The Glory of Jata-tirtha and the Purification of Shuka's Mind

Verse 1 (skanda.3.20.1)

श्रीसूत उवाच। लक्ष्मणस्य महातीर्थे ब्रह्महत्याविनाशने। स्नात्वा स्वचित्तशुद्ध्यर्थं जटातीर्थं ततो व्रजेत्

śrīsūta uvāca lakṣmaṇasya mahātīrthe brahmahatyāvināśane snātvā svacittaśuddhyarthaṁ jaṭātīrthaṁ tato vrajet

Suta said: Having bathed at Lakshmana's great tirtha, destroyer of brahminicide, for the purification of his own mind, one should then go to Jatatirtha.

Verse 2 (skanda.3.20.2)

जन्ममृत्युजराक्रांतसंसारातुरचेतसाम्। अज्ञाननाशकं नास्ति जटातीर्थादृते द्विजाः

janmamṛtyujarākrāṁtasaṁsārāturacetasām ajñānanāśakaṁ nāsti jaṭātīrthādṛte dvijāḥ

For those whose minds are afflicted by samsara, overcome by birth, death, and old age, there is no destroyer of ignorance except Jatatirtha, O brahmins.

Verse 3 (skanda.3.20.3)

लोके मुमुक्षवः केचिच्चित्तशुद्धिमभीप्सवः। वाचा पठंति वेदांतांस्तूष्णीन्नानुभवंति ते

loke mumukṣavaḥ keciccittaśuddhimabhīpsavaḥ vācā paṭhaṁti vedāṁtāṁstūṣṇīnnānubhavaṁti te

In the world, some seekers of liberation, desiring purity of mind, recite the Vedanta with the voice, but do not experience it in silence.

Verse 4 (skanda.3.20.4)

पूर्वपक्षमहाग्राहे सिद्धांतझषसंकुले। वेदांताब्धाविहाज्ञानं मुह्यंति पतिता द्विजाः

pūrvapakṣamahāgrāhe siddhāṁtajhaṣasaṁkule vedāṁtābdhāvihājñānaṁ muhyaṁti patitā dvijāḥ

In the great crocodile of the prior-position (purvapaksha), thronged with the fish of doctrine (siddhanta), in the ocean of Vedanta here, brahmins, having fallen in ignorance, become bewildered.

Verse 5 (skanda.3.20.5)

प्रथमं चित्तशुद्ध्यर्थं वेदांतान्संपठंति ये। विवदंते पठित्वा ते कलहं च वितन्वते

prathamaṁ cittaśuddhyarthaṁ vedāṁtānsaṁpaṭhaṁti ye vivadaṁte paṭhitvā te kalahaṁ ca vitanvate

Those who first study the Vedanta for the purification of mind, having studied it, dispute and stir up quarrels.

Verse 6 (skanda.3.20.6)

चित्तशुद्धिर्न वेदांताद्बहुव्यामोहकारणात्। ततो वयं न वेदांतान्मुनींद्रा बहु मन्महे

cittaśuddhirna vedāṁtādbahuvyāmohakāraṇāt tato vayaṁ na vedāṁtānmunīṁdrā bahu manmahe

Purity of mind does not come from Vedanta, which is the cause of much delusion; therefore, O lords of sages, we do not esteem the Vedanta highly.

Verse 7 (skanda.3.20.7)

चित्तशुद्धिं यदीच्छध्वं लघूपायेन तापसाः। उद्घोषयामि सर्वेषां जटातीर्थं निषेवत

cittaśuddhiṁ yadīcchadhvaṁ laghūpāyena tāpasāḥ udghoṣayāmi sarveṣāṁ jaṭātīrthaṁ niṣevata

If you ascetics desire purity of mind by an easy means, I proclaim to all: resort to Jatatirtha.

Verse 8 (skanda.3.20.8)

पुरा सर्वोपकारार्थं तीर्थमज्ञाननाशनम्। एतद्विनिर्मितं साक्षाच्छम्भुना गन्धमादने

purā sarvopakārārthaṁ tīrthamajñānanāśanam etadvinirmitaṁ sākṣācchambhunā gandhamādane

Long ago, for the benefit of all, this tirtha, destroyer of ignorance, was created directly by Shambhu himself at Gandhamadana.

Verse 9 (skanda.3.20.9)

निहते रावणे विप्रा जटां रामस्तु धार्मिकः। क्षालयामास यत्तोये तज्जटातीर्थमुच्यते

nihate rāvaṇe viprā jaṭāṁ rāmastu dhārmikaḥ kṣālayāmāsa yattoye tajjaṭātīrthamucyate

When Ravana was slain, O brahmins, the righteous Rama washed his matted locks (jata) in whose water - that is called Jatatirtha.

Verse 10 (skanda.3.20.10)

वर्षाणां षष्टिसाहस्रं जाह्नवीजलमज्जनम्। गोदावर्यां सकृत्स्नानं सिंहस्थे च बृहस्पतौ

varṣāṇāṁ ṣaṣṭisāhasraṁ jāhnavījalamajjanam godāvaryāṁ sakṛtsnānaṁ siṁhasthe ca bṛhaspatau

Sixty thousand years of immersion in the water of the Jahnavi (Ganga), a single bath in the Godavari when Jupiter is in Leo (Simhastha) -

Verse 11 (skanda.3.20.11)

तावत्सहस्रस्नानानि सिंहं देवगुरौ गते। गोमत्यां लभ्यते वर्षैस्तज्जटातीर्थदर्शनात्

tāvatsahasrasnānāni siṁhaṁ devagurau gate gomatyāṁ labhyate varṣaistajjaṭātīrthadarśanāt

that many thousand baths, when the guru of the gods (Jupiter) is in Leo, are obtained in the Gomati over years - that much is obtained from the mere sight of Jatatirtha.

Verse 12 (skanda.3.20.12)

जटातीर्थे मनुष्याणां स्नातानां द्विजपुंगवाः। अन्तःकरणशुद्धिः स्यात्ततोऽज्ञानं विनश्यति

jaṭātīrthe manuṣyāṇāṁ snātānāṁ dvijapuṁgavāḥ antaḥkaraṇaśuddhiḥ syāttato'jñānaṁ vinaśyati

For men bathing at Jatatirtha, O bulls among brahmins, purification of the inner faculty (antahkarana) occurs, and thereupon ignorance is destroyed.

Verse 13 (skanda.3.20.13)

अज्ञाननाशे ज्ञानं स्यात्ततो मुक्तिमवाप्स्यसि। अखण्डसच्चिदानंदसंपूर्णः स्यात्ततः परम्

ajñānanāśe jñānaṁ syāttato muktimavāpsyasi akhaṇḍasaccidānaṁdasaṁpūrṇaḥ syāttataḥ param

When ignorance is destroyed, knowledge arises; thereupon you shall attain liberation. Then you become supremely full of unbroken existence-consciousness-bliss.

Verse 14 (skanda.3.20.14)

अत्राप्युदाहरंतीममितिहासं पुरातनम्। पितुः पुत्रस्य संवादं व्यासस्य च शुकस्य च

atrāpyudāharaṁtīmamitihāsaṁ purātanam pituḥ putrasya saṁvādaṁ vyāsasya ca śukasya ca

Here too they cite this ancient story, the dialogue between father and son, of Vyasa and Shuka.

Verse 15 (skanda.3.20.15)

पुरा मुनिवरं कृष्णं भावि तात्मानमच्युतम्। पारंपर्यविशेषज्ञं सर्वशास्त्रार्थकोविदम्। प्रणम्य शिरसा व्यासं शुकः पप्रच्छ वै द्विजाः

purā munivaraṁ kṛṣṇaṁ bhāvi tātmānamacyutam pāraṁparyaviśeṣajñaṁ sarvaśāstrārthakovidam praṇamya śirasā vyāsaṁ śukaḥ papraccha vai dvijāḥ

Of old, Shuka, having bowed his head to Vyasa - the excellent sage, the one destined to become Krishna's own self, imperishable, especially learned in tradition, skilled in the meaning of all the shastras - asked him, O brahmins.

Verse 16 (skanda.3.20.16)

श्रीशुक उवाच। भगवंस्तात सर्वज्ञ ब्रूहि गुह्यमनुत्तमम्

śrīśuka uvāca bhagavaṁstāta sarvajña brūhi guhyamanuttamam

Shri Shuka said: "O venerable father, all-knowing one, tell me the supreme secret,

Verse 17 (skanda.3.20.17)

अन्तःकरणशुद्धिः स्यात्तथाज्ञानविनाशनम्। ज्ञानोदयश्च येन स्यादंते मुक्तिश्च शाश्वती

antaḥkaraṇaśuddhiḥ syāttathājñānavināśanam jñānodayaśca yena syādaṁte muktiśca śāśvatī

by which purity of the inner faculty may come, and likewise the destruction of ignorance; by which knowledge may dawn, and, in the end, eternal liberation.

Verse 18 (skanda.3.20.18)

तमुपायं वदस्वाद्य स्नेहान्मम महामुने। वेदांताश्चेतिहासाश्च पुराणादीनि कृत्स्नशः

tamupāyaṁ vadasvādya snehānmama mahāmune vedāṁtāścetihāsāśca purāṇādīni kṛtsnaśaḥ

Tell me that means today, out of affection for me, O great sage. The Vedantas, the Itihasas, and the Puranas and the rest, all of them,

Verse 19 (skanda.3.20.19)

अधीतानि मया त्वत्तः शोधयंति न मानसम्। अतो मे चित्तशुद्धिः स्याद्यथा तात तथा वद

adhītāni mayā tvattaḥ śodhayaṁti na mānasam ato me cittaśuddhiḥ syādyathā tāta tathā vada

have been studied by me from you, yet they do not purify my mind. Therefore tell me, O father, how my mind's purity may come."

Verse 20 (skanda.3.20.20)

इति पृष्टस्तदा व्यासः शुकेन मुनिसत्तमाः। रहस्यं कथयामास येनाविद्या विन श्यति

iti pṛṣṭastadā vyāsaḥ śukena munisattamāḥ rahasyaṁ kathayāmāsa yenāvidyā vina śyati

Thus questioned then by Shuka, O best of sages, Vyasa related the secret by which ignorance is destroyed.

Verse 21 (skanda.3.20.21)

व्यास उवाच। शुक वक्ष्यामि ते गुह्यमविद्याग्रन्थिभेदनम्। बुद्धिशुद्धिप्रदं पुंसां जन्मादिभयनाशनम्

vyāsa uvāca śuka vakṣyāmi te guhyamavidyāgranthibhedanam buddhiśuddhipradaṁ puṁsāṁ janmādibhayanāśanam

Vyasa said: "O Shuka, I shall tell you the secret, the cutter of the knot of ignorance, the bestower of purity of intellect for men, the destroyer of the fear of birth and the rest.

Verse 22 (skanda.3.20.22)

रामसेतौ महापुण्यं गन्धमादनपर्वते। विद्यते पापसंहारि जटातीर्थमिति श्रुतम्

rāmasetau mahāpuṇyaṁ gandhamādanaparvate vidyate pāpasaṁhāri jaṭātīrthamiti śrutam

On Rama's Setu, on Mount Gandhamadana, there exists a greatly holy tirtha, destroyer of sin, known as Jatatirtha.

Verse 23 (skanda.3.20.23)

जटां स्वां शोधयामास यत्र रामो हरिः स्वयम्। रामो दाशरथिः श्रीमांस्तीर्थाय च वरं ददौ

jaṭāṁ svāṁ śodhayāmāsa yatra rāmo hariḥ svayam rāmo dāśarathiḥ śrīmāṁstīrthāya ca varaṁ dadau

There Rama, Hari himself, washed his own matted locks; and the illustrious Rama, son of Dasharatha, granted the tirtha a boon:

Verse 24 (skanda.3.20.24)

स्नाति येऽत्र समागत्य जटातीर्थेऽतिपावने। अन्तःकरणशुद्धिश्च तेषां भूयादिति स्म सः

snāti ye'tra samāgatya jaṭātīrthe'tipāvane antaḥkaraṇaśuddhiśca teṣāṁ bhūyāditi sma saḥ

'Whoever comes here and bathes at this exceedingly holy Jatatirtha - let purification of the inner faculty come to them' - thus he said.

Verse 25 (skanda.3.20.25)

विना यज्ञं विना ज्ञानं विना जाप्यमुपोषणम्। स्नानमात्राज्जटातीर्थे बुद्धिशुद्धिर्भवेन्नृणाम्

vinā yajñaṁ vinā jñānaṁ vinā jāpyamupoṣaṇam snānamātrājjaṭātīrthe buddhiśuddhirbhavennṛṇām

Without sacrifice, without knowledge, without japa or fasting, by mere bathing at Jatatirtha, purity of intellect comes to men.

Verse 26 (skanda.3.20.26)

सर्वदानसमं पुण्यं स्नानादत्र भविष्यति। दुर्गाण्यनेन तरति पुण्यलोकान्समश्नुते

sarvadānasamaṁ puṇyaṁ snānādatra bhaviṣyati durgāṇyanena tarati puṇyalokānsamaśnute

Merit equal to all gifts shall come from bathing here; by this one crosses difficulties and attains the worlds of merit.

Verse 27 (skanda.3.20.27)

महत्त्वमश्नुते स्नानाज्जटातीर्थे शुभोदके। जटातीर्थं विना नान्यदंतःकरण शुद्धये

mahattvamaśnute snānājjaṭātīrthe śubhodake jaṭātīrthaṁ vinā nānyadaṁtaḥkaraṇa śuddhaye

One attains greatness by bathing at Jatatirtha, of auspicious waters. There is no other means for the purification of the inner faculty besides Jatatirtha -

Verse 28 (skanda.3.20.28)

विद्यते नियमो वापि जपो वा नान्यदेवता। धन्यं यशस्यमायुष्यं सर्वलोकेषु विश्रुतम्

vidyate niyamo vāpi japo vā nānyadevatā dhanyaṁ yaśasyamāyuṣyaṁ sarvalokeṣu viśrutam

no observance, no japa, no other deity. Blessed, glorious, conferring long life, renowned in all the worlds,

Verse 29 (skanda.3.20.29)

पवित्राणां पवित्रं च जटातीर्थं शुकाधुना। सर्वपापप्रशमनं मंगलानां च मंगलम्

pavitrāṇāṁ pavitraṁ ca jaṭātīrthaṁ śukādhunā sarvapāpapraśamanaṁ maṁgalānāṁ ca maṁgalam

O Shuka, Jatatirtha is now the purest among the pure, the pacifier of all sin, the auspicious among auspicious things.

Verse 30 (skanda.3.20.30)

भृगुर्वै वारुणिः पूर्वं वरुणं पितरं शुक। बुद्धिशुद्धिप्रदोपायमपृच्छत्पावनं शुभम्। प्रोवाच वरुणस्तस्मै बुद्धिशुद्धिप्रदं शुभम्

bhṛgurvai vāruṇiḥ pūrvaṁ varuṇaṁ pitaraṁ śuka buddhiśuddhipradopāyamapṛcchatpāvanaṁ śubham provāca varuṇastasmai buddhiśuddhipradaṁ śubham

Bhrigu, son of Varuna, of old asked his father Varuna, O Shuka, about the pure, auspicious means for the bestowal of purity of intellect; Varuna told him the auspicious means bestowing purity of intellect.

Verse 31 (skanda.3.20.31)

वरुण उवाच। रामसेतौ भृगो पुण्ये गन्धमादनपर्वते

varuṇa uvāca rāmasetau bhṛgo puṇye gandhamādanaparvate

Varuna said: 'O Bhrigu, on Rama's Setu, on the holy Mount Gandhamadana,

Verse 32 (skanda.3.20.32)

स्नानमात्राज्जटा तीर्थे बुद्धिशुद्धिर्भवेद्ध्रुवम्। स पितुर्वचनात्सद्यो भृगुर्वै वरुणात्मजः

snānamātrājjaṭā tīrthe buddhiśuddhirbhaveddhruvam sa piturvacanātsadyo bhṛgurvai varuṇātmajaḥ

by mere bathing at Jatatirtha, purity of intellect surely comes.' He, Bhrigu, son of Varuna, at once, by his father's word,

Verse 33 (skanda.3.20.33)

गत्वा स्नात्वा जटातीर्थे बुद्धिशुद्धिमवाप्तवान्। विनष्टाज्ञानसंतानस्तया शुद्ध्या तदा भृगुः

gatvā snātvā jaṭātīrthe buddhiśuddhimavāptavān vinaṣṭājñānasaṁtānastayā śuddhyā tadā bhṛguḥ

having gone and bathed at Jatatirtha, attained purity of intellect; his continuity of ignorance destroyed, by that purification then Bhrigu,

Verse 34 (skanda.3.20.34)

उत्पन्नाद्वैतविज्ञानः स्वपितुर्वरुणादयम्। अखण्डसच्चिदानंदपूर्णाकारोऽभवच्छुक

utpannādvaitavijñānaḥ svapiturvaruṇādayam akhaṇḍasaccidānaṁdapūrṇākāro'bhavacchuka

non-dual knowledge having arisen in him, from his own father Varuna, O Shuka, became of the form of unbroken, complete existence-consciousness-bliss.

Verse 35 (skanda.3.20.35)

शंकरांशोऽपि दुर्वासा जटातीर्थेऽभिषेकतः। मनःशुद्धिमवाप्याशु ब्रह्मानंदमयोऽभवत्

śaṁkarāṁśo'pi durvāsā jaṭātīrthe'bhiṣekataḥ manaḥśuddhimavāpyāśu brahmānaṁdamayo'bhavat

Durvasa too, a partial incarnation of Shankara, by ablution at Jatatirtha, having quickly obtained purity of mind, became full of the bliss of Brahman.

Verse 36 (skanda.3.20.36)

दत्तात्रेयोऽपि विष्ण्वंशस्तीर्थेऽस्मिन्नभिषेचनात्। शुद्धांतःकरणो भूत्वा ब्रह्माकारोऽभवच्छुक

dattātreyo'pi viṣṇvaṁśastīrthe'sminnabhiṣecanāt śuddhāṁtaḥkaraṇo bhūtvā brahmākāro'bhavacchuka

Dattatreya too, a partial incarnation of Vishnu, by ablution at this tirtha, his inner faculty purified, became of the form of Brahman, O Shuka.

Verse 37 (skanda.3.20.37)

इच्छेदज्ञाननाशं यः स स्नायात्तु जटाभिधे। तीर्थे शुद्धतमे पुण्ये सर्वपापविनाशने

icchedajñānanāśaṁ yaḥ sa snāyāttu jaṭābhidhe tīrthe śuddhatame puṇye sarvapāpavināśane

Whoever desires the destruction of ignorance should bathe in the tirtha called Jata, the purest and holiest, destroying all sin.

Verse 38 (skanda.3.20.38)

जटातीर्थमतस्त्वं च शुक गच्छ महामते। मनःशुद्धिप्रदं तस्मिन्स्नानं च कुरु पुण्यदे

jaṭātīrthamatastvaṁ ca śuka gaccha mahāmate manaḥśuddhipradaṁ tasminsnānaṁ ca kuru puṇyade

Therefore, O Shuka, go to Jatatirtha, O wise one; bathe in that bestower of purity of mind, that bestower of merit."

Verse 39 (skanda.3.20.39)

पित्रैवमुक्तो व्यासेन शुकः पुत्रस्तदा द्विजाः। रामसेतुं महापुण्यं गन्धमादनपर्वतम्

pitraivamukto vyāsena śukaḥ putrastadā dvijāḥ rāmasetuṁ mahāpuṇyaṁ gandhamādanaparvatam

Thus addressed by his father Vyasa, Shuka, that son, O brahmins, then, to the greatly holy Rama's Setu, Mount Gandhamadana,

Verse 40 (skanda.3.20.40)

अगमत्स्नातुकामः सञ्जटातीर्थे विशुद्धिदे। स्नात्वा संकल्पपृर्वं च जटातीर्थे शुको मुनिः

agamatsnātukāmaḥ sañjaṭātīrthe viśuddhide snātvā saṁkalpapṛrvaṁ ca jaṭātīrthe śuko muniḥ

went, desiring to bathe, at Jatatirtha, the bestower of purification. Having bathed with due resolve at Jatatirtha, the sage Shuka,

Verse 41 (skanda.3.20.41)

मनःशुद्धिमनुप्राप्य तेन चाज्ञाननाशने। स्वस्वरूपं समापन्नः परमानंदरूपकम्

manaḥśuddhimanuprāpya tena cājñānanāśane svasvarūpaṁ samāpannaḥ paramānaṁdarūpakam

having attained purity of mind, and thereby the destruction of ignorance, attained his own true nature, of the form of supreme bliss.

Verse 42 (skanda.3.20.42)

ये चाप्यन्ये मनःशुद्धिकामाः संति द्विजोत्तमाः। जटातीर्थे तु ते सर्वे स्नातुं भक्तिपुरःसरम

ye cāpyanye manaḥśuddhikāmāḥ saṁti dvijottamāḥ jaṭātīrthe tu te sarve snātuṁ bhaktipuraḥsarama

And whatever other brahmins there are, desirous of purity of mind, let all of them bathe at Jatatirtha, with devotion foremost.

Verse 43 (skanda.3.20.43)

अहो जना जटातीर्थे कामधेनुसमे शुभे। विद्यमानेऽपि किं तुच्छे रमंतेन्यत्र मोहिताः

aho janā jaṭātīrthe kāmadhenusame śubhe vidyamāne'pi kiṁ tucche ramaṁtenyatra mohitāḥ

Alas, people, even when auspicious Jatatirtha, equal to the wish-granting cow, is present, deluded, sport elsewhere in trivial things - why?

Verse 44 (skanda.3.20.44)

भुक्तिकामो लभेद्भुक्तिं मुक्तिकामस्तु तां लभेत्। स्नानमात्राज्जटातीर्थे सत्यमुक्तं मया द्विजाः

bhuktikāmo labhedbhuktiṁ muktikāmastu tāṁ labhet snānamātrājjaṭātīrthe satyamuktaṁ mayā dvijāḥ

One desiring enjoyment obtains enjoyment; and one desiring liberation obtains that; by mere bathing at Jatatirtha - this I have spoken truly, O brahmins.

Verse 45 (skanda.3.20.45)

वेदानुवच नात्पुण्याद्यज्ञाद्दानात्तपोव्रतात्। उपवासाज्जपाद्योगान्मनःशुद्धिर्नृणां भवेत्

vedānuvaca nātpuṇyādyajñāddānāttapovratāt upavāsājjapādyogānmanaḥśuddhirnṛṇāṁ bhavet

From meritorious Vedic recitation, from sacrifice, from gifts, from austerity and vows, from fasting, from japa, from yoga - purity of mind comes to men;

Verse 46 (skanda.3.20.46)

विनाप्येतानि विप्रेंद्रा जटातीर्थेऽतिपावने। स्नानमात्रान्मनःशुद्धिर्ब्राह्मणानां ध्रुवं भवेत्

vināpyetāni vipreṁdrā jaṭātīrthe'tipāvane snānamātrānmanaḥśuddhirbrāhmaṇānāṁ dhruvaṁ bhavet

but even without all these, O foremost of brahmins, at the exceedingly holy Jatatirtha, by mere bathing, purity of mind surely comes to brahmins.

Verse 47 (skanda.3.20.47)

जटातीर्थस्य माहात्म्यं मया वक्तुं न शक्यते। शंकरो वेत्ति तत्तीर्थं हरिर्वेत्ति विधिस्तथा

jaṭātīrthasya māhātmyaṁ mayā vaktuṁ na śakyate śaṁkaro vetti tattīrthaṁ harirvetti vidhistathā

The greatness of Jatatirtha cannot be told by me; Shankara knows that tirtha, and Hari knows it, and likewise Vidhi (Brahma).

Verse 48 (skanda.3.20.48)

जटातीर्थसमंतीर्थं न भूतं न भविष्यति। जटातीर्थस्य तीरे यः क्षेत्रपिंडं समाचरेत्

jaṭātīrthasamaṁtīrthaṁ na bhūtaṁ na bhaviṣyati jaṭātīrthasya tīre yaḥ kṣetrapiṁḍaṁ samācaret

There has been, and there will be, no tirtha equal to Jatatirtha. Whoever performs the field-oblation (kshetra-pinda) on the bank of Jatatirtha -

Verse 49 (skanda.3.20.49)

गयाश्राद्धसमंपुण्यंतस्य स्यान्नात्र संशयः। जटातीर्थे नरः स्नात्वा न पापेन विलिप्यते। दारिद्र्यं न समाप्नोति नेयाच्च नरकार्णवम्

gayāśrāddhasamaṁpuṇyaṁtasya syānnātra saṁśayaḥ jaṭātīrthe naraḥ snātvā na pāpena vilipyate dāridryaṁ na samāpnoti neyācca narakārṇavam

merit equal to a shraddha at Gaya shall be his, without doubt. Bathing at Jatatirtha, a man is not tainted by sin; he does not fall into poverty, nor does he go to the ocean of hell.

Verse 50 (skanda.3.20.50)

श्रीसूत उवाच। एवं वः कथितं विप्रा जटातीर्थस्य वैभवम्

śrīsūta uvāca evaṁ vaḥ kathitaṁ viprā jaṭātīrthasya vaibhavam

Suta said: Thus has been told to you, O brahmins, the greatness of Jatatirtha,

Verse 51 (skanda.3.20.51)

यत्र व्याससुतो योगी स्नात्वा पापविमोचने। अवाप्तवान्मनःशुद्धिमद्वैतज्ञानसाधनाम्

yatra vyāsasuto yogī snātvā pāpavimocane avāptavānmanaḥśuddhimadvaitajñānasādhanām

where the yogi son of Vyasa (Shuka), having bathed, in that releaser from sin, attained purity of mind, the means of non-dual knowledge.

Verse 52 (skanda.3.20.52)

यस्त्विमं पठतेऽध्यायं शृणुते वा समाहितः। स विधूयेह पापानि लभते वैष्णवं पदम्

yastvimaṁ paṭhate'dhyāyaṁ śṛṇute vā samāhitaḥ sa vidhūyeha pāpāni labhate vaiṣṇavaṁ padam

Whoever reads this chapter, or hears it with a composed mind, shall shake off his sins here and attain the Vaishnava state (Vishnu's abode).