The Glory of Siddheshvara

Verse 1 (skanda.7.301.1)

ईश्वर उवाच। ततो गच्छेन्महादेवि सिद्धेश्वरमनुत्तमम्। तस्यैव पूर्वदिग्भागे नातिदूरे व्यवस्थितम्

īśvara uvāca| tato gacchenmahādevi siddheśvaramanuttamam| tasyaiva pūrvadigbhāge nātidūre vyavasthitam

Ishvara said: Then go, O great Goddess, to the unsurpassed Siddheshvara, situated in the eastern part of that very place, not far.

Verse 2 (skanda.7.301.2)

यदा देवैः समेत्याशु शिवलिंगं प्रतिष्ठितम्। संगालेश्वर नामाढ्यं सर्वपापहरं शुभम्

yadā devaiḥ sametyāśu śivaliṁgaṁ pratiṣṭhitam| saṁgāleśvara nāmāḍhyaṁ sarvapāpaharaṁ śubham

When, by the gods, quickly assembling, the Shiva-linga was established—endowed with the name Sangaleshvara, auspicious, removing all sin—

Verse 3 (skanda.7.301.3)

तदा सिद्धगणाः सर्वे समाराध्य वृषध्वजम्। स्थापयांचक्रिरे लिंगं सर्वसिद्धिप्रदायकम्

tadā siddhagaṇāḥ sarve samārādhya vṛṣadhvajam| sthāpayāṁcakrire liṁgaṁ sarvasiddhipradāyakam

then the hosts of Siddhas, having duly worshipped the Bull-bannered one, established a linga that grants all accomplishments.

Verse 4 (skanda.7.301.4)

तत्सिद्धेश्वर नामाढ्यं महापातकनाशनम्। तुष्टुवुर्विविधैः स्तोत्रैस्तदा सिद्धगणाः शिवम्

tatsiddheśvara nāmāḍhyaṁ mahāpātakanāśanam| tuṣṭuvurvividhaiḥ stotraistadā siddhagaṇāḥ śivam

That, endowed with the name Siddheshvara, the destroyer of great sin—the hosts of Siddhas then worshipped, praising Shiva with various hymns.

Verse 5 (skanda.7.301.5)

ततस्तुष्टो महादेवो याच्यतां वरमुत्तमम्। नमस्कृत्य ततः सर्वे प्रोचुश्च शशिशेखरम्

tatastuṣṭo mahādevo yācyatāṁ varamuttamam| namaskṛtya tataḥ sarve procuśca śaśiśekharam

Then the great god, pleased, said, 'Ask for the highest boon'; then all of them, having bowed, spoke to the moon-crested one:

Verse 6 (skanda.7.301.6)

इहागत्य नरो यस्तु स्नात्वा च विधिपूर्वकम्। अर्चयेत्सिद्धनाथं च जपेच्च शतरुद्रियम्

ihāgatya naro yastu snātvā ca vidhipūrvakam| arcayetsiddhanāthaṁ ca japecca śatarudriyam

'Whatever man comes here and, having duly bathed, worships the Lord of the Siddhas and recites the Shata-rudriya,

Verse 7 (skanda.7.301.7)

अघोरं वा जपेन्मन्त्रं गायत्र्यं च महेश्वरम्। षण्मासाभ्यन्तरेणैव जपेच्च मुनिसत्तमाः। अणिमादिगुणैश्वर्यं संसिद्धिं प्राप्नुयाद्ध्रुवम्

aghoraṁ vā japenmantraṁ gāyatryaṁ ca maheśvaram| ṣaṇmāsābhyantareṇaiva japecca munisattamāḥ| aṇimādiguṇaiśvaryaṁ saṁsiddhiṁ prāpnuyāddhruvam

or recites the Aghora mantra and the Gayatri of Maheshvara—O best of sages, whoever recites it within six months shall certainly attain accomplishment, the lordship of the powers beginning with Anima.'

Verse 8 (skanda.7.301.8)

ईश्वर उवाच। एवं भविष्यतीत्युक्त्वा ह्यंतर्धानं गतो हरः। सिद्धेश्वरं तु संपूज्य ह्यघोरं च जपेन्नरः

īśvara uvāca| evaṁ bhaviṣyatītyuktvā hyaṁtardhānaṁ gato haraḥ| siddheśvaraṁ tu saṁpūjya hyaghoraṁ ca japennaraḥ

Ishvara said: Having said, 'So it shall be,' Hara vanished from sight; and a man, having worshipped Siddheshvara, and reciting the Aghora mantra—

Verse 9 (skanda.7.301.9)

आश्वयुक्कृष्णपक्षे तु चतुर्दश्यां महानिशि। धैर्यमालंब्य निर्भीकः स सिद्धिं प्राप्नुयान्नरः

āśvayukkṛṣṇapakṣe tu caturdaśyāṁ mahāniśi| dhairyamālaṁbya nirbhīkaḥ sa siddhiṁ prāpnuyānnaraḥ

on the fourteenth of the dark fortnight of Ashvin, at deep midnight, sustaining his courage, fearless, that man attains accomplishment.

Verse 10 (skanda.7.301.10)

इत्येतत्कथितं देवि माहात्म्यं पापनाशनम्। सिद्धेश्वरस्य देवस्य सर्वकामफलप्रदम्

ityetatkathitaṁ devi māhātmyaṁ pāpanāśanam| siddheśvarasya devasya sarvakāmaphalapradam

Thus, O Goddess, has this sin-destroying glory of the god Siddheshvara, granting the fruit of all desires, been told.