The Glory of the Scattered Station-Lingas

Verse 1 (skanda.7.365.1)

ईश्वर उवाच। ततो गच्छेन्महादेवि हिरण्यायाश्च उत्तरे। सिद्धिस्थानानि दिव्यानि यत्र सिद्धा महर्षयः

īśvara uvāca| tato gacchenmahādevi hiraṇyāyāśca uttare| siddhisthānāni divyāni yatra siddhā maharṣayaḥ

Ishvara said: Thereafter, O great Goddess, one should go north of the river Hiranya, where lie the divine Siddhi-sthanas (places of perfection) where great sages attained siddhi.

Verse 2 (skanda.7.365.2)

तत्र लिंगान्यनेकानि शक्यंते कथितुं न हि। साग्रं शतं पुनस्तत्र लिंगानां प्रवरं स्मृतम्

tatra liṁgānyanekāni śakyaṁte kathituṁ na hi| sāgraṁ śataṁ punastatra liṁgānāṁ pravaraṁ smṛtam

There stand countless lingas impossible to fully recount; yet more than a hundred lingas are there remembered as pre-eminent.

Verse 3 (skanda.7.365.3)

वज्रिण्यास्तु तटे देवि लिंगान्येकोनविंशतिः। न्यंकुमत्यास्तटे देवि सहस्रं द्विशताधिकम्

vajriṇyāstu taṭe devi liṁgānyekonaviṁśatiḥ| nyaṁkumatyāstaṭe devi sahasraṁ dviśatādhikam

O Goddess, on the bank of the Vajrini there are nineteen lingas; O Goddess, on the bank of the Nyankumati there are twelve hundred.

Verse 4 (skanda.7.365.4)

प्राधान्येन वरारोहे पूर्वे स्वायंभुवेंऽतरे। कपिलायास्तटेदेवि लिंगानां षष्टिरुत्तमा

prādhānyena varārohe pūrve svāyaṁbhuveṁ'ntare| kapilāyāstaṭedevi liṁgānāṁ ṣaṣṭiruttamā

O fair one, chiefly in earlier times, within the Svayambhuva Manvantara, on the bank of the Kapila, O Goddess, there are sixty excellent lingas.

Verse 5 (skanda.7.365.5)

सरस्वत्यां पुनस्तत्र लिंगसंख्या न विद्यते। एवं पंचमुखा देवि लिंगमाला विभूषिता

sarasvatyāṁ punastatra liṁgasaṁkhyā na vidyate| evaṁ paṁcamukhā devi liṁgamālā vibhūṣitā

On the Sarasvati, again, the number of lingas cannot even be counted. Thus, O Goddess, this garland of lingas is adorned with five faces (branches).

Verse 6 (skanda.7.365.6)

प्रभासे कथिता देवि पंचस्रोताः सरस्वती। यस्याः प्रवाहैः संभिन्नं क्षेत्रं द्वादशयोजनम्

prabhāse kathitā devi paṁcasrotāḥ sarasvatī| yasyāḥ pravāhaiḥ saṁbhinnaṁ kṣetraṁ dvādaśayojanam

O Goddess, in Prabhasa the Sarasvati is declared to flow in five streams, by whose currents this field of twelve yojanas is pervaded.

Verse 7 (skanda.7.365.7)

तत्र वापीषु कूपेषु यत्र तत्रोद्भवं जलम्। सारस्वतं तु तज्ज्ञेयं ते धन्या ये पिबंति तत्

tatra vāpīṣu kūpeṣu yatra tatrodbhavaṁ jalam| sārasvataṁ tu tajjñeyaṁ te dhanyā ye pibaṁti tat

Whatever water springs up there in the step-wells and wells is to be known as Sarasvata water; blessed are those who drink it.

Verse 8 (skanda.7.365.8)

यत्रतत्र नरः स्नात्वा सम्यक्छ्रद्धासमन्वितः। सारस्वतस्नानफलं लभते नात्र संशयः

yatratatra naraḥ snātvā samyacchraddhāsamanvitaḥ| sārasvatasnānaphalaṁ labhate nātra saṁśayaḥ

Wherever a man, endowed with true faith, bathes properly, he obtains the fruit of a Sarasvata bath — of this there is no doubt.

Verse 9 (skanda.7.365.9)

यत्प्रोक्तं स्पर्शलिंगं तु श्रीसोमेशेति विश्रुतम्। प्रभासक्षेत्रलिंगानां कला तस्यैव शांकरी

yatproktaṁ sparśaliṁgaṁ tu śrīsomeśeti viśrutam| prabhāsakṣetraliṁgānāṁ kalā tasyaiva śāṁkarī

That which is called the Sparsha-linga (the linga of touch) is renowned as Shri Someshvara; the Shankari (Shiva-related) portion of all the lingas of the Prabhasa field belongs to him alone.

Verse 10 (skanda.7.365.10)

यद्वा तद्वा पूजयित्वा लिंगं क्षेत्रस्य मध्यगम्। श्रीसोमेशमिति ज्ञात्वा सोमेशः पूजितो भवेत्

yadvā tadvā pūjayitvā liṁgaṁ kṣetrasya madhyagam| śrīsomeśamiti jñātvā someśaḥ pūjito bhavet

Whatever linga it may be, by worshipping the linga standing at the center of the field, knowing it as Shri Someshvara, Someshvara himself is thereby worshipped.