The Glory of the Discus-Marked Stones of Dvaraka

Verse 1 (skanda.7.484.1)

श्रीप्रह्लाद उवाच । कृष्णकृष्णेति कृष्णेति श्वपचो जागरन्निशि । जपेदपि कलौ नित्यं कृष्णरूपी भवेद्धि सः ॥ १ ॥

śrīprahlāda uvāca | kṛṣṇakṛṣṇeti kṛṣṇeti śvapaco jāgaranniśi | japedapi kalau nityaṁ kṛṣṇarūpī bhaveddhi saḥ || 1 ||

Shri Prahlada said: If even an outcaste, keeping vigil at night, chants "Krishna, Krishna, Krishna" daily in the Kali age, he indeed becomes of the very form of Krishna.

Verse 2 (skanda.7.484.2)

कृष्णकृष्णेति कृष्णेति कलौ वदत्यहर्निशम् । नित्यं यज्ञायुतं पुण्यं तीर्थकोटिसमुद्भवम् ॥ २ ॥

kṛṣṇakṛṣṇeti kṛṣṇeti kalau vadatyaharniśam | nityaṁ yajñāyutaṁ puṇyaṁ tīrthakoṭisamudbhavam || 2 ||

He who says "Krishna, Krishna, Krishna" day and night in the Kali age obtains daily the merit of ten thousand sacrifices and the merit born of a crore sacred fords.

Verse 3 (skanda.7.484.3)

संपूर्णैकादशी भूत्वा द्वादश्यां वर्द्धते यदि । उन्मीलिनीति विख्याता तिथीनामुत्तमा तिथिः ॥ ३ ॥

saṁpūrṇaikādaśī bhūtvā dvādaśyāṁ varddhate yadi | unmīlinīti vikhyātā tithīnāmuttamā tithiḥ || 3 ||

If a full Ekadashi extends further into the Dvadashi, it is renowned as "Unmilini" — declared to be the best among the tithis.

Verse 4 (skanda.7.484.4)

वंजुलीवासरे ये वै रात्रौ कुर्वंति जागरम् । यज्ञायुतायुतं पुण्यं मुहूर्तार्द्धेन जायते ॥ ४ ॥

vaṁjulīvāsare ye vai rātrau kurvaṁti jāgaram | yajñāyutāyutaṁ puṇyaṁ muhūrtārddhena jāyate || 4 ||

Those who keep vigil at night on the day of Vanjuli obtain, in but half a muhurta, the merit of ten thousand times ten thousand sacrifices.

Verse 5 (skanda.7.484.5)

संपूर्णा द्वादशी भूत्वा वर्द्धते चापरे दिने । त्रयोदश्यां मुनिश्रेष्ठा वंजुली दुर्ल्लभा कलौ ॥ ५ ॥

saṁpūrṇā dvādaśī bhūtvā varddhate cāpare dine | trayodaśyāṁ muniśreṣṭhā vaṁjulī durllabhā kalau || 5 ||

O foremost of sages, when a full Dvadashi extends further into the following Trayodashi day, that Vanjuli tithi is rare in the Kali age.

Verse 6 (skanda.7.484.6)

उन्मीलिनीमनुप्राप्य ये प्रकुर्वंति जागरम् । निमिषार्द्धेन तत्पुण्यं गवां कोटिफलप्रदम् ॥ ६ ॥

unmīlinīmanuprāpya ye prakurvaṁti jāgaram | nimiṣārddhena tatpuṇyaṁ gavāṁ koṭiphalapradam || 6 ||

Those who, obtaining the Unmilini tithi, keep vigil, obtain in but half a moment merit equal in fruit to the gift of a crore cows.

Verse 7 (skanda.7.484.7)

संपूर्णैकादशी भूत्वा प्रत्यहं वर्द्धते यदि । दर्शश्च पौर्णमासी च पक्षवृद्धिस्तथोच्यते ॥ ७ ॥

saṁpūrṇaikādaśī bhūtvā pratyahaṁ varddhate yadi | darśaśca paurṇamāsī ca pakṣavṛddhistathocyate || 7 ||

If a full Ekadashi keeps extending day by day, and the new-moon and full-moon days likewise extend, this is termed "pakshavriddhi" (fortnight-extension).

Verse 8 (skanda.7.484.8)

पक्षवृद्धिकरीं प्राप्य ये प्रकुर्वंति जागरम् । निमिषार्द्धार्द्धमात्रेण गवां कोटिफलप्रदम् ॥ ८ ॥

pakṣavṛddhikarīṁ prāpya ye prakurvaṁti jāgaram | nimiṣārddhārddhamātreṇa gavāṁ koṭiphalapradam || 8 ||

Those who, obtaining the fortnight-extending tithi, keep vigil, obtain, in but a quarter of a moment, merit equal in fruit to the gift of a crore cows.

Verse 9 (skanda.7.484.9)

श्रीप्रह्लाद उवाच । चक्रतीर्थे नरः स्नात्वा मुच्यते सर्वकिल्बिषैः । स याति परमं स्थानं दाहप्रलयवर्जितम् ॥ ९ ॥

śrīprahlāda uvāca | cakratīrthe naraḥ snātvā mucyate sarvakilbiṣaiḥ | sa yāti paramaṁ sthānaṁ dāhapralayavarjitam || 9 ||

Shri Prahlada said: Bathing in Chakra-tirtha, a man is freed from all sins, and he attains the supreme abode, free from burning and dissolution.

Verse 10 (skanda.7.484.10)

चक्रं प्रक्षालितं यत्र कृष्णेन स्वयमेव हि । तेन वै चक्रतीर्थं हि पुण्यं च परमं हरेः । भवंति तत्र पाषाणाश्चक्रांका मुक्तिदायकाः ॥ १० ॥

cakraṁ prakṣālitaṁ yatra kṛṣṇena svayameva hi | tena vai cakratīrthaṁ hi puṇyaṁ ca paramaṁ hareḥ | bhavaṁti tatra pāṣāṇāścakrāṁkā muktidāyakāḥ || 10 ||

Where Krishna Himself washed His discus — for that reason that Chakra-tirtha is Hari's supreme sacred place. There the stones, marked with the discus, become granters of liberation.

Verse 11 (skanda.7.484.11)

तत्रैव यदि लभ्यंते चक्रैर्द्वादशभिः सह । द्वादशात्मा स विज्ञेयो मोक्षदः परिकीर्तितः ॥ ११ ॥

tatraiva yadi labhyaṁte cakrairdvādaśabhiḥ saha | dvādaśātmā sa vijñeyo mokṣadaḥ parikīrtitaḥ || 11 ||

If there, indeed, a stone is found together with twelve discus-marks, it should be known as "Dvadashatma" (twelve-fold self), declared to bestow liberation.

Verse 12 (skanda.7.484.12)

एकचक्रेण पाषाणो द्वारवत्यां सुशोभनः । सुदर्शनाभिधेयोऽसौ मोक्षैकफलदायकः ॥ १२ ॥

ekacakreṇa pāṣāṇo dvāravatyāṁ suśobhanaḥ | sudarśanābhidheyo'sau mokṣaikaphaladāyakaḥ || 12 ||

In Dvaravati, a beautiful stone bearing a single discus-mark is known by the name "Sudarshana," bestowing the sole fruit of liberation.

Verse 13 (skanda.7.484.13)

लक्ष्मीनारायणौ द्वौ तौ भुक्तिमुक्तिफलप्रदौ । त्रिभिश्चैवाच्युतं देवं सदेन्द्रपददायकम् ॥ १३ ॥

lakṣmīnārāyaṇau dvau tau bhuktimuktiphalapradau | tribhiścaivācyutaṁ devaṁ sadendrapadadāyakam || 13 ||

A stone with two discus-marks is Lakshmi-Narayana, bestowing both enjoyment and liberation. One with three is the god Achyuta, granting the position of Indra along with it.

Verse 14 (skanda.7.484.14)

भूतिदो विघ्नहंता च चतुश्चक्रो जनार्द्दनः । पञ्चभिर्वासुदेवस्तु जन्ममृत्युभयापहः ॥ १४ ॥

bhūtido vighnahaṁtā ca catuścakro janārddanaḥ | pañcabhirvāsudevastu janmamṛtyubhayāpahaḥ || 14 ||

One with four discus-marks is Janardana, the bestower of prosperity and the destroyer of obstacles. One with five is Vasudeva, who removes the fear of birth and death.

Verse 15 (skanda.7.484.15)

प्रद्युम्नः षड्भिरेवासौ लक्ष्मीं कांतिं ददाति च । सप्तभिर्बलदेवस्तु गोत्रकीर्तिविवर्द्धनः ॥ १५ ॥

pradyumnaḥ ṣaḍbhirevāsau lakṣmīṁ kāṁtiṁ dadāti ca | saptabhirbaladevastu gotrakīrtivivarddhanaḥ || 15 ||

One with six discus-marks is Pradyumna, who grants prosperity and beauty. One with seven is Baladeva, who increases the fame of one's lineage.

Verse 16 (skanda.7.484.16)

वांछितं चाष्टभिर्भक्त्या ददाति पुरुषोत्तमः । सर्वं दद्यान्नवव्यूहो दुर्ल्लभो यः सुरोत्तमैः ॥ १६ ॥

vāṁchitaṁ cāṣṭabhirbhaktyā dadāti puruṣottamaḥ | sarvaṁ dadyānnavavyūho durllabho yaḥ surottamaiḥ || 16 ||

One with eight discus-marks is Purushottama, who grants the desired wish through devotion. The nine-fold form, rare even for the greatest gods, bestows everything.

Verse 17 (skanda.7.484.17)

राज्यप्रदो दशभिस्तु दशावतार एव च । एकादशभिरैश्वर्य्यमनिरुद्धः प्रयच्छति ॥ १७ ॥

rājyaprado daśabhistu daśāvatāra eva ca | ekādaśabhiraiśvaryamaniruddhaḥ prayacchati || 17 ||

One with ten discus-marks is the form of the ten avataras, bestowing sovereignty. One with eleven is Aniruddha, who grants lordship.

Verse 18 (skanda.7.484.18)

निर्वाणं द्वादशात्मा तु चक्रैर्द्वादशभिः स्मृतम् । अत ऊर्ध्वमनंतोऽसौ सौख्यमोक्षप्रदायकः ॥ १८ ॥

nirvāṇaṁ dvādaśātmā tu cakrairdvādaśabhiḥ smṛtam | ata ūrdhvamanaṁto'sau saukhyamokṣapradāyakaḥ || 18 ||

The twelve-marked "Dvadashatma" form is remembered as granting Nirvana. Beyond this, that form is Ananta, the bestower of both happiness and liberation.

Verse 19 (skanda.7.484.19)

ये केचित्तत्र पाषाणाः कृष्णचक्रेण मुद्रिताः । तेषां स्पर्शनमात्रेण मुच्यते सर्वकिल्बिषैः ॥ १९ ॥

ye kecittatra pāṣāṇāḥ kṛṣṇacakreṇa mudritāḥ | teṣāṁ sparśanamātreṇa mucyate sarvakilbiṣaiḥ || 19 ||

Whatever stones there are marked with Krishna's discus — by the mere touch of them a man is freed from all sins.

Verse 20 (skanda.7.484.20)

ब्रह्महत्यादिकं पापं मनोवाक्कायकर्मजम् । तत्सर्वं विलयं याति चक्रांकितप्रपूजनात् ॥ २० ॥

brahmahatyādikaṁ pāpaṁ manovākkāyakarmajam | tatsarvaṁ vilayaṁ yāti cakrāṁkitaprapūjanāt || 20 ||

Sins such as the killing of a brahmin, and those born of deeds of mind, speech and body — all of these dissolve through the worship of the discus-marked stone.

Verse 21 (skanda.7.484.21)

म्लेच्छदेशे शुभे वाऽपि चक्रांको यत्र तिष्ठति । योजनानि दश द्वे च मम क्षेत्रं च सुन्दरि ॥ २१ ॥

mlecchadeśe śubhe vā'pi cakrāṁko yatra tiṣṭhati | yojanāni daśa dve ca mama kṣetraṁ ca sundari || 21 ||

Whether in a barbarian land or in an auspicious one, wherever the discus-mark is present, O beauty, my field extends there for twelve yojanas.

Verse 22 (skanda.7.484.22)

मृत्युकाले च संप्राप्ते हृदये यस्तु धारयेत् । चक्राकं पापदलनं स याति परमां गतिम् ॥ २२ ॥

mṛtyukāle ca saṁprāpte hṛdaye yastu dhārayet | cakrākaṁ pāpadalanaṁ sa yāti paramāṁ gatim || 22 ||

When the time of death arrives, whoever bears upon his heart the discus-shaped mark that destroys sin attains the supreme goal.

Verse 23 (skanda.7.484.23)

गोमतीसंगमे स्नात्वा भृगुतीर्थे तथैव च । न मातुर्वसते कुक्षौ यद्यपि स्यात्स पातकी ॥ २३ ॥

gomatīsaṁgame snātvā bhṛgutīrthe tathaiva ca | na māturvasate kukṣau yadyapi syātsa pātakī || 23 ||

Having bathed at the confluence of the Gomati and likewise at Bhrigu-tirtha, even though he may be a great sinner, he does not again dwell in a mother's womb.

Verse 24 (skanda.7.484.24)

तामसं राजसं वापि यत्कृतं विष्णुपूजनम् । तत्सात्त्विकत्वमभ्येति निम्नगांभो यथार्णवे ॥ २४ ॥

tāmasaṁ rājasaṁ vāpi yatkṛtaṁ viṣṇupūjanam | tatsāttvikatvamabhyeti nimnagāṁbho yathārṇave || 24 ||

Even the worship of Vishnu performed in a mode of ignorance or passion attains a state of purity there, just as the water flowing downward merges into the ocean.