The Origin of Rajabhattaraka

Verse 1 (skanda.7.11.1)

सूत उवाच। इति प्रोक्ता तदा देवि विस्मयोत्फुल्ललोचना। रोमांचकञ्चुका सुभ्रूः पुनः पप्रच्छ भूसुराः

sūta uvāca| iti proktā tadā devi vismayotphullalocanā| romāṁcakañcukā subhrūḥ punaḥ papraccha bhūsurāḥ

Suta said: O brāhmaṇas, thus addressed, the Goddess's eyes widened in wonder; her skin thrilling with rapture, the fair-browed one asked again.

Verse 2 (skanda.7.11.2)

देव्युवाच। धन्याऽहं कृतपुण्याऽहं तपः सुचरितं मया। यदेष क्षेत्र महिमा महादेवान्मया श्रुतः

devyuvāca| dhanyā'haṁ kṛtapuṇyā'haṁ tapaḥ sucaritaṁ mayā| yadeṣa kṣetra mahimā mahādevānmayā śrutaḥ

The Goddess said: I am blessed, I have earned merit, my austerity has borne fruit, for I have heard this glory of the field from the great God himself.

Verse 3 (skanda.7.11.3)

भगवन्देवदेवेश संसारार्णवतारक। पृष्टं तु यन्मया पूर्वं तत्सर्वं कथितं हर

bhagavandevadeveśa saṁsārārṇavatāraka| pṛṣṭaṁ tu yanmayā pūrvaṁ tatsarvaṁ kathitaṁ hara

O blessed one, O God of gods, O ferryman across the ocean of worldly existence, O Hara, whatever I asked before, all of that you have told.

Verse 4 (skanda.7.11.4)

पुनश्च देवदेवेश त्वद्वाक्यामृतरंजिता। न तृप्तिमधिगच्छामि देवदेव महेश्वर

punaśca devadeveśa tvadvākyāmṛtaraṁjitā| na tṛptimadhigacchāmi devadeva maheśvara

And yet, O God of gods, though delighted by the nectar of your words, I do not attain satiety, O Maheśvara, God of gods.

Verse 5 (skanda.7.11.5)

किंचित्प्रष्टुमनाश्चास्मि प्रभासक्षेत्रविस्तरम्। तन्मे कथय कामेश दयां कृत्वा जगत्प्रभो

kiṁcitpraṣṭumanāścāsmi prabhāsakṣetravistaram| tanme kathaya kāmeśa dayāṁ kṛtvā jagatprabho

I wish to ask something more about the extent of the field of Prabhāsa. Tell it to me, O lord of desire, O lord of the world, showing your compassion.

Verse 6 (skanda.7.11.6)

ईश्वर उवाच। पृथिव्या मध्यगर्भस्थं जंबूद्वीपमिति स्मृतम्। तच्च वै नवधा भिन्नं वर्षभेदेन सुन्दरि

īśvara uvāca| pṛthivyā madhyagarbhasthaṁ jaṁbūdvīpamiti smṛtam| tacca vai navadhā bhinnaṁ varṣabhedena sundari

Īśvara said: The continent situated in the very womb-center of the earth is known as Jambūdvīpa. It is, O beautiful one, divided ninefold by its regions.

Verse 7 (skanda.7.11.7)

तस्याद्यं भारतं वर्षं तच्चापि नवधा स्मृतम्। नवयोजनसाहस्रं दक्षिणोत्तरमानतः

tasyādyaṁ bhārataṁ varṣaṁ taccāpi navadhā smṛtam| navayojanasāhasraṁ dakṣiṇottaramānataḥ

Its first region is Bhāratavarṣa, which itself is reckoned as ninefold. It measures nine thousand yojanas from south to north.

Verse 8 (skanda.7.11.8)

अशीतिश्च सहस्राणि पूर्वपश्चायतं स्मृतम्। उत्तरे हिमवानस्ति क्षीरोदो दक्षिणे स्मृतः

aśītiśca sahasrāṇi pūrvapaścāyataṁ smṛtam| uttare himavānasti kṣīrodo dakṣiṇe smṛtaḥ

It is reckoned as eighty thousand yojanas in extent from east to west. To the north is the Himālaya, and to the south is remembered the Ocean of Milk.

Verse 9 (skanda.7.11.9)

एतस्मिन्नंतरे देवि भारतं क्षेत्रमुत्तमम्। कृतं त्रेता द्वापरं च तिष्यं युगचतुष्टयम्

etasminnaṁtare devi bhārataṁ kṣetramuttamam| kṛtaṁ tretā dvāparaṁ ca tiṣyaṁ yugacatuṣṭayam

Within this span, O Goddess, lies the supreme field called Bhārata, where the four ages occur — Kṛta, Tretā, Dvāpara, and Tiṣya (Kali).

Verse 10 (skanda.7.11.10)

अत्रैवैषा युगावस्था चतुर्वर्णश्च वै जनः। चत्वारि त्रीणि च द्वे च तथैवैक शरच्छतम्

atraivaiṣā yugāvasthā caturvarṇaśca vai janaḥ| catvāri trīṇi ca dve ca tathaivaika śaracchatam

Here alone occurs this succession of ages, and here dwell people of the four social orders — four hundred, three hundred, two hundred, and a hundred years respectively.

Verse 11 (skanda.7.11.11)

जीवन्त्यत्र नरा देवि कृतत्रेतादिषु क्रमात्। यदेतत्पार्थिवं पद्मं चतुष्पत्रं मयोदितम्

jīvantyatra narā devi kṛtatretādiṣu kramāt| yadetatpārthivaṁ padmaṁ catuṣpatraṁ mayoditam

Men here live, in Kṛta, Tretā, and the other ages respectively, for those spans. This earthly lotus, as I have described, has four petals.

Verse 12 (skanda.7.11.12)

वर्षाणि भारताद्यानि पत्राण्यस्य चतुर्द्दिशम्। भारतं केतुमालं च कुरु भद्राश्वमेव च

varṣāṇi bhāratādyāni patrāṇyasya caturddiśam| bhārataṁ ketumālaṁ ca kuru bhadrāśvameva ca

Bhārata and the other regions are its petals in the four directions — Bhārata, Ketumāla, Kuru, and Bhadrāśva.

Verse 13 (skanda.7.11.13)

भारतं नाम यद्वर्षं दाक्षिणात्यं मयोदितम्। दक्षिणापरतो यस्य पूर्वेण च महोदधिः। हिमवानुत्तरेणास्य कार्मुकस्य यथा गुणः

bhārataṁ nāma yadvarṣaṁ dākṣiṇātyaṁ mayoditam| dakṣiṇāparato yasya pūrveṇa ca mahodadhiḥ| himavānuttareṇāsya kārmukasya yathā guṇaḥ

The region called Bhārata, as I have described, lies to the south; to its southwest and east is the great ocean, and to its north the Himālaya, like the string of a bow.

Verse 14 (skanda.7.11.14)

तदेतद्भारतं वर्षं सर्वबीजं वरानने। तत्कर्मभूमिर्नान्यत्र संप्राप्तिः पुण्यपापयोः

tadetadbhārataṁ varṣaṁ sarvabījaṁ varānane| tatkarmabhūmirnānyatra saṁprāptiḥ puṇyapāpayoḥ

This very Bhāratavarṣa, O fair-faced one, is the seed of all; it alone is the land of action — merit and sin are not obtained elsewhere.

Verse 15 (skanda.7.11.15)

देवानामपि देवेशि सदैवैष मनोरथः। अपि मानुष्यमाप्स्यामो भारते प्रत्युत क्षितौ

devānāmapi deveśi sadaivaiṣa manorathaḥ| api mānuṣyamāpsyāmo bhārate pratyuta kṣitau

O sovereign Goddess, even the gods ever cherish this wish — that we might attain a human birth on the soil of Bhārata.

Verse 16 (skanda.7.11.16)

भद्राश्वेऽश्वशिरा विष्णुर्भारते कूर्मसंस्थितः। वराहः केतुमाले च मत्स्यरूपस्तथोत्तरे

bhadrāśve'śvaśirā viṣṇurbhārate kūrmasaṁsthitaḥ| varāhaḥ ketumāle ca matsyarūpastathottare

In Bhadrāśva Viṣṇu abides as horse-headed, in Bhārata as the tortoise, in Ketumāla as the boar, and in the northern region as the fish.

Verse 17 (skanda.7.11.17)

तेषु नक्षत्रविन्यासाद्विषयाः समवस्थिताः। चतुर्ष्वपि महादेवि विग्रहो नव पादकः

teṣu nakṣatravinyāsādviṣayāḥ samavasthitāḥ| caturṣvapi mahādevi vigraho nava pādakaḥ

Within these, regions are established according to the arrangement of the lunar constellations. In all four, O great Goddess, the body is divided into nine parts.

Verse 18 (skanda.7.11.18)

भारतो यो महादेवि कूर्मरूपेण संस्थितः। नक्षत्रग्रहविन्यासं तस्य ते कथयाम्यहम्

bhārato yo mahādevi kūrmarūpeṇa saṁsthitaḥ| nakṣatragrahavinyāsaṁ tasya te kathayāmyaham

O great Goddess, that Bhārata which is established in the form of a tortoise — its arrangement of constellations and planets I shall now tell you.

Verse 19 (skanda.7.11.19)

प्राङ्मुखो भगवान्देवो कूर्मरूपी व्यवस्थितः। आक्रम्य भारतं वर्षं नवभेदमिदं प्रिये

prāṅmukho bhagavāndevo kūrmarūpī vyavasthitaḥ| ākramya bhārataṁ varṣaṁ navabhedamidaṁ priye

The blessed god, facing east, abides in tortoise form, encompassing the region of Bhārata, O beloved, which is here ninefold divided.

Verse 20 (skanda.7.11.20)

नवधा संस्थितस्यास्य नक्षत्राणि निबोध मे। कृत्तिका रोहिणी सौम्यं तृतीयं कूर्मपृष्ठिगम्

navadhā saṁsthitasyāsya nakṣatrāṇi nibodha me| kṛttikā rohiṇī saumyaṁ tṛtīyaṁ kūrmapṛṣṭhigam

Hear from me the constellations of this ninefold arrangement. Kṛttikā, Rohiṇī, and third, Saumya (Mṛgaśira) — these are placed on the tortoise's back.

Verse 21 (skanda.7.11.21)

रौद्रं पुनर्वसुः पुष्यं नक्षत्रत्रितयं मुखे। आश्लेषाख्यं तथा पैत्रं फाल्गुनी प्रथमा प्रिये

raudraṁ punarvasuḥ puṣyaṁ nakṣatratritayaṁ mukhe| āśleṣākhyaṁ tathā paitraṁ phālgunī prathamā priye

Raudra (Ārdrā), Punarvasu, and Puṣya — this triad is at the mouth. Āśleṣā, and Paitra (Maghā), and the first Phalgunī, O beloved.

Verse 22 (skanda.7.11.22)

नक्षत्रत्रितयं पादमाश्रितं पूर्वदक्षिणम्। फाल्गुनी चोत्तरा हस्तं चित्रा चर्क्षत्रयं स्मृतम्

nakṣatratritayaṁ pādamāśritaṁ pūrvadakṣiṇam| phālgunī cottarā hastaṁ citrā carkṣatrayaṁ smṛtam

This triad rests upon the southeast foot. Uttara Phalgunī, Hasta, and Citrā — this triad is remembered.

Verse 23 (skanda.7.11.23)

कूर्मस्य दक्षिणे कुक्षौ चर्क्षपादं तथाऽपरम्। स्वाती विशाखा मैत्रं च नैर्ऋते त्रितयं स्मृतम्

kūrmasya dakṣiṇe kukṣau carkṣapādaṁ tathā'param| svātī viśākhā maitraṁ ca nairṛte tritayaṁ smṛtam

This is another constellation-foot on the tortoise's right flank. Svātī, Viśākhā, and Maitra (Anurādhā) — this triad is remembered in the southwest.

Verse 24 (skanda.7.11.24)

ऐंद्रं मूलं तथाषाढा पृष्ठे तु त्रितयं स्मृतम्। आषाढा श्रवणं चैव धनिष्ठा चात्र शब्दिता

aiṁdraṁ mūlaṁ tathāṣāḍhā pṛṣṭhe tu tritayaṁ smṛtam| āṣāḍhā śravaṇaṁ caiva dhaniṣṭhā cātra śabditā

Aindra (Jyeṣṭhā), Mūla, and Āṣāḍhā — this triad is remembered on the back. Āṣāḍhā, Śravaṇa, and Dhaniṣṭhā are also named here.

Verse 25 (skanda.7.11.25)

नक्षत्रित्रयं पादे वायव्ये तु यशस्विनि। वारुणं चैव नक्षत्रं तथा प्रोष्ठपदाद्वयम्

nakṣatritrayaṁ pāde vāyavye tu yaśasvini| vāruṇaṁ caiva nakṣatraṁ tathā proṣṭhapadādvayam

This constellation-triad is in the northwest foot, O glorious one. The constellation Vāruṇa (Śatabhiṣā), and the two Proṣṭhapadas (Pūrva and Uttara Bhādrapada).

Verse 26 (skanda.7.11.26)

कूर्मस्य वामकुक्षौ तु त्रितयं संस्थितं प्रिये। रेवती चाश्विदैवत्यं याम्यं चर्क्षमिति त्रयम्। ईशपादे समाख्यातं शुभाशुभफलं शृणु

kūrmasya vāmakukṣau tu tritayaṁ saṁsthitaṁ priye| revatī cāśvidaivatyaṁ yāmyaṁ carkṣamiti trayam| īśapāde samākhyātaṁ śubhāśubhaphalaṁ śṛṇu

On the tortoise's left flank stands this triad, O beloved. Revatī, Aśvinī, and the one ruled by Yama (Bharaṇī) — this triad is declared in the northeast foot; now hear the auspicious and inauspicious results.

Verse 27 (skanda.7.11.27)

यस्यर्क्षस्य पतिर्यो वै ग्रहस्तद्धैन्यतो भयम्। तद्देशस्य महादेवि तथोत्कर्षे शुभागमः

yasyarkṣasya patiryo vai grahastaddhainyato bhayam| taddeśasya mahādevi tathotkarṣe śubhāgamaḥ

Whatever planet rules a given constellation — from its affliction comes fear for that land, O great Goddess, and from its ascendancy comes an auspicious outcome.

Verse 28 (skanda.7.11.28)

एष कूर्मो मयाख्यातो भारते भगवानिह। नारायणो ह्यचिंत्यात्मा यत्र सर्वं प्रतिष्ठितम्

eṣa kūrmo mayākhyāto bhārate bhagavāniha| nārāyaṇo hyaciṁtyātmā yatra sarvaṁ pratiṣṭhitam

This tortoise I have described to you is, here in Bhārata, the blessed Nārāyaṇa himself, of inconceivable nature, in whom everything is established.

Verse 29 (skanda.7.11.29)

मेषवृषौ हृदो मध्ये मुखे च मिथुनादिकौ। प्राग्दक्षिणे तथा पादे कर्कसिंहौ व्यवस्थितौ

meṣavṛṣau hṛdo madhye mukhe ca mithunādikau| prāgdakṣiṇe tathā pāde karkasiṁhau vyavasthitau

Aries and Taurus are in the middle of the heart, Gemini at the mouth. Cancer and Leo are situated in the southeast foot.

Verse 30 (skanda.7.11.30)

सिंहकन्यातुलाश्चैव कुक्षौ राशित्रयं स्मृतम्। धटोऽध वृश्चिकाश्चोभौ पादे दक्षिणपश्चिमे

siṁhakanyātulāścaiva kukṣau rāśitrayaṁ smṛtam| ghaṭo'dha vṛścikāścobhau pāde dakṣiṇapaścime

Leo, Virgo, and Libra — this triad of signs is remembered at the flank. Below that, Scorpio — both are in the southwest foot.

Verse 31 (skanda.7.11.31)

पुच्छे तु वृश्चिकश्चैव सधनुश्च व्यवस्थितः। वायव्ये वामपादे च धनुर्ग्राहादिकं त्रयम्

pucche tu vṛścikaścaiva sadhanuśca vyavasthitaḥ| vāyavye vāmapāde ca dhanurgrāhādikaṁ trayam

At the tail, Scorpio together with Sagittarius are situated. In the northwest, at the left foot, Sagittarius and two others form a triad.

Verse 32 (skanda.7.11.32)

कुम्भ मीनौ तथा चास्य उत्तरां कुक्षिमाश्रितौ। मीनमेषौ महादेवि पादे पूर्वोत्तरे स्थितौ

kumbha mīnau tathā cāsya uttarāṁ kukṣimāśritau| mīnameṣau mahādevi pāde pūrvottare sthitau

Aquarius and Pisces rest upon its northern flank. Pisces and Aries, O great Goddess, are situated in the northeast foot.

Verse 33 (skanda.7.11.33)

कूर्म्मदेशांस्तथर्क्षाणि देशेष्वेतेषु वै प्रिये। राशयश्च तथर्क्षेषु ग्रहा राशिव्यवस्थिताः

kūrmmadeśāṁstatharkṣāṇi deśeṣveteṣu vai priye| rāśayaśca tatharkṣeṣu grahā rāśivyavasthitāḥ

Within these regions of the tortoise, O beloved, lie the constellations; and within the same regions lie the zodiac signs, the signs within the constellations, and the planets established within the signs.

Verse 34 (skanda.7.11.34)

तस्माद्ग्रहर्क्षपीडासु देशपीडां विनिर्दिशेत्। तत्र स्नानं प्रकुर्वंति दानं होमादिकं तथा

tasmādgraharkṣapīḍāsu deśapīḍāṁ vinirdiśet| tatra snānaṁ prakurvaṁti dānaṁ homādikaṁ tathā

Therefore, when the planets or constellations are afflicted, one should determine the affliction of the corresponding land. There people perform bathing, charity, and fire-offerings and the like.

Verse 35 (skanda.7.11.35)

स एष वैष्णवः पादो देवि मध्ये ग्रहोऽस्य यः। नारायणाख्योऽचिंत्यात्मा कारणं जगतः प्रभुः

sa eṣa vaiṣṇavaḥ pādo devi madhye graho'sya yaḥ| nārāyaṇākhyo'ciṁtyātmā kāraṇaṁ jagataḥ prabhuḥ

This is the foot belonging to Viṣṇu, O Goddess; the planet at its center, named Nārāyaṇa, of inconceivable nature, is the cause and Lord of the universe.

Verse 36 (skanda.7.11.36)

भौमशुक्रबुधेंद्वर्कबुधशुक्रमहीसुताः। गुरुमंदासुराचार्या मेषादीनामधीश्वराः

bhaumaśukrabudheṁdvarkabudhaśukramahīsutāḥ| gurumaṁdāsurācāryā meṣādīnāmadhīśvarāḥ

Mars, Venus, Mercury, the Moon, the Sun, Mercury, Venus, Mars, Jupiter, Saturn, and Śukra the teacher of demons — these are the lords of Aries and the other signs in order.

Verse 37 (skanda.7.11.37)

एवंविधो महादेवि कूर्मरूपी जनार्द्दनः। तस्य नैऋतपादे तु सौराष्ट्र इति विश्रुतः

evaṁvidho mahādevi kūrmarūpī janārddanaḥ| tasya nairṛtapāde tu saurāṣṭra iti viśrutaḥ

Thus, O great Goddess, Janārdana abides in the form of the tortoise. At his southwest foot lies the land renowned as Saurāṣṭra.

Verse 38 (skanda.7.11.38)

स चैवं नवधा भिन्नः पुरभेदेन सुंदरि। तस्य यो नवमो भागः सागरस्य च सन्निधौ

sa caivaṁ navadhā bhinnaḥ purabhedena suṁdari| tasya yo navamo bhāgaḥ sāgarasya ca sannidhau

This too, O beautiful one, is ninefold divided by its towns. That ninth portion of it, near the ocean—

Verse 39 (skanda.7.11.39)

प्रभास इति विख्यातो मम देवि प्रियः सदा। योजनानां दशद्वे च विस्तीर्णः परिमण्डलम्

prabhāsa iti vikhyāto mama devi priyaḥ sadā| yojanānāṁ daśadve ca vistīrṇaḥ parimaṇḍalam

is renowned by the name Prabhāsa, O Goddess, ever dear to me, extending in a circular span of twelve yojanas.

Verse 40 (skanda.7.11.40)

मध्येस्य पीठिका प्रोक्ता पंचयोजनविस्तृता। तन्मध्ये मद्ग्रहं देवि तिष्ठत्युदधिसंनिधौ

madhyesya pīṭhikā proktā paṁcayojanavistṛtā| tanmadhye madgrahaṁ devi tiṣṭhatyudadhisaṁnidhau

In its middle is declared a sacred seat, five yojanas in extent. O Goddess, in the midst of that, my dwelling stands close to the ocean.

Verse 41 (skanda.7.11.41)

तस्य मध्ये महादेवि लिंगरूपो वसाम्यहम्

tasya madhye mahādevi liṁgarūpo vasāmyaham

In the middle of that, O great Goddess, I dwell in the form of the liṅga.

Verse 42 (skanda.7.11.42)

कृतस्मरात्पश्चिमतो धनुषां च शतत्रये। वसामि तत्र देवेशि त्वया सह वरानने

kṛtasmarātpaścimato dhanuṣāṁ ca śatatraye| vasāmi tatra deveśi tvayā saha varānane

To the west of the place of Kāma's burning, at a distance of three hundred bow-lengths, O sovereign Goddess, O fair-faced one, I dwell there together with you.

Verse 43 (skanda.7.11.43)

तन्मे स्थानं महादेवि कैलासादपि वल्लभम्। गोचर्ममात्रं तत्रापि महागोप्यं वरानने

tanme sthānaṁ mahādevi kailāsādapi vallabham| gocarmamātraṁ tatrāpi mahāgopyaṁ varānane

That place of mine, O great Goddess, is dearer to me even than Kailāsa. There too, O fair-faced one, is a deeply secret spot, only the measure of a cow's hide.

Verse 44 (skanda.7.11.44)

अकथ्यं देवदेवेशि तव स्नेहात्प्रकाशितम्। एतत्प्राभासिकं क्षेत्रं प्रभया दीपितं मम

akathyaṁ devadeveśi tava snehātprakāśitam| etatprābhāsikaṁ kṣetraṁ prabhayā dīpitaṁ mama

This is unspeakable, O sovereign Goddess, and is revealed only out of my affection for you. This Prābhāsika field is illumined by my own radiance.

Verse 45 (skanda.7.11.45)

तेन प्रभासमित्युक्तमादिकल्पे वरानने। द्वितीये तु प्रभा लब्धा सर्वैर्देवैः सवासवैः

tena prabhāsamityuktamādikalpe varānane| dvitīye tu prabhā labdhā sarvairdevaiḥ savāsavaiḥ

For this reason, in the first kalpa it was called Prabhāsa, O fair-faced one. In the second kalpa, all the gods together with Indra obtained radiance here.

Verse 46 (skanda.7.11.46)

मम प्रभाभा देवेशि तेन प्राभासिकं स्मृतम्। प्रभाववन्तो देवेशि यत्र संति महासुराः

mama prabhābhā deveśi tena prābhāsikaṁ smṛtam| prabhāvavanto deveśi yatra saṁti mahāsurāḥ

From the gleam of my own radiance, O sovereign Goddess, it is remembered as Prābhāsika — where, O sovereign Goddess, dwell great and powerful demons too.

Verse 47 (skanda.7.11.47)

अथवा तेन लोकेषु प्रभासमिति कीर्त्यते। प्रथमं भासते देवि सर्वेषां भुवि तेजसाम्। तीर्थानामादितीर्थं यत्प्रभासं तेन कीर्त्तितम्

athavā tena lokeṣu prabhāsamiti kīrtyate| prathamaṁ bhāsate devi sarveṣāṁ bhuvi tejasām| tīrthānāmāditīrthaṁ yatprabhāsaṁ tena kīrttitam

Or else it is celebrated in the world as Prabhāsa for this reason: O Goddess, it shines forth first among all the luminous things on earth; being the foremost of sacred fords, it is thus called Prabhāsa.

Verse 48 (skanda.7.11.48)

प्रकृष्टं भानुरथवा भासितो विश्वकर्मणा। यत्र साक्षात्प्रभापातो जातः प्राभासिकं ततः

prakṛṣṭaṁ bhānurathavā bhāsito viśvakarmaṇā| yatra sākṣātprabhāpāto jātaḥ prābhāsikaṁ tataḥ

Or else, here the Sun was made supremely radiant by Viśvakarman; where the fall of radiance itself occurred, from that it is called Prābhāsika.

Verse 49 (skanda.7.11.49)

अथवा दक्षसंशप्तेनेन्दुना निष्प्रभेणच। तत्र देवि प्रभा लब्धा तेन प्राभासिकं स्मृतम्। प्रोद्दधे भारती देवी ह्यौर्वाग्निं वडवानलम्

athavā dakṣasaṁśaptenendunā niṣprabheṇaca| tatra devi prabhā labdhā tena prābhāsikaṁ smṛtam| proddadhe bhāratī devī hyaurvāgniṁ vaḍavānalam

Or else, the Moon, cursed by Dakṣa and rendered without radiance, regained his radiance there — for this reason it is remembered as Prābhāsika. The goddess Bhāratī there bore the fire of Aurva, the submarine flame.

Verse 50 (skanda.7.11.50)

अथवा तेन देवेशि प्रभासमिति कीर्त्यते। प्रकृष्टा भारती ब्राह्मी विप्रोक्ता श्रूयतेऽध्वनि। सदा यत्र महादेवि प्रभासं तेन कीर्तितम्

athavā tena deveśi prabhāsamiti kīrtyate| prakṛṣṭā bhāratī brāhmī viproktā śrūyate'dhvani| sadā yatra mahādevi prabhāsaṁ tena kīrtitam

Or else, O sovereign Goddess, it is celebrated as Prabhāsa for this reason too: here the supreme Brāhmī speech, uttered by the learned, is ever heard along the way, O great Goddess — for this it is called Prabhāsa.

Verse 51 (skanda.7.11.51)

प्रोल्लसद्वीचिभिर्भाति सर्वदा सागरः प्रिये। तेन प्रभास नामेति त्रिषु लोकेषु विश्रुतम्

prollasadvīcibhirbhāti sarvadā sāgaraḥ priye| tena prabhāsa nāmeti triṣu lokeṣu viśrutam

O beloved, the ocean here ever gleams with its joyous rolling waves; for this reason the name Prabhāsa became renowned in the three worlds.

Verse 52 (skanda.7.11.52)

प्रत्यक्षं भास्करो यत्र सदा तिष्ठति भामिनि। तेन प्रभास नामेति प्रसिद्धिमगमत्क्षितौ

pratyakṣaṁ bhāskaro yatra sadā tiṣṭhati bhāmini| tena prabhāsa nāmeti prasiddhimagamatkṣitau

O radiant one, where the Sun himself abides ever visibly present, for this reason the name Prabhāsa attained fame upon the earth.

Verse 53 (skanda.7.11.53)

प्रकृष्टं भाविनां सर्वं कामं तत्र ददाम्यहम्। तेन प्रभासनामेति तीर्थं त्रैलोक्यविश्रुतम्

prakṛṣṭaṁ bhāvināṁ sarvaṁ kāmaṁ tatra dadāmyaham| tena prabhāsanāmeti tīrthaṁ trailokyaviśrutam

There I grant every excellent wish of the devout; for this reason this sacred ford, named Prabhāsa, is renowned throughout the three worlds.

Verse 54 (skanda.7.11.54)

कल्पभेदेन नामानि तथैव सुरसुन्दरि। निरुक्तभेदैर्बहुधा भिद्यंते कारणैः प्रिये। प्रभासमिति यन्नाम दातव्यं निश्चलं स्मृतम्

kalpabhedena nāmāni tathaiva surasundari| niruktabhedairbahudhā bhidyaṁte kāraṇaiḥ priye| prabhāsamiti yannāma dātavyaṁ niścalaṁ smṛtam

Thus, O beautiful one among the gods, the names change through the differing kalpas, O beloved, through many etymological distinctions and causes; yet the name Prabhāsa is remembered as the one fixed and unchanging name to be given.

Verse 55 (skanda.7.11.55)

अप्तत्त्वे संस्थितं देवि विष्णोराद्यकलेवरे। इति ते कथितं देवि संक्षेपात्क्षेत्रकारणम्

aptattve saṁsthitaṁ devi viṣṇorādyakalevare| iti te kathitaṁ devi saṁkṣepātkṣetrakāraṇam

It is established in the principle of water, O Goddess, within the primeval body of Viṣṇu. Thus, O Goddess, I have told you in brief the cause of this field.

Verse 56 (skanda.7.11.56)

पुनस्ते कथयाम्यद्य यत्पृच्छसि वरानने। तद्ब्रूहि शीघ्रं कल्याणि यत्ते मनसि वर्तते

punaste kathayāmyadya yatpṛcchasi varānane| tadbrūhi śīghraṁ kalyāṇi yatte manasi vartate

Now I shall tell you again whatever you wish to ask, O fair-faced one. Tell it quickly, O auspicious one, whatever is in your mind.

Verse 57 (skanda.7.11.57)

देव्युवाच। अस्मिन्कल्पे यथा जातं क्षेत्रं प्राभासिकं हर। तन्मे विस्तरतो ब्रूहि उत्पत्तिं कारणं तथा

devyuvāca| asminkalpe yathā jātaṁ kṣetraṁ prābhāsikaṁ hara| tanme vistarato brūhi utpattiṁ kāraṇaṁ tathā

The Goddess said: O Hara, tell me in detail how the Prābhāsika field came into being in this present kalpa, and also its cause of origin.

Verse 58 (skanda.7.11.58)

ईश्वर उवाच। शृणु देवि प्रवक्ष्यामि यथावत्क्षेत्रकारणम्। यच्छ्रुत्वा मानवो भक्त्या मुच्यते सर्वपातकैः

īśvara uvāca| śṛṇu devi pravakṣyāmi yathāvatkṣetrakāraṇam| yacchrutvā mānavo bhaktyā mucyate sarvapātakaiḥ

Īśvara said: Listen, O Goddess, I shall tell exactly the cause of the field, hearing which with devotion a man is freed from all sins.

Verse 59 (skanda.7.11.59)

आदिक्षेत्रस्य माहात्म्यं रहस्यं पापनाशनम्। कथयिष्ये वरारोहे तव स्नेहेन भामिनि

ādikṣetrasya māhātmyaṁ rahasyaṁ pāpanāśanam| kathayiṣye varārohe tava snehena bhāmini

The sin-destroying secret of the glory of this primal field, O well-formed one, O radiant one, I shall tell out of affection for you.

Verse 60 (skanda.7.11.60)

अस्मिन्कल्पे तु यद्देवि आदावेव वरानने। स्वायंभुवे मनौ तत्र ब्रह्मणः सृजतः पुरा

asminkalpe tu yaddevi ādāveva varānane| svāyaṁbhuve manau tatra brahmaṇaḥ sṛjataḥ purā

In this kalpa, O Goddess, O fair-faced one, at the very beginning, during the age of Svāyambhuva Manu, when Brahmā was creating of old—

Verse 61 (skanda.7.11.61)

दक्षिणाल्लोचनाज्जातः पूर्वं सूर्य इति प्रिये। ततः कालान्तरे तस्य भार्ये द्वे च बभूवतुः

dakṣiṇāllocanājjātaḥ pūrvaṁ sūrya iti priye| tataḥ kālāntare tasya bhārye dve ca babhūvatuḥ

from his right eye the Sun was first born, O beloved; then, after some time, he came to have two wives.

Verse 62 (skanda.7.11.62)

तयोस्तु राज्ञी द्यौर्ज्ञेया निक्षुभा पृथिवी स्मृता। सौम्यमासस्य सप्तम्यां द्यौः सूर्येण च युज्यते

tayostu rājñī dyaurjñeyā nikṣubhā pṛthivī smṛtā| saumyamāsasya saptamyāṁ dyauḥ sūryeṇa ca yujyate

Of these, the queen is known as Dyau (Heaven), and the other, called Nikṣubhā, is Earth. On the seventh day of the lunar month of Saumya, Dyau unites with the Sun.

Verse 63 (skanda.7.11.63)

माघमासे तु सप्तम्यां मह्या सह भवेद्रविः। भूश्चादित्यश्च भगवान्गच्छते संगमं तदा

māghamāse tu saptamyāṁ mahyā saha bhavedraviḥ| bhūścādityaśca bhagavāngacchate saṁgamaṁ tadā

On the seventh day of the month of Māgha, the Sun unites with Earth; then the Earth and the blessed Āditya come together in union.

Verse 64 (skanda.7.11.64)

ऋतुस्नाता मही तत्र गर्भं गृह्णाति भास्करात्। द्यौर्जलं सूयते गर्भं वर्षास्वास्विह भूतले

ṛtusnātā mahī tatra garbhaṁ gṛhṇāti bhāskarāt| dyaurjalaṁ sūyate garbhaṁ varṣāsvāsviha bhūtale

There, having bathed after her season, Earth conceives from the Sun. Dyau brings forth her watery offspring upon this earth during the rains.

Verse 65 (skanda.7.11.65)

ततस्त्रैलोक्यवृत्त्यर्थं मही सस्यानि सूयते। सस्योपयोगात्संहृष्टा जुह्वत्याहुतिभिर्द्विजाः

tatastrailokyavṛttyarthaṁ mahī sasyāni sūyate| sasyopayogātsaṁhṛṣṭā juhvatyāhutibhirdvijāḥ

Then, for the sustenance of the three worlds, Earth produces her crops. Delighted by the use of these crops, the brāhmaṇas offer oblations in the sacred fire.

Verse 66 (skanda.7.11.66)

स्वाहाकारस्वधाकारैर्यजंति पितृदेवताः। निःक्षुधः कुरुते यस्माद्गर्भौषधिसुधाऽमृतैः। मर्त्यान्पितॄंश्च देवांश्च तेन भूर्निक्षुभा स्मृता

svāhākārasvadhākārairyajaṁti pitṛdevatāḥ| niḥkṣudhaḥ kurute yasmādgarbhauṣadhisudhā'mṛtaiḥ| martyānpitṝṁśca devāṁśca tena bhūrnikṣubhā smṛtā

With the utterances Svāhā and Svadhā, they worship the ancestors and gods. Because she thereby satisfies mortals, ancestors, and gods, freeing them from hunger through the nectar-like essence of her womb's produce, Earth is thus called Nikṣubhā.

Verse 67 (skanda.7.11.67)

यथा राज्ञी च संजाता यस्य चेयं सुता मता

yathā rājñī ca saṁjātā yasya ceyaṁ sutā matā

Even as she came to be born as the queen, and is held to be the daughter of him.

Verse 68 (skanda.7.11.68)

अपत्यानि च यान्यस्यास्तानि वक्ष्याम्यशेषतः। मरीचिर्ब्रह्मणः पुत्रो मारीचः कश्यपः स्मृतः

apatyāni ca yānyasyāstāni vakṣyāmyaśeṣataḥ| marīcirbrahmaṇaḥ putro mārīcaḥ kaśyapaḥ smṛtaḥ

And whatever offspring are hers, I shall tell all of them in full. Marīci is the son of Brahmā; Kaśyapa, called Mārīca, is remembered as his son.

Verse 69 (skanda.7.11.69)

तस्माद्धिरण्यकशिपुः प्रह्रादस्तस्य चात्मजः। प्रह्रादस्य सुतो नाम्ना विरोचन इति स्मृतः

tasmāddhiraṇyakaśipuḥ prahrādastasya cātmajaḥ| prahrādasya suto nāmnā virocana iti smṛtaḥ

From him came Hiraṇyakaśipu, and his son Prahrāda; Prahrāda's son is remembered by the name Virocana.

Verse 70 (skanda.7.11.70)

विरोचनस्य भगिनी संज्ञा या जननी तु सा। हिरण्यकशिपोः पौत्री दितेः पुत्रस्य सा स्मृता

virocanasya bhaginī saṁjñā yā jananī tu sā| hiraṇyakaśipoḥ pautrī diteḥ putrasya sā smṛtā

Virocana's sister is Saṁjñā, who becomes a mother; she is remembered as the granddaughter of Hiraṇyakaśipu, son of Diti.

Verse 71 (skanda.7.11.71)

सा विश्वकर्मणः पत्नी प्राह्लादी प्रोच्यते बुधैः

sā viśvakarmaṇaḥ patnī prāhlādī procyate budhaiḥ

She is the wife of Viśvakarman; the learned call her Prāhlādī (descendant of Prahrāda).

Verse 72 (skanda.7.11.72)

अथ नाम्नातिरूपेति मरीचिदुहिता शुभा। पत्नी ह्यंगिरसः सा तु जननी च बृहस्पतेः

atha nāmnātirūpeti marīciduhitā śubhā| patnī hyaṁgirasaḥ sā tu jananī ca bṛhaspateḥ

Then there is the auspicious daughter of Marīci named Atirūpā, who is the wife of Aṅgiras and the mother of Bṛhaspati.

Verse 73 (skanda.7.11.73)

बृहस्पतेस्तु भगिनी विश्रुता ब्रह्मवादिनी। प्रभासस्य तु सा पत्नी वसूनामष्टमस्य वै

bṛhaspatestu bhaginī viśrutā brahmavādinī| prabhāsasya tu sā patnī vasūnāmaṣṭamasya vai

Bṛhaspati's sister is renowned as a speaker of Brahman-knowledge; she is the wife of Prabhāsa, the eighth of the Vasus.

Verse 74 (skanda.7.11.74)

प्रसूता विश्वकर्माणं सर्वशिल्पवतां वरम्। स चैव नाम्ना त्वष्टा तु पुनस्त्रिदशवार्द्धकिः

prasūtā viśvakarmāṇaṁ sarvaśilpavatāṁ varam| sa caiva nāmnā tvaṣṭā tu punastridaśavārddhakiḥ

She gave birth to Viśvakarman, foremost among all craftsmen. He is also known by the name Tvaṣṭṛ, and again as the artisan of the thirty gods.

Verse 75 (skanda.7.11.75)

देवाचार्यस्य तस्येयं दुहिता विश्वकर्मणः। सुरेणुरिति विख्याता त्रिषु लोकेषु भामिनी

devācāryasya tasyeyaṁ duhitā viśvakarmaṇaḥ| sureṇuriti vikhyātā triṣu lokeṣu bhāminī

This is the daughter of that Viśvakarman, preceptor of the gods; she is renowned throughout the three worlds by the name Sureṇu, a radiant lady.

Verse 76 (skanda.7.11.76)

प्रह्रादपुत्री या प्रोक्ता भार्या वष्टुस्तु सा स्मृता। तस्यां स जनयामास पुत्रीस्ता लोकमातरः

prahrādaputrī yā proktā bhāryā vaṣṭustu sā smṛtā| tasyāṁ sa janayāmāsa putrīstā lokamātaraḥ

She who was declared the daughter of Prahrāda is remembered as the wife of Tvaṣṭṛ; in her he begot daughters who became mothers of the worlds.

Verse 77 (skanda.7.11.77)

राज्ञी संज्ञा च द्यौस्त्वष्ट्री प्रभा सैव विभाव्यते। तस्यास्तु वलया छाया निक्षुभा सा महीयसी

rājñī saṁjñā ca dyaustvaṣṭrī prabhā saiva vibhāvyate| tasyāstu valayā chāyā nikṣubhā sā mahīyasī

The queen Saṁjñā herself is understood as Dyau, and as Prabhā, the daughter of Tvaṣṭṛ. Her shadow-double is Valayā, that greatly glorious Nikṣubhā.

Verse 78 (skanda.7.11.78)

सा तु भार्या भगवती मार्तंडस्य महात्मनः। साध्वी पतिव्रता देवी रूपयौवनशालिनी

sā tu bhāryā bhagavatī mārtaṁḍasya mahātmanaḥ| sādhvī pativratā devī rūpayauvanaśālinī

She is the blessed wife of the great-souled Mārtaṇḍa (the Sun), a virtuous and devoted goddess, resplendent with beauty and youth.

Verse 79 (skanda.7.11.79)

न तु तां नररूपेण भार्यां भजति वै पुरा। आदित्यस्येह तप्तत्वं महता स्वेन तेजसा

na tu tāṁ nararūpeṇa bhāryāṁ bhajati vai purā| ādityasyeha taptatvaṁ mahatā svena tejasā

In former time he did not approach his wife in human form, because the Sun's own radiance was, here, exceedingly scorching with its great heat.

Verse 80 (skanda.7.11.80)

गात्रेष्वप्रतिरूपेषु मासिकांतमिवाभवत्। संज्ञा च रविणा दृष्टा निमीलयति लोचने। यतस्ततः सरोषोऽर्कः संज्ञां वचनमब्रवीत्

gātreṣvapratirūpeṣu māsikāṁtamivābhavat| saṁjñā ca raviṇā dṛṣṭā nimīlayati locane| yatastataḥ saroṣo'rkaḥ saṁjñāṁ vacanamabravīt

It was as though a monthly darkness had come upon her limbs. And Saṁjñā, whenever gazed upon by the Sun, would close her eyes. Because of this, the Sun, angered, spoke these words to Saṁjñā.

Verse 81 (skanda.7.11.81)

रविरुवाच। मयि दृष्टे सदा यस्मात्कुरुषे नेत्रसंक्षयम्। तस्माज्जनिष्यसे मूढे प्रजासंयमनं यमम्

raviruvāca| mayi dṛṣṭe sadā yasmātkuruṣe netrasaṁkṣayam| tasmājjaniṣyase mūḍhe prajāsaṁyamanaṁ yamam

Ravi said: Since, whenever you look upon me, you always close your eyes, therefore, O foolish woman, you shall give birth to Yama, the restrainer of creatures.

Verse 82 (skanda.7.11.82)

ईश्वर उवाच। ततः सा चपला दृष्टिं देवी चक्रे भयाकुला। विलोलितदृशं दृष्ट्वा पुनराह च तां रविः

īśvara uvāca| tataḥ sā capalā dṛṣṭiṁ devī cakre bhayākulā| vilolitadṛśaṁ dṛṣṭvā punarāha ca tāṁ raviḥ

Īśvara said: Then that goddess, overcome with fear, made her gaze flicker restlessly. Seeing her wavering glance, the Sun spoke to her again.

Verse 83 (skanda.7.11.83)

रविरुवाच। यस्माद्विलोलिता दृष्टिर्मयि दृष्टे त्वया पुनः। तस्माद्विलोलां तनयां नदीं त्वं प्रसविष्यसि

raviruvāca| yasmādvilolitā dṛṣṭirmayi dṛṣṭe tvayā punaḥ| tasmādvilolāṁ tanayāṁ nadīṁ tvaṁ prasaviṣyasi

Ravi said: Since, whenever you look upon me again, your gaze becomes restless, therefore you shall give birth to a wavering daughter, a river.

Verse 84 (skanda.7.11.84)

ईश्वर उवाच। ततस्तस्यास्तु संजज्ञे भर्तृशापेन तेन वै। यमश्च यमुना चेयं प्रख्याता सुमहानदी। तृतीयं च सुतं जज्ञे श्राद्धदेवं मनुं शुभम्

īśvara uvāca| tatastasyāstu saṁjajñe bhartṛśāpena tena vai| yamaśca yamunā ceyaṁ prakhyātā sumahānadī| tṛtīyaṁ ca sutaṁ jajñe śrāddhadevaṁ manuṁ śubham

Īśvara said: Then, from that curse of her husband, were born from her Yama and this renowned great river Yamunā. As a third child she bore the auspicious Śrāddhadeva Manu.

Verse 85 (skanda.7.11.85)

सापि संज्ञा रवेस्तेजो गोलाकारं महाप्रभम्। असहन्ती च सा चित्ते चिन्तयामास वै तदा

sāpi saṁjñā ravestejo golākāraṁ mahāprabham| asahantī ca sā citte ciṁtayāmāsa vai tadā

That Saṁjñā, too, was unable to endure the Sun's great, globe-shaped radiance, and then she pondered within her mind.

Verse 86 (skanda.7.11.86)

किं करोमि क्व यास्यामि क्व गतायाश्च निर्वृतिः। भवेन्मम कथं भर्ता कोपमर्क्कश्च नेष्यति

kiṁ karomi kva yāsyāmi kva gatāyāśca nirvṛtiḥ| bhavenmama kathaṁ bhartā kopamarkkaśca neṣyati

What shall I do, where shall I go, and where, having gone, shall I find peace? How might my husband, the Sun, be kept from anger?

Verse 87 (skanda.7.11.87)

इति संचिन्त्य बहुधा प्रजापतिसुता तदा। बहु मेने महाभागा पितृसंश्रयमेव च

iti saṁciṁtya bahudhā prajāpatisutā tadā| bahu mene mahābhāgā pitṛsaṁśrayameva ca

Thus pondering in many ways, that greatly fortunate daughter of the Prajāpati resolved that taking refuge with her father would be best.

Verse 88 (skanda.7.11.88)

ततः पितृगृहं गन्तुं कृतबुद्धिर्यशस्विनी। छायामयीमात्मतनुं प्रत्यंगमिव निर्मिताम्

tataḥ pitṛgṛhaṁ gantuṁ kṛtabuddhiryaśasvinī| chāyāmayīmātmatanuṁ pratyaṁgamiva nirmitām

Then that glorious lady resolved to go to her father's house, and fashioned a shadow-form of her own body, made identical limb for limb.

Verse 89 (skanda.7.11.89)

सम्मुखं प्रेक्ष्य तां देवीं स्वां छायां वाक्यमब्रवीत्

sammukhaṁ prekṣya tāṁ devīṁ svāṁ chāyāṁ vākyamabravīt

Gazing at her own shadow-double before her, the goddess spoke these words.

Verse 90 (skanda.7.11.90)

संज्ञोवाच। अहं यास्यामि भद्रं ते स्वकं च भवनं पितुः। निर्विकारं त्वया त्वत्र स्थेयं मच्छासनाच्छुभे

saṁjñovāca| ahaṁ yāsyāmi bhadraṁ te svakaṁ ca bhavanaṁ pituḥ| nirvikāraṁ tvayā tvatra stheyaṁ macchāsanācchubhe

Saṁjñā said: Blessings upon you; I shall go to my own father's house. O auspicious one, by my command you must remain here unchanged.

Verse 91 (skanda.7.11.91)

इमौ च बालकौ मह्यं कन्या च वरवर्णिनी। संभाव्या नैव चाख्येयमिदं भगवते त्वया

imau ca bālakau mahyaṁ kanyā ca varavarṇinī| saṁbhāvyā naiva cākhyeyamidaṁ bhagavate tvayā

You must care for these two boys and my beautiful daughter, and you must never disclose this matter to the Lord.

Verse 92 (skanda.7.11.92)

पृष्टयापि न वाच्यं ते तथैतद्गमनं मम। तेनास्मि नामसंज्ञेति वाच्यसे तत्प्रतिष्ठया

pṛṣṭayāpi na vācyaṁ te tathaitadgamanaṁ mama| tenāsmi nāmasaṁjñeti vācyase tatpratiṣṭhayā

Even if asked, you must not reveal this departure of mine. For this reason you shall be called by my very name, Saṁjñā, bearing its authority.

Verse 93 (skanda.7.11.93)

छायोवाच। आ केशग्रहणाद्देवि आ शापान्नैव कर्हिचित्। आख्यास्यामि मतं तुभ्यं गम्यतां यत्र वांछितम्

chāyovāca| ā keśagrahaṇāddevi ā śāpānnaiva karhicit| ākhyāsyāmi mataṁ tubhyaṁ gamyatāṁ yatra vāṁchitam

Chāyā said: O Goddess, even up to being seized by the hair or being cursed, I shall never tell. This is agreed by me; go wherever you wish.

Verse 94 (skanda.7.11.94)

ईश्वर उवाच। इत्युक्ता सा तदा देवी जगाम भवनं पितुः। ददर्श तत्र त्वष्टारं तपसा धूतकल्मषम्

īśvara uvāca| ityuktā sā tadā devī jagāma bhavanaṁ pituḥ| dadarśa tatra tvaṣṭāraṁ tapasā dhūtakalmaṣam

Īśvara said: Having said this, that goddess then went to her father's dwelling. There she beheld Tvaṣṭṛ, purified of all impurity through austerity.

Verse 95 (skanda.7.11.95)

बहुमानाच्च तेनापि पूजिता विश्वकर्मणा। वर्षाणां च सहस्रं तु वसमाना पितुर्गृहे। तस्थौ पितृगृहे सा तु किंचित्कालमनिंदिता

bahumānācca tenāpi pūjitā viśvakarmaṇā| varṣāṇāṁ ca sahasraṁ tu vasamānā piturgṛhe| tasthau pitṛgṛhe sā tu kiṁcitkālamaniṁditā

Viśvakarman too honored her with great respect. That blameless goddess dwelt in her father's house for a thousand years, remaining there for some time.

Verse 96 (skanda.7.11.96)

ततस्तां प्राह चार्वंगीं पिता नातिचिरोषिताम्। स्तुत्वा तु तनयां प्रेम्णा बहुमानपुरःसरम्

tatastāṁ prāha cārvaṁgīṁ pitā nāticiroṣitām| stutvā tu tanayāṁ premṇā bahumānapuraḥsaram

Then, though she had not stayed overly long, her father addressed that lovely-limbed daughter, praising her with love and great respect.

Verse 97 (skanda.7.11.97)

विश्वकर्मोवाच। त्वामेव पश्यतो वत्से दिनानि सुबहून्यपि। मुहूर्तार्द्धसमानि स्युः किं तु धर्मो विलुप्यते

viśvakarmovāca| tvāmeva paśyato vatse dināni subahūnyapi| muhūrtārddhasamāni syuḥ kiṁ tu dharmo vilupyate

Viśvakarman said: O child, while gazing upon you, even many days seem like half a moment; yet dharma comes to be violated.

Verse 98 (skanda.7.11.98)

बांधवेषु चिरं वासो नारीणां न यशस्करः। मनोरथा बांधवानां नार्या भर्तृगृहे स्थितिः

bāṁdhaveṣu ciraṁ vāso nārīṇāṁ na yaśaskaraḥ| manorathā bāṁdhavānāṁ nāryā bhartṛgṛhe sthitiḥ

A long stay among relatives does not bring honor to women. It is the very wish of a woman's kinsfolk that she remain in her husband's house.

Verse 99 (skanda.7.11.99)

सा त्वं त्रैलोक्यनाथेन भर्त्रा सूर्येण संयुता। पितुर्गृहे चिरं कालं वस्तुं नार्हसि पुत्रिके

sā tvaṁ trailokyanāthena bhartrā sūryeṇa saṁyutā| piturgṛhe ciraṁ kālaṁ vastuṁ nārhasi putrike

You, joined to the Sun, lord of the three worlds, as your husband, O daughter, ought not to dwell so long in your father's house.

Verse 100 (skanda.7.11.100)

तत्त्वं भर्तृगृहं गच्छ दृष्टोऽहं पूजितासि मे। पुनरागमनं कार्यं दर्शनाय शुचिस्मिते

tattvaṁ bhartṛgṛhaṁ gaccha dṛṣṭo'haṁ pūjitāsi me| punarāgamanaṁ kāryaṁ darśanāya śucismite

Therefore go now to your husband's house; you have seen me and honored me. O pure-smiling one, come again for a visit.

Verse 101 (skanda.7.11.101)

ईश्वर उवाच। इत्युक्ता सा तदा पित्रा गच्छगच्छेति सा पुनः। संपूजयित्वा पितरं वडवारूपधारिणी

īśvara uvāca| ityuktā sā tadā pitrā gacchagaccheti sā punaḥ| saṁpūjayitvā pitaraṁ vaḍavārūpadhāriṇī

Īśvara said: Thus told by her father, 'Go, go,' she, having honored her father, then took the form of a mare.

Verse 102 (skanda.7.11.102)

मेरोरुत्तरतस्तत्र वर्षं यद्धनुषाकृति। उत्तराः कुरवो लोके प्रख्याता ये यशस्विनि

meroruttaratastatra varṣaṁ yaddhanuṣākṛti| uttarāḥ kuravo loke prakhyātā ye yaśasvini

North of Meru lies the bow-shaped region, O glorious one, renowned in the world as Uttara Kuru.

Verse 103 (skanda.7.11.103)

तत्र तेपे तपः साध्वी निराहाराऽश्वरूपिणी। एतस्मिन्नंतरे देवि तस्याश्छाया विवस्वतः

tatra tepe tapaḥ sādhvī nirāhārā'śvarūpiṇī| etasminnaṁtare devi tasyāśchāyā vivasvataḥ

There, that virtuous one, in the form of a mare, performed austerity without food. Meanwhile, O Goddess, her shadow-double remained with the Sun.

Verse 104 (skanda.7.11.104)

समीपस्था तदा देवी संज्ञाया वाक्यतत्परा। तस्यां च भगवान्सूर्यो द्वितीयायां दिवस्पतिः

samīpasthā tadā devī saṁjñāyā vākyatatparā| tasyāṁ ca bhagavānsūryo dvitīyāyāṁ divaspatiḥ

That goddess remained close by, faithful to Saṁjñā's word. And with her, the second one, the blessed Sun, lord of the day—

Verse 105 (skanda.7.11.105)

संज्ञेयमिति मन्वानो रूपौदार्येण मोहितः। तस्यां च जनयामास द्वौ पुत्रौ कन्यकां तथा

saṁjñeyamiti manvāno rūpaudāryeṇa mohitaḥ| tasyāṁ ca janayāmāsa dvau putrau kanyakāṁ tathā

believing her to be Saṁjñā herself, and enchanted by her beauty and grace, begot in her two sons and a daughter.

Verse 106 (skanda.7.11.106)

पूर्वं यस्तु मनोस्तुल्यः सावर्णिस्तेन सोऽभवत्। यः सूर्यात्प्रथमं जातः पुत्रयोः सुरसुन्दरि

pūrvaṁ yastu manostulyaḥ sāvarṇistena so'bhavat| yaḥ sūryātprathamaṁ jātaḥ putrayoḥ surasundari

He who resembled the earlier Manu became Sāvarṇi; O beautiful one among the gods, of the two sons he who was born first from the Sun—

Verse 107 (skanda.7.11.107)

द्वितीयो योऽभवच्चान्यः स ग्रहोऽभूच्छनैश्चरः। कन्या ऽभूत्तपती या तां वव्रे संवरणो नृपः

dvitīyo yo'bhavaccānyaḥ sa graho'bhūcchanaiścaraḥ| kanyā'bhūttapatī yā tāṁ vavre saṁvaraṇo nṛpaḥ

The second one who was born became the planet Śanaiścara (Saturn). The daughter who was born was Tapatī, whom King Saṁvaraṇa took as his wife.

Verse 108 (skanda.7.11.108)

तापीनाम नदी चेयं विंध्यमूलाद्विनिःसृता। नित्यं पुण्यजला स्नाने पश्चिमोदधिगामिनी

tāpīnāma nadī ceyaṁ viṁdhyamūlādviniḥsṛtā| nityaṁ puṇyajalā snāne paścimodadhigāminī

This is the river named Tāpī, issuing from the foot of the Vindhya, ever holy in its waters, excellent for bathing, flowing toward the western ocean.

Verse 109 (skanda.7.11.109)

अन्या चैव तथा भद्रा जाता पुत्री महाप्रभा। संज्ञा तु पार्थिवी छाया आत्मजानां यथाकरोत्

anyā caiva tathā bhadrā jātā putrī mahāprabhā| saṁjñā tu pārthivī chāyā ātmajānāṁ yathākarot

Besides these, another daughter, Bhadrā, was born, of great splendor. As for how the earthly Saṁjñā (the shadow) treated her own children—

Verse 110 (skanda.7.11.110)

स्नेहं न पूर्वजातानां तथा कृतवती सती। लालनाद्युपभोगेषु विशेषमनुवासरम्

snehaṁ na pūrvajātānāṁ tathā kṛtavatī satī| lālanādyupabhogeṣu viśeṣamanuvāsaram

she did not show the same affection to the earlier-born children as she showed her own; day after day she maintained a difference in the matters of nurture and indulgence.

Verse 111 (skanda.7.11.111)

यथा स्वेष्वनुवर्तेत न तथान्येषु भामिनी। मनुस्तु क्षांतवांस्तस्या भविष्यो यो हि पार्वति

yathā sveṣvanuvarteta na tathānyeṣu bhāminī| manustu kṣāṁtavāṁstasyā bhaviṣyo yo hi pārvati

As she behaved toward her own, so she did not behave toward the others, O radiant one. But the future Manu, O Pārvatī, bore this with patience.

Verse 112 (skanda.7.11.112)

मेरौ तिष्ठति सोऽद्यापि तपः कुर्वन्वरानने। सर्वं तत्क्षांतवान्मातुर्यमस्तस्या न चक्षमे

merau tiṣṭhati so'dyāpi tapaḥ kurvanvarānane| sarvaṁ tatkṣāṁtavānmāturyamastasyā na cakṣame

He still stands on Meru even today, performing austerity, O fair-faced one. He bore all his mother's ways patiently, but Yama did not forgive her.

Verse 113 (skanda.7.11.113)

बहुशो याचमानस्तु छाययाऽतीव कोपितः। स वै कोपाच्च बाल्याच्च भाविनोऽर्थस्य वै बलात्

bahuśo yācamānastu chāyayā'tīva kopitaḥ| sa vai kopācca bālyācca bhāvino'rthasya vai balāt

Though he pleaded repeatedly, he was made exceedingly angry by Chāyā. He, through anger, through childishness, and through the force of what was destined to come—

Verse 114 (skanda.7.11.114)

ताडनाय ततः कोपात्पादस्तेन समुद्यतः। तथा पुनः क्षांतिमता न तु देहे निपातितः

tāḍanāya tataḥ kopātpādastena samudyataḥ| tathā punaḥ kṣāṁtimatā na tu dehe nipātitaḥ

in anger raised his foot to strike her. Yet, being restrained, he did not actually bring it down upon her body.

Verse 115 (skanda.7.11.115)

पदा संतर्जयामास छायां संज्ञासुतो यमः

padā saṁtarjayāmāsa chāyāṁ saṁjñāsuto yamaḥ

Yama, the son reckoned as Saṁjñā's, threatened Chāyā with his raised foot.

Verse 116 (skanda.7.11.116)

तं शशाप ततश्छाया क्रुद्धा सा पार्थिवी भृशम्। किंचित्प्रस्फुरमाणोष्ठी विचलत्पाणिपल्लवा

taṁ śaśāpa tataśchāyā kruddhā sā pārthivī bhṛśam| kiṁcitprasphuramāṇoṣṭhī vicalatpāṇipallavā

Then that earthly Chāyā, greatly enraged, cursed him, her lips trembling slightly, her tender hands quivering.

Verse 117 (skanda.7.11.117)

छायोवाच। पितुः पत्नीममर्याद यन्मां तर्जयसे पदा। भुवि तस्मादयं पादस्तवाद्यैव पतिष्यति

chāyovāca| pituḥ patnīmamaryāda yanmāṁ tarjayase padā| bhuvi tasmādayaṁ pādastavādyaiva patiṣyati

Chāyā said: O disrespectful one, since you threaten your father's wife with your foot, therefore this very foot of yours shall fall to the ground this very day.

Verse 118 (skanda.7.11.118)

ईश्वर उवाच। यमस्तु तेन शापेन भृशं पीडितमानसः। मनुना सह धर्मात्मा पित्रे सर्वं न्यवेदयत्

īśvara uvāca| yamastu tena śāpena bhṛśaṁ pīḍitamānasaḥ| manunā saha dharmātmā pitre sarvaṁ nyavedayat

Īśvara said: Yama, his mind greatly afflicted by that curse, righteous as he was, together with Manu, reported everything to his father.

Verse 119 (skanda.7.11.119)

यम उवाच। तातैतन्महदाश्चर्यं न दृष्टमिह केनचित्। माता वात्सल्यमुत्सृज्य शापं पुत्रे प्रयच्छति

yama uvāca| tātaitanmahadāścaryaṁ na dṛṣṭamiha kenacit| mātā vātsalyamutsṛjya śāpaṁ putre prayacchati

Yama said: O father, this is a great wonder, never before seen by anyone — a mother abandoning her affection and bestowing a curse upon her son.

Verse 120 (skanda.7.11.120)

स्नेहेन तुल्यमस्मासु माताद्य नैव वर्त्तते। विसृज्य ज्यायसो यस्मात्कनीयःसु बुभूषति

snehena tulyamasmāsu mātādya naiva vartate| visṛjya jyāyaso yasmātkanīyaḥsu bubhūṣati

Today our mother's love is no longer equal among us; for, abandoning the elder ones, she wishes to favor the younger.

Verse 121 (skanda.7.11.121)

तस्या मयोद्यतः पादो न तु देहे निपातितः। बाल्याद्वा यदि वा मोहात्तद्भवान्क्षंतुमर्हति

tasyā mayodyataḥ pādo na tu dehe nipātitaḥ| bālyādvā yadi vā mohāttadbhavānkṣaṁtumarhati

I raised my foot against her, but did not bring it down upon her body. Whether from childishness or from delusion, may you please forgive this.

Verse 122 (skanda.7.11.122)

शप्तोऽहं तात कोपेन तया सुत इति स्फुटम्। अतो न मह्यं जननी सा भवेद्वदतां वर

śapto'haṁ tāta kopena tayā suta iti sphuṭam| ato na mahyaṁ jananī sā bhavedvadatāṁ vara

O father, she cursed me in anger, clearly, even though I am her son. Therefore, O best of speakers, she cannot truly be my mother.

Verse 123 (skanda.7.11.123)

निगुर्णेष्वपि पुत्रेषु न माता निर्गुणा भवेत्। पादस्ते पततां पुत्र कथमेतत्तयोदितम्

nirguṇeṣvapi putreṣu na mātā nirguṇā bhavet| pādaste patatāṁ putra kathametattayoditam

Even toward faultless sons a mother is never without virtue. How could she have said, 'O son, may your foot fall off'?

Verse 124 (skanda.7.11.124)

तव प्रसादाच्चरणो न पतेद्भगवन्यथा। मातृशापादयं मेऽद्य तथा चिंतय गोपते

tava prasādāccaraṇo na patedbhagavanyathā| mātṛśāpādayaṁ me'dya tathā ciṁtaya gopate

By your grace, O lord, let this foot not fall off. Consider, O protector, some remedy for this that afflicts me today because of my mother's curse.

Verse 125 (skanda.7.11.125)

रविरुवाच। असंशयं महत्पुत्र भविष्यत्यत्र कारणम्। येन ते ह्याविशत्क्रोधो धर्मज्ञस्य महात्मनः

raviruvāca| asaṁśayaṁ mahatputra bhaviṣyatyatra kāraṇam| yena te hyāviśatkrodho dharmajñasya mahātmanaḥ

Ravi said: Without doubt, O son, there must be some great cause at work here, by which anger entered even you, righteous and great-souled as you are.

Verse 126 (skanda.7.11.126)

सर्वेषामेव शापानां प्रतिघातोऽपि विद्यते। न तु मात्राभिशप्तानां क्वचिच्छापनिवर्त्तनम्

sarveṣāmeva śāpānāṁ pratighāto'pi vidyate| na tu mātrābhiśaptānāṁ kvaciccchāpanivarttanam

For all curses there exists some counter-remedy; but for a curse given by a mother, there is nowhere any reversal.

Verse 127 (skanda.7.11.127)

न युक्तमेतन्मिथ्या तु कर्तुँ मातुर्वचस्तव। किंचित्ते संविधास्यामि पुत्रस्नेहादनुग्रहम्

na yuktametanmithyā tu kartuṁ māturvacastava| kiṁcitte saṁvidhāsyāmi putrasnehādanugraham

It is therefore not proper to render your mother's word false. Yet, out of a father's love, I shall arrange some measure of grace for you.

Verse 128 (skanda.7.11.128)

कृमयो मांसमादाय प्रयास्यंति महीतलम्। कृतं तस्या वचः सत्यं त्वं च त्रातो भविष्यसि

kṛmayo māṁsamādāya prayāsyaṁti mahītalam| kṛtaṁ tasyā vacaḥ satyaṁ tvaṁ ca trāto bhaviṣyasi

Worms shall take away a portion of flesh and fall to the ground; thus her word shall be made true, and you shall be saved.

Verse 129 (skanda.7.11.129)

ईश्वर उवाच। आदित्यस्त्वब्रवीच्छायां किमर्थं तनयेषु वै। तुल्येष्वप्यधिकः स्नेह एकत्र क्रियते त्वया

īśvara uvāca| ādityastvabravīcchāyāṁ kimarthaṁ tanayeṣu vai| tulyeṣvapyadhikaḥ sneha ekatra kriyate tvayā

Īśvara said: Then Āditya said to Chāyā: Why, among sons who are equal, do you show greater affection to one alone?

Verse 130 (skanda.7.11.130)

नूनं न चैषां जननी त्वं संज्ञा क्वापि सा गता। विकलेष्वप्यपत्येषु न माता शापदा भवेत्

nūnaṁ na caiṣāṁ jananī tvaṁ saṁjñā kvāpi sā gatā| vikaleṣvapyapatyeṣu na mātā śāpadā bhavet

Surely you are not their true mother; Saṁjñā has gone elsewhere. Even toward flawed children, a mother does not become a giver of curses.

Verse 131 (skanda.7.11.131)

अपि दोषसहस्राणि यदि पुत्रः समाचरेत्। प्राणद्रोहेऽपि निरतो न माता पापमाचरेत्। तस्मात्सत्यं मम ब्रूहि मा शापवशगा भव

api doṣasahasrāṇi yadi putraḥ samācaret| prāṇadrohe'pi nirato na mātā pāpamācaret| tasmātsatyaṁ mama brūhi mā śāpavaśagā bhava

Even if a son commits a thousand faults, even engaged in harming her very life, a mother does not commit sin against him. Therefore tell me the truth; do not fall under the sway of the curse.

Verse 132 (skanda.7.11.132)

ईश्वर उवाच। तं शप्तुमुद्यतं दृष्ट्वा छायासंज्ञा दिनाधिपम्। भयेन कंपती देवी यथावृत्तं महासती

īśvara uvāca| taṁ śaptumudyataṁ dṛṣṭvā chāyāsaṁjñā dinādhipam| bhayena kaṁpatī devī yathāvṛttaṁ mahāsatī

Īśvara said: Seeing the lord of the day poised to curse her, Chāyā-Saṁjñā, that greatly virtuous goddess, began to tremble in fear.

Verse 133 (skanda.7.11.133)

सा चाह तनया त्वष्टुरहं संज्ञा विभावसो। पत्नी तव त्वया पत्या पतियुक्ता दिवाकर

sā cāha tanayā tvaṣṭurahaṁ saṁjñā vibhāvaso| patnī tava tvayā patyā patiyuktā divākara

She said: O Vibhāvasu, I am Saṁjñā, daughter of Tvaṣṭṛ, your wife, O Divākara; joined to you, my own husband.

Verse 134 (skanda.7.11.134)

इत्थं विवस्वतः सा तु बहुशः पृच्छतोऽन्यथा। न वाचा भाषते क्रुद्धः शापं दातुं समुद्यतः

itthaṁ vivasvataḥ sā tu bahuśaḥ pṛcchato'nyathā| na vācā bhāṣate kruddhaḥ śāpaṁ dātuṁ samudyataḥ

Thus, though Vivasvat questioned her repeatedly, otherwise minded, he, angered, spoke not a word, and grew ready to pronounce a curse.

Verse 135 (skanda.7.11.135)

शापोद्यतकरं दृष्ट्वा सूर्यं छाया विवस्वतः। कथयामास तत्सर्वं संज्ञायाः सुविचेष्टितम्

śāpodyatakaraṁ dṛṣṭvā sūryaṁ chāyā vivasvataḥ| kathayāmāsa tatsarvaṁ saṁjñāyāḥ suviceṣṭitam

Seeing the Sun, hand raised to curse her, Vivasvat's shadow-wife then told him all of Saṁjñā's doings.

Verse 136 (skanda.7.11.136)

तच्छ्रुत्वा भगवान्सूर्यो जगाम त्वष्टुरालयम्। ततः संपूजयामास तदा त्रैलोक्यपूजितम्

tacchrutvā bhagavānsūryo jagāma tvaṣṭurālayam| tataḥ saṁpūjayāmāsa tadā trailokyapūjitam

Hearing this, the blessed Sun went to Tvaṣṭṛ's dwelling. Then Tvaṣṭṛ worshipped him who is worshipped throughout the three worlds.

Verse 137 (skanda.7.11.137)

निर्दग्धुकामं रोषेण सान्त्वयामास पार्वति। भास्वंतं निजया दीप्त्या निजगेहमुपागतम्। क्व संज्ञेति च पृच्छन्तं कथयामास विश्वकृत्

nirdagdhukāmaṁ roṣeṇa sāntvayāmāsa pārvati| bhāsvaṁtaṁ nijayā dīptyā nijagehamupāgatam| kva saṁjñeti ca pṛcchaṁtaṁ kathayāmāsa viśvakṛt

O Pārvatī, Viśvakarman placated the Sun, who, blazing with his own radiance, had come to his house wishing to burn everything in anger. When he asked, 'Where is Saṁjñā?', the Maker-of-All told him.

Verse 138 (skanda.7.11.138)

विश्वकर्म्मोवाच। आगतैव हि मे वेश्म भवता श्रूयतां वचः। विख्यातं तेजसाऽऽढ्यं त इदं रूपं सुदुःसहम्

viśvakarmmovāca| āgataiva hi me veśma bhavatā śrūyatāṁ vacaḥ| vikhyātaṁ tejasā'ḍhyaṁ ta idaṁ rūpaṁ suduḥsaham

Viśvakarman said: She indeed came to my house; hear my words. This form of yours, renowned and rich with radiance, is exceedingly difficult to endure.

Verse 139 (skanda.7.11.139)

असहन्ती ततः संज्ञा वने चरति वै तपः। द्रक्ष्यसे तां भवानद्य स्वभार्यां शुभचारिणीम्

asahantī tataḥ saṁjñā vane carati vai tapaḥ| drakṣyase tāṁ bhavānadya svabhāryāṁ śubhacāriṇīm

Unable to bear it, Saṁjñā has gone to the forest to perform austerity. You shall see today that virtuous-conducted wife of yours.

Verse 140 (skanda.7.11.140)

रूपार्थं चरतेऽरण्यं चरंती सुमहत्तपः। मतं मे ब्रह्मणो वाक्याद्यदि ते देव रोचते। रूपं निर्वर्त्तयाम्यद्य तव कांतं दिवस्पते

rūpārthaṁ carate'raṇyaṁ carantī sumahattapaḥ| mataṁ me brahmaṇo vākyādyadi te deva rocate| rūpaṁ nirvarttayāmyadya tava kāṁtaṁ divaspate

Because of this very form of yours, she wanders in the forest performing great austerity. It is my counsel, from Brahmā's own word, if it pleases you, O god: today, O lord of the day, let me render your form gentle and lovely.

Verse 141 (skanda.7.11.141)

ईश्वर उवाच। यतो हि भास्वतो रूपं प्रागासीत्परिमंडलम्। ततस्तथेति तं प्राह त्वष्टारं भगवान्रविः

īśvara uvāca| yato hi bhāsvato rūpaṁ prāgāsītparimaṁḍalam| tatastatheti taṁ prāha tvaṣṭāraṁ bhagavānraviḥ

Īśvara said: Since the Sun's form had previously been a globe, the blessed Ravi said to Tvaṣṭṛ, 'So be it.'

Verse 142 (skanda.7.11.142)

विश्वकर्मात्वनुज्ञातः शाकद्वीपे विवस्वता। भूमिमारोप्य तत्तेजः शातनायोपचक्रमे

viśvakarmātvanujñātaḥ śākadvīpe vivasvatā| bhūmimāropya tattejaḥ śātanāyopacakrame

Viśvakarman, granted permission by Vivasvat, in Śākadvīpa set that radiance upon the earth and began the work of paring it down.

Verse 143 (skanda.7.11.143)

भ्रमताऽशेषजगतामधिभूतेन भास्वता। समुद्रा द्रविणोपेताश्चुक्षुभुश्च समन्ततः

bhramatā'śeṣajagatāmadhibhūtena bhāsvatā| samudrā draviṇopetāścukṣubhuśca samantataḥ

As that Sun, sovereign over all the worlds, spun and whirled, the treasure-laden oceans became agitated on every side.

Verse 144 (skanda.7.11.144)

भ्रमता खलु देवेशि सचंद्रग्रहतारकम्। अधोगति महाभागे बभूवाक्षिप्तमाकुलम्

bhramatā khalu deveśi sacaṁdragrahatārakam| adhogati mahābhāge babhūvākṣiptamākulam

By his spinning, O sovereign Goddess, all things — moon, planets, and stars alike — O most fortunate one, were thrown downward, thrown into confusion and turmoil.

Verse 145 (skanda.7.11.145)

विक्षिप्तसलिलाः सर्वे बभूवुश्च तथा नदाः। व्यभिद्यंत तथा शैलाः शीर्णसानुनिबंधनाः

vikṣiptasalilāḥ sarve babhūvuśca tathā nadāḥ| vyabhidyaṁta tathā śailāḥ śīrṇasānunibaṁdhanāḥ

All the rivers too had their waters scattered every which way. The mountains likewise were rent apart, their ridges crumbling and their bonds broken.

Verse 146 (skanda.7.11.146)

ध्रुवाधाराण्यशेषाणि धिष्ण्यानि वरवर्णिनि। भ्राम्यद्रश्मिनिबद्धानि अधो जग्मुः सहस्रशः

dhruvādhārāṇyaśeṣāṇi dhiṣṇyāni varavarṇini| bhrāmyadraśminibaddhāni adho jagmuḥ sahasraśaḥ

O fair-colored one, all the star-clusters resting upon the pole, bound by his whirling rays, fell downward by the thousands.

Verse 147 (skanda.7.11.147)

व्यशीर्यंत महामेघा घोरारावविराविणः। भास्वद्भ्रमणविभ्रांतभूम्याकाशमहीतलम्

vyaśīryaṁta mahāmeghā ghorārāvavirāviṇaḥ| bhāsvadbhramaṇavibhrāṁtabhūmyākāśamahītalam

The great thunderclouds, roaring with terrible sound, shattered apart. Earth, sky, and ground all reeled in confusion from the Sun's spinning.

Verse 148 (skanda.7.11.148)

जगदाकुलमत्यर्थं तदाऽऽसीद्वरवर्णिनि। त्रैलोक्ये सकले देवि भ्रममाणे महर्षर्यः। देवाश्च ब्रह्मणा सार्द्धं भास्वंतमभितुष्टुवुः

jagadākulamatyarthaṁ tadā'sīdvaravarṇini| trailokye sakale devi bhramamāṇe maharṣaryaḥ| devāśca brahmaṇā sārddhaṁ bhāsvaṁtamabhituṣṭuvuḥ

O fair-colored one, the whole world then became exceedingly disturbed. O Goddess, as the entire triple world reeled, the great sages and the gods, together with Brahmā, praised the shining Sun.

Verse 149 (skanda.7.11.149)

देवा ऊचुः। आदिदेवोऽसि देवानां जातमेतत्स्वयं तव। सर्गस्थित्यंतकालेषु त्रिधा भेदेन तिष्ठसि

devā ūcuḥ| ādidevo'si devānāṁ jātametatsvayaṁ tava| sargasthityaṁtakāleṣu tridhā bhedena tiṣṭhasi

The gods said: You are the primal god of the gods; this entire creation has itself sprung from you. In the times of creation, preservation, and dissolution, you abide in threefold differentiation.

Verse 150 (skanda.7.11.150)

स्वस्ति तेऽस्तु जगन्नाथ घर्मवर्षहिमाकर। इंद्र आगम्य तं देवं लिख्यमानमथास्तवीत्। जय देव जगत्स्वामिञ्जय देव जगत्पते

svasti te'stu jagannātha gharmavarṣahimākara| iṁdra āgamya taṁ devaṁ likhyamānamathāstavīt| jaya deva jagatsvāmiñjaya deva jagatpate

Hail to you, O Lord of the universe, maker of heat, rain, and frost. Indra, coming near, praised that god as he was being pared down: Victory, O god, O lord of the world; victory, O god, O master of the world.

Verse 151 (skanda.7.11.151)

ऋषयश्च ततः सप्त वसिष्ठात्रिपुरोगमाः। तुष्टुवुर्विविधैः स्तोत्रैः स्वस्ति स्वस्तीति वादिनः। वेदोक्तिभिरथाग्र्याभिर्वालखिल्याश्च तुष्टुवुः

ṛṣayaśca tataḥ sapta vasiṣṭhātripurogamāḥ| tuṣṭuvurvividhaiḥ stotraiḥ svasti svastīti vādinaḥ| vedoktibhirathāgryābhirvālakhilyāśca tuṣṭuvuḥ

Then the seven sages, led by Vasiṣṭha and Atri, praised him with various hymns, chanting 'Hail, hail.' The Vālakhilya sages too praised him with the finest Vedic utterances.

Verse 152 (skanda.7.11.152)

वालखिल्या ऊचुः। नमस्त ऋक्स्वरूपाय सामरूपाय ते नमः। यजुःस्वरूपरूपाय साम्नां धामग ते नमः

vālakhilyā ūcuḥ| namasta ṛksvarūpāya sāmarūpāya te namaḥ| yajuḥsvarūparūpāya sāmnāṁ dhāmaga te namaḥ

The Vālakhilyas said: Salutation to you whose form is the Ṛk; salutation to you whose form is the Sāman. Salutation to you whose form is the Yajus, who moves within the abode of the Sāmans.

Verse 153 (skanda.7.11.153)

ज्ञानैकरूपदेहाय निर्धूततमसे नमः। शुद्धज्योतिःस्वरूपाय त्रिमूर्तायामलात्मने

jñānaikarūpadehāya nirdhūtatamase namaḥ| śuddhajyotiḥsvarūpāya trimūrtāyāmalātmane

Salutation to you whose body is the single form of knowledge, free of all darkness. Salutation to you of pure light, of threefold form, of stainless essence.

Verse 154 (skanda.7.11.154)

वरिष्ठाय वरेण्याय सर्वस्मै परमात्मने। नमोऽखिलजगद्व्यापिरूपायानंतमूर्त्तये

variṣṭhāya vareṇyāya sarvasmai paramātmane| namo'khilajagadvyāpirūpāyānaṁtamūrttaye

Salutation to the most excellent, the most worthy of choice, the supreme self who is all. Salutation to you whose form pervades the entire universe, of endless form.

Verse 155 (skanda.7.11.155)

सर्वकारणभूताय निष्ठाय ज्ञान चेतसाम्। नमः सूर्यस्वरूपाय प्रकाशालक्ष्यरूपिणे

sarvakāraṇabhūtāya niṣṭhāya jñāna cetasām| namaḥ sūryasvarūpāya prakāśālakṣyarūpiṇe

Salutation to you who are the source of all causes, the resting-place of those with minds of knowledge, whose form is the Sun, whose luminous form is beyond perception.

Verse 156 (skanda.7.11.156)

भास्कराय नमस्तुभ्यं तथा दिनकृते नमः। सर्वस्मै हेतवे चैव संध्याज्योत्स्नाकृते नमः

bhāskarāya namastubhyaṁ tathā dinakṛte namaḥ| sarvasmai hetave caiva saṁdhyājyotsnākṛte namaḥ

Salutation to you, O Bhāskara; salutation to the maker of the day. Salutation to the cause of all things, the maker of twilight's glow.

Verse 157 (skanda.7.11.157)

त्वं सर्वमेतद्भगवञ्जगच्च भ्रमता त्वया। भ्रमत्याविश्वमखिलं ब्रह्मांडं सचराचरम्। त्वदंशुभिरिदं सर्वं स्पृष्टं वै जायते शुचि

tvaṁ sarvametadbhagavañjagacca bhramatā tvayā| bhramatyāviśvamakhilaṁ brahmāṁḍaṁ sacarācaram| tvadaṁśubhiridaṁ sarvaṁ spṛṣṭaṁ vai jāyate śuci

O Lord, you are this entire world; by your movement this whole universe, this cosmic egg with its moving and unmoving beings, revolves. Touched by your rays, all of this becomes pure.

Verse 158 (skanda.7.11.158)

क्रियते त्वत्करस्पर्शैर्जलादीनां पवित्रता

kriyate tvatkarasparśairjalādīnāṁ pavitratā

By the touch of your rays alone is the purity of water and the rest brought about.

Verse 159 (skanda.7.11.159)

होमदानादिको धर्मो नोपकाराय जायते। तात यावन्न संयोगि जगदेतत्त्वदंशुभिः

homadānādiko dharmo nopakārāya jāyate| tāta yāvanna saṁyogi jagadetattvadaṁśubhiḥ

O father, until this world is joined with your rays, the practice of fire-oblation, charity, and the like does not become fruitful for anyone's benefit.

Verse 160 (skanda.7.11.160)

ऋचस्ते सकला ह्येतास्तथा यानि यजूंषि च। सकलानि च सामानि निपतंति त्वदंगतः

ṛcaste sakalā hyetāstathā yāni yajūṁṣi ca| sakalāni ca sāmāni nipataṁti tvadaṁgataḥ

All these hymns of the Ṛk, and all the Yajus verses, and all the Sāmans, fall forth from your very limbs.

Verse 161 (skanda.7.11.161)

ऋङ्मयस्त्वं जगन्नाथ त्वमेव च यजुर्मयः। यतः साममयश्चैव ततो नाथ त्रयीमयः

ṛṅmayastvaṁ jagannātha tvameva ca yajurmayaḥ| yataḥ sāmamayaścaiva tato nātha trayīmayaḥ

O Lord of the universe, you are made of the Ṛk, and you alone are made of the Yajus; since you are made of the Sāman as well, therefore, O Lord, you are made of the threefold Veda.

Verse 162 (skanda.7.11.162)

त्वमेव ब्रह्मणो रूपं परं चापरमेव च। मूर्त्तामूर्त्तं तथा सूक्ष्मं स्थूलं रूपेण संस्थितः

tvameva brahmaṇo rūpaṁ paraṁ cāparameva ca| mūrttāmūrttaṁ tathā sūkṣmaṁ sthūlaṁ rūpeṇa saṁsthitaḥ

You alone are the form of Brahman, both the higher and the lower. You abide in form as manifest and unmanifest, as subtle and gross.

Verse 163 (skanda.7.11.163)

निमेषकाष्ठादिमयः कालरूपक्षणात्मकः। प्रसीद स्वेच्छया रूपं स्वं तेजः शमनं कुरु। त्वं देव जगतां हेतोर्दुःखं सहसि दुःसहम्

nimeṣakāṣṭhādimayaḥ kālarūpakṣaṇātmakaḥ| prasīda svecchayā rūpaṁ svaṁ tejaḥ śamanaṁ kuru| tvaṁ deva jagatāṁ hetordukhaṁ sahasi duḥsaham

You are made of the measures of time — the instant, the moment, and the rest — you are time itself in the form of instants. Be gracious, and of your own will, calm your radiance. O god, for the sake of the worlds you endure unendurable suffering.

Verse 164 (skanda.7.11.164)

त्वं नाथ मोक्षिणां मोक्षो ध्येयस्त्वं ध्यायतां वरः। त्वं गतिः सर्वभूतानां कर्मकांडनिवर्तिनाम्

tvaṁ nātha mokṣiṇāṁ mokṣo dhyeyastvaṁ dhyāyatāṁ varaḥ| tvaṁ gatiḥ sarvabhūtānāṁ karmakāṁḍanivartinām

O Lord, you are liberation for those seeking liberation; you are the supreme object of meditation for those who meditate. You are the goal of all beings who turn away from ritual action.

Verse 165 (skanda.7.11.165)

शं प्रजाभ्योऽस्तु देवेश शन्नोऽस्तु जगतांपते

śaṁ prajābhyo'stu deveśa śanno'stu jagatāṁpate

O Lord of gods, may there be well-being for all creatures; O master of the world, may there be well-being for us.

Verse 166 (skanda.7.11.166)

त्वं धाता विसृजसि विश्वमेक एव त्वं पाता स्थितिकरणाय संप्रवृत्तः। त्वय्यंते लयमखिलं प्रयाति चैतत्त्वत्तोन्यो न हि तपनास्ति सर्वदाता

tvaṁ dhātā visṛjasi viśvameka eva tvaṁ pātā sthitikaraṇāya saṁpravṛttaḥ| tvayyaṁte layamakhilaṁ prayāti caitattvattonyo na hi tapanāsti sarvadātā

You are the creator, you alone bring forth this universe; you are the preserver, engaged in its maintenance. In you at the end all this attains dissolution; O Sun, there is no other giver of all things besides you.

Verse 167 (skanda.7.11.167)

त्वं ब्रह्मा हरिहरसंज्ञितस्त्वमिन्द्रो वित्तेशः पितृपितरंबुपः समीरः। सोमोऽग्निर्गगनमहाधरादिरूपः किं न त्वं सकलमनोरथप्रदाता

tvaṁ brahmā hariharasaṁjñitastvamindro vitteśaḥ pitṛpitaraṁbupaḥ samīraḥ| somo'gnirgaganamahādharādirūpaḥ kiṁ na tvaṁ sakalamanorathapradātā

You are Brahmā, you are called Hari and Hara, you are Indra, the lord of wealth, the ancestral lord, the lord of waters, the wind. You are the Moon, Fire, the sky, the great mountain, and other forms; are you not the giver of every desire?

Verse 168 (skanda.7.11.168)

यज्ञैस्त्वामनुदिनमात्मकर्म्मसक्ताः स्तुवन्तो विविधपदैर्द्विजा यजंति। ध्यायन्तः सविनयचेतसो भवन्तं योगस्थाः परमपदं प्रयांति मर्त्त्याः

yajñaistvāmanudinamātmakarmmasaktāḥ stuvanto vividhapadairdvijā yajaṁti| dhyāyantaḥ savinayacetaso bhavaṁtaṁ yogasthāḥ paramapadaṁ prayāṁti marttyāḥ

Devoted to their own duties, the twice-born worship you daily with sacrifices, praising you with various sacred words. Meditating upon you with humble minds, mortals established in yoga attain the supreme state.

Verse 169 (skanda.7.11.169)

तपसि पचसि विश्वं पासि भस्मीकरोषि प्रकटयसि मयूखैर्ह्लादयतस्यंशुगर्भैः। सृजसि कमलजन्मा पालयस्यच्युताख्यः क्षपयसि च युगांते रुद्ररूपस्त्वमेकः

tapasi pacasi viśvaṁ pāsi bhasmīkaroṣi prakaṭayasi mayūkhairhlādayatasyaṁśugarbhaiḥ| sṛjasi kamalajanmā pālayasyacyutākhyaḥ kṣapayasi ca yugāṁte rudrarūpastvamekaḥ

You scorch, you cook, you protect, you reduce the world to ashes, you illumine with your rays, and you also delight with the inner essence of your beams. As the lotus-born one you create, as Acyuta you preserve, and at the end of the age, alone in the form of Rudra, you destroy.

Verse 170 (skanda.7.11.170)

ईश्वर उवाच। लिखमानस्ततो भानुं विश्वकर्मा प्रजापतिः। उद्भूतपुलकः स्तोत्रमिदंचक्रे विवस्वतः

īśvara uvāca| likhamānastato bhānuṁ viśvakarmā prajāpatiḥ| udbhūtapulakaḥ stotramidaṁcakre vivasvataḥ

Īśvara said: Then, while paring down that Sun, Prajāpati Viśvakarman, his skin thrilling with rapture, composed this hymn to Vivasvat.

Verse 171 (skanda.7.11.171)

विवस्वते प्रणतजनानुकम्पिने महात्मने समजवसप्तसप्तये। सतेजसे कमलकुलालिबंधवे सदा तमःपटलपटावपाटिने

vivasvate praṇatajanānukampine mahātmane samajavasaptasaptaye| satejase kamalakulālibaṁdhave sadā tamaḥpaṭalapaṭāvapāṭine

To Vivasvat, compassionate to those who bow before him, the great soul with his seven equally-swift steeds, the radiant one, kinsman of the swarming bees of the lotus-clusters, who ever rends apart the veil of darkness.

Verse 172 (skanda.7.11.172)

पावनातिशयसर्वचक्षुषे नैककामविषयप्रदायिने। भासुरामलमयूखमालिने सर्वभूतहितकारिणे नमः

pāvanātiśayasarvacakṣuṣe naikakāmaviṣayapradāyine| bhāsurāmalamayūkhamāline sarvabhūtahitakāriṇe namaḥ

Salutation to you, exceedingly purifying, the eye of all, the bestower of many desired objects, garlanded with brilliant stainless rays, the benefactor of all beings.

Verse 173 (skanda.7.11.173)

अजाय लोकत्रयभावनाय भूतात्मने गोपतये वृषाय। नमो महाकारुणिकोत्तमाय सूर्याय वस्तुप्रभवालयाय

ajāya lokatrayabhāvanāya bhūtātmane gopataye vṛṣāya| namo mahākāruṇikottamāya sūryāya vastuprabhavālayāya

To the unborn one, the sustainer of the three worlds, the self of all beings, the lord of cattle, the embodiment of righteousness. Salutation to the Sun, foremost of the greatly compassionate, the abode from which all things spring.

Verse 174 (skanda.7.11.174)

विवस्वते ज्ञानभृतेऽन्तरात्मने जगत्प्रतिष्ठाय जगद्धितैषिणे। स्वयंभुवे निर्मललोकचक्षुषे सुरोत्तमायामिततेजसे नमः

vivasvate jñānabhṛte'ntarātmane jagatpratiṣṭhāya jagaddhitaiṣiṇe| svayaṁbhuve nirmalalokacakṣuṣe surottamāyāmitatejase namaḥ

To Vivasvat, bearer of knowledge, the inner self, the foundation of the world, wishing well for the world. Salutation to the self-existent one, the stainless eye of the world, foremost among the gods, of boundless splendor.

Verse 175 (skanda.7.11.175)

क्षणमुदयाचलभालितार्च्चिः सुरगणगीतिगरिष्ठगीतः। त्वमुत मयूखसहस्रवज्जगति विकासितपद्मनाभः

kṣaṇamudayācalabhālitārccciḥ suragaṇagītigariṣṭhagītaḥ| tvamuta mayūkhasahasravajjagati vikāsitapadmanābhaḥ

For a moment displaying your rays upon the mountain of sunrise, sung of in the loftiest of the hymns of the hosts of gods. You, of a thousand rays, are like the navel of the lotuses that bloom throughout the world.

Verse 176 (skanda.7.11.176)

तव तिमिरासवपानमदाद्भवति विलोहितविग्रहता। मिहिरविभासतया सुतरां त्रिभुवनभावनमात्रपरः

tava timirāsavapānamadādbhavati vilohitavigrahatā| mihiravibhāsatayā sutarāṁ tribhuvanabhāvanamātraparaḥ

As though from the intoxication of drinking the wine of darkness, a ruddy hue arises upon your form. O Mihira, through your radiance you are wholly devoted solely to the well-being of the three worlds.

Verse 177 (skanda.7.11.177)

रथमारुह्य समावयवं रुचिरविकलितदिव्यहयम्। सततमरिबले भगवंश्चरसि जगद्धितबद्धरसः

rathamāruhya samāvayavaṁ ruciravikalitadivyahayam| satatamaribale bhagavaṁścarasi jagaddhitabaddharasaḥ

Mounted upon a chariot of matching parts, drawn by lovely, unbroken celestial steeds, O Lord, you ever move even through the ranks of your foes, your very essence bound to the welfare of the world.

Verse 178 (skanda.7.11.178)

अमृतमयेन रसेन समं विबुधपितॄनपि तर्प्पयसे। अरिगणसूदन तेन तव प्रणतिमुपेत्य लिखामि वपुः

amṛtamayena rasena samaṁ vibudhapitṝnapi tarppayase| arigaṇasūdana tena tava praṇatimupetya likhāmi vapuḥ

With your nectar-like essence you equally satisfy both the gods and the ancestors. O destroyer of hosts of enemies, it is for this reason that, having bowed to you, I now pare down your form.

Verse 179 (skanda.7.11.179)

शुभसमवर्णमयं रचितं तव पदपांसुपवित्रतमम्। नतजनवत्सल मां प्रणतं त्रिभुवनपावन पाहि रवे

śubhasamavarṇamayaṁ racitaṁ tava padapāṁsupavitratamam| natajanavatsala māṁ praṇataṁ tribhuvanapāvana pāhi rave

This hymn, made most pure by the dust of your feet, composed of auspicious and even syllables — O you who are tender to those who bow, O purifier of the three worlds, O Ravi, protect me, who bow before you.

Verse 180 (skanda.7.11.180)

इति सकलजगत्प्रसूति भूतं त्रिभुवनभावनधामहेतुमेकम्। रविमखिलजगत्प्रदीपभूतं त्रिदशवरं प्रणतोऽस्मि देवदेवम्

iti sakalajagatprasūti bhūtaṁ tribhuvanabhāvanadhāmahetumekam| ravimakhilajagatpradīpabhūtaṁ tridaśavaraṁ praṇato'smi devadevam

Thus do I bow to Ravi, the source of the birth of the entire universe, the sole cause and abode of the three worlds, the very lamp of the whole world, foremost among the thirty gods, the God of gods.

Verse 181 (skanda.7.11.181)

ईश्वर उवाच। हाहाहूहश्च गन्धर्वो नारदस्तुंबरुस्तथा। उपगातुं समारब्धा गांधर्वकुशला रविम्

īśvara uvāca| hāhāhūhaśca gaṁdharvo nāradastuṁbarustathā| upagātuṁ samārabdhā gāṁdharvakuśalā ravim

Īśvara said: The gandharvas Hāhā and Hūhū, and Nārada, and Tumburu — skilled in the art of music, they began to sing before the Sun.

Verse 182 (skanda.7.11.182)

षड्जमध्यमगांधारग्रामत्रयविशारदाः। मूर्छनाभिश्च तानैश्च सुप्रयोगैः सुखप्रदम्

ṣaḍjamadhyamagāṁdhāragrāmatrayaviśāradāḥ| mūrchanābhiśca tānaiśca suprayogaiḥ sukhapradam

Skilled in the three musical scales — Ṣaḍja, Madhyama, and Gāndhāra — producing delightful melody through fine modulations of tone and pitch.

Verse 183 (skanda.7.11.183)

सप्तस्वरविनिर्वृत्तं यतित्रयविभूषितम्। सप्तधातुसमायुक्तं षड्जाति त्रिगुणाश्रयम्

saptasvaravinirvṛttaṁ yatitrayavibhūṣitam| saptadhātusamāyuktaṁ ṣaḍjāti triguṇāśrayam

Music formed of the seven notes, adorned with the three yatis, joined with the seven registers, resting on the Ṣaḍja scale and the three qualities.

Verse 184 (skanda.7.11.184)

चतुर्गीतसमायुक्तं चतुवर्णसमुत्थितम्। चतुर्वर्णप्रतीकारं सप्तालंकारभूषितम्

caturgītasamāyuktaṁ caturvarṇasamutthitam| caturvarṇapratīkāraṁ saptālaṁkārabhūṣitam

Combined with the four kinds of song, arising from the four registers, countering the four registers, adorned with the seven ornaments of melody.

Verse 185 (skanda.7.11.185)

त्रिस्थानशुद्धं त्रिलयं सम्यक्कालव्यवस्थितम्। चित्ते चित्ते च नृत्ये च रसेषु लयसंयुतम्

tristhānaśuddhaṁ trilayaṁ samyakkālavyavasthitam| citte citte ca nṛtye ca raseṣu layasaṁyutam

Pure in its three registers, of three tempos, properly established in time, joined in rhythm through every thought, every dance movement, and every aesthetic sentiment.

Verse 186 (skanda.7.11.186)

चतुर्विंशद्गुणैर्युक्तं जगुर्गीतं च गायनाः। विश्वार्ची च घृताची च उर्वश्यथ तिलोत्तमा

caturviṁśadguṇairyuktaṁ jagurgītaṁ ca gāyanāḥ| viśvārcī ca ghṛtācī ca urvaśyatha tilottamā

The singers sang songs endowed with twenty-four qualities. Viśvācī and Ghṛtācī, Urvaśī and Tilottamā—

Verse 187 (skanda.7.11.187)

मेनका सहजन्या च रंभा चाप्सरसां वरा। चतुर्विधपदं तालं त्रिप्रकारं लयत्रयम्

menakā sahajanyā ca raṁbhā cāpsarasāṁ varā| caturvidhapadaṁ tālaṁ triprakāraṁ layatrayam

Menakā and Sahajanyā, and Rambhā, foremost among the apsarases — with rhythmic patterns fourfold in their steps, threefold in kind, and threefold in tempo.

Verse 188 (skanda.7.11.188)

यतित्रयं तथाऽऽतोद्यं नाट्यं चैव चतुर्विधम्। ननृतुर्जगतामीशे लिख्यमाने विभावसौ

yatitrayaṁ tathā'todyaṁ nāṭyaṁ caiva caturvidham| nanṛturjagatāmīśe likhyamāne vibhāvasau

With the three yatis, with musical instruments, and with the fourfold dramatic arts, they danced while the lord of the worlds, Vibhāvasu, was being pared down.

Verse 189 (skanda.7.11.189)

भावान्भावविशारद्यः कुर्वन्त्यो विधिवद्बहून्। देवदुन्दुभयः शंखाः शतशोऽथ सहस्रशः

bhāvānbhāvaviśāradyaḥ kurvantyo vidhivadbahūn| devadundubhayaḥ śaṁkhāḥ śataśo'tha sahasraśaḥ

Skilled in expressing emotion, they duly displayed many moods. The divine kettledrums and conch-shells, by the hundreds and thousands—

Verse 190 (skanda.7.11.190)

अनाहता महादेवि नेदिरे घननिस्वनाः। गायद्भिश्चैव गंधर्वैर्नृत्यद्भिश्चाप्सरोगणैः

anāhatā mahādevi nedire ghananisvanāḥ| gāyadbhiścaiva gaṁdharvairnṛtyadbhiścāpsarogaṇaiḥ

O great Goddess, resounded of their own accord with a deep sound, along with the gandharvas who sang and the hosts of apsarases who danced.

Verse 191 (skanda.7.11.191)

अवाद्यंत ततस्तत्र वेणुवीणादिझर्झराः। पणवाः पुष्कराश्चैव मृदंगपटहानकाः

avādyaṁta tatastatra veṇuvīṇādijharjharāḥ| paṇavāḥ puṣkarāścaiva mṛdaṁgapaṭahānakāḥ

Then there resounded flutes, vīṇās, jharjhara drums, paṇava drums, puṣkara drums, mṛdaṅgas, paṭahas, and ānaka drums.

Verse 192 (skanda.7.11.192)

तूर्यवादित्रघोषैश्च सर्वं कोलाहलीकृतम्। ततः कृतांजलिपुटा भक्तिनम्रात्ममूर्त्तयः

tūryavāditraghoṣaiśca sarvaṁ kolāhalīkṛtam| tataḥ kṛtāṁjalipuṭā bhaktinamrātmamūrttayaḥ

With the blaring of trumpets and musical instruments, everything became filled with tumultuous sound. Then, with joined palms, their forms bowed low in devotion—

Verse 193 (skanda.7.11.193)

ततः कलकले तस्मिन्सर्वदेवसमागमे। संवत्सरं भ्रमस्थस्य विश्वकर्मा रवेस्ततः

tataḥ kalakale tasmintsarvadevasamāgame| saṁvatsaraṁ bhramasthasya viśvakarmā ravestataḥ

Then, amid that tumultuous gathering of all the gods, for a full year, as the Sun continued to spin—

Verse 194 (skanda.7.11.194)

तेजसः शातनं चक्रे स्तूयमानस्य दैवतैः। देवं चक्रे समारोप्य भ्रामयामास सूत्रभृत्

tejasaḥ śātanaṁ cakre stūyamānasya daivataiḥ| devaṁ cakre samāropya bhrāmayāmāsa sūtrabhṛt

Viśvakarman continued paring down the radiance of that Sun, as he was being praised by the gods. Setting the god upon his wheel, the master craftsman spun him around.

Verse 195 (skanda.7.11.195)

मृत्पिंडवत्कुलालस्य संस्पृशन्क्षुरधारया। पतंगस्य स्तवं कुर्वन्विश्वकर्मा दिवस्पतेः

mṛtpiṁḍavatkulālasya saṁspṛśankṣuradhārayā| pataṁgasya stavaṁ kurvanviśvakarmā divaspateḥ

Touching him with the edge of a razor, as a potter touches a lump of clay, all the while praising the Sun, lord of the day, Viśvakarman—

Verse 196 (skanda.7.11.196)

तेजसः षोडशं भागं मण्डलस्थमधारयत्। शातितं तस्य तत्तेजो यावत्पादौ वरानने

tejasaḥ ṣoḍaśaṁ bhāgaṁ maṇḍalasthamadhārayat| śātitaṁ tasya tattejo yāvatpādau varānane

retained a sixteenth part of his radiance in its orb-form. O fair-faced one, that radiance of his was pared away right down to his very feet.

Verse 197 (skanda.7.11.197)

यत्तस्य ऋङ्मयं तेजस्तत्प्रभासेऽपतत्प्रिये। यजुर्मयेन देवेशि भाविता द्यौर्महाप्रभोः

yattasya ṛṅmayaṁ tejastatprabhāse'patatpriye| yajurmayena deveśi bhāvitā dyaurmahāprabhoḥ

That portion of his radiance which was made of the Ṛk fell in Prabhāsa, O beloved. By the Yajus-made portion, O sovereign Goddess, the heaven of that great lord was fashioned.

Verse 198 (skanda.7.11.198)

स्वर्गं साममयेनापि भूर्भुवःस्वरितिस्थितम्। ततस्तैस्तेजसो भागैर्दशभिः पंचभिस्तथा

svargaṁ sāmamayenāpi bhūrbhuvaḥsvaritisthitam| tatastaistejaso bhāgairdaśabhiḥ paṁcabhistathā

By the Sāman-made portion, heaven too was established in the form of Bhūḥ, Bhuvaḥ, and Svaḥ. Then, from those portions of radiance, ten and five in number—

Verse 199 (skanda.7.11.199)

तेन वै निर्मितं चक्रं विष्णोः शूलं हरस्य च। महाप्रभं महाकायं शिबिका धनदस्य च

tena vai nirmitaṁ cakraṁ viṣṇoḥ śūlaṁ harasya ca| mahāprabhaṁ mahākāyaṁ śibikā dhanadasya ca

From these were fashioned Viṣṇu's discus and Hara's trident, of great radiance and great mass, and the palanquin of Dhanada (Kubera).

Verse 200 (skanda.7.11.200)

दण्डः प्रेतपतेः शक्तिर्देवसेनापतेस्तथा। अन्येषां च सुराणां च अस्त्राण्युक्तानि यानि वै

daṇḍaḥ pretapateḥ śaktirdevasenāpatestathā| anyeṣāṁ ca surāṇāṁ ca astrāṇyuktāni yāni vai

The rod of the lord of the dead (Yama), and the spear of the general of the gods' armies (Kārtikeya), and whatever weapons are declared for the other gods.

Verse 201 (skanda.7.11.201)

यक्षविद्याधराणां च तानि चक्रे स विश्वकृत्। ततः षोडशमं भागं बिभर्त्ति भगवान्रविः। तत्तेजो रविभागश्च खस्थो विचरति प्रिये

yakṣavidyādharāṇāṁ ca tāni cakre sa viśvakṛt| tataḥ ṣoḍaśamaṁ bhāgaṁ bibhartti bhagavānraviḥ| tattejo ravibhāgaśca khastho vicarati priye

Viśvakarman also fashioned the weapons of the Yakṣas and Vidyādharas. Then the blessed Sun retains a sixteenth part of his radiance. That portion of the Sun's radiance, O beloved, moves about, stationed in the sky.

Verse 202 (skanda.7.11.202)

इति शातिततेजाः स श्वशुरेणातिशोभनम्। वपुर्दधार मार्त्तंडः पुष्पबाणमनोरमम्

iti śātitatejāḥ sa śvaśureṇātiśobhanam| vapurdadhāra mārttaṁḍaḥ puṣpabāṇamanoramam

Thus, his radiance pared down by his father-in-law, Mārtaṇḍa assumed a most beautiful body, charming as the god of love with his flower-arrows.

Verse 203 (skanda.7.11.203)

ततः सुरूप धृग्भानुरुत्तरानगमत्कुरून्। ददृशे तत्र संज्ञां तु वडवारूपधारिणीम्

tataḥ surūpa dhṛgbhānuruttarānagamatkurūn| dadṛśe tatra saṁjñāṁ tu vaḍavārūpadhāriṇīm

Then Bhānu, bearing that lovely form, went to Uttara Kuru. There he beheld Saṁjñā, still in the form of a mare.

Verse 204 (skanda.7.11.204)

अपापां सर्वभूतानां तपसा नियमेन च। सा च दृष्ट्वा तमायांतं परपुंसो विशंकया। जगाम संमुखं तस्य अश्वरूपधरस्य च

apāpāṁ sarvabhūtānāṁ tapasā niyamena ca| sā ca dṛṣṭvā tamāyāṁtaṁ parapuṁso viśaṁkayā| jagāma saṁmukhaṁ tasya aśvarūpadharasya ca

she who, through austerity and observance, was without sin toward any being. Seeing him approach, and suspecting him as a strange man, she went toward that one who himself bore the form of a horse.

Verse 205 (skanda.7.11.205)

ततश्च नासिकायोगे तयोस्तत्र समेतयोः। नासत्यदस्रौ तनयावश्ववक्त्रौ विनिर्गतौ

tataśca nāsikāyoge tayostatra sametayoḥ| nāsatyadasrau tanayāvaśvavaktrau vinirgatau

Then, from the joining of their nostrils, as the two of them came together there, were born two horse-faced sons, Nāsatya and Dasra.

Verse 206 (skanda.7.11.206)

रेतसोन्ते च रेवन्तः खड्गी छत्री तनुत्रभृत्। पितुर्गृह्योत्तमं सोऽश्वं जातमात्रः पलायत

retasoṁte ca revaṁtaḥ khaḍgī chattrī tanutrabhṛt| piturgṛhyottamaṁ so'śvaṁ jātamātraḥ palāyata

And at the very end of that seed's flow, Revanta was born, sword-bearing, umbrella-bearing, armor-clad. No sooner born than he fled, taking his father's finest horse.

Verse 207 (skanda.7.11.207)

स तस्मिन्सकृदारूढस्तमश्वं नैव मुंचति। ततोर्केण समादिष्टौ दंडनायकपिंगलौ

sa tasminsakṛdārūḍhastamaśvaṁ naiva muṁcati| tatorkeṇa samādiṣṭau daṁḍanāyakapiṁgalau

Once having mounted that horse, he would not let it go. Then the Sun commanded Daṇḍanāyaka and Piṅgala.

Verse 208 (skanda.7.11.208)

अश्वं प्रत्यानयध्वं मे मा बलाच्छिद्रतोऽस्यतु। पार्श्वस्थौ तिष्ठतस्तस्य अश्वच्छिद्राभिकांक्षिणौ

aśvaṁ pratyānayadhvaṁ me mā balācchidrato'syatu| pārśvasthau tiṣṭhatastasya aśvacchidrābhikāṁkṣiṇau

Bring back my horse to me, but do not seize it by force through any breach. Those two stood at his sides, watching for any opening to seize the horse.

Verse 209 (skanda.7.11.209)

न च च्छिद्रं लभेते तौ तस्याद्यापि महात्मनः। अग्रे गच्छति रेवंते पृष्ठगौ दण्डपिंगलौ

na ca chidraṁ labhete tau tasyādyāpi mahātmanaḥ| agre gacchati revaṁte pṛṣṭhagau daṇḍapiṁgalau

But even to this day, those two have never found their opening against that great soul. Revanta goes on ahead, while Daṇḍa and Piṅgala follow behind him.

Verse 210 (skanda.7.11.210)

उत्तरेभ्यः कुरुभ्यस्तु निर्गतौ वेगवत्तरौ। दक्षिणं भारतं प्राप्तौ यत्र क्षेत्र प्रभासिकम्

uttarebhyaḥ kurubhyastu nirgatau vegavattarau| dakṣiṇaṁ bhārataṁ prāptau yatra kṣetra prābhāsikam

Setting out from Uttara Kuru, moving with tremendous speed, the two reached southern Bhārata, where the Prābhāsika field is.

Verse 211 (skanda.7.11.211)

अत्यर्थं वेगखिन्नौ तौ स च रेवंतकोऽपि हि। प्रस्विन्नगात्रः सोच्छ्वासो रेवंतस्तत्र संस्थितः

atyarthaṁ vegakhinnau tau sa ca revaṁtako'pi hi| prasvinnagātraḥ socchvāsaḥ revaṁtastatra saṁsthitaḥ

Both of them were utterly exhausted by the speed, and Revanta too was exhausted. His body drenched in sweat, panting, Revanta came to a halt there.

Verse 212 (skanda.7.11.212)

मुहूर्तेन समाक्रान्तं लक्षयोजनमंडलम्। उत्तराद्दक्षिणं देवि रेवतेन महात्मना

muhūrtena samākrāntaṁ lakṣayojanamaṁḍalam| uttarāddakṣiṇaṁ devi revatena mahātmanā

In a single muhūrta, O Goddess, the great-souled Revata had traversed a circuit of a hundred thousand yojanas, from north to south.

Verse 213 (skanda.7.11.213)

स्विन्नगात्रस्ततो देवि प्रभासे समवस्थितः। दण्डपिंगलकसंयुक्तो ह्यश्वारूढः स तिष्ठति

svinnagātrastato devi prabhāse samavasthitaḥ| daṇḍapiṁgalakasaṁyukto hyaśvārūḍhaḥ sa tiṣṭhati

With his body drenched in sweat, O Goddess, he came to rest in Prabhāsa. Together with Daṇḍa and Piṅgala, mounted upon his horse, he abides there still.

Verse 214 (skanda.7.11.214)

सावित्र्या नैर्ऋते भागे नातिदूरे व्यवस्थितः। राज्ञीपुत्रो यतो देवि राजा भट्टारकस्ततः

sāvitryā nairṛte bhāge nātidūre vyavasthitaḥ| rājñīputro yato devi rājā bhaṭṭārakastataḥ

Not far off, in the southwest quarter from Sāvitrī, he is established. O Goddess, since he is the queen's son, he is thus called King Bhaṭṭāraka.

Verse 215 (skanda.7.11.215)

लोके ख्यातिं समायाति राजभट्टारिकेति च। गुह्यभट्टारकत्वे च रेवंतो विनियोजितः

loke khyātiṁ samāyāti rājabhaṭṭāriketi ca| guhyabhaṭṭārakatve ca revaṁto viniyojitaḥ

In the world he became renowned also by the name Rājabhaṭṭārikā. And Revanta was also appointed to the office of the secret guardian deity, Guhyabhaṭṭāraka.

Verse 216 (skanda.7.11.216)

एवमभ्येत्याह ततो भगवाँल्लोकतापनः। त्वमप्यशेषलोकस्य पूज्यो वत्स भविष्यसि

evamabhyetyāha tato bhagavām̐llokatāpanaḥ| tvamapyaśeṣalokasya pūjyo vatsa bhaviṣyasi

Approaching thus, the blessed one who scorches the world (the Sun) said: You too, my child, shall become worthy of worship by the entire world.

Verse 217 (skanda.7.11.217)

अरण्ये च महादावे वैरिदस्युभयेषु च। त्वां स्मरिष्यंति ये मर्त्त्या मोक्ष्यन्ते ते महापदः

araṇye ca mahādāve vairidasyubhayeṣu ca| tvāṁ smariṣyaṁti ye marttyā mokṣyaṁte te mahāpadaḥ

In the forest, in a great conflagration, in fear of enemies or bandits — whatever mortals remember you shall be freed from great calamity.

Verse 218 (skanda.7.11.218)

क्षेममृद्धिं सुखं राज्यमारोग्यं कीर्तिमुन्नतिम्। नराणामतितुष्टस्त्वं पूजितः संप्रदास्यसि

kṣemamṛddhiṁ sukhaṁ rājyamārogyaṁ kīrtimunnatim| narāṇāmatituṣṭastvaṁ pūjitaḥ saṁpradāsyasi

To men, when worshipped and greatly pleased, you shall grant security, prosperity, happiness, sovereignty, health, fame, and advancement.

Verse 219 (skanda.7.11.219)

अश्विनौ देवभिषजौ कृतौ पित्रा महात्मना। धर्मदृष्टिर्यमश्चासौ समो मित्रे तथाऽहिते

aśvinau devabhiṣajau kṛtau pitrā mahātmanā| dharmadṛṣṭiryamaścāsau samo mitre tathā'hite

The great-souled father made the two Aśvins the physicians of the gods. And that Yama, of righteous vision, is impartial toward friend and foe alike.

Verse 220 (skanda.7.11.220)

ततो नियोगं तं चास्य चकार तिमिरापहः। यमुनां च नदीं चक्रे कलिन्दान्तरवाहिनीम्

tato niyogaṁ taṁ cāsya cakāra timirāpahaḥ| yamunāṁ ca nadīṁ cakre kalindāntaravāhinīm

Then the dispeller of darkness assigned him that office. And he made the river Yamunā to flow forth from within Mount Kalinda.

Verse 221 (skanda.7.11.221)

छायासंज्ञासुतश्चापि सावर्णिस्तु महायशाः। भाव्यः सोनागते काले मनुः सावर्णिकोष्टमः

chāyāsaṁjñāsutaścāpi sāvarṇistu mahāyaśāḥ| bhāvyaḥ sonāgate kāle manuḥ sāvarṇikoṣṭamaḥ

The greatly renowned Sāvarṇi, son of Chāyā-Saṁjñā, shall become, in the age yet to come, the eighth Manu, the Sāvarṇika.

Verse 222 (skanda.7.11.222)

मेरुपृष्ठे तपो घोरमद्यापि चरति प्रभुः। भ्राता शनैश्चरस्तस्य ग्रहोऽभूच्च प्रिये ध्रुवम्

merupṛṣṭhe tapo ghoramadyāpi carati prabhuḥ| bhrātā śanaiścarastasya graho'bhūcca priye dhruvam

That lord still today performs fierce austerity upon the summit of Meru. His brother Śanaiścara, O beloved, surely became a planet.

Verse 223 (skanda.7.11.223)

एवं तेभ्यो वरान्दत्त्वा रेवंतस्यापि भास्करः। पुनर्नाम निरुक्तं स रेवंतस्याकरोत्प्रमुः

evaṁ tebhyo varāndattvā revaṁtasyāpi bhāskaraḥ| punarnāma niruktaṁ sa revaṁtasyākarotpramuḥ

Thus, having granted these boons to them, Bhāskara also gave, for Revanta, an etymological explanation of his name.

Verse 224 (skanda.7.11.224)

एवंगच्छत्यसौ यस्मात्संज्ञायाः शांतिदः सुतः। अश्वानामाधिपत्ये तु भानुना च नियोजितः

evaṁgacchatyasau yasmātsaṁjñāyāḥ śāṁtidaḥ sutaḥ| aśvānāmādhipatye tu bhānunā ca niyojitaḥ

Since he thus 'goes' (revat) in this manner, this peace-giving son of Saṁjñā was named Revanta, and was appointed by Bhānu to the lordship over horses.

Verse 225 (skanda.7.11.225)

क्षेमेण गच्छतेऽध्वानं यस्तु पूजयते पथि। सुखप्रसाद्यो मर्त्त्यानां सदा च वरवर्णिनि

kṣemeṇa gacchate'dhvānaṁ yastu pūjayate pathi| sukhaprasādyo marttyānāṁ sadā ca varavarṇini

Whoever worships him along the way travels the road in safety. O fair-colored one, he is ever easily pleased and brings happiness to mortals.