The Greatness of Angirasa Tirtha

Verse 1 (skanda.5.267.1)

श्रीमार्कण्डेय उवाच। ततो गच्छेत्तु राजेन्द्र तीर्थमाङ्गिरसस्य तु। उत्तरे नर्मदाकूले सर्वपापविनाशनम्।

śrīmārkaṇḍeya uvāca| tato gacchettu rājendra tīrthamāṅgirasasya tu| uttare narmadākūle sarvapāpavināśanam||

Shri Markandeya said: Thereafter, O lord of kings, one should go to the tirtha of Angiras, on the northern bank of the Narmada, destroyer of all sin.

Verse 2 (skanda.5.267.2)

पुरासीदङ्गिरानाम ब्राह्मणो वेदपारगः। पुत्रहेतोर्युगस्यादौ चचार विपुलं तपः।

purāsīdaṅgirānāma brāhmaṇo vedapāragaḥ| putrahetoryugasyādau cacāra vipulaṁ tapaḥ||

Formerly there was a brahmin named Angira, learned in the Veda; at the beginning of the age, for the sake of a son, he performed extensive austerity.

Verse 3 (skanda.5.267.3)

नित्यं त्रिषवणस्नायी जपन्देवं सनातनम्। पूजयंश्च महादेवं कृच्छ्रचान्द्रायणादिभिः।

nityaṁ triṣavaṇasnāyī japandevaṁ sanātanam| pūjayaṁśca mahādevaṁ kṛcchracāndrāyaṇādibhiḥ||

Ever bathing thrice daily, reciting the name of the eternal god, and worshipping Mahadeva with hardships like the Chandrayana fast and others.

Verse 4 (skanda.5.267.4)

द्वादशाब्दे ततः पूर्णे तुतोष परमेश्वरः। वरेण छन्दयामास द्विजमाङ्गिरसं वरम्।

dvādaśābde tataḥ pūrṇe tutoṣa parameśvaraḥ| vareṇa chandayāmāsa dvijamāṅgirasaṁ varam||

Then, when twelve years were complete, the Supreme Lord was pleased and offered the excellent brahmin Angirasa a boon.

Verse 5 (skanda.5.267.5)

वव्रे स तु महादेवं पुत्रं पुत्रवतां वरम्। वेदविद्याव्रतस्नातं सर्वशास्त्रविशारदम्।

vavre sa tu mahādevaṁ putraṁ putravatāṁ varam| vedavidyāvratasnātaṁ sarvaśāstraviśāradam||

He asked Mahadeva for a son, best among those blessed with sons, one bathed in the vow of Vedic learning, skilled in all the shastras -

Verse 6 (skanda.5.267.6)

देवानां मन्त्रिणं राजन् सर्वलोकेषु पूजितम्। ब्रह्मलक्ष्म्याः सदावासमक्षयं चाव्ययं सुतम्।

devānāṁ mantriṇaṁ rājan sarvalokeṣu pūjitam| brahmalakṣmyāḥ sadāvāsamakṣayaṁ cāvyayaṁ sutam||

- O king, a counselor of the gods, honoured in all the worlds, an eternal, imperishable son, the everlasting abode of Brahma's fortune.

Verse 7 (skanda.5.267.7)

तथाभिलषितः पुत्रः सर्वविद्याविशारदः। भविष्यति न सन्देहश्चैवमुक्त्वा ययौ हरः।

tathābhilaṣitaḥ putraḥ sarvavidyāviśāradaḥ| bhaviṣyati na sandehaścaivamuktvā yayau haraḥ||

'Such a desired son, skilled in all learning, shall be born to you - there is no doubt.' Having said this, Hara departed.

Verse 8 (skanda.5.267.8)

वरैरङ्गिरसश्चापि बृहस्पतिरजायत। यथाभिलषितः पुत्रो वेदवेदाङ्गपारगः।

varairaṅgirasaścāpi bṛhaspatirajāyata| yathābhilaṣitaḥ putro vedavedāṅgapāragaḥ||

By that boon, to Angiras was born Brihaspati, the desired son, versed in the Vedas and Vedangas.

Verse 9 (skanda.5.267.9)

जाते पुत्रेऽङ्गिरास्तत्र स्थापयामास शङ्करम्। हृष्टतुष्टमना भूत्वा जगामोत्तरपर्वतम्।

jāte putre'ṅgirāstatra sthāpayāmāsa śaṅkaram| hṛṣṭatuṣṭamanā bhūtvā jagāmottaraparvatam||

When the son was born, Angiras installed Shankara there; and, glad and content at heart, he went to the northern mountain.

Verse 10 (skanda.5.267.10)

तत्र चाङ्गिरसे तीर्थे यः स्नात्वा पूजयेच्छिवम्। सर्वपापविनिर्मुक्तो रुद्रलोकं स गच्छति।

tatra cāṅgirase tīrthe yaḥ snātvā pūjayecchivam| sarvapāpavinirmukto rudralokaṁ sa gacchati||

There, at the Angirasa tirtha, whoever bathes and worships Shiva, freed from all sin, goes to the world of Rudra.

Verse 11 (skanda.5.267.11)

अपुत्रो लभते पुत्रमधनो धनमाप्नुयात्। इच्छते यश्च यं कामं स तं लभति मानवः।

aputro labhate putramadhano dhanamāpnuyāt| icchate yaśca yaṁ kāmaṁ sa taṁ labhati mānavaḥ||

The sonless obtains a son, the poor obtains wealth; whatever desire a person wishes for, that he obtains.