The Glory of Karabheshvara

Verse 1 (skanda.5.144.1)

श्रीहर उवाच। त्रिसप्ततीश्वरं विद्धि करभेशं वरानने। यस्य दर्शनमात्रेण कुयोनिर्नैव लभ्यते।

śrīhara uvāca| trisaptatīśvaraṁ viddhi karabheśaṁ varānane| yasya darśanamātreṇa kuyonirnaiva labhyate||

Shri Hara said: Know, O fair-faced one, the seventy-third lord as Karabhesha, by the mere sight of whom one never attains a lowly birth.

Verse 2 (skanda.5.144.2)

वीरकेतुरभूद्धीमानयोध्याया महीपतिः। विद्याविनयसौभाग्यलावण्यामृतपूरितः।

vīraketurabhūddhīmānayodhyāyā mahīpatiḥ| vidyāvinayasaubhāgyalāvaṇyāmṛtapūritaḥ||

There was a wise king of Ayodhya named Vireketu, brimming with the nectar of learning, humility, good fortune, and beauty.

Verse 3 (skanda.5.144.3)

स सम्यक्पालयामास प्रजाः पुत्रानिवौरसान्। अतीतानागतज्ञानपरिनिष्ठितमानसः।

sa samyakpālayāmāsa prajāḥ putrānivaurasān| atītānāgatajñānapariniṣṭhitamānasaḥ||

He nurtured his subjects well, as if they were his own children, his mind firmly grounded in knowledge of the past and the future.

Verse 4 (skanda.5.144.4)

अथैकस्मिन्दिने राजा जगाम गहनं वनम्। मृगसिंहगजाकीर्णं व्याघ्रसंबरसंकुलम्।

athaikasmindine rājā jagāma gahanaṁ vanam| mṛgasiṁhagajākīrṇaṁ vyāghrasaṁbarasaṁkulam||

One day the king went into a dense forest, teeming with deer, lions, and elephants, and thronged with tigers and sambar deer.

Verse 5 (skanda.5.144.5)

स तत्र विविधान्वन्यान्विव्याध परवीरहा। मृगांश्च महिषांश्चैव वराहांश्च सहस्रशः।

sa tatra vividhānvanyānvivyādha paravīrahā| mṛgāṁśca mahiṣāṁścaiva varāhāṁśca sahasraśaḥ||

That slayer of hostile champions shot down various forest creatures there, striking deer, buffaloes, and boars by the thousand.

Verse 6 (skanda.5.144.6)

लोडितं तद्वनं सर्वं पशुपक्षिमृगाकुलम्। रहितं श्वापदैः सर्वैः कृतं तेन महीभृता।

loḍitaṁ tadvanaṁ sarvaṁ paśupakṣimṛgākulam| rahitaṁ śvāpadaiḥ sarvaiḥ kṛtaṁ tena mahībhṛtā||

That whole forest, once full of beasts, birds, and deer, was thus scoured by the king and left empty of all wild creatures.

Verse 7 (skanda.5.144.7)

यदा न श्वापदास्तस्मिन्दृश्यते गहने वने। तदा विद्धस्तु करभो बाणेनानतपर्वणा।

yadā na śvāpadāstasmindṛśyate gahane vane| tadā viddhastu karabho bāṇenānataparvaṇā||

When no wild beast was any longer to be seen in that dense forest, a camel was struck by an arrow with smooth, close-set joints.

Verse 8 (skanda.5.144.8)

स चापि करभो देवि बाणमादाय सत्वरम्। विद्धोऽपि निःसृतोऽत्यर्थं राज्ञस्तस्यैव पश्यतः। स च राजा बली तूर्णं ससार करभं प्रति।

sa cāpi karabho devi bāṇamādāya satvaram| viddho'pi niḥsṛto'tyarthaṁ rājñastasyaiva paśyataḥ| sa ca rājā balī tūrṇaṁ sasāra karabhaṁ prati||

That camel too, O goddess, though pierced and bearing the arrow, sped away swiftly right before the king's own eyes; and that mighty king at once gave chase after the camel.

Verse 9 (skanda.5.144.9)

ततो निम्नस्थलं चैव स चोष्ट्रोऽद्रवदाशुगः। मुहूर्तेन ततो देवि योजनानि बहून्यपि।

tato nimnasthalaṁ caiva sa coṣṭro'dravadāśugaḥ| muhūrtena tato devi yojanāni bahūnyapi||

Then that swift camel ran on through low and rough ground; and in but a moment, O goddess, it had covered many leagues.

Verse 10 (skanda.5.144.10)

ततः स राजा तारुण्या दौरसेन बलेन च। ससार बाणासनधृक्सखड्गः सहयो नृपः।

tataḥ sa rājā tāruṇyā daurasena balena ca| sasāra bāṇāsanadhṛksakhaḍgaḥ sahayo nṛpaḥ||

Then that king, in the strength of his youth and his mighty arms, bow and sword in hand, mounted on his steed, pursued him.

Verse 11 (skanda.5.144.11)

ततो नदान्नदीश्चैव पल्वलानि वनानि च। अतिक्रम्यानतिक्रम्य ससारैव वनेचरम्।

tato nadānnadīścaiva palvalāni vanāni ca| atikramyānatikramya sasāraiva vanecaram||

Crossing rivers and streams, ponds and forests, without pause he kept chasing that forest-dweller.

Verse 12 (skanda.5.144.12)

स चापि करभो देवि आसाद्यासाद्य तं नृपम्। पुनरप्येति जवनो जवेन महता ततः।

sa cāpi karabho devi āsādyāsādya taṁ nṛpam| punarapyeti javano javena mahatā tataḥ||

That camel too, O goddess, would draw near the king again and again, only to bound away once more with tremendous speed.

Verse 13 (skanda.5.144.13)

स तस्य बाणैर्बहुभिः करभो विह्वलीकृतः। पृष्ठतः पार्श्वतश्चैव पुनरभ्येति चांतिकम्। पुनश्च जवमास्याय पार्श्वे चाग्रे च दृश्यते।

sa tasya bāṇairbahubhiḥ karabho vihvalīkṛtaḥ| pṛṣṭhataḥ pārśvataścaiva punarabhyeti cāṁtikam| punaśca javamāsyāya pārśve cāgre ca dṛśyate||

Distressed by his many arrows, the camel would come near now from behind, now from the side, and then, gathering speed again, appear now beside him, now ahead.

Verse 14 (skanda.5.144.14)

अथारण्यं महारौद्रं प्रविष्टः करभस्तदा। अन्तर्धानं जगामाशु स च राजा वनेऽविशत्।

athāraṇyaṁ mahāraudraṁ praviṣṭaḥ karabhastadā| antardhānaṁ jagāmāśu sa ca rājā vane'viśat||

Then that camel, entering a most fearsome forest, suddenly vanished from sight; and the king too went on into that forest.

Verse 15 (skanda.5.144.15)

प्रविश्य च महारण्यं तापसानामथाश्रमम्। आससाद ततो राजा श्रांताश्वोपाविशत्पुनः।

praviśya ca mahāraṇyaṁ tāpasānāmathāśramam| āsasāda tato rājā śrāṁtāśvopāviśatpunaḥ||

Entering that great forest, the king came upon a hermitage of ascetics, and there, his horse exhausted, he sat down to rest.

Verse 16 (skanda.5.144.16)

तं कार्मुककरं दृष्ट्वा श्रमार्त्तं क्षुधितं तदा। समभ्येत्यर्षयस्तस्मै पूजां चकुर्यथाविधि।

taṁ kārmukakaraṁ dṛṣṭvā śramārttaṁ kṣudhitaṁ tadā| samabhyetyarṣayastasmai pūjāṁ cakuryathāvidhi||

Beholding him, bow in hand, weary and hungry, the sages came up to him and offered him hospitality in the proper manner.

Verse 17 (skanda.5.144.17)

स पूजामृषिभिर्दत्तां प्रतिगृह्य यथाविधि। अपृच्छत्तापसान्सर्वांस्तपसो वृद्धिमुत्तमाम्।

sa pūjāmṛṣibhirdattāṁ pratigṛhya yathāvidhi| apṛcchattāpasānsarvāṁstapaso vṛddhimuttamām||

Having duly accepted the honour offered by the sages, he inquired of all those ascetics about the excellent progress of their austerities.

Verse 18 (skanda.5.144.18)

ते तस्य राज्ञो वचनं प्रतिगृह्य तपोधनाः। ऋषयो राजशार्दूलं पप्रच्छुस्तत्प्रयोजनम्।

te tasya rājño vacanaṁ pratigṛhya tapodhanāḥ| ṛṣayo rājaśārdūlaṁ papracchustatprayojanam||

Those ascetics, rich in austerity, having heard the king's words, asked that tiger among kings the reason for his coming.

Verse 19 (skanda.5.144.19)

केन भद्र सुखार्थेन संप्राप्तोऽसि तपोवनम्। पदातिर्बद्धनिस्त्रिंशो धन्वी बाणी नरेश्वर।

kena bhadra sukhārthena saṁprāpto'si tapovanam| padātirbaddhanistriṁśo dhanvī bāṇī nareśvara||

"For what purpose, good sir, have you come to this hermitage — on foot, sword girded, bow and arrows in hand, O lord of men?

Verse 20 (skanda.5.144.20)

एतदिच्छामहे श्रोतुं कुतः प्राप्तोऽसि मानद। कस्मिन्कुले च जातस्त्वं किं नामा ब्रूहि पार्थिव।

etadicchāmahe śrotuṁ kutaḥ prāpto'si mānada| kasminkule ca jātastvaṁ kiṁ nāmā brūhi pārthiva||

We wish to hear whence you have come, O honourable one. In what lineage were you born, and what is your name, O king? Tell us."

Verse 21 (skanda.5.144.21)

ततः स राजा सर्वेभ्यो द्विजेभ्यः पुरुषर्षभः। आचख्यौ तद्यथान्यायं कुलं गोत्रं च तत्त्वतः।

tataḥ sa rājā sarvebhyo dvijebhyaḥ puruṣarṣabhaḥ| ācakhyau tadyathānyāyaṁ kulaṁ gotraṁ ca tattvataḥ||

Then that king, foremost among men, related truly to all those brahmins, in due order, his family and his lineage.

Verse 22 (skanda.5.144.22)

इक्ष्वाकूणां कुले जातो वीरकेतुर्द्विजर्षभाः। चरामि मृगयूथानि निघ्नन्बाणैः सहस्रशः।

ikṣvākūṇāṁ kule jāto vīraketurdvijarṣabhāḥ| carāmi mṛgayūthāni nighnanbāṇaiḥ sahasraśaḥ||

"I am Vireketu, born in the lineage of the Ikshvakus, O foremost of brahmins; I go about hunting herds of deer, felling them by the thousand with my arrows.

Verse 23 (skanda.5.144.23)

बलेन महता युक्तः सामात्यः सपरिच्छदः। यदा न लब्धो गहने मृगो वा सूकरोऽपि वा।

balena mahatā yuktaḥ sāmātyaḥ saparicchadaḥ| yadā na labdho gahane mṛgo vā sūkaro'pi vā||

"Attended by a great host, with ministers and retinue, when in that dense forest no deer or boar was to be found any longer,

Verse 24 (skanda.5.144.24)

महिषश्चित्तलो वापि शशो वा शंबरो वने। तदा मे करभो विद्धो बाणेनानतपर्वणा।

mahiṣaścittalo vāpi śaśo vā śaṁbaro vane| tadā me karabho viddho bāṇenānataparvaṇā||

no buffalo, no spotted deer, no hare, no sambar — then, in that forest, I struck a camel with my well-jointed arrow.

Verse 25 (skanda.5.144.25)

स प्रणष्टः क्षणेनैव सबाणो मम पश्यतः। तं द्रवंतमनुप्राप्तो वनमेतद्यदृच्छया।

sa praṇaṣṭaḥ kṣaṇenaiva sabāṇo mama paśyataḥ| taṁ dravaṁtamanuprāpto vanametadyadṛcchayā||

"He vanished in an instant, still bearing my arrow, right before my eyes. Pursuing him in his flight, I have arrived by chance at this forest,

Verse 26 (skanda.5.144.26)

भवत्सकाशं नष्टश्रीर्हताशः श्रमकर्शितः। भवतां विदितं सर्वं सर्वज्ञा हि तपोधनाः। भवंतः सुमहाभागास्तस्मात्पृच्छाभि संशयम्।

bhavatsakāśaṁ naṣṭaśrīrhatāśaḥ śramakarśitaḥ| bhavatāṁ viditaṁ sarvaṁ sarvajñā hi tapodhanāḥ| bhavaṁtaḥ sumahābhāgāstasmātpṛcchāmi saṁśayam||

despoiled of my glory, disheartened, and worn out with exertion, I have come into your presence. You, rich in austerity, know all things, being omniscient; you are most fortunate — therefore I ask you to resolve my doubt.

Verse 27 (skanda.5.144.27)

क्व गतः करभो विद्धो मया बाणेन सांप्रतम्। क्व च प्राप्स्यामि सहसा ब्रूत तत्सुसमाहिताः।

kva gataḥ karabho viddho mayā bāṇena sāṁpratam| kva ca prāpsyāmi sahasā brūta tatsusamāhitāḥ||

Where has the camel gone, whom I just now wounded with my arrow? And where might I soon find him again? Tell me this, with your minds well composed."

Verse 28 (skanda.5.144.28)

ततस्तेषां समस्तानामृषीणामृषिसत्तमः। ऋषभो देवि करभं स्मरन्निदमथाब्रवीत्।

tatasteṣāṁ samastānāmṛṣīṇāmṛṣisattamaḥ| ṛṣabho devi karabhaṁ smaranniddamathābravīt||

Then, O goddess, Rishabha, the most eminent among all those sages, recalling that camel, spoke thus.

Verse 29 (skanda.5.144.29)

गतः स करभो भूप महाकालवने शुभे। गच्छ त्वं च महाराज महाकालवने शुभे।

gataḥ sa karabho bhūpa mahākālavane śubhe| gaccha tvaṁ ca mahārāja mahākālavane śubhe||

"That camel, O king, has gone to the auspicious Mahakalavana. Go there, O great king, to that same auspicious Mahakalavana.

Verse 30 (skanda.5.144.30)

यत्र देवो महादेवः कारभं रूपमास्थितः। विनोदार्थं च देवानां लिंगमूर्त्तिरभूत्पुरा।

yatra devo mahādevaḥ kārabhaṁ rūpamāsthitaḥ| vinodārthaṁ ca devānāṁ liṁgamūrttirabhūtpurā||

"There, the great god Mahadeva took the form of a camel, and long ago, for the delight of the gods, he became manifest as a linga-image."

Verse 31 (skanda.5.144.31)

पश्चिमे क्षेत्रपालस्य कैलासस्य महीपते। समीपे तस्य विघ्नेशो मोदकप्रियसंज्ञकः।

paścime kṣetrapālasya kailāsasya mahīpate| samīpe tasya vighneśo modakapriyasaṁjñakaḥ||

West of the field-guardian Kailasha, O king, near him, dwells Vighnesha known as Modakapriya, the lover of sweetmeats.

Verse 32 (skanda.5.144.32)

ब्रह्मणा पूजितो राजन्देवानामर्थसिद्धये। स च धर्मध्वजो राजा हैहयानां कुलोद्वहः।

brahmaṇā pūjito rājandevānāmarthasiddhaye| sa ca dharmadhvajo rājā haihayānāṁ kulodvahaḥ||

He was worshipped by Brahma for the accomplishment of the gods' purposes, O king. Now there was a king named Dharmadhvaja, upholder of the Haihaya lineage.

Verse 33 (skanda.5.144.33)

तुरगेण कदाचित्तु नीतो बदरिकाश्रमम्। प्रसिद्धं त्रिषु लोकेषु नरनारायणाश्रमम्।

turageṇa kadācittu nīto badarikāśramam| prasiddhaṁ triṣu lokeṣu naranārāyaṇāśramam||

Once, borne by his horse, he was carried to Badarikashrama, renowned throughout the three worlds as the hermitage of Nara and Narayana.

Verse 34 (skanda.5.144.34)

तत्र वीराजिनधरं कृशं विप्रं ददर्श ह। शरीरमपि राजेंद्र न केनापि समं तदा। दृष्ट्वा च हसितो विप्रस्तेन राज्ञा प्रमादतः।

tatra vīrājinadharaṁ kṛśaṁ vipraṁ dadarśa ha| śarīramapi rājeṁdra na kenāpi samaṁ tadā| dṛṣṭvā ca hasito viprastena rājñā pramādataḥ||

There he saw a brahmin, emaciated, clad in a deer-skin — his body, O king, unlike any other. Seeing him, that king, in his carelessness, laughed at the brahmin.

Verse 35 (skanda.5.144.35)

यस्माद्धससि मां दृष्ट्वा तस्मादुष्ट्रो भविष्यसि। लंबोष्ठो लंबदंतश्च विस्वरो विकृताकृतिः।

yasmāddhasasi māṁ dṛṣṭvā tasmāduṣṭro bhaviṣyasi| laṁboṣṭho laṁbadaṁtaśca visvaro vikṛtākṛtiḥ||

"Since you laugh at the sight of me, you shall become a camel — with hanging lips, protruding teeth, a discordant bray, and a misshapen form."

Verse 36 (skanda.5.144.36)

इत्युक्तस्तेन विप्रेण शप्तोपि नृपसत्तमः। तं विप्रं प्रार्थयामास स च तुष्टोब्रवीदिदम्।

ityuktastena vipreṇa śaptopi nṛpasattamaḥ| taṁ vipraṁ prārthayāmāsa sa ca tuṣṭo'bravīdidam||

Thus addressed and cursed by that brahmin, that eminent king pleaded with him; and the brahmin, pleased, then spoke as follows.

Verse 37 (skanda.5.144.37)

न मे वागनृता भूप कदाचिदपि विद्यते। अवश्यं करभो भूत्वा पश्चान्मुक्तिमवाप्स्यसि।

na me vāganṛtā bhūpa kadācidapi vidyate| avaśyaṁ karabho bhūtvā paścānmuktimavāpsyasi||

"My word is never untrue, O king. You shall indeed become a camel, but afterward you shall attain liberation."

Verse 38 (skanda.5.144.38)

यदा त्वं करभो जातो विद्धो वै वीरकेतुना। अयोध्याधिपभूपेन गमिष्यसि शराहतः।

yadā tvaṁ karabho jāto viddho vai vīraketunā| ayodhyādhipabhūpena gamiṣyasi śarāhataḥ||

"When, having become a camel, you are struck by the arrow of King Vireketu, lord of Ayodhya, wounded, you shall then go —

Verse 39 (skanda.5.144.39)

महाकालवनं दिव्यं तत्र त्वं लिंगदर्शनात्। गमिष्यसि परं स्थानं यत्र देवो महेश्वरः।

mahākālavanaṁ divyaṁ tatra tvaṁ liṁgadarśanāt| gamiṣyasi paraṁ sthānaṁ yatra devo maheśvaraḥ||

to the divine Mahakalavana, and there, by the sight of the linga, you shall attain that supreme abode where the great lord Maheshvara dwells.

Verse 40 (skanda.5.144.40)

स चेक्ष्वाकुकुलद्भूतो वीरकेतुर्महाबलः। लिंगदर्शनतो भूप चक्रवर्तित्वमाप्स्यति।

sa cekṣvākukuladbhūto vīraketurmahābalaḥ| liṁgadarśanato bhūpa cakravartitvamāpsyati||

And that mighty Vireketu, born of the Ikshvaku lineage, O king, shall by the sight of that linga attain the rank of a universal emperor."

Verse 41 (skanda.5.144.41)

इत्युक्तो नृप भूपालः करभत्वं समागतः। स त्वयाभिहतो भूप बाणेनानतपर्वणा। द्रक्ष्यसि त्वं विमानस्थं विमुक्तं लिंगदर्शनात्।

ityukto nṛpa bhūpālaḥ karabhatvaṁ samāgataḥ| sa tvayābhihato bhūpa bāṇenānataparvaṇā| drakṣyasi tvaṁ vimānasthaṁ vimuktaṁ liṁgadarśanāt||

"Thus told, that king came to the state of a camel; and, O king, he was struck by your own well-jointed arrow. Now you shall behold him, seated in a celestial chariot, freed through the sight of the linga."

Verse 42 (skanda.5.144.42)

इत्युक्तो नृपतिस्तेन ऋषभेण द्विजेन तु। आजगाम त्वरायुक्तो महाकालवनं शुभम्।

ityukto nṛpatistena ṛṣabheṇa dvijena tu| ājagāma tvarāyukto mahākālavanaṁ śubham||

Thus told by the brahmin Rishabha, the king went in haste to the auspicious Mahakalavana.

Verse 43 (skanda.5.144.43)

ददर्श तत्र तल्लिंगं पूजितं त्रिदशैः सदा। एतस्मिन्नंतरे वाणी श्रुता तेन महीभृता।

dadarśa tatra tallliṁgaṁ pūjitaṁ tridaśaiḥ sadā| etasminnaṁtare vāṇī śrutā tena mahībhṛtā||

There he beheld that linga, ever worshipped by the gods. Meanwhile that king heard a voice.

Verse 44 (skanda.5.144.44)

विमानस्थेन या प्रोक्ता तूष्ट्रेण मधुरस्वरा। भोभो राजेंद्र मां पश्य विमाने चोद्धृते शुभे।

vimānasthena yā proktā tūṣṭreṇa madhurasvarā| bhobho rājeṁdra māṁ paśya vimāne coddhṛte śubhe||

That sweet-voiced call, spoken by the one who, once the camel, now sat in a celestial car, said: "O king of kings, behold me here in this glorious, uplifted chariot!

Verse 45 (skanda.5.144.45)

दर्शनादस्य लिंगस्य प्राप्ता मे परमा गतिः। त्वया हतोऽहं बाणेन तेनाहं त्वागतो वने। समीपमस्य लिंगस्य त्वं मे बंधुः परो यतः।

darśanādasya liṁgasya prāptā me paramā gatiḥ| tvayā hato'haṁ bāṇena tenāhaṁ tvāgato vane| samīpamasya liṁgasya tvaṁ me baṁdhuḥ paro yataḥ||

By the sight of this linga I have attained the supreme state. Struck by your very arrow, I came to this forest, to the presence of this linga; therefore you are my truest kinsman."

Verse 46 (skanda.5.144.46)

इत्युक्त्वा स नृपं देवि वचः समधुराक्षरम्। गतस्तु परमं स्थानं नित्यमव्ययमक्षयम्।

ityuktvā sa nṛpaṁ devi vacaḥ samadhurākṣaram| gatastu paramaṁ sthānaṁ nityamavyayamakṣayam||

Having spoken these sweet words to the king, O goddess, he departed to that supreme, eternal, imperishable, undecaying abode.

Verse 47 (skanda.5.144.47)

ततो देवगणा व्योम्नि सकिंनरमहोरगाः। यक्षराक्षसगंधर्वाः सपिशाचाप्सरोगणाः।

tato devagaṇā vyomni sakiṁnaramahoragāḥ| yakṣarākṣasagaṁdharvāḥ sapiśācāpsarogaṇāḥ||

Then, in the sky, hosts of gods with kinnaras and great serpents, yakshas, rakshasas, gandharvas, together with pishachas and troops of apsaras,

Verse 48 (skanda.5.144.48)

ब्रह्मेंद्रहरिमुख्याश्च विमानैर्देवि संस्थिताः। आजग्मुर्मुदितास्तत्र द्रष्टुं कौतुकमानसाः।

brahmeṁdraharimukhyāśca vimānairdevi saṁsthitāḥ| ājagmurmuditāstatra draṣṭuṁ kautukamānasāḥ||

led by Brahma, Indra, and Hari, all mounted on their celestial cars, O goddess, arrived there gladly, their minds eager with curiosity to witness the sight.

Verse 49 (skanda.5.144.49)

विलोक्य करभं मुक्तं विमानस्थं विराजितम्। लिंगदर्शनमात्रेण संस्तुतं विविधैः स्तवैः।

vilokya karabhaṁ muktaṁ vimānasthaṁ virājitam| liṁgadarśanamātreṇa saṁstutaṁ vividhaiḥ stavaiḥ||

Beholding the liberated camel, resplendent, seated in his celestial chariot, praised with manifold hymns merely for having beheld the linga,

Verse 50 (skanda.5.144.50)

अच्छरत्नसमूहेन मुकुटेनोज्वलत्विषा। भासंतं रविकोटीनां जगदानंदकारकम्।

acchratnasamūhena mukuṭenojvalatviṣā| bhāsaṁtaṁ ravikoṭīnāṁ jagadānaṁdakārakam||

radiant with a crown of flawless jewels, shining like a myriad suns, bringing joy to the whole world —

Verse 51 (skanda.5.144.51)

नाम चक्रुस्ततो देवा दृष्ट्वा माहात्म्यमुत्तमम्। दर्शनादस्य लिंगस्य मुक्तोऽयं करभो यतः।

nāma cakrustato devā dṛṣṭvā māhātmyamuttamam| darśanādasya liṁgasya mukto'yaṁ karabho yataḥ||

the gods, seeing this excellent greatness, gave it a name — since it was by the sight of this linga that this camel attained liberation,

Verse 52 (skanda.5.144.52)

तस्मात्त्रिष्वपि लोकेषु विख्यातः करभेश्वरः। भविष्यति न संदेहः पशुयोनिविमोचकः।

tasmāttriṣvapi lokeṣu vikhyātaḥ karabheśvaraḥ| bhaviṣyati na saṁdehaḥ paśuyonivimocakaḥ||

therefore it shall become renowned in all three worlds as Karabheshvara, the liberator from animal births, beyond all doubt.

Verse 53 (skanda.5.144.53)

इत्युक्त्वा त्रिदशाः सर्वे गताः स्वं धिष्ण्यमुत्तमम्। अयोध्याधिपतिर्वीरो वीरकेतुः स्वमालयम्। समृद्धं निःसपत्नं च ततो राज्यं चकार सः।

ityuktvā tridaśāḥ sarve gatāḥ svaṁ dhiṣṇyamuttamam| ayodhyādhipatirvīro vīraketuḥ svamālayam| samṛddhaṁ niḥsapatnaṁ ca tato rājyaṁ cakāra saḥ||

Having said this, all the gods went to their own excellent abodes; and the heroic Vireketu, lord of Ayodhya, returned to his own home and thereafter ruled a prosperous, unrivalled kingdom.

Verse 54 (skanda.5.144.54)

यः पश्यति नरो देवि करभेश्वरसंज्ञकम्। स प्रयात्यक्षयाँल्लोकान्पूज्यमानो गणाधिपः।

yaḥ paśyati naro devi karabheśvarasaṁjñakam| sa prayātyakṣayāṁllokānpūjyamāno gaṇādhipaḥ||

O goddess, whatever man beholds this god called Karabheshvara attains imperishable worlds, honoured as a lord of the ganas.

Verse 55 (skanda.5.144.55)

यदा कालादिहायातो राजराजेश्वरो महान्। पृथिव्यामेकराड्भूत्वा क्रमान्मोक्षमवाप्नुयात्।

yadā kālādihāyāto rājarājeśvaro mahān| pṛthivyāmekarāḍbhūtvā kramānmokṣamavāpnuyāt||

When, in due time, he comes here again, he becomes a mighty overlord of kings, a sole sovereign upon the earth, and thereafter attains liberation in due course.

Verse 56 (skanda.5.144.56)

न दुःखं जायते तस्य व्याधिशोकभयं तथा। ये पश्यंति प्रसंगेन तल्लिंगं करभेश्वरम्।

na duḥkhaṁ jāyate tasya vyādhiśokabhayaṁ tathā| ye paśyaṁti prasaṁgena talliṁgaṁ karabheśvaram||

Those who, even by chance, behold that linga Karabheshvara never experience suffering, disease, grief, or fear.

Verse 57 (skanda.5.144.57)

सर्वमेधेषु यत्पुण्यं सर्वदानेषु यत्फलम्। तत्फलं त्वधिकं देवि करभेश्वरदर्शनात्।

sarvamedheṣu yatpuṇyaṁ sarvadāneṣu yatphalam| tatphalaṁ tvadhikaṁ devi karabheśvaradarśanāt||

Whatever merit accrues from every sacrifice, whatever fruit from every gift — that fruit, O goddess, is exceeded by the sight of Karabheshvara.

Verse 58 (skanda.5.144.58)

व्याधयो नोपजायंते दारिद्र्यं न कदाचन। ऐश्वर्यं चातुलं तेषां जायते दर्शनात्सदा।

vyādhayo nopajāyaṁte dāridryaṁ na kadācana| aiśvaryaṁ cātulaṁ teṣāṁ jāyate darśanātsadā||

Neither diseases nor poverty ever befall them; through this sight, unrivalled prosperity ever arises for them.

Verse 59 (skanda.5.144.59)

पशुयोनिगता ये च पितरो दुःखितास्तु ये। तिष्ठंति चांबरे ते तु चिंतयंतः स्वगोत्रजम्।

paśuyonigatā ye ca pitaro duḥkhitāstu ye| tiṣṭhaṁti cāṁbare te tu ciṁtayaṁtaḥ svagotrajam||

Those ancestors who, fallen into animal births, suffer in distress, remain aloft in the sky, thinking anxiously of their own lineage's offspring:

Verse 60 (skanda.5.144.60)

आगमिष्यति नः पुत्रो नप्ता वा संतताविह। कदा पश्यति देवेशं करभेश्वरमीश्वरम्। तेन दर्शनमात्रेण मुक्तिर्नो भविता ध्रुवम्।

āgamiṣyati naḥ putro naptā vā saṁtatāviha| kadā paśyati deveśaṁ karabheśvaramīśvaram| tena darśanamātreṇa muktirno bhavitā dhruvam||

"When shall our son or grandson, continuing our line, come here? When shall he behold the lord of gods, the divine Karabheshvara? By that mere sight our liberation shall surely come."

Verse 61 (skanda.5.144.61)

यो यमुद्दिश्य वै कामं दर्शनं तु करिष्यति। तस्य तज्जायते सर्वं मृतस्य परमा गतिः।

yo yamuddiśya vai kāmaṁ darśanaṁ tu kariṣyati| tasya tajjāyate sarvaṁ mṛtasya paramā gatiḥ||

Whoever undertakes this sight with a particular wish in mind, all that he desires is fulfilled, and upon death he attains the supreme state.

Verse 62 (skanda.5.144.62)

एष ते कथितो देवि प्रभावः पापनाशनः। करभेशस्य देवस्य शृणु राजस्थलेश्वरम्।

eṣa te kathito devi prabhāvaḥ pāpanāśanaḥ| karabheśasya devasya śṛṇu rājasthaleśvaram||

Thus, O goddess, I have told you the sin-destroying greatness of the god Karabhesha; now hear of Rajasthaleshvara.