The Glory of the Vigil at Chakra-tirtha on the Bank of the Gomati

Verse 1 (skanda.7.485.1)

श्रीप्रह्लाद उवाच । द्वारकायाश्च माहात्म्यं शृणु पौत्र मयोदितम् । शृण्वतो गदतश्चापि मुक्तिः कृष्णाद्भवेद्ध्रुवम् ॥ १ ॥

śrīprahlāda uvāca | dvārakāyāśca māhātmyaṁ śṛṇu pautra mayoditam | śṛṇvato gadataścāpi muktiḥ kṛṣṇādbhaveddhruvam || 1 ||

Shri Prahlada said: O grandson, hear the glory of Dvaraka as spoken by me. Both the hearer and the speaker certainly attain liberation from Krishna.

Verse 2 (skanda.7.485.2)

पुत्रेण लोकाञ्जयति पौत्रेणानन्त्यमश्नुते । अथ पुत्रस्य पौत्रेण नाकमेवाधिरोहति ॥ २ ॥

putreṇa lokāñjayati pautreṇānantyamaśnute | atha putrasya pautreṇa nākamevādhirohati || 2 ||

Through a son, a man conquers the worlds; through a grandson, he attains endlessness; and through his son's grandson, he ascends to heaven itself.

Verse 3 (skanda.7.485.3)

यस्य पुत्रः शुचिर्दक्षः पूर्वे वयसि धार्मिकः । विष्णुभक्तिं च कुरुते तं पुत्रं कवयो विदुः ॥ ३ ॥

yasya putraḥ śucirdakṣaḥ pūrve vayasi dhārmikaḥ | viṣṇubhaktiṁ ca kurute taṁ putraṁ kavayo viduḥ || 3 ||

He whose son is pure, capable, righteous from early age, and devoted to Vishnu — that son the wise know as a true son.

Verse 4 (skanda.7.485.4)

हेमशृंगं रौप्यखुरं सवत्सं कांस्यदोहनम् । सवस्त्रं कपिलानां तु सहस्रं च दिनेदिने ॥ ४ ॥

hemaśṛṅgaṁ raupyakhuraṁ savatsaṁ kāṁsyadoham | savastraṁ kapilānāṁ tu sahasraṁ ca dinedine || 4 ||

With horns of gold, hooves of silver, together with a calf, a bronze milking-vessel, and cloth-covering — a thousand tawny cows, given daily,

Verse 5 (skanda.7.485.5)

दत्त्वा यत्फलमाप्नोति ब्राह्मणे वेदपारगे । तत्फलं स्नानमात्रेण गोमत्यां मधुभिद्दिने ॥ ५ ॥

dattvā yatphalamāpnoti brāhmaṇe vedapārage | tatphalaṁ snānamātreṇa gomatyāṁ madhubhiddine || 5 ||

The fruit obtained by giving these to a brahmin versed in the Vedas is obtained by mere bathing in the Gomati on the day of Madhusudana's Dvadashi.

Verse 6 (skanda.7.485.6)

यस्त्वेकं भोजयेद्विप्रं द्वारकायां च संस्थितम् । सुभिक्षे भो द्विजश्रेष्ठाः फलं लक्षगुणं भवेत् ॥ ६ ॥

yastvekaṁ bhojayedvipraṁ dvārakāyāṁ ca saṁsthitam | subhikṣe bho dvijaśreṣṭhāḥ phalaṁ lakṣaguṇaṁ bhavet || 6 ||

O best of brahmins, whoever feeds even a single brahmin while residing in Dvaraka, in times of abundance, obtains a hundred-thousandfold fruit.

Verse 7 (skanda.7.485.7)

फलं लक्षगुणं प्रोक्तं दुर्भिक्षे कृष्णसन्निधौ । एवं धर्मानुसारेण दयाद्भिक्षां तु भिक्षुके ॥ ७ ॥

phalaṁ lakṣaguṇaṁ proktaṁ durbhikṣe kṛṣṇasannidhau | evaṁ dharmānusāreṇa dayādbhikṣāṁ tu bhikṣuke || 7 ||

In times of famine, in the presence of Krishna, its fruit is declared to be a hundred-thousandfold. Thus, according to dharma, alms should be given with compassion to a beggar.

Verse 8 (skanda.7.485.8)

अपि नः स कुले कश्चिद्भविष्यति नरोत्तमः । यो यतीनां कलौ प्राप्ते पितॄनुद्दिश्य दास्यति ॥ ८ ॥

api naḥ sa kule kaścidbhaviṣyati narottamaḥ | yo yatīnāṁ kalau prāpte pitṝnuddiśya dāsyati || 8 ||

Will there ever be, in our lineage, some excellent man who, when the Kali age arrives, will give gifts to ascetics for the sake of his ancestors?

Verse 9 (skanda.7.485.9)

द्वारकायां विशेषेण सत्कृत्य कृष्णसन्निधौ । अन्नदानं यतीनां तु कौपीनाच्छादनानि च ॥ ९ ॥

dvārakāyāṁ viśeṣeṇa satkṛtya kṛṣṇasannidhau | annadānaṁ yatīnāṁ tu kaupīnācchādanāni ca || 9 ||

Especially in Dvaraka, in the presence of Krishna, with honor, giving food and loincloth-garments to ascetics?

Verse 10 (skanda.7.485.10)

नात्मनः क्रतुभिः स्विष्टैर्नास्ति तीर्थैः प्रयोजनम् । यत्र वा तत्र वा कार्य्यं यतीनां प्रीणनं सदा ॥ १० ॥

nātmanaḥ kratubhiḥ sviṣṭairnāsti tīrthaiḥ prayojanam | yatra vā tatra vā kāryaṁ yatīnāṁ prīṇanaṁ sadā || 10 ||

There is no special need for sacrifices well-performed by oneself, nor for sacred fords. Wherever one may be, the gratification of ascetics is ever to be practiced.

Verse 11 (skanda.7.485.11)

श्वपचादयोऽपि ते धन्या ये गता द्वारकां पुरीम् । प्राप्य भागवतान्ये वै पितॄनुद्दिश्य पुत्रकाः ॥ ११ ॥

śvapacādayo'pi te dhanyā ye gatā dvārakāṁ purīm | prāpya bhāgavatānye vai pitṝnuddiśya putrakāḥ || 11 ||

Even outcastes are blessed if they have gone to the city of Dvaraka, and sons, having reached there, dedicating their offering to their ancestors, honor the Bhagavatas,

Verse 12 (skanda.7.485.12)

भक्त्या संपूजयिष्यंति वस्त्रैर्दानैश्च भूरिभिः ॥ १२ ॥

bhaktyā saṁpūjayiṣyaṁti vastrairdānaiśca bhūribhiḥ || 12 ||

with devotion, worshipping them with garments and abundant gifts.

Verse 13 (skanda.7.485.13)

गयापिंडेन नास्माकं तृप्तिर्भवति तादृशी । यादृशी विष्णुभक्तानां सत्कारेणोपजायते ॥ १३ ॥

gayāpiṇḍena nāsmākaṁ tṛptirbhavati tādṛśī | yādṛśī viṣṇubhaktānāṁ satkāreṇopajāyate || 13 ||

We do not obtain such satisfaction from the offering of rice-balls at Gaya as arises from the honoring of Vishnu's devotees.

Verse 14 (skanda.7.485.14)

वैशाखे ये करिष्यंति द्वादशीं कृष्णसन्निधौ । कृष्णं संपूजयन्तश्च रात्रौ कुर्वंति जागरम् ॥ १४ ॥

vaiśākhe ye kariṣyaṁti dvādaśīṁ kṛṣṇasannidhau | kṛṣṇaṁ saṁpūjayaṁtaśca rātrau kurvaṁti jāgaram || 14 ||

Those who, in the month of Vaishakha, observe the Dvadashi in the presence of Krishna, worshipping Krishna and keeping vigil through the night,

Verse 15 (skanda.7.485.15)

माहात्म्यं पठनीयं तु द्वारकासंभवं शुभम् । कृष्णस्य बालचरितं बालकृष्णादिदर्शनम् ॥ १५ ॥

māhātmyaṁ paṭhanīyaṁ tu dvārakāsaṁbhavaṁ śubham | kṛṣṇasya bālacaritaṁ bālakṛṣṇādidarśanam || 15 ||

They should recite the auspicious glory born of Dvaraka, the childhood exploits of Krishna, the vision of the child Krishna and the like,

Verse 16 (skanda.7.485.16)

क्रीडनं गोकुलस्यैव क्रीडा गोपीजनस्य च । कृष्णावतारकर्माणि श्रोतव्यानि पुनःपुनः ॥ १६ ॥

krīḍanaṁ gokulasyaiva krīḍā gopījanasya ca | kṛṣṇāvatārakarmāṇi śrotavyāni punaḥpunaḥ || 16 ||

The sports of Gokula, the sports of the cowherd maidens, and the deeds of Krishna's incarnation should be heard again and again.

Verse 17 (skanda.7.485.17)

रुक्मशृंगीं रौप्यखुरीं मुक्तालांगूलभूषिताम् । सवत्सां ब्राह्मणे दत्त्वा होमार्थं चाहिताग्नये ॥ १७ ॥

rukmaśṛṅgīṁ raupyakhurīṁ muktālāṁgūlabhūṣitām | savatsāṁ brāhmaṇe dattvā homārthaṁ cāhitāgnaye || 17 ||

Giving a cow with golden horns, silver hooves, a tail adorned with pearls, together with her calf, for the fire-sacrifice, to a brahmin who maintains the sacred fire,

Verse 18 (skanda.7.485.18)

निमिषस्पर्शनांशेन फलं कृष्णस्य जागरे । यत्किंचित्कुरुते पापं कोटिजन्मसु मानवः । कृष्णस्य जागरे रात्रौ दहते नात्र संशयः ॥ १८ ॥

nimiṣasparśanāṁśena phalaṁ kṛṣṇasya jāgare | yatkiṁcitkurute pāpaṁ koṭijanmasu mānavaḥ | kṛṣṇasya jāgare rātrau dahate nātra saṁśayaḥ || 18 ||

In Krishna's vigil, even the fruit of a momentary touch is obtained. Whatever sin a man commits over a crore of births is, without doubt, burnt away during the night of Krishna's vigil.

Verse 19 (skanda.7.485.19)

पठेद्भागवतं रात्रौ पुराणं दयितं हरेः । यावत्सूर्य्यकृताऽऽलोको यावच्चन्द्रकृता निशा ॥ १९ ॥

paṭhedbhāgavataṁ rātrau purāṇaṁ dayitaṁ hareḥ | yāvatsūryakṛtāloko yāvaccandrakṛtā niśā || 19 ||

One should recite the Bhagavata Purana at night, the scripture dear to Hari. As long as the sun creates daylight and the moon creates the night,

Verse 20 (skanda.7.485.20)

यावत्ससागरा पृथ्वी यावच्च कुलपर्वताः । तावत्कालं वसेत्स्वर्गे नान्यथा मम भाषितम् ॥ २० ॥

yāvatsasāgarā pṛthvī yāvacca kulaparvatāḥ | tāvatkālaṁ vasetsvarge nānyathā mama bhāṣitam || 20 ||

As long as the earth exists with its oceans, and as long as the principal mountains exist, for that long he dwells in heaven — this word of mine is not otherwise.

Verse 21 (skanda.7.485.21)

आस्फोटयंति पितरः प्रहर्षंति पितामहाः । एवं तं स्वसुतं दृष्ट्वा शृण्वानं कृष्णसंभवम् ॥ २१ ॥

āsphoṭayaṁti pitaraḥ praharṣaṁti pitāmahāḥ | evaṁ taṁ svasutaṁ dṛṣṭvā śṛṇvānaṁ kṛṣṇasaṁbhavam || 21 ||

The ancestors leap for joy, the forefathers rejoice — seeing their own son thus listening to the narrative born of Krishna.

Verse 22 (skanda.7.485.22)

द्वारकायाश्च माहात्म्यं यत्र नो जागरे पठेत् । तन्म्लेच्छसदृशं स्थानमपवित्रं परित्यजेत् ॥ २२ ॥

dvārakāyāśca māhātmyaṁ yatra no jāgare paṭhet | tanmlecchasadṛśaṁ sthānamapavitraṁ parityajet || 22 ||

The place where the glory of Dvaraka is not recited during the vigil — that place, being like that of a barbarian, impure, should be abandoned.

Verse 23 (skanda.7.485.23)

शालिग्रामशिला नैव यत्र भागवता न हि । त्यजेत्तीर्थं महापुण्यं पुण्यमायतनं त्यजेत् ॥ २३ ॥

śāligrāmaśilā naiva yatra bhāgavatā na hi | tyajettīrthaṁ mahāpuṇyaṁ puṇyamāyatanaṁ tyajet || 23 ||

Where there is no Shaligrama stone, and where there are no devotees of Bhagavata — even that greatly sacred ford should be forsaken, that sacred abode should be forsaken.

Verse 24 (skanda.7.485.24)

त्यजेद्गुह्यं तथाऽरण्यं यत्र न द्वादशीव्रतम् ॥ २४ ॥

tyajedguhyaṁ tathā'raṇyaṁ yatra na dvādaśīvratam || 24 ||

One should also forsake that cave or forest where the Dvadashi vow is not observed.

Verse 25 (skanda.7.485.25)

सुदेशोऽपि भवेन्निंद्यो यत्र नो वैष्णवा व्रतम् । कुदेशोऽपि भवेत्पुण्यो यत्र भागवताः कलौ ॥ २५ ॥

sudeśo'pi bhavennindyo yatra no vaiṣṇavā vratam | kudeśo'pi bhavetpuṇyo yatra bhāgavatāḥ kalau || 25 ||

Even a good land becomes contemptible if the Vaishnava vow is absent there. Even a bad land becomes sacred, in the Kali age, if devotees of Bhagavata are there.

Verse 26 (skanda.7.485.26)

संकीर्णयोनयः पूता ये भक्ता मधुसूदने । म्लेच्छतुल्याः कुलीनास्ते ये न भक्ता जनार्दने ॥ २६ ॥

saṁkīrṇayonayaḥ pūtā ye bhaktā madhusūdane | mlecchatulyāḥ kulīnāste ye na bhaktā janārdane || 26 ||

Those born of mixed origin are pure if they are devotees of Madhusudana. The highborn are equal to barbarians if they are not devoted to Janardana.

Verse 27 (skanda.7.485.27)

रथारूढं प्रकुर्वंति ये कृष्णं मधुमाधवे । मुक्तिं प्रयांति ते सर्वे कुलकोटिसमन्विताः ॥ २७ ॥

rathārūḍhaṁ prakurvaṁti ye kṛṣṇaṁ madhumādhave | muktiṁ prayāṁti te sarve kulakoṭisamanvitāḥ || 27 ||

Those who, in the month of Madhu-Madhava (Chaitra), place Krishna upon a chariot — all of them attain liberation, together with a crore of their lineage.

Verse 28 (skanda.7.485.28)

देवकीनन्दनस्यार्थे रथं कारापयन्ति ये । कल्पांतं विष्णुलोके ते वसन्ति पितृभिः सह ॥ २८ ॥

devakīnandanasyārthe rathaṁ kārāpayaṁti ye | kalpāṁtaṁ viṣṇuloke te vasaṁti pitṛbhiḥ saha || 28 ||

Those who commission a chariot for the son of Devaki dwell in the world of Vishnu, together with their ancestors, until the end of the age.

Verse 29 (skanda.7.485.29)

द्वारकायास्तु माहात्म्यं श्रावयेद्यः कलौ नृणाम् । भावमुत्पादयेद्यो वै लभेत्क्रतुशतं फलम् ॥ २९ ॥

dvārakāyāstu māhātmyaṁ śrāvayedyaḥ kalau nṛṇām | bhāvamutpādayedyo vai labhetkratuśataṁ phalam || 29 ||

Whoever, in the Kali age, causes men to hear the glory of Dvaraka, whoever awakens devotion in them, obtains the fruit of a hundred sacrifices.

Verse 30 (skanda.7.485.30)

यो नार्चयति पापिष्ठो देवमन्यत्र गच्छति । कोटिजन्मार्जितं पुण्यं हरते रुक्मिणीपतिः ॥ ३० ॥

yo nārcayati pāpiṣṭho devamanyatra gacchati | koṭijanmārjitaṁ puṇyaṁ harate rukmiṇīpatiḥ || 30 ||

The most sinful man who does not worship, and goes elsewhere in search of a deity, has the merit accumulated over a crore of births taken away by the Lord of Rukmini.

Verse 31 (skanda.7.485.31)

शंखोद्धारसमुद्भूतां नित्यं देहे बिभर्त्ति हि । मृत्तिकां दैत्यराजेन्द्र शृणु वक्ष्यामि यत्फलम् ॥ ३१ ॥

śaṅkhoddhārasamudbhūtāṁ nityaṁ dehe bibhartti hi | mṛttikāṁ daityarājendra śṛṇu vakṣyāmi yatphalam || 31 ||

O king of the demons, hear the fruit — I shall tell it — of one who constantly bears upon his body the clay sprung from Shankhoddhara.

Verse 32 (skanda.7.485.32)

यो ददाति यतीनां च वैष्णवानां प्रयच्छति । स्वर्णभारशतं पुण्ड्रं नित्यं प्राप्नोति मानवः ॥ ३२ ॥

yo dadāti yatīnāṁ ca vaiṣṇavānāṁ prayacchati | svarṇabhāraśataṁ puṇḍraṁ nityaṁ prāpnoti mānavaḥ || 32 ||

One who gives this to ascetics and offers it to Vaishnavas, that man daily obtains the fruit of the sectarian mark equal to the gift of a hundred loads of gold.

Verse 33 (skanda.7.485.33)

गृहे यस्य सदा तिष्ठेच्छंखोद्धारस्य मृत्तिका । नित्य क्रियाकृतंपुण्यं लभेत्कोटिगुणं बले ॥ ३३ ॥

gṛhe yasya sadā tiṣṭheccchaṁkhoddhārasya mṛttikā | nityakriyākṛtaṁ puṇyaṁ labhetkoṭiguṇaṁ bale || 33 ||

In whose house the clay of Shankhoddhara constantly remains, he obtains the merit of his daily rites a crorefold, O Bali.

Verse 34 (skanda.7.485.34)

यस्य पुण्ड्रं ललाटे तु गोपीचंदनसंज्ञकम् । न जहाति गृहं तस्य लक्ष्मीः कृष्णप्रिया द्विजाः ॥ ३४ ॥

yasya puṇḍraṁ lalāṭe tu gopīcaṁdanasaṁjñakam | na jahāti gṛhaṁ tasya lakṣmīḥ kṛṣṇapriyā dvijāḥ || 34 ||

O brahmins, from the house of him whose forehead bears the mark called Gopichandana, Lakshmi, beloved of Krishna, never departs.

Verse 35 (skanda.7.485.35)

न ग्रहो बाधते तस्य नोरगो न च राक्षसः । पिशाचा न च कूष्मांडा न च प्रेता न जंभकाः ॥ ३५ ॥

na graho bādhate tasya norago na ca rākṣasaḥ | piśācā na ca kūṣmāṁḍā na ca pretā na jaṁbhakāḥ || 35 ||

No planet afflicts him, nor serpent, nor demon; nor goblins, nor kushmandas, nor ghosts, nor jambhakas.

Verse 36 (skanda.7.485.36)

नाग्निचौरभयं तस्य दरीणां चैव बन्धनम् । विद्युदुल्काभयं चैव न चोत्पातसमुद्भवम् ॥ ३६ ॥

nāgnicaurabhayaṁ tasya darīṇāṁ caiva baṁdhanam | vidyudulkābhayaṁ caiva na cotpātasamudbhavam || 36 ||

He has no fear of fire or thieves, nor imprisonment, nor fear of lightning and meteors, nor any fear born of calamity.

Verse 37 (skanda.7.485.37)

नारिष्टं नापशकुनं दुर्निमित्तादिकं च यत् । सत्कृते विष्णुभक्ते च शालिग्रामशिलार्चने ॥ ३७ ॥

nāriṣṭaṁ nāpaśakunaṁ durnimittādikaṁ ca yat | satkṛte viṣṇubhakte ca śāligrāmaśilārcane || 37 ||

No calamitous sign, no ill omen, no adverse portent occurs — for one who honors a devotee of Vishnu, and worships the Shaligrama stone,

Verse 38 (skanda.7.485.38)

पीते पादोदके विप्रा नैवेद्यस्यापि भक्षणे । तुलसीसन्निधौ विष्णोर्विलयावसरे कृते ॥ ३८ ॥

pīte pādodake viprā naivedyasyāpi bhakṣaṇe | tulasīsannidhau viṣṇorvilayāvasare kṛte || 38 ||

O brahmins, in drinking his foot-water, in partaking of his food-offering, and even at the time of dissolution when it occurs near Vishnu's Tulasi — no misfortune occurs.

Verse 39 (skanda.7.485.39)

पुरा देवेन कथितं शृणु पात्रं वदाम्यहम् । प्रिया भागवता येषां तेषां दासोऽस्म्यहं सदा ॥ ३९ ॥

purā devena kathitaṁ śṛṇu pātraṁ vadāmyaham | priyā bhāgavatā yeṣāṁ teṣāṁ dāso'smyahaṁ sadā || 39 ||

Hear what was spoken of old by the Lord; I shall tell it — "Of those to whom the devotees are dear, I am ever the servant."

Verse 40 (skanda.7.485.40)

विहाय मथुरां काशीमवन्तीं सर्वपापहाम् । मायां कांचीमयोध्यां च संप्राप्ते च कलौ युगे ॥ ४० ॥

vihāya mathurāṁ kāśīmavantīṁ sarvapāpahām | māyāṁ kāṁcīmayodhyāṁ ca saṁprāpte ca kalau yuge || 40 ||

Leaving Mathura, Kashi, the sin-destroying Avanti, Maya, Kanchi and Ayodhya, when the Kali age has arrived,

Verse 41 (skanda.7.485.41)

वसाम्यहं द्वारकायां सर्वसेनासमावृतः । तीर्थव्रतैर्यज्ञदानै रुद्राद्यैर्मुनिचारणैः ॥ ४१ ॥

vasāmyahaṁ dvārakāyāṁ sarvasenāsamāvṛtaḥ | tīrthavrataiiryajñadānai rudrādyairmunicāraṇaiḥ || 41 ||

I dwell in Dvaraka, surrounded by all my hosts, together with sacred fords, vows, sacrifices, gifts, Rudra and the other gods, and sages and celestial bards.

Verse 42 (skanda.7.485.42)

श्रद्धात्यागेन भक्त्या वा यस्तोषयितुमिच्छति । गत्वा द्वारवतीं रम्यां द्रष्टव्योऽहं कलौ युगे ॥ ४२ ॥

śraddhātyāgena bhaktyā vā yastoṣayitumicchati | gatvā dvāravatīṁ ramyāṁ draṣṭavyo'haṁ kalau yuge || 42 ||

Whoever wishes to please me through faith, renunciation, or devotion should, in the Kali age, go to the delightful Dvaravati and behold me there.

Verse 43 (skanda.7.485.43)

त्रैलोक्ये यानि तीर्थानि मया शुद्धानि भूरिशः । विन्यस्तानि च गोमत्यां चक्रतीर्थेऽतिपावने ॥ ४३ ॥

trailokye yāni tīrthāni mayā śuddhāni bhūriśaḥ | vinyastāni ca gomatyāṁ cakratīrthe'tipāvane || 43 ||

Whatever sacred fords exist in the three worlds, all of them, thoroughly purified by me, have been deposited in the Gomati, at the most sacred Chakra-tirtha.

Verse 44 (skanda.7.485.44)

दिनेनैकेन गोमत्यां चक्रतीर्थे कलौ युगे । त्रैलोक्यसंभवैस्तीर्थैः स्नातो भवति मानवः ॥ ४४ ॥

dinenaikena gomatyāṁ cakratīrthe kalau yuge | trailokyasaṁbhavaistīrthaiḥ snāto bhavati mānavaḥ || 44 ||

In the Kali age, a man who bathes but a single day in the Gomati at Chakra-tirtha becomes as one who has bathed in all the sacred fords born throughout the three worlds.

Verse 45 (skanda.7.485.45)

कोटिपापविनिर्मुक्तो मत्समं वसते नरः । मम लोके न संदेहः कुलकोटिसमन्वितः ॥ ४५ ॥

koṭipāpavinirmukto matsamaṁ vasate naraḥ | mama loke na saṁdehaḥ kulakoṭisamanvitaḥ || 45 ||

Freed from crores of sins, that man dwells, equal to myself, together with a crore of his lineage, in my world — of this there is no doubt.

Verse 46 (skanda.7.485.46)

नापराधकृतैः पापैर्लिप्तः स्यादुत्कटैः कृतैः । शतजन्मायुतानीह लक्ष्मीर्न च्यवते गृहात् ॥ ४६ ॥

nāparādhakṛtaiḥ pāpairliptaḥ syādutkaṭaiḥ kṛtaiḥ | śatajanmāyutānīha lakṣmīrna cyavate gṛhāt || 46 ||

He is not tainted even by sins arising from offenses committed in violent excess. Here, for hundreds and thousands of births, Lakshmi does not depart from his house.