Arjuna's Hymn of Praise, in the Glory of Naraditya

Verse 1 (skanda.5.32.1)

सनत्कुमार उवाच । अथान्यत्संप्रवक्ष्यामि नरादित्यं दिवाकरम् । यस्य दर्शनमात्रेण सर्वरोगैर्विमुच्यते

sanatkumāra uvāca athānyatsaṁpravakṣyāmi narādityaṁ divākaram yasya darśanamātreṇa sarvarogairvimucyate

Sanatkumāra said: "Now I shall declare another, Narāditya, the sun-god; by the mere sight of whom, one is freed from all diseases."

Verse 2 (skanda.5.32.2)

स्थापनां ते प्रवक्ष्यामि नरादित्यस्य यादृशी । युद्धे निवारिते तस्मिन्रक्तस्वेदजयोः पुरा

sthāpanāṁ te pravakṣyāmi narādityasya yādṛśī yuddhe nivārite tasminraktasvedajayoḥ purā

I shall declare to you how the establishment of Narāditya came about — when, of old, a battle was averted, that between Rakta and Svedaja.

Verse 3 (skanda.5.32.3)

नरनारायणौ देवाववतीर्णौ धरातले । कुंत्यां देव्यां च देवक्यां मथुरायामजायताम्

naranārāyaṇau devāvavatīrṇau dharātale kuṁtyāṁ devyāṁ ca devakyāṁ mathurāyāmajāyatām

The two gods Nara and Nārāyaṇa descended upon the earth; they were born to the goddess Kuntī and to Devakī, in Mathurā.

Verse 4 (skanda.5.32.4)

एवं तौ वर्तितौ लोके कांतौ वृद्धिं परां गतौ । अन्यस्मात्कारणात्कृष्णो ऽन्यस्माज्जातो धनंजयः

evaṁ tau vartitau loke kāṁtau vṛddhiṁ parāṁ gatau anyasmātkāraṇātkṛṣṇo 'nyasmājjāto dhanaṁjayaḥ

Thus the two of them, lovely, lived in the world and attained supreme growth; from one cause Kṛṣṇa was born, from another Dhanañjaya.

Verse 5 (skanda.5.32.5)

कंसादीन्दानवान्सर्वान्निजघान रणे हि सः । स्वर्गं गतस्ततः पार्थो वासवादस्त्रसिद्धये

kaṁsādīndānavānsarvānnijaghāna raṇe hi saḥ svargaṁ gatastataḥ pārtho vāsavādastrasiddhaye

He slew in battle Kaṃsa and all the other dānavas. Then Pārtha went to heaven, to obtain from Vāsava the perfection of weapons.

Verse 6 (skanda.5.32.6)

कृतास्त्रेण तु वीरेण देवराजस्य दक्षिणा । संस्तुता देवराजस्तु ययाचे तां हि दक्षिणाम्

kṛtāstreṇa tu vīreṇa devarājasya dakṣiṇā saṁstutā devarājastu yayāce tāṁ hi dakṣiṇām

When the hero had mastered the weapons, a fee for the king of gods was proposed; and the king of gods asked for that very fee.

Verse 7 (skanda.5.32.7)

निवातकवचा ह्युग्रा हिरण्यपुरवासिनः । वध्यंतामर्जुन क्षिप्रमेषा मे गुरुदक्षिणा

nivātakavacā hyugrā hiraṇyapuravāsinaḥ vadhyaṁtāmarjuna kṣiprameṣā me gurudakṣiṇā

"'Let the fierce Nivātakavacas, dwellers of Hiraṇyapura, be quickly slain, O Arjuna — this is my teacher's fee.'"

Verse 8 (skanda.5.32.8)

अर्जुनेन प्रतिज्ञातो वधस्तेषां दुरात्मनाम् । ऐंद्रं स रथमास्थाय गृहीत्वा सशरं धनुः

arjunena pratijñāto vadhasteṣāṁ durātmanām aiṁdraṁ sa rathamāsthāya gṛhītvā saśaraṁ dhanuḥ

Arjuna vowed the slaying of those evil-souled ones; mounting Indra's chariot and taking up his bow together with arrows --

Verse 9 (skanda.5.32.9)

निहत्य तांस्ततः पार्थः कृत्वा कर्म सुदुष्करम् । प्रीतिमुत्पादयामास सर्वेषां च दिवौकसाम्

nihatya tāṁstataḥ pārthaḥ kṛtvā karma suduṣkaram prītimutpādayāmāsa sarveṣāṁ ca divaukasām

"-- having slain them, Pārtha, having accomplished that most difficult deed, brought forth delight in all the dwellers of heaven."

Verse 10 (skanda.5.32.10)

कृतकार्यं तदा शक्रस्त्वर्जुनं वाक्यमब्रवीत् । यत्तेऽभिरुचिरं वीर मृत्युलोके सुदुर्लभम्

kṛtakāryaṁ tadā śakrastvarjunaṁ vākyamabravīt yatte'bhiruciraṁ vīra mṛtyuloke sudurlabham

Then Śakra spoke this word to Arjuna, his task accomplished: "O hero, whatever pleases you, though most hard to attain in the mortal world --"

Verse 11 (skanda.5.32.11)

मनसा कांक्षितं पार्थ वरं त्वं वरयोत्तमम् । स वव्रे प्रतिमे द्वे तु येऽर्चिते ब्रह्मणा स्वयम्

manasā kāṁkṣitaṁ pārtha varaṁ tvaṁ varayottamam sa vavre pratime dve tu ye'rcite brahmaṇā svayam

"'-- whatever your heart desires, O Pārtha, choose that supreme boon.' He chose two images, which had been worshipped by Brahmā himself."

Verse 12 (skanda.5.32.12)

ब्रह्मणा प्रीतियुक्तेन दक्षाय प्रतिपादिते । दक्षेणापि युगं साग्रं पूजिते तिमिरापहे

brahmaṇā prītiyuktena dakṣāya pratipādite dakṣeṇāpi yugaṁ sāgraṁ pūjite timirāpahe

Given by Brahmā, filled with affection, to Dakṣa; and worshipped by Dakṣa too for a full age and more — icons of the dispeller of darkness.

Verse 13 (skanda.5.32.13)

सुराणामसुराणां च विग्रहे समुपस्थिते । दानवैर्निर्जितः शक्रो हृतराज्यो वनं गतः

surāṇāmasurāṇāṁ ca vigrahe samupasthite dānavairnirjitaḥ śakro hṛtarājyo vanaṁ gataḥ

When a conflict had arisen between the gods and the asuras, Śakra, defeated by the dānavas, his kingdom taken, went into the forest.

Verse 14 (skanda.5.32.14)

तपश्चचार दुर्धर्षमेकपादः शतक्रतुः । दिव्यवर्षसहस्रं तु धिषणस्तं ददर्श ह

tapaścacāra durdharṣamekapādaḥ śatakratuḥ divyavarṣasahasraṁ tu dhiṣaṇastaṁ dadarśa ha

The performer of a hundred sacrifices practised a formidable austerity, standing on one foot, for a thousand divine years; and the wise one beheld him.

Verse 15 (skanda.5.32.15)

दृष्ट्वा तु देवराजं तं बृहस्पतिरुवाच ह । हित्वा त्रिदिवमायातः कथं शक्र त्विदं वनम्

dṛṣṭvā tu devarājaṁ taṁ bṛhaspatiruvāca ha hitvā tridivamāyātaḥ kathaṁ śakra tvidaṁ vanam

Seeing that king of gods, Bṛhaspati said: "Having abandoned heaven, how have you come to this forest, O Śakra?"

Verse 16 (skanda.5.32.16)

एकाकिना वनस्थेन न साध्याः शत्रवस्त्वया । ज्ञात्वैवं देवराज त्वं शीघ्रं दक्षाश्रमं व्रज

ekākinā vanasthena na sādhyāḥ śatravastvayā jñātvaivaṁ devarāja tvaṁ śīghraṁ dakṣāśramaṁ vraja

"'Alone, dwelling in the forest, your enemies cannot be overcome by you. Knowing this, O king of gods, go quickly to the hermitage of Dakṣa.'"

Verse 17 (skanda.5.32.17)

पूजार्थे ब्रह्मणा दत्ते पारिजातसमुद्भवे । चकार विश्वकर्मा ये ते याचस्व प्रजापतिम्

pūjārthe brahmaṇā datte pārijātasamudbhave cakāra viśvakarmā ye te yācasva prajāpatim

"'For the sake of worship, there are those two icons given by Brahmā, arisen from the Pārijāta; which Viśvakarmā made — beg these of the Lord of creatures.'"

Verse 18 (skanda.5.32.18)

शत्रूणां च क्षयो भावी प्रसादादर्चयो स्तयोः । गुरोस्तु तेन वाक्येन हृष्टो देवः शतक्रतुः

śatrūṇāṁ ca kṣayo bhāvī prasādādarcayo stayoḥ gurostu tena vākyena hṛṣṭo devaḥ śatakratuḥ

"'-- And the destruction of your enemies shall come about by the grace of worshipping these two icons.' By that word of his teacher, the god of a hundred sacrifices was delighted."

Verse 19 (skanda.5.32.19)

जगाम सत्वरस्तत्र यत्र दक्षः प्रजापतिः । विनयावनतो भूत्वा ययाचे प्रतिमे शुभे

jagāma satvarastatra yatra dakṣaḥ prajāpatiḥ vinayāvanato bhūtvā yayāce pratime śubhe

He went swiftly to where Dakṣa, Lord of creatures, was; and, bowing in humility, he begged for the two auspicious icons.

Verse 20 (skanda.5.32.20)

पूजिते प्रतिमे व्यास शक्रेण शरदां शतम् । तयोस्तु तेजसा सर्वे विनाशं दानवा गताः

pūjite pratime vyāsa śakreṇa śaradāṁ śatam tayostu tejasā sarve vināśaṁ dānavā gatāḥ

O Vyāsa, the two icons were worshipped by Śakra for a hundred autumns; and by their splendour, all the dānavas met destruction.

Verse 21 (skanda.5.32.21)

प्रतिमे चोचुतुः शक्रं वरयस्व वरोत्तमम् । भक्त्यानया परं तुष्टावावां जानीहि वासव

pratime cocutuḥ śakraṁ varayasva varottamam bhaktyānayā paraṁ tuṣṭāvāvāṁ jānīhi vāsava

The two icons said to Śakra: "Choose a supreme boon. By this devotion of yours, we two are greatly pleased; know this, O Vāsava."

Verse 22 (skanda.5.32.22)

वरं वव्रे तदा शक्रः प्रसन्नात्मा द्विजोत्म । अस्माकं प्रतिपक्षा ये दानवाः पापचेतसः

varaṁ vavre tadā śakraḥ prasannātmā dvijotma asmākaṁ pratipakṣā ye dānavāḥ pāpacetasaḥ

O best of the twice-born, Śakra, his heart glad, then chose a boon: "Those dānavas of sinful mind who are our adversaries --"

Verse 23 (skanda.5.32.23)

सर्वे ते नाशमृच्छंतु वर एष मतो मम । युवां पूजितुमिच्छामि यावदिंद्रो भवाम्यहम्

sarve te nāśamṛcchaṁtu vara eṣa mato mama yuvāṁ pūjitumicchāmi yāvadiṁdro bhavāmyaham

"'-- may all of them meet destruction; this boon is my wish. I desire to worship you two for as long as I remain Indra.'"

Verse 24 (skanda.5.32.24)

तथेति चोक्त्वा प्रतिमे ते नाकं प्रति जग्मतुः । तत्तु याचे ह्यवश्यार्थे वरार्थे प्रतिमाद्वयम्

tatheti coktvā pratime te nākaṁ prati jagmatuḥ tattu yāce hyavaśyārthe varārthe pratimādvayam

Saying "So be it," the two icons went toward heaven. Later, those very two icons, for that same purpose --

Verse 25 (skanda.5.32.25)

इंद्र उवाच । साधु पार्थ पुनः साधु यत्रेत्थं प्रतितिष्ठतः । इमे च प्रतिमे पार्थ शंकरेण महात्मना

iṁdra uvāca sādhu pārtha punaḥ sādhu yatretthaṁ pratitiṣṭhataḥ ime ca pratime pārtha śaṁkareṇa mahātmanā

"-- Indra said: 'Well done, Pārtha, well done again, that you have chosen thus. These two icons, O Pārtha, were by the great-souled Śaṅkara --'"

Verse 26 (skanda.5.32.26)

सुरक्तैः शतपत्रैश्च पूजिते ब्रह्मणो दिनम् । । त्रैलोक्यपालनार्थाय पूजिते विष्णुना पुरा

suraktaiḥ śatapatraiśca pūjite brahmaṇo dinam trailokyapālanārthāya pūjite viṣṇunā purā

"'-- worshipped, with red lotuses of a hundred petals, for a full day of Brahmā; and worshipped, of old, by Viṣṇu, for the sake of protecting the three worlds --'"

Verse 27 (skanda.5.32.27)

नीलोत्पलैः सुगंधैश्च सहस्रपरिवत्सरान् । ततः प्रजापतिः सृष्टिं कर्तुकामः समा हितः

nīlotpalaiḥ sugaṁdhaiśca sahasraparivatsarān tataḥ prajāpatiḥ sṛṣṭiṁ kartukāmaḥ samā hitaḥ

"'-- with blue lotuses and fine fragrances, for a thousand years. Then the Lord of creatures, wishing to create, with composed mind --'"

Verse 28 (skanda.5.32.28)

पूजयामास प्रतिमे पद्मै रक्तोत्पलैः शुभैः । त्वमेव हि कथं पार्थ मृत्युलोके नयिष्यति

pūjayāmāsa pratime padmai raktotpalaiḥ śubhaiḥ tvameva hi kathaṁ pārtha mṛtyuloke nayiṣyati

"'-- worshipped the two icons with lotuses and auspicious red lotuses. How indeed, O Pārtha, will you take them to the mortal world?'"

Verse 29 (skanda.5.32.29)

एताभ्यां रहितः स्वर्गो मृत्युतुल्यो भविष्यति । अदातुकामं देवेंद्रं प्रणिपत्य तमर्जुनः

etābhyāṁ rahitaḥ svargo mṛtyutulyo bhaviṣyati adātukāmaṁ deveṁdraṁ praṇipatya tamarjunaḥ

"'Heaven, deprived of these two, will become like death itself.' To the Indra of gods, unwilling to give them, Arjuna, having bowed --"

Verse 30 (skanda.5.32.30)

उवाच नाहमर्थ्यस्मिन्वरेणानेन वै प्रभो । ततः शक्रः पुनः पार्थमुवाच मुनिपुंगव

uvāca nāhamarthyasminvareṇānena vai prabho tataḥ śakraḥ punaḥ pārthamuvāca munipuṁgava

"-- said: 'O mighty one, I have no need of this boon.' Then, O foremost of sages, Śakra again spoke to Pārtha --"

Verse 31 (skanda.5.32.31)

गृहीत्वा त्वमिमे वीर कुशस्थल्यां निवेशय । शिप्राया उत्तरे तीरे केशवार्कं तु केशवः

gṛhītvā tvamime vīra kuśasthalyāṁ niveśaya śiprāyā uttare tīre keśavārkaṁ tu keśavaḥ

"'-- Take these, O hero, and establish them at Kuśasthalī. On the northern bank of the Śiprā, where Keśava established Keśavārka --'"

Verse 32 (skanda.5.32.32)

प्रति तिष्ठति वै यत्र सर्वपापप्रणाशनः । संस्थापयस्व वै तत्र सर्वपापप्रणाशने । भविष्यति तदा यात्रा आषाढी चाथ कौमुदी

prati tiṣṭhati vai yatra sarvapāpapraṇāśanaḥ saṁsthāpayasva vai tatra sarvapāpapraṇāśane bhaviṣyati tadā yātrā āṣāḍhī cātha kaumudī

"'-- who dwells there, the destroyer of all sin — establish them there. Then there shall be a pilgrimage, in Āṣāḍha and likewise in Kaumuda.'"

Verse 33 (skanda.5.32.33)

आगमिष्याम्यहं तत्र सहितोऽप्सरसां गणैः । मरुतश्चागमिष्यंति मेघाश्चैव सविद्युतः

āgamiṣyāmyahaṁ tatra sahito'psarasāṁ gaṇaiḥ marutaścāgamiṣyaṁti meghāścaiva savidyutaḥ

"'I shall come there myself, together with hosts of apsarases; the Maruts too shall come, and the clouds together with lightning.'"

Verse 34 (skanda.5.32.34)

मेघखण्डे समुद्भूते मयि तत्र प्रवर्षति । प्रवदिष्यंति वै लोकाः प्राप्तो देवः पुरंदरः

meghakhaṇḍe samudbhūte mayi tatra pravarṣati pravadiṣyaṁti vai lokāḥ prāpto devaḥ puraṁdaraḥ

"'When a mass of cloud has arisen, and I rain down there, people will say: 'The god Purandara has arrived!''"

Verse 35 (skanda.5.32.35)

भास्करं च नमस्कृत्य ब्रह्माद्यैः पूजितं विभुम् । प्रतियामि तु बीभत्सो पुनरेव यथागतम्

bhāskaraṁ ca namaskṛtya brahmādyaiḥ pūjitaṁ vibhum pratiyāmi tu bībhatso punareva yathāgatam

"'And having bowed to Bhāskara, the mighty one worshipped by Brahmā and the others, I shall return, O Bībhatsu, just as I came.'"

Verse 36 (skanda.5.32.36)

एवं मृर्तिद्वयं व्यास दत्त्वा पार्थाय वासवः । भूर्लोकं प्रेषयामास सूतेन सह पांडवम्

evaṁ mṛrtidvayaṁ vyāsa dattvā pārthāya vāsavaḥ bhūrlokaṁ preṣayāmāsa sūtena saha pāṁḍavam

Thus, O Vyāsa, having given the two images to Pārtha, Vāsava sent the son of Pāṇḍu to the earthly world, together with his charioteer.

Verse 37 (skanda.5.32.37)

नारदो द्वारकायां तु कृष्णस्याह्वानकारणात् । देवराजस्य तद्वाक्यं सरहस्यं च केशवम्

nārado dvārakāyāṁ tu kṛṣṇasyāhvānakāraṇāt devarājasya tadvākyaṁ sarahasyaṁ ca keśavam

Then Nārada, at Dvārakā, for the purpose of summoning Kṛṣṇa, went to declare to Keśava that word of the king of gods, together with its secret purpose --

Verse 38 (skanda.5.32.38)

श्रावयामास विप्रेंद्रं एहि कृष्ण कुशस्थलीम् । अर्च्चे हि पारिजातस्य विश्वकर्मसुकारिते

śrāvayāmāsa vipreṁdraṁ ehi kṛṣṇa kuśasthalīm arcce hi pārijātasya viśvakarmasukārite

"-- the foremost of brāhmaṇas caused Keśava to hear: 'Come, O Kṛṣṇa, to Kuśasthalī; the two icons of Pārijāta-wood, well fashioned by Viśvakarmā --'"

Verse 39 (skanda.5.32.39)

इंद्रेणाथ प्रदत्ते वै ते तुभ्यं पांडवाय च । श्रुत्वा शौरिस्तु तद्वाक्यं प्रतस्थेऽवंतिनीपुरीम्

iṁdreṇātha pradatte vai te tubhyaṁ pāṁḍavāya ca śrutvā śauristu tadvākyaṁ pratasthe'vaṁtinīpurīm

"'-- have now been given by Indra to you and to the son of Pāṇḍu.' Hearing that word, Śauri set out for the city of Avantinī."

Verse 40 (skanda.5.32.40)

अवातरच्च आकाशात्तमालिंग्य च पांडवम् । प्रीतः प्रोवाच वचनं परिष्वज्य च फाल्गुनम्

avātaracca ākāśāttamāliṁgya ca pāṁḍavam prītaḥ provāca vacanaṁ pariṣvajya ca phālgunam

He descended from the sky, and, embracing the son of Pāṇḍu, delighted, spoke this word, having embraced Phālguna --

Verse 41 (skanda.5.32.41)

जन्म मे सफलं जातं प्रीतिर्मे जनितार्जुन । यतो मे प्रीतिरतुला क्रियतां कार्यमुत्तमम्

janma me saphalaṁ jātaṁ prītirme janitārjuna yato me prītiratulā kriyatāṁ kāryamuttamam

"'-- My birth has become fruitful; my joy is born, O Arjuna. Since my joy is incomparable, let the supreme task be done.'"

Verse 42 (skanda.5.32.42)

इत्युक्त्वा तौ तदा व्यास समायातौ कुशस्थलीम् । पार्थं प्राह तदा कृष्णः सुसंपूर्णमनोरथः

ityuktvā tau tadā vyāsa samāyātau kuśasthalīm pārthaṁ prāha tadā kṛṣṇaḥ susaṁpūrṇamanorathaḥ

Having said this, O Vyāsa, the two of them then came together to Kuśasthalī. Then Kṛṣṇa, his desire fully accomplished, said to Pārtha --

Verse 43 (skanda.5.32.43)

गत्वार्जुन दिशं प्राचीं मूर्तिमेकां निवेशय । पूर्वाह्ने हि शुभं लग्नं भविष्यति मनोरमम्

gatvārjuna diśaṁ prācīṁ mūrtimekāṁ niveśaya pūrvāhne hi śubhaṁ lagnaṁ bhaviṣyati manoramam

"'-- O Arjuna, go to the eastern direction and establish one of the images; for in the forenoon, there will be an auspicious, delightful moment.'"

Verse 44 (skanda.5.32.44)

अहमप्युत्तरां यामि स्थापनार्थं नदीं मुने । मम शंखस्य नादेन प्रतितिष्ठ रविं प्रभुम्

ahamapyuttarāṁ yāmi sthāpanārthaṁ nadīṁ mune mama śaṁkhasya nādena pratitiṣṭha raviṁ prabhum

"'I too shall go to the north, to the river, O sage, for the purpose of establishing the other. At the sound of my conch, install the mighty Sun.'"

Verse 45 (skanda.5.32.45)

पूर्वां गत्वा ततः पार्थ शुभं स्थानं व्यलोकयत् । व्यास संस्थापयामास दिननाथं च सुस्थिरम्

pūrvāṁ gatvā tataḥ pārtha śubhaṁ sthānaṁ vyalokayat vyāsa saṁsthāpayāmāsa dinanāthaṁ ca susthiram

Having gone to the east, Pārtha then beheld an auspicious spot; O Vyāsa, he established the Lord of the Day there, firmly.

Verse 46 (skanda.5.32.46)

अर्कं देवं स्थापयामि यावद्दध्यौ च पांडवः । तावत्स चाब्रवीदेनं स्थानं कारय शोभनम्

arkaṁ devaṁ sthāpayāmi yāvaddadhyau ca pāṁḍavaḥ tāvatsa cābravīdenaṁ sthānaṁ kāraya śobhanam

As the son of Pāṇḍu meditated, "I shall establish the god Arka," the god himself then said to him: "Make this place beautiful."

Verse 47 (skanda.5.32.47)

कथयामास पार्थाय तेजसा तेन दुःसहम् । सव्यसाची ततो भीतो दृष्ट्वार्च्चां तां प्रजल्पतीम्

kathayāmāsa pārthāya tejasā tena duḥsaham savyasācī tato bhīto dṛṣṭvārccāṁ tāṁ prajalpatīm

He spoke to Pārtha with a splendour that was hard to bear. Savyasācī then, frightened, seeing that icon speaking...

Verse 48 (skanda.5.32.48)

तेजस्त्वसहमानो वै देवं वचनमब्रवीत् । क्व देव त्वां स्थापयामि किं स्थानं तव रोचते

tejastvasahamāno vai devaṁ vacanamabravīt kva deva tvāṁ sthāpayāmi kiṁ sthānaṁ tava rocate

"...unable to bear that splendour, spoke this word to the god: 'Where shall I establish you, O god? What place pleases you?'"

Verse 49 (skanda.5.32.49)

सौम्य रूपः सुदर्शश्च प्रजाभ्यो भव गोपते । दिविसंस्थाश्च ये देवा नागाः पातालसंश्रयाः

saumya rūpaḥ sudarśaśca prajābhyo bhava gopate divisaṁsthāśca ye devā nāgāḥ pātālasaṁśrayāḥ

"'O guardian, become gentle in form and easy to behold, for the sake of creatures. Let the gods dwelling in heaven, and the nāgas resorting to Pātāla --'"

Verse 50 (skanda.5.32.50)

भुविस्था मानवाः पूता भवंतु तव दर्शनात् । सोऽर्जुनमब्रवीद्देवो मा भैस्त्वं मम दर्शनात्

bhuvisthā mānavāḥ pūtā bhavaṁtu tava darśanāt so'rjunamabravīddevo mā bhaistvaṁ mama darśanāt

"'-- and men established on the earth become pure through the sight of you.' The god said to Arjuna: 'Do not fear at the sight of me.'"

Verse 51 (skanda.5.32.51)

दक्षिणेन करेणाथ ह्यभयेनाभयप्रदः । समाश्वास्याथ तं शांतं सौम्यमूर्तिर्बभूव ह

dakṣiṇena kareṇātha hyabhayenābhayapradaḥ samāśvāsyātha taṁ śāṁtaṁ saumyamūrtirbabhūva ha

Then, with his right hand in the gesture of fearlessness, the bestower of fearlessness reassured him; and, becoming tranquil, he took on a gentle form.

Verse 52 (skanda.5.32.52)

प्रभाकरेण देवेन निजं तेजः प्रदर्शितम । ततः सूर्योऽब्रवीत्स्थानमेतदेवाचलं मम

prabhākareṇa devena nijaṁ tejaḥ pradarśitama tataḥ sūryo'bravītsthānametadevācalaṁ mama

By the god Prabhākara, his own true splendour was first shown; then the Sun said: "This very place shall be my unmoving abode."

Verse 53 (skanda.5.32.53)

प्राप्ते लग्ने च हरिणा शंखश्चापूरितो महान् । नरेण च स वै सूर्यः स्थापितोऽमरसंस्तुतः

prāpte lagne ca hariṇā śaṁkhaścāpūrito mahān nareṇa ca sa vai sūryaḥ sthāpito'marasaṁstutaḥ

When the auspicious moment had arrived, Hari sounded his great conch; and by the man, that Sun, praised by the immortals, was established.

Verse 54 (skanda.5.32.54)

अर्जुन उवाच । जयति किरणमाली भासुरः श्रांतसप्तिः सकलभुवनधामा प्राग्दिगंताट्टहासः । भवति विगतपापं कीर्तनादेव यस्य प्रचुरकलुषदोषैर्ग्रस्तमंगं नराणाम्

arjuna uvāca jayati kiraṇamālī bhāsuraḥ śrāṁtasaptiḥ sakalabhuvanadhāmā prāgdigaṁtāṭṭahāsaḥ bhavati vigatapāpaṁ kīrtanādeva yasya pracurakaluṣadoṣairgrastamaṁgaṁ narāṇām

Arjuna said: "Victorious is the garlanded-with-rays one, radiant, driver of tireless steeds, the abode of all the worlds, whose laughter is the dawn at the edge of the east — by whose mere praise alone the body of men, seized by abundant sinful faults, becomes free of sin."

Verse 55 (skanda.5.32.55)

ब्रह्माद्यैर्मुनिभिरभिष्टुतं पतंगं कः स्तोतुं कविरभिवांछते प्रकामम् । स्तोष्येहं तदपि सुविस्तरात्सुबुद्धे किं दीपो ज्वलति हि नोदिते शशांके

brahmādyairmunibhirabhiṣṭutaṁ pataṁgaṁ kaḥ stotuṁ kavirabhivāṁchate prakāmam stoṣyehaṁ tadapi suvistarātsubuddhe kiṁ dīpo jvalati hi nodite śaśāṁke

"What poet truly desires to praise fully the Sun, who is extolled by Brahmā and the other sages? Yet I shall praise him at length nonetheless — O wise one, does not a lamp still burn even when the moon has not risen?"

Verse 56 (skanda.5.32.56)

शास्त्रार्थकामनिपुणैर्मुनिभिः स्तुतस्य किं वस्तु यन्न रचितं विविधैः प्रयोगैः । द्वैपायनप्रभृतिभिर्मुनिभिः पुराणैरापीतसारमिह भाति जगत्समस्तम्

śāstrārthakāmanipuṇairmunibhiḥ stutasya kiṁ vastu yanna racitaṁ vividhaiḥ prayogaiḥ dvaipāyanaprabhṛtibhirmunibhiḥ purāṇairāpītasāramiha bhāti jagatsamastam

"Of him who has been praised by sages skilled in scripture and meaning — what thing has not already been composed, in various forms of expression? By Dvaipāyana and the other sages, through the Purāṇas, the whole world here shines, its essence having been drawn out."

Verse 57 (skanda.5.32.57)

कामं तथाप्यहमतीव विचार्य ब्रुद्ध्या भानोस्त्रिलोकगुरुपूजितपादयुग्मम् । वृत्तैः स्फुटार्थमधुराक्षरसंधियुक्तैस्त्वां वै विचित्रगतिभिः परिकीर्तयिष्ये

kāmaṁ tathāpyahamatīva vicārya bruddhyā bhānostrilokagurupūjitapādayugmam vṛttaiḥ sphuṭārthamadhurākṣarasaṁdhiyuktaistvāṁ vai vicitragatibhiḥ parikīrtayiṣye

"Even so, having pondered deeply with my mind, I shall extol you, O Sun, whose pair of feet is worshipped by the teacher of the three worlds, in verses joined with clear-meaning, sweet-syllabled combinations, in varied metres."

Verse 58 (skanda.5.32.58)

तावज्जगद्भवति निश्चलमेव सर्वं तावत्क्रियाश्च विविधा न च यांति सिद्धिम् । यावच्च नाथ कमलामलमंडल त्वमुत्तिष्ठसे व्यपनयन्किरणैस्तमांसि

tāvajjagadbhavati niścalameva sarvaṁ tāvatkriyāśca vividhā na ca yāṁti siddhim yāvacca nātha kamalāmalamaṁḍala tvamuttiṣṭhase vyapanayankiraṇaistamāṁsi

"The whole world remains utterly motionless, and all its various activities do not reach accomplishment, until, O Lord, spotless lotus-orb, you arise, dispelling the darkness with your rays."

Verse 59 (skanda.5.32.59)

तावन्न भांति शिखराणि महीरुहाणां गुच्छैस्तु फुल्लवनमीलितलोचनानि । सुप्तानि बोधयसि षट्चरणाकुलानि यावन्न भाभिरमलाभिरनुत्तमाभिः

tāvanna bhāṁti śikharāṇi mahīruhāṇāṁ gucchaistu phullavanamīlitalocanāni suptāni bodhayasi ṣaṭcaraṇākulāni yāvanna bhābhiramalābhiranuttamābhiḥ

"The peaks of trees, their clusters of blossoming groves like closed eyes, do not shine until you rise; you awaken the sleeping bees, thronging in clusters, only by your spotless, unsurpassed rays."

Verse 60 (skanda.5.32.60)

उद्यंतमंबरतले सुरसिद्धसंघाः सब्रह्मदैत्यमुनिकिन्नरनागयक्षाः । त्वामर्चयंति विबुधाः प्रणतैः शिरोभिश्चञ्चत्किरीटमणिभाभिरनुत्तमाभिः

udyaṁtamaṁbaratale surasiddhasaṁghāḥ sabrahmadaityamunikinnaranāgayakṣāḥ tvāmarcayaṁti vibudhāḥ praṇataiḥ śirobhiścañcatkirīṭamaṇibhābhiranuttamābhiḥ

"As you rise in the vault of the sky, hosts of gods and siddhas, together with Brahmā, daityas, sages, kinnaras, nāgas, and yakṣas — the wise ones — worship you with heads bowed, their glittering crown-jewels shining unsurpassed."

Verse 61 (skanda.5.32.61)

अस्तं गते त्वयि जगद्भवति प्रसुप्तं भूयस्त्वयि प्रतपति प्रतिबोधमेति । एवं सदा वरद लोकहितार्थहेतोरेकस्त्वमेव भगवंस्तिमिरस्य हंता

astaṁ gate tvayi jagadbhavati prasuptaṁ bhūyastvayi pratapati pratibodhameti evaṁ sadā varada lokahitārthahetorekastvameva bhagavaṁstimirasya haṁtā

"When you have set, the world falls asleep; when you shine forth again, it awakens. Thus ever, O boon-giver, for the sake of the welfare of the world, you alone, O Lord, are the destroyer of darkness."

Verse 62 (skanda.5.32.62)

उत्साहशक्तिनयशौर्यसमन्वितानां सेवाप्रयोगरचनाविधितत्पराणाम् । कार्याणि यन्न फलदानि भवंति पुंसां हेतुस्त्वभक्तिरिह नाथ वेति नूनम् ।।६२ ६२ । यत्संयुगेषु रथकुञ्जरकुन्तशक्तिनाराचचक्रशरतोमरभीमखड्गैः । क्षिप्रं नराः समुपयांति विजित्य शत्रून्सर्वं सदा प्रणतवत्सल वेष्टितं ते

utsāhaśaktinayaśauryasamanvitānāṁ sevāprayogaracanāvidhitatparāṇām kāryāṇi yanna phaladāni bhavaṁti puṁsāṁ hetustvabhaktiriha nātha veti nūnam 62 62 yatsaṁyugeṣu rathakuñjarakuntaśaktinārācacakraśaratomarabhīmakhaḍgaiḥ kṣipraṁ narāḥ samupayāṁti vijitya śatrūnsarvaṁ sadā praṇatavatsala veṣṭitaṁ te

"When the undertakings of men endowed with zeal, strength, policy, and valour, devoted to the proper conduct of service and effort, do not bear fruit — surely, O Lord, the cause of this here is a lack of devotion to you."

Verse 63 (skanda.5.32.63)

कांतारदुर्गविषमेष्वपि वर्तमाना ऋक्षेभसिंहबहुकण्टकतस्करेषु । तृष्णान्विताश्च बहुशोकविमूढचित्तास्त्वत्कीर्तनाद्धि गतमृत्यु भया भवंति

kāṁtāradurgaviṣameṣvapi vartamānā ṛkṣebhasiṁhabahukaṇṭakataskareṣu tṛṣṇānvitāśca bahuśokavimūḍhacittāstvatkīrtanāddhi gatamṛtyu bhayā bhavaṁti

"That, in battles, men with chariots, elephants, lances, spears, iron arrows, discs, arrows, javelins, terrible swords, swiftly attain victory, having conquered their foes — O you who are kind to the humble, all this is ever encompassed by you."

Verse 64 (skanda.5.32.64)

तेजोराशिस्त्वमिह शरणं सर्वतोदुःखितानां । त्वत्तुल्योऽन्यो जगति सकले नास्ति कश्चिद्दयालुः । त्वय्येकस्मिन्भवति सकला भक्तिरन्विष्यमाणा । त्वामासाद्य प्रभवति कुतो व्याधिदुःखं नराणाम्

tejorāśistvamiha śaraṇaṁ sarvatoduḥkhitānāṁ tvattulyo'nyo jagati sakale nāsti kaściddayāluḥ tvayyekasminbhavati sakalā bhaktiranviṣyamāṇā tvāmāsādya prabhavati kuto vyādhiduḥkhaṁ narāṇām

"Even those who find themselves in dense, difficult, treacherous wildernesses, amid bears, elephants, lions, many thorns, and thieves, and those overcome by thirst and grief — through the mere praise of you, their fear of death departs."

Verse 65 (skanda.5.32.65)

कः कुष्ठाभिहतः क्व चारिभिरथो को व्याधिभिः पीडितः । के पंग्वंधजडाः क्व शीर्णचरणः को वा विपन्नक्रियः । इत्येवं प्रसमीक्ष्य देव कृपया दोषात्परित्रायसे । कस्यान्यस्य परोपकारनिरता चेष्टा यथैषा तव

kaḥ kuṣṭhābhihataḥ kva cāribhiratho ko vyādhibhiḥ pīḍitaḥ ke paṁgvaṁdhajaḍāḥ kva śīrṇacaraṇaḥ ko vā vipannakriyaḥ ityevaṁ prasamīkṣya deva kṛpayā doṣātparitrāyase kasyānyasya paropakāraniratā ceṣṭā yathaiṣā tava

"You, mass of splendour, are here the refuge of those distressed on every side; there is no one else so compassionate as you in the whole world. In you alone, when sought, all devotion comes to rest; having reached you, from where could there arise for men the suffering of disease?"

Verse 66 (skanda.5.32.66)

धर्मः परत्र किल तिष्ठति सेवितोऽसौ । कालांतरेण विबुधा वरदा भवंति । त्वं सेवितः प्रणतवत्सल भूतिकामैः । सद्यः प्रयच्छसि फलं यदभीप्सितं तैः

dharmaḥ paratra kila tiṣṭhati sevito'sau kālāṁtareṇa vibudhā varadā bhavaṁti tvaṁ sevitaḥ praṇatavatsala bhūtikāmaiḥ sadyaḥ prayacchasi phalaṁ yadabhīpsitaṁ taiḥ

"Who remains afflicted with leprosy? Where are the sick, or who is pained by disease? Who remains lame, blind, dull, or with withered feet, or whose activity has been ruined? Beholding all this, O god, out of compassion you deliver from affliction. Whose activity, devoted to helping others, is like yours?"

Verse 67 (skanda.5.32.67)

विभ्रांतकांतहरिणीसदृशेक्षणाभिः । कांतोरुहारमणिकुण्डलमेखलाभिः । तेषां भवंति भवनानि विलासिनीभिर्येषां नृणां त्वमसि वै वरदः प्रसन्नः

vibhrāṁtakāṁtahariṇīsadṛśekṣaṇābhiḥ kāṁtoruhāramaṇikuṇḍalamekhalābhiḥ teṣāṁ bhavaṁti bhavanāni vilāsinībhiryeṣāṁ nṛṇāṁ tvamasi vai varadaḥ prasannaḥ

"Dharma, when served, indeed comes to fruition only in another world; other gods, when served, become granters of boons only after a passage of time. But you, O kind one to those who bow to you, served by those who desire prosperity, grant instantly the fruit that they desire."

Verse 68 (skanda.5.32.68)

यैस्त्वं नरैः सकृदपि प्रणतः कथंचिद्ध्यातोऽथवा भुवननाथ तथांतकाले । निष्कल्मषा जगति दुष्कृतिनो भवंति ते निर्मलाः सुकृतिनो गतिमाप्नुवंति

yaistvaṁ naraiḥ sakṛdapi praṇataḥ kathaṁciddhyāto'thavā bhuvananātha tathāṁtakāle niṣkalmaṣā jagati duṣkṛtino bhavaṁti te nirmalāḥ sukṛtino gatimāpnuvaṁti

"Those men whose houses are filled with lovely, playful women, whose glances resemble startled, graceful does, adorned with beautiful necklaces, jewelled earrings, and girdles — these are those men for whom you, well pleased, are indeed the boon-giver."

Verse 69 (skanda.5.32.69)

ये त्वां कुतर्कमतिभिर्न नमंति भक्त्या रोमांचकंचुकशताकुलितैः शरीरैः । ते निर्धनाः परगृहेष्ववभूतमन्नं क्षुत्क्षामकण्ठवदनाः परितर्कयंति

ye tvāṁ kutarkamatibhirna namaṁti bhaktyā romāṁcakaṁcukaśatākulitaiḥ śarīraiḥ te nirdhanāḥ paragṛheṣvavabhūtamannaṁ kṣutkṣāmakaṇṭhavadanāḥ paritarkayaṁti

"O Lord of the world, those men by whom you have been bowed to even once, in whatever manner, or meditated upon, even at the moment of death — those evil-doers become stainless in this world; spotless, they attain the destined path of the virtuous."

Verse 70 (skanda.5.32.70)

उदधिजलतरंगक्षोभलोलाक्षियुग्मैः सफणिमणिमयूखोद्भासितैर्लेलिहद्भिः । प्रणिपतितशिरोभिर्नागमुख्यैरजस्रं श्रुतिभिरनुपमाभिः स्तूयसे पुष्कलाभिः

udadhijalataraṁgakṣobhalolākṣiyugmaiḥ saphaṇimaṇimayūkhodbhāsitairlelihadbhiḥ praṇipatitaśirobhirnāgamukhyairajasraṁ śrutibhiranupamābhiḥ stūyase puṣkalābhiḥ

"Those who, their minds set on false reasoning, do not bow to you with devotion, their bodies thrilled with the hundredfold garment of horripilation — those, impoverished, with throats and faces gaunt from hunger, ponder over scraps of food thrown down in others' houses."

Verse 71 (skanda.5.32.71)

तव सुरवर गच्छतोऽनुसरंति त्रिदशनदीकमलोद्ग तानि वातैः । कनककमलरेणुपिंजरितानि भ्रमरकुलानि पतंग चामराणि

tava suravara gacchato'nusaraṁti tridaśanadīkamalodga tāni vātaiḥ kanakakamalareṇupiṁjaritāni bhramarakulāni pataṁga cāmarāṇi

"With eyes restless and rolling like the waves of the ocean's water, radiant with the gem-rays of their hoods, with flickering tongues, their heads bowed in prostration, the chief serpents ceaselessly praise you with abundant, incomparable hymns."

Verse 72 (skanda.5.32.72)

तत्त्वध्यानं जलनिधिनिवहे स्थित्वा स्थित्वा चरणनिवहैः । आजीवार्थं प्रतपसि भगवन्कस्ते तुल्यस्त्रिभुवनसमये

tattvadhyānaṁ jalanidhinivahe sthitvā sthitvā caraṇanivahaiḥ ājīvārthaṁ pratapasi bhagavankaste tulyastribhuvanasamaye

"Meditating upon the highest truth, standing again and again upon the mass of ocean-waters with your multitude of rays, you toil, O Lord, for the sake of sustaining life — who in the three worlds is your equal?"

Verse 73 (skanda.5.32.73)

उदयाद्रिनितंबसंस्थितस्य ह्युदयेष्वस्तमयेषु चावृतस्य । किरणास्तपनीयसप्रभास्ते विलसन्तस्तडितो विडंबयंति

udayādrinitaṁbasaṁsthitasya hyudayeṣvastamayeṣu cāvṛtasya kiraṇāstapanīyasaprabhāste vilasantastaḍito viḍaṁbayaṁti

"Of you, standing upon the slope of the mountain of sunrise, at both risings and settings, veiled — your rays, golden and radiant, playing, mock even the lightning."

Verse 74 (skanda.5.32.74)

यथायथा व्रजति रथस्तवांबरे विपाटयन्धनतिमिरौघसंचयान् । तथातथा क्षुभितमहानिलासृतं प्रतीयते मुहुरिव दुन्दुभिर्यथा

yathāyathā vrajati rathastavāṁbare vipāṭayandhanatimiraughasaṁcayān tathātathā kṣubhitamahānilāsṛtaṁ pratīyate muhuriva dundubhiryathā

"As your chariot goes on and on across the sky, tearing apart the dense masses of accumulated darkness, so too, again and again, it seems as if a great wind-driven kettle-drum resounds."

Verse 75 (skanda.5.32.75)

चारुपद्मविनिमीलितेक्षणां चक्रवाककलहंसमेखलाम् । कामिनीमिव रतिश्रमालसां तां विबोधयसि पद्मिनीं करैः

cārupadmavinimīlitekṣaṇāṁ cakravākakalahaṁsamekhalām kāminīmiva ratiśramālasāṁ tāṁ vibodhayasi padminīṁ karaiḥ

"You awaken, with your rays, the lotus-pond — whose lovely lotus-eyes had closed, whose girdle is the cakravāka birds and swans — like a passionate woman languid from the exertion of love."

Verse 76 (skanda.5.32.76)

नीललोलमतिकान्तमुत्पलं भृंगतुंगचरणाकुलीकृतम् । त्वत्प्रभाभिरनुरागरंजितं पद्मरागमिव शोभते भृशम्

nīlalolamatikāntamutpalaṁ bhṛṁgatuṁgacaraṇākulīkṛtam tvatprabhābhiranurāgaraṁjitaṁ padmarāgamiva śobhate bhṛśam

"The blue lotus, quivering, exceedingly lovely, made thick with the towering feet of bees, tinged red with passion by your rays, shines forth exceedingly, like a ruby."

Verse 77 (skanda.5.32.77)

स्फुरच्छशांकहारनिर्मलं खग त्वदंकेष्वचंचलम् । विभात्यतीव कांतमंबरं समं बृहच्चैक पाटलम्

sphuracchaśāṁkahāranirmalaṁ khaga tvadaṁkeṣvacaṁcalam vibhātyatīva kāṁtamaṁbaraṁ samaṁ bṛhaccaika pāṭalam

"O sky-farer, spotless as a shimmering necklace of moonbeams, motionless within your embrace, the vast, single, rose-red sky shines forth exceedingly lovely, all alike."

Verse 78 (skanda.5.32.78)

हरिति च तावन्मुहिर्निषेविततमस्यशुभं भवति च यावदैव किरणैस्तव पूजिततरम् । ऋषिभिर्मुनिभिरुदारधीभिः शाश्व तमार्गपरैर्वरद न शक्यते तव गुणस्तुतिराश्रयितुम्

hariti ca tāvanmuhirniṣevitatamasyaśubhaṁ bhavati ca yāvadaiva kiraṇaistava pūjitataram ṛṣibhirmunibhirudāradhībhiḥ śāśva tamārgaparairvarada na śakyate tava guṇastutirāśrayitum

"It removes at once whatever inauspiciousness has been dwelt upon in darkness, and becomes ever more worshipful through your rays. O boon-giver, even by sages and munis of noble intellect, devoted to the eternal path, the full praise of your virtues cannot be undertaken."

Verse 79 (skanda.5.32.79)

त्वं विष्णुस्त्वं शशांकस्त्वमसुरमथनः शण्मुखस्त्वं धनेशस्त्वं कालस्त्वं च धाता क्षितिधरमलयापाश्रयस्त्वं हुताशः । ॐकारस्त्वं द्विजानां त्वमिह जलनिधित्वं शरस्त्वं च रुद्रस्त्वं मुख्यस्त्वं पयोदो व्रतयमनियमास्त्वं जगत्सर्वमेव

tvaṁ viṣṇustvaṁ śaśāṁkastvamasuramathanaḥ śaṇmukhastvaṁ dhaneśastvaṁ kālastvaṁ ca dhātā kṣitidharamalayāpāśrayastvaṁ hutāśaḥ oṁkārastvaṁ dvijānāṁ tvamiha jalanidhitvaṁ śarastvaṁ ca rudrastvaṁ mukhyastvaṁ payodo vratayamaniyamāstvaṁ jagatsarvameva

"You are Viṣṇu, you are the moon, you are the destroyer of asuras, the six-faced one, you are the lord of wealth, you are Time, and you are the Creator; you rest upon the mountains including Malaya, you are the fire; you are the syllable Om for the twice-born; here you are the ocean, you are the arrow, you are Rudra, you are the foremost; you are the cloud; vows, restraints, and observances — you are, indeed, the whole universe."

Verse 80 (skanda.5.32.80)

त्वमनिंद्य गोपते त्रिपुरमथन मन्मथदाहकरस्त्वमसुरभीमदर्पहा पाहि माम् । त्रिदशाधिपकमलवराननस्त्वमिह देवगुरुर्भगवां स्त्रिभुवनमण्डलेऽस्ति कतमस्तव तुल्यगुणः

tvamaniṁdya gopate tripuramathana manmathadāhakarastvamasurabhīmadarpahā pāhi mām tridaśādhipakamalavarānanastvamiha devagururbhagavāṁ stribhuvanamaṇḍale'sti katamastava tulyaguṇaḥ

"O blameless guardian, destroyer of Tripura, burner of Manmatha, remover of the terrible pride of asuras — protect me! You are here the lord and teacher of the gods, your face like the lotus-face of the lord of the thirty; O Lord, who in the whole circle of the three worlds possesses qualities equal to yours?"

Verse 81 (skanda.5.32.81)

आदित्य भास्कर दिवाकर सप्तसप्ते मार्तंड सूर्य हरिदश्वपते च भानो । अश्रांतवाहन खरूप गभस्तिमालिंस्त्वां लोकनाथ शरणं प्रतिपद्यतेऽसौ

āditya bhāskara divākara saptasapte mārtaṁḍa sūrya haridaśvapate ca bhāno aśrāṁtavāhana kharūpa gabhastimāliṁstvāṁ lokanātha śaraṇaṁ pratipadyate'sau

"O Āditya, Bhāskara, Divākara, you of the seven horses, Mārtaṇḍa, Sūrya, lord of the tawny steeds, O Bhānu, tireless-charioted, sky-formed, garlanded with rays — O Lord of the world, this one takes refuge in you."

Verse 82 (skanda.5.32.82)

प्राग्दिग्वधूतिलकभासुरकर्णपूर मंदाकिनीदयितनाथ जगत्प्रदीप । हेमाद्रितापन नभस्तलहारिरत्न सन्ध्यांगनावदनराग नमोनमस्ते

prāgdigvadhūtilakabhāsurakarṇapūra maṁdākinīdayitanātha jagatpradīpa hemādritāpana nabhastalahāriratna sandhyāṁganāvadanarāga namonamaste

"O radiant forehead-mark of the bride of the eastern quarter, ear-ornament, beloved lord of the Mandākinī, lamp of the world, warmer of the golden mountain, jewel-necklace of the vault of the sky, the very blush upon the face of the woman that is twilight — homage, homage to you!"

Verse 83 (skanda.5.32.83)

ब्रह्मैव सत्य शुभमंगल लोकनाथ व्योमांगणेश मुनिसंस्तुत विश्वमूर्ते । आर्तस्य शोकहर किंकरपालकश्च त्वं मे प्रसीद भगवञ्छरणागतस्य

brahmaiva satya śubhamaṁgala lokanātha vyomāṁgaṇeśa munisaṁstuta viśvamūrte ārtasya śokahara kiṁkarapālakaśca tvaṁ me prasīda bhagavañcharaṇāgatasya

"O Brahman itself, truth, auspicious, blessed one, Lord of the world, lord of the courtyard of the sky, praised by sages, whose form is the universe; remover of the grief of the afflicted, protector of your servants — be gracious to me, O Lord, who have come to you for refuge."

Verse 84 (skanda.5.32.84)

कृत्वांजलिं शिरसि पंकजकुड्मलाभं यत्संस्तुतस्त्वमिह देव मयाद्य भक्त्या । तेन प्रभो भव ममोपरि सौम्यमूर्तिर्धर्मे मतिं कुरु सदा श्रियमूर्जितां च

kṛtvāṁjaliṁ śirasi paṁkajakuḍmalābhaṁ yatsaṁstutastvamiha deva mayādya bhaktyā tena prabho bhava mamopari saumyamūrtirdharme matiṁ kuru sadā śriyamūrjitāṁ ca

"Having made an añjali resembling a lotus-bud upon my head, whatever has been praised of you here today, O god, by me with devotion — by that, O Lord, be gracious to me, gentle in form; fix my mind ever on dharma, and grant abundant prosperity."

Verse 85 (skanda.5.32.85)

नमः सवित्रे जगदेकचक्षुषे जगत्प्रसूतिस्थितिनाशहे तवे । त्रयीमयाय त्रिगुणात्मधारणे विरंचिनारायणशंकरात्मने

namaḥ savitre jagadekacakṣuṣe jagatprasūtisthitināśahe tave trayīmayāya triguṇātmadhāraṇe viraṁcinārāyaṇaśaṁkarātmane

"Homage to Savitṛ, the single eye of the world, the cause of the world's birth, sustenance, and destruction; who consists of the three Vedas, who bears within himself the three guṇas, who is himself Virañci, Nārāyaṇa, and Śaṅkara."

Verse 86 (skanda.5.32.86)

सूर्य उवाच । तुष्टोहमधुना पार्थ स्तोत्रेणानेन सुव्रत । वरं दास्यामि यत्नेन यत्ते मनसि वर्तते

sūrya uvāca tuṣṭohamadhunā pārtha stotreṇānena suvrata varaṁ dāsyāmi yatnena yatte manasi vartate

Sūrya said: "I am now pleased, O Pārtha, of good vows, by this hymn. I shall diligently grant the boon that is in your mind."

Verse 87 (skanda.5.32.87)

मद्दर्शनं हि विफलं न कदाचित्प्रजायते । शूराणां च विशेषेण ह्यदेयं नास्ति यत्नतः

maddarśanaṁ hi viphalaṁ na kadācitprajāyate śūrāṇāṁ ca viśeṣeṇa hyadeyaṁ nāsti yatnataḥ

"For the sight of me never becomes fruitless; and especially for heroes, there is nothing that cannot diligently be given."

Verse 88 (skanda.5.32.88)

अर्जुन उवाच । एष एव वरो मह्यं वराणामुत्तमोत्तमः । अत्र संनिहितो देव सर्वकालं भव प्रभो

arjuna uvāca eṣa eva varo mahyaṁ varāṇāmuttamottamaḥ atra saṁnihito deva sarvakālaṁ bhava prabho

Arjuna said: "This alone is the boon for me, the very best of boons: O god, O Lord, be present here for all time."

Verse 89 (skanda.5.32.89)

ये च त्वां मानवा भक्त्या स्तो ष्यंति प्रणताः सदा । तेषां धनं च धान्यं च पुत्रदारादिकं वसु

ye ca tvāṁ mānavā bhaktyā sto ṣyaṁti praṇatāḥ sadā teṣāṁ dhanaṁ ca dhānyaṁ ca putradārādikaṁ vasu

"And those men who, ever bowing, shall praise you with devotion — for them, wealth and grain, and wealth such as sons and wives --"

Verse 90 (skanda.5.32.90)

मनसश्चेप्सितं सर्व दातव्यं हि वरो मम । सनत्कुमार उवाच । आदित्यो ऽस्मै वरं दत्त्वा ह्युवाच वचनं शुभम्

manasaścepsitaṁ sarva dātavyaṁ hi varo mama sanatkumāra uvāca ādityo 'smai varaṁ dattvā hyuvāca vacanaṁ śubham

"'-- and everything desired by the mind, should be given: this is my boon.' Sanatkumāra said: Āditya, having granted him the boon, then spoke this auspicious word --"

Verse 91 (skanda.5.32.91)

यस्त्वत्कृतेन स्तोत्रेण मां स्तोष्यति नरोत्तमः । श्रिया न विच्युतिस्तस्य भवेदेष वरो मम

yastvatkṛtena stotreṇa māṁ stoṣyati narottamaḥ śriyā na vicyutistasya bhavedeṣa varo mama

"'-- Whatever best of men shall praise me with this hymn composed by you — for him there shall be no falling away from prosperity: this is my boon.'"