The Account Telling the Name Ujjayini

Verse 1 (skanda.5.43.1)

सनत्कुमार उवाच। एकस्मिन्नंतरे व्यास यथोज्जयनी स्मृता पुरी। तथाहं संप्रवक्ष्यामि शृणुष्व त्वं समाहितः॥

sanatkumāra uvāca| ekasminnaṁtare vyāsa yathojjayanī smṛtā purī| tathāhaṁ saṁpravakṣyāmi śṛṇuṣva tvaṁ samāhitaḥ||

Sanatkumara said: O Vyasa, now I shall tell you how this city came to be remembered by the name Ujjayini; listen with a composed mind.

Verse 2 (skanda.5.43.2)

त्रिपुराख्यो महादैत्यः सर्वदैत्यजनेश्वरः। तपस्तेपे सुदुर्धर्षं ब्रह्मणस्तुष्टिकारणात्॥

tripurākhyo mahādaityaḥ sarvadaityajaneśvaraḥ| tapastepe sudurdharṣaṁ brahmaṇastuṣṭikāraṇāt||

The great daitya named Tripura, the lord of all daitya-folk, undertook an extremely severe austerity to please Brahma.

Verse 3 (skanda.5.43.3)

आतपे चाग्निसेवां वै प्रावृषि मेघडंबरम्। दमयित्वा तदात्मानं शीतकाले जलाशये॥

ātape cāgnisevāṁ vai prāvṛṣi meghaḍaṁbaram| damayitvā tadātmānaṁ śītakāle jalāśaye||

In the heat of summer he practiced the discipline of fire; in the rains, beneath the thundering clouds; and in winter he mortified his body standing in a pool of water.

Verse 4 (skanda.5.43.4)

शीर्णपत्रजलाहारो वायुभक्षी निराश्रयः। गायत्रीव्रतमास्थाय त्यक्तसर्वपरिग्रहः॥

śīrṇapatrajalāhāro vāyubhakṣī nirāśrayaḥ| gāyatrīvratamāsthāya tyaktasarvaparigrahaḥ||

living on withered leaves and water, feeding on air alone, without shelter, observing the Gayatri vow, having renounced all possessions—

Verse 5 (skanda.5.43.5)

एवं वर्षसहस्रं तु तपस्तप्तं सुदुश्चरम्। पूर्णे वर्षसहस्रे तु ब्रह्मा प्रीततमोऽब्रवीत्॥

evaṁ varṣasahasraṁ tu tapastaptaṁ suduścaram| pūrṇe varṣasahasre tu brahmā prītatamo'bravīt||

thus he performed this extremely arduous austerity for a thousand years. When the thousand years were complete, Brahma, exceedingly pleased, said—

Verse 6 (skanda.5.43.6)

व्रियतां भोऽसुरश्रेष्ठ वरं मत्तोभिवांछितम्। तत्सर्वं सांप्रतं लोके वरं तुभ्यं ददामि वै॥

vriyatāṁ bho'suraśreṣṭha varaṁ mattobhivāṁchitam| tatsarvaṁ sāṁprataṁ loke varaṁ tubhyaṁ dadāmi vai||

'O best of asuras, choose whatever boon you desire from me; whatever you wish for in this world, that boon I now grant you.'

Verse 7 (skanda.5.43.7)

एवमुक्तः स विधिना दैत्यस्त्रिपुरसंज्ञितः। उवाच वचनं सद्यो ब्रह्माणं संशितव्रतम्॥

evamuktaḥ sa vidhinā daityastripurasaṁjñitaḥ| uvāca vacanaṁ sadyo brahmāṇaṁ saṁśitavratam||

Thus addressed by Vidhi, the daitya named Tripura at once spoke this word to Brahma of firm vow.

Verse 8 (skanda.5.43.8)

त्रिपुर उवाच। यदि तुष्टमना ब्रह्मन्वरं मे दातुमिच्छसि। देवदानगंधर्वपिशाचोरगराक्षसैः। अवध्योऽहं सदा भूयां वरमेतद्वृणोम्यहम्॥

tripura uvāca| yadi tuṣṭamanā brahmanvaraṁ me dātumicchasi| devadānagaṁdharvapiśācoragarākṣasaiḥ| avadhyo'haṁ sadā bhūyāṁ varametadvṛṇomyaham||

Tripura said: O Brahma, if with a pleased mind you wish to grant me a boon, then I ask this boon: that I may ever remain unslayable by gods, danavas, gandharvas, pishachas, serpents and rakshasas.

Verse 9 (skanda.5.43.9)

ब्रह्मोवाच। एवं भवतु भो वत्स विचरस्वाकुतोभयः। इत्युक्त्वा सहसा ब्रह्मा तत्रैवांतरधीयत॥

brahmovāca| evaṁ bhavatu bho vatsa vicarasvākutobhayaḥ| ityuktvā sahasā brahmā tatraivāṁtaradhīyata||

Brahma said: 'So be it, my child; go about without fear.' Having said this, Brahma at once vanished from that very place.

Verse 10 (skanda.5.43.10)

तदारभ्य महादैत्यो देवानां कदनं महत्। चकार कोपपूर्णो वै पूर्ववैरमनुस्मरन्॥

tadārabhya mahādaityo devānāṁ kadanaṁ mahat| cakāra kopapūrṇo vai pūrvavairamanusmaran||

From then on that great daitya, filled with wrath and recalling his old enmity, began to wreak great destruction upon the gods.

Verse 11 (skanda.5.43.11)

वासयित्वा यत्र तत्र त्रिपुराणि चराणि च। अत्र वासकृतः सर्वे वर्णाश्रमपरा जनाः॥

vāsayitvā yatra tatra tripurāṇi carāṇi ca| atra vāsakṛtaḥ sarve varṇāśramaparā janāḥ||

He established, here and there, three moving cities, in which all the people devoted to the varna-ashrama order dwelt.

Verse 12 (skanda.5.43.12)

तेषां वै कदनं चक्रे नानोपायेन पापधीः। तस्मिन्पुरे दुष्टवासे ब्राह्मणा वेदपारगाः॥

teṣāṁ vai kadanaṁ cakre nānopāyena pāpadhīḥ| tasminpure duṣṭavāse brāhmaṇā vedapāragāḥ||

That evil-minded one destroyed them through many devices; in that city of wicked dwelling, the brahmins learned in the Veda—

Verse 13 (skanda.5.43.13)

न जुहुयुश्चाग्निहोत्रं सोमपानं न कर्हिचित्। कुतश्चित्सुकृतं कर्म जनाः कुर्वंति नो मुने॥

na juhuyuścāgnihotraṁ somapānaṁ na karhicit| kutaścitsukṛtaṁ karma janāḥ kurvaṁti no mune||

—no longer performed the agnihotra, nor ever drank the soma; O sage, the people performed no meritorious act of any kind.

Verse 14 (skanda.5.43.14)

स्वाहाकारस्वधाकारवषट्कारविवर्जिताः। नोत्सवो दृश्यते गेहे कस्यचिद्भुवि विस्तृतः॥

svāhākārasvadhākāravaṣaṭkāravivarjitāḥ| notsavo dṛśyate gehe kasyacidbhuvi vistṛtaḥ||

They had abandoned the cries of svaha, svadha and vashat; nowhere on that ground was a grand festival to be seen in anyone's house.

Verse 15 (skanda.5.43.15)

देवतायतनं नास्ति तथा नो शिवपूजनम्। नास्ति यज्ञो न दानानि न गोब्राह्मणपूजनम्॥

devatāyatanaṁ nāsti tathā no śivapūjanam| nāsti yajño na dānāni na gobrāhmaṇapūjanam||

There was no shrine of the gods, nor any worship of Shiva; no sacrifice, no charity, and no reverence for cows or brahmins.

Verse 16 (skanda.5.43.16)

सदाचारजनो नास्ति दया मानविवर्जिता। न दानी नोपकारी च तपस्वी नैव दृश्यते॥

sadācārajano nāsti dayā mānavivarjitā| na dānī nopakārī ca tapasvī naiva dṛśyate||

No person of good conduct remained; compassion and respect had vanished; no one generous or helpful, nor any ascetic, was to be seen at all.

Verse 17 (skanda.5.43.17)

एवं व्यास पुरे तस्मिन्नष्टप्रायमिदं जगत्। प्रजानां ब्राह्मणा मूलं वेदमूला हि ब्राह्मणाः॥

evaṁ vyāsa pure tasminnaṣṭaprāyamidaṁ jagat| prajānāṁ brāhmaṇā mūlaṁ vedamūlā hi brāhmaṇāḥ||

Thus, O Vyasa, in that city this whole world became all but destroyed. The brahmins are the root of the people, and the Veda is the root of the brahmins.

Verse 18 (skanda.5.43.18)

वेदमूलपरा यज्ञा यज्ञमूला हि देवताः। तस्माद्व्यास हतं सर्वं कृतं तेन दुरात्मना॥

vedamūlaparā yajñā yajñamūlā hi devatāḥ| tasmādvyāsa hataṁ sarvaṁ kṛtaṁ tena durātmanā||

The Veda is the root of the sacrifices, and the sacrifices are the root of the gods; therefore, O Vyasa, that wicked one destroyed all of this.

Verse 19 (skanda.5.43.19)

तेन देवगणाः सर्वे हतप्राया हतौजसः। विचरंति यथा मर्त्या भुवि तेन पराजिताः॥

tena devagaṇāḥ sarve hataprāyā hataujasaḥ| vicaraṁti yathā martyā bhuvi tena parājitāḥ||

Because of him, all the hosts of gods, all but slain and stripped of their splendor, wandered the earth like mortals, defeated by him.

Verse 20 (skanda.5.43.20)

अन्योन्यकृतसंधाना मंत्रं कृत्वा समाहिताः। जग्मुस्ते तत्र यत्रास्ते प्रजापतिरकल्मषः॥

anyonyakṛtasaṁdhānā maṁtraṁ kṛtvā samāhitāḥ| jagmuste tatra yatrāste prajāpatirakalmaṣaḥ||

Making a pact with one another and taking counsel with focused minds, they went to where the stainless Prajapati was present.

Verse 21 (skanda.5.43.21)

त्रिदशाः कथयामासुरात्मव्यसनकारणम्। तज्ज्ञात्वा सहसोत्थाय ब्रह्मा लोकपिता महः॥

tridaśāḥ kathayāmāsurātmavyasanakāraṇam| tajjñātvā sahasotthāya brahmā lokapitā mahaḥ||

The gods related to him the cause of their own calamity. Learning this, the great Brahma, father of the worlds, rose at once,

Verse 22 (skanda.5.43.22)

जगाम त्रिदशैः सार्धं महाकालवनोत्तमम्। यत्रास्ते सततं देव उमया सहितः शिवः॥

jagāma tridaśaiḥ sārdhaṁ mahākālavanottamam| yatrāste satataṁ deva umayā sahitaḥ śivaḥ||

and went, together with the gods, to the excellent Mahakalavana, where the god Shiva ever dwells together with Uma.

Verse 23 (skanda.5.43.23)

यत्रावंती पुरी दिव्या सर्वतीर्थनिषेविता। तत्रागत्य सुरैः साकं स्वयंभूश्चतुराननः॥

yatrāvaṁtī purī divyā sarvatīrthaniṣevitā| tatrāgatya suraiḥ sākaṁ svayaṁbhūścaturānanaḥ||

There, where the divine city of Avanti is honored by all tirthas, the four-faced Self-born (Brahma) came, together with the gods, and,

Verse 24 (skanda.5.43.24)

स्नानं दानं जपं होमं कृत्वा रुद्रसरे तदा। पूजयित्वा महाकालं ब्रह्मा वचनमब्रवीत्॥

snānaṁ dānaṁ japaṁ homaṁ kṛtvā rudrasare tadā| pūjayitvā mahākālaṁ brahmā vacanamabravīt||

having performed bathing, giving, japa and oblation at the Rudra-lake, and having worshipped Mahakala, Brahma spoke this word.

Verse 25 (skanda.5.43.25)

ब्रह्मोवाच। देवदेव महादेव भक्तानामभयंकर। श्रूयतां भोः सुरश्रेष्ठ देवकार्यमनुत्तमम्॥

brahmovāca| devadeva mahādeva bhaktānāmabhayaṁkara| śrūyatāṁ bhoḥ suraśreṣṭha devakāryamanuttamam||

Brahma said: O God of gods, Mahadeva, giver of fearlessness to your devotees — hear, O best of gods, this most pressing matter concerning the gods.

Verse 26 (skanda.5.43.26)

त्रिपुरोनाम दैत्येंद्रो देवानां कदनं महत्। करोति सततं दैत्यो देवब्राह्मणनिंदकः॥

tripuronāma daityeṁdro devānāṁ kadanaṁ mahat| karoti satataṁ daityo devabrāhmaṇaniṁdakaḥ||

The lord of daityas named Tripura, that daitya who reviles the gods and brahmins, constantly wreaks great destruction upon the gods.

Verse 27 (skanda.5.43.27)

वासयित्वा पुरस्तिस्रो विस्तीर्णा विचरत्यथ। तत्र स्थितानि भूतानि नाशं यांति दुरात्मना॥

vāsayitvā purastisro vistīrṇā vicaratyatha| tatra sthitāni bhūtāni nāśaṁ yāṁti durātmanā||

Having built three vast cities, he roves about; the creatures dwelling in them are being destroyed by that wicked one.

Verse 28 (skanda.5.43.28)

एवं कृत्वा प्रजाः सर्वाः क्षयं नीताश्चराचराः। उद्वासितानि द्वीपानि ग्रामाश्च नगराणि च॥

evaṁ kṛtvā prajāḥ sarvāḥ kṣayaṁ nītāścarācarāḥ| udvāsitāni dvīpāni grāmāśca nagarāṇi ca||

Acting thus, he has brought all creatures, moving and unmoving, to ruin; islands, villages and cities alike have all been laid waste.

Verse 29 (skanda.5.43.29)

ऋषीणामाश्रमाः सर्वे यतीनामायतनानि च। एवं कृत्वा सुराः सर्वे भ्रष्टराज्याः पराजिताः॥

ṛṣīṇāmāśramāḥ sarve yatīnāmāyatanāni ca| evaṁ kṛtvā surāḥ sarve bhraṣṭarājyāḥ parājitāḥ||

The hermitages of all the sages, and the abodes of ascetics too, have been laid waste. Thus all the gods, cast out of their own realms, have been defeated.

Verse 30 (skanda.5.43.30)

विचरंति यथा मर्त्यास्त्रिपुरेण दुरात्मना। मत्तो लब्धवरो नित्यं व्रजत्येवाकुतोभयः॥

vicaraṁti yathā martyāstripureṇa durātmanā| matto labdhavaro nityaṁ vrajatyevākutobhayaḥ||

Because of that wicked Tripura, they now wander about like mortals; while he, having obtained a boon from me, moves about ever fearless.

Verse 31 (skanda.5.43.31)

तस्मात्सर्वप्रयत्नेन वधस्तस्य विचिंत्यताम्॥

tasmātsarvaprayatnena vadhastasya viciṁtyatām||

Therefore, with every effort, a means for his slaying must be devised.

Verse 32 (skanda.5.43.32)

इति श्रुत्वा वचस्तस्य ब्रह्मणः संशितात्मनः। चिरं ध्यात्वा महादेवो ब्रह्माणं तमुवाच ह॥

iti śrutvā vacastasya brahmaṇaḥ saṁśitātmanaḥ| ciraṁ dhyātvā mahādevo brahmāṇaṁ tamuvāca ha||

Having heard this word of Brahma, firm of resolve, Mahadeva meditated for a long while and then spoke thus to Brahma.

Verse 33 (skanda.5.43.33)

महादेव उवाच। श्रूयतां भोः सुरश्रेष्ठा ब्रह्मशक्रपुरोगमाः। जयोपायं करिष्यामि दैत्यस्यास्य दुरात्मनः॥

mahādeva uvāca| śrūyatāṁ bhoḥ suraśreṣṭhā brahmaśakrapurogamāḥ| jayopāyaṁ kariṣyāmi daityasyāsya durātmanaḥ||

Mahadeva said: Listen, O best of gods, led by Brahma and Shakra — I shall devise the means of victory over this wicked daitya.

Verse 34 (skanda.5.43.34)

तपश्चरत यूयं वा आत्मनो जयकांक्षिणः। अवंत्यां यद्धुतं दत्तं तत्सर्वं चाक्षयं भवेत्॥

tapaścarata yūyaṁ vā ātmano jayakāṁkṣiṇaḥ| avaṁtyāṁ yaddhutaṁ dattaṁ tatsarvaṁ cākṣayaṁ bhavet||

You too should practice austerity, desiring your own victory; for whatever is offered in oblation or given as gift in Avanti becomes imperishable.

Verse 35 (skanda.5.43.35)

इत्युक्त्वा सर्वदेवानां तत्रैवांतर्हितः शिवः। गत्वा स्मशाननिलये भूतप्रेतनिषेविते॥

ityuktvā sarvadevānāṁ tatraivāṁtarhitaḥ śivaḥ| gatvā smaśānanilaye bhūtapretaniṣevite||

Having said this, Shiva vanished from before all the gods right there, and, going to the abode of the cremation ground, frequented by ghosts and spirits,

Verse 36 (skanda.5.43.36)

जयार्थं तस्य दैत्यस्य त्रिपुरस्य दुरात्मनः। उपासांचक्रिरे तत्र चामुण्डायाः सुरेश्वराः॥

jayārthaṁ tasya daityasya tripurasya durātmanaḥ| upāsāṁcakrire tatra cāmuṇḍāyāḥ sureśvarāḥ||

for the sake of victory over that wicked daitya Tripura, the lord of gods began there the worship of Chamunda.

Verse 37 (skanda.5.43.37)

महिषैश्च महामेध्यैः पशुपुष्पार्घतर्पणैः। बलिभिर्विविधैर्दानैर्धूपदीपाग्नितर्पणैः। पूजयित्वा तदा देवीं तामीडे वृषभध्वजः॥

mahiṣaiśca mahāmedhyaiḥ paśupuṣpārghatarpaṇaiḥ| balibhirvividhairdānairdhūpadīpāgnitarpaṇaiḥ| pūjayitvā tadā devīṁ tāmīḍe vṛṣabhadhvajaḥ||

With great and hallowed buffaloes, with animal offerings, flowers, arghya and tarpana, with various sacrificial offerings and gifts, with incense, lamps and fire-oblations, having worshipped that Goddess, the bull-bannered Shiva then praised her.

Verse 38 (skanda.5.43.38)

दुर्गां भगवतीं भद्रां दुर्गसंसारतारणीम्। त्रिपुरांतकारिणीं कृत्यां चंडमुंडवधोद्यमाम्॥

durgāṁ bhagavatīṁ bhadrāṁ durgasaṁsāratāraṇīm| tripurāṁtakāriṇīṁ kṛtyāṁ caṁḍamuṁḍavadhodyamām||

Durga, the auspicious Goddess, who ferries beings across this difficult world, who brings about the end of Tripura, the active power engaged in the slaying of Chanda and Munda,

Verse 39 (skanda.5.43.39)

दैत्यमेदोमदोन्मत्तां रक्ताख्यां रक्तदंतिकाम्। रक्तांबरधरां धीरां रक्तपुष्पावतीं सतीम्॥

daityamedomadonmattāṁ raktākhyāṁ raktadaṁtikām| raktāṁbaradharāṁ dhīrāṁ raktapuṣpāvatīṁ satīm||

who, intoxicated with the fat and pride of demons, bears the name Rakta ('the red one'), red-toothed, clad in red, resolute, adorned with red flowers, the virtuous one,

Verse 40 (skanda.5.43.40)

महिषवाहिनीं श्यामां यक्षासनपरिग्रहाम्। द्वीपिचर्मपरीधानां शुष्कमांसातिभैरवाम्॥

mahiṣavāhinīṁ śyāmāṁ yakṣāsanaparigrahām| dvīpicarmaparīdhānāṁ śuṣkamāṁsātibhairavām||

who rides upon a buffalo, dark-hued, seated on a throne of yakshas, clad in a leopard's hide, most terrifying in her form of gaunt, dried flesh —

Verse 41 (skanda.5.43.41)

पूजयित्वा प्रसन्नात्मा ध्यानमास्थाय संस्थितः। तदा भगवती भद्रा ययेदं धार्यते जगत्। प्रसन्नवदना भूत्वा प्रत्यक्षं प्राह चंडिका॥

pūjayitvā prasannātmā dhyānamāsthāya saṁsthitaḥ| tadā bhagavatī bhadrā yayedaṁ dhāryate jagat| prasannavadanā bhūtvā pratyakṣaṁ prāha caṁḍikā||

Having worshipped her thus, [Shiva], with a pleased mind, remained fixed in meditation. Then the auspicious Goddess, by whom this whole world is upheld, appeared in person, her face gracious, and Chandika spoke.

Verse 42 (skanda.5.43.42)

देव्युवाच। व्रियतां भोः सुरश्रेष्ठ वरं मत्तोऽभिवांछितम्। सर्वं त्वयोक्तं यच्छामि जगतामुपकारकम्॥

devyuvāca| vriyatāṁ bhoḥ suraśreṣṭha varaṁ matto'bhivāṁchitam| sarvaṁ tvayoktaṁ yacchāmi jagatāmupakārakam||

The Goddess said: O best of gods, choose from me the boon you desire; whatever you have asked, beneficial to the worlds, all of that I grant.

Verse 43 (skanda.5.43.43)

श्रीहर उवाच। यदि तुष्टासि वै देवि देहि मे वरमुत्तमम्। येन हन्मि महादैत्यं त्रिपुरं देवकंटकम्॥

śrīhara uvāca| yadi tuṣṭāsi vai devi dehi me varamuttamam| yena hanmi mahādaityaṁ tripuraṁ devakaṁṭakam||

Shri Hara said: O Goddess, if you are pleased, grant me that excellent boon by which I may slay the great daitya Tripura, the thorn in the gods' side.

Verse 44 (skanda.5.43.44)

श्रीदेव्युवाच। जय ह्येनं महादेव गृहाण पाशुपतं परम्। मया दत्तं सुरश्रेष्ठ दैत्यनाशकरं परम्॥

śrīdevyuvāca| jaya hyenaṁ mahādeva gṛhāṇa pāśupataṁ param| mayā dattaṁ suraśreṣṭha daityanāśakaraṁ param||

Shri Devi said: Conquer him, O Mahadeva; take this supreme Pashupata weapon, given by me, O best of gods, most excellent for the destruction of the daitya.

Verse 45 (skanda.5.43.45)

महापाशुपतं शस्त्रं करे कृत्वा च शंकरः॥

mahāpāśupataṁ śastraṁ kare kṛtvā ca śaṁkaraḥ||

Taking the great Pashupata weapon into his hand, Shankara,

Verse 46 (skanda.5.43.46)

उज्जहार तदा शंभुर्दैत्यनाशाय सत्वरः। महाडंबरिको भूत्वा सर्वप्राणिभयंकरः॥

ujjahāra tadā śaṁbhurdaityanāśāya satvaraḥ| mahāḍaṁbariko bhūtvā sarvaprāṇibhayaṁkaraḥ||

then swiftly drew it forth for the destruction of the daitya; becoming greatly tumultuous, he grew terrifying to every living being.

Verse 47 (skanda.5.43.47)

स्तुतिं कृत्वा ययौ वाग्भिः पृष्ठतोऽनुययुः सुराः। शरेणैकेन वै रुद्रो जघान तं महासुरम्॥

stutiṁ kṛtvā yayau vāgbhiḥ pṛṣṭhato'nuyayuḥ surāḥ| śareṇaikena vai rudro jaghāna taṁ mahāsuram||

Amid hymns of praise he advanced, the gods following behind him; with a single arrow Rudra slew that great asura.

Verse 48 (skanda.5.43.48)

मायिनं तं त्रिधा भित्त्वा मायायुद्धेन शंकरः। पुनरागात्पुरीमेतामवंतीममरसेविताम्॥

māyinaṁ taṁ tridhā bhittvā māyāyuddhena śaṁkaraḥ| punarāgātpurīmetāmavaṁtīmamarasevitām||

Having, through a battle of illusion, split that illusion-wielding one into three, Shankara returned once more to this city of Avanti, honored by the immortals.

Verse 49 (skanda.5.43.49)

जयाशिषा प्रयुंजाना ऋषयः सिद्धचारणाः। तुष्टुवुश्च तदा देवा जयशब्देन हर्षिताः॥

jayāśiṣā prayuṁjānā ṛṣayaḥ siddhacāraṇāḥ| tuṣṭuvuśca tadā devā jayaśabdena harṣitāḥ||

The sages, siddhas and charanas offered blessings of victory; and the gods, rejoicing with cries of triumph, sang his praises.

Verse 50 (skanda.5.43.50)

अप्सरा ननृतुस्तत्र गंधर्वा ललितं जगुः। ववौ तदा पुण्यतमो वायुः सुखप्रदो नृणाम्॥

apsarā nanṛtustatra gaṁdharvā lalitaṁ jaguḥ| vavau tadā puṇyatamo vāyuḥ sukhaprado nṛṇām||

The apsaras danced there, the gandharvas sang sweetly; then a most auspicious breeze began to blow, bringing happiness to men.

Verse 51 (skanda.5.43.51)

जयशब्दस्तदा जातः प्राणिनां च गृहेगृहे। जज्वलुश्चाग्नयः शांताः शांता दिग्जनितस्वनाः॥

jayaśabdastadā jātaḥ prāṇināṁ ca gṛhegṛhe| jajvaluścāgnayaḥ śāṁtāḥ śāṁtā digjanitasvanāḥ||

Then cries of victory arose in the home of every living being; tranquil fires blazed up, and the tumultuous sounds that had risen from every quarter grew calm.

Verse 52 (skanda.5.43.52)

प्रवर्तंते तदा यज्ञा महोत्सवसदक्षिणाः। देवाः प्रपेदिरे स्थानं स्वकीयं पुनरादृतम्॥

pravartaṁte tadā yajñā mahotsavasadakṣiṇāḥ| devāḥ prapedire sthānaṁ svakīyaṁ punarādṛtam||

Then sacrifices, accompanied by great festivity and generous gifts, began anew; the gods regained their own places, once more held in honor.

Verse 53 (skanda.5.43.53)

उज्जितो दानवो यस्मात्त्रैलोक्ये स्थापितं यशः। तस्मात्सर्वैः सुरश्रेष्ठैर्ऋषिभिः सनकादिभिः॥

ujjito dānavo yasmāttrailokye sthāpitaṁ yaśaḥ| tasmātsarvaiḥ suraśreṣṭhairṛṣibhiḥ sanakādibhiḥ||

Because that danava was thus conquered, and fame was established throughout the three worlds, therefore, by all the best of gods and by the sages headed by Sanaka,

Verse 54 (skanda.5.43.54)

कृतं नाम ह्यवंत्या वा उज्जयिनी पापनाशिनी। अवंती च पुरा प्रोक्ता सर्वकामवरप्रदा॥

kṛtaṁ nāma hyavaṁtyā vā ujjayinī pāpanāśinī| avaṁtī ca purā proktā sarvakāmavarapradā||

the name Ujjayini, destroyer of sin, was given to Avanti; that very city, formerly called Avanti, the giver of every desired boon,

Verse 55 (skanda.5.43.55)

अद्यप्रभृति पुरी व्यास उज्जयिनी समाश्रिताः। येऽस्यां च स्नानदानादि भुवि कुर्वंति मानवाः॥

adyaprabhṛti purī vyāsa ujjayinī samāśritāḥ| ye'syāṁ ca snānadānādi bhuvi kurvaṁti mānavāḥ||

from this day forth, O Vyasa, has also come to be known by the name Ujjayini. Whatever men perform bathing, giving and the like upon this ground,

Verse 56 (skanda.5.43.56)

न तेषां दुष्कृतं किंचिद्देहे तिष्ठति पापजम्॥

na teṣāṁ duṣkṛtaṁ kiṁciddehe tiṣṭhati pāpajam||

no evil deed born of sin remains at all within their bodies.

Verse 57 (skanda.5.43.57)

विद्यार्थी गिरीशं धनार्थी धनेशं सुतार्थी सुतेशं दिनेशं सुखार्थी। धियोर्थी गणेशं प्रियार्थी वसेद्वै गिरां ग्राह्यमानी जनश्चोज्जयिन्याम्॥

vidyārthī girīśaṁ dhanārthī dhaneśaṁ sutārthī suteśaṁ dineśaṁ sukhārthī| dhiyorthī gaṇeśaṁ priyārthī vasedvai girāṁ grāhyamānī janaścojjayinyām||

The seeker of learning should worship Girisha; the seeker of wealth, the Lord of Wealth; the seeker of a son, the Lord of Sons; the seeker of happiness, the Sun; the seeker of wisdom, Ganesha; and let one who desires what is dear take these words to heart and dwell in Ujjayini.

Verse 58 (skanda.5.43.58)

य एतस्यां महाभाग सदा वसति मानवः। भुक्त्वा कामान्मनोऽभीष्टान्मृतः शिवपुरं व्रजेत्॥

ya etasyāṁ mahābhāga sadā vasati mānavaḥ| bhuktvā kāmānmano'bhīṣṭānmṛtaḥ śivapuraṁ vrajet||

O fortunate one, whatever man dwells here always, having enjoyed the desires dear to his heart, goes upon death to Shiva's city.

Verse 59 (skanda.5.43.59)

तत्रैव वसते नित्यं कल्पकोटिशताधिकम्॥

tatraiva vasate nityaṁ kalpakoṭiśatādhikam||

There he dwells forever, for a span exceeding a hundred crore kalpas.

Verse 60 (skanda.5.43.60)

य एतां वै कथां पुण्यां पठते शृणुतेऽथ वा। मुच्यते सर्वपापेभ्यो गोसहस्रफलं लभेत्॥

ya etāṁ vai kathāṁ puṇyāṁ paṭhate śṛṇute'tha vā| mucyate sarvapāpebhyo gosahasraphalaṁ labhet||

Whoever recites this sacred tale, or hears it, is freed from all sins and obtains the merit of the gift of a thousand cows.