The Glory of Chyavaneshvara

Verse 1 (skanda.5.101.1)

श्रीविश्वनाथ उवाच। त्रिंशत्तमं विजानीहि त्वं देवि च्यवनेश्वरम्। यस्य दर्शनमात्रेण स्वर्गभ्रंशो न जायते

śrīviśvanātha uvāca| triṁśattamaṁ vijānīhi tvaṁ devi cyavaneśvaram| yasya darśanamātreṇa svargabhraṁśo na jāyate

Shri Vishvanatha said: Know, O Devi, the thirtieth deity as Chyavaneshvara — by whose mere sight one never falls from heaven.

Verse 2 (skanda.5.101.2)

भृगोर्महर्षेः पुत्रश्च च्यवनो नाम पार्वति। स्थाणुभूतस्तपस्तेपे निराहारो महामुनिः

bhṛgormaharṣeḥ putraśca cyavano nāma pārvati| sthāṇubhūtastapastepe nirāhāro mahāmuniḥ

The great sage Chyavana, O Parvati, son of the great sage Bhrigu, stood motionless as a post and performed austerities without food.

Verse 3 (skanda.5.101.3)

वितस्तायास्तटे रम्ये बहुवर्षगणान्किल। सवल्मीकोऽभवद्विप्रो लताभिरभिसंवृतः

vitastāyāstaṭe ramye bahuvarṣagaṇānkila| savalmīko'bhavadvipro latābhirabhisaṁvṛtaḥ

On the lovely bank of the Vitasta, for many years, that Brahmin became covered by an anthill and enveloped by creepers.

Verse 4 (skanda.5.101.4)

कालेन महता देवि समाकीर्णः पिपीलकैः। तथा स संवृतो धीमान्मृत्पिंड इव सर्वशः

kālena mahatā devi samākīrṇaḥ pipīlakaiḥ| tathā sa saṁvṛto dhīmānmṛtpiṁḍa iva sarvaśaḥ

In the course of a long time, O Devi, he became covered with ants; thus that wise one was entirely enveloped, like a lump of clay.

Verse 5 (skanda.5.101.5)

आजगाम तमुद्देशं विहर्तुं वन उत्तमे। शर्यातिर्नाम धर्मात्मा सकुटुंबो मुदान्वितः

ājagāma tamuddeśaṁ vihartuṁ vana uttame| śaryātirnāma dharmātmā sakuṭuṁbo mudānvitaḥ

To that place, to roam in the excellent forest, there came, joyful and with his family, the righteous king named Sharyati.

Verse 6 (skanda.5.101.6)

तस्य स्त्रीणां सहस्राणि चत्वार्यासन्परिग्रहः। एकैव तु सुता सुभ्रूः सुकन्यानाम नामतः

tasya strīṇāṁ sahasrāṇi catvāryāsanparigrahaḥ| ekaiva tu sutā subhrūḥ sukanyānāma nāmataḥ

He had four thousand wives as his household; but only a single daughter, of lovely brows, named Sukanya.

Verse 7 (skanda.5.101.7)

सा सखीभिः परिवृता सर्वाभरणभूषिता। सा भ्रम्यमाणा वल्मीके दृष्ट्वा भार्गवचक्षुषी

sā sakhībhiḥ parivṛtā sarvābharaṇabhūṣitā| sā bhramyamāṇā valmīke dṛṣṭvā bhārgavacakṣuṣī

She, surrounded by her companions and adorned with every ornament, wandering about, saw within the anthill the eyes of the son of Bhrigu.

Verse 8 (skanda.5.101.8)

सा कौतुकात्कण्टकेन बुद्धिमोहवती तदा। किं नु खल्विदमित्युक्त्वा निर्बिभेदास्य लोचने

sā kautukātkaṇṭakena buddhimohavatī tadā| kiṁ nu khalvidamityuktvā nirbibhedāsya locane

Out of curiosity, her mind confused, saying 'What indeed is this?', she then pierced his eyes with a thorn.

Verse 9 (skanda.5.101.9)

अभवत्स तया विद्धो नेत्रयोः परमार्तिमान्। ततः शर्यातिसैन्यस्य शकृन्मूत्रं समारुणत्

abhavatsa tayā viddho netrayoḥ paramārtimān| tataḥ śaryātisainyasya śakṛnmūtraṁ samāruṇat

Pierced by her in both eyes, he became greatly afflicted with pain; then he obstructed the excretion of Sharyati's army.

Verse 10 (skanda.5.101.10)

ततो रुद्धे शकृन्मूत्रे पर्यतप्यत पार्थिवः। प्रत्युवाच ततः क्रुद्धो राजा गद्गदया गिरा

tato ruddhe śakṛnmūtre paryatapyata pārthivaḥ| pratyuvāca tataḥ kruddho rājā gadgadayā girā

When excretion was thus obstructed, the king was distressed; then, enraged, the king spoke in a choked voice.

Verse 11 (skanda.5.101.11)

केनापकृतमद्येह भार्गवस्य महात्मनः। तपोनित्यस्य वृद्धस्य रोषणस्य विशेषतः

kenāpakṛtamadyeha bhārgavasya mahātmanaḥ| taponityasya vṛddhasya roṣaṇasya viśeṣataḥ

'Who today has done wrong here to the great-souled son of Bhrigu — ever devoted to austerity, aged, and especially prone to anger?'

Verse 12 (skanda.5.101.12)

ज्ञातं वा यदि वाज्ञातं तदिदं ब्रूत मा चिरम्। तमूचुः सैनिकाः सर्वे न विद्मोऽपकृतं वयम्

jñātaṁ vā yadi vājñātaṁ tadidaṁ brūta mā ciram| tamūcuḥ sainikāḥ sarve na vidmo'pakṛtaṁ vayam

'Whether known or unknown, tell me this without delay.' All the soldiers said to him: 'We know of no wrong we have done.'

Verse 13 (skanda.5.101.13)

ततः स पृथिवीपालः साम्ना चोग्रेण च स्वयम्। पर्यपृच्छत्स्ववर्ग च भूयोभूयः सुदुःखितः

tataḥ sa pṛthivīpālaḥ sāmnā cogreṇa ca svayam| paryapṛcchatsvavarga ca bhūyobhūyaḥ suduḥkhitaḥ

Then that lord of the earth, greatly distressed, himself questioned his own retinue again and again, gently as well as sternly.

Verse 14 (skanda.5.101.14)

पितरं दुःखितं दृष्ट्वा सुकन्या तमथाब्रवीत्। मया किंचिच्च वल्मीके दृष्टं सत्त्वमतिच्छवि

pitaraṁ duḥkhitaṁ dṛṣṭvā sukanyā tamathābravīt| mayā kiṁcicca valmīke dṛṣṭaṁ sattvamaticchavi

Seeing her father distressed, Sukanya then said to him: 'I saw something of great brilliance within the anthill.'

Verse 15 (skanda.5.101.15)

खद्योतवदभिज्ञातं तन्मया विद्धमंतिकम्। एतच्छ्रुत्वा तु शर्यातिर्वल्मीकं क्षिप्रमभ्यगात्

khadyotavadabhijñātaṁ tanmayā viddhamaṁtikam| etacchrutvā tu śaryātirvalmīkaṁ kṣipramabhyagāt

'Recognizing it as like a firefly, I pierced it nearby.' Hearing this, Sharyati went quickly to the anthill.

Verse 16 (skanda.5.101.16)

तत्रापश्यत्तपोवृद्धं वयोवृद्धं च भार्गवम्। प्रार्थयामास सैन्यार्थे प्रांजलिः स महीपतिः

tatrāpaśyattapovṛddhaṁ vayovṛddhaṁ ca bhārgavam| prārthayāmāsa sainyārthe prāṁjaliḥ sa mahīpatiḥ

There he beheld the son of Bhrigu, aged in austerity and aged in years; and that king, with joined palms, entreated him on behalf of his army.

Verse 17 (skanda.5.101.17)

अज्ञानाद्बालया यत्तेऽपकृतं तु महीसुर। इमामेव च ते कन्यां ददामि सुदृढव्रताम्

ajñānādbālayā yatte'pakṛtaṁ tu mahīsura| imāmeva ca te kanyāṁ dadāmi sudṛḍhavratām

'O god upon earth, whatever wrong my daughter, out of childish ignorance, has done to you — I give you this very daughter, of firm vows, as recompense.'

Verse 18 (skanda.5.101.18)

भार्यार्थे त्वं गृहाणेमां प्रसीद द्विजसत्तम। ततोब्रवीमहीपालं च्यवनो भार्गवस्तथा

bhāryārthe tvaṁ gṛhāṇemāṁ prasīda dvijasattama| tatobravīmahīpālaṁ cyavano bhārgavastathā

'Accept her as your wife; be gracious, O best of the twice-born.' Then Chyavana, the son of Bhrigu, spoke thus to the king:

Verse 19 (skanda.5.101.19)

यद्येवं प्रतिगृह्यैतां क्षमिष्यामि महीपते। ददौ दुहितरं तस्मै च्यवनाय महीपतिः

yadyevaṁ pratigṛhyaitāṁ kṣamiṣyāmi mahīpate| dadau duhitaraṁ tasmai cyavanāya mahīpatiḥ

'If it be so, accepting her, I shall forgive you, O king.' The king then gave his daughter to Chyavana.

Verse 20 (skanda.5.101.20)

प्रतिगृह्य च तां कन्यां भगवान्प्रससाद ह। प्राप्ते प्रसादे राजाथ ससैन्यो विषयं गतः

pratigṛhya ca tāṁ kanyāṁ bhagavānprasasāda ha| prāpte prasāde rājātha sasainyo viṣayaṁ gataḥ

Having accepted that maiden, the blessed sage became gracious; and once that grace was obtained, the king, with his army, returned to his own realm.

Verse 21 (skanda.5.101.21)

सुकन्यापि पतिं लब्ध्वा तपस्विनमनिंदिता। नित्यं पर्यचरत्प्रीत्या तपसा नियमेन च

sukanyāpi patiṁ labdhvā tapasvinamaniṁditā| nityaṁ paryacaratprītyā tapasā niyamena ca

Sukanya too, blameless, having obtained the ascetic as her husband, ever served him with love, through austerity and discipline.

Verse 22 (skanda.5.101.22)

कस्यचित्त्वथ कालस्य नासत्यावश्विनौ प्रिये। कृताभिषेकां विवृतां सुकन्यां तामपश्यताम्

kasyacittvatha kālasya nāsatyāvaśvinau priye| kṛtābhiṣekāṁ vivṛtāṁ sukanyāṁ tāmapaśyatām

After some time, O beloved, the two Ashvins, called the Nasatyas, saw Sukanya, freshly bathed and unveiled.

Verse 23 (skanda.5.101.23)

तां दृष्ट्वा दर्शनीयांगीं देवराजसुतामिव। ऊचतुः समुपद्रुत्य कस्य त्वमतिशोभने

tāṁ dṛṣṭvā darśanīyāṁgīṁ devarājasutāmiva| ūcatuḥ samupadrutya kasya tvamatiśobhane

Seeing her, lovely of limb, like the daughter of the king of gods, they approached and said: 'Whose are you, O most beautiful one?'

Verse 24 (skanda.5.101.24)

सा प्रोवाच महाभागा पतिव्रतपरायणा। शर्यातितनयां चैव भार्यां च च्यवनस्य हि

sā provāca mahābhāgā pativrataparāyaṇā| śaryātitanayāṁ caiva bhāryāṁ ca cyavanasya hi

That most fortunate one, devoted wholly to her husband, declared herself the daughter of Sharyati and the wife of Chyavana.

Verse 25 (skanda.5.101.25)

ततोश्विनौ प्रहस्यैनामब्रूतां पुनरेव तु। कस्मादेवंविधा भूत्वा जराजर्जरितं पतिम्

tatośvinau prahasyaināmabrūtāṁ punareva tu| kasmādevaṁvidhā bhūtvā jarājarjaritaṁ patim

Then the two Ashvins, laughing, said to her again: 'Being such as you are, why do you serve a husband broken down by old age?'

Verse 26 (skanda.5.101.26)

त्वमपास्येह कल्याणि कामभोगबहिष्कृता। वृद्धं च्यवनमुत्सृज्य वरयस्वैकमावयोः

tvamapāsyeha kalyāṇi kāmabhogabahiṣkṛtā| vṛddhaṁ cyavanamutsṛjya varayasvaikamāvayoḥ

'You, O auspicious one, are here deprived of the pleasures of desire; abandon the aged Chyavana and choose one of us two instead.'

Verse 27 (skanda.5.101.27)

पत्यर्थं देवगर्भाभे मा वृथा यौवनं कृथाः। एवमुक्ता सुकन्या तु दस्रौ ताविदमब्रवीत्

patyarthaṁ devagarbhābhe mā vṛthā yauvanaṁ kṛthāḥ| evamuktā sukanyā tu dasrau tāvidamabravīt

'O you who resemble a child of the gods, do not waste your youth in vain for such a husband.' Thus addressed, Sukanya said this to those two Ashvins:

Verse 28 (skanda.5.101.28)

रताहं च्यवने देवे मैवं मा पर्यशंकतम्। ततोऽब्रूतां पुनस्त्वेनामावां देवभिषग्वरौ

ratāhaṁ cyavane deve maivaṁ mā paryaśaṁkatam| tato'brūtāṁ punastvenāmāvāṁ devabhiṣagvarau

'I am devoted to the god Chyavana; do not think of me thus.' Then those two, the best of divine physicians, said to her again:

Verse 29 (skanda.5.101.29)

युवानं रूपसंपन्नं करिष्यावः पतिं तव। एतेन समयेनावामामंत्रय सुमध्यमे

yuvānaṁ rūpasaṁpannaṁ kariṣyāvaḥ patiṁ tava| etena samayenāvāmāmaṁtraya sumadhyame

'We shall make your husband young and endowed with beauty; on this condition, O slender-waisted one, summon us.'

Verse 30 (skanda.5.101.30)

सा तयोर्वचनं श्रुत्वा कथयामास भार्गवे। तच्छ्रुत्वा च्यवनो भार्यां क्रियतामित्यभाषत

sā tayorvacanaṁ śrutvā kathayāmāsa bhārgave| tacchrutvā cyavano bhāryāṁ kriyatāmityabhāṣata

Hearing their words, she related them to the son of Bhrigu; hearing this, Chyavana said to his wife: 'Let it be done.'

Verse 31 (skanda.5.101.31)

ऊचतू राजपुत्रीं तां पतिस्तव विशत्वपः। ततोऽप्सु च्यवनः शीघ्रं रूपार्थी प्रविवेश ह

ūcatū rājaputrīṁ tāṁ patistava viśatvapaḥ| tato'psu cyavanaḥ śīghraṁ rūpārthī praviveśa ha

They said to the princess: 'Let your husband enter the waters.' Then Chyavana, desiring beauty, quickly entered the water.

Verse 32 (skanda.5.101.32)

अश्विनावपि तत्काले सरः प्राविशतां प्रिये। ततो मुहूर्त्तादुत्तीर्णा सर्वे ते सरसस्तदा

aśvināvapi tatkāle saraḥ prāviśatāṁ priye| tato muhūrttāduttīrṇā sarve te sarasastadā

O beloved, at that time the two Ashvins also entered the lake; then, after a moment, all three emerged from the lake.

Verse 33 (skanda.5.101.33)

दिव्यरूपधराः सर्वे युवानो दिव्यकुंडलाः। तुल्यवेषधराश्चैव मनसः प्रीतिवर्द्धनाः

divyarūpadharāḥ sarve yuvāno divyakuṁḍalāḥ| tulyaveṣadharāścaiva manasaḥ prītivarddhanāḥ

All three, now young, wearing divine forms and divine earrings, bore identical appearance, gladdening the mind.

Verse 34 (skanda.5.101.34)

तेऽब्रुवन्सहिताः सर्वे वृणीष्वान्यतमं शुभम्। अस्माकमीप्सितं भद्रे पतित्वे वरवर्णिनि

te'bruvansahitāḥ sarve vṛṇīṣvānyatamaṁ śubham| asmākamīpsitaṁ bhadre patitve varavarṇini

Together they all said: 'Choose one of us as your husband, O auspicious one; O fair one, this is our desire.'

Verse 35 (skanda.5.101.35)

सा समीक्ष्य तु तान्सर्वांस्तुल्यरूपधरा न्स्थितान्। निश्चित्य मनसा बुद्ध्या देवी वव्रे स्वकं पतिम्

sā samīkṣya tu tānsarvāṁstulyarūpadharā nsthitān| niścitya manasā buddhyā devī vavre svakaṁ patim

Having examined all of them, standing there of identical form, that devoted lady, resolving with mind and reason, chose her own husband correctly.

Verse 36 (skanda.5.101.36)

लब्ध्वा तु च्यवनो भार्यां वयो रूपं तु वांछितम्। हृष्टोऽब्रवीन्महातेजास्तौ नासत्याविदं वचः

labdhvā tu cyavano bhāryāṁ vayo rūpaṁ tu vāṁchitam| hṛṣṭo'bravīnmahātejāstau nāsatyāvidaṁ vacaḥ

Having thus regained his wife, along with the youth and beauty he had desired, the greatly radiant Chyavana, delighted, spoke these words to the two Nasatyas:

Verse 37 (skanda.5.101.37)

यदहं रूपसंपन्नो वयसा च समन्वितः। कृतो भवद्भ्यां वृद्धः सन्भार्यां च प्राप्तवानिमाम्

yadahaṁ rūpasaṁpanno vayasā ca samanvitaḥ| kṛto bhavadbhyāṁ vṛddhaḥ sanbhāryāṁ ca prāptavānimām

'Since you two have made me, though old, endowed with beauty and youth, and I have regained this my wife,'

Verse 38 (skanda.5.101.38)

तस्माद्युवां करि ष्यामि प्रीत्याहं सोमपायिनौ। सत्यमेतन्न संदेहो देवराजस्य पश्यतः

tasmādyuvāṁ kari ṣyāmi prītyāhaṁ somapāyinau| satyametanna saṁdeho devarājasya paśyataḥ

'therefore, out of love, I shall make you two drinkers of Soma — this is true, without doubt, even before the eyes of the king of gods.'

Verse 39 (skanda.5.101.39)

तच्छ्रुत्वा हृष्टमनसौ दिवं देवौ प्रजग्मतुः। याजयामास सोमार्हौ नासत्यावश्विनाविति

tacchrutvā hṛṣṭamanasau divaṁ devau prajagmatuḥ| yājayāmāsa somārhau nāsatyāvaśvināviti

Hearing this, the two gods, delighted at heart, went to heaven; Chyavana made the two Nasatya Ashvins worthy to receive the Soma offering.

Verse 40 (skanda.5.101.40)

भिषजौ देवतानां हि कर्मणा तेन गर्हितौ। आभ्यामर्थाय सोमं त्वं प्रदास्यसि यदि स्वयम्

bhiṣajau devatānāṁ hi karmaṇā tena garhitau| ābhyāmarthāya somaṁ tvaṁ pradāsyasi yadi svayam

Indra said: 'These two are the physicians of the gods, and by that very occupation are held in contempt — if you yourself give the Soma for their sake,'

Verse 41 (skanda.5.101.41)

वज्रं ते प्रहरिष्यामि घोररूपं सुदारुणम्। एवमुक्तः स्मयन्निन्द्रमभिवीक्ष्य स भार्गवः। बलिनं वासवं ज्ञात्वा चिंतयामास सत्वरम्

vajraṁ te prahariṣyāmi ghorarūpaṁ sudāruṇam| evamuktaḥ smayannindramabhivīkṣya sa bhārgavaḥ| balinaṁ vāsavaṁ jñātvā ciṁtayāmāsa satvaram

'then I shall strike you with my dreadful and terrible thunderbolt.' Thus addressed, the son of Bhrigu, smiling, looked at Indra, and, knowing Vasava to be powerful, quickly reflected on what to do.

Verse 42 (skanda.5.101.42)

देवमाराधयिष्यामि महादेवं महेश्वरम्। यस्य कर्मकरः शक्रो यस्य देवा वशानुगाः। यः समर्थो जगद्गोप्ता सृष्टिसंहारकारकः

devamārādhayiṣyāmi mahādevaṁ maheśvaram| yasya karmakaraḥ śakro yasya devā vaśānugāḥ| yaḥ samartho jagadgoptā sṛṣṭisaṁhārakārakaḥ

'I shall worship the great god Maheshvara, whose very servant is Indra, to whom all the gods are subject, who alone is capable of protecting the universe, the maker of creation and dissolution.'

Verse 43 (skanda.5.101.43)

इत्युक्त्वा च्यवनो देवि महाकालवनं गतः। रामेश्वरस्य देवस्य लिंगमीशानतः स्थितम्। श्रद्धयाराधितं तेन च्यवनेन महात्मना

ityuktvā cyavano devi mahākālavanaṁ gataḥ| rāmeśvarasya devasya liṁgamīśānataḥ sthitam| śraddhayārādhitaṁ tena cyavanena mahātmanā

Having said this, O Devi, Chyavana went to Mahakalavana; and to the northeast of the linga of the god Rameshvara, that great-souled Chyavana worshipped a linga with faith.

Verse 44 (skanda.5.101.44)

तस्य प्रसन्नो रुद्रस्तु स वज्रादभयं ददौ। तस्य प्रहरतो बाहुं स्तंभयामास भार्गवः

tasya prasanno rudrastu sa vajrādabhayaṁ dadau| tasya praharato bāhuṁ staṁbhayāmāsa bhārgavaḥ

Rudra, pleased with him, granted him freedom from fear of the thunderbolt; and the son of Bhrigu paralyzed the arm of Indra as he struck.

Verse 45 (skanda.5.101.45)

समाराधनतुष्टस्य लिंगस्यास्य प्रभावतः। एतस्मिन्नंतरे ज्वाला निःसृता लिंगमध्यतः

samārādhanatuṣṭasya liṁgasyāsya prabhāvataḥ| etasminnaṁtare jvālā niḥsṛtā liṁgamadhyataḥ

By the power of this linga, pleased with his worship, at that moment a flame burst forth from the midst of the linga.

Verse 46 (skanda.5.101.46)

तया देवगणाः सर्वे दह्यमाना विचेतसः। प्रोचुर्गद्गदया वाचा धूमेनांधीकृते क्षणाः

tayā devagaṇāḥ sarve dahyamānā vicetasaḥ| procurgadgadayā vācā dhūmenāṁdhīkṛte kṣaṇāḥ

Burnt by it, all the hosts of gods, bereft of their senses, blinded by the smoke in an instant, spoke in choked voices.

Verse 47 (skanda.5.101.47)

क्रियेतां सोमपावेतावश्विनौ बलसूदन। देवानां वचनं श्रुत्वा च्यवनं भयपीडितः। प्रत्युवाच ततः शक्रः प्रणामानतकंधरः

kriyetāṁ somapāvetāvaśvinau balasūdana| devānāṁ vacanaṁ śrutvā cyavanaṁ bhayapīḍitaḥ| pratyuvāca tataḥ śakraḥ praṇāmānatakaṁdharaḥ

'O slayer of Bala, let the two Ashvins be made drinkers of Soma!' Hearing the words of the gods, Indra, tormented by fear, bowing his neck in obeisance, then replied to Chyavana:

Verse 48 (skanda.5.101.48)

सोमपावश्विनावेतावद्यप्रभृति भार्गव। भविष्यतस्ततः सर्वमेतत्सत्यं ब्रवीमि ते

somapāvaśvināvetāvadyaprabhṛti bhārgava| bhaviṣyatastataḥ sarvametatsatyaṁ bravīmi te

'O son of Bhrigu, from today these two Ashvins shall be drinkers of Soma; all this shall come to pass — I speak the truth to you.'

Verse 49 (skanda.5.101.49)

मा तेऽतिथ्याभिसंरंभो भविष्यति तपोधन ।।। लिंगस्यास्य प्रभावोऽयं यदहं निष्प्रभीकृतः

mā te'tithyābhisaṁraṁbho bhaviṣyati tapodhana ||| liṁgasyāsya prabhāvo'yaṁ yadahaṁ niṣprabhīkṛtaḥ

'O lord of austerity, let there be no more anger over hospitality on your part. This is the power of this linga, by which I have been rendered powerless.'

Verse 50 (skanda.5.101.50)

ततस्त्वन्नामधेयेन प्रसिद्धिर्भुवि यास्यति। आराधितं यतो देवि च्यवनेन महात्मना

tatastvannāmadheyena prasiddhirbhuvi yāsyati| ārādhitaṁ yato devi cyavanena mahātmanā

'Henceforth this linga shall gain fame on earth by your own name, O Devi, since it was worshipped by the great-souled Chyavana.'

Verse 51 (skanda.5.101.51)

च्यवनेश्वरमेतद्वै ख्यातं त्रिभुवनेऽभवत्। भक्ता ये पूजयिष्यंति देवेशं च्यवनेश्वरम्। आजन्मप्रभवं पापं तेषां नश्यति तत्क्षणात्

cyavaneśvarametadvai khyātaṁ tribhuvane'bhavat| bhaktā ye pūjayiṣyaṁti deveśaṁ cyavaneśvaram| ājanmaprabhavaṁ pāpaṁ teṣāṁ naśyati tatkṣaṇāt

Thus this linga became renowned as Chyavaneshvara in the three worlds. Those devotees who worship the lord of gods Chyavaneshvara — their sin accumulated from birth after birth is destroyed in that very instant.

Verse 52 (skanda.5.101.52)

यः पश्यति नरो नित्यं च्यवनेश्वरसंज्ञकम्। जन्मदुःखजरारोगैर्मुक्तो मुक्तिमवाप्नुयात्

yaḥ paśyati naro nityaṁ cyavaneśvarasaṁjñakam| janmaduḥkhajarārogairmukto muktimavāpnuyāt

The man who ever beholds the god called Chyavaneshvara, freed from the sorrows of birth, old age, and disease, attains liberation.

Verse 53 (skanda.5.101.53)

यंयं काममभिध्यायेन्मनसाभिमतं नरः। तंतं दुर्लभमाप्नोति च्यवनेश्वरदर्शनात्

yaṁyaṁ kāmamabhidhyāyenmanasābhimataṁ naraḥ| taṁtaṁ durlabhamāpnoti cyavaneśvaradarśanāt

Whatever desire a man cherishes in his mind, however hard to attain, he obtains it through the sight of Chyavaneshvara.

Verse 54 (skanda.5.101.54)

नियमेन प्रपश्यंति ये देवं च्यवनेश्वरम्। ते प्रयांति तनुं त्यक्त्वा मदीये भुवने प्रिये

niyamena prapaśyaṁti ye devaṁ cyavaneśvaram| te prayāṁti tanuṁ tyaktvā madīye bhuvane priye

Those who, with discipline, behold the god Chyavaneshvara — they, upon leaving the body, O beloved, go to my own abode.

Verse 55 (skanda.5.101.55)

यः शृणोति कथां पुण्यां सर्वपापहरां शुभाम्। स पुण्यात्मा परं स्थानं याति दिव्यं न संशयः

yaḥ śṛṇoti kathāṁ puṇyāṁ sarvapāpaharāṁ śubhām| sa puṇyātmā paraṁ sthānaṁ yāti divyaṁ na saṁśayaḥ

He who hears this sacred, auspicious tale that removes all sin — that righteous soul goes, without doubt, to the supreme divine abode.

Verse 56 (skanda.5.101.56)

भक्तिहीनः क्रियाहीनो यः पश्यति प्रसंगतः। स पुण्यां गतिमाप्नोति योगिगम्यां यशस्विनि

bhaktihīnaḥ kriyāhīno yaḥ paśyati prasaṁgataḥ| sa puṇyāṁ gatimāpnoti yogigamyāṁ yaśasvini

Even one devoid of devotion and ritual, who beholds it merely by chance, O renowned one, attains that blessed state reachable otherwise only by yogis.

Verse 57 (skanda.5.101.57)

पुष्पैर्विचित्रैर्ये देवं यजंते च्यवनेश्वरम्। संसारार्णवमुल्लंघ्य ते यांति परमं पदम्

puṣpairvicitrairye devaṁ yajaṁte cyavaneśvaram| saṁsārārṇavamullaṁghya te yāṁti paramaṁ padam

Those who worship the god Chyavaneshvara with varied flowers, crossing over the ocean of worldly existence, attain the supreme abode.

Verse 58 (skanda.5.101.58)

एष ते कथितो देवि प्रभावः पापनाशनः। च्यवनेश्वरदेवस्य शृणु खंडेश्वरं शिवे

eṣa te kathito devi prabhāvaḥ pāpanāśanaḥ| cyavaneśvaradevasya śṛṇu khaṁḍeśvaraṁ śive

This sin-destroying glory of the god Chyavaneshvara, O Devi, has thus been told to you; now hear, O Shive, of Khandeshvara.