Ramachandra's Teaching of the Knowledge of Truth

Verse 1 (skanda.3.45.1)

श्रीसूत उवाच । एवं प्रतिष्ठिते लिंगे रामेणाक्लिष्टकारिणा । लिंगं वरं समादाय मारुतिः सहसाऽऽययौ

śrīsūta uvāca evaṁ pratiṣṭhite liṅge rāmeṇākliṣṭakāriṇā liṅgaṁ varaṁ samādāya mārutiḥ sahasā'yayau

Shri Suta said: Thus, when the linga had been established by Rama, who acts without effort, Maruti (Hanuman) suddenly arrived, bearing the excellent linga.

Verse 2 (skanda.3.45.2)

रामं दाशरथिं वीरमभिवाद्य स मारुतिः । वैदेहीलक्ष्मणौ पश्चात्सुग्रीवं प्रणनाम च

rāmaṁ dāśarathiṁ vīram abhivādya sa mārutiḥ vaidehīlakṣmaṇau paścāt sugrīvaṁ praṇanāma ca

That Maruti, having bowed to the heroic Rama, son of Dasharatha, then bowed to Vaidehi and Lakshmana, and to Sugriva as well.

Verse 3 (skanda.3.45.3)

सीता सैकतलिंगं तत्पूजयंतं रघूद्वहम् । दृष्ट्वाथ मुनिभिः सार्द्धं चुकोप पवनात्मजः

sītā saikataliṅgaṁ tat pūjayantaṁ raghūdvaham dṛṣṭvātha munibhiḥ sārdhaṁ cukopa pavanātmajaḥ

Seeing that foremost of the Raghu lineage, together with the sages, worshipping the sand linga made by Sita, the son of the Wind became enraged.

Verse 4 (skanda.3.45.4)

अत्यंतं खेदखिन्नः सन्वृथाकृतपरिश्रमः । उवाच रामं धर्मज्ञं हनूमानंजनात्मजः

atyantaṁ khedakhinnaḥ san vṛthākṛtapariśramaḥ uvāca rāmaṁ dharmajñaṁ hanūmān añjanātmajaḥ

Deeply distressed with sorrow, feeling his effort had been rendered vain, Hanuman, son of Anjana, said to Rama, the knower of dharma.

Verse 5 (skanda.3.45.5)

हनूमानुवाच । दुर्जातोऽहं वृथा राम लोके क्लेशाय केवलम् । खिन्नोऽस्मि बहुशो देव राक्षसैः क्रूरकर्मभिः

hanūmān uvāca durjāto'haṁ vṛthā rāma loke kleśāya kevalam khinno'smi bahuśo deva rākṣasaiḥ krūrakarmabhiḥ

Hanuman said: O Rama, I have been born in vain, only for suffering in this world. O Lord, I have been distressed many times by the cruel-deeded demons.

Verse 6 (skanda.3.45.6)

मा स्म सीमंतिनी काचिज्जनयेन्मादृशं सुतम् । यतोऽनुभूयते दुःखमनंतं भवसागरे

mā sma sīmantinī kācij janayen mādṛśaṁ sutam yato'nubhūyate duḥkham anantaṁ bhavasāgare

Let no wedded woman ever bear a son like me, through whom endless suffering must be endured in this ocean of existence.

Verse 7 (skanda.3.45.7)

खिन्नोऽस्मि सेवया पूर्वं युद्धेनापि ततोधिकम् । अनन्तं दुःखमधुना यतो मामवमन्यसे

khinno'smi sevayā pūrvaṁ yuddhenāpi tato'dhikam anantaṁ duḥkham adhunā yato mām avamanyase

I was distressed before by service, and even more by war; and now endless sorrow has come, because you dishonor me.

Verse 8 (skanda.3.45.8)

सुग्रीवेण च भार्यार्थं राज्यार्थं राक्षसेन च । रावणावरजेन त्वं सेवितो ऽसि रघूद्वह

sugrīveṇa ca bhāryārthaṁ rājyārthaṁ rākṣasena ca rāvaṇāvarajena tvaṁ sevito'si raghūdvaha

O foremost of the Raghu lineage, you have been served by Sugriva for the sake of his wife, and by the demon (Vibhishana), Ravana's younger brother, for the sake of his kingdom.

Verse 9 (skanda.3.45.9)

मया निर्हेतुकं राम सेवितोऽसि महामते । वानराणामनेकेषु त्वयाज्ञप्तोऽहमद्य वै

mayā nirhetukaṁ rāma sevito'si mahāmate vānarāṇām anekeṣu tvayājñapto'ham adya vai

O Rama, O wise one, I alone have served you without any motive. Today, among the many monkeys, you commanded me,

Verse 10 (skanda.3.45.10)

शिवलिंगं समानेतुं कैलासात्पर्वतो त्तमात् । कैलासं त्वरितो गत्वा न चापश्यं पिनाकिनम्

śivaliṅgaṁ samānetuṁ kailāsāt parvatottamāt kailāsaṁ tvarito gatvā na cāpaśyaṁ pinākinam

to bring a Shiva-linga from the excellent mountain Kailasa. Having gone swiftly to Kailasa, I did not behold the wielder of the Pinaka.

Verse 11 (skanda.3.45.11)

तपसा प्रीणयित्वा तं सांबं वृषभवाहनम् । प्राप्तलिंगो रघुपते त्वरितः समु पागतः

tapasā prīṇayitvā taṁ sāmbaṁ vṛṣabhavāhanam prāptaliṅgo raghupate tvaritaḥ samupāgataḥ

Having propitiated with austerity that bull-mounted Shiva together with Amba, O lord of the Raghus, having obtained the linga, I have swiftly arrived here.

Verse 12 (skanda.3.45.12)

अन्यलिंगं त्वमधुना प्रतिष्ठाप्य तु सैकतम् । मुनिभिर्देवगन्धर्वैः साकं पूजयसे विभो

anyaliṅgaṁ tvam adhunā pratiṣṭhāpya tu saikatam munibhir devagandharvaiḥ sākaṁ pūjayase vibho

But, O Lord, you have now established another linga of sand, and, together with sages, gods, and gandharvas, you are worshipping it.

Verse 13 (skanda.3.45.13)

मयानीतमिदं लिंगं कैलासा त्पर्वताद्वृथा । अहो भाराय मे देहो मन्दभाग्यस्यजायते

mayānītam idaṁ liṅgaṁ kailāsāt parvatād vṛthā aho bhārāya me deho mandabhāgyasya jāyate

This linga of mine, brought from Mount Kailasa, has become useless. Alas, my body, unfortunate as it is, has become nothing but a burden.

Verse 14 (skanda.3.45.14)

भूतलस्य महाराज जानकीरमण प्रभो । इदं दुःखमहं सोढुं न शक्नोमि रघूद्वह

bhūtalasya mahārāja jānakīramaṇa prabho idaṁ duḥkham ahaṁ soḍhuṁ na śaknomi raghūdvaha

O great king of this earth, O beloved of Janaki, O Lord, O foremost of the Raghu lineage, I am not able to bear this sorrow.

Verse 15 (skanda.3.45.15)

किं करिष्यामि कुत्राहं गमिष्यामि न मे गतिः । अतः शरीरं त्यक्ष्यामि त्वयाहमवमानितः

kiṁ kariṣyāmi kutrāhaṁ gamiṣyāmi na me gatiḥ ataḥ śarīraṁ tyakṣyāmi tvayāham avamānitaḥ

What shall I do now, where shall I go? There is no course open to me. Therefore I shall give up my body, for I have been dishonored by you.

Verse 16 (skanda.3.45.16)

श्रीसूत उवाच । एवं स बहुशो विप्राः क्रुशित्वा पवनात्मजः । दण्डवत्प्रणतो भूमौ क्रोधशोकाकुलोऽभवत्

śrīsūta uvāca evaṁ sa bahuśo viprāḥ kruśitvā pavanātmajaḥ daṇḍavat praṇato bhūmau krodhaśokākulo'bhavat

Shri Suta said: O brahmins, having lamented thus many times, the son of the Wind, prostrating himself flat upon the ground, became overwhelmed with anger and grief.

Verse 17 (skanda.3.45.17)

तं दृष्ट्वा रघुनाथोऽपि प्रहसन्निदमब्रवीत् । पश्यतां सवदेवानां मुनीनां कपिरक्षसाम् । सांत्वयन्मारुतिं तत्र दुःखं चास्य प्रमार्जयन्

taṁ dṛṣṭvā raghunātho'pi prahasann idam abravīt paśyatāṁ savadevānāṁ munīnāṁ kapirakṣasām sāntvayan mārutiṁ tatra duḥkhaṁ cāsya pramārjayan

Seeing him, Raghunatha too, smiling, before the very eyes of all the gods, sages, monkeys, and demons, comforting Maruti and dispelling his sorrow, said this.

Verse 18 (skanda.3.45.18)

श्रीराम उवाच । सर्वं जानाम्यहं कार्यमात्मनोऽपि परस्य च

śrīrāma uvāca sarvaṁ jānāmy ahaṁ kāryam ātmano'pi parasya ca

Shri Rama said: I know everything that must be done, both my own and that of others.

Verse 19 (skanda.3.45.19)

जातस्य जायमानस्य मृतस्यापि सदा कपे । जायते म्रियते जन्तुरेक एव स्वकर्मणा

jātasya jāyamānasya mṛtasyāpi sadā kape jāyate mriyate jantur eka eva svakarmaṇā

O monkey, of the one born, being born, and even the one who has died — a being, alone, is born and dies by his own karma.

Verse 20 (skanda.3.45.20)

प्रयाति नरकं चापि परमात्मा तु निर्गुणः । एवं तत्त्वं विनिश्चित्य शोकं मा कुरु वानर

prayāti narakaṁ cāpi paramātmā tu nirguṇaḥ evaṁ tattvaṁ viniścitya śokaṁ mā kuru vānara

and he alone goes to hell; but the Supreme Self is without attributes. Having ascertained this truth, O monkey, do not grieve.

Verse 21 (skanda.3.45.21)

लिंगत्रयविनिर्मुक्तं ज्योतिरेकं निरंजनम् । निराश्रयं निर्विकारमात्मानं पश्य नित्यशः

liṅgatrayavinirmuktaṁ jyotir ekaṁ nirañjanam nirāśrayaṁ nirvikāram ātmānaṁ paśya nityaśaḥ

See ever the Self — free of the three bodies, the one stainless light, without support, without change.

Verse 22 (skanda.3.45.22)

किमर्थं कुरुषे शोकं तत्त्वज्ञानस्य बाधकम् । तत्त्वज्ञाने सदा निष्ठां कुरु वानरसत्तम

kim arthaṁ kuruṣe śokaṁ tattvajñānasya bādhakam tattvajñāne sadā niṣṭhāṁ kuru vānarasattama

Why do you engage in grief, which obstructs the knowledge of truth? O best of monkeys, hold ever to steadfastness in the knowledge of truth.

Verse 23 (skanda.3.45.23)

स्वयंप्रकाशमात्मानं ध्यायस्व सततं कपे । देहादौ ममतां मुंच तत्त्वज्ञानविरोधिनीम्

svayamprakāśam ātmānaṁ dhyāyasva satataṁ kape dehādau mamatāṁ muñca tattvajñānavirodhinīm

O monkey, meditate always on the self-luminous Self. Abandon attachment to the body and the like, which is the enemy of the knowledge of truth.

Verse 24 (skanda.3.45.24)

धर्मं भजस्व सततं प्राणिहिंसां परित्यज । सेवस्व साधुपुरुषाञ्जहि सर्वेंद्रियाणि च

dharmaṁ bhajasva satatam prāṇihiṁsāṁ parityaja sevasva sādhupuruṣāñ jahi sarvendriyāṇi ca

Cultivate dharma always; abandon violence toward living beings. Serve holy men, and subdue all the senses.

Verse 25 (skanda.3.45.25)

परित्यजस्व सततमन्येषां दोषकीर्तनम् । शिवविष्ण्वादिदेवानामर्चां कुरु सदा कपे

parityajasva satatam anyeṣāṁ doṣakīrtanam śivaviṣṇvādidevānām arcāṁ kuru sadā kape

Always give up the proclaiming of others' faults. O monkey, always perform the worship of Shiva, Vishnu, and the other gods.

Verse 26 (skanda.3.45.26)

सत्यं वदस्व सततं परित्यज शुचं कपे । प्रत्यग्ब्रह्मैकताज्ञानं मोहवस्तुसमुद्गतम्

satyaṁ vadasva satataṁ parityaja śucaṁ kape pratyagbrahmaikatājñānaṁ mohavastusamudgatam

Always speak the truth; O monkey, abandon sorrow. The knowledge of the oneness of the inner self and Brahman, arising from what is born of delusion,

Verse 27 (skanda.3.45.27)

शोभनाशोभना भ्रांतिः कल्पि तास्मिन्यथार्थवत् । अध्यास्ते शोभनत्वेन पदार्थे मोहवैभवात्

śobhanāśobhanā bhrāntiḥ kalpitāsmin yathārthavat adhyāste śobhanatvena padārthe mohavaibhavāt

— the illusion of good and bad is superimposed upon it as though real. By the power of delusion, the quality of 'goodness' is superimposed upon an object.

Verse 28 (skanda.3.45.28)

रोगो विजायते नृणां भ्रांतानां कपिसत्तम । रागद्वेषबलाद्बद्धा धर्मा धर्मवशंगताः

rogo vijāyate nṛṇāṁ bhrāntānāṁ kapisattama rāgadveṣabalād baddhā dharmā dharmavaśaṅgatāḥ

O best of monkeys, disease arises for men who are deluded. Bound by the force of attachment and aversion, subject to dharma and adharma,

Verse 29 (skanda.3.45.29)

देवतिर्यङ्मनुष्याद्या निरयं यांति मानवाः । चंदनागरुकर्पूरप्रमुखा अतिशोभनाः

devatiryaṅmanuṣyādyā nirayaṁ yānti mānavāḥ candanāgarukarpūrapramukhā atiśobhanāḥ

men go to the realms of gods, animals, humans, and the like, and also to hell. Sandalwood, aloeswood, camphor, and the like — most beautiful things—

Verse 30 (skanda.3.45.30)

मलं भवंति यत्स्पर्शात्तच्छरीरं कथं सुखम् । भक्ष्यभोज्यादयः सर्वे पदार्था अतिशोभनाः

malaṁ bhavanti yat sparśāt tac charīraṁ kathaṁ sukham bhakṣyabhojyādayaḥ sarve padārthā atiśobhanāḥ

become filth by mere contact with it — how then can that body be a source of happiness? All most beautiful edible and food substances,

Verse 31 (skanda.3.45.31)

विष्ठा भवंति यत्संगात्तच्छरीरं कथं सुखम् । सुगंधि शीतलं तोयं मूत्रं यत्संगमाद्भवेत्

viṣṭhā bhavanti yat saṅgāt tac charīraṁ kathaṁ sukham sugandhi śītalaṁ toyaṁ mūtraṁ yat saṅgamād bhavet

become excrement by association with it — how then can that body be a source of happiness? Fragrant, cool water too, which by association with it becomes urine,

Verse 32 (skanda.3.45.32)

तत्कथं शोभनं पिंडं भवेद्ब्रूहि कपेऽधुना । अतीव धवलाः शुद्धाः पटा यत्संगमेनहि

tat kathaṁ śobhanaṁ piṇḍaṁ bhaved brūhi kape'dhunā atīva dhavalāḥ śuddhāḥ paṭā yat saṅgamena hi

how, then, can that body be called beautiful? Tell me now, O monkey. Even most white, pure garments, which by contact with it—

Verse 33 (skanda.3.45.33)

भवंति मलिनाः स्वेदात्तत्कथं शोभनं भवेत । श्रूयतां परमार्थो मे हनूमन्वायुनंदन

bhavanti malināḥ svedāt tat kathaṁ śobhanaṁ bhaveta śrūyatāṁ paramārtho me hanūman vāyunandana

become soiled by sweat — how could it be called beautiful? O Hanuman, O son of the Wind, hear my supreme teaching.

Verse 34 (skanda.3.45.34)

अस्मिन्संसारगर्ते तु किंचित्सौख्यं न विद्यते । प्रथमं जंतुराप्नोति जन्म बाल्यं ततः परम्

asmin saṁsāragarte tu kiñcit saukhyaṁ na vidyate prathamaṁ jantur āpnoti janma bālyaṁ tataḥ param

In this pit of worldly existence, no happiness whatsoever exists. First a being obtains birth, and after that, childhood,

Verse 35 (skanda.3.45.35)

पश्चाद्यौवनमाप्नोति ततो वार्धक्यमश्नुते । पश्चान्मृत्युमवाप्नोति पुनर्जन्म तदश्नुते

paścād yauvanam āpnoti tato vārdhakyam aśnute paścān mṛtyum avāpnoti punarjanma tad aśnute

then he attains youth, then he attains old age. Then he attains death, and then again he attains rebirth.

Verse 36 (skanda.3.45.36)

अज्ञानवैभवादेव दुःखमाप्नोति मानवः । तदज्ञान निवृत्तौ तु प्राप्नोति सुखमुत्तमम्

ajñānavaibhavād eva duḥkham āpnoti mānavaḥ tad ajñānanivṛttau tu prāpnoti sukham uttamam

It is only from the sway of ignorance that man obtains sorrow. Only when that ignorance is removed does he obtain the highest happiness.

Verse 37 (skanda.3.45.37)

अज्ञानस्य निवृत्तिस्तु ज्ञानादेव न कर्मणा । ज्ञानं नाम परं ब्रह्म ज्ञानं वेदांतवाक्यजम्

ajñānasya nivṛttis tu jñānād eva na karmaṇā jñānaṁ nāma paraṁ brahma jñānaṁ vedāntavākyajam

The removal of ignorance comes only from knowledge, not from action. Knowledge means the supreme Brahman; knowledge is born of the words of the Vedanta.

Verse 38 (skanda.3.45.38)

तज्ज्ञानं च विरक्तस्य जायते नेतरस्य हि । मुख्याधिकारिणः सत्यमाचार्यस्य प्रसादतः

taj jñānaṁ ca viraktasya jāyate netarasya hi mukhyādhikāriṇaḥ satyam ācāryasya prasādataḥ

And that knowledge arises only for the dispassionate, not for others — truly, for the principal qualified aspirant, by the grace of a teacher.

Verse 39 (skanda.3.45.39)

यदा सर्वे प्रमुच्यंते कामा येऽस्य हृदि स्थिताः । तदा मर्त्योऽमृतोऽत्रैव परं ब्रह्म समश्नुते

yadā sarve pramucyante kāmā ye'sya hṛdi sthitāḥ tadā martyo'mṛto'traiva paraṁ brahma samaśnute

When all the desires that dwell in his heart are relinquished, then the mortal, right here, becomes immortal and attains the supreme Brahman.

Verse 40 (skanda.3.45.40)

जाग्रतं च स्वपंतं च भुंजंतं च स्थितं तथा । इमं जनं सदा क्रूरः कृतांतः परिकर्षति

jāgrataṁ ca svapantaṁ ca bhuñjantaṁ ca sthitaṁ tathā imaṁ janaṁ sadā krūraḥ kṛtāntaḥ parikarṣati

Whether waking, sleeping, enjoying, or remaining still, cruel Death ever drags this person along.

Verse 41 (skanda.3.45.41)

सर्वे क्षयांता निचयाः पतनांताः समुच्छ्रयाः । संयोगा विप्रयोगांता मरणांतं च जीवितम्

sarve kṣayāntā nicayāḥ patanāntāḥ samucchrayāḥ saṁyogā viprayogāntā maraṇāntaṁ ca jīvitam

All accumulations end in decay, all rises end in falls, all unions end in separation, and life ends in death.

Verse 42 (skanda.3.45.42)

यथा फलानां पक्वानां नान्यत्र पतनाद्भयम् । यथा नराणां जातानां नान्यत्र पतनाद्भयम्

yathā phalānāṁ pakvānāṁ nānyatra patanād bhayam yathā narāṇāṁ jātānāṁ nānyatra patanād bhayam

As for ripened fruits there is no fear except of falling, so for men who are born there is no fear except of dying.

Verse 43 (skanda.3.45.43)

यथा गृहं दृढस्तंभं जीर्णं काले विनश्यति । एवं विनश्यंति नरा जरामृत्युवशंगताः

yathā gṛhaṁ dṛḍhastambhaṁ jīrṇaṁ kāle vinaśyati evaṁ vinaśyanti narā jarāmṛtyuvaśaṅgatāḥ

As a house with sturdy pillars, in time, decays and perishes, so men, subject to old age and death, perish.

Verse 44 (skanda.3.45.44)

अहोरात्रस्य गमनान्नृणामायुर्विनश्यति । आत्मानमनुशोच त्वं किमन्यमनुशोचसि

ahorātrasya gamanān nṛṇām āyur vinaśyati ātmānam anuśoca tvaṁ kim anyam anuśocasi

With the passing of day and night, the lifespan of men wastes away. Grieve for yourself — why do you grieve for another?

Verse 45 (skanda.3.45.45)

नश्यत्यायुः स्थितस्यापि धावतोऽपि कपीश्वर । सहैव मृत्युर्व्रजति सह मृत्युर्निषीदति

naśyaty āyuḥ sthitasyāpi dhāvato'pi kapīśvara sahaiva mṛtyur vrajati saha mṛtyur niṣīdati

O lord of monkeys, the lifespan wastes away both for one who is still and for one who runs. Death travels along together with one, sits together with one.

Verse 46 (skanda.3.45.46)

चरित्वा दूरदेशं च सह मृत्युर्निवर्तते । शरीरे वलयः प्राप्ताः श्वेता जाताः शिरोरुहाः

caritvā dūradeśaṁ ca saha mṛtyur nivartate śarīre valayaḥ prāptāḥ śvetā jātāḥ śiroruhāḥ

Having wandered to a distant land, Death returns together with one. Wrinkles appear on the body, the hair on the head turns white,

Verse 47 (skanda.3.45.47)

जीर्यते जरया देहः श्वासकासादिना तथा । यथा काष्ठं च काष्ठं च समेयातां महोदधौ

jīryate jarayā dehaḥ śvāsakāsādinā tathā yathā kāṣṭhaṁ ca kāṣṭhaṁ ca sameyātāṁ mahodadhau

the body wears away from old age and from breathlessness and coughing. Just as two pieces of wood might come together in the great ocean,

Verse 48 (skanda.3.45.48)

समेत्य च व्यपेयातां कालयोगेन वानर । एवं भार्या च पुत्रश्च वधुक्षेत्रधनानि च

sametya ca vyapeyātāṁ kālayogena vānara evaṁ bhāryā ca putraś ca vadhukṣetradhanāni ca

O monkey, and then, through the workings of time, separate again — so too wife, son, daughter-in-law, land, and wealth,

Verse 49 (skanda.3.45.49)

क्वचित्संभूय गच्छंति पुनरन्यत्र वानर । यथा हि पांथं गच्छंतं पथि कश्चित्पथि स्थितः

kvacit sambhūya gacchanti punar anyatra vānara yathā hi pānthaṁ gacchantaṁ pathi kaścit pathi sthitaḥ

O monkey, coming together somewhere, then go their separate ways again. Just as, on a road, some traveler walking along, and someone else standing on the road,

Verse 50 (skanda.3.45.50)

अहमप्या गमिष्यामि भवद्भिः साकमित्यथ । कंचित्कालं समेतौ तौ पुनरन्यत्र गच्छतः

aham apy āgamiṣyāmi bhavadbhiḥ sākam ity atha kañcit kālaṁ sametau tau punar anyatra gacchataḥ

saying 'I too shall go with you' — the two, having journeyed together for some time, then go their separate ways again.

Verse 51 (skanda.3.45.51)

एवं भार्यासुतादीनां संगमो नश्वरः कपे । शरीरजन्मना साकं मृत्युः संजायते ध्रुवम्

evaṁ bhāryāsutādīnāṁ saṅgamo naśvaraḥ kape śarīrajanmanā sākaṁ mṛtyuḥ sañjāyate dhruvam

O monkey, in just this way, union with wife, sons, and the rest is perishable. Together with the birth of the body, death too is certainly born.

Verse 52 (skanda.3.45.52)

अवश्यंभाविमरणे न हि जातु प्रतिक्रिया । एतच्छरीरपाते तु देही कर्मगतिं गतः

avaśyaṁbhāvimaraṇe na hi jātu pratikriyā etac charīrapāte tu dehī karmagatiṁ gataḥ

For inevitable death there is never any remedy. At the fall of this body, the embodied soul goes according to the course of its karma,

Verse 53 (skanda.3.45.53)

प्राप्य पिंडांतरं वत्स पूर्वपिंडं त्यजत्यसौ । प्राणिनां न सदैकत्र वासो भवति वानर

prāpya piṇḍāntaraṁ vatsa pūrvapiṇḍaṁ tyajaty asau prāṇināṁ na sadaikatra vāso bhavati vānara

O child, having obtained a new body, he abandons the previous body. O monkey, beings never dwell always in one place.

Verse 54 (skanda.3.45.54)

स्वस्वकर्मवशात्सर्वे वियुज्यंते पृथक्पृथक् । यथा प्राणिशरीराणि नश्यंति च भवंति च

svasvakarmavaśāt sarve viyujyante pṛthak pṛthak yathā prāṇiśarīrāṇi naśyanti ca bhavanti ca

Subject to their own respective karma, all are separated one from another. As the bodies of beings perish and come into being,

Verse 55 (skanda.3.45.55)

आत्मनो जन्ममरणे नैव स्तः कपिसत्तम । अतस्त्वमंजनासूनो विशोकं ज्ञानमद्वयं

ātmano janmamaraṇe naiva staḥ kapisattama atas tvam añjanāsūno viśokaṁ jñānam advayam

O best of monkeys, the Self is never born and never dies. Therefore, O son of Anjana, contemplate day and night that sorrowless, non-dual,

Verse 56 (skanda.3.45.56)

सद्रूपममलं ब्रह्म चिंतयस्व दिवानिशम् । त्वत्कृतं मत्कृतं कर्म मत्कृतं त्वाकृतं तथा

sadrūpam amalaṁ brahma cintayasva divāniśam tvatkṛtaṁ matkṛtaṁ karma matkṛtaṁ tvatkṛtaṁ tathā

being-formed, stainless Brahman. What is done by you is done by me, and what is done by me is likewise done by you —

Verse 57 (skanda.3.45.57)

मल्लिंगस्थापनं तस्मात्त्वल्लिंग स्थापनं कपे । मुहूर्तातिक्रमाल्लिंगं सैकतं सीतया कृतम्

malliṅgasthāpanaṁ tasmāt tvalliṅgasthāpanaṁ kape muhūrtātikramāl liṅgaṁ saikataṁ sītayā kṛtam

O monkey, therefore the establishing of the linga by me is the establishing of the linga by you. Because the auspicious moment had passed, the sand linga made by Sita,

Verse 58 (skanda.3.45.58)

मयात्र स्थापितं तस्मात्कोपं दुःखं च मा कुरु । कैलासादागतं लिंगं स्थापयास्मिच्छुभे दिने

mayātra sthāpitaṁ tasmāt kopaṁ duḥkhaṁ ca mā kuru kailāsād āgataṁ liṅgaṁ sthāpayāsminn chubhe dine

was established here by me; therefore do not be angry or grieve. Establish this linga brought from Kailasa on this auspicious day.

Verse 59 (skanda.3.45.59)

तव नाम्ना त्विदं लिंगं यातु लोकत्रये प्रथाम् । हनूमदीश्वरं दृष्ट्वा द्रष्टव्यो राघवेश्वरः

tava nāmnā tv idaṁ liṅgaṁ yātu lokatraye prathām hanūmadīśvaraṁ dṛṣṭvā draṣṭavyo rāghaveśvaraḥ

By your very name, let this linga attain fame in all three worlds. Having seen Hanumadishvara, one should then also see Raghaveshvara.

Verse 60 (skanda.3.45.60)

ब्रह्मराक्षसयूथानि हतानि भवता कपे । अतः स्वनाम्ना लिंगस्य स्थापनात्त्वं प्रमोक्ष्यसे

brahmarākṣasayūthāni hatāni bhavatā kape ataḥ svanāmnā liṅgasya sthāpanāt tvaṁ pramokṣyase

O monkey, you have slain hosts of brahmin-demons. Therefore, by establishing a linga in your own name, you shall be freed from that.

Verse 61 (skanda.3.45.61)

स्वयं हरेण दत्तं तु हनूमन्नामकं शिवम् । संपश्यन्रामनाथं च कृतकृत्यो भवेन्नरः

svayaṁ hareṇa dattaṁ tu hanūmannāmakaṁ śivam sampaśyan rāmanāthaṁ ca kṛtakṛtyo bhaven naraḥ

Shiva, named Hanuman, given by Hara himself — beholding him together with Ramanatha, a man becomes fulfilled.

Verse 62 (skanda.3.45.62)

योजनानां सहस्रेऽपि स्मृत्वा लिंगं हनूमतः । रामनाथेश्वरं चापि स्मृत्वा सायुज्यमाप्नुयात्

yojanānāṁ sahasre'pi smṛtvā liṅgaṁ hanūmataḥ rāmanātheśvaraṁ cāpi smṛtvā sāyujyam āpnuyāt

Even from a thousand yojanas away, remembering the linga of Hanuman and remembering Ramanatheshvara too, one attains union with the divine.

Verse 63 (skanda.3.45.63)

तेनेष्टं सर्वयज्ञैश्च तपश्चाकारि कृत्स्नशः । येन दृष्टौ महादेवौ हनूमद्राघवेश्वरौ

teneṣṭaṁ sarvayajñaiś ca tapaś cākāri kṛtsnaśaḥ yena dṛṣṭau mahādevau hanūmadrāghaveśvarau

By whoever has beheld both those Mahadevas, Hanumadishvara and Raghaveshvara, all sacrifices have been performed and every austerity accomplished.

Verse 64 (skanda.3.45.64)

हनूमता कृतं लिंगं यच्च लिंगं मया कृतम् । जानकीयं च यल्लिंगं यल्लिंगं लक्ष्मणेश्वरम्

hanūmatā kṛtaṁ liṅgaṁ yac ca liṅgaṁ mayā kṛtam jānakīyaṁ ca yal liṅgaṁ yal liṅgaṁ lakṣmaṇeśvaram

The linga made by Hanuman, and the linga made by me, Janaki's linga, and the linga named Lakshmaneshvara,

Verse 65 (skanda.3.45.65)

सुग्रीवेण कृतं यच्च सेतुकर्त्रा नलेन च । अंगदेन च नीलेन तथा जांबवता कृतम्

sugrīveṇa kṛtaṁ yac ca setukartrā nalena ca aṅgadena ca nīlena tathā jāmbavatā kṛtam

the one made by Sugriva, and by Nala the bridge-builder, by Angada, by Nila, and by Jambavan,

Verse 66 (skanda.3.45.66)

विभीषणेन यच्चापि रत्नलिंगं प्रतिष्ठितम् । इन्द्राद्यैश्च कृतं लिंगं यच्छेषाद्यैः प्रतिष्ठितम्

vibhīṣaṇena yac cāpi ratnaliṅgaṁ pratiṣṭhitam indrādyaiś ca kṛtaṁ liṅgaṁ yac cheṣādyaiḥ pratiṣṭhitam

the jeweled linga established by Vibhishana, the linga made by Indra and the others, and the one established by Shesha and the others —

Verse 67 (skanda.3.45.67)

इत्येकादशरूपोऽयं शिवः साक्षाद्विभासते । सदा ह्येतेषु लिंगेषु संनिधत्ते महेश्वरः

ity ekādaśarūpo'yaṁ śivaḥ sākṣād vibhāsate sadā hy eteṣu liṅgeṣu sannidhatte maheśvaraḥ

thus this Shiva shines forth visibly in eleven forms. In all these lingas, Maheshvara ever remains present.

Verse 68 (skanda.3.45.68)

तत्स्वपापौघशुद्ध्यर्थं स्थापयस्व महेश्वरम् । अथ चेत्त्वं महाभाग लिंगमुत्सादयिष्यसि

tat svapāpaughaśuddhyarthaṁ sthāpayasva maheśvaram atha cet tvaṁ mahābhāga liṅgam utsādayiṣyasi

Therefore, for the purification of your own accumulated sins, establish Maheshvara. Now, O most fortunate one, if you should uproot this linga,

Verse 69 (skanda.3.45.69)

मयात्र स्थापितं वत्स सीतया सैकतं कृतम् । स्थापयिष्यामि च ततो लिंगमेतत्त्वया कृतम्

mayātra sthāpitaṁ vatsa sītayā saikataṁ kṛtam sthāpayiṣyāmi ca tato liṅgam etat tvayā kṛtam

O child — this sand linga made by Sita, established here by me — then I shall establish this linga made by you.

Verse 70 (skanda.3.45.70)

पातालं सुतलं प्राप्य वितलं च रसातलम् । तलातलं च तदिदं भेदयित्वा तु तिष्ठति

pātālaṁ sutalaṁ prāpya vitalaṁ ca rasātalam talātalaṁ ca tad idaṁ bhedayitvā tu tiṣṭhati

This linga stands having pierced through Patala, Sutala, Vitala, Rasatala, and Talatala.

Verse 71 (skanda.3.45.71)

प्रतिष्ठितं मया लिंगं भेत्तुं कस्य बलं भवेत् । उत्तिष्ठ लिंगमुद्वास्य मयैतत्स्थापितं कपे

pratiṣṭhitaṁ mayā liṅgaṁ bhettuṁ kasya balaṁ bhavet uttiṣṭha liṅgam udvāsya mayaitat sthāpitaṁ kape

Who has the power to pierce this linga established by me? Rise, O monkey, uproot this linga established by me,

Verse 72 (skanda.3.45.72)

त्वया समाहृतं लिंगं स्थापयस्वाशु मा शुचः । इत्युक्तस्तं प्रणम्याथाज्ञातसत्त्वोऽथ वानरः

tvayā samāhṛtaṁ liṅgaṁ sthāpayasvāśu mā śucaḥ ityuktas taṁ praṇamyātha jñātasattvo'tha vānaraḥ

and quickly establish the linga you have brought; do not grieve. Thus addressed, having bowed to him, that monkey, unaware of the limits of his own strength,

Verse 73 (skanda.3.45.73)

उद्वासयामि वेगेन सैकतं लिंगमुत्त मम् । संस्थापयामि कैलासादानीतं लिंगमादरात्

udvāsayāmi vegena saikataṁ liṅgam uttamam saṁsthāpayāmi kailāsād ānītaṁ liṅgam ādarāt

(thought to himself) — 'I shall swiftly uproot this excellent sand linga, and reverently establish the linga brought from Kailasa.'

Verse 74 (skanda.3.45.74)

उद्वासने सैकतस्य कियान्भारो भवेन्मम । चेतसैवं विचार्यायं हनूमान्मारुता त्मजः

udvāsane saikatasya kiyān bhāro bhaven mama cetasaivaṁ vicāryāyaṁ hanūmān mārutātmajaḥ

How much of a burden could uprooting mere sand be for me? — having thus considered in his mind, that Hanuman, son of Vayu,

Verse 75 (skanda.3.45.75)

पश्यतां सर्वदेवानां मुनीनां कपिरक्षसाम् । पश्यतो रामचन्द्रस्य लक्ष्मणस्यापि पश्यतः

paśyatāṁ sarvadevānāṁ munīnāṁ kapirakṣasām paśyato rāmacandrasya lakṣmaṇasyāpi paśyataḥ

before the very eyes of all the gods, sages, monkeys, and demons, before the eyes of Ramachandra, and before the eyes of Lakshmana too,

Verse 76 (skanda.3.45.76)

पश्यंत्या अपि वैदेह्या लिंगं तत्सैकतं बलात् । पाणिना सर्वयत्नेन जग्राह तरसा बली

paśyantyā api vaidehyā liṅgaṁ tat saikataṁ balāt pāṇinā sarvayatnena jagrāha tarasā balī

and before the eyes of Vaidehi too, the mighty one forcefully seized that sand linga with his hand, with all his effort, swiftly.

Verse 77 (skanda.3.45.77)

यत्नेन महता चायं चालयन्नपि मारुतिः । नालं चालयितुं ह्यासीत्सैकतं लिंगमोजसा

yatnena mahatā cāyaṁ cālayann api mārutiḥ nālaṁ cālayituṁ hy āsīt saikataṁ liṅgam ojasā

Even trying with great effort to move it, that Maruti, with all his might, was unable to shift the sand linga.

Verse 78 (skanda.3.45.78)

ततः किलकिलाशब्दं कुर्वन्वानरपुंगवः । पुच्छमुद्यम्य पाणिभ्यां निरास्थत्तन्निजौजसा

tataḥ kilakilāśabdaṁ kurvan vānarapuṅgavaḥ pucchamudyamya pāṇibhyāṁ nirāsthat tannijaujasā

Then, making a chattering cry, that bull among monkeys, raising his tail, with both hands, with his own strength, strove to dislodge it.

Verse 79 (skanda.3.45.79)

इत्यनेकप्रकारेण चाल यन्नपि वानरः । नैव चालयितुं शक्तो बभूव पवनात्मजः

ity anekaprakāreṇa cālayann api vānaraḥ naiva cālayituṁ śakto babhūva pavanātmajaḥ

Thus, trying to move it in many ways, that monkey, the son of the Wind, was still unable to move it.

Verse 80 (skanda.3.45.80)

तद्वेष्टयित्वा पुच्छेन पाणिभ्यां धरणीं स्पृशन् । उत्पपाताथ तरसा व्योम्नि वायुसुतः कपिः

tad veṣṭayitvā pucchena pāṇibhyāṁ dharaṇīṁ spṛśan utpapātātha tarasā vyomni vāyusutaḥ kapiḥ

Coiling it with his tail, touching the earth with both hands, that monkey, son of the Wind, then leapt up swiftly into the sky.

Verse 81 (skanda.3.45.81)

कंपयन्स धरां सर्वां सप्तद्वीपां सपर्वतम् । लिंगस्य क्रोशमात्रे तु मूर्च्छितो रुधिरं वमन्

kampayan sa dharāṁ sarvāṁ saptadvīpāṁ saparvatam liṅgasya krośamātre tu mūrcchito rudhiraṁ vaman

shaking the entire earth with its seven continents and mountains, but at just a krosha's distance from the linga, he fell unconscious, vomiting blood,

Verse 82 (skanda.3.45.82)

पपात हनुमान्विप्राः कंपितांगो धरातले । पततो वायुपुत्रस्य वक्त्राच्च नयनद्वयात्

papāta hanumān viprāḥ kampitāṅgo dharātale patato vāyuputrasya vaktrāc ca nayanadvayāt

O brahmins, Hanuman fell to the ground, his limbs trembling. As that son of the Wind fell, from his mouth and from both his eyes,

Verse 83 (skanda.3.45.83)

नासापुटाच्छ्रोत्ररंध्रादपानाच्च द्विजोत्तमाः । रुधिरौघः प्रसुस्राव रक्तकुण्ड मभूच्च तत्

nāsāpuṭāc chrotrarandhrād apānāc ca dvijottamāḥ rudhiraughaḥ prasusrāva raktakuṇḍam abhūc ca tat

O best of brahmins, from the nostrils, from the ear-holes, and from the anus too, a stream of blood flowed forth, and it became a pool of blood.

Verse 84 (skanda.3.45.84)

ततो हाहाकृतं सर्वं सदेवासुरमानुषम् । धावंतौ कपिभिः सार्द्धमुभौ तौ रामलक्ष्मणौ

tato hāhākṛtaṁ sarvaṁ sadevāsuramānuṣam dhāvantau kapibhiḥ sārdham ubhau tau rāmalakṣmaṇau

Then a cry of woe arose from all, gods, demons, and men together. Running along with the monkeys, those two, Rama and Lakshmana,

Verse 85 (skanda.3.45.85)

जानकीसहितौ विप्रा ह्यास्तां शोकाकुलौ तदा । सीतया सहितौ वीरौ वानरैश्च महाबलौ

jānakīsahitau viprā hy āstāṁ śokākulau tadā sītayā sahitau vīrau vānaraiś ca mahābalau

O brahmins, together with Janaki, were then overwhelmed with grief. Together with Sita, together with the monkeys, those two mighty heroes,

Verse 86 (skanda.3.45.86)

रुरुचाते तदा विप्रा गन्धमादनपर्वते । यथा तारागणयुतौ रजन्यां शशि भास्करौ

rurucāte tadā viprā gandhamādanaparvate yathā tārāgaṇayutau rajanyāṁ śaśibhāskarau

O brahmins, shone forth then upon Mount Gandhamadana, like the moon and the sun surrounded by stars at night.

Verse 87 (skanda.3.45.87)

ददर्शतुर्हनूमंतं चूर्णीकृतकलेवरम् । मूर्च्छितं पतितं भूमौ वमन्तं रुधिरं मुखात्

dadarśatur hanūmantaṁ cūrṇīkṛtakalevaram mūrcchitaṁ patitaṁ bhūmau vamantaṁ rudhiraṁ mukhāt

The two of them beheld Hanuman, his body pulverized, fallen unconscious upon the ground, vomiting blood from his mouth.

Verse 88 (skanda.3.45.88)

विलोक्य कपयः सर्वे हाहाकृत्वाऽपतन्भुवि । कराभ्यां सदयं सीता हनूमंतं मरुत्सुतम्

vilokya kapayaḥ sarve hāhākṛtvā'patan bhuvi karābhyāṁ sadayaṁ sītā hanūmantaṁ marutsutam

Seeing this, all the monkeys, crying out in woe, collapsed to the ground. Sita, with both hands, compassionately, touched Hanuman, son of the Wind,

Verse 89 (skanda.3.45.89)

ताततातेति पस्पर्श पतितं धरणीतले । रामोऽपि दृष्ट्वा पतितं हनूमंतं कपीश्वरम्

tātatāteti pasparśa patitaṁ dharaṇītale rāmo'pi dṛṣṭvā patitaṁ hanūmantaṁ kapīśvaram

saying 'O child, O child,' as he lay fallen on the ground. Rama too, seeing the lord of monkeys, Hanuman, fallen,

Verse 90 (skanda.3.45.90)

आरोप्यांकं स्वपाणिभ्यामाममर्श कलेवरम् । विमुंचन्नेत्रजं वारि वायुजं चाव्रवीद्द्विजाः

āropyāṅkaṁ svapāṇibhyām āmamarśa kalevaram vimuñcan netrajaṁ vāri vāyujaṁ cāvravīd dvijāḥ

raised him onto his own lap and stroked his body with his own hands. O brahmins, shedding tears from his eyes, Rama said to the son of the Wind —