The Account of Andhaka

Verse 1 (skanda.5.38.1)

सनत्कुमार उवाच। नास्ति शेषं यदा रक्तं पीयमानं च रक्षसः। चामुण्डायास्ततो रक्तमभूदास्यं च भासुरम्॥

sanatkumāra uvāca| nāsti śeṣaṁ yadā raktaṁ pīyamānaṁ ca rakṣasaḥ| cāmuṇḍāyāstato raktamabhūdāsyaṁ ca bhāsuram||

Sanatkumara said: When no blood of the demon remained left to drink, Chamunda's mouth grew all the more blazing [with craving].

Verse 2 (skanda.5.38.2)

कृष्णं कृतांतकल्पांतं करालदशनाधरम्। प्रज्वलत्यंधके शांतं ज्वलत्केसरलोचनम्॥

kṛṣṇaṁ kṛtāṁtakalpāṁtaṁ karāladaśanādharam| prajvalatyaṁdhake śāṁtaṁ jvalatkesaralocanam||

Black, like the very dissolution wrought by Death, with fearsome teeth and lips — while Andhaka still blazed, it remained still, its eyes glowing like flame.

Verse 3 (skanda.5.38.3)

घोरघर्घरनिर्घोषस्फीतफेत्कारविस्वरम्। तार्क्ष्यपक्षकृतापीडं तीक्ष्णदंष्ट्राकुरोज्ज्वलम्॥

ghoraghargharanirghoṣasphītaphetkāravisvaram| tārkṣyapakṣakṛtāpīḍaṁ tīkṣṇadaṁṣṭrākurojjvalam||

It made a terrible gurgling roar, a swelling hissing cry; crowned as if with Garuda's wings, it blazed with the sprouting tips of sharp fangs.

Verse 4 (skanda.5.38.4)

तस्मिन्मुखे कपालाग्रं निधाय रुषितानना। अपिबद्रुधिरं चंडी चण्डदोर्दंडमंडिता॥

tasminmukhe kapālāgraṁ nidhāya ruṣitānanā| apibadrudhiraṁ caṁḍī caṇḍadordaṁḍamaṁḍitā||

Placing the skull-cup before that mouth, her face contorted with fury, Chandi, adorned with fierce, mighty arms, drank the blood.

Verse 5 (skanda.5.38.5)

तया पिबंत्या दैत्येंद्रः शरीरे कृशतां गतः। क्षयं निन्येऽथ संक्षीणक्षुद्रक्षुभितवीक्षणः॥

tayā pibaṁtyā daityeṁdraḥ śarīre kṛśatāṁ gataḥ| kṣayaṁ ninye'tha saṁkṣīṇakṣudrakṣubhitavīkṣaṇaḥ||

As she drank thus, the lord of the daityas grew emaciated in body; he was brought to ruin, wasted away, his gaze now feeble and agitated.

Verse 6 (skanda.5.38.6)

इत्थं निर्वीर्यदेहोऽसौ बभूवांधकदानवः। सर्वां संहृत्य मायां यो बलं क्षीणमथाकरोत्॥

itthaṁ nirvīryadeho'sau babhūvāṁdhakadānavaḥ| sarvāṁ saṁhṛtya māyāṁ yo balaṁ kṣīṇamathākarot||

Thus the demon Andhaka's body became devoid of strength; withdrawing all his illusive power, he rendered his own might utterly exhausted.

Verse 7 (skanda.5.38.7)

तीव्रं भयं समासाद्य प्राणत्राणपरायणः। दृष्ट्वा नान्यां गतिं लोके दैत्यस्तुष्टाव शंकरम्॥

tīvraṁ bhayaṁ samāsādya prāṇatrāṇaparāyaṇaḥ| dṛṣṭvā nānyāṁ gatiṁ loke daityastuṣṭāva śaṁkaram||

Overcome by intense fear, intent only upon saving his life, and seeing no other refuge in the world, the daitya praised Shankara.

Verse 8 (skanda.5.38.8)

कृतांजलिपुटो भूत्वा रोमांचितशरीरकः। सात्त्विकं भावमापन्नस्त्यक्त्वा चैव रजस्तमः॥

kṛtāṁjalipuṭo bhūtvā romāṁcitaśarīrakaḥ| sāttvikaṁ bhāvamāpannastyaktvā caiva rajastamaḥ||

With joined palms and body trembling with emotion, having cast off rajas and tamas and attained a sattvic state of mind,

Verse 9 (skanda.5.38.9)

लोकानां कारणं देवं विबुधाधिपतिं प्रभुम्। शश्वद्बुद्ध्यान्वितो भक्त्या निर्मलेनांतरात्मना॥

lokānāṁ kāraṇaṁ devaṁ vibudhādhipatiṁ prabhum| śaśvadbuddhyānvito bhaktyā nirmalenāṁtarātmanā||

with a mind ever composed and a pure inner self, filled with devotion, [he praised] the god who is the cause of all the worlds, the Lord of the wise —

Verse 10 (skanda.5.38.10)

श्लाघ्यं शिवं च तुष्टाव देवं चंद्रार्धशेखरम्॥

ślāghyaṁ śivaṁ ca tuṣṭāva devaṁ caṁdrārdhaśekharam||

of praiseworthy Shiva, the god who bears the crescent moon on his crest — of him he sang praise.

Verse 11 (skanda.5.38.11)

अंधक उवाच। कृत्स्नस्य योऽस्य जगतः सचराचरस्य कर्ता कृतस्य च तथा सुखदुःखदाता। संसारहेतुरपि यः पुनरंतकाले तं शंकरं शरणदं शरणं व्रजामि॥

aṁdhaka uvāca| kṛtsnasya yo'sya jagataḥ sacarācarasya kartā kṛtasya ca tathā sukhaduḥkhadātā| saṁsāraheturapi yaḥ punaraṁtakāle taṁ śaṁkaraṁ śaraṇadaṁ śaraṇaṁ vrajāmi||

Andhaka said: 'He who is the maker of this whole world, moving and unmoving, and of all that is made in it, and the giver of both joy and sorrow; who is the cause of the cycle of existence, and, in the end, of its dissolution too — to that Shankara, giver of refuge, I go for refuge.'

Verse 12 (skanda.5.38.12)

यं योगिनो विगतमोहतमोरजस्का भक्त्यैकतानमनसो विनिवृत्तकामाः। ध्यायंति येऽखिलधियोऽमितदिव्यभूतिं तं शंकरं शरणदं शरणं व्रजामि॥

yaṁ yogino vigatamohatamorajaskā bhaktyaikatānamanaso vinivṛttakāmāḥ| dhyāyaṁti ye'khiladhiyo'mitadivyabhūtiṁ taṁ śaṁkaraṁ śaraṇadaṁ śaraṇaṁ vrajāmi||

'He upon whom yogis, free from delusion, darkness and passion, their minds fixed single-pointedly in devotion, desires abandoned, meditate with unclouded understanding — he of boundless divine glory — to that Shankara, giver of refuge, I go for refuge.'

Verse 13 (skanda.5.38.13)

यश्चंद्रखंडममलं विलसन्मयूखं बद्ध्वा सदा सुरसरिच्छिरसा बिभर्ति। यस्यार्धदेहमभजद्गिरिराजपुत्री तं शंकरं शरणदं शरणं व्रजामि॥

yaścaṁdrakhaṁḍamamalaṁ vilasanmayūkhaṁ baddhvā sadā surasaricchirasā bibharti| yasyārdhadehamabhajadgirirājaputrī taṁ śaṁkaraṁ śaraṇadaṁ śaraṇaṁ vrajāmi||

'He who ever binds and bears upon his head the stainless, radiant crescent moon together with the celestial river Ganga; whose half-body was taken by the daughter of the King of Mountains — to that Shankara, giver of refuge, I go for refuge.'

Verse 14 (skanda.5.38.14)

यः सिद्धचारणनिषेवितपादपद्मो गंगां महोर्मिविषमां गगनात्पतंतीम्। मूर्ध्ना दधे स्रजमिव त्रिजगत्पुनंतीं तं शंकरं शरणदं शरणं व्रजामि॥

yaḥ siddhacāraṇaniṣevitapādapadmo gaṁgāṁ mahormiviṣamāṁ gaganātpataṁtīm| mūrdhnā dadhe srajamiva trijagatpunaṁtīṁ taṁ śaṁkaraṁ śaraṇadaṁ śaraṇaṁ vrajāmi||

'He whose lotus feet are served by siddhas and charanas, who bore upon his head, as though it were a garland, the Ganga — with her great, unruly waves falling from the sky, purifying the three worlds — to that Shankara, giver of refuge, I go for refuge.'

Verse 15 (skanda.5.38.15)

कैलासशैलशिखरं प्रविकंप्यमानं कैलासशृंगसदृशेन दशाननेन। यः पादपद्मपरिपीडनसेव्यमानस्तं शंकरं शरणदं शरणं व्रजामि॥

kailāsaśailaśikharaṁ pravikaṁpyamānaṁ kailāsaśṛṁgasadṛśena daśānanena| yaḥ pādapadmaparipīḍanasevyamānastaṁ śaṁkaraṁ śaraṇadaṁ śaraṇaṁ vrajāmi||

'He who, when the peak of Mount Kailasa was made to tremble by the ten-headed one, mighty as Kailasa's own crag, subdued it by the mere pressure of his lotus foot — to that Shankara, giver of refuge, I go for refuge.'

Verse 16 (skanda.5.38.16)

दक्षाध्वरे च नयने च तथा भगस्य पूष्णस्तथा दशनपंक्तिमशातयद्यः। व्यष्टंभयत्कुलिशहस्तमथेंद्रमीशं तं शंकरं शरणदं शरणं व्रजामि॥

dakṣādhvare ca nayane ca tathā bhagasya pūṣṇastathā daśanapaṁktimaśātayadyaḥ| vyaṣṭaṁbhayatkuliśahastamatheṁdramīśaṁ taṁ śaṁkaraṁ śaraṇadaṁ śaraṇaṁ vrajāmi||

'He who at Daksha's sacrifice destroyed the eyes of Bhaga and the row of teeth of Pushan, and who checked even Indra, the lord bearing the thunderbolt — to that Shankara, giver of refuge, I go for refuge.'

Verse 17 (skanda.5.38.17)

येनासकृद्दितिसुताश्च दनोः सुताश्च विद्याधरोरगगणाश्च वरैः समग्रैः। संयोजिता मुनिवराः फलमूलभक्षास्तं शंकरं शरणदं शरणं व्रजामि॥

yenāsakṛdditisutāśca danoḥ sutāśca vidyādharoragagaṇāśca varaiḥ samagraiḥ| saṁyojitā munivarāḥ phalamūlabhakṣāstaṁ śaṁkaraṁ śaraṇadaṁ śaraṇaṁ vrajāmi||

'By whom, again and again, the sons of Diti, the sons of Danu, the hosts of vidyadharas and serpents, and the best of sages living on fruit and roots, have all been endowed with every kind of boon — to that Shankara, giver of refuge, I go for refuge.'

Verse 18 (skanda.5.38.18)

एवं कृतेपि विषयेष्वपि सक्तभावा ज्ञानेन च श्रुतगुणैरपि तेन युक्ताः। यं संश्रिताः सुखभुजः पुरुषा भवंति तं शंकरं शरणदं शरणं व्रजामि॥

evaṁ kṛtepi viṣayeṣvapi saktabhāvā jñānena ca śrutaguṇairapi tena yuktāḥ| yaṁ saṁśritāḥ sukhabhujaḥ puruṣā bhavaṁti taṁ śaṁkaraṁ śaraṇadaṁ śaraṇaṁ vrajāmi||

'Even men still attached to sense-objects, yet joined to knowledge and the virtues heard in scripture, become enjoyers of happiness when they take refuge in him — to that Shankara, giver of refuge, I go for refuge.'

Verse 19 (skanda.5.38.19)

ब्रह्मेंद्रविष्णुमरुतां च सषण्मुखानां योऽदाद्वरान्सुबहुशो भगवान्महेशः। सूतं च मृत्युवदनात्पुनरुज्जहार तं शंकरं शरणदं शरणं व्रजामि॥

brahmeṁdraviṣṇumarutāṁ ca saṣaṇmukhānāṁ yo'dādvarānsubahuśo bhagavānmaheśaḥ| sūtaṁ ca mṛtyuvadanātpunarujjahāra taṁ śaṁkaraṁ śaraṇadaṁ śaraṇaṁ vrajāmi||

'The Lord Mahesha, who granted many boons to Brahma, Indra, Vishnu, the Maruts and Six-Faced Kartikeya, and who drew Suta back again from the very jaws of death — to that Shankara, giver of refuge, I go for refuge.'

Verse 20 (skanda.5.38.20)

आराधितस्तु तपसा हिमवन्निकुंजे धूम्रव्रतेन तपसा च परैरगम्यः। संजीवनीं समददाद्भृगवे महात्मा तं शंकरं शरणदं शरणं व्रजामि॥

ārādhitastu tapasā himavannikuṁje dhūmravratena tapasā ca parairagamyaḥ| saṁjīvanīṁ samadadādbhṛgave mahātmā taṁ śaṁkaraṁ śaraṇadaṁ śaraṇaṁ vrajāmi||

'Worshipped through austerity in a grove of the Himalayas, by the smoke-vow and by penance unattainable by others, that Great Soul granted the Sanjivani [reviving knowledge] to Bhrigu's descendant — to that Shankara, giver of refuge, I go for refuge.'

Verse 21 (skanda.5.38.21)

क्रीडार्थमेव भगवान्भुवनानि सप्त नानानदीविहगपादपमंडितानि। सब्रह्मकानि ससृजे सुकृताभिधानि तं शंकरं शरणदं शरणं व्रजामि॥

krīḍārthameva bhagavānbhuvanāni sapta nānānadīvihagapādapamaṁḍitāni| sabrahmakāni sasṛje sukṛtābhidhāni taṁ śaṁkaraṁ śaraṇadaṁ śaraṇaṁ vrajāmi||

'The Lord, merely for sport, created the seven worlds, adorned with various rivers, birds and trees, along with the world of Brahma, all bearing auspicious names — to that Shankara, giver of refuge, I go for refuge.'

Verse 22 (skanda.5.38.22)

यः सव्यपाणिकमलाग्रनखेन देवस्तत्पंचमं प्रसभमेव करालरंध्रम्। ब्राह्म्यं शिरस्तरणिपद्मनिभं चकर्त तं शंकरं शरणदं शरणं व्रजामि॥

yaḥ savyapāṇikamalāgranakhena devastatpaṁcamaṁ prasabhameva karālaraṁdhram| brāhmyaṁ śirastaraṇipadmanibhaṁ cakarta taṁ śaṁkaraṁ śaraṇadaṁ śaraṇaṁ vrajāmi||

'The god who, with the very tip of the nail of his left lotus-hand, forcibly severed that fifth, fearsome-socketed head of Brahma, resembling the sun and the lotus — to that Shankara, giver of refuge, I go for refuge.'

Verse 23 (skanda.5.38.23)

ये त्वां सुरोत्तमगुरुं पुरुषा विमूढा जानंति नास्य जगतः सचराचरस्य। ऐश्वर्यमानविगमेऽनुशयेन पश्चात्ते यातनामनुभवंति यथाहमेव॥

ye tvāṁ surottamaguruṁ puruṣā vimūḍhā jānaṁti nāsya jagataḥ sacarācarasya| aiśvaryamānavigame'nuśayena paścātte yātanāmanubhavaṁti yathāhameva||

'Those deluded men who do not recognize you as the supreme guru of the gods and of this whole world, moving and unmoving — when their power and pride are lost, they afterward suffer torment through remorse, just as I myself have.'

Verse 24 (skanda.5.38.24)

यः पठेत्स्तुतिमिमां शुचिकर्मा यः शृणोति सततं शिवभक्तः। विप्रसंसदि सदा शुभकर्मा स प्रयाति शिवलोकमखंडम्॥

yaḥ paṭhetstutimimāṁ śucikarmā yaḥ śṛṇoti satataṁ śivabhaktaḥ| viprasaṁsadi sadā śubhakarmā sa prayāti śivalokamakhaṁḍam||

'Whoever, pure of deed, recites this hymn, or a devotee of Shiva who ever hears it, ever engaged in auspicious deeds in an assembly of brahmins — he attains the undivided world of Shiva.'

Verse 25 (skanda.5.38.25)

सनत्कुमार उवाच। तस्यैवं स्तुवतो देवः शूलपाणिर्वृषध्वजः। पूर्णे वर्षशतस्यांते प्रीतः प्रोवाच शंकरः॥

sanatkumāra uvāca| tasyaivaṁ stuvato devaḥ śūlapāṇirvṛṣadhvajaḥ| pūrṇe varṣaśatasyāṁte prītaḥ provāca śaṁkaraḥ||

Sanatkumara said: While he thus praised him, at the completion of a hundred years, the trident-bearing, bull-bannered god Shankara, pleased, spoke to him.

Verse 26 (skanda.5.38.26)

पुत्र तुष्टोऽस्मि भद्रं ते जातस्त्वं निर्मलोऽधुना। दिव्यं ददामि ते चक्षुः पश्य मां विगतज्वरः॥

putra tuṣṭo'smi bhadraṁ te jātastvaṁ nirmalo'dhunā| divyaṁ dadāmi te cakṣuḥ paśya māṁ vigatajvaraḥ||

'My son, I am pleased; blessings upon you. You have now become pure. I grant you divine sight — behold me now, freed from affliction.'

Verse 27 (skanda.5.38.27)

यच्च ते मनसा वापि किंचिच्च कांक्षितं फलम्। तत्तत्सर्वं प्रदास्यामि ब्रूहि दानवसत्तम॥

yacca te manasā vāpi kiṁcicca kāṁkṣitaṁ phalam| tattatsarvaṁ pradāsyāmi brūhi dānavasattama||

'Whatever fruit you desire in your mind, all of that I shall grant you; speak, O best of danavas.'

Verse 28 (skanda.5.38.28)

दानव उवाच। ब्राह्म्यं वैष्णवमेंद्रं वा पदमावृत्तिलक्षणम्। विदितं मम तत्सर्वं मनागपि न कांक्षये॥

dānava uvāca| brāhmyaṁ vaiṣṇavameṁdraṁ vā padamāvṛttilakṣaṇam| viditaṁ mama tatsarvaṁ manāgapi na kāṁkṣaye||

The danava said: 'The status of Brahma, of Vishnu, or of Indra, marked as it is by recurrence [rebirth] — all this I know well; I do not desire it even in the least.'

Verse 29 (skanda.5.38.29)

यदि तुष्टोऽसि देवेश गाणपत्यं ददस्व मे। सविशेषं विशुद्धं च तदक्षय्यं च सर्वदा॥

yadi tuṣṭo'si deveśa gāṇapatyaṁ dadasva me| saviśeṣaṁ viśuddhaṁ ca tadakṣayyaṁ ca sarvadā||

'If you are pleased, O Lord of gods, grant me instead the office of a chief of your hosts — distinguished, wholly pure, and ever imperishable.'

Verse 30 (skanda.5.38.30)

महादेव उवाच। अमरो जरया त्यक्तः सर्वदुःखविवर्जितः। भविष्यसि गणाध्यक्षः सर्वलोकनमस्कृतः॥

mahādeva uvāca| amaro jarayā tyaktaḥ sarvaduḥkhavivarjitaḥ| bhaviṣyasi gaṇādhyakṣaḥ sarvalokanamaskṛtaḥ||

Mahadeva said: 'Immortal, free from old age, rid of all suffering, you shall become a Ganadhyaksha [chief of my hosts], venerated by all the worlds.'

Verse 31 (skanda.5.38.31)

कामरूपो महायोगी महासत्त्वो महाबलः। अणिमादिगुणैर्युक्तः प्रियश्च मम सर्वदा॥

kāmarūpo mahāyogī mahāsattvo mahābalaḥ| aṇimādiguṇairyuktaḥ priyaśca mama sarvadā||

'Assuming any form at will, a great yogi, of great being and great strength, endowed with the powers beginning with animā, you shall be ever dear to me.'

Verse 32 (skanda.5.38.32)

सनत्कुमार उवाच। ततश्च सोंऽधकः श्रीमान्वराँल्लब्ध्वा सुदुर्लभान्। महादेवगणो भूत्वा तत्रैवांतरधीयत॥

sanatkumāra uvāca| tataśca soṁ'dhakaḥ śrīmānvarā~llabdhvā sudurlabhān| mahādevagaṇo bhūtvā tatraivāṁtaradhīyata||

Sanatkumara said: Then that glorious Andhaka, having obtained such rare and hard-won boons, became one of Mahadeva's own hosts and vanished from that very place.

Verse 33 (skanda.5.38.33)

गतेंऽधके ततो देव्यो ब्रह्माण्याद्याः समागताः। स देवो यत्र भगवानंधकस्य वरप्रदः॥

gateṁ'dhake tato devyo brahmāṇyādyāḥ samāgatāḥ| sa devo yatra bhagavānaṁdhakasya varapradaḥ||

When Andhaka had departed, the goddesses headed by Brahmani gathered there, where that Lord God, the giver of boons to Andhaka, was present.

Verse 34 (skanda.5.38.34)

तास्तुष्टुवुर्महादेवमथ तुष्टो महेश्वरः। चामुंडा च महेशेन समाश्वस्ता शिवाऽभवत्॥

tāstuṣṭuvurmahādevamatha tuṣṭo maheśvaraḥ| cāmuṁḍā ca maheśena samāśvastā śivā'bhavat||

They praised Mahadeva, and Maheshvara was pleased with them; comforted by Mahesha, Chamunda too became gentle and auspicious.

Verse 35 (skanda.5.38.35)

शंकरं प्रणतं दृष्ट्वा तासामग्रे व्यवस्थितम्। ब्रह्मादयोऽपि ते हृष्टास्तुष्टुबुर्विविधैः स्तवैः॥

śaṁkaraṁ praṇataṁ dṛṣṭvā tāsāmagre vyavasthitam| brahmādayo'pi te hṛṣṭāstuṣṭuburvividhaiḥ stavaiḥ||

Seeing Shankara standing before them, honored with their homage, Brahma and the other gods too, delighted, praised him with various hymns.

Verse 36 (skanda.5.38.36)

प्रशांतास्ता यदा हृष्टाः शंभुना रुधिराशनाः। तदा वोचदिदं वाक्यं तासां स्थित्यर्थमुत्तमम्॥

praśāṁtāstā yadā hṛṣṭāḥ śaṁbhunā rudhirāśanāḥ| tadā vocadidaṁ vākyaṁ tāsāṁ sthityarthamuttamam||

When those blood-drinking goddesses had been pacified and made joyful by Shambhu, he then spoke this excellent word, for the purpose of establishing them permanently.

Verse 37 (skanda.5.38.37)

आवंत्ये विषये सर्वा यस्माजाता महाबलाः। आवंत्यमातरस्तस्मात्ख्याता लोके भविष्यथ॥

āvaṁtye viṣaye sarvā yasmājātā mahābalāḥ| āvaṁtyamātarastasmātkhyātā loke bhaviṣyatha||

'Since you, O mighty ones, were all born in the land of Avanti, you shall henceforth become renowned in the world as the Avantya-Mothers.'

Verse 38 (skanda.5.38.38)

अवंत्यां प्रीतिसंपन्नाः सर्वपापप्रणाशिनीः। स्थिरा वसंत्यो लोकानां वरदाश्च भविष्यथ॥

avaṁtyāṁ prītisaṁpannāḥ sarvapāpapraṇāśinīḥ| sthirā vasaṁtyo lokānāṁ varadāśca bhaviṣyatha||

'Dwelling in Avanti with love, destroyers of all sin, established there permanently, you shall become the granters of boons to the people.'

Verse 39 (skanda.5.38.39)

श्रावणस्य तु मासस्य अमावास्यां समाहिताः। ये द्रक्ष्यंति सदा भक्त्या तेषां लोका महोदयाः॥

śrāvaṇasya tu māsasya amāvāsyāṁ samāhitāḥ| ye drakṣyaṁti sadā bhaktyā teṣāṁ lokā mahodayāḥ||

'Those who, with composed mind and devotion, ever behold you on the new-moon day of the month of Shravana — for them there shall be worlds of great prosperity.'

Verse 40 (skanda.5.38.40)

अपुत्रो लभते पुत्रान्धनार्थी लभते धनम्। रूपवान्सुभगो भोगी सर्वशास्त्रविशारदः॥

aputro labhate putrāndhanārthī labhate dhanam| rūpavānsubhago bhogī sarvaśāstraviśāradaḥ||

'The sonless obtains sons, the seeker of wealth obtains wealth; he becomes handsome and fortunate, enjoys prosperity, and grows skilled in every scripture.'

Verse 41 (skanda.5.38.41)

हंसयुक्तेन यानेन पितृलोके महीयते। पुरीमिमां च रक्षध्वं कल्पेकल्पे क्रमेण तु॥

haṁsayuktena yānena pitṛloke mahīyate| purīmimāṁ ca rakṣadhvaṁ kalpekalpe krameṇa tu||

'He is honored in the world of the ancestors, borne by a chariot yoked with swans. And you Mothers, protect this city, in due order, in every age.'

Verse 42 (skanda.5.38.42)

एवमुक्त्वा तु देवेशो गतः कैलासपर्वतम्। स्तूयमानो गणैरौद्रैर्दैत्यामरगणेश्वरैः॥

evamuktvā tu deveśo gataḥ kailāsaparvatam| stūyamāno gaṇairaudrairdaityāmaragaṇeśvaraiḥ||

Having spoken thus, the Lord of gods departed for Mount Kailasa, being praised by his fierce hosts and by the lords of the daityas and the gods.

Verse 43 (skanda.5.38.43)

असुरसुरगणानां नायकस्यानुकीर्तिं कथयति कथनीयां श्रद्धया यः शृणोति। सकलसुखनिधानं रुद्रलोकं स कांतं सुरगणदनुनाथैरर्चितं यात्यनंतम्॥

asurasuragaṇānāṁ nāyakasyānukīrtiṁ kathayati kathanīyāṁ śraddhayā yaḥ śṛṇoti| sakalasukhanidhānaṁ rudralokaṁ sa kāṁtaṁ suragaṇadanunāthairarcitaṁ yātyanaṁtam||

Whoever tells, or hears with faith, this worthy and glorious account of the leader of the hosts of asuras and suras attains the beautiful, endless world of Rudra — the treasury of every joy, worshipped by hosts of gods and lords of danavas.