The Story of Dilipa: Destruction of the Adamantine Sin-Stain by the Mere Sight of a Dvaraka Pilgrim

Verse 1 (skanda.7.481.1)

श्रीप्रह्लाद उवाच । एवमद्भुतमाहात्म्यं द्वारकायां मुनीश्वराः । सर्वेषां क्षेत्रतीर्थानां महापापविदारकम् ॥ १ ॥

śrīprahlāda uvāca | evamadbhutamāhātmyaṁ dvārakāyāṁ munīśvarāḥ | sarveṣāṁ kṣetratīrthānāṁ mahāpāpavidārakam || 1 ||

Shri Prahlada said: O lords of sages, thus this wondrous glory of Dvaraka is the destroyer of the great sins pertaining to all fields and sacred fords.

Verse 2 (skanda.7.481.2)

वर्णानामाश्रमाणां च पतितानां विशेषतः । महापापहरं प्रोक्तं महापुण्यविवर्द्धनम् ॥ २ ॥

varṇānāmāśramāṇāṁ ca patitānāṁ viśeṣataḥ | mahāpāpaharaṁ proktaṁ mahāpuṇyavivardhanam || 2 ||

It is declared to remove the great sins of the varnas, the ashramas, and especially of the fallen, and to increase great merit.

Verse 3 (skanda.7.481.3)

अत्युग्रपापराशीनां दाहस्थानं यथा स्मृतम् । द्वारकागमनं विप्राः किं पुनर्द्वारकास्थितिः ॥ ३ ॥

atyugrapāparāśīnāṁ dāhasthānaṁ yathā smṛtam | dvārakāgamanaṁ viprāḥ kiṁ punardvārakāsthitiḥ || 3 ||

It is remembered as the place where the most terrible heaps of sin are consumed. O brahmins, this is merely from going to Dvaraka — what then of dwelling there!

Verse 4 (skanda.7.481.4)

विशेषेण तु विप्रेन्द्राः कन्याराशिस्थिते गुरौ । ब्रह्मादयोपि दृश्यंते यत्र तीर्थैश्च संयुताः ॥ ४ ॥

viśeṣeṇa tu viprendrāḥ kanyārāśisthite gurau | brahmādayo'pi dṛśyaṁte yatra tīrthaiśca saṁyutāḥ || 4 ||

O foremost of brahmins, especially when Jupiter is in Virgo, even Brahma and the others are seen there, together with the sacred fords.

Verse 5 (skanda.7.481.5)

प्रतिवर्षं प्रकुर्वंति द्वारकागमनं नराः । तेषां पादरजः स्पृष्ट्वा दिवं यांति च पापिनः ॥ ५ ॥

prativarṣaṁ prakurvaṁti dvārakāgamanaṁ narāḥ | teṣāṁ pādarajaḥ spṛṣṭvā divaṁ yāṁti ca pāpinaḥ || 5 ||

Men who journey to Dvaraka every year — even sinners, by touching the dust of their feet, go to heaven.

Verse 6 (skanda.7.481.6)

गोमती नीरपूतानां कृष्णवक्त्रावलोकिनाम् । दर्शनात्पातकं तेषां याति जन्मशतार्जितम् ॥ ६ ॥

gomatī nīrapūtānāṁ kṛṣṇavaktrāvalokinām | darśanātpātakaṁ teṣāṁ yāti janmaśatārjitam || 6 ||

Of those purified by the waters of the Gomati and beholding the face of Krishna — by the mere sight of them, sin accumulated over a hundred births departs.

Verse 7 (skanda.7.481.7)

इतिहासेन पूर्वोक्तं श्रूयतां मुनिपुङ्गवाः । दिलीपवसिष्ठ संवादे परमाश्चर्य्यवर्द्धनम् ॥ ७ ॥

itihāsena pūrvoktaṁ śrūyatāṁ munipuṁgavāḥ | dilīpavasiṣṭha saṁvāde paramāścaryavardhanam || 7 ||

O foremost of sages, hear the ancient legend spoken of old, in the dialogue between Dilipa and Vasishtha, which increases the greatest wonder.

Verse 8 (skanda.7.481.8)

काश्यां तु वज्रलेपो हि क्षेत्र एकत्र नश्यति । यातुर्दर्शनतः श्रुत्वा दिलीपो वाक्यमब्रवीत् ॥ ८ ॥

kāśyāṁ tu vajralepo hi kṣetra ekatra naśyati | yāturdarśanataḥ śrutvā dilīpo vākyamabravīt || 8 ||

The adamantine sin-stain incurred at Kashi is destroyed by the sight of a single field — hearing this account from the traveler, Dilipa spoke these words.

Verse 9 (skanda.7.481.9)

दिलीप उवाच । वज्रलेपश्च काश्यां तु घोरो यत्र विनश्यति । कृत्स्नशोऽथ महापुण्यं प्राप्यं यत्र तदस्ति किम् ॥ ९ ॥

dilīpa uvāca | vajralepaśca kāśyāṁ tu ghoro yatra vinaśyati | kṛtsnaśo'tha mahāpuṇyaṁ prāpyaṁ yatra tadasti kim || 9 ||

Dilipa said: What is that place where the terrible adamantine sin-stain incurred at Kashi is utterly destroyed, and where great merit is to be obtained?

Verse 10 (skanda.7.481.10)

न प्ररोहंति पापानि यस्मिन्क्षेत्रे द्विजोत्तम । तत्क्षेत्रं कथ्यतां पुण्यं यत्र पापं प्रणश्यति ॥ १० ॥

na prarohaṁti pāpāni yasminkṣetre dvijottama | tatkṣetraṁ kathyatāṁ puṇyaṁ yatra pāpaṁ praṇaśyati || 10 ||

O best of brahmins, tell me of that sacred field where sins do not sprout, where sin is utterly destroyed.

Verse 11 (skanda.7.481.11)

वसिष्ठ उवाच । आसीत्काश्यां पुरा कश्चित्त्रिदण्डी मोक्षधर्मवित् । जपन्दशाश्वमेधे तु गायत्रीं च समाहितः ॥ ११ ॥

vasiṣṭha uvāca | āsītkāśyāṁ purā kaścittridaṇḍī mokṣadharmavit | japandaśāśvamedhe tu gāyatrīṁ ca samāhitaḥ || 11 ||

Vasishtha said: Once in Kashi there lived a triple-staffed ascetic, versed in the dharma of liberation, who, deeply absorbed, recited the Gayatri at Dashashvamedha ghat.

Verse 12 (skanda.7.481.12)

तत्र काचित्समायाता युवती गजगामिनी । तीरे संस्थाप्य वासांसि गंगायाः श्रमशान्तये । प्रविष्टा च जले नग्ना जलक्रीडां चकार ह ॥ १२ ॥

tatra kācitsamāyātā yuvatī gajagāminī | tīre saṁsthāpya vāsāṁsi gaṁgāyāḥ śramaśāṁtaye | praviṣṭā ca jale nagnā jalakrīḍāṁ cakāra ha || 12 ||

There came a certain young woman of elephantine gait, who, to relieve her weariness, left her garments on the bank of the Ganga, entered the water naked, and began to sport in it.

Verse 13 (skanda.7.481.13)

नग्नां तां क्रीडतीं वीक्ष्य यतिर्मदनपूरितः । दैवाग्निभ्रंशितो मार्गात्सहसा च विमोहितः ॥ १३ ॥

nagnāṁ tāṁ krīḍatīṁ vīkṣya yatirmadanapūritaḥ | daivāgnibhraṁśito mārgātsahasā ca vimohitaḥ || 13 ||

Beholding her sporting naked, the ascetic was filled with passion; by an unlucky turn of fate he fell from his path and was suddenly bewildered.

Verse 14 (skanda.7.481.14)

मनसा कामयामास साऽपि तं तरुणं यतिम् । तयोश्च संगतिस्तत्र संजाता पापकर्मणोः ॥ १४ ॥

manasā kāmayāmāsa sā'pi taṁ taruṇaṁ yatim | tayośca saṁgatistatra saṁjātā pāpakarmaṇoḥ || 14 ||

She too, in her mind, desired that young ascetic. And there arose a union between the two, both guilty of sinful deeds.

Verse 15 (skanda.7.481.15)

तया विमोहितः सद्यस्तामेवानुससार सः । तत्प्रीत्यै चार्जयामास धनमन्यायतस्तदा ॥ १५ ॥

tayā vimohitaḥ sadyastāmevānusasāra saḥ | tatprītyai cārjayāmāsa dhanamanyāyatastadā || 15 ||

Bewitched by her, he at once followed after her, and to please her he began to earn wealth by unjust means.

Verse 16 (skanda.7.481.16)

वाराणस्यां हि न त्यक्तश्चंडालस्य प्रतिग्रहः । स्नानहीनः सदा पापी रात्रौ चौर्य्येण वर्त्तते ॥ १६ ॥

vārāṇasyāṁ hi na tyaktaścaṁḍālasya pratigrahaḥ | snānahīnaḥ sadā pāpī rātrau cauryeṇa varttate || 16 ||

In Varanasi he did not refuse even gifts from an outcaste. Neglecting his ablutions, ever sinful, he began to live by theft at night.

Verse 17 (skanda.7.481.17)

कस्मिंश्चित्समये पापी मांसार्थी तु वनं गतः । ददर्श प्रमदां तत्र मातंगीं मदिरेक्षणाम् ॥ १७ ॥

kasmiṁścitsamaye pāpī māṁsārthī tu vanaṁ gataḥ | dadarśa pramadāṁ tatra mātaṁgīṁ madirekṣaṇām || 17 ||

At one time that sinner went into the forest desiring meat, and there saw a woman of the outcaste tribe with intoxicating eyes.

Verse 18 (skanda.7.481.18)

तस्याः प्रथमतारुण्यं दृष्ट्वा गर्वेण पाप्मना । वनेऽथ निर्जने तत्र मातंगीसंगमेयिवान् ॥ १८ ॥

tasyāḥ prathamataruṇyaṁ dṛṣṭvā garveṇa pāpmanā | vane'tha nirjane tatra mātaṁgīsaṁgameyivān || 18 ||

Beholding her first bloom of youth, with pride and sinfulness he, there in that lonely forest, united himself with the outcaste woman.

Verse 19 (skanda.7.481.19)

तया सहान्नपानादि कृतवान्पापमोहितः । अश्नाति सुरया पंकं गोमांसं पापलंपटः ॥ १९ ॥

tayā sahānnapānādi kṛtavānpāpamohitaḥ | aśnāti surayā paṁkaṁ gomāṁsaṁ pāpalaṁpaṭaḥ || 19 ||

Deluded by sin, he took food and drink together with her. Addicted to sin, he began to eat forbidden filth and beef along with liquor.

Verse 20 (skanda.7.481.20)

तद्गृहे निधनं प्राप्तः पापात्मा सर्वभक्षकः । वाराणसीप्रभावेन न प्राप्तो नरकं तदा ॥ २० ॥

tadgṛhe nidhanaṁ prāptaḥ pāpātmā sarvabhakṣakaḥ | vārāṇasīprabhāvena na prāpto narakaṁ tadā || 20 ||

That sinful soul, an eater of everything, met his death in her house. Yet by the power of Varanasi, he did not then attain hell.

Verse 21 (skanda.7.481.21)

किं तु तत्र कृतं पापं वज्रलेपं सुदारुणम् । शूद्रीसंपर्क पापेन जातोऽसौ क्रूरयोनिषु ॥ २१ ॥

kiṁ tu tatra kṛtaṁ pāpaṁ vajralepaṁ sudāruṇam | śūdrīsaṁparka pāpena jāto'sau krūrayoniṣu || 21 ||

But the sin he committed there became a most terrible adamantine stain. Through the sin of union with a low-born woman, he was born among cruel species.

Verse 22 (skanda.7.481.22)

वृको व्याघ्रोरगः श्वानः शृगालः सूकरोऽभवत् । दुरंतां यातनां प्राप्तः शमलेशं न विन्दति ॥ २२ ॥

vṛko vyāghrorgaḥ śvānaḥ śṛgālaḥ sūkaro'bhavat | duraṁtāṁ yātanāṁ prāptaḥ śamaleśaṁ na vindati || 22 ||

He became a wolf, a tiger, a serpent, a dog, a jackal, and a boar. Though he suffered endless torment, not the slightest trace of his defilement diminished.

Verse 23 (skanda.7.481.23)

एवं जन्मसहस्रैस्तु न तस्य पापकर्मणः । मातंग्या संगजं पापं व्यनश्यत युगायुतैः ॥ २३ ॥

evaṁ janmasahasraistu na tasya pāpakarmaṇaḥ | mātaṁgyā saṁgajaṁ pāpaṁ vyanaśyata yugāyutaiḥ || 23 ||

Thus, through a thousand births of that sinful doer, the sin born of union with the outcaste woman did not perish even over ten thousand ages.

Verse 24 (skanda.7.481.24)

ततोऽसौ सप्तमे जातः शशकश्चैव जन्मनि । ततोऽसौ राक्षसो जातः पापात्मा सर्वभक्षकः ॥ २४ ॥

tato'sau saptame jātaḥ śaśakaścaiva janmani | tato'sau rākṣaso jātaḥ pāpātmā sarvabhakṣakaḥ || 24 ||

Then, in his seventh birth, he became a hare. Thereafter, that sinful soul was born as an all-devouring demon.

Verse 25 (skanda.7.481.25)

प्राणिनो भक्षयन्सर्वान्संप्राप्तो विंध्यपर्वते । अस्मादनन्तरं भाव्यं कृकलासत्वमद्भुतम् ॥ २५ ॥

prāṇino bhakṣayansarvānsaṁprāpto viṁdhyaparvate | asmādanaṁtaraṁ bhāvyaṁ kṛkalāsatvamadbhutam || 25 ||

Devouring all living creatures, he reached the Vindhya mountain. After this, a wondrous lizard-birth awaited him.

Verse 26 (skanda.7.481.26)

शूद्रीसंगजपापेन भाव्यं च कृमियोनिना । मातंगीसंगमे प्रोक्तं फलं ह्यतिजुगुप्सितम् ॥ २६ ॥

śūdrīsaṁgajapāpena bhāvyaṁ ca kṛmiyoninā | mātaṁgīsaṁgame proktaṁ phalaṁ hyatijugupsitam || 26 ||

Through the sin born of union with the low-born woman, a worm-birth too awaited him — such is declared to be the utterly detestable fruit of union with an outcaste woman.

Verse 27 (skanda.7.481.27)

युगायुतं सहस्रैस्तु भोक्ष्यमाणं सुदारुणम् । अत्याश्चर्य्यमभूत्तत्र दिलीप श्रूयतां महत् ॥ २७ ॥

yugāyutaṁ sahasraistu bhokṣyamāṇaṁ sudāruṇam | atyāścaryamabhūttatra dilīpa śrūyatāṁ mahat || 27 ||

For ten thousand ages, through a thousand births, he was to endure this most terrible fruit. O Dilipa, then a great wonder occurred there — listen.

Verse 28 (skanda.7.481.28)

आलोकितं च विंध्याद्रौ सर्वेषां विस्मयास्पदम् । दृष्ट्वा द्वारावतीं कश्चित्कृष्णवक्त्रं सुशोभनम् ॥ २८ ॥

ālokitaṁ ca viṁdhyādrau sarveṣāṁ vismayāspadam | dṛṣṭvā dvārāvatīṁ kaścitkṛṣṇavaktraṁ suśobhanam || 28 ||

On the Vindhya mountain there appeared a thing to astonish all — a certain man had beheld the glorious Dvaravati and the beautiful face of Krishna.

Verse 29 (skanda.7.481.29)

गोमतीनीरपूतस्तु विंध्यं प्राप्तः स पांथिकः । मात्रां कृष्णप्रसादस्य स्कन्धे कृत्वा प्रहर्षितः ॥ २९ ॥

gomatīnīrapūtastu viṁdhyaṁ prāptaḥ sa pāṁthikaḥ | mātrāṁ kṛṣṇaprasādasya skandhe kṛtvā praharṣitaḥ || 29 ||

That traveler, purified by the waters of the Gomati, arrived at the Vindhya mountain, greatly delighted, carrying upon his shoulder a portion of Krishna's grace-offering.

Verse 30 (skanda.7.481.30)

प्रयास्यन्स्वगृहं तत्र ददर्श पथि राक्षसम् । द्रुतं च क्रूरकर्माणं दृष्ट्वा भक्षितुमागतम् ॥ ३० ॥

prayāsyansvagṛhaṁ tatra dadarśa pathi rākṣasam | drutaṁ ca krūrakarmāṇaṁ dṛṣṭvā bhakṣitumāgatam || 30 ||

As he was journeying toward his home, he saw on the path a demon, of cruel deeds, who was seen rushing swiftly to devour him.

Verse 31 (skanda.7.481.31)

तस्य दर्शनमात्रेण वज्रलेपः सुदारुणः । वाराणसीसमुद्भूतो भस्मसादभवत्क्षणात् ॥ ३१ ॥

tasya darśanamātreṇa vajralepaḥ sudāruṇaḥ | vārāṇasīsamudbhūto bhasmasādabhavatkṣaṇāt || 31 ||

By the mere sight of him, that most terrible adamantine stain incurred at Varanasi was reduced to ashes in an instant.

Verse 32 (skanda.7.481.32)

जन्मकोटिशतेनापि यो न शक्यो व्यपोहितुम् । तत्पापपर्वतान्मुक्तः कृष्णपांथिकदर्शनात् ॥ ३२ ॥

janmakoṭiśatenāpi yo na śakyo vyapohitum | tatpāpaparvatānmuktaḥ kṛṣṇapāṁthikadarśanāt || 32 ||

That which could not be removed even in a hundred crore births — from that mountain of sin he was freed by the mere sight of Krishna's traveler.

Verse 33 (skanda.7.481.33)

दग्धेऽथ क्रूरभावे तु घनमुक्तो यथा शशी । रेजे पुण्यप्रकाशेन कृष्णपांथिकदर्शनात् ॥ ३३ ॥

dagdhe'tha krūrabhāve tu ghanamukto yathā śaśī | reje puṇyaprakāśena kṛṣṇapāṁthikadarśanāt || 33 ||

When his cruel nature was consumed, like the moon freed from clouds, he too shone forth with the sacred radiance born of the sight of Krishna's traveler.

Verse 34 (skanda.7.481.34)

ततोऽभिमुखमभ्येत्य द्वारकापथिकं मुदा । ननाम श्रद्धया भूमौ तद्दर्शनमहोत्सवः ॥ ३४ ॥

tato'bhimukhamabhyetya dvārakāpathikaṁ mudā | nanāma śraddhayā bhūmau taddarśanamahotsavaḥ || 34 ||

Then he approached the traveler of Dvaraka with joy and bowed to the ground with reverence — it was a great festival of beholding him.

Verse 35 (skanda.7.481.35)

नत्वाऽथ विस्मितः प्राह अहोऽद्य तव दर्शनात् । गतो घोरतमो भावः प्राप्ता संसिद्धिरुत्तमा ॥ ३५ ॥

natvā'tha vismitaḥ prāha aho'dya tava darśanāt | gato ghoratamo bhāvaḥ prāptā saṁsiddhiruttamā || 35 ||

Having bowed, astonished, he said: "Ah, today by your sight my most dreadful state has departed, and I have attained supreme accomplishment.

Verse 36 (skanda.7.481.36)

कस्मात्त्वमागतो भद्र प्रभावः कीदृशस्तव । वज्रलेपस्तु काश्यां वै दग्धस्ते दर्शनादनु ॥ ३६ ॥

kasmāttvamāgato bhadra prabhāvaḥ kīdṛśastava | vajralepastu kāśyāṁ vai dagdhaste darśanādanu || 36 ||

From where have you come, O gracious one? What is your power? For the adamantine stain incurred at Kashi was consumed right after your sight."

Verse 37 (skanda.7.481.37)

वसिष्ठ उवाच । इत्येवं राक्षसेनोक्तं श्रुत्वा कृष्णस्य पांथिकः । विस्मयं परमापन्नः प्राह तं हर्षमानसः ॥ ३७ ॥

vasiṣṭha uvāca | ityevaṁ rākṣasenoktaṁ śrutvā kṛṣṇasya pāṁthikaḥ | vismayaṁ paramāpannaḥ prāha taṁ harṣamānasaḥ || 37 ||

Vasishtha said: Hearing this spoken by the demon, Krishna's traveler was struck with supreme wonder and, with a joyful heart, spoke to him.

Verse 38 (skanda.7.481.38)

पांथिक उवाच । श्रीमद्द्वारवतीं दृष्ट्वा ह्यागतोऽस्म्यत्र राक्षस । वज्रलेपहरोऽस्माकं प्रभावः कृष्णदर्शनात् ॥ ३८ ॥

pāṁthika uvāca | śrīmaddvāravatīṁ dṛṣṭvā hyāgato'smyatra rākṣasa | vajralepaharo'smākaṁ prabhāvaḥ kṛṣṇadarśanāt || 38 ||

The traveler said: O demon, I have come here after beholding the glorious Dvaravati. This power of ours to destroy the adamantine stain comes only from the sight of Krishna.

Verse 39 (skanda.7.481.39)

गोमत्यां यः सकृत्स्नात्वा पश्येत्कृष्णमुखांबुजम् । सर्वानुद्धरते पापादपि त्रैलोक्यदाहकात् ॥ ३९ ॥

gomatyāṁ yaḥ sakṛtsnātvā paśyetkṛṣṇamukhāṁbujam | sarvānuddharate pāpādapi trailokyadāhakāt || 39 ||

Whoever, having bathed even once in the Gomati, beholds the lotus face of Krishna, is delivered entirely even from sin capable of scorching the three worlds.

Verse 40 (skanda.7.481.40)

वसिष्ठ उवाच । इत्युक्तो राक्षसो हृष्टः शुद्धात्मा भक्तिसंयुतः । नत्वा प्रदक्षिणं कृत्वा संप्राप्तो द्वारकां तदा ॥ ४० ॥

vasiṣṭha uvāca | ityukto rākṣaso hṛṣṭaḥ śuddhātmā bhaktisaṁyutaḥ | natvā pradakṣiṇaṁ kṛtvā saṁprāpto dvārakāṁ tadā || 40 ||

Vasishtha said: Thus addressed, the demon, delighted, with a purified soul and filled with devotion, having bowed and circumambulated, then reached Dvaraka.

Verse 41 (skanda.7.481.41)

गोमत्यां स तनुं त्यक्त्वा प्राप्तोऽसौ वैष्णवं पदम् । स्तूयमानः सुरेशानैर्गंधर्वैः पुष्पवृष्टिभिः ॥ ४१ ॥

gomatyāṁ sa tanuṁ tyaktvā prāpto'sau vaiṣṇavaṁ padam | stūyamānaḥ sureśānairgaṁdharvaiḥ puṣpavṛṣṭibhiḥ || 41 ||

Casting off his body in the Gomati, he attained the abode of Vishnu, being praised by the lords of the gods and the gandharvas, and honored with a shower of flowers.

Verse 42 (skanda.7.481.42)

इत्थं महाप्रभावो हि द्वारकायाः प्रकीर्त्तितः । न प्ररोहंति पापानि यस्याः पांथिकदर्शनात् । द्वारकायां तु किं वाच्यं न प्ररोहंति पातकम् ॥ ४२ ॥

itthaṁ mahāprabhāvo hi dvārakāyāḥ prakīrttitaḥ | na prarohaṁti pāpāni yasyāḥ pāṁthikadarśanāt | dvārakāyāṁ tu kiṁ vācyaṁ na prarohaṁti pātakam || 42 ||

Thus is proclaimed the great power of Dvaraka — by the mere sight of whose traveler sins do not sprout; what then need be said of Dvaraka itself, where sins do not sprout at all!

Verse 43 (skanda.7.481.43)

इत्येतत्कथितं राजन्यत्पृष्टोऽहं त्वयाऽनघ । सर्वक्षेत्रोत्तमं क्षेत्रं वज्रलेपविनाशनम् ॥ ४३ ॥

ityetatkathitaṁ rājanyatpṛṣṭo'haṁ tvayā'nagha | sarvakṣetrottamaṁ kṣetraṁ vajralepavināśanam || 43 ||

O sinless king, thus has been told all that you asked of me — that field, supreme among all fields, which destroys the adamantine stain, is Dvaraka.

Verse 44 (skanda.7.481.44)

श्रीप्रह्लाद उवाच । वसिष्ठेनोदितं श्रुत्वा दिलीपो हृष्टमानसः । द्वारकां क्षेत्रराजं तं ज्ञात्वा च विस्मयं ययौ ॥ ४४ ॥

śrīprahlāda uvāca | vasiṣṭhenoditaṁ śrutvā dilīpo hṛṣṭamānasaḥ | dvārakāṁ kṣetrarājaṁ taṁ jñātvā ca vismayaṁ yayau || 44 ||

Shri Prahlada said: Hearing this account spoken by Vasishtha, Dilipa, his heart delighted, and knowing Dvaraka to be that king of fields, was filled with wonder.

Verse 45 (skanda.7.481.45)

ययौ द्वारवतीं हृष्टो देवदेवस्य सादरम् । कृष्णं दृष्ट्वा परां सिद्धिं संप्राप्तो देवमंदिरे ॥ ४५ ॥

yayau dvāravatīṁ hṛṣṭo devadevasya sādaram | kṛṣṇaṁ dṛṣṭvā parāṁ siddhiṁ saṁprāpto devamaṁdire || 45 ||

Rejoicing, he went with reverence to Dvaravati, the city of the God of gods, and, beholding Krishna, attained supreme accomplishment in that divine temple.