The Description of the Field's Measure

Verse 1 (skanda.7.4.1)

सूत उवाच। एवं मुनीन्द्राः कथिते प्रभावे शंकरेण तु। पुनः पप्रच्छ सा देवी कृतांजलिपुटा सती

sūta uvāca| evaṁ munīndrāḥ kathite prabhāve śaṁkareṇa tu| punaḥ papraccha sā devī kṛtāṁjaliputā satī

Suta said: O foremost of sages, when Shankara had thus told of this power, the devoted Goddess again asked, her hands folded in reverence.

Verse 2 (skanda.7.4.2)

देव्युवाच। देवदेव जगन्नाथ क्षेत्रतीर्थमय प्रभो। प्रभासक्षेत्रमाहात्म्यं विस्तरात्कथयस्व मे

devyuvāca| devadeva jagannātha kṣetratīrthamaya prabho| prabhāsakṣetramāhātmyaṁ vistarātkathayasva me

The Goddess said: O God of gods, Lord of the world, O Master embodying every field and tirtha, tell me at length the glory of the Prabhasa field.

Verse 3 (skanda.7.4.3)

कथं तुष्यसि मर्त्यानां क्षेत्रे तत्र विचेतसाम्। जप्तं दत्तं हुतं यष्टं तपस्तप्तं कृतं च यत्। प्रभासे तु महाक्षेत्रे कस्मात्तत्राक्षयं भवेत्

kathaṁ tuṣyasi martyānāṁ kṣetre tatra vicetasām| japtaṁ dattaṁ hutaṁ yaṣṭaṁ tapastaptaṁ kṛtaṁ ca yat| prabhāse tu mahākṣetre kasmāttatrākṣayaṁ bhavet

How are you pleased with mortals in that field, even those of unfocused mind? Whatever is muttered in prayer, given, offered in oblation, sacrificed, or practiced in austerity there, in the great field of Prabhasa — why does it become imperishable?

Verse 4 (skanda.7.4.4)

जात्यंतरसहस्रेषु यत्पापं पूर्वसंचितम्। तत्कथं क्षयमाप्नोति तन्ममाचक्ष्व शंकर

jātyaṁtarasahasreṣu yatpāpaṁ pūrvasaṁcitam| tatkathaṁ kṣayamāpnoti tanmamācakṣva śaṁkara

How is the sin accumulated across thousands of previous births destroyed there? Tell me this, O Shankara.

Verse 5 (skanda.7.4.5)

यदि प्रभासं सर्वेषां तीर्थानां प्रवरं मतम्। किमन्यैर्बहुभिस्तत्र कर्त्तव्यं तीर्थविस्तरैः

yadi prabhāsaṁ sarveṣāṁ tīrthānāṁ pravaraṁ matam| kimanyairbahubhistatra karttavyaṁ tīrthavistaraiḥ

If Prabhasa is held to be the foremost of all tirthas, what need is there there for the many other extensive tirthas?

Verse 6 (skanda.7.4.6)

एकं यदि भवेत्तीर्थं मनो निःसंशयं भवेत्। बहुत्वे सति तीर्थानां मनो विचलते नृणाम्

ekaṁ yadi bhavettīrthaṁ mano niḥsaṁśayaṁ bhavet| bahutve sati tīrthānāṁ mano vicalate nṛṇām

If there were but one tirtha, the mind would be free of doubt; when tirthas are many, the minds of men waver.

Verse 7 (skanda.7.4.7)

तस्मात्सर्वं परित्यज्य तीर्थजालं सविस्तरम्। प्रभासस्यैव माहात्म्यं कथयस्व सुरेश्वर

tasmātsarvaṁ parityajya tīrthajālaṁ savistaram| prabhāsasyaiva māhātmyaṁ kathayasva sureśvara

Therefore, setting aside the whole extensive net of other tirthas, O lord of the gods, tell me the glory of Prabhasa alone.

Verse 8 (skanda.7.4.8)

क्षेत्रप्रमाणं सीमां च क्षेत्रसारं हि यत्प्रभो। वक्तुमर्हसि तत्सर्वं परं कौतूहलं हि मे

kṣetrapramāṇaṁ sīmāṁ ca kṣetrasāraṁ hi yatprabho| vaktumarhasi tatsarvaṁ paraṁ kautūhalaṁ hi me

O Lord, the measure of the field, its boundary, and its very essence — tell me all of it, for I am filled with great curiosity.

Verse 9 (skanda.7.4.9)

ईश्वर उवाच। शृणु देवि प्रवक्ष्यामि क्षेत्राणां क्षेत्रमुत्तमम्। सर्वक्षेत्रेषु यत्क्षेत्रं प्रभासं तु प्रियं मम

īśvara uvāca| śṛṇu devi pravakṣyāmi kṣetrāṇāṁ kṣetramuttamam| sarvakṣetreṣu yatkṣetraṁ prabhāsaṁ tu priyaṁ mama

Ishvara said: Listen, O Goddess, I shall tell of the supreme field among fields; of all fields, that which is Prabhasa is dear to me.

Verse 10 (skanda.7.4.10)

प्रभासे तु परा सिद्धिः प्रभासे तु परा गतिः। यत्र संनिहितो नित्यमहं भद्रे निरन्तरम्

prabhāse tu parā siddhiḥ prabhāse tu parā gatiḥ| yatra saṁnihito nityamahaṁ bhadre niraṁtaram

In Prabhasa alone is the supreme accomplishment; in Prabhasa alone is the supreme goal — O blessed one, where I remain eternally and continuously present.

Verse 11 (skanda.7.4.11)

तस्य प्रमाणं वक्ष्यामि सर्वसीमासमन्वितम्। क्षेत्रं तु त्रिविध प्रोक्तं तत्ते वक्ष्याम्यनुक्रमात्

tasya pramāṇaṁ vakṣyāmi sarvasīmāsamanvitam| kṣetraṁ tu trividha proktaṁ tatte vakṣyāmyanukramāt

I shall tell you its measure, together with all its boundaries; the field is declared to be of three kinds, which I shall now describe to you in order.

Verse 12 (skanda.7.4.12)

क्षेत्रं पीठं गर्भगृहं प्रभासस्य प्रकीर्त्यते। यथाक्रमं फलं तस्य कोटिकोटिगुणं स्मृतम्

kṣetraṁ pīṭhaṁ garbhagṛhaṁ prabhāsasya prakīrtyate| yathākramaṁ phalaṁ tasya koṭikoṭiguṇaṁ smṛtam

The field, the pitha, and the inner sanctum of Prabhasa are thus proclaimed; their fruit is remembered as increasing, in due order, a crore times over.

Verse 13 (skanda.7.4.13)

क्षेत्रं तु प्रथमं प्रोक्तं तच्च द्वादशयोजनम्। पञ्चयोजनमानेन क्षेत्रपीठं प्रकीर्तितम्

kṣetraṁ tu prathamaṁ proktaṁ tacca dvādaśayojanam| pañcayojanamānena kṣetrapīṭhaṁ prakīrtitam

The field is spoken of first, and it extends twelve yojanas; the field's pitha is proclaimed to measure five yojanas.

Verse 14 (skanda.7.4.14)

गर्भगृहं च गव्यूतिः कर्णिका सा मम प्रिया। क्षेत्रसीमा प्रवक्ष्यामि शृणु देवि यथाक्रमम्

garbhagṛhaṁ ca gavyūtiḥ karṇikā sā mama priyā| kṣetrasīmā pravakṣyāmi śṛṇu devi yathākramam

The inner sanctum measures one gavyuti — that pericarp is dear to me; now I shall tell the boundary of the field in order, O Goddess, listen.

Verse 15 (skanda.7.4.15)

आयामव्यासतश्चैव आदिमध्यान्तसंस्थितम्। पूर्वे तप्तोदक स्वामी पश्चिमे माधवः स्मृतः

āyāmavyāsataścaiva ādimadhyāṁtasaṁsthitam| pūrve taptodaka svāmī paścime mādhavaḥ smṛtaḥ

In length and breadth, established at its beginning, middle, and end — to the east is Taptodaka-svami, and to the west, Madhava is remembered.

Verse 16 (skanda.7.4.16)

दक्षिणे सागरस्तद्वद्भद्रा नद्युत्तरे मता। एवं सीमासमायुक्तं क्षेत्रं द्वादशयोजनम्

dakṣiṇe sāgarastadvadbhadrā nadyuttare matā| evaṁ sīmāsamāyuktaṁ kṣetraṁ dvādaśayojanam

To the south, likewise, is the ocean, and to the north is reckoned the river Bhadra; thus bounded, the field measures twelve yojanas.

Verse 17 (skanda.7.4.17)

एतत्प्राभासिकं क्षेत्रं सर्वपातकनाशनम्। तन्मध्ये पीठिका प्रोक्ता पञ्चयोजनविस्तृता

etatprābhāsikaṁ kṣetraṁ sarvapātakanāśanam| tanmadhye pīṭhikā proktā pañcayojanavistṛtā

This is the Prabhasika field, destroyer of all sins; within its midst is declared the pitha, extending five yojanas.

Verse 18 (skanda.7.4.18)

न्यंकुमन्यपरेणैव वज्रिण्याः पूर्वतस्तथा। माहेश्वर्या दक्षिणतः समुद्रोत्तरतस्तथा

nyaṁkumanyapareṇaiva vajriṇyāḥ pūrvatastathā| māheśvaryā dakṣiṇataḥ samudrottaratastathā

Beyond the Nyankumati, and to the east of the Vajrini, to the south of the Maheshvari, and to the north of the ocean — thus this pitha is bounded.

Verse 19 (skanda.7.4.19)

आयामव्यासतश्चैव पञ्चयोजनविस्तरम्। पीठमेतत्समाख्यातमथो गर्भगृहं शृणु

āyāmavyāsataścaiva pañcayojanavistaram| pīṭhametatsamākhyātamatho garbhagṛhaṁ śṛṇu

In length and breadth extending five yojanas, this pitha is thus declared; now listen concerning the inner sanctum.

Verse 20 (skanda.7.4.20)

दक्षिणोत्तरतो यावत्समुद्रात्कौरवेश्वरी। पूर्वपश्चिमतो यावद्गोमुखाच्चाश्वमेधिकम्। एतद्गर्भगृहं प्रोक्तं कैलासान्मम वल्लभम्

dakṣiṇottarato yāvatsamudrātkauraveśvarī| pūrvapaścimato yāvadgomukhāccāśvamedhikam| etadgarbhagṛhaṁ proktaṁ kailāsānmama vallabham

From south to north, from the ocean to Kauraveshvari, and from east to west, from Gomukha to Ashvamedhika — this is declared to be the inner sanctum, dearer to me than even Kailasa.

Verse 21 (skanda.7.4.21)

अत्रान्तरे तु देवेशि यानि तीर्थानि भूतले। वापीकूपतडागानि देवतायतनानि च

atrāṁtare tu deveśi yāni tīrthāni bhūtale| vāpīkūpataḍāgāni devatāyatanāni ca

O Mistress of the gods, whatever tirthas exist upon the earth within this space — step-wells, wells, tanks, and shrines of the gods,

Verse 22 (skanda.7.4.22)

सरांसि सरितश्चैव पल्वलानि ह्रदास्तथा। तानि मेध्यानि सर्वाणि सर्वपापहराणि च

sarāṁsi saritaścaiva palvalāni hradāstathā| tāni medhyāni sarvāṇi sarvapāpaharāṇi ca

lakes, rivers, ponds, and pools — all of these are sacred and destroy every sin.

Verse 23 (skanda.7.4.23)

यत्र तत्र नरः स्नात्वा स्वर्गलोके महीयते। क्षेत्रस्य प्रथमो भागो मेध्यो माहेश्वरः स्मृतः

yatra tatra naraḥ snātvā svargaloke mahīyate| kṣetrasya prathamo bhāgo medhyo māheśvaraḥ smṛtaḥ

Bathing anywhere within, a man is honored in the heavenly world; the first, sacred portion of the field is remembered as the Maheshvara portion.

Verse 24 (skanda.7.4.24)

द्वितीयो वैष्णवो भागो ब्रह्मभागस्तृतीयकः। तीर्थानां कोटिरेका तु ब्राह्मे भागे व्यवस्थिता

dvitīyo vaiṣṇavo bhāgo brahmabhāgastṛtīyakaḥ| tīrthānāṁ koṭirekā tu brāhme bhāge vyavasthitā

The second is the Vaishnava portion, the third the Brahma portion; in the Brahma portion abide one crore tirthas.

Verse 25 (skanda.7.4.25)

वैष्णवे कोटिरेका तु तीर्थानां वरवर्णिनि। सार्द्धकोटिस्तु संप्रोक्ता रुद्रभागे च मध्यतः

vaiṣṇave koṭirekā tu tīrthānāṁ varavarṇini| sārddhakoṭistu saṁproktā rudrabhāge ca madhyataḥ

O fair one, in the Vaishnava portion too are one crore tirthas; and in the middle, in the Rudra portion, one and a half crore are declared.

Verse 26 (skanda.7.4.26)

एवं देवि समाख्यातं तत्क्षेत्रं हि त्रिदैवतम्। गुह्याद्गुह्यतरं क्षेत्रं मम प्रियतरं शुभे

evaṁ devi samākhyātaṁ tatkṣetraṁ hi tridaivatam| guhyādguhyataraṁ kṣetraṁ mama priyataraṁ śubhe

O Goddess, thus is this field declared to belong to the three deities; O auspicious one, this field is more secret than the secret, and most dear to me.

Verse 27 (skanda.7.4.27)

तिस्रः कोट्योऽर्द्धकोटिश्च क्षेत्रे प्रोक्ता विभागतः। यात्रा तु त्रिविधा ज्ञेया तां शृणुष्व वरानने

tisraḥ koṭyo'rddhakoṭiśca kṣetre proktā vibhāgataḥ| yātrā tu trividhā jñeyā tāṁ śṛṇuṣva varānane

Thus, three and a half crore tirthas are declared within the field, by division; and the pilgrimage too should be known as threefold — hear of it, O fair-faced one.

Verse 28 (skanda.7.4.28)

रौद्री तु प्रथमा यात्रा वैष्णवी च द्वितीयिका। ब्राह्मी तृतीया संख्याता सर्वपातकनाशिनी

raudrī tu prathamā yātrā vaiṣṇavī ca dvitīyikā| brāhmī tṛtīyā saṁkhyātā sarvapātakanāśinī

The Raudri is the first pilgrimage, the Vaishnavi the second; the Brahmi is counted as the third, destroyer of all sins.

Verse 29 (skanda.7.4.29)

ब्राह्मे विभागे संप्रोक्ता इच्छाशक्तिर्वरानने। क्रिया च वैष्णवे भागे द्वितीये तु प्रकीर्तिता

brāhme vibhāge saṁproktā icchāśaktirvarānane| kriyā ca vaiṣṇave bhāge dvitīye tu prakīrtitā

O fair-faced one, in the Brahma portion is declared the Power of Will; and in the second, the Vaishnava portion, is proclaimed the Power of Action.

Verse 30 (skanda.7.4.30)

रौद्रे भागे तृतीये तु ज्ञानशक्तिर्वरानने। यदि पापो यदि शठो यदि नैष्कृतिको नरः

raudre bhāge tṛtīye tu jñānaśaktirvarānane| yadi pāpo yadi śaṭho yadi naiṣkṛtiko naraḥ

And in the third, the Rudra portion, is the Power of Knowledge, O fair one; whether a man be sinful, deceitful, or guilty of the gravest crimes,

Verse 31 (skanda.7.4.31)

निर्मुक्तः सर्वपापेभ्यो मध्यभागे वसेत्तु यः। हिमवंतं परित्यज्य पर्वतं गंधमादनम्

nirmuktaḥ sarvapāpebhyo madhyabhāge vasettu yaḥ| himavaṁtaṁ parityajya parvataṁ gaṁdhamādanam

whoever dwells in the middle portion becomes freed from all sins; setting aside Himavan and Mount Gandhamadana,

Verse 32 (skanda.7.4.32)

कैलासं निषधं चैव मेरुपृष्ठं महाद्युतिम्। रम्यं त्रिशिखरं चैव मानसं च महागिरिम्

kailāsaṁ niṣadhaṁ caiva merupṛṣṭhaṁ mahādyutim| ramyaṁ triśikharaṁ caiva mānasaṁ ca mahāgirim

and Kailasa, Nishadha, the most radiant summit of Meru, the lovely Trishikhara, and the great mountain Manasa,

Verse 33 (skanda.7.4.33)

देवोद्यानानि रम्याणि नंदनं वनमेव च। स्वर्गस्थानानि रम्याणि तीर्थान्यायतनानि च। तानि सर्वाणि संत्यज्य प्रभासे तु रतिर्मम

devodyānāni ramyāṇi naṁdanaṁ vanameva ca| svargasthānāni ramyāṇi tīrthānyāyatanāni ca| tāni sarvāṇi saṁtyajya prabhāse tu ratirmama

and the lovely gardens of the gods, the Nandana grove, the delightful abodes of heaven, the tirthas and shrines — abandoning all of these, my delight rests in Prabhasa alone.

Verse 34 (skanda.7.4.34)

यस्तत्र वसते देवि संयतात्मा समाहितः। त्रिकालमपि भुंजानो वायुभक्षसमो भवेत्

yastatra vasate devi saṁyatātmā samāhitaḥ| trikālamapi bhuṁjāno vāyubhakṣasamo bhavet

O Goddess, whoever dwells there with a disciplined self and a composed mind becomes, even while eating thrice a day, equal to one who subsists on air alone.

Verse 35 (skanda.7.4.35)

विघ्नैरालोड्यमानोऽपि यः प्रभासं न मुंचति। स मुंचति जरां मृत्युं जन्मचक्रमशाश्वतम्

vighnairāloḍyamāno'pi yaḥ prabhāsaṁ na muṁcati| sa muṁcati jarāṁ mṛtyuṁ janmacakramaśāśvatam

Whoever, even when beset by obstacles, does not abandon Prabhasa, is freed from old age, death, and the unending wheel of birth.

Verse 36 (skanda.7.4.36)

जन्मांतरशतैर्देवि योगो वा यदि लभ्यते। मोक्षस्य च सहस्रेण जन्मनां लभ्यते न च

janmāṁtaraśatairdevi yogo vā yadi labhyate| mokṣasya ca sahasreṇa janmanāṁ labhyate na ca

O Goddess, if yoga is attained even across hundreds of births, liberation itself is not attained even in a thousand births elsewhere.

Verse 37 (skanda.7.4.37)

प्रभासे तु महादेवि ये स्थिता कृतनिश्चयाः। एकेन जन्मना तेषां मोक्षो नैवात्र संशयः

prabhāse tu mahādevi ye sthitā kṛtaniścayāḥ| ekena janmanā teṣāṁ mokṣo naivātra saṁśayaḥ

But O great Goddess, for those who abide in Prabhasa with firm resolve, liberation comes in a single birth — of this there is no doubt.

Verse 38 (skanda.7.4.38)

प्रभासे तु स्थिता ये वै ब्राह्मणाः संशितव्रताः। मृत्युंजयेन संयुक्तं जपंति शतरुद्रियम्

prabhāse tu sthitā ye vai brāhmaṇāḥ saṁśitavratāḥ| mṛtyuṁjayena saṁyuktaṁ japaṁti śatarudriyam

Those brahmins of strict vows who abide in Prabhasa recite the Shatarudriya joined with the Mrityunjaya mantra.

Verse 39 (skanda.7.4.39)

कालाग्निरुद्रसांनिध्ये दक्षिणां दिशमाश्रिताः। ज्ञानं चोत्पद्यते तत्र षण्मासाभ्यंतरेण तु

kālāgnirudrasāṁnidhye dakṣiṇāṁ diśamāśritāḥ| jñānaṁ cotpadyate tatra ṣaṇmāsābhyaṁtareṇa tu

Resorting to the southern direction, in the presence of Kalagni-Rudra, knowledge arises there within six months.

Verse 40 (skanda.7.4.40)

शिवस्तु प्रोच्यते वेदो नामपर्यायवाचकैः। तस्य चात्मस्वरूपं तु शतरुद्रं प्रकीर्तितम्

śivastu procyate vedo nāmaparyāyavācakaiḥ| tasya cātmasvarūpaṁ tu śatarudraṁ prakīrtitam

Shiva himself is called, by synonymous names, the Veda; and his very own essential form is proclaimed as the Shatarudra.

Verse 41 (skanda.7.4.41)

कल्पेषु वेदाश्च पुनःपुनरावर्तकाः स्मृताः। मंत्राश्चैव तथा देवि मुक्त्वा तु शतरुद्रियम्

kalpeṣu vedāśca punaḥpunarāvartakāḥ smṛtāḥ| maṁtrāścaiva tathā devi muktvā tu śatarudriyam

In each kalpa, the Vedas are remembered as recurring again and again, and the mantras too, O Goddess — excepting the Shatarudriya.

Verse 42 (skanda.7.4.42)

ईड्यं चैव तु मंत्रेण मामेव हि यजंति ये। प्रभासक्षेत्रमासाद्य ते मुक्ता नात्र संशयः

īḍyaṁ caiva tu maṁtreṇa māmeva hi yajaṁti ye| prabhāsakṣetramāsādya te muktā nātra saṁśayaḥ

Those who worship me alone with this venerable mantra, having reached the Prabhasa field, become liberated — of this there is no doubt.

Verse 43 (skanda.7.4.43)

समंत्रोऽमंत्रको वापि यस्तत्र वसते नरः। सोऽपि यां गतिमाप्नोति यज्ञैर्दानैर्न साध्यते

samaṁtro'maṁtrako vāpi yastatra vasate naraḥ| so'pi yāṁ gatimāpnoti yajñairdānairna sādhyate

Whether versed in mantras or without them, whatever man dwells there attains a state not achieved even through sacrifices and gifts.

Verse 44 (skanda.7.4.44)

अस्मिन्क्षेत्रे स्वयंभूश्च स्थितः साक्षान्महेश्वरः। रुद्राणां कोटयश्चैव प्रभासे संव्यवस्थिताः

asminkṣetre svayaṁbhūśca sthitaḥ sākṣānmaheśvaraḥ| rudrāṇāṁ koṭayaścaiva prabhāse saṁvyavasthitāḥ

In this field the self-born Maheshvara himself abides in visible form, and crores of Rudras too are established in Prabhasa.

Verse 45 (skanda.7.4.45)

ध्यायमानास्तथोंकारं स्थिताः सोमेशदक्षिणे

dhyāyamānāstathoṁkāraṁ sthitāḥ someśadakṣiṇe

They, meditating upon the syllable Om, stand to the south of Someshvara.

Verse 46 (skanda.7.4.46)

ब्रह्मांडोदरमध्ये तु यानि तीर्थानि सुव्रते। सोमेश्वरं गमिष्यंति वैशाखस्य चतुर्दशी

brahmāṁḍodaramadhye tu yāni tīrthāni suvrate| someśvaraṁ gamiṣyaṁti vaiśākhasya caturdaśī

O one of holy vows, whatever tirthas exist within the belly of the cosmic egg all go to Someshvara on the fourteenth day of Vaishakha.

Verse 47 (skanda.7.4.47)

मनोबुद्धिरहंकारः कामक्रोधौ तथाऽपरे। एते रक्षंति सततं सोमेशं पापनाशनम्

manobuddhirahaṁkāraḥ kāmakrodhau tathā'pare| ete rakṣaṁti satataṁ someśaṁ pāpanāśanam

Mind, intellect, ego, desire and anger, and others besides — these ever guard sin-destroying Someshvara.

Verse 48 (skanda.7.4.48)

न सा गतिः कुरुक्षेत्रे गंगाद्वारे त्रिपुष्करे। या गतिर्विहिता पुंसां प्रभासक्षेत्रवासिनाम्

na sā gatiḥ kurukṣetre gaṁgādvāre tripuṣkare| yā gatirvihitā puṁsāṁ prabhāsakṣetravāsinām

Not in Kurukshetra, not at Gangadvara, not at Tripushkara is there the state that is ordained for men who dwell in the Prabhasa field.

Verse 49 (skanda.7.4.49)

तिर्यग्योनिगताः सत्त्वा ये प्रभासे कृतालयाः। कालेन निधनं प्राप्तास्तेपि यांति परां गतिम्

tiryagyonigatāḥ sattvā ye prabhāse kṛtālayāḥ| kālena nidhanaṁ prāptāstepi yāṁti parāṁ gatim

Even creatures born into animal wombs who make their home in Prabhasa, and who in time meet death there, attain the supreme goal.

Verse 50 (skanda.7.4.50)

तद्गुह्यं देवदेवस्य तत्तीर्थं तत्तपोवनम्। तत्र ब्रह्मादयो देवा नारायणपुरोगमाः

tadguhyaṁ devadevasya tattīrthaṁ tattapovanam| tatra brahmādayo devā nārāyaṇapurogamāḥ

That is the secret abode of the God of gods, that is the tirtha, that is the grove of austerity; there Brahma and the other gods, with Narayana at their head,

Verse 51 (skanda.7.4.51)

योगिनश्च तथा सांख्या भगवंतं सनातनम्। उपासते प्रभासं तु मद्भक्ता मत्परायणाः

yoginaśca tathā sāṁkhyā bhagavaṁtaṁ sanātanam| upāsate prabhāsaṁ tu madbhaktā matparāyaṇāḥ

and yogis, and followers of Sankhya, worship the eternal Lord in Prabhasa, being my devotees, wholly devoted to me.

Verse 52 (skanda.7.4.52)

अष्टौ मासान्विहारः स्याद्यतीनां संयतात्मनाम्। एके च चतुरो मासानष्टौ वा नियतं वसेत्

aṣṭau māsānvihāraḥ syādyatīnāṁ saṁyatātmanām| eke ca caturo māsānaṣṭau vā niyataṁ vaset

For ascetics of disciplined self, wandering continues for eight months; some dwell fixed in one place for four months, or for eight.

Verse 53 (skanda.7.4.53)

प्रभासे तु प्रविष्टानां विहारस्तु न विद्यते। अत्र योगश्च मोक्षश्च प्राप्यते दुर्लभो नरैः

prabhāse tu praviṣṭānāṁ vihārastu na vidyate| atra yogaśca mokṣaśca prāpyate durlabho naraiḥ

But for those who have entered Prabhasa, there is no wandering elsewhere; here both yoga and liberation, so hard for men to attain, are gained.

Verse 54 (skanda.7.4.54)

तस्मात्प्रभासं संत्यज्य नान्यद्गच्छेत्तपोवनम्। प्रभासं ये न सेवंते मूढास्ते तमसा वृताः

tasmātprabhāsaṁ saṁtyajya nānyadgacchettapovanam| prabhāsaṁ ye na sevaṁte mūḍhāste tamasā vṛtāḥ

Therefore one should not, forsaking Prabhasa, go to any other grove of austerity; those who do not resort to Prabhasa are fools shrouded in darkness.

Verse 55 (skanda.7.4.55)

विण्मूत्ररेतसां मध्ये संभवंति पुनःपुनः। कामः क्रोधस्तथा लोभो दंभः स्तंभोऽथ मत्सरः

viṇmūtraretasāṁ madhye saṁbhavaṁti punaḥpunaḥ| kāmaḥ krodhastathā lobho daṁbhaḥ staṁbho'tha matsaraḥ

They are born again and again amid excrement, urine, and semen. Desire and anger, greed, hypocrisy, arrogance, and envy —

Verse 56 (skanda.7.4.56)

निद्रा तंद्रा तथाऽऽलस्यं पैशुन्यमिति ते दश। एते रक्षंति सततं सोमेशं तीर्थनायकम्

nidrā taṁdrā tathā'lasyaṁ paiśunyamiti te daśa| ete rakṣaṁti satataṁ someśaṁ tīrthanāyakam

— sleep, drowsiness, sloth, and slander: these are the ten. These ever stand guard around Someshvara, lord of the tirtha, keeping the unworthy at bay.

Verse 57 (skanda.7.4.57)

न प्रभासे मृतः कश्चिन्नरकं याति किल्बिषी। यावज्जीवं नरो यस्तु वसते कृतनिश्चयः

na prabhāse mṛtaḥ kaścinnarakaṁ yāti kilbiṣī| yāvajjīvaṁ naro yastu vasate kṛtaniścayaḥ

No sinner who dies in Prabhasa goes to hell — let alone the man who dwells there his whole life through, with firm resolve.

Verse 58 (skanda.7.4.58)

अग्निहोत्रैश्च संन्यासैराश्रमैश्च सुपालितैः। त्रिदंडैरेकदंडैश्च शैवैः पाशुपतैरपि

agnihotraiśca saṁnyāsairāśramaiśca supālitaiḥ| tridaṁḍairekadaṁḍaiśca śaivaiḥ pāśupatairapi

Through fire-oblations, renunciations, well-maintained stages of life, the triple-staffed and single-staffed ascetics, the Shaivas and Pashupatas as well,

Verse 59 (skanda.7.4.59)

एतैरन्यैश्च यतिभिः प्राप्यते यत्फलं शुभम्। तत्सर्वं लभ्यते देवि श्रीसोमेश्वरयात्रया

etairanyaiśca yatibhiḥ prāpyate yatphalaṁ śubham| tatsarvaṁ labhyate devi śrīsomeśvarayātrayā

and by these and other ascetics — whatever auspicious fruit is attained by them, O Goddess, all of it is gained through the pilgrimage to Shri Someshvara.

Verse 60 (skanda.7.4.60)

एको ह्यर्चयते लिंगं तपस्यति तथापरः। तयोर्मध्ये तु श्रेष्ठो यः सोमेशं च प्रपूजयेत्

eko hyarcayate liṁgaṁ tapasyati tathāparaḥ| tayormadhye tu śreṣṭho yaḥ someśaṁ ca prapūjayet

One man worships the linga, another performs austerity; between the two, the one who fully worships Someshvara is the superior.

Verse 61 (skanda.7.4.61)

यत्तद्योगे च सांख्ये च सिद्धांते पंचरात्रिके। अन्यैश्च शास्त्रैर्विज्ञेयं प्रभासे संव्यवस्थितम्

yattadyoge ca sāṁkhye ca siddhāṁte paṁcarātrike| anyaiśca śāstrairvijñeyaṁ prabhāse saṁvyavasthitam

Whatever is to be known through Yoga, through Sankhya, through the Pancharatra doctrine, and through other scriptures, all of it stands established in Prabhasa.

Verse 62 (skanda.7.4.62)

लिंगे चैव स्थितं सर्वं जगदेतच्चराचरम्। तस्माल्लिंगे सदा देवः पूजनीयः प्रयत्नतः

liṁge caiva sthitaṁ sarvaṁ jagadetaccarācaram| tasmālliṁge sadā devaḥ pūjanīyaḥ prayatnataḥ

This entire universe of moving and unmoving things abides within the linga; therefore the god is ever to be worshipped in the linga, with due diligence.

Verse 63 (skanda.7.4.63)

ममैव सा परा मूर्तिः श्रीसोमेशाख्यया स्थिता। तेन चैषा त्मनात्मानमाराधनपरो ह्यहम्

mamaiva sā parā mūrtiḥ śrīsomeśākhyayā sthitā| tena caiṣā tmanātmānamārādhanaparo hyaham

That is my own supreme form, abiding under the name Shri Someshvara; and through it, by my own self worshipping my own self, I myself remain devoted to that worship.

Verse 64 (skanda.7.4.64)

अनेकजन्मसाहस्रैर्भ्रममाणस्तु जन्मभिः। कस्तां प्राप्नोति वै मुक्तिं विना सोमेशपूजनात्

anekajanmasāhasrairbhramamāṇastu janmabhiḥ| kastāṁ prāpnoti vai muktiṁ vinā someśapūjanāt

Wandering through many thousands of births, who indeed can attain that liberation without the worship of Someshvara?

Verse 65 (skanda.7.4.65)

यत्किञ्चिदशुभं कर्म कृतं मानुषबुद्धिना। तत्सर्वं विलयं याति श्रीसोमेश्वरपूजनात्

yatkiñcidaśubhaṁ karma kṛtaṁ mānuṣabuddhinā| tatsarvaṁ vilayaṁ yāti śrīsomeśvarapūjanāt

Whatever inauspicious deed has been done through human understanding, all of it is dissolved through the worship of Shri Someshvara.

Verse 66 (skanda.7.4.66)

अनेकजन्मकोटीभिर्जंतुभिर्यत्कृतं ह्यघम्। तत्सर्वं नाशमायाति श्रीसोमेश्वरपूजनात्

anekajanmakoṭībhirjaṁtubhiryatkṛtaṁ hyagham| tatsarvaṁ nāśamāyāti śrīsomeśvarapūjanāt

Whatever sin has been committed by creatures across many crores of births, all of it comes to destruction through the worship of Shri Someshvara.

Verse 67 (skanda.7.4.67)

तीर्थानि यानि लोकेऽस्मिन्सेव्यंते पापमोक्षिभिः। तानि सर्वाणि शुद्ध्यर्थं प्रभासे संविशंति हि

tīrthāni yāni loke'sminsevyaṁte pāpamokṣibhiḥ| tāni sarvāṇi śuddhyarthaṁ prabhāse saṁviśaṁti hi

Whatever tirthas in this world are resorted to by those seeking release from sin, all of them, for the sake of their own purification, enter into Prabhasa.

Verse 68 (skanda.7.4.68)

योऽसौ कालाग्निरुद्रस्तु प्रोच्यते वेदवादिभिः। सोऽयं भैरवनाम्ना तु प्रभासे संव्यवस्थितः

yo'sau kālāgnirudrastu procyate vedavādibhiḥ| so'yaṁ bhairavanāmnā tu prabhāse saṁvyavasthitaḥ

He who is spoken of by the exponents of the Veda as Kalagni-Rudra — that very one abides in Prabhasa under the name Bhairava.

Verse 69 (skanda.7.4.69)

जनानां दुष्कृतं सर्वं क्षेत्रमध्ये व्यवस्थितः। भैरवं रूपमास्थाय नाशयामि सुरेश्वरि

janānāṁ duṣkṛtaṁ sarvaṁ kṣetramadhye vyavasthitaḥ| bhairavaṁ rūpamāsthāya nāśayāmi sureśvari

O queen of the gods, established in the middle of the field, having assumed the form of Bhairava, I destroy all the evil deeds of men.

Verse 70 (skanda.7.4.70)

जगत्सर्वं चरित्वा तु स्थितोऽहं सचराचरम्। तेन भैरवनामाहं प्रभासे संव्यवस्थितः

jagatsarvaṁ caritvā tu sthito'haṁ sacarācaram| tena bhairavanāmāhaṁ prabhāse saṁvyavasthitaḥ

Having roamed through the entire universe of moving and unmoving things, I abide within it; and for this reason I am established in Prabhasa under the name Bhairava.

Verse 71 (skanda.7.4.71)

अग्निना यत्र तप्तं तु दिव्याब्दानां चतुर्युगम्। मेघवाहनकल्पे तु तत्र लिंगं बभूव ह

agninā yatra taptaṁ tu divyābdānāṁ caturyugam| meghavāhanakalpe tu tatra liṁgaṁ babhūva ha

Where Agni performed austerity for a Mahayuga of divine years, there, in the Meghavahana kalpa, the linga came into being.

Verse 72 (skanda.7.4.72)

अग्निमीडेति वेदोक्तप्रभावः सुरसुंदरि। कालाग्निरुद्रनामा च देवैः सर्वैरुदाहृतम्

agnimīḍeti vedoktaprabhāvaḥ surasuṁdari| kālāgnirudranāmā ca devaiḥ sarvairudāhṛtam

O lovely one among the gods, he whose power is declared by the Vedic hymn beginning 'Agnim ile', by that very one all the gods have named Kalagni-Rudra.

Verse 73 (skanda.7.4.73)

अग्नीशानेति देवेशि नामत्रितयमुच्यते। कल्पेकल्पे तु नामानि कथितुं नैव शक्यते। असंख्यत्वाच्च कल्पानां ब्रह्मणा च वरानने

agnīśāneti deveśi nāmatritayamucyate| kalpekalpe tu nāmāni kathituṁ naiva śakyate| asaṁkhyatvācca kalpānāṁ brahmaṇā ca varānane

O Mistress of the gods, Agni, Ishana — thus a triad of names is spoken; but the names in each and every kalpa cannot possibly be told, O fair one, owing to the countlessness of the kalpas and of the successive Brahmas.

Verse 74 (skanda.7.4.74)

एवं चैव रहस्यं च महागोप्यं वरानने। स्नेहान्महत्या भक्त्या च मया ते परिकीर्तितम्

evaṁ caiva rahasyaṁ ca mahāgopyaṁ varānane| snehānmahatyā bhaktyā ca mayā te parikīrtitam

Thus, O fair one, this greatly secret mystery has been declared to you by me, out of affection and out of great devotion.

Verse 75 (skanda.7.4.75)

एकतस्तु जगत्सर्वं कर्म कांडे प्रतिष्ठितम्। यज्ञदानतपोहोमैः स्वाध्यायैः पितृतर्पणैः

ekatastu jagatsarvaṁ karma kāṁḍe pratiṣṭhitam| yajñadānatapohomaiḥ svādhyāyaiḥ pitṛtarpaṇaiḥ

On the one hand, the entire world is established in the path of ritual action — through sacrifices, gifts, austerities, fire-oblations, scriptural study, and offerings to the ancestors,

Verse 76 (skanda.7.4.76)

उपवासैर्व्रतैः कृत्स्नैश्चांद्रायणशतैस्तथा। षड्रात्रैश्च त्रिरात्रैश्च तीर्थादिगमनैः परैः

upavāsairvrataiḥ kṛtsnaiścāṁdrāyaṇaśataistathā| ṣaḍrātraiśca trirātraiśca tīrthādigamanaiḥ paraiḥ

through fasts, complete observances, hundreds of Chandrayana vows, six-night and three-night vows, and other supreme pilgrimages to the tirthas,

Verse 77 (skanda.7.4.77)

आश्रमैर्विविधाकारैर्यतिभिर्ब्रह्मचारिभिः। वानप्रस्थैर्गृहस्थैश्च वेदकर्मपरायणैः

āśramairvividhākārairyatibhirbrahmacāribhiḥ| vānaprasthairgṛhasthaiśca vedakarmaparāyaṇaiḥ

through the various stages of life, through ascetics and celibate students, through forest-dwellers and householders devoted to Vedic ritual,

Verse 78 (skanda.7.4.78)

अन्यैश्च विविधाकारैर्लोकमार्गस्थितैः शुभैः। न तत्पदं परं देवि शक्यं वीक्षयितुं क्वचित्

anyaiśca vividhākārairlokamārgasthitaiḥ śubhaiḥ| na tatpadaṁ paraṁ devi śakyaṁ vīkṣayituṁ kvacit

and through many other auspicious means established in the customary way of the world — O Goddess, that supreme state can nowhere be glimpsed by any of these,

Verse 79 (skanda.7.4.79)

यावन्न चार्चयेद्देवि सोमेशं लिंगनायकम्। लीलया वापि तैर्द्रष्टुं तत्पदं दुर्लभं परम्

yāvanna cārcayeddevi someśaṁ liṁganāyakam| līlayā vāpi tairdraṣṭuṁ tatpadaṁ durlabhaṁ param

so long as one has not worshipped Someshvara, lord of the lingas, O Goddess — even by sport, through these means alone, that supreme state remains most difficult to behold.

Verse 80 (skanda.7.4.80)

पूजितो यैर्जगन्नाथः सोमेशः किल भैरवः। तिर्यग्योनिगता ये तु पशुपक्षिपिपीलिकाः

pūjito yairjagannāthaḥ someśaḥ kila bhairavaḥ| tiryagyonigatā ye tu paśupakṣipipīlikāḥ

Those by whom Someshvara-Bhairava, Lord of the world, has been worshipped — whether they be creatures born into animal wombs, beasts, birds, or ants,

Verse 81 (skanda.7.4.81)

अन्तर्ज्जलगता ये तु कृमिकीटपतंगकाः। स्थावरा जंगमाश्चान्ये मनुष्याः पशवः स्त्रियः

antarjjalagatā ye tu kṛmikīṭapataṁgakāḥ| sthāvarā jaṁgamāścānye manuṣyāḥ paśavaḥ striyaḥ

or worms, insects, and moths dwelling within water, or things fixed or moving, humans, beasts, or women,

Verse 82 (skanda.7.4.82)

बाला वृद्धास्तथा षण्ढाः श्वानगर्द्दभवायसाः। चंडालाः पुष्कसाः शूद्रा म्लेच्छा येऽन्ये वियोनिजाः

bālā vṛddhāstathā ṣaṇḍhāḥ śvānagarddabhavāyasāḥ| caṁḍālāḥ puṣkasāḥ śūdrā mlecchā ye'nye viyonijāḥ

children, the aged, eunuchs, dogs, donkeys, crows, outcastes, degraded folk, shudras, barbarians, or any others born of debased wombs,

Verse 83 (skanda.7.4.83)

मूर्खास्तु पण्डिताश्चापि ये चान्ये कुत्सिता भुवि। ते सर्वे मुक्तिमायांति प्रभासे ये मृताः शुभे

mūrkhāstu paṇḍitāścāpi ye cānye kutsitā bhuvi| te sarve muktimāyāṁti prabhāse ye mṛtāḥ śubhe

fools or scholars, or any other despised beings upon the earth — all of them, dying in this auspicious Prabhasa, attain liberation.

Verse 84 (skanda.7.4.84)

कालानलस्य रुद्रस्य कालराजेन चाग्निना। दग्धास्ते जन्तवः सर्वे प्रभासे ये मृताः शुभे

kālānalasya rudrasya kālarājena cāgninā| dagdhāste jaṁtavaḥ sarve prabhāse ye mṛtāḥ śubhe

Consumed by the fire of Kalagni, of Rudra the king of time, all those creatures who die in this auspicious Prabhasa are purified.

Verse 85 (skanda.7.4.85)

दुर्ल्लभं तु मम क्षेत्रं प्रभासं देवि पापिनाम्। न तत्र लभते मृत्युं पापात्मा लोकवंदिते

durllabhaṁ tu mama kṣetraṁ prabhāsaṁ devi pāpinām| na tatra labhate mṛtyuṁ pāpātmā lokavaṁdite

O Goddess, O one venerated by the world, my field of Prabhasa is hard for sinners to attain; a person of sinful soul does not even manage to obtain death there.

Verse 86 (skanda.7.4.86)

मया दक्षिणभागे च विघ्नेशः संप्रतिष्ठितः। उत्तरे दण्डपाणिस्तु क्षेत्रमेतच्च रक्षति

mayā dakṣiṇabhāge ca vighneśaḥ saṁpratiṣṭhitaḥ| uttare daṇḍapāṇistu kṣetrametacca rakṣati

By me, in the southern portion, Vighnesha has been established, and in the north Dandapani guards this field.

Verse 87 (skanda.7.4.87)

तथान्ये गणपाः सर्वे मदाज्ञावशवर्तिनः। क्षेत्रं रक्षंति देवेशि तेषां नामानि मे शृणु

tathānye gaṇapāḥ sarve madājñāvaśavartinaḥ| kṣetraṁ rakṣaṁti deveśi teṣāṁ nāmāni me śṛṇu

Likewise all the other lords of the ganas, subject to my command, guard the field; O Mistress of the gods, hear their names from me.

Verse 88 (skanda.7.4.88)

महाबलस्तु चण्डीशो घंटाकर्णस्तु गोमुखः। विनायको महानादः काकवक्त्रः शुभेक्षणः। एकाक्षो दुन्दुभिश्चंडस्तालजंघस्तथैव च

mahābalastu caṇḍīśo ghaṁṭākarṇastu gomukhaḥ| vināyako mahānādaḥ kākavaktraḥ śubhekṣaṇaḥ| ekākṣo dundubhiścaṁḍastālajaṁghastathaiva ca

Mahabala and Chandisha, Ghantakarna and Gomukha, Vinayaka, Mahanada, Kakavaktra, Shubhekshana, Ekaksha, Dundubhi, Chanda, and likewise Talajangha —

Verse 89 (skanda.7.4.89)

भूमिदंडश्च चंडश्च शंकुकर्णश्च वैधृतिः। तालचण्डो महातेजा विकटास्यो हयाननः

bhūmidaṁḍaśca caṁḍaśca śaṁkukarṇaśca vaidhṛtiḥ| tālacaṇḍo mahātejā vikaṭāsyo hayānanaḥ

Bhumidanda and Chanda, Shankukarna, Vaidhriti, the radiant Talachanda, Vikatasya, and Hayanana —

Verse 90 (skanda.7.4.90)

हस्तिवक्त्रः श्वानवक्त्रो बिडालवदनस्तथा। सिंहव्याघ्रमुखाश्चान्ये वीरभद्रादयस्तथा

hastivaktraḥ śvānavaktro biḍālavadanastathā| siṁhavyāghramukhāścānye vīrabhadrādayastathā

Hastivaktra, Shvanavaktra, Bidalavadana, others with the faces of lions and tigers, and Virabhadra and the rest —

Verse 91 (skanda.7.4.91)

विनायकं पुरस्कृत्य देव देवं कपर्द्दिनम्। एकादश तथा कोट्यो नियुतानि त्रयोदश

vināyakaṁ puraskṛtya deva devaṁ kapardinam| ekādaśa tathā koṭyo niyutāni trayodaśa

with Vinayaka at their head, of the matted-locked God of gods — eleven crore and thirteen niyutas,

Verse 92 (skanda.7.4.92)

अर्बुदं च गणानां च प्रभासं क्षेत्रमाश्रिताः। द्वारिद्वारि प्रचंडास्ते शूलमुद्गरपाणयः

arbudaṁ ca gaṇānāṁ ca prabhāsaṁ kṣetramāśritāḥ| dvāridvāri pracaṁḍāste śūlamudgarapāṇayaḥ

and a hundred million ganas have taken shelter in the Prabhasa field, fierce, at every gate, trident and mace in hand,

Verse 93 (skanda.7.4.93)

प्रभासक्षेत्रं रक्षंति देवदेवस्य वै गृहम्। न कश्चिद्दुष्टबुद्ध्या तु प्रविशेदिति संस्थितिः

prabhāsakṣetraṁ rakṣaṁti devadevasya vai gṛham| na kaścidduṣṭabuddhyā tu praviśediti saṁsthitiḥ

they guard the Prabhasa field, the very house of the God of gods; it is so ordained that none with evil intent may enter.

Verse 94 (skanda.7.4.94)

शतकोटिगणैश्चापि पूर्वद्वारि तु संवृतः। अट्टहासो गणो नाम प्रभासं तत्र रक्षति

śatakoṭigaṇaiścāpi pūrvadvāri tu saṁvṛtaḥ| aṭṭahāso gaṇo nāma prabhāsaṁ tatra rakṣati

At the eastern gate, surrounded by a hundred crore ganas, the gana named Atthasa guards Prabhasa there.

Verse 95 (skanda.7.4.95)

कालाक्षो भीषणश्चंडो वृतोऽष्टादशकोटिभिः। घंटाकर्णगणो नाम दक्षिणं द्वारमाश्रितः

kālākṣo bhīṣaṇaścaṁḍo vṛto'ṣṭādaśakoṭibhiḥ| ghaṁṭākarṇagaṇo nāma dakṣiṇaṁ dvāramāśritaḥ

Kalaksha, terrible and fierce, surrounded by eighteen crore, the gana named Ghantakarna holds the southern gate.

Verse 96 (skanda.7.4.96)

पश्चिमद्वारमाश्रित्य स्थितवान्विष्टरो गणः। दण्डपाणिः स्थितस्तत्र देवदेवस्य चोत्तरे

paścimadvāramāśritya sthitavānviṣṭaro gaṇaḥ| daṇḍapāṇiḥ sthitastatra devadevasya cottare

Holding the western gate stands the gana named Vishtara; and at the north, for the God of gods, stands Dandapani,

Verse 97 (skanda.7.4.97)

योगक्षेमं वहन्नित्यं प्रभासे भावितात्मनाम्। भीषणाक्षस्तथैशान्यामाग्नेय्यां छागवक्त्रकः

yogakṣemaṁ vahannityaṁ prabhāse bhāvitātmanām| bhīṣaṇākṣastathaiśānyāmāgneyyāṁ chāgavaktrakaḥ

ever bearing the welfare and security of the devout souls in Prabhasa; in the northeast, Bhishanaksha, and in the southeast, Chagavaktraka,

Verse 98 (skanda.7.4.98)

नैर्ऋत्यां चंडनादस्तु वायव्यां भैरवाननः। नन्दी चैव महाकालो दण्डपाणिर्विनायकः

nairṛtyāṁ caṁḍanādastu vāyavyāṁ bhairavānanaḥ| naṁdī caiva mahākālo daṇḍapāṇirvināyakaḥ

in the southwest, Chandanada, and in the northwest, Bhairavanana; and Nandi, Mahakala, Dandapani, and Vinayaka —

Verse 99 (skanda.7.4.99)

एतेङ्गरक्षका मध्ये शतकोटिगणैर्वृताः। एवं रक्षंति बहवो ह्यसंख्येया गणेश्वराः

eteṁgarakṣakā madhye śatakoṭigaṇairvṛtāḥ| evaṁ rakṣaṁti bahavo hyasaṁkhyeyā gaṇeśvarāḥ

these, as bodyguards in the middle, are surrounded by a hundred crore ganas; thus many countless lords of the ganas keep guard.

Verse 100 (skanda.7.4.100)

कलिकल्मषसंभूत्या येषां चोपहता मतिः। न तेषां तद्भवेद्गम्यं स्थानमर्धेन्दुमौलिनः

kalikalmaṣasaṁbhūtyā yeṣāṁ copahatā matiḥ| na teṣāṁ tadbhavedgamyaṁ sthānamardhendumauliniḥ

For those whose minds have been ruined by the sin born of the Kali age, that abode of the crescent-crowned one does not become accessible.

Verse 101 (skanda.7.4.101)

गंधर्वैः किन्नरैर्यक्षैरप्सरोभिस्तथोरगैः। सिद्धैः संपूज्य देवेशं सोमेशं पापनाशनम्

gaṁdharvaiḥ kinnarairyakṣairapsarobhistathoragaiḥ| siddhaiḥ saṁpūjya deveśaṁ someśaṁ pāpanāśanam

Gandharvas, kinnaras, yakshas, apsaras, serpents, and siddhas, having duly worshipped the sin-destroying Lord Someshvara,

Verse 102 (skanda.7.4.102)

अन्तर्धानं गतैर्नित्यं प्रभासं तु निषेव्यते। सप्तलोकेषु ये सन्ति सिद्धाः पातालवासिनः। प्रदक्षिणं ते कुर्वंति सोमेशं कालभैरवम्

antardhānaṁ gatairnityaṁ prabhāsaṁ tu niṣevyate| saptalokeṣu ye saṁti siddhāḥ pātālavāsinaḥ| pradakṣiṇaṁ te kurvaṁti someśaṁ kālabhairavam

resort to Prabhasa daily, having become invisible; and whatever siddhas exist in the seven worlds, even those dwelling in the netherworld, circumambulate Someshvara-Kalabhairava.

Verse 103 (skanda.7.4.103)

पृथिव्यां यानि तीर्थानि पुण्यान्यायतनानि च। लाकुलिं भारभूतिं च आषाढिं दण्डमेव च

pṛthivyāṁ yāni tīrthāni puṇyānyāyatanāni ca| lākuliṁ bhārabhūtiṁ ca āṣāḍhiṁ daṇḍameva ca

Whatever meritorious tirthas and shrines exist upon the earth — Lakuli, Bharabhuti, Ashadhi, Danda,

Verse 104 (skanda.7.4.104)

पुष्करं नैमिषं चैव अमरेशं तथापरम्। भैरवं मध्यमं कालं केदारं कणवीरकम्

puṣkaraṁ naimiṣaṁ caiva amareśaṁ tathāparam| bhairavaṁ madhyamaṁ kālaṁ kedāraṁ kaṇavīrakam

Pushkara, Naimisha, and Amaresha too, Bhairava, Madhyamakala, Kedara, Kanavireka,

Verse 105 (skanda.7.4.105)

हरिचंद्रस्तु शैलेशस्तथा वस्त्रांतिकेश्वरः। अट्टहासं महेन्द्रं च श्रीशैलं च गया तथा

haricaṁdrastu śaileśastathā vastrāṁtikeśvaraḥ| aṭṭahāsaṁ mahendraṁ ca śrīśailaṁ ca gayā tathā

Harichandra, Shailesha, and Vastrantikeshvara, Atthasa, Mahendra, Shrishaila, and Gaya —

Verse 106 (skanda.7.4.106)

एतानि सर्वतीर्थानि देवं सोमेश्वरं प्रभुम्। प्रदक्षिणं प्रकुर्वंति तत्र लिंगं स्तुवंति च

etāni sarvatīrthāni devaṁ someśvaraṁ prabhum| pradakṣiṇaṁ prakurvaṁti tatra liṁgaṁ stuvaṁti ca

All these tirthas circumambulate the Lord God Someshvara, and there they extol his linga in praise.

Verse 107 (skanda.7.4.107)

ब्रह्मा जनार्दनश्चान्ये ये देवा जगति स्थिताः। अग्निलिंगसमीपस्थाः संध्याकाले स्तुवंति च

brahmā janārdanaścānye ye devā jagati sthitāḥ| agniliṁgasamīpasthāḥ saṁdhyākāle stuvaṁti ca

Brahma, Janardana, and whatever other gods abide in the world, present themselves near the fire-linga at twilight and offer praise.

Verse 108 (skanda.7.4.108)

षष्टिकोटिसहस्राणि षष्टिकोटिशतानि च। सर्वे सोमेश्वरं यांति माघकृष्णचतुर्द्दशीम्

ṣaṣṭikoṭisahasrāṇi ṣaṣṭikoṭiśatāni ca| sarve someśvaraṁ yāṁti māghakṛṣṇacaturddaśīm

Sixty thousand crores and sixty hundred crores of them, all go to Someshvara on the fourteenth day of the dark half of Magha.

Verse 109 (skanda.7.4.109)

तस्मिन्काले च यो दद्यात्सोमेशे घृतकम्बलम्

tasminkāle ca yo dadyātsomeśe ghṛtakambalam

Whoever offers a ghee-blanket to Someshvara at that time —

Verse 110 (skanda.7.4.110)

घृतं रसं तिलान्दुग्धं जलं चंद्राधिवासितम्। एकत्र कृत्वा काश्मीरमित्येतद्घृतकंबलम्

ghṛtaṁ rasaṁ tilāndugdhaṁ jalaṁ caṁdrādhivāsitam| ekatra kṛtvā kāśmīramityetadghṛtakaṁbalam

— ghee, juice, sesame, milk, and water infused under the moonlight, all combined together with saffron: this is called the ghee-blanket.

Verse 111 (skanda.7.4.111)

शिवरात्र्यां तु कर्त्तव्यमेतद्गोप्यं मम प्रियम्। एवं कृते च यत्पुण्यं गदितुं तन्न शक्यते

śivarātryāṁ tu karttavyametadgopyaṁ mama priyam| evaṁ kṛte ca yatpuṇyaṁ gadituṁ tanna śakyate

This is to be performed on Shivaratri — it is secret, and dear to me; the merit that comes of doing so cannot be told.

Verse 112 (skanda.7.4.112)

तत्र दक्षिणभागे तु स्वयं भूतविनायकम्। प्रथमं पूजयेद्देवि यदीच्छेत्सिद्धिमात्मनः

tatra dakṣiṇabhāge tu svayaṁ bhūtavināyakam| prathamaṁ pūjayeddevi yadīcchetsiddhimātmanaḥ

There, in the southern portion, one should first worship the self-born Bhuta-Vinayaka, O Goddess, if one desires one's own accomplishment.

Verse 113 (skanda.7.4.113)

ऊषराणां च सर्वेषां प्रभासक्षेत्रमूषरम्। पीठानां चैव पीठं च क्षेत्राणां क्षेत्रमुत्तमम्। सन्देहानां च सर्वेषामयं संदेह उत्तमः

ūṣarāṇāṁ ca sarveṣāṁ prabhāsakṣetramūṣaram| pīṭhānāṁ caiva pīṭhaṁ ca kṣetrāṇāṁ kṣetramuttamam| saṁdehānāṁ ca sarveṣāmayaṁ saṁdeha uttamaḥ

Of all lands the Prabhasa field is the very land supreme; of all pithas it is the pitha; of all fields it is the supreme field; and of all doubts, this very doubt is the finest one to hold.

Verse 114 (skanda.7.4.114)

ये केचिद्योगिनः संति शतकोटिप्रविस्तराः। तेषां क्षेत्रे प्रभासे तु रतिर्न्नान्यत्र कुत्रचित्

ye kecidyoginaḥ saṁti śatakoṭipravistarāḥ| teṣāṁ kṣetre prabhāse tu ratirnnānyatra kutracit

Whatever yogis there are, spread across a hundred crore, their delight rests in the field of Prabhasa alone, and nowhere else.

Verse 115 (skanda.7.4.115)

लिंगादीशानभागे तु संस्थिता सुरसुन्दरि

liṁgādīśānabhāge tu saṁsthitā surasundari

O lovely one among the gods, established in the northeastern quarter of the linga,

Verse 116 (skanda.7.4.116)

मया या कथिता तुभ्यमुमा नाम कला शुभा। सा सती प्रोच्यते देवि दक्षस्य दुहिता पुरा

mayā yā kathitā tubhyamumā nāma kalā śubhā| sā satī procyate devi dakṣasya duhitā purā

the auspicious portion whose name I told you was Uma — she, O Goddess, is proclaimed as Sati, the daughter of Daksha in a former time.

Verse 117 (skanda.7.4.117)

दक्षकोपाच्छरीरं तु संत्यज्य परमा कला। हिमवंतगृहे जाता उमानाम्ना च विश्रुता

dakṣakopācchārīraṁ tu saṁtyajya paramā kalā| himavaṁtagṛhe jātā umānāmnā ca viśrutā

Owing to Daksha's wrath, that supreme portion cast off her body, and was born in the house of Himavan, renowned by the name Uma.

Verse 118 (skanda.7.4.118)

तेन देवि त्वया सार्द्धं तत्रस्था वरदाः स्मृताः। नवकोट्यस्तु चामुंडास्तस्मिन्क्षेत्रे स्थिताः स्वयम्

tena devi tvayā sārddhaṁ tatrasthā varadāḥ smṛtāḥ| navakoṭyastu cāmuṁḍāstasminkṣetre sthitāḥ svayam

For this reason, O Goddess, together with you, boon-granting Chamundas, nine crore in number, abide there of themselves in that field.

Verse 119 (skanda.7.4.119)

चैत्रे मासि सिताष्टम्यां तत्र त्वां यदि पूजयेत्। एक विंशतिजन्मानि दारिद्र्यं तस्य नो भवेत्

caitre māsi sitāṣṭamyāṁ tatra tvāṁ yadi pūjayet| eka viṁśatijanmāni dāridryaṁ tasya no bhavet

If one worships you there on the bright eighth of Chaitra, poverty does not befall that person for twenty-one births.

Verse 120 (skanda.7.4.120)

अमा सोमेन संयुक्ता कदाचिद्यदि लभ्यते। तस्यां सोमेश्वरं दृष्ट्वा कोटियज्ञफलं लभेत्

amā somena saṁyuktā kadācidyadi labhyate| tasyāṁ someśvaraṁ dṛṣṭvā koṭiyajñaphalaṁ labhet

If ever a new-moon day falls together with Monday, then, beholding Someshvara on that day, one obtains the fruit of a crore sacrifices.

Verse 121 (skanda.7.4.121)

एतत्क्षेत्रं महागुह्यं सर्वपातकनाशनम्। रुद्राणां कोटयो यत्र एकादश समासते

etatkṣetraṁ mahāguhyaṁ sarvapātakanāśanam| rudrāṇāṁ koṭayo yatra ekādaśa samāsate

This field is greatly secret, the destroyer of all sins, where eleven crore Rudras sit assembled.

Verse 122 (skanda.7.4.122)

द्वादशात्र दिनेशानां वसवोऽष्टौ समागताः। गन्धर्वयक्षरक्षांसि असंख्याता गणेश्वराः

dvādaśātra dineśānāṁ vasavo'ṣṭau samāgatāḥ| gaṁdharvayakṣarakṣāṁsi asaṁkhyātā gaṇeśvarāḥ

Here the twelve Suns and the eight Vasus have gathered, and countless gandharvas, yakshas, rakshasas, and lords of the ganas.

Verse 123 (skanda.7.4.123)

उमापि तत्र पार्श्वस्था सर्वदेवैस्तु संस्तुता। नन्दी च गणनाथो यो देवदेवस्य शूलिनः

umāpi tatra pārśvasthā sarvadevaistu saṁstutā| naṁdī ca gaṇanātho yo devadevasya śūlinaḥ

Uma too stands there at his side, praised by all the gods; and Nandi, lord of the ganas of the trident-bearing God of gods,

Verse 124 (skanda.7.4.124)

महाकालस्य ये चान्ये गणपाः संति पार्श्वगाः। गंगा च यमुना चैव तथा देवी सरस्वती

mahākālasya ye cānye gaṇapāḥ saṁti pārśvagāḥ| gaṁgā ca yamunā caiva tathā devī sarasvatī

and whatever other lords of the ganas stand at Mahakala's side, and the Ganga, the Yamuna, and the goddess Sarasvati,

Verse 125 (skanda.7.4.125)

अन्याश्च सरितः पुण्या नदाश्चैव ह्रदास्तथा। समुद्राः पर्वताः कूपा वनस्पतय एव च

anyāśca saritaḥ puṇyā nadāścaiva hradāstathā| samudrāḥ parvatāḥ kūpā vanaspataya eva ca

other sacred rivers, streams, and lakes, oceans, mountains, wells, and the very lords of the forest,

Verse 126 (skanda.7.4.126)

स्थावरं जंगमं चैव प्रभासे तु समागतम्। अन्ये चैव गणास्तत्र प्रभासे संव्यवस्थिताः

sthāvaraṁ jaṁgamaṁ caiva prabhāse tu samāgatam| anye caiva gaṇāstatra prabhāse saṁvyavasthitāḥ

everything fixed and moving has gathered in Prabhasa; and many other hosts besides stand established there in Prabhasa.

Verse 127 (skanda.7.4.127)

न मया कथिताः सर्व उद्देशेन क्वचित्क्वचित्। भक्त्या परमया युक्तो देवदेवि विनायकम्। तृतीयं पूजयेत्तत्र वांछेत्क्षेत्रफलं यदि

na mayā kathitāḥ sarva uddeśena kvacitkvacit| bhaktyā paramayā yukto devadevi vināyakam| tṛtīyaṁ pūjayettatra vāṁchetkṣetraphalaṁ yadi

I have not told all of them, only mentioned them here and there in brief; O Goddess, if one desires the fruit of the field, one should, joined with supreme devotion, worship Vinayaka there a third time.

Verse 128 (skanda.7.4.128)

द्वादशैवं तथा चाष्टौ चत्वारिंशच्च कोटयः। नदीनामग्नितीर्थस्य द्वारे तिष्ठंति भामिनि

dvādaśaivaṁ tathā cāṣṭau catvāriṁśacca koṭayaḥ| nadīnāmagnitīrthasya dvāre tiṣṭhaṁti bhāmini

O radiant one, thus twelve, and eight, and forty crore rivers stand at the gate of the Agni-tirtha.

Verse 129 (skanda.7.4.129)

निर्माल्यलंघनं किंचिदज्ञाताद्यदि वै कृतम्। तत्सर्वं विलयं याति अग्नितीर्थस्य दर्शनात्

nirmālyalaṁghanaṁ kiṁcidajñātādyadi vai kṛtam| tatsarvaṁ vilayaṁ yāti agnitīrthasya darśanāt

If even the offense of stepping over sacred offerings has been unknowingly committed, all of it is dissolved by the mere sight of the Agni-tirtha.

Verse 130 (skanda.7.4.130)

देवि किं बहुनोक्तेन क्षेत्रमेतन्महाप्रभम्। न ते वर्णयितुं शक्यं कल्पकोटिशतैरपि

devi kiṁ bahunoktena kṣetrametanmahāprabham| na te varṇayituṁ śakyaṁ kalpakoṭiśatairapi

O Goddess, what need is there for many words — this field of great power cannot be fully described even in a hundred crore kalpas.

Verse 131 (skanda.7.4.131)

ये चांतरिक्षे भुवि ये च देवास्तीर्थानि वै यानि दिगंतरेषु। क्षेत्रं प्रभासं प्रवरं हि तेषां सोमेश्वरं देवि तथा वरिष्ठम्

ye cāṁtarikṣe bhuvi ye ca devāstīrthāni vai yāni digaṁtareṣu| kṣetraṁ prabhāsaṁ pravaraṁ hi teṣāṁ someśvaraṁ devi tathā variṣṭham

Of whatever exists in the sky and on the earth, of the gods, and of the tirthas scattered through the quarters of space — the field of Prabhasa is foremost among them all, and, O Goddess, Someshvara likewise is the very best.

Verse 132 (skanda.7.4.132)

ये चांडजाश्चोद्भिजाश्चैव जीवाः सस्वेदजाश्चैव जरायुजाश्च। देवि प्रभासे तु गतासवोऽथ मुक्तिं परं यांति न संशयोऽत्र

ye cāṁḍajāścodbhijāścaiva jīvāḥ sasvedajāścaiva jarāyujāśca| devi prabhāse tu gatāsavo'tha muktiṁ paraṁ yāṁti na saṁśayo'tra

Whatever beings are born of eggs, or sprout from the earth, or are born of sweat, or born of the womb — O Goddess, breathing their last in Prabhasa, they attain supreme liberation; of this there is no doubt.

Verse 133 (skanda.7.4.133)

इति निगदितमेतद्देवदेवस्य चित्रं चरितमिदमचिंत्यं देवि ते शंकरस्य। कलिकलुषविदारं सर्वलोकोऽपि यायाद्यदि पठति शृणोति स्तौति नित्यं य इत्थम्

iti nigaditametaddevadevasya citraṁ caritamidamaciṁtyaṁ devi te śaṁkarasya| kalikaluṣavidāraṁ sarvaloko'pi yāyādyadi paṭhati śṛṇoti stauti nityaṁ ya itthaṁ

Thus, O Goddess, has this wondrous, inconceivable account of Shankara, the God of gods, been related to you — a tearer-away of the sin of the Kali age; whoever ever reads, hears, or praises it in this way, through him the entire world too may attain that same goal.