The Glory of Ankapada

Verse 1 (skanda.5.27.1)

सनत्कुमार उवाच । योऽवंत्यामंकपादाख्ये पश्येद्रामजनार्दनौ । ययोर्दर्शनमात्रेण यमलोकं न पश्यति

sanatkumāra uvāca yo'vaṁtyāmaṁkapādākhye paśyedrāmajanārdanau yayordarśanamātreṇa yamalokaṁ na paśyati

Sanatkumāra said: "He who, at the place in Avantī called Aṅkapāda, beholds Rāma and Janārdana, by the mere sight of whom one never sees the world of Yama..."

Verse 2 (skanda.5.27.2)

व्यास उवाच । कथं तावंकपादाख्ये यातावत्र महामुने । न पश्येद्यमलोकं स यद्यपि ब्रह्महा भवेत्

vyāsa uvāca kathaṁ tāvaṁkapādākhye yātāvatra mahāmune na paśyedyamalokaṁ sa yadyapi brahmahā bhavet

"Vyāsa said: 'How did the two of them come to that place called Aṅkapāda, O great sage, such that one does not see the world of Yama, even were he a slayer of a brāhmaṇa?'"

Verse 3 (skanda.5.27.3)

सनत्कुमार उवाच । भारावतारणार्थाय देवौ रामजनार्दनौ । अवतीर्णौ यदोर्वंशे दिव्यरूपौ महाद्युतौ

sanatkumāra uvāca bhārāvatāraṇārthāya devau rāmajanārdanau avatīrṇau yadorvaṁśe divyarūpau mahādyutau

"Sanatkumāra said: 'For the sake of relieving the earth's burden, the two gods Rāma and Janārdana, of divine form and great splendour, descended into the lineage of Yadu.'"

Verse 4 (skanda.5.27.4)

कंसं हत्वा सचाणूरमुग्रसेनं नराधिपम् । अभिषिच्य स्वयं राज्ये यदुसिंह उवाच तम्

kaṁsaṁ hatvā sacāṇūramugrasenaṁ narādhipam abhiṣicya svayaṁ rājye yadusiṁha uvāca tam

"Having slain Kaṃsa together with Cāṇūra, and having himself consecrated Ugrasena as king, the lion of the Yadus spoke to him --"

Verse 5 (skanda.5.27.5)

किं कार्यं ते मया ब्रूहि कर्तव्यं ते सुते हते । एवमुक्तः स राजा वां उग्रसेनोऽब्रवीदिदम्

kiṁ kāryaṁ te mayā brūhi kartavyaṁ te sute hate evamuktaḥ sa rājā vāṁ ugraseno'bravīdidam

"'-- Tell me, what is to be done by me for you, now that your son is slain?' Thus addressed, King Ugrasena spoke this to the two of them --"

Verse 6 (skanda.5.27.6)

सर्वं संपत्स्यते कृष्ण भवतो हि न दुर्लभम् । विज्ञाताखिलविज्ञानौ भवितारावुभावपि

sarvaṁ saṁpatsyate kṛṣṇa bhavato hi na durlabham vijñātākhilavijñānau bhavitārāvubhāvapi

"'-- Everything shall come to pass, O Kṛṣṇa, for nothing is hard for you to grant. May you both become learned in the whole of knowledge --'"

Verse 7 (skanda.5.27.7)

गच्छेतमुज्जयिन्यां वै कृतविद्यौ भविष्यथ । ततः सांदीपनिं विप्रं जग्मतू रामकेशवौ

gacchetamujjayinyāṁ vai kṛtavidyau bhaviṣyatha tataḥ sāṁdīpaniṁ vipraṁ jagmatū rāmakeśavau

"'-- go to Ujjayinī, and there you shall become accomplished in learning.' Then Rāma and Keśava went to the brāhmaṇa Sāndīpani."

Verse 8 (skanda.5.27.8)

कण्ठस्थांश्चक्रतुर्वेदानाचारमखिलं च तौ । सरहस्यं धनुर्वेदं ससंहारं तथैव च

kaṇṭhasthāṁścakraturvedānācāramakhilaṁ ca tau sarahasyaṁ dhanurvedaṁ sasaṁhāraṁ tathaiva ca

"They made the Vedas their own by heart, together with the whole of ritual conduct, and the science of archery with its secret lore, together with the art of destruction as well."

Verse 9 (skanda.5.27.9)

अहोरात्रैश्चतुःषष्ट्या तदद्भुतमभूद्द्विज । सांदीपनिरसंभाव्यं तयोः कर्मातिमानुषम्

ahorātraiścatuḥṣaṣṭyā tadadbhutamabhūddvija sāṁdīpanirasaṁbhāvyaṁ tayoḥ karmātimānuṣam

"In sixty-four days and nights this wonder came to pass, O brāhmaṇa; Sāndīpani found their more-than-human accomplishment scarcely credible."

Verse 10 (skanda.5.27.10)

विचिंत्य तौ तदा मेने प्राप्तौ चंद्र दिवाकरौ । ततः किंचित्स नोवाच स्नातुं तीर्थमथाययौ

viciṁtya tau tadā mene prāptau caṁdra divākarau tataḥ kiṁcitsa novāca snātuṁ tīrthamathāyayau

"Reflecting, he then took them to be the moon and the sun themselves. Then he said nothing, and went to a holy ford to bathe."

Verse 11 (skanda.5.27.11)

शिष्यैस्तु सहितो विप्रो महाकालवनेऽविशत् । शिष्यैः सह प्रविष्टौ द्वौ तदा तौ रामकेशवौ

śiṣyaistu sahito vipro mahākālavane'viśat śiṣyaiḥ saha praviṣṭau dvau tadā tau rāmakeśavau

"The brāhmaṇa, together with his students, entered the Mahākāla-forest; then Rāma and Keśava, the two of them, entered along with the other students."

Verse 12 (skanda.5.27.12)

वन्दमानौ महाकालं स तं केशवमव्रवीत् । त्वया नाथेन देवानां मानुष्यत्वे हि तिष्ठता

vandamānau mahākālaṁ sa taṁ keśavamavravīt tvayā nāthena devānāṁ mānuṣyatve hi tiṣṭhatā

"As the two of them worshipped Mahākāla, he said to Keśava: 'By you, the lord of the gods, though dwelling in human form --'"

Verse 13 (skanda.5.27.13)

सुखमासीच्च साधूनामज्ञानानां च सर्वदा । जने पीडाकरा ये तु सदा वा बलदर्पिताः

sukhamāsīcca sādhūnāmajñānānāṁ ca sarvadā jane pīḍākarā ye tu sadā vā baladarpitāḥ

"'-- happiness has ever come to the virtuous and even to the ignorant. Those who cause suffering to people, ever proud of their strength --'"

Verse 14 (skanda.5.27.14)

युवाभ्यां ते हताः सर्वे कंसप्रमुखतो नृपाः । । मुनिसिद्धसुरादीनां स्थितिः कार्या त्वयाऽनघ

yuvābhyāṁ te hatāḥ sarve kaṁsapramukhato nṛpāḥ munisiddhasurādīnāṁ sthitiḥ kāryā tvayā'nagha

"'-- all such kings, beginning with Kaṃsa, have been slain by you two. O sinless one, the welfare of the sages, the siddhas, the gods, and the rest must be secured by you.'"

Verse 15 (skanda.5.27.15)

करिष्यामि तमित्युक्त्वा स नमस्य ततो ययौ । दृष्ट्वा सांदीपनिं शिष्या ऊचुरेवं दिनेदिने

kariṣyāmi tamityuktvā sa namasya tato yayau dṛṣṭvā sāṁdīpaniṁ śiṣyā ūcurevaṁ dinedine

"'I shall do so,' he said, and having bowed, he then went on. Seeing Sāndīpani, his students spoke thus, day after day --"

Verse 16 (skanda.5.27.16)

कस्य न श्रद्दधे तेषां वचस्त्वत्यद्भुतं यतः । स्वयं ययौ ततो द्रष्टुमाश्चर्यं शिष्यभाषितम्

kasya na śraddadhe teṣāṁ vacastvatyadbhutaṁ yataḥ svayaṁ yayau tato draṣṭumāścaryaṁ śiṣyabhāṣitam

"-- saying such things that whose faith would not be shaken, so wondrous were their words. He himself then went to see for himself the marvel his students spoke of."

Verse 17 (skanda.5.27.17)

ततस्तत्रोत्थितः शब्दः संश्लेषे च तथा तयोः । तावागतौ गृहं तत्र गुरुर्वचनमब्रवीत्

tatastatrotthitaḥ śabdaḥ saṁśleṣe ca tathā tayoḥ tāvāgatau gṛhaṁ tatra gururvacanamabravīt

"Then a great sound arose there at their meeting. When the two of them had come to the house, the teacher spoke these words --"

Verse 18 (skanda.5.27.18)

न वै ज्ञातौ मया वीरौ यदुवृष्णिकुलोद्भवौ । ततः सांदीपनिं कृष्णः कृतकृत्योऽब्रवीद्वचः

na vai jñātau mayā vīrau yaduvṛṣṇikulodbhavau tataḥ sāṁdīpaniṁ kṛṣṇaḥ kṛtakṛtyo'bravīdvacaḥ

"'-- I did not truly recognize you two heroes, born of the Yadu-Vṛṣṇi lineage!' Then Kṛṣṇa, his purpose accomplished, spoke this word to Sāndīpani --"

Verse 19 (skanda.5.27.19)

गुर्वर्थं किं ददामीति सह रामेण हर्षितः । तच्छुत्वा वचनं हृद्यं गुरुः प्रोवाच हर्षितः

gurvarthaṁ kiṁ dadāmīti saha rāmeṇa harṣitaḥ tacchutvā vacanaṁ hṛdyaṁ guruḥ provāca harṣitaḥ

"'-- What shall I give for the sake of my teacher?' -- so he spoke, joyful together with Rāma. Hearing this pleasing word, the teacher, delighted, said --"

Verse 20 (skanda.5.27.20)

पुत्रमिच्छाम्यहं त्वत्तो यो मृतो लवणांभसि । पुत्र एको हि मे जातः स चापि तिमिना हृतः

putramicchāmyahaṁ tvatto yo mṛto lavaṇāṁbhasi putra eko hi me jātaḥ sa cāpi timinā hṛtaḥ

"'-- I desire from you my son, who died in the salt ocean. Only one son was born to me, and he too was carried off by a sea-monster.'"

Verse 21 (skanda.5.27.21)

प्रभासे तीर्थयात्रायां त्वमेव तमिहानय । तथेति चाब्रवीत्कृष्णो रामस्यानुमते गतः

prabhāse tīrthayātrāyāṁ tvameva tamihānaya tatheti cābravītkṛṣṇo rāmasyānumate gataḥ

"'-- It was at Prabhāsa, on a pilgrimage; you alone can bring him back here.' 'So be it,' said Kṛṣṇa, and, with Rāma's consent, he departed."

Verse 22 (skanda.5.27.22)

तं समुद्र उवाचेदं दैत्यः पंचजनो महान् । तिमि रूपेण तं बालं ग्रस्तवान्मयि संस्थितः

taṁ samudra uvācedaṁ daityaḥ paṁcajano mahān timi rūpeṇa taṁ bālaṁ grastavānmayi saṁsthitaḥ

The ocean said to him: "A great daitya named Pañcajana, dwelling within me, swallowed that boy in the form of a sea-monster."

Verse 23 (skanda.5.27.23)

ततः पंचजनं हत्वा ग्राहरूपं महाबलम् । तन्मध्यस्थं च जग्राह शंखं ग्रस्तो हि यः पुरा

tataḥ paṁcajanaṁ hatvā grāharūpaṁ mahābalam tanmadhyasthaṁ ca jagrāha śaṁkhaṁ grasto hi yaḥ purā

Then, having slain Pañcajana, that mighty creature in crocodile-form, he took from within it the conch that had been swallowed of old.

Verse 24 (skanda.5.27.24)

जलेश्वरगृहात्तेन ग्राहेणातीव लीलया । तस्योदरे यदा बालं नाप्तवांस्तु जनार्दनः

jaleśvaragṛhāttena grāheṇātīva līlayā tasyodare yadā bālaṁ nāptavāṁstu janārdanaḥ

Yet, though he thus took the conch with great ease from the water-dweller's belly, when Janārdana did not find the boy within it --

Verse 25 (skanda.5.27.25)

यमालयगतं मत्वा तदा वरुणमब्रवीत् । भगवान्यादसामीश रथो मे दीयतां महान्

yamālayagataṁ matvā tadā varuṇamabravīt bhagavānyādasāmīśa ratho me dīyatāṁ mahān

"-- concluding that he had gone to Yama's abode, he then spoke to Varuṇa: 'O Lord of aquatic creatures, let a great chariot be given to me --'"

Verse 26 (skanda.5.27.26)

पुराजिरे हता दैत्या दानवा बलदर्पिताः । मया येन रथेनाद्य मह्यं स दीयतां रथः

purājire hatā daityā dānavā baladarpitāḥ mayā yena rathenādya mahyaṁ sa dīyatāṁ rathaḥ

"'-- Of old, in battle, the daityas and dānavas, proud of their strength, were slain by me with a certain chariot; let that same chariot be given to me today.'"

Verse 27 (skanda.5.27.27)

न्यासभूतो रथो यस्ते विधृतो निहतारिणा । मया धर्मं पुरस्कृ्त्य स दीयतामपांपते

nyāsabhūto ratho yaste vidhṛto nihatāriṇā mayā dharmaṁ puraskṛtya sa dīyatāmapāṁpate

"'That chariot which was left in your trust by me, the slayer of enemies — O Lord of waters, placing dharma foremost, let it be given back --'"

Verse 28 (skanda.5.27.28)

येनाहवे प्रेतराजं जित्वा पश्यामि बालकम् । एतच्छ्रुत्वा प्रहृष्टात्मा ज्ञात्वा कार्यार्थिनं हरिम् । ददौ तं रथमक्षोभ्यं रणे तस्मै सुरासुरैः

yenāhave pretarājaṁ jitvā paśyāmi bālakam etacchrutvā prahṛṣṭātmā jñātvā kāryārthinaṁ harim dadau taṁ rathamakṣobhyaṁ raṇe tasmai surāsuraiḥ

"'-- by which, having conquered the King of the Dead in battle, I may behold the boy.' Hearing this, Varuṇa, his heart delighted, knowing Hari to be intent on his purpose, gave him that chariot, unshakeable in battle even by gods and asuras."

Verse 29 (skanda.5.27.29)

ततो हरिः समालोक्य रथं रत्नपरिष्कृतम् । द्वीपिचर्मपरीधानं वैयाघ्रपरिवारितम्

tato hariḥ samālokya rathaṁ ratnapariṣkṛtam dvīpicarmaparīdhānaṁ vaiyāghraparivāritam

Then Hari, beholding the chariot adorned with jewels, covered with leopard-skin, surrounded with tiger-trappings --

Verse 30 (skanda.5.27.30)

नाना चित्रविचित्रांगं गरुडध्वजराजितम् । संयुक्तं शैब्यसुग्रीवपुष्पदंतबलाहकैः

nānā citravicitrāṁgaṁ garuḍadhvajarājitam saṁyuktaṁ śaibyasugrīvapuṣpadaṁtabalāhakaiḥ

"-- its parts variously wondrous, splendid with a Garuḍa-banner, yoked with the horses Śaibya, Sugrīva, Puṣpadanta, and Balāhaka --"

Verse 31 (skanda.5.27.31)

अजेयं देवदेवेंद्रदानवासुरराक्षसैः । अनेकायुधसंपूर्णं मणिविद्रुमभूषितम्

ajeyaṁ devadeveṁdradānavāsurarākṣasaiḥ anekāyudhasaṁpūrṇaṁ maṇividrumabhūṣitam

"-- unconquerable by gods, by the lord of gods, by dānavas, asuras, or rākṣasas, filled with many weapons, adorned with gems and coral --"

Verse 32 (skanda.5.27.32)

सहस्रसूर्यप्रतिमं चारुवक्त्रचतुर्युगम् । किंकिणीशतशोभाढ्यं घंटाचामरचं द्रिकम्

sahasrasūryapratimaṁ cāruvaktracaturyugam kiṁkiṇīśataśobhāḍhyaṁ ghaṁṭācāmaracaṁ drikam

"-- resembling a thousand suns, with four beautiful yoke-parts, rich with the splendour of a hundred small bells, adorned with bells, whisks and moon-ornaments --"

Verse 33 (skanda.5.27.33)

संवर्ताकारविषमं खगेंद्रवरकेतनम् । दृष्ट्वा कृष्णः सरामस्तु मुमुदे वीतविस्मयात्

saṁvartākāraviṣamaṁ khageṁdravaraketanam dṛṣṭvā kṛṣṇaḥ sarāmastu mumude vītavismayāt

"-- irregular in shape like the fire of dissolution, bearing Garuḍa's banner — beholding it, Kṛṣṇa, together with Rāma, rejoiced, his wonder now spent."

Verse 34 (skanda.5.27.34)

प्रदक्षिणमुपाकृत्य देवताभ्यः प्रणम्य च । आरुरोह रथं विष्णुर्विमानं साग्रयोजनम्

pradakṣiṇamupākṛtya devatābhyaḥ praṇamya ca āruroha rathaṁ viṣṇurvimānaṁ sāgrayojanam

Having circumambulated it and bowed to the gods, Viṣṇu mounted the chariot — a celestial car more than a yojana in extent.

Verse 35 (skanda.5.27.35)

ततो जगाम त्वरितो जनार्दनो जगन्निवासो यमलोकमाश्रिताम् । दिशं सहस्रैः किरणै र्वृतां पुरीं दध्मौ च शंखं परिगृह्य चाच्युतः

tato jagāma tvarito janārdano jagannivāso yamalokamāśritām diśaṁ sahasraiḥ kiraṇai rvṛtāṁ purīṁ dadhmau ca śaṁkhaṁ parigṛhya cācyutaḥ

Then Janārdana, the abode of the universe, swiftly went to the region of the world of Yama; and the Unfallen One, taking up his conch, blew it before that city surrounded by a thousand rays.

Verse 36 (skanda.5.27.36)

तत्र प्रध्यापयामास शंखं शार्ङ्गधनुर्धरः । तेन शब्देन वित्रस्ताः कृतांतालयवासिनः

tatra pradhyāpayāmāsa śaṁkhaṁ śārṅgadhanurdharaḥ tena śabdena vitrastāḥ kṛtāṁtālayavāsinaḥ

There he, the bearer of the Śārṅga bow, sounded the conch loudly. By that sound, the dwellers in the abode of Yama were struck with terror.

Verse 37 (skanda.5.27.37)

नरकांतर्गता मर्त्याः पापाचारपरायणाः । सुखमापुः प्रसन्नाश्च वह्नयः कृष्णदर्शनात्

narakāṁtargatā martyāḥ pāpācāraparāyaṇāḥ sukhamāpuḥ prasannāśca vahnayaḥ kṛṣṇadarśanāt

The mortals within the hells, devoted to sinful conduct, obtained happiness and became at peace; and the tormenting fires too grew gentle at the sight of Kṛṣṇa.

Verse 38 (skanda.5.27.38)

शस्त्राणि कुंठतां प्रापुर्यंत्राणि विविधानि च । विदीर्णानि तदा चासुर्देवदेवस्य दर्शनात्

śastrāṇi kuṁṭhatāṁ prāpuryaṁtrāṇi vividhāni ca vidīrṇāni tadā cāsurdevadevasya darśanāt

The weapons of torment became blunted, and the various torture-engines were shattered, at the sight of the God of gods.

Verse 39 (skanda.5.27.39)

असिपत्रवनंनाम शीर्णपर्णमजायत । रौरवनाम नरकमभैरवमभूत्तदा

asipatravanaṁnāma śīrṇaparṇamajāyata rauravanāma narakamabhairavamabhūttadā

The forest called Asipatravana, whose leaves are swords, had its leaves wither away; the hell called Raurava then became free of terror.

Verse 40 (skanda.5.27.40)

अभैरवं भैरवाख्यं कुंभीपाकमवाचिकम् । शृंगाटं शृंगसदृशं लोहसूच्यप्यसूचिका

abhairavaṁ bhairavākhyaṁ kuṁbhīpākamavācikam śṛṁgāṭaṁ śṛṁgasadṛśaṁ lohasūcyapyasūcikā

The hell called Bhairava became free of terror; Kumbhīpāka became silent of its cries; Śṛṅgāṭa, once like piercing horns, and the Lohasūcī, became as if without needles.

Verse 41 (skanda.5.27.41)

दुस्तरा सुतरा जाता नदी वैतरणी नृणाम् । नरकांते तदा जाते गते विश्वेश्वरे विभौ

dustarā sutarā jātā nadī vaitaraṇī nṛṇām narakāṁte tadā jāte gate viśveśvare vibhau

The river Vaitaraṇī, impassable for men, became easily crossable. Thus, when hell had thus come to an end, upon the departure of the mighty Lord of the universe --

Verse 42 (skanda.5.27.42)

पापक्षयात्ततः सर्वे ते मुक्ता नारका नराः । पदमव्ययमासाद्य दृष्ट्वा विष्णुं तमोऽपहम्

pāpakṣayāttataḥ sarve te muktā nārakā narāḥ padamavyayamāsādya dṛṣṭvā viṣṇuṁ tamo'paham

"-- through the destruction of their sins, all those men in hell were freed, and, having beheld Viṣṇu, dispeller of darkness, attained the imperishable state."

Verse 43 (skanda.5.27.43)

विमानेषु सहस्रेषु ह्यारूढास्ते समंततः । समीक्ष्य पुंडरीकाक्षं मुक्तास्ते सर्वपातकात्

vimāneṣu sahasreṣu hyārūḍhāste samaṁtataḥ samīkṣya puṁḍarīkākṣaṁ muktāste sarvapātakāt

Mounted upon a thousand celestial cars from every side, having beheld the lotus-eyed one, they were freed from all sin.

Verse 44 (skanda.5.27.44)

ततः शून्यं मुने जातं सर्वं निरयमंडलम् । दर्शनात्तस्य देवस्य विष्णोर्विश्वस्वरूपिणः

tataḥ śūnyaṁ mune jātaṁ sarvaṁ nirayamaṁḍalam darśanāttasya devasya viṣṇorviśvasvarūpiṇaḥ

Thus, O sage, the entire realm of hell became empty, through the sight of that god Viṣṇu, whose form is the universe itself.

Verse 45 (skanda.5.27.45)

ततो दूताः कृतांतस्य कृष्णं च युद्धकारिणम् । वारयामासुरत्युग्रा विशंतं नरकान्प्रति

tato dūtāḥ kṛtāṁtasya kṛṣṇaṁ ca yuddhakāriṇam vārayāmāsuratyugrā viśaṁtaṁ narakānprati

Then the messengers of Yama, exceedingly fierce, tried to bar Kṛṣṇa, the maker of war, as he pressed on into the hells.

Verse 46 (skanda.5.27.46)

किंकरा ऊचुः । मा वीरानेन मार्गेण रथमानय मानवन् । प्रयांत्यधोगतिं पापात्परस्त्रीस्वापहारकाः

kiṁkarā ūcuḥ mā vīrānena mārgeṇa rathamānaya mānavan prayāṁtyadhogatiṁ pāpātparastrīsvāpahārakāḥ

The servants of Yama said: "O hero, do not bring your chariot by this road! Those going to a downward state on account of sin are the ravishers of other men's wives and property."

Verse 47 (skanda.5.27.47)

यमादिष्टा नराः पापा येऽमोच्या वर्षकोटिभिः । दृष्ट्वा त एव सद्यस्त्वां गताः स्वर्गमपावृताः

yamādiṣṭā narāḥ pāpā ye'mocyā varṣakoṭibhiḥ dṛṣṭvā ta eva sadyastvāṁ gatāḥ svargamapāvṛtāḥ

"'Sinful men consigned here by Yama, who could not be released even in ten million years, upon seeing you have this instant gone to an open heaven.'"

Verse 48 (skanda.5.27.48)

एतच्छ्रुत्वा वचस्तेषां कृपया पीडितो भृशम् । पुनः प्रोवाच मधुहा मोक्षायाहमुपागतः

etacchrutvā vacasteṣāṁ kṛpayā pīḍito bhṛśam punaḥ provāca madhuhā mokṣāyāhamupāgataḥ

Hearing their words, deeply moved by compassion, the slayer of Madhu spoke again: "I have come here for the sake of liberation."

Verse 49 (skanda.5.27.49)

सर्वेषां स्वर्गदाताहं यमलोकनिवारकः । अंजसा यमराड्दूता यमायाख्यात मे वचः

sarveṣāṁ svargadātāhaṁ yamalokanivārakaḥ aṁjasā yamarāḍdūtā yamāyākhyāta me vacaḥ

"'I am the giver of heaven to all, the restrainer of the world of Yama. O messengers of the Lord of Death, go straightway and declare my word to Yama.'"

Verse 50 (skanda.5.27.50)

एतच्छ्रुत्वा वचो दूताः सत्वरा यममागताः । सर्वमाचक्षिरे वृत्तं यथा नारकमोक्षणम्

etacchrutvā vaco dūtāḥ satvarā yamamāgatāḥ sarvamācakṣire vṛttaṁ yathā nārakamokṣaṇam

Hearing this word, the messengers hastened to Yama and reported to him everything that had occurred, including the release of the beings in hell.

Verse 51 (skanda.5.27.51)

ततो यमो रुषाविष्टः प्राह तान्यमकिंकरान् । यः कश्चिदागतो मर्त्यो मर्यादाभेदकृन्नरः

tato yamo ruṣāviṣṭaḥ prāha tānyamakiṁkarān yaḥ kaścidāgato martyo maryādābhedakṛnnaraḥ

Then Yama, seized with fury, said to his servants: "Whatever mortal man has come here, transgressing the established boundary --"

Verse 52 (skanda.5.27.52)

तं गत्वा वारयध्वं वै गृहीत्वानीयतामिति । अयं नरांतको यातु किंकरः सह किंकरैः

taṁ gatvā vārayadhvaṁ vai gṛhītvānīyatāmiti ayaṁ narāṁtako yātu kiṁkaraḥ saha kiṁkaraiḥ

"'-- go and stop him; seize him and bring him here!' 'Let this Narāntaka go, along with the other servants' -- so he commanded."

Verse 53 (skanda.5.27.53)

एवमुक्तो यमेनाथ किंकरः स नरांतकः । गत्वा तं वारयामास वाग्भिरुग्राभिरच्युतम्

evamukto yamenātha kiṁkaraḥ sa narāṁtakaḥ gatvā taṁ vārayāmāsa vāgbhirugrābhiracyutam

Thus commanded by Yama, that servant Narāntaka went and tried to stop the Unfallen One with harsh words.

Verse 54 (skanda.5.27.54)

यदा न वारितस्तस्थौ तदा क्रुद्धो नरांतकः । तदा शरैरतीवोग्रैस्ताडितस्तेन केशवः

yadā na vāritastasthau tadā kruddho narāṁtakaḥ tadā śarairatīvograistāḍitastena keśavaḥ

When he found himself unable to stop him, Narāntaka became enraged, and then struck Keśava with extremely fierce arrows.

Verse 55 (skanda.5.27.55)

बलदेवोपि समरे ताडितो विविधैः शरैः । तावुभौ ताडितौ घोरैः समंताद्यमकिंकरैः

baladevopi samare tāḍito vividhaiḥ śaraiḥ tāvubhau tāḍitau ghoraiḥ samaṁtādyamakiṁkaraiḥ

Baladeva too was struck in that battle with various arrows; the two of them were struck on every side by the terrible servants of Yama.

Verse 56 (skanda.5.27.56)

आदाय धनुषी दिव्ये जघ्नतुर्यमकिंकरान् । बाणैरनेकसाहस्रैः क्रुद्धौ रामजनादर्नौ

ādāya dhanuṣī divye jaghnaturyamakiṁkarān bāṇairanekasāhasraiḥ kruddhau rāmajanādarnau

Taking up their two divine bows, Rāma and Janārdana, now enraged, struck down the servants of Yama with many thousands of arrows.

Verse 57 (skanda.5.27.57)

नरांतकोऽपि समरे बलेन बलिनार्दितः । पपात गदया भिन्नो मूर्ध्नि निर्यातलोचनः

narāṁtako'pi samare balena balinārditaḥ papāta gadayā bhinno mūrdhni niryātalocanaḥ

Narāntaka too, in the battle, overwhelmed by the might of the mighty Balarāma, fell, his head shattered by the mace, his eyes bursting out.

Verse 58 (skanda.5.27.58)

ततो नरांतके वीरे पतिते यमकिंकरे । किंकराणामभूत्सैन्यमार्तं रणपराङ्मुखम्

tato narāṁtake vīre patite yamakiṁkare kiṁkarāṇāmabhūtsainyamārtaṁ raṇaparāṅmukham

Then, when the hero Narāntaka, servant of Yama, had fallen, the army of the other servants was distressed and turned away from battle.

Verse 59 (skanda.5.27.59)

रामकृष्णाभ्यां ते दूता हन्यमाना भयातुराः । यमाय कथयामासुर्नरांतकस्तु पातितः

rāmakṛṣṇābhyāṁ te dūtā hanyamānā bhayāturāḥ yamāya kathayāmāsurnarāṁtakastu pātitaḥ

Those messengers, being struck down by Rāma and Kṛṣṇa, terrified, reported to Yama that Narāntaka had been felled.

Verse 60 (skanda.5.27.60)

ततो यमो ययौ क्रुद्धः समंतात्किंकरैर्वृतः । प्राह ततो यमः क्रुद्धो नो जितोहं पुरा परैः

tato yamo yayau kruddhaḥ samaṁtātkiṁkarairvṛtaḥ prāha tato yamaḥ kruddho no jitohaṁ purā paraiḥ

Then Yama, enraged, went forth, surrounded on every side by his servants. Enraged, Yama then said: "I have never before been conquered by any foe."

Verse 61 (skanda.5.27.61)

ततो वादित्रनिर्घोषैस्तुमुलानकगोमुखैः । नानाडमरुकैश्चैव चित्रगुप्तैश्च गच्छति

tato vāditranirghoṣaistumulānakagomukhaiḥ nānāḍamarukaiścaiva citraguptaiśca gacchati

Then he set out amid the tumultuous din of musical instruments and kettle-drums, and with various small drums, accompanied by Citragupta.

Verse 62 (skanda.5.27.62)

देवा विद्याधराः सिद्धा दृष्ट्वा यांतं महाबलम् । कृतांतस्य रणेऽक्षोभ्यं कामपालं जगत्पतिम्

devā vidyādharāḥ siddhā dṛṣṭvā yāṁtaṁ mahābalam kṛtāṁtasya raṇe'kṣobhyaṁ kāmapālaṁ jagatpatim

The gods, the vidyādharas, and the siddhas beheld that mighty Yama going forth to battle, unshakeable, before Kṛṣṇa, the guardian of desire, the Lord of the world.

Verse 63 (skanda.5.27.63)

ततस्ते किंकराः सर्वे चित्रगुप्तेन नोदिताः । रथमावृत्य बाणौघैः प्रविव्यधुः समंततः

tataste kiṁkarāḥ sarve citraguptena noditāḥ rathamāvṛtya bāṇaughaiḥ pravivyadhuḥ samaṁtataḥ

Then all those servants, urged on by Citragupta, surrounded the chariot and pierced it on every side with a mass of arrows.

Verse 64 (skanda.5.27.64)

बलं च केशवं संख्ये जघ्नतुस्तावुभावपि । रणे च विविधैर्बाणैश्चित्रगुप्तस्य पश्यतः

balaṁ ca keśavaṁ saṁkhye jaghnatustāvubhāvapi raṇe ca vividhairbāṇaiścitraguptasya paśyataḥ

They struck both Bala and Keśava in that battle with various arrows, in the fray, before the very eyes of Citragupta --

Verse 65 (skanda.5.27.65)

विदार्य च सहस्राणि किंकराणां समंततः । कृतांतानीकिनीमध्ये कृतांत इव केशवः । चचार रणदुर्धर्षः कामपालेन पालितः

vidārya ca sahasrāṇi kiṁkarāṇāṁ samaṁtataḥ kṛtāṁtānīkinīmadhye kṛtāṁta iva keśavaḥ cacāra raṇadurdharṣaḥ kāmapālena pālitaḥ

"-- rending thousands of servants on every side, Keśava, like Death itself, moved through the midst of Yama's army, unassailable in battle, guarded by Balarāma."

Verse 66 (skanda.5.27.66)

ततश्चित्रगुप्तो रणे किंकराद्यं विदीर्णं निरीक्ष्यार्तनादं चकार

tataścitragupto raṇe kiṁkarādyaṁ vidīrṇaṁ nirīkṣyārtanādaṁ cakāra

Then Citragupta, seeing the foremost of the servants torn apart in battle, cried out in anguish.

Verse 67 (skanda.5.27.67)

शरैः पंचभिः कृष्णमायांतमाजौ जघानाष्टभिर्वक्त्रदेशे स भिन्नः । शरार्तो रथोपस्थ आसीत्तदार्तस्तमालोक्य भिन्नं रणे नष्टसंज्ञम्

śaraiḥ paṁcabhiḥ kṛṣṇamāyāṁtamājau jaghānāṣṭabhirvaktradeśe sa bhinnaḥ śarārto rathopastha āsīttadārtastamālokya bhinnaṁ raṇe naṣṭasaṁjñam

With five arrows he struck Kṛṣṇa as he advanced in battle, and with eight more he struck him on the face; wounded by arrows, he sank down on the floor of his chariot; and Kṛṣṇa, seeing him thus wounded and bereft of his senses, was moved with pity.

Verse 68 (skanda.5.27.68)

रथं स्वं समादाय यातः कृतांतस्ततश्चित्रगुप्ते शरार्ते प्रसुप्ते । रणे कीर्तिलुप्ते भयक्षोभयुक्तः स्वसैन्यैश्च युक्तो भयार्तो निषण्णः

rathaṁ svaṁ samādāya yātaḥ kṛtāṁtastataścitragupte śarārte prasupte raṇe kīrtilupte bhayakṣobhayuktaḥ svasainyaiśca yukto bhayārto niṣaṇṇaḥ

Then, taking up his own chariot, Yama withdrew, since Citragupta lay wounded by arrows as if asleep, his glory lost in battle; shaken with fear, Yama, together with his army, sat down, stricken with terror.

Verse 69 (skanda.5.27.69)

प्रधानाश्च भग्ना विचित्राश्च भग्रास्ततश्चित्रगुप्तं निशम्याथ भग्नम् । स कालस्तमायांतमालोक्य दूराद्वरसैन्यमादाय देवारि शत्रुम्

pradhānāśca bhagnā vicitrāśca bhagrāstataścitraguptaṁ niśamyātha bhagnam sa kālastamāyāṁtamālokya dūrādvarasainyamādāya devāri śatrum

His chief warriors were broken, and his wondrous host was broken; then, hearing that Citragupta himself was broken, and beholding from afar Kṛṣṇa advancing, Kāla took up his finest army against that enemy of the gods' foes --

Verse 70 (skanda.5.27.70)

विनाशाय युध्यद्युगांते प्रजानां यथा वाडवो ज्वालवृद्धः प्रवृत्तः । तमायांतमालोक्य कालं करालं शरैरावृणोदंतकं कालकल्पैः

vināśāya yudhyadyugāṁte prajānāṁ yathā vāḍavo jvālavṛddhaḥ pravṛttaḥ tamāyāṁtamālokya kālaṁ karālaṁ śarairāvṛṇodaṁtakaṁ kālakalpaiḥ

"-- and advanced to fight for the destruction of creatures, like the submarine fire grown fierce with flame at the end of an age. Beholding that terrible Kāla advancing, Kṛṣṇa covered him with arrows like agents of death themselves."

Verse 71 (skanda.5.27.71)

स कालः करालं समादाय दंडं मुमोचाच्युते पश्यतां देवतानाम् । ततः कालदंडः प्रजानां विनाशो हरेः संनिकाशं समभ्याजगाम

sa kālaḥ karālaṁ samādāya daṁḍaṁ mumocācyute paśyatāṁ devatānām tataḥ kāladaṁḍaḥ prajānāṁ vināśo hareḥ saṁnikāśaṁ samabhyājagāma

That Kāla, taking up his terrible staff of death, hurled it at the Unfallen One before the very eyes of the gods; then that staff of Death, the destroyer of creatures, came flying straight toward Hari.

Verse 72 (skanda.5.27.72)

ततो देवगंधर्वयक्षा मुनींद्राः परं विस्मयं प्रापुरावीक्ष्य रामम् । ज्वलंतं च जग्राह कालस्य दंडं स रामो वरलीलयाऽनंतमूर्तिः

tato devagaṁdharvayakṣā munīṁdrāḥ paraṁ vismayaṁ prāpurāvīkṣya rāmam jvalaṁtaṁ ca jagrāha kālasya daṁḍaṁ sa rāmo varalīlayā'naṁtamūrtiḥ

Then the gods, gandharvas, yakṣas, and lords of sages were struck with the greatest astonishment, beholding Rāma; and Rāma, of infinite form, seized that blazing staff of Kāla with supreme ease, as though in play.

Verse 73 (skanda.5.27.73)

गृहीते बलेनाहवे कालदंडे मोक्तुकामे पुनः कालनाशाय वै। । तूर्णमभ्येत्य तत्रांतरे रणे वारयामास कृष्णं तदा

gṛhīte balenāhave kāladaṁḍe moktukāme punaḥ kālanāśāya vai tūrṇamabhyetya tatrāṁtare raṇe vārayāmāsa kṛṣṇaṁ tadā

When the staff of Kāla had been seized by Bala in battle, and Kāla wished to hurl it again for Kṛṣṇa's destruction, Brahmā swiftly approached in the midst of that battle and restrained Kṛṣṇa.

Verse 74 (skanda.5.27.74)

मा मुंचेत्यब्रवीद्वेधाः कालं कालायुधं बल । त्वया बलवता वीर चराचरधरा धरा

mā muṁcetyabravīdvedhāḥ kālaṁ kālāyudhaṁ bala tvayā balavatā vīra carācaradharā dharā

"Do not release it!" said the Ordainer to Kāla; and to Bala, who wielded the very weapon of Death: "By you, O mighty hero, the earth, bearer of all moving and unmoving things --"

Verse 75 (skanda.5.27.75)

धार्यते शिरसा देव संसारे नास्ति ते समः । त्वया विश्वपतिर्विष्णुरुत्संगेन सदोह्यते । कोऽन्योस्ति त्वत्समो राम यो जगद्दहने क्षमः । जगत्स्रष्टा जगद्गोप्ता जगद्धर्ता जगत्पतिः

dhāryate śirasā deva saṁsāre nāsti te samaḥ tvayā viśvapatirviṣṇurutsaṁgena sadohyate ko'nyosti tvatsamo rāma yo jagaddahane kṣamaḥ jagatsraṣṭā jagadgoptā jagaddhartā jagatpatiḥ

"-- is borne upon your head, O god; in this world there is none equal to you. Viṣṇu, the lord of the universe, is ever carried by you upon your lap; who else, O Rāma, is equal to you, capable of consuming the world? The creator of the world, its protector, sustainer and lord --"

Verse 76 (skanda.5.27.76)

पाल्यते यत्त्वया सोपि विष्णुर्विश्वैकनायकः । कस्ते स्तुतिकरोऽस्तीह को गुणान्वक्तुमर्हति

pālyate yattvayā sopi viṣṇurviśvaikanāyakaḥ kaste stutikaro'stīha ko guṇānvaktumarhati

"-- even he, Viṣṇu, the sole master of the universe, is protected by you. Who here is capable of praising you? Who is worthy to declare your qualities?"

Verse 77 (skanda.5.27.77)

ततो वयं त्वदंकस्थविष्णुनाभिभवा यतः । इत्युक्त्वा बलदेवं च वासुदेवं पुनर्वचः

tato vayaṁ tvadaṁkasthaviṣṇunābhibhavā yataḥ ityuktvā baladevaṁ ca vāsudevaṁ punarvacaḥ

"'Therefore we too have our origin from Viṣṇu, who rests upon your lap.' Having said this to Baladeva, then to Vāsudeva --"

Verse 78 (skanda.5.27.78)

उवाच चतुरास्यस्तु स्तुतिश्च वृतः सुरैः । कृष्णकृष्ण करालस्य कालस्यास्य कृपां कुरु

uvāca caturāsyastu stutiśca vṛtaḥ suraiḥ kṛṣṇakṛṣṇa karālasya kālasyāsya kṛpāṁ kuru

"-- the four-faced one spoke, surrounded by the gods offering praise: 'O Kṛṣṇa, Kṛṣṇa! Show mercy to this terrible Kāla.'"

Verse 79 (skanda.5.27.79)

यतो भवंतमायांतं विष्णुं विश्वैकनायकम् । वेत्ति नायं जगन्नाथं नरकार्णवतारकम्

yato bhavaṁtamāyāṁtaṁ viṣṇuṁ viśvaikanāyakam vetti nāyaṁ jagannāthaṁ narakārṇavatārakam

"'For this one does not recognize you, Viṣṇu, the sole master of the universe, advancing here — the Lord of the world, the deliverer from the ocean of hell.'"

Verse 80 (skanda.5.27.80)

त्वया वै भगवन्पूर्वं यमः संस्थापितः पदे । नृणां दुष्कृतकर्तॄणां नरकाय यमः प्रभो

tvayā vai bhagavanpūrvaṁ yamaḥ saṁsthāpitaḥ pade nṛṇāṁ duṣkṛtakartṝṇāṁ narakāya yamaḥ prabho

"'O Lord, it was you yourself who of old established Yama in his office — Yama, the lord appointed for the punishment in hell of men who do evil deeds.'"

Verse 81 (skanda.5.27.81)

तस्मादस्य जगन्नाथ क्षम्यतां पुरुषोत्तम । विभो कृपां कुरुष्वास्य ब्रूहि यत्ते विवक्षितम्

tasmādasya jagannātha kṣamyatāṁ puruṣottama vibho kṛpāṁ kuruṣvāsya brūhi yatte vivakṣitam

"'Therefore, O Lord of the world, best of beings, let him be forgiven; O mighty one, show him grace; tell us what it is you wish to say.'"

Verse 82 (skanda.5.27.82)

एतच्छुत्वाऽब्रवीत्कृष्णो धातः शृणु गुरोर्मम । सांदीपनेः समानीतः सुतस्तेनागताविह

etacchutvā'bravītkṛṣṇo dhātaḥ śṛṇu gurormama sāṁdīpaneḥ samānītaḥ sutastenāgatāviha

Hearing this, Kṛṣṇa said: "O Ordainer, listen: this is on account of my teacher — we two have come here to bring back the son of Sāndīpani."

Verse 83 (skanda.5.27.83)

समर्प्यतां गुरुश्रेष्ठ श्रेष्ठाय गुरुदक्षिणा । आवाभ्यां वै प्रतिज्ञातो तस्मात्सा पाल्यतां विभो

samarpyatāṁ guruśreṣṭha śreṣṭhāya gurudakṣiṇā āvābhyāṁ vai pratijñāto tasmātsā pālyatāṁ vibho

"'Let the finest teacher's-fee be given to my most excellent teacher; this was promised by the two of us — therefore, O mighty one, let that promise be kept.'"

Verse 84 (skanda.5.27.84)

एतत्पितामहः श्रुत्वा यमं समरनिर्जितम् । समाहूयाब्रवीद्विष्णुर्यद्ब्रवीति कुरुष्व तत्

etatpitāmahaḥ śrutvā yamaṁ samaranirjitam samāhūyābravīdviṣṇuryadbravīti kuruṣva tat

Hearing this, the Grandsire, having summoned Yama who had been vanquished in battle, said: "Do whatever Viṣṇu says."

Verse 85 (skanda.5.27.85)

तच्छ्रुत्वा धर्मराजस्तु विरंचिमिदमब्रवीत् । भगवन्विश्वकृल्लोके नैष मार्गस्त्वया कृतः

tacchrutvā dharmarājastu viraṁcimidamabravīt bhagavanviśvakṛlloke naiṣa mārgastvayā kṛtaḥ

Hearing this, the King of Dharma said this to Virañci: "O Lord, maker of the universe, this is not a rule that you yourself have established in the world."

Verse 86 (skanda.5.27.86)

यमलोकमनुप्राप्य कायहीनः शरीरवान् । यत्कायरहितो याति नैतदत्र प्रपद्यते

yamalokamanuprāpya kāyahīnaḥ śarīravān yatkāyarahito yāti naitadatra prapadyate

"'Having reached the world of Yama, an embodied being becomes bodiless; that one bereft of body should then leave again with a body — this cannot rightly occur here.'"

Verse 87 (skanda.5.27.87)

तच्छुत्वा हि पुनर्ब्रह्मा विश्वस्यास्य विभुः स्वयम् । विश्वकृद्विश्वहद्यस्माद्यदिच्छति करोतु तत्

tacchutvā hi punarbrahmā viśvasyāsya vibhuḥ svayam viśvakṛdviśvahadyasmādyadicchati karotu tat

Hearing this, Brahmā, himself the lord of this universe, said: "Since he is the maker and remover of the universe, let him do as he wishes."

Verse 88 (skanda.5.27.88)

तस्मादर्पय पुत्रं त्वं मुनेः सांदीपनेश्च यः । नरके यं पुनः कृत्वा तं चानय महामते

tasmādarpaya putraṁ tvaṁ muneḥ sāṁdīpaneśca yaḥ narake yaṁ punaḥ kṛtvā taṁ cānaya mahāmate

"'Therefore, O great-minded one, restore the son of the sage Sāndīpani; having remade him in hell, bring him forth.'"

Verse 89 (skanda.5.27.89)

तच्छुत्वा धर्मराजस्तु पुत्रं सांदीपनेस्तथा । ससर्ज बाल रूपं च तदात्मानं तदुद्भवम्

tacchutvā dharmarājastu putraṁ sāṁdīpanestathā sasarja bāla rūpaṁ ca tadātmānaṁ tadudbhavam

Hearing this, the King of Dharma then created the son of Sāndīpani, in the form of that very boy, as if he himself were his origin.

Verse 90 (skanda.5.27.90)

अर्पयामास कृष्णस्य बालं रूपसमन्वितम् । स सर्वदेवतानां च तदद्भुतमिवाभवत्

arpayāmāsa kṛṣṇasya bālaṁ rūpasamanvitam sa sarvadevatānāṁ ca tadadbhutamivābhavat

He delivered to Kṛṣṇa the boy, complete in form; this seemed a wonder even to all the gods.

Verse 91 (skanda.5.27.91)

ततः प्राप्य गुरोः पुत्रं प्रभुः प्रीतः प्रजापतिम् । प्राह प्राप्तो मया ब्रह्मन्स्वरूपो द्विजदारकः

tataḥ prāpya guroḥ putraṁ prabhuḥ prītaḥ prajāpatim prāha prāpto mayā brahmansvarūpo dvijadārakaḥ

Then, the Lord, having obtained his teacher's son, pleased, said to the Lord of creatures: "O Brahmā, I have obtained the twice-born's son in his true form."

Verse 92 (skanda.5.27.92)

श्रीकृष्ण उवाच । अद्यप्रभृति लोकेश देशे मच्चरणां किते । अवंत्यामंकपादाख्ये मृता नेक्षंति ते यमम्

śrīkṛṣṇa uvāca adyaprabhṛti lokeśa deśe maccaraṇāṁ kite avaṁtyāmaṁkapādākhye mṛtā nekṣaṁti te yamam

Śrī Kṛṣṇa said: "From today, O Lord of the world, in this land marked by my footprint, called Aṅkapāda in Avantī, those who die shall not behold Yama."

Verse 93 (skanda.5.27.93)

महाकालपुरे देवमाद्यं वै पुरुषोत्तमम् । विश्वरूपं च गोविंदं शंखोद्धारं च केश वम्

mahākālapure devamādyaṁ vai puruṣottamam viśvarūpaṁ ca goviṁdaṁ śaṁkhoddhāraṁ ca keśa vam

"In the city of Mahākāla, the primal god, the Supreme Person, Viśvarūpa, and Govinda, and Keśava at Śaṅkhoddhāra --"

Verse 94 (skanda.5.27.94)

ये पश्यंति कुशस्थल्यामेतेषां मूर्तिपंचकम् । ते नरा न गमिष्यंति विरंचे निरयं क्वचित्

ye paśyaṁti kuśasthalyāmeteṣāṁ mūrtipaṁcakam te narā na gamiṣyaṁti viraṁce nirayaṁ kvacit

"'-- whoever, at Kuśasthalī, beholds these five forms, O Virañci, those men shall never go to hell.'"

Verse 95 (skanda.5.27.95)

तथैवागमनादत्र मम रामस्य ना रकाः । विमुक्तास्ते त्वघाद्घोरात्प्राप्नुवंत्वखिला दिवम्

tathaivāgamanādatra mama rāmasya nā rakāḥ vimuktāste tvaghādghorātprāpnuvaṁtvakhilā divam

"'Likewise, because of this coming of mine and of Rāma here, may those in hell be freed from terrible sin, and may all of them attain heaven.'"

Verse 96 (skanda.5.27.96)

इत्युक्ते वचने वेधाः प्रोवाच प्रीतिमान्हरिम् । यत्त्वयोक्तं वचः कृष्ण तदस्तु सकलं सदा

ityukte vacane vedhāḥ provāca prītimānharim yattvayoktaṁ vacaḥ kṛṣṇa tadastu sakalaṁ sadā

When this word had been spoken, the Ordainer, full of affection, said to Hari: "Whatever word you have spoken, O Kṛṣṇa, let all of it be so, forever."

Verse 97 (skanda.5.27.97)

ये च त्वामादिपुरुषं प्रथमं पुरुषोत्तमम् । प्रणम्य पश्चाद्रक्ष्यंति स्नात्वा शिवसरस्यपि

ye ca tvāmādipuruṣaṁ prathamaṁ puruṣottamam praṇamya paścādrakṣyaṁti snātvā śivasarasyapi

"'And those who, having bowed to you, the primal, Supreme Person, thereafter protect this vow, having also bathed in Śiva's lake --'"

Verse 98 (skanda.5.27.98)

अधोज्वालं महाकालं सोऽश्वमेधफलं लभेत् । एवमुक्तो हरिः पुत्रमादाय बलिना सह

adhojvālaṁ mahākālaṁ so'śvamedhaphalaṁ labhet evamukto hariḥ putramādāya balinā saha

"'-- and beheld Mahākāla with the flame turned downward, they obtain the fruit of an aśvamedha.' Thus addressed, Hari, taking the boy, together with the mighty Balarāma --"

Verse 99 (skanda.5.27.99)

संमान्य वेधसं कालं समारोहद्रथं ततः । शंखमापूरयामास कृतकार्यो जनार्दनः

saṁmānya vedhasaṁ kālaṁ samārohadrathaṁ tataḥ śaṁkhamāpūrayāmāsa kṛtakāryo janārdanaḥ

"-- having honoured the Ordainer and Kāla, then mounted the chariot; and Janārdana, his purpose accomplished, filled his conch --"

Verse 100 (skanda.5.27.100)

मोक्षाय निरयस्थानां नृणां वै पापकर्मणाम् । ततस्ते शंखशब्देन स्मरणेनाच्युतस्य च

mokṣāya nirayasthānāṁ nṛṇāṁ vai pāpakarmaṇām tataste śaṁkhaśabdena smaraṇenācyutasya ca

"-- for the liberation of the men established in hell on account of their sinful deeds. Then, by the sound of the conch and by remembrance of the Unfallen One --"

Verse 101 (skanda.5.27.101)

दिव्यान्विमानानारुह्य दिवमेवाखिला गताः । शून्यं तन्मंडलं जातं नारायणसमागमे

divyānvimānānāruhya divamevākhilā gatāḥ śūnyaṁ tanmaṁḍalaṁ jātaṁ nārāyaṇasamāgame

"'-- mounting divine celestial cars, all of them went straight to heaven; that realm became empty at the meeting with Nārāyaṇa.'"

Verse 102 (skanda.5.27.102)

कालोऽपि दंडमासाद्य बलदेवात्पुनः पुरम् । प्रविवेश ततो धाता तत्रैवांतरधीयत

kālo'pi daṁḍamāsādya baladevātpunaḥ puram praviveśa tato dhātā tatraivāṁtaradhīyata

Kāla too, having received his staff back from Baladeva, entered his own city again; and the Ordainer vanished from that very place.

Verse 103 (skanda.5.27.103)

कृष्णोपि बलवान्धीरः प्राप्त उज्जयिनीं पुरीम् । बलदेवसहायस्तु सत्वरेणाशुगामिना

kṛṣṇopi balavāndhīraḥ prāpta ujjayinīṁ purīm baladevasahāyastu satvareṇāśugāminā

Kṛṣṇa too, mighty and resolute, together with Baladeva as his companion, swiftly reached the city of Ujjayinī with great speed.

Verse 104 (skanda.5.27.104)

ततः सांदीपनेः पुत्रमर्पयामास केशिहा । गुरवे यत्प्रतिज्ञातं स तस्मादनृणोऽभवत्

tataḥ sāṁdīpaneḥ putramarpayāmāsa keśihā gurave yatpratijñātaṁ sa tasmādanṛṇo'bhavat

Then the slayer of Keśin delivered Sāndīpani's son to him; thus, by what he had promised to his teacher, he became free of that debt.

Verse 105 (skanda.5.27.105)

एवं सांदीपनिः पुत्रं दृष्ट्वा च पुनरागतम् । नागरास्तत्र राजा च विस्मयं परमं ययुः

evaṁ sāṁdīpaniḥ putraṁ dṛṣṭvā ca punarāgatam nāgarāstatra rājā ca vismayaṁ paramaṁ yayuḥ

Thus, seeing his son returned once more, Sāndīpani, and the townspeople, and the king there, were struck with the greatest wonder.

Verse 106 (skanda.5.27.106)

तौ वीरावर्चयामासुर्मत्वा देवोत्तमोत्तमौ । सांदीपनिरुवाचेदं तौ च रामजनार्दनौ

tau vīrāvarcayāmāsurmatvā devottamottamau sāṁdīpaniruvācedaṁ tau ca rāmajanārdanau

They worshipped those two heroes, recognizing them as the greatest of the great gods; and Sāndīpani spoke this to Rāma and Janārdana:

Verse 107 (skanda.5.27.107)

इह स्थास्यति वां कीर्तिर्यावदाभूतसंप्लवम् । स्थाने मदीय एतस्मिंस्तिष्ठंतौ यदुनंदनौ

iha sthāsyati vāṁ kīrtiryāvadābhūtasaṁplavam sthāne madīya etasmiṁstiṣṭhaṁtau yadunaṁdanau

"'Your fame shall abide here until the final dissolution of beings, O joys of the Yadus, remaining here in this my own place.'"

Verse 108 (skanda.5.27.108)

न विज्ञातौ मया वीरौ यदुवृष्णिकुलोद्भवौ । नरनारायणौ देवौ देवकार्यार्थमागतौ

na vijñātau mayā vīrau yaduvṛṣṇikulodbhavau naranārāyaṇau devau devakāryārthamāgatau

"'I did not recognize you two heroes, born of the Yadu-Vṛṣṇi lineage, as the gods Nara and Nārāyaṇa, come here for the sake of the work of the gods.'"

Verse 109 (skanda.5.27.109)

नाल्पमृत्युर्भवेत्तस्य न व्याधिर्न च दुर्गतिः । प्राप्य ह्यत्र च यः स्नाति स्वर्गलोके स मोदते

nālpamṛtyurbhavettasya na vyādhirna ca durgatiḥ prāpya hyatra ca yaḥ snāti svargaloke sa modate

"'He whose death is not untimely, who suffers no disease, no evil fate — he who, having come here, bathes, rejoices in the world of heaven.'"

Verse 110 (skanda.5.27.110)

शंखिनं विश्वरूपं च गोविदं चक्रिणं तथा । चत्वारि विष्णुक्षेत्राणि अंकपादस्तु पंचमः

śaṁkhinaṁ viśvarūpaṁ ca govidaṁ cakriṇaṁ tathā catvāri viṣṇukṣetrāṇi aṁkapādastu paṁcamaḥ

Śaṅkhin, Viśvarūpa, Govinda, and Cakrin — these are four fields of Viṣṇu, and Aṅkapāda is the fifth.

Verse 111 (skanda.5.27.111)

एषां यात्रां प्रवक्ष्यामि यथा कार्या मनीषिभिः । मंदाकिन्यां कृतस्नानो दृष्ट्वा रामजनार्दनौ

eṣāṁ yātrāṁ pravakṣyāmi yathā kāryā manīṣibhiḥ maṁdākinyāṁ kṛtasnāno dṛṣṭvā rāmajanārdanau

I shall now declare the pilgrimage of these, as it should be performed by the wise. Having bathed in the Mandākinī and beheld Rāma and Janārdana --

Verse 112 (skanda.5.27.112)

शंखोद्धारे ततः स्नात्वा प्रपश्येद्बलकेशवौ । स्नानं कृत्वा ततः कुंडे गोविंदं च समर्चयेत

śaṁkhoddhāre tataḥ snātvā prapaśyedbalakeśavau snānaṁ kṛtvā tataḥ kuṁḍe goviṁdaṁ ca samarcayeta

-- one should then bathe at Śaṅkhoddhāra and behold Bala and Keśava; having bathed, one should then worship Govinda at the sacred pool.

Verse 113 (skanda.5.27.113)

चक्रिणं च ततो दृष्ट्वा देवदेवं च शंखिनम् । अंकपादौ ततो दृष्ट्वा विश्वरूपं ततो व्रजेत्

cakriṇaṁ ca tato dṛṣṭvā devadevaṁ ca śaṁkhinam aṁkapādau tato dṛṣṭvā viśvarūpaṁ tato vrajet

Then, having beheld Cakrin, the God of gods, and Śaṅkhin, and then having beheld the two at Aṅkapāda, one should go on to Viśvarūpa.

Verse 114 (skanda.5.27.114)

तस्याग्रतः करीकुंडे स्नानं कृत्वा यथाविधि । पुनस्तेन प्रकारेण प्रपश्येद्बलकेशवौ

tasyāgrataḥ karīkuṁḍe snānaṁ kṛtvā yathāvidhi punastena prakāreṇa prapaśyedbalakeśavau

Before that shrine, having bathed in Karīkuṇḍa according to rule, one should again, in that same manner, behold Bala and Keśava.

Verse 115 (skanda.5.27.115)

स्नानं कृत्वा ततः कुंडे गोविंदं च समर्चयेत् । तथैव चक्रिहलिनौ दृष्ट्वा तं केशवं व्रजेत्

snānaṁ kṛtvā tataḥ kuṁḍe goviṁdaṁ ca samarcayet tathaiva cakrihalinau dṛṣṭvā taṁ keśavaṁ vrajet

Having bathed, one should worship Govinda at the pool; likewise, having beheld Cakrin and Halin, one should go on to Keśava.

Verse 116 (skanda.5.27.116)

शिप्रांभसि नरः स्नात्वा भक्त्या संपूज्य केशवम् । परावृत्यांकपादे तु तां रात्रिं गमयेच्छुचिः

śiprāṁbhasi naraḥ snātvā bhaktyā saṁpūjya keśavam parāvṛtyāṁkapāde tu tāṁ rātriṁ gamayecchuciḥ

Having bathed in the waters of the Śiprā, and worshipped Keśava with devotion, having then returned to Aṅkapāda, one should, remaining pure, spend that night there.

Verse 117 (skanda.5.27.117)

प्रातर्वै भोजयेत्तत्र पंच विप्रांश्च सुव्रतान् । गोदक्षिणां शंखिने तु विश्वरूपाय वै हयम्

prātarvai bhojayettatra paṁca viprāṁśca suvratān godakṣiṇāṁ śaṁkhine tu viśvarūpāya vai hayam

At dawn, one should feed five brāhmaṇas of good vows there; a cow as fee for Śaṅkhin, and a horse for Viśvarūpa.

Verse 118 (skanda.5.27.118)

गोविंदाय गजं दद्यात्सर्वं दद्याच्च केशवे । उपोष्य द्वादशीं विप्र योंऽकपादं समर्चयेत्

goviṁdāya gajaṁ dadyātsarvaṁ dadyācca keśave upoṣya dvādaśīṁ vipra yoṁ'kapādaṁ samarcayet

One should give an elephant for Govinda, and everything together should be given at Keśava's shrine. O brāhmaṇa, whoever, having fasted, worships Aṅkapāda on the twelfth --

Verse 119 (skanda.5.27.119)

गंधपुष्पैश्च धूपैश्च नैवेद्यैर्विविधैस्तथा । श्राद्धं यः कुरुते सर्वं तस्य पुण्यफलं शृणु

gaṁdhapuṣpaiśca dhūpaiśca naivedyairvividhaistathā śrāddhaṁ yaḥ kurute sarvaṁ tasya puṇyaphalaṁ śṛṇu

-- with scents, flowers, and incense, and with various food-offerings, and performs there the entire śrāddha rite — hear the meritorious fruit that is his.

Verse 120 (skanda.5.27.120)

कुलानां शतमुद्धृत्य विमानैः सर्वकामिकैः । गीतनृत्यादिभोगैश्च वैकुंठे सुचिरं वसेत्

kulānāṁ śatamuddhṛtya vimānaiḥ sarvakāmikaiḥ gītanṛtyādibhogaiśca vaikuṁṭhe suciraṁ vaset

Having delivered a hundred generations of his lineage, he dwells for a very long time in Vaikuṇṭha, amid wish-granting celestial cars and the enjoyments of song, dance, and the like.

Verse 121 (skanda.5.27.121)

पुनर्लोक मिमं प्राप्य पवित्रे जायते कुले । प्राप्नोत्यनंतसंतानं विष्णुलोकं पुनर्व्रजेत्

punarloka mimaṁ prāpya pavitre jāyate kule prāpnotyanaṁtasaṁtānaṁ viṣṇulokaṁ punarvrajet

Having again returned to this world, he is born in a holy family; he obtains endless progeny, and again goes to the world of Viṣṇu.