The Supremacy of Prabhasa over All Sacred Fields

Verse 1 (skanda.7.10.1)

ईश्वर उवाच। अन्यच्च कथयिष्यामि रहस्यं तव भामिनि। यत्र कस्य चिदाख्यातं तत्ते वच्मि वरानने

īśvara uvāca| anyacca kathayiṣyāmi rahasyaṁ tava bhāmini| yatra kasya cidākhyātaṁ tatte vacmi varānane

Īśvara said: I shall now tell you another secret, O radiant one. What has been told to no one else, that I shall tell you, O fair-faced one.

Verse 2 (skanda.7.10.2)

पृथ्वीभागे स्थितो ब्रह्मा अपां भागे जनार्द्दनः। तेजोभागस्थितो रुद्रो वायुभागे तथेश्वरः

pṛthvībhāge sthito brahmā apāṁ bhāge janārddanaḥ| tejobhāgasthito rudro vāyubhāge tatheśvaraḥ

Brahmā abides in the portion of earth, Janārdana in the portion of water, Rudra in the portion of fire, and Īśvara in the portion of wind.

Verse 3 (skanda.7.10.3)

आकाशभागसंस्थाने स्थितः साक्षात्सदाशिवः

ākāśabhāgasaṁsthāne sthitaḥ sākṣātsadāśivaḥ

In the abode of the portion of space, Sadāśiva himself abides.

Verse 4 (skanda.7.10.4)

यस्ययस्यैव यो भागस्तस्मिंस्तीर्थानि यानि वै। तस्यतस्य न संदेहः स स एवेश्वरः स्मृतः

yasyayasyaiva yo bhāgastasmiṁstīrthāni yāni vai| tasyatasya na saṁdehaḥ sa sa eveśvaraḥ smṛtaḥ

Whatever sacred fords exist within each such portion, in each of them, without doubt, that same Lord is to be remembered.

Verse 5 (skanda.7.10.5)

छागलंडं दुगण्डं च माकोटं मण्डलेश्वरम्। कालिंजरं वनं चैव शंकुकर्णं स्थलेश्वरम्

chāgalaṁḍaṁ dugaṇḍaṁ ca mākoṭaṁ maṇḍaleśvaram| kāliṁjaraṁ vanaṁ caiva śaṁkukarṇaṁ sthaleśvaram

Chāgalaṇḍa, Dugaṇḍa, Mākoṭa, and Maṇḍaleśvara, and the forest of Kāliñjara, Śaṅkukarṇa, and Sthaleśvara.

Verse 6 (skanda.7.10.6)

शूलेश्वरं च विख्यातं पृथ्वीतत्त्वे च संस्थितम्। हरिश्चन्द्रं च श्रीशैलं जल्पेशोन्नांतिकेश्वरम्

śūleśvaraṁ ca vikhyātaṁ pṛthvītattve ca saṁsthitam| hariścandraṁ ca śrīśailaṁ jalpeśonnāṁtikeśvaram

and the renowned Śūleśvara — these abide in the principle of earth. Hariścandra, Śrīśaila, Jalpeśa, and Unnāntikeśvara.

Verse 7 (skanda.7.10.7)

महाकालं मध्यमं च केदारं भैरवं तथा। पवित्राष्टकमेतद्धि जलसंस्थं वरानने

mahākālaṁ madhyamaṁ ca kedāraṁ bhairavaṁ tathā| pavitrāṣṭakametaddhi jalasaṁsthaṁ varānane

Mahākāla, Madhyama, Kedāra, and Bhairava — this, O fair-faced one, is the sacred eightfold group established in the principle of water.

Verse 8 (skanda.7.10.8)

अमरेशं प्रभासं च नैमिषं पुष्करं तथा। आषाढिं चैव दण्डिं च भारभूतिं च लांगलम्

amareśaṁ prabhāsaṁ ca naimiṣaṁ puṣkaraṁ tathā| āṣāḍhiṁ caiva daṇḍiṁ ca bhārabhūtiṁ ca lāṁgalam

Amareśa, Prabhāsa, Naimiṣa, Puṣkara, Āṣāḍhi, Daṇḍi, Bhārabhūti, and Lāṅgala.

Verse 9 (skanda.7.10.9)

आदि गुह्याष्टकं ह्येतत्तेजस्तत्त्वे प्रतिष्ठितम्। गया चैव कुरुक्षेत्रं तीर्थं कनखलं तथा

ādi guhyāṣṭakaṁ hyetattejastattve pratiṣṭhitam| gayā caiva kurukṣetraṁ tīrthaṁ kanakhalaṁ tathā

This first secret eightfold group is established in the principle of fire. Gayā, Kurukṣetra, and the ford of Kanakhala.

Verse 10 (skanda.7.10.10)

विमलं चाट्टहासं च माहेन्द्रं भीमसंज्ञकम्। गुह्याद्गुह्यतरं ह्येतत्प्रोक्तं वाय्वष्टकं तव

vimalaṁ cāṭṭahāsaṁ ca māhendraṁ bhīmasaṁjñakam| guhyādguhyataraṁ hyetatproktaṁ vāyvaṣṭakaṁ tava

Vimala, Aṭṭahāsa, Māhendra, and the one called Bhīma — this, more secret than the secret, is declared to you as the eightfold group of wind.

Verse 11 (skanda.7.10.11)

वस्त्रापथं रुद्रकोटिर्ज्येष्ठेश्वरं महालयम्। गोकर्णं रुद्रकर्णं च वर्णाख्यं स्थापसंज्ञकम्

vastrāpathaṁ rudrakoṭirjyeṣṭheśvaraṁ mahālayam| gokarṇaṁ rudrakarṇaṁ ca varṇākhyaṁ sthāpasaṁjñakam

Vastrāpatha, Rudrakoṭi, Jyeṣṭheśvara, Mahālaya, Gokarṇa, Rudrakarṇa, the one called Varṇa, and the one named Sthāpa.

Verse 12 (skanda.7.10.12)

पवित्राष्टकमेतद्धि आकाशस्थं वरानने। एतानि तत्त्वतीर्थानि सर्वाणि कथितानि वै

pavitrāṣṭakametaddhi ākāśasthaṁ varānane| etāni tattvatīrthāni sarvāṇi kathitāni vai

This sacred eightfold group, O fair-faced one, abides in the principle of space. All these element-fords have now been told to you.

Verse 13 (skanda.7.10.13)

यो यस्मिन्देवता तत्त्वे सा तन्माहात्म्यसूचिका। औदकं च महातत्त्वं विष्णोश्चातिप्रियं प्रिये

yo yasmindevatā tattve sā tanmāhātmyasūcikā| audakaṁ ca mahātattvaṁ viṣṇoścātipriyaṁ priye

Whichever deity abides in whichever principle, that itself indicates its glory. The great principle of water, O beloved, is exceedingly dear to Viṣṇu.

Verse 14 (skanda.7.10.14)

जलशायी स्मृतस्तेन नारायण इति श्रुतिः। आप्यतत्त्वं तु तीर्थानि यानि प्रोक्तानि ते मया

jalaśāyī smṛtastena nārāyaṇa iti śrutiḥ| āpyatattvaṁ tu tīrthāni yāni proktāni te mayā

For this reason he is remembered in the scriptures as Nārāyaṇa, he who reclines on the waters. Whatever sacred fords belong to the principle of water, these have been told to you by me.

Verse 15 (skanda.7.10.15)

तानि प्रियाणि देवेशि ध्रुवं नारायणस्य वै। औदकं चैव यत्तत्त्वं तस्मिन्प्राभासिकं स्मृतम्

tāni priyāṇi deveśi dhruvaṁ nārāyaṇasya vai| audakaṁ caiva yattattvaṁ tasminprābhāsikaṁ smṛtam

These, O sovereign Goddess, are surely dear to Nārāyaṇa. And within that very principle of water, the Prābhāsika field is remembered.

Verse 16 (skanda.7.10.16)

तत्र देवो लयं याति हरिर्जन्मनिजन्मनि। स वासुदेवः सूक्ष्मात्मा परात्परतरे स्थितः

tatra devo layaṁ yāti harirjanmanijanmani| sa vāsudevaḥ sūkṣmātmā parātparatare sthitaḥ

There the god Hari attains dissolution, birth after birth. He, Vāsudeva, subtle in essence, abides beyond even the supreme.

Verse 17 (skanda.7.10.17)

स शिवः परमं व्योम अनादिनिधनो विभुः। तस्मात्परतरं नास्ति सर्वशास्त्रागमेषु च

sa śivaḥ paramaṁ vyoma anādinidhano vibhuḥ| tasmātparataraṁ nāsti sarvaśāstrāgameṣu ca

He is Śiva, the supreme ether, without beginning or end, all-pervading. Beyond him there is nothing, in all scriptures and all sacred traditions.

Verse 18 (skanda.7.10.18)

सिद्धांतागमवेदांतदर्शनेषु विशेषतः। तेषु चैव न भिन्नस्तु मया सार्द्धं यशस्विनि

siddhāṁtāgamavedāṁtadarśaneṣu viśeṣataḥ| teṣu caiva na bhinnastu mayā sārddhaṁ yaśasvini

Especially in the Siddhānta scriptures, the Āgamas, and the philosophy of Vedānta, O glorious one, he is not different from me.

Verse 19 (skanda.7.10.19)

तस्मिन्स्थाने हरिः साक्षात्प्रत्यक्षेण तु संस्थितः। लिंगैश्चतुर्भिः संयुक्तो ज्ञायते न च केनचित्

tasminsthāne hariḥ sākṣātpratyakṣeṇa tu saṁsthitaḥ| liṁgaiścaturbhiḥ saṁyukto jñāyate na ca kenacit

In that place Hari abides visibly, directly present, joined with four liṅgas, yet known by no one.

Verse 20 (skanda.7.10.20)

मोक्षार्थं नैष्ठिकैर्वर्णैर्व्रतैश्चैव तु यत्फलम्। तत्फलं समवाप्नोति भल्लुकातीर्थदर्शनात्

mokṣārthaṁ naiṣṭhikairvarṇairvrataiścaiva tu yatphalam| tatphalaṁ samavāpnoti bhallukātīrthadarśanāt

Whatever fruit is obtained through vows kept faithfully by the disciplined orders for the sake of liberation, that same fruit is obtained merely by the sight of the Bhallukā ford.

Verse 21 (skanda.7.10.21)

गोचर्ममात्रं तत्स्थानं समंतात्परिमण्डलम्। न हि कश्चिद्विजानाति विना शास्त्रेण भामिनि

gocarmamātraṁ tatsthānaṁ samaṁtātparimaṇḍalam| na hi kaścidvijānāti vinā śāstreṇa bhāmini

That place is circular, only the measure of a cow's hide all around. No one, O radiant one, knows it without the aid of scripture.

Verse 22 (skanda.7.10.22)

विषुवं वहते तत्र नृणामद्यापि पार्वति। पंचलिंगानि तत्रैव पंचवक्त्राणि कानि चित्

viṣuvaṁ vahate tatra nṛṇāmadyāpi pārvati| paṁcaliṁgāni tatraiva paṁcavaktrāṇi kāni cit

There, O Pārvatī, the equinoctial line still runs for men even today. There stand five liṅgas, some of them five-faced.

Verse 23 (skanda.7.10.23)

कुक्कुटांडकमानानि महास्थूलानि कानिचित्। सर्पेण वेष्टितान्येव चिह्नितानि त्रिशूलिभिः

kukkuṭāṁḍakamānāni mahāsthūlāni kānicit| sarpeṇa veṣṭitānyeva cihnitāni triśūlibhiḥ

Some are the size of a hen's egg, some are massive in bulk; they are wreathed with serpents and marked with tridents.

Verse 24 (skanda.7.10.24)

तेषां दर्शनमात्रेण कोटिलिंगार्चनफलम्। तस्मादिदं महाक्षेत्रं ब्रह्माद्यैः सेव्यते सदा

teṣāṁ darśanamātreṇa koṭiliṁgārcanaphalam| tasmādidaṁ mahākṣetraṁ brahmādyaiḥ sevyate sadā

By the mere sight of them, the merit of worshipping ten million liṅgas is obtained. Therefore this great field is ever attended by Brahmā and other gods.

Verse 25 (skanda.7.10.25)

श्रुतिमद्भिश्च विप्रेंद्रैः संसिद्धैश्च तपस्विभिः। प्रतिमासं तथाष्टम्यां प्रतिमासं चतुर्दशीम्

śrutimadbhiśca viprendraiḥ saṁsiddhaiśca tapasvibhiḥ| pratimāsaṁ tathāṣṭamyāṁ pratimāsaṁ caturdaśīm

By brāhmaṇas versed in scripture and by accomplished ascetics, every month on the eighth lunar day and every month on the fourteenth.

Verse 26 (skanda.7.10.26)

शशिभानूपरागे वा कार्त्तिक्यां तु विशेषतः। प्रभासस्थानि लिंगानि प्रपूज्यन्ते वरानने

śaśibhānūparāge vā kārttikyāṁ tu viśeṣataḥ| prabhāsasthāni liṁgāni prapūjyaṁte varānane

or at a lunar or solar eclipse, and especially on the full moon of Kārtika, O fair-faced one, the liṅgas established in Prabhāsa are worshipped.

Verse 27 (skanda.7.10.27)

संनिहत्यां कुरुक्षेत्रे सर्वस्तीर्थायुतैः सह। पुष्करं नैमिषं चैवं प्रयागं संपृथूदकम्

saṁnihatyāṁ kurukṣetre sarvastīrthāyutaiḥ saha| puṣkaraṁ naimiṣaṁ caivaṁ prayāgaṁ saṁpṛthūdakam

At Sannihatya in Kurukṣetra, together with all the myriad sacred fords, and also Puṣkara, Naimiṣa, Prayāga, and Pṛthūdaka.

Verse 28 (skanda.7.10.28)

षष्टि तीर्थसहस्राणि षष्टिकोटिशतानि च। माघ्यांमाघ्यां समेष्यंति सरस्वत्यब्धिसंगमे

ṣaṣṭi tīrthasahasrāṇi ṣaṣṭikoṭiśatāni ca| māghyāṁmāghyāṁ sameṣyaṁti sarasvatyabdhisaṁgame

Sixty thousand sacred fords, and six thousand million more, gather every month of Māgha at the confluence of the Sarasvatī and the ocean.

Verse 29 (skanda.7.10.29)

स्मरणात्तस्य तीर्थस्य नामसंकीर्तनादपि। मृत्युकालभवाद्वापि पापं त्यक्ष्यति सुव्रते

smaraṇāttasya tīrthasya nāmasaṁkīrtanādapi| mṛtyukālabhavādvāpi pāpaṁ tyakṣyati suvrate

By merely remembering that sacred ford, or even by chanting its name, O virtuous one, even the sin arising at the hour of death is destroyed.

Verse 30 (skanda.7.10.30)

आनर्त्तसारं सौम्यं च तथा भुवनभूषणम्। दिव्यं पांचनदं पुण्यमादिगुह्यं महोदयम्

ānarttasāraṁ saumyaṁ ca tathā bhuvanabhūṣaṇam| divyaṁ pāṁcanadaṁ puṇyamādiguhyaṁ mahodayam

Ānartasāra, Saumya, and also Bhuvanabhūṣaṇa, the divine Pāñcanada, the holy Ādiguhya, and Mahodaya.

Verse 31 (skanda.7.10.31)

सिद्ध रत्नाकरं नाम समुद्रावरणं तथा। धर्माकारं कलाधारं शिवगर्भगृहं तथा

siddha ratnākaraṁ nāma samudrāvaraṇaṁ tathā| dharmākāraṁ kalādhāraṁ śivagarbhagṛhaṁ tathā

The one named Siddharatnākara, and Samudrāvaraṇa, Dharmākāra, Kalādhāra, and Śivagarbhagṛha.

Verse 32 (skanda.7.10.32)

सर्वदेवनिवेशं च सर्वपातकनाशनम्। अस्य क्षेत्रस्य नामानि कल्पे कल्पे पृथक्प्रिये

sarvadevaniveśaṁ ca sarvapātakanāśanam| asya kṣetrasya nāmāni kalpe kalpe pṛthakpriye

Sarvadevaniveśa, and Sarvapātakanāśana — these names of this field, O beloved, differ from kalpa to kalpa.

Verse 33 (skanda.7.10.33)

आयामादीनि जानीहि गुह्यानि सुरसुन्दरि। आद्ये कल्पे पुरा देवि प्रमोदनमिति स्मृतम्

āyāmādīni jānīhi guhyāni surasundari| ādye kalpe purā devi pramodanamiti smṛtam

Know, O beautiful one among the gods, these secret matters of its extent and the rest. In the first kalpa, of old, O Goddess, it was remembered by the name Pramodana.

Verse 34 (skanda.7.10.34)

नन्दनं परितस्तस्य तस्यापि परतः शिवम्। शिवात्परतरं चोग्रं भद्रिकं परतः पुनः

naṁdanaṁ paritastasya tasyāpi parataḥ śivam| śivātparataraṁ cograṁ bhadrikaṁ parataḥ punaḥ

After that, Nandana; beyond that again, Śiva; beyond Śiva, Ugra; and beyond that again, Bhadrika.

Verse 35 (skanda.7.10.35)

समिंधनं परं तस्मात्कामदं च ततः परम्। सिद्धिदं चापि धर्मज्ञं वैश्वरूपं च मुक्तिदम्

samiṁdhanaṁ paraṁ tasmātkāmadaṁ ca tataḥ param| siddhidaṁ cāpi dharmajñaṁ vaiśvarūpaṁ ca muktidam

After that, Samindhana, then Kāmada, and then Siddhida, Dharmajña, Vaiśvarūpa, and Muktida.

Verse 36 (skanda.7.10.36)

तथा श्रीपद्मनाभं तु श्रीवत्सं तु महाप्रभम्। तथा च पापसंहारं सर्वकामप्रदं तथा

tathā śrīpadmanābhaṁ tu śrīvatsaṁ tu mahāprabham| tathā ca pāpasaṁhāraṁ sarvakāmapradaṁ tathā

And also Śrīpadmanābha, and the greatly splendrous Śrīvatsa, and also Pāpasaṁhāra, and Sarvakāmaprada.

Verse 37 (skanda.7.10.37)

मोक्षमार्गं वरा रोहे तथा देवि सुदर्शनम्। धर्मगर्भं तु धर्माणां प्रभासं पापनाशनम्। अतः परं भवन्तीह उत्पलावर्त्तिकानि च

mokṣamārgaṁ varā rohe tathā devi sudarśanam| dharmagarbhaṁ tu dharmāṇāṁ prabhāsaṁ pāpanāśanam| ataḥ paraṁ bhavaṁtīha utpalāvarttikāni ca

Mokṣamārga, O well-formed one, and also Sudarśana, Dharmagarbha, and Pāpanāśana Prabhāsa — beyond this, here too come the names Utpalāvartikas.

Verse 38 (skanda.7.10.38)

क्षेत्रस्य मध्ये यद्देवि मम गर्भगृहं स्मृतम्। तस्य नामानि ते देवि कथितान्यनुपूर्वशः

kṣetrasya madhye yaddevi mama garbhagṛhaṁ smṛtam| tasya nāmāni te devi kathitānyanupūrvaśaḥ

O Goddess, that which is remembered as my inner sanctum in the middle of the field — its names, O Goddess, have been told to you in order.

Verse 39 (skanda.7.10.39)

श्रुत्वा नामान्यशेषाणि क्षेत्रमाहात्म्यमेव च। तेषां तु वांछिता सिद्धिर्भविष्यति न संशयः

śrutvā nāmānyaśeṣāṇi kṣetramāhātmyameva ca| teṣāṁ tu vāṁchitā siddhirbhaviṣyati na saṁśayaḥ

Having heard all these names and the glory of the field, their desired fulfillment will surely come to pass; of this there is no doubt.

Verse 40 (skanda.7.10.40)

एतत्कीर्त्तयमानस्य त्रिकालं तु महोदयम्। संध्याकालांतरं पापमहोरात्रं विनश्यति

etatkīrttayamānasya trikālaṁ tu mahodayam| saṁdhyākālāṁtaraṁ pāpamahorātraṁ vinaśyati

For one who recites this great and auspicious name at the three junctures of the day, sin committed within the interval between the twilight hours, even a day-and-night's sin, is destroyed.

Verse 41 (skanda.7.10.41)

अपि वै दांभिकाश्चैव ये वसंत्यल्पबुद्धयः। मूढा जीवनिका विप्रास्तेऽपि यांति मृता दिवम्

api vai dāṁbhikāścaiva ye vasaṁtyalpabuddhayaḥ| mūḍhā jīvanikā viprāste'pi yāṁti mṛtā divam

Even the hypocritical and the dull-witted who dwell there, even foolish brāhmaṇas who live merely by their trade — they too, upon death, attain heaven.

Verse 42 (skanda.7.10.42)

अस्य क्षेत्रस्य मध्ये तु रवियोजनमध्यतः। उपक्षेत्राणि देवेशि संत्यन्यानि सहस्रशः

asya kṣetrasya madhye tu raviyojanamadhyataḥ| upakṣetrāṇi deveśi saṁtyanyāni sahasraśaḥ

In the middle of this field, within the span of a single yojana, O sovereign Goddess, there exist a thousand other lesser fields.

Verse 43 (skanda.7.10.43)

कानिचित्पद्मरूपाणि यवाकाराणि कानिचित्। षट्कोणानि त्रिकोणानि दण्डाकाराणि कानिचित्

kānicitpadmarūpāṇi yavākārāṇi kānicit| ṣaṭkoṇāni trikoṇāni daṇḍākārāṇi kānicit

Some are shaped like lotuses, some shaped like barley grains; some are hexagonal, some triangular, some rod-shaped.

Verse 44 (skanda.7.10.44)

चंद्रबिंबार्द्धभेदानि चतुरस्रप्रभेदतः। ब्रह्मादिदैवतानीशे क्षेत्रमध्ये स्थितानि तु

caṁdrabiṁbārddhabhedāni caturasraprabhedataḥ| brahmādidaivatānīśe kṣetramadhye sthitāni tu

Some are in the shape of a half-moon, some differentiated as squares — in these, Brahmā and other deities abide within the Lord's field.

Verse 45 (skanda.7.10.45)

कानिचिद्योजनार्द्धानि तदर्धार्धानि कानिचित्। निवर्त्तनप्रमाणेन दण्डमानेन कानिचित्

kānicidyojanārddhāni tadardhārdhāni kānicit| nivarttanapramāṇena daṇḍamānena kānicit

Some measure half a yojana, some half of that again; some are measured by the nivartana unit, some by the rod's length.

Verse 46 (skanda.7.10.46)

गोचर्ममानमध्यानि कानिचिद्धनुषांतरम्। यज्ञोपवीतमात्राणि प्रभासे संति कोटिशः

gocarmamānamadhyāni kānicidddhanuṣāṁtaram| yajñopavītamātrāṇi prabhāse saṁti koṭiśaḥ

Some are of the measure of a cow's hide, some the span of a bow's length; there are, in Prabhāsa, tens of millions even of the measure of a sacred thread.

Verse 47 (skanda.7.10.47)

अंगुल्यष्टम भागोऽपि नभोस्ति कमलेक्षणे। न संति यस्मिंस्तीर्थानि दिव्यानि च नभस्तले

aṁgulyaṣṭama bhāgo'pi nabhosti kamalekṣaṇe| na saṁti yasmiṁstīrthāni divyāni ca nabhastale

O lotus-eyed one, there is not even an eighth part of a finger's breadth of space in which sacred fords, even divine ones in the sky, are not present.

Verse 48 (skanda.7.10.48)

प्रभासक्षेत्रमासाद्य तिष्ठंति प्रलयादनु। केदारे चैव यल्लिंगं यच्च देवि महालये

prabhāsakṣetramāsādya tiṣṭhaṁti pralayādanu| kedāre caiva yalliṁgaṁ yacca devi mahālaye

Having reached the field of Prabhāsa, they remain established even after the dissolution. Whatever liṅga exists at Kedāra, and whatever, O Goddess, at Mahālaya.

Verse 49 (skanda.7.10.49)

मध्यमेश्वरसंस्थं च तथा पाशुपतेश्वरम्। शंकुकर्णेश्वरं चैव भद्रेश्वरमथापि च

madhyameśvarasaṁsthaṁ ca tathā pāśupateśvaram| śaṁkukarṇeśvaraṁ caiva bhadreśvaramathāpi ca

And whatever liṅga is established at Madhyameśvara, and likewise at Pāśupateśvara, at Śaṅkukarṇeśvara, and also at Bhadreśvara.

Verse 50 (skanda.7.10.50)

सोमेश्वरमथैकाग्रं कालेश्वरमजेश्वरम्। भैरवेश्वरमीशानं तथा कायावरोहणम्

someśvaramathaikāgraṁ kāleśvaramajeśvaram| bhairaveśvaramīśānaṁ tathā kāyāvarohaṇam

And whatever liṅga is at Someśvara, at Ekāgra, at Kāleśvara, at Ajeśvara, at Bhairaveśvara, at Īśāna, and at Kāyāvarohaṇa.

Verse 51 (skanda.7.10.51)

चापटेश्वरकं पुण्यं तथा बदरिकाश्रमम्। रुद्रकोटिर्महाकोटिस्तथा श्रीपर्वतं शुभम्

cāpaṭeśvarakaṁ puṇyaṁ tathā badarikāśramam| rudrakoṭirmahākoṭistathā śrīparvataṁ śubham

And at holy Cāpaṭeśvaraka, at Badarikāśrama, at Rudrakoṭi, at Mahākoṭi, and at auspicious Śrīparvata.

Verse 52 (skanda.7.10.52)

कपाली चैव देवेशः करवीरं तथा पुनः। ओंकारं परमं पुण्यं वशिष्ठाश्रममेव च। यत्र कोटिः स्मृता देवि रुद्राणां कामरूपिणाम्

kapālī caiva deveśaḥ karavīraṁ tathā punaḥ| oṁkāraṁ paramaṁ puṇyaṁ vaśiṣṭhāśramameva ca| yatra koṭiḥ smṛtā devi rudrāṇāṁ kāmarūpiṇām

And the Lord Kapālī, and Karavīra, and the supremely holy Oṁkāra, and Vaśiṣṭhāśrama, where, O Goddess, a hundred million shape-shifting Rudras are remembered to dwell.

Verse 53 (skanda.7.10.53)

यानि चान्यानि स्थानानि पुण्यानि मम भूतले। प्रयागं पुरतः कृत्वा प्रभासे निवसंति च

yāni cānyāni sthānāni puṇyāni mama bhūtale| prayāgaṁ purataḥ kṛtvā prabhāse nivasaṁti ca

And whatever other holy places of mine exist on this earth, placing Prayāga foremost, they too dwell within Prabhāsa.

Verse 54 (skanda.7.10.54)

उत्तरे रविपुत्री तु दक्षिणे सागरं स्मृतम्। दक्षिणोत्तरमानोऽयं क्षेत्रस्यास्य प्रकीर्त्तितः

uttare raviputrī tu dakṣiṇe sāgaraṁ smṛtam| dakṣiṇottaramāno'yaṁ kṣetrasyāsya prakīrttitaḥ

To the north is the daughter of the Sun, and to the south the ocean, as remembered. This is declared to be the field's measure from south to north.

Verse 55 (skanda.7.10.55)

रुक्मिण्याः पूर्वतश्चैव तप्ततोयाच्च पश्चिमे। पूर्वपश्चिममानोऽयं प्रभासस्य प्रकीर्त्तितः

rukmiṇyāḥ pūrvataścaiva taptatoyācca paścime| pūrvapaścimamāno'yaṁ prabhāsasya prakīrttitaḥ

From the Rukmiṇī river in the east, and from Taptatoyā in the west — this is declared to be the east-west measure of Prabhāsa.

Verse 56 (skanda.7.10.56)

एतदन्तरमासाद्य तीर्थानि सुरसुन्दरि। पातालादिकटाहांतं तानि तत्र वसंति वै

etadaṁtaramāsādya tīrthāni surasundari| pātālādikaṭāhāṁtaṁ tāni tatra vasaṁti vai

Reaching within this span, O beautiful one among the gods, the sacred fords from the netherworlds up to the very rim of the cosmic shell dwell there.

Verse 57 (skanda.7.10.57)

एवं ज्ञात्वा महादेवि सर्वदेवमयो हरिः। प्रभासक्षेत्रमासाद्य तत्याज स्वं कलेवरम्

evaṁ jñātvā mahādevi sarvadevamayo hariḥ| prabhāsakṣetramāsādya tatyāja svaṁ kalevaram

Knowing this, O great Goddess, Hari, who embodies all the gods, came to the field of Prabhāsa and gave up his own body.

Verse 58 (skanda.7.10.58)

दिव्यं ममेदं चरितं हि रौद्रं श्रोष्यंति ये पर्वसु वा सदा वा। ते चापि यास्यंति मम प्रसादात्त्रिविष्टपं पुण्यजनाधिवासम्

divyaṁ mamedaṁ caritaṁ hi raudraṁ śroṣyaṁti ye parvasu vā sadā vā| te cāpi yāsyaṁti mama prasādāttriviṣṭapaṁ puṇyajanādhivāsam

Whoever shall hear this divine, Rudra-related account, whether on sacred days or always, they too, by my grace, shall attain heaven, the abode of the meritorious.

Verse 59 (skanda.7.10.59)

इति कथितमशेषमेव चित्रं चरितमिदं तव देवि पुण्ययुक्तम्। इतरमपि तवातिवल्लभं यद्वद कथयामि महोदयं मुनीनाम्

iti kathitamaśeṣameva citraṁ caritamidaṁ tava devi puṇyayuktam| itaramapi tavātivallabhaṁ yadvada kathayāmi mahodayaṁ munīnām

Thus, O Goddess, this entire wondrous and meritorious account has been told to you in full. Whatever else is most dear to you, tell it, and I shall relate that great and auspicious tale for the sages as well.