The Glory of Sagaraditya

Verse 1 (skanda.7.128.1)

ईश्वर उवाच। ततो गच्छेन्महादेवि सागरादित्यमुत्तमम्। भैरवेशात्पश्चिमतो रुद्रान्मृत्युञ्जयात्तथा

īśvara uvāca| tato gacchenmahādevi sāgarādityamuttamam| bhairaveśātpaścimato rudrānmṛtyuñjayāttathā

Ishvara said: Then, O great Goddess, one should go to the excellent Sagaraditya, situated to the west of Bhairavesha and likewise from Mrityunjaya Rudra.

Verse 2 (skanda.7.128.2)

कामेशाद्दक्षिणाग्नेये नातिदूरे व्यवस्थितम्। सर्वरोगप्रशमनं दारिद्र्यौघविघातकम्। प्रतिष्ठितं महादेवि सगरेण महात्मना

kāmeśāddakṣiṇāgneye nātidūre vyavasthitam| sarvarogapraśamanaṁ dāridryaughavighātakam| pratiṣṭhitaṁ mahādevi sagareṇa mahātmanā

Situated not far to the south-southeast of Kamesha, curing every disease and destroying the flood of poverty — that god, O great Goddess, was established by the great-souled King Sagara.

Verse 3 (skanda.7.128.3)

षष्टिपुत्रसहस्राणि यः प्रापारातिसूदनः। सूर्यं तत्र समाराध्य सगरः पृथिवीपतिः

ṣaṣṭiputrasahasrāṇi yaḥ prāpārātisūdanaḥ| sūryaṁ tatra samārādhya sagaraḥ pṛthivīpatiḥ

That slayer of foes, King Sagara, who obtained sixty thousand sons, worshipped the Sun there and became lord of the earth.

Verse 4 (skanda.7.128.4)

य एष सागरो देवि योजनायतविस्तरः। आयतोऽशीतिसाहस्रं योजनानां प्रकीर्तितः

ya eṣa sāgaro devi yojanāyatavistaraḥ| āyato'śītisāhasraṁ yojanānāṁ prakīrtitaḥ

O Goddess, this ocean, extending over so many yojanas, is proclaimed to stretch eighty thousand yojanas in length.

Verse 5 (skanda.7.128.5)

अस्मिन्मन्वन्तरे क्षिप्तः सागरैश्च चतुर्दिशम्। तस्येदं कीर्तितं देवि नाम सागरसंज्ञितम्

asminmanvantare kṣiptaḥ sāgaraiśca caturdiśam| tasyedaṁ kīrtitaṁ devi nāma sāgarasaṁjñitam

In this Manvantara it was dug out in all four directions by the sons of Sagara; hence, O Goddess, its name "Sagara" is proclaimed.

Verse 6 (skanda.7.128.6)

यस्याद्यापीह गायन्ति पुराणे प्रथितं यशः। तेनायं स्थापितो देवो भास्करो वारितस्करः

yasyādyāpīha gāyanti purāṇe prathitaṁ yaśaḥ| tenāyaṁ sthāpito devo bhāskaro vāritaskaraḥ

He whose fame is still sung today, spread abroad in the Purana — by him this god Bhaskara, who holds back the waters, was established.

Verse 7 (skanda.7.128.7)

तं दृष्ट्वा न जडो नान्धो न दरिद्रो न दुःखितः। न चैवेष्टवियोगी स्यान्न रोगी नैव पापकृत्

taṁ dṛṣṭvā na jaḍo nāndho na daridro na duḥkhitaḥ| na caiveṣṭaviyogī syānna rogī naiva pāpakṛt

Beholding him, one becomes neither dull-witted, nor blind, nor poor, nor sorrowful; nor is he separated from those he loves, nor afflicted by disease, nor a doer of sinful deeds.

Verse 8 (skanda.7.128.8)

माघे मासि महादेवि सिते पक्षे जितेन्द्रियः। षष्ठ्यामुपोषितो भूत्वा रात्रौ तस्याग्रतः स्वपेत्

māghe māsi mahādevi site pakṣe jitendriyaḥ| ṣaṣṭhyāmupoṣito bhūtvā rātrau tasyāgrataḥ svapet

O great Goddess, in the month of Magha, in the bright fortnight, on the sixth day, having fasted and mastered his senses, one should sleep that night before him.

Verse 9 (skanda.7.128.9)

विबुद्धस्त्वथ सप्तम्यां भक्त्या भानुं समर्चयेत्। ब्राह्मणान्भोजयेद्भक्त्या वित्तशाठ्यं विवर्जयेत्

vibuddhastvatha saptamyāṁ bhaktyā bhānuṁ samarcayet| brāhmaṇānbhojayedbhaktyā vittaśāṭhyaṁ vivarjayet

Then, waking on the seventh, one should worship the Sun with devotion, feed brahmins devotedly, and forsake miserliness with wealth.

Verse 10 (skanda.7.128.10)

सुतप्तेनेह तपसा यज्ञैर्वा बहुदक्षिणैः। तां गतिं न नरा यान्ति यां गताः सूर्यमाश्रिताः

sutaptenehatapasā yajñairvā bahudakṣiṇaiḥ| tāṁ gatiṁ na narā yānti yāṁ gatāḥ sūryamāśritāḥ

Men do not attain, even through severe austerity in this world or through sacrifices with abundant gifts, that state which those who take refuge in the Sun attain.

Verse 11 (skanda.7.128.11)

भक्त्या तु पुरुषैः पूजा कृता दूर्वांकुरैरपि। भानुर्ददाति हि फलं सर्वयज्ञैः सुदुर्लभम्

bhaktyā tu puruṣaiḥ pūjā kṛtā dūrvāṁkurairapi| bhānurdadāti hi phalaṁ sarvayajñaiḥ sudurlabham

Even worship performed by men with devotion using mere blades of durva grass — for that, the Sun bestows a fruit most difficult to obtain even through all manner of sacrifices.

Verse 12 (skanda.7.128.12)

तस्मात्सर्वप्रयत्नेन सूर्यमेवाभिपूजयेत्। जनकादयो यथा सिद्धिं गता भानुं प्रपूज्य च

tasmātsarvaprayatnena sūryamevābhipūjayet| janakādayo yathā siddhiṁ gatā bhānuṁ prapūjya ca

Therefore one should worship the Sun with every effort, just as Janaka and other kings, having worshipped the Sun, attained accomplishment.

Verse 13 (skanda.7.128.13)

सर्वात्मा सर्वलोकेशो देवदेवः प्रजापतिः। सूर्य एव त्रिलोकस्य मूलं परमदैवतम्

sarvātmā sarvalokeśo devadevaḥ prajāpatiḥ| sūrya eva trilokasya mūlaṁ paramadaivatam

He is the soul of all, lord of all worlds, god of gods, lord of creatures; the Sun alone is the root of the three worlds and the supreme deity.

Verse 14 (skanda.7.128.14)

वसन्ते कपिलः सूर्यो ग्रीष्मे काञ्चनसप्रभः। श्वेतवर्णश्च वर्षासु पांडुः शरदि भास्करः

vasante kapilaḥ sūryo grīṣme kāñcanasaprabhaḥ| śvetavarṇaśca varṣāsu pāṇḍuḥ śaradi bhāskaraḥ

In spring the Sun is tawny-hued; in summer he shines golden; in the rains he is white; in autumn Bhaskara is pale-yellow.

Verse 15 (skanda.7.128.15)

हेमन्ते ताम्रवर्णस्तु शिशिरे लोहितो रविः। एवं वर्णविशेषेण ध्यायेत्सूर्यं यथाक्रमम्

hemante tāmravarṇastu śiśire lohito raviḥ| evaṁ varṇaviśeṣeṇa dhyāyetsūryaṁ yathākramam

In early winter he is copper-colored, and in the cold season the Sun is red; thus one should meditate on the Sun according to these particular colors, in due order.

Verse 16 (skanda.7.128.16)

पूजयित्वा विधानेन यतात्मा संयतेन्द्रियः। पठेन्नामसहस्रं तु सर्वपातकनाशनम्

pūjayitvā vidhānena yatātmā saṁyatendriyaḥ| paṭhennāmasahasraṁ tu sarvapātakanāśanam

Having worshipped him duly, one of disciplined mind and controlled senses should recite the thousand names, which destroys every sin.

Verse 17 (skanda.7.128.17)

देव्युवाच। नाम्नां सहस्रं मे ब्रूहि प्रसादाञ्छंकर प्रभो। तुल्यं नामसहस्रस्य किमप्यन्यत्प्रकीर्तय

devyuvāca| nāmnāṁ sahasraṁ me brūhi prasādāñchaṁkara prabho| tulyaṁ nāmasahasrasya kimapyanyatprakīrtaya

The Goddess said: O lord Shankara, in your grace tell me that thousand names — or, if there is anything else equal in merit to the thousand names, declare that too.

Verse 18 (skanda.7.128.18)

ईश्वर उवाच। अलं नामसहस्रेण पठस्वैवं शुभं स्तवम्। यानि गुह्यानि नामानि पवित्राणि शुभानि च। तानि ते कीर्तयिष्यामि प्रयत्नादवधारय

īśvara uvāca| alaṁ nāmasahasreṇa paṭhasvaivaṁ śubhaṁ stavam| yāni guhyāni nāmāni pavitrāṇi śubhāni ca| tāni te kīrtayiṣyāmi prayatnādavadhāraya

Ishvara said: Enough of the thousand names — recite instead this auspicious hymn. I shall now proclaim to you those names that are secret, pure, and auspicious; attend to them with care.

Verse 19 (skanda.7.128.19)

विकर्तनो विवस्वांश्च मार्तण्डो भास्करो रविः। लोकप्रकाशकः श्रीमाँल्लोकचक्षुर्ग्रहेश्वरः

vikartano vivasvāṁśca mārtaṇḍo bhāskaro raviḥ| lokaprakāśakaḥ śrīmāṁllokacakṣurgraheśvaraḥ

Vikartana, Vivasvan, Martanda, Bhaskara, Ravi, illuminator of the worlds, the glorious one, the eye of the worlds, lord of the planets —

Verse 20 (skanda.7.128.20)

लोकसाक्षी त्रिलोकेशः कर्त्ता हर्त्ता तमिस्रहा। तपनस्तापनश्चैव शुचिः सप्ताश्ववाहनः

lokasākṣī trilokeśaḥ karttā harttā tamisrahā| tapanastāpanaścaiva śuciḥ saptāśvavāhanaḥ

witness of the worlds, lord of the three worlds, creator, destroyer, dispeller of darkness, the scorcher, the heater, the pure one, borne by seven horses —

Verse 21 (skanda.7.128.21)

गभस्तिहस्तो ब्रह्मा च सर्वदेवनमस्कृतः। एकविंशतिरित्येष स्तव इष्टो महात्मनः

gabhastihasto brahmā ca sarvadevanamaskṛtaḥ| ekaviṁśatirityeṣa stava iṣṭo mahātmanaḥ

he whose rays are as hands, who is Brahma himself, honored by all the gods — thus, in twenty-one names, is this hymn, dear to that great god.

Verse 22 (skanda.7.128.22)

शरीरारोग्यदश्चैव धनवृद्धियशस्करः। स्तवराज इति ख्यातस्त्रिषु लोकेषु विश्रुतः

śarīrārogyadaścaiva dhanavṛddhiyaśaskaraḥ| stavarāja iti khyātastriṣu lokeṣu viśrutaḥ

It grants bodily health, increases wealth, and confers fame; it is renowned throughout the three worlds as the "king of hymns."

Verse 23 (skanda.7.128.23)

यश्चानेन महादेवि द्वे संध्येऽस्तमनोदये। स्तौत्यर्कं प्रयतो भूत्वा सर्वपापैः प्रमुच्यते। सर्वकामसमृद्धात्मा सूर्यलोकं स गच्छति

yaścānena mahādevi dve saṁdhye'stamanodaye| stautyarkaṁ prayato bhūtvā sarvapāpaiḥ pramucyate| sarvakāmasamṛddhātmā sūryalokaṁ sa gacchati

O great Goddess, whoever, purified, praises the Sun with this hymn at the two twilights, sunset and sunrise, is freed from all sins and, rich in the fulfillment of every desire, goes to the world of the Sun.

Verse 24 (skanda.7.128.24)

इत्येवं कथितं देवि माहात्म्यं सागरार्कजम्। श्रुतं दुःखौघशमनं महापातकनाशनम्

ityevaṁ kathitaṁ devi māhātmyaṁ sāgarārkajam| śrutaṁ duḥkhaughaśamanaṁ mahāpātakanāśanam

Thus, O Goddess, has been told this glory of Sagaraditya — which, merely by being heard, calms the flood of sorrows and destroys the greatest of sins.