The Glory of Chakra Tirtha and Durvasas' Ordeal at the Demons' Hands

Verse 1 (skanda.7.465.1)

श्रीप्रह्लाद उवाच। पूजयेद्गणनाथं तं रुक्मिणं रुक्मभूषितम्। दुर्वाससं च कृष्णं च बलभद्रं च भक्तितः

śrīprahlāda uvāca| pūjayedgaṇanāthaṁ taṁ rukmiṇaṁ rukmabhūṣitam| durvāsasaṁ ca kṛṣṇaṁ ca balabhadraṁ ca bhaktitaḥ

Shri Prahlada said: One should worship that lord of the ganas, Rukmi, adorned with gold, and with devotion worship Durvasas, Krishna, and Balabhadra as well.

Verse 2 (skanda.7.465.2)

यजत्येको महायज्ञैः संपूर्णवरदक्षिणैः। एकः पश्यति देवेशं कृष्णं तुल्यफलौ हि तौ

yajatyeko mahāyajñaiḥ saṁpūrṇavaradakṣiṇaiḥ| ekaḥ paśyati deveśaṁ kṛṣṇaṁ tulyaphalau hi tau

One man performs great sacrifices with full and excellent gifts of dakshina; another merely beholds the Lord Krishna — the fruit of both is indeed equal.

Verse 3 (skanda.7.465.3)

वापीकूपतडागानि करोत्येकः समाहितः। एकः पश्यति देवेशं कृष्णं तुल्यफलौ हि तौ

vāpīkūpataḍāgāni karotyekaḥ samāhitaḥ| ekaḥ paśyati deveśaṁ kṛṣṇaṁ tulyaphalau hi tau

One man, with focused mind, has step-wells, wells, and ponds constructed; another merely beholds the Lord Krishna — the fruit of both is indeed equal.

Verse 4 (skanda.7.465.4)

गोभूतिलहिरण्यादि ददात्येको दिनेदिने। एकः पश्यति देवेशं कृष्णं तुल्यफलौ हि तौ

gobhūtilahiraṇyādi dadātyeko dinedine| ekaḥ paśyati deveśaṁ kṛṣṇaṁ tulyaphalau hi tau

One man gives daily gifts of cows, land, sesame, gold, and the like; another merely beholds the Lord Krishna — the fruit of both is indeed equal.

Verse 5 (skanda.7.465.5)

प्राणायामादिसंयुक्तो जपध्यानपरायणः। एकः पश्यति देवेशं कृष्णं तुल्यफलौ हि तौ

prāṇāyāmādisaṁyukto japadhyānaparāyaṇaḥ| ekaḥ paśyati deveśaṁ kṛṣṇaṁ tulyaphalau hi tau

One man, engaged in breath-control and the like, is devoted to recitation and meditation; another merely beholds the Lord Krishna — the fruit of both is indeed equal.

Verse 6 (skanda.7.465.6)

जाह्नव्यादिषु तीर्थेषु सुस्नात्वैकः समाहितः। एकः पश्यति देवेशं कृष्णं तुल्यफलौ हि तौ

jāhnavyādiṣu tīrtheṣu susnātvaikaḥ samāhitaḥ| ekaḥ paśyati deveśaṁ kṛṣṇaṁ tulyaphalau hi tau

One man, with focused mind, bathes well at the Ganga and other tirthas; another merely beholds the Lord Krishna — the fruit of both is indeed equal.

Verse 7 (skanda.7.465.7)

त्रिभिर्विक्रमणैर्येन विक्रांतं भुवनत्रयम्। त्रिविक्रमं च तं दृष्ट्वा मुच्यते पातकत्रयात्

tribhirvikramaṇairyena vikrāṁtaṁ bhuvanatrayam| trivikramaṁ ca taṁ dṛṣṭvā mucyate pātakatrayāt

He who traversed the three worlds in three strides — seeing that Trivikrama, a man is freed from the three kinds of sin.

Verse 8 (skanda.7.465.8)

ऋषय ऊचुः। कथं त्रैविक्रमी मूर्तिरागतेयं धरातले। कलान्यासाच्च कृष्णत्वं कदेयं प्राप्तवत्यथ

ṛṣaya ūcuḥ| kathaṁ traivikramī mūrtirāgateyaṁ dharātale| kalānyāsācca kṛṣṇatvaṁ kadeyaṁ prāptavatyatha

The sages said: How did this form of Trivikrama come to this earth? And through the investiture of divine portions, when did it attain the state of Krishna?

Verse 9 (skanda.7.465.9)

दैत्य संशयमस्माकं छेत्तुमर्हस्यशेषतः। दुर्वाससश्च कृष्णस्य संभवः कथ्यतामिति

daitya saṁśayamasmākaṁ chettumarhasyaśeṣataḥ| durvāsasaśca kṛṣṇasya saṁbhavaḥ kathyatāmiti

O demon, you are able to resolve our doubt in full — tell us of the connection between Durvasas and Krishna.

Verse 10 (skanda.7.465.10)

प्रह्लाद उवाच। तच्छ्रूयतां द्विजश्रेष्ठा यथा मूर्तिस्त्रिविक्रमी। दुर्वाससा समायुक्ता संभूता धरणीतले

prahlāda uvāca| tacchrūyatāṁ dvijaśreṣṭhā yathā mūrtistrivikramī| durvāsasā samāyuktā saṁbhūtā dharaṇītale

Prahlada said: O best of brahmins, hear now how that form of Trivikrama, joined with Durvasas, came to be manifest upon this earth.

Verse 11 (skanda.7.465.11)

पूर्वं कृतयुगस्यांते बलिना च पुरंदरः। निर्जित्य भ्रंशितः स्थानात्तदर्थं मधुसूदनः

pūrvaṁ kṛtayugasyāṁte balinā ca puraṁdaraḥ| nirjitya bhraṁśitaḥ sthānāttadarthaṁ madhusūdanaḥ

Long ago, at the end of the Krita age, Bali conquered Purandara (Indra) and cast him down from his position; for that reason Madhusudana took incarnation.

Verse 12 (skanda.7.465.12)

कश्यपाद्वामनो जज्ञे ततोऽभूच्च त्रिविक्रमः। त्रिभिः क्रमैर्मिताँल्लोकानाक्रम्य मधुहा हरिः

kaśyapādvāmano jajñe tato'bhūcca trivikramaḥ| tribhiḥ kramairmitāṁllokānākramya madhuhā hariḥ

From Kashyapa was Vamana born, and thereafter he became Trivikrama; Hari, the slayer of Madhu, overran the worlds measured out by his three strides.

Verse 13 (skanda.7.465.13)

बलिं चकार भगवान्पातालतलवासि नम्। भक्त्या त्वनन्यया कृष्णो दैत्येन परितोषितः

baliṁ cakāra bhagavānpātālatalavāsinam| bhaktyā tvananyayā kṛṣṇo daityena paritoṣitaḥ

The Lord made Bali a dweller of the netherworld. Krishna was fully satisfied by the demon's unwavering devotion.

Verse 14 (skanda.7.465.14)

स्वयं चैवाऽवसत्तत्र भक्त्या क्रीतो हरिस्तदा। अनुग्रहाय भगवान्द्वारपालो बभूव ह

svayaṁ caivā'vasattatra bhaktyā krīto haristadā| anugrahāya bhagavāndvārapālo babhūva ha

Hari, bought over by that devotion, himself dwelt there too; out of grace, the Lord became his very gatekeeper.

Verse 15 (skanda.7.465.15)

दुर्वासाश्चापि भगवानात्रेयो मुनिसत्तमः। अटंस्तीर्थानि मोक्षार्थं मुक्तिक्षेत्रमचिंतयत्

durvāsāścāpi bhagavānātreyo munisattamaḥ| aṭaṁstīrthāni mokṣārthaṁ muktikṣetramaciṁtayat

The blessed Durvasas too, best of sages and son of Atri, while wandering among the tirthas seeking liberation, pondered upon a field of liberation.

Verse 16 (skanda.7.465.16)

एवं चितयमानः स ज्ञानदृष्ट्या महामुनिः। गोमत्या संगमो यत्र चक्रतीर्थेन भो द्विजाः

evaṁ citayamānaḥ sa jñānadṛṣṭyā mahāmuniḥ| gomatyā saṁgamo yatra cakratīrthena bho dvijāḥ

As he thus reflected, that great sage beheld with the eye of knowledge — O brahmins — the place where the Gomati meets the Chakra Tirtha,

Verse 17 (skanda.7.465.17)

तन्मुक्तिक्षेत्रमाज्ञाय गमनाय मतिं दधे। सोतीत्य नगरग्रामानुद्यानानि वनानि च

tanmuktikṣetramājñāya gamanāya matiṁ dadhe| sotītya nagaragrāmānudyānāni vanāni ca

and, recognising that as the field of liberation, resolved to go there. Passing through cities, villages, gardens, and forests,

Verse 18 (skanda.7.465.18)

आनर्त्तविषयं प्राप्य दैत्यभूमिं विवेश ह। निःस्वाध्यायवषट्कारां वेदध्वनिविवर्ज्जिताम्

ānarttaviṣayaṁ prāpya daityabhūmiṁ viveśa ha| niḥsvādhyāyavaṣaṭkārāṁ vedadhvanivivarjjitām

he reached the land of Anarta and entered the territory of the demons, a land devoid of Vedic study and ritual exclamations, bereft of the sound of Vedic recitation,

Verse 19 (skanda.7.465.19)

कुशेन दैत्यराजेन सेवितां पालितां तथा। बहुम्लेच्छ समाकीर्णामधर्मोपार्जकैर्जनैः

kuśena daityarājena sevitāṁ pālitāṁ tathā| bahumleccha samākīrṇāmadharmopārjakairjanaiḥ

served and ruled by the demon-king Kusha, and thronged with many mlecchas and folk who earned their living by unrighteous means.

Verse 20 (skanda.7.465.20)

प्रत्यासन्नामिति ज्ञात्वा चक्रतीर्थमगाद्द्विजः। स्नात्वा च संगमे पुण्ये मोक्ष्येऽहं च कृताह्निकः

pratyāsannāmiti jñātvā cakratīrthamagāddvijaḥ| snātvā ca saṁgame puṇye mokṣye'haṁ ca kṛtāhnikaḥ

Knowing it to be near, the brahmin went towards Chakra Tirtha, thinking: 'Bathing at that sacred confluence and performing my daily rites, I shall attain liberation.'

Verse 21 (skanda.7.465.21)

इति कृत्वा स नियमं ययौ शीघ्रं मुनिस्तदा। स्नात्वा शीघ्रं प्रयास्यामि दैत्यभूमिं विहाय च

iti kṛtvā sa niyamaṁ yayau śīghraṁ munistadā| snātvā śīghraṁ prayāsyāmi daityabhūmiṁ vihāya ca

Having made this resolve, the sage swiftly went on his way, thinking: 'Having bathed quickly, I shall leave this land of the demons.'

Verse 22 (skanda.7.465.22)

इत्येवं चिंतयन्मार्गे शीघ्रमेव जगाम सः। दृष्ट्वा च संगमं पुण्यं गोमत्या सागरस्य च

ityevaṁ ciṁtayanmārge śīghrameva jagāma saḥ| dṛṣṭvā ca saṁgamaṁ puṇyaṁ gomatyā sāgarasya ca

Thinking thus, he hurried along the road, and beheld the sacred confluence of the Gomati and the ocean.

Verse 23 (skanda.7.465.23)

निधाय वाससी तत्र मृदमालभ्य गोमयम्। शिखां च बद्ध्वा करयोः कृत्वा च नियतः कुशान्

nidhāya vāsasī tatra mṛdamālabhya gomayam| śikhāṁ ca baddhvā karayoḥ kṛtvā ca niyataḥ kuśān

Setting aside his garments there, touching clay and cow-dung, binding up his topknot, and duly taking kusha grass in his hands,

Verse 24 (skanda.7.465.24)

यावत्स्नाति च विप्रोऽसौ दृष्टो दैत्यैर्दुरात्मभिः। ब्रुवंतः कोऽयमित्येवं हन्यतांहन्यतामिति

yāvatsnāti ca vipro'sau dṛṣṭo daityairdurātmabhiḥ| bruvaṁtaḥ ko'yamityevaṁ hanyatāṁhanyatāmiti

Even as that brahmin began to bathe, he was spotted by the evil-natured demons, who cried out, 'Who is this? Kill him, kill him!'

Verse 25 (skanda.7.465.25)

अस्माभिः पालिते देशे कः स्नाति मनुजाधमः। ब्रुवंत इति जघ्नुस्ते जानुभिर्मुष्टिभिस्तथा

asmābhiḥ pālite deśe kaḥ snāti manujādhamaḥ| bruvaṁta iti jaghnuste jānubhirmuṣṭibhistathā

'What lowly man dares bathe in this land protected by us?' — saying this, they beat him with their knees and fists.

Verse 26 (skanda.7.465.26)

ब्राह्मणोऽहं न हंतव्यः श्रुत्वा चाऽतीव पीडितः। तं दृष्ट्वा हन्यमानं तु ब्राह्मणं तैर्दुरात्मभिः

brāhmaṇo'haṁ na haṁtavyaḥ śrutvā cā'tīva pīḍitaḥ| taṁ dṛṣṭvā hanyamānaṁ tu brāhmaṇaṁ tairdurātmabhiḥ

'I am a brahmin, I should not be slain' — hearing this, they only tormented him further. Seeing that brahmin being beaten by those wicked souls,

Verse 27 (skanda.7.465.27)

निवारयामास च तान्रुरुर्नाम महासुरः। जगृहुस्तस्य वस्त्राणि कुशांस्ते चिक्षिपुर्जले

nivārayāmāsa ca tānrururnāma mahāsuraḥ| jagṛhustasya vastrāṇi kuśāṁste cikṣipurjale

the great demon named Ruru attempted to restrain them. They seized his garments and flung his kusha grass into the water.

Verse 28 (skanda.7.465.28)

चकर्षुश्चरणौ गृह्य शपंतो दुष्टचेतसः। पदे गृहीत्वा तमृषिं नीत्वा सीम्नि व्यसर्जयन्

cakarṣuścaraṇau gṛhya śapaṁto duṣṭacetasaḥ| pade gṛhītvā tamṛṣiṁ nītvā sīmni vyasarjayan

Those evil-hearted ones, cursing him, seized his feet and dragged him; gripping the sage by the feet, they hauled him to the boundary and cast him there.

Verse 29 (skanda.7.465.29)

तं तदा मूर्छितप्रायं दृष्ट्वोचुः कुपिताश्च ते। अत्रागतो यदि पुनर्हनिष्यामो न संशयः। आनर्त्तविषयांस्तान्वै दृष्ट्वा तत्र जलाशयम्

taṁ tadā mūrchitaprāyaṁ dṛṣṭvocuḥ kupitāśca te| atrāgato yadi punarhaniṣyāmo na saṁśayaḥ| ānarttaviṣayāṁstānvai dṛṣṭvā tatra jalāśayam

Seeing him nearly fainted, those enraged demons declared, 'If he comes here again, we shall surely kill him' — and having witnessed those denizens of Anarta and that pool,

Verse 30 (skanda.7.465.30)

प्राणसंशयमापन्नस्ततश्चिंतापरोऽभवत्। शप्येहं यदि दैतेयांस्तपसः किं व्ययेन मे

prāṇasaṁśayamāpannastataściṁtāparo'bhavat| śapyehaṁ yadi daiteyāṁstapasaḥ kiṁ vyayena me

Realising his life to be in peril, he fell into anxious thought: 'If I curse these demons, it will only be a waste of my austerities.'

Verse 31 (skanda.7.465.31)

अथवा नियमभ्रष्टस्त्यक्ष्ये चेदं कलेवरम्। मम पक्षं च कः कुर्य्यात्को मे दास्यति जीवितम्

athavā niyamabhraṣṭastyakṣye cedaṁ kalevaram| mama pakṣaṁ ca kaḥ kuryyātko me dāsyati jīvitam

Or else, my observance broken, I should simply abandon this body. Who will take my side? Who will grant me life?

Verse 32 (skanda.7.465.32)

चक्रतीर्थे च कः स्नानं कारयिष्यति मामिह। को वा दैत्यगणानेताञ्छक्तो जेतुं महामृधे। तं विना पुण्डरीकाक्षं भक्तानामभयप्रदम्

cakratīrthe ca kaḥ snānaṁ kārayiṣyati māmiha| ko vā daityagaṇānetāñchakto jetuṁ mahāmṛdhe| taṁ vinā puṇḍarīkākṣaṁ bhaktānāmabhayapradam

Who here can grant me bathing at Chakra Tirtha? Who is capable of conquering these hosts of demons in mighty battle, save that lotus-eyed one who grants fearlessness to his devotees?

Verse 33 (skanda.7.465.33)

ब्रह्मादीनां च नेतारं शरणागतवत्सलम्। चक्रहस्तं विना मेद्य कोन्यः शर्म्मप्रदो भवेत्

brahmādīnāṁ ca netāraṁ śaraṇāgatavatsalam| cakrahastaṁ vinā medya konyaḥ śarmaprado bhavet

Who else, today, other than that wielder of the discus — leader of even Brahma and the gods, tender towards those who take refuge in him — could grant me comfort?

Verse 34 (skanda.7.465.34)

इति ध्यात्वा च सुचिरं ज्ञात्वा पातालवासि नम्। आत्रेयो विष्णुशरणं जगाम धरणीतलम्

iti dhyātvā ca suciraṁ jñātvā pātālavāsinam| ātreyo viṣṇuśaraṇaṁ jagāma dharaṇītalam

Meditating thus for a long while, and knowing him to dwell in the netherworld, Atreya went to the nether realm, seeking refuge in Vishnu.

Verse 35 (skanda.7.465.35)

उपवासैः कृशो दीनो भूतलं प्रविवेश ह। स दैत्त्यराजभवनं गन्धर्वाप्सरसावृतम्

upavāsaiḥ kṛśo dīno bhūtalaṁ praviveśa ha| sa daityarājabhavanaṁ gandharvāpsarasāvṛtam

Emaciated and wretched from fasting, he entered that place — the demon-king's palace, thronged with gandharvas and apsaras,

Verse 36 (skanda.7.465.36)

शोभितं सुरमुख्येन विष्णुना प्रभविष्णुना। दुर्वासाः प्रविवेशाथ प्रहृष्टेनांतरात्मना

śobhitaṁ suramukhyena viṣṇunā prabhaviṣṇunā| durvāsāḥ praviveśātha prahṛṣṭenāṁtarātmanā

and adorned by the mighty and foremost of gods, Vishnu himself. Durvasas entered there, his inner self filled with joy.

Verse 37 (skanda.7.465.37)

दुर्वाससमथायांतं दृष्ट्वा दैत्यपतिस्तदा। प्रत्युत्थायार्हयांचक्रे स्वासने संन्यवेशयत्

durvāsasamathāyāṁtaṁ dṛṣṭvā daityapatistadā| pratyutthāyārhayāṁcakre svāsane saṁnyaveśayat

Seeing Durvasas approaching, the lord of the demons then rose to honour him and seated him upon his own throne.

Verse 38 (skanda.7.465.38)

मधुपर्कं च गां चैव दत्त्वार्घ्यं पार्श्वतः स्थितः। प्रोवाच प्रणतो ब्रह्मन्कथमत्रागतो भवान्

madhuparkaṁ ca gāṁ caiva dattvārghyaṁ pārśvataḥ sthitaḥ| provāca praṇato brahmankathamatrāgato bhavān

Offering madhuparka, a cow, and water of hospitality, he stood beside him and said humbly, 'O Brahmin, how have you come here?'

Verse 39 (skanda.7.465.39)

सुखोपविष्टः स ऋषिस्तत्रापश्यत्त्रिविक्रमम्। दैत्येन्द्रद्वारदेशे तु तिष्ठन्तमकुतोभयम्

sukhopaviṣṭaḥ sa ṛṣistatrāpaśyattrivikramam| daityendradvāradeśe tu tiṣṭhaṁtamakutobhayam

As the sage sat there comfortably, he saw Trivikrama, standing fearlessly at the doorway of the lord of demons.

Verse 40 (skanda.7.465.40)

तं दृष्ट्वा देवदेवेशं श्रीवत्सांकं चतुर्भुजम्। रुरोद स ऋषिश्रेष्ठस्त्राहित्राहीत्युवाच च

taṁ dṛṣṭvā devadeveśaṁ śrīvatsāṁkaṁ caturbhujam| ruroda sa ṛṣiśreṣṭhastrāhitrāhītyuvāca ca

Seeing that god of gods, four-armed and marked with the Shrivatsa, that best of sages wept and cried out, 'Save me, save me!'

Verse 41 (skanda.7.465.41)

संसारभयभीतानां दुःखितानां जनार्दन। शत्रुभिः परिभूतानां शरणं भव केशव

saṁsārabhayabhītānāṁ duḥkhitānāṁ janārdana| śatrubhiḥ paribhūtānāṁ śaraṇaṁ bhava keśava

O Janardana, be the refuge of those terrified by the fear of worldly existence, of the sorrowful, and of those humiliated by enemies, O Keshava.

Verse 42 (skanda.7.465.42)

मम दुःखाभितप्तस्य शत्रुभिः कर्षितस्य च। पराभूतस्य दीनस्य क्षुधया पीडितस्य च

mama duḥkhābhitaptasya śatrubhiḥ karṣitasya ca| parābhūtasya dīnasya kṣudhayā pīḍitasya ca

I am scorched by sorrow, dragged about by enemies, humiliated, wretched, and afflicted by hunger.

Verse 43 (skanda.7.465.43)

अपूर्णनियमस्याऽथ क्लेशितस्य च दानवैः। ब्रह्मण्यदेव विप्रस्य शरणं भव केशव

apūrṇaniyamasyā'tha kleśitasya ca dānavaiḥ| brahmaṇyadeva viprasya śaraṇaṁ bhava keśava

My vow remains unfulfilled, and I have been tormented by demons; O god who cherishes brahmins, be the refuge of this brahmin, O Keshava.

Verse 44 (skanda.7.465.44)

इत्युक्त्वा दर्शयामास शरीरं दैत्यताडितम्। तद्ब्राह्मणावमानं च दृष्ट्वा चुक्रोध वामनः

ityuktvā darśayāmāsa śarīraṁ daityatāḍitam| tadbrāhmaṇāvamānaṁ ca dṛṣṭvā cukrodha vāmanaḥ

Having said this, he showed his body, battered by the demons. Seeing that insult to the brahmin, Vamana grew angry.

Verse 45 (skanda.7.465.45)

केनापमानितो ब्रह्मन्नियमः केन खण्डितः। कथयस्व महाभाग धर्मपाले मयि स्थिते

kenāpamānito brahmanniyamaḥ kena khaṇḍitaḥ| kathayasva mahābhāga dharmapāle mayi sthite

O Brahmin, who has insulted you, who has broken your vow? Tell me, O blessed one, now that I, the guardian of dharma, am here.

Verse 46 (skanda.7.465.46)

दुर्वासा उवाच। मुक्तितीर्थमहं ज्ञात्वा ज्ञानेन मधुसूदन। चक्रतीर्थं गतः स्नातुं यात्रायां हर्षसंयुतः

durvāsā uvāca| muktitīrthamahaṁ jñātvā jñānena madhusūdana| cakratīrthaṁ gataḥ snātuṁ yātrāyāṁ harṣasaṁyutaḥ

Durvasas said: O Madhusudana, having recognised through knowledge the tirtha of liberation, I journeyed there joyfully to bathe at Chakra Tirtha.

Verse 47 (skanda.7.465.47)

अकृतस्नान एवाऽहं दृष्टो दैत्यैर्दुरासदैः। गले गृहीतः कृष्णाहं मुष्टिभिस्ताडितस्तथा

akṛtasnāna evā'haṁ dṛṣṭo daityairdurāsadaiḥ| gale gṛhītaḥ kṛṣṇāhaṁ muṣṭibhistāḍitastathā

Even before I had bathed, those formidable demons spotted me. O Krishna, I was seized by the throat and beaten with fists.

Verse 48 (skanda.7.465.48)

बलाद्गृहीत्वा वासांसि कुशांश्चैवाक्षतैः सह। जले क्षिप्त्वा चरणयोर्गृहीत्वा मां समाकृषन्

balādgṛhītvā vāsāṁsi kuśāṁścaivākṣataiḥ saha| jale kṣiptvā caraṇayorgṛhītvā māṁ samākṛṣan

They forcibly seized my garments, kusha grass, and unbroken rice and flung them into the water, and, gripping my feet, dragged me about.

Verse 49 (skanda.7.465.49)

सीमांते मां तु प्रक्षिप्य प्रोचुस्ते दानवाधमाः। हनिष्यामो यदि पुनरागंतासि न संशयः

sīmāṁte māṁ tu prakṣipya procuste dānavādhamāḥ| haniṣyāmo yadi punarāgaṁtāsi na saṁśayaḥ

Casting me to the boundary's edge, those vile demons said, 'If you come again, we shall surely kill you.'

Verse 50 (skanda.7.465.50)

स्नातोऽहं चक्रतीर्थे तु करिष्ये भोजनं विभो। तस्मात्स्नापय गोविंद नियमं सफलं कुरु

snāto'haṁ cakratīrthe tu kariṣye bhojanaṁ vibho| tasmātsnāpaya goviṁda niyamaṁ saphalaṁ kuru

O Lord, having bathed at Chakra Tirtha, I shall take my meal. Therefore, O Govinda, grant me that bathing, and fulfil my vow.

Verse 51 (skanda.7.465.51)

तव प्रसादात्स्नात्वाऽहं भुक्त्वा च प्रीतमानसः। प्रतिज्ञां सफलां कृत्वा विचरिष्ये महीमिमाम्

tava prasādātsnātvā'haṁ bhuktvā ca prītamānasaḥ| pratijñāṁ saphalāṁ kṛtvā vicariṣye mahīmimām

By your grace, having bathed and eaten, with a contented mind and my vow fulfilled, I shall wander over this earth.