the word of the god, the brother of Agastya —

Verse 35 (skanda.3.13.35)

गत्वा सेतुं समुद्रे तु गंधमादनपर्वते । ईश्वरणैव गदितं तीर्थं तच्छीघ्रमासदत्

gatvā setuṁ samudre tu gaṁdhamādanaparvate īśvaraṇaiva gaditaṁ tīrthaṁ tacchīghramāsadat

— going to the bridge in the ocean, on Mount Gandhamadana, swiftly reached that ford declared by Ishvara himself.

Verse 36 (skanda.3.13.36)

तत्र तीर्थे महापुण्ये स्नातानां मुक्तिदायिनि । एकांतरामनाथाख्ये क्षेत्रालंकरणे शुभे

tatra tīrthe mahāpuṇye snātānāṁ muktidāyini ekāṁtarāmanāthākhye kṣetrālaṁkaraṇe śubhe

There, at that greatly meritorious ford, the giver of liberation to those who bathe, named Ekantaramanatha, an auspicious ornament of the sacred field,

Verse 37 (skanda.3.13.37)

सस्नौ नियमपूर्वं स त्रीणि वर्षाणि वै द्विजः । ततश्चतुर्थवर्षे तु समाधिस्थो महामुनिः

sasnau niyamapūrvaṁ sa trīṇi varṣāṇi vai dvijaḥ tataścaturthavarṣe tu samādhistho mahāmuniḥ

— that brahmin bathed with due observance for three years. Then, in the fourth year, that great sage, established in samadhi,

Verse 38 (skanda.3.13.38)

ब्रह्मनाड्या प्राणवायुं मूर्द्धन्यारोप्ययोगतः । प्राणान्निर्गमयामास ब्रह्मरंध्रेण तत्र सः

brahmanāḍyā prāṇavāyuṁ mūrddhanyāropyayogataḥ prāṇānnirgamayāmāsa brahmaraṁdhreṇa tatra saḥ

— through the Brahma-nadi, raising his life-breath to the crown of his head through yoga, expelled his life-breaths there through the Brahmarandhra.

Verse 39 (skanda.3.13.39)

ततोऽगस्त्यानुजः सोयं परित्यज्य कलेवरम् । अवाप मुक्तिं परमां तस्य तीर्थस्य वैभवात्

tato'gastyānujaḥ soyaṁ parityajya kalevaram avāpa muktiṁ paramāṁ tasya tīrthasya vaibhavāt

Then that younger brother of Agastya, casting off his body, attained supreme liberation, through the power of that ford.

Verse 40 (skanda.3.13.40)

विनष्टाशेषदुःखस्य तत्तीर्थस्नानवैभवात् । मृतत्वमभूद्यस्मादगस्त्यानुजजन्मनः

vinaṣṭāśeṣaduḥkhasya tattīrthasnānavaibhavāt mṛtatvamabhūdyasmādagastyānujajanmanaḥ

Since, through the power of bathing at that ford, all his sorrow was destroyed, and mortality itself — for him born as the younger brother of Agastya — came to its end there —

Verse 41 (skanda.3.13.41)

ततो ह्यमृतवापीतिप्रथाऽस्यासीन्मुनीश्वराः । अत्र तीर्थे नरा ये तु वर्षत्रयमतंद्रिताः

tato hyamṛtavāpītiprathā'syāsīnmunīśvarāḥ atra tīrthe narā ye tu varṣatrayamataṁdritāḥ

— thence indeed, O lords of sages, the fame "Amritavapi" belonged to this pool. Whatever men, tirelessly, for three years, at this ford,

Verse 42 (skanda.3.13.42)

स्नानं कुर्वंति ते सत्यममृतत्वं प्रयांति हि । एवं त्वमृतवापीति प्रथा तद्वैभवं तथा । युष्माकं कथितं विप्राः किंभूयः श्रोतुमिच्छथ

snānaṁ kurvaṁti te satyamamṛtatvaṁ prayāṁti hi evaṁ tvamṛtavāpīti prathā tadvaibhavaṁ tathā yuṣmākaṁ kathitaṁ viprāḥ kiṁbhūyaḥ śrotumicchatha

— perform bathing, they truly attain immortality indeed. Thus, O brahmins, the fame "Amritavapi" and its glory too have been told to you; what more do you wish to hear?

Verse 43 (skanda.3.13.43)

ऋषय ऊचुः । एकांतरामनाथाख्या तस्य क्षेत्रस्य वै मुने

ṛṣaya ūcuḥ ekāṁtarāmanāthākhyā tasya kṣetrasya vai mune

The sages said: O sage, the name Ekantaramanatha of that sacred field —

Verse 44 (skanda.3.13.44)

कथं समागता सूत वक्तुमेतत्त्वमर्हसि । अस्माकं मुनिशार्दूल तच्छुश्रूषातिभूयसी

kathaṁ samāgatā sūta vaktumetattvamarhasi asmākaṁ muniśārdūla tacchuśrūṣātibhūyasī

— how did it come about, O Suta? You ought to tell us this. O tiger among sages, our desire to hear it is very great.

Verse 45 (skanda.3.13.45)

श्रीसूत उवाच । पुरा दाशरथी रामः ससुग्रीवभिभीषणः । लक्ष्मणेन युतो भ्रात्रा मंत्रज्ञेन हनूमता

śrīsūta uvāca purā dāśarathī rāmaḥ sasugrīvabhibhīṣaṇaḥ lakṣmaṇena yuto bhrātrā maṁtrajñena hanūmatā

Shri Suta said: Long ago, Rama, son of Dasharatha, together with Sugriva and Vibhishana, joined by his brother Lakshmana, and by Hanuman, knower of counsel,

Verse 46 (skanda.3.13.46)

वानरैर्बध्यमाने तु सेतावंबुधिमध्यतः । चिंतयन्मनसा सीतामेकांते सममंत्रयत्

vānarairbadhyamāne tu setāvaṁbudhimadhyataḥ ciṁtayanmanasā sītāmekāṁte samamaṁtrayat

— while the bridge was being built by the vanaras in the midst of the ocean, thinking in his mind of Sita, took counsel with them in private.

Verse 47 (skanda.3.13.47)

तेषु मंत्र यमाणेषु रावणादिवधं प्रति । उल्लोलतरकल्लोलो जुघोष जलधिर्भृशम्

teṣu maṁtra yamāṇeṣu rāvaṇādivadhaṁ prati ullolatarakallolo jughoṣa jaladhirbhṛśam

While they were consulting about the slaying of Ravana and the others, the ocean, its waves surging exceedingly, roared exceedingly.

Verse 48 (skanda.3.13.48)

अर्णवस्य महाभीमे जृंभमाणे महाध्वनौ । अन्योन्यकथितां वार्तां नाशृण्वंस्ते परस्परम्

arṇavasya mahābhīme jṛṁbhamāṇe mahādhvanau anyonyakathitāṁ vārtāṁ nāśṛṇvaṁste parasparam

As the most fearful, great roar of the ocean swelled, they could not hear one another's words spoken between them.

Verse 49 (skanda.3.13.49)

ततः किंचिदिव क्रुद्धो भृकुटीकुटिलेक्षणः । भ्रूभंगलीलया रामो नियम्य जलधिं तदा

tataḥ kiṁcidiva kruddho bhṛkuṭīkuṭilekṣaṇaḥ bhrūbhaṁgalīlayā rāmo niyamya jaladhiṁ tadā

Then Rama, somewhat angered, his eyes contorted with his frown, then, with the mere play of a frown, restraining the ocean,

Verse 50 (skanda.3.13.50)

न्यमंत्रयत विप्रेंद्रा राक्षसानां वधं प्रति । एकांतेऽमंत्रयत्तत्र तैः सार्धं राघवो यतः

nyamaṁtrayata vipreṁdrā rākṣasānāṁ vadhaṁ prati ekāṁte'maṁtrayattatra taiḥ sārdhaṁ rāghavo yataḥ

— O foremost of brahmins, took counsel regarding the slaying of the rakshasas. Because Raghava took counsel there in private with them,

Verse 51 (skanda.3.13.51)

एकांतरामनाथाख्यं तत्क्षेत्रमभवद्विजाः । सोयं नियमितो वार्धी रामभ्रूभंगलीलया

ekāṁtarāmanāthākhyaṁ tatkṣetramabhavadvijāḥ soyaṁ niyamito vārdhī rāmabhrūbhaṁgalīlayā

— O brahmins, that sacred field became known by the name Ekantaramanatha. That very ocean, restrained by the mere play of Rama's frown,

Verse 52 (skanda.3.13.52)

अद्यापि निश्चलजलस्तत्प्रदेशेषु दृश्यते । एकांतरामनाथाख्यं तदेतत्क्षेत्रमुत्तमम्

adyāpi niścalajalastatpradeśeṣu dṛśyate ekāṁtarāmanāthākhyaṁ tadetatkṣetramuttamam

— even today, is seen with still water in that region. This is that excellent sacred field, named Ekantaramanatha.

Verse 53 (skanda.3.13.53)

आगत्यामृतवाप्यां च स्नात्वा नियमपूर्वकम् । रामादीनपि सेवंते ते सर्वे मुक्तिमाप्नुयुः

āgatyāmṛtavāpyāṁ ca snātvā niyamapūrvakam rāmādīnapi sevaṁte te sarve muktimāpnuyuḥ

All those who come here, and, having bathed with due observance in Amritavapi, worship Rama and the others too, attain liberation.

Verse 54 (skanda.3.13.54)

अद्वैतविज्ञानविवेकशून्या विरक्तिहीनाश्च समाधि हीनाः । यागाद्यनुष्ठानविवर्जिताश्च स्नात्वात्र यास्यंत्यमृतं द्विजेंद्राः

advaitavijñānavivekaśūnyā viraktihīnāśca samādhi hīnāḥ yāgādyanuṣṭhānavivarjitāśca snātvātra yāsyaṁtyamṛtaṁ dvijeṁdrāḥ

O foremost of brahmins, even those devoid of the discernment of non-dual knowledge, without dispassion, without samadhi, and devoid of the performance of sacrifice and other rites, bathing here, attain immortality.