The Glory of Ugraseneshvara (Akshamaleshvara)

Verse 1 (skanda.7.129.1)

ईश्वर उवाच। ततो गच्छेन्महादेवि अक्षमालेश्वरं परम्। सागरार्कादीशकोणे पंचाशद्धनुषान्तरे

īśvara uvāca| tato gacchenmahādevi akṣamāleśvaraṁ param| sāgarārkādīśakoṇe paṁcāśaddhanuṣāntare

Ishvara said: Then, O great Goddess, one should go to the supreme Akshamaleshvara, situated fifty bow-lengths to the northeast of Sagaraditya.

Verse 2 (skanda.7.129.2)

संस्थितं पापशमनं युगलिंगं महाप्रभम्। अक्षमालेश्वरं नाम पुरा तस्य प्रकीर्तितम्। उग्रसेनेश्वरं नाम ख्यातं तस्यैव साम्प्रतम्

saṁsthitaṁ pāpaśamanaṁ yugaliṁgaṁ mahāprabham| akṣamāleśvaraṁ nāma purā tasya prakīrtitam| ugraseneśvaraṁ nāma khyātaṁ tasyaiva sāmpratam

There stands that sin-quelling twin linga of great power; in ancient times it was proclaimed by the name Akshamaleshvara, and now, at present, that very same linga is known by the name Ugraseneshvara.

Verse 3 (skanda.7.129.3)

देव्युवाच। अक्षमालेश्वरं नाम यत्पूर्वं समुदाहृतम्। कथं तदभवद्देव कथयस्व प्रसादतः

devyuvāca| akṣamāleśvaraṁ nāma yatpūrvaṁ samudāhṛtam| kathaṁ tadabhavaddeva kathayasva prasādataḥ

The Goddess said: O god, tell me in your grace how it came to be called by the name Akshamaleshvara, as was declared before.

Verse 4 (skanda.7.129.4)

ईश्वर उवाच। आसीत्पुरा महादेवि सती चाधमयोनिजा। अक्षमालेति वै नाम्ना सतीधर्मपरायणा

īśvara uvāca| āsītpurā mahādevi satī cādhamayonijā| akṣamāleti vai nāmnā satīdharmaparāyaṇā

Ishvara said: O great Goddess, long ago there lived a virtuous woman, born of a lowly womb, known by the name Akshamala, ever devoted to the duties of chastity.

Verse 5 (skanda.7.129.5)

कदाचित्समनुप्राप्ते दुर्भिक्षे कालपर्ययात्। ऋषयश्च महादेवि क्षुधाक्रान्ता विचेतसः

kadācitsamanuprāpte durbhikṣe kālaparyayāt| ṛṣayaśca mahādevi kṣudhākrāntā vicetasaḥ

At a certain time, through the turning of the age, a terrible famine came upon the land, and, O great Goddess, the sages, overcome with hunger, were driven nearly out of their senses.

Verse 6 (skanda.7.129.6)

सर्वे चान्नं परीप्संतो गताश्चण्डालवेश्मनि। ज्ञात्वान्नसंग्रहं तस्य प्रार्थयाञ्चक्रुरन्त्यजम्

sarve cānnaṁ parīpsanto gatāścaṇḍālaveśmani| jñātvānnasaṁgrahaṁ tasya prārthayāñcakrurantyajam

All of them, desiring food, went to the dwelling of an outcaste; learning that he had a store of grain, they beseeched that low-born man.

Verse 7 (skanda.7.129.7)

भोभोऽन्त्यज महाबुद्धे रक्षास्मानन्नदानतः। प्राणसंदेहमापन्नान्कृशांगान्क्षुत्प्रपीडितान्

bhobho'ntyaja mahābuddhe rakṣāsmānannadānataḥ| prāṇasaṁdehamāpannānkṛśāṁgānkṣutprapīḍitān

"O outcaste, O man of great wisdom, save us by the gift of food; we stand at the edge of death, our bodies emaciated and tormented by hunger."

Verse 8 (skanda.7.129.8)

अहो धन्योऽसि पूज्योऽसि न त्वमन्त्यज उच्यसे। यदस्मिन्प्रलये याते स्थितं धान्यं गृहे तव

aho dhanyo'si pūjyo'si na tvamantyaja ucyase| yadasminpralaye yāte sthitaṁ dhānyaṁ gṛhe tava

"Ah, blessed are you, worthy of honor are you — you should not be called an outcaste, for even in this catastrophic famine, grain remains stored in your house."

Verse 9 (skanda.7.129.9)

अनावृष्टिहते देशे सस्ये च प्रलयं गते। एकं यो भोजयेद्विप्रं कोटिर्भवति भोजिता

anāvṛṣṭihate deśe sasye ca pralayaṁ gate| ekaṁ yo bhojayedvipraṁ koṭirbhavati bhojitā

"When the land is stricken by drought and the crops have perished, whoever feeds even a single brahmin is as one who has fed a hundred million."

Verse 10 (skanda.7.129.10)

अन्त्यज उवाच। अहो आश्चर्यमतुलं यदेतद्दृश्यतेऽधुना। यदेतन्मद्गृहं प्राप्ता ऋषयश्चान्नकांक्षिणः

antyaja uvāca| aho āścaryamatulaṁ yadetaddṛśyate'dhunā| yadetanmadgṛhaṁ prāptā ṛṣayaścānnakāṁkṣiṇaḥ

The outcaste said: "Ah, what incomparable wonder is this that I now behold — that sages themselves, desiring food, have come to my house!"

Verse 11 (skanda.7.129.11)

शूद्रान्नमपि नादेयं ब्राह्मणैः किमुतान्त्यजात्

śūdrānnamapi nādeyaṁ brāhmaṇaiḥ kimutāntyajāt

"Even the food of a Shudra is held unfit for brahmins to accept — how much more so the food of an outcaste!"

Verse 12 (skanda.7.129.12)

आमं वा यदि वा पक्वं शूद्रान्नं यस्तु भक्षति। स भवेच्छूकरो ग्राम्यस्तस्य वा जायते कुले

āmaṁ vā yadi vā pakvaṁ śūdrānnaṁ yastu bhakṣati| sa bhavecchūkaro grāmyastasya vā jāyate kule

"Whoever eats a Shudra's food, whether raw or cooked, becomes a village swine, or is born again into that very family."

Verse 13 (skanda.7.129.13)

अमृतं बाह्मणस्यान्नं क्षत्रियान्नं पयः स्मृतम्। वैश्यान्नमन्नमित्याहुः शूद्रान्नं रुधिरं स्मृतम्

amṛtaṁ brāhmaṇasyānnaṁ kṣatriyānnaṁ payaḥ smṛtam| vaiśyānnamannamityāhuḥ śūdrānnaṁ rudhiraṁ smṛtam

"The food of a brahmin is deemed nectar; the food of a Kshatriya is likened to milk; the food of a Vaishya is called mere food; the food of a Shudra is deemed blood."

Verse 14 (skanda.7.129.14)

शूद्रान्नं शूद्रसंपर्कं शूद्रेण च सहासनम्। शूद्रादन्नागमश्चैव ज्वलंतमपि पातयेत्

śūdrānnaṁ śūdrasaṁparkaṁ śūdreṇa ca sahāsanam| śūdrādannāgamaścaiva jvalaṁtamapi pātayet

"A Shudra's food, association with a Shudra, sitting on the same seat with a Shudra, and receiving food from a Shudra — all these can bring down even one who blazes with spiritual fire."

Verse 15 (skanda.7.129.15)

अग्निहोत्री तु यो विप्रः शूद्रान्नान्न निवर्तते। एते तस्य प्रणश्यंति आत्मा ब्रह्म त्रयोऽग्नयः

agnihotrī tu yo vipraḥ śūdrānnānna nivartate| ete tasya praṇaśyaṁti ātmā brahma trayo'gnayaḥ

"Whatever brahmin, though a keeper of the sacred fire, does not abstain from a Shudra's food — for him all these perish: his self, his brahminical radiance, and the three sacred fires."

Verse 16 (skanda.7.129.16)

शूद्रान्नेनोदरस्थेन ब्राह्मणो म्रियते यदि। षण्मासाभ्यन्तरे विप्रः पिशाचः सोऽभिजायते

śūdrānnenodarasthena brāhmaṇo mriyate yadi| ṣaṇmāsābhyantare vipraḥ piśācaḥ so'bhijāyate

"If a brahmin dies while a Shudra's food still lies in his stomach, that brahmin is reborn within six months as a ghoul."

Verse 17 (skanda.7.129.17)

शूद्रान्नेन द्विजो यस्तु अग्निहोत्रं जुहोति च। चण्डालो जायते प्रेत्य शूद्राच्चैवेह दैवतः

śūdrānnena dvijo yastu agnihotraṁ juhoti ca| caṇḍālo jāyate pretya śūdrāccaiveha daivataḥ

"Whatever twice-born offers the fire sacrifice using a Shudra's food is reborn after death as a Chandala, even though in this life he was accounted godlike, above even the Shudra."

Verse 18 (skanda.7.129.18)

यस्तु भुञ्जति शूद्रान्नं मासमेकं निरन्तरम्। इह जन्मनि शूद्रत्वं मृतः शूद्रोऽभिजायते

yastu bhuñjati śūdrānnaṁ māsamekaṁ nirantaram| iha janmani śūdratvaṁ mṛtaḥ śūdro'bhijāyate

"Whoever eats a Shudra's food continuously for a month attains the condition of a Shudra in this very life, and upon death is reborn a Shudra."

Verse 19 (skanda.7.129.19)

राजान्नं तेज आदत्ते शूद्रान्नं ब्रह्मवर्चसम्। आयुः सुवर्णकारान्नं यशश्चर्मावकर्तिनः

rājānnaṁ teja ādatte śūdrānnaṁ brahmavarcasam| āyuḥ suvarṇakārānnaṁ yaśaścarmāvakartinaḥ

"The food of a king takes away vigor; the food of a Shudra takes away brahminical radiance; the food of a goldsmith takes away lifespan; the food of a leather-worker takes away fame."

Verse 20 (skanda.7.129.20)

कारुकान्नं प्रजा हन्ति बलं निर्णेजकस्य च। गणान्नं गणिकान्नं च लोकेभ्यः परिकृन्तति

kārukānnaṁ prajā hanti balaṁ nirṇejakasya ca| gaṇānnaṁ gaṇikānnaṁ ca lokebhyaḥ parikṛntati

"The food of an artisan destroys offspring, and the food of a washerman destroys strength; food from a communal feast and the food of a courtesan cut a person off from the worlds hereafter."

Verse 21 (skanda.7.129.21)

पूयं चिकित्सकस्यान्नं पुंश्चल्याश्चान्नमिन्द्रियम्। विष्ठा वार्धुषिकस्यान्नं शस्त्रविक्रयिणो मलम्

pūyaṁ cikitsakasyānnaṁ puṁścalyāścānnamindriyam| viṣṭhā vārdhuṣikasyānnaṁ śastravikrayiṇo malam

"The food of a physician is like pus, the food of a harlot is like semen; the food of a usurer is like excrement, and the food of a weapons-seller is like filth."

Verse 22 (skanda.7.129.22)

सहस्रकृत्वस्त्वेतेषामन्ने यद्भक्षिते भवेत्। तदेकवारं भुक्तेन कन्याविक्रयिणो भवेत्

sahasrakṛtvastveteṣāmanne yadbhakṣite bhavet| tadekavāraṁ bhuktena kanyāvikrayiṇo bhavet

"Whatever sin arises from eating the food of all these a thousand times over, the same arises from eating just once the food of one who sells his own daughter."

Verse 23 (skanda.7.129.23)

सहस्रकृत्वस्तस्यैव भुक्तेऽन्ने यत्फलं भवेत्। तदन्त्यजानामन्नेन सकृद्भुक्तेन वै भवेत्

sahasrakṛtvastasyaiva bhukte'nne yatphalaṁ bhavet| tadantyajānāmannena sakṛdbhuktena vai bhavet

"Whatever consequence follows from eating that same person's food a thousand times, the very same follows from eating the food of outcastes even once."

Verse 24 (skanda.7.129.24)

तत्कथं मम विप्रेन्द्राश्चंडालस्याधमात्मनः। धर्ममेवं विजानन्तो नूनमन्नं जिहीर्षथ

tatkathaṁ mama viprendrāścaṁḍālasyādhamātmanaḥ| dharmamevaṁ vijānanto nūnamannaṁ jihīrṣatha

"How then, O foremost brahmins, knowing dharma thus, do you nonetheless wish to take the food of me, a lowly Chandala?"

Verse 25 (skanda.7.129.25)

ऋषय ऊचुः। जीवितात्ययमापन्नो योऽन्नमाद्रियते ततः। आकाश इव पंकेन न स पापेन लिप्यते

ṛṣaya ūcuḥ| jīvitātyayamāpanno yo'nnamādriyate tataḥ| ākāśa iva paṁkena na sa pāpena lipyate

The sages said: "One who, facing the loss of his very life, accepts food is not tainted by sin, just as the sky is not smeared by mud."

Verse 26 (skanda.7.129.26)

अजीगर्तः सुतं हंतुमुपसर्पन्बुभुक्षितः। न चालिप्यत पापेन क्षुत्प्रतीघातमाचरन्

ajīgartaḥ sutaṁ haṁtumupasarpanbubhukṣitaḥ| na cālipyata pāpena kṣutpratīghātamācaran

"Ajigarta, tormented by hunger, advanced to slay his own son, yet even in that act done to fend off starvation, he was not tainted by sin."

Verse 27 (skanda.7.129.27)

भारद्वाजः क्षुधार्तस्तु सपुत्रो विजने वने। बह्वीर्गा उपजग्राह बृहज्ज्योतिर्महामनाः

bhāradvājaḥ kṣudhārtastu saputro vijane vane| bahvīrgā upajagrāha bṛhajjyotirmahāmanāḥ

"Bharadvaja, tormented by hunger, along with his son, the great-souled Brihajjyoti, took many cows in a deserted forest."

Verse 28 (skanda.7.129.28)

क्षुधार्तो गीतमभ्यागाद्विश्वामित्रः श्वजाघनीम्। चण्डालहस्तादादाय धर्माधर्मविचक्षणः

kṣudhārto gītamabhyāgādviśvāmitraḥ śvajāghanīm| caṇḍālahastādādāya dharmādharmavicakṣaṇaḥ

"Vishvamitra, tormented by hunger, though versed in what is right and wrong, went and took a dog's haunch from the hand of an outcaste."

Verse 29 (skanda.7.129.29)

श्वमांसमिच्छन्नर्तौ तु धर्मान्न च्ययते स्म सः। प्राणानां परिरक्षार्थं वामदेवो न लिप्तवान्

śvamāṁsamicchannartau tu dharmānna cyayate sma saḥ| prāṇānāṁ parirakṣārthaṁ vāmadevo na liptavān

"Desiring the flesh of a dog though it was not the proper season for such need, he did not fall from dharma; and Vamadeva too, acting to preserve his life, was not tainted."

Verse 30 (skanda.7.129.30)

एवं ज्ञात्वा धर्मबुद्धे सांप्रतं मा विचारय। ददस्वान्नं ददस्वान्नमस्माकमिह याचताम्

evaṁ jñātvā dharmabuddhe sāṁprataṁ mā vicāraya| dadasvānnaṁ dadasvānnamasmākamiha yācatām

"Knowing this, O one of righteous mind, deliberate no further now; give us food, give us food — we who beg of you here."

Verse 31 (skanda.7.129.31)

चंडाल उवाच। यद्येवं भवतां कार्यमिदमंगीकृतं धुवम्। तदियं मत्सुता कन्या भवद्भिः परिगृह्यताम्

caṁḍāla uvāca| yadyevaṁ bhavatāṁ kāryamidamaṁgīkṛtaṁ dhuvam| tadiyaṁ matsutā kanyā bhavadbhiḥ parigṛhyatām

The outcaste said: "If this is indeed your settled resolve and you have thus accepted it, then let this daughter of mine be received by you."

Verse 32 (skanda.7.129.32)

भवतां योग्रणीर्ज्येष्ठः स चेमामुद्वहेद्ध्रुवम्। दास्ये वर्षाशनं पश्चादीप्सितं भवतां द्विजाः

bhavatāṁ yograṇīrjyeṣṭhaḥ sa cemāmudvaheddhruvam| dāsye varṣāśanaṁ paścādīpsitaṁ bhavatāṁ dvijāḥ

"Let whoever among you is foremost and eldest surely wed her; thereafter, O twice-born ones, I shall give you a year's worth of the food you desire."

Verse 33 (skanda.7.129.33)

ईश्वर उवाच। इत्युक्ता ऋषयो देवि लज्जयाऽऽनतकन्धराः। प्रत्यालोच्य यथान्यायं वसिष्ठं समनूद्वहन्

īśvara uvāca| ityuktā ṛṣayo devi lajjayā'ānatakandharāḥ| pratyālocya yathānyāyaṁ vasiṣṭhaṁ samanūdvahan

Ishvara said: O Goddess, hearing this, the sages, their heads bowed in shame, deliberated among themselves and, as was proper, had Vasishtha married to her.

Verse 34 (skanda.7.129.34)

वसिष्ठोऽपि समाख्याय आपद्धर्मं महामनाः। कालस्यानन्तरप्रेक्षी प्रोद्ववाहाऽन्त्यजाङ्गनाम्। अक्षमालेति वै नाम्नीं प्रसिद्धा भुवनत्रये

vasiṣṭho'pi samākhyāya āpaddharmaṁ mahāmanāḥ| kālasyānantaraprekṣī prodvavāhā'ntyajāṅganām| akṣamāleti vai nāmnīṁ prasiddhā bhuvanatraye

The great-souled Vasishtha too, having expounded the law proper to times of crisis, and foreseeing what the turning of the age required, married that outcaste woman, renowned in the three worlds by the name Akshamala.

Verse 35 (skanda.7.129.35)

यदा स्वकीयतेजोभिरर्कबिंबमरुन्धत। अरुंधती तदा जाता देवदानववंदिता

yadā svakīyatejobhirarkabiṁbamarundhata| aruṁdhatī tadā jātā devadānavavaṁditā

When by her own radiance she checked even the orb of the sun, she then became known as Arundhati — "she who restrains" — revered by both gods and demons.

Verse 36 (skanda.7.129.36)

यादृशेन तु भर्त्रा स्त्री संयुज्येत यथाविधि। सा तादृगेव भवति समुद्रेणेव निम्नगा

yādṛśena tu bhartrā strī saṁyujyeta yathāvidhi| sā tādṛgeva bhavati samudreṇeva nimnagā

Just as a woman duly joined to a husband becomes like him, so too does a river, merging with the ocean, become like the ocean itself.

Verse 37 (skanda.7.129.37)

अक्षमाला वसिष्ठेन संयुक्ताऽधमयोनिजा। शार्ङ्गीव मन्दपालेन जगाम ह्यर्हणीयताम्

akṣamālā vasiṣṭhena saṁyuktā'dhamayonijā| śārṅgīva mandapālena jagāma hyarhaṇīyatām

Akshamala too, though born of a lowly womb, upon being joined with Vasishtha, attained a state of veneration, just as the bird Shrangi attained veneration through her union with Mandapala.

Verse 38 (skanda.7.129.38)

एवं कालक्रमेणैव प्रभासं क्षेत्रमागताः। सप्तर्षयो महात्मानो ह्यरुंधत्या समन्विताः

evaṁ kālakrameṇaiva prabhāsaṁ kṣetramāgatāḥ| saptarṣayo mahātmāno hyaruṁdhatyā samanvitāḥ

Thus, in the course of time, the great-souled Seven Sages, accompanied by Arundhati, came to the sacred field of Prabhasa.

Verse 39 (skanda.7.129.39)

तीर्थानि प्रेषयामासुः सर्वसिद्धिप्रदानि ताम्

tīrthāni preṣayāmāsuḥ sarvasiddhipradāni tām

They sent her forth among those sacred fords granting every attainment.

Verse 40 (skanda.7.129.40)

एषामन्वेषमाणानां तव देवी ह्यरुंधती। अपश्यल्लिंगमेकं तु वृक्षजालांतरे स्थितम्

eṣāmanveṣamāṇānāṁ tava devī hyaruṁdhatī| apaśyalliṁgamekaṁ tu vṛkṣajālāṁtare sthitam

While they, O Goddess, were searching about, Arundhati beheld a single linga standing hidden amid a thicket of trees.

Verse 41 (skanda.7.129.41)

तं दृष्ट्वा देवदेवेशमेवं जातिस्मराऽभवत्। पूर्वस्मिञ्जन्मनि मया रजोभावांतरस्थया

taṁ dṛṣṭvā devadeveśamevaṁ jātismarā'bhavat| pūrvasmiñjanmani mayā rajobhāvāṁtarasthayā

Beholding that god of gods, she became one who remembered her past birth, and thought: "In a former birth, dwelling in a state governed by the quality of rajas —"

Verse 42 (skanda.7.129.42)

अज्ञानभावाद्देवेशो नूनं चात्रार्चितः शिवः। तस्मात्कर्मफलं प्राप्तमन्त्यजत्वं द्विजन्मना

ajñānabhāvāddeveśo nūnaṁ cātrārcitaḥ śivaḥ| tasmātkarmaphalaṁ prāptamantyajatvaṁ dvijanmanā

"— unknowingly worshipped this very god Shiva here; and as the fruit of that act, though born a twice-born, I came to be reborn as an outcaste."

Verse 43 (skanda.7.129.43)

कस्तेन सदृशो देवः शंभुना भुवनत्रये। राज्यं नियमिनामेवं यो रुष्टोऽपि प्रयच्छति

kastena sadṛśo devaḥ śambhunā bhuvanatraye| rājyaṁ niyamimāmevaṁ yo ruṣṭo'pi prayacchati

"What god in the three worlds is equal to Shambhu, who, even when displeased, grants sovereignty to those devoted to his discipline?"

Verse 44 (skanda.7.129.44)

इति संचिंत्य मनसा तत्रैव निरताऽभवत्। पूजयामास तल्लिंगं दिव्याब्दानां शतं प्रिये

iti saṁciṁtya manasā tatraiva niratā'bhavat| pūjayāmāsa talliṁgaṁ divyābdānāṁ śataṁ priye

Thinking thus in her mind, she became wholly devoted to that place; O beloved, she worshipped that linga for a hundred divine years.

Verse 45 (skanda.7.129.45)

एवं तस्य प्रभावेन दृश्यते गगनांतरे। अरुंधती सती ह्येषा दृष्टा दुष्कृतनाशिनी

evaṁ tasya prabhāvena dṛśyate gaganāṁtare| aruṁdhatī satī hyeṣā dṛṣṭā duṣkṛtanāśinī

Thus, by the power of that linga, this virtuous Arundhati is seen in the midst of the sky — she whose very sight destroys evil deeds.

Verse 46 (skanda.7.129.46)

अक्षमालेश्वरस्त्वेवं यथावत्कथितस्तव। ततस्तु द्वापरस्यान्ते कलौ संध्यांशके गते

akṣamāleśvarastvevaṁ yathāvatkathitastava| tatastu dvāparasyānte kalau saṁdhyāṁśake gate

Thus has the account of Akshamaleshvara been told to you as it truly occurred. Thereafter, at the end of Dvapara, when the twilight portion of Kali arrived —

Verse 47 (skanda.7.129.47)

अंधासुरसुतश्चासीदुग्रसेन इति श्रुतः। स प्रभासं समासाद्य पुत्रार्थं लिंगमेयिवान्

andhāsurasutaścāsīdugrasena iti śrutaḥ| sa prabhāsaṁ samāsādya putrārthaṁ liṁgameyivān

— there was a son of Andhasura known by the name Ugrasena; he went to Prabhasa and, for the sake of a son, came to that linga.

Verse 48 (skanda.7.129.48)

अक्षमालेश्वरं नाम ज्ञात्वा माहात्म्यमद्भुतम्। समाराध्य महादेवं नव वर्षाणि पंच च। संप्राप्तवांस्तदा पुत्रं कंसासुरमिति श्रुतम्

akṣamāleśvaraṁ nāma jñātvā māhātmyamadbhutam| samārādhya mahādevaṁ nava varṣāṇi paṁca ca| saṁprāptavāṁstadā putraṁ kaṁsāsuramiti śrutam

Learning of the wondrous glory of that linga named Akshamaleshvara, he worshipped Mahadeva for fourteen years; then he obtained a son known by the name of the demon Kamsa.

Verse 49 (skanda.7.129.49)

तत्कालान्तरमारभ्य उग्रसेनेश्वरोऽभवत्। पापघ्नं सर्वजंतूनां दर्शनात्स्पर्शनादपि

tatkālāntaramārabhya ugraseneśvaro'bhavat| pāpaghnaṁ sarvajaṁtūnāṁ darśanātsparśanādapi

From that time onward the linga came to be known as Ugraseneshvara; it destroys the sin of all living beings by mere sight or even by touch.

Verse 50 (skanda.7.129.50)

ब्रह्महत्या सुरापानं स्तेयं गुर्वंगनागमः। महान्ति पातकान्याहुर्नश्यंति तस्य दर्शनात्

brahmahatyā surāpānaṁ steyaṁ gurvaṁganāgamaḥ| mahānti pātakānyāhurnaśyaṁti tasya darśanāt

The killing of a brahmin, drinking liquor, theft, and violating the teacher's wife — these great sins spoken of are all destroyed by the mere sight of it.

Verse 51 (skanda.7.129.51)

तत्रैव ऋषिपञ्चम्यां प्राप्ते भाद्रपदे शुभे। अक्षमालेश्वरं पूज्य मुच्यते नारकाद्भयात्

tatraiva ṛṣipañcamyāṁ prāpte bhādrapade śubhe| akṣamāleśvaraṁ pūjya mucyate nārakādbhayāt

There itself, on the auspicious Rishi-panchami of the month of Bhadrapada, one who worships Akshamaleshvara is freed from the terror of hell.

Verse 52 (skanda.7.129.52)

गोप्रदानं प्रशंसंति तत्रान्नमुदकं तथा। सर्वपापविनाशाय प्रेत्यानंतसुखाय च

gopradānaṁ praśaṁsaṁti tatrānnamudakaṁ tathā| sarvapāpavināśāya pretyānaṁtasukhāya ca

There the gift of a cow, and likewise of food and water, are praised, as leading to the destruction of every sin and to endless happiness after death.

Verse 53 (skanda.7.129.53)

इति ते कथितं देवि ह्यक्षमालेश्वरोद्भवम्। माहात्म्यं पापशमनं श्रुतं दुःखनिबर्हणम्

iti te kathitaṁ devi hyakṣamāleśvarodbhavam| māhātmyaṁ pāpaśamanaṁ śrutaṁ duḥkhanibarhaṇam

O Goddess, thus has been told to you this sin-quelling glory of the origin of Akshamaleshvara, which, merely by being heard, removes sorrow.