The Origin of Yadavasthala and the Glory of Vajreshvara

Verse 1 (skanda.7.237.1)

ईश्वर उवाच। ततो गच्छेन्महादेवि यादवस्थलमुत्तमम्। यादवा यत्र नष्टा वै षट्पंचाशच्च कोटयः

īśvara uvāca| tato gacchenmahādevi yādavasthalamuttamam| yādavā yatra naṣṭā vai ṣaṭpaṁcāśacca koṭayaḥ

Ishvara said: Then, O great Goddess, one should go to the supreme Yadavasthala, where the Yadavas perished — fifty-six crores of them.

Verse 2 (skanda.7.237.2)

यत्र वज्रेश्वरो देवो वज्रेणाराधितः सदा। यत्राभूद्दिव्यदृष्टीनामृषीणामाश्रमं कुलम्

yatra vajreśvaro devo vajreṇārādhitaḥ sadā| yatrābhūddivyadṛṣṭīnāmṛṣīṇāmāśramaṁ kulam

—where the god Vajreshvara, ever worshipped by Vajra, abides; and where there was a settlement of hermitages of sages of divine vision.

Verse 3 (skanda.7.237.3)

देव्युवाच। कथं विनष्टा भगवन्नन्धका वृष्णिभिः सह। पश्यतो वासुदेवस्य भोजाश्चैव महारथाः

devyuvāca| kathaṁ vinaṣṭā bhagavannandhakā vṛṣṇibhiḥ saha| paśyato vāsudevasya bhojāścaiva mahārathāḥ

The Goddess said: 'How, O Lord, were the Andhakas destroyed along with the Vrishnis, and the great-charioted Bhojas too, while Vasudeva looked on?'

Verse 4 (skanda.7.237.4)

केन शप्तास्तु ते वीरा नष्टा वृष्ण्यन्धकादयः। भोजाश्चैव महादेव विस्तरेण वदस्व मे

kena śaptāstu te vīrā naṣṭā vṛṣṇyandhakādayaḥ| bhojāścaiva mahādeva vistareṇa vadasva me

'By whom were those heroes cursed — the Vrishnis, Andhakas and the rest — who perished, and the Bhojas too, O great god? Tell me in detail.'

Verse 5 (skanda.7.237.5)

ईश्वर उवाच। षट्त्रिंशे च कलौ वर्षे संप्राप्तेऽन्धकवृष्णयः। अन्योन्यं मुशलैस्ते हि निजघ्नुः कालनोदिताः

īśvara uvāca| ṣaṭtriṁśe ca kalau varṣe saṁprāpte'ndhakavṛṣṇayaḥ| anyonyaṁ muśalaiste hi nijaghnuḥ kālanoditāḥ

Ishvara said: When the thirty-sixth year had arrived, the Andhakas and Vrishnis, driven by fate, slew one another with clubs.

Verse 6 (skanda.7.237.6)

विश्वामित्रं च कण्वं च नारदं च यशस्विनम्। सारणप्रमुखान्भोजान्ददृशुर्द्वारकां गतान्

viśvāmitraṁ ca kaṇvaṁ ca nāradaṁ ca yaśasvinam| sāraṇapramukhānbhojāndadṛśurdvārakāṁ gatān

Vishvamitra, and Kanva, and the illustrious Narada, went to Dvaraka; they were seen by the Bhojas headed by Sarana.

Verse 7 (skanda.7.237.7)

ते वै सांबं समानिन्युर्भूषयित्वा स्त्रियं यथा। अब्रुवन्नुपसंगम्य देवदंडनिपीडिताः

te vai sāṁbaṁ samāninyurbhūṣayitvā striyaṁ yathā| abruvannupasaṁgamya devadaṁḍanipīḍitāḥ

They brought Samba forth, adorned like a woman; and, driven by the chastisement of the gods, having approached the sages, they said:

Verse 8 (skanda.7.237.8)

इयं स्त्री पुत्रकामस्य बभ्रोरमिततेजसः। ऋषयः साधु जानीत किमियं जनयिष्यति

iyaṁ strī putrakāmasya babhroramitatejasaḥ| ṛṣayaḥ sādhu jānīta kimiyaṁ janayiṣyati

'This woman belongs to Babhru, of measureless splendor, who desires a son. O sages, tell truly — what will she bring forth?'

Verse 9 (skanda.7.237.9)

इत्युक्तास्ते तदा देवि विप्रलंभप्रधर्षिताः। प्रत्यब्रुवंस्तान्मुनयस्तच्छृणुष्व यथातथम्

ityuktāste tadā devi vipralaṁbhapradharṣitāḥ| pratyabruvaṁstānmunayastacchṛṇuṣva yathātatham

Thus addressed, O goddess, those sages, provoked by the deceit, replied to them; hear that, just as it was.

Verse 10 (skanda.7.237.10)

ऋषय ऊचुः। वृष्ण्यन्धकविनाशाय मुशलं घोरमायसम्। वासुदेवस्य दायादः सांबोऽयं जनयिष्यति

ṛṣaya ūcuḥ| vṛṣṇyandhakavināśāya muśalaṁ ghoramāyasam| vāsudevasya dāyādaḥ sāṁbo'yaṁ janayiṣyati

The sages said: 'For the destruction of the Vrishnis and Andhakas, this Samba, offspring of Vasudeva, shall bring forth a terrible iron club.'

Verse 11 (skanda.7.237.11)

येन यूयं सुदुर्वृत्ता नृशंसा जातमन्यवः। उच्छेत्तारः कुलं सर्वमृते रामाज्जनार्द्दनात्

yena yūyaṁ sudurvṛttā nṛśaṁsā jātamanyavaḥ| ucchettāraḥ kulaṁ sarvamṛte rāmājjanārddanāt

'By which you, of thoroughly evil conduct, cruel, and filled with wrath, shall become destroyers of your entire clan — save for Rama and Janardana.'

Verse 12 (skanda.7.237.12)

त्यक्त्वा यास्यति वः श्रीमांत्यक्त्वा भूमिं हलायुधः। जरा कृष्णं महाभागं शयानं तु निवेत्स्यति

tyaktvā yāsyati vaḥ śrīmāṁtyaktvā bhūmiṁ halāyudhaḥ| jarā kṛṣṇaṁ mahābhāgaṁ śayānaṁ tu nivetsyati

'The glorious Krishna shall depart, forsaking you; Halayudha shall forsake the earth; and, as illustrious Krishna lies resting, one named Jara shall pierce him.'

Verse 13 (skanda.7.237.13)

इत्यब्रुवंस्ततो देवि प्रलब्धास्ते दुरात्मभिः। मुनयः क्रोधरक्ताक्षाः समीक्ष्याथ परस्परम्

ityabruvaṁstato devi pralabdhāste durātmabhiḥ| munayaḥ krodharaktākṣāḥ samīkṣyātha parasparam

Having thus spoken, O goddess, those sages, deceived by the evil-minded ones, their eyes red with anger, looked at one another,

Verse 14 (skanda.7.237.14)

तथोक्ता मुनयस्ते तु ततः केशवमभ्ययुः। अथावदत्तदा वृष्णीञ्छ्रुत्वैवं मधुसूदनः

tathoktā munayaste tu tataḥ keśavamabhyayuḥ| athāvadattadā vṛṣṇīñchrutvaivaṁ madhusūdanaḥ

—and, having spoken thus, those sages then went to Keshava. Then Madhusudana, having heard this, said to the Vrishnis:

Verse 15 (skanda.7.237.15)

अभिज्ञो मतिमांस्तस्य भवितव्यं तथेति तत्। एवमुक्त्वा हृषीकेशः प्रविवेश पुनर्गृहान्

abhijño matimāṁstasya bhavitavyaṁ tatheti tat| evamuktvā hṛṣīkeśaḥ praviveśa punargṛhān

—being wise and knowing what was destined, 'that which is fated shall be so.' Having said this, Hrishikesha again entered his house.

Verse 16 (skanda.7.237.16)

कृतांतमन्यथाकर्त्तुं नैच्छत्स जगतः प्रभुः। श्वोभूते सततः सांबो मुसलं तदसूत वै

kṛtāṁtamanyathākarttuṁ naicchatsa jagataḥ prabhuḥ| śvobhūte satataḥ sāṁbo musalaṁ tadasūta vai

That lord of the universe did not wish to alter what was fated. When the next day dawned, Samba then indeed brought forth that club,

Verse 17 (skanda.7.237.17)

येन वृण्ष्यन्धककुले पुरुषा भस्मसात्कृताः। वृष्ण्यन्धकविनाशाय किंकरप्रतिमं महत्

yena vṛṇṣyandhakakule puruṣā bhasmasātkṛtāḥ| vṛṣṇyandhakavināśāya kiṁkarapratimaṁ mahat

—by which the men of the Vrishni-Andhaka clan were reduced to ashes; a great thing, resembling Yama's servant, wrought for the destruction of the Vrishnis and Andhakas.

Verse 18 (skanda.7.237.18)

असूत शापजं घोरं तच्च राज्ञे न्यवेदयत्। विषण्णोऽथ ततो राजा सूक्ष्मं चूर्णमकारयत्

asūta śāpajaṁ ghoraṁ tacca rājñe nyavedayat| viṣaṇṇo'tha tato rājā sūkṣmaṁ cūrṇamakārayat

He brought forth this terrible thing born of the curse, and it was reported to the king. Then the king, distressed, had it ground into fine powder.

Verse 19 (skanda.7.237.19)

प्राक्षिपत्सागरे तत्र पुरुषो राजशासितः। अथोवाच स्वनगरे वचनादाहुकस्य हि

prākṣipatsāgare tatra puruṣo rājaśāsitaḥ| athovāca svanagare vacanādāhukasya hi

A man, commanded by the king, cast it into the ocean there. Then, by the word of Ahuka, it was proclaimed in their own city:

Verse 20 (skanda.7.237.20)

जनार्द्दनस्य रामस्य बभ्रोश्चैव महात्मनः। अद्यप्रभृति सर्वेषां वृष्णन्धकगृहेष्विह

janārddanasya rāmasya babhroścaiva mahātmanaḥ| adyaprabhṛti sarveṣāṁ vṛṣṇandhakagṛheṣviha

'—that from this day forward, in the houses here of Janardana, of Rama, of the great-souled Babhru, and of all the Vrishnis and Andhakas,'

Verse 21 (skanda.7.237.21)

सुरासवो न कर्त्तव्यः सर्वैर्विषयवासिभिः। यश्च वो विदितं कुर्यादेवं कश्चित्क्वचिन्नरः

surāsavo na karttavyaḥ sarvairviṣayavāsibhiḥ| yaśca vo viditaṁ kuryādevaṁ kaścitkvacinnaraḥ

'—no inhabitant of the realm shall make liquor or spirits. And should any man among you, anywhere, disregard and defy this,'

Verse 22 (skanda.7.237.22)

स जीवञ्छूलमारोहेत्स्वयं कृत्वा सबांधवः। ततो राजभयात्सर्वे नियमं तत्र चक्रिरे

sa jīvañchūlamārohetsvayaṁ kṛtvā sabāṁdhavaḥ| tato rājabhayātsarve niyamaṁ tatra cakrire

'—he, together with his kinsmen, shall himself, while yet living, be impaled upon the stake.' Then, out of fear of the king, all observed that rule there,

Verse 23 (skanda.7.237.23)

नराः शासनमाज्ञाय रामस्याक्लिष्टकर्मणः। एवं प्रयतमानानां वृष्णीनामन्धकैः सह

narāḥ śāsanamājñāya rāmasyākliṣṭakarmaṇaḥ| evaṁ prayatamānānāṁ vṛṣṇīnāmandhakaiḥ saha

—the men, heeding the command of Rama of unwearied deeds. Thus, even while the Vrishnis, together with the Andhakas, strove to observe this discipline,

Verse 24 (skanda.7.237.24)

कालो गृहाणि सर्वाणि परिचक्राम नित्यशः। करालो विकटो मुंडः पुरुषः कृष्णपिंगलः

kālo gṛhāṇi sarvāṇi paricakrāma nityaśaḥ| karālo vikaṭo muṁḍaḥ puruṣaḥ kṛṣṇapiṁgalaḥ

Time daily roamed about all their houses — a terrible, monstrous, shaven-headed figure of dark-tawny hue,

Verse 25 (skanda.7.237.25)

सम्मार्जनी महाकेतुर्जपापुष्पावतंसकः। कृकलासवाहनश्च रत्तिकाकर्णभूषणः

sammārjanī mahāketurjapāpuṣpāvataṁsakaḥ| kṛkalāsavāhanaśca rattikākarṇabhūṣaṇaḥ

—bearing a broom as his great banner, wearing a hibiscus flower as an ear-ornament, mounted on a chameleon, adorned with gunja-berries at his ears.

Verse 26 (skanda.7.237.26)

गृहाण्यवेक्ष्य वृष्णीनां नादृश्यत पुनः क्वचित्। तस्य चासन्महेष्वासाः शरैः शतसहस्रशः

gṛhāṇyavekṣya vṛṣṇīnāṁ nādṛśyata punaḥ kvacit| tasya cāsanmaheṣvāsāḥ śaraiḥ śatasahasraśaḥ

Having surveyed the houses of the Vrishnis, he was never seen again anywhere. Great archers shot at him with hundreds of thousands of arrows,

Verse 27 (skanda.7.237.27)

न चाशक्यत वेद्धुं स सर्वभूताप्ययं सदा। उत्पेदिरे महावाता दारुणा हि दिने दिने

na cāśakyata veddhuṁ sa sarvabhūtāpyayaṁ sadā| utpedire mahāvātā dāruṇā hi dine dine

—but he, the ever-present destroyer of all beings, could never be pierced. Great and dreadful winds arose day after day.

Verse 28 (skanda.7.237.28)

वृष्ण्यन्धकविनाशाय बहवो लोमहर्षणाः। विवृद्ध्य मूषिका रथ्यावितुन्नमणिकास्तथा

vṛṣṇyandhakavināśāya bahavo lomaharṣaṇāḥ| vivṛddhya mūṣikā rathyāvitunnamaṇikāstathā

For the destruction of the Vrishnis and Andhakas, many hair-raising omens occurred; mice multiplied greatly and gnawed holes in the water-jars along the roadways.

Verse 29 (skanda.7.237.29)

केशान्ददंशुः सुप्तानां नृणां युवतयो निशि। चीचीकूचीत्यवाशंत सारिका वृष्णिवेश्मसु

keśāndadaṁśuḥ suptānāṁ nṛṇāṁ yuvatayo niśi| cīcīkūcītyavāśaṁta sārikā vṛṣṇiveśmasu

At night, young female mice bit off the hair of sleeping men; mynah birds screeched 'chichi-kuchi' in the houses of the Vrishnis.

Verse 30 (skanda.7.237.30)

नोपशाम्यति शब्दश्च स दिवारात्रमेव वा। अन्वकुर्वन्नुलूकाश्च वायसान्वृष्णिवेश्मसु

nopaśāmyati śabdaśca sa divārātrameva vā| anvakurvannulūkāśca vāyasānvṛṣṇiveśmasu

That sound never ceased, whether by day or night; and owls, in the houses of the Vrishnis, took to imitating the cry of crows.

Verse 31 (skanda.7.237.31)

अजाः शिवानां च रुतमन्वकुर्वत भामिनि। पांडुरारक्तपादाश्च विहगाः कालप्रेरिताः

ajāḥ śivānāṁ ca rutamanvakurvata bhāmini| pāṁḍurāraktapādāśca vihagāḥ kālapreritāḥ

Goats, O lovely one, began to imitate the cries of jackals; and birds with pale, reddened feet, driven by fate,

Verse 32 (skanda.7.237.32)

वृष्ण्यन्धकगृहेष्वेवं कपोता व्यचरंस्तदा। व्यजायंत खरा गोषु करभाश्चाश्वतरीषु च

vṛṣṇyandhakagṛheṣvevaṁ kapotā vyacaraṁstadā| vyajāyaṁta kharā goṣu karabhāścāśvatarīṣu ca

—doves thus wandered about, thronging the houses of the Vrishnis and Andhakas. Donkeys were born of cows, and camel-colts of she-mules,

Verse 33 (skanda.7.237.33)

शुनीष्वपि बिडालाश्च मूषका नकुलीषु च। तापत्रयांत पापानि कुर्वंतो वृष्णयस्तथा

śunīṣvapi biḍālāśca mūṣakā nakulīṣu ca| tāpatrayāṁta pāpāni kurvaṁto vṛṣṇayastathā

—and cats were born of bitches, and mice of mongooses. Yet, caught in the threefold torment, the Vrishnis, committing sins,

Verse 34 (skanda.7.237.34)

अद्विषन्ब्राह्मणांश्चापि पितॄन्देवांस्तथैव च। गुरूंश्चाप्यवमन्यंते न तु रामजनार्दनौ

adviṣanbrāhmaṇāṁścāpi pitṝndevāṁstathaiva ca| gurūṁścāpyavamanyaṁte na tu rāmajanārdanau

—came to hate brahmins, and likewise the ancestors and the gods; and they disrespected their elders too — but not Rama and Janardana.

Verse 35 (skanda.7.237.35)

भार्याः पतीन्व्युच्चरंति पत्नीश्च पुरुषास्तथा। विभावसुः प्रज्वलितो वामं विपरिवर्त्तते

bhāryāḥ patīnvyuccaraṁti patnīśca puruṣāstathā| vibhāvasuḥ prajvalito vāmaṁ viparivarttate

Wives turned against their husbands, and husbands likewise against their wives; the blazing fire began to curl to the left.

Verse 36 (skanda.7.237.36)

नीललोहितमांजिष्ठा विसृजंश्चार्चिषः पृथक्। उदयास्तमने नित्यं पर्यस्तः स्याद्दिवाकरः

nīlalohitamāṁjiṣṭhā visṛjaṁścārciṣaḥ pṛthak| udayāstamane nityaṁ paryastaḥ syāddivākaraḥ

—casting forth separate flames of blue, red, and madder hue. Daily, at both its rising and setting, the sun seemed to appear as if encircled.

Verse 37 (skanda.7.237.37)

व्यदृश्यत सकृत्पुंभिः कबन्धैः परिवारितः। महानसेषु सिद्धांते संस्कृतेऽन्ने तु भामिनि

vyadṛśyata sakṛtpuṁbhiḥ kabandhaiḥ parivāritaḥ| mahānaseṣu siddhāṁte saṁskṛte'nne tu bhāmini

Once he was seen surrounded by headless trunks. And, O lovely one, in the kitchens, when the food had been cooked and was ready,

Verse 38 (skanda.7.237.38)

उत्तार्यमाणे कृमयो दृश्यंते च वरानने। पुण्याहे वाच्यमाने च पठत्सु च महात्मसु

uttāryamāṇe kṛmayo dṛśyaṁte ca varānane| puṇyāhe vācyamāne ca paṭhatsu ca mahātmasu

—when it was taken off the fire, O fair-faced one, worms were seen in it. And while the blessing 'punyaham' was being pronounced, and while great souls recited the Veda,

Verse 39 (skanda.7.237.39)

अभिधावंति श्रूयंते न चादृश्यत कश्चन। परस्परस्य नक्षत्रं हन्यमानं पुनःपुनः

abhidhāvaṁti śrūyaṁte na cādṛśyata kaścana| parasparasya nakṣatraṁ hanyamānaṁ punaḥpunaḥ

—the sound of running feet was heard, yet no one was seen. Again and again one nakshatra seemed to assail another,

Verse 40 (skanda.7.237.40)

ग्रहैरपश्यन्सर्वैस्ते नात्मनस्तु कथञ्चन। न हुतं पाचयत्यग्निर्वृष्ण्यंधकपुरस्कृतम्

grahairapaśyansarvaiste nātmanastu kathañcana| na hutaṁ pācayatyagnirvṛṣṇyaṁdhakapuraskṛtam

—they saw ill portents among all the planets, yet took none of it as a sign for themselves. Fire would not properly consume the oblation offered by the Vrishnis and Andhakas,

Verse 41 (skanda.7.237.41)

समंतात्प्रत्यवाशंत रासभा दारुणस्वनाः। एवं पश्यन्हृषीकेशः संप्राप्तान्कालपर्ययान्

samaṁtātpratyavāśaṁta rāsabhā dāruṇasvanāḥ| evaṁ paśyanhṛṣīkeśaḥ saṁprāptānkālaparyayān

—and on every side donkeys brayed with dreadful sounds. Thus Hrishikesha, beholding these transformations wrought by fate that had come upon them,

Verse 42 (skanda.7.237.42)

त्रयोदशीं ह्यमावास्यां तां दृष्ट्वा प्राब्रवीदिदम्। त्रयोदशी पंचदशी कृतेयं राहुणा पुनः

trayodaśīṁ hyamāvāsyāṁ tāṁ dṛṣṭvā prābravīdidam| trayodaśī paṁcadaśī kṛteyaṁ rāhuṇā punaḥ

—having beheld that thirteenth day fall as a new moon, spoke this: 'This fifteenth day has again been made a thirteenth by Rahu.'

Verse 43 (skanda.7.237.43)

तदा च भारते युद्धे प्राप्ता चाद्य क्षयाय नः। धिग्धिगित्येवकालं तं परिचिंत्य जनार्दनः

tadā ca bhārate yuddhe prāptā cādya kṣayāya naḥ| dhigdhigityevakālaṁ taṁ pariciṁtya janārdanaḥ

'That very conjunction occurred at the time of the Bharata war too, and now it has come again, for our destruction. Shame, shame!' Thus, reflecting upon that time, Janardana

Verse 44 (skanda.7.237.44)

मेने प्राप्तं स षट्त्रिंशं वर्षं केशिनिषूदनः। पुत्रशोकाभिसंतप्ता गांधारी यदुवाच ह

mene prāptaṁ sa ṣaṭtriṁśaṁ varṣaṁ keśiniṣūdanaḥ| putraśokābhisaṁtaptā gāṁdhārī yaduvāca ha

—the slayer of Keshi understood that the thirty-sixth year, foretold, had arrived — as Gandhari, once tormented by grief for her sons, had declared it would.

Verse 45 (skanda.7.237.45)

एवं पश्यन्हृषीकेशस्तदिदं समुपस्थितम्। इदं च समनुप्राप्तमब्रवीद्यद्युधिष्ठिरः

evaṁ paśyanhṛṣīkeśastadidaṁ samupasthitam| idaṁ ca samanuprāptamabravīdyadyudhiṣṭhiraḥ

Thus Hrishikesha, seeing that the curse had now come to pass, recalled what Yudhishthira had once said, which had now been fulfilled:

Verse 46 (skanda.7.237.46)

पुरा व्यूढेष्वनीकेषु दृष्ट्वोत्पातान्सुदारुणान्। पुण्यग्रन्थस्य श्रवणाच्छांतिहोमाद्विशोधनात्

purā vyūḍheṣvanīkeṣu dṛṣṭvotpātānsudāruṇān| puṇyagranthasya śravaṇācchāṁtihomādviśodhanāt

—formerly, when the armies had been arrayed, having seen the extremely dire portents, he had said: 'By hearing sacred texts, by peace-offerings, by purification,'

Verse 47 (skanda.7.237.47)

पूततीर्थाभिषेकांच्च नान्यच्छ्रेयो भवेदिति। इत्युक्त्वा वासुदेवस्तच्चिकीर्षन्सत्यमेव च

pūtatīrthābhiṣekāṁcca nānyacchreyo bhavediti| ityuktvā vāsudevastaccikīrṣansatyameva ca

'—and by bathing in sacred tirthas — there is no other means of well-being.' Having said this, Vasudeva, truly desiring to act accordingly,

Verse 48 (skanda.7.237.48)

आज्ञापयामास तदा तीर्थयात्रामरिंदमः। अघोषयंत पुरुषास्तत्र केशवशासनात्

ājñāpayāmāsa tadā tīrthayātrāmariṁdamaḥ| aghoṣayaṁta puruṣāstatra keśavaśāsanāt

—the subduer of foes then ordained a pilgrimage to the tirthas. By Keshava's command, men there made proclamation:

Verse 49 (skanda.7.237.49)

तीर्थयात्रा प्रभासे वै कार्येति वरवर्णिनि। अथारिष्टानि वक्ष्यामि पुरीं द्वारवतीं प्रति

tīrthayātrā prabhāse vai kāryeti varavarṇini| athāriṣṭāni vakṣyāmi purīṁ dvāravatīṁ prati

'—that a pilgrimage to Prabhasa must be undertaken.' Now, O fair-complexioned one, I shall tell of the ill omens that befell the city of Dvaravati:

Verse 50 (skanda.7.237.50)

काली स्त्री पांडुरैर्दंतैः प्रविश्य नगरीं निशि। स्त्रियः स्वप्नेषु मुष्णन्ती द्वारकां प्रति धावति

kālī strī pāṁḍurairdaṁtaiḥ praviśya nagarīṁ niśi| striyaḥ svapneṣu muṣṇantī dvārakāṁ prati dhāvati

A dark woman with white teeth, entering the city at night, was seen in dreams stealing women away, running outward from Dvaraka.

Verse 51 (skanda.7.237.51)

अग्निहोत्रनिकेतं च सुमेध्येषु च वेश्मसु। वृष्ण्यंधकांश्च खादंती स्वप्ने दृष्टा भयानका

agnihotraniketaṁ ca sumedhyeṣu ca veśmasu| vṛṣṇyaṁdhakāṁśca khādaṁtī svapne dṛṣṭā bhayānakā

That terrifying woman was seen in dreams devouring the abodes of the agnihotra fire, the most sacred houses, and the Vrishnis and Andhakas themselves,

Verse 52 (skanda.7.237.52)

कुर्वंती भीषणं नादं कुर्कुटश्वानसंयुता। तथा सहस्रशो रौद्राश्चतुर्बाहव एव च

kurvaṁtī bhīṣaṇaṁ nādaṁ kurkuṭaśvānasaṁyutā| tathā sahasraśo raudrāścaturbāhava eva ca

—making a terrifying sound, accompanied by cocks and dogs; and likewise, by the thousands, dreadful four-armed beings,

Verse 53 (skanda.7.237.53)

स्त्रीणां गर्भेष्वजायंत राक्षसा गुह्यकास्तथा। अलंकाराश्च च्छत्राणि ध्वजाश्च कवचानि च

strīṇāṁ garbheṣvajāyaṁta rākṣasā guhyakāstathā| alaṁkārāśca cchatrāṇi dhvajāśca kavacāni ca

—rakshasas and guhyakas were born in the wombs of women. Ornaments, umbrellas, banners, and armor

Verse 54 (skanda.7.237.54)

ह्रियमाणानि दृश्यंते रक्षोभिस्तु भयानकैः। यच्चाग्निदत्तं कृष्णस्य वज्रनाभमयस्मयम्

hriyamāṇāni dṛśyaṁte rakṣobhistu bhayānakaiḥ| yaccāgnidattaṁ kṛṣṇasya vajranābhamayasmayam

—were seen being carried off by dreadful rakshasas. And that iron discus, named Vajranabha, given by Agni to Krishna,

Verse 55 (skanda.7.237.55)

दिवमाचक्रमे चक्रं वृष्णीनां पश्यतां तदा। युक्तं रथं दिव्यमादित्यवर्णं भयावहं पश्यतो दारुकस्य

divamācakrame cakraṁ vṛṣṇīnāṁ paśyatāṁ tadā| yuktaṁ rathaṁ divyamādityavarṇaṁ bhayāvahaṁ paśyato dārukasya

—that discus ascended into the sky while the Vrishnis looked on. And the divine chariot, yoked, the color of the sun, appeared terrifying to Daruka the charioteer as he watched —

Verse 56 (skanda.7.237.56)

ते सागरस्योपरिष्टाद्वर्तमानान्मनोजवांश्चतुरो वाजिमुख्यान्। तालः सुपर्णश्च महाध्वजौ तौ सुपूजितौ रामजनार्दनाभ्याम्

te sāgarasyopariṣṭādvartamānānmanojavāṁścaturo vājimukhyān| tālaḥ suparṇaśca mahādhvajau tau supūjitau rāmajanārdanābhyām

—those four foremost horses, swift as thought, were seen moving over the very surface of the sea. And the two great banners, the Palm and the Garuda, well honored by Rama and Janardana —

Verse 57 (skanda.7.237.57)

उच्चैर्जगुः स्वप्सरसो दिवानिशं वाचं चोचुर्गम्यतां तीर्थयात्राम्। ततो जिगमिषंतस्ते वृष्ण्यंधकमहारथाः

uccairjaguḥ svapsaraso divāniśaṁ vācaṁ cocurgamyatāṁ tīrthayātrām| tato jigamiṣaṁtaste vṛṣṇyaṁdhakamahārathāḥ

—the Apsaras sang loudly, day and night, and spoke the words, 'let the pilgrimage to the tirtha be undertaken.' Then those great charioteers of the Vrishnis and Andhakas, desiring to go,

Verse 58 (skanda.7.237.58)

सांतःपुरास्तीर्थयात्रामीहंते स्म नरर्षभाः। ततो मांसपरा हृष्टाः पेयं वेश्मसु वृष्णयः

sāṁtaḥpurāstīrthayātrāmīhaṁte sma nararṣabhāḥ| tato māṁsaparā hṛṣṭāḥ peyaṁ veśmasu vṛṣṇayaḥ

—those bulls among men, together with their harems, prepared for the pilgrimage. Then the Vrishnis, joyful, devoted to meat and drink in their homes,

Verse 59 (skanda.7.237.59)

बहु नानाविधं चक्रुर्मांसानि विविधानि च। तथा सीधुषु बद्धेषु निर्ययुर्नगराद्बहिः

bahu nānāvidhaṁ cakrurmāṁsāni vividhāni ca| tathā sīdhuṣu baddheṣu niryayurnagarādbahiḥ

—prepared abundant meats of many varied kinds; and, with liquor likewise made ready, they set out from the city,

Verse 60 (skanda.7.237.60)

यानैरश्वैर्गजैश्चैव श्रीमंतस्तिग्मतेजसः। ततः प्रभासे न्यवसन्यथोद्देशं यथागृहम्

yānairaśvairgajaiścaiva śrīmaṁtastigmatejasaḥ| tataḥ prabhāse nyavasanyathoddeśaṁ yathāgṛham

—on vehicles, horses, and elephants, those glorious ones of fierce splendor set out. Then, at Prabhasa, they settled each in his own place, as though in his own home.

Verse 61 (skanda.7.237.61)

प्रभूतभक्ष्यपेयास्ते सदारा यादवास्तदा। निर्विष्टांस्तान्निशम्याथ समुद्रांते स योगवित्

prabhūtabhakṣyapeyāste sadārā yādavāstadā| nirviṣṭāṁstānniśamyātha samudrāṁte sa yogavit

Then those Yadavas, together with their wives, furnished with abundant food and drink, settled there; and, hearing that they had thus settled at the ocean's edge, that knower of yoga, Uddhava,

Verse 62 (skanda.7.237.62)

जगामामंत्र्य तान्वीरानुद्धवोर्थविशारदः। प्रस्थितं तं महात्मानमभिवाद्य कृतांजलिम्

jagāmāmaṁtrya tānvīrānuddhavorthaviśāradaḥ| prasthitaṁ taṁ mahātmānamabhivādya kṛtāṁjalim

—skilled in discernment, took leave of those heroes and departed. Having saluted that great-souled one with joined palms as he set out,

Verse 63 (skanda.7.237.63)

जानन्विनाशं भोजानां नैच्छद्वारयितुं हरिः। ततः कालपरीतास्ते वृष्ण्यंधकमहारथाः

jānanvināśaṁ bhojānāṁ naicchadvārayituṁ hariḥ| tataḥ kālaparītāste vṛṣṇyaṁdhakamahārathāḥ

—Hari, though knowing the destruction of the Bhojas was at hand, did not wish to prevent it. Then those great charioteers of the Vrishnis and Andhakas, overtaken by fate,

Verse 64 (skanda.7.237.64)

अपश्यन्नुद्धवं यांतं तेजसाऽऽदीप्य रोदसी। ब्राह्मणार्थेषु यत्क्लृप्तमन्नं तेषां वरानने

apaśyannuddhavaṁ yāṁtaṁ tejasā''dīpya rodasī| brāhmaṇārtheṣu yatklṛptamannaṁ teṣāṁ varānane

—saw Uddhava departing, lighting up heaven and earth with his splendor. O fair-faced one, whatever food had been set aside for the sake of brahmins,

Verse 65 (skanda.7.237.65)

तद्वाहनेभ्यः प्रददुः सुरागंधरसान्वितम्। ततस्तूर्यशताकीर्णं नटनर्त्तकसंकुलम्

tadvāhanebhyaḥ pradaduḥ surāgaṁdharasānvitam| tatastūryaśatākīrṇaṁ naṭanarttakasaṁkulam

—that they instead gave to their animals, mixed with the scent and taste of liquor. Then, resounding with hundreds of instruments, thronged with actors and dancers,

Verse 66 (skanda.7.237.66)

प्रावर्त्तत महापानं प्रभासे तिग्मतेजसाम्। कृष्णस्य संनिधौ रामः सहितः कृतवर्मणा

prāvarttata mahāpānaṁ prabhāse tigmatejasām| kṛṣṇasya saṁnidhau rāmaḥ sahitaḥ kṛtavarmaṇā

—a great drinking-bout began among those of fierce splendor at Prabhasa. In Krishna's presence, Rama, together with Kritavarma,

Verse 67 (skanda.7.237.67)

अपिबद्युयुधानश्च गदो बभ्रुस्तथैव च। ततः परिषदो मध्ये युयुधानो मदोत्कटः

apibadyuyudhānaśca gado babhrustathaiva ca| tataḥ pariṣado madhye yuyudhāno madotkaṭaḥ

—drank; and Yuyudhana, Gada, and Babhru likewise. Then, in the midst of the assembly, Yuyudhana, overcome by intoxication,

Verse 68 (skanda.7.237.68)

अब्रवीत्कृतवर्माणमवहस्यावमन्य च। कः क्षत्रियो मन्यमानः सुप्तान्हन्यान्मृतानिव

abravītkṛtavarmāṇamavahasyāvamanya ca| kaḥ kṣatriyo manyamānaḥ suptānhanyānmṛtāniva

—mocking and disparaging Kritavarma, said: 'What kshatriya, thinking himself honorable, would slay sleeping men as though they were already dead?'

Verse 69 (skanda.7.237.69)

न तन्मृष्यत हार्दिक्यस्त्वया तत्साधु यत्कृतम्। इत्युक्ते युयुधानेन पूजयामास तद्वचः

na tanmṛṣyata hārdikyastvayā tatsādhu yatkṛtam| ityukte yuyudhānena pūjayāmāsa tadvacaḥ

'I will not forgive that, O son of Hridika; what you did was not righteous.' When Yuyudhana had spoken thus, the assembly upheld his words —

Verse 70 (skanda.7.237.70)

प्रद्युम्नो रथिनां श्रेष्ठो हार्दिक्यमथ भर्त्सयन्। ततः पुनरपि क्रुद्धः कृतवर्मा तमब्रवीत्

pradyumno rathināṁ śreṣṭho hārdikyamatha bhartsayan| tataḥ punarapi kruddhaḥ kṛtavarmā tamabravīt

—Pradyumna, best of charioteers, then began rebuking Hardikya. Then Kritavarma, once more enraged, said to him:

Verse 71 (skanda.7.237.71)

निर्विशन्निव सावज्ञं तदा सव्येन पाणिना। भूरिश्रवाश्छिन्नबाहुर्युद्धे प्रायोगतस्त्वया

nirviśanniva sāvajñaṁ tadā savyena pāṇinā| bhūriśravāśchinnabāhuryuddhe prāyogatastvayā

'—as though in contempt, with your left hand; in battle, Bhurishravas, his arm severed, seated in prayopavesha fasting — him you —'

Verse 72 (skanda.7.237.72)

व्याधेनेव नृशंसेन कथं वैरेण घातितः। इति तस्य वचः श्रुत्वा केशवः परवीरहा

vyādheneva nṛśaṁsena kathaṁ vaireṇa ghātitaḥ| iti tasya vacaḥ śrutvā keśavaḥ paravīrahā

'—like a merciless hunter, out of enmity, how could you have slain?' Having heard his words, Keshava, the slayer of enemy heroes,

Verse 73 (skanda.7.237.73)

तिर्यक्सरोषया दृष्ट्या वीक्षांचक्रे समः पुमान्। मणिं स्यमंतकं चैव यः स सत्राजितोऽभवत्

tiryaksaroṣayā dṛṣṭyā vīkṣāṁcakre samaḥ pumān| maṇiṁ syamaṁtakaṁ caiva yaḥ sa satrājito'bhavat

—that impartial man, cast a sidelong, angry glance. And the memory of the Syamantaka jewel, which had belonged to Satrajit,

Verse 74 (skanda.7.237.74)

स कथं स्मारयामास सात्यकिर्मधुसूदनम्। तच्छ्रुत्वा केशवस्यांकमगमद्रुदती सती

sa kathaṁ smārayāmāsa sātyakirmadhusūdanam| tacchrutvā keśavasyāṁkamagamadrudatī satī

—and how Satyaki had once reminded Madhusudana of it, also arose. Hearing this, that chaste lady, weeping, went and sat in Keshava's lap,

Verse 75 (skanda.7.237.75)

सत्यभामा प्रक्षुभिता कोपयन्ती जनार्द्दनम्। तत उत्थाय स क्रोधात्सात्यकिर्वाक्यमब्रवीत्

satyabhāmā prakṣubhitā kopayantī janārddanam| tata utthāya sa krodhātsātyakirvākyamabravīt

—Satyabhama, greatly agitated, provoking Janardana's anger. Then Satyaki, rising up in wrath, spoke these words:

Verse 76 (skanda.7.237.76)

पंचानां द्रौपदेयानां धृष्टद्युम्नशिखंडिनः। एष गच्छामि पदवीं सत्ये तव पथे सदा

paṁcānāṁ draupadeyānāṁ dhṛṣṭadyumnaśikhaṁḍinaḥ| eṣa gacchāmi padavīṁ satye tava pathe sadā

'For the sake of the five sons of Draupadi, and of Dhrishtadyumna and Shikhandin — I now take up this course; O truthful one, I ever walk your path.'

Verse 77 (skanda.7.237.77)

सौप्तिके निहता ये च सुप्तास्तेन दुरात्मना। द्रोणपुत्रसहायेन पापेन कृतवर्मणा

sauptike nihatā ye ca suptāstena durātmanā| droṇaputrasahāyena pāpena kṛtavarmaṇā

'—those who, asleep, were slain in the night-massacre by that evil-souled, sinful Kritavarma, accomplice of Drona's son —'

Verse 78 (skanda.7.237.78)

समाप्तं चायुरस्याद्य यशश्चापि सुमध्यमे। इतीदमुक्त्वा खङ्गेन केशवस्य समीपतः

samāptaṁ cāyurasyādya yaśaścāpi sumadhyame| itīdamuktvā khaṅgena keśavasya samīpataḥ

'—his span of life and his renown, O slender-waisted one, end today.' Having said this, with a sword, close by Keshava,

Verse 79 (skanda.7.237.79)

अभिहत्य शिरः क्रुद्धश्चिच्छेद कृतवर्मणः। तथान्यानपि निघ्नंतं युयुधानं समंततः

abhihatya śiraḥ kruddhaściccheda kṛtavarmaṇaḥ| tathānyānapi nighnaṁtaṁ yuyudhānaṁ samaṁtataḥ

—enraged, he struck and severed the head of Kritavarma. As Yuyudhana thus began, on every side, to slay others as well,

Verse 80 (skanda.7.237.80)

अन्वधावद्धृषीकेशो विनिवारयिषुस्तथा। एकीभूतास्ततस्तस्य कालपर्यायप्रेरिताः

anvadhāvaddhṛṣīkeśo vinivārayiṣustathā| ekībhūtāstatastasya kālaparyāyapreritāḥ

—Hrishikesha ran after him, wishing to restrain him. Then, driven by the turning of fate, they all became united,

Verse 81 (skanda.7.237.81)

भोजांधका महाराजं शैनेयं पर्यवारयन्। तान्दृष्ट्वाऽऽपततस्तूर्णमभिक्रुद्धाञ्जनार्द्दनः

bhojāṁdhakā mahārājaṁ śaineyaṁ paryavārayan| tāndṛṣṭvā''patatastūrṇamabhikruddhāñjanārddanaḥ

—the Bhojas and Andhakas, O great king, and surrounded the son of Shini. Janardana, seeing them rushing swiftly and furiously upon him,

Verse 82 (skanda.7.237.82)

न चुक्रोध महातेजा जानन्कालस्य पर्ययम्। ते च पानमदाविष्टाश्चोदिताश्चैव मन्युना

na cukrodha mahātejā jānankālasya paryayam| te ca pānamadāviṣṭāścoditāścaiva manyunā

—yet he, of great splendor, did not grow angry, knowing the turning of fate. And they, possessed by the intoxication of drink and driven by wrath,

Verse 83 (skanda.7.237.83)

युयुधानमथाजघ्नुरुच्छिष्टै र्भोजनैस्तथा। हन्यमाने तु शैनेये कुद्धो रुक्मिणिनंदनः

yuyudhānamathājaghnurucchiṣṭai rbhojanaistathā| hanyamāne tu śaineye kuddho rukmiṇinaṁdanaḥ

—struck at Yuyudhana with leftover food and whatever came to hand. When the son of Shini was thus assailed, Rukmini's son, enraged,

Verse 84 (skanda.7.237.84)

तदंतरमथाधावन्मोक्षयिष्यञ्छिनेः सुतम्। स भोजैः सह संयुक्तः सात्यकिश्चांधकैः सह

tadaṁtaramathādhāvanmokṣayiṣyañchineḥ sutam| sa bhojaiḥ saha saṁyuktaḥ sātyakiścāṁdhakaiḥ saha

—rushed into the fray, wishing to rescue the son of Shini. He grappled with the Bhojas, and Satyaki with the Andhakas —

Verse 85 (skanda.7.237.85)

बहुत्वात्तु हतौ वीरावुभौ कृष्णस्य पश्यतः। हतं दृष्ट्वा तु शैनेयं पुत्रं च यदुनंदनः

bahutvāttu hatau vīrāvubhau kṛṣṇasya paśyataḥ| hataṁ dṛṣṭvā tu śaineyaṁ putraṁ ca yadunaṁdanaḥ

—owing to the enemy's superior numbers, both heroes were slain while Krishna looked on. Seeing the son of Shini slain, and his own son too, the joy of the Yadus,

Verse 86 (skanda.7.237.86)

एरकाणां तदा मुष्टिं कोपाज्जग्राह केशवः। तदभून्मुशलं घोरं वज्रकल्पमयस्मयम्

erakāṇāṁ tadā muṣṭiṁ kopājjagrāha keśavaḥ| tadabhūnmuśalaṁ ghoraṁ vajrakalpamayasmayam

—Keshava, in fury, seized a handful of eraka reeds. That became a terrible iron club, hard as a thunderbolt,

Verse 87 (skanda.7.237.87)

जघान तेन कृष्णोपि ये तस्य प्रमुखे स्थिताः। ततोंऽधकाश्च भोजाश्च शिनयो वृष्णयस्तदा

jaghāna tena kṛṣṇopi ye tasya pramukhe sthitāḥ| tatoṁ'dhakāśca bhojāśca śinayo vṛṣṇayastadā

—with which Krishna too struck down whoever stood before him. Then the Andhakas, the Bhojas, the Shinis, and the Vrishnis, all,

Verse 88 (skanda.7.237.88)

न्यघ्नन्नन्योन्यमाक्रन्दैर्मुशलैः कालप्रेरिताः। यश्चैकामेरकां कश्चिज्जग्राह रुषितो नरः

nyaghnannanyonyamākrandairmuśalaiḥ kālapreritāḥ| yaścaikāmerakāṁ kaścijjagrāha ruṣito naraḥ

—driven by fate, slew one another with clubs amid cries and shouts. And whatever man, in fury, seized even a single eraka reed —

Verse 89 (skanda.7.237.89)

वज्रभूता च सा देवि ह्यदृश्यत तदा प्रिये। तृणं च मुशलीभूतमण्वपि तत्र दृश्यते

vajrabhūtā ca sā devi hyadṛśyata tadā priye| tṛṇaṁ ca muśalībhūtamaṇvapi tatra dṛśyate

—that, O goddess, O beloved, was then seen to become like a thunderbolt. And even a single blade of grass there was seen turned into a club.

Verse 90 (skanda.7.237.90)

ब्रह्मदंडकृतं सर्वमिति तद्विद्धि भामिनि। आविध्याविध्य देवेशि प्रहरंति स्म सायकान्

brahmadaṁḍakṛtaṁ sarvamiti tadviddhi bhāmini| āvidhyāvidhya deveśi praharaṁti sma sāyakān

Know, O lovely one, that all this was wrought by the brahmin's curse. O goddess of the gods, brandishing them again and again, they struck with these missiles.

Verse 91 (skanda.7.237.91)

तद्वज्रभूतं मुशलमपश्यंत तदा दृढम्। अवधीत्पितरं पुत्रः पिता पुत्रं च भामिनि

tadvajrabhūtaṁ muśalamapaśyaṁta tadā dṛḍham| avadhītpitaraṁ putraḥ pitā putraṁ ca bhāmini

They then saw that club grown firm as a thunderbolt. O lovely one, the son slew the father, and the father slew the son,

Verse 92 (skanda.7.237.92)

मत्तास्ते पर्यटंति स्म योधमानाः परस्परम्। पतंगा इव चाग्नौ तु न्यपतन्यदुपुंगवाः

mattāste paryaṭaṁti sma yodhamānāḥ parasparam| pataṁgā iva cāgnau tu nyapatanyadupuṁgavāḥ

—intoxicated, they roamed about fighting one another; and, like moths into a fire, those foremost of the Yadus fell.

Verse 93 (skanda.7.237.93)

नासीत्पलायने बुद्धिर्वध्यमानस्य कस्यचित्। तं तु पश्यन्महाबाहुर्जानन्कालस्यपर्ययम्

nāsītpalāyane buddhirvadhyamānasya kasyacit| taṁ tu paśyanmahābāhurjānankālasyaparyayam

No one being slain had any thought of fleeing. But the mighty-armed Krishna, beholding this, knowing the turning of fate,

Verse 94 (skanda.7.237.94)

मुशलं समवष्टभ्य तस्थौ स मधुसूदनः। सांबं च निहतं दृष्ट्वा चारुदेष्णं च माधवः

muśalaṁ samavaṣṭabhya tasthau sa madhusūdanaḥ| sāṁbaṁ ca nihataṁ dṛṣṭvā cārudeṣṇaṁ ca mādhavaḥ

—stood firm, grasping his club. And Madhava, seeing Samba slain, and Charudeshna too,

Verse 95 (skanda.7.237.95)

प्रद्युम्नमनिरुद्धं च ततश्चुक्रोध भामिनि। यादवान्क्ष्माशयानांश्च भृशं कोपसमन्वितः

pradyumnamaniruddhaṁ ca tataścukrodha bhāmini| yādavānkṣmāśayānāṁśca bhṛśaṁ kopasamanvitaḥ

—and Pradyumna and Aniruddha slain, then, O lovely one, grew fiercely enraged. Filled with intense fury against the Yadavas lying upon the ground,

Verse 96 (skanda.7.237.96)

स निःशेषं तदा चक्रे शार्ङ्गचक्रगदाधरः। एवं तत्र महादेवि अभवद्यादव स्थलम्

sa niḥśeṣaṁ tadā cakre śārṅgacakragadādharaḥ| evaṁ tatra mahādevi abhavadyādava sthalam

—he, bearer of the Sharnga bow, the discus, and the mace, then made a complete end of them. Thus, O great Goddess, Yadavasthala came into being there.

Verse 97 (skanda.7.237.97)

गव्यूतिमात्रं तद्देवि यादवानां चिताः स्मृताः। तेषां किलास्थिनिचयैः स्थलरूपं बभूव तत्

gavyūtimātraṁ taddevi yādavānāṁ citāḥ smṛtāḥ| teṣāṁ kilāsthinicayaiḥ sthalarūpaṁ babhūva tat

That place, O goddess, measuring one gavyuti, is remembered as the funeral pyres of the Yadavas; by the very heaps of their bones, that ground took on the form of a mound.

Verse 98 (skanda.7.237.98)

भस्मपुंजनिभाकारं तेनाभूद्यादव स्थलम्। दिव्यरत्नसमायुक्तं मणिमाणिक्यपूरितम्

bhasmapuṁjanibhākāraṁ tenābhūdyādava sthalam| divyaratnasamāyuktaṁ maṇimāṇikyapūritam

By this, Yadavasthala became, in appearance, like a heap of ashes — yet it was joined with divine gems, filled with jewels and rubies,

Verse 99 (skanda.7.237.99)

यादवानां किरीटैश्च दिव्यगन्धैः सुपूरितम्। तेषां रक्षानिमित्तं हि गंगा गणपतिस्तथा

yādavānāṁ kirīṭaiśca divyagandhaiḥ supūritam| teṣāṁ rakṣānimittaṁ hi gaṁgā gaṇapatistathā

—well filled with the crowns of the Yadavas and with divine fragrances. And for the sake of their protection, the Ganga, and Ganapati likewise,

Verse 100 (skanda.7.237.100)

यादवानां तु सर्वेषां जीवितो वज्र एव हि। वयसोंते ततः सोऽपि प्रभासं क्षेत्रमागतः

yādavānāṁ tu sarveṣāṁ jīvito vajra eva hi| vayasoṁte tataḥ so'pi prabhāsaṁ kṣetramāgataḥ

—remained there. Of all the Yadavas, Vajra alone indeed survived. Then, at the end of his life, he too came to the field of Prabhasa,

Verse 101 (skanda.7.237.101)

निषिच्य स्वसुतं राज्ये नाम्ना ख्यातं महद्बलम्। तेनापि स्थापितं लिंगं यादवेन्द्रेण धीमता

niṣicya svasutaṁ rājye nāmnā khyātaṁ mahadbalam| tenāpi sthāpitaṁ liṅgaṁ yādavendreṇa dhīmatā

—having consecrated his own son, renowned by the name Mahadbala, upon the throne. He too, that wise lord of the Yadavas, established a linga,

Verse 102 (skanda.7.237.102)

वज्रेश्वरमिति ख्यातं तत्स्थितं यादवस्थले। तत्रैव सुचिरं कालं तपस्तप्तं सुपुष्कलम्

vajreśvaramiti khyātaṁ tatsthitaṁ yādavasthale| tatraiva suciraṁ kālaṁ tapastaptaṁ supuṣkalam

—renowned as Vajreshvara, situated there at Yadavasthala. There itself, for a very long time, abundant austerity was performed,

Verse 103 (skanda.7.237.103)

नारदस्योपदेशेन प्रभासे पापनाशने। प्राप्तवान्परमां सिद्धिं स राजा यादवोत्तमः

nāradasyopadeśena prabhāse pāpanāśane| prāptavānparamāṁ siddhiṁ sa rājā yādavottamaḥ

—by Narada's instruction, at Prabhasa, the destroyer of sin; and that king, foremost of the Yadavas, attained supreme perfection.

Verse 104 (skanda.7.237.104)

तत्रैव यो नरः सम्यक्स्नात्वा जांबवती जले। वज्रेश्वरं तु संपूज्य ब्राह्मणांस्तत्र भोजयेत्

tatraiva yo naraḥ samyaksnātvā jāṁbavatī jale| vajreśvaraṁ tu saṁpūjya brāhmaṇāṁstatra bhojayet

Whatever man, having duly bathed there in the waters of the Jambavati, and having worshipped Vajreshvara, feeds brahmins there,

Verse 105 (skanda.7.237.105)

यादवस्थलसामीप्ये गोसहस्रफलं लभेत्। षट्कोणं तत्र दातव्यमंगुल्या यादवस्थले

yādavasthalasāmīpye gosahasraphalaṁ labhet| ṣaṭkoṇaṁ tatra dātavyamaṁgulyā yādavasthale

—near Yadavasthala, obtains the fruit of a gift of a thousand cows. A finger's-breadth hexagon of ground should there be given at Yadavasthala,

Verse 106 (skanda.7.237.106)

यात्राफलमवाप्नोति सम्यक्छ्रद्धासमन्वितः

yātrāphalamavāpnoti samyakchraddhāsamanvitaḥ

—and thus, being duly endowed with faith, one obtains the fruit of the pilgrimage.