The Glory of Sangaleshvara

Verse 1 (skanda.7.300.1)

ईश्वर उवाच। तस्यैवोत्तरदिग्भागे किञ्चिद्वायव्यसंस्थितम्। संगालेश्वरनामास्ति सर्वपातकनाशनम्

īśvara uvāca| tasyaivottaradigbhāge kiñcidvāyavyasaṁsthitam| saṁgāleśvaranāmāsti sarvapātakanāśanam

Ishvara said: In the northern part of that very place, situated a little toward the northwest, there is one named Sangaleshvara, the destroyer of all sins.

Verse 2 (skanda.7.300.2)

तत्र ब्रह्मा च विष्णुश्च लिंगस्याराधनोद्यतौ। शक्रश्चैव महातेजा लिंगं पूजितवान्प्रिये

tatra brahmā ca viṣṇuśca liṁgasyārādhanodyatau| śakraścaiva mahātejā liṁgaṁ pūjitavānpriye

There Brahma and Vishnu were engaged in worshipping the linga; and Shakra too, of great splendor, worshipped the linga, O dear one.

Verse 3 (skanda.7.300.3)

वरुणो धनदश्चैव धर्मराजोऽथ पावकः। आदित्यैर्वसुभिश्चैव लोकपालैः समंततः

varuṇo dhanadaścaiva dharmarājo'tha pāvakaḥ| ādityairvasubhiścaiva lokapālaiḥ samaṁtataḥ

Varuna, and Dhanada, and Dharmaraja, and Pavaka, together with the Adityas and the Vasus, all the guardians of the quarters from every side—

Verse 4 (skanda.7.300.4)

आराधितं महालिंगं संगालेश्वरनामभृत्। पूजयित्वा तु ते सर्वे दृष्ट्वा माहात्म्यमुत्तमम्

ārādhitaṁ mahāliṁgaṁ saṁgāleśvaranāmabhṛt| pūjayitvā tu te sarve dṛṣṭvā māhātmyamuttamam

worshipped that great linga bearing the name Sangaleshvara; and having worshipped it, having beheld its supreme glory, all of them—

Verse 5 (skanda.7.300.5)

ऊचुश्च सहसा देवि परमानंदसंयुताः। देवानां निवहैर्यस्मात्समागत्य प्रतिष्ठितम्। संगालेश्वरनामास्य भविष्यति धरातले

ūcuśca sahasā devi paramānaṁdasaṁyutāḥ| devānāṁ nivahairyasmātsamāgatya pratiṣṭhitam| saṁgāleśvaranāmāsya bhaviṣyati dharātale

O Goddess, filled with supreme bliss, spoke suddenly: 'Since this has come to be established here through the gathering of the multitude of gods, its name on this earth shall be Sangaleshvara.'

Verse 6 (skanda.7.300.6)

संगालेश्वरनामानं पूजयिष्यंति मानवाः। न तेषामन्वये कश्चिन्निर्धनः संभविष्यति

saṁgāleśvaranāmānaṁ pūjayiṣyaṁti mānavāḥ| na teṣāmanvaye kaścinnirdhanaḥ saṁbhaviṣyati

Men shall worship him by the name Sangaleshvara; in their lineage no one shall ever become poor.

Verse 7 (skanda.7.300.7)

गोसहस्रस्य दत्तस्य कुरुक्षेत्रे च यत्फलम्। तत्फलं समवाप्नोति संगालेश्वरदर्शनात्

gosahasrasya dattasya kurukṣetre ca yatphalam| tatphalaṁ samavāpnoti saṁgāleśvaradarśanāt

Whatever fruit there is in giving a thousand cows at Kurukshetra, that same fruit is obtained through the sight of Sangaleshvara.

Verse 8 (skanda.7.300.8)

अमावास्यां च संप्राप्य स्नानं कृत्वा विधानतः। यः करोति नरः श्राद्धं पितॄणां रोषवर्जितः। पितरस्तस्य तृप्यंति यावदाभूतसंप्लवम्

amāvāsyāṁ ca saṁprāpya snānaṁ kṛtvā vidhānataḥ| yaḥ karoti naraḥ śrāddhaṁ pitṝṇāṁ roṣavarjitaḥ| pitarastasya tṛpyaṁti yāvadābhūtasaṁplavam

Having come on the new-moon day and duly bathed, whatever man, free from anger, performs shraddha for the ancestors—his ancestors remain satisfied until the dissolution of the universe.

Verse 9 (skanda.7.300.9)

अर्धक्रोशं च तत्क्षेत्रं समंतात्परिमण्डलम्। सर्वकामप्रदं नृणां सर्वपातकनाशनम्

ardhakrośaṁ ca tatkṣetraṁ samaṁtātparimaṇḍalam| sarvakāmapradaṁ nṛṇāṁ sarvapātakanāśanam

And that field, half a krosha all around in its circuit, grants all desires to men and destroys all sins.

Verse 10 (skanda.7.300.10)

अस्मिन्क्षेत्रे महादेवि जीवा उत्तममध्यमाः। कालेन निधनं प्राप्तास्तेऽपि यांति परां गतिम्

asminkṣetre mahādevi jīvā uttamamadhyamāḥ| kālena nidhanaṁ prāptāste'pi yāṁti parāṁ gatim

O great Goddess, in this field beings of higher and middling merit, meeting death there in time, go also to the supreme goal.

Verse 11 (skanda.7.300.11)

गृहीत्वानशनं ये तु प्राणांस्त्यक्ष्यंति मानवाः। निश्चयं ते महादेवि लीयंते परमेश्वरे

gṛhītvānaśanaṁ ye tu prāṇāṁstyakṣyaṁti mānavāḥ| niścayaṁ te mahādevi līyaṁte parameśvare

And, O great Goddess, those men who, taking up fasting, shall give up their lives there—they certainly merge into the Supreme Lord.

Verse 12 (skanda.7.300.12)

गवा हता द्विजहता ये च वै दंष्ट्रिभिर्हता। आत्मनो घातका ये तु सर्पदष्टाश्च ये मृताः

gavā hatā dvijahatā ye ca vai daṁṣṭribhirhatā| ātmano ghātakā ye tu sarpadaṣṭāśca ye mṛtāḥ

Those slain by a cow, those slain by a brahmin, those slain by tusked beasts, those who are self-slayers, and those who died from a serpent's bite,

Verse 13 (skanda.7.300.13)

शय्यायां विगतप्राणा ये च शौचविवर्जिताः। अस्मिंस्तीर्थे महापुण्ये अपुनर्भवदायके

śayyāyāṁ vigataprāṇā ye ca śaucavivarjitāḥ| asmiṁstīrthe mahāpuṇye apunarbhavadāyake

those who breathed their last on a bed, and those who were devoid of purity—all of these, at this greatly holy tirtha that grants freedom from rebirth,

Verse 14 (skanda.7.300.14)

दत्तैः षोडशभिः श्राद्धैर्वृषोत्सर्गे कृते पुनः। विधिवद्भोजितैर्विप्रैर्भवेन्मुक्तिर्न संशयः

dattaiḥ ṣoḍaśabhiḥ śrāddhairvṛṣotsarge kṛte punaḥ| vidhivadbhojitairviprairbhavenmuktirna saṁśayaḥ

by the giving of sixteen shraddhas, and by performing again the bull-releasing rite, with brahmins duly fed, attain liberation without doubt.

Verse 15 (skanda.7.300.15)

एवमुक्त्वा सुराः सर्वे गतवंतस्त्रिविष्टपम्

evamuktvā surāḥ sarve gatavaṁtastriviṣṭapam

Having said this, all the gods departed for heaven.

Verse 16 (skanda.7.300.16)

संगालेश्वरमाहात्म्यं संक्षेपात्कथितं तव। श्रुतं हरति पापानि दुःखशोकांस्तथैव च

saṁgāleśvaramāhātmyaṁ saṁkṣepātkathitaṁ tava| śrutaṁ harati pāpāni duḥkhaśokāṁstathaiva ca

Thus the glory of Sangaleshvara has been told to you in brief; heard, it removes sins, and sorrows and griefs as well.