The Glory of the Somavati Ford

Verse 1 (skanda.5.28.1)

सनत्कुमार उवाच । अथान्यं संप्रवक्ष्यामि देवं त्रैलोक्यविश्रुतम् । चंद्रादित्यमिति ख्यातं चंद्रादित्यार्चितं पुरा

sanatkumāra uvāca athānyaṁ saṁpravakṣyāmi devaṁ trailokyaviśrutam caṁdrādityamiti khyātaṁ caṁdrādityārcitaṁ purā

Sanatkumāra said: "Now I shall declare another god, renowned in the three worlds, known as Candrāditya, worshipped of old by the Moon and the Sun."

Verse 2 (skanda.5.28.2)

यस्तं समर्चयेद्देवं सुरासुरनमस्कृतम् । गंधपुपोस्तथा धूपैर्नैवेद्यैविविधैस्तथा

yastaṁ samarcayeddevaṁ surāsuranamaskṛtam gaṁdhapupostathā dhūpairnaivedyaivividhaistathā

"Whoever worships that god, bowed to by gods and asuras, with scents and flowers, with incense, and with various food-offerings --"

Verse 3 (skanda.5.28.3)

चंद्रादित्यादिसालोक्यं प्रयाति सर्वकामिकम् । विमानं सूर्यसंकाशैर्यावच्चंद्रदिवाकरौ

caṁdrādityādisālokyaṁ prayāti sarvakāmikam vimānaṁ sūryasaṁkāśairyāvaccaṁdradivākarau

"-- attains dwelling in the same world as Candrāditya, travelling in a wish-granting celestial car radiant as the sun, for as long as the moon and sun endure."

Verse 4 (skanda.5.28.4)

इति चन्द्रादित्यमाहात्म्यम् । सनत्कुमार उवाच । करभेशं ततो गच्छेद्देवदेवं महेश्वरम् । यस्य दर्शनमात्रेण कुयोनौ नैव जायते

iti candrādityamāhātmyam sanatkumāra uvāca karabheśaṁ tato gaccheddevadevaṁ maheśvaram yasya darśanamātreṇa kuyonau naiva jāyate

Thus ends the glory of Candrāditya. Sanatkumāra said: One should then go to Karabheśa, the great God of gods; by the mere sight of him, one is never born in a lowly womb.

Verse 5 (skanda.5.28.5)

व्यास उवाच । करभेशमहं देवं श्रोतुमिच्छामि तत्त्वतः । कथं देवः समुत्पन्नः करभेशेतिसंज्ञितः

vyāsa uvāca karabheśamahaṁ devaṁ śrotumicchāmi tattvataḥ kathaṁ devaḥ samutpannaḥ karabheśetisaṁjñitaḥ

Vyāsa said: "I wish to hear in truth about the god Karabheśa — how did the god arise, and come to be designated by the name Karabheśa?"

Verse 6 (skanda.5.28.6)

सनत्कुमार उवाच । पुरा देवगणैः सार्धं देवदेवो महेश्वरः । वनेऽस्मिन्क्रीडयामास परमाह्लादसंयुतः

sanatkumāra uvāca purā devagaṇaiḥ sārdhaṁ devadevo maheśvaraḥ vane'sminkrīḍayāmāsa paramāhlādasaṁyutaḥ

Sanatkumāra said: "Formerly, together with the hosts of gods, the great God of gods sported in this forest, filled with supreme delight."

Verse 7 (skanda.5.28.7)

क्रीडन्बहुतिथे काले शंकरः करभोऽभवत् । ज्ञायते च स नो देवैः शंकरः करभाकृतिः

krīḍanbahutithe kāle śaṁkaraḥ karabho'bhavat jñāyate ca sa no devaiḥ śaṁkaraḥ karabhākṛtiḥ

"Sporting there for a long while, Śaṅkara took on the form of a karabha (young camel); and, in that camel-shaped form, Śaṅkara was not recognized by us gods."

Verse 8 (skanda.5.28.8)

अन्वेषयंति ते देवास्ततो विस्मयसंयुताः । न पश्यंति यदा तत्र तं देवं शूलपाणिनम्

anveṣayaṁti te devāstato vismayasaṁyutāḥ na paśyaṁti yadā tatra taṁ devaṁ śūlapāṇinam

Those gods, filled with wonder, searched for him; when they could not see there the trident-bearing god...

Verse 9 (skanda.5.28.9)

देवैः पृष्टस्ततो ब्रह्मा क्वास्ति देवो महेश्वरः । ध्यात्वाथ ब्रह्मणा दृष्टो गुप्तो योगप्रभुर्हरः

devaiḥ pṛṣṭastato brahmā kvāsti devo maheśvaraḥ dhyātvātha brahmaṇā dṛṣṭo gupto yogaprabhurharaḥ

"-- Brahmā was asked by the gods: 'Where is the great god?' Then, having meditated, Brahmā beheld Hara, the lord of yoga, hidden in disguise."

Verse 10 (skanda.5.28.10)

देवैः सार्धं ततो ब्रह्मा पप्रच्छ गणनायकम् । न दृष्टः शंकरोऽस्माभिर्गतः कुत्र विनायक

devaiḥ sārdhaṁ tato brahmā papraccha gaṇanāyakam na dṛṣṭaḥ śaṁkaro'smābhirgataḥ kutra vināyaka

Then Brahmā, together with the gods, asked the leader of the gaṇas: "We have not seen Śaṅkara — where has he gone, O Vinayaka?"

Verse 11 (skanda.5.28.11)

कथयस्व नमस्तुभ्यं दास्यामो लड्डुकान्विभो । एवमुक्तस्तदा हृष्टः प्रोवाच गणनायकः

kathayasva namastubhyaṁ dāsyāmo laḍḍukānvibho evamuktastadā hṛṣṭaḥ provāca gaṇanāyakaḥ

"'Tell us — homage to you! We shall give you sweet laddus, O mighty one.' Thus addressed, the leader of the gaṇas, delighted, then spoke --"

Verse 12 (skanda.5.28.12)

करभोऽयं महाऽदेवो दृश्यते विबुधो त्तमाः । श्रुत्वा चैवं वचो देवाः प्रहृष्टाः करभं ययुः

karabho'yaṁ mahā'devo dṛśyate vibudho ttamāḥ śrutvā caivaṁ vaco devāḥ prahṛṣṭāḥ karabhaṁ yayuḥ

"'-- O best of the wise ones, this great god is seen right here as a karabha.' Hearing this word, the gods, greatly delighted, went to the camel."

Verse 13 (skanda.5.28.13)

ज्ञातोऽस्माभिर्महादेव जल्पंत इति ते स्वयम् । गत्वा चैव ततः सर्व चतुर्दिक्षु स्थिताः स्वयम्

jñāto'smābhirmahādeva jalpaṁta iti te svayam gatvā caiva tataḥ sarva caturdikṣu sthitāḥ svayam

Saying "We ourselves have recognized you, O great god," they went there, and all of them stationed themselves on the four sides.

Verse 14 (skanda.5.28.14)

विचिंत्येति कथं ज्ञातः शंकरो विस्मयं गतः । त्यक्त्वाथ कारभं रूपं देवदेवो महेश्वरः

viciṁtyeti kathaṁ jñātaḥ śaṁkaro vismayaṁ gataḥ tyaktvātha kārabhaṁ rūpaṁ devadevo maheśvaraḥ

Thinking, "How was I recognized?" Śaṅkara was struck with wonder; then the great God of gods abandoned his camel-form.

Verse 15 (skanda.5.28.15)

लिंगमुत्पादयामास दिव्यं यत्करभे श्वरम् । ते दृष्ट्वाऽथ सुराः सर्वे साष्टांगप्रणतिस्थिताः

liṁgamutpādayāmāsa divyaṁ yatkarabhe śvaram te dṛṣṭvā'tha surāḥ sarve sāṣṭāṁgapraṇatisthitāḥ

He caused to arise a divine liṅga, which became known as Karabheśvara. Seeing it, all the gods then prostrated themselves, touching the ground with eight limbs.

Verse 16 (skanda.5.28.16)

ततःप्रभृति विख्यातः शंकरः करभेश्वरः । कोटितीर्थादुत्तरस्मिन्स्थापयामास विघ्नपम्

tataḥprabhṛti vikhyātaḥ śaṁkaraḥ karabheśvaraḥ koṭitīrthāduttarasminsthāpayāmāsa vighnapam

From then on, Śaṅkara became renowned as Karabheśvara. To the north of Koṭitīrtha, he also established Gaṇeśa, the remover of obstacles.

Verse 17 (skanda.5.28.17)

स्वनाम्ना प्रथितं चक्रे करभं चातिपूजितम् । स्नात्वा तत्र शुचिर्भूत्वा यस्तमर्चयते शिवम्

svanāmnā prathitaṁ cakre karabhaṁ cātipūjitam snātvā tatra śucirbhūtvā yastamarcayate śivam

He made Karabha renowned by his own name, and greatly honoured. He who, having bathed there and become pure, worships that Śiva --

Verse 18 (skanda.5.28.18)

गंधपुष्पैश्च नैवेद्यैः शृणु तेषां च यत्फलम् । सर्वमेधेषु यत्पुण्यं सर्वदानेषु यत्फलम्

gaṁdhapuṣpaiśca naivedyaiḥ śṛṇu teṣāṁ ca yatphalam sarvamedheṣu yatpuṇyaṁ sarvadāneṣu yatphalam

"-- with scents, flowers, and food-offerings, hear what fruit is theirs: whatever merit exists in all sacrifices, whatever fruit exists in all gifts --"

Verse 19 (skanda.5.28.19)

ततोऽधिकं स लभते नात्र कार्या विचारणा । महाकालं ततो गच्छन्संपूर्णं फलमाप्नुयात्

tato'dhikaṁ sa labhate nātra kāryā vicāraṇā mahākālaṁ tato gacchansaṁpūrṇaṁ phalamāpnuyāt

"-- he obtains more than that; no doubt need be entertained about this. Going on then to Mahākāla, he obtains the complete fruit."

Verse 20 (skanda.5.28.20)

ततः प्रसिद्धो लोकेऽस्मिन्नृद्धिदः करभेश्वरः

tataḥ prasiddho loke'sminnṛddhidaḥ karabheśvaraḥ

Thus Karabheśvara became renowned in this world as a giver of prosperity.

Verse 21 (skanda.5.28.21)

इति करभेश्वरमाहात्म्यम् ।। ।। छ । सनत्कुमार उवाच । लइडुकैश्च ततो देवैर्विघ्ननाथः समर्चितः । तदाप्रभृति विख्यातो विश्वेशो लड्डुकप्रियः

iti karabheśvaramāhātmyam cha sanatkumāra uvāca laiḍukaiśca tato devairvighnanāthaḥ samarcitaḥ tadāprabhṛti vikhyāto viśveśo laḍḍukapriyaḥ

Thus ends the glory of Karabheśvara. Sanatkumāra said: The Lord of obstacles was then worshipped by the gods with laddus; from that time he became renowned as Viśveśa, fond of laddus.

Verse 22 (skanda.5.28.22)

यः समर्चयते भक्त्या तस्य विघ्नो न जायते । तस्मै ददाति संतुष्टः सर्वान्कामान्विनायकः

yaḥ samarcayate bhaktyā tasya vighno na jāyate tasmai dadāti saṁtuṣṭaḥ sarvānkāmānvināyakaḥ

He who worships him with devotion never encounters an obstacle; Vinayaka, well pleased, grants him all his desires.

Verse 23 (skanda.5.28.23)

निराहारश्चतुर्थ्यां च स्नात्वा शिप्रां विशेषतः । रक्तांबरधरोभूत्वा रक्तपुष्पैर्विनायकम्

nirāhāraścaturthyāṁ ca snātvā śiprāṁ viśeṣataḥ raktāṁbaradharobhūtvā raktapuṣpairvināyakam

Fasting on the fourth lunar day, having bathed especially in the Śiprā, and wearing red garments, one should worship Vinayaka with red flowers --

Verse 24 (skanda.5.28.24)

रक्तचंदनतोयेन मंत्रैः स्नपनपूर्वकम् । चंदनेनापि रक्तेन तं विलेप्य प्रपूजयेत्

raktacaṁdanatoyena maṁtraiḥ snapanapūrvakam caṁdanenāpi raktena taṁ vilepya prapūjayet

"-- bathing him beforehand with red-sandalwood water while reciting mantras, and, having anointed him also with red sandalwood, one should worship him."

Verse 25 (skanda.5.28.25)

धूपं दद्यात्तथा दिव्यं सुगंधं लड्डुकप्रिये । नैवेद्ये लड्डुका देया आज्यखंडपरिप्लुताः

dhūpaṁ dadyāttathā divyaṁ sugaṁdhaṁ laḍḍukapriye naivedye laḍḍukā deyā ājyakhaṁḍapariplutāḥ

"One should offer divine, fragrant incense to him who loves laddus; as food-offering, laddus soaked in ghee and sugar should be given."

Verse 26 (skanda.5.28.26)

न तस्य जायते व्याधिर्भयं विघ्नं कदाचन । लभते च सदाभीष्टं मृतः शिवपुरं व्रजेत्

na tasya jāyate vyādhirbhayaṁ vighnaṁ kadācana labhate ca sadābhīṣṭaṁ mṛtaḥ śivapuraṁ vrajet

He never suffers disease, fear, or obstacle; he ever obtains what he desires, and after death goes to Śivapura.

Verse 27 (skanda.5.28.27)

अवतीर्णः पुनर्लोके जायते वसुधाधिपः । मतिमान्पुत्रवाञ्छूरो नात्र कार्या विचारणा

avatīrṇaḥ punarloke jāyate vasudhādhipaḥ matimānputravāñchūro nātra kāryā vicāraṇā

Descending again into this world, he becomes a lord of the earth, wise, blessed with sons, and heroic — no doubt need be entertained about this.

Verse 28 (skanda.5.28.28)

इति गणेशमा हात्म्यम् । सनत्कुमार उवाच । कुसुमेशं सुरद्वारे सुरासुरनमस्कृतम् । श्रद्धया पूजयेद्यस्तु शिवलोके स मोदते

iti gaṇeśamā hātmyam sanatkumāra uvāca kusumeśaṁ suradvāre surāsuranamaskṛtam śraddhayā pūjayedyastu śivaloke sa modate

Thus ends the glory of Gaṇeśa. Sanatkumāra said: Whoever worships Kusumeśa, at the Gate of the Gods, bowed to by gods and asuras, with faith, rejoices in the world of Śiva.

Verse 29 (skanda.5.28.29)

जयेश्वरं तु यः पश्येद्देवदेवं महेश्वरम् । जयी स्यात्सर्वकार्येषु शिवलोकं स गच्छति

jayeśvaraṁ tu yaḥ paśyeddevadevaṁ maheśvaram jayī syātsarvakāryeṣu śivalokaṁ sa gacchati

He who beholds Jayeśvara, the great God of gods, becomes victorious in all undertakings, and goes to the world of Śiva.

Verse 30 (skanda.5.28.30)

शिवद्वारे शिवं लिंगमर्चयेन्मानवो यदि । त्रिदिवं याति यानेन गाणपत्यं च विंदति

śivadvāre śivaṁ liṁgamarcayenmānavo yadi tridivaṁ yāti yānena gāṇapatyaṁ ca viṁdati

If a man worships the liṅga of Śiva at Śivadvāra, he goes to heaven in a celestial car, and attains the state of a lord of the gaṇas.

Verse 31 (skanda.5.28.31)

अथान्यं संप्रवक्ष्यामि मार्कंडेश्वरमुत्तमम् । मार्कण्डेयो मुनिर्यत्र तप्तवान्सुमहत्तपः

athānyaṁ saṁpravakṣyāmi mārkaṁḍeśvaramuttamam mārkaṇḍeyo muniryatra taptavānsumahattapaḥ

Now I shall declare another, the supreme Mārkaṇḍeśvara, where the sage Mārkaṇḍeya performed very great austerity.

Verse 32 (skanda.5.28.32)

दृष्ट्वा तं शंकरं देवं वाजपेयफलं लभेत् । सर्वपापविशुद्धात्मा चिरायुर्जायते नरः

dṛṣṭvā taṁ śaṁkaraṁ devaṁ vājapeyaphalaṁ labhet sarvapāpaviśuddhātmā cirāyurjāyate naraḥ

Having beheld that god Śaṅkara, one obtains the fruit of a vājapeya sacrifice; a man, his soul purified of all sin, becomes long-lived.

Verse 33 (skanda.5.28.33)

शृणु व्यास महास्थानं यस्यां पुर्यामनुत्तमम् । यत्र तिष्ठति सा देवी ब्रह्माणी हंसवाहिनी

śṛṇu vyāsa mahāsthānaṁ yasyāṁ puryāmanuttamam yatra tiṣṭhati sā devī brahmāṇī haṁsavāhinī

Hear, O Vyāsa, of a great and unsurpassed place in that city, where dwells the goddess Brahmāṇī, who rides upon a swan.

Verse 34 (skanda.5.28.34)

भक्तानां पूरयेदाशां पुत्रवत्परिपालयेत् । यथा माता तथा देवी दृष्टा शांतिपरैरपि

bhaktānāṁ pūrayedāśāṁ putravatparipālayet yathā mātā tathā devī dṛṣṭā śāṁtiparairapi

She fulfils the hopes of her devotees and cherishes them like a son; the goddess is regarded just like a mother, seen thus even by those devoted to tranquillity.

Verse 35 (skanda.5.28.35)

अर्चिता ब्रह्मणा सा तु स्तुता देवी सुरोत्तमैः । अर्चयेद्गंधृपुष्पैश्च नैवेद्यैः सर्वसिद्धिदाम् । अपि या ब्रह्मणः पूर्वमभूदेव सुसिद्धिदा

arcitā brahmaṇā sā tu stutā devī surottamaiḥ arcayedgaṁdhṛpuṣpaiśca naivedyaiḥ sarvasiddhidām api yā brahmaṇaḥ pūrvamabhūdeva susiddhidā

She, worshipped by Brahmā and praised by the best of gods, grants all accomplishments to whoever worships her with scents, flowers, and food-offerings; and she, indeed, was of old a bestower of perfect accomplishment even for Brahmā himself.

Verse 36 (skanda.5.28.36)

यः स्नात्वा ब्रह्मसरसि पश्ये द्ब्रह्मेश्वरं शिवम् । भवबंधविनिर्मुक्तो ब्रह्मलोके स मोदते

yaḥ snātvā brahmasarasi paśye dbrahmeśvaraṁ śivam bhavabaṁdhavinirmukto brahmaloke sa modate

He who, having bathed in Brahmasaras, beholds Śiva as Brahmeśvara, is freed from the bondage of worldly existence and rejoices in the world of Brahmā.

Verse 37 (skanda.5.28.37)

अथान्यां संप्रवक्ष्यामि यज्ञवापीमनुत्तमाम् । यत्र वै ब्रह्मणा पूर्वमिष्टो यज्ञः सदक्षिणः

athānyāṁ saṁpravakṣyāmi yajñavāpīmanuttamām yatra vai brahmaṇā pūrvamiṣṭo yajñaḥ sadakṣiṇaḥ

Now I shall declare another, the unsurpassed Yajñavāpī, where formerly Brahmā performed a sacrifice complete with sacrificial fees.

Verse 38 (skanda.5.28.38)

यज्ञार्थं यत्कृतं कुंडं यज्ञवापी च सा स्मृता । पशुश्च पतितो यस्मात्तस्मात्पशुपतिः स्मृतः

yajñārthaṁ yatkṛtaṁ kuṁḍaṁ yajñavāpī ca sā smṛtā paśuśca patito yasmāttasmātpaśupatiḥ smṛtaḥ

The pool made for the sake of that sacrifice is remembered as Yajñavāpī; and because a sacrificial animal fell there, the god there is remembered as Paśupati.

Verse 39 (skanda.5.28.39)

तस्यां स्नात्वा शुचिर्भूत्वा पश्येत्पशुपतिं तु यः । उद्धरेत्स पितॄन्व्यास पशुयोनिगतानपि

tasyāṁ snātvā śucirbhūtvā paśyetpaśupatiṁ tu yaḥ uddharetsa pitṝnvyāsa paśuyonigatānapi

He who, having bathed there and become pure, beholds Paśupati, O Vyāsa, delivers his ancestors, even those who have fallen into animal wombs.

Verse 40 (skanda.5.28.40)

सुवर्णमणिमुक्ताद्यैर्विमानैः सर्वकामगैः । याति रुद्रपुरं दिव्यं यत्र देवो महेश्वरः

suvarṇamaṇimuktādyairvimānaiḥ sarvakāmagaiḥ yāti rudrapuraṁ divyaṁ yatra devo maheśvaraḥ

He goes, in celestial cars of gold, jewels, pearls and the like, wish-fulfilling and going wherever desired, to the divine city of Rudra where the great God dwells.

Verse 41 (skanda.5.28.41)

रूपकुंडे नरः स्नात्वा सुरूपो जायतेनरः । स्वर्गे स देवगंधर्वैः स्पृहणीयवपुर्भवेत्

rūpakuṁḍe naraḥ snātvā surūpo jāyatenaraḥ svarge sa devagaṁdharvaiḥ spṛhaṇīyavapurbhavet

A man who bathes in Rūpakuṇḍa becomes beautiful of form; in heaven, his body becomes an object of longing even to the gods and gandharvas.

Verse 42 (skanda.5.28.42)

कुंडे स्नात्वाप्यनंगे यः शुचिर्भूत्वा समाहितः । पश्येच्च देवदेवेशमनंगेनार्चितं पुरा । कामं स लभतेऽभीष्टं मृतो याति शिवालयम्

kuṁḍe snātvāpyanaṁge yaḥ śucirbhūtvā samāhitaḥ paśyecca devadeveśamanaṁgenārcitaṁ purā kāmaṁ sa labhate'bhīṣṭaṁ mṛto yāti śivālayam

He who, having bathed in the pool of Ananga and become pure and composed, beholds the God of gods, worshipped of old by Ananga, obtains the desire he seeks, and after death goes to the abode of Śiva.

Verse 43 (skanda.5.28.43)

आषाढे तु सिताष्टम्यां जागरं यस्तु कारयेत् । केदारे यत्फलं प्रोक्तं तत्समानमवाप्नुयात्

āṣāḍhe tu sitāṣṭamyāṁ jāgaraṁ yastu kārayet kedāre yatphalaṁ proktaṁ tatsamānamavāpnuyāt

Whoever keeps a night-vigil on the bright eighth of Āṣāḍha obtains the same fruit that has been declared for Kedāra.

Verse 44 (skanda.5.28.44)

करीकुंडे नरः स्नात्वा विश्वरूपं तु योऽर्चयेत् । मुच्यते सर्वपापेभ्यो विष्णुलोकं स गच्छति

karīkuṁḍe naraḥ snātvā viśvarūpaṁ tu yo'rcayet mucyate sarvapāpebhyo viṣṇulokaṁ sa gacchati

A man who, having bathed in Karīkuṇḍa, worships Viśvarūpa, is freed from all sins and goes to the world of Viṣṇu.

Verse 45 (skanda.5.28.45)

अजागंधे नरः स्नात्वा दृष्ट्वा ब्रह्मेश्वरं शिवम् । ब्रह्महत्यासमं पापं तत्क्षणात्संव्यपोहति

ajāgaṁdhe naraḥ snātvā dṛṣṭvā brahmeśvaraṁ śivam brahmahatyāsamaṁ pāpaṁ tatkṣaṇātsaṁvyapohati

A man who bathes at Ajāgandha and beholds Śiva as Brahmeśvara dispels, in that very instant, sin equal to the killing of a brāhmaṇa.

Verse 46 (skanda.5.28.46)

चक्रतीर्थे नरः स्नात्वा चक्र स्वामिनमर्चयेत् । जायते स नरो व्यास चक्रवर्ती सदा भुवि

cakratīrthe naraḥ snātvā cakra svāminamarcayet jāyate sa naro vyāsa cakravartī sadā bhuvi

A man who bathes at Cakratīrtha and worships Cakrasvāmin, O Vyāsa, becomes a universal sovereign on earth forever.

Verse 47 (skanda.5.28.47)

सिद्धेश्वरं यदा पश्येत्स्नात्वा सुविधिपूर्वकम् । कामिकेन विमानेन रुद्रलोकं स गच्छति

siddheśvaraṁ yadā paśyetsnātvā suvidhipūrvakam kāmikena vimānena rudralokaṁ sa gacchati

When, having bathed according to the proper rite, one beholds Siddheśvara, one goes to the world of Rudra in a wish-granting celestial car.

Verse 48 (skanda.5.28.48)

इति यज्ञवापीमाहात्म्यम् । सोमवत्यां नरः स्नात्वा यः सोमेश्वरमर्चयेत् । सोमवन्निर्मलो भूत्वा सोमलोके स मोदते

iti yajñavāpīmāhātmyam somavatyāṁ naraḥ snātvā yaḥ someśvaramarcayet somavannirmalo bhūtvā somaloke sa modate

Thus ends the glory of Yajñavāpī. The man who, having bathed at Somavatī, worships Someśvara, becomes spotless like the moon and rejoices in the world of Soma.

Verse 49 (skanda.5.28.49)

व्यास उवाच । तीर्थं सोमवतीनाम लिंगं सोमेश्वरं तथा । अभूदेतत्कथं नाम श्रोतुमिच्छामि तत्त्वतः

vyāsa uvāca tīrthaṁ somavatīnāma liṁgaṁ someśvaraṁ tathā abhūdetatkathaṁ nāma śrotumicchāmi tattvataḥ

Vyāsa said: "I wish to hear in truth how this ford named Somavatī, and likewise the liṅga Someśvara, came to be."

Verse 50 (skanda.5.28.50)

सनत्कुमार उवाच । शृणु व्यास यथोत्पन्नं सोमतीर्थं सुशोभनम् । सोमेश्वरं यथा लिंगमेतत्सत्यं वदामि ते

sanatkumāra uvāca śṛṇu vyāsa yathotpannaṁ somatīrthaṁ suśobhanam someśvaraṁ yathā liṁgametatsatyaṁ vadāmi te

Sanatkumāra said: "Listen, O Vyāsa, how the beautiful ford of Soma arose, and how the liṅga Someśvara arose — this truth I shall tell you."

Verse 51 (skanda.5.28.51)

यो देवो भगवान्सोमो लोकस्याप्यायनं परम् । आसीत्तस्य पुरा व्यास पिता विप्रो महातपाः

yo devo bhagavānsomo lokasyāpyāyanaṁ param āsīttasya purā vyāsa pitā vipro mahātapāḥ

That god, the Lord Soma, the supreme nourisher of the world — of old, O Vyāsa, his father was a brāhmaṇa of great austerity.

Verse 52 (skanda.5.28.52)

अवन्त्यां च महाभागो योऽत्रिर्नामा तपोनिधिः । वर्षाणां त्रीणि दिव्यानि सहस्राणि तपो महत्

avantyāṁ ca mahābhāgo yo'trirnāmā taponidhiḥ varṣāṇāṁ trīṇi divyāni sahasrāṇi tapo mahat

In Avantī, the illustrious one named Atri, a treasury of austerity, performed a great austerity of three thousand divine years.

Verse 53 (skanda.5.28.53)

ऊर्ध्वबाहुः स वै तेपे ब्रह्मध्यानपरायणः । ऊर्ध्वं गतं ततो व्यास ब्राह्म्यं तेजो महात्मनः

ūrdhvabāhuḥ sa vai tepe brahmadhyānaparāyaṇaḥ ūrdhvaṁ gataṁ tato vyāsa brāhmyaṁ tejo mahātmanaḥ

With arms upraised, he practised austerity, wholly devoted to meditation on Brahman. Then, O Vyāsa, the brahmanic splendour of that great soul rose upward --

Verse 54 (skanda.5.28.54)

नेत्राभ्यां तेन सुस्राव भासयच्च दिशो दश । तेजस्तत्सहसा दृष्ट्वा दिशो दशोद्धतं स्वतः

netrābhyāṁ tena susrāva bhāsayacca diśo daśa tejastatsahasā dṛṣṭvā diśo daśoddhataṁ svataḥ

"-- and flowed forth from his two eyes, illuminating the ten directions. Beholding that splendour suddenly rising of itself and overwhelming the ten directions --"

Verse 55 (skanda.5.28.55)

दिशश्च तद्यदा व्यास सर्वा धर्तुं न चाशकन् । असुस्रवत्तदा दिग्भ्यस्तद्धि तेजोतिदुःसहम्

diśaśca tadyadā vyāsa sarvā dhartuṁ na cāśakan asusravattadā digbhyastaddhi tejotiduḥsaham

"-- when, O Vyāsa, all the directions were unable to bear it, that unbearable splendour then flowed out from the directions."

Verse 56 (skanda.5.28.56)

लोकांश्च भासयत्सर्वान्धरण्यां वै पपात ह । सोमो जातस्ततस्तेन शीतांशुश्च जनप्रियः

lokāṁśca bhāsayatsarvāndharaṇyāṁ vai papāta ha somo jātastatastena śītāṁśuśca janapriyaḥ

Illuminating all the worlds, it fell down upon the earth; from it Soma was born, the cool-rayed one, beloved of all people.

Verse 57 (skanda.5.28.57)

वारि सोमात्समुत्पन्नं व्यास तेनैव तेजसा । प्रविष्टा सा नदी शिप्राममृतेनातिपूरिता

vāri somātsamutpannaṁ vyāsa tenaiva tejasā praviṣṭā sā nadī śiprāmamṛtenātipūritā

O Vyāsa, water arose from Soma by that very splendour; it entered the river Śiprā, filling it to overflowing with nectar.

Verse 58 (skanda.5.28.58)

ततः सोमवती शिप्रा विख्याता सर्वसि द्धिदा । सोमयुक्तां नदीं शिप्रां दृष्ट्वा पापं व्यपोहति

tataḥ somavatī śiprā vikhyātā sarvasi ddhidā somayuktāṁ nadīṁ śiprāṁ dṛṣṭvā pāpaṁ vyapohati

Thence the Śiprā became renowned as Somavatī, the giver of all accomplishments; beholding the Śiprā joined with Soma, one dispels sin.

Verse 59 (skanda.5.28.59)

ख्याता च त्रिषु लोकेषु पापिनां पुण्यदायिनी । ब्रह्महा वा सुरापो वा स्तेयी वा गुरुतल्पगः

khyātā ca triṣu lokeṣu pāpināṁ puṇyadāyinī brahmahā vā surāpo vā steyī vā gurutalpagaḥ

It is renowned in the three worlds as a bestower of merit even upon sinners: the killer of a brāhmaṇa, or the drinker of liquor, or the thief, or the violator of his teacher's bed --

Verse 60 (skanda.5.28.60)

चत्वारोऽप्यत्र पापेन मुच्यंते दर्शनाद्ध्रुवम् । अमासोमौ यदा युक्तौ सोमवत्यां तदा मुने

catvāro'pyatra pāpena mucyaṁte darśanāddhruvam amāsomau yadā yuktau somavatyāṁ tadā mune

"-- all four of these are surely freed from their sin by the mere sight of it. O sage, when the new moon and Monday coincide at Somavatī --"

Verse 61 (skanda.5.28.61)

स्नानं दानं च यो धीमाञ्जपं होमं समाचरेत् । अक्षयं तस्य तत्सर्वं यावच्चंद्रदिवाकरौ

snānaṁ dānaṁ ca yo dhīmāñjapaṁ homaṁ samācaret akṣayaṁ tasya tatsarvaṁ yāvaccaṁdradivākarau

"-- whatever bathing, gift-giving, mantra-recitation, or fire-oblation a wise man performs then, all of it becomes imperishable for as long as the moon and sun endure."

Verse 62 (skanda.5.28.62)

तिलोदकप्रदानेन पिंडदानेन कारिता । अकाले कालिकी तृप्तिः पितॄणां च यतो मता

tilodakapradānena piṁḍadānena kāritā akāle kālikī tṛptiḥ pitṝṇāṁ ca yato matā

By the offering of sesame-water and by the offering of rice-balls performed then, even an untimely satisfaction is held to come to the ancestors.

Verse 63 (skanda.5.28.63)

सर्वत्र दुर्लभा सिप्रा सोमं सोमग्रहस्तथा । सोमेश्वरः सोमवारः सकाराः पंच दुर्लभाः

sarvatra durlabhā siprā somaṁ somagrahastathā someśvaraḥ somavāraḥ sakārāḥ paṁca durlabhāḥ

Everywhere rare is the combination of the Śiprā, the moon, a lunar conjunction, Someśvara, and Monday — these five, all beginning with the sound 'sa', are rare to find together.

Verse 64 (skanda.5.28.64)

शिप्रासोमजलं व्यास कोटितीर्थफलप्रदम् । अमासोमसमायोगे पितृतीर्थसमं स्मृतम्

śiprāsomajalaṁ vyāsa koṭitīrthaphalapradam amāsomasamāyoge pitṛtīrthasamaṁ smṛtam

O Vyāsa, the water of the Śiprā joined with Soma bestows the fruit of Koṭitīrtha; at the conjunction of the new moon and Monday, it is remembered as equal to a Pitṛtīrtha.

Verse 65 (skanda.5.28.65)

अमायां सोमवारश्चेद्व्यतीपातो यदा भवेत् । शतगुणं गयायास्तु सोमवत्यां प्रकीर्तितम्

amāyāṁ somavāraścedvyatīpāto yadā bhavet śataguṇaṁ gayāyāstu somavatyāṁ prakīrtitam

If Monday falls on the new moon together with a vyatīpāta conjunction, it is declared that the merit at Somavatī is a hundredfold that of Gayā.

Verse 66 (skanda.5.28.66)

एवं सोमवतीतीर्थं जातमत्र महामुने । सोमं दृष्ट्वाथ पतितं क्षितौ ब्रह्मा जगद्गुरुः

evaṁ somavatītīrthaṁ jātamatra mahāmune somaṁ dṛṣṭvātha patitaṁ kṣitau brahmā jagadguruḥ

Thus, O great sage, the ford of Somavatī arose here. Then Brahmā, teacher of the world, seeing Soma fallen upon the earth --

Verse 67 (skanda.5.28.67)

रथे तं स्थापयामास लोकानां हितकाम्यया । सं तु वेदमयो व्यास धर्माक्षः सत्यसंग्रहः

rathe taṁ sthāpayāmāsa lokānāṁ hitakāmyayā saṁ tu vedamayo vyāsa dharmākṣaḥ satyasaṁgrahaḥ

"-- set him upon a chariot, out of desire for the welfare of the worlds. O Vyāsa, that chariot was made of the Vedas, its axle was dharma, and it was a repository of truth."

Verse 68 (skanda.5.28.68)

युक्तो वाजिसहस्रेण ब्रह्मणा प्रेरितस्तदा । दृष्ट्वा सोमं ततो देवा रथे तं ब्रह्मणा युतम्

yukto vājisahasreṇa brahmaṇā preritastadā dṛṣṭvā somaṁ tato devā rathe taṁ brahmaṇā yutam

Yoked with a thousand steeds, it was then driven by Brahmā. Then the gods, seeing Soma there upon the chariot together with Brahmā --

Verse 69 (skanda.5.28.69)

तुष्टुवुः सर्वभावेन हृष्टाः सर्वे समाहिताः । तस्य संस्तूयमानस्य तेजः सोमस्य भास्वरम्

tuṣṭuvuḥ sarvabhāvena hṛṣṭāḥ sarve samāhitāḥ tasya saṁstūyamānasya tejaḥ somasya bhāsvaram

"-- praised him with their whole being, all of them delighted and composed. As he was thus being praised, the radiant splendour of Soma --"

Verse 70 (skanda.5.28.70)

आप्यायमानं त्रीँल्लोकान्पपात धरणीतले । ब्रह्मा तेन रथेनाथ सागरांतां वसुन्धराम्

āpyāyamānaṁ trī~llokānpapāta dharaṇītale brahmā tena rathenātha sāgarāṁtāṁ vasundharām

"-- growing ever fuller, nourishing the three worlds, fell down upon the earth. Then Brahmā, with that chariot, of the earth bounded by the ocean --"

Verse 71 (skanda.5.28.71)

त्रिःसप्तकृत्वोऽतिशयाच्चकाराब्धिप्रदक्षिणम् । तस्य तत्पतितं तेजो व्यास सोमस्य शीतलम्

triḥsaptakṛtvo'tiśayāccakārābdhipradakṣiṇam tasya tatpatitaṁ tejo vyāsa somasya śītalam

"-- circumambulated the ocean twenty-one times, in excess of the usual rite. That fallen splendour of Soma, O Vyāsa, cool as it was --"

Verse 72 (skanda.5.28.72)

तदेवौषधयो दिव्या जाता भुवि सुनिर्मलाः । याभिर्धार्यो ह्ययं लोकः प्रजाश्चैव चतुर्विधाः

tadevauṣadhayo divyā jātā bhuvi sunirmalāḥ yābhirdhāryo hyayaṁ lokaḥ prajāścaiva caturvidhāḥ

"-- became the divine, utterly pure herbs that arose upon the earth, by which this world and the fourfold classes of creatures are sustained."

Verse 73 (skanda.5.28.73)

तुष्टोऽथ भगवान्सोमो जगतेः सर्वदा मुने । दशवर्षसहस्राणि तेपेऽतिदुःसहं तपः

tuṣṭo'tha bhagavānsomo jagateḥ sarvadā mune daśavarṣasahasrāṇi tepe'tiduḥsahaṁ tapaḥ

Then the Lord Soma, pleased that he now sustained the world forever, O sage, practised an unbearable austerity for ten thousand years.

Verse 74 (skanda.5.28.74)

ततस्तस्मै ददौ वाक्यं ब्रह्मा लोकपितामहः । बीजौषधानि विप्राणां सोमो राजा बभूव ह

tatastasmai dadau vākyaṁ brahmā lokapitāmahaḥ bījauṣadhāni viprāṇāṁ somo rājā babhūva ha

Then Brahmā, the Grandsire of the worlds, spoke a word to him: by which Soma became the king of the seed-herbs and of the brāhmaṇas.

Verse 75 (skanda.5.28.75)

सप्तविंशतिं सोमाय दाक्षायणीर्महाव्रताः । पत्नीः प्राचेतसो दक्षो ददौ नक्षत्रसंज्ञकाः

saptaviṁśatiṁ somāya dākṣāyaṇīrmahāvratāḥ patnīḥ prācetaso dakṣo dadau nakṣatrasaṁjñakāḥ

Dakṣa, son of Pracetas, gave to Soma his twenty-seven daughters, the Dākṣāyaṇīs of great vows, as wives, each designated by the name of a lunar asterism.

Verse 76 (skanda.5.28.76)

स तत्प्राप्य महद्राज्यं सोमो भार्यायुतस्तदा । समारेभे राजसूयं सहस्रशतदक्षिणम्

sa tatprāpya mahadrājyaṁ somo bhāryāyutastadā samārebhe rājasūyaṁ sahasraśatadakṣiṇam

Having thus obtained a great kingdom, Soma, together with his wives, then undertook a rājasūya sacrifice with a hundred thousand gifts as sacrificial fee.

Verse 77 (skanda.5.28.77)

होता च भगवानत्रिरध्वर्युर्भगवान्भृगुः । हिरण्यगर्भश्चोद्गाता ब्रह्मा ब्रह्मत्वमेयिवान्

hotā ca bhagavānatriradhvaryurbhagavānbhṛguḥ hiraṇyagarbhaścodgātā brahmā brahmatvameyivān

The Lord Atri was the hotṛ priest, the Lord Bhṛgu the adhvaryu; Hiraṇyagarbha was the udgātṛ, and Brahmā took upon himself the office of brahman-priest.

Verse 78 (skanda.5.28.78)

सदस्यो भगवान्विष्णुः सनकादिमुखैर्युतः । ददौ स दक्षिणां सोमस्त्रीँल्लोकान्सुसमाहितः

sadasyo bhagavānviṣṇuḥ sanakādimukhairyutaḥ dadau sa dakṣiṇāṁ somastrī~llokānsusamāhitaḥ

The Lord Viṣṇu, together with Sanaka and the others, was the sadasya; and Soma, with composed mind, gave the three worlds themselves as sacrificial fee.

Verse 79 (skanda.5.28.79)

सिनीवाली कुहूश्चैव धृतिः पुष्टिः प्रभा वसुः । कीर्तिर्धृतिश्च लक्ष्मीस्तं देव्यो दिव्याः सिषेविरे

sinīvālī kuhūścaiva dhṛtiḥ puṣṭiḥ prabhā vasuḥ kīrtirdhṛtiśca lakṣmīstaṁ devyo divyāḥ siṣevire

Sinīvālī and Kuhū, Dhṛti, Puṣṭi, Prabhā, Vasu, Kīrti, Dhṛti, and Lakṣmī — these divine goddesses attended upon him.

Verse 80 (skanda.5.28.80)

प्राप्यावभृथमव्यग्रः सर्वदेवर्षिपूजितः । अतीव राजते चन्द्रो दशधा भासयन्दिशः

prāpyāvabhṛthamavyagraḥ sarvadevarṣipūjitaḥ atīva rājate candro daśadhā bhāsayandiśaḥ

Having performed the concluding bath of the sacrifice, undisturbed, honoured by all gods and sages, the Moon shone forth exceedingly, illuminating the directions.

Verse 81 (skanda.5.28.81)

तस्य तत्प्राप्य दुष्प्राप्यमैश्वर्यमृषिसंस्कृतम् । विबभ्राम मतिर्व्यास विनयाद्यमपास्य च

tasya tatprāpya duṣprāpyamaiśvaryamṛṣisaṁskṛtam vibabhrāma matirvyāsa vinayādyamapāsya ca

Having obtained that hard-to-obtain lordship, consecrated by the sages, O Vyāsa, his mind, casting off humility and restraint, went astray.

Verse 82 (skanda.5.28.82)

बृहस्पतेस्तदा भार्यां तारानाम्नीं यशस्विनीम् । जहार तमसा साध्वीमवमान्यां गिरःसुतम्

bṛhaspatestadā bhāryāṁ tārānāmnīṁ yaśasvinīm jahāra tamasā sādhvīmavamānyāṁ giraḥsutam

He then abducted, through stealth, Bṛhaspati's wife, the illustrious and virtuous Tārā, showing disrespect to the son of Girā.

Verse 83 (skanda.5.28.83)

वाच्यमानस्तदा सोमो देवदेवर्षिभिस्तथा । नैव व्यसर्जयत्तारां तस्मा आंगिरसाय च

vācyamānastadā somo devadevarṣibhistathā naiva vyasarjayattārāṁ tasmā āṁgirasāya ca

Though then admonished by the gods and divine sages, Soma still would not give Tārā back to that son of Aṅgiras.

Verse 84 (skanda.5.28.84)

बृहस्पतेस्ततः पक्षं शक्रो जग्राह कोपतः । स हि शिष्यो महातेजा गुरोः पूर्वं वृहस्पतेः

bṛhaspatestataḥ pakṣaṁ śakro jagrāha kopataḥ sa hi śiṣyo mahātejā guroḥ pūrvaṁ vṛhaspateḥ

Then Śakra, out of anger, took the side of Bṛhaspati; for he, of great splendour, had formerly been the disciple of the teacher Bṛhaspati.

Verse 85 (skanda.5.28.85)

ततो युद्धमभूत्तत्र सुघोरं शक्रसोमयोः । देवानां दानवानां च व्यास त्रासकरं महत्

tato yuddhamabhūttatra sughoraṁ śakrasomayoḥ devānāṁ dānavānāṁ ca vyāsa trāsakaraṁ mahat

Then a very terrible battle occurred there between Śakra and Soma, O Vyāsa, a great one causing terror to gods and dānavas alike.

Verse 86 (skanda.5.28.86)

सर्वे भीतास्ततो देवा ब्रह्माणं शरणं गताः । अग्रतो ब्रह्मणो युद्धं कथितं शक्रसोमयोः

sarve bhītāstato devā brahmāṇaṁ śaraṇaṁ gatāḥ agrato brahmaṇo yuddhaṁ kathitaṁ śakrasomayoḥ

All the gods, terrified, took refuge with Brahmā; the battle between Śakra and Soma was reported before Brahmā.

Verse 87 (skanda.5.28.87)

देवानां वचनं श्रुत्वा सार्द्धं देवैः पितामहः । आगत्य युद्धभूमिं सोऽवारयद्देवदानवान्

devānāṁ vacanaṁ śrutvā sārddhaṁ devaiḥ pitāmahaḥ āgatya yuddhabhūmiṁ so'vārayaddevadānavān

Hearing the word of the gods, the Grandsire, together with the gods, came to the battlefield and restrained the gods and dānavas.

Verse 88 (skanda.5.28.88)

वारितास्ते स्थितास्तत्र युद्धं त्यक्त्वा सुरासुराः । तारामादाय स तदा ददा वांगिरसे द्विजे

vāritāste sthitāstatra yuddhaṁ tyaktvā surāsurāḥ tārāmādāya sa tadā dadā vāṁgirase dvije

Restrained, the gods and asuras stood still there, abandoning the battle; and Brahmā then, taking Tārā, gave her back to the twice-born son of Aṅgiras.

Verse 89 (skanda.5.28.89)

तामंतःप्रसवां दृष्ट्वा प्राह भार्यां बृहस्पतिः । मदीयायां न ते योन्यां गर्भो धार्यः कथंचन

tāmaṁtaḥprasavāṁ dṛṣṭvā prāha bhāryāṁ bṛhaspatiḥ madīyāyāṁ na te yonyāṁ garbho dhāryaḥ kathaṁcana

Seeing her pregnant, Bṛhaspati said to his wife: "This child must in no way be borne within my lineage."

Verse 90 (skanda.5.28.90)

उत्ससर्ज ततस्तारा कुमारं देवरूपिणम् । इषीकास्त्रं समासाद्य ज्वलंतमिव पावकम्

utsasarja tatastārā kumāraṁ devarūpiṇam iṣīkāstraṁ samāsādya jvalaṁtamiva pāvakam

Then Tārā brought forth the boy, godlike in form, radiant like a blazing fire.

Verse 91 (skanda.5.28.91)

स तेजो जातमात्रोऽपि देवानामाक्षिपच्छिशुः । ततः संशयमापन्ना ऊचुस्तारां दिवौकसः

sa tejo jātamātro'pi devānāmākṣipacchiśuḥ tataḥ saṁśayamāpannā ūcustārāṁ divaukasaḥ

That child, though but just born, was so radiant that his splendour overpowered the very sight of the gods. Then the dwellers of heaven, seized with doubt, said to Tārā --

Verse 92 (skanda.5.28.92)

कस्यायं ब्रूहि सुभगे सोमस्याथ बृहस्पतेः । नाचचक्षे तु देवानां वेधाः पप्रच्छ तां पुनः

kasyāyaṁ brūhi subhage somasyātha bṛhaspateḥ nācacakṣe tu devānāṁ vedhāḥ papraccha tāṁ punaḥ

"'-- Tell us, O fortunate one, whose is this — Soma's, or Bṛhaspati's?' But she did not declare it to the gods; the Ordainer asked her again --"

Verse 93 (skanda.5.28.93)

यदत्र सत्यं तद्ब्रूहि तारे कस्य सुतो ह्ययम् । सा प्रांजलिरुवाचेदं ब्रह्माणं वरदं विभुम्

yadatra satyaṁ tadbrūhi tāre kasya suto hyayam sā prāṁjaliruvācedaṁ brahmāṇaṁ varadaṁ vibhum

"'-- O Tārā, tell the truth of the matter — whose son is this?' With joined palms she spoke this to the mighty, boon-granting Brahmā --"

Verse 94 (skanda.5.28.94)

सोमस्येति रहः सोऽयं कुमारो देवसंनिभः । सोमस्य तं सुतं ज्ञात्वा परिष्वज्य पितामहः

somasyeti rahaḥ so'yaṁ kumāro devasaṁnibhaḥ somasya taṁ sutaṁ jñātvā pariṣvajya pitāmahaḥ

"'-- He is Soma's' -- so this secret was thus revealed regarding this godlike boy. Knowing him to be Soma's son, the Grandsire embraced him --"

Verse 95 (skanda.5.28.95)

बुध इत्यकरोन्नाम तस्य पुत्रस्य वै तदा । परदारापहाराच्च यत्पापं तेन दुःसहम्

budha ityakaronnāma tasya putrasya vai tadā paradārāpahārācca yatpāpaṁ tena duḥsaham

"-- and gave that son the name Budha. But on account of the abduction of another's wife, the unbearable sin that he had thereby incurred --"

Verse 96 (skanda.5.28.96)

तेन सोमोऽभवत्कुष्ठी क्षयरोगयुतस्तदा । ततो राज्ये स्वकं पुत्रं स्थापयित्वा यथाविधि

tena somo'bhavatkuṣṭhī kṣayarogayutastadā tato rājye svakaṁ putraṁ sthāpayitvā yathāvidhi

"-- by that sin, Soma became afflicted with leprosy and consumption. Then, having duly established his own son on the throne --"

Verse 97 (skanda.5.28.97)

अवन्तीमाजगामाशु सोमो देवदिदृक्षया । सोमाहे सोमवत्यां च अमायोगे जितेंद्रियः

avantīmājagāmāśu somo devadidṛkṣayā somāhe somavatyāṁ ca amāyoge jiteṁdriyaḥ

"-- Soma quickly came to Avantī, desiring to behold the god. On Monday, at Somavatī, at the conjunction with the new moon, self-controlled --"

Verse 98 (skanda.5.28.98)

स्नात्वा संपूजयामास सोमः सोमेश्वरं ततः । तस्य भक्त्या च सन्तुष्टः प्राह सोमं महे श्वरः

snātvā saṁpūjayāmāsa somaḥ someśvaraṁ tataḥ tasya bhaktyā ca santuṣṭaḥ prāha somaṁ mahe śvaraḥ

"-- Soma bathed and then worshipped Someśvara. Pleased by his devotion, Maheśvara spoke to Soma --"

Verse 99 (skanda.5.28.99)

मत्प्रसादाद्वपुः कांतं तव सोम भविष्यति । सोमेश्वरमिति ख्यातं भुक्तिप्रदायकम्

matprasādādvapuḥ kāṁtaṁ tava soma bhaviṣyati someśvaramiti khyātaṁ bhuktipradāyakam

"'-- By my grace, O Soma, your body shall become beautiful again.' Thus this liṅga became renowned as Someśvara, the bestower of enjoyment."

Verse 100 (skanda.5.28.100)

एवं व्यास तु तत्तीर्थं लिंगं चैवाति दुर्लभम् । कथितं तथ्यभावेन मया तुष्टेन सांप्रतम्

evaṁ vyāsa tu tattīrthaṁ liṁgaṁ caivāti durlabham kathitaṁ tathyabhāvena mayā tuṣṭena sāṁpratam

Thus, O Vyāsa, that ford and that most rare liṅga have now been truthfully told by me, well pleased to do so.

Verse 101 (skanda.5.28.101)

श्रावणं प्राप्य यो मासं सोमनाथं जितेंद्रियः । नित्यं पश्येन्नरो व्यास तस्य पुण्यफलं शृणु

śrāvaṇaṁ prāpya yo māsaṁ somanāthaṁ jiteṁdriyaḥ nityaṁ paśyennaro vyāsa tasya puṇyaphalaṁ śṛṇu

O Vyāsa, hear the meritorious fruit of the man who, self-controlled, during the month of Śrāvaṇa, ever beholds Somanātha.

Verse 102 (skanda.5.28.102)

सौराष्ट्रे सोमनाथस्य पूजायाः प्रत्यहं फलम् । लभते स नरो व्यास नात्र कार्या विचारणा

saurāṣṭre somanāthasya pūjāyāḥ pratyahaṁ phalam labhate sa naro vyāsa nātra kāryā vicāraṇā

O Vyāsa, that man obtains, day after day, the fruit of worshipping Somanātha in Saurāṣṭra — no doubt need be entertained about this.