The Glory of the Angaraki-Chaturthi Vow

Verse 1 (skanda.5.37.1)

सनत्कुमार उवाच। भिन्नेऽन्धके त्रिशूलेन ध्वनी रुद्रस्य निर्गतः। तत्रोङ्कारः समुत्पन्नो देवदेवो महेश्वरः॥

sanatkumāra uvāca| bhinne'ndhake triśūlena dhvanī rudrasya nirgataḥ| tatroṅkāraḥ samutpanno devadevo maheśvaraḥ||

Sanatkumara said: When Andhaka was pierced by the trident, a sound issued forth from Rudra; there arose the God of gods, Maheshvara, as Onkara.

Verse 2 (skanda.5.37.2)

तत्र स्नात्वा शुचिर्भूत्वा समाधिनियमेन च। दृष्ट्वोङ्कारं महादेवं मुच्यते सर्वपातकैः॥

tatra snātvā śucirbhūtvā samādhiniyamena ca| dṛṣṭvoṅkāraṁ mahādevaṁ mucyate sarvapātakaiḥ||

One who bathes there, becomes pure, and through the discipline of meditation beholds Mahadeva Onkara is freed from all sins.

Verse 3 (skanda.5.37.3)

हत्वान्धकं त्रिशूलश्च भोगवत्या जले ययौ। दृष्ट्वा शूलं सुतेजस्कं हाटको विस्मयं गतः। पप्रच्छ केन कार्येण भवानिह समागतः॥

hatvāndhakaṁ triśūlaśca bhogavatyā jale yayau| dṛṣṭvā śūlaṁ sutejaskaṁ hāṭako vismayaṁ gataḥ| papraccha kena kāryeṇa bhavāniha samāgataḥ||

Having slain Andhaka, the trident went into the waters of the Bhogavati; seeing the brilliant trident, Hataka was struck with wonder and asked, 'For what purpose have you come here?'

Verse 4 (skanda.5.37.4)

कथयामास शूलोसौ शंकरेणाहमीरितः। अंधकस्य वधार्थाय पापवृत्तेः सुदुर्मतेः॥

kathayāmāsa śūlosau śaṁkareṇāhamīritaḥ| aṁdhakasya vadhārthāya pāpavṛtteḥ sudurmateḥ||

The trident replied: 'I was sent by Shankara to slay Andhaka, who was wicked in conduct and evil-minded.'

Verse 5 (skanda.5.37.5)

भित्त्वा तमहमायातो भोगवत्या जले शुभे। गमिष्यामि पुनस्तत्र यत्र तिष्ठति शंकरः॥

bhittvā tamahamāyāto bhogavatyā jale śubhe| gamiṣyāmi punastatra yatra tiṣṭhati śaṁkaraḥ||

'Having pierced him, I have come into the auspicious waters of the Bhogavati; I shall now return to where Shankara dwells.'

Verse 6 (skanda.5.37.6)

शूलोक्तं वचनं श्रुत्वा परमेशदिदृक्षया। हाटकः शूलमार्गेण निर्जगाम जवेन सः। बहुवक्त्रसमाकीर्णं सुप्रभं सुमनोरमम्॥

śūloktaṁ vacanaṁ śrutvā parameśadidṛkṣayā| hāṭakaḥ śūlamārgeṇa nirjagāma javena saḥ| bahuvaktrasamākīrṇaṁ suprabhaṁ sumanoramam||

Hearing the trident's words, and desiring to see the Supreme Lord, Hataka swiftly went forth by the trident's path, reaching that place adorned with many faces, radiant and lovely.

Verse 7 (skanda.5.37.7)

तं दृष्ट्वा त्रिदशाः सर्वे शूलेशं हाटकेश्वरम्। प्रणम्य हृष्टरोमाणो यथा प्रोत्फुल्लपंकजम्॥

taṁ dṛṣṭvā tridaśāḥ sarve śūleśaṁ hāṭakeśvaram| praṇamya hṛṣṭaromāṇo yathā protphullapaṁkajam||

Seeing him, the lord of the trident, as Hatakeshvara, all the gods, their hair standing in joy like a fully-blossomed lotus, bowed before him.

Verse 8 (skanda.5.37.8)

तुष्टुवुर्विविधैः स्तोत्रैर्ब्रह्मविष्णुपुरोगमाः। हाटकेश्वरनामासीत्पाताले यो व्यवस्थितः॥

tuṣṭuvurvividhaiḥ stotrairbrahmaviṣṇupurogamāḥ| hāṭakeśvaranāmāsītpātāle yo vyavasthitaḥ||

Led by Brahma and Vishnu, they praised him with various hymns; thus the deity established in Patala came to be named Hatakeshvara.

Verse 9 (skanda.5.37.9)

निर्गतः शूलमार्गेण तेन शूलेश्वरः स्मृतः। धूतपापं च यत्तीर्थं देवदेवस्य चोत्तरे॥

nirgataḥ śūlamārgeṇa tena śūleśvaraḥ smṛtaḥ| dhūtapāpaṁ ca yattīrthaṁ devadevasya cottare||

Because he emerged by the trident's path, he came to be called Shuleshvara; and to the north of this God of gods lies the tirtha named Dhutapapa.

Verse 10 (skanda.5.37.10)

तत्र पापः स दैत्येंद्रो धूतः शूलेन वीर्यवान्। तेन तीर्थमिदं व्यास धूतपापं निगद्यते॥

tatra pāpaḥ sa daityeṁdro dhūtaḥ śūlena vīryavān| tena tīrthamidaṁ vyāsa dhūtapāpaṁ nigadyate||

There that sinful, mighty lord of the daityas was cleansed away by the trident; therefore, O Vyasa, this tirtha is called Dhutapapa.

Verse 11 (skanda.5.37.11)

अष्टम्यां वा पौर्णमास्यां चतुर्दश्यां शनौ तथा। उपोष्य रजनीमेकां शिवभक्तो जितेंद्रियः॥

aṣṭamyāṁ vā paurṇamāsyāṁ caturdaśyāṁ śanau tathā| upoṣya rajanīmekāṁ śivabhakto jiteṁdriyaḥ||

On the eighth lunar day, or the full moon, or the fourteenth, or on a Saturday, a self-controlled devotee of Shiva, having fasted for one night,

Verse 12 (skanda.5.37.12)

धूतपापं तु यः पश्येद्देवदेवं महेश्वरम्। विमुक्तः सर्वपापैः स सप्तजन्मकृतैरपि॥

dhūtapāpaṁ tu yaḥ paśyeddevadevaṁ maheśvaram| vimuktaḥ sarvapāpaiḥ sa saptajanmakṛtairapi||

and who beholds Dhutapapa, the great God of gods, is freed from all sins, even those committed across seven births.

Verse 13 (skanda.5.37.13)

कुलानां शतमुद्धृत्य शिवलोकं च गच्छति। कृताभिषेकं यः पश्येत्पौषे मासि स वै नरः॥

kulānāṁ śatamuddhṛtya śivalokaṁ ca gacchati| kṛtābhiṣekaṁ yaḥ paśyetpauṣe māsi sa vai naraḥ||

He redeems a hundred generations of his family and goes to Shiva's world; and the man who beholds the anointing performed [there] in the month of Pausha,

Verse 14 (skanda.5.37.14)

शूलेश्वरप्रभावेन मुच्यते ब्रह्महत्यया। विमानानां सहस्रेण मृतो याति परं पदम्॥

śūleśvaraprabhāvena mucyate brahmahatyayā| vimānānāṁ sahasreṇa mṛto yāti paraṁ padam||

is freed, by the power of Shuleshvara, even from the sin of killing a Brahmin; upon death he attains the highest abode borne by a thousand celestial chariots.

Verse 15 (skanda.5.37.15)

इति चांधकशूलोयं यावद्भोगवतीं गतः। तावत्समुत्थिता घोरा असुरा रुधिरोद्भवाः॥

iti cāṁdhakaśūloyaṁ yāvadbhogavatīṁ gataḥ| tāvatsamutthitā ghorā asurā rudhirodbhavāḥ||

Thus, while this trident [that had slain] Andhaka had gone into the Bhogavati, terrible asuras born from his blood rose up.

Verse 16 (skanda.5.37.16)

खड्गहस्ता महावीर्या अनेकशतसंख्यया। चतुर्दिक्षु स्थितैर्घोरैर्हन्यमानो महेश्वरः। सिंहनादं मुमोचाथ पीडितस्तैर्दुरात्मभिः॥

khaḍgahastā mahāvīryā anekaśatasaṁkhyayā| caturdikṣu sthitairghorairhanyamāno maheśvaraḥ| siṁhanādaṁ mumocātha pīḍitastairdurātmabhiḥ||

Sword in hand, mighty in valor, in their hundreds, surrounding him on all four sides, these terrible ones struck at Maheshvara; hard-pressed by these wicked beings, he let out a lion's roar.

Verse 17 (skanda.5.37.17)

सिंहनादेन ते पापा मूर्छिताः पतिता भुवि। पुनः समुत्थिता जग्मुर्देवदेवं महेश्वरम्। वित्रस्ताश्च ततो देवा ब्रह्मविष्णुपुरोगमाः॥

siṁhanādena te pāpā mūrchitāḥ patitā bhuvi| punaḥ samutthitā jagmurdevadevaṁ maheśvaram| vitrastāśca tato devā brahmaviṣṇupurogamāḥ||

By that lion's roar those sinful beings fell fainting to the ground; rising again, they advanced upon the God of gods, Maheshvara, at which the gods, led by Brahma and Vishnu, grew terrified.

Verse 18 (skanda.5.37.18)

असाध्यांस्तांस्तथा मत्वा मंत्रं कृत्वा हितैषिणः। ततो देवा विचार्याथ स्त्रीं सृजाम इति स्वयम्॥

asādhyāṁstāṁstathā matvā maṁtraṁ kṛtvā hitaiṣiṇaḥ| tato devā vicāryātha strīṁ sṛjāma iti svayam||

Judging them unconquerable, the well-wishing gods took counsel together, and after deliberation resolved: 'Let us ourselves create a female power.'

Verse 19 (skanda.5.37.19)

इत्युक्त्वोत्पादयामास ब्रह्मा हंसासनां शुभाम्। चतुर्वक्त्रां चतुर्हस्तां ब्रह्माणीं रूपधारिणीम्॥

ityuktvotpādayāmāsa brahmā haṁsāsanāṁ śubhām| caturvaktrāṁ caturhastāṁ brahmāṇīṁ rūpadhāriṇīm||

Having said this, Brahma brought forth the auspicious goddess seated on a swan — four-faced and four-armed, in the form of Brahmani.

Verse 20 (skanda.5.37.20)

कुमारश्चैव कौमारीं मयूरवरवाहनाम्। रक्तमाल्याम्बरधरां शक्तिकुक्कुटधारिणीम्॥

kumāraścaiva kaumārīṁ mayūravaravāhanām| raktamālyāmbaradharāṁ śaktikukkuṭadhāriṇīm||

And Kumara brought forth Kaumari, mounted on the finest peacock, clad in red garlands and garments, bearing a spear and a cock.

Verse 21 (skanda.5.37.21)

पुनः कुमारः कौमारीं पक्षींद्रवरवाहनाम्। कृष्णां करालदशनां धर्मराजस्य वाहनीम्॥

punaḥ kumāraḥ kaumārīṁ pakṣīṁdravaravāhanām| kṛṣṇāṁ karāladaśanāṁ dharmarājasya vāhanīm||

Then again another power arose, mounted on the king of birds, dark-hued, with fearsome teeth, riding upon the mount of Dharmaraja.

Verse 22 (skanda.5.37.22)

दैत्यदेहप्रमथनीं दंडमुद्गरधारिणीम्। ललाटलोचनां नीलां कपालकरभूषिताम्॥

daityadehapramathanīṁ daṁḍamudgaradhāriṇīm| lalāṭalocanāṁ nīlāṁ kapālakarabhūṣitām||

A power arose that crushed the bodies of the daityas, bearing club and mace, with an eye on her forehead, dark-blue, her hand adorned with a skull.

Verse 23 (skanda.5.37.23)

सिंहाजिनधरां कृष्णां सर्वभूषणभूषिताम्। कर्त्रीहस्तां खड्गहस्तां खेटखट्वांगधारिणीम्। चर्मास्थिकेशवपुषं चामुण्डाममृजत्प्रभुः॥

siṁhājinadharāṁ kṛṣṇāṁ sarvabhūṣaṇabhūṣitām| kartrīhastāṁ khaḍgahastāṁ kheṭakhaṭvāṁgadhāriṇīm| carmāsthikeśavapuṣaṁ cāmuṇḍāmamṛjatprabhuḥ||

Clad in a lion's skin, dark, adorned with every ornament, holding knife and sword, bearing shield and skull-staff, her body of skin, bone and hair — thus the Lord fashioned Chamunda.

Verse 24 (skanda.5.37.24)

वटस्य निकटे पूर्वं निर्मिता लोकमातरः। ततो लोके सुविख्याताः प्रत्यक्षा वटमातरः॥

vaṭasya nikaṭe pūrvaṁ nirmitā lokamātaraḥ| tato loke suvikhyātāḥ pratyakṣā vaṭamātaraḥ||

These Mothers of the world were first fashioned near a banyan tree; thence they became renowned in the world, manifest, as the 'Banyan Mothers' (Vata-Matr).

Verse 25 (skanda.5.37.25)

तत्र स्नात्वा शुचिर्भूत्वा मातॄः पश्यति यो नरः। स मुक्तः सर्वपापेभ्यो मातृलोके महीयते॥

tatra snātvā śucirbhūtvā mātṝḥ paśyati yo naraḥ| sa muktaḥ sarvapāpebhyo mātṛloke mahīyate||

A man who bathes there, becomes pure, and beholds the Mothers is freed from all sins and is honored in the world of the Mothers.

Verse 26 (skanda.5.37.26)

सिंहनादोऽपि देवेन कृतो यत्र महामुने। तत्र सिंहेश्वरो देवः सर्वदुष्कृतनाशनः॥

siṁhanādo'pi devena kṛto yatra mahāmune| tatra siṁheśvaro devaḥ sarvaduṣkṛtanāśanaḥ||

O great sage, where the god had made his lion-roar, there stands the deity Simheshvara, destroyer of all evil deeds.

Verse 27 (skanda.5.37.27)

दर्शनात्तस्य देवस्य सिंहवत्स बली भवेत्। सिंहनादे कृते यत्र जातं कण्टकितं वपुः॥

darśanāttasya devasya siṁhavatsa balī bhavet| siṁhanāde kṛte yatra jātaṁ kaṇṭakitaṁ vapuḥ||

By the sight of that god one becomes as strong as a lion; and where, at that lion-roar, the body [of the gods] had bristled with goosebumps,

Verse 28 (skanda.5.37.28)

तत्र कण्टेश्वरो देवो भक्तानां सर्वदः सदा। तत्र तीर्थे नरः स्नात्वा दृष्ट्वा कण्टेश्वरं शिवम्॥

tatra kaṇṭeśvaro devo bhaktānāṁ sarvadaḥ sadā| tatra tīrthe naraḥ snātvā dṛṣṭvā kaṇṭeśvaraṁ śivam||

there stands the god Kanteshvara, ever the giver of all things to his devotees; a man who bathes at that tirtha and beholds Shiva Kanteshvara

Verse 29 (skanda.5.37.29)

ग्रहभूतपिशाचेभ्यो न भयं प्राप्नुयात्क्वचित्। ततस्ता मातरः सर्वा आदिष्टास्तु हरेण वै॥

grahabhūtapiśācebhyo na bhayaṁ prāpnuyātkvacit| tatastā mātaraḥ sarvā ādiṣṭāstu hareṇa vai||

never comes to feel fear from planetary spirits, ghosts or demons. Thereafter Hara gave a command to all those Mother-goddesses:

Verse 30 (skanda.5.37.30)

अन्धासुरस्य रौद्रस्य पिबध्वं रुधिरं द्रुतम्। एतस्मिन्नन्तरे व्यास प्रज्वलज्ज्वलनोपमः॥

andhāsurasya raudrasya pibadhvaṁ rudhiraṁ drutam| etasminnantare vyāsa prajvalajjvalanopamaḥ||

'Quickly drink the blood of the terrible Andhakasura.' Meanwhile, O Vyasa, Indra approached Shankara, who blazed like fire.

Verse 31 (skanda.5.37.31)

अभयं शक्र मा भैस्त्वं यत्रोवाचेति शंकरः। तत्र लिंगं समुद्भूतमभयेश्वरमुत्तमम्॥

abhayaṁ śakra mā bhaistvaṁ yatrovāceti śaṁkaraḥ| tatra liṁgaṁ samudbhūtamabhayeśvaramuttamam||

Where Shankara said, 'Fear not, O Shakra, I grant you safety' — there arose the excellent linga named Abhayeshvara.

Verse 32 (skanda.5.37.32)

वंदितं देवगंधर्वैः सिद्धविद्याधरोरगैः। तत्र स्नात्वा शुचिर्भूत्वा सोपवासो जितेन्द्रियः॥

vaṁditaṁ devagaṁdharvaiḥ siddhavidyādharoragaiḥ| tatra snātvā śucirbhūtvā sopavāso jitendriyaḥ||

It is venerated by gods, gandharvas, siddhas, vidyadharas and serpents; one who bathes there, becomes pure, and, fasting and self-controlled,

Verse 33 (skanda.5.37.33)

अर्चये द्देवदेवेशमश्वमेधफलं लभेत्। भूतप्रेतपिशाचेभ्यो भयं तस्य न विद्यते॥

arcaye ddevadeveśamaśvamedhaphalaṁ labhet| bhūtapretapiśācebhyo bhayaṁ tasya na vidyate||

worships the Lord of gods, obtains the fruit of a horse-sacrifice; he has no fear from spirits, ghosts, or demons.

Verse 34 (skanda.5.37.34)

सिंहयुक्तेन यानेन शिवलोकं स गच्छति। अन्धकस्य तु या माया रक्तासुरसमुद्भवा॥

siṁhayuktena yānena śivalokaṁ sa gacchati| andhakasya tu yā māyā raktāsurasamudbhavā||

He journeys to Shiva's world in a chariot yoked with lions. Now, Andhaka's illusion, which brought forth blood-born demons [from every fallen drop],

Verse 35 (skanda.5.37.35)

मातृभिर्युध्यमानाभिः क्षयमाशु जगाम सा। देव्यः पिबन्त्यो रक्तौघं दैतेयतनुतश्च्युतम्॥

mātṛbhiryudhyamānābhiḥ kṣayamāśu jagāma sā| devyaḥ pibantyo raktaughaṁ daiteyatanutaścyutam||

was swiftly destroyed as the Mothers fought against it; the goddesses drank the flood of blood that poured from the demon's body.

Verse 36 (skanda.5.37.36)

षट्तृप्तिं परमा जग्मुर्न तु तृप्ता ललाटजा। हतमायः शिष्टकस्तु भिन्नशूलतनुच्छदः॥

ṣaṭtṛptiṁ paramā jagmurna tu tṛptā lalāṭajā| hatamāyaḥ śiṣṭakastu bhinnaśūlatanucchadaḥ||

Six of them became fully satisfied, but the one born of the forehead was not satisfied; his illusion now destroyed, Andhaka remained, his body pierced by the trident.

Verse 37 (skanda.5.37.37)

उत्तराभिमुखं शूलमंधकोऽकर्षयद्बली। संनिरुद्धो महादेहो वारितो गणपेन सः॥

uttarābhimukhaṁ śūlamaṁdhako'karṣayadbalī| saṁniruddho mahādeho vārito gaṇapena saḥ||

The mighty Andhaka dragged the northward-facing trident, but his huge body was checked, obstructed by Ganapa (Ganesha).

Verse 38 (skanda.5.37.38)

महाविनायकः ख्यातस्तस्माल्लोकेऽभवन्मुने। दर्शनात्तस्य देवस्य न विघ्नैः पीड्यते नरः॥

mahāvināyakaḥ khyātastasmālloke'bhavanmune| darśanāttasya devasya na vighnaiḥ pīḍyate naraḥ||

O sage, from that he became renowned in the world as Mahavinayaka; by the sight of that god a man is not afflicted by obstacles.

Verse 39 (skanda.5.37.39)

मासेमासे चतुर्थ्यां यो गणेशं पूजयेद्द्विज। न तस्य विघ्नं जायेत इह लोके परत्र च॥

māsemāse caturthyāṁ yo gaṇeśaṁ pūjayeddvija| na tasya vighnaṁ jāyeta iha loke paratra ca||

O twice-born one, whoever worships Ganesha on the fourth day of every month meets with no obstacle, in this world or the next.

Verse 40 (skanda.5.37.40)

स्वेदबिंदुरथो तस्य ललाटादपतद्भुवि। तस्मादंगारको जातो रक्तमाल्यानुलेपनः॥

svedabiṁduratho tasya lalāṭādapatadbhuvi| tasmādaṁgārako jāto raktamālyānulepanaḥ||

Then a drop of sweat fell from his forehead to the earth; from it was born Angaraka (Mars), wearing red garlands and red unguents.

Verse 41 (skanda.5.37.41)

आवन्त्ये विषये जातो लोहितांगो धरासुतः। अंगारकस्तु रक्ताक्षो महादेवसुतस्तथा॥

āvantye viṣaye jāto lohitāṁgo dharāsutaḥ| aṁgārakastu raktākṣo mahādevasutastathā||

He was born in the land of Avanti, red-limbed, a son of the Earth; thus Angaraka, red-eyed, became the son of Mahadeva.

Verse 42 (skanda.5.37.42)

नामभिर्ब्रह्मणा स्तुत्वा ग्रहमध्येऽधिरोपितः। तत्र तीर्थमथोत्पन्नमंगारेश्वरमुत्तमम्॥

nāmabhirbrahmaṇā stutvā grahamadhye'dhiropitaḥ| tatra tīrthamathotpannamaṁgāreśvaramuttamam||

Brahma, praising him with his [various] names, installed him among the planets; and there arose the excellent tirtha named Angareshvara.

Verse 43 (skanda.5.37.43)

ब्रह्मणा स्थापितं लिंगं गणगंधर्वसेवितम्। शुचिस्तत्र च यः स्नाति नरो ह्यंगारवासरे॥

brahmaṇā sthāpitaṁ liṁgaṁ gaṇagaṁdharvasevitam| śucistatra ca yaḥ snāti naro hyaṁgāravāsare||

This linga was established by Brahma and is served by ganas and gandharvas; a man who, having purified himself, bathes there on Angara-vasara (Tuesday),

Verse 44 (skanda.5.37.44)

दृष्ट्वांगारेश्वरं सोथ मुच्यते सर्वपातकैः। चतुर्थ्यां मंगलदिने नक्ते चार्घ्यं निवेदयेत्॥

dṛṣṭvāṁgāreśvaraṁ sotha mucyate sarvapātakaiḥ| caturthyāṁ maṁgaladine nakte cārghyaṁ nivedayet||

and beholds Angareshvara is freed from all sins. On the fourth day falling on a Tuesday, at night, one should offer arghya.

Verse 45 (skanda.5.37.45)

यावत्पूर्णाश्चतस्रः स्युस्तावत्कार्याः प्रयत्नतः। पञ्च वै करकाः कार्यास्ताम्रपात्रेण संयुताः॥

yāvatpūrṇāścatasraḥ syustāvatkāryāḥ prayatnataḥ| pañca vai karakāḥ kāryāstāmrapātreṇa saṁyutāḥ||

This should be diligently performed until four such [Tuesday-Chaturthis] are complete; five water-jars should be prepared, together with a copper vessel.

Verse 46 (skanda.5.37.46)

गुडपीठमयाः कार्या रक्तवस्त्रसमन्विताः। रक्तचंदनसंयुक्ता रक्तपुष्पैश्च पूजिताः॥

guḍapīṭhamayāḥ kāryā raktavastrasamanvitāḥ| raktacaṁdanasaṁyuktā raktapuṣpaiśca pūjitāḥ||

They should be set upon a base of jaggery, wrapped in red cloth, anointed with red sandal-paste, and worshipped with red flowers.

Verse 47 (skanda.5.37.47)

तिलतण्डुलसंपूर्णमेकं तत्रैव कारयेत्। द्वितीयं लड्डुकैश्चैव तृतीयं पयसा तथा॥

tilataṇḍulasaṁpūrṇamekaṁ tatraiva kārayet| dvitīyaṁ laḍḍukaiścaiva tṛtīyaṁ payasā tathā||

One of these jars should be filled with sesame and rice, a second with sweet laddus, and a third with milk.

Verse 48 (skanda.5.37.48)

उत्तरीभिश्चतुर्थं च पञ्चमं मूलकैस्तथा। कृत्वा ह्येवं विधानेन मंत्रेणार्घ्यं निवेदयेत्॥

uttarībhiścaturthaṁ ca pañcamaṁ mūlakaistathā| kṛtvā hyevaṁ vidhānena maṁtreṇārghyaṁ nivedayet||

The fourth should hold upper garments, and the fifth radishes; having done this according to rule, one should offer the arghya with the mantra.

Verse 49 (skanda.5.37.49)

कुजाय लोहितांगाय ग्रहमध्यस्थिताय च। कार्तिकेयानुरूपाय सुरूपाय नमो नमः॥

kujāya lohitāṁgāya grahamadhyasthitāya ca| kārtikeyānurūpāya surūpāya namo namaḥ||

'Salutations again and again to Kuja (Mars), the red-limbed one, seated amid the planets, resembling Kartikeya, of beautiful form.'

Verse 50 (skanda.5.37.50)

शिवललाटसंभूत धरणीगर्भसंभव। रूपार्थं त्वां प्रपन्नोस्मि गृहाणार्घ्यं नमोऽस्तु ते॥

śivalalāṭasaṁbhūta dharaṇīgarbhasaṁbhava| rūpārthaṁ tvāṁ prapannosmi gṛhāṇārghyaṁ namo'stu te||

'O you born from Shiva's forehead, sprung from the womb of the Earth, I have come to you seeking beauty; accept this offering, salutation to you.'

Verse 51 (skanda.5.37.51)

ज्वलितांगारवर्णाभ स्निग्धविद्रुमभा सुर। पुत्रार्थी त्वां प्रपन्नोस्मि गृहाणार्घ्यं धरात्मज॥

jvalitāṁgāravarṇābha snigdhavidrumabhā sura| putrārthī tvāṁ prapannosmi gṛhāṇārghyaṁ dharātmaja||

'O god the color of a glowing ember, radiant like polished coral, I have come to you desiring a son; O son of the Earth, accept this offering.'

Verse 52 (skanda.5.37.52)

आवन्त्यमण्डले जातो धरण्यां च शिवेन वै। पुत्रं देहि धनं देहि यशो देहि नमोऽस्तु ते॥

āvantyamaṇḍale jāto dharaṇyāṁ ca śivena vai| putraṁ dehi dhanaṁ dehi yaśo dehi namo'stu te||

'O you who were born in the region of Avanti, from the Earth and through Shiva — grant me a son, grant me wealth, grant me fame; salutation to you.'

Verse 53 (skanda.5.37.53)

एवं संपूजितो भौमश्चतुर्थ्यां मुनिसत्तम। भुक्त्वा भोगांस्तथा पुत्रान्प्राप्य वै क्षितिमंडले॥

evaṁ saṁpūjito bhaumaścaturthyāṁ munisattama| bhuktvā bhogāṁstathā putrānprāpya vai kṣitimaṁḍale||

O best of sages, Bhauma (Mars), thus worshipped on the fourth day, grants a man, after he has enjoyed pleasures and obtained sons upon this earth,

Verse 54 (skanda.5.37.54)

मृतः स्वर्गमवाप्नोति यावदिन्द्राश्चतुर्दश॥

mṛtaḥ svargamavāpnoti yāvadindrāścaturdaśa||

attainment, after death, of heaven for the duration of fourteen Indras.