The Glory of Balatibaladaityaghni

Verse 1 (skanda.7.119.1)

ईश्वर उवाच। ततो गच्छेन्महादेवि महादेवीं महाप्रभाम्। बलातिबलदैत्यघ्नीं नाम्नेति प्रथितां क्षितौ॥

īśvara uvāca| tato gacchenmahādevi mahādevīṃ mahāprabhām| balātibaladaityaghnīṃ nāmneti prathitāṃ kṣitau||

Ishvara said: Thereafter, O great goddess, one should go to the great goddess of great splendour, renowned on earth by the name Balatibaladaityaghni, Slayer of the demons Bala and Atibala.

Verse 2 (skanda.7.119.2)

अनादिनिधनां देवीं तत्र क्षेत्रे व्यवस्थिताम्। कोटिभूतपरीवारां सर्वदैत्यनिबर्हिणीम्॥

anādinidhanāṃ devīṃ tatra kṣetre vyavasthitām| koṭibhūtaparīvārāṃ sarvadaityanibarhiṇīm||

to the goddess without beginning or end, established there in that sacred field, surrounded by a retinue of crores of spirit-attendants, the destroyer of all demons.

Verse 3 (skanda.7.119.3)

देव्युवाच। बलातिबलदैत्यघ्नी कथमुक्ता त्वया प्रभो। बलातिबलनामानौ कथं दैत्यौ निपातितौ॥

devyuvāca| balātibaladaityaghnī kathamuktā tvayā prabho| balātibalanāmānau kathaṃ daityau nipātitau||

Devi said: O Lord, why have you called her Balatibaladaityaghni? How were the two demons named Bala and Atibala brought down?

Verse 4 (skanda.7.119.4)

कुत्र तिष्ठति सा देवी किंप्रभावा महेश्वर। माहात्म्यमखिलं तस्याः सर्वं विस्तरतो वद॥

kutra tiṣṭhati sā devī kiṃprabhāvā maheśvara| māhātmyamakhilaṃ tasyāḥ sarvaṃ vistarato vada||

Where does that goddess dwell, and of what power is she, O Maheshvara? Tell me the whole of her glory, in full, at length.

Verse 5 (skanda.7.119.5)

ईश्वर उवाच। शृणु देवि प्रवक्ष्यामि कथां पापप्रणाशनीम्। यां श्रुत्वा मानवो भक्त्या मुच्यते सर्वपातकैः॥

īśvara uvāca| śṛṇu devi pravakṣyāmi kathāṃ pāpapraṇāśanīm| yāṃ śrutvā mānavo bhaktyā mucyate sarvapātakaiḥ||

Ishvara said: Listen, O goddess, I shall relate the tale that destroys sin, hearing which with devotion a man is freed from all sins.

Verse 6 (skanda.7.119.6)

आसीद्रक्तासुरोनाम महिषस्य सुतो बली। महाकायो महाबाहुर्हिरण्याक्ष इवापरः॥

āsīdraktāsuronāma mahiṣasya suto balī| mahākāyo mahābāhurhiraṇyākṣa ivāparaḥ||

There was a mighty demon named Raktasura, son of Mahisha, of huge body and mighty arms, like another Hiranyaksha.

Verse 7 (skanda.7.119.7)

बलातिबल नामानौ तस्य पुत्रौ बभूवतुः। तौ विजित्य सुरान्सर्वान्देवेन्द्राग्निपुरोगमान्॥

balātibala nāmānau tasya putrau babhūvatuḥ| tau vijitya surānsarvāndevendrāgnipurogamān||

To him were born two sons, named Bala and Atibala. Having conquered all the gods, headed by Indra and Agni,

Verse 8 (skanda.7.119.8)

त्रैलोक्येऽस्मिन्निरातंकौ चक्रतू राज्यमञ्जसा। तयोः सेना मुखे वीरास्त्रयस्त्रिंशत्प्रकीर्तिताः॥

trailokye'sminnirātaṃkau cakratū rājyamañjasā| tayoḥ senā mukhe vīrāstrayastriṃśatprakīrtitāḥ||

the two ruled unafraid over these three worlds with ease. At the head of their army were thirty-three heroes renowned—

Verse 9 (skanda.7.119.9)

रौद्रात्मानो महायोधाः सहस्राक्षौहिणीमुखाः। सिंहस्कन्धा महाकाया दुरात्मानो महाबलाः॥

raudrātmāno mahāyodhāḥ sahasrākṣauhiṇīmukhāḥ| siṃhaskandhā mahākāyā durātmāno mahābalāḥ||

fierce of nature, great warriors, commanders at the head of a thousand akshauhinis, lion-shouldered, huge of body, wicked of soul, mighty in strength—

Verse 10 (skanda.7.119.10)

धूम्राक्षो भीमदंष्ट्रश्च कालवश्यो महाहनुः। ब्रह्मघ्नो यज्ञकोपश्च स्त्रीघ्नः पापनिकेतनः॥

dhūmrākṣo bhīmadaṃṣṭraśca kālavaśyo mahāhanuḥ| brahmaghno yajñakopaśca strīghnaḥ pāpaniketanaḥ||

Dhumraksha, Bhimadamshtra, Kalavashya, Mahahanu, Brahmaghna, Yajnakopa, Strighna, and Papaniketana,

Verse 11 (skanda.7.119.11)

विद्युन्माली च बन्धूकः शंकुकर्णो विभावसुः। देवांतको विकर्मा च दुर्भिक्ष क्रूर एव च॥

vidyunmālī ca bandhūkaḥ śaṃkukarṇo vibhāvasuḥ| devāṃtako vikarmā ca durbhikṣa krūra eva ca||

Vidyunmali, Bandhuka, Shankukarna, Vibhavasu, Devantaka, Vikarma, Durbhiksha, and Krura,

Verse 12 (skanda.7.119.12)

हयग्रीवोऽश्वकर्णश्च केतुमान्वृषभो द्विजः। शरभः शलभो व्याघ्रो निकुंभो मणिको बकः॥

hayagrīvo'śvakarṇaśca ketumānvṛṣabho dvijaḥ| śarabhaḥ śalabho vyāghro nikuṃbho maṇiko bakaḥ||

Hayagriva, Ashvakarna, Ketuman, Vrishabha, Dvija, Sharabha, Shalabha, Vyaghra, Nikumbha, Manika, and Baka,

Verse 13 (skanda.7.119.13)

शूर्पको विक्षरो माली कालो दण्डककेरलः। एते दैत्या महाकायास्तयोः सेनाधिकारिणः॥

śūrpako vikṣaro mālī kālo daṇḍakakeralaḥ| ete daityā mahākāyāstayoḥ senādhikāriṇaḥ||

Shurpaka, Vikshara, Mali, Kala, and Dandakakerala—these huge-bodied demons were the commanders of their army.

Verse 14 (skanda.7.119.14)

एवं तैः पृथिवी व्याप्ता पञ्चाशत्कोटि विस्तरा। एवं ज्ञात्वा तदा देवा भयेनोद्विग्नमानसाः॥

evaṃ taiḥ pṛthivī vyāptā pañcāśatkoṭi vistarā| evaṃ jñātvā tadā devā bhayenodvignamānasāḥ||

Thus was the earth, fifty crore yojanas in extent, overrun by them. Knowing this, the gods, their minds then distressed with fear—

Verse 15 (skanda.7.119.15)

सर्वैर्देवर्षिभिः सार्धं जग्मुस्ते हिमवद्वनम्। स्तोत्रेणानेन तां देवीं तुष्टुवुः प्रयतास्तदा॥

sarvairdevarṣibhiḥ sārdhaṃ jagmuste himavadvanam| stotreṇānena tāṃ devīṃ tuṣṭuvuḥ prayatāstadā||

went, together with all the divine sages, to the forest of the Himalaya, and there, purified, praised that goddess with this hymn:

Verse 16 (skanda.7.119.16)

देवा ऊचुः। जयाक्षरे जयाऽनंते जयाऽव्यक्ते निरामये। जय देवि महामाये जय देवर्षिवंदिते॥

devā ūcuḥ| jayākṣare jayā'naṃte jayā'vyakte nirāmaye| jaya devi mahāmāye jaya devarṣivaṃdite||

The gods said: Victory to the Imperishable one! Victory to the Endless one! Victory to the Unmanifest, unafflicted one! Victory, O goddess Mahamaya! Victory, O you worshipped by gods and seers!

Verse 17 (skanda.7.119.17)

जय विश्वेश्वरे गंगे जय सर्वार्थसिद्धिदे। जय ब्रह्माणि कौमारि जय नारायणीश्वरि॥

jaya viśveśvare gaṃge jaya sarvārthasiddhide| jaya brahmāṇi kaumāri jaya nārāyaṇīśvari||

Victory, O Mistress of the universe, O Ganga! Victory, O bestower of the fulfilment of every aim! Victory, O Brahmani, O Kaumari! Victory, O Narayani, O Ishvari!

Verse 18 (skanda.7.119.18)

जय ब्रह्माणि चामुंडे जयेन्द्राणि महेश्वरि। जय मातर्महालक्ष्मि जय पार्वति सर्वगे॥

jaya brahmāṇi cāmuṃḍe jayendrāṇi maheśvari| jaya mātarmahālakṣmi jaya pārvati sarvage||

Victory, O Brahmani, O Chamunda! Victory, O Indrani, O Maheshvari! Victory, O Mother Mahalakshmi! Victory, O all-pervading Parvati!

Verse 19 (skanda.7.119.19)

जय देवि जगत्सृष्टे जयैरावति भारति। जयानंते जय जये जय देवि जलाविले॥

jaya devi jagatsṛṣṭe jayairāvati bhārati| jayānaṃte jaya jaye jaya devi jalāvile||

Victory, O goddess, creatrix of the world! Victory, O Airavati, O Bharati! Victory, O Endless one, victory, O Victorious one! Victory, O goddess who dwells amid the waters!

Verse 20 (skanda.7.119.20)

जयेशानि शिवे शर्वे जय नित्यं जयार्चिते। मोक्षदे जय सर्वज्ञे जय धर्मार्थकामदे॥

jayeśāni śive śarve jaya nityaṃ jayārcite| mokṣade jaya sarvajñe jaya dharmārthakāmade||

Victory, O Ishani, O Shiva, O Sharva! Victory eternal, O you ever worshipped in victory! Victory, O bestower of liberation, O all-knowing one! Victory, O giver of dharma, artha, and kama!

Verse 21 (skanda.7.119.21)

जय गायत्रि कल्याणि जय सह्ये विभावरि। जय दुर्गे महाकालि शिव दूति जयाऽजये॥

jaya gāyatri kalyāṇi jaya sahye vibhāvari| jaya durge mahākāli śiva dūti jayā'jaye||

Victory, O Gayatri, O auspicious one! Victory, O Sahya, O Vibhavari! Victory, O Durga, O Mahakali! Victory, O Shivaduti, O Unconquered one!

Verse 22 (skanda.7.119.22)

जय चण्डे महामुण्डे जय नन्दे शिवप्रिये। जय क्षेमंकरि शिवे जय कल्याणि रेवति॥

jaya caṇḍe mahāmuṇḍe jaya nande śivapriye| jaya kṣemaṃkari śive jaya kalyāṇi revati||

Victory, O Chandi, O Mahamundi! Victory, O Nanda, beloved of Shiva! Victory, O bringer of welfare, O Shiva! Victory, O auspicious Revati!

Verse 23 (skanda.7.119.23)

जयोमे सिद्धिमांगल्ये हरसिद्धे नमोस्तु ते। जयापर्णे जयानन्दे महिषाऽसुरघातिनि॥

jayome siddhimāṃgalye harasiddhe namostu te| jayāparṇe jayānande mahiṣā'suraghātini||

Victory, O Uma, of accomplished auspiciousness! O Harasiddhi, salutation to you! Victory, O Aparna! Victory, O joyous one, slayer of the buffalo-demon Mahisha!

Verse 24 (skanda.7.119.24)

जय मेधे विशालाक्षि जयानंगे सरस्वति। जयाशेषगुणावासे जयावर्ते सुरान्तके॥

jaya medhe viśālākṣi jayānaṃge sarasvati| jayāśeṣaguṇāvāse jayāvarte surāntake||

Victory, O Medha, wide-eyed one! Victory, O bodiless one, O Sarasvati! Victory, O abode of all virtues! Victory, O whirlpool that brings the demons to their end!

Verse 25 (skanda.7.119.25)

जय संकल्पसंसिद्धे जय त्रैलोक्यसुंदरि। जय शुंभनिशुंभघ्ने जय पद्मेऽद्रिसंभवे॥

jaya saṃkalpasaṃsiddhe jaya trailokyasuṃdari| jaya śuṃbhaniśuṃbhaghne jaya padme'drisaṃbhave||

Victory, O you who fulfil every resolve! Victory, O beauty of the three worlds! Victory, O slayer of Shumbha and Nishumbha! Victory, O lotus one, mountain-born!

Verse 26 (skanda.7.119.26)

जय कौशिकि कौमारि जय वारुणि कामदे। नमोनमस्ते शर्वाणि भूयोभूयो जयाम्बिके॥

jaya kauśiki kaumāri jaya vāruṇi kāmade| namonamaste śarvāṇi bhūyobhūyo jayāmbike||

Victory, O Kaushiki, O Kaumari! Victory, O Varuni, granter of desires! Salutation, salutation to you, O Sharvani! Victory again and again, O Mother!

Verse 27 (skanda.7.119.27)

त्राहि नस्त्राहि नो देवि शरण्ये शरणागतान्॥

trāhi nastrāhi no devi śaraṇye śaraṇāgatān||

Save us, save us, O goddess, O refuge of those who have come seeking refuge!

Verse 28 (skanda.7.119.28)

सैवं स्तुता भगवती देवैः सर्वैर्वरानने। आत्मानं दर्शयामास भाभासितदिगन्तरम्॥

saivaṃ stutā bhagavatī devaiḥ sarvairvarānane| ātmānaṃ darśayāmāsa bhābhāsitadigantaram||

O fair-faced one, that blessed goddess, thus praised by all the gods, showed herself, her radiance illuminating the spaces between the directions.

Verse 29 (skanda.7.119.29)

नमस्कृत्य तु तामूचुः सुरास्ते भयनाशनीम्। बलातिबलनामानौ हत्वा दैत्यौ महाबलौ। तेषां चैव महत्सैन्यं पाह्यतो महतो भयात्॥

namaskṛtya tu tāmūcuḥ surāste bhayanāśanīm| balātibalanāmānau hatvā daityau mahābalau| teṣāṃ caiva mahatsainyaṃ pāhyato mahato bhayāt||

The gods, having bowed to her, the dispeller of fear, said: 'Having slain the two mighty demons named Bala and Atibala, together with their great army, protect us from this great terror.'

Verse 30 (skanda.7.119.30)

तेषां तद्वचनं श्रुत्वा दत्त्वा तेभ्योऽभयं ततः। बभूवाद्भुतरूपा सा त्रिनेत्रा चेन्दुशेखरा॥

teṣāṃ tadvacanaṃ śrutvā dattvā tebhyo'bhayaṃ tataḥ| babhūvādbhutarūpā sā trinetrā cenduśekharā||

Hearing their words, and having granted them freedom from fear, she then assumed a wondrous form, three-eyed, bearing the crescent moon upon her crest,

Verse 31 (skanda.7.119.31)

सिंहारूढा महादेवि नानाशस्त्रास्त्रधारिणी। सुवक्त्रा विंशतिभुजा स्फूर्जद्विद्युल्लतोपमा॥

siṃhārūḍhā mahādevi nānāśastrāstradhāriṇī| suvaktrā viṃśatibhujā sphūrjadvidyullatopamā||

mounted upon a lion, O great goddess, bearing many weapons and missiles, of beautiful countenance, with twenty arms, like a flashing streak of lightning.

Verse 32 (skanda.7.119.32)

ततों ऽबिका निनादोच्चैः साट्टहासं मुहुर्मुहुः॥

tatoṃ 'bikā ninādoccaiḥ sāṭṭahāsaṃ muhurmuhuḥ||

Then the Mother Ambika roared aloud, again and again, with a great peal of laughter.

Verse 33 (skanda.7.119.33)

तस्या नादेन घोरेण कृत्स्नमापूरितं नभः। प्रकंपिताखिला चोर्वी सरिद्वारिधिमेखला॥

tasyā nādena ghoreṇa kṛtsnamāpūritaṃ nabhaḥ| prakaṃpitākhilā corvī saridvāridhimekhalā||

By her terrible roar the whole sky was filled, and the entire earth, girdled by rivers and oceans, trembled.

Verse 34 (skanda.7.119.34)

शैलतुंगस्तनी रम्या प्रमदेव भयातुरा। तेऽपि तत्रासुराः प्राप्ताश्चतुरंगबलान्विताः॥

śailatuṃgastanī ramyā pramadeva bhayāturā| te'pi tatrāsurāḥ prāptāścaturaṃgabalānvitāḥ||

The lovely earth, her mountains like towering breasts, trembled as though she were a young woman seized with fear. Those demons too arrived there, accompanied by their four-fold army,

Verse 35 (skanda.7.119.35)

सम्यग्विदितविक्रान्ताः कालान्तकयमोपमाः। रक्षो दानवदैत्याश्च पाताले येऽपि संस्थिताः॥

samyagviditavikrāntāḥ kālāntakayamopamāḥ| rakṣo dānavadaityāśca pātāle ye'pi saṃsthitāḥ||

their valour well known, like Kala, Antaka, and Yama; and the rakshasas, danavas, and daityas, even those who dwelt in the netherworld,

Verse 36 (skanda.7.119.36)

ते सर्व एव दैत्येन्द्राः कोटिशः समुपागताः। ततोऽभवन्महायुद्धं देव्यास्तत्रासुरैः सह॥

te sarva eva daityendrāḥ koṭiśaḥ samupāgatāḥ| tato'bhavanmahāyuddhaṃ devyāstatrāsuraiḥ saha||

all those lords of the demons came together there in their crores. Then a great battle arose there between the goddess and the demons.

Verse 37 (skanda.7.119.37)

बभूव सर्वब्रह्माण्डे ह्यकाण्डक्षयकारणम्। अक्षौहिणीसहस्राणि त्रयस्त्रिंशत्सुरेश्वरि॥

babhūva sarvabrahmāṇḍe hyakāṇḍakṣayakāraṇam| akṣauhiṇīsahasrāṇi trayastriṃśatsureśvari||

It became, throughout the whole universe, a cause of sudden, untimely destruction. O queen of the gods, thirty-three thousand akshauhinis—

Verse 38 (skanda.7.119.38)

एकविंशत्सहस्राणि शतान्यष्टौ च सप्ततिः। सानुगानां सयोधानां रथानां वातरंहसाम्॥

ekaviṃśatsahasrāṇi śatānyaṣṭau ca saptatiḥ| sānugānāṃ sayodhānāṃ rathānāṃ vātaraṃhasām||

and twenty-one thousand eight hundred and seventy more, of chariots swift as the wind, together with their followers and warriors—

Verse 39 (skanda.7.119.39)

हत्वा सा लीलया देवी निन्ये क्षयमनाकुला॥

hatvā sā līlayā devī ninye kṣayamanākulā||

—that goddess, unperturbed, slew them all in mere sport and led them to their destruction.

Verse 40 (skanda.7.119.40)

ततो देव्या हतानां च दानवानां महौजसाम्। गजवाजिरथानां च शरीरैरावृता मही॥

tato devyā hatānāṃ ca dānavānāṃ mahaujasām| gajavājirathānāṃ ca śarīrairāvṛtā mahī||

Then the earth was covered with the bodies of the mighty danavas slain by the goddess, and of elephants, horses, and chariots.

Verse 41 (skanda.7.119.41)

कबंधनृत्यसंकुले स्रवद्वसास्थिकर्द्दमे। रणाजिरे निशाचरास्ततो विचेरुरूर्जिताः॥

kabaṃdhanṛtyasaṃkule sravadvasāsthikarddame| raṇājire niśācarāstato vicerurūrjitāḥ||

Upon that battlefield, thronged with dancing headless trunks and mired with flowing fat and marrow, mighty night-wanderers then roamed about;

Verse 42 (skanda.7.119.42)

शृगाल गृधवायसाः परं प्रपातमादधुः। क्वचित्परे निशाचराः प्रपीतशोणितोत्कटाः। प्रतर्प्य चात्मनः पितॄन्समर्चयंस्तथा ऋषीन्॥

śṛgāla gṛdhavāyasāḥ paraṃ prapātamādadhuḥ| kvacitpare niśācarāḥ prapītaśoṇitotkaṭāḥ| pratarpya cātmanaḥ pitṝnsamarcayaṃstathā ṛṣīn||

Jackals, vultures, and crows gave themselves over to great delight; and elsewhere other night-wanderers, grown wild from drinking blood, having satisfied their own ancestors with it, likewise worshipped the sages.

Verse 43 (skanda.7.119.43)

गजान्नरांस्तुरंगमान्बभक्षिरे सुनिर्घृणाः। रथोडुपैस्तथा परे तरंति शोणितार्णवम्॥

gajānnarāṃsturaṃgamānbabhakṣire sunirghṛṇāḥ| rathoḍupaistathā pare taraṃti śoṇitārṇavam||

Those merciless creatures devoured elephants, men, and horses; and elsewhere others crossed the ocean of blood using chariots as rafts.

Verse 44 (skanda.7.119.44)

इति प्रगाढसंगरे सुरारिसंघसंकुले। विराजतेऽम्बिका धनुः शराऽसिशूलधारिणी॥

iti pragāḍhasaṃgare surārisaṃghasaṃkule| virājate'mbikā dhanuḥ śarā'siśūladhāriṇī||

Thus, in that fierce battle thronged with the hosts of the enemies of the gods, Ambika shone forth, bearing bow, arrows, sword, and trident,

Verse 45 (skanda.7.119.45)

गजेन्द्रदर्पमर्द्दनी तुरंगयूथपोथिनी। सुरारिसैन्यनाशिनी इतस्ततः प्रपश्यती॥

gajendradarpamarddanī turaṃgayūthapothinī| surārisainyanāśinī itastataḥ prapaśyatī||

crushing the pride of lordly elephants, trampling herds of horses, destroying the army of the enemies of the gods, gazing about on every side.

Verse 46 (skanda.7.119.46)

सिंहाष्टकयुक्ते महा प्रेतके भूधरहंसशुभ्रोज्जलद्भास्वराभे वृषभसमाने मानिनीमथो ते दैत्येन्द्रवीराः पश्यंतः समुद्भूतरोषास्ततोऽपि जग्मुर्नदन्तो रवन्तो रवं मेघनादाः॥

siṃhāṣṭakayukte mahā pretake bhūdharahaṃsaśubhrojjaladbhāsvarābhe vṛṣabhasamāne māninīmatho te daityendravīrāḥ paśyaṃtaḥ samudbhūtaroṣāstato'pi jagmurnadanto ravanto ravaṃ meghanādāḥ||

Beholding that proud goddess—seated upon a great throne yoked with eight lions, blazing bright and radiant white like a mountain of swans, majestic as a bull—those demon-lord heroes, their fury surging up, rushed forward, roaring and bellowing with cries that thundered like storm-clouds.

Verse 47 (skanda.7.119.47)

हाहाकारं विकुर्वाणा हन्यमानास्ततोऽसुराः। केचित्समुद्रं विविशुरद्रीन्केचिच्च दानवाः॥

hāhākāraṃ vikurvāṇā hanyamānāstato'surāḥ| kecitsamudraṃ viviśuradrīnkecicca dānavāḥ||

Then, uttering cries of woe as they were being struck down, the asuras—some of the danavas entered the ocean, and some entered the mountains;

Verse 48 (skanda.7.119.48)

केचिल्लुञ्चितमूर्धानो जाल्मा भूत्वा वनेऽवसन्। दयाधर्मं ब्रुवाणाश्च निर्ग्रंथव्रतमास्थिताः॥

kecilluñcitamūrdhāno jālmā bhūtvā vane'vasan| dayādharmaṃ bruvāṇāśca nirgraṃthavratamāsthitāḥ||

some, with their heads shorn, became wretched and dwelt in the forest, and, proclaiming compassion and righteousness, adopted the vow of the unclothed ascetics.

Verse 49 (skanda.7.119.49)

केचित्प्राणपरा भीताः पाखण्डाश्रममास्थिताः। हेतुवादपरा मूढा निःशौचा निरपेक्षकाः॥

kecitprāṇaparā bhītāḥ pākhaṇḍāśramamāsthitāḥ| hetuvādaparā mūḍhā niḥśaucā nirapekṣakāḥ||

Some, terrified, caring only for their lives, took refuge in heretical hermitages—given to sophistry, deluded, unclean, and indifferent to all restraint.

Verse 50 (skanda.7.119.50)

ते चाद्यापीह दृश्यन्ते लोके क्षपणकाः किल। तथैव भिन्दकाश्चान्ये शिवशास्त्रबहिष्कृताः॥

te cādyāpīha dṛśyante loke kṣapaṇakāḥ kila| tathaiva bhindakāścānye śivaśāstrabahiṣkṛtāḥ||

They are indeed seen even today in this world as the Kshapanakas; and likewise others, as schismatic Bhindakas, cast out from the Shaiva scriptures.

Verse 51 (skanda.7.119.51)

केचित्कौलव्रता ह्यस्मिन्दृश्यन्ते सकलैर्जनैः। सुरास्त्रीमांसभूयिष्ठा विकर्मस्थाश्च लिङ्गिनः॥

kecitkaulavratā hyasmindṛśyante sakalairjanaiḥ| surāstrīmāṃsabhūyiṣṭhā vikarmasthāśca liṅginaḥ||

Some are seen in this world by all people as followers of Kaula vows—much given over to liquor, women, and meat, engaged in forbidden acts, though bearing the sectarian mark.

Verse 52 (skanda.7.119.52)

प्रायो नैष्कृतिकाः पापा जिह्वोपस्थपरायणा। एवं देव्या हताः सर्वे बलातिबलसंयुताः॥

prāyo naiṣkṛtikāḥ pāpā jihvopasthaparāyaṇā| evaṃ devyā hatāḥ sarve balātibalasaṃyutāḥ||

For the most part they are sinners beyond redemption, devoted only to the pleasures of the tongue and the flesh. Thus were all of them, together with Bala and Atibala, slain by the goddess.

Verse 53 (skanda.7.119.53)

प्रभासं क्षेत्रमासाद्य संस्थिता सा तदाम्बिका। योगिनीनां चतुःषष्ट्या संयुता पापनाशिनी। बलातिबलनाशीति प्रभासे प्रथिता क्षितौ॥

prabhāsaṃ kṣetramāsādya saṃsthitā sā tadāmbikā| yoginīnāṃ catuḥṣaṣṭyā saṃyutā pāpanāśinī| balātibalanāśīti prabhāse prathitā kṣitau||

Then that Mother, having come to the sacred field of Prabhasa, took up her abode there, attended by the sixty-four Yoginis, the destroyer of sin; she became renowned on earth at Prabhasa as Balatibalanashi, Destroyer of Bala and Atibala.

Verse 54 (skanda.7.119.54)

देव्युवाच। चतुःषष्टिस्त्वया प्रोक्ता योगिन्यो याः सुरेश्वर। तासां नामानि मे ब्रूहि सर्वपापहराणि च॥

devyuvāca| catuḥṣaṣṭistvayā proktā yoginyo yāḥ sureśvara| tāsāṃ nāmāni me brūhi sarvapāpaharāṇi ca||

Devi said: O lord of the gods, tell me the names of those sixty-four Yoginis of whom you have spoken, names that remove all sin.

Verse 55 (skanda.7.119.55)

ईश्वर उवाच। शृणु देवि प्रवक्ष्यामि योगिनीनां महोदयम्। सर्वरक्षाकरं दिव्यं महाभयविनाशनम्॥

īśvara uvāca| śṛṇu devi pravakṣyāmi yoginīnāṃ mahodayam| sarvarakṣākaraṃ divyaṃ mahābhayavināśanam||

Ishvara said: Listen, O goddess, I shall tell you the great glory of the Yoginis, divine, protector of all, destroyer of great fear.

Verse 56 (skanda.7.119.56)

आदौ तत्र महालक्ष्मीर्नंदा क्षेमंकरी तथा। शिवदूती महाभद्रा भ्रामरी चन्द्रमण्डला॥

ādau tatra mahālakṣmīrnaṃdā kṣemaṃkarī tathā| śivadūtī mahābhadrā bhrāmarī candramaṇḍalā||

First among them is Mahalakshmi, then Nanda, Kshemankari, Shivaduti, Mahabhadra, Bhramari, and Chandramandala,

Verse 57 (skanda.7.119.57)

रेवती हरसिद्धिश्च दुर्गा विषमलोचना। सहजा कुलजा कुब्जा मायावी शांभवी क्रिया॥

revatī harasiddhiśca durgā viṣamalocanā| sahajā kulajā kubjā māyāvī śāṃbhavī kriyā||

Revati, Harasiddhi, Durga, Vishamalochana, Sahaja, Kulaja, Kubja, Mayavi, Shambhavi, and Kriya,

Verse 58 (skanda.7.119.58)

आद्या सर्वगता शुद्धा भावगम्या मनोतिगा। विद्याविद्या महामाया सुषुम्ना सर्वमंगला॥

ādyā sarvagatā śuddhā bhāvagamyā manotigā| vidyāvidyā mahāmāyā suṣumnā sarvamaṃgalā||

Adya, Sarvagata, Shuddha, Bhavagamya, Manotiga, Vidyavidya, Mahamaya, Sushumna, and Sarvamangala,

Verse 59 (skanda.7.119.59)

ॐकारात्मा महादेवि वेदार्थजननी शिवा। पुराणान्वीक्षिकी दीक्षा चामुण्डा शंकरप्रिया॥

oṃkārātmā mahādevi vedārthajananī śivā| purāṇānvīkṣikī dīkṣā cāmuṇḍā śaṃkarapriyā||

O great goddess, Omkaratma, Vedarthajanani, Shiva, Puranvikshiki, Diksha, Chamunda, and Shankarapriya,

Verse 60 (skanda.7.119.60)

ब्राह्मी शांतिकरी गौरी ब्रह्मण्या ब्राह्मणप्रिया। भद्रा भगवती कृष्णा ग्रहनक्षत्रमालिनी॥

brāhmī śāṃtikarī gaurī brahmaṇyā brāhmaṇapriyā| bhadrā bhagavatī kṛṣṇā grahanakṣatramālinī||

Brahmi, Shantikari, Gauri, Brahmanya, Brahmanapriya, Bhadra, Bhagavati, Krishna, and Grahanakshatramalini,

Verse 61 (skanda.7.119.61)

त्रिपुरा त्वरिता नित्या सांख्या कुंडलिनी ध्रुवा। कल्याणी शोभना निरया निष्कला परमा कला॥

tripurā tvaritā nityā sāṃkhyā kuṃḍalinī dhruvā| kalyāṇī śobhanā nirayā niṣkalā paramā kalā||

Tripura, Tvarita, Nitya, Sankhya, Kundalini, Dhruva, Kalyani, Shobhana, Niraya, Nishkala, and Parama Kala,

Verse 62 (skanda.7.119.62)

योगिनी योगसद्भावा योगगम्या गुहाशया। कात्यायनी उमा शर्वा ह्यपर्णेति प्रकीर्तिता॥

yoginī yogasadbhāvā yogagamyā guhāśayā| kātyāyanī umā śarvā hyaparṇeti prakīrtitā||

Yogini, Yogasadbhava, Yogagamya, and Guhashaya, and she who is proclaimed as Katyayani, Uma, Sharva, and Aparna.

Verse 63 (skanda.7.119.63)

चतुःषष्टिर्महादेवि एवं ते परिकीर्तिताः। स्तोत्रेणानेन दिव्येन भक्त्या यः स्तौति चंडिकाम्॥

catuḥṣaṣṭirmahādevi evaṃ te parikīrtitāḥ| stotreṇānena divyena bhaktyā yaḥ stauti caṃḍikām||

O great goddess, thus have those sixty-four been proclaimed to you. Whoever, with devotion, praises Chandika through this divine hymn,

Verse 64 (skanda.7.119.64)

तं पुत्रमिव शर्वाणी सर्वापत्स्वभिरक्षति। चतुर्दश्यामथाष्टम्यां नवम्यां च विशेषतः॥

taṃ putramiva śarvāṇī sarvāpatsvabhirakṣati| caturdaśyāmathāṣṭamyāṃ navamyāṃ ca viśeṣataḥ||

him Sharvani protects, as though he were her own son, in every calamity—especially on the fourteenth, eighth, and ninth lunar days.

Verse 65 (skanda.7.119.65)

उपवासैकभक्तेन तथैवायाचितेन च। गृहीतनियमा देवि ये जपंति च चंडिकाम्॥

upavāsaikabhaktena tathaivāyācitena ca| gṛhītaniyamā devi ye japaṃti ca caṃḍikām||

O goddess, those who, having undertaken the vow, recite the name of Chandika—through fasting, through eating but once a day, and likewise through eating only unsolicited food—

Verse 66 (skanda.7.119.66)

वर्षार्धं वर्षमेकं वा सिद्धास्ते तत्त्वचारिणः। आश्वयुक्छुक्लपक्षे च मन्वादिष्वष्टकासु च॥

varṣārdhaṃ varṣamekaṃ vā siddhāste tattvacāriṇaḥ| āśvayukchuklapakṣe ca manvādiṣvaṣṭakāsu ca||

—those who walk the path of truth become accomplished within half a year or a full year; likewise in the bright fortnight of Ashvina, and on the Manvadi and Ashtaka days,

Verse 67 (skanda.7.119.67)

कृत्वा महोत्सवं देवीं यजेच्छ्रेयोऽभिवृद्धये। पादुके धारयेद्देव्या दुर्गाभक्तो हिरण्मये॥

kṛtvā mahotsavaṃ devīṃ yajecchreyo'bhivṛddhaye| pāduke dhārayeddevyā durgābhakto hiraṇmaye||

one should hold a great festival and worship the goddess for the increase of one's welfare; a devotee of Durga should wear the goddess's golden sandals,

Verse 68 (skanda.7.119.68)

प्रमादविघ्नशांत्यर्थं क्षुरिकां च सदा पुमान्। पशुमांसासवैश्चैवमासुरं भावमाश्रिताः॥

pramādavighnaśāṃtyarthaṃ kṣurikāṃ ca sadā pumān| paśumāṃsāsavaiścaivamāsuraṃ bhāvamāśritāḥ||

and a man should always wear a small knife, for the warding off of negligence and obstacles. Those who, resorting to a demonic disposition, worship with animal flesh and spirituous liquors—

Verse 69 (skanda.7.119.69)

ये यजन्त्यम्बिकां ते स्युर्दैत्या ऐश्वर्यभोगिनः। देवत्वं सात्त्विका यांति सात्त्विकीं भक्तिमास्थिताः॥

ye yajantyambikāṃ te syurdaityā aiśvaryabhoginaḥ| devatvaṃ sāttvikā yāṃti sāttvikīṃ bhaktimāsthitāḥ||

those who worship Ambika in that manner become, like the demons, mere enjoyers of worldly power; while those of sattvic nature, established in sattvic devotion, attain to godhood.

Verse 70 (skanda.7.119.70)

एतत्ते कथितं देवि माहात्म्यं पापनाशनम्। बलातिबलनाशिन्या देव्या सर्वार्थसाधकम्। प्रभासक्षेत्रसंस्थायाः संक्षेपात्कीर्तिवर्धनम्॥

etatte kathitaṃ devi māhātmyaṃ pāpanāśanam| balātibalanāśinyā devyā sarvārthasādhakam| prabhāsakṣetrasaṃsthāyāḥ saṃkṣepātkīrtivardhanam||

Thus, O goddess, has this sin-destroying glory been told to you—of the goddess who destroys Bala and Atibala, accomplishing every aim, the fame-increasing account, in brief, of her who abides in the sacred field of Prabhasa.