The Glory of Jamadagnyeshvara (Rameshvara)

Verse 1 (skanda.7.121.1)

ईश्वर उवाच। ततो गच्छेन्महादेवि रामेश्वरमनुत्तमम्। जामदग्न्येन रामेण स्वयं तत्र प्रतिष्ठितम्

īśvara uvāca| tato gacchenmahādevi rāmeśvaramanuttamam| jāmadagnyena rāmeṇa svayaṁ tatra pratiṣṭhitam

Ishvara said: Then, O great Goddess, one should go to the incomparable Rameshvara, where Rama, son of Jamadagni, himself established the linga.

Verse 2 (skanda.7.121.2)

गोपीश्वराच्च वायव्ये धनुषां त्रिंशकेऽन्तरे। स्थितं महाप्रभावं हि लिंगं पातकनाशनम्

gopīśvarācca vāyavye dhanuṣāṁ triṁśake'ntare| sthitaṁ mahāprabhāvaṁ hi liṁgaṁ pātakanāśanam

To the northwest of Gopishvara, thirty bow-lengths away, stands that linga of great power, the destroyer of sin.

Verse 3 (skanda.7.121.3)

यदा रामेण देवेशि जमदग्निसुतेन वै। कृतो मातृवधो घोरः पितुराज्ञानुवर्तिना

yadā rāmeṇa deveśi jamadagnisutena vai| kṛto mātṛvadho ghoraḥ piturājñānuvartinā

O Goddess of gods, when Rama, son of Jamadagni, obeying his father's command, committed that terrible act of slaying his mother —

Verse 4 (skanda.7.121.4)

तदा मनसि संतापं कृत्वा निर्वेदमागतः। ततः प्रसन्नतां यातो जमदग्निर्महातपाः

tadā manasi saṁtāpaṁ kṛtvā nirvedamāgataḥ| tataḥ prasannatāṁ yāto jamadagnirmahātapāḥ

then grief arose in his heart and he came to renunciation; thereafter the great ascetic Jamadagni became pleased with him.

Verse 5 (skanda.7.121.5)

ददौ वरं ततस्तुष्टो रेणुकायाश्च जीवितम्। एवं यद्यपि सा तत्र जीविता वरवर्णिनी

dadau varaṁ tatastuṣṭo reṇukāyāśca jīvitam| evaṁ yadyapi sā tatra jīvitā varavarṇinī

Being pleased, he granted him a boon and restored Renuka to life; thus, although that fair mother was revived there,

Verse 6 (skanda.7.121.6)

तथापि सघृणो देवि जामदग्न्यो महाप्रभः। प्रभासं क्षेत्रमासाद्य तपश्चक्रे ततोऽद्भुतम्

tathāpi saghṛṇo devi jāmadagnyo mahāprabhaḥ| prabhāsaṁ kṣetramāsādya tapaścakre tato'dbhutam

still, O Goddess, the greatly radiant son of Jamadagni, filled with remorse, came to the field of Prabhasa and performed there a wondrous penance.

Verse 7 (skanda.7.121.7)

प्रतिष्ठाप्य महादेवं शंकरं लोकशंकरम्। दिव्यं वर्षशतं साग्रं ततस्तुष्टो महेश्वरः

pratiṣṭhāpya mahādevaṁ śaṁkaraṁ lokaśaṁkaram| divyaṁ varṣaśataṁ sāgraṁ tatastuṣṭo maheśvaraḥ

Having installed the great god Shankara, benefactor of all worlds, and performed austerities for a hundred divine years and more, he pleased Maheshvara.

Verse 8 (skanda.7.121.8)

ददौ तस्येप्सितं सर्वं स्वयं तत्रैव संस्थितः। ततः कृतार्थतां प्राप्तो जामदग्न्यो महाऋषिः

dadau tasyepsitaṁ sarvaṁ svayaṁ tatraiva saṁsthitaḥ| tataḥ kṛtārthatāṁ prāpto jāmadagnyo mahāṛṣiḥ

Maheshvara himself, abiding there, granted him all that he desired; then the great sage, son of Jamadagni, became fulfilled.

Verse 9 (skanda.7.121.9)

त्रिःसप्तकृत्वः पृथिवीं जित्वा हत्वा च क्षत्रियान्। कृत्वा पंचनदं तत्र कुरुक्षेत्रे महामनाः

triḥsaptakṛtvaḥ pṛthivīṁ jitvā hatvā ca kṣatriyān| kṛtvā paṁcanadaṁ tatra kurukṣetre mahāmanāḥ

The great-souled one, having conquered the earth twenty-one times and slain the Kshatriyas, created the five blood-lakes at Kurukshetra,

Verse 10 (skanda.7.121.10)

रक्तैः संपूर्णतां नीत्वा क्षत्रियाणां वरानने। आनृण्यं समनुप्राप्तः पितॄणां यो महाबलः

raktaiḥ saṁpūrṇatāṁ nītvā kṣatriyāṇāṁ varānane| ānṛṇyaṁ samanuprāptaḥ pitṝṇāṁ yo mahābalaḥ

O fair-faced one, filling them with the blood of the Kshatriyas, the mighty one thereby discharged his debt to his ancestors.

Verse 11 (skanda.7.121.11)

एवं क्षत्त्रान्तकं कृत्वा दत्त्वा विप्रेषु मेदिनीम्। कृतार्थतामनुप्राप्तस्त्रैलोक्ये ख्यातपौरुषः

evaṁ kṣattrāntakaṁ kṛtvā dattvā vipreṣu medinīm| kṛtārthatāmanuprāptastrailokye khyātapauruṣaḥ

Thus having ended the Kshatriyas and given the earth away to the brahmins, he whose valor is renowned in the three worlds attained fulfillment.

Verse 12 (skanda.7.121.12)

तेन तत्स्थापितं लिंगं क्षेत्रे प्राभासिके शुभे। यस्तं पूजयते भक्त्या पापयुक्तोऽपि मानवः। स मुक्तः पातकैः सर्वैर्याति लोकमुमापतेः

tena tatsthāpitaṁ liṁgaṁ kṣetre prābhāsike śubhe| yastaṁ pūjayate bhaktyā pāpayukto'pi mānavaḥ| sa muktaḥ pātakaiḥ sarvairyāti lokamumāpateḥ

It was he who established this linga in the auspicious Prabhasa field; whatever man, even sin-laden, worships it with devotion, is freed from all sins and goes to the world of the Lord of Uma.

Verse 13 (skanda.7.121.13)

ज्येष्ठकृष्णचतुर्दश्यां जागृयात्तत्र यो नरः। सोऽश्वमेधफलं प्राप्य मोदते दिवि देववत्

jyeṣṭhakṛṣṇacaturdaśyāṁ jāgṛyāttatra yo naraḥ| so'śvamedhaphalaṁ prāpya modate divi devavat

Whatever man keeps vigil there on the fourteenth day of the dark fortnight of Jyeshtha obtains the fruit of the Ashvamedha sacrifice and rejoices in heaven like a god.