The Glory of Durvasaditya

Verse 1 (skanda.7.236.1)

ततो गच्छेन्महादेवि दुर्वासादित्यमुत्तमम्। यत्र दुर्वाससा तप्तं तपो वर्षसहस्रकम्

tato gacchenmahādevi durvāsādityamuttamam| yatra durvāsasā taptaṁ tapo varṣasahasrakam

Then, O great Goddess, one should go to the supreme Durvasaditya, where Durvasa performed austerity for a thousand years.

Verse 2 (skanda.7.236.2)

निराहारो जिताहारः सूर्याराधनतत्परः। एवं कालेन महता दिव्यतेजा जनाधिपः

nirāhāro jitāhāraḥ sūryārādhanatatparaḥ| evaṁ kālena mahatā divyatejā janādhipaḥ

Fasting, having conquered the need for food, intent upon the worship of Surya—thus, after a great length of time, the divinely radiant lord of men [Surya],

Verse 3 (skanda.7.236.3)

प्रत्यक्षं दर्शनं गत्वा प्राह सूर्यो महामुनिम्

pratyakṣaṁ darśanaṁ gatvā prāha sūryo mahāmunim

—having appeared before him in visible form, Surya spoke to the great sage.

Verse 4 (skanda.7.236.4)

सूर्य उवाच। मा ब्रह्मन्साहसं कार्षीर्वरं वरय सुव्रत। अप्राप्यमपि दास्यामि यत्ते मनसि वर्तते

sūrya uvāca| mā brahmansāhasaṁ kārṣīrvaraṁ varaya suvrata| aprāpyamapi dāsyāmi yatte manasi vartate

Surya said: 'Do not persist in this rash austerity, O brahmin; choose a boon, O one of good vows. Even what is unattainable I shall give you—whatever is in your mind.'

Verse 5 (skanda.7.236.5)

दुर्वासा उवाच। प्रसन्नो यदि मे देव वरार्हो यदि चाऽप्यहम्। अत्र स्थाने त्वया स्थेयं यावत्तिष्ठति मेदिनी

durvāsā uvāca| prasanno yadi me deva varārho yadi cā'pyaham| atra sthāne tvayā stheyaṁ yāvattiṣṭhati medinī

Durvasa said: 'If you are pleased with me, O god, and if I am indeed worthy of a boon, then you should abide in this very place for as long as the earth endures.'

Verse 6 (skanda.7.236.6)

दुर्वासादित्यना माऽत्र लोके ख्यातिं च गच्छतु। मया प्रतिष्ठिता या तु प्रतिमा तव सुन्दरी

durvāsādityanā mā'tra loke khyātiṁ ca gacchatu| mayā pratiṣṭhitā yā tu pratimā tava sundarī

'May you attain renown here in the world under the name Durvasaditya; and the beautiful image of you that I have established—'

Verse 7 (skanda.7.236.7)

तस्यां सांनिध्यमेवास्तु तव देव जगत्पते। सांनिध्यं कुरुत चात्र यमुना दुहिता तव

tasyāṁ sāṁnidhyamevāstu tava deva jagatpate| sāṁnidhyaṁ kuruta cātra yamunā duhitā tava

'—in it, O god, lord of the world, may your abiding presence remain; and let your daughter Yamuna also take up her presence here.'

Verse 8 (skanda.7.236.8)

त्वत्सुतस्तु महातेजा धर्मराजो महाबलः

tvatsutastu mahātejā dharmarājo mahābalaḥ

'And let your greatly radiant, mighty son Dharmaraja also dwell here.'

Verse 9 (skanda.7.236.9)

सूर्य उवाच। एतत्सर्वं मुनिश्रेष्ठ त्वयोक्तं संभविष्यति। तीर्थानां कोटिरन्या च गंगादीनां महामुने

sūrya uvāca| etatsarvaṁ muniśreṣṭha tvayoktaṁ saṁbhaviṣyati| tīrthānāṁ koṭiranyā ca gaṁgādīnāṁ mahāmune

Surya said: 'O best of sages, all that you have spoken shall come to pass. And a crore of other tirthas, of the Ganga and the rest, O great sage—'

Verse 10 (skanda.7.236.10)

आगमिष्यति ते स्थानं निश्चितं वचनान्मम। अत्र स्थाने मया ब्रह्मन्स्थातव्यं सह दैवतैः

āgamiṣyati te sthānaṁ niścitaṁ vacanānmama| atra sthāne mayā brahmansthātavyaṁ saha daivataiḥ

'—shall by my word assuredly come to this place. In this place, O brahmin, I too shall abide, together with the gods.'

Verse 11 (skanda.7.236.11)

आदित्यानां प्रभावैस्तु ब्रह्मांडोदरवासिनाम्। तेषां माहात्म्यसंयुक्तः स्थास्ये चात्र महामुने

ādityānāṁ prabhāvaistu brahmāṁḍodaravāsinām| teṣāṁ māhātmyasaṁyuktaḥ sthāsye cātra mahāmune

'By the powers of the Adityas who dwell within the universe's womb, joined with their glory, I shall abide here too, O great sage.'

Verse 12 (skanda.7.236.12)

सवितॄणां सहस्रेण दृष्टेनैव तु यत्फलम्। तत्फलं कोटिगुणितं दुर्वासादित्यदर्शनात्

savitṝṇāṁ sahasreṇa dṛṣṭenaiva tu yatphalam| tatphalaṁ koṭiguṇitaṁ durvāsādityadarśanāt

'Whatever fruit is obtained merely by beholding a thousand suns, that same fruit, multiplied a crore-fold, is obtained from the sight of Durvasaditya.'

Verse 13 (skanda.7.236.13)

लप्स्यंते प्राणिनः सर्वे यज्ञकोटिफलं तथा। एवमुक्त्वा तदा सूर्यः सस्मार तनयां निजाम्

lapsyaṁte prāṇinaḥ sarve yajñakoṭiphalaṁ tathā| evamuktvā tadā sūryaḥ sasmāra tanayāṁ nijām

'All beings shall likewise obtain the fruit of a crore of sacrifices.' Having said this, Surya then called to mind his own daughter,

Verse 14 (skanda.7.236.14)

तथा च धर्मेराजानं सर्वप्राणिनियामकम्। स्मृतमात्रा तत्र भित्त्वा पातालतलमुद्ययौ

tathā ca dharmerājānaṁ sarvaprāṇiniyāmakam| smṛtamātrā tatra bhittvā pātālatalamudyayau

and likewise Dharmaraja, the controller of all beings. The instant she was called to mind, Yamuna, splitting open the surface of Patala there, rose up.

Verse 15 (skanda.7.236.15)

सा नदीरूपिणी देवी तीर्थकोटिसमन्विता। यमश्च तत्र भगवान्कालदंडधरस्तदा

sā nadīrūpiṇī devī tīrthakoṭisamanvitā| yamaśca tatra bhagavānkāladaṁḍadharastadā

That goddess appeared in the form of a river, accompanied by a crore of tirthas; and there too the blessed Yama, bearer of the rod of time, then arrived.

Verse 16 (skanda.7.236.16)

ऊचतुः प्रणयोपेतौ सूर्यं भुवनसाक्षिणम्

ūcatuḥ praṇayopetau sūryaṁ bhuvanasākṣiṇam

Filled with affection, the two of them spoke to Surya, witness of the worlds.

Verse 17 (skanda.7.236.17)

यम उवाच। आज्ञापयतु मां देवो यमुनां च जगत्प्रभुः। कार्यं यद्भाविनोऽर्थस्य तत्करिष्ये न संशयः

yama uvāca| ājñāpayatu māṁ devo yamunāṁ ca jagatprabhuḥ| kāryaṁ yadbhāvino'rthasya tatkariṣye na saṁśayaḥ

Yama said: 'O god, lord of the universe, command me and Yamuna; whatever task serves this future purpose, that I shall do without doubt.'

Verse 18 (skanda.7.236.18)

सूत उवाच। अत्र क्षेत्रे स्वरूपेण स्थातव्यं वचनान्मम। पापिनां प्राणिनां चात्र रक्षा कार्या प्रयत्नतः

sūta uvāca| atra kṣetre svarūpeṇa sthātavyaṁ vacanānmama| pāpināṁ prāṇināṁ cātra rakṣā kāryā prayatnataḥ

Suta said: 'By my word, you must abide in this field in your own true form; here the protection of sinful beings must be undertaken with diligence.'

Verse 19 (skanda.7.236.19)

सूर्यभक्ताः सदा रक्ष्या ब्राह्मणा गृहमेधिनः। त्वं चापि यमुने चात्र कोटितीर्थेन संयुता

sūryabhaktāḥ sadā rakṣyā brāhmaṇā gṛhamedhinaḥ| tvaṁ cāpi yamune cātra koṭitīrthena saṁyutā

'Devotees of Surya, and householder brahmins, must always be protected. And you too, O Yamuna, joined here with a crore of tirthas,'

Verse 20 (skanda.7.236.20)

वस त्वं भव सुप्रीता स्थाने दुर्वाससोद्भवे। इत्येवमुक्त्वा देवेशस्तत्र दुर्वाससोंऽतिके

vasa tvaṁ bhava suprītā sthāne durvāsasodbhave| ityevamuktvā deveśastatra durvāsasoṁ'tike

'—dwell in this place, well-pleased, which arose through Durvasa's austerity.' Having thus spoken, the lord of gods, there near Durvasa,

Verse 21 (skanda.7.236.21)

पश्यतां सर्वदेवानामंतर्द्धानमगात्प्रभुः। दुर्वासास्तु तदा हृष्टो यावत्पश्यति स्वाश्रमम्

paśyatāṁ sarvadevānāmaṁtarddhānamagātprabhuḥ| durvāsāstu tadā hṛṣṭo yāvatpaśyati svāśramam

vanished from sight while all the gods watched. Then Durvasa, joyful, just as he looked toward his own hermitage,

Verse 22 (skanda.7.236.22)

तावत्पातालमार्गेण यमुना प्रादुराभवत्। यमश्च भगवांस्तत्र दृष्टः क्षेत्रपरूपधृक्

tāvatpātālamārgeṇa yamunā prādurābhavat| yamaśca bhagavāṁstatra dṛṣṭaḥ kṣetraparūpadhṛk

—at that very moment Yamuna appeared by way of the path from Patala; and there the blessed Yama too was seen, bearing the form of the field-guardian.

Verse 23 (skanda.7.236.23)

ईश्वर उवाच। इत्थं समभवत्तत्र यमुनोद्भेदमुत्तमम्। कुण्डमादित्यतो याम्ये दुंदुभिस्तत्र पूर्वतः

īśvara uvāca| itthaṁ samabhavattatra yamunodbhedamuttamam| kuṇḍamādityato yāmye duṁdubhistatra pūrvataḥ

Ishvara said: Thus there occurred that excellent emergence of Yamuna—the pool lies to the south of Aditya, and there, to the east, is Dundubhi.

Verse 24 (skanda.7.236.24)

क्षेत्रपालो महादेवि यतो दुंदुभिनिःस्वनः। तत्र स्नात्वा महाकुण्डे यः संतर्पयते पितॄन्

kṣetrapālo mahādevi yato duṁdubhiniḥsvanaḥ| tatra snātvā mahākuṇḍe yaḥ saṁtarpayate pitṝn

O great Goddess, because a sound like a war-drum arises from him, he is called the field-guardian. He who bathes there in the great pool and offers water to the ancestors,

Verse 25 (skanda.7.236.25)

दश वर्षाणि पञ्चैव तृप्तिं यांति पितामहः। पिंडदानेन दत्तेन पितॄणां तुष्टिमावहेत्

daśa varṣāṇi pañcaiva tṛptiṁ yāṁti pitāmahaḥ| piṁḍadānena dattena pitṝṇāṁ tuṣṭimāvahet

—his ancestors remain satisfied for fifteen years. By the giving of pinda-offerings, satisfaction is brought to the ancestors,

Verse 26 (skanda.7.236.26)

नरके तु स्थितानां च मुक्तिर्भूयान्न संशयः। माघे मासि सिते पक्षे सप्तम्यां संयतात्मवान्

narake tu sthitānāṁ ca muktirbhūyānna saṁśayaḥ| māghe māsi site pakṣe saptamyāṁ saṁyatātmavān

—and, without doubt, liberation is granted even to those fallen into hell. On the seventh day of the bright fortnight of Magha, one who is self-restrained,

Verse 27 (skanda.7.236.27)

दुर्वासार्कं च संपूज्य मुच्यते ब्रह्महत्यया। स्नात्वा तु यमुना कुण्डे माधवे मासि मानवः

durvāsārkaṁ ca saṁpūjya mucyate brahmahatyayā| snātvā tu yamunā kuṇḍe mādhave māsi mānavaḥ

—having duly worshipped Durvasarka, is freed from the sin of brahminicide. And a man who, having bathed in the Yamuna-kunda in the month of Madhava,

Verse 28 (skanda.7.236.28)

पूजयेद्भक्तिभावेन रविं गगनभूषणम्। पठेत्सहस्रं नाम्ना तु दुर्वासादित्यसंनिधौ

pūjayedbhaktibhāvena raviṁ gaganabhūṣaṇam| paṭhetsahasraṁ nāmnā tu durvāsādityasaṁnidhau

—worships with devotion the Sun, ornament of the sky, and recites the thousand names in the presence of Durvasaditya,

Verse 29 (skanda.7.236.29)

षण्मासान्मुच्यते जंतुर्यद्यपि ब्रह्महा नरः। सर्वमंगलमांगल्यं सर्वपापप्रणाशनम्

ṣaṇmāsānmucyate jaṁturyadyapi brahmahā naraḥ| sarvamaṁgalamāṁgalyaṁ sarvapāpapraṇāśanam

—that being is freed within six months, even though he be a slayer of a brahmin. It is the most auspicious of all auspicious things, the destroyer of all sin—

Verse 30 (skanda.7.236.30)

दुर्वासादित्यनामानं सूर्यं को नु न पूजयेत्। न तदस्ति भयं किंचिद्यदनेन न शाम्यति

durvāsādityanāmānaṁ sūryaṁ ko nu na pūjayet| na tadasti bhayaṁ kiṁcidyadanena na śāmyati

—who indeed would not worship the Sun under the name Durvasaditya? There is no fear whatsoever that is not stilled by this.

Verse 31 (skanda.7.236.31)

दर्शनेनापि सूर्यस्य तत्र दुर्वाससः प्रिये। संपद्यंते तथा कामाः सर्व एव यथेप्सिताः

darśanenāpi sūryasya tatra durvāsasaḥ priye| saṁpadyaṁte tathā kāmāḥ sarva eva yathepsitāḥ

Even by the mere sight of Surya there, in his connection with Durvasa, O beloved, all desires are fulfilled just as wished.

Verse 32 (skanda.7.236.32)

बंध्यानां पुत्रफलदं भीतानां भयनाशनम्। भूतिप्रदं दरिद्राणां कुष्ठिनां परमौषधम्

baṁdhyānāṁ putraphaladaṁ bhītānāṁ bhayanāśanam| bhūtipradaṁ daridrāṇāṁ kuṣṭhināṁ paramauṣadham

It bestows the fruit of a son upon barren women, destroys the fear of the frightened, grants prosperity to the poor, and is the supreme medicine for lepers.

Verse 33 (skanda.7.236.33)

बालानां चैव सर्वेषां ग्रहरक्षोनिवारणम्। महापापोपशमनं दुर्वासादित्यदर्शनम्

bālānāṁ caiva sarveṣāṁ graharakṣonivāraṇam| mahāpāpopaśamanaṁ durvāsādityadarśanam

For all children it wards off affliction by planets and by evil spirits; the sight of Durvasaditya pacifies great sin.

Verse 34 (skanda.7.236.34)

हेमाश्वस्तत्र दातव्यः सूर्यमुद्दिश्य भामिनि। ब्राह्मणे वेदसंयुक्ते तेन दत्ता मही भवेत्

hemāśvastatra dātavyaḥ sūryamuddiśya bhāmini| brāhmaṇe vedasaṁyukte tena dattā mahī bhavet

There, O lovely one, a golden horse dedicated to Surya should be given to a brahmin versed in the Veda; by that gift the whole earth is, as it were, given.

Verse 35 (skanda.7.236.35)

यस्तत्र पूजयेद्देवं क्षेत्रपालं च दुन्दुभिम्। स पुत्रपशुमान्धीमाञ्छ्रीमान्भवति मानवः

yastatra pūjayeddevaṁ kṣetrapālaṁ ca dundubhim| sa putrapaśumāndhīmāñchrīmānbhavati mānavaḥ

He who worships there that god, and Dundubhi the field-guardian, becomes a man blessed with sons and cattle, wise, and prosperous.

Verse 36 (skanda.7.236.36)

न भयं जायते तस्य त्रिविधं वरवर्णिनि। अर्धगव्यूतिमात्रं तु तत्र क्षेत्रं रवेः स्मृतम्

na bhayaṁ jāyate tasya trividhaṁ varavarṇini| ardhagavyūtimātraṁ tu tatra kṣetraṁ raveḥ smṛtam

No threefold fear arises for him, O fair-complexioned one. That field of the Sun there is remembered as measuring half a gavyuti.

Verse 37 (skanda.7.236.37)

न तत्र प्रविशेज्जन्तुः सूर्यभक्तिविवर्जितः। इत्येतत्कथितं देवि माहात्म्यं सूर्यदैवतम्

na tatra praviśejjantuḥ sūryabhaktivivarjitaḥ| ityetatkathitaṁ devi māhātmyaṁ sūryadaivatam

No creature devoid of devotion to Surya should enter there. Thus, O goddess, has this glory belonging to the deity Surya been declared.